google-site-verification: googlefbfddf59e706b96b.html

Tsev seev PajHuam

Hmong beauty nature

Compteur visitor

hnub 18/09/2010 los mus

    Kuv yuav mus 2-3 hnub

    Share

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Kuv yuav mus 2-3 hnub

    Post  Hmoob ntuj qub qab on 8th September 2011, 10:20 pm

    koojziagkabzaug wrote:

    Nyob zoo cov phooj ywg,

    Yog tsis pom kuv tuaj no ces nej zov tsev nawb...Ntshe yuav muaj chaw tawm rooj ob peb hnub mam li los.

    Hmoobleejtub,

    Nws kav tsij tuaj sau ua ntej, kuv los txog kuv mam li tuaj dhos duab rau nawb...Hahahah...Hnub no kuv ua huaj lwm ntau zog lawm, mob mob kuv sab xwb pwg lauj li...Thiab mob rau nram duav siv saum toj luaj li lub qe. Ua li yuav zuaj li cas?

    Hmoob ntujqubqab,

    Nws pab tuaj saib tsev nawb...Yog tsis pom kuv tuaj ces nws tuaj cog paj kom vaj tsev tshiab nawb...

    Koojziagkabzaug

    Muaj hauj lwm tawm rooj ces mus os tsam hauj lwm tsis tiav
    leej twg nyob mam cheb vaj cheb tsev thiaj cog paj kom ntsa lis iab , muaj Hmoobleejtub lawm ces tsev yuav tsis sw lawm os.



    hmoobleejtub
    Developer
    Developer

    Messages : 119
    Date d'inscription : 2011-08-31

    Re: Kuv yuav mus 2-3 hnub

    Post  hmoobleejtub on 9th September 2011, 2:53 am

    Koojziagkabzaug,

    muaj hauj lwm kav tsij mus, twb muaj tus brother hmoob ntuj qub qab thiab, wb mam cheb vaj cheb tsev tos tej qhua sawv daws. Ua tsaug rau hmoob ntuj qub qab uas tseem cia siab rau kuv hmoob leej tub thiab.

    Mob mob sab xubpwg lauj, puas yog nws nqa khoom hnyav los yog nws siv nws txhais tes heev dhau thiaj ua rau nws mob. Nws puas tuav riam txuas hlaus los sis cuab yeej ua hauj lwm los yog siv nws cov ntiv tes ntau ntawv ntau dhau. Mob xubpwg lauj zuaj: 1, xuas ntawm nws khib tes rwg qab seb puas mob. 2, xuas ntawm nws khib tes tus ntiv nta thiab tus ntiv taw (point finger) seb puas mob. 3, xuas lub hauv paus ntiv xoo seb puas mob. 4, xuas ntawm puas npab qaum luj tshib seb puas mob. 5, muab nws sab tes xis mus tuav nws qhov caj npab ntug puab xubpwg, nws cov ntiv tes kawg qhov twg, zuaj ntsia rau nws txhais caj npab ntug seb puas mob. 5, muab nws tus ntiv nta sab laug muas nias ntawm xubpwg thiab tus txha caj dab los sib cob ntawd, nias teem rau tus txha caj dab seb puas mob. 5 yam hais los no yuav tsum mob ib qho xwb xwb li. Xuas mob qhov twg lawm ces tuav rawv qhov ntawd li ib ob feeb mam tsum. Yuav tsum zoo xwb, yog nias li hais 5 theem saum noj no los tsis pab thiab, xais ob sab nplooj ntseg seb yog mob sab twg li ntsaum plev los sis koob chob. Mob qhov twg tuav rawv thiab mab mam xuab kom qhov mob ntawd ploj. Tsis li ntawd ces nias ntawm nws tus txha hauv siab uas cov tav los sib cob ncaj nyom mis, nias teem rau tus txha hauv siab, mab mam nias txav nce toj seb mob qhov twg. Tsis li ntawd ces cev tes rau nws lub qab qhov tsos kom cov ntiv tes dhau plaws lub qhov tsos, muab nws cov ntiv tes zuaj thawb nce toj rau saud seb puas mob. Yog mob mab mam thawb tshum thawb tshum rau kom mloog taus ces qhov mob xubpwg yuav ploj.

    koojziagkabzaug
    Moderator
    Moderator

    Messages : 3522
    Date d'inscription : 2010-02-28

    Re: Kuv yuav mus 2-3 hnub

    Post  koojziagkabzaug on 7th December 2011, 4:17 pm



    Nyob zoo tsoom phooj ywg,

    Kuv yuav mus 2-3 hnub, es yog nej leej twg khoom no los ho tuaj pab saib tsev.

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1267
    Date d'inscription : 2010-04-05
    Age : 56
    Localisation : USA

    Re: Kuv yuav mus 2-3 hnub

    Post  koobpovtxuj on 10th February 2012, 4:39 am

    koojziagkabzaug wrote:

    Nyob zoo tsoom phooj ywg,

    Kuv yuav mus 2-3 hnub, es yog nej leej twg khoom no los ho tuaj pab saib tsev.

