Copyrigth@20010-2011 /HMONG PEOPLE FORUM UNIVERS

Latest topics

Tsev seev PajHuam

Hmong beauty nature

Compteur visitor

hnub 18/09/2010 los mus

    Hmoob Ntuj Tshiab lub tsev PAJ HUAM & kab lis kev cai Hmoob

    Share

    hmoobleejtub
    Developer
    Developer

    Messages: 119
    Date d'inscription: 2011-08-31

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  hmoobleejtub on 18th October 2011, 9:18 am

    koojziagkabzaug wrote:

    Nyob zoo kuv ob tug Xib Hwb Hmoob Ntuj Tshiab thiab Hmoob Leej Tub,

    Hnub no kuv xav rov vam txog neb ob leeg lub laj lim tswv yim...Vim muaj neeg tuaj nyeem neb cov paj huam...Muaj lus qhuas...Thiaj li xa tsab ntawv no tuaj rau kuv muab rau neb pab sau ib zaj paj huam rau nws...Vim nws ua lub neej nrog kua muag...Ua tsaug.


    TUS NEEG DIG MUAG NRHIAV TAU TUB ROOG TSIS HLUB.

    Tus neeg dig muag nrhiav tau tub roog tsis hlub
    Muaj mob tsis muaj neeg tu
    Luag tsua thwj luag mus taus
    Luag muab yus tso tseg tsis xauj
    Tos lub hnub tuaj tsis pom
    Tos lub hli dhau tsis los
    Nyob txom nyem ntsuav
    Da luj luam li tus ntses nruab nqhuab
    Yus nyob ib hnub ntev li ib hlis
    Yus nyob ib hli ntev li ib txhis
    Nruab hnub yus nyob nrog kab noog kau
    Hmo ntuj yus pw nrog dev lom vuj vauv
    Tsis paub tias yog dab los yog tub sab
    Yog tsov los yog kaus vom
    Lam pw ua dab ntub npau suav nyias ntsais
    Nrog suab poj ntxoog kaus vom txaus ntshai

    Tus neeg siab coob,
    Tsua xav yuav yus thaum zoo zoo
    Thaum muaj mob ces muab yus kaw nkuaj
    Li tus tsiaj tsis muaj tsw xyuas
    Tsaus ntuj zus tsis paub
    tsov yuav tom los hma yuav dua
    Ntuj kaj ces siab zoo hlo
    Ntuj tsaus ces siab ntxhov nyho
    Pws tsis tsaug zog
    Vim txwj nkawm tsis hlub tsis hmov

    Luag tawm rooj plaws ces luag siab zoo hlo
    Luag rov los txog ces ntseg muag nros
    Luag tawm rooj plaws ces lkuag luag ntxhi
    Luag los txog tsev ces ntsej muag tsaus nti
    Tshuab tis tshuab xyu tis xyu
    Tsaus ntuj zus pib txhawj
    Vim me noog yuav maj luag kaw nruab tawb
    Luag tsis paub tias yus nplooj siab
    Quaj duj dhi yuav tuag tiag
    Tsi paub tus tsiaj twg yuav los tom
    Tsav tsiaj twg yuav los kov
    Tsawg tus kab dhia los hnov
    Tab sis tsis pom tus hlub rov los...

    Ua cas tu siab ua luaj
    Tau txawj nkawm tsis hmov tsis tshua
    Muaj mob luag ua ntsej lag muag dig
    Muaj txiab xeeb luag tsis nki
    Ces ntshe niam nkauj txhav qaib yuav tuag tsis muaj neeg saib
    Ces ntshe niam nkauj txhav npua yuav tuag tsis muaj neeg xyuas

    Tu sau:

    Nplooj siab quaj dhi
    Thaum tus kab tshwm sim los quaj
    Tus kab muab tus kab lub plhaub plhis rau tus ntoo tshuaj
    ces thaum tus kab quaj tag nws yuav rov los nrhiav
    nws lub plhaub ntawm tus ntoo uas nws tseg cia.









    kzkz,

    Zaum no hmoob leej tub yuav cia brother hmoob ntuj tshiab pib ua ntej. Yog tias nws tuaj es zoo txaus lawm ces hmoob leej tub yuav tsis tshooj dab tsi ntxiv lawm. Los sis yog hmoob ntuj tshiab tsis kam ua ntej no ces nws tso lus hmoob leej tub mam li ua ntej nawb.

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 18th October 2011, 2:46 pm


    HmoobLeejTub,

    Ua li os, nws twb sau ib zaj lawm ces cia zaj nov seb tij laug Hmoob Ntuj Tshiab puas tuaj ncig pom...Yog nws ho tsis tshuam no ces cia koj pib ua ntej...Yog nws ho tuaj ntsib no ces cia nws sau ua ntej los tau...Tej no ces yog lub neej tam sim no, tab sis yog muab sau ua paj ntsha lus taum cia ces lwm hnub ntau tiam tom ntej, tej xeeb leej xeeb ntxwv tuaj nyeem tau, yuav pom peb lub sawm fem nov zoo li cas...Pom lub sawm fem npua tuaj kuv qaib tuaj hniav yawg laus pog laus rov ua hluas nkauj hluas nraug ntxhias...Me tub tsis xaiv pog laus, me ntxhais tsis xaiv yawg laus, tsuav tau nyiaj dawb los pauv...Yawg koob yuav me nyuam ntxhais, yug tub ki ua luam li tu qaib npua tos suav tuaj hais...Thaum ub twb muaj lub sawm fem dev npua, thiaj li tsim muaj lub xeem kom zoo sib quas...Zaum no yog lub sawm fem dab tsi thiaj li sib yuav tsis nto ntsis...Ua lwj ua liam...Tsis zoo ntsia...Ua liam ua lwj...tej niam tej txiv yeej coj kiag tej me nyuam mus rau luag hlws...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    hmoobleejtub
    Developer
    Developer

    Messages: 119
    Date d'inscription: 2011-08-31

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  hmoobleejtub on 19th October 2011, 2:42 am

    koojziagkabzaug wrote:
    HmoobLeejTub,

    Ua li os, nws twb sau ib zaj lawm ces cia zaj nov seb tij laug Hmoob Ntuj Tshiab puas tuaj ncig pom...Yog nws ho tsis tshuam no ces cia koj pib ua ntej...Yog nws ho tuaj ntsib no ces cia nws sau ua ntej los tau...Tej no ces yog lub neej tam sim no, tab sis yog muab sau ua paj ntsha lus taum cia ces lwm hnub ntau tiam tom ntej, tej xeeb leej xeeb ntxwv tuaj nyeem tau, yuav pom peb lub sawm fem nov zoo li cas...Pom lub sawm fem npua tuaj kuv qaib tuaj hniav yawg laus pog laus rov ua hluas nkauj hluas nraug ntxhias...Me tub tsis xaiv pog laus, me ntxhais tsis xaiv yawg laus, tsuav tau nyiaj dawb los pauv...Yawg koob yuav me nyuam ntxhais, yug tub ki ua luam li tu qaib npua tos suav tuaj hais...Thaum ub twb muaj lub sawm fem dev npua, thiaj li tsim muaj lub xeem kom zoo sib quas...Zaum no yog lub sawm fem dab tsi thiaj li sib yuav tsis nto ntsis...Ua lwj ua liam...Tsis zoo ntsia...Ua liam ua lwj...tej niam tej txiv yeej coj kiag tej me nyuam mus rau luag hlws...

