google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Hmoob Ntuj Tshiab lub tsev PAJ HUAM & kab lis kev cai Hmoob

    Share

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 26th May 2011, 8:24 am


    PAJ HUAM NCO NKAUJ HMOOB



    Paj Huam muaj tshuaj
    Paj lug muaj txuj

    Vaj Nruas






    Kaj seej luab, txog rau ib tsoom zeej, seej sim huab hwm seev nraug txawg, tau xauv xeeb tshwm sim los muaj lub roj ntsha tsheej los ua zeej keeb,

    Nws yog tiam nyeej keeb, tshab txhais yog peb haiv Hmoob nyob rau tuam yim meem luaj, tau tawg tsij ri si keev mus nyob rau txhua txhua thaj tuam meem nrim thoob plaws rau cej lum qab kha no lawm, Hnub no yog ib hnub sij kaj cib pem faj ceeb, zoo cib pem faj ntug,

    Kuv yuav muab teej teg txuj ci keeb ko qauv quag ntawm kev lom zem paj huam, khawv txhiaj, thiab cov nceeg lus ua tsaug nco luag tus txiaj ntsig thiab kev hais lus paub tab, coj los rheeb feeb teeg ua txuj txeeg ua ci nthuav cib lig seev ua zaj lus lom zem thiab zaj lus ua tsaug nco luag tus txiaj, tus ntsig uas luag tau pab yus leg dej num tiav log rau yus yam meej ntseg,

    thiab tej kev nthuav txuj rag ci raws kev lom zem thiab lus tseem ceeb ntawm nco luag tus txiaj ntsig, yog li no yus thiaj yuav tsum tau seev tej zaj lus kom zoo nkauj raws li kev lom zem raws lub caij nyoog los yog lus tseem ceeb raws liaj lwg thiab rhwv mwg nkawv tus lw uas nkawv tau teeb cia rau noob neej seev ua zaj, ua lus los yog ua tsaug, Hnub no kuv thiaj tau muab cej luam ntuav tawm los pub rau peb ib tsoom zeej huab hwm seev nraug txawg tau kawm. Vim peb Hmoob tau plam kuj cuab luaj pua los tau ntau tiam xyoo lawm, peb tej txuj ci tau poob, ploj tag lawm zuj zus,

    Es peb txoj kev teeg txuj txeeg ci thiaj nthuav txeej loj hlob tsis tau muaj mus puv rau peb haiv Hmoob txhua txhua yim neej. Uas peb Hmoob tseem txawj tsis tau ntxaws tus txuj ci los ntawm liaj lwg thiab rhwv mwg nkawv tus qauv uas nkawv tau teem teeb ua qauv seev suab ua zaj lus tseg rau zeej keeb coj los teeg ua txuj txeeg ua ci pab noob neej nyob rau txhua txhua ntaj tuam meem nrim,

    Uas peb Hmoob tau tawg mus nyob thoob plaws, vim li no kuv thiaj li muab txeeg nthuav qhia rau peb Hmoob kom paub txog ntawm txoj kev seev txuj rag ci raws tus lw keeb ko qauv quag. Uas yog liaj lwg thiab rhwv mwg nkawv tau muab keeb tseg ua zaj lus zoo cia rau me nyuam Hmoob tau siv los ua kev nthuav txuj ci lom zem thiab pab lwm leej lwm tus, nyob rau hauv tuam meem luaj pua.

    Yog li no kuv thiaj li tau muab cej luam sau tso rau hauv nov thiab muab teeg ua txuj txeeg ua ci coj los nthuav chab chaws, Cib lig tshab txhais los teem teeb ua keeb ko qauv quag txuj ci cob qhia rau peb ib tsoom zeej huab hwm txhua tus tau kawm,

    thiab paub txog txoj kev rag txuj ci raws yam zoo thiab meej raws li peb Hmoob kev hais lus kom meej. Yog hais tias koj ho tau kawm tus txuj ci huab txawj kev seev txuj rag ci los yog kev ua tsaug no lawm los haj yam zoo, yog koj ho tseem tsis tau paub txog tus txuj ci huab txawj kev rag txuj ci thiab sau txuj ci los yog kev ua tsaug no los, ho thov kom koj qhib koj lub siab dawb paug los kawm kom koj xeev ras txog tus txuj ci huab txawj kev lom zem los yog kev ua tsaug no.

    Es koj ho sawv los coj koj lub hom phiaj lawm yav tom ntej no, los yog koj lub yim neej mus rau lub neej pem suab yav tom ntej no, kom koj ho muaj lub neej kaj siab lug. Txuas ntxiv ntawm no mus ces kuv yuav muab tus txuj ci keeb ko qauv quag, rag txuj ci kev lom zem los yog kev ua tsaug, kev cob meej, kev lus sam txheej, coj los

    rheeb feeb nthuav tawm los qhia rau ib tsoom zeej huab hwm seev nraug txawg txhua leej txhua tus kawm kom paub, thiab to taub txog txoj kev teeg txuj txeeg ci txog fab kev lom zem, kev qhuab ntuas, kev hais lus, kev ua tsaug raws li txiaj keeb qauv cim ntawm liaj lwg thiab rhwv mwg nkawv tau rheeb feeb txog kev kho siab, kev mob siab, kev chim siab, kev khaws txuj ci, kev sau txuj ci, kev nco luag tus txiaj tus ntsig, coj los nthuav qhia pub rau peb ib tsoom zeej seej sim seev nraug txawg kawm,

    kom ho paub seev kev lom zem, kev seev suab, kev teeg txuj ci, kev seev nceeg lus ua tsaug, uas yuav nco luag tus txiaj ntsig kom to taub meej tseeb es thiaj, hais rau peb ib tsoom zeej huab hwm seev nraug txawg txhua txhua leej yuav tau kawm, coj mus pab nej lub neej lawm yav tom ntej thiab nej lub luag dej num lawm yav tom ntej no

    thiab coj mus siv thaum nej muaj kev txom nyem siab ntsws los yog kev tau nres lub luag dej num uas yuav tau los coj ib teg dej num tseem ceeb nyob rau ib lub sij hawm twg, es thiaj qhia rau nej txhua tus tseem yuav sawv los coj nej lub neej lawm yav tom ntej no, vim koj suav hnub suav hmo txav ze zuj zus mus rau yav neej uas

    koj yuav tau ntsib kev nyuab siab mob plawv, kev txaj muag, kev raug luag thuam, raug luag hais koj tus kheej lawm nag, yog li no koj tus kheej thiaj tsis txhob ua siab deb, ib tsam koj ho tau kev tsaus ntuj thiab ho nyuab koj siab xwb os nawb.

    ua tsaug rau koj tus uas tau nyeem thiab paub txog, txhua yam nyob rau hauv nov nws muaj copyright txwv tsis txhob ua phem rau tej txuj ci thiab yuav tau yoog raws txoj kev cai lij choj, kev sau txuj ci thiab mog,

    Text copyright © by Dee Vang in jun 04 / 2011. All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci. for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304


    HMOOBNTUJTSHIAB PAJ HUAM COLLECTION



    Tsab ntawv nrhiav hlub

    Ab ntuj yuas--------------------hmoob tej me ntxhais
    koj ncaim pais----------------------tau ntev lub xyoo
    tsis hnov moo---------------------ntshe koj hnov qab
    ua luag nyab-------------------------muaj tub muaj ki

    luag ntxhawv ntxhi-----------------koj tej nqaws tiab
    tsis kho siab-------------------------li kuv lawm paub
    yim caum plaub----------------------los txog tav nov
    yeej tsis hnov-----------------------koj ib tsab moo

    puas nyob zoo---------------------lawm os tus hlub
    tej lus qhub-------------------------yav tas dhau los
    niaj hnub tos---------------------seb puas rov ntsib
    ho tau pib--------------------------tham kev sib nco

    tsheej tag hmo---------------ntshe tham tsis dhuav
    kev npau suav----------------------los tham tsis tag
    lus tso dag---------------------------los yeej ib yam
    txoj kev tham------------------yeej tsis pov khawv

    ntuj yuas lawv----------------------tus me kuv hlub
    txiv leej tub---------------------yeej nco koj ntsoov
    tsis tau hloov--------------------------lub me siab li
    quaj dhawv dhi-------------------txog koj xwb tiag

    ib me pliag----------------------koj ncaim mus deb
    ib rooj teb-------------------------rau ib ntxeev ntuj
    lub siab yuj-------------------------vim yog nco koj
    mov tsis noj-----------------------los tsis nco tshaib

    seev me naib----------------------tus neeg zoo xwb
    koj kuv wb-------------------------puas xav ib yam
    ho tsis tham-------------------------xa xov nug moo
    kev nyob zoo---------------------------li yav tas los

    peb lub zos---------------------roob phu coos voos
    me paj ntoos---------------------nyob tawg ntsa iab
    kab noog diab----------------------sib tw ntxais paj
    rooj xyuam yaj---------------------wb chaw sib tos

    qub zej zos---------------------twb ciaj hav ntxhov
    koj tsis rov-----------------------ntshe tsis ntsib koj
    hos wb txoj-------------------------me kev sib hlub
    tham tag hnub------------------thiab nyob tag hmo

    yeej tseem nco----------------------tej lus koj qhub
    yav thaum ub-----------------nyob ntawm nej tsev
    kuv dua kev---------------------koj suab luag ntxhi
    ntuj tsau hli---------------------sawv ntawm ib sab

    tuav koj npab--------------------thiab hnia koj plhu
    koj mam hu--------------------------tias koj tuaj los
    cov lus ntos-------------------tseem nco ntsoov cia
    zais tsis qhia----------------------rau leej twg paub

    niaj hnub saub--------------------txog koj xwb tiag
    koj xub ntiag--------------------tseem dai kuv siab
    mus ib txhiab-------------------tsis muaj hnub ploj
    kev nco koj---------------------nyob txhua lub caij

    niaj hnub laij-------------------tuaj nrhiav koj xwb
    koj lub hlwb------------------puas tseem muaj kuv
    wb chaw thuj------------------------twb ciaj hav roj
    hais txog koj---------------------puas nco koj thiab

    me nplooj siab------------------ncaim mus ua nyab
    rau ib sab--------------------------los ib ntxeev ntuj
    lub siab yuj---------------------nrog huab nrog cua
    txoj kev tshua------------------mus txog hnub tuag

    lub kua muag------------------ntws cuag nag poob
    me nkauj hmoob-------------------tus me neeg zoo
    yog tuag loo----------------------mus yeeb yaj kiab
    thiaj zoo siab----------------------os me leej muam

    lus cuam tshuam--------------thov tsis txhob chim
    vim koj dim-----------------------mus ua luag nyab
    kuv thiaj npab-----------------nyob lwj siab ntsuav
    li noog puav-------------------------ua neej dai taw

    tsis muaj chaw-----------------------li no lawm tiag
    lub xub ntiag-----------------------thiaj pw txias to
    seev tag hmo-----------------------rau tej npoo txaj
    lub ntuj kaj-------------------------los tsis xav sawv

    ntuj yuas lawv-------------------tus me ntxim hlub
    kua muag ntub--------------------tej me hauv ncoo
    tsis muaj hmoo---------------------thiaj tsis tau koj
    yog tuag ploj--------------------puas yuav sib ntsib

    nywj vag ib---------------------nyob rau nruab dab
    tuav koj npab------------------ntxais paj zaub quag
    rov tau puag--------------------nyob kuv xub ntiag
    paj zaub qiag--------------------li kab npauj npaim

    ya nrog nraim-------------------nyob mus ywj siab
    mus thawj thiab--------------------xeeb rov los dua
    tsis txhob tshua-----------------lawm os tus hlub./.
    ( xaus li no )



    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304








    Ntxhais muaj koob


    sob me no-------------------------ces yog paj huam
    hais cuam tshuam-----------me ntxhais nkauj xwb
    tus muaj hlwb--------------------nyob mus nto npe
    vim koj ne--------------------------tsis yog vim kuv

    yam noog luv------------------------ya mus tsis los
    cia kuv tos--------------------nyob hnub dhau hmo
    zoo li no-----------------------------kuv yuav ua cas
    koj tsis ras-------------------------los nrog kuv hais

    kuv thiaj rais--------------------nrhiav dua tus hlub
    yuav muab qhub------------------wb txoj kev hlub
    puag thaum ub---------------------wb tseem me los
    vim koj nros--------------------ntshe kuv tsis phim

    thiab tsis ntxim----------------------koj lub me siab
    niam txiv ntiab------------------kom koj yuav txiv
    koj thiaj chiv------------------------saib kuv li tsiaj
    hmoob rho nyiaj----------------yuav pib dav hlaus

    muab cob rau----------------------koj txhais me tes
    cheem kom nres------------------koj yeej tsis hnov
    koj thiaj phov--------------------txoj kev mob siab
    ntuj tsaus nciab-----------------------teb tsaus li nti

    kuv quaj ntxhi----------------------koj tsis tig ntsia
    txoj me sia-------------------------twb yuav nrog tu
    tsa suab hu---------------------------koj twb tsis teb
    koj lub tsheb------------------khiav yeev ploj ntais

    tsis paub pais---------------------------ua tus dab tsi
    pos muag nti-----------------------tsa lub suab quaj
    txawm noj tshuaj---------------tsis muaj neeg hlub
    quaj tag hnub--------------------thiab seev tag hmo

    koj tsis nco---------------------thiaj hloov dua siab
    tham dua tshiab------------------los pauv koj chaw
    kom txhob ntshaw-------------------tus me duab ci
    thiaj lam ntxhi------------------nrog luag txuas lus

    kuv thiaj mus---------------------ua siab tham nws
    kawg kev tws-----------------thiaj mloog nws hais
    ua siab txais---------------------thiab yuav nws los
    thiaj tsis tos-------------------------koj kiag li lawm

    koj niam tsawm--------------------tias kuv tsis zoo
    neeg muaj hmoo------------------cia yuav tub nom
    lawv thiaj kom-------------------koj lam mus yuav
    yam tus puav---------------------nyob mus dai tsua

    koj tsis tshua---------------------thiab tsis nco txog
    tej lus cog---------------------------yav tas dhau los
    txawm kuv tos----------------------koj tsis rov qab
    kev yuav nyab---------------thiaj caum cuag lawm

    koj khiav tawm---------------thiab ncaim kuv pais
    tsis xav hais-----------------------vim nco koj heev
    niaj hnub seev--------------------nco txog koj xwb
    ntshe yog wb------------------txoj hmoov tsis txog

    los vim yog------------------------koj tsis xav yuav
    koj thiaj rhuav--------------------wb txoj hauv kab
    mus ua nyab---------------------nrog luag tub nyob
    thiaj li mob--------------------------kuv lub me siab

    lub ntuj tshiab------------------twb dhau lawm tag
    tej qab nrag------------------------nroj twb pib tuaj
    niaj hnub quaj-----------------------koj twb tsis los
    cia kuv tos-------------------yam nkawm noog liaj

    ya rwg ntxiaj--------------------twb tsis muaj khub
    tus me hlub-----------------------kuv twb tsis muaj
    txawm yuav quaj--------------nyob pos muag niab
    thiab mob siab-----------------tsis muaj neeg tshua

    koj lawm dua---------------------cia kuv ua ntsuag
    lub kua muag------------------------tsis muaj tus so
    quaj tag hmo---------------------tsis muaj neeg pab
    noj tsis qab-------------------------thiab pw tsis sov

    txawm yuav thov-------------------lub ntuj lub teb
    tej lus ntxheb-----------------------tsuas ntsiag to li
    qi muag nti-----------------------ib cev caws yaum
    xav txog thaum--------------------koj tias hlub hlu

    tej lus qhub------------------------koj yeej hais dag
    yam kob nag------------------------los mus ib vuag
    dag kuv tuag--------------------tuaj mus ziab tshav
    lwj xyaw av------------------------koj yeej tsis nco

    yog li no-----------------------kuv thiaj muab qhub
    hmoob tej tub---------------------yeej hais tiag tiag
    zoo nkauj ntxiag---------------lam dag ntxias hlub
    txiv leej tub----------------------twb tsis zoo nraug

    txawm hmoov raug-----------------los koj yeej tso
    lam tias nco-----------------------dag kuv puas yog
    kuv xav txog-----------------chim siab tshaj plaws
    tus ntxim ncaws-----------thiab neeg ntxim ntxub

    lub siab dub----------------------cev lam zoo nkauj
    ua poj nrauj--------------------koj mam paub meej
    nws tus kheej----------------------koj twb tsis paub
    lam tuaj haub------------------------koj cia li caum

    yog mab daum---------------------los yog mev dub
    lam tias hlub------------------------koj cia li ntseeg
    xyov yog neeg---------------------los nws yog dab
    koj lam npab-----------------khiav ncaim kuv mus

    hmoob leej nus----------------------yeej tsis tu siab
    thiaj nrhiav tshiab--------------rov hloov dua tswv
    mam li twv-----------------------rau neej pem suab
    tej lus qhuab-----------------------hais ua dab neeg

    piav kom deeg--------------------rau neeg ntiaj teb
    yog siab deb---------------------ces yeej paub xwb
    kev mob hlwb----------------koj mam khaws puag
    txoj kev ntsuag---------------------koj mam li pom

    neej cov nyom----------------kua muag mam poob
    me nkauj hmoob-----------------tus neeg siab ntau
    thov txhob npau--------------thiab tsis txhob chim
    yeeb yog vim-----------------------koj lub siab dub

    thiaj lam qhub---------------------nrog huab cua ya
    kom nrov ncha------------------rau neeg nrog hnov
    kom txhob kov------------------------yam zoo li wb
    txhob mob hlwb-------------------zoo li neeg vwm.

