google-site-verification: googlefbfddf59e706b96b.html

Latest topics

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Share
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmong ntuj tshiab on 25th May 2011, 4:39 pm

    [size=18]1. Kuv muaj lus nug txog ib tsoom phooj ywg Hmoob txhua tus hais tias ua cas peb Hmoob pheej hu hais tias poj cuag yawm cuas no es ho yog li cas tiag? vim hais tias nkawv puav leej yog txiv neej ib yam xwb nev?.

    2. thaum ua neej nyob mas yeej tsis zoo luag twg thiab yeej tsis sib hlub luaj twg thiab tiam sis thaum tuag lawm no ces ho ua cas pheej yuav tsum kom muaj muam phauj thiab txiv dab laug tuaj ntos thiab tuaj qaij kaus rau xwb no mas nws ho yog li cas lawm tiag os cov phooj ywg?. raws li xav mas yuav tsum yog ob tog niam txiv xwb mas thiaj li yuav muaj qab hau es yog hais txog tus muam phauj thiab txiv dab laug xwb mas lov?.

    3. ua cas peb Hmoob li kab tshoob kev kos no mas pheej yuav tsum kom muaj lub kaus thiab txoj siv ceeb xwb yog tsis muaj no mas yeej tsis tau li ntag qhov nov nes nws ho yog li cas lawm tiag os cov phooj ywg?. yog leej twg ho paub meej no thov pab qhia kuv rau tej yam no thiab seb yuam?

    4. ua cas peb Hmoob pheej yuav tsum kom muaj ob tug mej koob xwb, thiaj paub mus ua tshoob ua kos no mas ho yog li cas lawm tiag os cov phooj ywg aw?. yog leej twg ho paub tseeb no thov tuaj pab piav qhia kuv thiab seb yuad?.

    yog leej twg ho paub yam no meej meej no thov teb rau kuv thiab os cov phooj ywg Hmoob zoo aw.


    Hais ntawm peb Hmoob li kab tshoob kev kos mas tej zaum kuv kuj paub zoo thiab qhov koj nug nas-

    1. poj cuag yawm cuas-
    = vim hais tias thaum lub caij ntawd ces siv yis tuag lawm ces tshuav niam siv yis xwb ces Niam siv yis coj liaj lwg. Rhwv mwg thiab niam nkauj kab yeeb lawv mus zawv txiv xeev laus hauv zos tus ntxhais nkauj ntsuab-

    Ces txiv xeev laus zoo siab muab txiv xeev laus hauv zos tus tub los lwv txuj nrog niam siv yis tus ntxhais nkauj kab yeeb-

    Thaum kawb txiv xeev laus tus tub tau swb txuj lawm ces txiv xeev laus tsis kam muab tus ntxhais qua rau liaj lwg ces txiv xeev laus tau khiab lawm-

    Ces niam siv yis lawv tsis zoo siab ces txiv xeev laus tus tub thiaj tau los hais tias kuv txiv txawm khiav lawm los kuv yeej qua kuv tus muam tau-

    Tiam sis kom niam nkauj kab yeeb los lees ua ib leej niam txais nws tus muam mas nws thiaj li yuav qua tau-

    Nws txiv txawm khiav lawm los tseem tshuav tus txiv ntxawm yeej qua tau nws tus muam rau niam nkauj kab yeeb lawv tau thiab-

    Tiam sis niam nkauj kab yeeb yuav tsum los lees 3 lo lus li nram no-

    1- niam nkauj kab yeeb yuav tsum plhis los ua ib leej niam txais nws tus muam mas thiaj yuav qua tau no ces niam nkauj kab yeeb thiaj los lees ua niam txais ntsuab- los txais txiv xeev laus tus ntxhais nkauj ntsuab-
    2- niam nkauj kab yeeb yuav tsum los lees tias thaum pib ces cia niam nkauj kab yeeb thiab txiv xeev laus tus tub nkawv pib xwb- ces niam nkauj kab yeeb thiaj los lees- thaum qua ces cia txiv xeev laus tus tub thiab niam nkauj kab yeeb nkawv qua xwb- ces thiaj hu hais tias nus tij thiab txiv cob txheeb nus npaws hos tog nraug vauv ces thiaj muaj niam txais ntsuab, phij laj thiab nraug vauv xwb-
    3- thaum xaus ces cia nkawv xaus xwb ces thaum tuag thiaj cia rau txiv dab laug thiab muam phauj xwb-
    4- hos poj cuag yawm cuas ces yog thaum txiv xeev laus tus tub muab nws tus muam qua rau niam siv yis lawv lawm ces lawv tseem tab tom noj mov txog tog ces txiv xeev laus mam los ces thiaj li rau ib rooj mov rau nram qab rooj ces thiaj kom txiv xeev laus los noj rooj nrad ces thiaj li kom niam siv yis los nrog txiv xeev laus noj ua ke ces thiaj hu hais tias ob tog niam txiv los koom noj ua ke ces muab niam siv yis los zaum phim rau txiv xeev laus ces thiaj hu hais tias poj cuag yawm cuas- niam siv yis yog poj cuag hos  txiv xeev laus ces yog yawm cuas no xwb os nawb-
    [/size]


    Last edited by Hmong ntuj tshiab on 4th July 2014, 4:33 pm; edited 5 times in total (Reason for editing : vim sau tau tsis meej lawm os)
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  koojziagkabzaug on 25th May 2011, 4:51 pm



    Nyob zoo Hmoob Ntuj Tshiab,

    Zoo siab koj tuaj xyuas peb hauv peb lub zos twj cuab nawb.

    Cia seb tij laug Hmoob Ntujqubqab puas tuaj teb koj cov lus nug li cas tso, kuv mam teb li kuv xav tom qab. Vim tij laug yog tus paub tab dua...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmong ntuj tshiab on 25th May 2011, 4:59 pm

    ua li mas, koj ho paub no los teb kuv thiab vim kuv xav paub tej yam zoo li no thiab vim hais tias nws ua rau kuv mob taub hau heev, vim kuv tsis nkag siab li os nawb,
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  koojziagkabzaug on 25th May 2011, 5:08 pm


    Hhahaah...! Hmoob Ntuj Tshiab,

    Txhob mob taub haus os mog, yog yus tsis paub ces zoo li nim nyuaj thiab txawv diam, tab sis yog yus paub keeb kwm thiab hauv paus hauv ntsis lawm mas pom tau tias Hmoob tej kab lis kev cai mas yog Hmoob tej txuj ci thiab keeb kwm nyob rau hauv. Muaj tej qhov mas koj pom tau rias thaum ub Hmoob yog ib Haiv neeg muaj Vaj muaj fwv, muaj huab tais vaj ntxwv, vim cov kab ke ua tau muaj qab muaj quag thiab muaj lub sam xeeb heev. Kuv pom zoo li Hmoob yog ib cov caj ces Nom Tswv.

    Dua li kab tshoob kev kos mas yog yuav txhais raws li cov lus ua tshoob mas lawv yuav tssi hais li kuv hais, lawv yuav hais tau zoo zoo nkauj heev.

    Tab sis kuv mas kuv ho yuav hais dua ib yam uas tsis raws li txoj kev cai. Vim kuv pom tej yam lawv ua, tab sis lawv tssi muaj cuab kav hais tshwm, hais tawm ces lawv hais cov lus npog zais, thiab lawv hais cov lus zoo zoo nkauj los npog kom tej ntxhais zoo siab ua neej xwb. Cia tij laus Hmoob Ntujqubqab tuaj teb koj tag tso kuv mam nrog koj tham tom qab nawb mog. Vim kuv zaj tssi yog zaj koob mus yog xov mus nyog ces kuv tssi tau hais tam sim nov es koj ua siab ntev, txhob mos taub hau mog.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmoob ntuj qub qab on 25th May 2011, 11:02 pm

    Hmong ntuj tshiab wrote:1. Kuv muaj lus nug txog ib tsoom phooj ywg Hmoob txhua tus hais tias ua cas peb Hmoob pheej hu hais tias poj cuag yawm cuas no es ho yog li cas tiag? vim hais tias nkawv puav leej yog txiv neej ib yam xwb nev?.

    2. thaum ua neej nyob mas yeej tsis zoo luag twg thiab yeej tsis sib hlub luaj twg thiab tiam sis thaum tuag lawm no ces ho ua cas pheej yuav tsum kom muaj muam phauj thiab txiv dab laug tuaj ntos thiab tuaj qaij kaus rau xwb no mas nws ho yog li cas lawm tiag os cov phooj ywg?. raws li xav mas yuav tsum yog ob tog niam txiv xwb mas thiaj li yuav muaj qab hau es yog hais txog tus muam phauj thiab txiv dab laug xwb mas lov?.

    3. ua cas peb Hmoob li kab tshoob kev kos no mas pheej yuav tsum kom muaj lub kaus thiab txoj siv ceeb xwb yog tsis muaj no mas yeej tsis tau li ntag qhov nov nes nws ho yog li cas lawm tiag os cov phooj ywg?. yog leej twg ho paub meej no thov pab qhia kuv rau tej yam no thiab seb yuam?

    4. ua cas peb Hmoob pheej yuav tsum kom muaj ob tug mej koob xwb, thiaj paub mus ua tshoob ua kos no mas ho yog li cas lawm tiag os cov phooj ywg aw?. yog leej twg ho paub tseeb no thov tuaj pab piav qhia kuv thiab seb yuad?.

    yog leej twg ho paub yam no meej meej no thov teb rau kuv thiab os cov phooj ywg Hmoob zoo aw.

    Nyob zoo Hmoob ntuj tshiab
    Zoo siab koj tuaj koom peb Hmoob tshav Ntuj lub tsev tos txais txhua leej uas muaj lub siab zoo.

    Kuv pom koj cov lus nug no yeej yog lus nug tseem ceeb kuv xav tias koj yeej paub kab lis kev cai zoo , tej nqe lus nug koj yeej paub lawm los luag tias ib rab teb tsa txuj yog li kuv mam li teb koj raws li kuv nkag siab , kuv xav tias Koojziagkabzaug nws yuav paub teb koj dua raws li koj nug tiam sis nws ib txwm tsis tsa hwj chim tsis khav theeb nws tsuas hais muaj tseeb xwb yog li kuv los teb koj tom qab nws mam ho teb koj dua .



    1. Kuv muaj lus nug txog ib tsoom phooj ywg Hmoob txhua tus hais tias ua cas peb Hmoob pheej hu hais tias poj cuag yawm cuas no es ho yog li cas tiag? vim hais tias nkawv puav leej yog txiv neej ib yam xwb nev?.


    Kuv nkag siab mas yog li no

    Nkawm niam txiv A thiab nkawm niam txiv B nyias muaj nyias xeem

    A tus tub mus yuav B tus ntxhais ces A thiab B hu ua poj cuag yawg cuas
    tus niam A hu tus niam B ua Poj cuag niam B los hu niam A ib yam

    Txiv A hu txiv B ua Yawg cuas txiv B los hu txiv A ib yam


    2. thaum ua neej nyob mas yeej tsis zoo luag twg thiab yeej tsis sib hlub luaj twg thiab tiam sis thaum tuag lawm no ces ho ua cas pheej yuav tsum kom muaj muam phauj thiab txiv dab laug tuaj ntos thiab tuaj qaij kaus rau xwb no mas nws ho yog li cas lawm tiag os cov phooj ywg?. raws li xav mas yuav tsum yog ob tog niam txiv xwb mas thiaj li yuav muaj qab hau es yog hais txog tus muam phauj thiab txiv dab laug xwb mas lov?.


    Teb koj li no
    Vim tus muam phauj thiab txiv Dab laug nkawv yog Nus muag(Nus thiab Muam) koom noj ib lub mis Koom niam koom txiv yug
    Yog tus Nus xub tuag thiaj yuav tsum kom tus muam tuaj ua qab tu tuaj qaij ib lub kaus rau tus nus coj mus roos hnub
    luag thiaj hais tias muam phauj tuaj qaij kaus los yog tuaj ua qab tu zaum kawg.

    Yog tus Muam xub tuag thiaj yuav tsum kom tus Nus tuaj ua qab tu tuaj qaij ib lub kaus rau tus muam coj mus roos hnub
    luag thiaj hais tias Txiv Dab laug tuaj qaij kaus los yog tuaj ua qab tu zaum kawg.

    Yog tsis muaj cov niam txiv yug los luag yeej hu cov uas yog tij yug kwv yug tuaj sawv cev ib yam



    3. ua cas peb Hmoob li kab tshoob kev kos no mas pheej yuav tsum kom muaj lub kaus thiab txoj siv ceeb xwb yog tsis muaj no mas yeej tsis tau li ntag qhov nov nes nws ho yog li cas lawm tiag os cov phooj ywg?. yog leej twg ho paub meej no thov pab qhia kuv rau tej yam no thiab seb yuam?


    Teb koj nqe nug li no :

    Lub kaus thiab txoj sib ceeb nws yog Liaj Lwg Rhwv mwg txoj kab tshoob kev kos uas yog poj rhawv kab yawm rhawv kev poj ua tseg yawm ua cia los txheej dhau txheej tiam dhau tiam yog qhov luag tias ua tshoob ua kos tiag tiag tsis yog dag tsis yog xyuav sim .

    Nqa kiag lub kaus khi txoj siv ceeb lawm ces luag paub kiag tias auj lawv mus hais tshoob mus yuav nyab lawm tiag lauj

    Yog tsis nqa kaus khi siv ceeb txhob mus hais nyab yuav mag luag cem...thaum luag cem tsis pom qab teb..luag



    4. ua cas peb Hmoob pheej yuav tsum kom muaj ob tug mej koob xwb, thiaj paub mus ua tshoob ua kos no mas ho yog li cas lawm tiag os cov phooj ywg aw?. yog leej twg ho paub tseeb no thov tuaj pab piav qhia kuv thiab seb yuad?.

    2 tug mej koob tom ub 2 tug Mej koob tom no yog
    4 tug mej koob sawv cev niam txiv tom ub tom no los cev niam txiv ob tog lus.
    Niam txiv tom ub tom no muaj lus dab tsi muab rau cov mej koob no ua tus ntos los yog sib tham saum lub rooj tshoob rooj kos muaj lus dab tsi 4 tug no yog cov mus ntxig nug los yog qhia niam txiv ob tog paub seb niam txiv ob tog ho muaj lus li cas ntxiv...

    Kuv los teb koj li no xwb koj xav paub tseeb ntawm kab tshoob kev kos Liaj lwg rhwv mwg tus cag txuj lub hauv paus tshoob mus rau lub ntsis tshoob koj mus saib tau hauv peb lub tsev khaws Hmoob txuj no.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Zaj tshoob ntuas ntxhais, yus yog tus nus tij ces yuav tau hais zaj no los ntuas yus tus muam kom mus neej zoo

    Post  Hmong ntuj tshiab on 27th May 2011, 7:17 am

    ( 2 ) - Zaj nov yog zaj, zaj tshoob ntuas ntxhais
    Zaj no yog hais thaum lub sij hawm uas ntuas tus ntxhais thiab tus vauv es yuav tsa qhua sawv kev mus tsev, nws yog txhua tus ua raug rau nco xws li nus tij los yog nus npaws, los yog txiv cob txheeb thiab dab laug cob txheeb muaj feem cuam los hais zaj no ntuas tus ntxhais ua neej,

    1, Hais zoov li kus, zoov li, ntxhiav nkauj mim nes ntxhiav nkauj mim koj ua koj niam koj txiv nkauj qas yeev nyob koj puas paub tias koj noj tas koj niam koj txiv qoob tuaj pes tsawg txhab, koj li hlob li ywm los paub tab, hnav tau koj niam koj txiv cev tsoos paj ntaub tuaj nyob quas hlab, koj ces zoo zoo nkauj tam ntua nkauj sua los lawm nkauj mab, nqes hav tsis muaj tus nrog kav, ces txuj ci nyob tuaj mus nthuav dav, nes ntxhiav nkauj mim,
    1, Hais zoov li kus, zoov li, ntxhiav nkauj mim nes ntxhiav nkauj mim koj ua koj niam koj txiv nkauj qas yeev nyob koj puas paub tias koj noj tas koj niam koj txiv qoob tuaj pes tsawg tsev, koj li hlob li ywm los puv cev, hnav tau koj niam koj txiv cev tsoos paj ntaub tuaj phim quas sev, koj ces zoo zoo nkauj tam ntua nkauj sua los lawm nkauj cev, tawm rooj li plaws tuaj mus taug kev, tsis muaj tus nyob nrog tshev, ces tus txuj ci nthuav tawg paj li zees nyob mus ua rev, nes, ntxhiav nkauj mim,

    2, Hais zoov li kus, zoov li, txhia niaj kus txhia xyoo ntxhiav nkauj mim koj niam koj txiv tsuas tsis pwv tshoob, koj niam koj txiv tus me plaj kos ntsig tshoob khuam li nkaus rau zoov pem laj tus ntsis xyoob, ntxhiav nkauj mim koj ua nkauj nyob ces tawm rooj li plaws ces hnav tau koj niam koj txiv cev tsoos paj ntaub Hmoob, sawv li tsees tuaj mus leg koj niam koj txiv lub mus lawm luaj qoob, ncig li yeev tuaj rau nram roob, nes, ntxhiav nkauj mim,
    2, Hais zoov li kus, zoov li, txhia niaj kus txhia xyoo ntxhiav nkauj mim koj niam koj txiv tsuas tsis pwv kos, koj niam koj txiv tus me plaj tshoob ntsig kos khuam li nkaus rau zoov pem laj tus ntsis nto, ntxhiav nkauj mim koj ua nkauj nyob ces tawm rooj li plaws ces hnav tau koj niam koj txiv cev tsoos paj ntaub nyob phim laug mos, sawv li tsees tuaj mus leg koj niam koj txiv lub mus lawm luaj nrog, ncig li yeev tuaj rau nram tog, nes, ntxhiav nkauj mim,

    3, Hais zoov li kus, zoov li, xyoo no ntxhiav nkauj mim koj hlob li yuj los paub tab, ces koj niam koj txiv tus plaj tshoob ntsig kos yuj lias los txog rau lawm koj niam koj txiv lub nrab mus plab xab, nkawm txiv tuam mej koob lwm mej zeeg kos muab tus plab tshoob los ntos ntseg kev kos los ntos tshab, qhua tshoob noj los tsau cev, qhua kos haus los tsau plab, tav ncaij sis nrus nkawm laj mej zeeg yuav sawv kab, nes ntxhiav nkauj mim koj nyob los koj noj tsis tau koj niam koj txiv tuaj diav hno hlab, koj tsis yog koj niam koj txiv ib leej mus tub cag ces twb tuav tsis tau koj niam koj txiv tus me ncej dab, koj yuav tau tshais roj li nruam hla li plaws koj niam koj txiv lub qhov rooj tag nyob tuaj plaub mus xwm fab, mus ciaj tau lawm luag nyab, koj li muaj lawm lub neej nrog luag tab, nes ntxhiav nkauj mim,
    3, Hais zoov li kus, zoov li, xyoo no ntxhiav nkauj mim koj hlob li yuj los puv cev, ces koj niam koj txiv tus plaj tshoob ntsig kos yuj lias los txog rau lawm koj niam koj txiv lub nrab mus plab tsev, nkawm txiv tuam mej koob lwm mej zeeg kos muab tus plab tshoob los ntos tshab kev kos los ntos ntseg, qhua tshoob noj los tsau plab, qhua kos haus los tsau cev, tav ncaij sis nrus nkawm laj mej zeeg yuav sawv kev, nes ntxhiav nkauj mim koj nyob los koj noj tsis tau koj niam koj txiv tuaj diav hno ntse, koj tsis yog koj niam koj txiv ib leej mus tub cag ces twb tuav tsis tau koj niam koj txiv tus me lawm ncej tsev, koj yuav tau tshais roj li nruam hla li plaws koj niam koj txiv lub qhov rooj tag nyob tuaj plaub mus xwm ces, mus ciaj tau lawm luag sev, koj li muaj lawm lub neej nrog luag leg, nes ntxhiav nkauj mim,