    Ua tsaug.
    Koojziagkabzaug.
    kuv los ham tsis 1 sij mus 1 zaug 2-3 hnub thiab los kuv li ces kuv tsis nco qab tuaj hais qhia leej twg li as.
    Lwm zaus yog kuv yuav mus qhov twg 2-3 hnub no kuv mam li tuaj hais qhia nej thiab os yom.

    koojziagkabzaug
    Moderator
    Moderator

    Messages : 3522
    Date d'inscription : 2010-02-28

    Re: Kuv yuav mus 2-3 hnub

    Post  koojziagkabzaug on 17th February 2012, 12:20 am



    Nyob zoo cov phooj ywg,

    Kuv yuav mus ob peb hnub, yog nej leej twg tuaj txog no yeej meem ua li yus tsev ntag nawb, los tsev los so, los muab dej haus, muab ntsab ua mov noj thiab pab saib vaj saib tsev. Kuv los kuv mam li tuaj nyeem nej cov zaj tham pem os. Kuv pom nej cov tuaj tshiab coob heev, kuv xav thov nej dag zog los pab saib vaj saib tsev me ntsis thaum kuv tsis xyeej no.

    Thov ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Tub hmoob
    Visitor
    Visitor

    Messages : 28
    Date d'inscription : 2012-01-04
    Localisation : Thov nej txhua tus nyob kaj lug

    Re: Kuv yuav mus 2-3 hnub

    Post  Tub hmoob on 17th February 2012, 3:42 am

    Nyob zoo og kzkz kuv tuaj lawm, kuv mam li zov tsev og, yog koj mus no los mus kiag 2 3 hnub es ho rov tuaj nawb, tshuav peb xwb ces peb tsi tshua tau paub tu vaj tu tsev pes tsawg. Yog nws mus no los mus tsuag tsuag rov los nawb. Thiab thov kom nws mus yog muaj tej yam no ho nqa tuaj tso rau peb paub thiab og.

    koojziagkabzaug
    Moderator
    Moderator

    Messages : 3522
    Date d'inscription : 2010-02-28

    Re: Kuv yuav mus 2-3 hnub

    Post  koojziagkabzaug on 26th April 2012, 11:43 pm


    Cov phooj ywg,

    Kuv yuav mus ob peb hnub, nej tuaj txog no ces los tsev, los haus dej so ib chim nej mam mus nawb. Tuaj txog ces ua li nej tsev, pom txiv hmab txiv ntoo qab vag tsib taug siav, zaub tej qhov twg zoo de noj los yeej meem de mus noj nawb.

    Tij laug XiongChang, nws nyob pab saib tsev thiab tuaj tham nws kev qhuab qhia ua neej, kuv rov los mam li tuaj nyeem. Ua nws tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1267
    Date d'inscription : 2010-04-05
    Age : 56
    Localisation : USA

    Re: Kuv yuav mus 2-3 hnub

    Post  koobpovtxuj on 27th April 2012, 12:01 pm

    koojziagkabzaug wrote:
    Cov phooj ywg,

    Kuv yuav mus ob peb hnub, nej tuaj txog no ces los tsev, los haus dej so ib chim nej mam mus nawb. Tuaj txog ces ua li nej tsev, pom txiv hmab txiv ntoo qab vag tsib taug siav, zaub tej qhov twg zoo de noj los yeej meem de mus noj nawb.

    Tij laug XiongChang, nws nyob pab saib tsev thiab tuaj tham nws kev qhuab qhia ua neej, kuv rov los mam li tuaj nyeem. Ua nws tsaug.
    Koojziagkabzaug'
    kuv tuaj txog lawm tab sis kuv nrhiav tsis tau koj cov dej qhov twg los haus li.
    Nrhiav tsis tau koj cov ntsab los ua mov noj li.
    Tsis pom 1 tsob txiv hmab txiv ntoo txi txiv nyob twg li.
    Ntshe yog kuv tsis pom kev lawm pob los yog ua cas lawm ne yom.

    koojziagkabzaug
    Moderator
    Moderator

    Messages : 3522
    Date d'inscription : 2010-02-28

    Re: Kuv yuav mus 2-3 hnub

    Post  koojziagkabzaug on 19th May 2012, 1:42 am


    Sam hwm rau tsoom phooj ywg thiaj tij laug sawv daws,

    Kuv muaj me ntsis hauj lwm khuam tes, yuav tuaj xyuas nej tsis xwm yeem, kuv thov nej sawv daws pab saib tsev, tshwj xeeb tij laug HmoobLeejTub, Xyooj Tsab, Hmoob Ntujqubqab, Pijpauj, Koobpovtxuj, Hmoob NtujTshiab, LiajNtsuab, Wanabe, Hmoob Tsab thiab tag nrho cov uas kuv tua nej npe tsis txhua. Thov nej tuaj siab xyuas Peb Hmoob lub Zos Hmoob Tshav Ntuj kom nyob ruaj nreb li zeb, khov li tsua, kom ua ib qhov chaw rau Peb Hmoob tau tuaj sib khom txuj, nej tej txiaj ntsha peb Hmoob yuav nqa, nej tej txiaj ntsig Peb Hmoob yuav ris.

