google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Taug txoj lw ntshav

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Taug txoj lw ntshav

    Post  koojziagkabzaug on 1st April 2011, 4:58 pm



    Taug Txoj Lw Ntshav 2





    Taug Txoj Lw Ntshav 3



    Taug Txoj Lw Ntshav 4



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Taug txoj lw ntshav

    Post  Hmong ntuj tshiab on 5th October 2011, 8:40 pm

    koojziagkabzaug wrote:


    Taug Txoj Lw Ntshav 2





    Taug Txoj Lw Ntshav 3



    Taug Txoj Lw Ntshav 4


    Zaj 3. Paj huam Hmoob sawv coj
    Tus ntawm no…………………...…....tub Hmoob xeem vaj
    Yuav thov tshaj……………................txog hmoob lub keeb
    Sawv coj txeeb…………………………….daim av luaj pua
    Pib sawv tua……………………...…...cov suav koom tshaj
    Nyob txheeb faj………………………...…ib xya rau ntxaiv
    Hmoob thiaj xaiv……………….............….tsa tsab yim huj
    Teev tswv ntuj…………………….………..los ua thawj coj
    Haiv hmoob loj……………….………....muaj koob nto npe
    Nyob ua ke……………………………...….ib haiv sib hlub
    Tsis sib ntxub……………………..…koom nyob ywj pheej
    Kev ua neej……………………….….…tsis nco qab txhawj
    Hmoob tsis thawj…………………….…..…..leej twg hlo li
    Muaj txuj ci……………………….………ua neej huaj vam
    Suav lwj lam……………...……….…dag hmoob cais xeem
    Hmoob txawm yeem……………….….……li suav tau hais
    Ntes hmoob hlais………………….…..….thiab ua rog raws
    Hmoob teb chaws…………………...….thiaj nrog poob tag
    Raug suav dag…………..………..…..cov ruam ntxeev siab
    Coj ntau txhiab……………………...……rov taw tuam ntuj
    Qhia hmoob txuj………………...….……..rau suav lwj lam
    Suav liab mam……………………….txo Hmoob txiv yawg
    Hmoob thiaj tawg…………………..………mus ua ntau pab
    Khiav ua sab………………………………thiab nyob ua sua
    Ntau pab lua………………………….……tub rog kooj sam
    Hmoob thiaj plam……………….……teb chaws tuam tshoj
    Ho khiav zoj ……………………...…...…los dhau ciam teb
    Thiaj muaj ntxheb……………...…..…ntos hmoob lub keeb
    Nyob moos theeb…………………….….teb chaws cob tsib
    Ho rov pib …………………………..…...sawv ua rog vwm
    Tuav keeb kwm…………………….…..raws hmoob txuj ci
    Es thiaj li …………………………..……yog hmoob ua rog
    Thaum ntawd yog ………………….…….yawg vwj paj cai
    Sawv tsis ntshai ………………….…..…….los ua thawj coj
    Kev nyob noj ………………………….thaj yeeb nyab xeeb
    Hmoob tua txeeb………..………..…..…kev muaj vaj huam
    Fab kis yuam ……………….…………...…..thiab sau se loj
    Teev niam toj ………………………..….raws fab kis tawm
    Muaj tswv cawm…………………….….los muab hais xaus
    Txawm pib nkaus……………………...……ua rog cob tsib
    Nyab laj pib …………………………..……ua rog loj nteev
    Nyob nram xeev……………….………txhua txhia lub yeej
    Viej koom keej………………………….ua rog kawg nkaus
    Nkag tuaj ntaus………………….………….tub rog mes kas
    Nyob lub nras……………...………….nroog tiaj rhawv zeb
    Ua rau peb……………………….…………..tsis zoo ua noj
    Hmoob tus coj……………………………yog hlob vaj pov
    Mes kas thov……………...…………..kom hmoob mus pab
    Ua laj kab……………………………..thaib lawv haiv neeg
    Hmoob thiaj tseeg………………………….mes kas lus cog
    Peb sau zog…………………………………ua luag tub txib
    Nyab laj pib………………………….……ua rog tuaj ntaus
    Keeb hauv paus………………………..………ces yog li no
    Pib swb hlo……………………….……..lub yeej pham thiv
    Hmoob thiaj tsiv…………………………..los rau looj ceeb
    Nyab laj txeeb………………….………..ntaus nce tuaj mus
    Swb zuj zus…………………………….tas lawm tsheej tog
    Ob phav nplog………………….………thiaj los sau ntawv
    Cog lus tawv……………………...……muaj kaum yim npe
    Sau ua ke………………………………….tsis txhob sib tua
    Los sib sua…………………………..………ua neej ua tsav
