Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus
  • Post new topic
  • Reply to topic

Qhia sau paj huam

Share

MayPaj
Spammer
Spammer

Messages: 442
Date d'inscription: 2010-02-25

Qhia sau paj huam

Post  MayPaj on 5th April 2010, 8:36 pm

Txoj kev sau paj huam tsis yog lam tau lam sau , muaj ib txhia neeg sau paj huam mas zoo li sau yog nkaus li nyuj mus nyuj nees mus nees nws sau zoo li tsis muaj chaw pib tsis muaj chaw kawg , yog li no thaum nej sau paj huam nej yuav tsum paub tias :

tham txog ntuj txhob hais lub teb, lawv mloog thiaj tsis xu deb
tham lub teb txhob hais txog lub ntuj, lawv tias yus muaj txuj
tham txog tus nyuj txhob hais tus twm, lawv tsis hais yus vwm
tham tus twm txhob hais txog nyuj, lawv ntsia yus tsim nuj
tham tus qaib txhob txuam tus npua, neeg mloog thiaj tsis dhuav
tham tus npua txhob hais tus qaib, neeg thiaj xav saib
tham txog ntab txhob hais txog nkawj, lawv thiaj qhuas yus txawj
tham txog nkawj txhob txuam tus ntab, thiaj yog neeg paub tab
tham txog zeb txhob txuam tus ntoo, thiaj kho tau neeg zoo nawb mog.



koojziagkabzaug
Moderator
Moderator

Messages: 3317
Date d'inscription: 2010-02-28

Re: Qhia sau paj huam

Post  koojziagkabzaug on 6th April 2010, 4:16 am



Nyob zoo Lubmepajntshuanplaim,

Wow...! Yog tiag mas...!
Kuv li, sau paj huam mas cuag mag nkuaj
Sau kwv txhiaj mas cuag luag muab kuv cuab phiaj
Thiaj hais ntab rau nkawj, hais lub plhaub rau lub plawv
Hais lub nplej rau lub npluag, hais neeg muaj rau neeg pluag
Hais pem nrtuj rau pem teb, hais toj roob rau hauv zeb...Thiaj li xus deb li deb...Hahahahah...!
Kuv mas zoo siab tag nrho rau nws lub peev xwm tshaj lij muab tau lub ntsiab los phua...Zoo kawg li...Cia mam xyaum seb caum puas tau tus leej nkaub los pab saub....



TubSojNt
Guest

"Xav kawm sau paj huam"

Post  TubSojNt on 7th April 2010, 10:52 pm

Hello Paj Ntshua Nplaim,

Kuv xav hnov koj ib zaj paj huam hais kom muaj qab muaj hau
vim kuv xav kawm koj lub tswv yim nawb mog. Ua tsaug.

Someday I'll drop by with a good poem for everyone.

Lubpajzoo
Developer
Developer

Messages: 126
Date d'inscription: 2010-04-22

Re: Qhia sau paj huam

Post  Lubpajzoo on 20th January 2011, 9:23 pm

Lub paj ntshua nplaim wrote:Txoj kev sau paj huam tsis yog lam tau lam sau , muaj ib txhia neeg sau paj huam mas zoo li sau yog nkaus li nyuj mus nyuj nees mus nees nws sau zoo li tsis muaj chaw pib tsis muaj chaw kawg , yog li no thaum nej sau paj huam nej yuav tsum paub tias :

tham txog ntuj txhob hais lub teb, lawv mloog thiaj tsis xu deb
tham lub teb txhob hais txog lub ntuj, lawv tias yus muaj txuj
tham txog tus nyuj txhob hais tus twm, lawv tsis hais yus vwm
tham tus twm txhob hais txog nyuj, lawv ntsia yus tsim nuj
tham tus qaib txhob txuam tus npua, neeg mloog thiaj tsis dhuav
tham tus npua txhob hais tus qaib, neeg thiaj xav saib
tham txog ntab txhob hais txog nkawj, lawv thiaj qhuas yus txawj
tham txog nkawj txhob txuam tus ntab, thiaj yog neeg paub tab
tham txog zeb txhob txuam tus ntoo, thiaj kho tau neeg zoo nawb mog.


Wow!

Kuv yeej tsis tau kawm kev sau pajhuam li es lam tau lam sau xwb nas, tos tias kuv tsis paub sau thiab sau tsis muaj paus muaj ntsis li los vim kuv tsis paub yuav pib licas thiab xaus licas li es thov koj qhia kom meej dua nov puas tau os, tus phoojywg.

Ua tsaug ntau nawd.