    4, Hais zoov li kus, zoov li, ntxhiav nkauj mim nes ntxhiav nkauj mim, txoj kev ua nyab ces yog txoj kev uas koj yuav tau tshais roj li nruam hla li plaws koj niam koj txiv lub taw rooj, ces koj ntsia tim toj ub ces koj pom ib txoj kev si toj zim nyob tuaj mus nqe hav, nes koj puas paub tias txoj kev ntawd yog txoj kev mus dab tsi nes?, txoj kev ntawd ces yog txoj kev mus ua lawm luag nyab, nes sau siab zuj zog mus leg luag lub luaj qoob luaj loo nyob mus nto hav, ces li tau nrog luag noj kus luag hnav, nes qhib rooj lug tos kwv tos tij tuaj vam lub dag coj lawm lub zog pab, luag thiaj qhuas tias koj yog luag ib tug mus zoo nyab, nes ntxhiav nkauj mim,
    4, Hais zoov li kus, zoov li, ntxhiav nkauj mim nes ntxhiav nkauj mim, txoj kev ua nyab ces yog txoj kev uas koj yuav tau tshais roj li nruam hla li plaws koj niam koj txiv lub taw rooj, ces koj ntsia tim toj ub ces koj pom ib txoj kev si toj zim nyob tuaj mus nce toj, nes koj puas paub tias txoj kev ntawd yog txoj kev mus dab tsi nes?, txoj kev ntawd ces yog txoj kev mus ua lawm luag poj, nes sau siab zuj zog mus leg luag lub luaj qoob luaj loo nyob mus nto toj, ces li tau nrog luag hnav kus luag noj, nes qhib rooj lug tos kwv tos tij tuaj vam lub dag coj lawm lub zog khom, ces luag thiaj qhuas tias koj yog luag ib tug mus zoo poj, nes ntxhiav nkauj mim,

    5, Hais zoov li kus, zoov li, ntxhiav nkauj mim nes ntxhiav nkauj mim txoj kev ua nyab tsis yog txoj kev mus ua qhua, nes koj mus tshwm tas tej mus sib ntua, tsis txhob mus dhia daj los dhia luag, nes nco li ntsoov mus khaws li nkaus leej tub roog lub teej qav tsav num tuaj mus sib tw ua, mus ntxuaj luag vab tsoov luag xua, teev luag dab tiam lawm luag qhua, koj mus nrhiav tau tais zaub qab los nco li ntsoov mus nrhiav kom tau tais me zaub tsuag, nes tsis pub leej me tub roog hnav daim khaub hlab ntxuag daim ntuag, nes luag thiaj qhuas tias koj yog luag ib leej me zoo nyab nquag, nes ntxhiav nkauj mim,
    5, Hais zoov li kus, zoov li, ntxhiav nkauj mim nes ntxhiav nkauj mim txoj kev ua nyab tsis yog txoj kev mus kav laj, nes koj mus tshwm tas tej mus sib tab, tsis txhob mus dhia luag los dhia daj, nes nco li ntsoov mus khaws li nkaus leej tub roog lub teej qav tsav num tuaj mus sib tw tab, mus ntxuaj luag xua tsoov luag vab, tiam lawm luag qhua teev luag dab, koj mus nrhiav tau tais mus zaub tsuag los nco li ntsoov mus nrhiav kom tau tais me zaub qab, nes tsis pub leej me tub roog hnav daim ntuag ntxuag daim khaub hlab, nes luag thiaj qhuas tias koj yog luag ib leej me zoo nyab, nes ntxhiav nkauj mim,

    6, Hais zoov li kus, zoov li, ntxhiav nkauj mim nes ntxhiav nkauj mim, txoj kev mus ua lawm luag nyab ces tsis yog txoj kev mus ua si os, txoj kev mus ua lawm luag nyab ces yog txoj kev mus ua neej yaj los kib txoob ib nqaj kom nto ntuj, ib nploog kom nto ntsis nes, nco li ntsoov mus muab txoj kev sib hlub saib kom tsim nqi, mus sib hlub ib txhiab kom txog lawm ib txhis nes, li muaj lawm lub neej nrog luag nyob mus kaj lawm li nrig, tam ntua niam nkauj hnub txiv nraug hli tus duab ci, nes ntxhiav nkauj mim,
    6, Hais zoov li kus, zoov li, ntxhiav nkauj mim nes ntxhiav nkauj mim, txoj kev mus ua lawm luag nyab ces tsis yog txoj kev mus ua yaj yaum li yeev yuj os, txoj kev mus ua lawm luag nyab ces yog txoj kev mus ua neej yaj los kib txoob ib nploog kom mus nto ntsis ib nqaj kom nto ntuj nes, nco li ntsoov mus muab txoj kev sib hlub saib kom tsim nuj, mus sib hlub ib txhiab kom txog ib txhis tsis paub nrog luag tsum nes, li muaj lawm lub neej nyob mus kaj li lug, tam ntua niam nkauj hnub txiv nraug hli tus duab tshav ntuj, nes, ntxhiav nkauj mim,
    Hnov tis yuas ntxhiav nkauj mim niam nkauj teej cuab txiv nraug tsav yig nkawm fwb cw, nes,
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Zaj tshoob no yog zaj thaum yus mus fi xov

    Post  Hmong ntuj tshiab on 27th May 2011, 7:27 am

    ( 1 )- . Nqe lus ua zaj hais fi xov rau niam txiv nyab neej nus

    1, Hais zoov li kus, zoov li, zaj npuas phwb lawm toj tsuas, phwb nuj nuag twv av mus lawm luaj dub, kuv niam kuv txiv nyab neej nus nej nyob ntuj tag hmo teb tag hnub, nej tsuas noj sib nco haus lawm sib hlub, nej tsuas tsis paub os me tub nraug laj twb tuaj coj tau nej me ntxhais nkauj mog mim mus lawm tej mus nrab hnub, dua ntais ntuj sua teb nram ub, mus ciaj tas me tub nraug laj lawm niaj ib tug mus zoo hlub, nes,

    1, Hais zoov li kus, zoov li, zaj npuas phwb lawm toj tsuas, phwb nuj nuag twv av mus lawm luaj txho, kuv niam kuv txiv nyab neej nus nej nyob ntuj tag hnub teb tag hmo, nej tsuas noj sib hlub haus lawm sib nco, nej tsuas tsis paub os me tub nraug laj twb tuaj coj tau nej me ntxhais nkauj mog mim mus lawm tej mus nrab hmo, dua ntais ntuj sua teb nram tog, mus ciaj tas me tub nraug laj lawm niaj ib tug mus zoo nco, nes,

    2, Hais Zoo li kus, zoo li, kuv niam kuv txiv nyab neej nus nej me ntxhais nkauj mog mim ces ploj li ntshis rau lawm tej mus yas kab, ces twb yog lawm me tub nraug laj tuaj coj tau nej me ntxhais nkauj mog mim mus lawm lub hli nrab, mus ciaj tau lawm me tub nraug laj ib tug mus zoo nyab, mus nrog me tub nraug laj muab lub cuab tuaj lawm lub yig nrog luag tab, nes.

    2, Hais Zoo li kus, zoo li, kuv niam kuv txiv nyab neej nus nej me ntxhais nkauj mog mim ces ploj li ntshis rau lawm tej mus yas kev, ces twb yog lawm me tub nraug laj tuaj coj tau nej me ntxhais nkauj mog mim mus lawm lub hli ntev, mus ciaj tau lawm me tub nraug laj ib tug mus zoo sev, mus nrog me tub nraug laj muab lub cuab tuaj lawm lub yig nrog luag leg, nes.

    3, Hais Zoo li kus, zoo li, kuv niam kuv txiv Hmoob poj yawm tom ub me tub nraug laj ces coj tau lawm kuv niam kuv txiv nyab neej nus nej me ntxhais nkauj mog mim mus ua neej yaj los kib txoob, ib nqaj nto ntuj, ib nploog nto ntsis, mus ntxuav qab yias du, cheb lawm qab plag tsev qawj, es hais rau kuv niam kuv txiv nyab neej nus nej nyob nej tsis txhob txhawj, mog ces kaj ntug tag kis kaj es kaj li zus tuaj peb tag kis tawm, ces kuv niam kuv txiv hmoob poj yawm tom ub li rov coj tau kuv niam kuv txiv nyab neej nus nej me ntxhais nkauj mog mim tuaj nrog nej ntsuas dej kus ntsuas cawv, nes,

    3, Hais Zoo li kus, zoo li, kuv niam kuv txiv Hmoob poj yawm tom ub me tub nraug laj ces coj tau lawm kuv niam kuv txiv nyab neej nus nej me ntxhais nkauj mog mim mus ua neej yaj los kib txoob, ib nqaj nto ntuj, ib nploog nto ntsis, mus cheb qab plag tsev qawj, ntxuav lawm qab yias du, es hais rau kuv niam kuv txiv nyab neej nus nej nyob nej tsis txhob hu, mog ces kaj ntug tag kis kaj es kaj li zus tuaj peb tag kis huv, ces kuv niam kuv txiv hmoob poj yawm tom ub li rov coj tau kuv niam kuv txiv nyab neej nus nej me ntxhais nkauj mog mim tuaj nrog nej ntsuas dej kus ntsuas txhuv, nes,

    Hnov tis yuas kuv niam kuv txiv nyab neej nus niam nkauj teej cuab txiv nraug tsav yig nkawm fwb cw, nes,
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    zaj no yog zaj tshoob, yog tus nyob hauv tsev tos mej koob lawv mus ua tshoob los es yus tos ntawm qhov rooj tag

    Post  Hmong ntuj tshiab on 27th May 2011, 7:31 am

    ( 3 ) - Zaj tshoob yog tus nyob hauv tsev zaj

    Txiv tuam mej zeeg tshwm, yog ob tug nyob hauv tsev zaj uas thaum mej koob lawv mus ua tshoob ua kos los txog ntawm qhov rooj es yog tus nyob hauv tsev mas yus muab ib lub rooj coj los tav ntawm qhov rooj thiab yus ce plaub phaj , nyob rau hauv ib lub phaj ntawd muaj ob lus khob, ob phaj mas yog cawv, hos ob phaj mas yog dej xwb ces yus tos lawv ntawm qhov rooj ces thaum lawv los txog rau ntawm qhov rooj ces, yus yuav tsum hais ib zaj yog zaj tshoob xws li nram no,

    1, Hais zoov li kus, zoov li, txhia niaj kus txhia xyoo kuv niam kuv txiv Hmoob poj yawm nws tsis pwv tshoob, nws tus plaj kos ntsig tshoob yuj lias los tsis tau txum, kuv niam kuv txiv Hmoob poj yawm tsuas pom suav txawj txeeg sawv ua luam nyuj, yuj plaws rau niam mab niag suav ntuj, tav tau yeej mis ceeb mis, yeej ntxws ceeb ntxws lawm tas tej sib lig yuj, nes,

    1, Hais zoov li kus, zoov li, txhia niaj kus txhia xyoo kuv niam kuv txiv Hmoob poj yawm nws tsis pwv kos, nws tus plaj tshoob ntsig kos yuj lias los tsis tau cuag, kuv niam kuv txiv Hmoob poj yawm tsuas pom suav txawj txeeg sawv ua luam npua, yuj plaws rau niam mab niag suav luag, tav tau yeej mis ceeb mis, yeej ntxws ceeb ntxws lawm tas tej sib lig zuag, nes,

    2, Hais zoov lis, zoov li, xyoo no kuv niam kuv txiv Hmoob poj yawm nws yuav pwv tshoob, nws tus plaj kos ntsig tshoob yuj lias pem liaj lwg rhwv mwg rais los thoob, kuv niam kuv txiv Hmoob poj yawm nws li nrauj qoob tseg loo nrauj qav tseg num li zus tuaj rau nram roob, ntoj li nuag rais los poob, nws li los npaj nqaij npaj hno puv li npo npaj dej npaj cawv puv li ntoob, los pib tau nws lub rooj kos los lawm rooj tshoob, nes,

    2, Hais zoov lis, zoov li, xyoo no kuv niam kuv txiv Hmoob poj yawm nws yuav pwv kos, nws tus plaj tshoob ntsig kos yuj lias pem liaj lwg rhwv mwg rais los nto, kuv niam kuv txiv Hmoob poj yawm nws li nrauj qoob tseg loo nrauj qav tseg num li zus tuaj rau nram tog, ntoj li nuag rais los txog, nws li los npaj dej npaj cawv puv li ntoob npaj nqaij npaj hno puv li npo, los pib tau nws lub rooj tshoob los lawm rooj kos, nes,

    3, Hais zoov li kus, zoov li, hmo no kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qhov mus rooj tag nyob tuaj plaub mus xwm fab, ces pas liaj pas iav puv sis yees los txij nthab, rooj zag rooj zuag tav sis yees los tav tau laj tub sis yau neb txoj mus hauv kab, los yog kuv niam kuv txiv Hmoob poj yawm tseem ua tshoob ua kos tos tub los tos nyab, nes,

    3, Hais zoov li kus, zoov li, hmo no kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qhov mus rooj tag nyob tuaj plaub mus xwm ces, ces pas liaj pas iav puv sis yees los txij tsev, rooj zag rooj zuag tav sis yees los tav tau laj tub sis yau neb txoj mus hauv kev, los yog kuv niam kuv txiv Hmoob poj yawm tseem ua tshoob ua kos tos tub los tos sev, nes,


    4, Hais zoov li kus, zoov li, laj tub sis yau neb yog liaj lwg rhwv mwg tus txiv tuam mej koob lwm mej zeeg kos, ntoj kab tshoob mus thoob taug kev kos mus nto, neb tau li nraim liaj lwg rhwv mwg txoj me qub kab, mus txog rau ntuj sua teb puag tom qab, poob li nthav rau kuv niam kuv txiv nyab neej nus lub nrab mus plaj xab, kuv niam kuv txiv nyab neej nus muaj qas tsi tsaws li zus rau neb tej mus quav npab, neb ho rais loj lees rov fib qab, yog neb coj tau me nkauj nyab nraug vauv los yuav vam tau neb coj los cob li nkaus rau kuv niam kuv txiv Hmoob poj yawm tus me ncej dab, yog neb coj tau tus me yeej mis ceeb mis yeej ntxws ceeb ntxws los yuav vam tau neb coj los cob li nkaus rau kuv niam kuv txiv Hmoob poj yawm tej me quav npab, nes,

    4, Hais zoov li kus, zoov li, laj tub sis yau neb yog liaj lwg rhwv mwg tus txiv tuam mej koob lwm mej zeeg kos, ntoj kab tshoob mus thoob taug kev kos mus nto, neb tau li nraim liaj lwg rhwv mwg txoj me qub kev, mus txog rau ntuj sua teb puag tom peg, poob li nthav rau kuv niam kuv txiv nyab neej nus lub nrab mus plaj tsev, kuv niam kuv txiv nyab neej nus muaj qas tsi tsaws li zus rau neb tej mus quav tes, neb ho rais loj lees rov fib kev, yog neb coj tau me nkauj nyab nraug vauv los yuav vam tau neb coj los cob li nkaus rau kuv niam kuv txiv Hmoob poj yawm tus me ncej tsev, yog neb coj tau tus me yeej mis ceeb mis yeej ntxws ceeb ntxws los yuav vam tau neb coj los cob li nkaus rau kuv niam kuv txiv Hmoob poj yawm tej me quav tes, nes,

    Hnov tis yuas liaj lwg rhwv mwg tus txiv tuam mej koob lwm mej zeeg kos, nkawm fwb cw, nes,


    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    zaj no yog thov kom ob tug mej koob cob plig ntawm lub rooj

    Post  Hmong ntuj tshiab on 27th May 2011, 7:34 am

    ( 4 ) - Zaj tshoob yog tus nyob hauv tsev zaj

    Zaj no yog zaj yus hais thov kom ob tug mej koob muab plig ntawm lub rooj thiab cob pob nyiaj phij cuam thiab lub kaus rau tub nyab uas thaum mej koob los plov meej lus tas es kom mej koob pab cob rau tub nyab,

    1, Hais zoov li kus, zoov li, txhia niaj kus txhia xyoo kuv niam kuv txiv Hmoob poj yawm tsuas tsis pwv tshoob, nws tus plaj kos ntsig tshoob, khuam li nkaus rau zoov pem laj tus ntsis xyoob, kuv niam kuv txiv Hmoob poj yawm tsuas pom tau suav txawj txeeg sawv tuaj ua luam qoob, ncig li yeev tuaj rau nram roob, nes,

    1, Hais zoov li kus, zoov li, txhia niaj kus txhia xyoo kuv niam kuv txiv Hmoob poj yawm tsuas tsis pwv kos, nws tus plaj tshoob ntsig kos, khuam li nkaus rau zoov pem laj tus ntsis nto, kuv niam kuv txiv Hmoob poj yawm tsuas pom tau suav txawj txeeg sawv tuaj ua luam mog, ncig li yeev tuaj rau nram tog, nes,

    2, Hais zoov lis, zoov li, xyoo no kuv niam kuv txiv Hmoob poj yawm nws yuav pwv tshoob, nws tus plaj kos ntsig tshoob yuj lias pem liaj lwg rhwv mwg rais los thoob, kuv niam kuv txiv Hmoob poj yawm nws li nrauj qoob tseg loo nrauj qav tseg num li zus tuaj rau nram roob, ntoj li nuag rais los poob, nws li los npaj nqaij npaj hno puv li npo npaj dej npaj cawv puv li ntoob, los pib tau nws lub rooj kos los lawm rooj tshoob, nes,

    2, Hais zoov lis, zoov li, xyoo no kuv niam kuv txiv Hmoob poj yawm nws yuav pwv kos, nws tus plaj tshoob ntsig kos yuj lias pem liaj lwg rhwv mwg rais los nto, kuv niam kuv txiv Hmoob poj yawm nws li nrauj qoob tseg loo nrauj qav tseg num li zus tuaj rau nram tog, ntoj li nuag rais los txog, nws li los npaj dej npaj cawv puv li ntoob npaj nqaij npaj hno puv li npo, los pib tau nws lub rooj tshoob los lawm rooj kos, nes,

    3, Hais zoov li kus, zoov li, hmo no kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qab mus plaj xab, los yog kuv niam kuv txiv Hmoob poj yawm tseem ua tshoob ua kos tos tub los tos nyab, laj tub sis yau neb yog liaj lwg rhwv mwg tus txiv tuam mej koob lwm mej zeeg kos, neb ntoj li nraws liaj lwg rhwv mwg txog nyuag qub kab, mus txog rau ntuj sua teb tom qab, mus poob li nthav rau kuv niam kuv txiv nyab neej nus lub nrab mus plaj xab, kuv niam kuv txiv nyab neej nus muaj qas tsi tsaws li zus rau neb tej me quav npab, neb ho rais loj lees rov fib qab, yog neb coj tau me nkauj nyab nraug vauv los, los yuav vam tau neb coj los cob li nkaus rau kuv niam kuv txiv Hmoob poj yawm tus me ncej dab, yog neb coj tau lus tshoob lus kos los yuav vam tau neb coj los nthuav tshab, yog neb coj tau me yeej mis ceeb mis yeej ntxws ceeb ntxws los yuav vam tau neb coj los cob li nkaus rau kuv niam kuv txiv Hmoob poj yawm tej me quav npab, kuv niam kuv txiv Hmoob poj yawm zoo coj nws me yeej mis ceeb mis yeej ntxws ceeb ntxws coj mus cia nyob mus zoo hnab, cuaj hnub tsis tseev rag kev yim niaj tsis tseev rag kab, nes,



    3, Hais zoov li kus, zoov li, hmo no kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qab mus plaj tsev, los yog kuv niam kuv txiv Hmoob poj yawm tseem ua tshoob ua kos tos tub los tos sev, laj tub sis yau neb yog liaj lwg rhwv mwg tus txiv tuam mej koob lwm mej zeeg kos, neb ntoj li nraws liaj lwg rhwv mwg txog nyuag qub kev, mus txog rau ntuj sua teb tom peg, mus poob li nthav rau kuv niam kuv txiv nyab neej nus lub nrab mus plaj tsev, kuv niam kuv txiv nyab neej nus muaj qas tsi tsaws li zus rau neb tej me quav tes, neb ho rais loj lees rov fib kev, yog neb coj tau me nkauj nyab nraug vauv los, los yuav vam tau neb coj los cob li nkaus rau kuv niam kuv txiv Hmoob poj yawm tus me ncej tsev, yog neb coj tau lus tshoob lus kos los yuav vam tau neb coj los nthuav tseb, yog neb coj tau me yeej mis ceeb mis yeej ntxws ceeb ntxws los yuav vam tau neb coj los cob li nkaus rau kuv niam kuv txiv Hmoob poj yawm tej me quav tes, kuv niam kuv txiv Hmoob poj yawm zoo coj nws me yeej mis ceeb mis yeej ntxws ceeb ntxws coj mus cia nyob mus zoo tsev, cuaj hnub tsis tseev rag kab yim niaj tsis tseev rag kev, nes,


    Hnov tis yuas liaj lwg rhwv mwg tus txiv tuam mej koob lwm mej zeeg kos, nkawm fwb cw, nes,
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    yog mej koob zaj saj yeeb saj tshuaj

    Post  Hmong ntuj tshiab on 27th May 2011, 7:35 am

    ( 5 ) - Yog mej koob zaj uas saj yeeb saj tshuaj

    Zaj tshoob no yog zaj saj yeeb saj tshuaj ntawm qhov rooj uas thaum mej koob mus ua tshoob los txog rau ntawm niam txiv poj yawm qhov rooj, es niam txiv muaj yeeb tshuaj tos mej koob.

