google-site-verification: googlefbfddf59e706b96b.html

Latest topics

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Thaum tseem hluas lub neej lom zem kav tsis ntev

    Share
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Thaum tseem hluas lub neej lom zem kav tsis ntev

    Post  MayPaj on 4th May 2011, 6:47 pm

    Ua neeg nyob, lub caij yus zoo nkauj zoo nraug tshaj plaws ntawm daim tawv ces yog thaum muaj 15 mus rau 16 xyoo, thaum lub caij ntawv yus twb tsis tau paub hnav zoo, tsis tau paub tias yuav ua sexy li , tswv yim los tsis tau muaj, tsis hais tub los ntxhais, nyias lub cev ntaj ntsug nim zoo muaj nyias tug, cov tub los lub cev yiag ntxiag , cov ntxhais los lub me duav nqia qib, zaum no sawv daws dhau 30 xyoo tas, cas yus rov mus pom tej qub phoojywg, cov viv ncaus ua muaj cuab muaj yig tas, txawv tag hov ntau, cov phoojywg txiv neeg mus ua neej, poj niam me nyuam los puv tsev, tiam sis nws tsis zoo li qub lawm, plab zais zuj zus, lub cev kheej lam tsis zoo li yav tag. Cov pojniam los muaj tej tus thaum ub nrog yus ua phoojywg, sawv daws los zoo nkauj tib yam, cas zaum no yus rov mus ntsib tseem ceeb lawm thiab, nws lub cev loj loj puv puv, muaj ib txhia ces zoo li muaj 4 lub mis .

    Tej me tub me ntxhais, thaum tseem hluas nrog niam thiab txiv nyob, nej mloog mloog lus nawd, nyob kom ntev ntev, kamw ntawv kom tau hauj lwm zoo tso mam mus yuav poj niam yuav txiv, vim yav yus mus ua neej mas ntev tshaj yav thaum hluas, thiab lub cev los hloov ntau tsis zoo li qub lawm. Tiam sis ua neej raws lub hnub yug thiaj zoo, thaum muaj tshaj 30 xyoo rov sauv lawm txhob xyaum luab sab li thaum tseem muaj 15 16 xyoo vim tsis tshuam zoo saib lawm, yav laus cia rau yav laus, xyaum hais lus kom zoo, xyaum ua siab dav, xyaumtos txais qhua, xyaum ua noj ua haus, xyaum ua vaj ua tsev, xyaum tu poj niam me nyuam txhob cia tus pojniam khwv khwv ib leeg, txhob cia tus txiv khwv khwv ib leeg.

    Yav laus dhau 30 xyoos mus mas yog yav tseem ceeb tshaj hauv yus lub neej, dab phem los yuav los ntxias yus mus ua plees ua yig, neeg los yuav los ntxias yus nyiaj txiaj lawm du lug, yog tsis xyuam xim ces tag ib sim neej zoo li ib ntsais muag xwb, dhau 40 xyoo lawm ntag ces yuav caum tsis cuag luag li lawm.

    Thaum yus nto 35 mus rau 40 xyoos, yuav muaj ces lub neej pom hloov lawm ntau, yus lub tswv yim los hloov lawm tib si, yus mloog yus kev txawj ntse los tob dua qub, hais lus los txawj txuag lo phem pov tseg. Yog lub neej muaj ces 35 xyoos tseem pom ua hluas nraug qhuas ntxhias tias tseem hluas hluas es yuav ua phab ej hauv tej tsiab peb caug tseg pojniam me nyuam rau tom tsev ces yuav muaj ib hnub yus xaav los yuav lig rau yus caum tsis cuag cov neeg nquag. Lub neej mas sij hawm khiav nrawm, kev ua phab ej thiab nas ej, tsuas muaj nyob hauv movie xwb, sab nraum nod yog tsis hloov tiag ces yuav tag yus ib sim tsis muaj ib yam tseem ceeb li mog cov me tub me nyuam.


