google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Hmoob Ntuj Tshiab lub tsev PAJ HUAM & kab lis kev cai Hmoob

    Share

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 31st March 2013, 9:40 am



    Tsab ntawv nrhiav tus qub puag thaum ub

    Hmoob ntuj tshiab-------------------tsab me ntawv hlub
    Nrhiav tus qub----------------------me hluas nkauj xwb
    Nws kuv wb----------------------------tau cog lus lawm
    Teem sij hawm----------------------rau lub xyoo tshiab

    Ntuj ntxhov niab-------------------lub teb ntxhov nyho
    Kuv thiaj ho-------------------------tau plam nws lawm
    Hmoob nkauj ntxawm--------------tus zoo ntxim hlub
    Poob tim ub-------------------------rau teb chaws nplog

    Kuv thiaj nrog----------------------cov laus khiav lawm
    Tau tsiv tawm---------------------mus txawv teb chaws
    Thiaj plam plaws-----------------------txoj me kev hlub
    Rau tim ub-------------------------------sab ntuj qub qab

    Peb khiav ntab--------------------------tuaj rau thaib teb
    Ncaim mus deb-------------------------rau teb chaws no
    Kuv thiaj nco--------------------------------nws ua luaj li
    Thiaj muab ntxhi--------------------seev qhia nws paub

    Xya caum plaub------------------------thaum lub tsib hli
    Suav txij li--------------------------hnub kuv ncaim mus
    Nws lo lus------------------------------kuv twb tsis hnov
    Ib tsab xov-------------------------------los yeej tsis pom

    Lub meej mom-----------------------tus zoo ntxim tawb
    Hmoob roob tsawb-------------------tus me ntxim tshua
    Caij ntuj qhua------------------------wb tham luag ntxhi
    Siab quaj dhi----------------------------xav coj nws mus

    Kuv mam pus------------------------nws nrog kuv khiav
    Npaj tsis tiav------------------------------thiaj coj tsis tau
    Lub siab npau------------------------npaum dej kub hlab
    Npaj rov qab-------------------------mus nrhiav nws dua

    Rau ntuj ncua----------------------------txoj me kev deb
    Ib rooj teb------------------------------yav puag tom tsev
    Tej qub kev-------------------------------wb me chaw so
    Niaj hnub nco----------------------------mov tsis xav noj

    Nco wb txoj-----------------------------kev nyob sib zov
    Sib xa xov-----------------------------txog txoj kev plees
    Hais seev yees----------------------------tsis xav tso tseg
    Mob tej teg---------------------------ua plawv yuav nres

    Yam tus ntses-------------------------twb tuag ntab ntab
    Tsis pom qab----------------------------yuav hais lo twg
    Me phooj ywg--------------------------tus kuv hlub es!!!
    Es nws ne!-----------------------------siab puas fav xeeb

    Lub neej keeb-----------------------yav ntuj puag thaum
    Peb sib yaum----------------------mus lov ntsuag xyoob
    Puag tim roob---------------------------zos dej tsua ntab
    Tau sib thab------------------------------sib zeg taug kev

    Sib yaum ev----------------------ntsuag xyoob ntiv qeej
    Nws tus kheej---------------------------tsis nco nroo sab
    Mus tsheej pab---------------------seev suab kwv txhiaj
    Zaum tsheej phiaj---------------------lom zem xauv npo

    Yeej tsis nco-----------------------txog kev txhawj xeeb
    Lus tseem ceeb----------------------tau tham khee kawv
    Tuav tes rawv------------------------------ua ke tag hnub
    Kev sib hlub---------------------------thiab kev sib tshua

    Tau tham txhua-------------------txaus siab tshaj plaws
    Peb sawv daws----------------------txhua tus feem coob
    Teem roob tshoob-------------------rau lub xyoo tshiab
    Yeej txaus siab-----------------------txhua tus tub hluas

    Teb chaws puas--------------------nrov ncha mus thoob
    Peb cov coob----------------------------sib tw khiav ntab
    Dhau thaib sab------------------------mus rau nom nrim
    Lub siab chim---------------------------tau tsa suab quaj

    Vim ncaim tuaj-------------------------rau teb chaws no
    Kuv thiaj nco----------------------------nws ib leeg tshaj
    Txoj kev npaj-------------------------------ho tsis sib tau
    Los sib sau---------------------------ua neej sawm txhiaj

    Muam maiv nyiaj---------------------tus me ntxim tawb
    Plu mos dawb-------------------------lub suab seev yees
    Ces ntxhee yees-------------------cuag nkauj ntsais lias
    Ncaim nab fais------------------------lub zos roob tsawb

    Nkauj siab dawb---------------------------tus cev tsis loj
    Nws niam noj-----------------------------dab tsi yug nws
    Nplooj siab ntsws---------------------zoo cuag nkauj hli
    Es thiaj ci-----------------------------mus thoob ntiaj teb

    Ua rau peb--------------------------------nco nws ua luaj
    Puas yuav muaj------------------------hnub rov sib ntsib
    Ntshe yuav pib--------------------------tham kev sib nco
    Tsheej tag hmo-----------------------los tham tsis dhuav

    Kev npau suav---------------------------los tham tsis tag
    Lus tso dag--------------------------------los yeej ib yam
    Txoj kev tham----------------------ntshe tsis pov khawv
    Ntuj yuas lawv-------------------------tus me nkauj xwb

    Kuv mas twb-------------------------niaj hnub seev nws
    Nplooj siab ntsws--------------------nco txog hnub ploj
    Siab xav zoj--------------------------puas rov ntsib thiab
    Ua nplooj siab--------------------------rov fab lwm tiam

    Yog nws niam------------------------nws txiv lawv kam
    Rov mus tham-------------------------thiab coj nws mus
    Ua kuv tus----------------------------mus nrog kuv nyob
    Kuv muaj mob-----------------------thiaj muaj nws saib

    Yog nws tshaib-----------------------kuv nrhiav nws noj
    Kuv mob loj----------------------------ces nws nrog kho
    Sim neej no-------------------------------nco nws ua luaj
    Tsa suab quaj--------------------------vim tsis ntsib nws

    Kuv siab ntsws-----------------------------ua voj ua vias
    Yuj li lias-------------------------------------rov qab li zoj
    Plawv thiaj ntoj-----------------------cuag siav yuav yaj
    Nco nws tshaj---------------------------nyob rau tiam no

    Nws puas nco-------------------------------tus zoo li kuv
    Wb chaw thuv------------------------ntshe twb tuaj nroj
    Ciav zoov loj-----------------------teb hav ntshuab tsws
    Hais txog nws-------------------------puas nco kuv thiab


    Me nplooj siab--------------------------tus kuv nco tshaj
    Yeej tsis daj-----------------------------os me leej muam
    Lus paj huam------------------------thov tsis txhob chim
    Yeeb yog vim-----------------------------lub ntuj lub teb

    Ua ntxhov ntxheb-------------------------tsis tiaj tsis tus
    Thiaj ncaim mus------------------lawm ploj ntsiag niab
    Mob kuv siab------------------------ib nthwv yuav poob
    Nco nkauj Hmoob----------------------txoj me kev hlub

    Neej thaum ub---------------------nyob ntawm nws tsev
    Kuv dua kev-------------------------nws suab luag ntxhi
    Ntuj tsaus hli-------------------------sawv ntawm ib sab
    Tuav nws npab----------------------thiab hnia nws plhu

    Hnov nws hu------------------------------tias koj tuaj los
    Cov lus ntos------------------------tseem nco ntsoov cia
    Zais tsis qhia----------------------------rau leej twg paub
    Niaj hnub saub------------------------txog nws xwb tiag

    Tib me pliag-------------------------ncaim nws mus deb
    Ib rooj teb------------------------------sab ntuj nraum ub
    Tus kuv hlub--------------------------nco tshav ntuj nrig
    Ntuj puas tig----------------------------------wb los ua ke

    Noj sib ce---------------------------------rov tau sib hlub
    Li thaum ub----------------------------lub teb chaws zoo
    Ncaim ntau xyoo--------------------ntshe nws hnov qab
    Ua luag nyab----------------------------muaj tub muaj ki

    Luag ntxhawv ntxhi-------------------nws tej qaws tiab
    Tsis kho siab----------------------------li kuv lawm paub
    Tsis hnov saub--------------------------los txog hnub no
    Muab nws nco------------------------tsis paub yuav ploj

    Twb mus ntoj--------------------nrhiav nws hauv nplog
    Kuv mus txog-------------------------------tsis zoo li qub
    Yav thaum ub--------------------------nyob zos toj roob
    Tej zos Hmoob------------------------nyob pem toj siab

    Huab pos niab-------------------------saum tej hauv tsua
    Muaj huab cua-------------------nplawm ntws txias zias
    Xav hais tias--------------------------yuav tsis sib ncaim
    Tseem xav nraim-------------------nrog nws txiav taws

    Lub teb chaws-----------------------yeej pauv txawv tag
    Cuag hais dag----------------------nplooj tsis paub hlav
    Pom pa av--------------------------------ncho oov li niab
    Tej me kiab-----------------------------thiab cov me khw

    Tsis hnov tsw--------------------------------pa qij pa dos
    Qub zej zos--------------------------pom ciaj hav ntxhov
    Kuv thiaj rov----------------------------los teb chaws no
    Txawm yuav nco-------------------nws tshaj txhua yam

    Ntshe tsis tham------------------nrhiav nws ntxiv lawm
    Hmoob nkauj ntxawm----------------tus me ntxim hlub
    Thiaj muab qhub---------------------seb nws puas hnov
    Neej nram ntxov---------------------nws puas nco lawm

    Cev nkauj ntxawm-----------------------puas zoo li qub
    Hmoob leej tub---------------------tseem nco nws kawg
    Teb chaws tawg------------------------ncaim tuaj tav no
    Yeej tseem nco--------------------txog nws kawg nkaus

    Cev lam laus-----------------------------siab nyob li qub
    Teb av dub----------------------------yeej tseem cim tau
    Puag thaum yau-------------------------los txog hnub no
    Nws puas nco------------------------tias tshuav leej twg

    Tus phooj ywg-----------------------tau nrog koom siab
    Tham ntuj tshiab-----------------tawm plaws ntuj tsaug
    Kev nkauj nraug--------------------yav puag thaum yau
    Puas nco tau-------------------------nws lawm os mog./.

    Xaus li no

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 31st March 2013, 9:43 am

    Puas Tseem Nco Teb Chaws Los Tsuas

    Nyob zoo os------------------peb ib tsoom Hmoob
    mus nyob thoob---------------------lub qab ntuj no
    nej puas nco------------------txog teb chaws nplog
    uas nws yog----------------------thaj chaw yug nej

    yav nram ntej-----------------thaum tseem me yau
    uas nej tau--------------------------nyob ib zaug los
    lub me zos------------------------niam txiv yug nej
    Tej me dej-------------------------nej ib txwm haus

    Lub zos laus-----------------------kev nyob kev noj
    nej thiaj loj-----------------------tiav niam tiav txiv
    lub neej chiv---------------------nyob ua pab pawg
    teb chaws tawg----------------nej tau khiav ncaim

    Mus nyob nraim----------------------rau ib rooj teb
    Ncaim mus deb-------------------rau ib ntxeev ntuj
    Yam dav yuj---------------mus nrhiav chaw tsaws
    Nej sawv daws-----------------txhua tus tau ncaim

    puas xav nraim-------------------nco vaj tsev thiab
    nej lub siab---------------------puas xam muaj peb
    thaj me teb----------------------hav nroj pwm tshis
    nyob nros ntshis----------------tsis muaj tus nthua

    teb hav tsua----------------------hav nqeeb hav tauj
    nej muab nrauj-----------------------rau rooj teb no
    puas tseem nco---------------------qub zog toj siab
    lub ntuj tshiab--------------------uas nej mus nyob

    neej pov plob-----------------ntshe yeej txawv hlo
    ntuj nraum no-----------------------nej lub qub zog
    noj sib cog-----------------------thiab haus sib hlub
    neej thaum ub--------------------nyob pem toj siab

    koom noj tsiab---------------noj txhu nchuav ntws
    haus quaj npws--------------txhua niaj txhua xyoo
    tsis nco nroo-----------------thiab yeej tsis ntshaw
    lub qub chaw------------------thaum nej tseem yau

    nws twb tau-------------------hloov mus lawm tag
    tej qab nrag----------------------ua hav txwv yeem
    zos kab kheem------------------ciaj tauj ciaj nqeeb
    nroog looj ceeb--------------------ua hav paj dawb

    dawm sib tawb---------------ciaj hav xyoob rawm
    vim sib hawm-----------------dhau mus ntau xyoo
    tej xyoob ntoo------------------------los twb loj tas
    ib co mas---------------------------ho tuag tas lawm

    muam nkauj ntxawm-------------los twb laus laus
    mus tsis taus---------------------------kev li thaum i
    chaw ua si----------------------thaum nej tseem me
    tej vaj tse-------------------------nej ib txwm nyob

    ciaj toj pob------------------------thiab ua quav poj
    hav zoov loj---------------------ciaj zoov nuj txeeg
    ib tsoom neeg--------------------thaum nyob ua ke
    lawv los ntshe------------------yeej twb laus lawm

    vim sij hawm-----------------dhau mus lawm ntev
    peb tej kev-------------------------uas ib txwm taug
    ciaj hav ncaug----------------thiab hav tsawb txho
    nej puas nco-------------------qub kev nkauj nraug

    tham nrov yaug-----------------sib yaum pauv zog
    puas nco txog-----------------------lub me qub neej
    nej tus kheej-------------------------puas xav li qub
    neej thaum ub-----------------------peb nyob ua ke

    noj sib ce------------------------thiab haus sib hlub
    nej cov tub-----------------------uas tau ncaim mus
    ntshe laus zus-------------------------tsis zoo li qub
    yam lub hnub-----------------------uas twb qaij zus

    twb yuav mus-------------------ploj tim npoo roob
    kwv tij hmoob----------------------nej puas tu siab
    muaj daim tshiab-----------------twb tsis xav hnav
    pluas zoo qav-----------------------yeej tsis xav noj

    lub zog ploj-----------------------mus lawm zuj zus
    lo me lus---------------------muab tham tawm tuaj
    nrog suab quaj----------------thiab kua muag nrog
    vim lub zog----------------------tsuas ntaug zuj zus

    twb yuav mus-----------------cuag poj cuag yawm
    kev txij nkawm------------------nws twb yuav dua
    yam nthwv cua-------------------tsuas yog ib vuag
    poob kua muag---------------thaum uas tham txog

    vim tias yog----------------------nco niam nco txiv
    nco tij viv--------------------------kwv tij txhua tus
    cov ncaim mus-----------------los thov nco ntsoov
    sij hawm hloov--------------------zoo tam dej ntws

    tsuav siab ntsws--------------tsis txhob hloov xwb
    hauv lub hlwb-------------------yuav tsum nco tau
    lub neej dhau----------------------yav ntuj qub qab
    nyob yaj sab---------------------puag pem toj roob

    lub neej hmoob--------------------yav ntuj thaum i
    nyob luag ntxhi----------------muaj kev ywj pheej
    hmoob lub neej---------------nyob pem kaum hav
    ntuj yeej tshav--------------------nyob kaj siab dua

    yog nej tshua-----------------------rov los saib mog
    tej qub zog------------------------qub teb qub chaw
    kab lwj hlaw-------------------------qab zeb qab ca
    tsov dais hma----------------------twb tsis muaj tag

    tsiaj nruab nrag---------------------los tuag tu noob
    me ntsuag xyoob-----------------twb tsis muaj lov
    kab qos tsov-----------------------los twb tsis muaj
    nrhiav ua tshuaj-----------------yeej nrhiav tsis tau

    xyoob phua ncau-----------------los tuag tas lawm
    ntsuag xyoob rawm--------------twb tsis muaj noj
    tshuav ncaim toj--------------tuaj tsob nyuag puav
    toj roob qhuav-----------------nqha nroj nqha nrig

    pom kooj txig--------------------ya zom zaws xwb
    av tu swb----------------------------toj pob liab vog
    pob zeb ntog------------------mus lawm tsheej kab
    tej hav ntxhab---------------------tuaj zab zi ncaug

    tej kev taug-------------------------mus liaj mus teb
    ho caij tsheb------------------feem ntau lawm xwb
    tsis mob hlwb--------------------------li yav tag los
    cov lus ntos--------------------------mas tham li no

    yog nej nco---------------------------ho rov los saib
    me paj ncaib---------------------paj xyoob paj ntoo
    tsis tawg zoo------------------------li yav thaum ub
    lub neej qub---------------------hav zoov nuj txeeg

    ib tsoom neeg---------------------tseem nyob ua ke
    noj sib ce------------------------thiab haus sib hlub
    ntau sib pub---------------------muaj tsawg sib qiv
    muaj niam txiv----------------------sawv ua tus coj

    kev nyob noj-------------------tsis tshaib tsis nqhis
    phas nyas npis-------------------thiab hlob vaj pov
    sawv coj khov----------------pub Hmoob noj hnav
    ntuj thiaj tshav---------------rau Hmoob yav dhau

    hos cov yau--------------------------tom qab los no
    siab hloov hlo-----------------------coj nqaim coj ti
    tsis zoo li---------------------------lub neej tham ub
    txoj kev hlub----------------los ntawm vaj Hmoob

    zos toj roob---------------------tsim tshav dav hlau
    Hmoob feem ntau------------muaj txiag nplua nuj
    Thiaj tshav ntuj------------rau Hmoob sawv daws
    Nplog liab raws---------nom Hmoob khiav tawm

    Teb chaws txawm-------------hloov pauv tag nrho
    Tam sim no---------------------muaj ntau yam zoo
    Thiaj hloov loo-----------------ua teb chaws tshiab
    Neej khuam siab---------------raws cuag pej xeem

    Kev fab peem-----------------Hmoob tej thawj coj
    Raug luag zoj----------------------coj siab nqaim ti
    Suav txij li----------------------xyoo xya caum tsib
    Nom tshiab pib-------------------sawv los kav tswj

    Raug luag ntswj-------------------los txog hnub no
    Ntuj ntxeev npho---------------ntiaj teb ntxeev tig
    Av thiaj nkig----------------------dej nyob li nphau
    Nej ncaim tau-----------------peb caug tawm xyoo

    Tsis hnov nroo----------------------es nej puas nco
    Ho rov hlo------------------------los saib nplog teb
    Daim av deb-----------------------nyob ntuj es xias
    Puas xav tias------------------tseem nco txog thiab

    Npaj nyiaj txhiab----------------nyiaj pua txoj kev
    Rov los tsev-----------------------rau teb chaws no
    Yog nej nco----------------------rov los nawb mog
    Thaug los txog--------------------peb yeej txais tos

    Nej txhob nros---------------thiab nej txhob ntshai
    Qhib txoj cai-----------------------txais nej rov qab
    Txhob siab fab-------------------mus xav ntau yam
    Hnov luag tham------------------tsis npaum nej los

    Cov lus ntos----------------------tej zaum kuj muaj
    Cuaj caum cuaj-----------------ntawm ib feem pua
    Lus moo cua----------------------tsis muaj lo tseeb
    Txhob siab qeeb------------------tsam ho tsis ntsib

    Nplooj siab ib------------------------koj tso nws cia
    Tej mob ntxhia-----------------yuav tsis zoo nawb

    ( xaus li no )


    PajYeebLaimKabNoog
    Member
    Member

    Messages : 82
    Date d'inscription : 2012-12-19

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  PajYeebLaimKabNoog on 10th April 2013, 7:10 pm

    eb.....HmoobNtujTshiab ..Cas koj txawj sau pajhuam ua luaj koj sau tau zoo tiag tiag li es koj puas kam sau 1 zaj pub kuv os....Kuv tus phooj ywg hlub wb kuj sib paub los tau ze 2 lub xyoo.cas zoo li wb tsis sib haum li,tsuas sib khawb tsis dhau 1 lub week twg...Ziag no wb kuv yuav tau ncaim nws mus ...hauv kuv siab yeej tseem hlub hlub thiab nco nco nws ...Tab sis nws tsis hloov nws tus cwj pwm..los ua 1 lub siab ...Kuv uv tsis taus lawm...kuv yuav tau ncaim nwskev sib faib zaum no tsis yog nws mob xwb kuv yuav mob heev li thiab tab sis 1 leeg nyiam 1 txoj kev txawv ces wb yuav mus tsi tau ua ke ntxiv lawm.es koj pab hais 1 zaj pajhuam pub kuv pajyeeb puas tau tsis tau los tsis ua cas...Yog tau los yuav ua koj tsaug ntau ntau os HmoobNtujTshiab....thov txim uas kuv los cuam tshuam koj lub topic zoo zoo nkauj no lawm cia koj teb kuv tas mam rov tuaj tshem koj cov pajhuam thiaj zoo nkauj li qub os mog ua tsaug nawb tej neeg tshaj lij ..........