    Tsis txhob xav………………….………..txog yav tas lawm
    Sawv daws tawm………………...……..los nyob ywj pheej
    Kom txhua leej………………..…….tsis muaj txim txhaum
    Dag hais haum…………………….….nplog liab pib nrhiav
    Ntes mus txiav……………………….….tsis pub neeg pom
    Hmoob cov nom…………………...…..ploj lawm coob leej
    Kev paub meej………………………….yog phas nyas npis
    Nplog sab xis…………………………..plaub rau txhiab tus
    Raug cog mus………………………….…tua rau moos xais
    Nrog huab tais…………………….…..lawv tsev neeg kheej
    Cov txiv neej…………………………..….tsis hais leej twg
    Siab yau rwg…………………….....…ntshai tsam raug ntes
    Muaj npe ces…………………….…….yeej raug txhom tag
    Hais tsis dag…………………..……….muaj tseeb tiag tiag
    Thiaj sau kiag………………….………..tseg ua puav pheej
    Hmoob lub neej…………………...………yav tas los lawm
    Rau nej kawm………………..…………thiab tseg ua tshuaj
    Cov tsis tuaj…………….…………tham ntshai kawg nkaus
    Loj me laus……………………………….piav hais tib hom
    Lawv cov pom…………….…………….……….tuaj tham li nov
    Qhia peb cov………………………………xub khiav ua ntej
    Peb hmoob nej………………………...raug luag muab txov
    Hlob vaj pov……………………………….li tau khiav ntab
    Dhau thaib sab…………..……...……….mus rau nom nrim
    Peem kom dim………………….………..txoj kev kooj sam
    Nws thiaj lam……………….………khiav tawm teb chaws
    Hmoob sawv daws…………………...peem nrog nws khiav
    Npaj tsis tiav……………………..……….thiaj nrog tsis tau
    Hmoob feem ntau…………………….khiav nrog hmoob vaj
    Nplog nyaj laj……….……………………tsim cov tom qab
    Rog cob fab……………………..………thiaj pib sawv chiv
    Teev niam txiv……………………………cob fab tswv ntuj
    Yog yam txuj……………………...………tsis tau hnov dua
    Hmoob sawv tua………………...……nyob roob phu npiab
    Xyoo ib txhiab………………..……………..ib cuaj xya rau
    Hmoob sib sau………………….……..yeej coob heev diam
    Muaj poj niam………………………..nrog nraim txhua pab
    Npe cob fab……………………………….yog nplog tis rau
    Peb hmoob tau……………………………….ib lub npe zoo
    Muaj txoj hmoo…………………..…….yuav neej huaj vam
    Leej twg tham……………………….…….txog npe cob fab
    Ntuj tseem pab…………………………....tsis pub kom ploj
    Pab thawj coj…………………...………nyaj nej yuav hnov
    Lub npe nrov……………………………..rau yav nram ntej
    Qhia rau nej……………………………..toj xeem xaiv suav
    Sawv los tuav……………………..………phav uas xem lis
    Yawg pha tis…………………….…….thaj zoov zuag hawj
    Ua tuam thawj…………………….……...tuaj phav cob fab
    Nkawd ob pab…………………….………sib koom ua luag
    Sawv los puag…………………….……peb haiv me hmoob
    Nkaum toj roob……………………...….hauv pes txhua tag
    Nyob tiv nag……………………………….sawv nrog lo av
    Zaum tiv tshav………………...…….nyiaj tshaib yoo nqhis
    Sawv tswj lis……………………..………hauj lwm tauj tab
    Muaj ib pab…………………..…………yog cov pub thawj
    Niam na kawj……………….………sawv teev koom txoos
    Lawv kuj khoos…………………..……….tua nyob nas tub
    Yog kha xub……………………….……..ua tus tuam thawj
    Coj pub thawj………………………......……coj fab tub rog
    Yuav piav txog…………………………..cov khej kaum ob
    Phu koos qhob………………….……yog xyooj ntsuab pov
    Coj ib cov………………………..……tub rog hmoob coob
    Nkaum toj roob…………………………..rau sab phu npas
    kaus mas das…………………….……yawg vaj nchaiv hwj
    Sawv los tswj………………….……….sab puag thab xuab
    Pab hmoob ntsuab…………………..…….yog vaj tsav kab
    Coj ntau pab……………………………nyob rau tsua tawg
    Muaj ib pawg……………………..……sawv sab qaum teb
    Raws li ntxheeb…………………….…….tuaj rau peb hnov
    Muas txawj pov…………………………ua pawg khov kho
    Nyob tsua tho……………………...……hav pas dej ntshiab
    Coj ib txhiab………………………...……..tus tub rog leem
    Hav naj theem…………………………….yog vaj tswv kim