    Yog lawm os kzkz, lub tsam thawj no sam sim yog tsam thawj s/d vwm. Ua ntej tsam thawj s/d vwm mas yog tsam thawj pauj kua zaub ntsuab. Ua ntej tsam thawj ntu pauj kua zaub ntsuab yog tsam thawj tsov rog. Tsam thawj ntu tsov rog mas txawm tias cov txiv neej tsawg los tsis muaj poj niam seem. Tsam thawj tsis muaj poj niam seem ntawd mas yog ntu poj niam siab ntev txiv neej siab hlob, ib tug txiv ob peb tug poj niam los sawv daws sib yoog tau. Tom qab ntu txiv neej siab hlob poj niam siab ntev tas ces thiaj li los rau ntu tsam thawj poj niam pauj kua zaub ntsuab. Thaum poj niam pauj kua zaub ntsuab ces thiaj ua rau cov txiv txiav siab khiav mus nrhiav nkauj mog. Yuav luag txhua tus txiv neej txiav siab nrhiav nkauj mog kuj puav leej raug them child support. Tsam thawj no mas yog tsam thawj s/d txom nyem tshaj plaws. Txiv mus los txom nyem, niam nyob los txom nyem. Txij xyoo 1995 los txhua tus txiv uas raug them child support lawv dim lawv cov txim zuj zus lawm vim me nyuam loj hlob tiav hlaub tiav ceg tas lawm. 15 xyoos txwm ces me nyuam loj tag lawm niam los tau tau caij hom khaj li lawm thiab, yog li ntawd nws kuj muaj ib co nraug mos tom niam pog li koj ua muam hais los no ntag. Txij xyoo 2008 los, cov txiv nraug mos tos niam pog nws suav hnub suav hmo loj hlob. Tab sis lub tsam thawj txiv nraug mos tos niam pog no nws luv luv xwb. Luv yog 7 xyoo, ntev yog 10 xyoo rau s/d kawm. Tsis dhau xyoo 2015 los sis yam ntev xyoo 2018 ces tej zaum 2 fab yuav nyias nres nyias zom zaws lawm rau qhov cov txiv nraug laus tos nkauj mog los kuj raug tso coob tus hos cov niam pog tos txiv nraug mos los kuj raug tso coob tus thiab muaj kev piam sij ntau zuj zus lawm. Ntu ntawd mas nws kuj txaus ntshai hauj sim tab sis peb haiv neeg thiab txhua txhua haiv neeg rov tsawg lawm vim tias s/d tsis ua me nyuam lawm ne. poj niam yuav poj niam, txiv neej yuav txiv neej lawm xwb ces s/d tsis nteg qe tsawg tsawg li lawm. He.he.he... Thaum s/d vwm txaus, riam txuas ntais tas thiab cov laus paub tab hnov xaiv nkoj cag tas ces peb cov dab neeg uas peb niaj hnub tuaj sau hauv no nws yuav tseem ceeb heev li. Koj puas pom li ntawd thiab nas kzkz?

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 19th October 2011, 4:51 am



    Nyob zoo Hmoob Leej Tub,

    Nws yog tus nyob ze cov Neeg qhov muag pom kev, nws hais lus khev.
    Xav kom lub sam thawj lwj liam nov dhau tsuag tsuag mus, vim nws ua kev puas tsuaj ntau rau Peb Haiv Hmoob. Peb cov Hmoob tsis lim xeeb rau lawv lub neej, lawv tsuas mloog lawv lub siab xwb, tsis ntev saum no ces Peb cov Hmoob Mes Liv Kas thiab Fab Kis yuav rov poob koob poob npe, rov npluag liam txwv (kuj tsis yog tas tus, tab sis muaj ib feem ), vim lawv muab lawv nyiaj txiag cuab tam thiab meej mom mus pauv lawv cov niam yau mos ab, muab coj mus ua plhu tim ub. Cov tim ub los zoo siab heev yug tau ntxhais ces yuav tau ntxais...Thaum yuav tau tus niam mos ab tuaj txog teb chaws no lawm ces nws tsis yog tuaj khwv li tus niam nkauj txhab qaib nraug txhav noog li thaum peb nyuam qhuav tuaj es sib peem mus khwv rau luv neej kom zoo. Cov niam mos ab ces yeej npaj siab tuaj tho qab hnab xwb...Ces yuav tuaj pw zoo nkauj rau tus txiv hlub plhws...khwv los rau siv, lauj zias xa mus rau tim ub...Ces tib pliag cov neeg no tej cuab tam yuav rov poob tag, nyiaj txiag los khwv tsis tau lawm. Tsis tag li, cov niam mos ab no tsuas zoo coj tuaj saib xwb tsis zoo coj tuaj ua ib tug niam tsev khov. Lawv yuav tsis muaj cuab kav thaj tsob tsev dab tsev qhua...Ces tej txheeb ze los yuav ploj zuj zus lawm, yuav tsis muaj pluas noj pluas haus nchuav nthwv, yuav tsis muaj tej lub tshoob, tej lub ntees loj loj li yav dhau los...Vim lawv thaj tsob tsis tau...Li nov ces Hmoob lub koob lub npe uas luag qhuas, luag cav los txog niaj hnub no yuav ploj rau tej kev no xwb lauj...Kuv xav los mas tu siab kawg rau Peb Hmoob...Peb Hmoob tsis muaj nom muaj tswv, tsis muaj teb muaj chaw...Nim quaj quaj thov thov mus txog ntua Yawm Saub, tos puag thaum Huab Tais Txiv Yawg los...Tab sis hnub no Peb Hmoob tau muaj noj muaj haus, nplua nuj li tej lus uas cov Yaj Saub tau teev tseg....Ces Hmoob tsis txawj yuav qhov zooooooo, txawm siv mus nrhiav kev xyob txhiaj liam txwv...Kev txom nyem, kev ploj kev plug...Tu siab kawg os Haiv Hmoob...Cas Peb Hmoob tsis txawj ceev Peb txoj kev zoo, kev txoj kev zoo...Peb yog cov nplua nuj tshiab...Peb tsuas ntsia qhov ci ci es sib tw khiav mus huas xwb twb tsis xav tias yog pom pas dej nruab qaig hli es khiav mus huas tsam ho poob deg tsis txawj ua luam dej kom tawm tau rau sab tid...No...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages: 512
    Date d'inscription: 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 19th October 2011, 3:50 pm

    koojziagkabzaug wrote:

    Nyob zoo Hmoob Leej Tub,

    Nws yog tus nyob ze cov Neeg qhov muag pom kev, nws hais lus khev.
    Xav kom lub sam thawj lwj liam nov dhau tsuag tsuag mus, vim nws ua kev puas tsuaj ntau rau Peb Haiv Hmoob. Peb cov Hmoob tsis lim xeeb rau lawv lub neej, lawv tsuas mloog lawv lub siab xwb, tsis ntev saum no ces Peb cov Hmoob Mes Liv Kas thiab Fab Kis yuav rov poob koob poob npe, rov npluag liam txwv (kuj tsis yog tas tus, tab sis muaj ib feem ), vim lawv muab lawv nyiaj txiag cuab tam thiab meej mom mus pauv lawv cov niam yau mos ab, muab coj mus ua plhu tim ub. Cov tim ub los zoo siab heev yug tau ntxhais ces yuav tau ntxais...Thaum yuav tau tus niam mos ab tuaj txog teb chaws no lawm ces nws tsis yog tuaj khwv li tus niam nkauj txhab qaib nraug txhav noog li thaum peb nyuam qhuav tuaj es sib peem mus khwv rau luv neej kom zoo. Cov niam mos ab ces yeej npaj siab tuaj tho qab hnab xwb...Ces yuav tuaj pw zoo nkauj rau tus txiv hlub plhws...khwv los rau siv, lauj zias xa mus rau tim ub...Ces tib pliag cov neeg no tej cuab tam yuav rov poob tag, nyiaj txiag los khwv tsis tau lawm. Tsis tag li, cov niam mos ab no tsuas zoo coj tuaj saib xwb tsis zoo coj tuaj ua ib tug niam tsev khov. Lawv yuav tsis muaj cuab kav thaj tsob tsev dab tsev qhua...Ces tej txheeb ze los yuav ploj zuj zus lawm, yuav tsis muaj pluas noj pluas haus nchuav nthwv, yuav tsis muaj tej lub tshoob, tej lub ntees loj loj li yav dhau los...Vim lawv thaj tsob tsis tau...Li nov ces Hmoob lub koob lub npe uas luag qhuas, luag cav los txog niaj hnub no yuav ploj rau tej kev no xwb lauj...Kuv xav los mas tu siab kawg rau Peb Hmoob...Peb Hmoob tsis muaj nom muaj tswv, tsis muaj teb muaj chaw...Nim quaj quaj thov thov mus txog ntua Yawm Saub, tos puag thaum Huab Tais Txiv Yawg los...Tab sis hnub no Peb Hmoob tau muaj noj muaj haus, nplua nuj li tej lus uas cov Yaj Saub tau teev tseg....Ces Hmoob tsis txawj yuav qhov zooooooo, txawm siv mus nrhiav kev xyob txhiaj liam txwv...Kev txom nyem, kev ploj kev plug...Tu siab kawg os Haiv Hmoob...Cas Peb Hmoob tsis txawj ceev Peb txoj kev zoo, kev txoj kev zoo...Peb yog cov nplua nuj tshiab...Peb tsuas ntsia qhov ci ci es sib tw khiav mus huas xwb twb tsis xav tias yog pom pas dej nruab qaig hli es khiav mus huas tsam ho poob deg tsis txawj ua luam dej kom tawm tau rau sab tid...No...!

    iov ua cas nej pheej yuav txhawj txog lawv lub neej tag npaud mas lov?. lawv tus kheej twb tsis txhawj lawv tus kheej lawm es nej pheej txawj txog lawv lub neej ua dab tsi mas lov?