    ( xaus li no )



    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304



    yog neb tau nyeem thiab tau saib es yog nyiam thiab no kuv mam rov sau dua pub rau neb tau kawm thiab nyeem ua si os cov phooj ywg Hmoob zoo aw



    Last edited by Hmong ntuj tshiab on 1st November 2015, 10:46 am; edited 30 times in total (Reason for editing : kho kom zoo nyeem xwb)

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    PAJ HUAM NCO HLUAS NKAUJ HMOOB PHUV NPIAB

    Post  Hmong ntuj tshiab on 26th May 2011, 8:54 am





    zos phu npiab
    Tseem nco txog------------------yav tag dhau los
    Lub me zos------------------nyob pem phu npiab
    Me nplooj siab-----------------puas nco txog peb
    Kev ua teb--------------------yeej pauv zog ntws

    Teb pob kws----------------nyob hav npliaj hiab
    Ntuj qhib tshiab--------------kab quaj zom zaws
    Peb teb chaws---------------roob hav pham nyaj
    Kho siab tshaj------------------nco tshaj ntuj nrig

    Ntuj puas tig-------------------------peb rov ua ke
    Noj sib ce--------------------------rov tau sib hlub
    Li thaum ub----------------------lub teb chaws zoo
    Ncaim ntau xyoo------------tseem cim ntsoov koj

    Yeej tsis ploj---------------------------tej kev ua ke
    Wb mus de--------------------zaub noj zaub npuas
    Noog taus txuas-----------------quaj zom pes zaws
    Sib xyaw daws--------------------puag tim laj roob

    Me nplooj xyoob----------nplooj ntoos laim txias
    Tej txiv nplias----------------------siav daj pes vog
    Tseem xav txog------------------thaum nyob ua ke
    Tej kwj tse-------------------------ua chaw sib cuag

    Tsaus ntuj zuag------------------suab raj xiv nqiab
    Tsis kho siab-----------------------los twb muaj koj
    Mov tsis noj----------------------los tsis nco tshaib
    Muaj me naib-------------------zoo nkauj los puag

    Tej xub tsuag-------------------yog chaw teem caij
    Niaj hmo laij--------------------nrog tej phooj ywg
    Txawm leej twg------------------kuj tau nrog tham
    Muaj qee tsam-----------------kuj qhia qhov tseeb

    Lus meej xeeb------------------kuj tham khee kiag
    Koj xub ntiag--------------------chaw dai kuv siab
    Lus tseem ntsiab----------------tsis pub neeg paub
    Lub suab saub-------------ntawm kev nkauj nraug

    Tej kev taug-----------------suab nplooj seev yees
    Txoj kev plees----------------seev nraim hauv siab
    Hmoob phuv npiab---------------tus kuv nco tshaj
    Yeej tsis daj------------------tsuas hais qhov tseeb

    Puas fav xeeb-------------------tseem nco txog peb
    Kev ua teb----------------------------nrog koj ua ke
    Wb mus de--------------------------tej txiv kub ntas
    Siab tseem ras--------------------txog kev sib raws

    Kev txiav taws-------------------ntuj puag thaum I
    Nco tag li------------------------------tej lus qab zib
    Teb kab tsib-----------------------nrog koj mus lov
    Caij sawv ntxov--------------------wb kuj sib cuag

    Ntuj kaj zuag---------------------tuaj tim npoo ntuj
    Kuv siab yuj---------------------tsis xav ncaim deb
    Kev ua teb-------------------------tuav tes yuj yeev
    Lub suab seev----------------------hais xiv li nqiab

    Caij xyoo tshiab------------------nrog koj pov pob
    Teb chaws nyob---------------------me zos toj siab
    Nyob phu npiab------------------mas nco koj heev
    Siab tsis tseev-------------------thiaj hais paj huam

    Hais cuam tshuam----------------tuaj rau koj hnov
    Thov xa xov------------------------nug koj lub moo
    Puas nyob zoo-----------------------li yav tas lawm
    Peb khiav tawm-------------mus txawv teb chaws

    Nej sawv daws-----------------nyob puag tom qab
    Siab puas fab--------------------------nco li yav tas
    koj puas ras----------------------nco txog peb thiab
    Hmoob phu npiab--------------------tus cev tsis loj

    Koj niam noj-------------------------dab tsi yug koj
    Zoo tam zoj--------------------me ntxhais nkauj hli
    Es thiaj ci-----------------------mus thoob ntiaj teb
    Ua rau peb---------------------seev nraim tag hnub

    Txog thaum ub-------------------me qub teb chaws
    Kev sib raws---------------------hais lus luag ntxhi
    Yav thaum I---------------------wb tham luag nyav
    Txoj kev xav----------------------yeej tsis paub tag

    Tsis tau dag-----------------------yeej nco koj heev
    Lub suab seev-----------------hais quaj dhawv dhi
    Txog thaum I----------------------wb nyob sib zov
    Sib xa xov-----------------------txog txoj kev plees

    Hais seev yees----------------------tsis xav tso tseg
    Mob tej teg---------------------ua plawv yuav nres
    Yam tus ntses-------------------twb tuag ntab ntab
    Tsis pom qab-----------------------yuav hais lo twg

    Me phooj ywg---------------------tus kuv hlub es!!
    Es koj ne!!--------------------puas tseem nco thiab
    Neej toj siab-----------------------yav puag thaum i
    Suab lus ntxhi-------------------tsis pub neeg hnov

    Caij sawv ntxov---------------nrog kab noog nyob
    Lub siab mob--------------------ua kua muag poob
    Leej muam hmoob----------------tus uas kuv hlub
    Ntuj tham ub------------------nyob ntawm nej tsev

    Kuv dua kev--------------------koj suab luag ntxhi
    Ntuj tsaus hli--------------------sawv ntawm ib sab
    Tua koj npab--------------------thiab hnia koj plhu
    Koj mam hu-------------------------tias koj tuaj los

    Cov lus ntos------------------tseem nco ntsoov cia
    Zais tsis qhia----------------------rau leej twg paub
    Niaj hnub saub--------------------saib ntuj puas tig
    Yuav los ncig-------------------saib puas rov ntsib

    Ho tau pib-------------------------tham kev sib nco
    Tsheej tag hmo--------------ntshe tham tsis dhuav
    Kev npau suav--------------------yeej tham tsis tag
    Lus tso dag----------------------------los kuj ib yam

    Kev sib tham-----------------ntshe tsis pov khawv
    Ntuj yuas lawv-------------------tus me nkauj xwb
    Kuv mas twb----------------------xav rov ntsib koj
    Nyob tsis ploj------------------hauv kuv lub plawv

    Koj tseem sawv---------------nraim hauv kuv siab
    Tus me ntxhiab------------------kuv tseem cim cia
    Tsis tau qhia---------------------------rau leej twg li
    Cia mam ntxhi---------------------hais rau koj xwb

    Vim kuv swb----------------------koj mus rau luag
    Tsis sib cuag-----------------------los txog hnub no
    Thiaj tseem nco--------------------koj tag npaum li
    Li muab ntxhi---------------------nrog huab cua ya

    Kom nrov ncha-----------------mus thoob ntiaj teb
    Thiaj muab ntxheb-------------------ua lus xa moo
    Tej lus zoo------------------------seb koj puas hnov
    Neej nram ntxov---------------puas tseem nco qab

    Pem yaj sab--------------------------tej lus sib hlub
    Yav thaum ub------------------------wb lus cog cia
    Tus mob ntxhia------------------mob hauv lub siab
    Kev mob iab----------------------seb puas kaj xwb.
    ( Xaus li no )

    [/size]


    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304




    Last edited by Hmong ntuj tshiab on 1st November 2015, 10:47 am; edited 4 times in total

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 26th May 2011, 12:17 pm


    Nyob zoo Hmoob Ntuj tshiab,

    Wow...! Nws cov paj huam yuav zoo ua luaj li...! Ua tsaug nawb, uas nws tseem tuaj tham nws lub siab rau peb mloog...Txoj kev hlub tsis sib tau ces ua mob rau yus, txoj kev nyiam sib ncaim ces yeej nco nraim rau lub siab tsis tseg...

    Zoo kawg nkaus, yog nws muaj ntau zaj no cov tuaj ua Collection cia rau hauv nov nawb mog. Hauv nov, yuav yog ib lub tseb khaws txuj Hmoob, yuav cia nyob tsis muaj caij kawg. Thaum nws tso ntau zaj lawm, yog nws tssi xav li cas, kuv tseem xav thov nws lub npe tiag thiab ib daim duab los khaws nrog nws cov paj huam.

    Thov txim, kuv tso daim puab duab los dhos nws cov paj huam lawm; yog tsis nyiam no mam tshem los tau kawg.

    Kuv muab nws lub Topic nov Move mus rau nram Kem paj Huam lawm nawb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    paj huam zos Hmoob toj siab

    Post  Hmong ntuj tshiab on 26th May 2011, 7:16 pm

    NCAIM MUS DEB

    Duab Hmoobntujqubqab@copyrhigth

    Zos toj siab

    Peb teb chaws---------------------yav pem toj roob
    Tej zos hmoob------------------nyob nrog zeb tsua
    Tej me cua----------------------nyob tuaj txias zias
    Kab nqos vias----------------mas quaj ntsho nrooj

    Lub suab nplooj-------------------nrov xiv li nqiab
    Huab zig niab-------------------lwg nrog tsig tsuag
    Tsaus ntuj zuag-----------------me noog taus txuas
    Suab noog ncuas----------------quaj zom pes zaws

    Sib xyaw daws--------------------puag tim laj roob
    Me nplooj xyoob--------nplooj ntoos zeeg tshaws
    Kev txiav taws---------------------nyob du lwb lug
    Cov muaj tug------------tham luag ntxhawv ntxhi

    Ntuj tsus hli----------------------suab raj seev yees
    Txoj kev plees---------------nyob nraim hauv siab
    Me paj iab----------------------nyob tawg nra paug
    Txog peb caug-------------------hnav zam liab vog

    Ntoj mus txog-------------hluas nkauj hluas nraug
    Tham nrov yaug----------------pov pob zom zaws
    Kev sib raws---------------------hais lus luag nyav
    Kuv muab xav----------------mas ntxim siab tshaj

    Yeej tsis daj-------------------tsuas hais qhov muaj
    Me paj tshuaj-------------------tawg dawb pes vog
    Tseem nco txog--------------------yav tas dhau los
    Peb lub zos-----------------------nyob pem toj siab

    Huab zig niab------------------lwg nrog zom zaws
    Sib xyaw daws---------------------tej cua txias zias
    Me txiv nplias---------------------thiab tej txiv pos
    Nyob ntug zos---------------------twb siav daj vog

    Tseem xav txog----------------------de txiv pos noj
    Kuv thiab koj-------------------------wb mus ua ke
    Sib yaum de--------------------------coj los sib faib
    Nram tshav qaib------------------tiag tus neeg zoo

    Me paj ntoo--------------------------tawg ntsa li iab
    Suab noog diab----------------yeej quaj zom zaws
    Peb sawv daws------------------sib yaum pauv zog
    Tseem xav txog---------------------ua ke cog nplej

    Tej ntug dej----------------------puag nram kwj ha
    Lub suab ncha-------------------nrov kho siab zim
    Sab puag tim---------------------hmoob tej kev tav
    Siab tseem xav---------------thaum nrog nej nyob

    Lub siab mob------------------npaum dej kub hlab
    Yuav rov qab---------------------los nrhiav nej dua
    Rau ntuj ncua------------------------tej me qub tsev
    Peb tej kev------------------------------ua liaj ua teb

    Thiaj muab ntxheb-------------xa suab nrov thoob
    Leej muam Hmoob-------------koj puas nco lawm
    Peb khiav tawm---------------rau txawv teb chaws
    Nej sawv daws-------------------poob rau tom qab

    Hmoob yaj sab-------------------tos kuv thiab mog
    Thaum los txog-------------------thiaj tsis lwj siab
    Lub xyoo tshiab--------------------thiaj li lom zem
    Nco puag pem------------------zos dawm cua hlob

    Wb mus nyob--------------------puag nram nej teb
    Lub suab ntxheb-----------------hais seev yuj yees
    Kwv txhiaj plees---------------nrog suab lus taum
    Thaum koj zaum-------------ntawm kuv xub ntiag

    Cua tuaj ntxiag---------------------ib cev txias zias
    Siab yuj lias----------------------tsis xav sib ncaim
    Xav nrog nraim------------------koj nyob xwb tiag
    Ib me pliag--------------------yuav ncaim mus deb

    Ib rooj teb-------------------------rau ib ntxeev ntuj
    Lub siab yuj--------------------xav quaj dhawv dhi
    Kua muag si------------------------ntws los suj sim
    Yeeb yog vim--------------------teb chaws tsis zoo

    Thiaj khiav loo-----------------ncaim koj tuaj mus
    Hmoob leej nus--------------tseem cim koj ntsoov
    Tsis tau hloov--------------------------lus me siab li
    Qi muag nti---------------------lam tuaj lawm xwb

    Kuv lub hlwb-----------------tseem nyob nrog koj
    Hos wb txoj-------------------------me kev sib hlub
    Nco li qub----------------------tsis muaj yam hloov
    Cia siab ntsoov--------------------rau koj xwb mog

    Tej lus cog----------------------nco txog hnub tuag
    Tau sib cuag------------------mam tham qhia paub
    Txoj kev haub----------------yeej muaj qhov tseeb
    Thiaj muab teeb-----------------hais ua kwv huam

    Lus cuam tshuam---------------kom koj nkag siab
    Txog xyoo tshiab--------------mam sau ntawv los
    Cov lus ntos----------------------------los xaus li no
    Thov koj nco-------------------tus neeg ncaim mus

    Hmoob leej nus----------------xav ntsoov koj xwb
    Koj kuv wb----------------txhob ntseeg luag tham
    Thiaj tsis plam---------------------mus rau lwm tus
    Koj cov lus-----------------------kuv tseem cim cia

    Tsis tau qhia----------------------rau leej twg paub
    Mam li saub----------------------rau koj xwb tiag./.
    ( Xaus li no )


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304



    Last edited by Hmong ntuj tshiab on 31st March 2013, 10:40 am; edited 10 times in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 26th May 2011, 7:27 pm

    ua tsaug rau kooj ziag kab zaug uas koj pab tso daim duab rau kuv cov paj huam thiab os nawb ua tsaug ntau ntau rau koj thiab ib tsoom phooj ywg txhua tus yog nej nyiam thiab no kuv mam sau ntau zaj rau hauv nov rau peb tau nyeem ua kev dai siab thiab os cov phooj ywg aw

    kuv lub npe hu ua Dee Xeem Vaj


    yog ib tsoom phooj ywg ho pab nyiam thiab no kuv mas xa ntau zaj paj huam tuaj rau hauv nov es peb ho tau nyeem ua kev daws peb tej kev kho siab thiab os nawb



    kooj ziag kab zaug kuv hais rau koj tias koj muaj duab zoo no thov koj muab tso daim puav duab nyob raws kuv li paj huam es thiaj ua kev zoo nkauj rau kuv li paj huam thiab os kooj ziag kab zaug





    Last edited by Hmong ntuj tshiab on 26th May 2011, 10:25 pm; edited 1 time in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    paj huam xa xyoo laus txais tos xyoo tshiab

    Post  Hmong ntuj tshiab on 26th May 2011, 8:05 pm

    Xa xyoo laus txais tos xyoo tshiab.



