google-site-verification: googlefbfddf59e706b96b.html

Latest topics

» Nkauj Hmoob Pro lub sev mloog nkauj
by Admin 16th October 2017, 12:06 pm

» Hkauj Tawm Tshiab 2017 - Hmong New Song 2017 - Tawm Tshiab Nkauj Channel
by nkaujhmoobpro 16th October 2017, 4:26 am

» KHAWV KOOB
by koobpovtxuj 30th September 2017, 4:29 pm

» Koobpovtxuj.
by koobpovtxuj 25th September 2017, 10:00 am

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Zoo siab txais tos cov phooj ywg tuaj tshiab

    Share
    avatar
    Nraug Liab Toj Siab
    Sponsor
    Sponsor

    Messages : 774
    Date d'inscription : 2011-05-31
    Age : 31
    Localisation : Nyob ntawm koj ib sab.

    Re: Zoo siab txais tos cov phooj ywg tuaj tshiab

    Post  Nraug Liab Toj Siab on 14th September 2011, 10:46 pm

    koojziagkabzaug wrote:
    Nraug Liab Toj Siab wrote:
    MayPaj wrote:
    koojziagkabzaug wrote:Nyob zoo cov phooj ywg,

    NraugLiabTojsiab,

    Ua tsaug ntau rau nws qhia cov paj "Orchidé" lub npe hu ua "vaj ntxov" no rau peb tau cim tseg. Vim ncaim teb ncaim chaw, ncaim tej nras toj siab lawm ntev thiaj tsis nco qab txog yus tej puav pheej npe tag lawm...Ua tsaug ntau. Kuv hnov tias neeg tiaj nrag thiab pem kum tuaj kom cov kwv tij Hmoob mus nrhiav hauv tej zoov nuj txeeg los muag rau lawv...Lawv muab nqe tsawg tsawg rau xwb los tej kwv tij Hmoob twb tsis paub ais nim ntim su zias mus nrhiav lawm tsheej 2-3 hnub ke...Ntuj ni Peb Hmoob, nej nim ntshaw ntshaw luag tej nyiaj ntsuab, nej nim mus khawb nej puav pheej qab thu, txhiaj xeeb qab tiv coj los paub luag quav hnuv quav hli ci...ais nej nim zoo zoo siab...Nej tsis paub, luag niaj txhi piv txoj lug tias: "CI TSIS YOG KUB" ...Nej tseem mus nrhiav cov paj "vaj ntxov" uas yog ib hom paj muaj nqes tshaj ntiaj teb coj los paub lub puav nyuag txiaj npib...! Tib yam nkaus cov ntoo "MAJ ZOO los yog QHEB ZOO (nyob ntawm lub teb chaws hu)"...Nej mus nrhiav cov ntoo Maj Zoo qus, nej mus ntov, tus twg plawv dub nciab ntseeg nkawd, nej coj los muag ib lub plawv ntoo yog 100-200 $, nej nim zoo zoo siab tias tau nyiaj ntau heev...Nej puas paub tias luag coj mus muag tau 1kg yog 60.000$; yam twb tsis tau chaws ib ruam mus hauv hav zoo...



    Kzkz koj puas tau sim cog Vaj Ntxov hauv tsev nab? cas es kuv muaj 3 tsob Vaj Ntxov, kuv yuav tau los thawj xyoo nws tawg zoo nkauj heev, dua li cas tau ob xyoos no tsis pom tawg li lawm Sad , los kuv tseem niaj hnub zov seb puas yuav rov tawg.