    1, Hais zoov lis kus, zoov li, Kuv niam, kuv txiv Hmoob poj yawm ces nws txus txoos, kus txus muaj koob, ces nws tooj zog tuaj rau lawm nruab roob, lauj zog kav yiag lim qaim xws kav txoob, yuav lwg li zog nplooj mos li nyoos xws lawm nplooj xyoob, ces yog lawm hauv tshuaj kab yeeb Hmoob, nes,

    1, Hais zoov lis kus, zoov li, Kuv niam, kuv txiv Hmoob poj yawm ces nws txus txoos, kus txus muaj tseeb, ces nws tooj zog tuaj rau lawm nruab xeeb, lauj zog kav yiag lim qaim xws kav nqeeb, yuav lwg li zog nplooj mos li nyoos xws lawm nplooj rheeb, ces yog lawm Hmoob hauv tshuaj kab yeeb, nes,

    2, Hais zoov lis kus, zoov li, Kuv niam, kuv txiv Hmoob poj yawm, nws sau li zus los lawm tsheej phab, muab ntim li zus tuaj rau lawm nruab hnab, qas li zus tuaj rau ntawm npab, rais los lees rov fib qab, los poob li nthav rau kuv niam kuv txiv Hmoob poj yawm lub nrab mus plaj xab, ces hliv li zus tuaj rau lawm nruab vab, kauv li zus nplooj los xyaw kav, nes,

    2, Hais zoov lis kus, zoov li, Kuv niam, kuv txiv Hmoob poj yawm, nws sau li zus los lawm tsheej tes, muab ntim li zus tuaj rau lawm nruab hnab ntev, qas li zus tuaj rau ntawm cev, rais los lees rov fib kev, los poob li nthav rau kuv niam kuv txiv Hmoob poj yawm lub nrab mus plaj tsev, ces hliv li zus tuaj rau lawm nruab lev, kauv li zus nplooj los xyaw ceg, nes,

    3, Hais zoov lis kus zoov li, kuv niam kuv txiv hmoob poj yawm, zuag li zog nplooj mus xyaw kav ntau, coj los txoov sis zus nyob mus tsheej hau, cej toog rauv taws rau, nyob sis zus saum lauj mus kaub npau, nws xiv li zus nyob mus npau sis vau, nis,

    3, Hais zoov lis kus zoov li, kuv niam kuv txiv hmoob poj yawm, zuag li zog kav mus xyaw nplooj, coj los txoov sis zus nyob mus tsheej thooj, cej toog rauv taws nrooj, nyob sis zus saum lauj mus kaub ncooj, nws xiv li zus nyob mus npau sis voom, nes,

    4, Hais zoov lis kus zoov li, kuv niam kuv txiv Hmoob poj yawm, muaj qoov li zog nyob nrog lim, ces hliv lis zus tuaj rau nruab khob, daws lim zog tuaj rau nruab ntim, me phooj ywg kwv yiag kwv sis luag kuv niam kuv txiv hmoob poj yawm nkawm txiv tuam mej zeeg tshws, neb tus me cawv yeeb, cawv tshuaj ces cia rau neb nyob mus xub sim, nes.

    4, Hais zoov lis kus zoov li, kuv niam kuv txiv Hmoob poj yawm, muaj qoov li zog nyob nrog lam, ces hliv lis zus tuaj rau nruab khob, daws lim zog tuaj rau nruab phaj, me phooj ywg kwv yiag kwv sis luag kuv niam kuv txiv hmoob poj yawm nkawm txiv tuam mej zeeg tshws, neb tus me cawv yeeb, cawv tshuaj ces cia rau neb nyob mus xub saj, nes.


    5, Hais zoov lis kus, zoov li, Nyob ntsis tsam neb tus me cawv yeeb kus cawv tshuaj ces ntshe ib tsam ho yog tus cawv mov mus nplej tshiab, ces ho yog lawm tus cawv daw kus cawv iab, hliv li zus los muaj txo lawm li niab, ces ho yuav txoos li zog tuaj rau lawm txoj mus hlab siab, nes,

    5, Hais zoov lis kus, zoov li, Nyob ntsis tsam neb tus me cawv yeeb kus cawv tshuaj ces ntshe ib tsam ho yog tus cawv mov mus nplej xyaw, ces ho yog lawm tus cawv iab kus caw daw, hliv li zus los muaj txo lawm li ntxaws, ces ho yuav txoos li zog tuaj rau lawm txoj mus hlab plawv, nes,

    Hnov tim yuas, kuv niam kuv txiv hmoob poj yawm nkawm txiv tuam mej zeeg tshwm, nkawm fwb cw, nes.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    yog mej koob zaj thov kom ob tug hauv tsev ntsaig rooj ntsaig tog cia

    Post  Hmong ntuj tshiab on 27th May 2011, 7:37 am

    ( 6 ) - Zaj nov yog mej koob Zaj thov ntsaig rooj

    Zaj no yog zaj thov kom ob tug tub tos qhua ho pab ntsaig rooj ntawm qhov rooj uas thaum me koob mus ua tshoob los rau ntawm qhov rooj.

    1, Hais zoov lis kus, zoov li, Txhia niaj kus txhia xyoo, kuv niam kuv txiv Hmoob poj yawm tus plaj tshoob ntsig kos, yuj lias los tsis tau txum, ces kuv niam kuv txiv Hmoob poj yawm tsuas pom tau suav txawj txeeg sawv tuaj ua luam nyuj, ces yuj plaws rau niaj mab niag suav ntuj, es tav tau yeej mis, ceeb mis, yeej ntxws, lawm tas tej mus sib lig yuj, nis,

    1, Hais zoov lis kus, zoov li, Txhia niaj kus txhia xyoo, kuv niam kuv txiv Hmoob poj yawm tus plaj tshoob ntsig kos, yuj lias los tsis tau cuag, ces kuv niam kuv txiv Hmoob poj yawm tsuas pom tau suav txawj txeeg sawv tuaj ua luam npua, ces yuj plaws rau niaj mab niag suav luag, es tav tau yeej mis, ceeb mis, yeej ntxws lawm tas tej mus sib lig zuag, nis,

    2, Hais zoov lis kus zoov li, hmo no ces kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qab mus plaj xab, ces kuv niam kuv txiv Hmoob poj yawm tsuas pom tau suav txawj txeeg sawv nce kab, kuv niam kuv txiv Hmoob poj yawm tus me yeej mis ceeb mis, yeej ntxws ceeb ntxws, ntws li lug los lawm niaj mus ib hnab, nraug li zees los lawm tsheej phab, yuav los fim tas kuv niam kuv txiv Hmoob poj yawm lub mus nruab hnab, nis,

    2, Hais zoov lis kus zoov li, hmo no ces kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qab mus plaj tsev, ces kuv niam kuv txiv Hmoob poj yawm tsuas pom tau suav txawj txeeg sawv nce kev, kuv niam kuv txiv Hmoob poj yawm tus me yeej mis ceeb mis, yeej ntxws ceeb ntxws, ntws li lug los lawm niaj mus ib rev, nraug li zees los lawm tsheej kev, yuav los fim tas kuv niam kuv txiv Hmoob poj yawm lub mus nruab hnab ntev, nis,

    3, Hais zoov li kus, zoov li, laj tub sis yau wb ntauj nuag los txog kuv niam kuv txiv Hmoob poj yawmn lub qhov mus rooj tag, nyob tuaj lawm plaub xwm fab, ces pas liaj pas iav, puv sim yees los txij nthab, os rooj zag rooj zuag, tav sis yees los tav tau laj tub sis yau wb txoj mus hauv kab, los wb luj vim ua lawm neb tsaug, neb muab pas liaj pas iav laub li nthwv rau lawm zaj laug pas, neb muab rooj zag rooj zuag, ntsaig lis zus rau lawm qab mus plaj xab, laj tub sis yau wb zoo coj kuv niam kuv txiv Hmoob poj yawm me yeej mis ceeb mis yeej ntxws yeej ntxws los cob li nkaus rau kuv niam kuv txiv Hmoob poj yawm tus me ncej dab, nes,

    3, Hais zoov li kus, zoov li, laj tub sis yau wb ntauj nuag los txog kuv niam kuv txiv Hmoob poj yawmn lub qhov mus rooj tag, nyob tuaj lawm plaub xwm ces, ces pas liaj pas iav, puv sim yees los txij tsev, os rooj zag rooj zuag, tav sis yees los tav tau laj tub sis yau wb txoj mus hauv kev, los wb luj vim ua lawm neb tsaug, neb muab pas liaj pas iav laub li nthwv rau lawm zaj laug ces, neb muab rooj zag rooj zuag, ntsaig lis zus rau lawm qab mus plaj tsev, laj tub sis yau wb zoo coj kuv niam kuv txiv Hmoob poj yawm me yeej mis ceeb mis yeej ntxws yeej ntxws los cob li nkaus rau kuv niam kuv txiv Hmoob poj yawm tus me ncej tsev, nes,

    4, Hais zoov li kus, zoov li, kuv niam kuv txiv Hmoob poj yawm nkawm txiv tuam mej zeeg tshws neb tsis txhob ua lawm tshws zais nas rau lawm tej mus qab txag, kauv zais hneev li zus rau lawm nruab xub, laj tub sis yau wb luj vim ua lawm neb tsaug os, neb muab pas liaj pas iav laub li nthwv rau lawm zaj laug hub, muab rooj zaj rooj zuag ntsaig li zus rau lawm qab mus plaj cub, neb ho muaj lus tshoob lus kos los yuav vam tau lawm neb tab meeg qhub, muaj lawm suav nqaij los yuav vam tau lawm neb tab meeg ntxus, nes,

    4, Hais zoov li kus, zoov li, kuv niam kuv txiv Hmoob poj yawm nkawm txiv tuam mej zeeg tshws neb tsis txhob ua lawm tshws zais nas rau lawm tej mus qab txag, kauv zais hneev li zus rau lawm hav mus paj cais, laj tub sis yau wb luj vim ua lawm neb tsaug os, neb muab pas liaj pas iav laub li nthwv rau lawm zaj laug tais, muab rooj zaj rooj zuag ntsaig li zus rau lawm qab mus plaj cais, neb ho muaj lus tshoob lus kos los yuav vam tau lawm neb tab meeg hais, muaj lawm suav nqaij los yuav vam tau lawm neb tab meeg hlais, nes,

    Hnov tim yuas, kuv niam kuv txiv hmoob poj yawm nkawm txiv tuam mej zeeg tshwm, nkawm fwb cw, nes.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    yog mej koob zaj uas mej koob cob lub kaus rau ob tug hauv tsev

    Post  Hmong ntuj tshiab on 27th May 2011, 7:38 am

    ( 7 ) - Zaj nov yog mej koob zaj muab plig ntawm qhov rooj

    1,Hais zoov li kus, zoov li, Kuv niam kuv txiv Hmoob poj yawm nws ntshai li rwg ib tsam nkauj nyab nraug vauv, daim ntawv nyiaj keeb puaj txwm hlav tsis sib txig, nws li mus cog maj li zus tuaj rau nram i, maj hlav mos li nyoos xws lawm mus nplooj hli, nws tswm li zog daim tawv maj nti, nkoov li zog ua lawm txoj mus xov khi, qhaib li zus ua lawm lub kaus vej kaus vuas los kaus ci, muab rau laj tub sis yau wb coj mus roos nkauj nyab nraug vauv tus ntsuj plig, nis,

    1,Hais zoov li kus, zoov li, Kuv niam kuv txiv Hmoob poj yawm nws ntshai li rwg ib tsam nkauj nyab nraug vauv, daim ntawv nyiaj keeb puaj txwm hlav tsis sib luag, nws li mus cog maj li zus tuaj rau nram tsuag, maj hlav mos li nyoos xws lawm mus nplooj tshuab, nws tswm li zog daim tawv maj tuab, nkoov li zog ua lawm txoj mus hlua xuab, qhaib li zus ua lawm lub kaus vej kaus vuas los kaus ntsuab, muab rau laj tub sis yau wb coj mus roos nkauj nyab nraug vauv tus ntsuj duab, nis,

    2, Hais zoov li kus, zoov li, niam mab niag suav lub kaus vej vuam ces niam mab niag suav tsuas siv los roos tas ib cim tshav los lawm ntuj ntev, ncig li yeev lawm taug kev, kuv niam kuv txiv Hmoob poj yawm lub kaus vej vuam ces ntswj li zog los ntawm txooj mus xyoob cev, qhaib li zus ua lawm ob tshooj mus qhab tsev, plooj pliag lias daim ntaub mus maj ntev, plhis plho ua liaj lwg rhwv mwg lub kaus vej vuam roos tub los roos sev, cob li nkaus rau laj tub sis yau wb tej mus quav tes, wb li tau kuv niam kuv txiv Hmoob poj yawm lub kaus vej kaus vuam roos nkauj nyab nraug vauv qwv qhua tshoob qhua kos lis zees nyob mus ntoj kev, thaiv dab txeej dab qus tsis pom nkauj nyab nraug vauv txoj mus hau kev, nes,

    2, Hais zoov li kus, zoov li, niam mab niag suav lub kaus vej vuam ces niam mab niag suav tsuas siv los roos tas ib cim tshav los lawm ntuj nag, ncig li yeev rau lawm nruab kab, kuv niam kuv txiv Hmoob poj yawm lub kaus vej vuam ces ntswj li zog los ntawm txooj mus xyoob hmab, qhaib li zus ua lawm ob mus tshooj qhab, plooj pliag lias daim ntaub maj, plhis plho ua liaj lwg rhwv mwg lub kaus vej vuam roos tub los roos nyab, cob li nkaus rau laj tub sis yau wb tej mus quav npab, wb li tau kuv niam kuv txiv Hmoob poj yawm lub kaus vej kaus vuam roos nkauj nyab nraug vauv qwv qhua tshoob qhua kos lis zees nyob mus ntoj kab, thaiv dab txeej dab qus tsis pom nkauj nyab nraug vauv txoj mus hau kab, nes,

    3, Hais zoov li kus, zoo li, laj tub sis yau wb ntauj nuag mus txog li ntua rau lawm kuv niam kuv txiv Hmoob nyab neej nus lub tsev vaj lig txawm tuaj rau nram taug, vov tau plaub tshooj mus vuas nraug, qab plaj tsev ci li oo xws dej nyiag dej kub nyob tsis xau, qhab tsev yiag li qaim zoo rau laj tub sis yau wb tuaj nyob khuam kaus, wb zoo muab kuv niam kuv txiv Hmoob poj yawm tus plaj tshoob ntsig kos tuaj nyob mus ntos dhau, nes

    3, Hais zoov li kus, zoo li, laj tub sis yau wb ntauj nuag mus txog li ntua rau lawm kuv niam kuv txiv Hmoob nyab neej nus lub tsev vaj lig txawm tuaj rau nram tog, vov tau plaub tshooj mus vuas txho, qab plaj tsev ci li oo xws dej nyiag dej kub nyob tsis nplo, qhab tsev yiag li qaim zoo rau laj tub sis yau wb tuaj nyob khuam kaus so, wb zoo muab kuv niam kuv txiv Hmoob poj yawm tus plaj tshoob ntsig kos tuaj nyob mus ntos dhau, nes

    4, Hais zoov li kus, zoov li, nag hmo ces tsaus ntuj nes, kaj ntug tag kis kaj tuaj to qhov nthab, tus plaj tshoob wb ntos ntseg, kev kos wb ntos tshab, wb noj los tsau cev, haus los tsau plab, ces wb taij li ntsees ob nkawm phooj ywg kwv yaig kwv sis luag yeej cuam lis zus wb niam nkauj kaus rau wb tej mus quav npab, wb li tau wb niam nkauj kaus roos nkauj nyab nraug vauv qwv qhua tshoob qhua kos rais li lees rov fib qab, thaiv tau dab txeej dab qus tsis pom nkauj nyab nraug vauv txoj me qub kab, nes,

    4, Hais zoov li kus, zoov li, nag hmo ces tsaus ntuj nes, kaj ntug tag kis kaj tuaj to qhov tsev, tus plaj tshoob wb ntos tshab, kev kos wb ntos ntseg, wb noj los tsau plab, haus los tsau cev, ces wb taij li ntsees ob nkawm phooj ywg kwv yaig kwv sis luag yeej cuam lis zus wb niam nkauj kaus rau wb tej mus quav tes, wb li tau wb niam nkauj kaus roos nkauj nyab nraug vauv qwv qhua tshoob qhua kos rais li lees rov fib kev, thaiv tau dab txeej dab qus tsis pom nkauj nyab nraug vauv txoj me qub kev, nes,

    5, Hais zoov li kus, zoov li, laj tub sis yau wb ntoj nuag los txog nrad ub, ces wb tsis pom tau tsav tsim nuj tus dab tsi?, wb tsuas pom tau poj mab sawv qhib liaj, yawm suav sawv qhib hub, wb tus hauv kaus ces roov rawv nkauj nyab nraug vauv los lawm li ntxhub, tsis tseev tshav mus ntuj kub, hos wb tus me qab kaus ces tuav rawv poj mab yawm suav tus me plig kub, zaum no ces tseev los txaus tau me nkauj nyab nraug vauv noj quas lub niaj haus kav lawm lub hnub, nes,

    5, Hais zoov li kus, zoov li, laj tub sis yau wb ntoj nuag los txog nrad tiaj, ces wb tsis pom tau tsav tsim nuj tus dab tsi?, wb tsuas pom tau poj mab sawv qhib hub, yawm suav sawv qhib liaj, wb tus hauv kaus ces roov rawv nkauj nyab nraug vauv los lawm li ntxiaj, tsis tseev tshav mus ntuj ziab, hos wb tus me qab kaus ces tuav rawv poj mab yawm suav tus me plig nyiaj, zaum no ces tseev los txaus tau me nkauj nyab nraug vauv noj quas lub hnub haus kav lawm lub niaj, nes,

    6, Hais zoov li kus, zoov li, laj tub sis yau wb ntoj nuag los txog qhov chaw nyob mus noj su, ces wb noj lawm niaj mus ib diav, huab lawm niaj mus ib diav, muaj lawm ib diav poob li nthav tuaj rau tid toj, ces kuv niam kuv txiv Hmoob poj yawm, peb tis mus txwv koob kus txwv poj nyob mus khaws tau noj, ces nrog wb tav tus yeej mis ceeb mis, yeej ntxws ceeb ntxws sawv li tsees los lawm ua npoj, nes,

    6, Hais zoov li kus, zoov li, laj tub sis yau wb ntoj nuag los txog qhov chaw nyob mus noj su, ces wb noj lawm niaj mus ib diav, huab lawm niaj mus ib diav, muaj lawm ib diav poob li nthav tuaj rau tid dawm, ces kuv niam kuv txiv Hmoob poj yawm, peb tis mus txwv koob kus txwv yawm nyob mus tau khaws, ces nrog wb tav tus yeej mis ceeb mis, yeej ntxws ceeb ntxws sawv li tsees los lawm ua nkawm, nes,

    7, Hais zoov li kus, zoov li, laj tub sis yau wb ntoj nuag los txog rau lawm kuv niam kuv txiv Hmoob poj yawm lub qab vaj mus tsib taug vov lawm nplooj tsawb, wb niam nkauj kaus puav tau yeej mis ceeb mis yeej ntxws ceeb ntxws los lawm li daws, los kaw li nkaus rau kuv niam kuv txiv Hmoob poj yawm lub mus nkuaj txawb, cuaj hnub tsis tseev rag tshwm mog yim niaj tsis tseev rag tawm, nis,

