google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    SHARE ZAJ NKAUJ KOJ NYIAM.......

    Share

    CHK
    Guest

    SHARE ZAJ NKAUJ KOJ NYIAM.......

    Post  CHK on 14th April 2011, 3:29 pm

    NOV YOG IB ZAJ NKAUJ KUV NYIAM.



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: SHARE ZAJ NKAUJ KOJ NYIAM.......

    Post  koojziagkabzaug on 14th April 2011, 3:55 pm



    Nyob zoo CHK,
    Cas ntev ntev nws mam tuaj xyuas peb?

    Nyob zoo me phooj ywg nyob deb
    Ua tsaug rau nws zaj nkauj Tiaj Rhawv Zeb

    Hnub no pom nws cas kuv nco nco txog leej twg
    Nws puas pab xoo moo mus rau kuv me phooj ywg

    Ua ploj mus rau qhov twg
    Kuv nrhiav tsis pom nws lw...

    Nrog kuv mloog zaj nkauj nov es pab tshaj rau kuv me xab yeeb xyuam phooj ywg tus swm mog...



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: SHARE ZAJ NKAUJ KOJ NYIAM.......

    Post  koojziagkabzaug on 15th April 2011, 2:37 am



    nyob zoo Chk thiab cov phooj ywg,

    Tuaj txog no ces los tsev, los haus ib khaw dej mloog ib zaj nkauj ua ke mam mus nawb mog cov me kwv luag...Hais tias nej peb yog ib tsob Hmoob es thiaj tuaj sib txoos, hais tias kuv thiab koj yog ib haiv neeg es thiaj tuaj sib zeem...




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 15th April 2011, 9:58 am

    Nyob zoo rau nws thiab KoojZiag,
    Ntev ntev kuv mam tuaj ntshai rwg tsam tuaj ces rov nyuaj nyuaj

    Luag me hlub koj nyob sab ntuj twg lawm ne
    Kuv los kuj ua nws tsaug rau nws zaj nkauj "nco kuv me me"

    Koj kuv wb rov sib ntsib dua
    Leej twg yog koj me phoojywg tus uas koj tshua
    Tsab me xov xa moo yog muaj tiag
    sau nqa tuaj kuv li coj mus kom txog koj me zoo phoojywg kiag

    Kuv ntseeg tias nws tseem nyob qhov qub
    Qhov chaw thaum uas nej tuaj tham laug hnub

    Kuv mam nrog mloog zaj me nkauj kho siab zim,
    mam li coj mus tshaj moo xa xov rau nws tus zoo xab yeeb xyuam phoojywg uas nws tseem cim.


    KoojZiag nws me phoojywg xa lub me moo li no rov rau nws mog.







    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 15th April 2011, 10:13 am

    Ib hnub dhau lawm zuj zus
    Cas lub caij lub nyoog nim tsis tos yus
    Tig saib puag thaum kuv tseem hluas koj tseem yau
    Wb tej kev kawm txuj mus kawm ci nws twb ploj twb dhau
    Nco tej me tsiab peb caug uas wb mus taug
    Tseem nco thawj hnub thiab thawj zaug
    Koj tiav niam kuv kuj tiav txiv
    Lub sij hawm ntawv yuav tag ib sim tsis muaj ntxiv




    NkaujNag
    Member
    Member

    Messages : 80
    Date d'inscription : 2010-03-11

    Re: SHARE ZAJ NKAUJ KOJ NYIAM.......

    Post  NkaujNag on 15th April 2011, 12:06 pm

    [/quote]

    Nyob zoo os cov phooj ywg sawv daws ,Kuv tuaj tso zaj nkauj sib hlub no rau nej mloog seb nej puas nyiam li kuv thiab os , Zoo li nws zoo heev li na , Tab sis tej zaum sawv daws kuj tsis nyiam mus ib yam thiab os yom , Nej kuj lam pab kuv mloog thiab os lod , Zoo siab uas hnub no kuv tau tuaj ntsib nej os cov phooj ywg mov tshua , Mam sib ntsib dua .



    NkaujNag .





    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 15th April 2011, 3:36 pm

    Nyob zoo NkaujNag,

    Zoo siab uas nws tseem coj zaj nkauj nws nyiam tuaj tso pub rau peb mloog nrog nws thiab, kuv twb nyiam nyiam koj zaj nkauj thiab zoo mloog kawg li. Zoo siab tau ntsib nws thiab.