    Xyoo 201----------------------------ntawm lub xyoo laus
    Nws twb xaus--------------------------rau hmo peb caug
    Peb thov yaug-------------------------------vij sub vij sw
    Qauv lwj tsw------------------------tej nyuag suab nywj

    Me qauv lwj-------------------------------lav mob lav pw
    Nyuag suab xyw--------------------nrog kua muag daw
    Tej lav chaw--------------------------hleb rag hleb rawg
    Cwj txhib ntawg-------------------suab qeeg suab nruag

    Suab dab quag------------------------nrog suab dab nyia
    Tsuj npuag xia------------------nyuag ntaub npog ncauj
    Peb muab rauj----------------------nyuag ntawv npog lo
    Sau tas nrho---------------------------nrog lub xyoo laus

    Rau dej ntaus--------------------------mus lawm zaj qho
    Poob tag nrho-------------------------nrog lub xyoo laus
    Ntws mus xaus--------------------ntxeev ntuj nraum ub
    Suav txij hnub-------------------ntawm lub xyoo tshiab

    Tej dej ntshiab-------------------------kom peb tau haus
    Loj me laus-------------------------txais lub xyoo tshiab
    Pluas qav tshiab-------------------------kom peb tau noj
    Nrog luag ntoj-------------------------txoj kev vam meej

    Peb txhua leej-------------------------thiab peb txhua tus
    Sib coj pus---------------------------txoj kev haum xeeb
    Sib tw txeeb-----------------------------kev kawm txuj ci
    Peb thiaj li-------------------------nrog luag sawm txhiaj

    Kev khwv nyiaj------------------------kom los puv hnab
    Qoob puv txhab---------------------tsiaj hlob puv nkuaj
    Nrog luag muaj------------------nyuag nyiaj nyuag kub
    Thiab muaj tub--------------------muaj ntxhais puv tsev

    Nrhiav txoj kev-----------------------zoo nrog luag taug
    Tej tij laug------------------------------kom tau zoo nyab
    Los nrog pab------------------------pluas noj pluas haus
    Hlub tej laus---------------------------noj tsis txhob cais

    Qhia tej ntxhais------------------------kom tau zoo vauv
    Tej nyiaj xauv------------------------nrog luag muaj coj
    Pluas mov loj------------------------tau nrog luag koom
    Peb ib tsoom------------------------me haiv neeg hmoob

    Muaj lub koob-------------------------thiab nto lub moo
    Ua neej zoo----------------------------vam meej ncoo ko
    Sib puag npo------------------------nrog lub xyoo tshiab
    Nyob kaj siab----------------------------tshav ntuj li nrig

    Kom ntuj tig-----------------------------peb txoj hau kev
    Rov mus tsev--------------------------rau peb teb chaws
    Peb sawv daws---------------------------rov tau sib ntsib
    Xya caum tsib-----------------------nyob hauv looj ceeb

    Peb lub keeb-----------------------nyob nroog xas thoos
    Hmoob lub moos-----------------------nyob cig ntsa iab
    Tej me kiab-----------------------------thiab cov me khw
    Tsuas hnov tsw------------------------------pa qij pa dos

    Lawv tos tos-----------------------------seb peb puas rov
    Yog nej hnov-----------------------thov sawv daws npaj
    Tub txawg tshaj--------------------kom sawv daws nres
    Hmoob tuav tes--------------------------mus kho peb teb

    Thiaj muab ntxheb------------------hais nrov tawm tuaj
    Yog tias muaj-----------------------ho npaj thaum ntxov
    Thiaj tau rov----------------------------------mus ua ib ke
    Noj sib ce---------------------------------rov tau sib hlub

    Li thaum ub----------------------------lub teb chaws zoo
    Tuaj ntau xyoo------------------------ntshe nej hnov qab
    Lam mus npab----------------------------ua mab ua suav
    Yam noog puav-------------------------lam mus dai tsua

    Peb tseem tshua--------------------------qub laj qub kam
    Kev sib tham---------------------------thiab kev sib hlub
    Yav thaum ub---------------------kawg kiag cov npawg
    Nej cov yawg-----------------------pheej niaj hnub nroo

    Yog muaj hmoo-----------------------yeej yuav sib pom
    Hmoob tej nom--------------------thiab hmoob tej tswv
    Lawv yeej khwv------------------------coj peb kom dim
    Txoj kev chim----------------------------yav tas dhau los

    Thov txhob ntos-------------------------los koom ib pab
    Peb rov qab----------------------------thiaj yuav zoo dua
    Hmoob tawg ua----------------------ntau pawg ntau pab
    tsis rov qab-------------------------nrhiav peb keeb kwm

    neej tsis tshwm---------------------------li os cov npawg
    txog thaum kawg-----------------npe hmoob kawg ploj
    lam khaws soj----------------------saib puas muaj tseeb
    saub yeej teeb-------------------------tseg ua puav pheej

    hmoob lub neej------------------------yav puag tom ntej
    qhia rau nej-------------------------kom txhob sib ntxub
    los sib hlub---------------------------------koom ua ib tse
    nyob ua ke--------------------------------taug ib txoj kev

    rov mus tsev----------------------------thiaj yuav ciaj vaj
    yog tsis npaj---------------------------lub neej pem suab
    hmoob kuj cuab----------------------yeej tsis nrog muaj
    peb cov tuaj-----------------------------rau teb chaws no

    thov nej nco-------------------------thiab khaws coj mus
    saub tej lus----------------------ntuas me nyuam hmoob
    seb yuav poob---------------------------mus rau nqe twg
    cov phooj ywg----------------------nyob thoob ntiaj teb

    thiaj muab ntxheb----------------------hais ua paj huam
    yeej tsis thuam---------------------tsuas qhia qhov meej
    peb tus kheej-----------------------------kom ho xeev ras
    txhob fee das-------------------------------tig los sib hlub

    yam lub hnub---------------------------------ci ntsa li iab
    kev nyuaj siab-----------------------Thiaj yuav tsis ntsib
    thiaj paub pib----------------------------lub neej tom ntej
    qhia rau nej------------------------------li no xwb mog./.
    Xaus li no



    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304




    Last edited by Hmong ntuj tshiab on 22nd April 2013, 4:08 pm; edited 7 times in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Paj huam Tub tshwb xeeb

    Post  Hmong ntuj tshiab on 26th May 2011, 8:34 pm

    15- Tub tshwj xeeb


    Tus ntawm no..…………….yog tub tshwj xeeb
    Yuav los teeb….……..……kev nyob vam meej
    Peb txhua leej………………yuav tau koom tes
    Sawv los nres………………peb lub npe hmoob

    Txhawb lub koob……………….coj lub moo nto
    Txoj kev no………………..yuav tsum koom tes
    Sawv los nres…………………..txoj kev coj noj
    Koom los coj…………….peb haiv neeg hmoob

    Tuav lub koob………………kom nyob nto moo
    Ua qauv zoo……………….rau cov ruam kawm
    Sib pab cawm………………..lub neej poob qab
    Nyob yaj sab………………….tsis tau vam meej

    Peb txhua leej…………………..los sib pab qhia
    Tsis txhob cia……………..luag tsim peb hmoob
    Nyob toj roob………………txoj kev nrhiav noj
    Xaiv thawj coj………………….tus uas siab zoo

    Sawv los tsoo…………………..tho peb txoj kev
    Lub siab ntev…………………..los nrog tuav cai
    Kom txhob ntshai…………….txoj kev tsuj caij
    Luag txawm laij…………..peb nqis nyob nroog

    Peb sib poog…………………….koom ua ib siab
    Nrhiav kev tshiab…………los xyaum nrhiav noj
    Sib cog soj……………………..kev ua lag luam
    Qhia cov ruam………………..kom nrog to taub

    Es thiaj paub…………………..nrog luag sib tw
    Raws tus lw…………………txoj kev vam meej
    Peb thiaj yeej………………txoj kev quab yuam
    Luag tsis thuam……………….txog peb leej twg

    Nrhiav phooj ywg…………kom nrog muaj coob
    Txhawb peb hmoob………txoj kev kawm ntawv
    Xyaum nrog lawv…………nrhiav kev vam meej
    Coj hmoob neej…….………..nyob rau pem suab

    Sib cog qhuab………………peb cov tub ntxhais
    Kom tau txais………………..kev kawm qib siab
    Los nrog ntiab………………tej mob nkeeg tawm
    Thiaj yuav cawm……………...tau kev muaj mob

    Peb thiaj nyob……………………noj qab pw sov
    Hos peb cov……………………...ua niam ua txiv
    Tsis txhob chiv…………………kev ua plaub tug
    Yog luag tug…………………los tsis txhob txeeb

    Kev thaj yeeb………………..thiaj tshwm sim los
    Yuav thov ntos……………….txog cov thawj coj
    Txhob lam ntoj……………qhov uas txhaum cai
    Uas tsis ntshai………………pheej noj luag nyiaj

    Txeeb luag liaj………………..thiab nam luag av
    Nws pheej cav……………….tias nws tsis ntshai
    Lam yuam cai………………………ua ub ua no
    Yuav raug txo…………………nws lub fwj chim

    Kev tswm sim………………thiaj tsis muaj ntxiv
    Hos cov chiv…………………..ua luam yas mab
    Yuav raug cab……………….coj mus kaw nkuaj
    Txoj kev quaj………..……….raug mus pw txim

    Yuav tsis dim……………….mus txog hnub tuag
    Poj ua ntsuag……………...nyob mus lawm xwb
    Vim nws twb………………..ua txhaum txoj cai
    Yuav tsum ntshai………………..kev cai li choj

    Kev nyob noj………………..thiaj pw tsaug zog
    Yuav piav txog……………….cov deev luag poj
    Saub yuav coj………………..nws tus ntsuj plig
    Coj mus khi………………..rau ntuj ceeb tsheej

    Thiaj qhia meej…………..….rau nej paub tseeb
    Kom nej feeb………………los nrog soj ntsuam
    Yog cov ruam …………………thiaj lam ua xwb
    Saub yeej twb…………………piav los hais qhia

    Nws txoj sia…………………….tuag tsis tu siav
    Luag twb nyiav…………….nyob mus ncha tsev
    Txham dhuj dhev…….………..zoo li yuav sawv
    Yawm saub hlawv……....muab hloov dua tshiab

    Plig kub nyhiab……………tag lawm xwb nawb
    Yuav thov tshawb……………cov deev luag txiv
    Saub yeej chiv…………………mus zoo ib yam
    Yeej tsis plam………………..txoj kev raug txim

    Raug saub tsim…………..nyob ntuj ceeb tsheej
    Thiaj qhia meej……………..rau nej paub tseeb
    Kom nej feeb…………………los nrog ceev faj
    Tsis txhob daj……………..lawm nawb os mog

    Yuav hais txog…………….cov tub ntxhais laib
    Saub tsis saib……………..txog nws txoj hmoo
    Qhov ua zoo……………..nws pheej tsis nyiam
    Ua neeg liam………………nyob tsis muaj tsev

    Zoo li dev……………………lam noj pob txha
    Lub koob ncha…………..mus thoob teb chaws
    Hro pom raws…………………..tua li tej ntsiaj
    Tsis tsim txiaj……………………tuag li tej dev

    Nyob tom kev…………….mus lawm xwb tiag
    Tub sab nyiag……………………yeej zoo li no
    Thov nej nco………………..los nrog niam txiv
    Xyaum mus chiv………………ua tus qauv zoo

    Nyob nto moo……………..thiaj muaj vaj huam
    Luag tsis thuam………….txog peb haiv hmoob
    Peb lub koob………………..thiaj tsis poob npe
    Koom ua ke……………….nyob mus vam meej

    Peb thiaj tsheej………………..ib haiv neeg zoo
    Nto lub moo………………….rau neeg ntiaj teb
    Thiaj muab ntxheb……………kom ua qauv zoo
    Tuav lub moo……………….lawm yav tom ntej

    Khaw peb tej……………………me teej me tug
    Sib coj pug…………………..cia ua puav pheej
    Thiaj qhia meej……………..kom nrog koom tes
    Sawv los nres………………coj tsob me hmoob

    Kev ua tshoob……………….thiab nyob ua kos
    Peb yeej ntos………………cia yuav raws xeem
    Yuav tsum leem……………kom nyob raws phaj
    Thiaj muab tshaj……………kom ua raws txhooj

    Kev sib thooj……………………xws poj ua tseg
    Yuav tsum leg …….…………raws yawm ua cia
    Thiaj paub qhia …….……….lawm yav tom ntej
    Hos peb tej……………………kev dab kev qhua

    Yuav tsum ua………………kom raws keeb kwm
    Txoj kev tshwm…….……….thiaj tsis tshooj xab
    Txhob lam npab…….……….raws luag lwm pab
    Kev txhaum dab…………….thiaj yuav tsis muaj

    Txoj kev quaj……..………….thiaj yuav tsis ntsib
    Txhob lam pib ….…………txog qhov kiav xeem
    Tsis txhob yeem…….……..qhov pauv dab qhuas
    Thiaj muab ntuas….………….kom peb nrog paub

    Txoj kev haub…….………..xyaum mus twv txiaj
    Coj tej nyiaj……..…….……………mus pov ua si
    Zoo xws li…………....………tsis paub khuv xim
    Ib me chim……….….……….neej yuav poob qab

    Txhob lam npab……………..…ua raws siab nyiam
    Neej yuav liam…………………tsis muaj cuab yig
    Xav txog lig………………………ceeb laj rov kho
    Zoo li no…………………....thiaj muab tshaj tawm

    Tsoom tub kawm…………………yog nej dej num
    Tsis txhob tshum…………….Hmoob tej nom tswv
    Thov txhob twv….………….…….tej kev liam sim
    Thiaj tsis nkim…….………………txoj kev ua neej

    Thiaj li tsheej………………….…..ib pab neeg zoo
    Nyob nto moo………………lug tiag peb Hmoob./.
    Xaus li no



    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304



    Last edited by Hmong ntuj tshiab on 29th July 2013, 9:47 pm; edited 2 times in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Hmoob toj siab tsab ntawv hlub

    Post  Hmong ntuj tshiab on 26th May 2011, 9:00 pm

    18- Tsab ntawv hlub nrhiav koj



    Hmoob toj siab…..…….………….…tsab me ntawv hlub
    Nrhiav tus qub………..…………………yav ntuj thaum I
    Suav txij li……………………………koj ncaim kuv mus
    Koj lo lus………………………………kuv twb tsis hnov

    Ib tsab xov ……………………………..los yeej tsis pom
    Lub meej mom…………………..…….tus me zoo nraug
    Tej kev taug…………………………wb tham luag ntxhi
    Siab quaj dhi…………………………..xav nrog koj mus

    Koj mam pus………………………...kuv nrog koj khiav
    Npaj tsis tiav…………………………….coj kuv tsis tau
    Lub siab npau………………………npaum dej kub hlab
    Tsis rov qab …………………………los nrhiav kuv dua

    Rau ntuj ncua………………………….txoj me kev deb
    Ib rooj teb…………………………..yav puag tom tsev
    Tej qub kev………………….…………wb me chaw so
    Niaj hnub nco…………….….……….mov tsis xav noj

    Nco wb txoj………………………….kev nyob sib zov
    Sib xa xov…………………………txog txoj kev plees
    Hais seev yees………………………..tsis xav tso tseg
    Mob tej teg………………………..ua plawv yuav nres

    Yam tus ntses………………………twb tuag ntab ntab
    Tsis pom qab…………………………yuav hais lo twg
    Me phooj ywg……………………….tus kuv hlub es!!!
    Es koj ne……………………………siab puas fav xeeb

    Txog looj ceeb………………….…yav ntuj puag thaum
    Nej tuaj zaum…………………….nrog peb noj tshoob
    Tej nraug hmoob………………..tsuam pom qaim npab
    Zaum ib sab………………………nrog hais kwv txhiaj

    Nyob tsheej phiaj…………………..lom zem xauv npo
    Ntuj tag hmo…………………………yeej tsis nroo sab
    Me nkauj nyab…………………thiab niam txais ntsuab
    Tsuas pom muab…………………..cawv rau lawv haus

    Lawv tej laus………………………..sawv los saib coob
    Niam txais tshoob……………………tsis nco txaj muag
    Sawv daws luag……………………...suab nrov his huas
    Teb chaws puas……………………nrov ncha mus thoob

    Nej cov coob…………………………..sib tw khiav ntab
    Dhau thaib sab……………………….mus rau nom nrim
    Kuv siab chim…………………………xav tsa suab quaj
    Koj ncaim tuaj…………………………rau teb chaws no

    Cas yuav nco…………………………..leej nus koj tshaj
    Txoj kev npaj……………………………..ho tsis sib tau
    Los sib sau……………………………..koom ua ib cuab
    Me noog nquab…….………………...tus me ntxim tawb

    Plu mos dawb………………………..lub suab seev yees
    Ces ntxhee yees…………………….cuag me nraug nom
    Ncaim looj chom………………………tsis ntsib ib zaug
    Me hluas nraug…………………………..tus cev tsis loj

    Koj niam noj ……………………………dab tsi yug koj
    Zoo tam zoj…………………………...me txiv nraug hli
    Es yuav ci…………………………...mus thoob ntiaj teb
    Ua rau peb……………………………….nco nej ua luaj

    Puas yuav muaj………………………hnub rov sib ntsib
    Ntshe yuav pib………………………..tham kev sib nco
    Tsheej tag hmo……………………...los tham tsis dhuav
    Kev npau suav…………………………los tham tsis tag

    Lus  tso dag……………………………..los yeej ib yam
    Txoj kev tham…………………….ntshe tsis pov khawv
    Ntuj yuas lawv………………………tus me nraug xwb
    Kuv mas twb………………………..niaj hnub seev koj