    Cas cov ntoo koj hais MAJ ZOO koj piav saud es luag coj mus muag kim ua luaj, es yog coj mus ua dab tsi ho yuav kim tag npaum li ntawv os ?
    Nyob zoo me muam Maivpaj, Koojziagkabzaug,

    Cov paj nce ntoo(Orchide) uas peb piav no lus hmoob hu ua "Vaj Txhov" no os tsis yog "Vaj Ntxov" os.
    Cov paj no mas nyob rau sab roob Phus Npiab mas muaj ntau tshaj plaws li, nws tsis yog muaj nyob rau hav ntoo xwb, nws tseem muaj nyob rau hav xyoob Tuamtswm thiab, kuv twb tau nrog kuv cov tij laug mus muab ntau zaus los muag lawm, yeej zoo li nws hais tiag, yus mas tsom kab twg ntxhab thiab ntxhov mas mus kab ntawv xwb es neeg thiaj tsis tau mus dua, muaj tej hnub yus mus ncaj kab uas neeg tsis tau mus dua ces kuj tau thiab, hos tej hnub ces tsoo tsoo plaub hau ua quav miv tag twb tsis tau txog 1g li, nce ntoo mas sab tiag tiag li os, leej twg tsis keej ntoo ces twb de tsis tau thiab, yus 2 lub qhov muag mas tsuas tias xam rawv saum ntoo tas hnub xwb, muaj qee zaum mas tseem dawm ntog tsheej teeg thiab tiag, muaj ib zaug kuv 1 tug tij laug haj tseem plam tes poob ntoo siab kawg los li, tab sis hmoov zoo nws los khuam rau ib tauv hmab txiv kub nyug ces thiaj tsis raug nws qhov twg xwb.
    Tsuas paub de mus muag xwb, yeej tsis paub tseeb tias xyov luag yuav mus ua dab tsi tiag, hnov luag tej tham zom zaws tias Suav, Nyajlaj thiab Zijpee lawv yuav coj mus ua tshuaj muaj zog rau cov neeg sib ntaus(Sumo) kom muaj zog thiab sib ntaus thev chim no xwb, tab sis tsis paub qhov tseeb li.
    Hais txog txoj kev khwv yav ntuj qub qab no ces yeej zoo nkaus li nws hais ntag, lwm zaus kuv mam piav txog kev mus de txiv Toovlaj coj los muag rau nej paub nawb.

    Ua tsaug ntau.

    Me NraugLiabTojsiab,

    Wow...! Cas twb tsis xav tias mus de cov vaj ntxhov no yuav nyuaj npaum li nws hais...Ais tseem mus txog puag roo Phus Npiab thiab!
    Eb! Yuad, yog kuv muaj hwj huam, ntshe kuv yuav ua kom peb Hmoob caum cuag luag...Yog kuv muaj laj lim ntshe kuv yuav ua kom Peb Hmoob qhov muag qhib...Tab sis kuv yog me nyuam neeg ces kuv tsuas nyob khuv leej xwb...Cas nws yuav tham tau ntxim hlub ua luaj li...!

    Ua li nawb, me NraugLiabTojSiab, lwm zaud nws tuaj tham txhua yam uas peb twb tsis nco qab txog lawm rau peb mloog tias nej tseem niaj hnub ua niaj hnub siv rau peb paub nawb.

    Nyob zoo me muam Koojziagkabzaug,
    Hais txog kev khwv nyiaj nyob ntuj qub qab no ces yeej zoo li nws hais tiag los mas, yog yus tsis sib zog khwv npaum ntawv ces yeej tsis tau noj li os, peb khwv 1 hlis mas nyuam qhuav npaum li nws khwv 1 hnub xwb os.
    Hais txog kev mus de Vajtxhov mas yeej nyuab, txaus ntshai, thiab deb npaum li ntawv hos.
    Ua tsaug.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 15th September 2011, 2:55 pm



    NraugLiabTojSiab,

    Ais mus nrhiav cov vaj ntxhov nyuaj ua luaj li cas tssi hais kom sawv daws muag kim me ntsis?

    Yuav tsum hais kom sawv daws rau nqes me ntsis mas zoo dua, tsis yog lawv coj mus ua tshuaj, yog lawv coj mus ua noob cog muag paj xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Nraug Liab Toj Siab
    Sponsor
    Sponsor

    Messages : 774
    Date d'inscription : 2011-05-31
    Age : 31
    Localisation : Nyob ntawm koj ib sab.

