google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    PAJ TAWG NPAUJ NPAIM TSAWS PAJ NRA NPAUJ NPAIM YA

    Share

    PajYeebNtsa
    Visitor
    Visitor

    Messages : 13
    Date d'inscription : 2011-02-13

    PAJ TAWG NPAUJ NPAIM TSAWS PAJ NRA NPAUJ NPAIM YA

    Post  PajYeebNtsa on 2nd March 2011, 8:38 am

    Kuv muaj ib zaj paj huam kuv nyiam tshaj los tso rau hauv nod ,

    PAJ TAWG NPAUJ NPAIM TSAWS
    PAJ NRA NPAUJ NPAIM YA



    Ab me paj.....
    Thaum koj pib tawg tshiab liab nyob zoo nkauj
    Tsaus ntuj sawv ntxov los muaj me muv thiab npauj
    Thaum koj pib tawg tshiab liab nyob zoo ntsia
    Leej twg pom los xav de coj los hniav
    Xav khaws coj los cia ntsia tsis paub txawj dhuav

    Me paj.....
    Cas wb yuav zoo ib yam tsis muaj txawv
    Thaum kuv tseem yau thiab nej hnub kawm ntawv
    Leej twg kuj ntshaw tuaj tham hais sib tawb
    Qhuas tias kuv zoo lus cev yiag siab dawb.
    Ntuj nis hmoob tus siab coob thiab phem dub
    Thaum kuv laus zuj zus ces koj khiav deb cem ntxub
    Yav thaum ub koj luag ntxhi tuaj hais qhaib
    Kuv hnav phem los koj hais tias zoo saib
    Koj qhaib hais kom kuv kiab tsheej tos koj
    Tos peb xyoo koj mam li tuaj coj
    Coj kuv nrog koj ua ke tas mus li
    Kuv thiaj raug koj khi nyob laus li no
    nyem no koj ho tso muab kuv pov tseg
    Tseg tsis tuaj leg hais qhov koj tuaj qhaib
    koj cem cais faib tias laus tsis phim koj
    Yog vim koj kuv thiaj nyob laus li no
    Cas koj ho tsis tso kuv thaum yau
    Kom kuv muaj chaw dhau tau kev yuav txiv no yuad.....








    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: PAJ TAWG NPAUJ NPAIM TSAWS PAJ NRA NPAUJ NPAIM YA

    Post  koojziagkabzaug on 2nd March 2011, 1:37 pm


    Nyob zoo Pajyeebntsa,

    Wow...! Cas nws yuav txawj hais paj huam ua luaj
    Es kuv twb tsis txawj teb nws cov paj huam ces cia kuv muab zaj nkauj los pij cuam...Kuv tsis txawj teb nws cov lus dhos ces cia kuv muab zaj yas suab rau peb mloog xwb os...Ua tsaug rau nws cov lus zoo...Txawm lub vaj tsev tssi muaj neeg tuaj, los nws lam tuaj nrog peb txhim kom muaj hwj huam...Txawm tsis muaj neeg hla los nws lub siab loj tuaj nrog peb nqa, kom ib hnub peb lub zos nyob ciaj vaj...nawb me viv ncaus.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    PajYeebNtsa
    Visitor
    Visitor

    Messages : 13
    Date d'inscription : 2011-02-13

    Re: PAJ TAWG NPAUJ NPAIM TSAWS PAJ NRA NPAUJ NPAIM YA

    Post  PajYeebNtsa on 27th March 2011, 1:02 pm



    ~~~KUV ME NPLOOJ SIAB~~~
    Kuv me nplooj siab koj yog kuv lub hnub
    Koj ci tuaj kub kuv txhua sij hawm
    Thaum koj pib tawm tim npoo ntuj
    Lub siab quaj zuj zus nco txog koj
    Xav ntsoov txog koj lub suab luag
    Nco thaum kuv puag thiab nyob ze koj
    Nco txog wb txoj kev hlub dhau los
    Nco cov lus mos tias yuav hlub kuv
    Koj hais tias kuv yog tus zoo dua
    Cog lus tsis ua siab phem rau koj

    Kuv me nplooj siab koj yog kuv lub hli
    Koj ci tas li tuaj rau txog kev hlub
    Nco koj txhua hnub txhua hmo tsis ploj
    Nco yav tag koj thiab kuv tham luag ntxhi
    Lub siab quaj dhi nco txog koj tas li
    Tsis muaj dab tsi yuav zoo cuag li koj
    Kuv yuav tsis coj tsis ua siab phem
    Wb kev lom zem tseem yuav loj tuaj
    Nco koj ua luaj li os kuv tus honey
    Cog lus yuav tsis khiav ncaim ntawm koj