    Sawv los cim……………………………lub me npe hmoob
    Nrov mus thoob…………………………toj roob quav txiaj
    Hmoob rho nyiaj……………….………..los yuav ntsev noj
    Tsa thawj coj…………………….………sawv los kav tswj
    Vam kaim vwj………………….…….nyob sab moos mauj
    Sib cog lauj…………………………….cov qub riam phom
    Sawv kwv nyom……………….………kev cai koom pheej
    Tsa ntau leej………………………………..los ua thawj coj
    Pib nyiag soj……………………….…….tua cov nplog liab
    Nyob naj hiab…………………...……..thiab phu pham cob
    Hos cov nyob………………...………..rau sab moos pheeb
    Yawg tooj neeb………………….ntawm pawg Hmoob thoj
    Sawv los coj……………………….………tua sab tiaj qhib
    Pab ham ib………………………………..nrog cov naj gwj
    Pawg tsua qwj…………………..…….yog yawg lauj thoob
    Ntau pab hmoob………………………..nyob roob phu xam
    Lawv kuj tham………………………….….nrog cov naj los
    Mus nrog tos…………………………….cov kieb xas qhais
    Sib cog pais…………………………….koom nrog zov kev
    Pab phu xev…………………………....yog yawg koos ham
    Coj thab ham……………………...……tua lav nees nkaum
    Lawv tau caum………………………….…nyab laj nas xus
    Hmoob tau mus……………………….…tua choj kev loom
    Lawv sib koom……………………….….siab ua kawg kiag
    Pab roob yiag…………….……………yog koo txawj nchai
    Sawv tsis ntshai………………….…….nrog yawg yaj neeb
    Nkawv tua txeeb………………...………sab roob pham guj
    Teev tswv ntuj………………..…………los nrog thaiv ntag
    Roob xyoob dag………………...……….nrog cov phuv hej
    Hmoob tuav nplej…………….…………ua mov phaj tshab
    Coj ntau pab…………………...………tua qhov txhia chaw
    Kab lwj hlaw………………………..…..yog nyab laj khiav
    Hmoob tau txiav………………….…… ntau txoj kev tsheb
    Nyob tsis deb………………….………ntawm sab hiob qha
    Qhaib nab qa……………………...……kuj raug hmoob tua
    Nram liaj qhua…………………..…….hmoob kuj txeeb tau
    Pha au lau………………...………..….Hmoob kuj tau nyob
    Qab tsuas xob…………………...……..yog xaiv suav pawg
    Nyab laj tawg…………………….……khiav txog looj ceeb
    Hmoob kuj txeeb………………………..tau nroog moos oo
    Ntau lub xyoo…………………………...……coj poj tub se
    Nyob ua ke………………………………….tiv tua tsov rog
    Yuav piav txog……………………….....sab zos dej tshuam
    Yaj txoov tuam……………………….…. ua tuam thawj coj
    Kev nyob noj…………………………..…….ti sab phuv laj
    Zov nyab laj…………………...……txog pham thab khoob
    Xyooj vam soob………………………..nyob kiaj muas nas
    Sawv xeev ras……………………..…….thaiv sab xam leej
    Thiaj qhia meej…………………….……rau nej paub tseeb
    Yawg xyooj xeeb……………………….thaiv sab nab loom
    Nws kuj koom……………………….….pab nyob moos om
    Peb kuj pom………………………..…yawg lauj paj npliam
    Thau phom riam…………………….…..phom peb cuv tsib
    Sawv los qhib………………….…….… tua cov nplog liab
    Yawg qha kiab……………………...….nrog yawg npus cas
    Plu puas tas………….……………..……khiav tsis saib qab
    Rau moos cab……….……………….lawm tiag cov npawg
    Lawv cov yawg…….……………….…….sawv los nrog coj
    Kev nyob noj………………………….……rau ntuj qub qab
    Kuj tshaib plab…………………….…thiab txom nyem heev
    Rho nyiaj keev………………………..….yuav mos txwv tiv
    Nrhiav kev tsiv…………………….…..thiaj tshwm sab thaib
    Li tuaj laib……………………………...…rau teb chaws no
    Tshuav ib co…………………….…..tseem nyob xub tsuag
    Cov seem tuag……………………………..thiaj li yog peb
    Li muab ntxheb ………………………….rau nej paub zoo
    Noj caus ntoo………………………ntxuag me nplooj hmab
    Ntuj qub qab………………….……kuj tseem tshuav coob
    Nyob toj roob………………………tseem kwv riam phom
    Nplog liab txhom…………………...….thiab raws lawv tua
    Lus moo cua……………………….…peb tseem hnov thiab
    Mob lub siab………………………...npaum kua txob ntsim
    Txoj kev chim………………………...…tsis muaj caij xaus
    Hmoob tej laus……………………….....thov pab tswv yim