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 16th April 2013, 10:33 pm

    Paj yeeb laim li paj huam
    Tus ntawm no------------------yog muam paj yeeb
    Yuav los teeb------------------------ib zaj paj huam
    Hais cuam tshuam---------------leej nus siab coob
    Tus nraug Hmoob--------------me neeg zoo nraug

    Hmoov tsis raug----------------------los yog ua cas
    Kuv hais tas----------------------koj tsis hloov siab
    Coj me ntxhiab-------------------tus qub cwj pwm
    Pheej xeeb tshwm-----------------coj ntau lub siab

    Tus mob iab-------------------------thiaj uv tsis tau
    Vim mob dhau--------------------kuv thiaj hais koj
    Koj pheej coj---------------------cwj pwm tsis zoo
    Kuv thiaj nroo--------------------hais rau koj hnov

    Neej nram ntxov--------------------wb tej kev hlub
    Koj tau qhub-------------------ntxim kuv siab tshaj
    Thiaj tau npaj-------------------------nrog koj ua ke
    Kev txheeb ze--------------------wb yeej tsis muaj

    Vim koj tuaj-----------------------pib txoj kev hlub
    Qhib los pub-------------------------rau wb ob leeg
    Kuv thiaj ntseeg--------------------koj tej lus haub
    Vim tsis paub------------------thiaj raug koj ntxias

    Xav hais tias-----------------yuav raws siab nyiam
    Kuv thiaj liam-----------------------ua koj tus hlub
    Tsis yog ntxub------------thiaj muab tham tshawb
    Kev sib khawb----------------ntawm kuv thiab koj

    Pheej xeeb loj--------------------zuj zus lawm tiag
    Thiaj tham kiag-----------------kom koj nrog hnov
    Tsis yog phov-------------------xav muab koj cem
    Yeej tsis phem-------------------npaum li cas thiab

    Tham lub ntsiab--------------txog kev nkauj nraug
    Txoj kev taug------------------ntawm wb lub neej
    Yog koj pheej------------------tsis mloog kuv hais
    Ntshe yuav cais-------------------wb yias mus yias

    Vim hais tias---------------------koj pheej zais siab
    Coj qub ntxhiab--------------tsis raws kuv ntshaw
    Koj txhais taw--------------------taug tsis ncaj kev
    Siab tsis ntev-------------------yuav nrog koj nyob

    Yam tus mob-----------------pheej nkees heev zus
    Kuv tej lus-------------------------ib txwm hais zoo
    Tsuas muab nroo-----------------hais ntuas koj tag
    Yeej tsis nkag-----------------koj nplooj me plawv

    Ntshe nws lawv-------------muaj khoom zoo tshaj
    Koj thiaj npaj--------------------------lub siab li koj
    Zais ntsis noj--------------------kom mob kuv siab
    Kua muag iab----------------ntws nto ntawm plhu

    Tsa ncauj hu--------------------koj yeej tsis mloog
    Hais ces toog--------------------koj pob ntseg xwb
    Kev mob hlwb-------------------tsis paub yuav tag
    Vim koj ntag-------------------------kuv thiaj zoo li

    Qi muag nti-------------------pheej lub siab ncaim
    Muab koj laim--------------------pov mus rau nws
    Kev sib yws------------------------thiaj li yuav ploj
    Vim nws loj---------------------ntxim koj siab dua

    Txoj kev tshua--------------------kuv mam nco koj
    Kua muag loj-------------------------kuv mam li so
    Kuv mam nco--------------------koj tus kheej xwb
    Kev mob hlwb--------------------thiaj li yuav dhau

    Tsis txhob npau--------------------mog me leej nus
    Nws yog tus-----------------------koj cia siab tshaj
    Mam mus npaj---------------------neb lub cuab yig
    Thiaj tsis lig-----------------------rau neb tus kheej

    Li yuav tsheej------------------lub neej muaj koob
    Me nraug Hmoob------------------tus me siab ntau
    Hais ntau dhau----------------thov tsis txhob chim
    Yeeb yog vim-----------------------koj tus kheej ua

    Txoj kev tshua-----------------poob rau dej tshoob
    Koj siab coob----------------------thiaj zoo li lawm
    Txawm yuav cawm--------------los yeej nkim zog
    Mloog kom tog------------------thiab xav kom zoo

    Mam rov nroo-----------------------yeej tsis ua cas
    Yog xeev ras----------------------wb mam hais dua
    Txoj kev tshua-------------------mam li paub meej
    Koj tus kheej---------------------ho hloov puas tau

    Ko taw ntau---------------------taug ntau txoj kev
    Koj lub cev----------------------muab pub ntau leej
    Thiaj plam tsheej------------ntws cuag dej tshoob
    Wb thiaj poob-------------------------mus zoo li no

    Xyov yuav nco-----------------mus txog hnub twg
    Ncauj cuag ntswg----------------los tsis koom siab
    Kua muag iab----------------------thiaj ntws li nto
    Hnub thawm hmo-----------------tsis qhia leej twg

    Me phooj ywg------------------tus nraug siab coob
    Leej nus Hmoob-----------------me neeg siab ntau
    Mob siab dhau-------------------------ces hais li no
    Es koj ho---------------------------xav seb puas yog

    Xav kom tog--------------------rau hauv ncoo siab
    Qhov tseem ntsiab------------------yog leej twg ua
    Xav kom txhua----------------------mam li teb kuv
    Yog siab luv--------------------tsis txhob maj quaj

    Khiav khuav tuaj-----------------maj mam sib hais
    Kev sib cais------------------------yog txoj kev nco
    Wb tiam no----------------------nyob tsis tsim yug
    Tseem sib nrug-----------------tuag tsis tsim nyog

    Yog xav txog----------------------mas tu siab tshaj
    Siab tsis ncaj----------------pheej ntshaw ntau leej
    Koj tus kheej-------------------tsim txoj kev phem
    Los rhuav tshem-------------------wb tej hauv kab

    Txoj kev tab------------------------lub cuab lub yig
    Ntshe yuav tig---------------------mus rau lwm tus
    Me leej nus----------------------koj puas khuv xim
    Wb tau tsim------------------------txoj kev sib hlub

    Qhib los pub-------------------------rau wb ob leeg
    Kev sib ntseeg-------------------siab kuv thiab koj
    Yeej tau coj--------------------zoo raws kev nyiam
    Cuag hmoov tiam-------------------los tau ob xyoo

    Yeej tsis nroo--------------------hais tias koj phem
    Tsis tau cem-------------------tias koj ntxim ntxub
    Yeej tsuas hlub-------------------------li kuv ua tau
    Tsis tau npau-----------------cuag lauj kaub tshooj

    Kev tawm rooj-----------------yeej tso kev plhuav
    Tsis tau tuav--------------------muab khi cuag tsiaj
    Mus khwv nyiaj--------------------cia koj ywj siab
    Hnov luag ntxhiab------------------koj cia li caum

    Yog mab daum---------------------los yog poj mev
    Koj khaws tev-----------------------cia li muaj siab
    Xyov nws ntxhiab---------------tsw puas xis neeg
    Koj lam tseeg--------------------muab kuv laim cia

    Kuv txoj sia-----------------------twb yuav nrog tu
    Tsa ncauj hu------------------------koj yeej tsis rov
    Pheej mus zov------------------nws lawm tag hnub
    Tsis mloog qhub------------------thiaj hais rau koj

    Yog pheej coj-------------------------li no tiag xwb
    Koj kuv wb-----------------------kawg tag txoj kev
    Siab yuav ntev---------------------npaum li cas los
    Ntshe tsis tos--------------------tus neeg siab coob

    Me nraug Hmoob-----------------coj lub siab ntau
    Tus siab dhau--------------------ces tsis hais lawm
    Kuv mam tawm--------------ntawm koj mus tseeb
    Muam paj yeeb---------------------tsuas tham li no

    Yog koj nco---------------------txog paj yeeb thiab
    Nws qhib siab----------------------txais koj cov lus
    Me leej nus-------------------tus me nraug Hmoob
    Neeg siab coob--------------------xav noj ntau leej

    Koj tus kheej----------------mam nyob nawb mog
    Kuv txawm yog---------------------tus pom ua ntej
    Tsis quav ntsej-----------------tso raws siab nyiam
    Kev hlub piam-----------------------yeej tsis ua cas

    Leej muam plas---------------thiab txiv nraug miv
    Txawm yuav chiv----------------kev hlub tsim nuj
    Miv hmo ntuj--------------plas nrhiav nruab hnub
    Muaj kev hlub----------------------zoo tsis sib xws

    Hais txog nws-----------------ntshe koj nyiam dua
    Mam mus tshua------------------tus ntxim koj siab
    Tsis yog ntiab-------------------tsuas qhia koj xwb
    Txhob mob hlwb----------------mog me leej nus./.

    ( xaus li no )


    Last edited by Hmong ntuj tshiab on 21st April 2013, 4:42 am; edited 1 time in total

    PajYeebLaimKabNoog
    Member
    Member

    Messages : 82
    Date d'inscription : 2012-12-19

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  PajYeebLaimKabNoog on 17th April 2013, 3:32 pm

    WOWOW.......ME PHOOJ YWG HMOOBNTUJTSHIAB UA TSAUG OS ..........
    Koj ma keej heev li hais tau zoo thiab raws kiag li kuv lub siab xav li na.....
    Tijlaug hmoobntujtshiab...koj lub me tswv yim tsis dog dig kiag li
    koj puas tau muaj kev hlub tshua dua los ?Koj tshaj lij tiag li mog......
    Kuv tsis paub yuav ua li cas thiaj pauj tau koj me txiaj ntsig os mog.........
    Kuv muab lo me lus qhuav ua koj tsaug xwb os thov zam txim nawb .Kuv yuav nqa
    koj zaj lus dhos no mus post rau kuv tus phooj ywg ..Yog 1 hnub twg koj ncig mus..
    txog...Koj yuav paub tias nws yog leej twg es kuv ho yog leej twg ..
    Thov 1 yam txhob ua nws paub tias yog kuv tag tswv yim es los thov koj pab ..
    pub kuv xwb ....Ua tsaug nawb mog ...kuv yuav tuaj kawm koj cov lus zoo zoo mus..
    sau paj huam seb kawm puas tau os mus lawm ua tsaug dua 1 zaug ntxiv.kuv xav koj yuav...
    tsum yog 1 tug neeg kuv paub nyob hauv hmoob ntuj tshiab tab sis kav liam ma.....
    cia lwm zaus mam zeem koj dua hehehe.........

    PajYeebLaim..................



    UA TSAUG OS HMOOB NTUJ TSHIAB TUS SIAB ZOO THOV KOM KOJ MUAJ KEV KAJ SIAB XWB MOG ...

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 23rd April 2013, 7:32 pm

    Hmoob keeb kwm xeeb tshwm los

    Yuav los tham---------------------ib zaj keeb kwm
    Hmoob xeeb tshwm------------rau hnub tuaj nrab
    Neeg ntau pab-------------------tshwm nyob is ziv
    Lub neej chiv------------------------yam li tsiaj qus

    Tsis siv lus--------------------------tsuas siv zog loj
    Sib txeeb noj-------------------thiab sib txeeb haus
    Kev sib ntaus----------------------thiab kev sib tua
    Thiaj li ua-------------------neej nyob ntxhov niab

    Kev ntxhov siab----------txom nyem kawg nkaus
    Tiv tsis taus--------------Hmoob thiaj khiav tawm
    Hla lub dawm------------------toj roob suab puam
    Yam liab cuam--------------nrhiav zoov nuj txeeg

    Hmoob tsev neeg----------------khiav maub pa av
    Thauj nra nyhav----------------los tshwm ntuj kag
    Zoo siab tag--------------------------vim ntuj huv si
    Hmoob luag ntxhi--------------muaj zoov nuj xiab

    Ntxim Hmoob siab--------------kawg nkaus li tiag
    Los pib kiag-----------------------lub me neej nyob
    Tsis txhawj txob----------------------rau ob lub zos
    Txij ntawd los------------txawm muaj vaj Hmoob

    Nyob muaj koob----------------zaum los muaj npe
    Txawm loj me-------------------zoo siab txhua leej
    Hmoob lub neej----------------nrog luag muaj npe
    Nyob ua ke------------------------sib hwm sib hlub

    Tsis sib ntxub----------------koom nyob ywj pheej
    Kev ua neej---------------------tsis nco qab txhawj
    Hmoob tsis thawj---------------------leej twg hlo li
    Muaj txuj ci-----------------------ua neej huaj vam

    Hmoob thiaj mam------------tsa muam nkauj liag
    Sawv coj kiag----------------------nrog tsab yij huj
    Teev tswv ntuj----------------------los ua thawj coj
    Haiv Hmoob loj-----------------muaj koob nto npe

    Tsim vaj tse--------------------------ncee ai puv toj
    Kev nyob noj------------------thaj yeeb nyab xeeb
    Tub teeb txheeb------------nrhiav tooj nrhiav hlau
    Tsim twj rau------------------tsev neeg Hmoob siv

    Lub keeb tiv----------------------txoj kev nyob noj
    Kev tswj coj----------------Hmoob neej chiv keeb
    Kev khuam xeeb---------------muab tham tsis zais
    Thiaj thov hais----------------rau ib tsoom hmoob

    Mus nyob thoob------------------plaws qab ntuj no
    Kom Hmoob ho-------------paub txhij hnov txhua
    Nrog khaws ua------------------keeb kwm teeb cia
    Thiaj tau qhia---------------------nej tej me nyuam

    Lub keeb puam------------ntawm peb cov Hmoob
    Mus nyob thoob-----------------rau yim meem teb
    Thiaj muab ntxheb----------------rau nej txheej no
    Nej puas nco------------------------yog vim dab tsi

    Hnov luag ntxhi--------------tham txog keeb kwm
    Hmoob xeeb tshwm--------nyob moos nkaus lias
    Raug suav ntxias------------thov Hmoob mus pab
    Ua laj kab-----------------------------pab tua lav xia

    Hmoob ib txhia-------------------tau mus pab suav
    Nrog lawv tuav-----------------thaiv suav ciam av
    Muab roj ntshav----------------mus pua teb chaws
    Lav xia raws-----------------suav thiab Hmoob tua

    Khiav sab sua--------------------tawg ciam teb tag
    Thawj suav mag---------------------lav xia ntes tau
    Coj mus rau-------------------luag teb chaws lawm
    Kev pab cawm------------------suav vaj ntxwv tub

    Suav thiaj rub------------------------lub rooj sab laj
    Nrog Hmoob vaj---------ntxhais muam nkauj liag
    Thov tig ntiag-------------------pab huab tais suav
    Raug luag kuav-------------------coj mus rau txim

    Kom nws dim-----------------------txoj sia rov qab
    Hmoob mus pab--------------cawm suav zaum no
    Thiaj mus tso-----------------------tau huab tais los
    Cov lus ntos----------------------thiaj muab sau cia

    Keeb kwm qhia--------------rhawv tseg lub ntsiab
    Li plaub txhiab-------------------lub xyoo dhau los
    Hmoob lub zos--------------nyob Moos nkaus lias
    Keeb kwm tias----------------lub sib hawm ntawv

    Hmoob yeej sawv-------------muaj kev vam meej
    Ua lub neej----------------------nyab xeeb nto moo
    Muaj neej zoo-----------------tshaj haiv neeg Suav
    Hmoob leej puav-------------yeej txawj ntse txaus

    Loj me laus------------------twb txawj khawb hlau
    Coj los hau--------------------------ua cuab yeej siv
    Hmoob leej txiv-----------yeej txawj khawb nyiaj
    Paub tu tsiaj--------------------------ua qoob ua loo

    Tsoos hnav zoo--------------------dai npib dai hob
    Neej Hmoob nyob------------------tau kaj siab lug
    Muaj qee tug---------------------yeej ciaj xeev laus
    Los ua taus-----------------------peb hmoob tus vaj

    Vam meej tshaj-----------------dua lwm haiv neeg
    Qhov kuv ntseeg-----------yog Hmoob tsoos zam
    Yog muab tham---------------ces yeej txaus qhuas
    Tej tsoos hluas------------------nrog rau tsoos laus

    Dai puv nkaus------------------------me ris me tsho
    Tis txhua nrho------------------tej tsoos hnav nyob
    Me nyiaj hob------------------nyiaj npib nrov ziag
    Muaj tseeb tiag-------------------tsis yog lam nroo

    Ntau txhiab xyoo----------------Hmoob hnav li no
    Lav xia ho-----------------txeeb Hmoob teb chaws
    Muab Hmoob raws--------------tawm rau av suav
    Nkauj liag nthuav-----------thov suav pab Hmoob

    Lawv tau poob--------------------av luaj pua lawm
    Thov pab cawm--------------Hmoob txoj sia thiab
    Suav zoo siab---------------txais Hmoob los nyob
    Av thaj tsob------------------------suav av luaj pua

    Ob leeg ua-------------------------nom kav av suav
    Muaj cai tuav-------------------suav lub teb chaws
    Laj txheej ntxaws--------------tswb tshoj sawv coj
    Haiv Hmoob loj-----------------muaj koob nto npe

    Nyob ua ke-------------------------ob haiv sib hlub
    Tsis sib ntxub----------------------txog kev ua neej
    Suav ntau leej---------------nrhiav tswv yim phem
    Los rhuav tshem-----------------xub pib nam nrim