    CHK

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: SHARE ZAJ NKAUJ KOJ NYIAM.......

    Post  koojziagkabzaug on 15th April 2011, 3:48 pm

    CHK wrote:
    Nyob zoo rau nws thiab KoojZiag,
    Ntev ntev kuv mam tuaj ntshai rwg tsam tuaj ces rov nyuaj nyuaj

    Nyob zoo CHK,
    Ntev ntev mam tuaj, ntshe peb yuav tuav nws ruaj ruaj
    Tsis pub nws duaj.


    Luag me hlub koj nyob sab ntuj twg lawm ne
    Kuv los kuj ua nws tsaug rau nws zaj nkauj "nco kuv me me"

    Luag me hlub nyob sab ntuj uas tshav
    Thiaj li xa zaj nkauj thaum hli nra tuaj rau nws na...


    Koj kuv wb rov sib ntsib dua
    Leej twg yog koj me phoojywg tus uas koj tshua
    Tsab me xov xa moo yog muaj tiag
    sau nqa tuaj kuv li coj mus kom txog koj me zoo phoojywg kiag

    Zoo siab wb rov sib ntsib dua ntxiv
    Kuv qhia kuv me phooj ywg seb koj puas ntsib
    Nws cog paj tawg ua tauv
    Txi txiv poob rov pij pauj
    Nws tseb noob tuaj ua cuam
    Tham lus txaus luag...


    Kuv ntseeg tias nws tseem nyob qhov qub
    Qhov chaw thaum uas nej tuaj tham laug hnub

    Kuv xav tias nws rov los tsev lawm no
    Tias nws mus tim Thaib thiab Nplog


    Kuv mam nrog mloog zaj me nkauj kho siab zim,
    mam li coj mus tshaj moo xa xov rau nws tus zoo xab yeeb xyuam phoojywg uas nws tseem cim.

    Koj nrog kuv mloog zaj nkauj kho siab no
    Koj pab xa mus rau kuv me xav yeeb xyuam phooj ywg mloog ua lub chaw nco


    KoojZiag nws me phoojywg xa lub me moo li no rov rau nws mog.
    CHK, ua tsaug rau nws lub siab zoo, nco ntsoov hais nyob zoo rau kuv me phooj ywg zoo nawb mog me Hmoob...




    Nyob zoo Nkauj Nag thiab CHK,

    Nkauj Nag,

    zoo siab nws tuaj tso nkauj rau peb mloog mog.
    Zoo kawg, zaj nws nyiam ces peb yeej xav nrog nws mloog, yog yuav kom yus mus nrhiav mloog ib leeg ces tssi nrhiav, tab sis nws nrhiav tau coj tuaj ces mloog zoo siab hlo xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 15th April 2011, 3:50 pm


    Thaum nyeem koj tsab ntawv tag, yuav hais li cas los twb tsis paub hais tag nrho, vim tsuas hnov mob deeg daws xwb,
    tsis paub xyov mob li cas tiag, kuv lub zog ntaug tag, zaum no tus ntsujplig ya nyob puag nta ntuj tsis paub mus tog twg.
    Cia rau txoj hmoo.





    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 15th April 2011, 4:31 pm

    Nyob zoo CHK,
    Ntev ntev mam tuaj, ntshe peb yuav tuav nws ruaj ruaj
    Tsis pub nws duaj.



    MeKoojZiag nyob zoo rau nws thiab mog,
    Nws hais lus mos rau me yaus zoo tshuaj
    Ua rau neeg laus xav quaj


    Luag me hlub nyob sab ntuj uas tshav
    Thiaj li xa zaj nkauj thaum hli nra tuaj rau nws na...


    Luag me hlub nyob sab ntuj fabkisteb fabkischaw tuaj
    Txawj hais lus mos lus muag ua zoo tsam lam muaj neeg nco luag me hlub ces xav tuag


    Zoo siab wb rov sib ntsib dua ntxiv
    Kuv qhia kuv me phooj ywg seb koj puas ntsib
    Nws cog paj tawg ua tauv
    Txi txiv poob rov pij pauj
    Nws tseb noob tuaj ua cuam
    Tham lus txaus luag...