    7, Hais zoov li kus, zoov li, laj tub sis yau wb ntoj nuag los txog rau lawm kuv niam kuv txiv Hmoob poj yawm lub qab vaj mus tsib taug vov lawm nplooj kws, wb niam nkauj kaus puav tau yeej mis ceeb mis yeej ntxws ceeb ntxws los lawm li ntws, los kaw li nkaus rau kuv niam kuv txiv Hmoob poj yawm lub mus nkuaj txws, cuaj hnub tsis tseev rag tawm mog yim niaj tsis tseev rag tshwm, nis,

    8, Hais zoov li kus, zoov li, laj tub sis yau wb ntoj nuag los txog rau lawm kuv niam kuv txiv Hmoob poj yawm lub qhov mus rooj tag plaub mus xwm fab, laj tub sis yau wb tsis pom qab cob ces wb muab cob li nkaus rau kuv niam kuv txiv Hmoob poj yawm nkawm tub tos qhua neb tej me quav npab, ces neb coj mus cog ceg nyob mus ciaj cag, kom nplooj hlav mos li nyoos nyob mus txij nthab, yog tawg paj txi txiv ces cia tuav me nkauj nyab nraug vauv tus ncej dab, yog tawg paj tsis txi txiv ces kom nkauj nyab nraug vauv tshaj xib rau xov li nraws rau kuv niam kuv txiv nyab neej nus nyob ntuj sua teb tom qab, ho txoj li nraws liaj lwg rhwv mwg txoj me qub kab, ces tus plaj tshoob ntsig kos ntxhee li sua los rau kuv niam kuv txiv Hmoob poj yawm lub qab mus plaj xab, ces zaum no kuv niam kuv txiv Hmoob poj yawm tus txiv nyuj quas pwm yeej yuav nqov li qaws rais li lees rov fib qab, nes,

    8, Hais zoov li kus, zoov li, laj tub sis yau wb ntoj nuag los txog rau lawm kuv niam kuv txiv Hmoob poj yawm lub qhov mus rooj tag plaub mus xwm ces, laj tub sis yau wb tsis pom qab cob ces wb muab cob li nkaus rau kuv niam kuv txiv Hmoob poj yawm nkawm tub tos qhua neb tej me quav tes, ces neb coj mus cog cag nyob mus ciaj ceg, kom nplooj hlav mos li nyoos nyob mus txij tsev, yog tawg paj txi txiv ces cia tuav me nkauj nyab nraug vauv tus ncej tsev, yog tawg paj tsis txi txiv ces kom nkauj nyab nraug vauv tshaj xib rau xov li nraws rau kuv niam kuv txiv nyab neej nus nyob ntuj sua teb tom peg, ho txoj li nraws liaj lwg rhwv mwg txoj me qub kev, ces tus plaj tshoob ntsig kos ntxhee li sua los rau kuv niam kuv txiv Hmoob poj yawm lub qab mus plaj tsev, ces zaum no kuv niam kuv txiv Hmoob poj yawm tus txiv nyuj quas pwm yeej yuav nqov li qaws rais li lees rov fib qab, nes,

    Hnov tim yuas, kuv niam kuv txiv hmoob poj yawm nkawm txiv tuam mej zeeg tshwm, nkawm fwb cw, nes.


    Yog luag cev lub phaj tuaj rau koj es luag muaj nyiaj nyob rau hauv lub tuaj ntiav koj lawm no ces koj yuav hais ob txwm hauv qab no thiab hos yog luag tsis ntiav nyiaj no ces koj tsuas hais li saum toj no xwb os nawb,

    9, Hais zoov li kus, zoov li, laj tub sis yau wb muab cob li nkaus rau neb coj mus kaw li nkaus rau nruab taig, qhib li pho tuaj rau nruab hub, txawb li nkaus rau qab mus plaj cais, sawv li tsees rau qab mus plaj cub, tawg paj ces nthuav li vus nyob mus ua nplais, txi txiv ces kom nrw hna nyob mus ua lub, zaum no ces me nkauj nyab nraug vauv los ua neej ces muaj lawm cuab leeg ntxhais, yim leej tub, nes,

    9, Hais zoov li kus, zoov li, laj tub sis yau wb muab cob li nkaus rau neb coj mus kaw li nkaus rau nruab hub, qhib li pho tuaj rau nruab taig, txawb li nkaus rau qab mus plaj cub, sawv li tsees rau qab mus plaj cais, txi txiv kom nrw hna nyob mus ua lub, hos tawg paj ces nthuav li vus nyob mus ua nplais, zaum no ces me nkauj nyab nraug vauv los ua neej ces muaj lawm cuab leeg tub, yim leej ntxhais, nes,

    10, Hais zoov li kus, zoov li, laj tub sis yau wb muab cob li nkaus rau neb tej mus quav npab, txais li nkaus rau tej mus quav tes, coj mus txawb li nkaus rau qab mus plaj xab, sawv li tsees rau qab mus plaj tsev, yog tawg paj ces kom ncw cuag li paj hmab, hos txi txiv ces kom nrw hna cuag li txiv cev, ces me nkauj nyab nraug los ua neej ces yuav vam ntws xws xub ntab, nroo ntws xws xub mes, neej yuav zoo xws neej hmab, hos luag yuav qhuas cuag li neej cev, me nkauj nyab nraug vauv yuav tau txais daim ntawv meej tab, nyob mus muaj npe, zaum no me nkauj nyab nraug vauv tawm rooj li plaws ces yuav muaj laj mej pej xeem tuaj txais sawv ua tsheej kab, tos ua tsheej kev, zaum no ces me nkauj nyab nraug vauv tsa muag zaj saib ces twb tau kav cuaj ntswg liaj ncab, yim ntswg ciav ntev, me nkauj nyab nraug vauv tus me qab vaj ces yuav muaj lawm cuaj txwg tub mab, sawv ua laj kab, tus qaum loog ces yuav muaj lawm yim txwg tub qhe, sawv ua laj kem, me nkauj nyab nraug vauv lub koob moo ces yuav ncha ntws nto plaws puag pem ceeb tsheej teb, nes

    10, Hais zoov li kus, zoov li, laj tub sis yau wb muab cob li nkaus rau neb tej mus quav tes, txais li nkaus rau tej mus quav npab, coj mus txawb li nkaus rau qab mus plaj tsev, sawv li tsees rau qab mus plaj xab, yog txi txiv ces kom ncw cuag lit xiv cev, yog tawg paj ces kom ncw cuag li paj hmab, ces me nkauj nyab nraug los ua neej ces yuav vam ntws xws xub mes, nroo ntws xws xub ntab, neej yuav zoo xws neej cev, hos luag yuav qhuas cuag li neej mab, me nkauj nyab nraug vauv yuav tau txais daim ntawv muaj npe, nyob mus meej tab, zaum no me nkauj nyab nraug vauv tawm rooj li plaws ces yuav muaj laj mej pej xeem tuaj txais sawv ua tsheej kev, tos ua tsheej kab, zaum no ces me nkauj nyab nraug vauv tsa muag zaj saib ces twb tau kav cuaj ntswg liaj ntev, yim ntswg ciav ncab, me nkauj nyab nraug vauv tus me qab vaj ces yuav muaj lawm cuaj txwg tub qhe, sawv ua laj kem, tus qaum loog ces yuav muaj lawm yim txwg tub mab, sawv ua laj kab, me nkauj nyab nraug vauv lub koob moo ces yuav ncha ntws nto plaws puag pem ceeb tsheej sab, nes

    Hnov tim yuas, kuv niam kuv txiv hmoob poj yawm nkawm txiv tuam mej zeeg tshwm, nkawm fwb cw, nes.

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmong ntuj tshiab on 27th May 2011, 7:44 am

    yog nej nyiam thiab no kuv mam tso kom tag kiag peb hmoob li zaj tshoob rau hauv nov thiab os nawb, kooj ziag kab zaug
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  MayPaj on 27th May 2011, 2:15 pm

    Hmong ntuj tshiab wrote:yog nej nyiam thiab no kuv mam tso kom tag kiag peb hmoob li zaj tshoob rau hauv nov thiab os nawb, kooj ziag kab zaug

    Tijlaug, peb nyiam kawg li nawd, tuaj tso kom tag nrho nawd, hauv lub vas sab nod yeej yog chaw tso txuj, koj muaj txuj dab tsi yeej meem nthuav taum khaws cia rau hauv no tsam ploj lawm ces peb Hmoob tsis muaj kev tshawb nrhiav qhov twg los nyeem thiab kawm lawm os nawd, koj siab loj ,siab dav ,siab dawb ,thov koj tuaj sau pub peb khaws tseg tau kawm kom paub nawd mog. J: J: J:


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A
    avatar
    Naxus
    Developer
    Developer

    Messages : 103
    Date d'inscription : 2011-05-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Naxus on 27th May 2011, 4:34 pm

    Hmong ntuj tshiab wrote:yog nej nyiam thiab no kuv mam tso kom tag kiag peb hmoob li zaj tshoob rau hauv nov thiab os nawb, kooj ziag kab zaug

    Hmong Ntujtshiab, yog koj tsi xav li ca koj tuaj tso koj cov zaj tshoob rau ntawm nov? vim tom nov thiaj li tseem hmoob lub neej qub tsi tau hloov.Nia kiag nov ma?Evil or Very Mad
    avatar
    Admin
    Admin
    Admin

    Messages : 76
    Date d'inscription : 2010-02-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Admin on 27th May 2011, 5:31 pm

    Hmong ntuj tshiab wrote:yog nej nyiam thiab no kuv mam tso kom tag kiag peb hmoob li zaj tshoob rau hauv nov thiab os nawb, kooj ziag kab zaug

    Tsis hais nyiam xwb, peb txhua tus zoo siab qhuas koj tej txuj ci, hauv no yog chaw teev txuj, lub vas sab no muaj ntau chav ntau hoob, koj muaj txuj dab tsi zoo ho coj tuaj nrog peb ntoj, muaj ci tuaj nrog peb nthuav, txhua yam kev sau txuj ci Hmoob hauv no muaj nqis rau ib tsoom Hmoob , ua tsaug mog Hmoobntujtshiab.


    Last edited by Admin on 28th May 2011, 1:15 am; edited 1 time in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    zaj tshoob fi xov

    Post  Hmong ntuj tshiab on 27th May 2011, 10:25 pm

    ( 1 )- . Nqe lus ua zaj hais fi xov rau niam txiv nyab neej nus
    1, Hais zoov li kus, zoov li, zaj npuas phwb lawm toj tsuas, phwb nuj nuag twv av mus lawm luaj dub, kuv niam kuv txiv nyab neej nus nej nyob ntuj tag hmo teb tag hnub, nej tsuas noj sib nco haus lawm sib hlub, nej tsuas tsis paub os me tub nraug laj twb tuaj coj tau nej me ntxhais nkauj mog mim mus lawm tej mus nrab hnub, dua ntais ntuj sua teb nram ub, mus ciaj tas me tub nraug laj lawm niaj ib tug mus zoo hlub, nes,

    1, Hais zoov li kus, zoov li, zaj npuas phwb lawm toj tsuas, phwb nuj nuag twv av mus lawm luaj txho, kuv niam kuv txiv nyab neej nus nej nyob ntuj tag hnub teb tag hmo, nej tsuas noj sib hlub haus lawm sib nco, nej tsuas tsis paub os me tub nraug laj twb tuaj coj tau nej me ntxhais nkauj mog mim mus lawm tej mus nrab hmo, dua ntais ntuj sua teb nram tog, mus ciaj tas me tub nraug laj lawm niaj ib tug mus zoo nco, nes,

    2, Hais Zoo li kus, zoo li, kuv niam kuv txiv nyab neej nus nej me ntxhais nkauj mog mim ces ploj li ntshis rau lawm tej mus yas kab, ces twb yog lawm me tub nraug laj tuaj coj tau nej me ntxhais nkauj mog mim mus lawm lub hli nrab, mus ciaj tau lawm me tub nraug laj ib tug mus zoo nyab, mus nrog me tub nraug laj muab lub cuab tuaj lawm lub yig nrog luag tab, nes.

    2, Hais Zoo li kus, zoo li, kuv niam kuv txiv nyab neej nus nej me ntxhais nkauj mog mim ces ploj li ntshis rau lawm tej mus yas kev, ces twb yog lawm me tub nraug laj tuaj coj tau nej me ntxhais nkauj mog mim mus lawm lub hli ntev, mus ciaj tau lawm me tub nraug laj ib tug mus zoo sev, mus nrog me tub nraug laj muab lub cuab tuaj lawm lub yig nrog luag leg, nes.

    3, Hais Zoo li kus, zoo li, kuv niam kuv txiv Hmoob poj yawm tom ub me tub nraug laj ces coj tau lawm kuv niam kuv txiv nyab neej nus nej me ntxhais nkauj mog mim mus ua neej yaj los kib txoob, ib nqaj nto ntuj, ib nploog nto ntsis, mus ntxuav qab yias du, cheb lawm qab plag tsev qawj, es hais rau kuv niam kuv txiv nyab neej nus nej nyob nej tsis txhob txhawj, mog ces kaj ntug tag kis kaj es kaj li zus tuaj peb tag kis tawm, ces kuv niam kuv txiv hmoob poj yawm tom ub li rov coj tau kuv niam kuv txiv nyab neej nus nej me ntxhais nkauj mog mim tuaj nrog nej ntsuas dej kus ntsuas cawv, nes,

    3, Hais Zoo li kus, zoo li, kuv niam kuv txiv Hmoob poj yawm tom ub me tub nraug laj ces coj tau lawm kuv niam kuv txiv nyab neej nus nej me ntxhais nkauj mog mim mus ua neej yaj los kib txoob, ib nqaj nto ntuj, ib nploog nto ntsis, mus cheb qab plag tsev qawj, ntxuav lawm qab yias du, es hais rau kuv niam kuv txiv nyab neej nus nej nyob nej tsis txhob hu, mog ces kaj ntug tag kis kaj es kaj li zus tuaj peb tag kis huv, ces kuv niam kuv txiv hmoob poj yawm tom ub li rov coj tau kuv niam kuv txiv nyab neej nus nej me ntxhais nkauj mog mim tuaj nrog nej ntsuas dej kus ntsuas txhuv, nes,

    Hnov tis yuas kuv niam kuv txiv nyab neej nus niam nkauj teej cuab txiv nraug tsav yig nkawm fwb cw, nes,
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmong ntuj tshiab on 27th May 2011, 10:26 pm

    ( 2 ) - Zaj nov yog zaj, zaj tshoob ntuas ntxhais
    Zaj no yog hais thaum lub sij hawm uas ntuas tus ntxhais thiab tus vauv es yuav tsa qhua sawv kev mus tsev, nws yog txhua tus ua raug rau nco xws li nus tij los yog nus npaws, los yog txiv cob txheeb thiab dab laug cob txheeb muaj feem cuam los hais zaj no ntuas tus ntxhais ua neej,

    1, Hais zoov li kus, zoov li, ntxhiav nkauj mim nes ntxhiav nkauj mim koj ua koj niam koj txiv nkauj qas yeev nyob koj puas paub tias koj noj tas koj niam koj txiv qoob tuaj pes tsawg txhab, koj li hlob li ywm los paub tab, hnav tau koj niam koj txiv cev tsoos paj ntaub tuaj nyob quas hlab, koj ces zoo zoo nkauj tam ntua nkauj sua los lawm nkauj mab, nqes hav tsis muaj tus nrog kav, ces txuj ci nyob tuaj mus nthuav dav, nes ntxhiav nkauj mim,

    1, Hais zoov li kus, zoov li, ntxhiav nkauj mim nes ntxhiav nkauj mim koj ua koj niam koj txiv nkauj qas yeev nyob koj puas paub tias koj noj tas koj niam koj txiv qoob tuaj pes tsawg tsev, koj li hlob li ywm los puv cev, hnav tau koj niam koj txiv cev tsoos paj ntaub tuaj phim quas sev, koj ces zoo zoo nkauj tam ntua nkauj sua los lawm nkauj cev, tawm rooj li plaws tuaj mus taug kev, tsis muaj tus nyob nrog tshev, ces tus txuj ci nthuav tawg paj li zees nyob mus ua rev, nes, ntxhiav nkauj mim,
    2, Hais zoov li kus, zoov li, txhia niaj kus txhia xyoo ntxhiav nkauj mim koj niam koj txiv tsuas tsis pwv tshoob, koj niam koj txiv tus me plaj kos ntsig tshoob khuam li nkaus rau zoov pem laj tus ntsis xyoob, ntxhiav nkauj mim koj ua nkauj nyob ces tawm rooj li plaws ces hnav tau koj niam koj txiv cev tsoos paj ntaub Hmoob, sawv li tsees tuaj mus leg koj niam koj txiv lub mus lawm luaj qoob, ncig li yeev tuaj rau nram roob, nes, ntxhiav nkauj mim,

    2, Hais zoov li kus, zoov li, txhia niaj kus txhia xyoo ntxhiav nkauj mim koj niam koj txiv tsuas tsis pwv kos, koj niam koj txiv tus me plaj tshoob ntsig kos khuam li nkaus rau zoov pem laj tus ntsis nto, ntxhiav nkauj mim koj ua nkauj nyob ces tawm rooj li plaws ces hnav tau koj niam koj txiv cev tsoos paj ntaub nyob phim laug mos, sawv li tsees tuaj mus leg koj niam koj txiv lub mus lawm luaj nrog, ncig li yeev tuaj rau nram tog, nes, ntxhiav nkauj mim,

    3, Hais zoov li kus, zoov li, xyoo no ntxhiav nkauj mim koj hlob li yuj los paub tab, ces koj niam koj txiv tus plaj tshoob ntsig kos yuj lias los txog rau lawm koj niam koj txiv lub nrab mus plab xab, nkawm txiv tuam mej koob lwm mej zeeg kos muab tus plab tshoob los ntos ntseg kev kos los ntos tshab, qhua tshoob noj los tsau cev, qhua kos haus los tsau plab, tav ncaij sis nrus nkawm laj mej zeeg yuav sawv kab, nes ntxhiav nkauj mim koj nyob los koj noj tsis tau koj niam koj txiv tuaj diav hno hlab, koj tsis yog koj niam koj txiv ib leej mus tub cag ces twb tuav tsis tau koj niam koj txiv tus me ncej dab, koj yuav tau tshais roj li nruam hla li plaws koj niam koj txiv lub qhov rooj tag nyob tuaj plaub mus xwm fab, mus ciaj tau lawm luag nyab, koj li muaj lawm lub neej nrog luag tab, nes ntxhiav nkauj mim,

    3, Hais zoov li kus, zoov li, xyoo no ntxhiav nkauj mim koj hlob li yuj los puv cev, ces koj niam koj txiv tus plaj tshoob ntsig kos yuj lias los txog rau lawm koj niam koj txiv lub nrab mus plab tsev, nkawm txiv tuam mej koob lwm mej zeeg kos muab tus plab tshoob los ntos tshab kev kos los ntos ntseg, qhua tshoob noj los tsau plab, qhua kos haus los tsau cev, tav ncaij sis nrus nkawm laj mej zeeg yuav sawv kev, nes ntxhiav nkauj mim koj nyob los koj noj tsis tau koj niam koj txiv tuaj diav hno ntse, koj tsis yog koj niam koj txiv ib leej mus tub cag ces twb tuav tsis tau koj niam koj txiv tus me lawm ncej tsev, koj yuav tau tshais roj li nruam hla li plaws koj niam koj txiv lub qhov rooj tag nyob tuaj plaub mus xwm ces, mus ciaj tau lawm luag sev, koj li muaj lawm lub neej nrog luag leg, nes ntxhiav nkauj mim,

    4, Hais zoov li kus, zoov li, ntxhiav nkauj mim nes ntxhiav nkauj mim, txoj kev ua nyab ces yog txoj kev uas koj yuav tau tshais roj li nruam hla li plaws koj niam koj txiv lub taw rooj, ces koj ntsia tim toj ub ces koj pom ib txoj kev si toj zim nyob tuaj mus nqe hav, nes koj puas paub tias txoj kev ntawd yog txoj kev mus dab tsi nes?, txoj kev ntawd ces yog txoj kev mus ua lawm luag nyab, nes sau siab zuj zog mus leg luag lub luaj qoob luaj loo nyob mus nto hav, ces li tau nrog luag noj kus luag hnav, nes qhib rooj lug tos kwv tos tij tuaj vam lub dag coj lawm lub zog pab, luag thiaj qhuas tias koj yog luag ib tug mus zoo nyab, nes ntxhiav nkauj mim,