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Thaum tseem hluas lub neej lom zem kav tsis ntev

    Post  Hmoob ntuj qub qab on 5th May 2011, 2:28 am


    Maiv e

    Cas koj yuav txawj tham ua luaj nas koj mas tham tau hauv paus mus rau ntsis tiag li ...hahaha

    Maiv thaum kuv muaj 14-16 xyoo kuv mus nrog hluas nkauj pw thaum yuav mus txog hauv hluas nkauj txaj mas tshee li tshee lawm xwb thaum qhau cev pw nrog hluas nkauj mas ua pa zoo nkaus li thaum lub caij no no es yus da dej tas ntag , auj nim no muab xav mas cas yuav rov txaj muag rau tus kheej tiag yuam .

    Kev hluas ib vuag dua xwb tiag li laus lawm ces plab los zais tuaj li nws hais ntsia mus hauv kav taw ces pom ntsis ntiv taw xwb tiag cov txiv neej los muaj mis tuaj cov poj niam los cas suab me nyuam 6-7 hli tsis txawj yug kiag li ...Hahahaha Maiv...aw


    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: Thaum tseem hluas lub neej lom zem kav tsis ntev

    Post  MayPaj on 5th May 2011, 4:59 am

    hahahaha...Tijlaug, koj mas kuj txawj tham kawg li thiab yuam...hais txog txoj kev nkauj nraug thaum tseem muaj 14 mus rau 16 xyoo mas lam sib tham xwb, tseem npab npab nauj li os.

    Puag thaum kuv tseem nyuam qhuav muaj 14 xyoos, muaj ib tug hmoob tuaj tham kuv, kuv los twb tsis paub ua xevxij li thiab laud, ces nws muaj 17 xyoo, thaum peb mus ncig ua si nrog cov viv ncaus los tsev, nws tsis raws lawv nws raws kuv, nws tias nws xa kuv los ntawm peb tsev, wb los txog hauv ntaiv nws muab kuv txhom hnia, ua rau kuv mas ntshai ntshai ntshai poob plig los txog niaj hnub no, wb sib ntswj sij ntswj ces nws yeej lawm, kuv cia li mag nws hnia dawb dawb yam kuv tsis tau nyiam nws kiag li, nws tseem yog hnia kuv di ncauj thiab mas lub caij yus tsis tau txawj sib hnia mas hnia tas zoo li nws lub qhov ncauj nyob nraim ntawm yus lub lawm ob peb hnub.......lolz!!!!

    Tom qab no nws mus ua neej, nws nrauj nws pojniam lawm, nws muaj peb tug me nyuam...wb rov sib ntsib, nyias laus nyias tas, nws hais rau kuv tias kuv puas nco qab, nws yog tus tau muab kuv txhom hnia es kuv nim nti nti tsis pub nws hnia, kuv mas twb tsis txawj sib hnia li....hahaha kuv hais tias thaum luag nyuam qhuav tiav me nyuam hluas nkauj, luag twb tsis paub kev sib hlub sib hnia, luag tsuas lam loj xwb tswv yim tseem me, tab sis ziag no leej twg txhob thab nawd thab tau lawm tsam vwm ciaj vwm tuag laiv...ua rau nws luag tsis taus li, tiam sis wb tsuas ua phoojywg lawm xwb.

    Kuv xav tias txiv neej thiab pojniam los tib yam, thaum tseem muaj 14 mus rau 16 xyoo mas ntshaw kev hlub xwb, qhov tiag tsis tau txawj sib hlub, ib txhia txiv neej lam nyiam cov me nyuam ntxhais mos mos xwb, qhov tiag cov me nyuam ntxhais ntawv tsis tau txawj muab kev hlub rau lawv, cov txawj muab kev hlub yuav tsum muaj 20 rov sauv, cov uas txawj hais lus qab zib thiab txawj ua nej lub neej kaj siab yog cov nto 30 xyoo mus rau 40 xyoo.....tsis hais poj niam los txiv neej yeej tib yam, thaum dhau 50 xyoo lawm ces tsuas lam xav rov ua hluas lawm xwb uas tsis cuag li thaum nws muaj 30 xyoo lawm.