    Nyiag nrhiav txim-------------------sau se loj heev
    Xyaum nyiag deev------------Hmoob tej poj niam
    Tswv yim liam-----------quab yuam haiv Hmoob
    Liaj ia poob---------------------mus rau suav lawm

    Raws Hmoob tawm----------------hauv tej zej zog
    Kua muag nrog-----------------tsis muaj tsev nyob
    Av thaj tsob----------------------ploj lawm du dais
    Hmoob yeej hais----------------------tsis tau ib los

    Txawm muab ntos---------------nrog suav sib hais
    Suav ntes hlais----------------thiab ntaus yeej xwb
    Kev mob hlwb---------------chim siab tshaj plaws
    Hmoob sawv daws--------------thiaj sawv rog tua

    Txeeb av dua-----------------------sib tua zaum no
    Raws li nco------------------------tsov rog loj heev
    Hmoob xuas hneev---------thiab phom quav ciab
    Coj ntau txhiab---------------------sib ntaus sib tua

    Ua sab sua---------------------------puv toj puv pes
    Hmoob sawv nres--------------tau yim caum xyoo
    Sib nreg loo-------------------rov muab hais haum
    Zam txim txhaum----------------rau npluav rog no

    Hmoob thiaj ho---------------------pib txav zuj zus
    Nqis los mus-------------------qab teb Tuam Tshoj
    Suav av loj---------------------------sab ntuj es xias
    Tham ntxiv tias------------sij hawm thaum ntawv

    Suav rov sawv----------------tuaj tsuj Hmoob dua
    Txais qaib npua-----------------qoob loo tsis them
    Suav ua phem---------------huab Hmoob tej nyiaj
    Tua Hmoob tsiaj---------------txeeb hmoob liaj ia

    Suav ib txhia-------------------zov kev tua Hmoob
    Neeg feem coob-------------raug suav hlais nyoos
    Txeeb Hmoob tsoos--------Hmoob zam lawm tag
    Hmoob pheej mag------------Suav tuag tshaib tua

    ua thiab ua------------------------thiaj ciaj tsov rog
    Hmoob sau zog-------------------tua suav zaum ob
    Sawv tuaj nyob--------------------sab suav qab teb
    Kev ntxhov ntxheb---------------tsov rog zaum no

    Raws li nco------------------------tua tau ntau xyoo
    Suav swb loo-----------------lawm ntau lub nroog
    Kev puas ntoog-----------------Suav kuj tuag coob
    Vim peb hmoob------------------lub me peev xwm

    Tus xub tshwm---------------hauv Hmoob zej zog
    Ces txawm yog---------------huab tais Txiv Yawg
    Sawv ua pawg----------------------koom ua ib pab
    Ntau laj fab-----------------------tswv yim tiv thaiv

    Kom peb haiv---------------Hmoob tsis txhob ploj
    Sawv los coj-----------------------yog peb leej txiv
    Koj tau siv----------------------------koj li roj ntsha
    Coj los nqa-------------------------lub teb lub chaw

    Raws kev ntshaw-------------koj laj txheej ntxaws
    Peb sawv daws----------------yuav nco ntsoov koj
    Tsis pub ploj--------------hauv Hmoob keeb kwm
    Yuav muab zwm------------------khaws ua faj lem

    Yuav tsis tshem--------------tsis muaj hnub kawg
    Thaum Txiv Yawg------------------tau tag txoj sia
    Hmoob ib txhia-------------------raug suav tua tag
    Ntau tus mag-----------------suav muab tsim txom

    Muab tshuaj lom---------Hmoob tuag lawm coob
    Hmoob tej .qoob--------------suav huab tag lawm
    Lawv khiav tawm-------------------mus rau zos loj
    Rov sawv coj-----------------teeb laj txheej ntxias

    Vwj Paj Yias---------------------coob leej ntau tus
    Tau sawv pus-----------------coj Hmoob tua Suav
    Sawv los rhuav-------------------suav daj zaum no
    Hmoob thiaj ho-------------------tua tau ntau xyoo

    Tsis vam zoo----------------ntawm haiv neeg suav
    Pheej tuaj rhuav--------------ua phem rau Hmoob
    Raug tuag coob-------------------suav thiaj ho nres
    Thaum ntawd ces--------------nyias nyob nyias av

    Tsis pub txav---------------------mus nam nrim teb
    Kev ntxhov ntxheb-------------thiaj ho nres lawm
    Lub sij hawm-----------------------zoo tsis tau ntev
    Suav nrhiav kev----------------rov tuaj tua Hmoob

    Txeeb Hmoob qoob----------thiab Hmoob loo tag
    Hmoob rov mag---------------suav tsim txom dua
    Lawv sawv tua------------------suav daj zaum peb
    Thiaj muab ntxheb------------tham rau nej mloog

    Hmoob sib poog------------------tuaj sau sib tham
    Nyob thaj tsam------------------hauv mej xab tsab
    Hmoob ntau pab-------------------tau los koom tes
    Sawv los nres-------------------tsov rog npluav no

    Hmoob thiaj ho---------------tua qaib haus ntshav
    Muab roj ntshav---------------------los koom ua ke
    Tag loj me--------------------tsis txhob ntxeev siab
    Sawv coj tshiab----------------ua siab tawv qhawv

    Lawv tau sawv---------------los thaiv peb Hmoob
    Tuav lub koob---------------------tsis pub ploj mus
    Ua ntuv zus-------------------------los txog Yuj naj
    Thiaj muab tshaj--------------yog tsab xyooj mem

    Ua moj them----------------------tsa npluav rog loj
    Ntau tus coj----------------------rov sawv tua Suav
    Sawv los tuav--------------peb Hmoob meej mom
    Tsis pub kom---------------------poob rau Suav tes

    Suav rog ntes-----------------thiab tua peb Hmoob
    Tuag puv roob-------------------thiab tuag puv hav
    Kua muag ntshav-------------thiaj ntws tawm tuaj
    Yeeb vim muaj----------------cov neeg siab phem

    Tau ntxeev lem-------------------rov taw tuam ntuj
    Coj suav tsuj------------------tuaj tua haiv Hmoob
    Yus tsob noob-----------------------cas ho tsis hlub
    Ua siab dub------------------------rov tua yus pawg

    Txog thaum kawg-----------Hmoob thiaj swb rog
    Tus ntawd yog----------------yawg vwj loom teeb
    Txais nyiaj txheeb---------nyiaj vam ntawm suav
    Nws thiaj rhuav---------------Hmoob txoj hau kev

    Coj siab dev---------------------raws nqaij rau luag
    Hmoob thiaj tuag--------------tsis muaj chaw faus
    Loj me laus-------------------------tuag puv zej zog
    Thaum ntawd yog----------------xyoo ib cuaj yim

    Cov khiav dim----------------------ces ciaj txoj sia
    Muaj ib txhia-------------------Suav muab ntes tau
    Muab pov rau---------------hluav taws kub nyhiab
    Muaj ntau txhiab---------------tus raug Suav hlais

    Pov pub dais---------------------thiab pub tsov noj
    Ntau tus poj----------------------pov rau dej tshoob
    Yuav tu noob--------------------ces thiaj tau khiav
    Pus txoj siav---------------------ciaj pauv siav tuag

    Maub xub tsuag------------------los rau Nplog teb
    Los nyob deb-----------------------npaum li cas los
    Tseem tuaj yos-----------------huab noj huab haus
    Huab txaus nkaus----------------tau ntau lub xyoo

    Nplog thiaj nroo------------------tham qhia fab kis
    Lawv soj ntshis------------------raws suav rov qab
    Suav khaub hlab-------------------raug fab kis ntes
    Quaj nrov les--------------------coj mus kaw nkuaj

    Tsis pub tuaj---------------------rau av nplog lawm
    Raws suav tawm----------------rov qab teb chaws
    Hmoob sawv daws------------rov nyob nyab xeeb
    Muaj ntau txheeb----------------los nyob Nyab laj

    Mam rov npaj-------------------tsim dua noob neej
    Kev ywj pheej------------------thiaj khees dua qub
    Kuv thiaj qhub-------------------tham rau nej hnov
    Ntuj nram ntxov----------txom nyem kawg nkaus

    Loj me laus----------------------kuj raug tsim txom
    Thiaj xav kom---------------------nej pab mob siab
    Khaws lub ntsiab----------------lus tseem ceeb cia
    muab tham qhia----------------------rau tej tub kiv

    Ho nrog chiv-----------------muab sau khaws tseg
    Ho nrog leg-------------------zwm rau nruab ntaub
    Qhia kom paub------------------txog lub neej dhau
    Hmoob ho tau---------------------rov xeev ras txog

    Hmoob yawg pog----------------txoj me lw ntshav
    Ntws xyaw av---------------xyaw nroj xyaw tsuag
    Teev kua muag------------------poob xyaw av luaj
    Lub suab quaj------------------nrov thoob qab ntuj

    Tsoom tub txuj-------------thov hlub Hmoob mog
    Hmoob yawg pog---------------txoj kev lw ntshav
    Ntws xyaw av------------------tsis paub yuav xaus
    Hmoob tej laus----------------------coj tau nej tuaj

    Tus kawm muaj---------------------ho rov mus soj
    Tej qub roj----------------------thiab tej qub hneev
    Kom nej xeev----------------ras txog hmoob thiab
    Los koom siab-------------coj Hmoob neej mog./.

    ( xaus li no )

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 23rd April 2013, 7:35 pm

    Tsab ntawv nrhiav tus qub puag thaum ub

    Hmoob ntuj tshiab-------------------tsab me ntawv hlub
    Nrhiav tus qub----------------------me hluas nkauj xwb
    Nws kuv wb----------------------------tau cog lus lawm
    Teem sij hawm----------------------rau lub xyoo tshiab

    Ntuj ntxhov niab-------------------lub teb ntxhov nyho
    Kuv thiaj ho-------------------------tau plam nws lawm
    Hmoob nkauj ntxawm--------------tus zoo ntxim hlub
    Poob tim ub-------------------------rau teb chaws nplog

    Kuv thiaj nrog----------------------cov laus khiav lawm
    Tau tsiv tawm---------------------mus txawv teb chaws
    Thiaj plam plaws-----------------------txoj me kev hlub
    Rau tim ub-------------------------------sab ntuj qub qab

    Peb khiav ntab--------------------------tuaj rau thaib teb
    Ncaim mus deb-------------------------rau teb chaws no
    Kuv thiaj nco--------------------------------nws ua luaj li
    Thiaj muab ntxhi--------------------seev qhia nws paub

    Xya caum plaub------------------------thaum lub tsib hli
    Suav txij li--------------------------hnub kuv ncaim mus
    Nws lo lus------------------------------kuv twb tsis hnov
    Ib tsab xov-------------------------------los yeej tsis pom

    Lub meej mom-----------------------tus zoo ntxim tawb
    Hmoob roob tsawb-------------------tus me ntxim tshua
    Caij ntuj qhua------------------------wb tham luag ntxhi
    Siab quaj dhi----------------------------xav coj nws mus

    Kuv mam pus------------------------nws nrog kuv khiav
    Npaj tsis tiav------------------------------thiaj coj tsis tau
    Lub siab npau------------------------npaum dej kub hlab
    Npaj rov qab-------------------------mus nrhiav nws dua

    Rau ntuj ncua----------------------------txoj me kev deb
    Ib rooj teb------------------------------yav puag tom tsev
    Tej qub kev-------------------------------wb me chaw so
    Niaj hnub nco----------------------------mov tsis xav noj

    Nco wb txoj-----------------------------kev nyob sib zov
    Sib xa xov-----------------------------txog txoj kev plees
    Hais seev yees----------------------------tsis xav tso tseg
    Mob tej teg---------------------------ua plawv yuav nres

    Yam tus ntses-------------------------twb tuag ntab ntab
    Tsis pom qab----------------------------yuav hais lo twg
    Me phooj ywg--------------------------tus kuv hlub es!!!
    Es nws ne!-----------------------------siab puas fav xeeb

    Lub neej keeb-----------------------yav ntuj puag thaum
    Peb sib yaum----------------------mus lov ntsuag xyoob
    Puag tim roob---------------------------zos dej tsua ntab
    Tau sib thab------------------------------sib zeg taug kev

    Sib yaum ev----------------------ntsuag xyoob ntiv qeej
    Nws tus kheej---------------------------tsis nco nroo sab
    Mus tsheej pab---------------------seev suab kwv txhiaj
    Zaum tsheej phiaj---------------------lom zem xauv npo

    Yeej tsis nco-----------------------txog kev txhawj xeeb
    Lus tseem ceeb----------------------tau tham khee kawv
    Tuav tes rawv------------------------------ua ke tag hnub
    Kev sib hlub---------------------------thiab kev sib tshua

    Tau tham txhua-------------------txaus siab tshaj plaws
    Peb sawv daws----------------------txhua tus feem coob
    Teem roob tshoob-------------------rau lub xyoo tshiab
    Yeej txaus siab-----------------------txhua tus tub hluas

    Teb chaws puas--------------------nrov ncha mus thoob
    Peb cov coob----------------------------sib tw khiav ntab
    Dhau thaib sab------------------------mus rau nom nrim
    Lub siab chim---------------------------tau tsa suab quaj

    Vim ncaim tuaj-------------------------rau teb chaws no
    Kuv thiaj nco----------------------------nws ib leeg tshaj
    Txoj kev npaj-------------------------------ho tsis sib tau
    Los sib sau---------------------------ua neej sawm txhiaj

    Muam maiv nyiaj---------------------tus me ntxim tawb
    Plu mos dawb-------------------------lub suab seev yees
    Ces ntxhee yees-------------------cuag nkauj ntsais lias
    Ncaim nab fais------------------------lub zos roob tsawb

    Nkauj siab dawb---------------------------tus cev tsis loj
    Nws niam noj-----------------------------dab tsi yug nws
    Nplooj siab ntsws---------------------zoo cuag nkauj hli
    Es thiaj ci-----------------------------mus thoob ntiaj teb

    Ua rau peb--------------------------------nco nws ua luaj
    Puas yuav muaj------------------------hnub rov sib ntsib
    Ntshe yuav pib--------------------------tham kev sib nco
    Tsheej tag hmo-----------------------los tham tsis dhuav

    Kev npau suav---------------------------los tham tsis tag
    Lus tso dag--------------------------------los yeej ib yam
    Txoj kev tham----------------------ntshe tsis pov khawv
    Ntuj yuas lawv-------------------------tus me nkauj xwb

    Kuv mas twb-------------------------niaj hnub seev nws
    Nplooj siab ntsws--------------------nco txog hnub ploj
    Siab xav zoj--------------------------puas rov ntsib thiab
    Ua nplooj siab--------------------------rov fab lwm tiam

    Yog nws niam------------------------nws txiv lawv kam
    Rov mus tham-------------------------thiab coj nws mus
    Ua kuv tus----------------------------mus nrog kuv nyob
    Kuv muaj mob-----------------------thiaj muaj nws saib

    Yog nws tshaib-----------------------kuv nrhiav nws noj
    Kuv mob loj----------------------------ces nws nrog kho
    Sim neej no-------------------------------nco nws ua luaj
    Tsa suab quaj--------------------------vim tsis ntsib nws

    Kuv siab ntsws-----------------------------ua voj ua vias
    Yuj li lias-------------------------------------rov qab li zoj
    Plawv thiaj ntoj-----------------------cuag siav yuav yaj
    Nco nws tshaj---------------------------nyob rau tiam no

    Nws puas nco-------------------------------tus zoo li kuv
    Wb chaw thuv------------------------ntshe twb tuaj nroj
    Ciav zoov loj-----------------------teb hav ntshuab tsws
    Hais txog nws-------------------------puas nco kuv thiab

    Me nplooj siab--------------------------tus kuv nco tshaj
    Yeej tsis daj-----------------------------os me leej muam
    Lus paj huam------------------------thov tsis txhob chim
    Yeeb yog vim-----------------------------lub ntuj lub teb

    Ua ntxhov ntxheb-------------------------tsis tiaj tsis tus
    Thiaj ncaim mus------------------lawm ploj ntsiag niab
    Mob kuv siab------------------------ib nthwv yuav poob
    Nco nkauj Hmoob----------------------txoj me kev hlub
    Neej thaum ub---------------------nyob ntawm nws tsev
    Kuv dua kev-------------------------nws suab luag ntxhi
    Ntuj tsaus hli-------------------------sawv ntawm ib sab
    Tuav nws npab----------------------thiab hnia nws plhu

    Hnov nws hu------------------------------tias koj tuaj los
    Cov lus ntos------------------------tseem nco ntsoov cia
    Zais tsis qhia----------------------------rau leej twg paub
    Niaj hnub saub------------------------txog nws xwb tiag

    Tib me pliag-------------------------ncaim nws mus deb
    Ib rooj teb------------------------------sab ntuj nraum ub
    Tus kuv hlub--------------------------nco tshav ntuj nrig
    Ntuj puas tig----------------------------------wb los ua ke

    Noj sib ce---------------------------------rov tau sib hlub
    Li thaum ub----------------------------lub teb chaws zoo
    Ncaim ntau xyoo--------------------ntshe nws hnov qab
    Ua luag nyab----------------------------muaj tub muaj ki

    Luag ntxhawv ntxhi-------------------nws tej qaws tiab
    Tsis kho siab----------------------------li kuv lawm paub
    Tsis hnov saub--------------------------los txog hnub no
    Muab nws nco------------------------tsis paub yuav ploj

    Twb mus ntoj--------------------nrhiav nws hauv nplog
    Kuv mus txog-------------------------------tsis zoo li qub
    Yav thaum ub--------------------------nyob zos toj roob
    Tej zos Hmoob------------------------nyob pem toj siab

    Huab pos niab-------------------------saum tej hauv tsua
    Muaj huab cua-------------------nplawm ntws txias zias
    Xav hais tias--------------------------yuav tsis sib ncaim
    Tseem xav nraim-------------------nrog nws txiav taws
    Lub teb chaws-----------------------yeej pauv txawv tag
    Cuag hais dag----------------------nplooj tsis paub hlav
    Pom pa av--------------------------------ncho oov li niab
    Tej me kiab-----------------------------thiab cov me khw

    Tsis hnov tsw--------------------------------pa qij pa dos
    Qub zej zos--------------------------pom ciaj hav ntxhov
    Kuv thiaj rov----------------------------los teb chaws no
    Txawm yuav nco-------------------nws tshaj txhua yam

    Ntshe tsis tham------------------nrhiav nws ntxiv lawm
    Hmoob nkauj ntxawm----------------tus me ntxim hlub
    Thiaj muab qhub---------------------seb nws puas hnov
    Neej nram ntxov---------------------nws puas nco lawm

    Cev nkauj ntxawm-----------------------puas zoo li qub
    Hmoob leej tub---------------------tseem nco nws kawg
    Teb chaws tawg------------------------ncaim tuaj tav no
    Yeej tseem nco--------------------txog nws kawg nkaus

    Cev lam laus-----------------------------siab nyob li qub
    Teb av dub----------------------------yeej tseem cim tau
    Puag thaum yau-------------------------los txog hnub no
    Nws puas nco------------------------tias tshuav leej twg

    Tus phooj ywg-----------------------tau nrog koom siab
    Tham ntuj tshiab-----------------tawm plaws ntuj tsaug
    Kev nkauj nraug--------------------yav puag thaum yau
    Puas nco tau-------------------------nws lawm os mog./.