    Thov ua tsaug rau txhua leej.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv yuav mus 2-3 hnub

    Post  xiongchang on 19th May 2012, 5:19 am

    - He....he....Me muam kooj ziag kab zaug as, Koj hais li os; Peb tuaj txog nraum zoov xwb....Qhib tsi tau qhov rooj nkag hauv tsev li os, Peb ntoj tog vaj; Thuv tog tsev tas....Ces rom qab lawm, Vim hu tsi muaj leej twg? "Teb" Peb ntshai tsam raug liam ua tub sab nyiag nkag tsev, Tsi tau txais lug "Tso cai" Nyob zoo, Mam sis ntsib dua lub as thiv tom ntej ub os.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv yuav mus 2-3 hnub

    Post  xiongchang on 20th May 2012, 8:58 pm

    koobpovtxuj wrote:
    koojziagkabzaug wrote:

    Nyob zoo me phooj ywg koobpovtxuj,

    Vuag! Nws yuav hais tau rau kuv zoo siab ua luaj li! Yog nws yuav tuaj nrog kuv zov tsev, nws yuav tuaj tu kuv lub vaj, pab kuv cog paj ces kuv yuav zoo siab heev...Kuv yuav txhuam hniav luag tas hnub xwb lauj...hahahah...! Lub me paj ntshua nplaim wb tuaj ua daim teb luj lias tau toj taim toj roob zeb ntsuab, nim ntshai ruj rwg tsam tsis muaj neeg tuaj xyuas. Lub me paj ntshua nplaim wb nim tuaj ua daim teb luj lias rau toj taim toj roob zeb tshauv, nim ntshai ruj rwg tsam tsis muaj neeg tuaj ntsauv.

    Es nws txawj yaj txawj plhis, nws plhis plho ua me koobpovtxuj, es kuv twb zeem tsis tau nws lub npe qub.
    Es nws txawj plhis, nws plhi plho ua Txuj koob pov, kuv xav mus xav los twb mem tsis tau nws hlo li naj...! Hahhaah...! Li cas los zoo siab tshaj uas kuv me kwv luag tseem ua tsov dig muag tuaj xuas tau ntiv qhiav thiab.

    Lub tsev nov, raws kuv lub hom phiaj, tej zaud kuv yuav vam txhua leej tuaj nrog peb tso tej txuj ci Hmoob kom ntau li yuav ntau tau. Thiab keeb kwm Hmoob. Ua li nws puas txaus siab tuaj txhawb Peb Hmoob lub neej thiab?

    Kuv zoo siab pom nws thiab nws leej nkawm daim duab li thaum peb nyob pem Looj Ceeb Nas Xus...Zoo kawg nkaus. Lwm hnub kuv xyeej, kuv ua Yawg Hlob Vaj Pov duab keeb kwm, kuv yuav thov nws daim coj mus tso rau thiab nawb.



    daim duab no tsis yog kuv os mog thaum thaij daim duab no kuv tseem kov hmoov av ua si xwb twb tsis tau txawj mus kawm ntawv.
    yog koj xav tau daim duab no los kuv muab rau koj tau kawg mas.


    - Kev tau npe nom, Suav daws ntshaw kawg; "Tab sis" Yog txoj hmoo tsi saws, Lub neej tsi kawg; Vim li cas? Kuv hais li, Kuv raug nce npe nom hnub qub: 1 February 17, 1970; kuv noob nyoog....16 xyoo ntau, Peb mus hauj lwm tod nras rhawv zeb....Thaum swb tiaj nras rhawv zeb:....February 25, 1970; Luag tej khiav dhau tas; Tshuav kuv ib leeg....Plam poob qab lawm....Kuv ib leeg plos hav zoov, Tsoo hav tsuag; Tsi muaj leeg twg?....Ua luag li, Kuv tau fim; Kuv niam tuag lawm....Ib tsum mov, Ib tug npua; 12 ntshuas yaj khaum....400 lub ceeb khaum, Tuav povfwm ua luag; Nruab hnub hmo ntuj....Kaj ntug txoog, Yuav sawv kev; Hu ib zaug, Yav tsaus ntuj; Dai ntaub pw....Hu ib zaug, Pov fwm ua luag, Coj kev khiav; Los cuaj hnub; Txog looj ceeb:....April 18, 1972; Kuv raug nce npe nom hnub qub: 2....Peb mus kawm yav qab teb, Teb chaws nplog; Rov los txog:...September 7, 1972; Peb mus hauj lwm txog:....September 17, 1972; Raug nplog liab....Nyab laj zov kev tua, Raug nai muam ntaj xyooj tuag kiag; Kuv raug mob....hnub ntawd, Wb ob tug; Nai muam tub rog hmoob, Raug nrog 24 leeg; Tub rog pub thawj ua ntej....Thaum luag tau npe nom, Coj hnub qub daj vog; Zoo nraug kawg....Txhua leej nyiam, Txhua tug ntshaw....Luag tau npe nom, Raug mob ntau zaug; Tawm qhov tuag los xwb....Yog muab xam, Nplog liab nyaj laj xuas phom loj 12,7 m/m Txais raug lub dav hlau, Kuv ua hauj lwm ob zaug; Ya yuav luas tsi txog looj ceeb xyoo 1969....Kuv raug mob peb zaug, Kuj tsi sab pes tsawg; Kev ncaj nceeg "Tawm tshav rog" Tug tsi tuag, Ncaj nceeg txaus; Tug tuag lawm....Tsi ncaj nceeg, Fuas luag khoom; Txeeb luag teej....Txhav luag tug, Kuv qhov muag pom kiag; Cov phooj ywg! Raug tuag kiag, Ntawm qhov muag; 19 leeg nkaug.....Cov raug mob nyav, Lov npab dam ceg dig muag 54 leeg; Yog leej twg? "Ncaj nceeg" Thiaj muaj pov haum, Tseev muaj pov haum zoo; Tsi ncaj nceeg kawg tuag.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv yuav mus 2-3 hnub