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Thaum tseem hluas lub neej lom zem kav tsis ntev

    Post  Hmoob ntuj qub qab on 5th May 2011, 7:39 pm


    Maiv koj yeej yog ib tus Ntxhais txawj tham heev li, yog sawv daws tau los zaum tsaws tham pem mas tij laug xav tias koj yuav yog tus txawj tham thiab ua rau sawv daws yuav luag mob plab tas yuam.
    Thaum hluas txoj kev hlub yeej tsis tau paub qab hau tsuas yog tias zoo li muaj Power diam xwb, txij li 30 xyoo rov sauv mam li paub txoj kev hlub zoo.
    Laus lawm li 50 rov sauv ces ua phooj ywg ntau lawm xwb kev hlub yuav tsawg zuj zus lawm tiag nas Maiv .



    CHK
    Guest

    Re: Thaum tseem hluas lub neej lom zem kav tsis ntev

    Post  CHK on 5th May 2011, 8:07 pm

    Maypaj thiab hmoobntujqubqab,

    wow.... neb mas yom, tseem me aiv ua luaj es txawm siv ua tej ntawm neb tag lawm. Kuv poob qab neb deb ua luaj hahaha... tsis tham nrog neb hauv nov os tsam ces kuv txaj txaj muag rau neb. Tiam sis cia kuv hais ob peb los rau peb tau nyeem ua si xwb.

    Txhua yam hauv yus lub neej yeej kav tsis ntev, tsis hais thaum yus me nyuam yaus, thaum yus ho loj hlob thiab tiav niam tiav txiv mus rau thaum yus muaj cuab yim thiab mus txog rau hnub yus laus tuag. Vim yus txoj kev ua neeg yeej tsis kav yus ntev hlo li. Yam zoo muaj tshwm sim nyob rau yus lub neej los yus ua tsaug rau yam ntawv, yam phem muaj tshwm sim nyob rau yus los yuav tau ua tsaug rau tej yam ntawv thiab. Thaum yus tseem zoo ces nyob raws yus txoj kev zoo, yog thaum yus laus phem lawm los yuav tau nyob raws yus txoj kev thiab zoo siab rau lub neej txhua lub sij hawm, vim paub hnub nyob tsis paub hnub mus, ib zaug neeg xwb dhau nov xyov yuav zoo li cas tom ntej los tsis muaj leej twg paub. Ua lub neej nyob hnub no yam li yuav tsis muaj tag kis.
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: Thaum tseem hluas lub neej lom zem kav tsis ntev

    Post  MayPaj on 6th May 2011, 5:10 am

    Hmoobntujqubqab...kev tham txog yav tas ces tsuas tham lom zem lawm xwb, thaum tseem yau yeej tsis paub dab tsi hlo li, thaum ub peb tseem yau muaj 14 15 xyoos rov sauv peb twb tsis paub tias hnav kom zoo thiab ua xevxij, cas zaum no tsis hais sab teb chaws twg, mus txog mas cov me mos mos 14 15 xyoos hnav xevxij pom pujntws tawm tas, ua rau yus tseem xav tias cas thaud zoo li yus muaj lawv hnub yug yus tseem yog me nyuam yaus xwb es yus nim ntshaw ntshaw kom loj tsuag tsuag li cov niamlaus uas muaj 16 18 xyoo seb puas txawj hnav zoo seb puas muaj tus nyiam . Tiam sis mas zoo li yus tsis txawj ua xevxij tab sis ua teb thiab ua noj mas yus txawj kawg, vim yav thaud cov laus txib yus ua noj tas li thiab pab lawv ua teb ces yus keej keej ua, hos zaum no mus txog Hmoob tej tsev ces tseem yog niam tsev ua noj xwb cov ntxhais ces nkaum hauv txaj lawm xwb mas pab tu siab kawg li.