    4, Hais zoov li kus, zoov li, ntxhiav nkauj mim nes ntxhiav nkauj mim, txoj kev ua nyab ces yog txoj kev uas koj yuav tau tshais roj li nruam hla li plaws koj niam koj txiv lub taw rooj, ces koj ntsia tim toj ub ces koj pom ib txoj kev si toj zim nyob tuaj mus nce toj, nes koj puas paub tias txoj kev ntawd yog txoj kev mus dab tsi nes?, txoj kev ntawd ces yog txoj kev mus ua lawm luag poj, nes sau siab zuj zog mus leg luag lub luaj qoob luaj loo nyob mus nto toj, ces li tau nrog luag hnav kus luag noj, nes qhib rooj lug tos kwv tos tij tuaj vam lub dag coj lawm lub zog khom, ces luag thiaj qhuas tias koj yog luag ib tug mus zoo poj, nes ntxhiav nkauj mim,

    5, Hais zoov li kus, zoov li, ntxhiav nkauj mim nes ntxhiav nkauj mim txoj kev ua nyab tsis yog txoj kev mus ua qhua, nes koj mus tshwm tas tej mus sib ntua, tsis txhob mus dhia daj los dhia luag, nes nco li ntsoov mus khaws li nkaus leej tub roog lub teej qav tsav num tuaj mus sib tw ua, mus ntxuaj luag vab tsoov luag xua, teev luag dab tiam lawm luag qhua, koj mus nrhiav tau tais zaub qab los nco li ntsoov mus nrhiav kom tau tais me zaub tsuag, nes tsis pub leej me tub roog hnav daim khaub hlab ntxuag daim ntuag, nes luag thiaj qhuas tias koj yog luag ib leej me zoo nyab nquag, nes ntxhiav nkauj mim,

    5, Hais zoov li kus, zoov li, ntxhiav nkauj mim nes ntxhiav nkauj mim txoj kev ua nyab tsis yog txoj kev mus kav laj, nes koj mus tshwm tas tej mus sib tab, tsis txhob mus dhia luag los dhia daj, nes nco li ntsoov mus khaws li nkaus leej tub roog lub teej qav tsav num tuaj mus sib tw tab, mus ntxuaj luag xua tsoov luag vab, tiam lawm luag qhua teev luag dab, koj mus nrhiav tau tais mus zaub tsuag los nco li ntsoov mus nrhiav kom tau tais me zaub qab, nes tsis pub leej me tub roog hnav daim ntuag ntxuag daim khaub hlab, nes luag thiaj qhuas tias koj yog luag ib leej me zoo nyab, nes ntxhiav nkauj mim,

    6, Hais zoov li kus, zoov li, ntxhiav nkauj mim nes ntxhiav nkauj mim, txoj kev mus ua lawm luag nyab ces tsis yog txoj kev mus ua si os, txoj kev mus ua lawm luag nyab ces yog txoj kev mus ua neej yaj los kib txoob ib nqaj kom nto ntuj, ib nploog kom nto ntsis nes, nco li ntsoov mus muab txoj kev sib hlub saib kom tsim nqi, mus sib hlub ib txhiab kom txog lawm ib txhis nes, li muaj lawm lub neej nrog luag nyob mus kaj lawm li nrig, tam ntua niam nkauj hnub txiv nraug hli tus duab ci, nes ntxhiav nkauj mim,

    6, Hais zoov li kus, zoov li, ntxhiav nkauj mim nes ntxhiav nkauj mim, txoj kev mus ua lawm luag nyab ces tsis yog txoj kev mus ua yaj yaum li yeev yuj os, txoj kev mus ua lawm luag nyab ces yog txoj kev mus ua neej yaj los kib txoob ib nploog kom mus nto ntsis ib nqaj kom nto ntuj nes, nco li ntsoov mus muab txoj kev sib hlub saib kom tsim nuj, mus sib hlub ib txhiab kom txog ib txhis tsis paub nrog luag tsum nes, li muaj lawm lub neej nyob mus kaj li lug, tam ntua niam nkauj hnub txiv nraug hli tus duab tshav ntuj, nes, ntxhiav nkauj mim,

    Hnov tis yuas ntxhiav nkauj mim niam nkauj teej cuab txiv nraug tsav yig nkawm fwb cw, nes,

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmong ntuj tshiab on 27th May 2011, 10:29 pm

    ( 3 ) - Zaj tshoob yog tus nyob hauv tsev zaj

    Txiv tuam mej zeeg tshwm, yog ob tug nyob hauv tsev zaj uas thaum mej koob lawv mus ua tshoob ua kos los txog ntawm qhov rooj es yog tus nyob hauv tsev mas yus muab ib lub rooj coj los tav ntawm qhov rooj thiab yus ce plaub phaj , nyob rau hauv ib lub phaj ntawd muaj ob lus khob, ob phaj mas yog cawv, hos ob phaj mas yog dej xwb ces yus tos lawv ntawm qhov rooj ces thaum lawv los txog rau ntawm qhov rooj ces, yus yuav tsum hais ib zaj yog zaj tshoob xws li nram no,

    1, Hais zoov li kus, zoov li, txhia niaj kus txhia xyoo kuv niam kuv txiv Hmoob poj yawm nws tsis pwv tshoob, nws tus plaj kos ntsig tshoob yuj lias los tsis tau txum, kuv niam kuv txiv Hmoob poj yawm tsuas pom suav txawj txeeg sawv ua luam nyuj, yuj plaws rau niam mab niag suav ntuj, tav tau yeej mis ceeb mis, yeej ntxws ceeb ntxws lawm tas tej sib lig yuj, nes,

    1, Hais zoov li kus, zoov li, txhia niaj kus txhia xyoo kuv niam kuv txiv Hmoob poj yawm nws tsis pwv kos, nws tus plaj tshoob ntsig kos yuj lias los tsis tau cuag, kuv niam kuv txiv Hmoob poj yawm tsuas pom suav txawj txeeg sawv ua luam npua, yuj plaws rau niam mab niag suav luag, tav tau yeej mis ceeb mis, yeej ntxws ceeb ntxws lawm tas tej sib lig zuag, nes,

    2, Hais zoov lis, zoov li, xyoo no kuv niam kuv txiv Hmoob poj yawm nws yuav pwv tshoob, nws tus plaj kos ntsig tshoob yuj lias pem liaj lwg rhwv mwg rais los thoob, kuv niam kuv txiv Hmoob poj yawm nws li nrauj qoob tseg loo nrauj qav tseg num li zus tuaj rau nram roob, ntoj li nuag rais los poob, nws li los npaj nqaij npaj hno puv li npo npaj dej npaj cawv puv li ntoob, los pib tau nws lub rooj kos los lawm rooj tshoob, nes,

    2, Hais zoov lis, zoov li, xyoo no kuv niam kuv txiv Hmoob poj yawm nws yuav pwv kos, nws tus plaj tshoob ntsig kos yuj lias pem liaj lwg rhwv mwg rais los nto, kuv niam kuv txiv Hmoob poj yawm nws li nrauj qoob tseg loo nrauj qav tseg num li zus tuaj rau nram tog, ntoj li nuag rais los txog, nws li los npaj dej npaj cawv puv li ntoob npaj nqaij npaj hno puv li npo, los pib tau nws lub rooj tshoob los lawm rooj kos, nes,

    3, Hais zoov li kus, zoov li, hmo no kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qhov mus rooj tag nyob tuaj plaub mus xwm fab, ces pas liaj pas iav puv sis yees los txij nthab, rooj zag rooj zuag tav sis yees los tav tau laj tub sis yau neb txoj mus hauv kab, los yog kuv niam kuv txiv Hmoob poj yawm tseem ua tshoob ua kos tos tub los tos nyab, nes,

    3, Hais zoov li kus, zoov li, hmo no kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qhov mus rooj tag nyob tuaj plaub mus xwm ces, ces pas liaj pas iav puv sis yees los txij tsev, rooj zag rooj zuag tav sis yees los tav tau laj tub sis yau neb txoj mus hauv kev, los yog kuv niam kuv txiv Hmoob poj yawm tseem ua tshoob ua kos tos tub los tos sev, nes,


    4, Hais zoov li kus, zoov li, laj tub sis yau neb yog liaj lwg rhwv mwg tus txiv tuam mej koob lwm mej zeeg kos, ntoj kab tshoob mus thoob taug kev kos mus nto, neb tau li nraim liaj lwg rhwv mwg txoj me qub kab, mus txog rau ntuj sua teb puag tom qab, poob li nthav rau kuv niam kuv txiv nyab neej nus lub nrab mus plaj xab, kuv niam kuv txiv nyab neej nus muaj qas tsi tsaws li zus rau neb tej mus quav npab, neb ho rais loj lees rov fib qab, yog neb coj tau me nkauj nyab nraug vauv los yuav vam tau neb coj los cob li nkaus rau kuv niam kuv txiv Hmoob poj yawm tus me ncej dab, yog neb coj tau tus me yeej mis ceeb mis yeej ntxws ceeb ntxws los yuav vam tau neb coj los cob li nkaus rau kuv niam kuv txiv Hmoob poj yawm tej me quav npab, nes,

    4, Hais zoov li kus, zoov li, laj tub sis yau neb yog liaj lwg rhwv mwg tus txiv tuam mej koob lwm mej zeeg kos, ntoj kab tshoob mus thoob taug kev kos mus nto, neb tau li nraim liaj lwg rhwv mwg txoj me qub kev, mus txog rau ntuj sua teb puag tom peg, poob li nthav rau kuv niam kuv txiv nyab neej nus lub nrab mus plaj tsev, kuv niam kuv txiv nyab neej nus muaj qas tsi tsaws li zus rau neb tej mus quav tes, neb ho rais loj lees rov fib kev, yog neb coj tau me nkauj nyab nraug vauv los yuav vam tau neb coj los cob li nkaus rau kuv niam kuv txiv Hmoob poj yawm tus me ncej tsev, yog neb coj tau tus me yeej mis ceeb mis yeej ntxws ceeb ntxws los yuav vam tau neb coj los cob li nkaus rau kuv niam kuv txiv Hmoob poj yawm tej me quav tes, nes,

    Hnov tis yuas liaj lwg rhwv mwg tus txiv tuam mej koob lwm mej zeeg kos, nkawm fwb cw, nes,

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmong ntuj tshiab on 27th May 2011, 10:31 pm

    ( 4 ) - Zaj tshoob yog tus nyob hauv tsev zaj

    Zaj no yog zaj yus hais thov kom ob tug mej koob muab plig ntawm lub rooj thiab cob pob nyiaj phij cuam thiab lub kaus rau tub nyab uas thaum mej koob los plov meej lus tas es kom mej koob pab cob rau tub nyab,

    1, Hais zoov li kus, zoov li, txhia niaj kus txhia xyoo kuv niam kuv txiv Hmoob poj yawm tsuas tsis pwv tshoob, nws tus plaj kos ntsig tshoob, khuam li nkaus rau zoov pem laj tus ntsis xyoob, kuv niam kuv txiv Hmoob poj yawm tsuas pom tau suav txawj txeeg sawv tuaj ua luam qoob, ncig li yeev tuaj rau nram roob, nes,

    1, Hais zoov li kus, zoov li, txhia niaj kus txhia xyoo kuv niam kuv txiv Hmoob poj yawm tsuas tsis pwv kos, nws tus plaj tshoob ntsig kos, khuam li nkaus rau zoov pem laj tus ntsis nto, kuv niam kuv txiv Hmoob poj yawm tsuas pom tau suav txawj txeeg sawv tuaj ua luam mog, ncig li yeev tuaj rau nram tog, nes,

    2, Hais zoov lis, zoov li, xyoo no kuv niam kuv txiv Hmoob poj yawm nws yuav pwv tshoob, nws tus plaj kos ntsig tshoob yuj lias pem liaj lwg rhwv mwg rais los thoob, kuv niam kuv txiv Hmoob poj yawm nws li nrauj qoob tseg loo nrauj qav tseg num li zus tuaj rau nram roob, ntoj li nuag rais los poob, nws li los npaj nqaij npaj hno puv li npo npaj dej npaj cawv puv li ntoob, los pib tau nws lub rooj kos los lawm rooj tshoob, nes,

    2, Hais zoov lis, zoov li, xyoo no kuv niam kuv txiv Hmoob poj yawm nws yuav pwv kos, nws tus plaj tshoob ntsig kos yuj lias pem liaj lwg rhwv mwg rais los nto, kuv niam kuv txiv Hmoob poj yawm nws li nrauj qoob tseg loo nrauj qav tseg num li zus tuaj rau nram tog, ntoj li nuag rais los txog, nws li los npaj dej npaj cawv puv li ntoob npaj nqaij npaj hno puv li npo, los pib tau nws lub rooj tshoob los lawm rooj kos, nes,

    3, Hais zoov li kus, zoov li, hmo no kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qab mus plaj xab, los yog kuv niam kuv txiv Hmoob poj yawm tseem ua tshoob ua kos tos tub los tos nyab, laj tub sis yau neb yog liaj lwg rhwv mwg tus txiv tuam mej koob lwm mej zeeg kos, neb ntoj li nraws liaj lwg rhwv mwg txog nyuag qub kab, mus txog rau ntuj sua teb tom qab, mus poob li nthav rau kuv niam kuv txiv nyab neej nus lub nrab mus plaj xab, kuv niam kuv txiv nyab neej nus muaj qas tsi tsaws li zus rau neb tej me quav npab, neb ho rais loj lees rov fib qab, yog neb coj tau me nkauj nyab nraug vauv los, los yuav vam tau neb coj los cob li nkaus rau kuv niam kuv txiv Hmoob poj yawm tus me ncej dab, yog neb coj tau lus tshoob lus kos los yuav vam tau neb coj los nthuav tshab, yog neb coj tau me yeej mis ceeb mis yeej ntxws ceeb ntxws los yuav vam tau neb coj los cob li nkaus rau kuv niam kuv txiv Hmoob poj yawm tej me quav npab, kuv niam kuv txiv Hmoob poj yawm zoo coj nws me yeej mis ceeb mis yeej ntxws ceeb ntxws coj mus cia nyob mus zoo hnab, cuaj hnub tsis tseev rag kev yim niaj tsis tseev rag kab, nes,



    3, Hais zoov li kus, zoov li, hmo no kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qab mus plaj tsev, los yog kuv niam kuv txiv Hmoob poj yawm tseem ua tshoob ua kos tos tub los tos sev, laj tub sis yau neb yog liaj lwg rhwv mwg tus txiv tuam mej koob lwm mej zeeg kos, neb ntoj li nraws liaj lwg rhwv mwg txog nyuag qub kev, mus txog rau ntuj sua teb tom peg, mus poob li nthav rau kuv niam kuv txiv nyab neej nus lub nrab mus plaj tsev, kuv niam kuv txiv nyab neej nus muaj qas tsi tsaws li zus rau neb tej me quav tes, neb ho rais loj lees rov fib kev, yog neb coj tau me nkauj nyab nraug vauv los, los yuav vam tau neb coj los cob li nkaus rau kuv niam kuv txiv Hmoob poj yawm tus me ncej tsev, yog neb coj tau lus tshoob lus kos los yuav vam tau neb coj los nthuav tseb, yog neb coj tau me yeej mis ceeb mis yeej ntxws ceeb ntxws los yuav vam tau neb coj los cob li nkaus rau kuv niam kuv txiv Hmoob poj yawm tej me quav tes, kuv niam kuv txiv Hmoob poj yawm zoo coj nws me yeej mis ceeb mis yeej ntxws ceeb ntxws coj mus cia nyob mus zoo tsev, cuaj hnub tsis tseev rag kab yim niaj tsis tseev rag kev, nes,


    Hnov tis yuas liaj lwg rhwv mwg tus txiv tuam mej koob lwm mej zeeg kos, nkawm fwb cw,
    nes,

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmong ntuj tshiab on 27th May 2011, 10:33 pm

    ( 5 ) - Yog mej koob zaj uas saj yeeb saj tshuaj

    Zaj tshoob no yog zaj saj yeeb saj tshuaj ntawm qhov rooj uas thaum mej koob mus ua tshoob los txog rau ntawm niam txiv poj yawm qhov rooj, es niam txiv muaj yeeb tshuaj tos mej koob.

    1, Hais zoov lis kus, zoov li, Kuv niam, kuv txiv Hmoob poj yawm ces nws txus txoos, kus txus muaj koob, ces nws tooj zog tuaj rau lawm nruab roob, lauj zog kav yiag lim qaim xws kav txoob, yuav lwg li zog nplooj mos li nyoos xws lawm nplooj xyoob, ces yog lawm hauv tshuaj kab yeeb Hmoob, nes,

    1, Hais zoov lis kus, zoov li, Kuv niam, kuv txiv Hmoob poj yawm ces nws txus txoos, kus txus muaj tseeb, ces nws tooj zog tuaj rau lawm nruab xeeb, lauj zog kav yiag lim qaim xws kav nqeeb, yuav lwg li zog nplooj mos li nyoos xws lawm nplooj rheeb, ces yog lawm Hmoob hauv tshuaj kab yeeb, nes,

    2, Hais zoov lis kus, zoov li, Kuv niam, kuv txiv Hmoob poj yawm, nws sau li zus los lawm tsheej phab, muab ntim li zus tuaj rau lawm nruab hnab, qas li zus tuaj rau ntawm npab, rais los lees rov fib qab, los poob li nthav rau kuv niam kuv txiv Hmoob poj yawm lub nrab mus plaj xab, ces hliv li zus tuaj rau lawm nruab vab, kauv li zus nplooj los xyaw kav, nes,

    2, Hais zoov lis kus, zoov li, Kuv niam, kuv txiv Hmoob poj yawm, nws sau li zus los lawm tsheej tes, muab ntim li zus tuaj rau lawm nruab hnab ntev, qas li zus tuaj rau ntawm cev, rais los lees rov fib kev, los poob li nthav rau kuv niam kuv txiv Hmoob poj yawm lub nrab mus plaj tsev, ces hliv li zus tuaj rau lawm nruab lev, kauv li zus nplooj los xyaw ceg, nes,

    3, Hais zoov lis kus zoov li, kuv niam kuv txiv hmoob poj yawm, zuag li zog nplooj mus xyaw kav ntau, coj los txoov sis zus nyob mus tsheej hau, cej toog rauv taws rau, nyob sis zus saum lauj mus kaub npau, nws xiv li zus nyob mus npau sis vau, nis,

    3, Hais zoov lis kus zoov li, kuv niam kuv txiv hmoob poj yawm, zuag li zog kav mus xyaw nplooj, coj los txoov sis zus nyob mus tsheej thooj, cej toog rauv taws nrooj, nyob sis zus saum lauj mus kaub ncooj, nws xiv li zus nyob mus npau sis voom, nes,

    4, Hais zoov lis kus zoov li, kuv niam kuv txiv Hmoob poj yawm, muaj qoov li zog nyob nrog lim, ces hliv lis zus tuaj rau nruab khob, daws lim zog tuaj rau nruab ntim, me phooj ywg kwv yiag kwv sis luag kuv niam kuv txiv hmoob poj yawm nkawm txiv tuam mej zeeg tshws, neb tus me cawv yeeb, cawv tshuaj ces cia rau neb nyob mus xub sim, nes.

    4, Hais zoov lis kus zoov li, kuv niam kuv txiv Hmoob poj yawm, muaj qoov li zog nyob nrog lam, ces hliv lis zus tuaj rau nruab khob, daws lim zog tuaj rau nruab phaj, me phooj ywg kwv yiag kwv sis luag kuv niam kuv txiv hmoob poj yawm nkawm txiv tuam mej zeeg tshws, neb tus me cawv yeeb, cawv tshuaj ces cia rau neb nyob mus xub saj, nes.


    5, Hais zoov lis kus, zoov li, Nyob ntsis tsam neb tus me cawv yeeb kus cawv tshuaj ces ntshe ib tsam ho yog tus cawv mov mus nplej tshiab, ces ho yog lawm tus cawv daw kus cawv iab, hliv li zus los muaj txo lawm li niab, ces ho yuav txoos li zog tuaj rau lawm txoj mus hlab siab, nes,

    5, Hais zoov lis kus, zoov li, Nyob ntsis tsam neb tus me cawv yeeb kus cawv tshuaj ces ntshe ib tsam ho yog tus cawv mov mus nplej xyaw, ces ho yog lawm tus cawv iab kus caw daw, hliv li zus los muaj txo lawm li ntxaws, ces ho yuav txoos li zog tuaj rau lawm txoj mus hlab plawv, nes,

    Hnov tim yuas, kuv niam kuv txiv hmoob poj yawm nkawm txiv tuam mej zeeg tshwm, nkawm fwb cw, nes.