    Xaus li no

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 23rd April 2013, 7:37 pm

    Nws wb zaj dab neeg

    Caij ntuj no----------------------nyob pem teb yeeb
    Tau tshwm xeeb-------------------txoj kev hlub los
    Muaj ib hmo------------------muaj neeg tham qhia
    Kuv thiaj cia---------------------------lub siab li zoj

    Nyiag tuaj soj----------------yos tham hluas nkauj
    Tau tuaj xauj---------------Hmoob cov me ntxhais
    Hnov luag hais------------------daim teb pem roob
    Muaj ntxhais Hmoob------------tuaj faus teb yeeb

    Nkauj sim xeeb----------tham luag ntxhawv ntxhi
    Zoo cuag li----------------me ntxhais nkauj ntsuab
    Hnov lub suab------------------tham seev yuj yees
    Tsis nco nkees------------------------ua teb ua npoj

    Pem ntav toj------------------------daim teb av dub
    Hmoob leej tub-------------------nce tuaj mus saib
    Pom paj ncaib-------------------paj ntoos tawg zoo
    Tawg puv loo------------------------tej me ntug teb

    Tsa ncauj ntxheb---------------lub suab seev qhub
    Kev sib hlub---------------------thiab kev sib tshua
    Txawm pib ntua-------------muab tham qhia meej
    Kuv tus kheej-------------------------los kuj ib yam

    Txoj kev tham-------------------nyob ntuj tag hmo
    Lus sib nco--------------------tham kaj ntug plaws
    Tau tham ntxaws--------------------tej lus sib hlub
    Qhib los pub----------------------rau kuv tus kheej

    Koj qhia meej-------------ntawm kev nkauj nraug
    Txoj kev taug-----------------------loj hlob zuj zus
    Hmoob leej nus----------------------tau tsib tus tav
    Xws siab xav----------------------li lub siab nyiam

    Kuv thiaj liam-----------------------ua koj tus hlub
    Tham nruab hnub---------------thiab ntuj tag hmo
    Txoj kev nco--------------------tsis xav ncaim koj
    Niaj hmo ntoj---------------------tuaj nyob sib zov

    Sib xa xov-----------------------txog txoj kev plees
    Hais seev yees----------------------tsis xav tso tseg
    Mob tej teg---------------------ua plawv yuav nres
    Yam tus ntses-------------------tau pas dej ntshiab

    Zoo ntxim siab-----------------nrhiav tau tus tseeb
    Lus meej xeeb-------------------tham txog kev nco
    Ntuj tag hmo-------------------thiaj maub nuj nuag
    Tsaus ntuj zuag------------------xav nyob nrog koj

    Yuav tsum ntoj-----------------thiab tuaj kom txog
    Li tau nrog-----------------------koj tus kheej nyob
    Nplooj siab txob-----------------seev txog koj xwb
    Koj kuv wb-----------------------tsis xav sib ncaim

    Xav nrog nraim--------------------------ua ke tag li
    Hmo qaim hli----------------------los yuav tau tuaj
    Dab tsov quaj-------------------kuv yeej tsis ntshai
    Ua kauv sai------------------------noj zaub ntug teb

    Txawm nyob deb-------------maub tuaj kom txog
    Tsuav tau nrog-------------------koj tham xwb tiag
    Lub xub ntiag----------------------puag kuv sov so
    Kuv thiaj nco---------------------------koj ua luaj li

    Hnub thawm hli------------------thiaj tseg tsis taus
    Lub neej xaus---------------------muab cog rau koj
    Tau teem zoj---------------------lub caij nyoog zoo
    Rau lub xyoo------------------------ib cuaj xya yim

    Caij zoo cim-------------------------rau lub peb hlis
    Yuav pib lis----------------------rau hnub xiab yim
    Kev tshwm sim------------------lub neej chiv keeb
    Tau muab teeb----------------teem caij nyoog tseg

    Mam li leg-------------------------wb txoj hauv kab
    Rub koj npab-------------------mus nrog kuv nyob
    Kuv muaj mob------------------thiaj muaj koj saib
    Yog koj tshaib-------------------kuv nrhiav koj noj

    Kuv mob loj-----------------------ces koj nrog kho
    Txoj kev nco---------------------tsis pub kom muaj
    Cog lus ruaj----------------------thiab cog lus khov
    Kuv thiaj rov--------------------los mus tsev lawm

    Tsov rog txawm----------------sib tua ntxhov niab
    Ntuj tsaus ciab----------------------lub teb tsaus nti
    Kuv thiaj li------------------------tau ncaim koj loo
    Me neeg zoo-----------------leej muam maiv nyiaj

    Cev zeej txhiaj------------------me neeg siab dawb
    Hmoob roob tsawb-----------------tus me kuv nco
    Thiaj tau tso----------------------koj poob tom qab
    Nyob nrog kab----------------thiab nrog noog quaj

    Kuv khiav tuaj--------------------mus rau thaib teb
    Kev ntxhov ntxheb--------------thiaj tuaj tsis dhau
    Kuv thiaj tau---------------------poob los looj ceeb
    Ntxhov siab xeeb------------------muaj loj zuj zus

    Hmoob leej nus---------------mam nrhiav kev dua
    Lub ntuj qhua-----------------tawm plaws tuaj loo
    Ntawm lub xyoo-------------------ib cuaj yim cuaj
    Mam li muaj-----------------------txoj kev los mus

    Nyob nas xus--------------------------tau li ob xyoo
    Mam hnov moo-----------------koj nyob moos tas
    Thaum ntawd mas----------------kuv nco koj tshaj
    Thiaj tau npaj------------------khiav los moos hooj

    Kev tawm rooj--------------------thiaj cuag tau koj
    Mam ntiav nkoj-----------------thiab caij dav hlau
    Ya tuaj rau--------------------nroog tiaj rhawv zeb
    Mam ntiav tsheb--------------tuaj rau xeev khuam

    Kev cuam tshuam-------------muaj ntau yam heev
    Luag tsis kheev----------------------kuv tuaj mus li
    Mam mus ntxhi---------------------rau txiv paj zeb
    Nrog thov seb--------------------luag ho puas kam

    Nws mus tham---------------------tag ces luag tso
    Kuv mam ho-------------------tuaj txog hauv xeev
    Luag tsis tseev------------------thiab luag tsis kam
    Nrog luag tham------------------------tau ob as thiv

    Thiaj mam chiv------------------pub tuaj moos tas
    Thaum ntawd mas------------koj twb khiav lawm
    Tau tsiv tawm----------------hauv mus lawm thiab
    Mob kuv siab------------------ib nthwv yuav poob

    Me nkauj Hmoob-----------------koj puas nco kuv
    Nrhiav kev thuv--------------tuaj nyuab npaum no
    Koj puas nco------------------------tias kuv nco koj
    Ntsia me nroj---------------------me tsuag tuag daj

    Tsis xav npaj-----------------------lub siab rov qab
    Txoj hauv kab-----------------------yeej tsaus li nti
    Zoo xws li----------------------lub ntuj tsaus nciab
    Kev mob iab------------------lub plawv ntsoog tag

    Vim koj ntag----------------------tsis paub ua neeg
    Koj puas ntseeg--------------------tias kuv nco koj
    Nrhiav kev ntoj----------------raws txhua txoj kev
    Ua siab ntev------------------------npaum li cas los

    Maj mam yos-----------------mus txhua lub nroog
    Tej vaj loog--------------------nyob rau moos loob
    Yeej nug thoob----------------tsis muaj neeg paub
    Kuv thiaj maub--------------------tuaj rau thaib teb

    Khiav tuaj deb--------------------txog yeej vib nais
    Yeej noom qhais----------------los yeej nug txhua
    Kev ua qhua-----------------------mus pem cob fab
    Kuv mus tshab-------------------tsis pom nej thiab

    Zos toj siab-------------------nyob txhua thaj chaw
    Kab lwj hlaw------------------nrhiav txhua lub zos
    Tau mus yos-----------------------txog qub zej zog
    Tsuas pom nplog-------------------tub rog nyab laj

    Thiaj tau npaj----------------------rov los thaib teb
    Tshaj xo seb-----------------------koj ho puas hnov
    Thiaj li rov-----------------------los txog hauv yeej
    Kuv tus kheej-------------------sau ntawv tshaj loo

    Tos lub xyoo----------------------mus txog lub niaj
    Ntuj ntsiag txiaj-------------------teb ntsiag li moo
    Tsis hnov nroo-----------------qhov twg tuaj thiab
    Mob kuv siab-----------------kua muag thiaj poob

    Me nkauj Hmoob---------------koj nyob qhov twg
    Muaj phooj ywg-----------------lawm los tus hlub
    Kuv niaj hnub-------------------nrhiav koj os mog
    Yog hnov txog-----------------puas xam muaj kuv

    Wb chaw thuv----------------------tos lub ntuj nag
    Av nyam tag-----------------------ko taw lwj daws
    Niaj hnub raws---------------nrhiav txhua txoj kev
    Tos koj ntev-----------------------los txog hnub no

    Koj puas nco------------------tias tseem muaj nws
    Lub siab ntsws--------------------lwj ua nroj tsuag
    Txoj kev tuag---------------------seb puas raws tau
    Mam sib sau---------------------rau ntuj ceeb tseej

    Kuv tus kheej---------------------lub siab puas zoo
    Tuav tes loo-------------------mus nug yawm saub
    Hloov dua ntaub-----------------thej dua dej cawv
    Pauv dua ntawv-----------------ua puav pheej kob

    Wb tau nyob---------------------rau nywj vag kiab
    Mus thawj thiab----------------xeeb rov lwm tiam
    Wb keeb kiam------------------kom txhob sib cais
    Yog yuav hais-----------------yeej tham tsis txhua

    Cia mam ua---------------------npau suav pom koj
    Rov mus ntoj-----------------------taug tej qub kab
    Tuav koj npab--------------------thiab qaim koj tes
    Xws muv mes---------------------mus haus paj zib

    Nplooj siab ib------------------tus uas ncaim lawm
    Cev nkauj ntxawm---------------thiaj tau rov puag
    Lub kua muag------------------thiaj yuav tsis poob
    Zos toj roob----------------------mam rov mus saib

    Me paj ncaib--------------------paj xyoob paj ntoo
    Puas tawg zoo-------------------------li yav thaum i
    Kev ua si--------------------------puas rov lom zem
    Tej kev lem-------------------------nce toj nqis hav

    Taug kev tav-----------------------tuav tes yuj yeev
    Lo lus seev---------------------------puas zoo li qub
    Yav thaum ub-----------------lub neej thaum hluas
    Teb chaws puas------------------ncaim txog tav no

    Koj puas nco--------------------npaum kuv nco koj
    Thaj teb nroj---------------------wb ib txwm nthua
    Yeej nco txhua-----------------tsis muaj hnub ploj
    Hais txog koj---------------------ntshe tsis nco qab

    Ua luag nyab----------------------muaj tub muaj ki
    Luag ntxhawv ntxhi----------tiav nraug tiav nkauj
    Koj lub ncauj---------------------thiab koj lub siab
    Puas ntxhov niab-------------------zoo li kuv thiab

    Tus mob iab------------------------puas lub li qawv
    Nyob nruab plawv-------------------li kuv thiab os
    Txawm muab ntos----------------hais ua dab neeg
    Tham kom deeg------------------rau neeg ntiaj teb

    Lam muab ntxheb---------------kom lub siab nqig
    Tej ntsuj plig-----------------------rov los puab cev
    Siab ho ntev-----------------------nrog luag ua neej
    Kuv tus kheej-------------------mam tos lwm tiam

    Los koom niam-----------------koom txiv yug dua
    Kom txhob tshua---------------------koj li no nawb
    Me ntxim tawb------------------hais lus luag ntxhi
    Es thiaj li---------------------tsis nco koj os mog./.

    ( xaus li no )

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 23rd April 2013, 7:51 pm

    Puas Tseem Nco Teb Chaws Los Tsuas

    Nyob zoo os-------------peb ib tsoom Hmoob
    mus nyob thoob----------------lub qab ntuj no
    nej puas nco-------------txog teb chaws nplog
    uas nws yog------------------thaj chaw yug nej

    yav nram ntej-------------thaum tseem me yau
    uas nej tau----------------------nyob ib zaug los
    lub me zos---------------------niam txiv yug nej
    Tej me dej----------------------nej ib txwm haus

    Lub zos laus-------------------kev nyob kev noj
    nej thiaj loj-------------------tiav niam tiav txiv
    lub neej chiv-----------------nyob ua pab pawg
    teb chaws tawg--------------nej thiaj tau ncaim

    Mus nyob nraim------------------rau ib rooj teb
    Ncaim mus deb---------------rau ib ntxeev ntuj
    Yam dav yuj-----------mus nrhiav chaw tsaws
    Nej sawv daws-------------txhua tus tau ncaim

    puas xav nraim---------------nco vaj tsev thiab
    nej lub siab-----------------puas xam muaj peb
    thaj me teb------------------hav nroj pwm tshis
    nyob nros ntshis------------tsis muaj tus nthua

    teb hav tsua-----------------hav nqeeb hav tauj
    nej muab nrauj-------------------rau rooj teb no
    puas tseem nco-----------------qub zog toj siab
    lub ntuj tshiab----------------uas nej mus nyob

    neej pov plob-------------ntshe yeej txawv hlo
    ntuj nraum no-------------------nej lub qub zog
    lawm nawb mog----------tsoom phooj ywg aw
    lub qub chaw--------------thaum nej tseem yau

    nws yeej tau---------------hloov mus tag lawm
    vim sib hawm-------------dhau mus ntau xyoo
    tej xyoob ntoo--------------------los twb loj tas
    ib co mas----------------------ho tuag tas lawm

    muam nkauj ntxawm---------los twb laus laus
    mus tsis taus----------------------kev li thaum i
    chaw ua si-----------------thaum nej tseem me
    tej vaj tse----------------------nej ib txwm nyob

    ciaj toj pob--------------------thiab ua quav poj
    hav zoov loj----------------ciaj zoov nuj txeeg
    ib tsoom neeg----------------thaum nyob ua ke
    lawv los ntshe--------------yeej twb laus lawm

    vim sib hawm-------------dhau mus lawm ntev
    tej me kev---------------------uas ib txwm taug
    lub zog qaug----------------------tsis zoo li qub
    yam lub hnub------------------uas twb qaij zus

    twb yuav mus---------------ploj tim npoo roob
    phooj ywg hmoob--------------nej puas tu siab
    muaj daim tshiab--------------los tsis xav hnav
    pluas zoo qav------------------yeej tsis xav noj

    lub zog ploj------------------mus lawm zuj zus
    lo me lus-----------------muab tham tawm tuaj
    nrog suab quaj--------------lub kua muag nrog
    vim lub zog-----------------tsuas ntaug zuj zus

    twb yuav mus------------cuag poj cuag yawm
    kev txij nkawm-------------nws twb yuav dua
    yam nthwv cua--------------tsuas yog ib vuag
    poob kua muag----------thaum uas tham txog

    vim tias yog------------------nco niam nco txiv
    nco tij viv----------------------kwv tij txhua tus
    cov ncaim mus-------------los thov nco ntsoov
    sij hawm hloov--------------zoo tam dej ntws

    tsuav siab ntsws---------tsis txhob hloov xwb
    hauv lub hlwb--------------yuav tsum nco tau
    lub neej dhau-----------------yav ntuj qub qab
    nyob yaj sab----------------puag pem toj roob

    lub neej hmoob---------------yav ntuj thaum i
    nyob luag ntxhi-----------muaj kev ywj pheej
    Hmoob lub neej----------nyob pem kaum hav
    ntuj yeej tshav---------------nyob kaj siab dua

    yog nej tshua------------------rov los saib mog
    tej qub zog-------------------qub teb qub chaw
    kab lwj hlaw--------------------qab zeb qab ca
    tsov dais hma-----------------twb tsis muaj tag

    tsiaj nruab nrag----------------los tuag tu noob
    me ntsuag xyoob------------twb tsis muaj lov
    kab qos tsov-------------------los twb tsis muaj
    nrhiav ua tshuaj------------yeej nrhiav tsis tau

    xyoob phua ncau-------------los tuag tas lawm
    ntsuag xyoob rawm----------twb tsis muaj noj
    tshuav ncaim toj----------tuaj tsob nyuag puav
    toj roob qhuav-------------nqha nroj nqha nrig

    pom kooj txig----------------ya zom zaws xwb
    av tu swb------------------------toj pob liab vog
    pob zeb ntog--------------mus lawm tsheej kab
    tej hav ntxhab------------------tuaj zab zi ncaug

    tej kev taug---------------------mus liaj mus teb
    ho caij tsheb--------------feem ntau lawm xwb
    tsis mob hlwb----------------------li yav tag los
    cov lus ntos-----------------------mas tham li no

    yog nej nco-----------------------ho rov los saib
    me paj ncaib-----------------paj xyoob paj ntoo
    tsis tawg zoo---------------------li yav thaum ub
    lub neej qub------------------hav zoov nuj txeeg

    ib tsoom neeg------------------tseem nyob ua ke
    noj sib ce----------------------thiab haus sib hlub
    ntau sib pub------------------muaj tsawg sib qiv
    muaj niam txiv-------------------sawv ua tus coj

    kev nyob noj----------------tsis tshaib tsis nqhis
    phas nyas npis----------------thiab hlob vaj pov
    sawv coj khov-------------pub Hmoob noj hnav
    ntuj thiaj tshav------------rau Hmoob yav dhau

    hos cov yau------------------------tom qab los no
    siab hloov hlo--------------------coj nqaim coj ti
    tsis zoo li-----------------------lub neej thaum ub
    txoj kev hlub--------------los ntawm vaj Hmoob

    zos toj roob-------------------tsim tshav dav hlau
    Hmoob feem ntau----------muaj txiag nplua nuj
    Thiaj tshav ntuj-----------rau Hmoob sawv daws
    Nplog liab raws--------nom Hmoob khiav tawm

    Teb chaws txawm-----------hloov pauv tag nrho
    Tam sim no-------------------.muaj ntau yam zoo
    Thiaj hloov loo----------------ua teb chaws tshiab
    Neej khuam siab--------------raws cuag pej xeem

    Kev fab peem----------------Hmoob tej thawj coj
    Raug luag zoj---------------------coj siab nqaim ti
    Suav txij li---------------------xyoo xya caum tsib
    Nom tshiab pib------------------sawv los kav tswj

    Raug luag ntswj------------------los txog hnub no
    Ntuj ntxeev npho-----------------ntiaj teb thiaj tig
    Av thiaj nkig---------------------dej nyob li nphau
    Nej ncaim tau----------------peb caug tawm xyoo

    Tsis hnov nroo----------------------es nej puas nco
    Ho rov hlo------------------------los saib nplog teb
    Daim av deb-----------------------nyob ntuj es xias
    Puas xav tias------------------tseem nco txog thiab