    Re: Zoo siab txais tos cov phooj ywg tuaj tshiab

    Post  Nraug Liab Toj Siab on 16th September 2011, 1:35 am

    koojziagkabzaug wrote:

    NraugLiabTojSiab,

    Ais mus nrhiav cov vaj ntxhov nyuaj ua luaj li cas tssi hais kom sawv daws muag kim me ntsis?

    Yuav tsum hais kom sawv daws rau nqes me ntsis mas zoo dua, tsis yog lawv coj mus ua tshuaj, yog lawv coj mus ua noob cog muag paj xwb.
    Nyob zoo me muam Koojziagkabzaug,
    yeej xav hu nqi kom kim zog es thiaj li tsim nyog qhov yus mus tsoo tsoo plaub hau ua quav miv tag li nws hais kawg los mas, tab sis luag tus tuaj yuav tsuas muab txog li ntawv lawm xwb, tshaj sauv ces luag ho tsis kam yuav lawm thiab no tiag!

    Xyov tiag tej zaum kuj yuav yog li nws hais thiab, tab sis thaum yus mus muab tau los yus yuav tsum muab nws tu nplooj, tu hauv paus kom tag tsuas tseg tus kav nkaus xwb, yog zoo li no xyov lawv coj mus cog puas ciaj lawm as? thiab luag tsuas yuav tus mos mos, tus uas laus zog lawm luag tsis yuav thiab.
    Ua tsaug.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 16th September 2011, 8:24 am

    Hmoob ntuj qub qab wrote:Nyob zoo Koojziagkabzaug

    Mam nug cov paub seb tsob paj nce ntoo hu li cas os
    Neeg nquag mas tshuaj muaj txhua
    siv yam twg los tau vim muaj ntau
    cog tshuaj nyob ntawm tus muaj hmoo nws cog thiaj zoo ..heheheh





    Hmoob Ntujqubqab,

    Nws sim saib nws tus niam tsev zoo...Hahahah...Zoo dhau lawm ces mus lob nyuag nroj nyuag tsuag uas nej niaj hnub muab luaj pov tseg los ua pov haum...Hahaha...Nws txhob luag kuv nawb, kuv tseem mus yuav kim kawg thiaj li tau ob lub paj ncaim toj los saib dab muag...





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Nraug Liab Toj Siab
    Sponsor
    Sponsor

    Messages : 774
    Date d'inscription : 2011-05-31
    Age : 31
    Localisation : Nyob ntawm koj ib sab.

    Paj Ncaim Toj

    Post  Nraug Liab Toj Siab on 17th September 2011, 6:36 am

    Nyob zoo os me muam Koojziagkabzaug,
    hahahaha nws me Nraugliab cia li tuaj txais ceg ntoo qhuav ntawm no lawm ov!

    Wow, cas es nws nim muaj paj ncaim toj, txiv lws, tshuaj rau qaibsis,...tib si thiab os yom, ua li es nws mus muas los puas kim thiab na? hehehe!

    Hnov nws tham txog paj ncaimtoj mas cas nim nco thaum yus tseem me me es mus zov nyuj, zov twm es lub caij txiv ncaimtoj siav siav es muaj muaj kab tais ciaj dub los noj es yus mus muab los tso sib tais ua si mas cav lom zem thiab tsis nco qab mus ntsia nyuj twm ces nyuj twm tseem mus noj hmoob nplej, es ib chim los txog tsev tseem mag ntaus thiab tiag, hahahaha. Tej thaum tseem mus de cov txiv toj ncaim los noj mas ua rau yus tej tug niag qhov ncauj thiab nplaig dub nciab xiav lus zoo li niag tuag mas tseem coj mus hem cov yau mas cov yau tseem quaj luag laws rau ub rau no tias yog dab toj ntxas sawv los yuav tom lawv no mas cov laus tseem rho qws rau yus thiab no tiag, hahahahaha!
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 17th September 2011, 12:09 pm


    NraugLiab Tojsiab,

    Zoo siab kawg uas nws tuaj nrog kuv txuas lus, txhob xav li cas, txawm kuv tsis yog hais rau nws los yeej zoo siab tag nrho tias nws tuaj ua kuv luag. Ob hnub no ntshe tioj laug Hmoob Ntujqubqab tsis khoom lawm los cas tsis pom nws tuaj xyuas peb lawm.