    luag tej hais tias ntuj yuav tshau cov neeg phem poob mus rau ntuj tawg. hos cov neeg zoo mam nyob yeej noob no nev, ces yog zaum no ntag mas,

    puab nyuag aw!!!! kuv mas yeej tsis txhawj txog leej twg li kiag, vim tsis yog ntuj ua los yog dab yob nas, nws yog neeg siab phem yob xwb mas kuv yeej tsis txhawj txog leej twg li os,

    kuv tsuas tuaj deb deb ib sab saib xwb, cav zoo li zom zem rau kuv saib thiab os, vim zoo tau txawv txawv nas vim neeg laus ho sib tuav tes thiab ho sib pub khoom noj li me nyuam yaus thiab ces muaj ntsis zoo li ua movie thiab hos,
    yog nyiam mas yeej meem mus tos kom coob tuaj es seb yuav nyob qhov twg thiab yuav noj dab tsi nas nawb, kuv ces tsis mob siab dab tsi li os cav lom zem rau kuv saib thiab xwb

    [i]

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 20th October 2011, 5:34 am

    koojziagkabzaug wrote:

    Nyob zoo kuv ob tug Xib Hwb Hmoob Ntuj Tshiab thiab Hmoob Leej Tub,

    Hnub no kuv xav rov vam txog neb ob leeg lub laj lim tswv yim...Vim muaj neeg tuaj nyeem neb cov paj huam...Muaj lus qhuas...Thiaj li xa tsab ntawv no tuaj rau kuv muab rau neb pab sau ib zaj paj huam rau nws...Vim nws ua lub neej nrog kua muag...Ua tsaug.


    TUS NEEG DIG MUAG NRHIAV TAU TUB ROOG TSIS HLUB.

    Tus neeg dig muag nrhiav tau tub roog tsis hlub
    Muaj mob tsis muaj neeg tu
    Luag tsua thwj luag mus taus
    Luag muab yus tso tseg tsis xauj
    Tos lub hnub tuaj tsis pom
    Tos lub hli dhau tsis los
    Nyob txom nyem ntsuav
    Da luj luam li tus ntses nruab nqhuab
    Yus nyob ib hnub ntev li ib hlis
    Yus nyob ib hli ntev li ib txhis
    Nruab hnub yus nyob nrog kab noog kau
    Hmo ntuj yus pw nrog dev lom vuj vauv
    Tsis paub tias yog dab los yog tub sab
    Yog tsov los yog kaus vom
    Lam pw ua dab ntub npau suav nyias ntsais
    Nrog suab poj ntxoog kaus vom txaus ntshai

    Tus neeg siab coob,
    Tsua xav yuav yus thaum zoo zoo
    Thaum muaj mob ces muab yus kaw nkuaj
    Li tus tsiaj tsis muaj tsw xyuas
    Tsaus ntuj zus tsis paub
    tsov yuav tom los hma yuav dua
    Ntuj kaj ces siab zoo hlo
    Ntuj tsaus ces siab ntxhov nyho
    Pws tsis tsaug zog
    Vim txwj nkawm tsis hlub tsis hmov

    Luag tawm rooj plaws ces luag siab zoo hlo
    Luag rov los txog ces ntseg muag nros
    Luag tawm rooj plaws ces lkuag luag ntxhi
    Luag los txog tsev ces ntsej muag tsaus nti
    Tshuab tis tshuab xyu tis xyu
    Tsaus ntuj zus pib txhawj
    Vim me noog yuav maj luag kaw nruab tawb
    Luag tsis paub tias yus nplooj siab
    Quaj duj dhi yuav tuag tiag
    Tsi paub tus tsiaj twg yuav los tom
    Tsav tsiaj twg yuav los kov
    Tsawg tus kab dhia los hnov
    Tab sis tsis pom tus hlub rov los...

    Ua cas tu siab ua luaj
    Tau txawj nkawm tsis hmov tsis tshua
    Muaj mob luag ua ntsej lag muag dig
    Muaj txiab xeeb luag tsis nki
    Ces ntshe niam nkauj txhav qaib yuav tuag tsis muaj neeg saib
    Ces ntshe niam nkauj txhav npua yuav tuag tsis muaj neeg xyuas

    Tu sau:

    Nplooj siab quaj dhi
    Thaum tus kab tshwm sim los quaj
    Tus kab muab tus kab lub plhaub plhis rau tus ntoo tshuaj
    ces thaum tus kab quaj tag nws yuav rov los nrhiav
    nws lub plhaub ntawm tus ntoo uas nws tseg cia.


    Hahahah...!Tij Laug Hmoob Ntuj Tshiab, yuav tsum muab tig los ua ib qho humour li nws hais mas thiaj li tsis tu siab xwb...Vim kuv pom neeg muaj kev ntxhov siab quaj ntsuag rau txhua txoj ke...Kuv pom lawv tej cuab tam poob tag rau niam nkauj kub kaws tes tag yam tsis tau khwv tsis tau poob ib lub hws...Kuv pom tej tug neeg muab nkawd ob niam txiv lub cuab tam uas khwv khwv tag nrho ib sim neej coj los xa tag nrho rau nkauj mog...Thaum nkauj mog tau txais kiag ib teg loj ces nkauj mog muab tso tseg...Muaj tej tug muab nkawd tej vaj tsev uas nkawd tau txuag npib txuag xus los txhim, zaum no cia li ya daj lis rau niam nkauj mog tsis hnob nrov li...

    Tij laug Hmoob Ntuj Tshiab, nws puas khoom pab kho sob lus nov rau kuv tau khaws tseg.

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages: 512
    Date d'inscription: 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 24th October 2011, 8:46 pm

    NkaujNag wrote:
    Hmong ntuj tshiab wrote:

    Nyob zoo os " Hmong Ntuj Tshiab "

    Zoo siab tau tuaj ntsib koj os , Ua tsaug nawb ua koj txawj sau paj huam zoo heev li , Thaum tau tuaj nyeem tag kuj zoo siab thiab paub ntau yam tuaj , Muaj caij no kav tsij tuaj sau kom ntau ntau es peb thiaj tau nyeem thiab ho tau kawm thiab os ,

    Kev txuj ci ces yog tsis sau cia ces yuav tsis nco
    txhob khaws cia rau nruab nrog thiab tsis ua kab mob
    kev pajhuam yog tsis thuav ces yuav tsis muaj
    txhob khaws cia rau nruab siab muab nthuav tuaj qhia
    yog cia ntev mus tsam ho mob ua ntxhia
    tuaj piav rau peb tau kawm kom sawv daws thiaj txawj

    yog los mas------------leej muam nkauj nag
    yeej tsis dag----------leej muam txuj siab
    qhov tseem ntsiab---------ces tsis sau xwb
    hauv lub hlwb----------yeej khaws tau ntau
    yog muab thau---------los nthuav tawm tuaj
    nws yeej muaj-----------yam zoo thiab phem
    raug luab lem----------ho tsis ntxim mloog
    ces yuav toog------------nej pob ntseg xwb
    koj kuv wb---------------yeej txawj ib yam
    yog muab tham-----------qhov tseeb tiag no
    lus sib do---------------hais los sib dhos
    tham lus mos------------ntxuag lus sib dib
    tej lo ntxhib--------yuav tsis nyiam mloog
    lus dawb doog-------------ho tsis xav hnov
    thiaj tsuas thov---------sau zaj puav tawm
    ua peev cawm--------------tej kev kho siab
    nws pab ntiab------------cov kab mob plawv
    mob lub qawv-------------cuag rwj aws ncus
    kom plam mus------------rau hluav taws kub
    mam muab pub------------pov dej tshoob mus
    kom pab pus---------------mus rau zaj qhov
    ntsej tsis hnov----------kom muag tsis pom
    txhob meem txom-----------rau yus xwb tiag
    txawm nthuav kiag---------txuj ci paj huam
    yeej tsis thuam-----------tus leej tus twg
    txawm phooj ywg------------los yeej ib yam
    kuv sau tham----------txog kev nkauj nraug
    ntawv tsis raug--------thiaj tau sib ncaim
    tseem nyob nraim--------hauv siab tsis lwj
    es thiaj tswj-----------tsis tau tus kheej
    thiaj sau meej-----------rau nej nrog paub
    lam muab saub--------------ua lus sib dhos
    tuaj tham yos------------seb nws puas hnov
    cuag xa xov---------------nrog huab cua ya
    mam nrov ncha------------mus qhia tib neeg
    tham kom deeg------------ncha mus txog nws
    tsis yog yws--------------tsuas yog xa xov
    kuv tsuas thov--------------xa nws lub moo
    puas nyob zoo--------------li qub lawm xwb
    vim lub hlwb----------pheej nco dhuj dheev
    ncauj tsis seev-----------los kua muag los
    tej lus ntos-----------tham tag tham thiab
    lus tseem ntsiab-------xav paub qhov tseeb
    tsis thaj yeeb---------vaj huam tsis txaus
    es tej laus-------------thiaj txiav wb kev
    sib ncaim ntev------------npaum li cas los
    thiaj tseem tos---------seb puas rov ntsib
    wb mam pib----------------dua zaum thib ob
    neej pov plob------------seb ncav puas tau
    los sib sau---------------ua txij ua nkawm
    raws keej khawm------------wb lub siab xav
    kua muag ntshav-------kom txhob poob xwb./.