    Post  xiongchang on 20th May 2012, 9:08 pm

    - Thov zam txim nawb, Kuv yuav qhia; Ib nqe lug....Lo lug "Sam hwm" Txhais tias:....Ceeb toom:....Warning....Kev siv tias "Qhia nej paub" Kuv muaj hauj lwm tab kaum li, Ob peb hnub; Yuav tau ncaim mus lawm....Hauj lwm tas, Mam los ntsib nej suav daws.

    koojziagkabzaug
    Moderator
    Moderator

    Messages : 3522
    Date d'inscription : 2010-02-28

    Re: Kuv yuav mus 2-3 hnub

    Post  koojziagkabzaug on 2nd June 2012, 5:09 am



    Nyob zoo tsoom phooj ywg,

    Kuv mus hno tshuaj rau tes mob me ntsis, lawv tsis pub kuv kov pc lawm ces kuv yuav so ib ob hnub tej, tes zoo me ntsis kuv mam rov tuaj. Nej tuaj txog no ces pab zov tsev, tsij taws kom vaj tse qov nawb mog. Nej lub txiaj ntsim yuav ris, lub txiaj ntsha yuav nqa.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kuv yuav mus 2-3 hnub

    Post  Hmong ntuj tshiab on 2nd June 2012, 8:34 am

    Lus Paj Huam Tsham Kev Sib Cuag

    Nyob zoo mog----------------------peb ib tsoom hmoob
    Mus nyob thoob-------------------------hauv ntiaj teb no
    Rau tag nrho--------------------------ib tsoom yawg pog
    Kuv thov nrog----------------------peb sawv daws tham
    Ncig tuaj tsham------------------------nej puas nyob zoo
    Kuv thov nroo---------------------------xa lus tuaj koom
    Rau ib tsoom-------------------------yog niam thiab txiv
    Los nrog siv----------------------------lub caij nyoog no
    Nrhiav kev kho---------------------koom tswv yim nrog
    Hais mus txog---------------------rau peb tsoom hmoob
    Tawg mus thoob-------------------------puv ntiaj teb no
    Rau tag nrho---------------------------cov paub tsis txog
    Thov los nrog----------------------------peb sib tuav teg
    Sib pab leg-------------------------Huab Tais Tswv Ntuj
    Nws tej txuj--------------------------------tej lus tsim nuj
    Txiv Tswv Ntuj-------------------------tes me hauj lwm
    Yeej xeeb tshwm------------------rau neeg lawm ntxov
    Kuv thiaj thov-----------------------nej sawv nawb mog
    Txhob kiam txog------------------------tias tsi muaj caij
    Sij hawm laij--------------------tsham zoov tsham tsuag
    Yaum kwv luag-----------------------tsis txhob mus laij
    Teem lub caij------------------nyoog yeej tseem tshuav
    Tso lis phluav----------------------------koj txoj me kev
    Ua dab qhev------------------------------pub rau dab qhe
    Txoj qub ke------------------------tseem teev dab qhuas
    Los nrog xyuas--------------------txoj tshiab kev ntseeg
    Tswv ntuj teeg--------------------------txuj ci ncaj ncees
    Muab cob ntsees---------------------rau peb txhua feem
    Kom koj teem---------------------------tau lub sij hawm
    Los mus kawm------------------------Tswv Ntuj cov lus
    Coj tau yus-----------------------------rau kev thoob tsib
    Thov koj qhib----------------------------lub siab rau ntuj
    Huab Tais txuj-----------------------tseem niaj hnub tos
    Koj tig los---------------------------hloov lub siab tshiab
    Ntuj txaus siab-----------------------pab koj dim phluav
    Nqis koj tshuav-----------------ntawm ntxwj xib nyoog
    Tsuav tig mloog----------------------Tswv Ntuj lus qhia
    Koj thiaj dhia------------------------dhau txoj kev nyuaj
    Kev puas tsuaj-----------------------yuav tsi nphav raug
    Ua neej qaug----------------------------rau hauv pem teb
    Lwj ua nceb----------------------npog nroj ntsuab lawm
    Cawm koj tawm-----------------------dhau kev ua qhev
    Txoj me kev------------------------------ua neeb ua yaig
    Tsis txhob laig----------------------------tsis ua nyuj dab
    Dov kauj vab---------------------------kauj plig npua tai
    Yeej tsis ntshai------------------------------vij sub vij sw
    Duab ntsuj xyw-------------------------li tseem teev dab
    Vim ntuj pab-------------------------nroos ncig yeev koj
    Hwj xwm coj-----------------------------koj txoj hau kab
    Txawm muaj dab---------------------hem tsis poob plig
    Koj twg tig------------------------------sawv los nrog lis
    Vim koj ris-------------------------Huab Tais ntoo cuam
    Cog ua vuam-----------------------txhos hloov ncej dab
    Txiaj ntsim pab-------------------------tiv thaiv roos koj
    Nco ntsoov coj-----------------------teev saw Mab Liab
    Ua nplooj siab------------------------tiv dhau txhua yam
    Kuv tsuas tham----------------------------ua lus sib dhos
    Thov txhob nros-----------------------qhib lub siab nrog
    Txawm tsis yog------------------------los thov zam txim
    Coj lus lim----------------------tshau peb tsoom hmoob
    Kom hnov thoob---------------------yog leej twg khaws
    Yeej mus raws------------------------------li cov lus nov
    Thiaj tau thov---------------------------peb sib koom tes
    Sawv los nres--------------------------raws tswv ntuj leg
    Muab laim tseg----------------------koj txoj kev txhaum
    Tig mus xyaum------------------------txoj kev cai tshiab
    Ntxov thawj thiab----------------------tsis nkim dag zog
    Txawm tias yog-------------------------koj tsis tau paub
    Huab Tais saub-----------------------------yog zoo li cas
    Nej xeev ras-------------------------txhob ntseeg lus dag
    Thiaj qhia tag---------------------nco ntsoov tshiab txuj
    Huab Tais Ntuj---------------------------tus uas tsim nuj
    Nws coj txuj-----------------------muaj kuab cawm seej
    Coj peb neej------------------------------rau kev kaj siab
    Mus ntuj tshiab-------------------------txoj kev tsim nuj
    Huab Tais Ntuj--------------------------tus tsim ntiaj teb
    Kom muaj peb----------------------------nyob ua ib npoj
    Teev hawm coj-----------------------Huab Tais lus qhia
    Nws thiaj cia---------------------------Leej Tub Yes Xus
    Cev nws lus-------------------------------coj nws teej tug
    Nqeg los yug---------------------------rau hauv ntiaj teb
    Xeeb li peb-------------------------nkauj xwb Mab Liab
    Ntuj tus tshiab...........--------------.....los tuaj nrog tiam
    Koj zoo nyiam............-------------.... ua Yes Xus niam
    Kev teev tiam.........--------------.......lawv Yes Xus qab
    Mus raws kab..........--------......yoog nraim Tswv Ntuj
    Leg tej txuj..........--------------......cawm ntiaj teb neeg
    Kev coj ntseeg------------------------raws txoj kev teev
    Soj tus hnee...........-----------------..taug lawv Yes Xus
    Tsuj los mus-----------------------------tsis tseev kom tu
    Tus los hu.............--------------------...ntiaj teb tib neeg
    Kom sawv ntseeg-------------------thiaj nrog muaj neej
    Peem yug tsheej..........--------------.......zoo xws li peb
