google-site-verification: googlefbfddf59e706b96b.html

Latest topics

» XYOO 2016 NO DEJ NYAB NPLOGTEB NYOB YAV QAUMTEB LOJ KAWG KIAG
by Liajntsuab 24th August 2016, 7:14 pm

» ***UA NEEB***
by shung 24th August 2016, 7:50 am

» KHAWV KOOB
by shung 24th August 2016, 7:20 am

» hu plig 30.
by shung 23rd August 2016, 7:50 pm

» xaav nus txog tshuaj kho mob ko taw vwm
by shung 23rd August 2016, 7:37 pm

» Xiong Chang
by koojziagkabzaug 16th August 2016, 1:43 pm

» Kiab toom lauj npliaj yob lub qub tsev.
by koobpovtxuj 1st August 2016, 4:25 pm

» Hmoob Suav teb nkauj tuag -----nkauj hauv ncoo
by Admin 28th July 2016, 7:40 am

» Neeg tuag tus xyw los deev neeg ciaj muaj me nyuam.
by koobpovtxuj 16th July 2016, 9:53 am

» Lub Neej Lwj Siab
by Me qigtaub 26th June 2016, 4:06 pm

» Kab tshoob kev kos- Nkauj pom nraug qab- Nraug pom nkauj lw-
by Hmong ntuj tshiab 20th June 2016, 4:46 pm

» kuv cov duab.
by koobpovtxuj 19th June 2016, 6:35 pm

» Kuv 1 Vuagdua
by koobpovtxuj 16th June 2016, 12:22 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Zoo siab txais tos cov phooj ywg tuaj tshiab

    Share

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Zoo siab txais tos cov phooj ywg tuaj tshiab

    Post  koojziagkabzaug on 24th March 2011, 1:42 pm


    Nyob zoo tsoom phooj ywg tuaj tshiab,

    Zoo siab uas nej muaj coob leej tuaj xyuas peb lub tsev twj cuab.
    Kuv pom muaj coob leej ntau tus tuaj sau npe, tab sis tsis pom nej los tsev. Kuv zoo siab yuav nyeem nej tej txuj nrog tswv yim kev sib nug moo. Kuv vam thiab cia siab tias nej txhua leej yuav los nrog kuv rhaub tshuaj Hmoob. Yog peb tsis sib koom tes nrhiav peb txuj, yuav tsis muaj neeg pab peb tsa peb Hmoob rau txoj kev tsim nuj. Li ntawd, kuv thov nej txhua leej uas tuaj txog hauv lub tsev nov los nrog kuv koom tes tsa Peb Hmoob lub neej mus rau txoj kev vam meej mog.
    Nov yog ib lo lus tuaj hauv lub siab tuaj rau nej txhua leej uas muaj lub siab dawb.

    Thov ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1269
    Date d'inscription : 2010-04-05
    Age : 56
    Localisation : USA

    Re: Zoo siab txais tos cov phooj ywg tuaj tshiab

    Post  koobpovtxuj on 26th March 2011, 12:26 pm

    koojziagkabzaug.
    Raws li kuv xav mas muaj tej tug mas lawv tuaj ncig 1 nyuag lwm xwb lawv lawm ncaj qha tsis tuaj lawm hos muaj tej tug mas yeej xav tuaj nrog peb txuas lus ntag tab sis thaum lawv tuaj sau npe tas ces lawv tsis pom lawv npe tshwm ces lawv xav tias yog nej tsis txais lawv ces lawv cia li lawm tu siab nrho lawm thiab ov.

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 26th March 2011, 1:07 pm


    Nyob zoo Koobpovtxuj,

    Yeej muaj tseeb li koj hais, tab sis neeg sau npe txog 100 leej lawm es tsis tuaj sau ib los lus li mas kuj txawv heev thiab. Lawv npe tshwm kawg mas, yog tsis muaj tus tuaj sau tom qab lawv ces lawv lub npe yeej nyob puag nram qab page ntag. Yog tias yus sau npe tag es ho muaj neeg tuaj sau npe ntxiv ces yus lub npe ploj nram qab lawm tab sis xav pom ces nias saum HAU Page, ntawm qhov Memberlist ces yeej pom nws npe nyob hauv. Hauv nov Maypaj wb tssi tshem leej twg npe li, yog tuaj sua lawm ces yeej nyob tag nrho hauv. Thiab wb cia tshwm kiag Automatic, tsis tos yuav Activer li.