    Npaj nyiaj txhiab----------------nyiaj pua txoj kev
    Rov los tsev-----------------------rau teb chaws no
    Yog nej nco----------------------rov los nawb mog
    Thaug los txog-------------------peb yeej txais tos

    Nej txhob nros--------------thiab nej txhob ntshai
    Qhib txoj cai----------------------txais nej rov qab
    Txhob siab fab------------------mus xav ntau yam
    Hnov luag tham-----------------tsis npaum koj los

    Cov lus ntos---------------------tej zaum kuj muaj
    Cuaj caum cuaj---------------ntawm ib feem pua
    Lus moo cua---------------------tsis muaj lo tseeb
    Txhob siab qeeb-----------------tsam ho tsis ntsib

    Nplooj siab ib----------------------koj tso nws cia
    Tej mob ntxhia-----------------yav ntuj thaum ub
    Nws niaj hnub------------------tos koj xwb nawb
    Tseem ntxim tawb--------thiab tseem ntxim hnia

    Thov txhob cia---------------nws nyob nros ntshi
    Zoo xws li---------------------neeg mob qaug txaj
    Nco koj tshaj-----------------qhov hais tau lawm
    me nkauj ntxawm------------tseem nco txog koj

    Nws ces noj---------------------mov qab li tshauv
    Siab tsis pauv---------------------tseem ua koj tej
    Me qub dej--------------------qub taws rauv xwb
    Cev nkauj xwb-----------------puas tas lawm los

    Lub siab mos-------------------tseem nyob li qub
    Yav thaum ub-----------------moos cab moos oo
    Yeej tseem zoo-------------thiab hos cov npawg
    Es koj yawg-------------------puas nco nws thiab

    Ntshe hloov siab----------nrog maum twm dawb
    Chaw sib tawb-------------------thiaj tsis nco qab
    Zos moos cab----------------------cov lus cog cia
    Yuav mob ntxhia------------------mus tag ib sim

    Nws yuav chim--------------siab txog hnub tuag
    Lub kua muag-----------------------koj tsis los so
    Sim neej no---------------------tsis paub ua neeg
    Koj puas tseem------------------cov lus no thiab

    Neb nplooj siab-------------muab faus teem cia
    Yeej tsis qhia---------------------rau neej paub li
    Yuav tsis ntxhi--------------tham rau dab mloog
    Tsam ho toog-----------------neej dab pob ntseg

    Tej kwj deg--------------------ho yuav pob thiab
    Tus qub ntxhiab-----------------ces ho yuav dua
    Kev hmov tshua----------ntawm koj thiab nws
    Neb siab ntsws--------------ho yuav xav txawv

    Nws lub plawv-----------------ces ho yuav nres
    Tus me ntses----------------------loj ces ho dim
    Lub siab chim-------------------mob tag ib tiam
    Tsheej txiv niam--------------los lwv tsis tawm

    Siab nkauj ntxawm-------------nco koj xwb os
    Ho rov los---------------------es neb mam tham
    Muaj qee tsam--------------kuj tseem xav plhis
    Kom tuaj tis------------------ya mus ua nkawm

    Siab nkauj ntxawm--------tseem nco qub zaub
    Cev paiv taub------------------yog koj qub mov
    Puag tseem sov---------thiab hos cov npawg./.

    ( xaus li no )

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 23rd April 2013, 11:44 pm



    Nyob zoo tij laug Hmoob Ntuj Tshiab,

    Ua tsaug ntau rau nws cov paj huam, sau tau zoo kawg li.

    Nws tso ua ntej, kuv muaj caij mam li tuaj dhos duab thiab rau cheeb rau mog. Vim lub caij no muaj ntau yam los tuav tes heev.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 11th May 2013, 8:19 am

    Hmoob raug ev luag lub txim
    Txij ntua thaum--------------------------Fab kis swb rog
    uas nws yog-----------------------------------------1-9-4-5
    Fab kis pib---------------------------------sau nra rov qab
    mus rau sab------------------------ntxeev ntuj nraum ub

    ces lawv lub-------------------------------me txim ua rog
    Hmoob thiaj yog--------------------------tus ris tag nrho
    Fab kis tso--------------------------------lawv lub me nra
    rau Hmoob nqa--------------------Hmoob ris Hmoob ev

    lawv mus tsev--------------------------lawv tso lub txim
    Hmoob raug tsim------------------------vim pab Fab kis
    Hmoob tau ris--------------------------lub txim tag nrho
    Nplog liab rho----------------------sawv tooj sawv hlau

    maj mam thau-----------------------------pav tug zuj zus
    Hmoob txhua tus-------------------------cov pab Fab kis
    lawv mag ris------------------------------fab kis lub txim
    Nplog liab tsim-----------------------tsis ntshai tub qaug

    Hmoob thiaj raug----------------------ntes coj mus kaw
    mag xauv taw--------------------------xauv tes txhua tus
    ntes coj mus----------------------------tu hmab kav theej
    Hmoob lub neej---------------------------thiaj li tau xaus

    lub hauv paus---------------------------yog vim li ntawv
    peb Hmoob lawv--------------------thiaj li khiav nkaum
    rau puag saum----------------------------tej toj roob siab
    pos huab niab-------------------------thiaj yuav dim siav

    Hmoob thiaj khiav--------------------------rau ub rau no
    tos Hmoob nco------------------------Mes kas tuaj nyob
    tuaj thaj tsob-----------------------------txoj kev tsov rog
    thaum ntawd yog----------------------Mes kas tuaj pauv

    Fab kis hauv-------------------------teb chaws Los tsuas
    Thiaj rov puas---------------------------khiav ua sab sua
    kev sib tua-----------------------------thiaj rov sawv dua
    thiaj rov ua--------------------------rau peb haiv Hmoob

    kua muag poob-------------------------dua ib zaug ntxiv
    Mes kas siv--------------------------Hmoob ua yaum sij
    coj mus tsij-----------------------------rau tom tshav rog
    ntawd txawm yog----------------------Mes kas tau thov

    hlob Vaj pov------------------------------sawv ua tus pab
    Ua laj kab---------------------------thaiv lawv haiv neeg
    Hmoob rov ntseeg-----------------------Mes kas lus cog
    Sib yaum nrog----------------------------lawv tsheej pab

    Mes kas thab---------------------------Nyablaj qaum teb
    kev ntxhov ntxheb-----------------Hmoob nrog mus tua
    Mes kas ua------------------------------tus sawv tom qab
    yog tus pab-------------------------riam phom mos txwv

    Mes kas twv--------------------------tua nrog Nplog liab
    Nyab laj thiab-----------------------Nplog liab koom tes
    hos Hmoob ces----------------------------tawg ua ob pab
    muaj ib nrab--------------------------mus koom Nyab laj

    Lauj Faiv Ntaj---------------------Npliaj Yob tsev neeg
    thiaj mus ntseeg-----------------------rau tog Nplog liab
    muaj ntau txhiab---------------------tsis zoo muab tham
    zoo hwj tsam-----------------------mam piav kom txhua

    kev sib tua----------------------------thiaj tau tshwm sim
    muaj qee chim---------------------Hmoob tej laus hluas
    rov sib xyuas--------------------------mas tsis tsim nyog
    kev ua rog---------------------------------tsuas loj zuj zus

    tsis muaj tus----------------------------yuav los daws tau
    ces thiaj dhau-------------------------------mus ua rog loj
    sib tua zoj---------------------------------tau ib nyuag ntu
    Nplog liab hu--------------------------thov Nyab laj pab

    ces nyob sab-----------------------Noom hej kub ntxhov
    hlob Vaj pov-------------------------thiaj rhais dua chaw
    mus cuab taw-------------------------nyob rau Looj ceeb
    thiaj los teeb----------------------------tshav dav hlau loj

    Mes kas coj-----------------------------dav hlau tuaj pab
    nyob rau sab-------------------------Looj ceeb xas thoos
    yog lub moos--------------------Hmoob chaw cuab zog
    kev ua rog------------------------------thiaj rov sawv dua

    thiaj sib tua---------------------------------loj dua yav tas
    Nyob lub nras-----------------------nroog tiaj rhawv zeb
    Ua rau peb----------------------------------tsis zoo ua noj
    Hmoob khiav zoj--------------tawm nroog xeev khuam

    ib sij huam-------------------------------yog chaw sib tua
    muaj ntau pua-------------------------tus tub rog Hmoob
    tau nyob thoob--------------------------toj roob hauv pes
    qhov ntawd ces-------------------------lawv hu ua khaib

    Hmoob raug faib--------------------mus kawm dav hlau
    kuj muaj ntau-----------------------tus tub hluas Hmoob
    muaj lub koob---------------------------rau sab looj ceeb
    tau lub keeb------------------------------tshaj lij dav hlau

    lawv kuj tau---------------------kawm tsav nyoob hoom
    tau lus foom--------------------------------ua tub tshaj lij
    thauj ntau fij---------------------------me npoos mus yuj
    coj mus tsuj----------------------------tub rog nplog liab

    tuag ntau txhiab---------------------------puv toj puv pes
    Xeev khuam ces--------------------qhov npoos liab vog
    npaum nkaus nplog--------------------laij liag cog nplej
    yam li tej--------------------------------teb uas yus hlawv

    nplaim taws sawv--------------------------txij ib nta ntuj
    dav hlau yuj-------------------------------tas hnub tsis so
    pa taws ncho---------------------cuag Hmoob hlawv teb
    tiaj rhawv zeb----------------------muaj neeg tuag coob

    tsis hais Hmoob-------------------------los yog Nyab laj
    tuag coob tshaj-----------------------mas yog Nplog liab
    muaj ntau txhiab------------------------tub rog peeb zeej
    tag sim neej----------------------------rau tiaj rhawv zeb

    sab qaum teb----------------------lub nroog xeev khuam
    yawg Kais xuam--------------------thawj coj Nplog liab
    muaj ntau txhiab------------------------peeb zeej tub rog
    uas lawv nrog-----------------------Kais xuam ib phaum

    tau khiav nkaum----------------------rau hauv qhov tsua
    lawv teeb ua------------------------------lub yeej tub rog
    mas nws yog--------------------------nyob rau Vias xais
    thaj chaw hais-------------------------no nyob Xas niam

    nyob puas ciam--------------------------rov sab Nyab laj
    hlob Pov vaj---------------------------uas nyob looj ceeb
    thiaj tau teeb-------------------------------ib lub yeej rog
    uas nws yog--------------------------nyob rau pham thiv

    Mes kas siv-------------------------------lub yeej hais no
    Los teeb tso----------------------------les das koob tsom
    Kom lawv pom---------------------------rau nyab laj teb
    Thov kom peb-----------------------pab thaiv pham thiv

    Thaj chaw chiv---------------------kom nrog muaj txhij
    tsoom kwv tij---------------------------nyaj nej yuav nco
    lub roob no-----------------------------yog roob zeb tsua
    kev sib tua-------------------------------yeej tsis tau xaus

    Hmoob cov laus----------------------cov hluas txhua tus
    thiaj tau mus--------------------------------ua tub rog tag
    hais tsis dag----------------------------kuv txiv tus kheej
    los twb yeej---------------------------------tau ua tub rog

    tau mus nrog---------------------------Nplog liab sib tua
    thiaj tau ua----------------------------rau nws puas hlwb
    Tuaj yeej swb--------------------------ces muab zog lwv
    vim mos txwv----------------------------ya ntob pob kub

    ntuj kuj rub------------------------------tsis pub txiv tuag
    txiv thiaj vuag---------------------------tau nws txoj siav
    yog yuav piav------------------------mas yeej yuav ntev
    ces lam tev-----------------------------------me ntsis li no

    vim kuv ho-------------------------------yug rau tom qab
    ces laj fab-----------------------------tswv yim tsis txaus
    raws cov laus----------------------thiab raws keeb kwm
    uas tau zwm------------------------------sau tseg cia mas

    Mes lis kas-------------------------------tau kom Vaj pov
    thiab peb cov-------------------------me tub rog Hmoob
    nyob toj roob----------------------------rau sab looj ceeb
    sib zog txeeb-----------------------kom tau xeev khuam

    tua Kais xuam----------------------txeeb yuav Xas niam
    hos me riam--------------------------me phom mos txwv
    mas tsoom fwv------------------------Mes kas mam pab
    txawm raug sab-----------------------------los ua siab loj

    yog tias txoj-----------------------------hmoo ho lam zoo
    ho txeeb loo-------------------------------tau ob lub xeev
    uas kuv teev------------------------------npe saum toj no
    yuav mauj hlo----------------------------los ua Hmoob li

    tsaus ntuj nti-------------------------rau Hmoob lub neej
    vim tias pheej-------------------------------sib tua tsis so
    tos Hmoob nco-----------------------twb tuag coob heev
    ob lub xeev------------------------Xias khuam Xas niam

    muaj poj niam-------------------------coob tus ua ntsuag
    poob kua muag------------------------vim tias txiv xiam
    tsuas tshuav niam----------------------tu cov me nyuam
    kev kob huam---------------------------thiaj li raws cuag

    vim txiv tuag---------------------------rau tom tshav rog
    ces tsuas yog--------------------------hnov lub moo tuag
    lub ntsej muag--------------------------ces yeej tsis pom
    vim nyob tom----------------------tshav rog kub ntxhov

    muaj qee cov-----------------------------muab tau los tha
    rau neej tsa--------------------------------kwv tij tau pam
    rov qab tham-----------------------------txog kev sib tua
    nyob rau txhua-------------------------lub me ncov roob

    tub rog Hmoob---------------------yeej nyob txhua nrho
    nyob puv nto-----------------------------tej me kaum hav
    ua rog nyhav---------------------------------yog xyoo 6-8
    Mes kas tsim-----------------------riam phom mos txwv

    xa nrov fwv-----------------------------tuaj rau looj ceeb
    Vaj pov teeb-------------------------muaj ntau lub khaib
    sib tua haib--------------------------mas yog peb Hmoob
    nyob saum roob---------------------muaj tshav dav hlau

    yeej tsaws tau-------------------------txhua lub sij hawm
    Vaj pov tawm-----------------------------los tshaj lub xo
    tua zaum no------------------------kom txhob txuag siav
    tej laus piav-------------------------------saum ib nta ntuj

    dav hlau yuj-----------------------------tas hnub tas hmo
    Mes kas tso--------------------------------------li 2 lab tuj
    pov saum ntuj--------------------------los yog npoo npib
    pov sib tib-----------------------------puag nram qab teb

    ti rhawv zeb-----------------------xeev khuam xas niam
    tuag coo diam--------------------------nyob rau xyoo no
    zoo li ho-----------------------------tsis muaj tsawg xyoo
    los txog loo---------------------------xyoo xya caum tsib

    Mes kas pib--------------------------------swb cai ua rog
    nws tsis yog-------------------------------swb kev sib tua
    UN ua-----------------------------------tus tuaj txiav txim
    Mes kas thim------------------------------thiaj tsis ua rog

    yeeb vim yog---------------------------lawv swb txoj cai
    Mes kas ntshai----------------------------ces tso tes plau
    thiaj ua rau--------------------------peb haiv me Hmoob
    kua muag poob-------------------------tawm los ntws sis

    lub 5 hlis--------------------------------------------1-9-7-5
    Vaj pov pib-----------------------khiav tawm teb chaws
    Hmoob sawv daws--------------------thiaj tawg sab sua
    khiav puv ntua--------------------------hauv qab ntuj no

    Kuv thiaj ho--------------------------tau peem khiav dim
    Tsis raug txim------------------------tuaj txog ntawm no
    Raws li nco------------------------------peb tuaj kuj tuag
    Nyob hav tsuag---------------------los kuj tseem tshuav

    Tus nyuag puav---------------tseem khiav nkaum thiab
    Qhov tseem ntsiab-----------------------yog tuaj tsis tau
    Peb cov dhau----------------------------ri mus thoob ntuj
    Yam dav yuj---------------------mus nrhiav chaw tsaws

    Nej sawv daws-----------------------------los yeej zoo li
    Thiaj muab ntxhi---------------------rau nej mloog xwb
    Kuv ces twb--------------------------yuav luag tsis muaj
    Khiav dim tuaj-----------------------thiaj li tshuav noob

    Peb haiv Hmoob--------------------------taug tib txoj lw
    Hmoob tus xyw-----------------------------ces piav li no
    Koj nej nco------------------------------hais ua dab neeg
    Tham kom deeg------------------------rau tej me nyuam

    Lub keeb puam----------------------------yog li cas xwb
    Txhob mob hlwb----------------nawb mog peb Hmoob
    ( xaus li no )