    Neeg ntiaj teb-------------------------yeej txawv tsis deb
    Tiam si peb..............-----------------..tsis paub Yes Xus
    Qhib ncauj lus........-------------........tshaj lub moo zoo
    Ntau tiam xyoo........-----------........twb dhau los lawm
    Tseem teev hawm........----------.......nws lub xyoo yug
    Yeej coj pug---------------------------ua koob ua hmoov
    Tsis txawv hloov------------------------nws yug xyoo ib
    Mam suav pib-------------------------khaws ua ntuv zus
    Muab xam mus...........---------.....tshaj ob txhiab xyoo
    Lub Moo Zoo............--------------....ncha puv ntiaj teb
    Yes Xus tseb............-----------------....Nws tej lus qhia
    Muaj ib txhia----------------------------yeej tso kav liam
    Hla ntau tiam............-------------....rau txhia haiv neeg
    Luag thiaj ntseeg..........--------......qas txhiab vam leej
    Tshuav hmoob pheej.......----.........tseem tsis tau paub
    Hmoob tseem maub........-------........rau txoj kev tsaus
    Vim tej laus............----------------....ib txwm tsis paub
    Ntuj twb laub..........-------------......tso txiaj ntsim ntau
    Los pub rau...........-----------.....peb hmoob sawv daws
    Kom tig raws............--------------....txoj kev cai tshiab
    Kev kaj siab.............-----------------...rau tas txhua leej
    Kom peem tsheej--------------------txoj los nrog ntseeg
    Ciaj haiv neeg..........----------------......ua neej sib hlub
    Noj sib pub............--------------------....thiab hau sib ce
    Nyob ua ke.............-----------------...sib koom tuav tes
    Kom sib nres.........-------------------.......txawj sib tiam
    Tej txiv niam-------------------------coj mus khaws cia
    Kuv tsuas qhia..........------------------........li no rau koj
    Los nrog soj.............---------------...yog tsis nkag siab
    Phais lub ntsiab-----------------------txoj kev teev tiam
    Koj ho nyiam............------------....mus ntsib pab neeg
    Yog cov ntseeg.........-------------.......npe Kav Tos Liv
    Lawv li siv..............----------------..teem koj sij hawm
    Qhia koj kawm.......----------.........txhob ntshai siv zog
    Kawm kom txog-----------------------koj thiaj paub coj
    Yuav pab koj............----------------....thim dab xas tas
    Tos luag tha--------------------------luag tuaj nrog npav
    Zaum tsaws tav..........------------......ntiaj teb neeg kev
    Ua nws qhev--------------------------mus thoob ntiaj teb
    Kom nej peb..............-------------....tsis txhob sib hlub
    Dab niaj hnub...........-----------.....haub ntxias tib neeg
    Tsis pub npeeg.........-----------.........nws ib rooj ntxiab
    Nrog xav thiab........------------...........kev ua dab qhev
    Los lawm ntev ..........-------------......nej tsis lees paub
    Kev cia caub............-------....ntawm ntxwg xib nyoog
    Yog tig mloog.............---------------...muaj kev tu siab
    Thaum muaj txiab.......-------.........thiab diag taub hau
    Yuav tsum sau............--------------....poj qaib me npua
    Coj mus tua............-------------------....hu neeb ua yaig
    Cov ntsoov laig-------------------------tua noj txhua tais
    Txawm tsi hais..........--------------......los nej yeej paub
    Kev cia caub............---------------....ntawm dab xas tas
    Nws txawj npas------------------------tsis pom nws kiag
    yeej yog tiag.........-------------------.........li kuv hais no
    Yog tsis rho...........---------------.....poj qaib niam npua
    Coj mus tua.............------------...thaiv thiab theej txhoj
    Ces yuav ploj...............................thiab yuav raug tuag
    Tig los zuag----------……….-----txog lus qhuab ntuas
    Koj tig xyuas.................................thiab ntsia kom zoo
    Tos neeg nroo........................ntxwg nyoog phem tshaj
    Niaj hnub daj...............................thiab niaj hnub deev
    Kho siab seev....................................qaug zog luj luas
    Ua neeb xyuas..............................ces txawm pom dab
    Tim pheej phab...........---------.....thiaj xuas nyuj twm
    Tua pov hwm..............----------....rau yawm txiv neeb
    Tias dab txheeb........-----------........koj me ntsuj duab
    Yog tsis muab............--------------....tsis tau ntsuj plig
    Thiaj yuav tig---------------------------pab koj kom dim
    Yog yuav thim .........------------.......yuav tsum tau dev
    Los thaiv kev---------------------------dab thiaj li ntshai
    Ntxiv npua tai...........---------------.......los tua txim rau
    Thiaj yuav dhau--------------------txoj kev ntxhov siab
    Nws thiaj ntiab-------------------dab tawm ntawg nraus
    Muab neej kaus...........----------.....pluag tag mob ntsaj
    Neej tsis kaj..............-----------..thiab tsis txawj nquag
    Ntaim neej pluag.......---------------.........tas los tsi zoo
    Raug dab khoo.........---------------.......dab tau tsim koj
    Muab xav zoj...........------------.....mas txaus chim siab
    Neej tsaus nciab--------------------txom nyem lwj liam
    Pes tsawg tiam.............-----------...raug dab tsim txom
    Ntshua ntawv com-----------------------los pauj dab tag
    Raug dab dag--------------------------ua npau suav ntos
    Muab ntawv kos..........-------------......ua lus paj huam
    Hais tuaj tshuam.........-------.......rau sawv daws paub
    Kom txhob maub.......--------.........taug txoj kev tsaus
    Lawv tej laus-------------------------zog thiaj tsis ntaug
    Thiaj tsis qaug............--------------....mus ua dab quav
    Tsuas kawg tshuav.....------...........Huab Tais Yes Xus
    Li yog tus..............--------------------..yuav pab tau koj
    Tig los soj.............--------------------...thiab tig los lees
    Lus cob ntsees---------------------ntawm tus tswv neeg
    Los mus ntseeg...........---------.....Huab tais Tswv Ntuj
    Tus muaj txuj............---------------....yuav tuav koj tes
    Nws yuav nres..........----------------......tau koj lub neej
    Kom muaj yeej..........-------------......nyob kaj siab lug
    Nrog muaj tug--------------------------tswv ntuj cov lus
    Tig hlo mus.............------------...cuag Huab Tais Ntuj
    Kev tsim nuj...........------------......tswv ntuj tseem tos
    Thov tig los------------------------------taug txoj kev do
    Ua hnub hmo..........---------------......tos nej phooj ywg
    Ncauj cuag ntswg-----------------thov nrhiav kev tawm
    Txog sij hawm--------------------------taug kev kaj siab
    Nrhiav neej tshiab----------------thiaj tsis nyuab mog./.
    ( xaus li no )