    Li ntawd kuv thiaj qhuag hu thov txhua leej tuaj nrog peb sib koom tes khaws Hmoob txuj. Vim yog peb tsis khaws ces dhau peb tiam no ces Hmoob txuj yuav poob ntau heev lawm...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Zoo siab txais tos cov phooj ywg tuaj tshiab

    Post  Hmoob ntuj qub qab on 28th March 2011, 1:52 am


    Nyob zoo Koojziagkabzaug thiab Koobpovtxuj


    Tus neeg zoo nws txawm nkag txhua lub Forums los nws yeej zoo hais lus raug sawv daws siab raug sawv daws nyiam tus neeg coj zoo yeej ib txwm zoo mus qhov twg los luag yeej poog.

    Yog cov tuaj tshiab ntawv lawv xav nrog peb tawm tswv yim lawv yeej yuav los tawm tswv yim nrog peb yog lawv tsis xav tawm ces lawv tuaj yam xwb lawv yuav tsis los tawm lus li.

    Neeg ces nyias muaj nyias siab nyias muaj nyias tus xeeb ceem nyias muaj nyias tus yam ntxwv ib leeg yuav ua tsis raws ib leeg siab...

    Ua neeg nyob yuav tau txo hwj chim thaum yus pom tias yam twg yus ua tsis yog thiab tsis raug .

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 28th March 2011, 4:09 am


    Hmoob ntujqubqab,

    Nquag hu thov txog txhua leej muaj lub siab dawb tuaj nthuav txuj. Vim peb tej txuj yog kawm los siv nyob ntiaj teb no xwb, yog peb tsis ceev tsis khaws tseg, hnub twg peb hla ntiaj teb nov mus peb yuav nqa tsis tau mus. Ces yuav ploj yam tsis hnov ntxhiab tsw, muag tsis pom li...Khuv xim heev. Thiab Peb Hmoob poob luag lwm haiv neeg qab deb heev, vim peb zais ntshis peb tej txuj ces tsis muaj leej twg khaws tau li...Khuv xim heev.

    Cov kwv tij phooj ywg, tham lo puav lus paug nej pob ntseg los txhob ua siab deb, txhob muab ua kev tu siab mog...Twb yog kuv vam vam, tos tos nej tej txuj, nej lub peev xwm txawj ntse es kuv thiaj li tau hais lus ntau me ntsis lawm los thov zam txim thiab nawb mog. Kuv nim xav luaj ntug los xu luaj nyug, vim saub tsis pub lub ris rau kuv kom kuv tau ua ib tug tub rag txuj, kuv nim nqa tau daim tiab los hnav, es kuv twb tsis tau kawm txuj li kuv siab xav....Loj hlob laus nkoos mam tig rov los saib Peb Hmoob cas poob quab qab lawm ob peb lub roob, mam ras xeev, thiab los rheev ces tej laus twb dua toj lawm ci tub, thiaj nrhia tsis tau peb Hmoob txuj...Thiaj li nqa tes thov HU nej txhuaj leej tuaj pab...Kom peb Hmoob nrog luag muaj txuj ci txhua fab nyob rau cab sab no naj cov me kwv luag....


    Last edited by koojziagkabzaug on 29th March 2011, 1:44 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Zoo siab txais tos cov phooj ywg tuaj tshiab

    Post  Hmoob ntuj qub qab on 28th March 2011, 10:23 pm


    Nyob zoo Koojziagkabzaug

    Kuv pom qeej leej nyiag yam puav nws tso hauv nov mus tso rau lwm lub Forum tab sis nws kuj hais meej tias nws tau Copy los no.
    Leej puav no lawv yeej tuaj muab yam puav mus lawm tab sis lawv tsis kam los nrog sawv daws sib pauv tswv yim xwb.

    Ntawm kev cai Dab qhuas Hmoob txuj lwm yam pom muaj tawm rau sawv daws kawm lawm tab sis Khawv koob thiab Neeb yaig tshuaj ntsuab luag tsis nthuav tawm li vim tej yam no yog los cawm seej luag kawm muaj Xib fwb luag xiam xwb tua npua ntim ces rau Xib fwb lawm luag yuav tsis kam nthuav tawm rau sawv daws paub yooj yim.