    CHK, koj hais tias txhua yam hauv lub neej tsis kav ntev?....oiiiib txhob dag dag meb, ua cas es kuv muaj ob lub tsheb, kuv xav tias cia ib lub tuag tso kuv yuav mus yuav ib lub tsheb tawm tshiab tshiab uas yog cov kuv nyiam nyiam no, tiam sis mas cas kuv ob lub tsheb yuav tsis txawj tuag li, nyob ntev ntev ntev ntev....yuav muab pov tseg los tseem khuv xim, vim siab tsis kheev li ces ua siab nyob tos xwb mas ntev dhau lawm, kav ntev tiag tiag li os cov tsheb qub qub na, thaum yuav tau ib lub tshiab mas nim txuag txuag twb tsis pub lub sthiab kos ib nyuag qho dab tsi li los nim ib sij tuag ib lwm tau mus kho ub kho no....cov tsheb qub mas hob yauj! kos los kos, roj qhuav los qhuav tsis tuag li.....hahaha... Muab cov tsheb xav los mas zoo kiag li cov txiv neej yuav niam yau thiab tiag yom, tus txiv yuav tau niam yau los mas txawm niam yau lo ib nyuag qho dab tsi xwb los nws nim plhws ntshis, niam yau ib sij chim ib lwm los nim nij hnub nplij, nij hnub ua niam yau qhev, tus me niam loj ces khwv khwv ceb ceb muag los nws tsis kk, txamw niam loj muaj mob los nws tias puas chawj tsab mob xwb, xav muab niam loj xyeeb pov tseg los xav tias cia niam loj nyob ua qhev es cia nws thiaj tau caij nws tus me niam yau rau ub rau no. :D18


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    CHK
    Guest

    Re: Thaum tseem hluas lub neej lom zem kav tsis ntev

    Post  CHK on 6th May 2011, 8:21 am

    MP kuv nim tau dag nab, kuv hais tiag hos, yog koj yuav muab piv rau lub tsheb, lub tshe koj piv ntawv nws los yeej kav tsis ntev ib yam nkaus li, vim koj yeej yuav tau coj mus hloov oil tas li, kho qhov ub qhov no tas li thiaj li kav koj ntev npaum li no na, thiab koj sim ua zoo xav seb, koj twb xav muab nws tso tseg, tiam sis vim nws tsis puas tsis tuag, koj thiaj lam tseg nws cia tab sis koj twb yuav dua ib lub tshiab lawm ne puas yog ma, hahaha..... li no ces kuj qhia tau tias kav tsis ntev li ts Smile
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Thaum tseem hluas lub neej lom zem kav tsis ntev

    Post  xiongchang on 26th April 2012, 9:25 pm

    - He...he...Cas nej yuav txawj tham ua luaj txog, Lub neej me nyuam tub hluas; Me nyuam hluas nkauj 14 -15 xyoos....Lom zem kawg, Kuv tseem nco ntsoov txog; Niaj hnub no....Hlub ib zaug, Nco ib sim.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Thaum tseem hluas lub neej lom zem kav tsis ntev

    Post  xiongchang on 27th April 2012, 7:31 am

    - He...he...Wb nim daj dee, Kev plees nkauj nraum; Tuaj thaum yau....Lub ncauj tias tseg, Nplooj siab tseg tsi taug; Siav pa yaj ntshig....Plawv dhia nruj nriaj, Cev ntaj ntsug yoj yuj yeeg tshuav vau; Cas wb daj dee....Kev plees nkauj nraum, Tuaj thaum me; Lub ncauj tias tso....Nplooj ntsws tsi tseg, Lub me plawv tshuav nres; Txawm tshuaj ntsuab....Tshuaj ntsiav, kho tsi tau; Xuas yeej yaj tsom....Tshuaj saib roj ntsha khiav yeev, Tsi pom kab mob; Yuav yog koj lub me xub ntiag....Thiaj kho tau....Koj lub me xub ntiag zoo mog, Thiab zoo zam; Yog hauv tshuaj cawm siav.

    Sponsored content

    Re: Thaum tseem hluas lub neej lom zem kav tsis ntev

    Post  Sponsored content


      Current date/time is 20th January 2018, 7:51 am