    Kuv me nplooj siab koj yog kuv txoj sia
    Thov hais qhia tias kuv hlub koj tshaj
    Yog tias lub paj tseem yuav tawg tuaj
    Thiab kuv tseem muaj txoj siab nyob
    Ces thov koj txhob khiav ncaim mus
    Vm koj yog tus neeg kuv xav hlub
    Kuv yuav hlub hlub tsis muaj hnub dhuav
    Qhia koj tias yuav tsis nrhiav dua tshiab
    Hauv kuv lub siab muag kiag rau koj
    Cog lus rau koj tias kuv hlub koj xwb


    Hmoob nt
    Guest

    kuv kho koj li paj huam rau koj es koj paub txog kev sau paj huam os nawb

    Post  Hmoob nt on 29th May 2011, 10:59 pm


    ~~~KUV ME NPLOOJ SIAB~~~
    Kuv nplooj siab ........koj yog lub hnub
    ci tuaj kub ............txhua lub sij hawm
    koj pib tawm ...........puag tim npoo ntuj
    duab tshav yuj..........ci thoob ntiaj teb
    ua rau peb..............sib tw sawv tuaj
    Lub siab quaj...........seev nco txog koj
    mov tsis noj............yeej tsis nco tshaib
    nco me naib.............tus me ntxim hlub
    duab tshav kub..........ib ce sov so
    nco txog hmo............kuv tuaj ntsib koj
    wb tham zoj.............tej lus qab zib
    koj hais dib............kuv nplooj me plawv
    ntuj yuav lawv..........tus me ntxim nco
    Xav ntsoov nco..........koj lub suab luag
    thaum kuv puag .........thiab nyob ze koj
    Nco wb txoj ............kev hlub dhau los
    cov lus mos ............tias yuav hlub kuv
    yam noog luv............ya mus ua nkawm
    hmoob nkauj ntxawm......ntshe koj hais ntxias
    tau hais tias ..........kuv yog tus zoo dua
    yuav tsis ua............siab phem rau koj
    ua siab loj.............tsis ua sib dub
    mus txog hnub...........tau nyob ua ke
    es koj ne...............puas tseeg kuv thiab
    Kuv nplooj siab ........koj yog lub hli
    nws ntsa ci ............rau txog kev hlub
    Nco txhua hnub .........txhua hmo tsis ploj
    nco thaum koj ..........wb tham luag ntxhi
    siab quaj dhi ..........nco txog tas li
    ntuj tsaus hli..........los nco ib yam
    lub suab tham...........hais seev yuj yees
    tej kev plees...........hais lus luag nyav
    thov txhob xav..........tsis muaj dab tsi
    tej lus ntxhi...........zoo cuag li koj
    yuav tsis coj ..........tsis ua siab phem
    kev lom zem ............tseem yuav loj tuaj
    Nco ua luaj ............os me honey
    yuav tsis tsim..........tej kev mob siab
    yeej tsis ntiab.........kom koj khiav mus
    thov Cog lus ...........yuav tsis khiav koj
    ntawm wb txoj...........me kev sib hlub
    suav txij hnub..........tau cog lus cia
    yam txoj sia............yuav tsis pub tu
    lub suab hu.............koj lub me npe
    nyob ua ke..............mus txog ib txhiab
    Me nplooj siab .........yog kuv txoj sia
    Thov hais qhia .........kuv hlub koj tshaj
    Yam lub paj ............tseem yuav tawg tuaj
    ntab muv quaj...........tos yuav xav ntsauv
    tsis hloov pauv.........mus rau lwm tus
    me leej nus.............siab tsis txhob nyuaj
    kuv tseem muaj .........txoj me siav nyob
    thov koj txhob .........khiav ncaim kuv mus
    koj yog tus ............neeg kuv xav hlub
    yam lub hnub............ci thoob ntiaj teb
    thiaj muab ntxheb.......thiab lo lus qhub
    kuv thov hlub...........tsis muaj hnub dhuav
    yeej tsis yuav .........tsis nrhiav dua tshiab
    kuv lub siab ...........muab kiag rau koj
    cuag me toj.............nyob rau plawv roob
    kho cuag xyoob..........zeb tsua tsis nkoj
    Cog rau koj ............kuv hlub koj xwb
    txhob mob hlwb..........mloog neeg dab ntxias
    tej kev qias............kuv yeej tsis ua
    kev ua qhua.............yeej tsis hloov siab
    qhov tseem ntsiab.......ces hlub koj xwb./.