    Yog li yuav tau mob siab kawm thaum cov Xib fwb lawv tseem ua neej nyob tsis li ces yuav ploj mus tiag li.


    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 29th March 2011, 2:07 am


    Nyob zoo Hmoob Ntujqubqab,

    Peb Hmoob muaj ib tug cwj pwm xav nto moo, xav rau tus kheej, siab hlob. Nws tssi hwm luag, nws mus lawv luag kua khaws luag li tab sis nws nyiam mus khav rau luag tej tias NWS YOG THAWJ TUG UA TAU...Thaum peem mas tsis xav quav ntsej, cia tej tug neeg muab 20-30 xyoo los peem, thaum yuav tau noj mas nws mus txeeb, nws mus txhav lub koob, nws hais tias nws yog tus tsim, tus pheev tau tawm los...Yog ntsia Hmoob kev txeeb hwj chim, ntshaw hwj chim mas kuj txaus tu siab kawg nkaus...Piv txwv li thaum Hmoob nyuam qhuav mus rhawv Nkws Yas, yog ib lub teb chaws tshiab, cov neeg txawm chaw ib txwm yog neeg CEV QHEV, tsis ua noj ua haus, thov noj xwb ces tseem hwv thiaj lees txais lub teb chaws ntawd ua lub teb chaws khawv tsis tau noj. Hmoob mus nyob, Txiv Plig Nyiaj Pov ua tag puas tsav yam, sim txhua yam kom Hmoob khwv tau noj, nws mus thauj kaus tsawb Thaib teb tuaj rau Hmoob cog, kom mus nqa mas ib leeg nqa ib tug ob tug xwb, tsis kam nqa lawm...Ces XH.Zoov Ntxheb yog ib tug txwj laus, nws thiaj ua siab ev tag nrho cov niag kaus tsawb mus cog, thaum ntawd tsis tau muaj tsheb li, muaj ib lub los siv rau tag nrho lub zos xwb...Ces Zoov Ntxheb yog ib tug ntawm cov tswj kav cov Hmoob mus nyob rau Nkws Yas, lawv luaj teb tag faib teb, cia luag yuav tag, Zoov Ntxheb mam yuav tom qab ces nws tau daim teb deb zos tshaj luag, nkawd ob niam txiv ev ev cov kaus tsawb ntawd ua nraub qaum hle tawv tag mus cog...Tom qab no nkawd coj mus muag tau, ces tsis hnov Hmoob hais txog nkawd lub npe lawm, tsuas hnov Hmoob tham tias....Kuv yog thawj tug uas txawj cog tsawb nyob Nkws Yas, kuv yog tus xub paub muag txiv tsawb...Ib yam li zaub qhwv los tib yam nkaus, yog Zoov Ntxheb yog tus xub cog...Vim nqa tau yub zaub tuaj, tssi muaj neeg cog kom txaus muag...Tab sis tom qab no mas tus twg los yog tus xub cog xwb...Zoov Ntxheb lub npe ploj lawm...Tsuas tshuav lub siab tias yus tau ua thawj kauj ruam rau Hmoob, qheb Hmoob keb vam meej no xwb...Tsis muaj leej twg paub txog yus lub siab ces tsis muaj neeg paub txog keeb kwm lawm...

    Ib yam li peb sau ntawv nov, luag tej mas zais li zais, tsis kam cev tes pab li, tsuas tuaj xauj es nqa hlo mus ua yus tug lawm xwb...Tsis paub tias yus nqa los luag tso tawm lawm ces luag yeej tsis txiav yus, tab sis yog yus paub cai, yus muaj pluaj siab zoo mas yus yuav cev tes los pab txhawb nqa kom luag ho mus taus deb dua yog sib pab txhawb lawm ces tseem yuav tawg paj txi txiv ntau dua, tseem yuav tau khaws ntau ntshaj ntxiv thiab...Yog yus raus tes lawm, tej zaud muaj tej qhov luag tsis nco qab tham, yus ho ua rau luag ras xeev, luag ho tham tuaj. Yus tham ces yus ho rov nco txog tej yam zoo zoo uas yus muab khaws cia zoo chaw es yus tssi nco qab thaum los cia li hnov qab hlias lawm ntawd tawm los ces peb yuav hloov peb lub neej txom nyem mus ua ib haiv neeg muaj txuj ncig ntuj...Nej hais puas yog thiab cov phooj ywg kwv luag...?