    Ntu fab kis tuaj kav nplog teb

    thaud fab kis---------------------------tuaj tsuj teb chaws
    lawv tuaj aws--------------------------txhua txhia thaj av
    rau nws kav--------------------------------nce se rau luag
    nws tsuas zuag--------------------xav ntsoov txog nyiaj

    ua cas thiaj--------------------------yuav muaj nyiaj ntau
    lawv thiaj tau-----------------------------sau se pej xeem
    kev fab peem---------------------nrhiav kev quab yuam
    kom cov ruam----------------------pab nrog nws ntxeev

    thov tswv xeev----------------------------ua tus nrog pab
    thiaj xuas hnab---------------------mus sau hmoob nyiaj
    fab kis thiaj-------------------------mus txog hmoob zos
    sau se los---------------------------hmoob them tsis taus

    fab kis ntaus------------------------nqi tias hmoob phem
    hmoob txom nyem-------------------luag tsis quav ntsej
    hos hmoob tej----------------------me ntxhais zoo nkauj
    raug luag thauj------------------------luag coj mus yuam

    thawj hmoob ruam-------------------hmoob ua tsis taus
    ces tej laus----------------------------tsuas los zaum quaj
    txoj kev nyuaj--------------------ntawm hmoob lub siab
    ua ntshav liab-----------------------nce hmoob taub hau

    hmoob sib sau---------------------------los mus sib tham
    los tawm tsam--------------------------txoj kev lim hiam
    thaiv hmoob niam-----------------hmoob txiv pej xeem
    hmoob ib feem---------------------------los siab tsis ncaj

    fab kis daj-----------------------------thiaj tuaj ntxias tau
    thiaj au rau----------------------------hmoob tuag tsi sua
    fab kis tua--------------------------hmoob lim hiam heev
    raws ntawv teev---------------------------tias cov fab kis

    muab hmoob tis-----------------------ua tej tshwb tshais
    rho riam hlais-----------------------txiav hmoob caj dab
    rog phim npab---------------------------yog sawv caij no
    raws li nco---------------------------------paj cai tuag tas

    fab kis mas-----------------------------lawv ua liam tshaj
    khi tsheej nqaj----------------------peb txiv neej hmoob
    thaum txiav poob-------------------hmoob lub taub hau
    fab kis sau---------------------------------coj mus txi dab

    ua tau npab---------------------------npaum no tiab lawv
    tos hmoob sawv---------------------los nrog tawm tsam
    yog muab tham--------------------------mas tu siab tshaj
    fab kis daj-------------------------txov hmoob noob neej

    hmoob coob leej---------------------thiaj tau tuag lawm
    thaum sij hawm---------------------------fab kis swb rog
    hmoob cov nrog-------------------------fab kis koom tes
    rov raug ntes----------------------------mus tua mus tsim

    mus raug txim-----------------------nyob tsev tsaus ntuj
    tej quas puj------------------------------los tsis hnov xov
    moo tsis nrov----------------------mus lawm ntsiag txiaj
    mes kas thiaj-------------------------tuaj txeem av nplog

    qhib tsov rog----------------------tuaj nrog hmoob nyob
    luag tsoom hlob-------------------------thiaj coj mes kas
    raws hais mas---------------------------tuaj ntsib vaj pov
    lawv thiaj thov-----------------------kom hmoob los pab

    nyob rau sab-------------------------nplog yav qaum teb
    npuab mus deb--------------------------ciam av nyab laj
    lawv thiaj npaj---------------------tswv yim txw hmoob
    yaum kom coob---------------------sawv sib tawm tsam

    muaj laj kam---------------------------nyiaj hli tsis muaj
    thaum hmoob tuaj-----------------------sib sau tau coob
    zov puv thoob---------------------nyob ntawm ciam teb
    luag xav seb---------------------------------yuav ua li cas

    yog li mas-------------------------yuav tsum faib hmoob
    thaum xav thoob------------------------tsa lauj faiv ntaj
    ua tus tshaj-------------------------qhia hmoob cov neeg
    lawv yeej ntseeg------------------tias hmoob tua hmoob

    txawm tuag coob-------------------los hmoob pej xeem
    lawv tseem seem-------------------pej xeem nyob txhua
    hmoob sib tua---------------------------------rog loj li loj
    vaj pov coj------------------------------ib pab nrog nplog

    faiv ntaj yog-------------------------------tus coj lwm tog
    hmoob ua rog------------------------hmoob sawv sib tua
    tuag sab sua-------------------------puv txhua kaum hav
    nyob rau yav----------------------lub nroog xeev khuam

    hmoob me nyuam----------------muaj niam ntsuag txiv
    ob tog chiv-------------------------------tig rov sib ntxub
    kev sib hlub------------------------------ces thiaj tu ncua
    hmoob sib tua------------------------yam tsis txuag siav

    suab hmoob nyiav----------------------tas hnub tas hmo
    vim tib qho------------------------hmoob rov tua hmoob
    thiaj li poob---------------------------xyoo xya cayn peb
    neeg ntiaj teb----------------------------kom los sib tham

    tej laj kam------------------------------neeg sawv sib tua
    sib txeeb ua-------------------------------tus tswv los kav
    lawv sib cav--------------------------thiaj sib tham haum
    los koom zaum-----------------------tuav ntawv kos npe

    kaum yim nqe-----------------------------lo lus hwj xwm
    thiaj xeeb tshwm--------------------------los nyob ua ke
    nom loj me-------------------------koom nyob ywj pheej
    kom txhua leej--------------------tsis muaj txim txhaum

    dag hais haum--------------------------thiaj siv tswv yim
    mes kas thim-----------------------------hos nyab laj tuaj
    cov nraug nkuaj---------------------------los tso kom tas
    txuas ntawd mas---------------------xyoo xya caum tsib

    nplog liab pib--------------------------ntes txiv huab tais
    coj nws pais-----------------------------kaw rau vies xais
    plog huab tais------------------------thiaj ploj mus lawm
    nplog liab txawm-------------------ntes yawg phas nyas

    qhov ntawd mas------------------------yog lauj faiv ntaj
    ua tus tshaj----------------------------tawm lub tswv yim
    yog tus tsim--------------------------phas nyas thiaj tuag
    caij ntawd luag--------------------tias txov hmoob noob

    tua kom thoob------------------------tog hmoob vaj pov
    faiv ntaj cov-------------------------------tub rog tuaj tua
    hu hmoob ua---------------------------cov niag caub fab
    neeg phim npab--------------------------cov dab vaj pov

    hmoob rov txov-----------------------hmoob li pej xeem
    kom txhob seem-----------------------nyob rau av nplog
    thaum tuaj txog-----------------ntawm hmoob ntug zos
    lawv kuj los------------------------nrog hmoob sib tham

    thaum sib cam--------------------------hais tsis sib haum
    cuag hmoob txhaum----------------------rau cov tub rog
    luag loj zog---------------------------------hlua coj lo khi
    tsis pub nti--------------------------phom twb hauv pliaj

    ces luag thiaj------------------------cab mus hav ntxhov
    suab phom nrov-----------------------mus txog ces tuag
    lub kua muag----------------------hmoob ua rau hmoob
    yog xav thoob---------------------------mas tu siab heev

    cov hmoob xeev--------------------lawv yeej paub txog
    thaum ob tog---------------------------hais tsis sib haum
    hmoob rov caum----------------hmoob raws hmoob tua
    thiaj li ua-------------------------------------ib co siab fab

    caum vaj qab--------------------------khiav raws vaj pov
    muaj ib cov---------------------------uas khiav tsis dhau
    mus qhau hau---------------------------ua neeg lag ntseg
    luag tsa ceg-----------------------------los yuav tau nkag

    niam no ntag--------------------------nyob tim nplog teb
    tseem ntxub peb----------------------cov uas khiav dhau
    cov qhau hau-------------------------lawv los tsis nyiam
    niaj hnub liam---------------------------tias yog caub fab

    hais txog sab-------------------hmoob sib ntxub hmoob
    nws yuav poob-------------------mus lawm tsawg xyoo
    thiaj rov zoo------------------------------rov sib hlub dua
    ntxhe yog pua--------------------------los sis yog txhiab

    seb hmoob siab----------------------puas yuav hloov tau
    rov sib sau------------------------------los nyob sib hwm
    neej thiaj tshwm----------------------os peb cov Hmoob
    tawg mus thoob---------------------------lub qab ntuj no

    kom nej nco------------------------------nej yog leej twg
    ncauj cuag ntswg-----------------------los hais tsis nrov
    tag vaj pov----------------------------ces tsis muaj lawm
    tej lus tsawm---------------------------------tus ub tus no

    hais chaw do--------------------------------ua tsis tau siv
    tag niam txiv------------------------ces neej hmoob ploj
    txawm kuv koj---------------------------los yeej tib yam
    lub ncauj tham--------------------------mas yeej hais tau

    xav tau ntau---------------------------yeej tsim tsis tawm
    thaum ploj lawm---------------------ua yoov ntxuav tes
    koj kuv ces---------------------------yeej pauv tsis ntxiv
    thiaj muab chiv-------------------------hais rau nej hnov

    neej nram ntxov-------------------nyob teb chaws nplog
    tej yawg pog---------------------------tus me txiaj ntsim
    lawv taun tsim----------------------muaj ntau heev thiab
    qhov tseem ntsiab----------------yog hmoob siab phem

    luag thiaj lem-------------------------kom neej poob qab
    tsis sib pab----------------------hmoob thiaj plag ntshav
    muab xav dav----------------------------mas tu siab tshaj
    vim tsis npaj-----------------------------lub neej tsim nuj

    kev ntsuag ntuj-------------------thiaj raws cuag hmoob
    neej thiaj poob-------------------------mus ua luag qhev
    yam tej dev----------------------------pheej tig tom tswv
    txawm tij kwv----------------------------yeej tsis sib pab

    mag voj hmab-------------------------voj hluas txhua tus
    kuv tej lus----------------------------------tsuas hais li no
    kom nej nco-----------------------------coj mus xav xwb
    txhob mob hlwb------------nawb mog tsoom Hmoob./.
    (xaus li no )

    Tub kev deb
    Visitor
    Visitor

    Messages : 33
    Date d'inscription : 2012-09-15

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Tub kev deb on 16th May 2013, 1:10 pm

    Nyob zoo rau hmoob
    ntuj tshiab
    tus ua pab qhia hais
    paj huam
    xa kom tshuam rau
    hauv cab sab
    cas cab sab
    hais zoo ua luaj
    vim tias mua
    koj ua tus qhia
    tus nthuav qhia
    hmoob tej paj huam
    hais nkauj muaj
    qhia txhua tas nrho
    vim koj yog
    hmoob tus kws txuj
    thov kom ntuj
    yuav pov hwm koj
    xav nug koj
    saib koj nyob twg
    yog leej twg
    thiab npe hu cas
    saib koj mas
    zoo li keej kawg
    thov koj pub
    koj lub tswv yim
    lub laj lim
    me ntsis rau kuv
    thiab qhia kuv
    xyaum sau paj huam

    tij laug hmoob ntuj tshiab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 17th May 2013, 2:21 pm

    Nyob zoo os tub Hmoob kev deb

    Ntuj nas npawg----------------------tub Hmoob kev deb
    Nyob rooj teb-------------------------sab ntuj nraum twg
    Tus phooj ywg----------------------Hmoob txiv leej tub
    Koj tuaj qhub--------------------------tham lus nyob zoo

    Lus xa moo-----------------------rau Hmoob ntuj tshiab
    Yam txaus siab------------------------kawg nkaus li tiag
    Zoo kawg kiag----------------------koj tseem qhuas kuv
    Lub chaw thuv------------------nyob Hmoob tshav ntuj

    Chaw nthuav txuj---------------------tham sab sij huam
    Hais cuam tshuam--------------------txog tej keeb kwm
    Xa tuaj tshwm-------------------------rau tshooj cab sab
    Muab tham tshab----------------------rau ib tsoom neeg

    Saib puas deeg---------------tsoom Hmoob nplooj siab
    Piav lub ntsiab----------------------txog phem thiab zoo
    Ntau lub xyoo--------------------Hmoob raug luag tsim
    Pw lub txim-------------------------mus theej luag txhoj

    Txoj kev ploj-------------------Hmoob tuag lawm coob
    Tshuav yeej noob---------------------yog cov khiav dim
    Tsis rau tsim---------------------------tuaj cawm txoj sia
    Muaj ib txhia------------------------tseem nyob tom qab

    Noj nplooj hmab-------------------nplooj ntoo yug siav
    Vim lawv khiav------------------------tuaj tsis tau lawm
    Lawv thiaj tawm----------------------------tsis tau tuaj li
    Qi muag nti---------------------------nyob tam qav kaws

    Neej zaum tsaws-----------------------pw ntiag nag xob
    Thiaj lam nyob-----------------------hav zoov hav tsuag
    Kom txhob tuag----------------------xwb tiag phooj ywg
    Txawm leej twg-----------------------yeej tsis xav ntsib

    Kuv thiaj pib------------------------muab sau khaws cia
    Ho tau qhia-------------------------xeeb leej xeeb ntxwv
    Tej tij kwv------------------------------ho tau kawm xwb
    Koj kuv wb-----------------------------yeej txawj ib yam

    Txawj sau tham----------------------txhua leej txhua tus
    Xyaum sau lus------------------------hais txog paj huam
    Yeej tsis thuam----------------------------txog leej twg li
    Tsuas lam ntxhi------------------------hais kev lom zem

    Tsis tau cem----------------------------thiab tsis tau tsoo
    Tsuas hais zoo--------------------------cia ua puav pheej
    Yeej tsis keej----------------------pes tsawg thiab nawb
    Tsuas sau tawb------------------------tej phooj ywg xwb

    Tsis hais twb------------------------------tus leej tus twg
    Ncauj cuag ntswg----------------------tsuas zoo sib xws
    Koj kuv nws---------------------------peb yeej txawj sau
    Txawm hais ntau--------------------thiab sau hais tsawg

    Txog thaum kawg-----------------------yeej xaus tib los
    Cov lus ntos---------------------------hais txawv tsis deb
    Ib rooj teb----------------------------------ces ib tsav txuj
    Leeg sab ntuj-----------------------------txawv ib tsav ci

    Kuv thiaj li----------------------------------hais li no xwb
    Koj kuv wb-----------------------------yeej txawj ib yam
    Txawm sau tham---------------------hais txog dab neeg
    Kuv yeej ntseeg---------------------koj yeej txawj thiab

    Lus tseem ntsiab-------------------yuav tsum nyiam sau
    Nws thiaj dhau-------------------------mus ua kws txawj
    Thiaj tsis thawj----------------------------leej twg li mog
    Sau kom tog---------------------------thiab hais kom tob

    Yog lus kob------------------------------xwb tshaj lij zoo
    Ces nto moo-------------------ntxim luag nyiam nyeem
    Sau fab peem---------------------thiab hais kom ntxaws
    Piav kom raws-----------------------------tej lus liv xwm

    Tej keeb kwm--------------------------los sau kom meej
    Ces koj keej------------------------lawm xwb mas nawb
    Txawm sau dawb----------------------xwb los yeej kam
    Muaj qee tsam--------------------------luag thov koj sau

    Luag piav rau---------------------------koj mloog tas ces
    Sawv tsees nres------------------------kom tau luag siab
    Muab lub ntsiab------------------------lo lus tseem ceeb
    Coj los teeb--------------------------hais kom muaj kuab

    Hos lub suab---------------------------seev kom sib xws
    Txuj tsis tws---------------------------ces txawj xwb tiag
    Yog txuj npliag----------------------luag yeej qhuas koj
    Thaum luag coj----------------------mus tshaj tawm loo

    Ces koob zoo-------------------xwb mas npawg Hmoob
    Neeg feem coob----------------------yeej kawm tib yam
    Yog muab tham--------------------xyov koj puas ntseeg
    Peb cov neeg------------------------muaj coob tus txawj

    Koj mus thawj----------------------xyov lawv puas qhia
    Yam kuv ntsia-----------------------thiab saib kom meej
    Luag tus kheej-----------------------tsuas xav txog nyiaj
    Npe tsim txiaj------------------------nws yeej tsis nyiam

    Muab nyiaj liam-----------------------thiaj tawm los tau
    Thov kom sau------------------------pab koj dawb paug
    Nws zog qaug-------------------------pib hais tias nkees
    Yeej tsis lees---------------------------txais cov lus thov

    Hos peb cov---------------------------siab dawb siab zoo
    Ces sau loo----------------------------raws luag siab xav
    Yeej tsis npav------------------------hais txog nyiaj kub
    Kev sib hlub-----------------------------thiab kev sib pab

    Neej nram qab---------------------muaj nqis tshaj plaws
    Peb sawv daws-----------------------xyov puas xav txog
    Kuv tau nrog------------------------ntau leej tham lawm
    Lawv tsuas kawm-----------------------coj los khwv noj

    Hos kuv txoj-------------------------kev sau txuj Hmoob
    Yuav lub koob-------------------------thiab lo lus qhuas
    Tej laus hluas-----------------------kom txaus lawv siab
    Lus tseem ntsiab----------------lawv nyiam mloog hais

    Tej tub ntxhais----------------------------los yeej ib yam
    Muaj qee tsam-----------------------muaj kev nyuaj siab
    Ntxhov li niab-----------------------xav tsis tawm lawm
    Nthuav ntawv kawm--------------------ces twb pab nws

    Kev tsis tws-----------------------------rau nws tus kheej
    Ces peem tsheej------------------------dhau ua neeg zoo
    Twb pab loo-----------------------daws nws kev ntxhov
    Thiaj lam phov---------------------------sau ua pawg lug

    Teeb ua tug--------------------rau tsoom Hmoob nyeem
    Lus fab peem-----------------------ntawm kuv tus kheej
    Tsuas qhia meej----------------------------li no xwb tiag
    Sau tsis npliag-------------------------thiab hais tsis zoo

    Thov txhob nroo-----------------nawb mog tub Hmoob
    Nyob pem roob-------------------------los yog nram tiaj
    Tuaj khwv nyiaj------------------------------los tuaj ua si
    Zoo xws li-------------------------koj nyuam qhuav tuaj

    Nov peb muaj--------------------------coob tus kws txuj
    Yam tsim nuj---------------------------los peb khaws tau
    Teeb teem rau-------------------------tib neeg tau kawm
    Coj mus cawm-------------------------lub neej poob qab

    Hauv vas sab----------------------muaj chaw kawm txuj
    Yam tsim nuj----------------------------peb tsis yuav nqi
    Tej txuj ci------------------------------nyob rau hauv nov
    Peb tsuas thov-----------------------kom rau siab kawm

    Pab nrog cawm---------------------peb lub neej Hmoob
    Tawg mus thoob----------------------rau yim meem luaj
    Cov tsis tuaj-------------------------------los kuj tib yam
    Ho pab tham---------------------------qhia cov tsis paub

    Kom to taub------------------------------txog tsev txuj ci
    Pab mus ntxhi----------------------tham qhia kom txhua
    Ncav cuag ncua--------------------rau Hmoob txhua tus
    Kuv cov lus----------------------------------ces xaus li no

    Thov koj ho-------------------------nkag siab thiab mog
    Lus tsis tog------------------------------hais tsis meej los
    Tsis txhob nros-------------------thiab tsis txhob thuam
    Peb tseem ruam----------------------txawj tsis tau txaus

    Cov kws laus----------------------------yuav tshaj lij dua
    Sau tsis txhua-------------------------thiab hais tsis meej
    Yeej tsis keej--------------------------sau tsis tau ntxaws
    Hais tsis raws--------------------------nej lub siab nyiam

    Lub keeb kiam--------------------------kuv li chaw nyob
    Neej thaj tsob--------------------------nyob rau mem kuj
    Ua ntsuag ntuj------------------------lub neej ntsuag ciaj
    Tuaj khwv nyiaj---------------------thiab tuaj yeej noob

    Nco tsoom Hmoob--------------------lub neej thaum ub
    Txoj kev hlub-------------------------nyob koom zej zos
    Muab xav los----------------------xyov puas muaj ntxiv
    Tag niam txiv-------------------------lawm ces tsis muaj

    Peb ncaim tuaj--------------------------rau teb chaws no
    Ntshe tsuas nco--------------------------hais ua dab neeg
    Ib tsoom neeg-------------------------xyov puas sib pom
    Vim tej nom-------------------------------twb tsis to taub

    Tseem xeev plaub--------------------xeev ntug sib liam
    Muab phom riam--------------------------coj los sib twv
    Npav zog lwv---------------------------twb tsis hwm cai
    Yeej tsis ntshai---------------------------txoj cai kos cim

    Tseem liam txim--------------------rau neeg koom haiv
    Tsis nco xaiv---------------------------txoj kev thaj yeeb
    Neej khuam xeeb--------------------raws cuag pej xeem
    Kev fab peem-----------------------ntawm tej nom tswv

    Nws tsuas khwv---------------------vuag txog nyiaj kub
    Kev sib hlub--------------------------yeej tsis nrog muaj
    Pej xeem quaj--------------------ntsuag kev txom nyem
    Raug luag lem-----------------------------ua twm laij liaj

    Roob muaj nyiaj---------------------muab muag noj tag
    Nws tseem dag-------------------------rau neeg ntiaj teb
    Toj roob zeb--------------------------luag thauj lawm du
    Mov hauv tsu---------------------------twb tsis muaj noj

    Cuab tus loj-------------------------niaj hnub khav theeb
    Qhov tseem ceeb----------------------ces yog nws muab
    Neej kuj cuab---------------------------tsuas ploj zuj zus
    Ncauj cuag lus--------------------------ces qi muag ntsia

    Tshuav txoj sia----------------------------tsis tu xwb tiag
    Qhov kawg kiag----------------------ua yoov ntxuav tes
    Thaum ntawd ces------------------nws mam paub meej
    Lawv tus kheej-------------------------------ua dab tsi ne

    Hos kuv npe------------------------------yog qhas dis vaj
    Lam muab tshaj------------------------qhia rau koj paub
    Vim koj saub-----------------------------nug npe ib zaug
    Ua koj tsaug---------------------------mog tub kev deb./.

