Copyrigth@20010-2011 /HMONG PEOPLE FORUM UNIVERS

Latest topics

» Hmoob Yog Neeg Siab Zoo
by Liajntsuab Yesterday at 5:55 pm

» Vaj Pov Qhov Tso Plig
by xiongchang Yesterday at 4:13 pm

» Yawg Hlob Vaj Pov
by koojziagkabzaug 29th October 2014, 3:58 pm

» Yawm saub - Vaj tswv - hlub txhua haiv neeg - Tsiaj txhu tas nrho - Tsi seem ib tug li os?
by xiongchang 29th October 2014, 5:24 am

» Tswv Xyas mus ua tsov
by xiongchang 28th October 2014, 8:13 pm

» Tim li cas lawm.
by koobpovtxuj 28th October 2014, 3:52 pm

» Phim nyuj vaim zoo li cas
by xiongchang 27th October 2014, 6:21 pm

» NCO PEB HMOOB COV QUB TUB ROG INDOCHINE 1945-1954
by koojziagkabzaug 26th October 2014, 1:29 am

» Tub kev deb lub chaw tuaj nci ua si & kawm txuj kawm ci
by koojziagkabzaug 23rd October 2014, 12:13 pm

» Kuv yuav piav txog - Kev ua neej neeg
by xiongchang 21st October 2014, 8:47 am

» Hmong Lub Tebchaws
by xiongchang 20th October 2014, 2:57 pm

» Hochiminh (Cobtsib/Nyablajliab) Tus Nom Yuav Raug Puab Nws Tus Mlom 2 Nyob Rau Hauv Xeev Vieng Chan
by xiongchang 19th October 2014, 9:25 pm

» Xav nrog Tub kev deb tham
by Tub kev deb 19th October 2014, 9:40 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Nab twv Xob

    Share

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Nab twv Xob

    Post  Hmoob ntuj qub qab on 15th May 2011, 10:25 pm


    Xyoo 1966 nyob lub zos hav Zaj npuas nyob deb ntawm tus dej naj toos li 2 km lub caij ntuj qhib tshiab nyob ntawm tus dej naj toos ntawv muaj ib tug Nab loj (Zaj) twv Xob thaum Xob tib laim tus Nab tsa taub hau tib ncaws ces tus Nab ploj hauv dej kiag lawm xob tib rhe rau tsis raug tus nab li ua ua li ntawv ces tus xob thiaj los ua npau suav rau ob kwv tij tias:
    Tag kis sawv ntxov kuv rov ua ntuj los nag neb ob kwv tij zob xib xub ncab kom ncaj thiab nqa ob rab hneev kom tawv muaj zog thiab tua kom ncaj ncaj neb mus tom tus dej naj toos tov ntawm lub pas dej uas loj dua ntawv neb mus zov thaum twg kuv tib laim xob neb pom tus Nab tib ncaws taub hau ces neb ob leeg tib tsaug hneev rau tus Nab ob lub qhov muag kom dig es kuv thiaj tua tau vim tus Nab no twv kuv los ntau hnub lawm , ob kwv tij thiaj ua li tus Xob los ua npau suav rau nkawv, tag kis pom kev zem zuag nkawv txawm nqa ob rab hneev mus tom lub pas dej hais ntawv ces los nag kom sis nkawv ntsia hauv lub pas dej pom ib tug Nab loj tiag li taub hau tsa vos tab sis nkawv nkaum zoo heev Nab tsis pom nkawv thaub Xob tib laim nws tib ncaws hau tiag tus Nab ploj kiag lawm xob tib rhe tsis raug li , nkawv thiaj nta nkawv ob rab hneev muab xib xub cuam zoo zoo rau nkawv thiaj tsom zoo rau tom lub pas dej thaum xob tib laim tus Nab tab tom tib ncaws hau nkawv tib tsaug hneev rau tus nab lub taub hau raug kiag tus Nab ob lub qhov muag tus nab nti ntswj yeem Xob thiaj tib rhe rau tus nab tuag kiag tus nab lub cev tu ua ntau yav ua sab ua sua , ces tib re xob ntxiv nkawv ob kwv tij ob txhais tes tuav ib leeg ob lub pob haum pov khoos ces nkawv zoo siab heev txij ntawv los ob kwv tij ntawv khwv noj khwv haus tau raws siab nyiam ua me tau ntau, nkawv mus ua rog sib ntaus sib tua los nkawv yeej tsis raug mob li vim nkawv ob lub pov khoos pov haum ntawv zoo heev.
    Luag tias siab zoo yuav tau ntuj ntoo
    Suab ncaj yuav tau zoo tshaj



    koojziagkabzaug
    Moderator
    Moderator

    Messages: 3329
    Date d'inscription: 2010-02-28

    Re: Nab twv Xob

    Post  koojziagkabzaug on 16th May 2011, 12:36 am



    Wow...!Hmoob Ntujqubqab, nws zaj kwv huam nov zoo heev thiab txaus ntshai heev li.
    Nyob ntiaj teb no, muaj tej yam kuj xav tsis thoob, xav tsis tag li...

    Kuv muaj ib zaj me me thiab...