    Siab xav zoj……………………….puas rov ntsib thiab
    Ua nplooj siab……………………….rov fab lwm tiam
    Yog koj niam……………………….koj txiv lawv kam
    Rov tuaj tham………………………thiab coj kuv mus

    Ua koj tus………………………….mus nrog koj nyob
    Koj muaj mob……………………..thiaj muaj kuv saib
    Yog koj tshaib………..……………kuv nrhiav koj noj
    Kuv mob loj………………………….ces koj nrog kho

    Sim neej no…………………………….nco koj ua luaj
    Kuv xav quaj………………………..vim tsis ntsib koj
    Lub plawv ntoj………………..……..ces siav yuav yaj
    Nco koj tshaj………………………...nyob rau tiam no

    Puas tseem nco…………………………..tus zoo li kuv
    Wb chaw thuv………………………twb nyob tuaj nroj
    Hais txog koj………….……………puas nco kuv thiab
    Me nplooj siab………………………..tus kuv nco tshaj

    Yeej tsis daj………………………………os me leej nus
    Nej ncaim mus………….………..lawm ploj ntsiag niab
    Mob kuv siab……………………..ib nthwv yuav poob
    Leej nus hmoob…………………..puas tseem pab hlub

    Li thaum ub……………………...nyob ntawm peb tsev
    Koj dua kev…………………………lub suab luag ntxhi
    Ntuj tsaus hli……………………….sawv ntawm ib sab
    Tuav kuv npab……………………...thiab hnia kuv plhu

    Kuv mam hu…………………………….tias koj tuaj los
    Cov lus ntos………………………..puas nco ntsoov cia
    Zais tsis qhia…………………………rau leej twg paub
    Niaj hnub saub………………………txog koj xwb tiag

    Tib me pliag…………………  ……koj ncaim mus deb
    Ib rooj teb…………..……………….sab ntuj nraum ub
    Tus kuv hlub………..………………nco tshav ntuj nrig
    Ntuj puas tig………..…………………….wb los ua ke

    Noj sib ce…………..…………………rov tau sib hlub
    Li thaum ub…………………………lub teb chaws zoo
    Ncaim ntau xyoo…………………….koj twb hnov qab
    Yuav tau nyab………………………..muaj tub muaj ki

    Luag ntxhawv ntxhi…….……………koj tej qaws tsho
    Thiaj tsis nco…………..……..……..li kuv lawm paub
    Xya caum plaub………..…………….los txog hnub no
    Yeej tseem nco…………………….tsis paub yuav ploj

    Tsis los ntoj……………………..nrhiav kuv hauv nplog
    Yog los txog…………………………….tsis zoo li qub
    Yav thaum ub………..……………..looj ceeb xas thoos
    Hmoob lub moos……………………nyob cig ntsa iab

    Huab pos niab………………………saum tej hauv tsua
    Tej me cua…………………………nyob tuaj txias zias
    Xav hais tias……………………….yuav tsis sib ncaim
    Tseem xav nraim…….……………...txog peb txiav taws

    Lub teb chaws……….…………….yeej nyob txawv tag
    Cuag hais dag………..……………nplooj tsis paub hlav
    Pom pa av…………..………………….ncho oov li niab
    Tej me kiab…………………………thiab cov me khw

    Tsis hnov tsw………………………………pa qij pa dos
    Qub zej zos…………..…………….twb ciaj hav ntxhov
    Koj tsis rov…………..………………...los teb chaws no
    Txawm yuav nco……..……………koj tshaj txhua yam

    Ntshe tsis tham ………..…………..tos ntxiv lawm os./.

    Xaus li no



    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304






    Last edited by Hmong ntuj tshiab on 29th July 2013, 9:49 pm; edited 2 times in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Phaj huam valentine day

    Post  Hmong ntuj tshiab on 26th May 2011, 9:16 pm

    ~~~~VALENTINE NCO TXOG KOJ~~~~




    Hnub ntawm no…….………..yog valentine
    Kuv yuas hais…….………txog kev nco koj
    Mov tsis noj……….…….los tsis nco tshaib
    Nco me naib……….………zoo nkauj li koj

    Thaum tuaj ntoj………...nrog tham tag hmo
    Kuv tseem nco…….……….tus me hav nim
    Muaj qee chim…….……pom koj zem zuag
    Rub los puag…….……..nws yog npau suav

    Kuv thiaj yuav……….……….paj valentine
    Thov koj txais…………….tias kuv hlub koj
    nyob tsis ploj ….……….hauv kuv lub siab
    yam mos liab….………...nco me leej niam

    fab lwm tiam….………..tseem yog koj tus
    yuav tsis mus…..……nrhiav dua tus tshiab
    muab nplooj siab….….…npuab koj ib leeg
    yuav tsis tseeg…….………leej twg li nawb

    me ntxim tawb…………hais lus luag ntxhi
    siab quaj dhi……………xav nrog koj nyob
    siab tsis txob……………yuav nco leej twg
    tej phooj ywg…………..tsis xav nrog tham

    muaj qee tsam………..saib duab luag ntxhi
    zoo xws li………………twb nyob nrog koj
    siab xav zoj……………...xyov yuav ua cas
    thiaj tau tas…………….koj me nplooj siab

    Coj los xiab………………kuv txoj kev nco
    Kom dhau hmo…………….li pw tsaug zog
    thiaj tsim nyog……………tshua koj luaj no
    tus kuv nco……………...nyob ncua kev deb

    li muab ntxheb…………hais qhia qhov tseeb
    puas fav feeb……….……thiab nco txog kuv
    tej chaw thuv………….…tuaj nrog koj nyob
    ntshe twb nphob…...…..…...ciaj hav nroj tag

    yam kob nag……….……….los ib vuag txog
    tej lus cog…………..…puas yuav muaj tseeb
    lus meej xeeb…….……………tsis taus dag li
    thiaj muab ntxhi….………..hais rau koj hnov

    li xa xov……………..………..nrog valentine
    thiaj muab hais……..……..txog wb kev hlub
    txiv leej tub…………...tseem niaj hnub tshua
    yuav tsis ncua………..……lub sij hawm ntev

    yuav nrhiav kev………….….rov los ntsib koj
    tsis los nkoj……..………….kuv qhia koj ncaj
    kuv mam npaj……….……daim pib dav hlau
    los kom tau……………….…saib koj ib zaug

    kev nkauj nraug…….……nyob ncua kev dav
    kuv muab xav………..…mas nyuaj siab tshaj
    thiaj qhia ncaj ….….………..kom koj to taub
    txoj kev haub………………yeej tsis yooj yim

    muaj qee chim……...………..xav ua fem feeb
    siab fav xeeb………….…cuag neeg vwm tiag
    qhov tseeb tiag….………….vim yog mob siab
    qhov tseem ntsiab…..……..nyob deb koj heev

    lub ncauj seev…….………ua kua muag poob
    me nkauj hmoob…….……koj puas nrog paub
    kev sib haub……….…….mas nco dhuj dheev
    thiaj muab seev…….……..nrog huab cua tuaj

    lub suab quaj………………mas seev yuj yees
    txoj kev plees………………..yav tas dhau los
    thiaj muab ntos……………hais qhia koj hnov
    lus xa xov…………….……..yeej nco koj tiag

    los ib pliag………...…..…twb yuav rov ncaim
    siab xav nraim…………..…nco txog koj xwb
    hmoob nkauj xwb……..……..tus me zoo neeg
    thov ho ntseeg……..…..……kuv thiab os mog

    ho xav txog…………………...tus uas koj hlub
    nws niaj hnub…………………nco koj cov lus
    thaum uas mus…………………ua si taug kev
    ncaim los ntev………….tseem nco ntsoov cia

    zais tsis qhia…….…...……..rau leej twg paub
    niaj hnub saub……...….…txog me nkauj xwb
    koj lub hlwb……….....……..yog  nco ib yam
    thov txhob tham…..……….mus qhia leej twg

    me phooj ywg ……..….....yog koj xwb tiag ./.
    ( xaus li no )


    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304




    Last edited by Hmong ntuj tshiab on 29th July 2013, 9:51 pm; edited 2 times in total

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 27th May 2011, 12:58 am

    Hmong ntuj tshiab wrote:ua tsaug rau kooj ziag kab zaug uas koj pab tso daim duab rau kuv cov paj huam thiab os nawb ua tsaug ntau ntau rau koj thiab ib tsoom phooj ywg txhua tus yog nej nyiam thiab no kuv mam sau ntau zaj rau hauv nov rau peb tau nyeem ua kev dai siab thiab os cov phooj ywg aw

    kuv lub npe hu ua Dee Xeem Vaj


    yog ib tsoom phooj ywg ho pab nyiam thiab no kuv mas xa ntau zaj paj huam tuaj rau hauv nov es peb ho tau nyeem ua kev daws peb tej kev kho siab thiab os nawb



    kooj ziag kab zaug kuv hais rau koj tias koj muaj duab zoo no thov koj muab tso daim puav duab nyob raws kuv li paj huam es thiaj ua kev zoo nkauj rau kuv li paj huam thiab os kooj ziag kab zaug




    Nyob zoo Hmoob Ntuj Tshiab,

    Ua li, koj muaj paj huam hais txog txhua yam ntawm Hmoob lub neej, zoo siab tais tag nrho nawb mog. Koj coj tuaj ais kuv mam li nrhiav duab los dhos thiab kho rau, kuv tseem tssi tau tso cov table HTLM rau, tab sis koj tso paj huam ua ntej, kuv mam li muab lub caij tuaj kho rau. Qhov nyuaj ces yog qhov sau xwb, qhov dhos duab thiab ua kom zoo nkauj tssi nyuaj.

    Ua tsaug nawb Khoune Dee.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    MayPaj
    Spammer
    Spammer

    Messages : 490
    Date d'inscription : 2010-02-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  MayPaj on 27th May 2011, 1:14 pm

    Vuag!!!.......Oyoooo.....puas yog kuv npau suav lawm los yog tiag tiag os yuam lawv aw!!!!!!......Cas lub me tsev nod es yuav mus zoo nkauj thiab tshiab tag npaum li, tuaj txog mas me paj huam nrov nroo ntws, hnov me suab liab suab cuam kau nroo ntws puag tim tej ntav toj, hnov kho siab zim, hnov txoj pa yaj ntshis cuag li nyob ntuj ceeb tsheej li lawm naj!....Leej tij Hmoob ntuj tshiab, cas nws cov paj huam yuav mus zoo tag npaum no li os yuad, nws mas tshaj lij tshaj plaws li lawm lauuuuuu!!!!!A:

    Thov qhuas nws tag los qhuas ntxiv nawd, thawj zaug nyob cab sab uas kuv nyeem tau paj huam kho siab zim thiab zoo ntxhee yees nyeem tsis daig li os yuad, ua nws tsaug ntau tshaj plaws li nawd, koj txhob ncaim peb mus li lawm nawd, ntshe yuav tau muab koj tuav cia kom txhob plam mus li lauj, vim tseem xav nyeem koj cov paj huam dhauuuu li lawm nawd, thov qhuas thov qhuas thov qhuas lauj...hahahah zoo siab dhau lawm tiag li :D59 :D59 :D59 :A C: :M


    Last edited by MayPaj on 27th May 2011, 2:09 pm; edited 1 time in total


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    MayPaj
    Spammer
    Spammer

    Messages : 490
    Date d'inscription : 2010-02-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  MayPaj on 27th May 2011, 1:20 pm

    Hmong ntuj tshiab wrote:ua tsaug rau kooj ziag kab zaug uas koj pab tso daim duab rau kuv cov paj huam thiab os nawb ua tsaug ntau ntau rau koj thiab ib tsoom phooj ywg txhua tus yog nej nyiam thiab no kuv mam sau ntau zaj rau hauv nov rau peb tau nyeem ua kev dai siab thiab os cov phooj ywg aw

    kuv lub npe hu ua Dee Xeem Vaj


    yog ib tsoom phooj ywg ho pab nyiam thiab no kuv mas xa ntau zaj paj huam tuaj rau hauv nov es peb ho tau nyeem ua kev daws peb tej kev kho siab thiab os nawb



    kooj ziag kab zaug kuv hais rau koj tias koj muaj duab zoo no thov koj muab tso daim puav duab nyob raws kuv li paj huam es thiaj ua kev zoo nkauj rau kuv li paj huam thiab os kooj ziag kab zaug




    Leej tij laug Hmoob tshaj lij, kuv kuj yog nws xeem Vaj tib yam os nawd, kuv lub npe hu li Maiv Paj Lug , kuv zoo siab paub nws hnub no heev li nawd, nws yog kuv ib tug nus lawm, zaum no nws tuaj nrhiav tau peb lub vas sab nod lawm es thov nws tuaj txhawb nqa nws me muam ib yam li yog nws lub vaj lub tsev cab sab thiab es thov nws txhob ncaim mus qhov twg, nws cia li muab nws tej txuj ntaj ntim cia hauv nws muam lub vaj lub tsev kom dav li dav tau, thov nws rov tuaj sau qoob loo cia kom puv txhab nawd mog.

    Kuv pom nws cov paj huam tas mas ua rau kuv lub siab ntas yees, xav tias yog ntuj tso nws tuaj txhawb nws me muam lub vaj lub tsev lamw no tiag, ua li es nws puas kam sau nws tej paj huam thiab tej txuj kom ntau li ntau cia hauv nws me muam lub tsev ntuj tshiab Hmoob tshav ntuj zej zos nod ma los?

    Zoo siab heev tau ntsib ib leej me nus tshaj lij lawm tiag li lauj cheers cheers cheers cheers


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    Admin
    Admin
    Admin

    Messages : 68
    Date d'inscription : 2010-02-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Admin on 27th May 2011, 3:00 pm

    Phoojywg Hmoob ntuj tshiab, peb txhua tus muaj lus zoo siab ua koj tsaug ntau uas koj tseem muaj lub siab dav siab dawb tuaj sau tej zaj paj huam zoo zoo rau txhua tus nyeem thiab kawm, peb thov kom koj tsuas muaj txoj kev koom tes nrog peb tuav lub vas sab Hmoob tshav ntuj no mus lawm yav tom ntej. Lub tsev nod yuav yog koj qhov chaw ntim txuj ntim ci cia rau txheej dhau txheej.

    Ua tsaug ntau mog.

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 27th May 2011, 7:54 pm

    zoo siab ntau rau ib nkauj muam uas nej tseem qhuas txog kuv li paj huam thiab ua tsaug rau nej txhua tus nawb mog

    yog li no nej nyiam thiab no ces kuv mam muab tag nrho kuv li txuj ci tuaj tso rau hauv vas sab no rau peb sawv daws nyeem os nawb mog

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    paj huam sib ntsib thawj zaug

    Post  Hmong ntuj tshiab on 27th May 2011, 8:17 pm






    1- Tham tau kawg.

    tham ua si…..……..…… los yeej tau kawg
    leej nus npawg………….. tsam koj muaj poj
    tshuaj yuav noj ….…….los ntshe tsam tuag
    yuav mus cuag ………..…..leej twg pab tau

    dhia tsis dhau………..…….tiag leej me nus
    siab puas tsus……….....nco ntsoov koj xwb
    vim lub hlwb….…….……..yeej tso tsis tau
    lub siab npau…………..npaum dej kub hlab

    koj muaj nyab……....…….puag sov swb so
    muab koj nco………...…..tsis tuaj dab ntub
    seev tag hnub….…….….thiab quaj tag hmo
    tsis xav tso……..…..…yuav ncaim koj mus

    me leej nus………..…thov txhob tuaj haub
    tsam muaj plaub…….……...koj ho tsis lees
    txoj kev plees…………….tsis zoo lam sim
    khiav tsis dim……………ces ho yuav tuag

    lub kua muag……..……....los tsis paub tag
    tsis yog dag….……....tsuas hais qhov meej
    kuv tus kheej.…………...twb pom lwm tus
    raug coj mus..………hais ntxhob quav niab

    nyiaj puas txhiab……...…..los yuav tau rho
    vim li no……….………....thiaj qhia ua ntej
    hais rau nej……….…….txhob kav yooj yim
    kev tswm sim…………….thiaj zam tau dhau

    tsis muaj ntau……….……..los yeej muaj me
    hos koj ne…..……………….puas xav li kuv
    txhob siab luv.……...………...ua lub siab loj
    kev xaiv poj……….......…….yuav ua zoo pib

    thiaj yuav ntsib…. .me ntxhais nkauj ntxawm
    nws yeej tawm……….….…… tuaj ncig ua si
    suab luag ntxhi………… thiab hais seev yees
    tej kev plees…..………….nws yeej tsis thuam

    txawm neeg ruam…...….… nws kuj nrog hais
    yog yuav txais…………....yuav tsum sib paub
    kev sib haub ………...….……yog kev sib nco
    thaum yuav tso ….…....…..……ces tso tsis tau

    mob taub hau…………..... npaum li yuav tawg
    leej nus npawg…………...…tus muaj lub koob
    leej nus hmoob.…..……..……tus me neeg zoo
    cia lwm xyoo……..……...….. wb mam li nroo

    yog paub zoo.………..…..mam li nthuav tawm
    kev txij nkawm……….…..…… yog ib yam loj
    thaum ntsib koj……………..mam nrog hais lus
    coj koj mus………….………nyob ntuj tag hnub

    kev sib hlub…………………..thiab kev sib nco
    ntuj tag hmo…………..….…..tsis tuaj dab ntub
    tsis sib ntxub…………..……...rau yam tom ntej
    peb thiab nej….………..…...thiaj tsis sib dhuav

    kev sib yuav……………..…tsam koj poj ntxub
    nej cov tub……………..……tsis tau chaw nyob
    siab yuav mob……..………mus txog hnub tuag
    lub kua muag…………..……… ho yuav tau los

    kuv lus ntos…..…………….…… los xaus li no
    thov koj nco…..………….…..…kuv tej lus zoo
    muaj txoj hmoo..……………..wb mam sib hlub
    rau ib hnub……..…………...lub neej pem suab

    ho yuav muab……………….coj los nrog qhub
    txoj kev hlub………….…….. yog kev sib khib
    vim kuv ntsib..…………….....dua ib zaug lawm
    thiaj piav tawm...…..…...…......tiag leej nus e!!!