    ( xaus li no )


    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 4th July 2013, 10:02 pm

    Rov npau suav ntsib nws
    Tus ntawm no---------------yog Hmoob leej tub
    yuav los qhub------------------xa tsab xov tawm
    Lub keej khawm---------------txoj uas kev hlub
    Ntuj thaum ub-------------------lub caij noj tsiab

    Pem toj siab------------------nyob koom zej zos
    Niaj hmo yos-------------------tuaj nyob sib zov
    Sib xa xov--------------------txog txoj kev plees
    Hais seev yees-------------------tsis xav tso tseg

    Mob tej teg------------------ua plawv yuav nres
    Yam tus ntses----------------tau pas dej ntshiab
    Nyob kaj siab---------------mus lawm tag hnub
    Lawv tsis pub--------------------wb los sib yuav

    Cuag ntuj nchuav----------------lub ntiaj teb tig
    Av thiaj nkig-------------------dej nyob li nphau
    Sib ncaim tau---------------peb caug tawm xyoo
    Koj lub moo----------------------twb ploj zuj zus

    Wb tej lus--------------------------uas tau cog cia
    Twb mob ntxhia----------------yuav rov qab zoo
    Tseg tsis nroo---------------------ua siab tsis nco
    Cas nag hmo--------------------ho rov npau suav

    Pom koj tuav---------------------kuv ib sab npab
    Zaum ib sab-------------------tham txog kev nco
    Sim neej no------------------------cas nco ua luaj
    Pom koj quaj------------------kua muag ntws sis

    Kuv khoov ntshis-------------muab kuv tes tsho
    Coj los so----------------------koj cov kua muag
    Kuv khawm puag -------------koj rau xub ntiag
    Ib me pliag----------------------koj kua muag tu

    Hnov koj hu---------------------kuv lub npe qub
    Hmoob leej tub-------------------yog tiag los dag
    Zaum no ntag------------------xav kom yog tiag
    Kuv tig kiag---------------------los tuav koj plhu

    Tsa ncauj hu-------------------hais tias nkauj iab
    Me nplooj siab-----------------tsis yog npau suav
    Wb tham dhuav-----------------ces wb mus tsev
    Taug tej kev------------------------nce toj qis hav

    Ntoo siv lav-------------------tawg paj dawb vog
    Noog poog pog-------------ntxais paj zom zaws
    Paj zeeg tshaws---------------------rau ub rau no
    Wb tig hlo---------------------saib rov pem roob

    Pom hav xyoob-----------------hav ntoo kaj nrig
    Hnov nraj yig----------------quaj suab xiv nqiab
    Nyaj cuam liab---------------suav kau zom zaws
    Me paj raws----------------tawg txhij tawg txhua

    Hnov cuab npua---------------puag pem peb zos
    Suab kab nqos-----------------quaj kho siab tshaj
    Txiv nqos ntsaj------------------siav kawg kiag li
    Wb luag ntxhi----------------------mus de los noj

    Kuv saib koj-----------------------yeej zoo li qub
    Tseem ntxim hlub---------------li ntuj yav dhau
    Kuv tseem yau---------nyuam qhuav tiav hluas
    Wb tham txuas----------------tsis muaj tsawg lo

    Ces wb ho-----------------mus nraum teb ntxhab
    Hnov suab kab-------------quaj saum ntsis ntoo
    Cua tuaj loo---------------------ua ntoo rawv tag
    Wb tso dag------------------tham luag mob plab

    Tau sib thab----------------------sib zeg taug kev
    Pom txiv cev--------------------siav daj pes vog
    Wb mus txog-------------puag pem roob npoob
    Me ntsuag xyoob------------sam leej zom zaws

    Wb tshwm plaws----------nram dej cawm siav
    De nplooj txhiav------------------los ce dej haus
    Sib tham txaus-----------------mus txog teb yeeb
    Tej lus tseeb------------------yav puag thaum ub

    Kev sib hlub----------------------rau sim neej no
    Kuv mas nco------------------thaum tuav koj tes
    Wb mus nres----------------pem roob xyuam yaj
    Kho siab tshaj-------------------wb ncig yuj yeev

    Hnov koj seev---------------suab hais kwv txhiaj
    Wb tig ntiaj----------------------saib rov qub qab
    Hnov suab kab----------------quaj nrov zig ziag
    Cua tuaj ntxiag-----------------wb cev txias zias

    Siab yuj lias-------------------tsis xav ncaim koj
    Wb tig zoj------------------------saib rov los tsev
    Hmoob ncaws kev-----------ntuag toj ntuag pes
    Wb sawv nres-----------------saib pem roob zoo

    Pom hav ntoo---------------ntsuab xiab tsaus nti
    Wb thiaj li----------------------saib rov tsuas daj
    Kho siab tshaj---------------tsis xav ncaim mus
    Koj tej lus--------------------tham seev yuj yees

    Txoj kev plees--------------yav puag thaum ub
    Kev sib hlub------------------nyob pem toj siab
    Me nkauj iab--------------------sib pab ev nplej
    Caij kwv dej-------------------tej chaw sib tawb

    Hav paj dawb-----------------------fab ti kwj tse
    Tim ncauj ke------------------kev ncaim nce toj
    Kuv thiab koj------------------mus dob teb zaub
    Noog puj daub------------quaj nrov ntsho nrooj

    Hmoob tshuab nplooj--------nrov kho siab zim
    Sab puag tim--------------------zos tiaj kuj yem
    Nyob puag pem------------lawv roob teb npleg
    Tshuab tsis tseg----------suab nplooj xiv nqiab

    Nrov kho siab------------------yog suab sib dib
    Teb kab tsib--------------------nrog koj mus lov
    Caij sawv ntxov-----------------wb kuj sib cuag
    Wb rov zuag---------------tham lus tseem tseeb

    Lus meej xeeb--------------wb tham khee kawv
    wb los sawv----------------puag pem dawm zeb
    Lub suab ntxheb---------------tham kev sib nco
    Sim neej no------------------------nco koj luaj li

    Tham lus ntxhi------------------rau koj tsis tseg
    Hnub tuaj ntseg-------------------wb tig rov qab
    Tuaj koj npab-------------------los txog ntug zos
    Hmoob tuav cos -----------suab nrov doog diaj

    Hnov suab tsiaj----------------sib tog zom zaws
    Wb tshwm plaws------------ntawm nej tog tsev
    Sib tham ntev-----------------tsis xav sib ncaim
    Koj nyob nraim------------hauv kuv nruab siab

    Cia xyoo tshiab---------------wb mam sib yuav
    Kuv quaj zuav-------------------tsis xav rov qab
    Koj siab fab---------------------tsis xav sib nrug
    Siab kub lug-------------------txog kev sib tshua

    Ob leeg ua -------------------kua muag ntws nto
    Sim neej no----------------------sib nco luaj tiag
    Quaj kawg kiag----------------vim sib nco dhau
    Lawv thiaj tau--------------sawv phov txaj nrov

    Kuv thiaj hnov----------------tsim dheev los no
    Ua cas ho--------------------yog npau suab xwb
    Kua muag twb-----------ntxaum hauv ncoo tag
    Hais cuag dag---------------ntub tog hauv ncoo

    Nws ntub loo-------------npaum xuas dej tsuag
    Rov qi muag-----------------kom npau suav dua
    Lawv sawv ua---------------tshais ntxov los noj
    Dab ntub ploj---------------mas chim siab dhau

    Zaum tsaws npau-------------kho kuv siab tshaj
    Lawv tsis ncaj--------------muab koj yuam mus
    Wb tej lus--------------------tau hais qhov tseeb
    Thiaj khuam xeeb------------ua kua muag nrog

    Nco los txog--------------------niaj hnub nim no
    Kuv thiaj nco------------------------koj ua luaj li
    Hnub thawm hli----------thiaj tshem tsis tawm
    Kev txij nkawm--------plam thaum ntawd kiag

    Koj tig ntiag----------------mus nrog luag nyob
    Kuv siab mob--------------cuag kua txob ntsim
    Lub siab chim-------------------mob tag ib tiam
    Vim koj niam----------------koj txiv siab phem

    Tau rhuav tshem--------------wb txoj hauv kab
    Txoj kev tab---------------------lub cuab lub yig
    Nws thiaj tig--------------------mus rau lwm tus
    Hmoob leej nus-----------------thiaj tsis tau koj

    Lub plawv ntoj-----------------ces siav yuav yaj
    Nco koj tshaj-------------------nyob rau tiam no
    Xyov yuav nco--------------mus txog hnub twg
    Me phooj ywg-------------------tus kuv hlub e!!

    Es koj ne!! -------------------puas nco kuv thiab
    Hmoob nkauj iab------------------tus cev tsis loj
    Koj niam noj----------------------dab tsi yug koj
    Zoo tam zoj----------------me ntxhais nkauj hli

    Es thiaj ci--------------------mus thoob ntiaj teb
    Ua rau peb-----------------------nco nej tag hnub
    Vim tus hlub----------------mus yuav txiv lawm
    Kev txij nkawm---------------thiaj ncav tsis tau

    Nws thiaj dhau----------------------mus zoo li no
    Wb thiaj nco-----------------------mus tag ib sim
    Yeeb yog vim----------------zuag tau ntawv nco
    Nyob tiam no-----------------tsis tau ntawv hlub

    Kuv thiaj rub--------------------tsis tau koj npab
    Ua kuv nyab-----------------mus nrog kuv nyob
    Siab thiaj mob----------------cuag dej kub npau
    Nws thiaj dhau-----------------mus ua dab neeg

    Muab tham deeg---------------nrog huab cua ya
    Li thov xa-------------------------ib tsab xov tuaj
    Nrog suab quaj---------------saib koj puas hnov
    Neej nram ntxov---------------nyob qub zej zos

    Yog yuav tos------------------ntev npaum li cas
    Siab khis ras------------------cuag rwj aws ncus
    Tham lo lus------------------yeej hais tsis tawm
    Kev txij nkawm---------------yog yuav rov pib

    Saib puas ntsib-----------------nyob rau tiam ob
    Neej pov plob----------------puas nphau rov los
    Tej lus ntos-------------------------seev koj tas li
    Zais tuag nthi---------------rau hauv nruab siab

    Koj tus ntxhiab---------------kuv tseem cim cia
    Ntsib mam qhia---------------rau koj lawm xwb
    Hais txog wb------------------lub neej pem suab
    Thov saub muab----------wb ntawv nyiaj keeb

    Los nrog teeb--------------ua ntawv puaj txwm
    Tuav keeb kwm-------------kom ho muaj ntxiv
    Thiaj tsis chiv-----------------kev mob siab dua
    Xws nthwv cua--------nplawm ntuj ntws lawm

    Kom hmoov sawm------------wb txhob sib cais
    Yog yuav hais--------------yeej tham tsis txhua
    Thiaj li ua--------------------npau suav pom koj
    Siab ntsws ntoj---------------nco koj heev dhau

    Thiaj li tau-----------------muab los tham tawm
    Kom plawv nqawm---------siab ntsws ho nqig
    Tej tsuj plig---------------------rov los puab cev
    Siab ho ntev------------------ua neeg mus ntxiv

    Yog yuav chiv------------------npau suav li qub
    Puas muaj hnub--------------rov tau lawm mog
    Tseem xav txog---------------lub neej yav dhau
    Wb tseem yau-----------nco npaum nkauj hnub

    Ntsib dab ntub-----------tseem tham luag ntxhi
    Txiv nraug hli---------------nco koj tshaj plaws
    Yog tham ntxaws-----------ces kua muag poob
    Me nkauj Hmoob------------tus me ntxim hlub

    Nkauj dab ntub------------txiv nraug npau suav
    Tham tsis dhuav-----------------ua ke tsis txaus
    Hais tsis xaus---------------------tej lus sib hlub
    Nkauj dab ntub----------thiab nraug npau suav

    Nws puas tshuav------------ib zaug lawm thiab
    Hmoob nkauj iab---------------tus me neeg zoo
    Yog puag loo-----------------mus yeeb yaj kiab
    Thiaj zoo siab------------------os me leej muam

    Tej lus xuam---------------thov tsis txhob chim
    Vim koj dim-------------------mus ua luag nyab
    Kuv thiaj npab-------------nyob lwj siab ntsuav
    Li noog puav---------------------ua neej dai taw

    Tsis muaj chaw------------------li no lawm tiag
    Lub xub ntiag-------------------thiaj pw txias to
    Seev tag hmo-------------------rau tej npoo txaj
    Lub ntuj kaj--------------------los tsis xav sawv

    Ntuj yuas lawv--------------------tus me lus zoo
    Tsis muaj hmoo-----------------thiaj tsis tau koj
    Yog tuag ploj------------------wb puas sib ntsib
    Nywj vag ib-----------------nyob rau nruab dab

    Tuav koj npab---------------haus paj zaub quag
    Rov tau puag----------------nyob kuv xub ntiag
    Paj zaub qiag-----------------li kab npauj npaim
    Ya nrog nraim---------------------ua ke ywj siab

    Mus thawj thiab----------------xeeb rov los dua
    Kom txhob tshua-------koj lawm os nkauj iab!!
    ( xaus li no )


    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 4th July 2013, 11:21 pm


    Npau suav mus ntsib nws tus nkauj iab

    Tus ntawm no---------------yog Hmoob leej tub
    yuav los qhub-------------------ib tsab xov tawm
    Lub keej khawm---------------txoj uas kev hlub
    Ntuj thaum ub-------------------lub caij noj tsiab

    Pem toj siab------------------nyob koom zej zos
    Niaj hmo yos-------------------tuaj nyob sib zov
    Sib xa xov--------------------txog txoj kev plees
    Hais seev yees-------------------tsis xav tso tseg

    Mob tej teg------------------ua plawv yuav nres
    Yam tus ntses----------------tau pas dej ntshiab
    Nyob kaj siab---------------mus lawm tag hnub
    Lawv tsis pub----------------nkawv los sib yuav

    Cuag ntuj nchuav------------ntiaj teb ntxeev tig
    Av qhuav nkig----------------------dej sib tw lau
    Thiaj ncaim tau------------peb caug tawm xyoo
    Iab lub moo----------------------twb ploj zuj zus

    Nkawv tej lus----------------------uas tau cog cia
    Twb mob ntxhia----------------yuav rov qab zoo
    Tseg tsis nroo---------------------ua siab tsis nco
    Cas nag hmo--------------------ho rov npau suav

    Pom iab tuav---------------------nws ib sab npab
    Zaum ib sab-------------------tham txog kev nco
    Sim neej no------------------------cas nco ua luaj
    Pom iab quaj------------------kua muag ntws sis

    Nws khoov ntshis-------------muab me tes tsho
    Coj los so-----------------------iab cov kua muag
    Nws khawm puag -------------iab rau xub ntiag
    Ib me pliag-----------------------iab kua muag tu

    Hnov iab hu--------------------nws npe thaum ub
    Hmoob leej tub-------------------yog tiag los dag
    Zaum no ntag------------------xav kom yog tiag
    Nws tig kiag---------------------los tuav iab plhu

    Tsa ncauj hu-------------------hais tias nkauj iab
    Me nplooj siab----------------tsis yog npau suav
    Wb tham dhuav-----------------ces wb mus tsev
    Taug tej kev------------------------nce toj qis hav

    Ntoo siv lav-------------------tawg paj dawb vog
    Noog poog pog-------------ntxais paj zom zaws
    Paj zeeg tshaws---------------------rau ub rau no
    Nkawv tig hlo-----------------saib rov pem roob

    Pom hav xyoob-----------------hav ntoo kaj nrig
    Hnov nraj yig----------------quaj suab xiv nqiab
    Nyaj cuam liab---------------suav kau zom zaws
    Me paj raws----------------tawg txhij tawg txhua

    Hnov cuab npua-----------puag pem Hmoob zos
    Suab kab nqos-----------------quaj kho siab tshaj
    Txiv nqos ntsaj------------------siav kawg kiag li
    Nkawv luag ntxhi------------------mus de los noj

    Nws saib zoj------------------------iab zoo li qub
    Tseem ntxim hlub----------------li ntuj yav dhau
    Nws tseem yau---------nyuam qhuav tiav hluas
    Nkawv tham txuas------------tsis muaj tsawg lo

    Ces nkawv ho------------mus nraum teb ntxhab
    Hnov suab kab-------------quaj saum ntsis ntoo
    Cua tuaj loo---------------------ua ntoo rawv tag
    Nkawv tso dag--------------tham luag mob plab

    Tau sib thab----------------------sib zeg taug kev
    Pom txiv cev--------------------siav daj pes vog
    Nkawv mus txog---------puag pem roob npoob
    Me ntsuag xyoob------------sam leej zom zaws

    Nkawv tshwm plaws--------pem dej cawm siav
    De nplooj txhiav------------------los ce dej haus
    Sib tham txaus-----------------mus txog teb yeeb
    Lus meej xeeb----------------yav puag thaum ub

    Kev sib hlub----------------------rau sim neej no
    Tham tag nrho---------------kev hlub khee kawv
    Nkawv mus sawv----------pem roob xyuam yaj
    Kho siab tshaj----------------sawv ncig yuj yeev

    Hnov suab seev---------Hmoob hais kwv txhiaj
    Puag nram tiaj-----------------hav ntoo roj hmab
    Xyaw suab kab-----------------quaj nrov zig ziag
    Cua tuaj ntxiag--------------nkawv cev txias zias

    Siab yuj lias------------------------rau tej ntav toj
    Nkawv tig zoj--------------------saib rov los tsev
    Pom tsag kev----------------------si toj zim lawm
    Puag tim dawm----------------lawv zos roob zoo

    Pom hav ntoo---------------ntsuab xiab tsaus nti
    Nkawv thiaj li------------------saib rov tsuas daj
    Kho siab tshaj---------------tsis xav ncaim mus
    Iab tej lus---------------------tham seev yuj yees

    Txoj kev plees--------------yav puag thaum ub
    Kev sib hlub------------------nyob pem toj siab
    Me nkauj iab--------------------sib pab ev nplej
    Caij kwv dej-------------------tej chaw sib tawb

    Hav paj dawb-----------------------fab ti kwj tse
    Tim ncauj ke--------------------kev mus toj siab
    Nws thiab iab------------------mus dob teb zaub
    Noog puj daub------------quaj nrov ntsho nrooj

    Hnov suab nplooj------------nrov kho siab zim
    Sab puag tim--------------------zos tiaj kuj yem
    Nyob puag pem------------lawv roob teb npleg
    Tshuab tsis tseg----------suab nplooj xiv nqiab

    Nrov kho siab------------------tshaj plaws li tiag
    Suab nplooj ntsiag---------hnov hais kwv txhiaj
    Puag nram tiaj--------------------teb hav naj ciab
    Nws thiab iab----------------nkawv mus de zaub