    Zoo siab tau paub koj os " Hmong Ntuj tshiab " Tus txawj sau paj huam .


    NkaujNag .


    nkauj nag kuv sau tau ib zaj no thiab nawb

    "TXIV UA NTEJ- TUS TSIS QUAV NTSEJ"
    Lub keej khawm------------Hmoob muaj tus coj
    Haiv Hmoob loj---------------muaj koob nto npe
    Koom ua ke---------------------nyob los tsuas teb
    Thiaj muab ntxheb------------thaum lub koob nto
    raws li nco--------------------yawg lauj kiab toom
    Sawv coj tsoom-------------Hmoob nyob looj hej
    Thaum ua ntej------------------nws sawv los qhib
    Coj yawg thib-------------------qhia tsoom tub kiv
    Sawv coj tiv---------------kev quab yuam Hmoob
    Nyob pem roob----------------tsis muaj kev txawj
    Raug cov thawj---------------------tub rog fab kis
    Tuaj yuam ntshis-----------------coj mus ua qhev
    Mus ncaws kev----------------tsheb rau luag taug
    Hmoob kuj raug------------------them se loj heev
    Luag xuas teev--------------------xuas tsi luj kom
    Txhua txhia hom----------muab ntaus nyiaj txiag
    Qhov tseeb tiag------------Hmoob tsis muaj nyiaj
    Peem ua txiaj----------------------ces yog yaj yeeb
    Sau se xeeb------------------------nyhav loj zuj zus
    Hmoob txhua tus------------------them tsis taus se
    Nyob ua ke------------------------nrog neeg fab kis
    Coob tus ris--------------------------nuj ris nqi ntau
    Hmoob sib sau---------------------nyiaj los sib pab
    Them rau mab------------------------yij looj fab kis
    Tsis tau ris------------------------------fab kis nqi se
    Hmoob nom me-------------------yog npis lis foom
    Sawv los koom-----------------------tho kev ua ntej
    Coj Hmoob nej----------------------ua nom ua tswv
    Txoj kev khwv---------------------ua neej nplua nuj
    Cob kawm txuj---------------nrog haiv neeg Nplog
    Thaum sawv rog------------------teb chaws pib swb
    Pov neej tswb--------------------------ho los tuav coj
    Sib tua loj------------------------nyob tiaj rhawv zeb
    Ua rau peb------------------------------tsis zoo ua noj
    Hmoob tus coj-----------------------yog hlob vaj pov
    Mes kas thov-------------------kom Hmoob mus pab
    Ua laj kab------------------------thaiv lawv haiv neeg
    Peb thiaj ntseeg-----------------------mes kas lus cog
    Hmoob sau sog-------------------txiav txoj kev tsheb
    Tho lug deb-----------------------hauv daim av nplog
    Mus kom txog-------------------------cob tsib qab teb
    Tua cov tsheb--------------------thauj khoom tub rog
    Peb Hmoob nrog-------------------thaiv nyab laj liab
    Ntau pua txhiab---------------------nyab laj qaum teb
    Nrog cov tsheb-----------------------tuaj hla av nplog
    Peem kom txog------------------------nyab laj qab teb
    Kev ntxhov ntxheb------------------muaj xeeb loj zus
    Hmoob txhua tus-------------------raug kawm tub rog
    Tawm mus nrog-----------------------tub rog mes kas
    Thaiv lus nras-----------------------cob tsib chaw tuaj
    Thiaj xeeb muaj---------------------tsov rog zais npog
    Nyob hauv nplog-----------------tau kaum tsib xyoos
    Hmoob muaj moos-----------------nrog luag tsim tau
    Thiaj qhia rau----------------------nej kom paub tseeb
    Nroog looj ceeb-----------------------raug tsim tiaj tus
    Hauv nas xus-----------------------yog chaw khov ruaj
    Muaj tsev tshuaj------------------thiab kws khom mob
    Nroog pov plob------------------yog Hmoob lub moos
    Hauv xas thoos-----------------------muaj vaj tsev zoo
    Nyob nto moo---------------------yog nroog moos cab
    Neej sib pab-----------------------muaj tsev kawm siab
    Tsim muaj kiab--------------------muaj khw ntau zoo
    Nroog moos oo-----------------------muaj liaj teb dav
    Hmoob thiaj txav------------------los nyob hauv coob
    Xyaum cog qoob--------------------me nplej pob kws
    Zoo vam ntws-----------------muaj puv phawv txhab
    Tsis tshaib plab-------------------txaus noj txaus haus
    Neej zoo txaus------------------------nyob kaj siab lug
    Hmoob muaj tug--------------------nrog luag tswj kav
    Muaj npe cav--------------------------nto moo lug tuaj
    Rau caum cuaj----------------------pib xeeb muaj txuj
    Xyaum teev ntuj---------------------los nrog kav tswj
    Yaj Soob Lwj-----------------yog hmoob niam ntawv
    Nws pib sawv------------------------nyob nyab laj teb
    Pib ntxhov ntxheb-------------------nws nyob tsis tau
    Thiaj khiav dhau----------------------los rau av nplog
    Thaum los txog--------------------nyob rau xas thoos
    Hmoob xuas tsoos----------------ntaub maj xaws chij
    Tsoom kwv tij----------------------kom ua teej kawm
    Los pab cawm------------------haiv Hmoob poob qab
    Nyob yaj sab--------------------tsis muaj ntaub ntawv
    Hmoob thiaj sawv----------------------los ua tsev teej
    Qhia kawm tsheej--------------nyob nroog xas thoos
    Hmoob lub moos---------------muaj neeg nyob coob
    Peb tsoom Hmoob--------------------tsis ua twj ywm
    Pheej tham tshwm--------------rau nplog paub tseeb
    Zos looj ceeb--------------------nplog muab dav hlau
    Tso npoos rau--------------------nroog looj ceeb kiag
    Qhov tseeb tiag---------------vim Hmoob siab phem
    Ua dev tsem-----------------------qhia mab sua nplog
    Luag paub txog-------------------Hmoob lub keeb tiv
    Nplog thiaj siv----------------------txoj uas kev phem
    Tuaj rhuav tshem--------------------txiv yaj soob lwj
    Txoj kev tswj----------------Hmoob tus ntaub ntawv
    Raug muab hlawv---------------ntes mus kaw nkuaj
    Xa nws tuaj------------------------kaw tim tsua dawb
    Nplog tuaj tshawb--------------tsev kawm xas thoos
    Hmoob nyob ntsoos------------ntsej muag daj tseem
    Thiaj fab peem------------------------coj yaj soob lwj
    Mus tsheej tswj---------------------nyob vaj loog zeb
    Zais kom deb------------------nplog txhob pom nws
    Ntau tus yws-----------------------cem hais tias vwm
    Ntxoov lis tshwm------------------nyob hiob khib ni
    Hmoob sib ntxhi------------------sau phom mus zov
    Ua yeej khov----------------------nyob rau pem roob
    Muaj Hmoob coob----------tuaj kawm nchuav ntws
    Soob looj nws-----------------raug tshais chaw nyob
    Teej pov plob------------------------nyob rau naj kas
    Nws raug tas-----------------------txoj sia rau ntawd
    Ntxoov lis nkawd----------------siab pheej tsis tsum
    Neeg sib tshum-------------------nrov txog looj ceeb
    Hmoob rov teeb---------------tsev kawm ntawv dua
    Vaj pov tshua----------------txog tsoom tub ntxhais
    Tso neeg hais--------------------------kom cia li tseg
    Tsis txhob leg---------------------------tej xwm li no
    Kom Hmoob tso-----------------------cia li mus tsev
    Nplog cov dev----------------------rov tuaj pom dua
    Yuav raug tua--------------------muaj kev puas tsuaj
    Neeg thiaj tuaj---------------------puag tim looj ceeb
    Qhia qhov tseeb------------------rau ntxoov lis lawv
    Tub kawm ntawv------------------khiav rov ib feem
    Lawv tsis zeem-------------------pheej teev ntuj dua
    Dav hlau tua----------------------tsev kheej tawg tag
    Vim yuav mag-----------------nplog nrhiav txim loj
    Ntxoov lis ploj----------------hnub ntawd lawm tiag
    Thiaj qhia kiag---------------------rau nej paub meej
    Txuj tsev kheej------------------tshuav vaj tswv kim
    Tseem txheej txhim--------------tuav txuj cag ntawv
    Nws coj rawv------------------------soob lwj tus txuj
    Teev tswv ntuj----------------kom Hmoob muaj tug
    Pheej coj pug-------------------nkaum nyob phuv laj
    Niaj hnub npaj------------Hmoob ntawv puas tsheej
    Coj Hmoob neej--------------------rau yav pem suab
    Hmoob kuj cuab------------------puas nrog muaj tug
    Daim av yug--------------------puas muaj feem thiab
    Lub neej tshiab----------------Hmoob ncav puas tau
    Thiaj qhia rau----------------------peb ib tsoom neeg
    Nej khaws teeg----------------------sau ua keeb kwm
    Peem puas tshwm--------------------rau yav tom ntej
    Qhia rau nej--------------------tseem tshuav ntau pab
    Sawv cob fab----------------------nyob rau xub tsuag
    Kev quaj ntsuag-----------------------puv toj puv pes
    Raug nplog ntes--------------------coj mus kaw nkuaj
    Txoj kev quaj--------------------thiab txoj kev ntsuag
    Hawj Zoov Zuag------------------coj nyob Phu Npiab
    Lub neej tshiab----------------txom nyem tuag tshaib
    Khiav mus Thaib-----------------Cawm txoj sia nyob
    Neej pov plob----------------------nyob yeej thoj nam
    Thiaj zoo tam----------------------cov tsiaj kaw nkuaj
    Txoj kev quaj---------------------ncaim kwv ncaim tij
    Ncaim yawm yij---------------muam phauj yawg laus
    Khuam xeeb txaus--------------------ua neeg tawg rog
    Haiv neeg Nplog----------------------Tuaj rau mes kas
    Thaum xeev ras------------------thov Hmoob sib hlub
    Ntsia thaum ub----------------------qhia txheej tiam no
    Cim khaws nco-------------------------tej lus paj huam
    Ho soj ntsuam-------------------------tua hneev tim toj
    Hais piv zoj--------------------------txoj kev vam meej
    Cov txiv neej----------------------pej xeem sawv daws
    Tuav teb chaws----------------------------peb zoo li no
    Raws kuv nco-----------------------thaum nom ua ntej
    Sawv phaj ej------------------------txawj vam sib hlub
    Nchuav nyiaj kub--------------------los pub niam txiv
    Lub keeb tiv-------------------------vim zoo tsis txaus
    Neeg siab nkaus------------------puag thaum xub pib
    Yeej coj ntxhib---------------------thiaj tsis vam meej
    Hmoob lub neej--------------------zoo yam tsob nplej
    Tsis muaj dej--------------------------thiaj tsis tau taw
    Txoj kev ntshaw---------------------yav puag tom qab
    Tsis sib pab---------------------thooj siab koom ntsws
    Kev thiaj tws-----------------coob npaum xub ntsaum
    Hmoob tsis xyaum-------------------sawv ua ib pawg
    Txog thaum kawg------------Hmoob tsis muaj chaw
    Mam paub ntshaw--------------------li luag lwm haiv
    Tsis mloog khaiv-----------------pheej nyiam dog dig
    Lub neej lig--------------------------sib txeeb nom rog
    Sawv ntsuab vog----------------------cuag xov laj kab
    Tsis sib pab--------------------------------thiaj zoo li no
    Thov nej nco--------------------khaws tuaj nruab siab
    Nco lo ntsiab-----------------------mus txog 100 xyoo
    Hmoob thiaj zoo----------------------ciaj ib haiv neeg
    Hlob nruaj nreeg-------------------muaj npe nto moo!!
    Peb muaj hmoo--------------------thiaj yuav pom tiag
    Thiaj qhia kiag--------------------rau tsoom nom tswv
    Txhob sib lwv--------------------thiab txhob sib txeeb
    Kev khuam xeeb---------------------li tsis mob plawv
    Koom dej cawv---------------------lom zem xauv npo
    Thaum noj hno-----------------thiaj poob plab nawb./.