    txhob siab me........….…..….yog yuav hlub tiag
    mam cog kiag.......……......…..txoj me kev hlub
    rau lwm hnub.......……….......los yog lwm xyoo
    thiaj yuav zoo.........………......raws lub siab xav

    kom nws kav....……......…..tsis paub yuav xaus
    ua neej laus.….......……......nrig pas khuj khuav
    tsis paub dhuav.....……...……..ua neej sib ncoo
    txhiab dhau xyoo….....……....los tseem sib hlub

    tsis sib ntxub…………………...thiab tsis sib tso
    nyiam li no.........……………....tiag leej me nus
    kuv tej lus……………….…...yeej hais tiag tiag
    zoo nraug ntxiag….………puas yog nraug xwb

    koj kuv wb………….……..yuav tsum tab seeb
    tsis xav txeeb…………………lwm tus lub neej
    thiaj qhia meej……………….rau koj xwb mog
    hais tsis yog………….……..los thov zam txim

    yog luag chim………..…..thiab luag ntxub kuv
    wb chaw thuv……………..ces kawg phob xuav
    koj tsis yuav………………..kuv ces kawg tuag
    kom koj pluag…………….thiab mus raug txim

    yuav tsis dim…………..….nyob nkuaj tag tiam
    koj poj niam………….…….rov ua hluas nkauj
    cia neeg xauj………………thiab luag tuaj tham
    xws li yam…………….….nyob tsis muaj tswv

    tej tij kwv………………….yeej tsis quav ntsej
    hos koj tej……………..…..me nyuam me naib
    mus ua laib………………..tag lawm xwb tiag./.
    Xaus li no




    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304



    Last edited by Hmong ntuj tshiab on 29th July 2013, 9:52 pm; edited 2 times in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    paj huam poj niam ncaim ntau xyoo lawm

    Post  Hmong ntuj tshiab on 27th May 2011, 8:25 pm




    4. Ncaim ntau xyoo lawm.    
         
    ab ntuj yuas……….…..….....hmootej me tub
    suav txij hnub…….…..….kuv ncaim koj mus
    ntev zuj zus………….…..…ntshe koj hnov qab
    twb yuav nyab…….……...….muaj tub muaj ki

    luag ntxhawv ntxhi………koj tej nqaws tsho
    thiaj tsis nco………………...li kuv lawm paub
    ob phav plaub……………...….los txog tav nov
    yeej tsis hnov……………..…..koj ib tsab moo

    puas nyob zoo.……………....lawm os tus hlub
    tej lus qhub……………....……yav tas dhau los
    niaj hnub tos……….……..seb puas rov ntsib
    ho tau pib…………………......tham kev sib nco

    tsheej tag hmo…………ntshe tham tsis dhuav
    kev npau suav…………..…..los tham tsis tag
    lus tso dag…………………….....los yeej ib yam
    txoj kev tham…..……….yeej tsis pov khawv

    ntuj yuas lawv…………...…..tus me kuv hlub
    hmoob tej tub……………...tus kuv nco ntsoov
    tsis tau hloov……………..……..lub me siab li
    tseem quaj dhi…….…….….txog koj xwb tiag

    ib me pliag………….…....yuav ncaim mus deb
    ib rooj teb…………………...rau ib ntxeev ntuj
    lub siab yuj…………….....……vim yog nco koj
    mov tsis noj………………..los tsis nco tshaib

    seev me naib……..……...neeg zoo nraug xwb
    koj kuv wb……………….…......puas xav ib yam
    ho tsis tham………………....…..xa xov nug moo
    kev nyob zoo……………….....……li yav tas los

    qub zej zos………………..…nyob tiaj rhawv zeb
    nej thiab peb………………...sib yaum pauv zog
    tseem xav txog………………....ua ke cog nplej
    peb thiab nej………………..……....mus ua ib ke

    wb mus de………………..…..txiv pos tshauv noj
    paj ncaim toj………..…..nyob tawg ntsa iab
    kab noog diab…………………..sib tw ntxais paj
    rooj xyuam yaj……………...….wb chaw sib tos

    qub zej zos……………..ntshe ciaj hav ntxhov
    yog kuv rov……..……...puas yuav ntsib koj
    hos wb txoj……..………….…...me kev sib hlub
    tham tag hnub……………...thiab nyob tag hmo

    yeej tseem nco………….....tej kev sib hlub
    yav thaum ub…...……….nyob ntawm peb tsev
    nej dua kev……..………….koj suab luag ntxhi
    ntuj tsau hli……………....sawv ntawm ib sab

    tuav kuv npab……………..thiab hnia kuv plhu
    kuv mam hu………………….....tias koj tuaj los
    cov lus ntos……………..tseem nco ntsoov cia
    zais tsis qhia…………….….rau leej twg paub

    niaj hnub saub………………..txog koj xwb tiag
    koj xub ntiag…………….…..seem dai kuv siab
    mus ib txhiab….………….tsis muaj hnub ploj
    kev nco koj………………....mas see txhua hnub

    li nkauj hnub……...………nco txiv nraug hli
    kua muag si……….....…….…rau koj tag hnub
    hmoob tej tub…….……………..tus me nraug xwb
    koj lub hlwb……….…..…puas tseem muaj kuv

    wb chaw thuj………..…………ntshe ciaj hav roj
    hais txog koj………………….puas nco kuv thiab
    me nplooj siab………….….…nyob puag tom qab
    rau ib sab………………………..los ib ntxeev ntuj

    lub siab yuj……………..….…nrog huab nrog cua
    txoj kev tshua………………..mus txog hnub tuag
    lub kua muag……………..…..ntws cuag nag poob
    leej nus hmoob……...…………..tus me neeg zoo

    yog tuag loo….….…….……….mus yeeb yaj kiab
    thiaj zoo siab…………….……..……os me leej nus
    kuv tej lus……..…………….tsis txhob chim mog
    hmoov tsis txog…..………kuv thiaj ncaim mus

    ua luag tus………….…………...mus ciaj luag poj
    hais txog koj…………….…thiaj ciaj luag txiv
    lam mus tiv…………………..nyob lwj siab ntsuav
    li noog puav…….……………..…….ua neej dai taw

    tsis muaj chaw……………….…..…li no lawm tiag
    lub xub ntiag……………..…….thiaj pw txias to
    seev tag hmo………………...……rau tej npoo txaj
    lub ntuj kaj…………………..……los tsis xav sawv

    ntuj yuas lawv…………………..tus me ntxim hlub
    kua muag ntub…….…………..….tej me hauv ncoo
    tsis muaj hmoo………………….thiaj tsis tau koj
    yog tuag ploj………….…….puas yuav sib ntsib

    nywj vag ib……………………...nyob rau nruab dab
    tuav koj npab…………….…..haus paj zaub quag
    rov tau puag…………………..…nyob kuv xub ntiag
    paj zaub qiag……………….……li kab npauj npaim

    ya nrog nraim…………………...nyob mus ywj siab
    mus thawj thiab………………….…xeeb rov los dua
    tsis txhob tshua………………….lawm os tus hlub./.

    xaus li no




    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304




    Last edited by Hmong ntuj tshiab on 29th July 2013, 9:54 pm; edited 1 time in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    zos dej liag zaj paj huam hluas nraug ncaim hluas nkauj mus lawm

    Post  Hmong ntuj tshiab on 27th May 2011, 9:32 pm



    zos dej liab

    Tseem nco txog………………………lus zos dej liab
    Me nplooj siab……………………puas nco txog peb
    Kev ua teb………………………yeej pauv zog ntws
    Teb pob kws……………………….nyob teb hav liab

    Ntuj qhib tshiab………………….kab quaj zom zaws
    Peb teb chaws……………………nyob dej ntses qav
    Kuv muab xav…………………...nco tshaj ntuj nrig
    Ntuj puas tig……….………………….peb rov ua ke

    Noj sib ce………….………………..rov tau sib hlub
    Li thaum ub……….……………..nyob koom zej zos
    Niaj hmo yos……………….……..tuaj nrog koj tham
    Muaj qee tsam…………………….…..sib thab sib de

    Tej kwj tse…………………………ua chaw sib cuag
    Tsaus ntuj zuag…………………….suab raj xiv nqiab
    Tsis kho siab ………………………los twb muaj koj
    Mov tsis noj…………………………los tsis nco tshaib

    Muaj me naib…………………….zoo nkauj los puag
    Tej xub tsuag…………………….yog chaw teem caij
    Niaj hmo laij……………………..nrog tej phooj ywg
    Txawm leej twg……..……………..kuj tau nrog tham

    Muaj qee tsam…………...…………kuj qhia qhov tseeb
    Tseem fav xeeb…………….…..txog kev nkauj nraug
    Tej kev taug…………………….kuv tseem nco ntsoov
    Tej ntug zoov……………………..cua tuaj ntxuj ntxiag

    Koj xub ntiag………………………chaw dai kuv siab
    Teb hav liab…………………………nrog koj de zaub
    Lub suab saub………………..ntawm kev nkauj nraug
    Tej kev taug……………………suab nplooj seev yees

    Txoj kev plees………………….seev nraim hauv siab
    Hmoob dej liab……………………..tus kuv nco tshaj
    Yeej tsis daj…………………….tsuas hais qhov tseeb
    Puas fav xeeb ……………………tseem nco txog peb

    Kev ua teb…………………………….nrog koj ua ke
    Wb mus de……………………....zaub noj zaub npuas
    Noog taus txuas…………………..quaj zom pes zaws
    Kev txiav taws…………………….ntuj puag thaum I

    Nco tag li………………………………tej lus qab zib
    Teb kab tsib………………………..nrog koj mus lov
    Caij sawv ntxov…………………….wb kuj sib cuag
    Ntuj kaj zuag……………………..tuaj tim npoo ntuj

    Kuv siab yuj……………………tsis xav ncaim deb
    Kev ua teb…………………….……tuav tes yuj yeev
    Lub suab seev………………………hais xiv li nqiab
    Caij xyoo tshiab…………………….nrog koj pov pob

    Teb chaws nyob……………………….me zos paj cab
    Ntuj qub qab………………..………mas nco koj heev
    Siab tsis tseev……………………yuav hais paj huam
    Hais cuam tshuam………………….tuaj rau koj hnov

    Thov xa xov………………………..nug koj lub moo
    Puas nyob zoo………………………….li yav tas los
    Qub zej zos………………………teb chaws loob xas
    Siab puas ras……………………..nco txog peb lawm

    Hmoob nkauj ntxawm………………..tus cev tsis loj
    Koj niam noj………………………..dab tsi yug koj
    Zoo tam zoj……………………me ntxhais nkauj hli
    Es yuav ci………………………mus thoob ntiaj teb

    Ua rau peb……………………..seev nraim tag hnub
    Txog thaum ub……………………me qub teb chaws
    Kev sib raws……………………..hais lus luag ntxhi
    Yav tham I………………………wb tham luag nyav

    Txoj kev xav……………………..yeej tsis paub tag
    Tsis tau dag………………………yeej nco koj heev
    Lub suab seev…………………hais quaj dhawv dhi
    Txog thaum I………………………wb nyob sib zov

    Sib xa xov………………………txog txoj kev plees
    Hais seev yees……………………..tsis xav tso tseg
    Mob tej teg……………………..ua plawv yuav nres
    Yam tus ntses……………………twb tuag ntab ntab

    Tsis pom qab ……………………..yuav hais lo twg
    Me phooj ywg……………………..tus kuv hlub es!!
    Es koj ne!!..........puas tseem dai siab
    Kua muag iab……………….………….si laim tag li

    Suab quaj ntxhi…………………..tsis pub neeg hnov
    Caij sawv ntxov…………………nrog kab noog quaj
    Nco ua luaj....…………………….ua kua muag poob
    Leej muam hmoob    ……………….tus uas kuv hlub

    Ntuj thaum ub…………………..nyob ntawm nej tsev
    Kuv dua kev……………………..lub suab luag ntxhi
    Ntuj tsaus hli…………………….sawv ntawm ib sab
    Tua koj npab…………………….thiab hnia koj plhu

    Koj mam hu………………………….tias koj tuaj los
    Cov lus ntos…………………….tseem nco ntsoov cia
    Zais tsis qhia………………………rau leej twg paub
    Niaj hnub saub…………………….saib ntuj puas tig

    Yuav los ncig…………………….saib puas rov ntsib
    Ho tau pib………………………….tham kev sib nco
    Tsheej tag hmo…………………..los tham tsis dhuav
    Kev npau suav ………………………los tham tsis tag

    Lus tso dag ……………………………los kuj ib yam
    Txoj kev tham………………….ntshe tsis pov khawv
    Ntuj yuas lawv…………………….tus me nkauj xwb
    Kuv mas twb ………………………xav rov ntsib koj

    Nyob tsis ploj ……………………hauv kuv lub plawv
    Koj tseem sawv………………..nraim hauv kuv siab
    Yam mos liab………………………nco me leej niam
    Fab lwm tiam…………………...…..tseem ua koj tus

    Hmoob leej nus……………….tseem nco koj ntsoov
    Tsis tau hloov…………………………..lub me siab li
    Quaj dhawv dhi………………….nyob tuaj nruab siab
    Koj tus ntxhiab……………………..kuv tseem cim cia

    Tsis tau qhia……………………………rau leej twg li
    Cia mam ntxhi……………………..rau koj xwb tiag./.
    Xaus li no



    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304





    Last edited by Hmong ntuj tshiab on 29th July 2013, 9:56 pm; edited 1 time in total

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 28th May 2011, 4:35 pm



    Ua tsaug rau Hmoob Ntuj tshiab thiab Maypaj,

    Neb ob leeg tshaj lij muaj txuj ci, ua rau peb hmoob nyob muaj koob nto npe mus ib txhiab ib txhid.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob nt
    Guest