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Zoo siab txais tos cov phooj ywg tuaj tshiab

    Post  Hmoob ntuj qub qab on 29th March 2011, 9:25 pm



    Nyob zoo Koojziagkabzaug

    Hmoob yeej coj li nws hais los no tiag li muab luag li los ua yus tug los tseem tsis ris luaj txiaj tsis nco luag ntsig, zoo li no Hmoob thiaj tsis muaj teb chaws yog Hmoob li , Hmoob txawm muaj teb chaws los Hmoob yuav tsis txawj sib hlub tsis txawj sib zam koj yuav hlub koj xeem kuv yuav hlub kuv xeem li yav ntuj dhau los mus thaum kawg tshuav sib tua xwb Hmoob mas kuj muaj tus zoo tus phem sib xyaws pes ntxaws tab sis thaum tus phem coj phem lawm ces kawg tus zoo yuav tau coj phem thiab thiaj sib phim...

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 30th March 2011, 3:32 am

    Nyob zoo Hmoob Ntujqubqab,

    Hmoob feem coob coj li ntawd, thaum yus mus txog ib thaj tsam teb chaws mas nrog tus twg tham los nws hais tias nws yog tus tswj kav pawg ntawd, lawv mlooj nws hais nkaus xwb. Yus nrog coob tug tham mas yus tssi paub tus twg yog tus tswj kav...Yog kawg, Hmoob nyiam hwj chim meej mom, thiaj li tsis muaj teb chaws kav...Vim ntshaw ntshaw ces plam lawm...Yog hmoob muaj ib lub noob tsis zoo rau hauv ntshav, Hmoob thiaj tssi muaj teb chaws nrog luag kav, yog Hmoob muaj ib qho paug nyob hauv roj thiaj tsis muaj liaj ia nrog luag nyob...


    Lukesai daoleumdinh,

    Hnub no muaj ib lub hnub qub ya tsis nco daim av
    Nag hmo muaj ib tug phooj ywg tuaj tseem hmov tshua

    Taig kis nws yuav rov nco txog thaum i
    Lwm hnub nws yuav xav txog wb kev hlub

    Ces hnub qub yuav rov ci rau av
    Kev phooj ywg yuav rov sib ntsib li siab xav...




    Last edited by koojziagkabzaug on 27th June 2012, 10:50 pm; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 15th April 2011, 3:59 pm



    Cov phooj ywg tuaj tshiab
    Kuv pom neb tuaj yuam phiaj

    Caw nej los tsev
    Los nrog peb haus ib khob dej

    Los peb lub tsev tab qhua
    Los nrog peb noj ib dia mov zaub tsuag

    Los tham koj los lus hlub tshua
    Los nthuav koj txuj rau peb mloog ib ncua

    Peb tos ntsoov koj zaj
    Tuaj txhawb kom peb Hmoob ciaj vaj

    Peb vam koj lub laj lim
    Tuaj tsa Peb Hmoob ciaj faj tim...Nawb mog kuv cov me kwv tij Hmoob siab zoo.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 25th April 2011, 5:40 am



    Nyob zoo cov phooj ywg tuaj tshiab,

    Kuv pom nej tuaj ua npoj ntws
    Nej puas kam nrog kuv khawm xwb pwg?
    Kuv pom nej tuaj dug dag
    Nej puas kam nrog kuv tuav tes thiab naj?

    Cov phooj ywg tuaj tshiab,

    Hnub no kuv xav vam txog nej
    Nej puas yuav pab cev tes?
    Hnub no kuv thov txog koj
    Koj puas yuav sej tau lub caij thiab os?