    "Kuv thov muab txoj paj huam no dedicate rau peb cov nom tswv Hmoob muaj meej mom tseem ceeb"

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 25th October 2011, 2:23 pm



    Tij Laug Hmoob Ntuj Tshiab,

    Ua tsaug nws txuas cov paj huam ntau thiab zoo heev...Es nws tssi xav sau kuv zaj ntawv ua ib zaj paj huam rau kuv lov? Los yog nws xav kom tij laug Hmoob Leej Tub sau ua ntej ais nws mam li sau lawv qab? Hahahah...! Cia neb ob kwv tij sib tuav xam seb yuav muab leej twg ntsab ua hmo...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    hmoobleejtub
    Developer
    Developer

    Messages: 119
    Date d'inscription: 2011-08-31

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  hmoobleejtub on 30th October 2011, 3:39 am

    koojziagkabzaug wrote:

    Tij Laug Hmoob Ntuj Tshiab,

    Ua tsaug nws txuas cov paj huam ntau thiab zoo heev...Es nws tssi xav sau kuv zaj ntawv ua ib zaj paj huam rau kuv lov? Los yog nws xav kom tij laug Hmoob Leej Tub sau ua ntej ais nws mam li sau lawv qab? Hahahah...! Cia neb ob kwv tij sib tuav xam seb yuav muab leej twg ntsab ua hmo...

    Koojziagkabzaug,

    Tej zaum ntshe hmoob ntuj ntshiab yuav tsis nco pom koj cov lus thov lawm ces kuv lam muab pib hauv paus me ntsis li no seb hmoob ntuj tshiab ho yuav tuaj kho li cas ntxiv rau, yuav zoo tsis raws koj lub siab nyiam los koj lam siv tias yog kuv sau nawb. Vim koj tsis tau muab detail tias nyob lub zos twg, lub sij hawm twg thiab muaj dab tsi tshwm sim. Yog tias kuv paub txoj dab neeg zoo mas yuav dhos tau yooj yim dua. Txawm tsis ntxaws raws cov ntsiab lus koj twb tau muab sau ua ntej lawm los thov koj zam txim. Ntseeg tias Hmoob ntuj tshiab yuav tuaj tshooj ntxiv lub neej yav laus.

    tsis xyuam xim mloog tej laus qhuab
    thiaj li nyuab nplooj siab quaj qhi
    yav thaum i uas wb tseem hluas
    niaj hnub qhuas kuv yog tus zoo
    tsis tsawg xyoo thaum wb sib tau
    nrhiav niam yau ua nraug qas ntxhub
    nrauj kev hlub tsis saib tsis xyuas
    kwv tij ntuas nws yeej tsis yuav
    daws tes plhuav npaum nyuj cais zaub
    thiaj li saub tu siab luaj no
    ntuj tag hmo pw tsis tuaj ntub
    yam lub hnub raug huab muab vov
    thiaj tsis sov ci rau ntiaj teb
    ncaim mus deb thaum twg mam rov
    yog koj hnov kom tig rov qab
    kuv tseem tab khaws wb teej cuab
    thiaj thov muab wb txoj kev hlub
    los nthuav qhub qhia rau tsoom zeej
    tias lub neej tsis muaj kev tshav
    wb lub lav tsis muaj koj pw
    lub tsev sw thiaj tsis xav cheb
    wb daim teb tsis muaj tus nthua
    tej qaib npua tsis muaj tus pub
    koj siab dub lub neej thiaj nyuab
    lub teej cuab thiaj ntxhov lis hnyo
    hnub dhau hmo tsis muaj tus hlub
    nyob ib hnub ntev npaum ib hlis
    quaj ntshuj ntshis vim nplooj siab mob
    npaum kua txob thiab hluav taws hlawv
    cig ruab plawv thaum twg mam kaj
    tu siab tshaj yug los tiam no
    raws li nco tsis tau ua txhaum
    coj siab maum ua zoo rau koj
    thaj teb nroj koj tseg kuv dob
    dab tsov hlob koj tseg kuv cia
    kuv quaj ntsia tos koj tsi los
    nyob nros nros nrog dab tsov quaj
    hnub tawm tuaj nrog kab noog saub
    cas tsis paub tseg txhob yuav koj
    txoj kev ntsoj ntshe twb tsis tau
    vim tseem yau kuv thiaj tsis paub
    raug koj haub tias koj zoo dua
    thiaj tau ua koj tus poj qhev
    hauv lub tsev twb tsis muaj txiv
    seev uj iv los tuag tsis taus
    koj thiaj faus tso plhuav kev hlub
    rau tus ub thiab rau tus no
    hnub dhau hmo peb tsis muaj nej
    daim teb nplej koj cia kuv rho
    txoj kev nco koj tseg kuv seev
    pw tsim dheev niaj dab npau ntub
    txoj kev hlub kuv thiaj tsis muaj
    kaw rooj quaj nyob tsaus ntuj nti
    nruab qaim hli hnov plas tooj twg
    siab ntshai rwg hnov suab kaus vom
    lub teeb tsom los kuv tsis muaj
    kaw rooj ruaj los rooj tsis khov
    suab dab tsov nrog suab liv nyug
    tsis kaj ntug hmo ntev li xyoo
    nrauj qoob loo yuav tsis tau noj
    npua kev ntsoj pw rawv daim teb
    koj mus ntxheb ua hluas ywj plawv
    txom kheev kawv hauv kuv lub neej nas koj txiv
    .