    Paj huam hais txog Hmoob lub kua muag ntshav ntws cuag dej nag los

    Post  Hmoob nt on 30th May 2011, 8:26 am






    Hmoob lub kua muag ntshav


    Ntawm no mus……………………yog lus paj huam
    Yuav hais tshuam…………..Hmoob poj txwv yawm
    Nws xeeb txawm……………..nyob moos nkaus lias
    Muam nkauj nplias……………….thiab tsab yim huj
    Teev tswv ntuj………………………los ua thawj coj
    Haiv Hmoob loj…………………muaj koob nto npe
    Nyob ua kev………………………...ib haiv sib hlub
    Tsis sib ntxub………………...koom nyob ywj pheej
    Kev ua neej …………………….tsis nco qab txhawj
    Hmoob tsis thawj………………….….leej twg hlo li
    Muaj txuj ci……………………….ua neej huaj vam
    Suav kooj sam……………….dag Hmoob cais xeem
    Hmoob txawm yeem……………...…li suav tau hais
    Ntes Hmoob hlais…………..…….thiab ua rog raws
    Hmoob teb chaws………….……thiaj nrog poob tag
    Raug suab dag………………..cov ruam ntxeev siab
    Coj ntau txhiab…………………...rov taw tuam ntuj
    Qhia Hmoob txuj………………… rau suav lwj lam
    Suav liab mam………..……..txo Hmoob txiv yawg
    Hmoob thiaj tawg…………….……mus ua ntau pab
    Khiav ua sab……………….….…thiab nyob ua sua
    Ntau pab lua…………………….rau suav kooj sam
    Hmoob thiaj plam……………teb chaws tuam tshoj
    Ho khiav zoj……………………..los dhau ciam teb
    Thiaj muab ntxheb……..……ntos Hmoob lub keeb
    Nyob moos theeb……………….teb chaws cob tsib
    Hmoob rov pib…………….…….sawv ua rog vwm
    Tuav keeb kwm……………….raws Hmoob txuj ci
    Es thiaj li…………………………..yog vwj paj cai
    Sawv tsis ntshai……………………los ua thawj coj
    Kev nyob noj………………….thaj yeeb nyab xeeb
    Hmoob tua txeeb……………….kev muaj vaj huam
    Fab kis yuam ………………………thiab sau se loj
    Teev niam toj…………………...raws fab kis tawm
    Muaj tswv cawm…………….....los muab hais xaus
    Txawm pib nkaus…………………...ua rog cob tsib
    Nyab laj pib………………………..ua rog loj nteev
    Nyob nram xeev……………….txhua txhia lub yeej
    Viej koom keej………………….ua rog kawg nkaus
    Nkagtuaj ntaus………………….….tub rog mes kas
    Nyob lub nras…………………nroog tiaj rhawv zeb
    Ua rau peb………………………...…tsis zoo ua noj
    Hmoob tus coj……………………yog hlob vaj pov
    Mes kas thov………………....kom Hmoob mus pab
    Ua laj kab……………………..thaiv lawv haiv neeg
    Hmoob thiaj ntseeg………………...mes kas lus cog
    Peb sau zog………………………...ua luag tub txib
    Nyab laj pib……………………….ua rog tuaj ntaus
    Keeb hauv paus………………………..ces yog li no
    Pib swb hlo……………………. .lub yeej pham thiv
    Hmoob thiaj tsiv………………..….los rau looj ceeb
    Nyab laj txeeb…………………...ntaus nce tuaj mus
    Swb zuj zus…………………......tas lawm tsheej tog
    Ob phav nplog…………………..thiaj los sau ntawv
    Cog lus tawv…………………....muaj kaum yim nqe
    Sau ua ke…………………………..tsis txhob sib tua
    Los sib sua……………………koom nyob ywj pheej
    Kom txhua leej…………........tsis muaj txim txhaum
    Dag hais haum………………...nplog liab pib nrhiav
    Ntes mus txiav……………………tsis pub neeg pom
    Hmoob cov nom……………..…ploj lawm coob leej
    Kev paub meej……………..……yog phas nyas npis
    Nplog sab xis………………….……….46 txhiab tus
    Raug coj mus…………………..….tua rau moos xais
    Nrog huab tais………………....lawv tsev neeg kheej
    Cov txiv neej…………………...…..tsis hais leej twg
    Yeej ntshai rwg……………….…....ib tsam raug ntes
    Muaj npe ces………………........yeej raug txhom tag
    Yeej tsis dag……………………..muaj tseeb tiag tiag

    Thiaj sau kiag……………………..tseg ua puav pheej
    Hmoob lub neej………………yav tas los lawm
    Rau nej kawm …….............thiab tseg ua tshuaj
    Cov tsis tuaj……………….tham ntshai kawg nkaus
    Loj me laus………………..piav hais tib yam
    lawv tuaj tham…………….qhia cov ua ntej
    peb Hmoob nej…………….raug luag muab txov
    hlob vaj pov…………………thiaj li khiav ntab
    dhau thaib sab………………mus rau nom nrim
    nplog liab tsim………………cov nyob tom qab
    Rog cob fab………………..li pib sawv chiv
    Teev niam txiv……………..cob fab tswv ntuj
    Yog yam txuj………………..tsis tau hnov dua
    Hmoob sawv tua……………nyob roob phuv npiab
    Xyoo ib txhiab………………..cuaj puas xya caum rau
    Hmoob sib sau………………yeej coob heev diam
    Muaj poj niam……………….nrog nraim txhua pab
    Npe cob fab ……………………yog nplog tis rau
    Peb Hmoob tau……………..ib lub npe zoo
    Muaj txoj Hmoo……………..ua neej huaj vam
    Leej twg tham………………txog npe cob fab
    Ntuj tseem pab……………….tsis pub kom ploj
    Pab thawj coj………………nyaj nej yuav hnov
    Lub npe nrov……………………rau yav nram ntej
    Qhia rau nej…………………….tias yaj xaiv suav
    Sawv los tuav…………………..pawg pav tiv kas
    Kaus mas das…………………cim zoov zuag hawj
    Ua tuam thawj………………….tuav pawg cob fab
    Nkawv ob pab………………..sib koom ua luag
    Sawv los puag ………………..peb haiv me Hmoob
    Nkaum toj roob……………….hauv pes txhua tag
    Nyob tiv nag……………….sawv nrog lo av
    Zaum tiv tshav…………….nyiaj tshaib yoo nqhis
    Sawv tswj lis…………………hauj lwm tauj tab
    Muaj ib pab ………………..yog cov pub thawj
    Niam na kawv……………….los teev koom txoos
    Lawv kuj khoos………………..tua nyob nas tub
    Yog kha xub………………..ua tus tuam thawj
    Cov pub thawj………………..coj fab tub rog
    Yuav piav txog……………….cov khej kaum ob
    Phu koos qhob………………..yog xyooj ntsuab pov
    Coj ib cov…………………….pawg tub rog coob
    Nkaum toj roob………………rau sab phu npas
    Kaus mas das…………………..yawg vaj nchaiv hwj
    Sawv los tswj …………………..sab puag thab xuab
    Pab Hmoob ntsuab……………….yog vaj tsav kab
    Coj ntau pab…………………….nyob rau tsua tawg
    Muaj ib pawg………………..sawv sab qaum teb
    Li muab ntxheb…………………rau nej nrog hnov
    Muas txawj pov…………………ua pawg khov kho
    Nyob tsua tho……………………hav pas dej ntshiab
    Coj ib txhiab………………………..tus tub rog leem
    Hav naj theem…………………..yog vaj tswv kim
    Sawv los cim…………………….lub me npe Hmoob
    Nrov mus thoob………………..toj roob phuv npiab
    Pab naj hiab……………………..yog vam kaim vwj
    Sawv los tswj…………………sab puag moos mauj
    Sib cog lauj…………………….cov qub riam phom
    Sawv kwv nyom……………….raws nplog liab tua
    Nyob roob qhua………………..zos phu pham cob
    Hos cov nyob……………………teb chaws moos pheeb
    Thoj tooj neeb………………….. ntawm pawg Hmoob thoj
    Sawv los coj………………..tua nyob tiaj qhib
    Pab ham ib……………………nrog cov naj gwj
    Pawg tsua qwj………………….yog yawg lauj thoob
    Ntau pab Hmoob………………nyob roob phuv xam
    Lawv kuj tham………………..nrog cov naj los
    Mus nrog tos…………………cov kieb xais qhais
    Sib cog pais………………….koom siab zov kev
    Pab phuv xev…………………..yog yawg koos ham
    Coj thab ham…………………tua lav nees nkaum
    Lawv kuj caum………………..nyab laj nas xus
    Hmoob tau mus……………….tua choj kev loom
    Lawv sib koom………………….siab ua kawg kiag
    Pab roob yiag………………yog koo txawj nchai
    Sawv tsis ntshai………………nrog yawg yaj neeb
    Nkawv tua txeeb……………..sab roob pham guj
    Teev tswv ntuj……………….los nrog thaiv ntag
    Roob xyoob dag……………….nrog cov phuv hej
    Hmoob tuav nplej………………ua mov phaj tshab
    Coj ntau pab…………………tua qhov txhia chaw
    Kab lwj hlaw…………………yog nyab laj khiav
    Hmoob tau txiav……………….ntau txoj kev tsheb
    Nyob tsis deb……………………….ntawm sab hoib qha
    Qhaib nab qa…………………..kuj raug Hmoob tua
    Nram liaj qhua………………….Hmoob kuj txeeb tau
    Pham au lau………………………..Hmoob kuj tau nyob
    Qab tsuas xob…………………….yog xaiv suav pawg
    Nyab laj tawg……………….khiav txog looj ceeb
    Hmoob kuj txeeb………………tau nroog moos oo
    Ntau lub xyoo…………………coj poj tub se
    Ua nyob ke ………………….tiv tua tsov rog
    Yuav piav txog……………….sab zos dej tshuam
    Yaj txoov tuam……………..ua tuam thawj coj
    Kev nyob noj……………….ti sab phuv laj
    Zov nyab laj………………txog pham thab khoob
    Xyooj vam soob…………..nyob sab thas xes
    Sawv los nres………………roob hav xam leej
    Thiaj qhia meej……………rau nej paub tseeb
    Yawg xyooj xeeb…………..nres sab nab loom
    Nws kuj koom …………….sab puag moos oom
    Peb kuj pom………………..yawg lauj paj npliam
    Thau phom riam………………phom peb cuv tsib
    Sawv los qhib………………..tua cov nplog liab
    Yawg qha kieb……………….thiab yawg npus cas
    Plhu puas tas………………..khiav tsis saib qab
    Rau moos cab…………………lawm tiag cov npawg
    Lawv cov yawg……………….sawv los nrog coj
    Kev nyob noj………………….rau ntuj qub qab
    Kuj tshaib plab………………….thiab txom nyem heev
    Rho nyiaj keev…………………..yuav mos txwv tiv
    Nrhiav kev tsiv…………………thiaj tshwm sab thaib
    Li tuaj laib ………………………rau teb chaws no
    Tshuav ib co……………………..tseem nyob xub tsuag
    Cov seem tuag……………………..thiaj li yog peb
    Li muab ntxheb…………………..rau nej paub zoo
    Noj caus ntoo………………………ntxuag me nplooj hmab
    Ntuj qub qab…………………….kuj tseem tshuav coob
    Nyob toj roob ……………………tseem kwv riam phom
    Nplog liab txhom…………………..thiab raws lawv tua
    Lus moo cua………………………peb tseem hnov thiab
    Mob lub siab……………………npaum kua txob ntsim
    Txoj kev chim…………………….tsis muaj caij xaus
    Hmoob tej laus…………………….thov pab tswv yim
    Kom lawv dim………………………thiab coj lawv tuaj
    Txoj kev quaj………………………thaj yuav tsis pom
    Thov cov nom……………………..nrog peb mus hais
    Vim nplog cais……………………thiab tsis hlub lawv
    Peb sau ntawv…………………….mus rau koom haiv
    Kom lawv xaiv…………………….kev rau Hmoob taug
    Thiab tsis raug……………………..nplog muab lawv tua
    Li tej npua…………………………thiab tej me qaib
    Cawm puas laib…………………..cov nyob hav zoov
    Noj mov soov……………………ntxuag mov qos ncoom
    Thov sib koom ………………….siab mus nrog tos
    Cov nyob los…………………….lawv txom nyem kawg
    Nej cov yawg…………………….lus siab puas ras
    Peb xav mas……………………..lawv tuav lub koob
    Ntawm peb Hmoob……………..lub neej pem suab
    Thov peb muab………………….lawv ua keeb kwm
    Nrhiav kev tshwm…………………cev tes mus pab
    Cov hav fab………………… raws peb kom laib
    Txoj kev tshaib……………..thiaj yuav tsis ntsib
    Li paub pib………………….lub neej tom ntej
    Hos lawv tej…………………txiaj ntsha txiaj ntsim
    Peb muab cim………………….sau rau nruab ntaub
    Qhia Hmoob paub…………………rau cov xeeb leej
    Sau hais meej……………………qhia cov xeeb ntxwv
    Txhob muab lwv………………….cia ua puav pheej
    Hmoob lub neej…………………….nyob rau xov tshoj
    Txoj kev ploj………………………Hmoob tuag lawm coob
    Puv toj roob……………………..thiab cov kwv ha
    Lub koob ncha……………………mus thoob ntiaj teb
    Luag paub peb…………………….ces neej Hmoob tshwm
    Hmoob keeb kwm……………………yuav nrog tshwm los
    Kuv lus ntos…………………………..mas muaj li no
    Thov nej nco………………………cov ntuj qub qab
    Nyob hav fab………………………ua npua teb dais
    Thov pab txais………………….thiab hlub lawv mog
    Txawm nyob nplog……………….los kuj tib yam
    Vim lawv plam………………….poob rau tom qab
    Los thaib sab…………………..nyob rau qhov tsua
    Rau thaib tua……………………thiab mag thaib ncaws
    Thaib muab raws………………….tuaj vaj tsev nqha
    Hmoob tej ntxa……………………kuj raug thiab khawb
    Zos dej dawb…………………los raug thiab tsim
    Tsis muaj txim………………..kuj lam raug nkuaj
    Thaib tseem tuaj………………….ncaws tawm vaj tsev
    Nyob ntug kev…………………….mov noj tsis muaj
    Niaj hnub quaj……………………los kua muag ntshav
    Ib qho av………………………..tsis muaj ua tsev
    Rub siab ntev…………………….npaum li naj khab
    Noj nplooj hmab…………………nplooj ntoos yug siav
    Thiaj muab piav………………….tej kev txom nyem
    Raug thaib lem………………….thiab raug nplog tua
    Li tej npua………………….thiab tej nyuag tsiaj
    Muab cuab phiaj………………sim hmuv sim phom
    Yog nej pom……………………puas pab nrog hlub
    Raug thiab dub …………………muab yuam rov nplog
    Ntau tus pog………………………thiab ntau tus txiv
    Raug nplog siv…………………muab coj xauv tes
    Quaj nrov les…………………..nyob tsev tsaus ntuj
    Txawm muaj txuj…………………..los yeej tsis dim
    Nyob pw txim…………………………ploj ntsiag tag tiam
    Tshuav cov niam…………………….thiab cov uas yau
    Ces nyo hau………………………..rau nplog lawm tiag
    Thiaj sau kiag………………………tseg ua paj huam
    Qhia cov ruam………………………kom paub ib yam
    Thov muab tham…………………….khaws tau kom tseeb
    Kev khib xeeb……………………….mob Hmoob lub siab
    Mus ib txhiab……………………….tsis muaj hnub ploj
    Tsis txhob ntoj…………………….txoj kev no mog
    Yog ua rog……………………….tsis muaj luag pab
    Xws cob fab………………………ces kawg kev tws
    Txawm yuav yws…………………..ntiaj teb tsis txawb
    Yog mab dawb………………………luag yeej tsis khes
    Yam cov ntses……………………..nyob rau luag pas
    Maj mam nyas……………………..noj ib tug zus
    Ntev xyoo mus…………………..ces kawg tu noob
    Peb cov Hmoob…………………….nej puas to taub
    Txawm paj kaub………………….twb raug luag ntov
    Hais txog cov……………………….muaj txoj sia nyob
    Xws yawg hlob……………………….nai phoo vaj pov
    Raug luag txov………………………zoo tib yam li
    Luag sib ntxhi………………………soj ntsuam Hmoob qab
    Yog twg thab………………………ces kawg raug txo
    Zoo li no………………………….nej xav li cas
    Kuv xav mas……………………tu siab tshaj plaws
    Nej sawv daws…………………puas pom thiab os./.