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmong ntuj tshiab on 27th May 2011, 10:36 pm

    ( 6 ) - Zaj nov yog mej koob Zaj thov ntsaig rooj

    Zaj no yog zaj thov kom ob tug tub tos qhua ho pab ntsaig rooj ntawm qhov rooj uas thaum me koob mus ua tshoob los rau ntawm qhov rooj.

    1, Hais zoov lis kus, zoov li, Txhia niaj kus txhia xyoo, kuv niam kuv txiv Hmoob poj yawm tus plaj tshoob ntsig kos, yuj lias los tsis tau txum, ces kuv niam kuv txiv Hmoob poj yawm tsuas pom tau suav txawj txeeg sawv tuaj ua luam nyuj, ces yuj plaws rau niaj mab niag suav ntuj, es tav tau yeej mis, ceeb mis, yeej ntxws, lawm tas tej mus sib lig yuj, nis,

    1, Hais zoov lis kus, zoov li, Txhia niaj kus txhia xyoo, kuv niam kuv txiv Hmoob poj yawm tus plaj tshoob ntsig kos, yuj lias los tsis tau cuag, ces kuv niam kuv txiv Hmoob poj yawm tsuas pom tau suav txawj txeeg sawv tuaj ua luam npua, ces yuj plaws rau niaj mab niag suav luag, es tav tau yeej mis, ceeb mis, yeej ntxws lawm tas tej mus sib lig zuag, nis,

    2, Hais zoov lis kus zoov li, hmo no ces kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qab mus plaj xab, ces kuv niam kuv txiv Hmoob poj yawm tsuas pom tau suav txawj txeeg sawv nce kab, kuv niam kuv txiv Hmoob poj yawm tus me yeej mis ceeb mis, yeej ntxws ceeb ntxws, ntws li lug los lawm niaj mus ib hnab, nraug li zees los lawm tsheej phab, yuav los fim tas kuv niam kuv txiv Hmoob poj yawm lub mus nruab hnab, nis,

    2, Hais zoov lis kus zoov li, hmo no ces kuv niam kuv txiv Hmoob poj yawm tus plaj tshoob ntsig kos yuj lias los txog rau kuv niam kuv txiv Hmoob poj yawm lub qab mus plaj tsev, ces kuv niam kuv txiv Hmoob poj yawm tsuas pom tau suav txawj txeeg sawv nce kev, kuv niam kuv txiv Hmoob poj yawm tus me yeej mis ceeb mis, yeej ntxws ceeb ntxws, ntws li lug los lawm niaj mus ib rev, nraug li zees los lawm tsheej kev, yuav los fim tas kuv niam kuv txiv Hmoob poj yawm lub mus nruab hnab ntev, nis,

    3, Hais zoov li kus, zoov li, laj tub sis yau wb ntauj nuag los txog kuv niam kuv txiv Hmoob poj yawmn lub qhov mus rooj tag, nyob tuaj lawm plaub xwm fab, ces pas liaj pas iav, puv sim yees los txij nthab, os rooj zag rooj zuag, tav sis yees los tav tau laj tub sis yau wb txoj mus hauv kab, los wb luj vim ua lawm neb tsaug, neb muab pas liaj pas iav laub li nthwv rau lawm zaj laug pas, neb muab rooj zag rooj zuag, ntsaig lis zus rau lawm qab mus plaj xab, laj tub sis yau wb zoo coj kuv niam kuv txiv Hmoob poj yawm me yeej mis ceeb mis yeej ntxws yeej ntxws los cob li nkaus rau kuv niam kuv txiv Hmoob poj yawm tus me ncej dab, nes,

    3, Hais zoov li kus, zoov li, laj tub sis yau wb ntauj nuag los txog kuv niam kuv txiv Hmoob poj yawmn lub qhov mus rooj tag, nyob tuaj lawm plaub xwm ces, ces pas liaj pas iav, puv sim yees los txij tsev, os rooj zag rooj zuag, tav sis yees los tav tau laj tub sis yau wb txoj mus hauv kev, los wb luj vim ua lawm neb tsaug, neb muab pas liaj pas iav laub li nthwv rau lawm zaj laug ces, neb muab rooj zag rooj zuag, ntsaig lis zus rau lawm qab mus plaj tsev, laj tub sis yau wb zoo coj kuv niam kuv txiv Hmoob poj yawm me yeej mis ceeb mis yeej ntxws yeej ntxws los cob li nkaus rau kuv niam kuv txiv Hmoob poj yawm tus me ncej tsev, nes,

    4, Hais zoov li kus, zoov li, kuv niam kuv txiv Hmoob poj yawm nkawm txiv tuam mej zeeg tshws neb tsis txhob ua lawm tshws zais nas rau lawm tej mus qab txag, kauv zais hneev li zus rau lawm nruab xub, laj tub sis yau wb luj vim ua lawm neb tsaug os, neb muab pas liaj pas iav laub li nthwv rau lawm zaj laug hub, muab rooj zaj rooj zuag ntsaig li zus rau lawm qab mus plaj cub, neb ho muaj lus tshoob lus kos los yuav vam tau lawm neb tab meeg qhub, muaj lawm suav nqaij los yuav vam tau lawm neb tab meeg ntxus, nes,

    4, Hais zoov li kus, zoov li, kuv niam kuv txiv Hmoob poj yawm nkawm txiv tuam mej zeeg tshws neb tsis txhob ua lawm tshws zais nas rau lawm tej mus qab txag, kauv zais hneev li zus rau lawm hav mus paj cais, laj tub sis yau wb luj vim ua lawm neb tsaug os, neb muab pas liaj pas iav laub li nthwv rau lawm zaj laug tais, muab rooj zaj rooj zuag ntsaig li zus rau lawm qab mus plaj cais, neb ho muaj lus tshoob lus kos los yuav vam tau lawm neb tab meeg hais, muaj lawm suav nqaij los yuav vam tau lawm neb tab meeg hlais, nes,

    Hnov tim yuas, kuv niam kuv txiv hmoob poj yawm nkawm txiv tuam mej zeeg tshwm, nkawm fwb cw, nes.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmong ntuj tshiab on 27th May 2011, 10:38 pm


    ( 7 ) - Zaj nov yog mej koob zaj muab plig ntawm qhov rooj

    1,Hais zoov li kus, zoov li, Kuv niam kuv txiv Hmoob poj yawm nws ntshai li rwg ib tsam nkauj nyab nraug vauv, daim ntawv nyiaj keeb puaj txwm hlav tsis sib txig, nws li mus cog maj li zus tuaj rau nram i, maj hlav mos li nyoos xws lawm mus nplooj hli, nws tswm li zog daim tawv maj nti, nkoov li zog ua lawm txoj mus xov khi, qhaib li zus ua lawm lub kaus vej kaus vuas los kaus ci, muab rau laj tub sis yau wb coj mus roos nkauj nyab nraug vauv tus ntsuj plig, nis,

    1,Hais zoov li kus, zoov li, Kuv niam kuv txiv Hmoob poj yawm nws ntshai li rwg ib tsam nkauj nyab nraug vauv, daim ntawv nyiaj keeb puaj txwm hlav tsis sib luag, nws li mus cog maj li zus tuaj rau nram tsuag, maj hlav mos li nyoos xws lawm mus nplooj tshuab, nws tswm li zog daim tawv maj tuab, nkoov li zog ua lawm txoj mus hlua xuab, qhaib li zus ua lawm lub kaus vej kaus vuas los kaus ntsuab, muab rau laj tub sis yau wb coj mus roos nkauj nyab nraug vauv tus ntsuj duab, nis,

    2, Hais zoov li kus, zoov li, niam mab niag suav lub kaus vej vuam ces niam mab niag suav tsuas siv los roos tas ib cim tshav los lawm ntuj ntev, ncig li yeev lawm taug kev, kuv niam kuv txiv Hmoob poj yawm lub kaus vej vuam ces ntswj li zog los ntawm txooj mus xyoob cev, qhaib li zus ua lawm ob tshooj mus qhab tsev, plooj pliag lias daim ntaub mus maj ntev, plhis plho ua liaj lwg rhwv mwg lub kaus vej vuam roos tub los roos sev, cob li nkaus rau laj tub sis yau wb tej mus quav tes, wb li tau kuv niam kuv txiv Hmoob poj yawm lub kaus vej kaus vuam roos nkauj nyab nraug vauv qwv qhua tshoob qhua kos lis zees nyob mus ntoj kev, thaiv dab txeej dab qus tsis pom nkauj nyab nraug vauv txoj mus hau kev, nes,

    2, Hais zoov li kus, zoov li, niam mab niag suav lub kaus vej vuam ces niam mab niag suav tsuas siv los roos tas ib cim tshav los lawm ntuj nag, ncig li yeev rau lawm nruab kab, kuv niam kuv txiv Hmoob poj yawm lub kaus vej vuam ces ntswj li zog los ntawm txooj mus xyoob hmab, qhaib li zus ua lawm ob mus tshooj qhab, plooj pliag lias daim ntaub maj, plhis plho ua liaj lwg rhwv mwg lub kaus vej vuam roos tub los roos nyab, cob li nkaus rau laj tub sis yau wb tej mus quav npab, wb li tau kuv niam kuv txiv Hmoob poj yawm lub kaus vej kaus vuam roos nkauj nyab nraug vauv qwv qhua tshoob qhua kos lis zees nyob mus ntoj kab, thaiv dab txeej dab qus tsis pom nkauj nyab nraug vauv txoj mus hau kab, nes,

    3, Hais zoov li kus, zoo li, laj tub sis yau wb ntauj nuag mus txog li ntua rau lawm kuv niam kuv txiv Hmoob nyab neej nus lub tsev vaj lig txawm tuaj rau nram taug, vov tau plaub tshooj mus vuas nraug, qab plaj tsev ci li oo xws dej nyiag dej kub nyob tsis xau, qhab tsev yiag li qaim zoo rau laj tub sis yau wb tuaj nyob khuam kaus, wb zoo muab kuv niam kuv txiv Hmoob poj yawm tus plaj tshoob ntsig kos tuaj nyob mus ntos dhau, nes

    3, Hais zoov li kus, zoo li, laj tub sis yau wb ntauj nuag mus txog li ntua rau lawm kuv niam kuv txiv Hmoob nyab neej nus lub tsev vaj lig txawm tuaj rau nram tog, vov tau plaub tshooj mus vuas txho, qab plaj tsev ci li oo xws dej nyiag dej kub nyob tsis nplo, qhab tsev yiag li qaim zoo rau laj tub sis yau wb tuaj nyob khuam kaus so, wb zoo muab kuv niam kuv txiv Hmoob poj yawm tus plaj tshoob ntsig kos tuaj nyob mus ntos dhau, nes

    4, Hais zoov li kus, zoov li, nag hmo ces tsaus ntuj nes, kaj ntug tag kis kaj tuaj to qhov nthab, tus plaj tshoob wb ntos ntseg, kev kos wb ntos tshab, wb noj los tsau cev, haus los tsau plab, ces wb taij li ntsees ob nkawm phooj ywg kwv yaig kwv sis luag yeej cuam lis zus wb niam nkauj kaus rau wb tej mus quav npab, wb li tau wb niam nkauj kaus roos nkauj nyab nraug vauv qwv qhua tshoob qhua kos rais li lees rov fib qab, thaiv tau dab txeej dab qus tsis pom nkauj nyab nraug vauv txoj me qub kab, nes,

    4, Hais zoov li kus, zoov li, nag hmo ces tsaus ntuj nes, kaj ntug tag kis kaj tuaj to qhov tsev, tus plaj tshoob wb ntos tshab, kev kos wb ntos ntseg, wb noj los tsau plab, haus los tsau cev, ces wb taij li ntsees ob nkawm phooj ywg kwv yaig kwv sis luag yeej cuam lis zus wb niam nkauj kaus rau wb tej mus quav tes, wb li tau wb niam nkauj kaus roos nkauj nyab nraug vauv qwv qhua tshoob qhua kos rais li lees rov fib kev, thaiv tau dab txeej dab qus tsis pom nkauj nyab nraug vauv txoj me qub kev, nes,

    5, Hais zoov li kus, zoov li, laj tub sis yau wb ntoj nuag los txog nrad ub, ces wb tsis pom tau tsav tsim nuj tus dab tsi?, wb tsuas pom tau poj mab sawv qhib liaj, yawm suav sawv qhib hub, wb tus hauv kaus ces roov rawv nkauj nyab nraug vauv los lawm li ntxhub, tsis tseev tshav mus ntuj kub, hos wb tus me qab kaus ces tuav rawv poj mab yawm suav tus me plig kub, zaum no ces tseev los txaus tau me nkauj nyab nraug vauv noj quas lub niaj haus kav lawm lub hnub, nes,

    5, Hais zoov li kus, zoov li, laj tub sis yau wb ntoj nuag los txog nrad tiaj, ces wb tsis pom tau tsav tsim nuj tus dab tsi?, wb tsuas pom tau poj mab sawv qhib hub, yawm suav sawv qhib liaj, wb tus hauv kaus ces roov rawv nkauj nyab nraug vauv los lawm li ntxiaj, tsis tseev tshav mus ntuj ziab, hos wb tus me qab kaus ces tuav rawv poj mab yawm suav tus me plig nyiaj, zaum no ces tseev los txaus tau me nkauj nyab nraug vauv noj quas lub hnub haus kav lawm lub niaj, nes,

    6, Hais zoov li kus, zoov li, laj tub sis yau wb ntoj nuag los txog qhov chaw nyob mus noj su, ces wb noj lawm niaj mus ib diav, huab lawm niaj mus ib diav, muaj lawm ib diav poob li nthav tuaj rau tid toj, ces kuv niam kuv txiv Hmoob poj yawm, peb tis mus txwv koob kus txwv poj nyob mus khaws tau noj, ces nrog wb tav tus yeej mis ceeb mis, yeej ntxws ceeb ntxws sawv li tsees los lawm ua npoj, nes,

    6, Hais zoov li kus, zoov li, laj tub sis yau wb ntoj nuag los txog qhov chaw nyob mus noj su, ces wb noj lawm niaj mus ib diav, huab lawm niaj mus ib diav, muaj lawm ib diav poob li nthav tuaj rau tid dawm, ces kuv niam kuv txiv Hmoob poj yawm, peb tis mus txwv koob kus txwv yawm nyob mus tau khaws, ces nrog wb tav tus yeej mis ceeb mis, yeej ntxws ceeb ntxws sawv li tsees los lawm ua nkawm, nes,

    7, Hais zoov li kus, zoov li, laj tub sis yau wb ntoj nuag los txog rau lawm kuv niam kuv txiv Hmoob poj yawm lub qab vaj mus tsib taug vov lawm nplooj tsawb, wb niam nkauj kaus puav tau yeej mis ceeb mis yeej ntxws ceeb ntxws los lawm li daws, los kaw li nkaus rau kuv niam kuv txiv Hmoob poj yawm lub mus nkuaj txawb, cuaj hnub tsis tseev rag tshwm mog yim niaj tsis tseev rag tawm, nis,

    7, Hais zoov li kus, zoov li, laj tub sis yau wb ntoj nuag los txog rau lawm kuv niam kuv txiv Hmoob poj yawm lub qab vaj mus tsib taug vov lawm nplooj kws, wb niam nkauj kaus puav tau yeej mis ceeb mis yeej ntxws ceeb ntxws los lawm li ntws, los kaw li nkaus rau kuv niam kuv txiv Hmoob poj yawm lub mus nkuaj txws, cuaj hnub tsis tseev rag tawm mog yim niaj tsis tseev rag tshwm, nis,

    8, Hais zoov li kus, zoov li, laj tub sis yau wb ntoj nuag los txog rau lawm kuv niam kuv txiv Hmoob poj yawm lub qhov mus rooj tag plaub mus xwm fab, laj tub sis yau wb tsis pom qab cob ces wb muab cob li nkaus rau kuv niam kuv txiv Hmoob poj yawm nkawm tub tos qhua neb tej me quav npab, ces neb coj mus cog ceg nyob mus ciaj cag, kom nplooj hlav mos li nyoos nyob mus txij nthab, yog tawg paj txi txiv ces cia tuav me nkauj nyab nraug vauv tus ncej dab, yog tawg paj tsis txi txiv ces kom nkauj nyab nraug vauv tshaj xib rau xov li nraws rau kuv niam kuv txiv nyab neej nus nyob ntuj sua teb tom qab, ho txoj li nraws liaj lwg rhwv mwg txoj me qub kab, ces tus plaj tshoob ntsig kos ntxhee li sua los rau kuv niam kuv txiv Hmoob poj yawm lub qab mus plaj xab, ces zaum no kuv niam kuv txiv Hmoob poj yawm tus txiv nyuj quas pwm yeej yuav nqov li qaws rais li lees rov fib qab, nes,

    8, Hais zoov li kus, zoov li, laj tub sis yau wb ntoj nuag los txog rau lawm kuv niam kuv txiv Hmoob poj yawm lub qhov mus rooj tag plaub mus xwm ces, laj tub sis yau wb tsis pom qab cob ces wb muab cob li nkaus rau kuv niam kuv txiv Hmoob poj yawm nkawm tub tos qhua neb tej me quav tes, ces neb coj mus cog cag nyob mus ciaj ceg, kom nplooj hlav mos li nyoos nyob mus txij tsev, yog tawg paj txi txiv ces cia tuav me nkauj nyab nraug vauv tus ncej tsev, yog tawg paj tsis txi txiv ces kom nkauj nyab nraug vauv tshaj xib rau xov li nraws rau kuv niam kuv txiv nyab neej nus nyob ntuj sua teb tom peg, ho txoj li nraws liaj lwg rhwv mwg txoj me qub kev, ces tus plaj tshoob ntsig kos ntxhee li sua los rau kuv niam kuv txiv Hmoob poj yawm lub qab mus plaj tsev, ces zaum no kuv niam kuv txiv Hmoob poj yawm tus txiv nyuj quas pwm yeej yuav nqov li qaws rais li lees rov fib qab, nes,

    Hnov tim yuas, kuv niam kuv txiv hmoob poj yawm nkawm txiv tuam mej zeeg tshwm, nkawm fwb cw, nes.