    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 30th October 2011, 12:12 pm



    Nyob zoo Hmoob Leej Tub,

    Kuv twb tsis paub tug niam tsev no li keeb kwm thiab...Vim nws paub tias kuv kuv muaj cov phooj ywg tshaj lij, muab lub neej nthuav ua lus paj muab lub siab nthuav ua lus ntxhi thiaj li tso ib tsab ntawv raws niam mab xa rau kuv lub rooj tag, rau niag suav cuam rau kuv lub rooj txuas. Kuv thiaj muab nthuav, cas yog ib tug niam tsev tej kev quiaj ntsuag tsis muaj neeg xyuas, yog niam tsev tej kav kho siab tsis muaj neeg thiaj...Kuv thiaj li nqa tuaj thov tij laug Hmoob Ntuj Tshiab neb piav xwb nas.
    Hmoob Leej Tub, nws yeej hais tau zoo kawg nkaus li lawm, kuv thov ua nws tsaug. Ua li, cia seb tij laug Hmoob Ntuj Tshia ho puas tuaj ntxiv ib qho rau thiab.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages: 512
    Date d'inscription: 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 31st October 2011, 6:03 pm

    Neeg dig muag luag tsis hlub

    tsis xyuam xim------------- mloog tej laus qhia
    tsis khaws cia--------------cov ntsiab lus qhub
    pheej xuas dub----------------lam tau lam tsuab
    nws thiaj nyuab ---------------txoj kev ua neej
    kuv tus kheej-----------------kua muag thiaj si
    zoo xws li-------------------dej nag nchuav los
    thiaj muab ntos---------------qhia rau nej paub
    li muab saub-----------------nthuav ua paj huam
    hais cuam tshuam--------------tus neeg dig muag
    pheej lam zuag----------------xuas tau tus hlub
    neeg siab dub--------------tsis saib tsis xyuas
    tawm ua hluas-----------------poj siab quaj qhi
    yav thaum i------------------koj wb tseem hluas
    niaj hnub qhuas-----------------kuv yog tus zoo
    tsuas hnov nroo---------------txog kev hlub kuv
    niaj hmo thuv-----------------qab vag tsib taug
    tham nrov yaug---------------tias kuv zoo tshaj
    lub ntuj kaj-------------------qhua kuv zoo dua
    zov ntuj qhua-------------tawm plaws ntuj tsaug
    kuv thiaj raug----------------ua koj txij nkawm
    hmoov thiaj sawm---------------los nyob sib fwm
    tuav keeb kwm----------------mus txog hnub laus
    kom neej xaus---------------nrig pas khuj khuav
    yuav tsis dhuav----------------kuv tus kheej li
    tej lus ntxhi---------------xav tias muaj tseeb
    thiaj khaws teeb------------rau hauv nruab siab
    qhov tseem ntsiab------------tsuas yog lam nroo
    tsis ntau xyoo----------------pib muab kuv cais
    txawm hnov hais-------------tias ntxub kuv dhau
    nrhiav niam yau------------tawm ua nraug ntxhub
    nrauj kev hlub-------------tsis saib tsis xyuas
    kwv tij ntuas----------------koj yeej tsis yuav
    daws tes plhuav------------npaum nyuj cais zaub
    thiaj li saub-------------------tu siab luaj no
    ntuj tag hmo---------------- tsis tuaj dab ntub
    yam lub hnub-----------------raug huab muab vov
    thiaj tsis sov---------------- ci rau ntiaj teb
    ncaim mus deb-----------------thaum twg mam rov
    yog koj hnov---------------------ho tig rov qab
    kuv tseem tab----------------- wb lub teej cuab
    thiaj thov muab----------------wb txoj kev hlub
    los nthuav qhub-------------qhia rau tsoom zeej
    tias lub neej--------------tsis muaj duab tshav
    wb lub lav---------------------tsis muaj koj pw
    lub tsev sw-----------------thiaj tsis xav cheb
    wb daim teb-----------------tsis muaj tus nthua
    tej qaib npua-----------------tsis muaj tus pub
    koj siab dub---------------lub neej thiaj nyuab
    lub teej cuab-------------thiaj ntxhov lis nyho
    hnub dhau hmo----------------tsis muaj tus hlub
    nyob ib hnub-----------------ntev npaum ib hlis
    quaj ntshuj ntshis----------vim nplooj siab mob
    npaum kua txob-----------thiab hluav taws hlawv
    mob lub qawv-----------------tsis muaj caij kaj
    tu siab tshaj-------------------yug los tiam no
    raws li nco------------------tsis tau ua txhaum
    coj siab maum------------------- ua zoo rau koj
    thaj teb nroj------------------koj tseg kuv dob
    dab tsov hlob----------------- koj tseg kuv cia
    kuv quaj ntsia-----------------koj txoj xub kev
    ncaim mus ntev-----------------tsis pom koj los
    nplooj siab nros-----------mloog kooj ziag quaj
    hnub tawm tuaj-------------- nrog kab noog saub
    tsis ntxov paub---------------es txhob yuav koj
    txoj kev ntsoj-------------- ntshe twb tsis tau
    vim tseem yau-------------- kuv thiaj tsis paub
    raug koj haub----------------- tias koj zoo dua
    thiaj tau ua-------------------koj tus poj qhev
    zov koj tsev----------------tsis nrog muaj txiv
    seev uj iv-------------------los tuag tsis taus
    neeg siab nkhaus-------------muab kuv faus ciaj
    yam tej tsiaj----------------tsis muaj tswv pub
    wb kev hlub--------------------koj muab mus pub
    rau tus ub-------------------- thiab rau tus no
    hnub dhau hmo---------------koj tsis quav ntsej
    hos koj tej-------------------me tub me ntxhais
    koj thiaj cais-----------------kev noj kev hnav
    txaj chaw lav-----------------koj tsis nrog kho
    sim neej no---------------------tu siab ua luaj
    tsa suab quaj-----------------nyob ntuj tag hmo
    kuv thiaj nco------------------ua hnub hmo seev
    tsim dhuj dheev -------------niaj dab npau ntub
    txoj kev hlub-----------------kuv twb tsis muaj
    kaw rooj quaj---------------nyob tsaus ntuj nti
    hnub dhau hli-------------------los pw tsau lwg
    siab ntshai rwg--------------hnov suab kaus vom
    lub teeb tsom-----------------los kuv tsis muaj
    qhov rooj ruaj----------------los kaw tsis khov
    suab dab tsov----------------nrog suab liv nyug
    tsis kaj ntug------------------hmo ntev li xyoo
    nrauj qoob loo----------------yuav tsis tau noj
    tiv kev ntsoj------------------pw rawv daim teb
    koj mus deb----------------------tso kuv no cia
    txoj me sia--------------------twb yuav nrog tu
    tsa suab hu-------------------koj twb tsis hnov
    ntuj nram ntxov------------tsis mloog lus qhuab
    nws thiaj nyuab----------------kuv siab luaj no
    txawm noj hno----------------los tsis poob plab
    haus zib ntab----------------yeej tsis paug cev
    ua siab ntev-------------------zov koj daim teb
    koj tseem ntxheb------------- ua hluas ywj siab
    kua muag iab-----------------ntws cuag nag poob
    txiv neej Hmoob---------------tus neeg siab dub
    muaj ib hnub------------------lub ntuj rau txim
    raug luag lim--------------------cem koj li dev
    siab tsis ntev---------------laij koj tawm cuab
    lub ntuj qhuab--------------thiab ntuj mam qhia
    cuag mob ntxhia---------------txoj sia yuav yaj
    mam li npaj--------------------siab tig rov qab
    koj tus nyab--------------------ces yog pawg av
    rov tig xav--------------------yuav lig rau koj
    txoj kev ntsoj--------------kev ntsuag raws tau
    txom nyem dhau------------tsis muaj chaw ntsaub
    koj mam paub------------------os neeg siab phem
    thaum luag lem---------------koj kawg poob tsag
    vim koj ntag--------------pheej tsis tsheej haj
    txoj kev ncaj---------------tsis nrog luag taug
    siab nrov yaug----------------caum poj lav luam
    tej me nyuam-------------------nrog koj tab zag
    ncaim koj tag----------------ho tsis txhob quaj
    hmoov tsis muaj-------------txom nyem khee kawv
    mob lub qawv------------------cuag rwj aws ncus
    mloog luag lus-------------thiaj tsis muaj neej
    peem tsis tsheej----------------ces pw qab choj
    txoj kev noj---------------ces khaws seem txeej
    koj lub neej-----------------xyov yuav xaus twg
    tej phooj ywg---------------ntxub koj npaum dev
    ua luag qhev------------------luag twb tsis kam
    ntshai tsam tham------------luag poj niam thiab
    neej khuam siab---------------ces koj khaws tau
    nco kuv dhau-------------------ho tuaj tom ntxa
    lub suab ncha-----------------ua kooj ziag ntos
    yog kuv nyhos-------------------koj xwb os mog
    neeg siab rog---------------thiab neeg siab dub
    kuv tsuas qhub-----------------ua ntuj nrag lus
    xa tuaj mus---------------------kom koj ho hnov
    tsev neeg xov-----------------nyob puag tom qab
    quaj nrog kab----------------nrog noog seev xwb
    koj lub hlwb------------------puas nco peb lawm
    niam nkauj ntxawm-----------ces tshuav txoj sia
    nros ntshis cia---------------nrog tej me nyuam
    lub neej khuam----------------ib ntav ntuj cia.
    ( xaus li no )










