google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Yeej Thoj Nam Chiang Kham, Phayao Thailand

    Share

    Liajntsu
    Guest

    Yeej Thoj Nam Chiang Kham, Phayao Thailand

    Post  Liajntsu on 5th April 2010, 4:07 pm






    YEEJ THOJNAM CHIANG KHAM


    Lub yeej hais los no yog nyob sab Qaumteb ntawm lub tebchaws Thaib (Thailand). Raws li keebkwm hais tseg thiab hnov neeg tham mas lub yeej no yav ntuj thaum ub yog Tubrog Fabkis ( Franch Army) tuaj nyob. Fabkis yeej tsim muaj 40 tawm lub tsev uas yog hom tsev tsavlawj thiab cov tsev no yog xov ntoo thiab vov vuas hlau hos ib lub tsev twg nws muaj txog 20 chav, ib chav twg dav thajtsam li 12 feet x 12 feet. Feem ntau ib chav no yog txaus 1 yim neeg nyob xwb hos cov yim neeg tsawg no txaus 2 yig nyob thiab. Lub yeej no pib muaj rau Hmoob, Co (Mian), Pubthawj thiab cov neeg Mo Xer uas tho pobntseg los nyob txij li xyoo 1982 los uas yog tom qab lub yeej Vib Nais (Vinai raug kaw tsis txais Neeg thojnam lawm.

    KEV NOJ NYOB : Lub yeej thojnam no raug muab xov xovpos ncig muaj Tub ceevxwm Thaib tuaj saib/zov tsoom Pejxeem txhua lub sijhawm tsis hais hmo ntuj los yog nruab hnub. Kev noj nyob raug txomnyem ntau yam vim Tub ceevxwm tsis pub tawm mus yuav khoom noj sab nraud tsuas yog cia Thaib thauj tuaj muag rau Pejxeem yuav noj xwb. Muaj ntau tus kwvtij Hmoob uas lawv tau mus yuav khoom noj raws tus ntsa lajkab tau raug tub ceevxwm muab ntaus sab heev uas tsuas yog tseg txoj me sia kom txhob tu xwb vim Thaib tsis hais nrog cai tsuas yog muab lawv lub hauv caug thiab kotaw nrog Pejxeem hais xwb (xuas hauv ncaug tswm plab thiab ncaws) zoo nkaus li Thai boxing. Muaj ntau tus Kwvtij Hmoob raug ntau thaum uas Thaib tso lawv zaj nkauj National Anthem thiab lawv hawm tus chij 7:00 a.m. vim Hmoob tsis paub Hmoob tsis nres tseem pheej mus kev. Qhov tiag Thaib lam ua siab phem rau peb Hmoob xwb lawv tus neeg Thaib kiag feem ntau nyob nram nroog (city) lawv yeej mus lawv kev thaum lawv tso zaj nkauj ntawd tawm lawv yeej tsis raug ntaus thiab ncaw li lawv ua rau peb Hmoob thojnam.

    MUAJ MOB : Neeg muaj mob heev ua ntej xyoo 1985 rov saud vim kev tsis nyiam huv thiab Neeg nyob coob heev li ua rau kev nyiam huv txuag tsis tau. Tej ntoo loj thiab tej qhov chaw uas nraim zog neeg mus tso zis rau thiab pov tej khoom noj qub (garbage) tsis muaj chaw, ua rau lub yeej no tsw phem heev. Tsis tag li lub yeej no tsis muaj kwj deg rau dej ntws cov Pejxeem lam ntov dej ua dogdig rau ntawm tej tog tsev dhau mus teev ua pasdej yoov tshajcum los nyob coob heev thiab tom Neeg muaj kev mob nkeeg nrog rau kev ploj tuag muaj tsis tu ncua. Tom qab xyoo 1985 tus Thawj tswv lub yeej no raug pauv mam tuaj tus tshiab thiab nws li mam tuaj tsim lub yeej tshiab sab npuab lub tshav ncaws pob uas muaj txog lub tsev number 68 thiab tuaj txhim kho lub qub yeej li muaj kwjdeg ntws hos tsim cai thiab coj nruj rau Pejxeem neeg tsis muaj mob npaum li dhau los. Tom qab no thaum lub yeej tshiab raug ua tau li faib peb tsoom Hmoob mus nyob rau lub yeej yuav luag tag tsuas tshuav yim puav nyob lub yeej qub lawm xwb.

    Hais txog kev lomzem rau kuv tus kheej tsis muaj ntau vim los ib leeg xwb tseg niam thiab txiv lawv cia tim Nplog lawm lam los nyob ua neej kho siab khuav thiaj tsis muaj kev lomzem li luag lwm tus. Kuv los nyob lub yeej no tau 2 lub xyoo thiab los yuav pojniam hauv twb muaj ib tug menyuam mam li tau tuaj mus rau Phanat Nikhom, Choburi thiab tuaj rau U.S.A lawm. Lub yeej no kuv tau los paub phoojywg coob thiab tseem nco lawv txog niaj hnub no thiab yuav nco lawv mus tag ib sim.