    Yog luag cev lub phaj tuaj rau koj es luag muaj nyiaj nyob rau hauv lub tuaj ntiav koj lawm no ces koj yuav hais ob txwm hauv qab no thiab hos yog luag tsis ntiav nyiaj no ces koj tsuas hais li saum toj no xwb os nawb,

    9, Hais zoov li kus, zoov li, laj tub sis yau wb muab cob li nkaus rau neb coj mus kaw li nkaus rau nruab taig, qhib li pho tuaj rau nruab hub, txawb li nkaus rau qab mus plaj cais, sawv li tsees rau qab mus plaj cub, tawg paj ces nthuav li vus nyob mus ua nplais, txi txiv ces kom nrw hna nyob mus ua lub, zaum no ces me nkauj nyab nraug vauv los ua neej ces muaj lawm cuab leeg ntxhais, yim leej tub, nes,

    9, Hais zoov li kus, zoov li, laj tub sis yau wb muab cob li nkaus rau neb coj mus kaw li nkaus rau nruab hub, qhib li pho tuaj rau nruab taig, txawb li nkaus rau qab mus plaj cub, sawv li tsees rau qab mus plaj cais, txi txiv kom nrw hna nyob mus ua lub, hos tawg paj ces nthuav li vus nyob mus ua nplais, zaum no ces me nkauj nyab nraug vauv los ua neej ces muaj lawm cuab leeg tub, yim leej ntxhais, nes,

    10, Hais zoov li kus, zoov li, laj tub sis yau wb muab cob li nkaus rau neb tej mus quav npab, txais li nkaus rau tej mus quav tes, coj mus txawb li nkaus rau qab mus plaj xab, sawv li tsees rau qab mus plaj tsev, yog tawg paj ces kom ncw cuag li paj hmab, hos txi txiv ces kom nrw hna cuag li txiv cev, ces me nkauj nyab nraug los ua neej ces yuav vam ntws xws xub ntab, nroo ntws xws xub mes, neej yuav zoo xws neej hmab, hos luag yuav qhuas cuag li neej cev, me nkauj nyab nraug vauv yuav tau txais daim ntawv meej tab, nyob mus muaj npe, zaum no me nkauj nyab nraug vauv tawm rooj li plaws ces yuav muaj laj mej pej xeem tuaj txais sawv ua tsheej kab, tos ua tsheej kev, zaum no ces me nkauj nyab nraug vauv tsa muag zaj saib ces twb tau kav cuaj ntswg liaj ncab, yim ntswg ciav ntev, me nkauj nyab nraug vauv tus me qab vaj ces yuav muaj lawm cuaj txwg tub mab, sawv ua laj kab, tus qaum loog ces yuav muaj lawm yim txwg tub qhe, sawv ua laj kem, me nkauj nyab nraug vauv lub koob moo ces yuav ncha ntws nto plaws puag pem ceeb tsheej teb, nes

    10, Hais zoov li kus, zoov li, laj tub sis yau wb muab cob li nkaus rau neb tej mus quav tes, txais li nkaus rau tej mus quav npab, coj mus txawb li nkaus rau qab mus plaj tsev, sawv li tsees rau qab mus plaj xab, yog txi txiv ces kom ncw cuag lit xiv cev, yog tawg paj ces kom ncw cuag li paj hmab, ces me nkauj nyab nraug los ua neej ces yuav vam ntws xws xub mes, nroo ntws xws xub ntab, neej yuav zoo xws neej cev, hos luag yuav qhuas cuag li neej mab, me nkauj nyab nraug vauv yuav tau txais daim ntawv muaj npe, nyob mus meej tab, zaum no me nkauj nyab nraug vauv tawm rooj li plaws ces yuav muaj laj mej pej xeem tuaj txais sawv ua tsheej kev, tos ua tsheej kab, zaum no ces me nkauj nyab nraug vauv tsa muag zaj saib ces twb tau kav cuaj ntswg liaj ntev, yim ntswg ciav ncab, me nkauj nyab nraug vauv tus me qab vaj ces yuav muaj lawm cuaj txwg tub qhe, sawv ua laj kem, tus qaum loog ces yuav muaj lawm yim txwg tub mab, sawv ua laj kab, me nkauj nyab nraug vauv lub koob moo ces yuav ncha ntws nto plaws puag pem ceeb tsheej sab, nes

    Hnov tim yuas, kuv niam kuv txiv hmoob poj yawm nkawm txiv tuam mej zeeg tshwm, nkawm fwb cw, nes.


    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmong ntuj tshiab on 27th May 2011, 10:41 pm

    Zaj Tshoob- Niam txiv coj tshoob hais- cob txhua yam rau mej koob

    1, Hais zoo li kus!! Zoo li txhia niaj kus txhia xyoo ces kuv niam kuv txiv Hmoob poj yawm tsuas tsis pwv tshoob!!!- ces nws tus plaj kos ntsig tshoob khuam lis nkaus rau zoov pem laj tus ntsis xyoob!!!- kuv niam kuv txiv Hmoob poj yawm ces tawm rooj plaws ces tsuas pom tau suav txawj txeeg sawv tuaj mus ua luam coob!!!- hos laj tub sis yau neb ces tawm rooj lis plaws ncig qas yeev tuaj mus rau nram roob!!!- sawv li nraim rau neb lub mus luaj qoob!!!-

    1, Hais zoo li kus!! Zoo li txhia niaj kus txhia xyoo ces kuv niam kuv txiv Hmoob poj yawm tsuas tsis pwv kos!!!- ces nws tus plaj tshoob ntsig kos khuam li nkaus rau zoov pem laj tus ntsis nto!!!- kuv niam kuv txiv Hmoob poj yawm ces tawm rooj plaws ces tsuas pom tau suav txawj txeeg sawv tuaj mus ua luam los!!!- hos laj tub sis yau neb ces tawm rooj lis plaws ncig qas yeev tuaj nus rau nram tog!!!- sawv li nraim rau neb lub mus luaj nrog -

    2, Hais zoo li kus!! Zoo li xyoo no kuv niam kuv txiv Hmoob poj yawm ces yuav pwv tshoob- nws tus plaj kos ntsig tshoob- ncig qas yeev los poob- kuv niam kuv txiv Hmoob poj yawm tsis pom qab muab lub dag coj lub zog thoob- ces laj tub sis yau neb nyob lawm cuaj lub tog dhau lawm yim lub roob- los kuv niam kuv txiv Hmoob poj yawm li nrig cwj lis tawv tuaj thov neb lub dag coj lub zog qhoob- taij lis ntsees kom neb tuaj pab ua kuv niam kuv txiv Hmoob poj yawm tus txiv lwm mej zeeg kos tuam mej koob- tuaj coj nws tub nws nyab mus xaus kos kus xaus tshoob.

    2, Hais zoo li kus!! Zoo li xyoo no kuv niam kuv txiv Hmoob poj yawm ces yuav pwv kos- nws tus plaj tshoob ntsig kos- ncig qas yeev los txog- kuv niam kuv txiv Hmoob poj yawm tsis pom qab muab lub dag coj lawm lub zog- ces laj tub sis yau neb nyob lawm cuaj lub roob dhau lawm yim lub tog- los kuv niam kuv txiv Hmoob poj yawm li nrig cwj lis tawv tuaj thov neb lub dag coj lub zog- taij lis ntsees kom neb tuaj pab ua kuv niam kuv txiv Hmoob poj yawm tus txiv lwm mej koob tuam mej zeeg kos- tuaj coj nws tub nws nyab mus xaus tshoob kus xaus kos.

    3, Hais zoo li kus!! Zoo li laj tub sis yau neb tias neb tsis tuaj!!!- los kuv niam kuv txiv Hmoob poj yawm ces twb qhoov sawv los luj vim os- duj hau los thov tim txhos caug lis ntsoov tuaj ntawm lub mus npoo luaj- ces duj hau txag tau lawm neb lub dag coj lub zog muaj.

    3, Hais zoo li kus!! Zoo li laj tub sis yau neb tias neb tsis ua!!!- los kuv niam kuv txiv Hmoob poj yawm twb qhoov sawv los luj vim os- duj hau los thov tim txhos caug lis ntsoov tuaj ntawm lub mus npoo zuag- ces duj hau txag tau lawm neb lub dag coj lub zog dua.

    4, Hais zoo li kus!! Zoo li laj tub sis yau neb muaj lawm lub siab dawb coj lawm lub siab zoo es neb li nrauj qav tseg num mog, nrauj qoob tseg loo li zus tuaj rau nram roob!!!- es neb ntoj nuag nyob mus tuaj poob!!!- ces yuav vam tau neb tuaj leg kuv niam kuv txiv Hmoob poj yawm lub mus rooj tshoob!!!- taug li nraim liaj lwg rhwv mwg txoj kab kev mus kom thoob!!!- coj me nkauj nyab nraug vauv mus tis neej rau txoj kev do!!!- los tis tsav rau txoj kev coob!!!- kev neej tau tuaj txog!!!- ces kev tsav tau tuaj poob.

    4, Hais zoo li kus!! Zoo li laj tub sis yau neb muaj lawm lub siab dawb coj lawm lub siab zoo es neb li nrauj qav tseg num mog, nrauj qoob tseg loo li zus tuaj rau nram tog!!!- es neb ntoj nuag nyob mus tuaj txog!!!- ces yuav vam tau neb tuaj leg kuv niam kuv txiv Hmoob poj yawm lub mus rooj kos!!!- taug li nraim liaj lwg rhwv mwg txoj kab kev mus kom nto!!!- coj me nkauj nyab nraug vauv mus tis neej rau txoj kev coob!!!- los tis tsav rau lawm txoj mus kev do!!!- kev neej tau tuaj poob!!!- ces kev tsav tau tuaj txog.

    5, Hais zoo li kus!! Zoo li laj tub sis yau neb tuaj txog ces kuv niam kuv txiv Hmoob poj yawm tsuas zoo zoo siab- sawv li tsees mus txo lawm ncej qiab- ua nqaij ua hno siav li niab- los pub rau lawm neb noj- ces kuv niam kuv txiv Hmoob poj yawm tso li plhuav nws txoj kab tshoob kev kos rau lawm neb coj- ces yuav vam tau lawm neb taug li nraim liaj lwg rhwv mwg txoj nyuag qub roj.

    5, Hais zoo li kus!! Zoo li laj tub sis yau neb tuaj txog ces kuv niam kuv txiv Hmoob poj yawm tsuas zoo zoo plawv- sawv li tsees mus txo lawm ncej cawv- ua nqaij ua hno siav li zawv- los pub rau lawm neb haus- ces kuv niam kuv txiv Hmoob poj yawm tso li plhuav nws txoj kab tshoob kev kos rau lawm neb taug- ces yuav vam tau lawm neb taug li nraim liaj lwg rhwv mwg txoj nyuag qub kev dau.
    6, Hais zoo li kus!! Zoo li kuv niam kuv txiv Hmoob poj yawm tsuas ntshai li rwg tsam nkauj nraug vauv daim ntawv nyiaj keeb puaj txwm hlav tsis sib luag- kuv niam kuv txiv Hmoob poj yawm li mus cog maj lis zus tuaj rau nram tsuag- os maj hlav maj mos li nyoos xws lawm nplooj tshuab- ces kuv niam kuv txiv Hmoob poj yawm li ntswj lis zog maj daim mus tawv tuab- nkoov li zog ua lawm txoj mus xov xuab- ces qhaib lis zus ua lub kaus vej vuam los kaus ntsuab- cob lis nkaus rau laj tub sis yau neb coj mus nroos nkauj nyab nraug vauv tus ntsuj duab-

    6, Hais zoo li kus!! Zoo li kuv niam kuv txiv Hmoob poj yawm tsuas ntshai li rwg tsam nkauj nraug vauv daim ntawv nyiaj keeb puaj txwm hlav tsis sib txig- kuv niam kuv txiv Hmoob poj yawm li mus cog maj lis zus tuaj rau nram I- os maj hlav maj mos li nyoos xws lawm nplooj hli- ces kuv niam kuv txiv Hmoob poj yawm li ntswj lis zog maj daim mus tawv nti- nkoov li zog ua lawm txoj mus xov khi- ces qhaib lis zus ua lub kaus vej vuam los kaus ci- cob lis nkaus rau laj tub sis yau neb coj mus nroos nkauj nyab nraug vauv tus ntsuj plig-

    7, Hais zoo li kus!! Zoo li kuv niam kuv txiv Hmoob poj yawm lub kaus vej vuam ces ntswj lis zog los ntawm txooj mus xyoob hmab- qhaib lis zus ua lawm ob mus tshooj qhab- plooj pliag lias daim ntaub mus maj dav- plis lis plho ua lawm liaj lwg rhwv mwg lub kaus vej vuam nroos tub los nroos nyab- cob lis nkaus rau laj tub sis yau neb coj mus nroos nkauj nyab nraug vauv qwv qhua tshoob qhua kos lis zees sawv mus ntoj kab- thaiv dab txeej dab qus nkauj ntxoog nraug tsov tsis pom nkauj nyab nraug txoj mus hauv kab.

    7, Hais zoo li kus!! Zoo li kuv niam kuv txiv Hmoob poj yawm lub kaus vej vuam ces ntswj lis zog los ntawm txooj mus xyoob cev- qhaib lis zus ua lawm ob tshooj mus qhab tsev- plooj pliag lias daim ntaub mus maj ntev- plis lis plho ua lawm liaj lwg rhwv mwg lub kaus vej vuam nroos tub los nroos sev- cob lis nkaus rau laj tub sis yau neb coj mus nroos nkauj nyab nraug vauv qwv qhua tshoob qhua kos lis zees sawv mus ntoj kev- thaiv dab txeej dab qus nkauj ntxoog nraug tsov tsis pom nkauj nyab nraug txoj mus hauv kev.

    8, Hais zoo li kuv!! Zoo li txhia niaj kus txhia xyoo es kuv niam kuv txiv Hmoob poj yawm – tsis pwv tshoob ces nws tus me txiv nyuj quas pwm tsuas pw li nkaus rau lawm nws lub mus nruab hnab – ces txiv quas nyuj pwm tsuas ntug lis ntoob los lawm plaub ntus dab – hnog zaub li zus rau lawm lub lub roob mus toj ntxhab – ces xyoo no kuv niam kuv txiv Hmoob poj yawm tsuas yuav muab nyab – nws muab me txiv quas nyuj pwm cob li nkaus rau lawm laj tub sis yau neb tej me quav npab – ces neb yuav coj tau lawm kuv niam kuv txiv Hmoob poj yawm tus txiv nyuj quas pwm sawv mus laij kab – ces neb laij lawm plaub voom rov tom qab- neb coj mus laij kom tau tub los taub nyab – neb ho coj los cob lis nkaus rau lawm kuv niam kuv txiv Hmoob poj yawm tus me ncej dab – cuaj hnub tsis seev rag kev yim niaj tsis saub rag kab.

    8, Hais zoo li kuv!! Zoo li txhia niaj kus txhia xyoo es kuv niam kuv txiv Hmoob poj yawm – tsis pwv tshoob ces nws tus me txiv nyuj quas pwm tsuas pw li nkaus rau lawm nws lub mus nruab sev – ces txiv quas nyuj pwm tsuas ntug lis ntoob lawm plaub ntus cev – hnog zaub li zus rau lawm lub roob mus toj zeb – ces xyoo no kuv niam kuv txiv Hmoob poj yawm tsuas yuav muab sev – nws muab me txiv quas nyuj pwm cob li nkaus rau lawm laj tub sis yau neb tej me quav tes – ces neb yuav coj tau lawm kuv niam kuv txiv Hmoob poj yawm tus txiv nyuj quas pwm sawv mus laij kev – ces neb laij lawm plaub voom rov tom kev- neb coj mus laij kom tau tub los taub sev – neb mam coj los cob lis nkaus rau lawm kuv niam kuv txiv Hmoob poj yawm tus me ncej tsev – cuaj hnub tsis seev rag kab- yim niaj tsis saub rag kev.

    9, Hais zoo li kus!! Zoo li laj tub sis yau neb ntoj nuag mus txog lis ntua qhov chaw nyob mus noj sus- ces neb tsuas noj lawm ib dia- huab lawm ib dia!!!- muaj lawm ib dia poob li nthav tuaj nrad tog- ces kuv niam kuv txiv Hmoob poj yawm peb tis txwv txoob kus txwv pog- nyob mus khaws tau nqaij los tau hno- ces nrog pov hwm neb coj me nkauj nyab nraug vauv taug li nrai liaj lwg rhwv mwg txoj me kab kos- tsis tseev plaub xai ncej ntug sawv los yuam tau neb lub me rooj kos- ces neb zoo muab kuv niam kuv txiv Hmoob poj yawm tus plaj tshoob ntsig kos tuaj nyob ntos nto.

    9, Hais zoo li kus!! Zoo li laj tub sis yau neb ntoj nuag mus txog lis ntua qhov chaw nyob mus noj sus- ces neb tsuas noj lawm ib dia- huab lawm ib dia!!!- muaj lawm ib dia poob li nthav tuaj rau nrad roob- ces kuv niam kuv txiv Hmoob poj yawm peb tis txwv poj kus txwv txoob- nyob mus khaws tau nqaij los tau yoog- ces nrog pov hwm neb coj me nkauj nyab nraug vauv taug li nrai liaj lwg rhwv mwg txoj me kab tshoob – tsis tseev plaub xai ncej ntug sawv los yuam tau lawm neb lyb me rooj tshoob- ces neb zoo muab kuv niam kuv txiv Hmoob poj yawm tus plaj tshoob ntsig kos tuaj nyob ntos thoob.

    10, Hais zoo li kus!! Zoo li laj tub sis yau neb mus txog lis ntua rau nras liaj nras teb tus- neb tsis pom tus tsav tsi, tsuas pom tau lawm caj zeb, twb lawm caj tsua, caj tsua twb lis nkaus rau xeev txwj xeev laus lub mus luaj qoob- neb mus ces tus roj tus ntshav- ces cia raug saum kuv niam kuv txiv poj yawm Hmoob- os tus rauj tus qws ces ntshe yuav raug saum neb ob tug mej koob- es neb ua siab loj los siab zoo- taug li nraim liaj lwg rhwv mwg txoj me kab tshoob kev kos- ntos lis zus nyob mus kom thoob.

    10, Hais zoo li kus!! Zoo li laj tub sis yau neb mus txog lis ntua rau nras liaj nras teb tus- neb tsis pom tus tsav tsi, tsuas pom tau lawm caj zeb, twb lawm caj tsua, caj tsua twb lis nkaus rau xeev txwj xeev laus lub mus luaj Teb- neb mus ces tus roj tus ntshav- ces cia raug saum kuv niam kuv txiv Hmoob poj yawm peb- os tus rauj tus qws ces ntshe yuav raug saum ob tug mej koob neb- es neb ua siab loj los siab ntev- taug li nraim liaj lwg rhwv mwg txoj me kab tshoob kev kos- ntos lis zus nyob mus kom ntxheb.

    11, Hais zoo li kus!! Zoo li kuv niam kuv txiv Hmoob poj yawm peb ces tub tij los muaj coob- hos tus kwv los muaj ntau!!- muaj leeg tsis paub tab coj hno xaiv ces ntshe yuav nco neb tus txiaj tus ntsig- ces ntshe tsuas nco lawm niaj mus ib pliag!!!- nyob li kuv niam kuv txiv Hmoob poj yawm niam txiv coj tshoob ces ntshe yuav nco neb tus txiaj tus ntsig ces yuav ua hwb teg nco li ntsoov ib txhis txog lis ntua tuaj mus ib txhiab!!- tsis pub kawg ntsis nyob mus kawg ntsiab!!.

    11, Hais zoo li kus!! Zoo li kuv niam kuv txiv Hmoob poj yawm peb ces tub tij los muaj coob- hos tus kwv los muaj ntau!!- muaj leeg tsis paub tab coj hno xaiv ces ntshe yuav nco neb tus txiaj tus ntsig- ces ntshe tsuas nco lawm niaj mus ib ntsis!!!- nyob li kuv niam kuv txiv Hmoob poj yawm niam txiv coj tshoob ces yuav nco neb tus txiaj tus ntsig ces yuav ua hwb teg nco li ntsoov ib txhiab txog lis ntua tuaj mus ib txhis!!- tsis pub kawg ntsiab nyob mus kawg ntsis!!.

    Hnov tis yuas kuv niam kuv txiv Hmoob poj yawm nkawm txiv tuam mej koob lwm mej zeeg kos nkawm mus fwb cw.
    ( Xaus li no )










    Zaj Tshoob – Mej koob hais – Ceeb toom niam txiv nyob hauv tsev tos.

    1, Hais zoo li kus!! Zoo li txhia niaj kus txhia xyoo ces kuv niam kuv txiv Hmoob poj yawm nej tsuas tsis pwv tshoob!!!- ces leej tub txawg nyob mus muaj coob!!!- Txawm tau puv toj los puv roob!!!- tsis muaj neeg mus thov lawm lub dag coj lub zog qhoob.

    1, Hais zoo li kus!! Zoo li txhia niaj kus txhia xyoo ces kuv niam kuv txiv Hmoob poj yawm nej tsuas tsis pwv kos!!!- leej tub txawg nyob mus muaj los!!!- txawm tau puv roob los puv tog!!!- tsis muaj neeg mus thov lawm lub dag coj lub zog txog.

    2, Hais zoo li kus!! Zoo li xyoo no - kuv niam kuv txiv Hmoob poj yawm ua ncauj nrus tias yuav pwv tshoob!!! ces kuv niam kuv txiv Hmoob poj yawm tus plaj kos ntsig tshoob!!!- ncig qas yeej los poob!!!- ces kuv niam kuv txiv Hmoob poj yawm yuav sab laj lis zus los tsis thoob.

    2, Hais zoo li kus!! Zoo li xyoo no - kuv niam kuv txij Hmoob poj yawm ua ncauj nrus tias yuav pwv kos – ces kuv niam kuv txiv Hmoob poj yawm tus plaj tshoob ntsig kos - ncig qas yeej los txog - ces kuv niam kuv txiv Hmoob poj yawm yuav sab laj lis zus los tsis nto.