    Last edited by Hmong ntuj tshiab on 1st November 2011, 9:35 pm; edited 8 times in total

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 1st November 2011, 12:29 am



    Nyob zoo tij laug Hmoob Ntuj Tshiab,

    Hahaha...! Cas nws yuav txawj qhub rau tus mus poob hlub, cas nws yuav txawj qhia rau tus raug tso cia...Hahahah...! Tu siab kawg kua muag poob luaj lawg, chim siab tshaj lub siab npau cuag dej tsaws tsag, kuj xav luag thaum txiv nraug ntsuag rov mus quaj rau qav kaws, nrhiav nws niam nkauj zuag paj nkauj tab cuab niam tab zaj xwb...Ua tsaug ntau rau tij laug Hmoob Leej Tub thiab tij laug Hmoob Ntuj Tshiab neb ob leeg lub laj lim tswv yim zoo. Kuv yuav muab luam xa rau tus puav uas kuv mem tias yog tus sau tsab ntawv no rau Poste xa tuaj rau kuv. Muaj ib tug mas yawg nraj yig muab tag nrho nkawd lub cuab tam uas tsim tau tshaj 30 xyoo no xa tag nrho mus rau nkauj lem, ces nkauj zem txais tau kiag xwb ces muab yawg veg, zaum no yawg nyob tssi muaj tsev, ua dev thawj thiab rau txhua txoj ke...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages: 512
    Date d'inscription: 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 1st November 2011, 8:27 pm

    koojziagkabzaug wrote:

    Nyob zoo tij laug Hmoob Ntuj Tshiab,

    Hahaha...! Cas nws yuav txawj qhub rau tus mus poob hlub, cas nws yuav txawj qhia rau tus raug tso cia...Hahahah...! Tu siab kawg kua muag poob luaj lawg, chim siab tshaj lub siab npau cuag dej tsaws tsag, kuj xav luag thaum txiv nraug ntsuag rov mus quaj rau qav kaws, nrhiav nws niam nkauj zuag paj nkauj tab cuab niam tab zaj xwb...Ua tsaug ntau rau tij laug Hmoob Leej Tub thiab tij laug Hmoob Ntuj Tshiab neb ob leeg lub laj lim tswv yim zoo. Kuv yuav muab luam xa rau tus puav uas kuv mem tias yog tus sau tsab ntawv no rau Poste xa tuaj rau kuv. Muaj ib tug mas yawg nraj yig muab tag nrho nkawd lub cuab tam uas tsim tau tshaj 30 xyoo no xa tag nrho mus rau nkauj lem, ces nkauj zem txais tau kiag xwb ces muab yawg veg, zaum no yawg nyob tssi muaj tsev, ua dev thawj thiab rau txhua txoj ke...

    NkaujNag
    Member
    Member

    Messages: 80
    Date d'inscription: 2010-03-11

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  NkaujNag on 8th November 2011, 10:15 am

    [quote="Hmong ntuj tshiab"]
    NkaujNag wrote:[quote="




    Nyob zoo os " Hmong Ntuj Tshiab "

    Zoo siab tau tuaj ntsib koj os , Ua tsaug nawb ua koj txawj sau paj huam zoo heev li , Thaum tau tuaj nyeem tag kuj zoo siab thiab paub ntau yam tuaj , Muaj caij no kav tsij tuaj sau kom ntau ntau es peb thiaj tau nyeem thiab ho tau kawm thiab os ,

    Kev txuj ci ces yog tsis sau cia ces yuav tsis nco
    txhob khaws cia rau nruab nrog thiab tsis ua kab mob
    kev pajhuam yog tsis thuav ces yuav tsis muaj
    txhob khaws cia rau nruab siab muab nthuav tuaj qhia
    yog cia ntev mus tsam ho mob ua ntxhia
    tuaj piav rau peb tau kawm kom sawv daws thiaj txawj

    yog los mas------------leej muam nkauj nag
    yeej tsis dag----------leej muam txuj siab
    qhov tseem ntsiab---------ces tsis sau xwb
    hauv lub hlwb----------yeej khaws tau ntau
    yog muab thau---------los nthuav tawm tuaj
    nws yeej muaj-----------yam zoo thiab phem
    raug luab lem----------ho tsis ntxim mloog
    ces yuav toog------------nej pob ntseg xwb
    koj kuv wb---------------yeej txawj ib yam
    yog muab tham-----------qhov tseeb tiag no
    lus sib do---------------hais los sib dhos
    tham lus mos------------ntxuag lus sib dib
    tej lo ntxhib--------yuav tsis nyiam mloog
    lus dawb doog-------------ho tsis xav hnov
    thiaj tsuas thov---------sau zaj puav tawm
    ua peev cawm--------------tej kev kho siab
    nws pab ntiab------------cov kab mob plawv
    mob lub qawv-------------cuag rwj aws ncus
    kom plam mus------------rau hluav taws kub
    mam muab pub------------pov dej tshoob mus
    kom pab pus---------------mus rau zaj qhov
    ntsej tsis hnov----------kom muag tsis pom
    txhob meem txom-----------rau yus xwb tiag
    txawm nthuav kiag---------txuj ci paj huam
    yeej tsis thuam-----------tus leej tus twg
    txawm phooj ywg------------los yeej ib yam
    kuv sau tham----------txog kev nkauj nraug
    ntawv tsis raug--------thiaj tau sib ncaim
    tseem nyob nraim--------hauv siab tsis lwj
    es thiaj tswj-----------tsis tau tus kheej
    thiaj sau meej-----------rau nej nrog paub
    lam muab saub--------------ua lus sib dhos
    tuaj tham yos------------seb nws puas hnov
    cuag xa xov---------------nrog huab cua ya
    mam nrov ncha------------mus qhia tib neeg
    tham kom deeg------------ncha mus txog nws
    tsis yog yws--------------tsuas yog xa xov
    kuv tsuas thov--------------xa nws lub moo
    puas nyob zoo--------------li qub lawm xwb
    vim lub hlwb----------pheej nco dhuj dheev
    ncauj tsis seev-----------los kua muag los
    tej lus ntos-----------tham tag tham thiab
    lus tseem ntsiab-------xav paub qhov tseeb
    tsis thaj yeeb---------vaj huam tsis txaus
    es tej laus-------------thiaj txiav wb kev
    sib ncaim ntev------------npaum li cas los
    thiaj tseem tos---------seb puas rov ntsib
    wb mam pib----------------dua zaum thib ob
    neej pov plob------------seb ncav puas tau
    los sib sau---------------ua txij ua nkawm
    raws keej khawm------------wb lub siab xav
    kua muag ntshav-------kom txhob poob xwb./.