    Kuv los zoo siab tau rov ntsib nws dua
    Koj me phoojywg kuv ntsib nws pem qhov tsua
    Nws cog muaj paj hmab paj ntoos
    Los lub me paj nws nyiam nim cia nws nyob tus ntsoos ntsoos
    Koj me phoojywg kuv ntsib nyob tiaj nrhaw zeb
    Nws muaj vaj txiv ntxi ncw tshaj plaws
    Los nws tej me txiv twb tsis muaj leej twg xav nrog nws khaws
    Koj me phoojywg ces kuv pom nws tseb me noob paj noob txiv tuaj zoo ntsuag
    Nws tham twb tsis muaj leej twg nrog nws luag


    Kuv xav tias nws rov los tsev lawm no
    Tias nws mus tim Thaib thiab Nplog
    Nws nyob vaj nyob tsev
    Niaj hnub rov mus ua suav qhev


    Koj nrog kuv mloog zaj nkauj kho siab no
    Koj pab xa mus rau kuv me xav yeeb xyuam phooj ywg mloog ua lub chaw nco
    Kuv cuab ntsej mloog kom zoo
    Kuv mam li pab koj xa tsab xov nrog koj li zoo moo


    CHK, ua tsaug rau nws lub siab zoo, nco ntsoov hais nyob zoo rau kuv me phooj ywg zoo nawb mog me Hmoob...

    Txhob ua tsaug os MeKoojZiag, CHK mus txog koj me zoo phoojywg hnub twg ces yeej yuav hais nyob zoo ua nws ntiag tug mog.
    Koj me zoo phoojywg rov xalawm ib tsab me xov ntxiv tias,




    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: SHARE ZAJ NKAUJ KOJ NYIAM.......

    Post  koojziagkabzaug on 16th April 2011, 10:39 am



    MeKoojZiag nyob zoo rau nws thiab mog,
    Nws hais lus mos rau me yaus zoo tshuaj
    Ua rau neeg laus xav quaj


    Nyob zoo hnub tshiab CHK
    Kuv tso dag rau me yaus xav luag
    Kuv tos tos kuv me xab yeeb xyuam phooj ywg tsis pom tuaj



    Luag me hlub nyob sab ntuj fabkisteb fabkischaw tuaj
    Txawj hais lus mos lus muag ua zoo tsam lam muaj neeg nco luag me hlub ces xav tuag


    Yog muaj neeg tseem xam ces twb yog hmoov ntuj pab
    Yog tseem muaj tus tshua ces twb yog Hmoov ntuj puag


    Kuv los zoo siab tau rov ntsib nws dua
    Koj me phoojywg kuv ntsib nws pem qhov tsua
    Nws cog muaj paj hmab paj ntoos
    Los lub me paj nws nyiam nim cia nws nyob tus ntsoos ntsoos
    Koj me phoojywg kuv ntsib nyob tiaj nrhaw zeb
    Nws muaj vaj txiv ntxi ncw tshaj plaws
    Los nws tej me txiv twb tsis muaj leej twg xav nrog nws khaws
    Koj me phoojywg ces kuv pom nws tseb me noob paj noob txiv tuaj zoo ntsuag
    Nws tham twb tsis muaj leej twg nrog nws luag


    Wow...Es nws nim mus pom kuv me phooj ywg coj paj ua hmab!
    Nim nyob rau sab ntuj qub qab lom zem cuag nkauj ntsuab nraug nab...
    Es nws nim mus pom kuv me xab yeeb xyuam phooj ywg cog paj tawg ua ntshua
    Nws nim nyob rau zos lag zeb vaj loog tsua...

    Ntshe nws tej me txiv hmab yuav txi ua ntwg niab
    Ntshe nws yuav nrog nkauj iab nraug oo noj txiv qab mus laj siab
    Ntshe nws me txiv xyoob txiv ntoo yuav txi dauv lis zawv
    Ntshe nws yuav nrog faj tim huab tais me ntxhais nkauj ntxawm de txiv lom zem mus zoo plawv

    CHK, yog muaj me noog liaj noog luv ya lam cua,
    koj pab tshaj ntaub ntau ntawv rau kuv me xab yeeb xyuam phooj ywg tus hmov tshua
    CHK, yog muaj lawm me noog yaj kaub ya ziab tshav
    Nws pab hais rau kuv me xab yeeb xyuam phooj ywg tias kuv tseem nco ntsoov nws tsis hnov qab.