    ( xaus li no )


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304



    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 30th May 2011, 11:28 am

    koojziagkabzaug wrote:

    Hmong ntuj tshiab 27 jun 20011 at 7 am wrote:








    ZOS NAS XUS

    qub zej zog ...................teb chaws nas xus
    peb ncaim mus...................koj nyob tom qab
    cas dej nyab.......................nej zoo li no
    peb mas nco.................koj txhua txhua hnub

    zos naj mub.......................yog chaw ua si
    hmo qaim hli.................peb taug kev  tsheb
    zos npab xeb....................yog chaw kav laj
    hoib pam caj..............tham hmoob cov ntxhais

    zos phoo xais..................chaw nyob kuj xis
    zos nab pis................muaj hluas nkauj coob
    ntxhais nkauj hmoob..........suab tham xiv nqiab
    zos vies kieb.............kuj muaj ntxhais nplog

    ntau tus pog...............kuj nyiam nraug hmoob
    ntxhais cev soob..............lub cev yiag txias
    siab yuj lias..................caum nws lawm loo
    Hmoov tsis zoo................lub teb chaws puas

    tej kev hluas...............thiaj ncaim mus lawm
    peb khiav tawm...............mus txawv teb chaws
    nej sawv daws...................poob rau tom qab
    raug dej nyab....................puv toj puv pes

    ua pas ntses....................nyob ci li nplas
    muab xav mas.................ntxim tu siab tshaj
    nplog nyab laj................tsis hlub nej kiag
    khwv nyiaj txiag..............tsis hlub pej xeem

    nws tsuas peem...................kom nws zoo xwb
    zos nas khwb....................los dej kuj nyab
    kev moos cab......................nws kuj tu tag
    hais cuag dag................muaj ntau caum phav

    raug muab txav............tshem tshais chaw nyob
    ntshe lawv mob...............siab npaum dej hlab
    tsis hais mab..................los yog peb hmoob
    ntau feem coob...............raug khiav lawm tag

    vim li ntag.................pej xeem quaj ntsuag
    los kua muag.....................rau qub zej zos
    Thaum tuaj yos…………...............pom pas dej xwb
    Hais txog wb……………..............tej vaj tsev nyob

    Dej nyab tob……………..............txij tej ntav toj
    Liaj ua noj………………...............los tsis pom tag
    Tej qab nrag……………............…ntawm tsev kho mob
    Peb chaw nyob…………..............…pom dej tus yees

    Tej kev plees…………............…..yav puag thaum i
    Tsis zoo li……………................qub lawm os  mog
    Yog piav txog ……............……..ces kua muag los
    Dej ntab nplos………..........…..txog roob phuv xam

    Yog muab tham……….............…tseem nco nej kawg
    Teb chaws tawg………............…peb ncaim nej lawm
    Peb khiav tawm ……..........……mus txawv teb chaws
    Nej sawv daws…………...............poob rau tom qab

    Muaj ib pab…………….............…khiav rau hav zoov
    Thiaj muab hloov………...............…hu ua cob fab
    Nyob yaj sab…………….............…pem toj roob siab
    Muaj ntau txhiab……….........….tawg ri thoob ntuj

    Nplog caij tsuj………….........….thiab txo vaj huam
    Tshuav cov ruam………...........…thiaj lam twv nyob
    Ntiag nag xob…………...............…xws li qav kaws
    Lam zaum tsaws……….............….nkaum qab zeb ca

    Tos tswv xya…………….............saib puas rov muaj
    Tiv kev quaj……………...........…thiab kev txom nyem
    Txawm luag lem………............….lam nyob dai siav
    Yuav muab piav………….............peb cov ncaim mus

    Kawm luag lus…………..........…thiab yoog luag txuj
    Nyob luag ntuj…………............…mus  siv luag twj
    Ywj luag nwj……………..............mus poo luag npoj
    Xyaum nrhiav noj………...........…nyob hnub xam hmo

    Peb mas nco……………................…qub laj qub kam
    Yog muab tham…………...............ces los kua muag
    Nco tej tuag……………..............mus dhau tej ciaj
    Tej teb liaj…………….................los nco ib yam

    Muaj qee tsam…………................xav ua fem feeb
    Lus meej xeeb………...........…….hais ua kwv txhiaj
    Hnub dhau niaj……...........………los  tseem nco nej
    Yav nram ntej…………............….nyob koom zej zos

    Txawm noj qos…………..........…yeej tsis khuam siab
    Caij noj tsiab………...........………lom zem kawg kiag
    Ntuj kaj liag……………........….sawv phov tshais noj
    Zos ntav toj………………..........qaib qua ntsho nrooj

    Caij tawm rooj…………...........….kwv kaus liab vog
    Tsis nco txog …………..............……yuav zoo li no
    Caij ntuj so………………….............ncig mus nas xus
    Sib yaum mus………………............ua tsheej pab coob

    Tsuas pom Hmoob………............…tuaj mus kav kiab
    Hnav zam tshiab…………...........…cuag ntab muv yuj
    Caij hmo ntuj…………….....….hluas nkauj hluas nraug
    Tham nrov yaug……………..............sib thab sib de

    Tej kwv tse…………………............sib ntxhi zom zaws
    Lus tham ntxaws…………...........….lo lus meej xeeb
    Tham lo tseeb…………….........…..kuj hais khee kawv
    Lub caij sawv………………...............los kuj ib yam

    Yog yuav tham……………..............mas nco tag tiam
    Tsheej txiv niam……….......……..los tseem nco heev
    Ras dhuj dheev…………..........….hauv lub siab tuaj
    Tsa suab quaj……………...........…los  tsis zoo siab

    Xyoo pua txhiab………..........……los yeej tseem nco
    Sim neej no……………….............puas yuav muaj dua
    Txoj kev tshua…………............….tham ua dab neeg
    Hais kom deeg……………..............rau nej hnov xwb

    Hauv lub hlwb…………..............tseem nco nas xus
    Meej xeeb lus………….............yeej lwj tsis tawm
    Caij ua khawm…………..............xws yam noog liaj
    Ya rwg ntxiaj…………...........….nyob mus muaj khub

    Lawm tag hnub………….............thiab nyob tag hmo
    Yeej tseem nco………….............lub nroog nas xus
    Tej me lus ………………..............yav puag thaum ub
    Yog yuav qhub………............….tham tsis paub tag

    Cuag hais dag………..............……vim lom zem dhau
    Yog tham ntau………….............…ces kua muag poob
    Nco neej Hmoob……............……taj laj kub nyhiab
    Kev kav kiab…………….............…tuaj tes yuj yeev

    Yeej tsis seev……….............………nco leej twg li
    Suab luag ntxhi……….............…….ncig mus ua ke
    Es nej nes………………….............puas nco peb thiab
    Nroog vies kieb………….......….thiab tshav dav hlau

    Nco puas tau…………............…….cov phooj ywg qub
    Ntuj thaum ub………….............….xyoo xya caum ib
    Hmoob los pib……………...........rhawv nroog nas xus
    Kev tiaj tus………………............caij tsheb ua npoj

    Tej ntav toj……………...............…ua teb liag vog
    Txog caij cog……….............…….me nplej pob kws
    Pauv zog ntws………….............…tsis nco nroo sab
    Teb toj ntxhab……………........muaj hluas nkauj coob

    Ntxhais nkauj Hmoob…......…zoo nkauj kawg tiag./.
    ( xaus li no )



    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304



    Last edited by Hmong ntuj tshiab on 30th July 2013, 5:50 pm; edited 4 times in total (Reason for editing : kho kom zoo nyeem xwb)

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 30th May 2011, 12:14 pm










    ZOS NAS XUS
    qub zej zog ...................teb chaws nas xus
    peb ncaim mus...................koj nyob tom qab
    cas dej nyab.......................nej zoo li no
    peb mas nco.................koj txhua txhua hnub

    zos naj mub.......................yog chaw ua si
    hmo qaim hli....................peb taug kev  tsheb
    zos npab xeb....................yog chaw kav laj
    hoib pam caj..............tham hmoob cov ntxhais

    zos phoo xais..................chaw nyob kuj xis
    zos nab pis................muaj hluas nkauj coob
    ntxhais nkauj hmoob..........suab tham xiv nqiab
    zos vies kieb.............kuj muaj ntxhais nplog

    ntau tus pog...............kuj nyiam nraug hmoob
    ntxhais cev soob..............lub cev yiag txias
    siab yuj lias..................caum nws lawm loo
    Hmoov tsis zoo................lub teb chaws puas

    tej kev hluas...............thiaj ncaim mus lawm
    peb khiav tawm...............mus txawv teb chaws
    nej sawv daws...................poob rau tom qab
    raug dej nyab....................puv toj puv pes

    ua pas ntses....................nyob ci li nplas
    muab xav mas.................ntxim tu siab tshaj
    nplog nyab laj................tsis hlub nej kiag
    khwv nyiaj txiag..............tsis hlub pej xeem

    nws tsuas peem...................kom nws zoo xwb
    zos nas khwb....................los dej kuj nyab
    kev moos cab......................nws kuj tu tag
    hais cuag dag................muaj ntau caum phav

    raug muab txav............tshem tshais chaw nyob
    ntshe lawv mob...............siab npaum dej hlab
    tsis hais mab..................los yog peb hmoob
    ntau feem coob...............raug khiav lawm tag

    vim li ntag.................pej xeem quaj ntsuag
    los kua muag.....................rau qub zej zos
    Thaum tuaj yos………..............….pom pas dej xwb
    Hais txog wb………….............….tej vaj tsev nyob

    Dej nyab tob…………............…..txij tej ntav toj
    Liaj ua noj………………...............los tsis pom tag
    Tej qab nrag…………............……ntawm tsev kho mob
    Peb chaw nyob……….............……pom dej tus yees

    Tej kev plees………...........……..yav puag thaum i
    Tsis zoo li………………..............qub lawm os  mog
    Yog piav txog ………............…..ces kua muag los
    Dej ntab nplos……..........……..txog roob phuv xam

    Yog muab tham……….............…tseem nco nej kawg
    Teb chaws tawg…………peb ncaim nej lawm
    Peb khiav tawm …………mus txawv teb chaws
    Nej sawv daws………….poob rau tom qab

    Muaj ib pab………………khiav rau hav zoov
    Thiaj muab hloov…………hu ua cob fab
    Nyob yaj sab………………pem toj roob siab
    Muaj ntau txhiab………….tawg ri thoob ntuj

    Nplog caij tsuj…………….thiab txo vaj huam
    Tshuav cov ruam…………thiaj lam twv nyob
    Ntiag nag xob……………xws li qav kaws
    Lam zaum tsaws………….nkaum qab zeb ca

    Tos tswv xya……………..saib puas rov muaj
    Tiv kev quaj………………thiab kev txom nyem
    Txawm luag lem………….lam nyob dai siav
    Yuav muab piav…………..peb cov ncaim mus

    Kawm luag lus……………thiab yoog luag txuj
    Nyob luag ntuj……………mus  siv luag twj
    Ywj luag nwj……………..mus poo luag npoj
    Xyaum nrhiav noj…………nyob hnub xam hmo

    Peb mas nco………………qub laj qub kam
    Yog muab tham…………..ces los kua muag
    Nco tej tuag……………..mus dhau tej ciaj
    Tej teb liaj……………..los nco ib yam

    Muaj qee tsam………….xav ua fem feeb
    Lus meej xeeb…………….hais ua kwv txhiaj
    Hnub dhau niaj……………los  tseem nco nej
    Yav nram ntej…………….nyob koom zej zos

    Txawm noj qos……………yeej tsis khuam siab
    Caij noj tsiab………………lom zem kawg kiag
    Ntuj kaj liag……………….sawv phov tshais noj
    Zos ntav toj……………….qaib qua ntsho nrooj

    Caij tawm rooj…………….kwv kaus liab vog
    Tsis nco txog ………………yuav zoo li no
    Caij ntuj so………………….ncig mus nas xus
    Sib yaum mus………………ua tsheej pab coob

    Tsuas pom Hmoob…………tuaj mus kav kiab
    Hnav zam tshiab……………cuag ntab muv yuj
    Caij hmo ntuj……………….hluas nkauj hluas nraug
    Tham nrov yaug…………….sib thab sib de

    Tej kwv tse………………….sib ntxhi zom zaws
    Lus tham ntxaws…………….lo lus meej xeeb
    Tham lo tseeb………………kuj hais khee kawv
    Lub caij sawv……………….los kuj ib yam

    Yog yuav tham……………..mas nco tag tiam
    Tsheej txiv niam……………..los tseem nco heev
    Ras dhuj dheev…………….hauv lub siab tuaj
    Tsa suab quaj………………los  tsis zoo siab

    Xyoo pua txhiab……………los yeej tseem nco
    Sim neej no……………….puas yuav muaj dua
    Txoj kev tshua…………….tham ua dab neeg
    Hais kom deeg…………….rau nej hnov xwb

    Hauv lub hlwb…………..tseem nco nas xus
    Meej xeeb lus…………....yeej lwj tsis tawm
    Caij ua khawm…………..xws yam noog liaj
    Ya rwg ntxiaj…………….nyob mus muaj khub

    Lawm tag hnub…………..thiab nyob tag hmo
    Mas tseem nco…………..lub nroog nas xus
    Tej me lus ……………….yav puag thaum ub
    Yog yuav qhub………….tham tsis paub tag

    Cuag hais dag……………vim lom zem dhau
    Yog tham ntau……………ces kua muag poob
    Nco neej Hmoob…………taj laj kub nyhiab
    Kev kav kiab………………tuaj tes yuj yeev

    Yeej tsis seev………………nco leej twg li
    Suab luag ntxhi…………….ncig mus ua ke
    Es nej nes…………………..puas nco peb thiab
    Nroog vies kieb…………….thiab tshav dav hlau

    Nco puas tau……………….cov phooj ywg qub
    Ntuj thaum ub…………….xyoo xya caum ib
    Hmoob los pib……………rhawv nroog nas xus
    Kev tiaj tus………………..caij tsheb ua npoj

    Tej ntav toj………………ua teb liag vog
    Txog caij cog…………….me nplej pob kws
    Pauv zog ntws……………tsis nco nroo sab
    Teb toj ntxhab…………….muaj hluas nkauj coob

    Ntxhais nkauj Hmoob……zoo nkauj kawg tiag./.
    ( xaus li no )



    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304




    Last edited by Hmong ntuj tshiab on 30th July 2013, 5:53 pm; edited 3 times in total (Reason for editing : kho kom zoo nyeem xwb)

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 30th May 2011, 12:18 pm







    Hmoob lub kua muag ntshav

    Ntawm no mus---------------------------yog lus paj huam
    Yuav hais tshuam----------------Hmoob poj txwv yawm
    Nws xeeb txawm--------------------nyob moos nkaus lias
    Muam nkauj nplias----------------------thiab tsab yim huj

    Teev tswv ntuj------------------------------los ua thawj coj
    Haiv Hmoob loj------------------------muaj koob nto npe
    Nyob ua kev--------------------------------ib haiv sib hlub
    Tsis sib ntxub-----------------------koom nyob ywj pheej

    Kev ua neej-----------------------------tsis nco qab txhawj
    Hmoob tsis thawj-----------------------------leej twg hlo li
    Muaj txuj ci-------------------------------ua neej huaj vam
    Suav kooj sam----------------------dag Hmoob cais xeem

    Hmoob txawm yeem-----------------------li suav tau hais
    Ntes Hmoob hlais------------------------thiab ua rog raws
    Hmoob teb chaws----------------------thiaj nrog poob tag
    Raug suav dag-----------------------cov ruam ntxeev siab

    Coj ntau txhiab---------------------------rov taw tuam ntuj
    Qhia Hmoob txuj-------------------------rau suav lwj lam
    Suav liab mam----------------------txo Hmoob txiv yawg
    Hmoob thiaj tawg-------------------------mus ua ntau pab

    Khiav ua sab------------------------------thiab nyob ua sua
    Ntau pab lua-------------------------------tub rog kooj sam
    Hmoob thiaj plam-------------------teb chaws tuam tshoj
    Ho khiav zoj------------------------------los dhau ciam teb

    Thiaj muab ntxheb------------------ntos Hmoob lub keeb
    Nyob moos theeb-----------------------teb chaws cob tsib
    Ho rov pib--------------------------------sawv ua rog vwm
    Tuav keeb kwm-----------------------raws Hmoob txuj ci

    Es thiaj li--------------------------------yog Hmoob ua rog
    Thaum ntawd yog------------------------yawg vwj paj cai
    Sawv tsis ntshai----------------------------los ua thawj coj
    Kev nyob noj--------------------------thaj yeeb nyab xeeb

    Hmoob tua txeeb-----------------------kev muaj vaj huam
    Fab kis yuam--------------------------------thiab sau se loj
    Teev niam toj----------------------------raws fab kis tawm
    Muaj tswv cawm-----------------------los muab hais xaus

    Txawm pib nkaus---------------------------ua rog cob tsib
    Nyab laj pib---------------------------------ua rog loj nteev
    Nyob nram xeev-----------------------txhua txhia lub yeej
    Viej koom keej-------------------------ua rog kawg nkaus

    Nkag tuaj ntaus-----------------------------tub rog mes kas
    Nyob lub nras-------------------------nroog tiaj rhawv zeb
    Ua rau peb------------------------------------tsis zoo ua noj
    Hmoob tus coj----------------------------yog  hlob vaj pov

    Mes kas thov------------------------kom Hmoob mus pab
    Ua laj kab-----------------------------thaiv lawv haiv neeg
    Hmoob thiaj ntseeg------------------------mes kas lus cog
    Peb sau zog---------------------------------ua luag tub txib

    Nyab laj pib--------------------------------ua rog tuaj ntaus
    Keeb hauv paus--------------------------------ces yog li no
    Pib swb hlo------------------------------lub yeej pham thiv
    Hmoob thiaj tsiv--------------------------los rau looj ceeb

    Nyab laj txeeb---------------------------ntaus nce tuaj mus
    Swb zuj zus-----------------------------tas lawm tsheej tog
    Ob phav nplog-------------------------thiaj los  sau ntawv
    Cog lus tawv---------------------------muaj kaum yim nqe

    Sau ua ke----------------------------------tsis txhob sib tua
    Los sib sua-----------------------------------ua neej ua tsav
    Tsis txhob xav---------------------------txog yav tas lawm
    Sawv daws tawm-----------------------los nyob ywj pheej

    Kom txhua leej---------------------tsis muaj txim txhaum
    Dag hais haum-----------------------nplog liab pib nrhiav
    Ntes mus txiav---------------------------tsis pub neeg pom
    Hmoob cov nom----------------------ploj lawm coob leej

    Kev paub meej-------------------------yog phas nyas npis
    Nplog sab xis----------------------------------46 txhiab tus
    Raug coj mus-----------------------------tua rau moos xais
    Nrog huab tais------------------------lawv tsev neeg kheej