    kho tau koj zaj paj huam hais txog tswv ntuj yog tus cawm seej lawm os kooj ziag kab zaug es koj saib seb puas zoo thiab siv os vim hais tias tsis txawj kho thiab ces tsuas kho tau li no xw bos nawb es
    sau npe kuv yog tub nraug txuj sau paj huam , Hmoob ntuj tshiab tub rag txuj ntawm Hmoob li keeb ko qauv quag xwb os nawb


    koojziagkabzaug
    Moderator
    Moderator

    Messages : 3522
    Date d'inscription : 2010-02-28

    Re: Kuv yuav mus 2-3 hnub

    Post  koojziagkabzaug on 12th July 2012, 2:15 pm


    Nyob zoo cov phooj ywg,

    Kuv muaj me ntsis hauj lwm, yuav tsis khoom ob peb hnub.
    Yog nej leej twg khoom no thov tuaj pab zov tsev thiab nawb mog.
    Nej txiaj ntsha yuav nqa, txiaj ntsim yuav ris.
    Tuaj txog nyob li nej tsev, pom qhov twg zoo kho los yeej meej ua li siab nyiam, qhov twg zoo ntxiv los ho pab sau rau txhob xav li cas. Hauv nov yog peb tsoom Hmoob sawv daws li tug, yog peb sib pab khaws peb li txuj.