    Cov phooj ywg tuaj tshiab,

    Ib txhais tes npuaj tsis nrov
    Ib tug ncej txheem tsis khov
    Thiaj vam nej txhua leej nrog koom tes
    Tuav peb Hmoob lub npe

    Cov phooj ywg tuaj tshiab,

    Yog koj tuaj txog thov txhob ua siab deb
    Nkag los ua tswv tsev
    Nthuav koj txuj ci rau peb kawm
    Peb Hmoob thiaj li yuav nrog luag vam sawm...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 25th April 2011, 11:57 am



    Eb! Hluas nraug siab zoo los muaj, hluas nraug siab dawb los tuaj, nraug ceb muag tos muaj, nraug Rag txuj los tuaj txhua, cas tsis muaj neeg los nrog kuv haus dej tham ib ncua...? Nkauj qab zib los tuaj txhij, Nkauj tawg paj los tuaj tag...Cas tsis pom leej twg tuaj nrog kuv hais ib los lus li nes eb...! Lawv, nej tuaj pom kuv nyob ib leeg, hais lus dab plos...Es nej tsis hlub kub thiab lov...?








    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 26th April 2011, 9:15 am



    Nyob twj cuab, tos seb puas muaj neeg tuaj xyuas
    Nyob toj roob, niaj hnub ntsia seb puas muaj neeg tuaj poob
    Nyob kuab ha, tos saib qhov rooj ntshis seb puas muaj neeg tuaj ncaj
    Nyob ib leeg, tos thiab tos, yuav thaum twg mam pom neeg...




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 27th April 2011, 11:39 am



    Nyob nyob tsis muaj neeg tuaj ces kuv rov hais lus dab plos dua
    Nyob nyob tsis muaj neeg dhau ces kuv rov tham lus npau suav xwb lauj...

    Hnub no tshav ntuj heev nyob kuv daim teb
    Kuv lam de zaub hmab los xwv xyaw ntses ce...noj tag mam rov mus ua teb...







    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 28th April 2011, 4:11 am



    Nyob zoo cov phooj ywg tuaj tshiab,

    Ib hnub pom ib tug tuaj tshiab
    Tab sis tsis pom leej twg tuaj yuam phiaj

    Ib hmo pom ib tug tuaj ntxiv
    Tab sis tsis muaj leej twg kam nthuav txuj ci

    Phooj ywg Hmoob hmov tshua
    Thov Peb Hmoob rhaub peb tshuaj

    Phooj ywg Hmoob ntxim nyiam
    Thov los koom tes tsa peb lub neej tshiab...Nas yuad...cov phooj ywg...!




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 3rd May 2011, 11:40 am



    Nyob zoo cov phooj ywg,

    Koj tuaj txog kuv lub zos twj cuab
    Tsis muaj txhij nrog muaj txhua
    Los koj lam nkag los hauv tsev
    Los nrog peb tham haus ib khob dej

    Koj mam rov taug kev
    Vim ntuj deb kev ncuas ntev
    Tsam xyov thaum twg koj mam rov tuaj
    Ntshe yuav nyob tos nej txhua hnub yuad....


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 10th May 2011, 10:10 am



    Nyob zoo cov phooj ywg tuaj tshiab,

    Eb! Cas pom neeg tuaj coob coob, tsis muaj tug los hais nyob zoo?
    Cas pom neeg tuaj ntau ntau, tsis muaj tus los tham ncauj?

    Cas pom neeg dhau dhev, tsis muaj tus los tsev?
    Cas pom neeg dhau dug, tsis muaj tus los tham txuj?

    Lawv, thov koj tso koj zaj zoo, kom peb muaj txuj Hmoob
    Thov koj tso koj zaj tseeb, kom peb Hmoob nrog luag vam meej...Thiab naj yuad...
    Koj tsis tso ces kuv txuj tsawg, kuv tham lus dab plos lawm xwb ne...




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 11th May 2011, 1:22 am



    Nyob zoo cov phooj ywg,

    Lawv e...! Cas ib hnub nej tuaj ib tug tshiab, cas tssi pom nej los nrog kuv tham kiag?
    Lawv e...! Cas ib hmos pom nej tuaj ib tug ntxiv, tsis pom nej los nrog kuv txuas lus li?