    Me Nraug Liab Tojsiab aw...! Tsob txiv ncaim toj nov ces kuv yeej muas kim tsawv los, vim yog lawv xam rau "paj pej kum teb" ces yeej kim kawg. Tab sis kuv xav tias nco nco kuv teb chaws ces lam yuav los saib dab muag no xwb. Twb cog puag thaum lub 6 hli Nplog lawm ais txog tav nov nyuam qhuav tawg ob lub nyuag paj xwb...Hahahah...Tseem niaj hnub ywg dej, rau chiv huv si thiaj li tau ob lub paj los saib...Ntshe yuav ceeb laj tos tau txiv noj lauj...Tshuav tsis ntev xwb ces ntuj twb yuav rov qab no no lawm...Nws tham noj txiv ncaim toj mas cas kuj nqhis thiab...Muaj tej tham chaw mas txiv ncaim toj hlaws hlaws qab qab kawg...Nyob peb qub teb chaws Mab Teb mas zoo li cov ncaim toj loj dua cov nyob Xeev teb. Nws siab li cov txiv pos lws (xyov lawv hu li cas ni? Nej yav qab teb naj...? Puas yog txiv nws nkais no los yog hu li cas? Cov uas Los Tsuas muab ua Lam Nyob naj...?.

    Me NraugLiab Tojsiab, nws tham rau nws tej phooj ywg tias: "Nej nyob txawm chaw ais nej txuag thiab tsom kwm nej tej nroj tsuag xyoo ntoo no nawb mog. Nws tham ntxiv tias muaj ib tug Poj dab pog sais nim lauj zias nyiaj mus yuav tau ib tsob ncaim toj los cog hauv nws lub vaj loog...Niaj hnub mus saib ais tawg ib lub paj xwb los nim yeev duab cia; tuaj tham rau nw smloog no nawb...! Hahahah...!"

    WOOOOOW.....! Cas nws tseem txawj muab kab tais txiab los tso sib tais thiab...hahahah...! Lub neej me nyuam yaus mas thiaj li yog qaum ntuj xwb...Hlob los ces yuav paub ntiaj teb neeg txoj kev ntxhov siab...



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 21st December 2011, 11:28 pm



    NYOB ZOO XYOO TSHIAB COV PHOOJ YWG TUAJ TSHIAB.

    Zoo siab pom coob leej tuaj sau npe thiab nyeem ntawv,
    Ua tsaug rau txhua leej tuaj ntoj tuaj thuv Peb Hmoob lub txhab ntim txhuv.

    Kuv thov nquag hu txog ib tsoom kwv tij phooj ywg, viv ncaus nraug nus, thov nej nqa nej tej kev txawj, laj lim tswv yim tuaj KHAWS CIA rau hauv nov rau sd tau kawm thiab ho tau khaws cia. Tsam ib hnub twg ces yuav ploj mus tsis muaj leej twg nco txog lawm. Tej yam nej muab lub caij nyoog los sau thiab nrhiav, thov muab tuaj tso rau lub sam xeeb khaws rau lub sam sim.

    Yog muab tso rau hauv nov mas txhua yam yuav nyob mus li, yog khaws cia hauv lub PC xwb mas yuav txhob muaj teeb meem xwb, yog muaj teeb meem mas yuav khaws tssi tau tseg.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 18th January 2012, 12:21 pm



    Nyob zoo tsoom phooj ywg tuaj tshiab,

    Koj tuaj txog peb lub zos,
    koj puas kam tham ob peb los?

    Koj tuaj txog peb lub tsev,
    Koj puas kam piav pem me me?