    MayPaj
    Spammer
    Spammer

    Messages : 490
    Date d'inscription : 2010-02-25

    Re: PAJ TAWG NPAUJ NPAIM TSAWS PAJ NRA NPAUJ NPAIM YA

    Post  MayPaj on 30th May 2011, 2:20 pm

    Hmoob ntuj tshiab, koj mas thiaj yog kws txawj sau pajhuam tiag tiag li os yuam! koj tseem muab tus sister Paj Yeeb Ntsa zaj pajhuam kho tau zoo tshaj qhov qub tuaj lawm, zoo tiag tiag li, thov qhuas koj nawd, zoo dhau li lawm, nod mas thiaj tseem tseem yog sau Pajhuam Hmoob od cheers


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: PAJ TAWG NPAUJ NPAIM TSAWS PAJ NRA NPAUJ NPAIM YA

    Post  Hmong ntuj tshiab on 31st May 2011, 10:51 pm

    PajYeebNtsa wrote:Kuv muaj ib zaj paj huam kuv nyiam tshaj los tso rau hauv nod ,

    PAJ TAWG NPAUJ NPAIM TSAWS
    PAJ NRA NPAUJ NPAIM YA



    Ab me paj.....
    Lub paj tawg ........tshiab nyob zoo nkauj
    ntab muv npauj.......tuaj ntsauv ua npoj
    paj nthuav loj.......tawg mus puv ces
    ntab muv mes.........nyiam tuaj ntsauv ntxais
    nthuav ua nplais.....xav ntsauv ua pawg
    koj pib tawg ........tshiab nyob zoo ntsia
    neeg xav hnia........koj tus me ntxhiab
    rev paj tshiab.......zoo muaj meej mom
    Leej twg pom ........xav ua koj tus
    me leej nus..........tus me ntxim tawb
    plhu mos dawb........cuag me nraug nom
    kuv xav kom..........zoo li lub paj
    de los saj...........ntxim qab tshaj plaws
    ntab muv tsaws.......yeej tsis xav ncaim
    xav nrog nraim.......koj nyob xwb tiag
    qhov tseeb tiag......vim nyiam koj dhau
    lub siab npau........twb tsis zoo qhia
    vim xav hniav........koj tus me ntxhiab
    tsw ntxim siab.......thiaj muab tham zoj
    hais qhia koj........es koj puas paub
    lub suab saub........ceeb laj hais tawm
    Hmoob nkauj ntxawm...muab de los tuav
    tsis paub dhuav......xav nqa tas hnub
    tus ntxim hlub.......thiab tus ntxim nco
    koj wb no............puas xav ib yam
    lub suab tham........nws yeej tsis txawv
    caij kawm ntawv......thaum wb tseem me
    tau ua ke............sib de sib tawb
    koj siab dawb........qhib txoj kev hlub
    tsis siab dub........lo zoo tham txaus
    thaum wb laus........ces koj txav deb
    tej lus ntxheb.......cem kuv ntxim ntxub
    ua siab dub..........hais ub hais no
    kev sib do...........koj muab hais tawm
    cev nkauj ntxawm.....koj noj tsuag tag
    tseem hais dag.......tias kuv tsis zoo
    niaj hnub nroo.......xaiv tau yuam kev
    kuv siab ntev........thiab qi muag nti
    nyob tiv qhi.........yuav tsis khiav tawm
    txawm koj tsawm......cem npaum li cas
    tsis fee das.........ncaim koj lub txaj
    siab tseem npaj......thiab nrog koj nyob
    txhob siab hlob......thov koj muab xav
    yam tus dav..........pheej ya nruab ntug
    siab kub lug.........nrhiav tsiaj tom noj
    hos wb txoj..........me kev niam txiv
    tsis zoo qiv.........pub rau luag sim
    txawm koj chim.......kuv ua siab ntev
    rov los tsev.........wb rov pib dua
    yam nthwv cua........nplawm ntuj ntws tuaj
    wb rov muaj..........txoj me kev hlub
    li thaum ub..........kuv tseem me naib
    koj nyiam saib.......thiab nyiam puag kuv
    niaj hmo ntuv........qab vag tsib taug
    kev nkauj nraug......wb yeej zoo txaus
    neej yav laus........yeej txawv thaum hluas
    lus qhuab ntuas......tsis yog xav cem
    vim koj lem..........taug tsis ncaj kev
    mus lawm ntev........tsis nco tom qab
    poj siab fab.........siab ntsws ntxhov nyho
    thov koj nco.........koj lub cuab yig
    tsam ho lig..........tig tsis tau rov
    thaum tseem ntxov....los wb mam tham
    tsam koj plam........ua yoov ntxuav tes
    thaum ntawd ces......ceeb laj kho tau
    thaum kuv yau........thiab kuv tseem hluas
    koj twb qhuas........tias kuv zoo tshaj
    ntshe koj daj........ntxias muab noj txaus
    khi kuv laus.........ho yuav pov tseg
    ua dev leg...........cem kuv tsis zoo
    niaj hnub tsoo.......kuv tsis ntxim siab
    pheej cem ntiab......kom kuv khiav mus
    koj cov lus..........cem thiab pheej nto
    hnub dhau hmo........tsis paub yuav tsum
    dej qav num..........los yeej tsis pab
    tsuas pom thab.......sib cav sig ceg
    tsis paub tseg.......txhua hnub txhua hmo
    zoo li no............koj nyiam li cas
    txav los mas.........tham kom nkag siab
    qhov tseem ntsiab....tsis yog kuv ntoj
    nws yog koj..........yog tus xub pib
    ntshe koj ntsib......lwm tus zoo dua
    koj thiaj ua.........dev vwm li ntsuav
    rov los rhuav........wb lub me neej
    thiaj tsis tsheej....xws luag lwm tus
    koj pheej mus........mloog luag hais ntxias
    siab yuj lias........xav caum luag qab
    koj pheej npab.......cuag li dev vwm
    koob thiaj tshwm.....nrov thoob teb chaws
    deeg pes daws........cuag lub npoos tawg
    txog thaum kawg......ntshe neej poob qab
    vim koj npab.........lawm tiag koj txiv./