    Nws nyob vaj nyob tsev
    Niaj hnub rov mus ua suav qhev


    Nws rov los nyob vaj loog tsev tsua
    Zaum Faj tim huab tais theej kiab ua luag tswj rau luag qhuas
    Nws los nyob vaj loog tsev txim zeb
    Nim los zaum zoj luag rooj ua luag txwj rau luag pe

    Ces kuv zoo siab tag nrho rau kuv me phooj ywg tus txawj cog paj xyoob txiv ntoo noj qab ncauj hnia qab los, txawj tham txuj nrog tham lus mos rau lub siab nyob kaj lug tsis nco qab kho...


    Koj nrog kuv mloog zaj nkauj kho siab no
    Koj pab xa mus rau kuv me xav yeeb xyuam phooj ywg mloog ua lub chaw nco
    Kuv cuab ntsej mloog kom zoo
    Kuv mam li pab koj xa tsab xov nrog koj li zoo moo


    Es ua tsaug rau nws lub siab zoo,
    Tseem pab nqa lus nrog xa moo
    Tseem tig ntsej los mloog, tig muag los saib,
    Tig ncauj los hais, tig siab los qhaib...

    Txhob ua tsaug os MeKoojZiag, CHK mus txog koj me zoo phoojywg hnub twg ces yeej yuav hais nyob zoo ua nws ntiag tug mog.
    Koj me zoo phoojywg rov xalawm ib tsab me xov ntxiv tias,


    Tsab xov txais tau ib puas feem pua, thov ua koj tsaug ib txhiab ib puas

    Thov rov muab zaj nkauj nov rau koj rov nqa mus ua puav pheej cim
    Txog tog kev thov koj qheb mloog mam coj mus rau kuv me phooj ywg uas nrhiav tsis ntsib...




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 22nd April 2011, 3:24 pm

    Nyob zoo Koojziag,

    Vam thiab cia siab tias koj yuav kaj siab
    rau hnub no.
    Kuv mus ntsib koj me phoojywg, nws nim npiv npiv zim ces zoo li kuv cia li
    busy nrog nws lawm thiab hahaha...., li cas los zoo siab tau ntsib
    nws rau hnub no mog. Kuv tsis muaj ib zaj zoo lus tuaj nrog nws
    laug sij hawm los cia siab ntsoov tias nws yuav lom zem xauv npo.
    Tiam sis nws me phoojywg faj lus li no rau nws.

    Yav ntuj thaum ub thaum wb tseem nyob los tsuas
    Thaum kuv tseem hluas thiab koj tseem yau
    Wb nim tsis tau nyob ua ke ncig kom kawg siab
    Tej me paj ntxhiab tsw puv toj roob hauv pes
    Wb sib tuav tes sib caum mus txog tej teb npleg
    Kuv tseem nco tseg koj puas tseem khaws cia
    Zaj nkauj no qhia txog thaud ntawm ib zaj dab neeg.





    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 22nd April 2011, 3:32 pm




    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: SHARE ZAJ NKAUJ KOJ NYIAM.......

    Post  koojziagkabzaug on 23rd April 2011, 3:52 pm

    CHK wrote:
    Nyob zoo Koojziag,

    Vam thiab cia siab tias koj yuav kaj siab
    rau hnub no.
    Kuv mus ntsib koj me phoojywg, nws nim npiv npiv zim ces zoo li kuv cia li
    busy nrog nws lawm thiab hahaha...., li cas los zoo siab tau ntsib
    nws rau hnub no mog. Kuv tsis muaj ib zaj zoo lus tuaj nrog nws
    laug sij hawm los cia siab ntsoov tias nws yuav lom zem xauv npo.
    Tiam sis nws me phoojywg faj lus li no rau nws.