    Thov ua tsaug ntau.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Kuv yuav mus 2-3 hnub

    Post  Hmoob ntuj qub qab on 16th July 2012, 1:16 am

    koojziagkabzaug wrote:
    Nyob zoo cov phooj ywg,

    Kuv muaj me ntsis hauj lwm, yuav tsis khoom ob peb hnub.
    Yog nej leej twg khoom no thov tuaj pab zov tsev thiab nawb mog.
    Nej txiaj ntsha yuav nqa, txiaj ntsim yuav ris.
    Tuaj txog nyob li nej tsev, pom qhov twg zoo kho los yeej meej ua li siab nyiam, qhov twg zoo ntxiv los ho pab sau rau txhob xav li cas. Hauv nov yog peb tsoom Hmoob sawv daws li tug, yog peb sib pab khaws peb li txuj.

    Thov ua tsaug ntau.


    Nyob zoo Koojziagkabzaug

    Nws muaj hauj lwm kav tsij mus leg nws tej hauj lwm kom tiav mam li los, tshuav peb nyob peb mam cheb qab vaj tsib taug kom du dais, tus vaj tu tsev kom huv lug zov lub tsev kom sov so nws los txog nws thiaj xav nyob thiab.
    Nws mej ntsis mob tes no yog mob li cas puas yog mob paj doos qhaub los yog lam mob xwb, nrhiav tshuaj ntsuab qhwv rau thiab os.
    Laus li peb cov no lawm yeej mej ntsis mob yas tes yas taw yuav tau tawm dag zog thiaj yuav zoo...


    koojziagkabzaug
    Moderator
    Moderator

    Messages : 3522
    Date d'inscription : 2010-02-28

    Re: Kuv yuav mus 2-3 hnub

    Post  koojziagkabzaug on 16th July 2012, 1:00 pm



    Tij laug Hmoob Ntujqubqab,

    Zoo siab rov ntsib nws os, twb yog khwv khwv ais muaj leeg txhaws lawm xwb. Hno tshuaj yog tsis zoo ces ntshe yuav tau phais. Tsis yog mob laug os.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Kuv yuav mus 2-3 hnub

    Post  Hmoob ntuj qub qab on 16th July 2012, 8:41 pm

    Nyob zoo Koojziagkabzaug

    Mob nws tes ais hno tshuaj rau yog tsis ntxim los mam mus phais, nws teb chaws Fab kis kws kho mob yeej keej thiab muaj tshuaj zoo zoo os ,tsis zoo li ntuj qub qab nas.

    Muaj caij mloog Music thiab mas

    [youtube][/youtube]
    koojziagkabzaug wrote:

    Tij laug Hmoob Ntujqubqab,

    Zoo siab rov ntsib nws os, twb yog khwv khwv ais muaj leeg txhaws lawm xwb. Hno tshuaj yog tsis zoo ces ntshe yuav tau phais. Tsis yog mob laug os.


    koojziagkabzaug
    Moderator
    Moderator

    Messages : 3522
    Date d'inscription : 2010-02-28

    Re: Kuv yuav mus 2-3 hnub

    Post  koojziagkabzaug on 17th July 2012, 3:34 pm



    Tij laug Hmoob Ntuj qubqab,

    Wow...! Ua cas lawv yuav txawj thaij tau duab zoo nkauj ua luaj li...Ua tsaug ntau uas nws tseem coj tuaj rau peb saib thiab.

    Tij laug, Fab Kis teb mas kev kho mob kuj yog tso siab lug thiab kuj tsis tau them nqe kho mob li.

    Cov mob dab tseg, tsaug tes no mas qhov ntau yog cov poj niam uas hnub nyug tshaj 45 xyoos ntau xwb. Yog hno tshuaj tsis zoo ces lawv yuav tsum phais xwb, yog txoj leeg daig lawm.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Kuv yuav mus 2-3 hnub

    Post  Hmoob ntuj qub qab on 17th July 2012, 8:40 pm

    Nyob zoo Koojziagkabzaug

    Xyuas yog hno tshuaj tsis ntxim lawm muab phais thiaj zoo vim tsam cia ntev ces tes tsis muaj zog lawm
    mob siab saib xyuas tus kheej os.


    Saib duab Ntxhais Hmoob Songzuying



    koojziagkabzaug wrote:

    Tij laug Hmoob Ntuj qubqab,

    Wow...! Ua cas lawv yuav txawj thaij tau duab zoo nkauj ua luaj li...Ua tsaug ntau uas nws tseem coj tuaj rau peb saib thiab.

    Tij laug, Fab Kis teb mas kev kho mob kuj yog tso siab lug thiab kuj tsis tau them nqe kho mob li.

    Cov mob dab tseg, tsaug tes no mas qhov ntau yog cov poj niam uas hnub nyug tshaj 45 xyoos ntau xwb. Yog hno tshuaj tsis zoo ces lawv yuav tsum phais xwb, yog txoj leeg daig lawm.