    Last edited by Hmong ntuj tshiab on 4th June 2011, 7:31 pm; edited 5 times in total (Reason for editing : thov muab kho kom zoo nyeem tsis daig xwb os nawb)

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: PAJ TAWG NPAUJ NPAIM TSAWS PAJ NRA NPAUJ NPAIM YA

    Post  koojziagkabzaug on 1st June 2011, 9:59 am



    Nyob zoo Hmoob Ntujtshiab,

    Wow...! Nws mas thiaj li tseem tseem ib tug kws txuj tiag tiag li lauj...Hahahha...! Nws ua rau kuv nco txog "


    Hmoob Ntuj Tshiab,

    Nws twb khwv khwv li khwv los nim ntsia pom nws ib leeg xwb...Nws hauj lwm ntau li ntau los ntsia tag qab ntuj kawg tshuav nws ib leeg thiaj yog tub txawg...Li ntawd xyoo no Teb Chaws Mes Liv Kas tau muab Peb Yawg Hloob Phas Nyas Tub Npis Lis Foom lub meej mom ro tso rau lub sam xeeb "Nco txog txiaj ntsig nom tswv civil Hmoob". Li ntawd kuv xav thov nws pab sau ib zaj paj huam txog Phas Nyas Tub Npis lub neej thiab tes dej num rau kuv tso rau qhov Memorial xyoo 2011 no.

    Thov ua nws tsaug ua ntej.

    Kuv zoo siab heev uas nws tuaj txog peb lub tsev Tshav Ntuj, nim ua rau peb tshav ntuj nrig...Kuv tau cav nws lub moo zoo mus deb deb lawm, hais rau nws paub...