ZajSawv
Guest

Re: Qhia sau paj huam

Post  ZajSawv on 21st January 2011, 4:41 pm

Koojziagkabzaug & Lubpajzoo,

Raws li kuv paub yog leej twg sau paj huam Hmoob tsis yog lam tau lam sau , yuav tsum sau li ib zaj dab neeg, yuav tsum sau kom muaj lub title, thaum yus pib yuav tsum sau kom phim lub title, thaum sau kev hlub lawm mas txhob mus xaus rau kev nyuaj siab, kev chim siab, thiab kev tu siab. Thaum ho sau paj huam kev chim siab, kev tu siab, txhob mus xaus rau kev daj dee, kev hlub li no thiaj tsis zoo li nyuj mus nyuj nees mus nees.

Thaum sau pajhuam txhob siv cov lus qub ntau zaus nyob hauv zaj pajhuam thiaj tsis laj nyeem, thiaj tsis laj mloog , thiaj tsis dhuav sai, thaum sau pajhuam yuav tsum siv cov lus Hmoob tob xyaw me ntsis cov ntiav, kom zoo nkauj, zoo mloog.

Leej twg sau paj huam yog tsis paub lam tau lam sau sib dhos kaug ub kaug no, yuav qhia tau tias tus neeg ntawv xev, khav dag, tsis txawj ntse, tsis muaj feem. Yog sau ib zaj paj huam, es sau tsis muaj pib tsis muaj xaus ces zoo li ib tug neeg khav ntawm ncauj tiam sis hauv lub siab tsis paub qab hau.

Example : Zaj hauv qab no sau paj huam ( lub title yog Ntsuag txiv ) mas nws yuav tsum pib hais leej txiv mus rau seem ntsuag nkaus xwb, tsis muaj kev hlub nyob hauv txuam.

Paj Huam Ntsuag

Vim li cas...thiaj li ua ntsuag
vim ploj tuag...tub ntsuag leej txi
yam lub hli...nqig tsis txawj xiab
kua muag iab...tawm plaws ntawm plhu
tsa suav hu...leej txiv tsis hnov
ces tes kov...leej txiv tsis nti
siab quaj dhi...lub ntuj tsaus ntais
tsa suab hais...leej txiv tsis teb
zaum no peb...ces tau kev quaj
zej zog tuaj...los luag tsis hlub
leej txiv tub...tsa hlo suab nyiav
sawv tsees nrhiav...los tsi pom los
txawm nyob tos...txiv tsis rov qab
luag tuaj pab...muab faus tas nrho
luag rov hlo...vaj tse nqha nrig
saib ib ncig...luag muaj txiv hu
ntawm lub plhu...kua muag poob nthav
tej neej tsav...lawm ploj qab ntais
ncauj tsis hais...lub siab tu nrho
sim neej no...ntshe yuav pos huab
tub ntsuag muab...txiv nyiav thawm xyoo
siab tsis zoo...lub plawv tsis kaj
txiv lub txaj...tsis muaj neeg pw
txiv txoj lw...tsuas niaj hnub nphob
tub ntsuag nyob...ua neej txom nyem
luag tseem cem...tsis muaj chaw so
sim neej no...tu siab ua luaj
txiv ntxa tuaj...nroj txij hauv caug
los tseem taug...thiab hu nrhiav txiv
lam nyob tiv...txoj kev lwj siab
thaum ntuj tshiab...los nco ib zaug
thaum ntuj tsaug...los nco ua luaj
niaj hnub quaj...kua muag tsis tu
txiv lub plhu...ploj lawm ntsiag quj
ntsia saum ntuj...tsuas pom nquab ya
ntsia hauv av...tsuas yog nroj tsuag
tub ntsoj ntsuag...quaj pos muag nti
nco thaum i...kuv txiv tseem nyob
me thiab hlob...ntsoj ntsuag tau noj
kuv txiv ploj...lawm txog tav no
ntuj hloov hlo...ntiaj teb txawv tag
lub ntuj nag...tig ua ntuj kub
ces nruab hnub...
hloo ua hmo ntuj lawm tiag lawv......

Example zaj hauv qab no hais tsis muaj title , nws sau tau sib dhos tab sis nws tsuas paub txij ntawv lawm xwb, nws hais tsis tau lub ntsiab tseem ntawm zaj paj huam seb yuav los mus ua dab tsi, nws pib caij ntuj nag, nws ho mus sau txog kev nco kev muaj mob, mus xaus rau kev ua nyab, cov xev sau ces zoo li no tsis muaj paus muaj ntsis.