    Txhob ua siab deb mog cov me phooj ywg kwv luag, peb yog Hmoob, peb tsis rhaub peb tshuaj ces yuav tsis muaj leej twg los rhaub mog. Yog peb tsis ceev thiab khaws peb txuj ces luag hja yam khoob qhov ntswg xwb...Peb yuav sib peb khaws kom tau ntau li ntau, peb thiaj yuav koom tau ib haiv nawb mog. Muaj ib tug hluas Hmoob Cob Tsib hais rau kuv tias, yog peb tsis khaws peb txuj, peb tssi nrhiav peb keeb kwm...Thaum koj mus nrog luag pej kum nthuav txuj ci, yog koj tsis muaj ib yam tshwj xeeb yog koj li coj los ua puav pheej ces luag tsis xam tias koj yog "ib haiv neeg" lawm no. Cas kuv xav mus xav los yog tiag...Qhov nws hais li nov, yog thaum nws ncaim tej laus mus kawm ntawv, lawv muaj sib sau kom txuj lub caij tshwj xeeb...lawv cov tub ntxhais Hmoob yuav tsum nthuav lawv txuj los cim lawv Haiv...Nws thiaj hais tau ib los lus muaj nqes kawg uas peb cov tssi tau raug kev txom nyem twb xav tsis txog...Kuv ua nws tsaug...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 24th July 2011, 1:21 am



    Nyob zoo cov phooj ywg,

    Peb niaj hnub tuaj coob zuj zus, tuaj xyuas lub tsev twj cuab.
    Yog nej leej twg muaj cov txuj txawv peb cov hauv nov no ces nej ho coj tuaj tso rau peb sib pauv txuj thiab mog. Kuv kuj nrhiav tau ntau yam thiab tab sis lub caij nyoog khiav nrawm dhau lawm ces kuv tsis muaj caij coj tuaj tso li. Li ntawd kuv thiaj vam txog nej txhua leej tuaj txog qhov nov pab txhawb peb Hmoob txuj thiab. Txhua yam peb khaws cia hauv nov, yog muaj hmoo, yuav cia nyob mus li tsis muaj caij kawg...Yog peb Hmoob ib tug hneev taw hauv Cab Sab...




    Sib Hlub Hmoob-Smooth...





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Zoo siab txais tos cov phooj ywg tuaj tshiab

    Post  Hmoob ntuj qub qab on 26th July 2011, 10:44 pm

    Nyob zoo os Koojziagkabzaug thiab Maiv

    Muaj hauj lwm ntau mus lawm ntev loo cia lub tsev rau Maiv neb tu xwb los lub tsev yeej huv lis si nyob tau kaj siab kawg li.
    Lub caij no hauj lwm ntau tsis tshua muaj caij tuaj ua si hauv cab sab no lawm xwb.
    Cov phooj ywg hmov tshua leej twg tuaj los txhob ua siab deb muaj caij los nrog peb pauv tswv yim yam zoo los peb khaws cia yam tsis zoo los peb ua ntia vim peb hmoob tsawg tsawg yog li peb yuav tau sib hlub sib pab sib txhawb os.
    Luag tias :" Hmoob tsis hlub Hmoob leej twg yuav hlub Hmoob".



    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 27th July 2011, 10:25 am



    Nyob zoo Hmoob Ntuj qubqab tus phooj ywg zoo,

    Tsis pom nws tuaj los yeej tso siab lug tias nws yuav rov tuaj xyuas peb xwb. Yeej puab tias nws muaj hauj lwm ntau, tab sis yog tos tos nws tej moo zoo rau peb mloog xwb. Ob hnub no Maypaj tsis khoom thiab ais tshua kuv ib leeg zov tsev nrog cov phooj ywg lawm xwb.Nws rov tuaj no ces nco ntsoov los xyuas tsev thiab nawb mog, nws tsis tuaj xyuas kuv ces kuv hais lus dab plos xwb...hahahahha...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 16th August 2011, 3:37 pm



    Nyob zoo cov phooj ywg tuaj tshiab,

    Kuv pom nej tuaj coob li coob, kuv thov nej los koom tes tsa Peb Hmoob.
    Kuv pom nej tuaj ntau li ntau, kuv thov nej koom siab khaws Peb Hmoob tej keeb kwm hauv paus.

    Koj tuaj txog kuv lub tsev, caw koj los zaum haus ib pas dej.
    Koj tuaj txog kuv lub xam las, caw koj los so nkaum tshav.

    Koj tuaj txog kuv lub txhab, vam tias koj yuav nqa txuj tuaj fab
    Koj tuaj txog kuv daim teb, tos ntsoov koj zaj tuaj feb.