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: PAJ TAWG NPAUJ NPAIM TSAWS PAJ NRA NPAUJ NPAIM YA

    Post  Hmong ntuj tshiab on 1st June 2011, 6:39 pm

    Hmoob nt wrote:
    ~~~KUV ME NPLOOJ SIAB~~~
    Kuv nplooj siab ........uas yog lub hnub
    ci tuaj kub ............txhua lub sij hawm
    koj pib tawm ...........puag tim npoo ntuj
    duab tshav yuj..........ci thoob ntiaj teb
    ua rau peb..............sib tw sawv tuaj
    Lub siab quaj...........seev nco txog koj
    mov tsis noj............yeej tsis nco tshaib
    nco me naib.............tus me ntxim hlub
    duab tshav kub..........ib ce sov so
    nco txog hmo............kuv tuaj ntsib koj
    wb tham zoj.............tej lus qab zib
    koj hais dib............kuv nplooj me plawv
    ntuj yuav lawv..........tus me ntxim nco
    sim neej no.............nco koj ua luaj
    thaum koj tuaj..........nrog kuv txuas lus
    tuav tes mus............tham luag ntxhawv ntxhi
    hmo qaim hli............wb nyob sib zov
    sib xa xov..............txog txoj kev plees
    hais seev yees..........tsis xav tso tseg
    mob tej teg.............cuag plawv yuav nres
    yam tus ntses...........luam dej yuj yeev
    yeej tsis seev..........nco txog leej twg
    me phooj ywg............tus kuv hlub es
    es koj nes..............puas niaj hnub nco
    Xav ntsoov hmo..........wb tau sib cuag
    thaum kuv puag .........thiab nyob ze koj
    Nco wb txoj ............kev hlub dhau los
    tej lus mos ............tias yuav hlub kuv
    yam noog luv............ya mus ua nkawm
    cev nkauj ntxawm......koj tsuas lam ntxias
    dag hais tias ..........kuv ntxim siab dua
    kuv txhob ua............siab phem rau koj
    vim wb txoj.............me kev sib hlub
    tam nkauj hnub..........thiab txiv nraug hli
    nws twb ci..............tuaj mus puv toj
    ua siab loj.............tsis ua sib dub
    kom txog hnub...........tau nyob ua ke
    es koj ne...............puas tseeg kuv thiab
    Kuv nplooj siab ........koj yog lub hli
    nws ntsa ci ............rau txoj kev hlub
    Nco txhua hnub .........txhua hmo tsis ploj
    nco thaum koj ..........wb tham luag ntxhi
    siab quaj dhi ..........nco tag mus li
    ntuj tsaus hli..........los nco ib yam
    lub suab tham...........hais seev yuj yees
    tej kev plees...........hais lus luag nyav
    thov txhob xav..........tsis muaj dab tsi
    tej lus ntxhi...........zoo cuag li koj
    yuav tsis coj ..........lub me siab phem
    nrhiav kev lem..........los quab yuam koj
    thaum tuaj ntoj.........yeej yuav tsis cem
    kev lom zem ............tseem yuav loj tuaj
    Nco ua luaj ............os me honey
    yuav tsis tsim..........tej kev mob siab
    yeej tsis ntiab.........kom koj khiav mus
    thov Cog lus ...........yuav tsis khiav koj
    ntawm wb txoj...........me kev sib hlub
    suav txij hnub..........tau cog lus cia
    yam txoj sia............yuav tsis pub tu
    lub suab hu.............koj lub me npe
    nyob ua ke..............mus txog ib txhiab
    Me nplooj siab .........yog kuv txoj sia
    Thov hais qhia .........kuv hlub koj tshaj
    Yam lub paj ............tseem yuav tawg tuaj
    ntab muv quaj...........yuj ya tos ntsauv
    tsis hloov pauv.........mus rau lwm tus
    me leej nus.............siab tsis txhob nyuaj
    kuv tseem muaj .........txoj me siav nyob
    thov koj txhob .........khiav ncaim kuv mus
    koj yog tus ............neeg kuv xav hlub
    yam lub hnub............ci thoob ntiaj teb
    thiaj muab ntxheb.......hais lo lus qhub
    kuv thov hlub...........tsis muaj hnub dhuav
    yeej tsis yuav .........tsis nrhiav dua tshiab
    kuv lub siab ...........muab kiag rau koj
    cuag me toj.............nyob rau plawv roob
    kho cuag xyoob..........zeb tsua tsis nkoj
    cog rau koj.............nyob mus tag tiam
    tsheej txiv niam........tseem yog koj tus
    tsis ncaim mus..........qhov twg kiag li
    nyob luag ntxhi.........hais lus luag nyav
    kom nws kav.............nyob mus tsis ploj
    Cog rau koj ............cia kuv hlub xwb
    txhob mob hlwb..........mloog neeg dab ntxias
    tej kev qias............kuv yeej tsis ua
    kev ua qhua.............yeej tsis hloov siab
    qhov tseem ntsiab.......hlub koj ib leeg
    yuav tsis ntseeg........luag tej lus dag
    nyob ciaj cag...........nplooj ntsuab li xiab
    paj ntsa iab............txiv nyob nrw hna
    lus koob ncha...........thoob plaws ntiaj teb
    thiaj muab ntxheb.......hais qhia koj xwb
    ./.


    Last edited by Hmong ntuj tshiab on 4th June 2011, 7:30 pm; edited 2 times in total (Reason for editing : thov muab kho kom zoo nyeem tsis daig xwb os nawb)

    Sponsored content

    Re: PAJ TAWG NPAUJ NPAIM TSAWS PAJ NRA NPAUJ NPAIM YA

    Post  Sponsored content Today at 6:44 am


      Current date/time is 11th December 2016, 6:44 am