    Kom lawv dim…………………………..thiab coj lawv tuaj
    Txoj kev quaj………………………...…thiaj yuav tsis pom
    Thov cov nom………………………..….nrog peb mus hais
    Vim nplog cais…………………….…..thiab tsis hlub lawv
    Peb sau ntawv…………………….……mus rau koom haiv
    Kom lawv xaiv…………………..……kev rau hmoob taug
    Thiaj tsis raug……………………..…..nplog muab lawv tua
    Li tej npua…………………………………thiab tej me qaib
    Cawm puas laib………………….……..cov nyob hav zoov
    Noj mov soov……………………...ntxuag mov qos ncoom
    Thov sib koom…………………………….siab mus nrog tos
    Cov nyob los………………….…….lawv txom nyem kawg
    Nej cov yawg………………………..…….lub siab puas ras
    Peb xav mas……………………...……..lawv tuav lub koob
    Ntawm peb hmoob……………….……...lub neej pem suab
    Thov peb muab……………………...….lawv ua keeb kwm
    Nrhiav kev tshwm………………………….cev tes mus pab
    Cov hav fabn………………………..…. raws peb kom laib
    Txoj kev tshaib……………………...….thiaj yuav tsis ntsib
    Li paub pib………………………..………lub neej tom ntej
    Hos lawv tej……………………….…txiaj ntsha txiaj ntsim
    Thov peb cim………………………….nyob rau nruab ntaub
    Qhia Hmoob paub…………………….……rau cov xeeb leej
    Sau hais meej ……………………..……rau cov xeeb ntxwv
    Txhob muab lwv……………………....khaws ua puav pheej
    Hmoob lub neej………………………….nyob rau xov tshoj
    Txoj kev ploj……………………....hmoob tuag lawm coob
    Puv toj roob…………………………..…..thiab cov kwv ha
    Lub koob ncha……………………...…..mus thoob ntiaj teb
    Luag paub peb………………….…..ces neej hmoob tshwm
    Hmoob keeb kwm…………………….yuav nrog tshwm los
    Kuv lus ntos…………………………..……..mas muaj li no
    Thov nej nco……………………….……..cov ntuj qub qab
    Nyob hav fab………….……………….….ua npua teb dais
    Thov pab txais………………………...thiab hlub lawv mog
    Txawm nyob nplog…………………….…….los kuj tib yam
    Vim lawm plam……………………….…..poob rau tom qab
    Nyob nrog kab………………………..thiab nrog noog quaj
    Lawv khiav tuaj……………………….nkaum rau sab thaib
    Tuaj ua laib……………………….…….nyob zos qhov tsua
    Raug thaib tua…………………...….thiab mag thaib ncaws
    Thaib muab raws…………..…………….tuaj vaj tsev nqha
    Hmoob tej ntxa………………….……kuj raug thaib khawb
    zos dej dawb……………………..…….kuj raug thaib tsim
    tsis muaj txim………………………..…..los kuj raug nkuaj
    thaib tseem tuaj………………….……ncaws tawm vaj tsev
    nyob ntug kev…………………………..mov tsis nrog muaj
    niaj hnub quaj…………………………los kua muag ntshav
    ib qho av…………………………….…….tsis muaj ua tsev
    rub siab ntev……………………………..npaum li naj khab
    noj nplooj hmab………………...……nplooj ntoos yug siav
    thiaj muab piav………………………….tej kev txom nyem
    raug thaib lem……………………..…..thiab raug nplog tua
    li tej npua………………………………...thiab tej niag tsiaj
    muab cuab phiaj………………………..sim muv sim phom
    yog nej pom…………………………….puas pab nrog hlub
    raug thaib dub………….……..……..muab yuam rov nplog
    ntau tus pog……………………………..thiab ntau tus txiv
    raug nplog siv……………….…………..muab coj xauv tes
    quaj nrov les……………………………nyob tsev tsaus ntuj
    txawm muaj txuj…………………..……….los yeej tsis dim
    mus nyob txim………………….………ploj ntsiag tas tiam
    tshuav poj niam………………….…….thiab cov me nyuam
    cov uas ruam………………..…………….thiab cov me yau
    tsuas nyo hau……………………….……rau nplog xwb tiag
    thiaj sau kiag…………………..………..muab seev los qhub
    cov tim ub…………………………..……nrog nyab laj liab
    mas nyuab siab……………….……txom nyem kawg nkaus
    tej me laus………………………..……thiab cov me nyuam
    nrog liab cuam………………………….nyob yam tsiaj qus
    kuv cov lus……………………………….…..ces xaus li no
    thov nej nco………………..……….muaj lawv thiab mog./.