    3, Hais zoo li kuv!! Zoo li laj tub sis yau wb nyob lawm cuaj lub tog, dhau lawm yim lub roob – ces kuv niam kuv txiv Hmoob poj yawm li nqa khob dej , los khob cawv tuaj thov lawm laj tub sis yau wb lub dag coj lub zog poob – taij li ntsees kom wb tuaj pab ua kuv niam kuv txiv Hmoob poj yawm – tus txiv tuam mej koob- tuaj coj nws tub nws nyab mus xaus kos kus xaus tshoob.

    3, Hais zoo li kuv!! Zoo li laj tub sis yau wb nyob lawm cuaj lub roob, dhau lawm yim lub tog – ces kuv niam kuv txiv Hmoob poj yawm li nqa khob dej , los khob cawv tuaj thov lawm laj tub sis yau wb lub dag coj lub zog txog - taij li ntsees kom wb tuaj pab ua kuv niam kuv txiv Hmoob poj ywm - tus txiv lwm mej zeeg kos - tuaj coj nws tub nws nyab mus xaus tshoob kus xaus kos.

    4, Hais zoo kus!! Zoo li laj tub sis yau wb tsuas sawv nruj nraim wb lub mus luaj qoob fab – wb xav zoj tias wb tsis pab – los wb tsuas ntshai li rwg nyob tsam wb ho muaj lawm ntxhais qua- muaj tub los muab nyab – plaj tshoob ntsig kos ho ntxhov li nyho los rau wb tej mus quav npab – wb ceeb laj nyob mus leg tshab.

    4, Hais zoo kus!! Zoo li laj tub sis yau wb tsuas sawv nruj nraim wb lub mus luaj qoob deb – wb xav zoj tias wb tsis leg – los wb tsuas ntshai li rwg nyob tsam wb ho muaj lawm ntxhais qua- muaj tub los muab sev – plaj tshoob ntsig kos ho ntxhov li nyho los rau wb tej mus quav tes – wb ceeb laj nyob mus sawv nres.

    5, Hais zoo li kuv!! Zoo li laj tub sis yau wb nrauj qav tseg num lis zus tuaj rau nram roob- wb ntoj nuag nyob mus tuaj poob – ces wb yuav tuaj leg tau lawm kuv niam kuv txiv Hmoob poj yawm lub mus rooj tshoob – ntoj lis nraws liaj lwg rhwv mwg txoj kab kev mus kom thoob.

    5, Hais zoo li kuv!! Zoo li laj tub sis yau wb nrauj qav tseg num lis zus tuaj rau nram tog - wb ntoj nuag nyob mus tuaj txog – ces wb yuav tuaj leg tau lawm kuv niam kuv txiv Hmoob poj yawm lub mus rooj kos – ntoj lis nraws liaj lwg rhwv mwg txoj kab kev mus kom nto.

    6, Hais zoo li kuv!! Zoo li laj tub sis yau – wb ntoj nuag tuaj txog lis ntua rau lawm kuv niam kuv txiv Hmoob poj yawm lub tsev vaj lig txawm tuaj rau nram toj – ces kuv niam kuv txiv Hmoob poj yawm ua nqaij ua hno pub rau lawm wb noj – ces nws tso li plhuav nws txoj kab tshoob kev kos rau lawm wb coj – ces wb yuav taug li nraim liaj lwg rhwv mwg tus me qub roj.

    6, Hais zoo li kuv!! Zoo li laj tub sis yau – wb ntoj nuag tuaj txog lis ntua rau lawm kuv niam kuv txiv Hmoob poj yawm lub tsev vaj lig txawm tuaj rau nram taug – kuv niam kuv txiv Hmoob poj yawm txo dej txo cawv pub rau lawm wb haus – ces nws tso li plhuav nws txoj kab tshoob kev kos rau lawm wb taug – ces wb yuav taug li nraim liaj lwg rhwv mwg txoj mus qub kev raug.

    7, Hais zoo li kuv!! Zoo li laj tub sis yau – wb noj lawm sib cev haus lawm sib tshab – qhua tshoob noj los tsau cev – qhua kos haus los tsau plab - ces kuv niam kuv txiv Hmoob poj yawm muab nws niam nkaus cob lis nkaus rau lawm wb tej mus quav npab – es wb li tau kuv niam kuv txiv Hmoob poj yawm lub niam nkauj kaus roos rawv nkauj nyab nraug vauv qwv qhua tshoob qhua kos lis zees sawv mus ntoj kab – thaiv dab txeej dab qus nkauj ntxoog nraug tsov tsis pom nkauj nyab nraug vauv txoj mus hauv kab.

    7, Hais zoo li kuv!! Zoo li laj tub sis yau - wb noj lawm sib tshab haus lawm sib cev - qhua tshoob noj los tsau plab - qhua kos haus los tsau cev - ces kuv niam kuv txiv Hmoob poj yawm muab nws niam nkaus cob lis nkaus rau lawm wb tej mus quav tes - es wb li tau kuv niam kuv txiv Hmoob poj yawm lub niam nkauj kaus roos rawv nkauj nyab nraug vauv qwv qhua tshoob qhua kos lis zees sawv mus ntoj kev - thaiv dab txeej dab qus nkauj ntxoog nraug tsov tsis pom nkauj nyab nraug vauv txoj mus hauv kev.

    8, Hais zoo li kuv!! Zoo li txhia niaj kus txhia xyoo es kuv niam kuv txiv Hmoob poj yawm – tsis pwv tshoob ces nws tus me txiv nyuj quas pwm tsuas pw li nkaus rau lawm nws lub mus nruab hnab – ces txiv quas nyuj pwm tsuas ntug lawm plaub ntus dab – hnog zaub li zus rau lawm lub roob mus toj ntxhab – ces xyoo no kuv niam kuv txiv Hmoob poj yawm tsuas yuav muab nyab – nws muab me txiv quas nyuj pwm cob li nkaus rau lawm laj tub sis yau wb tej me quav npab – ces wb yuav coj tau lawm kuv niam kuv txiv Hmoob poj yawm tus txiv nyuj quas pwm sawv mus laij kab – ces wb laij lawm plaub voom rov tom qab- wb coj mus laij kom tau tub los taub nyab – wb mam coj los cob lis nkaus rau lawm kuv niam kuv txiv Hmoob poj yawm tus me ncej dab – cuaj hnub tsis seev rag kev yim niaj tsis saub rag kab.

    8, Hais zoo li kuv!! Zoo li txhia niaj kus txhia xyoo es kuv niam kuv txiv Hmoob poj yawm – tsis pwv tshoob ces nws tus me txiv nyuj quas pwm tsuas pw li nkaus rau lawm nws lub mus nruab sev – ces txiv quas nyuj pwm tsuas ntug lawm plaub ntus cev – hnog zaub li zus rau lawm lub roob mus toj ntev – ces xyoo no kuv niam kuv txiv Hmoob poj yawm tsuas yuav muab sev – nws muab me txiv quas nyuj pwm cob li nkaus rau lawm laj tub sis yau wb tej me quav tes – ces wb yuav coj tau lawm kuv niam kuv txiv Hmoob poj yawm tus txiv nyuj quas pwm sawv mus laij kev – ces wb laij lawm plaub voom rov tom kev- wb coj mus laij kom tau tub los taub sev – wb mam coj los cob lis nkaus rau lawm kuv niam kuv txiv Hmoob poj yawm tus me ncej tsev – cuaj hnub tsis seev rag kev yim niaj tsis saub rag kev.

    9, Hais zoo li kus!! Zoo li laj tub sis yau wb ntoj nuag mus txog lis ntua qhov chaw nyob mus noj sus – wb tsuas noj lawm ib dia huab lawm ib dia!!!- muaj lawm ib dia poob li nthav tuaj nrad tog – ces kuv niam kuv txiv Hmoob poj yawm peb tis txwv txoob kus txwv yawm nyob mus khaws tau nqaij los tau hno – ces nrog pov hwm wb coj me nkauj nyab nraug vauv taug li nrai liaj lwg rhwv mwg txoj me kab kos – tsis tseev plaub xai ncej ntug sawv los yuam tau lawm wb me rooj kos.

    9, Hais zoo li kus!! Zoo li laj tub sis yau wb ntoj nuag mus txog lis ntua qhov chaw nyob mus noj sus – wb tsuas noj lawm ib dia huab lawm ib dia!!!- muaj lawm ib dia poob li nthav tuaj nrad roob – ces kuv niam kuv txiv Hmoob poj yawm peb tis txwv poj kus txwv txoob nyob mus khaws tau nqaij los tau yoog – ces nrog pov hwm wb coj me nkauj nyab nraug vauv taug li nrai liaj lwg rhwv mwg txoj me kab tshoob – tsis tseev plaub xai ncej ntug sawv los yuam tau lawm wb me rooj tshoob.

    10, Hais zoo li kus!! Zoo li laj tub sis yau wb mus txog lis ntua rau lawm lub nras liaj nras teb laug- wb tsis pom tus tsav tsi, tsuas pom tau lawm caj zeb, twb lawm caj tsua, caj tsua twb lis nkaus – tsis pom qab yuav muab zog los wb yuav vam tau lawm kuv niam kuv txiv coj tshoob xeev txwj xeev qas laus – los nrog wb taug os.

    10, Hais zoo li kus!! Zoo li laj tub sis yau wb mus txog lis ntua rau lawm lub nras liaj nras teb tshwm - wb tsis pom tus tsav tsi, tsuas pom tau lawm caj zeb, twb lawm caj tsua, caj tsua twb lis ntxwm – tsis pom qab yuav muab zog los wb yuav vam tau lawm kuv niam kuv txiv coj tshoob xeev laus xeev qas txwm – los nrog wb tswm os.

    Hnov tis yuas kuv niam kuv txiv Hmoob poj yawm niam txiv coj tshoob nkawm mus fwb cw os.
    ( xaus li no )







    Zaj tshoob- Mej koob niam txiv poj yawg tog hais –zaj qhib qhov rooj tom niam txiv nyab neej nus lawv tsev-

    1, Hais zoo li kus!! Zoo li xyoo no kuv niam kuv txiv Hmoob poj yawm yuav pwv tshoob- nws tus plaj kos ntsig tshoob- ncig qas yeev los poob- kuv niam kuv txiv Hmoob poj yawm tsis pom qab muab lub dag coj lub zog thoob- ho laj tub sis yau wb nyob lawm cuaj lub tog dhau lawm yim lub roob- los kuv niam kuv txiv Hmoob poj yawm li nrig cwj lis tawv tuaj thov wb lub dag coj lub zog qhoob- taij lis ntsees kom wb tuaj pab ua kuv niam kuv txiv Hmoob poj yawm tus txiv lwm mej zeeg kos tuam mej koob- tuaj coj nws tub nws nyab mus xaus kos kus xaus tshoob- nes

    1, Hais zoo li kus!! Zoo li xyoo no kuv niam kuv txiv Hmoob poj yawm yuav pwv kos- nws tus plaj tshoob ntsig kos- ncig qas yeev los txog- kuv niam kuv txiv Hmoob poj yawm tsis pom qab muab lub dag coj lawm lub zog- hos laj tub sis yau wb nyob lawm cuaj lub roob dhau lawm yim lub tog- los kuv niam kuv txiv Hmoob poj yawm li nrig cwj lis tawv tuaj thov wb lub dag coj lub zog txog- taij lis ntsees kom wb tuaj pab ua kuv niam kuv txiv Hmoob poj yawm tus txiv lwm mej koob tuam mej zeeg kos- tuaj coj nws tub nws nyab mus xaus tshoob kus xaus kos- nes



    2, Hais zoo li kus!! Zoo li laj tub sis yau wb tias wb tsis tuaj!!!- los kuv niam kuv txiv Hmoob poj yawm ces twb qhoov sawv los luj huaj- hos duj hau los thov muaj- txhos caug lis ntsoov rau ntawm lub npoo luaj - ces txag tau wb lub dag coj lub zog muaj- nes

    2, Hais zoo li kus!! Zoo li laj tub sis yau wb tias wb tsis ua!!!- los kuv niam kuv txiv Hmoob poj yawm twb qhoov sawv los luj hua - duj hau los thov dua- txhos caug lis ntsoov rau ntawm lub npoo zuag- ces txag tau wb lub dag coj lub zog dua- nes

    3, Hais zoo li kus!! Zoo li laj tub sis yau wb tuaj txog ces kuv niam kuv txiv Hmoob poj yawm tsuas zoo zoo siab- sawv li tsees mus txo lawm ncej qiab- ua nqaij ua hno siav li niab- los pub rau lawm wb noj- ces kuv niam kuv txiv Hmoob poj yawm tso li plhuav nws txoj kab tshoob kev kos rau lawm wb coj- ces wb taug li nraim liaj lwg rhwv mwg txoj nyuag qub roj- nes

    3, Hais zoo li kus!! Zoo li laj tub sis yau wb tuaj txog ces kuv niam kuv txiv Hmoob poj yawm tsuas zoo zoo plawv- sawv li tsees mus txo lawm ncej cawv- ua nqaij ua hno siav li zawv- los pub rau lawm wb haus- ces kuv niam kuv txiv Hmoob poj yawm tso li plhuav nws txoj kab tshoob kev kos rau lawm wb taug- ces wb taug li nraim liaj lwg rhwv mwg txoj nyuag qub kev dau- nes

    4, Hais zoo li kus!!!- Zoo li Laj tub sis yau wb nquam wb qhua kos qhua tshoob- nrog wb tuaj lawm coob- tuaj txog rau nram roob- wb tsuas pom tau kuv niam kuv txiv nyab neej nus lub qhov roog tag txum tau plaub tug ncej txoob- ces lub rooj tag qhib lis lug zoo rau wb tuaj mus pwv tshoob- wb yuav coj me nkauj nyab nraug vauv tuaj tis kos tis tshoob- tis neej rau txoj kev do tis tsav rau txoj kev coob- kev neej tau tuaj txog kev tsav tau tuaj poob- nes

    4, Hais zoo li kus!!!- Zoo li Laj tub sis yau wb nquam wb qhua tshoob qhua kos- nrog wb tuaj lawm os- tuaj txog rau nram tog- wb tsuas pom tau kuv niam kuv txiv nyab neej nus lub qhov roog tag txum tau plaub tug ncej txhos- ces lub rooj tag qhib lis lug zoo rau wb tuaj mus pwv kos- wb yuav coj me nkauj nyab nraug vauv tuaj tis tshoob tis kos- tis neej rau txoj kev coob tis tsav rau txoj kev do- kev neej tau tuaj poob kev tsav tau tuaj txog-nes

    5, Hais zoo li kus!!!- Zoo li laj tub sis yau wb ntoj nuag tuaj poob- ces kuv niam kuv txiv Hmoob nyab neej nus lub qhov rooj tag ntsia lawm cuaj caum tus ntsia xyoob- ces laj tub sis yau wb tes lauj diaj nrog tsis xoob- laj tub sis yau wb luj vim ua lawm neb tsaug mog !! Neb tes lauj nyob mus muaj koob- lauj nag tuav yaum sij toob- rau lis ntoob- kuv niam kuv txiv Hmoob nyab neej nus tus las rooj nyob nrog xoob- ces laj tub sis yau wb zoo nquam wb qhua kos qhua tshoob- rais lees los poob- los fim tas kuv niam kuv txiv Hmoob nyab neej nus- niam hlob kus txiv hlob- niam ntxawm kus txiv ntxawm- nus tij kus nus kwv- muam phauj kus yawg laus- niam tais yawm txiv- niam dab laug kus txiv dab laug- niam txiv coj kos kus coj tshoob- peb tis txwv poj kus txwv txoob- nrog rau ncej dab ncej qhua kom thoob- nes

    5, Hais zoo li kus!!!- Zoo li laj tub sis yau wb ntoj nuag tuaj txog- ces kuv niam kuv txiv Hmoob nyab neej nus lub qhov rooj tag ntsia lawm cuaj caum tus ntsia txhos- ces laj tub sis yau wb tes lauj diaj nrog tsis to- laj tub sis yau wb luj vim ua lawm neb tsaug mog !! Neb tes lauj nyob mus muaj ko- lauj nag tuav yaum sij nrog- rau lis ntho- kuv niam kuv txiv Hmoob nyab neej nus tus las rooj nyob hlauv lis hlo- ces laj tub sis yau wb zoo nquam wb qhua tshoob qhua kos- rais lees los txog- los fim tas kuv niam kuv txiv Hmoob nyab neej nus- niam hlob kus txiv hlob- niam ntxawm kus txiv ntxawm- nus tij kus nus kwv- muam phauj kus yawg laus- niam tais yawm txiv- niam dab laug kus txiv dab laug- niam txiv coj tshoob kus coj kos- peb tis txwv koob kus txwv pog- nrog rau ncej dab ncej qhua kom txhua nrho- nes

    Hnov tis yuas phooj ywg kwv yaig kwv sis luag



    Last edited by Hmong ntuj tshiab on 4th July 2014, 4:54 pm; edited 1 time in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Hmong ntuj tshiab on 4th July 2014, 4:41 pm

    Hais ntawm peb Hmoob li kab tshoob kev kos mas tej zaum kuv kuj paub zoo thiab qhov koj nug nas-

    1. poj cuag yawm cuas-
    = vim hais tias thaum lub caij ntawd ces siv yis tuag lawm ces tshuav niam siv yis xwb ces Niam siv yis coj liaj lwg. Rhwv mwg thiab niam nkauj kab yeeb lawv mus zawv txiv xeev laus hauv zos tus ntxhais nkauj ntsuab-

    Ces txiv xeev laus zoo siab muab txiv xeev laus hauv zos tus tub los lwv txuj nrog niam siv yis tus ntxhais nkauj kab yeeb-

    Thaum kawg txiv xeev laus tus tub tau swb txuj lawm ces txiv xeev laus tsis kam muab tus ntxhais qua rau liaj lwg ces txiv xeev laus tau khiab lawm-

    Ces niam siv yis lawv tsis zoo siab ces txiv xeev laus tus tub thiaj tau los hais tias kuv txiv txawm khiav lawm los kuv yeej qua kuv tus muam tau-

    Tiam sis kom niam nkauj kab yeeb los lees ua ib leej niam txais nws tus muam mas nws thiaj li yuav qua tau-

    Nws txiv txawm khiav lawm los tseem tshuav tus txiv ntxawm yeej qua tau nws tus muam rau niam nkauj kab yeeb lawv tau thiab-

    Tiam sis niam nkauj kab yeeb yuav tsum los lees 3 lo lus li nram no-

    1- niam nkauj kab yeeb yuav tsum plhis los ua ib leej niam txais nws tus muam mas thiaj yuav qua tau no ces niam nkauj kab yeeb thiaj los lees ua niam txais ntsuab- los txais txiv xeev laus tus ntxhais nkauj ntsuab-


    2- niam nkauj kab yeeb yuav tsum los lees tias thaum pib ces cia niam nkauj kab yeeb thiab txiv xeev laus tus tub nkawv pib xwb- ces niam nkauj kab yeeb thiaj los lees- thaum qua ces cia txiv xeev laus tus tub thiab niam nkauj kab yeeb nkawv qua xwb- ces thiaj hu hais tias nus tij thiab txiv cob txheeb nus npaws hos tog nraug vauv ces thiaj muaj niam txais ntsuab, phij laj thiab nraug vauv xwb-


    3- thaum xaus ces cia nkawv xaus xwb ces thaum tuag thiaj cia rau txiv dab laug thiab muam phauj xwb-


    4- hos poj cuag yawm cuas ces yog thaum txiv xeev laus tus tub muab nws tus muam qua rau niam siv yis lawv lawm ces lawv tseem tab tom noj mov txog tog ces txiv xeev laus mam los ces thiaj li rau ib rooj mov rau nram qab rooj ces thiaj kom txiv xeev laus los noj rooj nrad ces thiaj li kom niam siv yis los nrog txiv xeev laus noj ua ke ces thiaj hu hais tias ob tog niam txiv los koom noj ua ke ces muab niam siv yis los zaum phim rau txiv xeev laus ces thiaj hu hais tias poj cuag yawm cuas- niam siv yis yog poj cuag hos  txiv xeev laus ces yog yawm cuas no xwb os nawb-


    Sponsored content

    Re: Hmong li keeb kwm ntawm kab tshoob kev kos thaum xub pib yog li cas los mus es tseem coj los txog rau niaj hnub nim no

    Post  Sponsored content


      Current date/time is 20th January 2018, 7:48 am