    Yav ntuj thaum ub thaum wb tseem nyob los tsuas
    Thaum kuv tseem hluas thiab koj tseem yau
    Wb nim tsis tau nyob ua ke ncig kom kawg siab
    Tej me paj ntxhiab tsw puv toj roob hauv pes
    Wb sib tuav tes sib caum mus txog tej teb npleg
    Kuv tseem nco tseg koj puas tseem khaws cia
    Zaj nkauj no qhia txog thaud ntawm ib zaj dab neeg.





    Nyob zoo CHK,

    Nws mus txog kuv me phooj ywg, nim npiv npiv zim, koj thiaj li tsis dim tuaj li
    Los tsis ua cas mog, qhov zoo ces yog dim tes hnub twg rov tuaj tso ib zaj nkauj rau kuv mloog xwb ces yeej zoo siab...lawm os nawb...Kuv nyob twj cuab, twb tsis muaj dab tsi lom zem li...Tab sis xij peem lam nyob tos nws tej nkauj mloog...Vim nyob xyaw npoj ces lom zem xauv npo, yuav tsis muaj caij los ua tej dej num kom tiav hlo...CHK, kuv lam faj ib los lus rau huab rau cua...Yog nws mus ntsib phooj ywg no hais nyob zoo rau nws thiab...


    Kuv me phooj ywg tsab xov
    Hais txog lub caij nyob tim Nplog
    Kuv tau txais tsib tshooj tsib (5/5)
    Lub neej yav ntuj thaum i
    Nws loj kuv me
    Peb kawm ntawv ua ke
    Yav ntuj thaum ub nws hlob kuv yau
    Peb kawm ntawv nyob doos Dauj
    Coj li ib leej tij laug
    Pab qhia peb ua zauv...
    Kuv tseem tsis tau ua nws tsaug
    Ntshe nws twb tsis paub
    Tias kuv tseem nco nws txiaj ntsim
    Mus tag ib sim...


    http://www.youtube.com/watch?v=gsW_GUIskoU&playnext=1&list=PLEAD22E3CD16B6B77


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 1st May 2011, 8:10 am


    Txawm koj twb tsis xav hlub, los kuv tseem ua txhua yam tshwj zias rau koj.



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: SHARE ZAJ NKAUJ KOJ NYIAM.......

    Post  koojziagkabzaug on 1st May 2011, 4:10 pm



    Nyob zoo CHK,

    Zaj nkauj tuaj nrog cua rau koj mloog ua chaw tshua
    Zaj nkauj tuaj nrog sab hnub rau koj mloog ua chaw nco txog lub neej thaum ub...


    http://www.youtube.com/watch?v=zy4GVWO1Hq4


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 1st May 2011, 7:18 pm

    Nyob zoo KoojZiag,

    Ua tsaug rau nws za nkauj hlub nco rau lub neej thaum ub mog.

    KoojZiag cas lub neej nyob rau ntiaj teb no,

    Ua lub neej nyob zoo yam li caum cua
    Tej chaw tshua toj roob hauv pes
    Tej me ntses nuj ntses nias
    Tej chaw txias txog chaw sov
    Muab xav rov mus rau puag thaum ub
    Txoj kev hlub muab khaws cia ua ib zaj dab neeg
    Nws mob deeg puag hauv nruab plawv
    Tsis txawj pawv thiaj npaj tseg rau lwm tiam
    Tu siab diam twb tsis nco xav kom ntxaws
    Ua neej raws yam noob neej ntshaw
    Txoj me saw khaws ua puav pheej
    Txheej dhau tiam ua npau suav toog
    Me suab noog cim tseg ua nkauj kho siab
    Thiaj seev thiab ua kua muag poob dawb vog
    Xav tsis txog tias yus tiam neej
    Tsim tsis meej tsis nrhiav yam muaj nqis
    Tag ib txhis ua lub neej tsis tsim nyog
    Caum tas zog los caum tsis tau dab tsi
    Tsis muaj nqi ntawm lub neej tiam no
    Vim tsis nco tias txhua yam uas tshwm sim
    Twb yog tim yus ua lub neej yam li caum cua xwb.


    KoojZiag nrog kuv mloog zaj nkauj zoo yam li ib zaj dab neeg,
    uas ntau leej muaj tshwm sim nyob rau lawv lub neej, ua rau
    lawv tseem npaj siab tag zog rov rau lwm tiam.





    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: SHARE ZAJ NKAUJ KOJ NYIAM.......