    Cov txiv neej------------------------------tsis hais leej twg
    Siab yau rwg-------------------------ntshai tsam raug ntes
    Muaj npe ces--------------------------yeej raug txhom tag
    Hais tsis dag----------------------------muaj tseeb tiag tiag

    Thiaj sau kiag---------------------------tseg ua puav pheej
    Hmoob lub neej---------------------------yav tas los lawm
    Rau nej kawm--------------------------thiab tseg ua tshuaj
    Cov tsis tuaj----------------------tham ntshai kawg nkaus

    Loj me laus-------------------------------piav hais tib hom
    Lawv cov pom-----------------------------tuaj tham li nov
    Qhia peb cov------------------------------xub khiav ua ntej
    Peb Hmoob nej-----------------------raug luag muab txov

    Hlob vaj pov----------------------------thiaj tau khiav ntab
    Dhau thaib sab--------------------------mus rau nom nrim
    Nplog liab tsim--------------------------cov nyob tom qab
    Rog cob fab----------------------------mam pib sawv chiv

    Teev niam txiv---------------------------cob fab tswv ntuj
    Yog yam txuj------------------------------tsis tau hnov dua
    Hmoob sawv tua--------------------nyob roob phuv npiab
    Xyoo ib txhiab-------------------------------ib cuaj xya rau

    Hmoob sib sau------------------------yeej coob heev diam
    Muaj poj niam-----------------------nrog nraim txhua pab
    Npe cob fab-------------------------------yog nplog tis rau
    Peb Hmoob tau-------------------------------ib lub npe zoo

    Muaj txoj Hmoo--------------------------ua neej huaj vam
    Leej twg tham-----------------------------txog npe cob fab
    Ntuj tseem pab---------------------------tsis pub kom ploj
    Pab thawj coj---------------------------nyaj nej yuav hnov

    Lub npe nrov-----------------------------rau yav nram ntej
    Qhia rau nej-------------------------------tias yaj xaiv suav
    Sawv los tuav-----------------------------pawg pav tiv kas
    Kaus mas das--------------------------cim zoov zuag hawj

    Ua tuam thawj---------------------------tuav pawg cob fab
    Nkawv ob pab----------------------------sib koom ua luag
    Sawv los puag------------------------peb haiv me Hmoob
    Nkaum toj roob-------------------------hauv pes txhua tag

    Nyob tiv nag--------------------------------sawv nrog lo av
    Zaum tiv tshav----------------------nyiaj tshaib yoo nqhis
    Sawv tswj lis-----------------------------hauj lwm tauj tab
    Muaj ib pab------------------------------yog cov pub thawj

    Niam na kawj-------------------------los teev koom txoos
    Lawv kuj khoos---------------------------tua nyob nas tub
    Yog kha xub------------------------------ua tus tuam thawj
    Cov pub thawj-------------------------------coj fab tub rog

    Yuav piav txog--------------------------cov khej kaum ob
    Phu koos qhob-----------------------yog xyooj ntsuab pov
    Coj ib cov-----------------------------tub rog Hmoob coob
    Nkaum toj roob---------------------------rau sab phu npas

    Kaus mas das---------------------------cim vaj nchaiv hwj
    Sawv los tswj---------------------------sab puag thab xuab
    Pab Hmoob ntsuab------------------------yog vaj tsav kab
    Coj ntau pab----------------------------nyob rau tsua tawg

    Muaj ib pawg---------------------------sawv sab qaum teb
    Raws li ntxheb---------------------------tuaj rau peb hnov
    Muas txawj pov-------------------------ua pawg khov kho
    Nyob tsua tho---------------------------hav pas dej ntshiab

    Coj ib txhiab-------------------------------tus tub rog leem
    Hav naj theem----------------------------yog vaj tswv kim
    Sawv los cim---------------------------lub me npe Hmoob
    Nrov mus thoob-----------------------toj roob phuv npiab

    Pab naj hiab-----------------------------yog vam kaim vwj
    Sawv los tswj-------------------------sab puag moos mauj
    Sib cog lauj-----------------------------cov qub riam phom
    Sawv kwv nyom-----------------------raws nplog liab tua

    Nyob roob qhua-------------------------zos phu pham cob
    Hos cov nyob-----------------------teb chaws moos pheeb
    Yawg tooj neeb-----------------ntawm pawg Hmoob thoj
    Sawv los coj------------------------------tua nyob tiaj qhib

    Pab ham ib---------------------------------nrog cov naj gwj
    Pawg tsua qwj------------------------yog yawg lauj thoob
    Ntau pab Hmoob---------------------nyob roob phuv xam
    Lawv kuj tham----------------------------nrog cov nab los

    Mus nrog tos----------------------------cov kieb xais qhais
    Sib cog pais----------------------------koom nrog zov kev
    Pab phuv xev--------------------------yog yawg koos ham
    Coj thab ham---------------------------tua lav nees nkaum

    Lawv kuj caum----------------------------nyab laj nas xus
    Hmoob tau mus--------------------------tua choj kev loom
    Lawv sib koom--------------------------siab ua kawg kiag
    Pab roob yiag-------------------------yog koo txawj nchai

    Sawv tsis ntshai-----------------------nrog yawg yaj neeb
    Nkawv tua txeeb------------------------sab roob pham guj
    Teev tswv ntuj--------------------------los nrog thaiv ntag
    Roob xyoob dag-------------------------nrog cov phuv hej

    Hmoob tuav nplej-----------------------ua mov phaj tshab
    Coj ntau pab---------------------------tua qhov txhia chaw
    Kab lwj hlaw----------------------------yog nyab laj khiav
    Hmoob tau txiav-----------------------ntau txoj kev tsheb

    Nyob tsis deb--------------------------ntawm sab hoib qha
    Qhaib nab qa--------------------------kuj raug Hmoob tua
    Nram liaj qhua-----------------------Hmoob kuj txeeb tau
    Pham au lau---------------------------Hmoob kuj tau nyob

    Qab tsuas xob-------------------------yog xaiv suav pawg
    Nyab laj tawg----------------------khiav tshwm looj ceeb
    Hmoob kuj txeeb-----------------------tau nroog moos oo
    Ntau lub xyoo---------------------------------coj poj tub se

    Nyob ua ke----------------------------------tiv tua tsov rog
    Yuav piav txog-------------------------sab zos dej tshuam
    Yaj txoov tuam--------------------------ua tuam thawj coj
    Kev nyob noj---------------------------------ti sab phuv laj

    Zov nyab laj------------------------txog pham thab khoob
    Xyooj vam soob-------------------------nyob sab thas xes
    Sawv los nres----------------------------roob hav xam leej
    Thiaj qhia meej--------------------------rau nej paub tseeb

    Yawg xyooj xeeb-----------------------nres sab nab loom
    Nws kuj koom------------------------pab nyob moos oom
    Peb kuj pom--------------------------yawg lauj paj npliam
    Thau phom riam------------------------phom peb cuv tsib

    Sawv los qhib----------------------------tua cov nplog liab
    Yawg qha kieb------------------------thiab yawg npus cas
    Plhu puas tas----------------------------khiav tsis saib qab
    Rau moos cab------------------------lawm tiag cov npawg

    Lawv cov yawg--------------------------sawv los nrog coj
    Kev nyob noj------------------------------rau ntuj qub qab
    Kuj tshaib plab---------------------thiab txom nyem heev
    Rho nyiaj keev--------------------------yuav mos txwv tiv

    Nrhiav kev tsiv----------------------thiaj tshwm sab thaib
    Li tuaj laib---------------------------------rau teb chaws no
    Tshuav ib co-------------------------tseem nyob xub tsuag
    Cov seem tuag------------------------------thiaj li yog peb

    Thiaj muab ntxheb------------------------rau nej paub zoo
    Noj caus ntoo---------------------ntxuag me nplooj hmab
    Ntuj qub qab------------------------kuj tseem tshuav coob
    Nyob toj roob-----------------------tseem kwv riam phom

    Nplog liab txhom----------------------thiab raws lawv tua
    Lus moo cua-------------------------peb tseem hnov thiab
    Mob lub siab------------------------npaum kua txob ntsim
    Txoj kev chim---------------------------tsis muaj caij xaus

    Hmoob tej laus--------------------------thov pab tswv yim
    Kom lawv dim--------------------------thiab coj lawv tuaj
    Txoj kev quaj---------------------------thiaj yuav tsis pom
    Thov cov nom---------------------------nrog peb mus hais

    Vim nplog cais-------------------------thiab tsis hlub lawv
    Peb sau ntawv--------------------------mus rau koom haiv
    Kom lawv xaiv-----------------------kev rau Hmoob taug
    Thiab tsis raug-----------------------nplog muab lawv tua

    Li tej npua---------------------------------thiab tej me qaib
    Cawm puas laib------------------------cov nyob hav zoov
    Noj mov soov---------------------ntxuag mov qos ncoom
    Thov sib koom---------------------------siab mus nrog tos

    Cov nyob los-----------------------lawv txom nyem kawg
    Nej cov yawg------------------------------lus siab puas ras
    Peb xav mas----------------------------lawv tuav lub koob
    Ntawm peb Hmoob---------------------lub neej pem suab

    Thov peb muab-------------------------lawv ua keeb kwm
    Nrhiav kev tshwm-------------------------cev tes mus pab
    Cov hav fab------------------------------raws peb kom laib
    Txoj kev tshaib------------------------thiaj yuav tsis ntsib

    Li paub pib--------------------------------lub neej tom ntej
    Hos lawv tej-------------------------txiaj ntsha txiaj ntsim
    Thov peb cim------------------------nyob rau nruab ntaub
    Qhia Hmoob paub------------------------rau cov xeeb leej

    Sau hais meej--------------------------rau cov xeeb ntxwv
    Txhob muab lwv---------------------khaws ua puav pheej
    Hmoob lub neej-------------------------nyob rau xov tshoj
    Txoj kev ploj---------------------Hmoob tuag lawm coob

    Puv toj roob-------------------------------thiab cov kwv ha
    Lub koob ncha-------------------------mus thoob ntiaj teb
    Luag paub peb--------------------ces neej Hmoob tshwm
    Hmoob keeb kwm-------------------yuav nrog tshwm los

    Kuv lus ntos---------------------------------mas muaj li no
    Thov nej nco------------------------------cov ntuj qub qab
    Nyob hav fab-------------------------------ua npua teb dais
    Thov pab txais------------------------thiab hlub lawv mog

    Txawm  nyob nplog------------------------los kuj tib yam
    Vim lawv plam---------------------------poob rau tom qab
    Nyob thaib sab---------------------------rau zos qhov tsua
    Rau thaib tua-----------------------thiab mag thaib ncaws

    Thaib muab raws------------------------tuaj vaj tsev nqha
    Hmoob tej ntxa----------------------kuj raug thiab khawb
    Zos dej dawb----------------------------kuj raug thaib tsim
    Tsis muaj txim------------------------nyob lam raug nkuaj

    Thaib tseem tuaj---------------------ncaws tawm vaj tsev
    Nyob ntug kev---------------------------mov noj tsis muaj
    Niaj hnub quaj------------------------los kua muag ntshav
    Ib qho av-----------------------------------tsis muaj ua tsev

    Rub siab ntev----------------------------npaum li naj khab
    Noj nplooj hmab--------------------nplooj ntoos yug siav
    Thiaj muab piav------------------------tej kev txom nyem
    Raug thaib lem------------------------thiab raug nplog tua

    Li tej npua------------------------------thiab tej nyuag tsiaj
    Muab cuab phiaj----------------------sim hmuv sim phom
    Yog nej pom----------------------------puas pab nrog hlub
    Raug thiab dub----------------------muab yuam rov nplog

    Ntau tus pog-----------------------------thiab ntau tus txiv
    Raug nplog siv--------------------------muab coj xauv tes
    Quaj nrov les--------------------------nyob tsev tsaus ntuj
    Txawm muaj txuj--------------------------los yeej tsis dim

    Mus nyob txim-------------------------ploj ntsiag tag tiam
    Tshuav cov niam---------------------thiab cov me nyuam
    Tshuav cov ruam-------------------------cov uas tseem yau
    Tsuas nyo hau-------------------------rau nplog lawm tiag

    Thiaj sau kiag-----------------------------tseg ua paj huam
    Qhia cov ruam----------------------------kom paub ib yam
    Thov muab tham-------------------------qhia rau nej tseeb
    Kev khib xeeb------------------------mob Hmoob lub siab

    Mus ib txhiab---------------------------tsis muaj hnub ploj
    Tsis txhob ntoj-----------------------------txoj kev no mog
    Yog ua rog-------------------------------tsis muaj luag pab
    Xws cob fab------------------------------ces kawg kev tws

    Txawm yuav yws---------------------ntiaj teb tsis txhawb
    Yog mab dawb--------------------------luag yeej tsis khes
    Xws cov ntses----------------------------nyob rau luag pas
    Maj mam nyas--------------------------------noj ib tug zus

    Ntev xyoo mus---------------------------ces kawg tu noob
    Peb cov Hmoob----------------------------nej puas to taub
    Txawm paj kaub------------------------twb raug luag ntov
    Hais txog cov---------------------------muaj txoj sia nyob

    Xws yawg hlob---------------------------nai phoo vaj pov
    Raug luag txov-------------------------------zoo tib yam li
    Luag sib ntxhi---------------------soj ntsuam Hmoob qab
    Yog twg thab----------------------------ces kawg raug txo

    Zoo li no----------------------------------------nej xav li cas
    Kuv xav mas----------------------------tu siab tshaj plaws
    Nej sawv daws--------------------puas pom thiab Hmoob
    Cov feem coob-----------------------pheej tsis mloog hais

    Nyas soj pais---------------------------------kov ub kov no
    Kawg raug txo--------------------------kev muaj vaj huam
    Raug luag thuam--------------------tias Hmoob txhoj pob
    Thov txhob txob----------------lawm mog Hmoob aw!!./..
    ( xaus li no )




    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304






    Last edited by Hmong ntuj tshiab on 30th July 2013, 8:40 pm; edited 9 times in total (Reason for editing : kho kom zoo nyeem xwb)

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 30th May 2011, 1:06 pm



    Nyob zoo Hmoob Ntuj tshiab,

    Ua cas zaj "Zos Nas Xus" nws tso ob zaug?

    Yog tib zaj xwb los sib txawv?

    Yog tias yog tib zaj xwb ces nws hais es kuv muab ib zaj tshem os.

    Ua tsaug rau txhua yam nws coj tuaj teem rau hauv lub tsev txuj no.

    Nws yuav nyob tsim muaj caij kawg.

    Yuav yog Hmoob li puav pheej tsim nuj rau lub neej pem suab.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    MayPaj
    Spammer
    Spammer

    Messages : 490
    Date d'inscription : 2010-02-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  MayPaj on 30th May 2011, 2:16 pm

    koojziagkabzaug wrote:

    Maypaj,

    Hmoob Ntuj Tshiab sau tau paj huam zoo dhau lawm ces nws maj maj muab los ua video,...Hhaahah...! Ntshe nws yuav tau rov hais dua zaj paj huam no, vim tseem sau tsis tau tag, nws twb muab ua ua ntej lawm...hahahaah...!

    Nws mus saib Posts #21

    Tiag li sav wowowow.... es kuv txawm sid maj maj hais txawm sid muab ahis tas ua Hmoob ntuj tshiab twb sau tsis tau tas li...wowow!!!....Maiv Tooj aw! Hmoob ntuj tshiab tshaj lij tshaj qhov tshaj lawm ua rau kuv caug tsis cuag li lamw lauj, ntshe kuv kawg yuav qhov nyuag paj huam kuv hais tau luv luv saum nws daim video xwb os, vim kuv lub hlwb twb ntim tsis tau ntau Hmoob ntuj tshiab cov txuj ci li lawm , muaj zoo dhau li lamw ces cov ruam quaj li yus no cia li rua rua ncauj lawm xwb las as. :D18 A: ...zoo kagw li bro Hmoob ntuj tshiab :!


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 30th May 2011, 8:35 pm

    tsis ua li cas os kooj ziag kab zaug aw yog kuv muaj ces kuv yeej tsis khuv xim tej nyuag txuj no li os nawb

    vim kev teeg txuj txeeg ci ces tsuas xav coj tuaj tso rau hauv tej yam zoo li no xwb

    es pheej muab khaws cia ua dab tsi mas lov? vim tej niam tej txiv pheej qia dub heev es lawv tuag lawm ces lawv thiaj coj mus tag lawm nas kooj ziag kab zaug

    kooj ziag kab zaug koj nyiam kom kuv xa dab tsi tuaj rau hauv koj lub tsev vas sab no thiab os kooj ziag kab zaug?

    thov qhia kuv thiab es kuv mam xa tau kom ntau li ntau tau rau koj lub vas sab nawb mog.

    Sponsored content

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Sponsored content Today at 4:33 am


      Current date/time is 9th December 2016, 4:33 am