    Thov koj nqa koj zaj tuaj rau peb nyeem
    Thov koj coj koj tej txuj tuaj nrog peb teem

    Kom Peb Hmoob nrog luag muaj tug
    Kom koj thiab kuv peb tau nrog luag rag txuj

    Me phooj ywg tuaj peb sib puag pwg, txhawb Peb Hmoob lub npe nrog luag muaj fij xws nawb mog...!
    Kuv pom nej tuaj coob zuj zus rau lub zos Hmoob tshav Ntuj, kuv tos ntshi txog koj tej txuj, yuav coj tuaj rau peb txhua tus kawm kawm nawb mog.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 21st March 2012, 12:40 am



    Nyob zoo cov phooj ywg tuaj tshiab,

    Pom nej tuaj coob, ua li nej puas kam pab nqa ib qho dej rau hauv thoob?
    Pom nej tuaj ntau, ua li nej puas kam pab kuv tsij taws rau lauj kaub?

    Hnub no kuv vam txog nej pab kuv
    Los khawv thiab rhawv Hmoob txuj
    Hnub no kuv yuav thov nqee nej zog
    Sib koom tes los tsim kho

    Nej tuaj txog hauv Tsev Hmoob Tshav Ntuj
    Xav thov kom nej tuaj nthuav nej txuj
    Ib leeg ib zaj yuav tsa tau Peb Hmoob huaj vam
    Ib leeg ib nqes yuav txhawb tau Peb Hmoob nyob nto npe

    Ib leeg txheem tsis tau ib phab tsua
    Ib txhais tes tsis npaum kaum txhais npab
    Yog peb Hmoob yuav vam meej tau yuav tsum yog sawv daws nqe tes pab

    Thov ua nej sawv daws tsaug ua ntej,
    Nej lub txiaj ntsim yuav nyob mus li
    Nej lub txiaj ntsha yuav nyob tsis muaj hnub tag




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 22nd March 2012, 3:37 pm



    Nyob zoo cov kwv tij phooj ywg hmov tshua,

    Ib hnub kuv tuaj xyuas nej ib lwm, cas tsis pom nej zaj tshwm?
    Ib hmos kuv tuaj xyuas nej ib zaug, Cas tssi pom koj tuaj sau?

    Koj puas kam nrog kuv txhawb Peb Hmoob txuj khaws Peb Hmoob teeg tug?
    Koj puas xav pab kuv tsa Peb Hmoob lub neej mus rau kev vam meej?

    Yog hnub no koj tuaj sau ib zaj, taig kis koj tuaj sau ib phab;
    ntau hnub ces koj twb yuav khaws tau Hmoob txuj ci tau tag.
    Yog hnub no koj tuaj sau ib los, lwm hnub koj tuaj sau ib co;
    Ces tsis ntev peb twb nrog luag muag tug thiab no os...kwv tij Hmoob.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zoo siab txais tos cov phooj ywg tuaj tshiab

    Post  xiongchang on 4th May 2012, 8:13 am

    - Nyob zoo os, Ib tsoom phooj ywg! Nkauj muam hmoob, Hlub hmov tshua; Lub paj hauv qab kawg....Lug hmoob dawb hu ua paj "txiv ncaim toj" Lug moob leeg hu ua paaj "Txiv ntsuag thoob" Lub ciaj siav, Noj qab kawg ov; Noj qhov ncauj....Dub tas li os.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 4th May 2012, 3:03 pm



    Tij laug Xyooj Tsab,

    Tiag ntag! Uas txiv ncaim toj Hmoob Ntsuab hu ua txiv ntsuag thoob no lo?

    Xav tias hais zoo tib yam xwb no.

    Nws hais txog noj txiv ncaim toj mas twb ua rau kuv xav noj kiag lawm xwb...Hahahah...Ntej heev lawm uas tsis tau noj, tab sis tseem nco tau tus ntxhib.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1316
    Date d'inscription : 2010-04-05
    Age : 57
    Localisation : USA

    Re: Zoo siab txais tos cov phooj ywg tuaj tshiab

    Post  koobpovtxuj on 4th May 2012, 5:48 pm

    koojziagkabzaug wrote:

    Tij laug Xyooj Tsab,

    Tiag ntag! Uas txiv ncaim toj Hmoob Ntsuab hu ua txiv ntsuag thoob no lo?

    Xav tias hais zoo tib yam xwb no.