    Post  koojziagkabzaug on 2nd May 2011, 6:53 am


    Nyob zoo CHK,

    Lub neej tag los yog ib zaj npau suav tsim tsis nto
    Yog tig tau rov yuav hloov ntau yam
    Lub neej yav tag kom txhob muaj qhov khuv xim
    Kom txhob muaj kev chim rau sim neej

    Lub neej hluas yog tsawg ib lub tswv yim xav
    Yog tig tau lub caij rov qab yuav mus hloov ntau yam
    Ntshe yuav tau lub neej kab ntsab tsis muaj tu siab
    Ntshe lub ntuj yuav tshiab lub neej yuav kaj siab...


    Lam mloog ib zaj nkauj los nplij kev npau suav tsis tsim...

    http://youtu.be/B7A0Fdn5Cmg

    CHK, cas kuv tsis txawj dhos paj huam li leej twg ces lam sau xwb es nws txhob xav li cas, ho tuaj sau ntxiv rau kuv nyeem nawb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: SHARE ZAJ NKAUJ KOJ NYIAM.......

    Post  koojziagkabzaug on 2nd May 2011, 8:58 am



    HLUB ZOO LI NPAU SUAV YOG UA NTEJ TEB CHAWS YUAV NCUAV




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    NkaujNag
    Member
    Member

    Messages : 80
    Date d'inscription : 2010-03-11

    Re: SHARE ZAJ NKAUJ KOJ NYIAM.......

    Post  NkaujNag on 2nd May 2011, 9:19 am

    nyob zoo os lam tso ib zaj nkauj rau nej mloog os , Mam sib ntsib dua .




    NkaujNag .

    NkaujNag
    Member
    Member

    Messages : 80
    Date d'inscription : 2010-03-11

    Re: SHARE ZAJ NKAUJ KOJ NYIAM.......

    Post  NkaujNag on 2nd May 2011, 9:44 am

    CHK wrote:Nyob zoo NkaujNag,

    Zoo siab uas nws tseem coj zaj nkauj nws nyiam tuaj tso pub rau peb mloog nrog nws thiab, kuv twb nyiam nyiam koj zaj nkauj thiab zoo mloog kawg li. Zoo siab tau ntsib nws thiab.

    CHK

    Nyob zoo os " CHK " zoo siab uas koj tseem nrog kuv nyiam zaj nkauj no thiab os , Zoo siab tau paub koj os tus .........Thov txim tsis paub xyov yuav hu koj li cas ne yuad !!! Nkauj ces cov nyiam nyiam mloog ces zoo li yeej nyiam zoo ib yam xwb thiab os , ua li koj ne koj puas nyiam mloog thiab os lod , Yog nyiam thiab no ho tuaj tso rau peb tau mloog thiab os lod , Tus phooj ywg zoo siab tau ntsib ko os , Mam sib ntsib dua os .




    NkaujNag .

    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 4th May 2011, 3:33 pm

    Nyob zoo koojziag,

    Thov zam txim pub thiab, kuv tsis txawj sau pajhuam, tiam sis xav xav sau es thiaj li tuaj xyaum tas zog seb puas muaj ib hnub yuav txawj sau, kom muaj tus ho nrog nyiam xwb. hahaha.... ntshe yuav tsis muaj hnub ntawv li lau hahaha.... li cas los lam nrog kuv nyeem ua si os koojziag.

    Yog muaj ib hnub kuv lub ntuj tshav
    Qhov tsaus txav mus nyob kaj li nrig
    Tej chaw ncig kuv ib txwm taug ib leeg
    Txoj kev ntseeg kuv ib txwm muaj
    Tau zoo tshuaj los kho kuv nploojsiab
    Chaw cia siab yog muaj koj nrog kuv
    Yuav tsum thuv hla toj roob tiaj nrag
    Siv kom tag kuv li dag zog
    Tsuav mus txog tej chaw koj nyob
    Kuv mam dob tej nqeeb txiav ntoo
    Txawm thawm xyoo los ua siab ntev
    Mam ua tsev kom muaj nrog luag
    Kuv mam txuag nyiaj txiag kom tau
    Mam tuaj rau koj tog tsev tog vaj
    Yuav nco npaj dej caw tuaj nrog
    Thaum tuaj txog mam txhos caug thov
    Kom koj hnov kuv txoj kev hlub
    Tias ib hnub dhau lawm zuj zus
    Kuv tos tus neeg kuv hlub hlub
    Hnub dhau hnub hmo dhau hmo
    Txoj kev nco wb muaj nyob cia
    Tseem muaj sia nyog txog hnub no
    Koj puas nco wb thawj zaug sib ntsib.