    Zos Naj Poom, Vieng Phou Khas, Los Tsuas teb, 1960


    Muaj ib hnub peb tab tom kawm ntawv, lub caij ntawd yog lub caij yav hnub qaij. Peb hnov npua quaj, ib txhia tias yog tsov tom npua, ib txhia tias yog hma tom npua. Thaum sawv daws dhia mus txog qhov chaw npua quaj. Tsis pom tsov, tssi pom hma, pom ib tug nab loj heev, muab tus npua zawm rawv, yav ko tw nab mus rig rau ntawm ib tug ntoo. Nab lub tau hau kauv rawv tus npua lub taub hau. Tus npua twb quaj tsis taus nrov lawm. Yog peb tsawm mus qeeb zog thiab ces ntshe tus nab twb muab tus npua nqos lawm. Thaum muab tus nab tua tuag, mos txwv tshab rau tus npua tuag lawm thiab.

    Sawv daws txiav hmab muab tus nab khi caj dab, cab los hauv zos, sawv daws muab tus nab laws tawv, hnub ntawd mas tshav ntuj tshaj plaws li tiag. Thaum kawg peb coj daim tawv nab coj mus nrhab thiab khi hlua tso rau nram tus dej loj Naj Poov. Peb sawv daws ciav qhuas tias: dej ntsawj daim tawv nab pom txaij dawb, txaij dub. Tib pliag xwb, ntuj tsaus ntais, nag xob nag cua nplawm ntws, xob nthe tsheej zaj, los nag hlob tis ua hlob, tus dej me uas ntws ntawm peb ntug zos, tej yav cav muaj tsheej puag los, dej muab tshoob ua hav to tog lawm tag. Daim tawv nab los dej tshoob ua nws du lug. Kob nag tsuas los ntev li 30 tawm fiab xwb ces tu lawm. Cov Mab daum tias: "Nej muaj hmoo heev, vim nej lub zos coj YES XUS, tsis li ces zaj twb muab nej lub zos nphau lawm. Vim nej coj daim tawv nab coj mus cab rau hauv tus dej loj Naj poov ais Zaj tsis nyiam". Qhov nov, kuv ntseeg tau tias: "Peb yog Tswv Ntuj cov me nyuam, Tswv Ntuj ib leeg thiaj yog tus Tswv sim ceeb."
    Kuv tseem pom ib yam ntxiv, xyoo 1960, peb civ Hmoob khiav los rau nram lub zos tshiab, Qhov Hmoov Sib, muaj ib lub qhov dej txhawv, nyob ntawm lub qhov dej txhawv ib sab, muaj ib tsob xyoob ntxhws, ib txwm Mab Daum yeej tsis kav txiav ib tug coj mus siv li. Yog txiav ces yeej tsis zoo: Muaj nab los hauv zos, los muaj mob, muaj nkeeg, muaj tuag. Tab sis peb cov Hmoob coj YES XUS los nyob, ib ncig peb muab luaj ua teb tag; tsis tas li, tsob xyoob peb muab txiav mus ua raj rau dej tag, tsis pom ib yam dab tsi tshwm sim tuaj li. Pom tau tias Tswv Ntuj thiaj yog tus Tswv tseem ceeb rau peb cov Ntseeg txog YES XUS lub npe.





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages: 3870
    Date d'inscription: 2012-04-16