    Nws hais txog noj txiv ncaim toj mas twb ua rau kuv xav noj kiag lawm xwb...Hahahah...Ntej heev lawm uas tsis tau noj, tab sis tseem nco tau tus ntxhib.
    koojziagkabzaug"
    koj xav noj ces ntshe kawg yuav tau mus lawm sab ntuj tim ub thiaj li yuav tau noj lawm xwb lau.
    nyob tim no ces kawg pom duab saib ua dab muag lawm xwb.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 4th May 2012, 11:46 pm



    Wow...! KoobPovTxuj aw...!Cas nws tseem muab tau duab ncaim toj tuaj rau peb saib thiab naj....! Kuv twb nco tsis tau tias ncaim toj zoo li cas lawm tiag no...Ua cas saib nws cov duab nov zoo li ncaim toj me me tsis siab nab? Kuv nco tias cov ncaim toj peb lub teb chaws Mab teb mas loj li txiv pos lws iab no. Ua tsaug uas nws tseem nqa tau ib daim duab tuaj rau peb saib ia tshuaj thiab.




    Tsob nov yog kuv cog, tsaib no tawg ob lub paj nov xwb....Hahaaha....tu ib xyoo tawg ob lub paj xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1316
    Date d'inscription : 2010-04-05
    Age : 57
    Localisation : USA

    Re: Zoo siab txais tos cov phooj ywg tuaj tshiab

    Post  koobpovtxuj on 5th May 2012, 5:08 pm

    koojziagkabzaug wrote:

    Wow...! KoobPovTxuj aw...!Cas nws tseem muab tau duab ncaim toj tuaj rau peb saib thiab naj....! Kuv twb nco tsis tau tias ncaim toj zoo li cas lawm tiag no...Ua cas saib nws cov duab nov zoo li ncaim toj me me tsis siab nab? Kuv nco tias cov ncaim toj peb lub teb chaws Mab teb mas loj li txiv pos lws iab no. Ua tsaug uas nws tseem nqa tau ib daim duab tuaj rau peb saib ia tshuaj thiab.




    Tsob nov yog kuv cog, tsaib no tawg ob lub paj nov xwb....Hahaaha....tu ib xyoo tawg ob lub paj xwb.
    Kooj'
    Cov no yog cov nyob ntawm roob pob zeb xwb es thiaj tsis zoo thiaj li qis li no xwb cov uas nyob ntawm tej zoo chaw yeej siab li koj hais thiab mas.
    Koj tseem cog tau 1 tsob me txiv ncaim toj tawg tau 2 lub me paj zoo nkauj kawg thiab yom.kuv ces txij li ncaim tim ub tuaj lawm ces tsuas pom duab lawm xwb.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zoo siab txais tos cov phooj ywg tuaj tshiab

    Post  xiongchang on 7th May 2012, 8:46 am

    - He....he....Phooj ywg! Koob pov txuj, Cas lub zog no; Nphob ua luaj li....Los nag ntaus neev taw ploj tas, Xyov nej tuaj dhau thaum twg? Kuv maub tuaj tshwm, Dev mub nce kav ncaj hlaub dub vog; Ntshai tsam muaj tsov....Ntsib poj ntxoog, Dhia tsi dim rov qab; Ntug zej los fab....Ntug zog nroj tsuag xyoob ntoo kauv tas, Tsi pom moj lw kev li; Xyov nej dua twg tas lawm....Kuv tsi tau luag, Ces kawg rov qab laus?

    koobpovtxuj
    Sponsor
    Sponsor

    Messages : 1316
    Date d'inscription : 2010-04-05
    Age : 57
    Localisation : USA