    ( xaus li no )


    Last edited by Hmong ntuj tshiab on 7th May 2012, 5:20 pm; edited 1 time in total

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Taug txoj lw ntshav

    Post  xiongchang on 7th May 2012, 8:02 am

    - He...he....Txhob ntseeg lug vwm, Tsi ua liab cuam luag mas; Vim ntseeg lug vwm....Thiaj ua liab cuam luag laus, Kwv tij hmoob aws; Hais dab tsi mas....Hais qhov tseeb, Ua tau ov; Hais tas....Tsi ua, Zaum tog tuag; Tog yeeb ncuab tuaj txog....Qab tsev kheej, Mam rho ntaj ntxug; Hu ntuj tua....Tsuas hais xov pav, Xov pav nyob qhov twg? Nplog liab saib tsi meej, Nplog liab yuam kev; Rov tua nplog liab....Los nim dag tias, Yog xov pav tua; Hmoob dag hwv os....Hmoob aws.

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Taug txoj lw ntshav

    Post  Hmong ntuj tshiab on 7th May 2012, 5:37 pm

    xiongchang wrote:- He...he....Txhob ntseeg lug vwm, Tsi ua liab cuam luag mas; Vim ntseeg lug vwm....Thiaj ua liab cuam luag laus, Kwv tij hmoob aws; Hais dab tsi mas....Hais qhov tseeb, Ua tau ov; Hais tas....Tsi ua, Zaum tog tuag; Tog yeeb ncuab tuaj txog....Qab tsev kheej, Mam rho ntaj ntxug; Hu ntuj tua....Tsuas hais xov pav, Xov pav nyob qhov twg? Nplog liab saib tsi meej, Nplog liab yuam kev; Rov tua nplog liab....Los nim dag tias, Yog xov pav tua; Hmoob dag hwv os....Hmoob aws.

    peb yeej tsis dag li nawb yog koj tsis ntseeg no kuv paub koj zoo tias koj yuav tsum yog ib tug muab Hmoob cov ntshav coj los ua ntshav ciaj noj lawm lauv, vim hais tias nyob rau tus dej nab pas ze rau ntawm moos hooj mas mus saib nram tej kwj deg mas txaus tus siab heev nej cov Hmoob noj Hmoob ntawd muab Hmoob tua pov rau hauv tus dej mas cov plaub hau poj niam tseem tshuav tsheej pawg sib kauv luaj li hnab tsaj xyaw av daws

    nyob rau tus dej naj theem mas koj mus saib ntawm tej ntug dej tseem pom plaub hau poj niam xyaw av daws tsheej pawg luaj li tog hauv ncau,yog li no yog leej twg tua cov Hmoob no thiab mas lov?

    kuv xav kom koj pom ntawm qhov muag kiag vim nej cov Hmoob nyob tim nplog teb xws li Lis tuam nyob 52 thiab Xaiv tshob xyooj nyob 52 nev yog leej twg tua thiab vim lub teb chaws twb zoo lawm es pej xeem twb tsis muaj phom lawm nev ua cas muab nkawv tua lawm thiab?

    Cov niag Hmoob noj nyoog haus txias tsis paub mob siab, luag tua koj li neeg tuag puv toj puv pes los haj tseem nyho Hmoob thiab es cov Hmoob nyob tim plog mas tseem ntshai kawg li thiab xws li cob moos kos lauj nyob tom moos oo nev puas yog nplog tua thiab lov? tsis yog nplog tua no es ho yog leej twg thiab mas vim twb yog pej xeem nplog thiab yog nws sawv los ua nom rau nplog xwb nev?

    Hmoob tuag coob npaum li cas tseem tsis paub mob siab thiab koj mas thiaj yog dev siab tiag tiag thov lwm tiam tsis txhob los ua Hmoob lawm nawb, tus neeg yug los yuam kev li nas.

    kuv mas pab koj tu siab hais tias ua tseem yug yuam kev los Hmoob lawm thiab vim lawv xav kom lawv muaj vaj huam sib luag li luag lwm haiv xwb lawv thiaj tau sawv los tuav lawv txoj cai thiab lawv haiv neeg xwb

    Sponsored content

    Re: Taug txoj lw ntshav

    Post  Sponsored content Today at 4:32 am


      Current date/time is 9th December 2016, 4:32 am