CAIJ NTUJ NAG TWB HO YUAV LOS
PUAS TSEEM TOS LEEJ NUS NYOB DEB
PUAG THAIB TEB UA SIAB NTUJ NTEV
XA LOS TSEV TEJ ME KEV HLUB
HAIS ME TUB TIAS PUAS NYOB ZOO
MUS NTO XYOO NCO LEEJ NIAM HEEV
TXIV TAU SEEV VIM NCAIM TAU NTEV
XAV LOS TSEV LOS LUAG TSIS PUB
TXOJ KEV HLUB UAS WB TAU MUAJ
YAM HAUV TSHUAJ MUAB KHAWS KIAG CIA
YAM TXOJ SIAB TSIS PUB LEEJ TWG
NTSHAI RUJ RWG TSAM KOJ MUAJ MOB
KUV HO NYOB KUV RAU IB QHO
TSHEEJ TAG HMO LEEJ TWG YUAV PUAG
SAWV XUAS NUAG TSIS MUAJ TXIV RUB
HO MUS QHUB RAU TEJ ME NTXHAIS
HO MUS HAIS RAU WB ME TUB
LO LUS HLUB TWB TSIS ZOO THAM
SIAB FAV LAM RAU NTUJ QUB QAB
MUS UA NYAB CES ZOO LI NO XWB TIAG!!!


Kev sau paj huam, yog tsis kawm txhob lam tau lam sau, yuav ua rau cov neeg paub tab luag yus, thiab yus tej paj huam yuav sau li tham pem lawm xwb ces yus yuav tsis tau ib lub npe tseem tias yog neeg kws sau paj huam thoob tsib. Kuv dua kev kuv lam tuaj qhia koj li no xwb.

Sau Npe ZajSawv

Lubpajzoo
Developer
Developer

Messages: 126
Date d'inscription: 2010-04-22

Re: Qhia sau paj huam

Post  Lubpajzoo on 25th January 2011, 6:52 pm

Tus phoojywg ZajSawv, ua tsaug rau koj cov lus qhia os mog. Koj mas tshajlij tiag tiag li os. Qhia tau thiab sau tau los qhia huvs li na. Thov qhuas koj nawd.

Hos kuv ces tsis paub sau li es pib los tsis paub pib, xaus los tsis paub xaus li na. Thiaj lam tau lam sau xwb twb tsis sib dhos li thiab os.

Xyov li lau, txawm koj qhia tag los zoo li tsis nkag siab li os.

koojziagkabzaug
Moderator
Moderator

Messages: 3317
Date d'inscription: 2010-02-28

Re: Qhia sau paj huam

Post  koojziagkabzaug on 25th January 2011, 8:01 pm



Nyob zoo Lubpajzoo thiab zaj sawv,

Oh! Zajsawv! Koj yeej yog hais yog kawg...Tab sis kuv tsis pom tias tus muab nyuj xyaw nees, qaib kaw xyaw os yog neeg khav theeb ncauj ntau...Kuv pom tias tus kaw qaib xyaw os, tus hais ntuj tshiab nrog ntuj no, hais kev hlub txuam kev nros yog tus neeg ntawd nws ntxhov siab, nws lub siab nyob tsis tus, nws thiaj sau lus tsis sib raws xwb...Yog yus lub siab sxib rau qhov yus hais...Nws yuav hais tau paus rau ntsis...Muaj fij xws...

Zajsawv, kuv pom koj txawj hais heev, ua li kuv thov koj tuaj sau zaj puav paj huam cuam txwv rau kuv tau khaws tseg puas tau?
Qhov nov yog xav khaws ua qauv cia kom txhob poob noob xwb...Ua tsaug...


_________________


Tes yiag tes txawj nrhia
Siab nkiag nrhiav kev nyiam
Ncauj npliag lus dai siab

Hmoob ntuj qub qab
Sponsor
Sponsor

Messages: 613
Date d'inscription: 2010-03-30

Re: Qhia sau paj huam

Post  Hmoob ntuj qub qab on 26th January 2011, 2:45 am

Lub paj ntshua nplaim wrote:Txoj kev sau paj huam tsis yog lam tau lam sau , muaj ib txhia neeg sau paj huam mas zoo li sau yog nkaus li nyuj mus nyuj nees mus nees nws sau zoo li tsis muaj chaw pib tsis muaj chaw kawg , yog li no thaum nej sau paj huam nej yuav tsum paub tias :

