Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus

    TXIV QUAV QAIB DUB zoo tshuaj thaiv poj ntxoog

    Share

    koojziagkabzaug
    Moderator
    Moderator

    Messages: 3324
    Date d'inscription: 2010-02-28

    TXIV QUAV QAIB DUB zoo tshuaj thaiv poj ntxoog

    Post  koojziagkabzaug on 19th April 2011, 9:07 am




    Nov yog tham kwv huam los yog qhia ib hau zoo tshuaj.


    Nyob Los Tsuas teb, muaj ib tug tub hmoob Yaj mus tham hluas nkauj, ces Poj Ntxoog tham thiab. Poj Ntxoog nrog nws ua phooj ywg tham tus hluas nkauj ntawd. Tham ntev ntev ces Poj Ntxoom txawm yuav yuav, poj Ntxoog txawm los hais rau nws tias:
    " Npawg! Hmoo no peb yuav los coj poj niam, koj mus nrog peb coj!"
    Ces tus tub hluas hmoob yaj ntawd txawm nrog lawv mus. Lawv mus txog ces ib niag Poj Ntxoog txawm nkag mus pw hauv tus hluas nkauj hauv siab, ua tus hluas nkauj mon plab heev heev, nqhis nqhis dej, niam thiab txiv muab dej rau tus ntxhais haus, los Poj Ntxoog txais haus lawm. Ces tshuav ib tug poj ntxoog thiab tus hluas nyob nraum zoov no. Tus hluas Hmoob pom tias zoo li ntawd ntshe zaum no Poj Ntxoog yuav coj nws tus hluas nkauj tiag lauj! Ces nws txawm nug niag Poj Ntxoog nraum zoov tias:


    " Npawg! Nyob hauv ntiaj teb no nej ntshai dab tsi tshaj?"
    Poj Ntxoog txawm teb tias:
    " Nyob hauv ntiaj teb no peb tsis ntshai dab tsi li, peb tsuas ntshai tsob niag ntsuab ntsuab nram kwj ha nrad xwb."
    Tus hluas txawm tias:
    " Coj kuv mus qhia sob!"
    Ces Poj Ntxoog txawm coj nws mus ze ze qhia nws tias:
    " Tsob niag ntawd naj!"
    Tus hluas mus ze me ntsis, Poj Ntxoog hais tias:
    " Ub! Tsis tau, tsob niag ntawm ko peb mus tsis tau ze li!"

    Ces tus tub hluas mus saib ze ze ua ciav yog tsob niag hmab txiv quav qaib dub uas txi txiv kheej li lub pob. Ces tus hluas Hmoob Yaj ntawd txawm de kiag ib qho nplooj, coj lawv Poj Ntxoog qab los txog. Nws txawm muab txhuam rau tus Poj Ntxoog raum zoov khiav lawm. Ces tus poj Ntxoog hauv tsev txawm muab kiag niag cav tsawb los hloov kiag tus hluas nkauj, cev kiag los rau tus nraum zoov txais. Ces tus hluas Hmoob Yaj txais kiag. Ces tus Poj Ntxoog hauv tsev tawm plaws los, txawm khiav khiav lawv tus i qab lawm. Tu cav tsawb uas poj Ntxoog hloov, tuag tu siav, ces tus hluas nkauj niam thiab txiv quaj nyiav ntsoog qees. Tus tub hluas Hmoob Yaj ntawd txawm coj tus hluas nkauj los tom nws tsev. Ua ib thaj neeb, muab ib tug miv, ib tug dev thiab ib tug ntshis los quas tas.

    Poj Ntxoog txawm rov tuaj hais rau nws tias:

    " Lawv siab phem siab tsis zoo, lawv txeeb kuv nyab kuv sev lawm, mas lwm hmo peb yuav tuaj nrog lawv sib ntsuas zog."
    Taig kis tus tub hluas txawm mus hais rau tus hluas nkauj niam thiab txiv tias:
    " Niam thiab txiv thiab cov neej tsa! Nej mus txhij kwv txhij tij kom coob, ib tsam tsaus ntuj Poj Ntxoog yuav tuaj nrog nej sib ntaus no laiv!"

    Ces yuav tsaus ntuj, lawv mus txhij kwv txhij tij tuaj nyob puv tsev nkaus. Ib chim tsaus ntuj los loo 3 tug Poj Ntxoog, lawv hais tias:
    " Nej siab phem siab tsis zoo, nej txeeb peb nyab peb sev lawm!"
    Lawv sib ntau puv tsev nkaus. Lawv coob tab sis Poj Ntxoog mooj lawv lawm ces lawv tsis muaj zog ntaus li. Lawv sib ntaus sib ntaus txog ntua ib tag hmo, lawv ntau Poj Ntxoog tuag kiag ib tug, ob tug khiav rov qab lawm.

    Pem qaum tsev muaj ib lub pob zeb thiab ib tug tsab ntoo qhuav loj loj. thaum tsis tau kaj ntug, Poj Ntxoog mus nyob pem lub pob zeb cem tias:
    " Siab phem siab tsis zoo, txeeb peb nyab peb sev tseem ua peb kwv peb tij luag luag, ntxi ntxi hniav mas nej yuav tsis tau ntuj ntoo."
    Cem ib hmo kag ntug ces khiav lawm.
    Pheej niaj hmo, niaj hmo los cem. Muaj ib hnub tus tub hluas Hmoob Yaj thiaj tuaj hais tias:
    " Cov niam cov txiv, cov neej cov tsav, peb muab tsob niag tsab ntoos pem ntov thiab muab txhib los hlawv lub niag pob zeb."
    Ces hnub ntawd lawv thiaj muab tsob niag tsab ntoos ntov vau. lawv muab txhib coj los tum rau lub pob zeb. Lawv hlawv ib hnub yuav tsaus ntuj. Lawv txawm muab cov ncaig thov pov tseg tas tseg luv pob zeb kheej kheej cia xwb. Hmo ntawd tsaus ntuj, Poj Ntxoog rov los. Cav nim nce hlo lub pob zeb, nyuam qhuav hnov cem: Siab phem, no xwb ces suab tu nrho lawm. Ces pob zeb kub poj Ntxoog, Poj Ntxoog khiav mus tuag lawm.

    Tus hluas Hmoob yaj thiaj tuaj hais tias:
    " Niam thiab txiv, kuv tau nej tus ntxhais lawm. Nej npaj tso kuv yuav tuaj ua tshoob ua kos."
    Ces niam thiab txiv hais tias:
    " Me tub! peb tus ntxhais tuag lawm tiag tiag, koj yuav tau yog koj hmoov. Peb tsis ua noj tsis ua haus lawm, peb tsis tu siab."

    Nkawd cia li sib yuav lawm. Tam sim nov nkawd tseem nyob, zoo li khiav mus rau Miv Kuj lawm sub.



    NB.

    Yog leej twg mob dab ntxoog dab tsov no
    Nco ntsoov mus de nplooj hmab txiv quav qaib dub
    Txi txiv zoo li lub moj pob los xaws coj ces zoo...



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Current date/time is 24th October 2014, 3:23 pm