    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv yuav mus 2-3 hnub

    Post  xiongchang on 18th July 2012, 12:25 pm

    - Ib tsoom phooj ywg! Nkauj muam hmoob, Hlub hmov tshua suas daws, Yav ntuj thaum ub; Hmoob tu siab tias....Txiv neej hmoob, Tsi zoo nraug; Ntxhais nkauj hmoob....Tsi zoo mog, Yog tim tej laug; Tsi coj tub ntxhais nqeg nram nroog....Kawm paub, Xyaum txawj; Tsi muaj zoo "Tsoog tsuj tsho npuag hnav" Tsi txawj tu cev ntaj ntsug, Thiaj tsi zoo os; Txhob tu siab....Tam sim no, Twb kawm paub; Xyaum txawj lawm....Ib txhia tub hluas, Ib txhia ntxhais; Tseem tig xyaum lub neej ntuj qub qab....Ib puas xyoo dhau lawm....ha....ha.... Laughing Laughing....Nej puas ntseeg.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv yuav mus 2-3 hnub

    Post  xiongchang on 18th July 2012, 12:45 pm

    - Rev paj no, Zoo nkauj npaum; Paj faj txhov ntas....Nej puas paub paj faj txhov nas, Paj faj txhov; Yog cov nyob puag saum tej ceg ntoo zoov toj siab yaj sab....Los nag tshauv zig zoj tas hnub thaws xyoo, Cov kav ua tej yag; Ntug ntoob li....Ntiv tes zoo tshuaj laug, De tsau cawv haus; Tawv nruj ci tshiav....Nqaij tawv tsi txoom ua "Ntseb ntsaug" Tsi txawj laug, Pes tsaws xyoo, Los hluas li qub; Ib hauv tshuaj zoo "Tshaj plawg" Yog cawv tsau luj tsw quav, Yog leej twg? Ntes tau tug luj tsw quav ciaj sia, Muab tua tsuav mog nyoos; Ua nqaij toom xeeb....Yuav cov thawj cawv, Txhuam ntais zes cig plawg; Nrhiav lub fwj loj luaj li....Lub me nyuam tsu mov, Muav cov nqaij luj tsuav nrog plaub plab nyuv tib xyuam ntim tas nrho hauv ua ke; Mus nrhiav tsob ntoo....Ntuj qhua, Ntuj nag; Los hlav nplooj tsi laug li....Khawb qhov av, Hauv lub hauv paug; Ncaj tug cag nruab nrab....Muab zaig kom tu, Muab lub ncauj fwj cawv twb ncaj ncaj; Ua ntaws ntsaws....Muab lub qhov av foob ib xyoos txwm, Mam rov mus khawb fwj cawv nqa los haus; Yuav muaj noob nyoos nyob ntev li 120 xyoo....Cov hluas haus tsi tau, Cov muaj noob nyoog 55 xyoos saum; Thiaj haus tau....Tshuaj nquag, Ntes tug laum kib tshooj ciaj sia; Tsij ncauj fwj tsau cawv haus....Tsi tu leeg rawg, Mus kev xav dhia rhau sas ntwg? Cuag laum kib tshooj dhia xwb.


    shung
    Sponsor
    Sponsor

    Messages : 563
    Date d'inscription : 2012-05-08

    Re: Kuv yuav mus 2-3 hnub

    Post  shung on 19th July 2012, 11:50 am

    zoo siab heev li tus tij laug xiongchang ua koj tseem ua lub zoo heev tuaj qhia peb txog cov tshuaj elixir no thiab. kuv xav tias tshe yuav tsis muaj leej twg paub li no es cov neeg suav thiab nyab laj thiaj yog cov paub xwb. ua tsaug nawb tij laug xiongchang. shung

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv yuav mus 2-3 hnub

    Post  xiongchang on 20th July 2012, 5:22 pm

    - Tsi ua li cas os, Kwv shung; Yog paub lawm....Yuav tai piav tseg, Txhob kaw cia; Yug tuag lwj ua av....qhov hmoob poob txuj cij, Tshuaj zoo cawm neeg ntau yam; Vim qia dub xwb....Yuav cawm neeg, Cawm thaum ciaj; Txhob cia tuag.....Mam tuaj khav, Tuaj nroo li ub li no; Zoo xuas qws rau kawg....ha....ha.... Laughing Laughing.

    koojziagkabzaug
    Moderator
    Moderator

    Messages : 3522
    Date d'inscription : 2010-02-28

    Re: Kuv yuav mus 2-3 hnub

    Post  koojziagkabzaug on 20th July 2012, 6:11 pm



    Tij laug Xyooj Tsab,

    Nws hauv tshuaj qab ntug no mas zoo kawg li, tab sis ntshe yuav ceeb laj ntes tau ib tug luj tsw quav, vim twb tsis tau hnov dua npe, yog thawj zaug hnov nws hais xwb. Thiab peb nyob teb chaws hauv ntuj ces twb tsis muaj cov ntoo uas tsis zeeg nplooj.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Kuv yuav mus 2-3 hnub

    Post  Sponsored content Today at 1:38 am


      Current date/time is 27th July 2016, 1:38 am