    Kawg no yog nej lent paub dabtsi ho tuaj ntxiv rau peb thiaj tau saib ua dabneeg tseg. Yog nej leejtwg muaj dabneeg zoo ho tuaj tso ntxiv kom zoo nkauj los yog paub meej zoo zog txog lub yeej no. Kuv lam muab 2 daim duab tso hauv no seb puas xa txog rau nej saib.





    daim duab nyob saumtoj yog yees nyob lub yeej tshiab,
    cov kwvtij Hmoob ntawd lawv muab pub rau kuv saib thaum xyoo 1986 uas peb yuav sib ncaim.
    Hos daim hauv qab yog yees nyob tim lub yeej qub ntsia ntsoov mus rau lub yeej
    tshiab thaum tseem tsis tau muaj neeg mus nyob.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Yeej Thoj Nam Chiang Kham, Phayao Thailand

    Post  koobpovtxuj on 6th April 2010, 12:33 pm

    kuv tau 1 co duab yeej thoj nam chiangkham thiab tab sis kuv tsiv tsev ntau zaus ces xyov muab ntsaws rau lub hnab twg lawm cia thaum twg kuv tshawb tau kuv mam coj tuaj rau nej saib.

    daim no yog hmoob mus nyob tom phab mab teb lawv thaij tuaj rau peb saib.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Yeej Thoj Nam Chiang Kham, Phayao Thailand

    Post  koojziagkabzaug on 6th April 2010, 1:45 pm



    Koobpovtxuj,

    Ua li nawb, yog nws muaj duab Chieng Kham no, pab muab daim puav rau peb ua Puav Pheej thiab. Vim peb tsis muaj duab Chieng Kham li.

    Wow...! Ua cas Hmoob mus nyob Phab Mab es yuav ev kawm qhov muag thiab khiab taub hau lawm lauj!

    LiajNtsuab,

    Ua tsaug nws tham txog Yeej Thoj Nam Chieng Kham rau peb.
    Zoo heev, yog nws muaj duab thiab keeb kwm, thov nws tham kom ntxaws. Kuv tsis tau nyob Chieng Kham li ces ntshe kuv kawg tos nws thiab Koobpovtxuj tuaj tham xwb lauj.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Yeej Thoj Nam Chiang Kham, Phayao Thailand

    Post  koojziagkabzaug on 3rd February 2011, 2:39 am




    Chieng Khang 2nd Largest Hmong Refugee Camp in Thailand



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Chiangkham1990
    Visitor
    Visitor

    Messages : 1
    Date d'inscription : 2011-05-13

    Re: Yeej Thoj Nam Chiang Kham, Phayao Thailand

    Post  Chiangkham1990 on 13th May 2011, 9:47 pm

    Nej lwj twg puas muaj duab thaij tau nyob yeej thoj nam chiang kham. Kuv xav tau ob peb daij los rau kuv qhov speech. Thov nej post rau hauv no and kuv mam copy.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Yeej Thoj Nam Chiang Kham, Phayao Thailand

    Post  koojziagkabzaug on 14th May 2011, 12:05 am



    Nyob zoo phooj ywg ChiengKHong,

    Cov duab Chieng Kham muaj daim puav thiab, tab sis ib leeg xwb es khwv dhau lawm thiaj tsis tau coj tuaj tso hauv Vas Sab nov xwb. Tshua cov Yeej Thoj Nam tag nrho los mus rau Dab Qhuas, Kev Cai Hmoob ntau yam, yeej nrhiav tau tag lawm tab sis tsis muaj lub sij hawm los tso xwb...Ua li koj puas muaj daim puav thiab? Yog koj muaj thiab no puas kam peb ua zab paub nees?

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Yaj Sab2
    Guest

    Re: Yeej Thoj Nam Chiang Kham, Phayao Thailand

    Post  Yaj Sab2 on 13th June 2011, 3:20 pm


    tsoom tub hluas nyob yeej thoj nam chiang kham 1984-87


    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Yeej Thoj Nam Chiang Kham, Phayao Thailand

    Post  Liajntsuab on 8th December 2011, 12:37 pm

    Ib tsoom Phoojywg,

    Kuv yog ib tug nyob rau daim duab saum toj saud uas tso txog lub Yeej Thoj Nam os. Thov txim yuav qhia tsis tau rau nej tias yog tus twg nawb. Peb lam khaws cia saib ua dabmuag tseg tias peb tej qub chaw nyob zoo li cas lawm xwb. Muaj ntau yam peb tseem dhuav dhuav txog tiamsis muaj ntau ntau yam ntshe peb yuav nco nco mus tag ib txhis tsis paub ploj. Kuv nyob lub yeej no 6/19/84-6/17/86.

    Yog nej muaj duab ho coj tuaj tso pub tau saib thiab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Yeej Thoj Nam Chiang Kham, Phayao Thailand

    Post  koojziagkabzaug on 10th December 2011, 3:24 pm



    Nyob zoo kwv LiajNtsuab,

    Hahahah...! Es cas nws twb nyob ntawd, nws ho tsis kam qhia peb seb yog tus twg kom peb thiaj li zeem tau nws naj...? Nws tssi qhia, lwm hnub niam tij ntsib nws ces niam tij tsis paub me kwv ces niam tij yuav tsis hu li laub...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Yeej Thoj Nam Chiang Kham, Phayao Thailand

    Post  Sponsored content Today at 10:56 am


      Current date/time is 6th December 2016, 10:56 am