    Pom leejnus_siabzoo vam ntsoov nws tuaj tuaj tham pem rau peb mloog... :A


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Zoo siab txais tos cov phooj ywg tuaj tshiab

    Post  Hmoob ntuj qub qab on 23rd August 2011, 10:37 pm


    Nyob zoo cov Phooj ywg tuaj tshiab

    Tus phooj ywg zoo txawm nyob qhov twg los lub koob yeej nto moo
    Tus phooj ywg siab ncaj txawm nyob qhov twg los lub siab yeej kaj
    Tus phooj ywg coj tus txawm ua dab tsi los txhua yam yeej zoo mus
    Tus phooj ywg thoob tsib txawm nyob qhov twg los yeej muaj phooj ywg tuaj ntsib
    Tus phooj ywg tsib xwm txawm nyob qhov twg los yeej muaj phooj ywg tshwm

    ib leej paub ib yam luag tias kwv paub 2 tij paub ib yog li txhob ua siab deb los peb tsib pauv tswv yim os cov phooj ywg .
    Koojziagkabzaug lub tsev khaws txuj hmoob los peb sib cog qhia sib cog kawm kom thoob
    Lub neej thiaj vam meej nto moo.


    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Zoo siab txais tos cov phooj ywg tuaj tshiab

    Post  Hmoob ntuj qub qab on 23rd August 2011, 10:45 pm

    koojziagkabzaug wrote:

    Nyob zoo Hmoob Ntuj qubqab tus phooj ywg zoo,

    Tsis pom nws tuaj los yeej tso siab lug tias nws yuav rov tuaj xyuas peb xwb. Yeej puab tias nws muaj hauj lwm ntau, tab sis yog tos tos nws tej moo zoo rau peb mloog xwb. Ob hnub no Maypaj tsis khoom thiab ais tshua kuv ib leeg zov tsev nrog cov phooj ywg lawm xwb.Nws rov tuaj no ces nco ntsoov los xyuas tsev thiab nawb mog, nws tsis tuaj xyuas kuv ces kuv hais lus dab plos xwb...hahahahha...!

    Nyob zoo Koojziagkabzaug

    Nws thiaj yog neeg tsib xwm ua yam twg muaj chaw tws
    Nws yog neeg zas xeeb ua yam twg los tseeb
    Nws yog neeg paub tab hais yam twg los tshab
    Nws yog neeg paub siab paub qis ua yam twg los muaj txiaj ntsim
    nco lub qub neej thaum peem tsheej
    los kawm ntaub kawm ntawv ua ke zwb zawv
    xav tias thaum twg li muaj cuab los ua lub neej muaj suab
    thaum twg li txawj ntse los muaj lub npe
    ua ib tug neeg zoo mus nyob nto moo .



    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 24th August 2011, 3:00 pm


    Hmoob Ntujqubqab,

    Ua tsaug rau nws tej lus txhawb siab
    Ib txhiab yuav nco mus li
    Ib txhis yuav ua nws tsaug

    Hmoob leej tub, lub siab xav luaj ntug los nim xu luaj nyug. Nim xav los tsis nrog xav, xav xav los tseem twb tsis ncav...Ais nrhiav tau txuj ci los tsis muaj caij yuav tuaj tso li...Hauv kuv lub siab, kuv xav tuaj sau txog "Txhiaj Meej Mem Toj" kom ntxaws dua. Vim Peb Hmoob tsuas paub saib qua tsev, qua ntxa, zej zog tej xwb. Tseem tshuav ntau yam nyob hauv yus lub vaj lub tsev thiab ntawm yus tus kheej lawv tsis paub saib...Tab sis khwv khwv cuag dab tsi ais twb dhau lawm ob peb xyoos, twb ua tsis tau li siab xav...Kuv zoo siab uas muaj nws tuaj txhawb kuv siab nqa kuv zog ib txwd...Hnub twg yog kuv yuav rov ntuj qub qba no kuv yuav haiv nws mus nrhiav ib tug lau qaib sis, kuv mam li los tua ua nws tsaug nawb mog...Hahhaah...!



    Kuv nqhis nqhis nqaij qaib sis xyaw kav ywm ntxuag ib cov mov nplej tshiab tsw tsw ha... Sad





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Zoo siab txais tos cov phooj ywg tuaj tshiab

    Post  Sponsored content Today at 4:32 am


      Current date/time is 28th August 2016, 4:32 am