tham txog ntuj txhob hais lub teb, lawv mloog thiaj tsis xu deb
tham lub teb txhob hais txog lub ntuj, lawv tias yus muaj txuj
tham txog tus nyuj txhob hais tus twm, lawv tsis hais yus vwm
tham tus twm txhob hais txog nyuj, lawv ntsia yus tsim nuj
tham tus qaib txhob txuam tus npua, neeg mloog thiaj tsis dhuav
tham tus npua txhob hais tus qaib, neeg thiaj xav saib
tham txog ntab txhob hais txog nkawj, lawv thiaj qhuas yus txawj
tham txog nkawj txhob txuam tus ntab, thiaj yog neeg paub tab
tham txog zeb txhob txuam tus ntoo, thiaj kho tau neeg zoo nawb mog.



Nyob zoo Lub paj ntshua nplaim, Koojziagkabzaug, Lubpajzoo thiab cov Phooj ywg...

Kev saum Paj huam yuav ua li cas Luag twm thiaj tsis thuam
Kev sau Paj lug yuav ua li cas luag thiaj twm tau zoo ua ntu zus

yuav tau hais kom muaj lub muaj log hais kom ntxaws kom dhos
Tsis yog nyuj nqov es twm ho paj paws ntsos
tsis yog nees hee es nyuj yuav ras dheev
tsis yog nyuj laus es nyuj txhua tus nkaug

Kuv ces sau tom ntej rau tom qab ces lam xuas kab
Kuv ces sau tom qab rau tom ntej ces lam xuas kev...Hehehe



Lubpajzoo
Developer
Developer

Messages: 126
Date d'inscription: 2010-04-22

Re: Qhia sau paj huam

Post  Lubpajzoo on 26th January 2011, 3:47 pm

Nyobzoo niamlaus, kzkz thiab Hmoob ntuj qub qab,

Vuag! Tijlaug, sau pajhuam es yuav kom kuv sau muaj paus muaj ntsis thiab muaj lub muaj qog npaum koj hais no xwb ces ntshe kuv yuav muab txajmuag tag tsis tau txaj pw hauv nej lub ntuj no li pod???

Vim tias kuv cov lus sib dhos thiab zaj puav pajhuam ces kuv lam tau lam sau raws lib lub siab xav tau xwb es yog li ces kuj paug nej qhov muag dhau lawm os, puas yog nas???

Kavliam mas vim yus txuj tsuas zoo li xwb tsis tau muaj neeg qhia dua thiab tsis tau kawm dua li ces twb sau tau ntau ntau ua ntej lawm los thov nej zam txim pub nawd.

Ntshe yog vim kuv tsis paub sau thiaj tsis muaj neeg caum kuv qab li hod, heehehe, Sad

LajLim
Visitor
Visitor

Messages: 44
Date d'inscription: 2010-12-01

Re: Qhia sau paj huam

Post  LajLim on 26th January 2011, 11:07 pm

hahaha...lubpajzoo. Tus kws sau pajhuam nws yuav tsis thuam thiab khav theeb hlo li, yog koj nug nws txog kev sau pajhuam, ces nws yuav qhia koj txog kev sau pajhuam xwb, yog li txhob xav ntau ntau ntau li ko mas lov Smile. Thiab ib qho ntxiv kuv twb tsee tab tom pib caum koj sau pajhuam nev, txhob hnov qab kuv ma.

Lubpajzoo
Developer
Developer

Messages: 126
Date d'inscription: 2010-04-22

Re: Qhia sau paj huam

Post  Lubpajzoo on 23rd February 2011, 7:24 pm

Nyobzoo me leej nus Lajlim,

Tos kuv ho tsis tuaj los twb vim kuv muaj txaj muag tag tsis muaj txaj pw lawm thiaj tsis pom qab tuaj tabsis zoo siab rau koj cov lus kawg li os.

Hnub no kuv tuaj pom koj cov lus txhawb siab es kuv thiaj txiav txim siab rov qab los nrog koj tham ob peb los na, uali koj puas nyob zoo thiab puas xav caum kuv tiag ma?

Kuv yeej xav tuaj sau pajhuam uasi ntxiv tabsis vim kuv txaj muag tias hauv nej lub ntuj no zoo li nej yog ib cov tshaj tshaj lij thiab paub hauv paus rau hauv ntsis xwb, yog li kuv thiaj muab txaj muag tag lawm es uali yog kuv rov qab tuaj dua no koj puas kam kuv caum koj thiab ma?

Mam sib ntsib dua nawd mog.
  • Post new topic
  • Reply to topic

Current date/time is 21st October 2014, 8:41 am