    Re: Nab twv Xob

    Post  xiongchang on 9th May 2012, 3:11 pm

    - He...he....Nej tham nab twv xob lawm, Kuv yuav tham txog; Zaj los sim peb nyob lub yeej tub rog....Roob qhov muag dav zog liaj, Nplog hu zog:...Ban na Zise: 15....March 13, 1973....10:45 Minutes AM, Hnub ntawd tshav ntuj nrig, Ua tshais noj tas; Tsi muaj hauj lwm ua....Ib co phooj ywg! Sib yaum ua phaib hauv qhov taub ua si, Qw ntsho tsuam 10:45 Feeb AM; Ib co tawm los saum plawv khaib nuam yaj haus cua....Pom ib tug nab ntsuab zaj, Loj luaj li; Plab hlaub xyab tav nqav chev yeev....Saum plawv khaib, Cov phooj ywg! Nkag plawg qhov taub, Nqa loo phom tua; Twb nkaug nab taub hau nraub qaum zuaj nrov tsheej zag....Pluas tshauv tom tog, Ncho pa lug; Tsi raug tug nab ntawd li....Tub nab maj mam swb hla tug kwj hoob tawm sab nraum, Peb cov nyob tog khaib qaum teb; Mam xuas phom txais mus raug....Tug nab peb phom xwb, Tug nab ntsuab zaj ntawd xaub mus tuag khuam yav ko tw saum khaib; Yav duav xyab nqiav saum kwj hoob....Yav tau hau ntsaws, Hauv paug tauj qhaub rhuab lawm; Hnub ntawd tsaus hnub:...March 14 - 15, Tsi muaj dab tsi? Txawv txav tshwm sim:....March 16, 1973, Noj tshais tas nrho; Ntuj ntsuab huv si....Tshav ntuj nrig....Tsi muaj ib tauv fuab nyob qhov twg? Roog hnub li, Tsuas pom ib tauv fuab dub loj tsawv ya txog; Tom tiaj nrag rhawv zeb....Lub yeej peb nyob ntawd, Yog pawg puaa phom loj:...106 m/m Tsib caug peb leeg hmoob, Ib tug nplog; Tsib caug ob leeg pub thawj mus nyob rau sab thaj hawm lawm....Thaum 9:00 AM, Zoo li kuv muaj ntsis nkeeg; Dab ntub tuaj tshua....Muaj ntsis tsaus zog, Kuv txawm nqa viv thab nyub:...Radio....Nqeg hauv qhov taub, Peb lub qhov taub ntawd meem zoo heev; Faj seeb mos txwv phom loj:....Missile 120 m/m....Qhov meem tuab saum:...50 feet....Xuas ntaub kaus txaij ntsia teem saum, Puag ncig tib si; Xuas tes dawj dua tsi ntuag....Kuv tug kheej....Tub ruas nthsiab xab wb txawm mus pw mloog nkauj nplog:....Center Army....Nram nroog:....VienTiane....Wb tsaus zog looj hlias, Tib rhe xob nrov cuag dav hlau pov ib lub:....Bomting 2.000 Kilograms....Ua lub kaus txaij ntsia saum ncig ntug qhov taub plam tas nrho, Khwb nkaug wb ob leeg; Wb mam xeem phoj tawm los sab nraum....Cuag Lub roob peb nyob ntawd, Co yoj yeeg qig txoog; Tshuav nphau xwb....Yuav pob tam sim ntawd, Ob lub tsev kaus, Peb txhos ncej dai hlua tu tas nrho; Ob lub kaus ya nram nplav toj lawm....Cov pluas tshauv saum khaib ya tas nrho du lug, Cuag xuas qhaub rhuab cheb; Cov nyob hauv ob lub tsev kaus....Yoob tas nrho, Ntsej muag lo pluas tshauv tas; Tsi paub xyov yog dab tsi?....Kuv yeej kawm tiav fab:...Military Police And Police....Xyoo 1970, Kuv nug tug twg? Los tsi paub li, Kuv maj mam tshawb nrhiav puag ncig khaib; Tsi pom dab tsi? Txawv qhov twg? Kuv ncig txog ntua ntawm ncauj ke laj kab xov; Xov pos hlau....Av tawg pleb nreeg, Cuag xuas khais laij tob li; 2 meter; Thoob plawg yeej....Kuv mam soj ntsuam taug txoj lw ntawd, Txog tom tug nab ntsuab zag tuag; Tsi pom lawm....Lub hauv paug tauj qhaub rhuab dob hlo, Taug puag ncig los txog ntawm lub me nyuam pag dej; Ncaj lub qhov taub kuv pw ntawd, Peb niaj hnub saib ntses laim....Lub pag dej ntawd qhuav tas nrho, Qhov luaj nkaug lub kam tham rau roj:...Exon....Dub nciab yeem vug, Dua puag hauv ub; Xuas teeb khoo tsom pom tsi kawg, Cov dej nrog cov ntses; Pawv tas nrho....Tsi seem ib yam dab tsi? Kuv mam taug kev nqeg mus nram pawg pua phom loj:...105 m/m, Nug lawv nram pom li cas; Lawv mam qhia tias....Thaum tauv fuab dub roog nkaug, Peb lub khaib:...106 m/m; Lawv pom hlauv hlo....Ib ntshuas nplaim tawg liab ploog khwb nkaug, Peb lub khaib tas sim ntawd xwb; Lawv xav tias....Ntshe yog nplog liab nyaj laj hlawv:....Missile....Tom tiaj nrag rhawv zeb tuaj los cas, Lawv khiav nkag qhov taub ntev loo li:....25 Minutes....Tsi hnov dab tsi nrov ntxiv, Law vmam tawm qhov taub los xam; Ces kuv mus txog xwb....Hmob ntawd tsaus ntuj, Suav daws pw ntsiag zog; Muaj ib tug yawg laug....Plaub hau dawb paug, Fwj txwv suab zaw; Los tim lub me nyuam ncov roob dav hlau kooj tshuaj xa nqaij zaub txhuv tuaj suav daws noj....Hais rau peb 54 leeg tug tub rog tias, Tug zaj sau lub ncov roob ntawd; Yuav nphau peb thaum 10:45 feeb hnub ntawd kom tuag tas....Tab sis peb yog neeg, Zov ciam dej nrim av; Tswj teb tuav chaws....Yog neeg ncaj nceeg, Nws tsi pub peb tuag; Nws los cheem tug zaj ntawd....Yog peb xav pom tug zaj ntawd, Peb nqeg lawm nram tiaj tsawb liab; Nws muab thau cuam pov tseg tseg nram....Zaj dab neeg no, Los xaus li no; Muaj sij hawm zoo....Mam tham dua lwm zaj ntxiv os....Ua tsaug ntau, Nej cov tuaj nyeem nawb.

      Current date/time is 31st October 2014, 10:57 am