    Re: Zoo siab txais tos cov phooj ywg tuaj tshiab

    Post  koobpovtxuj on 10th May 2012, 9:39 am

    xiongchang wrote:- He....he....Phooj ywg! Koob pov txuj, Cas lub zog no; Nphob ua luaj li....Los nag ntaus neev taw ploj tas, Xyov nej tuaj dhau thaum twg? Kuv maub tuaj tshwm, Dev mub nce kav ncaj hlaub dub vog; Ntshai tsam muaj tsov....Ntsib poj ntxoog, Dhia tsi dim rov qab; Ntug zej los fab....Ntug zog nroj tsuag xyoob ntoo kauv tas, Tsi pom moj lw kev li; Xyov nej dua twg tas lawm....Kuv tsi tau luag, Ces kawg rov qab laus?
    Xiongchang'
    lub zos no phob mas vim yog hmoob muaj hauj lwm ntau heev ces cov hmoob tuaj tsis cuag ncua pes tsawg xwb.
    1 qho los peb tuaj nyias muaj nyias caij ces yeej ceeb laj sib ntsib kawg.
    Txawm li cas los tsuav 1 leeg tuaj pom 1 leeg hneev taw lawm ces mam tuaj sib nug nyaj hnub puav mus yuav muaj neeg tuaj coob zuj zus ces kev yuav du zuj zus mus xwb mas mog.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 7th January 2013, 11:48 am



    NYOB ZOO XYOO TSHIAB

    XYOO TSHIAB THOV KOM TXHUA LEEJ NTSIB KEV KAJ SIAB
    XYOO 2013 THOV KOM TXHUA LEEJ NYOB RUAJ NREB XWS CAG ZEB
    XYOO 2013 TUAJ THOV KOM TXHUA LEEJ NYOB RUAJ RUAS XWS CAJ TSUA

    UA NEEJ VAM SAWM TAB CUAB VAM POV
    UA NEEJ SOV SIAB SO RAU NRUAB NROG
    UA NEEJ SOV SIAB LUG NROG KEV HLUB

    KOJ TUAJ POM THOV KOM KOJ TAU NOJ QAB PW SOV
    KOJ TUAJ CIM THOV KOM KOJ NYOB NTSEJ TSHIAB KHUB MUAG KHIV

    KOJ TUAJ TXOG NO LOS TSEV THIAB MOG!





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Zoo siab txais tos cov phooj ywg tuaj tshiab

    Post  koojziagkabzaug on 23rd May 2013, 5:56 am



    Zoo siab txais tos cov tuaj tshiab.


    Thaum pom koj tuaj txog ua rau kuv siab loj
    Thaum pom koj tuaj tshwm ua rau kuv muaj peev xwm

    Hnub no koj tuaj txog tuaj nrog peb tham mog
    Hnub no koj tuaj tshwm tuaj nrog peb sam hwm

    Koj tuaj nyeem pab cov zaj, koj puas kam tawm tswv yim pab
    Koj tuaj saib peb tham txuj, koj puas kam qhia koj zaj lus

    Koj tuaj ntxiv yuav ua rau peb hmoob muaj txuj ci
    Koj tuaj txhab yuav ua rau peb hmoob khaws tau ntau yam

    Thov ua tsaug rau koj lub laj lim yuav tuaj nrog txhim
    Thov sam hwm koj lub dag zog uas yuav tuaj nrog coj.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zoo siab txais tos cov phooj ywg tuaj tshiab

    Post  xiongchang on 7th July 2013, 5:49 am

    ......Sad Sad Crying or Very sad Crying or Very sad Question Question ts ts  Lub ncauj tsi hais...Nplooj siab poob nthav...Ntshai ruj rwg...Tsam muaj ib hmub...Txhua lub vag sab..."Internet"...Yuav lwv tawm...Yam tsi nco ras txog...Tsi sis ntsib ntxiv lawm...Vim muaj ntau lub vag sab...Twb ploj lawm...Hnub ntawd ntshe...Yuav khuv xim heev...Cuag phau ntawv ploj lawm...Raug tub sab nyiag...Raug luag txeeb txhav yuav lawm...Suav daws mam nco txog...Lig dhau lawm mog...Ib tsoom phooj ywg!...Nkauj muam hmoob...Hlub hmov tshua suav daws.

    Sponsored content

    Re: Zoo siab txais tos cov phooj ywg tuaj tshiab

    Post  Sponsored content


      Current date/time is 18th October 2017, 1:06 am