    Zoo siab tau paub koj os " Hmong Ntuj tshiab " Tus txawj sau paj huam .


    NkaujNag .

    Nyob zoo os " Hmoobntujtshiab "

    Ua tsaug ntau nawb uas koj ho tuaj sau tau paj huam thiab kho rau os lod , Oh .......!! koj sau tau zoo heev li saib ces yeej paub lawm hais tias koj muaj zoo txuj siab , Thiab kawm tiav los tiag , Zoo siab uas tau paub ib tug tij laug tshaj lij li koj os lod
    Ntshe peb lub me Tsev " Hmoobtshavntuj " yuav muaj me paj huam ci ntsa tuaj raws li peb ntshaw thiab tos os . Ua tsaug dua ib zaug nawb .

    Luag tsuas cav ..............Nraug hmoob ntuj ntsiab
    Tus muaj siab ...............Zoo nrog txuj ci
    Thiaj tuaj ncig .............Txog peb lub zos
    Hais lus mos ................Nrog lus paj huam
    Tuaj cuam tshuam.............Peb hmoob ntshav ntuj
    Nraug muaj txuj..............Tus zoo li koj
    yuav tuaj coj ...............Peb kom txawj sau
    ua ib phau.... ..............Cia ua peb li
    Mus ib sim...................Mog Hmoob ntuj ntsiab
    Me nraug hmoob tus dai siab. Hahaaaaaaaaaaaaaaaaa...!

    Hmoob ntuj tshiab kuv xav sau heev li tab sis tsis txawj ces sau li no xwb os .

    Kuv yuav sau ................Paj huam kev hlub
    Nyob ntuj qub ...............Lub neej dhau los
    Uas tseem pom ..............Zem zuag tsis ploj
    Tseem nco koj ...............Tuaj rau nruab siab
    Chim lub siab ...............Vim tso koj cia
    Mob ua txhia.................Tuaj nruab plawv
    Nco ruj rawv ................Tsis ploj kiag li
    Siab quaj dhi.................Nyob tsis kaj
    Lam tuaj tshaj ...............Seb koj puas hnov
    Kuv moo nrov ................Vim Xav hnov hmo
    Nyob puas zoo.................Li kuv tus qub
    Ntuj thaum ub ................zwm cia nruab plawv
    yog hmoov sawm...............puas tau rov ntsib
    yuav tsis pib ......................Dua kev nkauj nraug
    Xav ua tsaug .....................rau koj kev zoo
    Khaws rau ncoo................los txog tav nov
    Ua chaw sov ...................Lub siab ua neeg Xwb os


    Tus Sau : Hmoob leej ntxhais .

    Tus tso : Yog NkaujNag .


    Nco.ntsoov txog
    Visitor
    Visitor

    Messages: 26
    Date d'inscription: 2011-11-04

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Nco.ntsoov txog on 9th November 2011, 7:52 am

    [quote="NkaujNag"][center][quote="Hmong ntuj tshiab"][quote="NkaujNag"][quote="




    Nyob zoo os " Hmong Ntuj Tshiab "

    Zoo siab tau tuaj ntsib koj os , Ua tsaug nawb ua koj txawj sau paj huam zoo heev li , Thaum tau tuaj nyeem tag kuj zoo siab thiab paub ntau yam tuaj , Muaj caij no kav tsij tuaj sau kom ntau ntau es peb thiaj tau nyeem thiab ho tau kawm thiab os ,

    Kev txuj ci ces yog tsis sau cia ces yuav tsis nco
    txhob khaws cia rau nruab nrog thiab tsis ua kab mob
    kev pajhuam yog tsis thuav ces yuav tsis muaj
    txhob khaws cia rau nruab siab muab nthuav tuaj qhia
    yog cia ntev mus tsam ho mob ua ntxhia
    tuaj piav rau peb tau kawm kom sawv daws thiaj txawj

    yog los mas------------leej muam nkauj nag
    yeej tsis dag----------leej muam txuj siab
    qhov tseem ntsiab---------ces tsis sau xwb
    hauv lub hlwb----------yeej khaws tau ntau
    yog muab thau---------los nthuav tawm tuaj
    nws yeej muaj-----------yam zoo thiab phem
    raug luab lem----------ho tsis ntxim mloog
    ces yuav toog------------nej pob ntseg xwb
    koj kuv wb---------------yeej txawj ib yam
    yog muab tham-----------qhov tseeb tiag no
    lus sib do---------------hais los sib dhos
    tham lus mos------------ntxuag lus sib dib
    tej lo ntxhib--------yuav tsis nyiam mloog
    lus dawb doog-------------ho tsis xav hnov
    thiaj tsuas thov---------sau zaj puav tawm
    ua peev cawm--------------tej kev kho siab
    nws pab ntiab------------cov kab mob plawv
    mob lub qawv-------------cuag rwj aws ncus
    kom plam mus------------rau hluav taws kub
    mam muab pub------------pov dej tshoob mus
    kom pab pus---------------mus rau zaj qhov
    ntsej tsis hnov----------kom muag tsis pom
    txhob meem txom-----------rau yus xwb tiag
    txawm nthuav kiag---------txuj ci paj huam
    yeej tsis thuam-----------tus leej tus twg
    txawm phooj ywg------------los yeej ib yam
    kuv sau tham----------txog kev nkauj nraug
    ntawv tsis raug--------thiaj tau sib ncaim
    tseem nyob nraim--------hauv siab tsis lwj
    es thiaj tswj-----------tsis tau tus kheej
    thiaj sau meej-----------rau nej nrog paub
    lam muab saub--------------ua lus sib dhos
    tuaj tham yos------------seb nws puas hnov
    cuag xa xov---------------nrog huab cua ya
    mam nrov ncha------------mus qhia tib neeg
    tham kom deeg------------ncha mus txog nws
    tsis yog yws--------------tsuas yog xa xov
    kuv tsuas thov--------------xa nws lub moo
    puas nyob zoo--------------li qub lawm xwb
    vim lub hlwb----------pheej nco dhuj dheev
    ncauj tsis seev-----------los kua muag los
    tej lus ntos-----------tham tag tham thiab
    lus tseem ntsiab-------xav paub qhov tseeb
    tsis thaj yeeb---------vaj huam tsis txaus
    es tej laus-------------thiaj txiav wb kev
    sib ncaim ntev------------npaum li cas los
    thiaj tseem tos---------seb puas rov ntsib
    wb mam pib----------------dua zaum thib ob
    neej pov plob------------seb ncav puas tau
    los sib sau---------------ua txij ua nkawm
    raws keej khawm------------wb lub siab xav
    kua muag ntshav-------kom txhob poob xwb./.





    Zoo siab tau paub koj os " Hmong Ntuj tshiab " Tus txawj sau paj huam .


    NkaujNag .
    Nyob zoo leej muam nkauj nas ua cas nej txawj sau los txawj txhais hmoob tej ntxhais yog xeem dab tsi .siab quaj dhe rau nej tsev paj huam .miv noog yij vuam .cas quaj tau kho siab ua luaj .es nws muaj nyob qhov twg .kev phooj puas yuav txais tau .saib puag nrhau tau tug niam cag loj .peb li coj tau lub chaw tuav chaw nres. Lub neej peg saib mus zoo cas .me nkauj nag tug txawj sau paj huam .peb yog neeg ruam tsi txawj tsi ntse hais lug nthe yam xob quaj .yog peb tuaj so nej tsev puam kam .nrog nej tham kev phooj yws.lub sib ntsws saib puag zoo .yam tsob ntoo saib puag ntsuab taug .kev nkauj nraug zoo npaum twg me phooj yws tug hais lug mog .xav tsi txog tiag tuaj txog hmoob tshav ntuj .tuaj kawm txuj kawm ci .siab quaj đhi rau kev tsham ncis teb ncis chaw .nrhav kwv npaug .nrog rau kwv tij muam yawm yij .dab laug .kev nkauj nrog tib si .nyob deb yam nkaus nkaus nyob ze.thov nus muam nkauj nag puag tau muaj phooj yws yog leej twg peb hmoob ntuj qub qab xav tau nyab coj log rau cuab yig trhav ntuj nris rau lub neej pem suab og mog .rov hais txog ntawm kev tug kej nwg tsi keej nyob deb deb tuaj yeej nyuaj nyuaj tseem tsi tau paub kab .txhob siab fab rau tej lug tsi yog.vim peb yog neeg tsi txawj ntau ntawv nws txhiaj sawv tau lig.hmoob tshav ntuj nrig twb ci ntsia ab.lawm mog .sib ntsib duab .

      Current date/time is 1st November 2014, 3:28 am