    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 4th May 2011, 3:44 pm

    Nyob zoo os hmoob me hlub NkaujNag,

    Ua tsaug rau koj li nkauj coj los tso hauv no pub rau peb mloog nawb luag me hlub. Kuv pom koj sau ntawv tias, koj yuav hu kuv li cas? Qhov kuv qhia tau ces koj hu kuv ua CHK no xwb tiag luag me hlub hahaha....., kuv los zoo siab tau ntsib thiab paub koj os NkaujNag.

    NkaujNag, nov yog ib zaj nkauj uas kuv nyeem mloog.




    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: SHARE ZAJ NKAUJ KOJ NYIAM.......

    Post  koojziagkabzaug on 5th May 2011, 6:14 am

    CHK wrote:Nyob zoo koojziag,

    Thov zam txim pub thiab, kuv tsis txawj sau pajhuam, tiam sis xav xav sau es thiaj li tuaj xyaum tas zog seb puas muaj ib hnub yuav txawj sau, kom muaj tus ho nrog nyiam xwb. hahaha.... ntshe yuav tsis muaj hnub ntawv li lau hahaha.... li cas los lam nrog kuv nyeem ua si os koojziag.

    Yog muaj ib hnub kuv lub ntuj tshav
    Qhov tsaus txav mus nyob kaj li nrig
    Tej chaw ncig kuv ib txwm taug ib leeg
    Txoj kev ntseeg kuv ib txwm muaj
    Tau zoo tshuaj los kho kuv nploojsiab
    Chaw cia siab yog muaj koj nrog kuv
    Yuav tsum thuv hla toj roob tiaj nrag
    Siv kom tag kuv li dag zog
    Tsuav mus txog tej chaw koj nyob
    Kuv mam dob tej nqeeb txiav ntoo
    Txawm thawm xyoo los ua siab ntev
    Mam ua tsev kom muaj nrog luag
    Kuv mam txuag nyiaj txiag kom tau
    Mam tuaj rau koj tog tsev tog vaj
    Yuav nco npaj dej caw tuaj nrog
    Thaum tuaj txog mam txhos caug thov
    Kom koj hnov kuv txoj kev hlub
    Tias ib hnub dhau lawm zuj zus
    Kuv tos tus neeg kuv hlub hlub
    Hnub dhau hnub hmo dhau hmo
    Txoj kev nco wb muaj nyob cia
    Tseem muaj sia nyog txog hnub no
    Koj puas nco wb thawj zaug sib ntsib.




    Nyob zoo CHK,

    Txoj kev hlub tsis tau ces yeej nco tshaj
    Ua mob ntsaj rau lub siab
    Nyob puas tiam yuav nyiaj mus li
    Ntooj ib txhid yuav tsis ploj
    Kev sib tos ces ntshe yuav nploj zuj zus
    Kev sib hlub ces yuav tsis muaj hnub
    Uas lub ntuj yuav rub rov los sib ntsib dua
    Lam ua chaw tshua rau noob neej cia siab...xwb os mog...

    http://youtu.be/5XM1IcJYh0Q


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    CHK
    Guest

    Re: SHARE ZAJ NKAUJ KOJ NYIAM.......

    Post  CHK on 6th May 2011, 8:44 am

    Koojziag, mloog zaj nkauj no nrog kuv seb koj puas nyiam, txhua zaus kuv mloog zaj nkauj no ua rau kuv kho siab zim li tiag, tsis muaj tus hlub nyob rau tom qab, twb cim tsis tau tias lub tebchaws nplog zoo li cas, tiam sis zaj nkauj no yog ib zag uas kuv nyiam mloog heev li.


    Sponsored content

    Re: SHARE ZAJ NKAUJ KOJ NYIAM.......

    Post  Sponsored content Today at 10:54 am


      Current date/time is 6th December 2016, 10:54 am