    Nram teb taub-------------------hav pob kws cauj
    Nkawv kev nkauj--------------thiab kev ua nraug
    Caij ntuj tsaug-----------------nkawv kuj sib cuag
    Nkawv rov zuag-------------tham lus tseem tseeb

    Lus meej xeeb----------nkawv tham khee kawv
    Nkawv los sawv----------puag nram dawm zeb
    Lub suab ntxheb---------------tham kev sib nco
    Sim neej no-------------------------sib nco tiag li

    Tham lus ntxhi-------------------rau iab tsis tseg
    Hnub tuaj ntseg--------------nkawv tig rov qab
    Tuav iab npab------------------los txog ntug zos
    Hmoob tuav cos -----------suab nrov doog diaj

    Hnov suab tsiaj----------------sib tog zom zaws
    Nkawv tshwm plaws-----ntawm lawv tog tsev
    Sib tham ntev-----------------tsis xav sib ncaim
    Iab nyob nraim------------hauv nws nruab siab

    Cia xyoo tshiab-----------nkawv mam sib yuav
    Nws quaj zuav-------------------tsis xav rov qab
    Iab siab fab-----------------------tsis xav sib nrug
    Siab kub lug-------------------txog kev sib tshua

    Ob leeg ua -------------------kua muag ntws nto
    Sim neej no------------------nkawv nco luaj tiag
    Quaj kawg kiag----------------vim sib nco dhau
    Lawv thiaj tau--------------sawv phov txaj nrov

    Nws thiaj hnov----------------tsim dheev los no
    Ua cas ho--------------------yog npau suab xwb
    Kua muag twb-----------ntxaum hauv ncoo tag
    Hais cuag dag---------------ntub tog hauv ncoo

    Nws ntub loo--------------npaum xuas dej tsuag
    Rov qi muag-----------------kom npau suav dua
    Lawv sawv ua---------------tshais ntxov los noj
    Dab ntub ploj---------------mas chim siab dhau

    Zaum tsaws npau-------------kho nws siab tshaj
    Lawv tsis ncaj--------------muab Iab yuam mus
    Nkawv tej lus----------------tau hais qhov tseeb
    Thiaj khuam xeeb------------ua kua muag nrog

    Nco los txog--------------------niaj hnub nim no
    Nws thiaj nco------------------------Iab ua luaj li
    Hnub thawm hli----------thiaj tshem tsis tawm
    Kev txij nkawm--------plam thaum ntawd kiag

    Iab tig ntiag-----------------mus nrog luag nyob
    Nws siab mob--------------cuag kua txob ntsim
    Lub siab chim-------------------mob tag ib tiam
    Vim Iab niam-----------------iab txiv siab phem

    Tau rhuav tshem-----------nkawv txoj hauv kab
    Txoj kev tab---------------------lub cuab lub yig
    Nws thiaj tig--------------------mus rau lwm tus
    Hmoob leej nus------------------thiaj tsis tau iab

    Mob lub siab--------------------ces siav yuav yaj
    Nco iab tshaj--------------------nyob rau tiam no
    Xyov yuav nco--------------mus txog hnub twg
    Me phooj ywg-------------------tus nws hlub e!!

    Es iab ne!! ------------------puas nco nws thiab?
    Me nkauj iab-----------------------tus cev tsis loj
    Koj niam noj----------------------dab tsi yug koj
    Zoo tam zoj----------------me ntxhais nkauj hli

    Es yuav ci--------------------mus thoob ntiaj teb
    Ua rau peb--------------------nco iab txhua hnub
    Vim tus hlub----------------mus yuav txiv lawm
    Kev txij nkawm---------------thiaj ncav tsis tau

    Nkawv thiaj dhau------------------mus zoo li no
    Nws thiaj nco----------------------mus tag ib sim
    Yeeb yog vim----------------zuag tau ntawv nco
    Nyob tiam no-----------------tsis tau ntawv hlub

    Nws thiaj rub--------------------tsis tau iab npab
    Ua nws nyab----------------mus nrog nws nyob
    Siab thiaj mob----------------cuag dej kub npau
    Nws thiaj dhau-----------------mus ua dab neeg

    Muab tham deeg---------------nrog huab cua ya
    Li thov xa-------------------------ib tsab xov tuaj
    Nrog suab quaj----------------saib iab puas hnov
    Neej nram ntxov---------------nyob qub zej zos

    Yog yuav tos------------------ntev npaum li cas
    Siab khis ras------------------cuag rwj aws ncus
    Tham lo lus------------------yeej hais tsis tawm
    Kev txij nkawm---------------yog yuav rov pib

    Saib puas ntsib-----------------nyob rau tiam ob
    Neej pov plob----------------puas nphau rov los
    Tej lus ntos--------------------------seev iab tas li
    Zais tuag nthi---------------rau hauv nruab siab

    Iab tus ntxhiab----------------nws tseem cim cia
    Ntsib mam qhia-------------tham rau iab mloog
    Siab ntxhov txoog------------lub neej pem suab
    Thov saub muab-------nkawv ntawv nyiaj keeb

    Los nrog teeb--------------ua ntawv puaj txwm
    Tuav keeb kwm-------------kom ho muaj ntxiv
    Thiaj tsis chiv-----------------kev mob siab dua
    Xws nthwv cua--------nplawm ntuj ntws lawm

    Kom hmoov sawm-------nkawv txhob sib cais
    Yog yuav hais--------------yeej tham tsis txhua
    Nws thiaj ua------------------npau suav pom iab
    Hauv lub siab-----------------nco iab heev dhau

    Thiaj li tau-----------------muab los tham tawm
    Kom plawv nqawm---------siab ntsws ho nqig
    Tej tsuj plig---------------------rov los puab cev
    Siab ho ntev------------------ua neeg mus ntxiv

    Yog yuav chiv------------------npau suav li qub
    Puas muaj hnub--------------rov tau lawm mog
    Tseem xav txog---------------lub neej yav dhau
    Nws tseem yau---------nco npaum nkauj hnub

    Ntsib dab ntub-----------tseem tham luag ntxhi
    Txiv nraug hli---------------nco iab tshaj plaws
    Yog tham ntxaws-----------ces kua muag poob
    Me nkauj Hmoob------------tus me ntxim hlub

    Nkauj dab ntub------------txiv nraug npau suav
    Tham tsis dhuav-----------------ua ke tsis txaus
    Hais tsis xaus---------------------tej lus sib hlub
    Nkauj dab ntub----------thiab nraug npau suav

    Nws puas tshuav------------ib zaug lawm thiab
    Me nkauj iab--------------------tus me neeg zoo
    Yog puag loo-----------------mus yeeb yaj kiab
    Thiaj zoo siab------------------os me leej muam

    Tej lus xuam---------------thov tsis txhob chim
    Vim iab dim-------------------mus ua luag nyab
    Nws thiaj npab------------nyob lwj siab ntsuav
    Li noog puav---------------------ua neej dai taw

    Tsis muaj chaw------------------li no lawm tiag
    Lub xub ntiag-------------------thiaj pw txias to
    Seev tag hmo-------------------rau tej npoo txaj
    Lub ntuj kaj--------------------los tsis xav sawv

    Ntuj yuas lawv------------------tus me neeg zoo
    Tsis muaj hmoo-----------------thiaj tsis tau iab
    Mus ntuj tshiab-----------nkawv puas sib ntsib
    Nywj vag ib-----------------nyob rau nruab dab

    Tuav iab npab---------------haus paj zaub quag
    Rov tau puag----------------nyob nws xub ntiag
    Paj zaub qiag-----------------li kab npauj npaim
    Ya nrog nraim---------------------ua ke ywj siab

    Mus thawj thiab----------------xeeb rov los dua
    Kom txhob tshua--------------------ib zaug li no
    Txoj kev nco------------------tsis pub kom muaj
    Tej kev quaj--------------------tsis pub kom ntsib

    Nplooj siab ib----------------tsis txhob sib ncaim
    Tuav tes nraim----------nyob luag ntxhwb ntxhi
    Zoo xws li------------------------rev paj tawg zoo
    Puag iab loo-----------------xwb tiag nkauj iab!!

    ( xaus li no )


    Last edited by Hmong ntuj tshiab on 20th July 2013, 5:05 pm; edited 3 times in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 4th July 2013, 11:22 pm

    Hmong ntuj tshiab wrote:
    Npau suav mus ntsib nkauj iab

    Tus ntawm no---------------yog Hmoob leej tub
    yuav los qhub-------------------ib tsab xov tawm
    Lub keej khawm---------------txoj uas kev hlub
    Ntuj thaum ub-------------------lub caij noj tsiab

    Pem toj siab------------------nyob koom zej zos
    Niaj hmo yos-------------------tuaj nyob sib zov
    Sib xa xov--------------------txog txoj kev plees
    Hais seev yees-------------------tsis xav tso tseg

    Mob tej teg------------------ua plawv yuav nres
    Yam tus ntses----------------tau pas dej ntshiab
    Nyob kaj siab---------------mus lawm tag hnub
    Lawv tsis pub--------------------wb los sib yuav

    Cuag ntuj nchuav----------------lub ntiaj teb tig
    Av qhuav nkig----------------------dej sib tw lau
    Thiaj ncaim tau------------peb caug tawm xyoo
    Koj lub moo----------------------twb ploj zuj zus

    Wb tej lus--------------------------uas tau cog cia
    Twb mob ntxhia----------------yuav rov qab zoo
    Tseg tsis nroo---------------------ua siab tsis nco
    Cas nag hmo--------------------ho rov npau suav

    Pom koj tuav---------------------kuv ib sab npab
    Zaum ib sab-------------------tham txog kev nco
    Sim neej no------------------------cas nco ua luaj
    Pom koj quaj------------------kua muag ntws sis

    Kuv khoov ntshis-------------muab kuv tes tsho
    Coj los so----------------------koj cov kua muag
    Kuv khawm puag -------------koj rau xub ntiag
    Ib me pliag----------------------koj kua muag tu

    Hnov koj hu---------------------lub npe thaum ub
    Hmoob leej tub-------------------yog tiag los dag
    Zaum no ntag------------------xav kom yog tiag
    Kuv tig kiag---------------------los tuav koj plhu

    Tsa ncauj hu-------------------hais tias nkauj iab
    Me nplooj siab-----------------tsis yog npau suav
    Wb tham dhuav-----------------ces wb mus tsev
    Taug tej kev------------------------nce toj qis hav

    Ntoo siv lav-------------------tawg paj dawb vog
    Noog poog pog-------------ntxais paj zom zaws
    Paj zeeg tshaws---------------------rau ub rau no
    Wb tig hlo---------------------saib rov pem roob

    Pom hav xyoob-----------------hav ntoo kaj nrig
    Hnov nraj yig----------------quaj suab xiv nqiab
    Nyaj cuam liab---------------suav kau zom zaws
    Me paj raws----------------tawg txhij tawg txhua

    Hnov cuab npua-----------puag pem Hmoob zos
    Suab kab nqos-----------------quaj kho siab tshaj
    Txiv nqos ntsaj------------------siav kawg kiag li
    Wb luag ntxhi----------------------mus de los noj

    Kuv saib koj------------------------koj zoo li qub
    Tseem ntxim hlub---------------li ntuj yav dhau
    Kuv tseem yau---------nyuam qhuav tiav hluas
    Wb tham txuas----------------tsis muaj tsawg lo

    Ces wb ho-----------------mus nraum teb ntxhab
    Hnov suab kab-------------quaj saum ntsis ntoo
    Cua tuaj loo---------------------ua ntoo rawv tag
    Wb tso dag------------------tham luag mob plab

    Tau sib thab----------------------sib zeg taug kev
    Pom txiv cev--------------------siav daj pes vog
    Wb mus txog-------------puag pem roob npoob
    Me ntsuag xyoob------------sam leej zom zaws

    Wb tshwm plaws------------pem dej cawm siav
    De nplooj txhiav------------------los ce dej haus
    Sib tham txaus-----------------mus txog teb yeeb
    Lus meej xeeb----------------yav puag thaum ub

    Kev sib hlub----------------------rau sim neej no
    Tuav npab hlo-----------------------tsis tso koj tes
    Wb mus nres----------------pem roob xyuam yaj
    Kho siab tshaj----------------tham ncig yuj yeev

    Hnov koj seev---------------suab hais kwv txhiaj
    Saib nram tiaj------------------hav ntoo roj hmab
    Hnov suab kab-----------------quaj nrov zig ziag
    Cua tuaj ntxiag------------------wb cev txias zias

    Siab yuj lias-------------------xav nyob nrog koj
    Wb tig zoj------------------------saib rov los tsev
    Pom tsag kev----------------------si toj zim lawm
    Puag tim dawm----------------lawv zos roob zoo

    Pom hav ntoo---------------ntsuab xiab tsaus nti
    Wb thiaj li----------------------saib rov tsuas daj
    Kho siab tshaj---------------tsis xav ncaim mus
    Koj tej lus--------------------tham seev yuj yees

    Txoj kev plees--------------yav puag thaum ub
    Kev sib hlub------------------nyob pem toj siab
    Me nkauj iab--------------------sib pab ev nplej
    Caij kwv dej-------------------tej chaw sib tawb

    Hav paj dawb-----------------------fab ti kwj tse
    Tim ncauj ke------------------kev ncaim nce toj
    Kuv thiab koj------------------mus dob teb zaub
    Noog puj daub------------quaj nrov ntsho nrooj

    Hmoob tshuab nplooj--------nrov kho siab zim
    Sab puag tim--------------------zos tiaj kuj yem
    Nyob puag pem------------lawv roob teb npleg
    Tshuab tsis tseg----------suab nplooj xiv nqiab

    Nrov kho siab-----------------tshaj plaws li tiag
    Suab nplooj ntsiag---------hnov hais kwv txhiaj
    Puag nram tiaj-------------------teb hav naj phuv
    Koj thiab kuv---------------------wb mus de zaub

    Nram teb taub-------------------hav pob kws cauj
    Wb kev nkauj------------------thiab kev ua nraug
    Caij ntuj tsaug---------------------wb kuj sib cuag
    Wb rov zuag-----------------tham lus tseem tseeb

    Lus meej xeeb--------------wb tham khee kawv
    Wb los sawv----------------puag pem dawm zeb
    Lub suab ntxheb---------------tham kev sib nco
    Sim neej no------------------------nco koj luaj li

    Tham lus ntxhi-------------------rau koj tsis tseg
    Hnub tuaj ntseg-------------------wb tig rov qab
    Tuaj koj npab-------------------los txog ntug zos
    Hmoob tuav cos -----------suab nrov doog diaj

    Hnov suab tsiaj----------------sib tog zom zaws
    Wb tshwm plaws------------ntawm nej tog tsev
    Sib tham ntev-----------------tsis xav sib ncaim
    Koj nyob nraim------------hauv kuv nruab siab

    Cia xyoo tshiab---------------wb mam sib yuav
    Kuv quaj zuav-------------------tsis xav rov qab
    Koj siab fab---------------------tsis xav sib nrug
    Siab kub lug-------------------txog kev sib tshua

    Ob leeg ua -------------------kua muag ntws nto
    Sim neej no----------------------wb nco luaj tiag
    Quaj kawg kiag----------------vim sib nco dhau
    Lawv thiaj tau--------------sawv phov txaj nrov

    Kuv thiaj hnov----------------tsim dheev los no
    Ua cas ho--------------------yog npau suab xwb
    Kua muag twb-----------ntxaum hauv ncoo tag
    Hais cuag dag---------------ntub tog hauv ncoo

    Nws ntub loo--------------npaum xuas dej tsuag
    Rov qi muag-----------------kom npau suav dua
    Lawv sawv ua---------------tshais ntxov los noj
    Dab ntub ploj---------------mas chim siab dhau

    Zaum tsaws npau-------------kho kuv siab tshaj
    Lawv tsis ncaj--------------muab koj yuam mus
    Wb tej lus--------------------tau hais qhov tseeb
    Thiaj khuam xeeb------------ua kua muag nrog

    Nco los txog--------------------niaj hnub nim no
    Kuv thiaj nco------------------------koj ua luaj li
    Hnub thawm hli----------thiaj tshem tsis tawm
    Kev txij nkawm--------plam thaum ntawd kiag

    Koj tig ntiag----------------mus nrog luag nyob
    Kuv siab mob--------------cuag kua txob ntsim
    Lub siab chim-------------------mob tag ib tiam
    Vim koj niam----------------koj txiv siab phem

    Tau rhuav tshem---------------wb txoj hauv kab
    Txoj kev tab---------------------lub cuab lub yig
    Nws thiaj tig--------------------mus rau lwm tus
    Hmoob leej nus-----------------thiaj tsis tau koj

    Lub plawv ntoj-----------------ces siav yuav yaj
    Nco koj tshaj-------------------nyob rau tiam no
    Xyov yuav nco--------------mus txog hnub twg
    Me phooj ywg-------------------tus kuv hlub e!!

    Es koj ne!! ------------------puas nco kuv thiab?
    Me nkauj iab-----------------------tus cev tsis loj
    Koj niam noj----------------------dab tsi yug koj
    Zoo tam zoj----------------me ntxhais nkauj hli

    Es yuav ci--------------------mus thoob ntiaj teb
    Ua rau peb--------------------nco nej txhua hnub
    Vim tus hlub----------------mus yuav txiv lawm
    Kev txij nkawm---------------thiaj ncav tsis tau

    Nws thiaj dhau----------------------mus zoo li no
    Kuv thiaj nco----------------------mus tag ib sim
    Yeeb yog vim----------------zuag tau ntawv nco
    Nyob tiam no-----------------tsis tau ntawv hlub

    Kuv thiaj rub--------------------tsis tau koj npab
    Ua kuv nyab-----------------mus nrog kuv nyob
    Siab thiaj mob----------------cuag dej kub npau
    Nws thiaj dhau-----------------mus ua dab neeg

    Muab tham deeg---------------nrog huab cua ya
    Li thov xa-------------------------ib tsab xov tuaj
    Nrog suab quaj---------------saib koj puas hnov
    Neej nram ntxov---------------nyob qub zej zos

    Yog yuav tos------------------ntev npaum li cas
    Siab khis ras------------------cuag rwj aws ncus
    Tham lo lus------------------yeej hais tsis tawm
    Kev txij nkawm---------------yog yuav rov pib

    Saib puas ntsib-----------------nyob rau tiam ob
    Neej pov plob----------------puas nphau rov los
    Tej lus ntos-------------------------seev koj tas li
    Zais tuag nthi---------------rau hauv nruab siab

    Koj tus ntxhiab---------------kuv tseem cim cia
    Ntsib mam qhia---------------rau koj lawm xwb
    Hais txog wb------------------lub neej pem suab
    Thov saub muab----------wb ntawv nyiaj keeb

    Los nrog teeb--------------ua ntawv puaj txwm
    Tuav keeb kwm-------------kom ho muaj ntxiv
    Thiaj tsis chiv-----------------kev mob siab dua
    Xws nthwv cua--------nplawm ntuj ntws lawm

    Kom hmoov sawm------------wb txhob sib cais
    Yog yuav hais--------------yeej tham tsis txhua
    Kuv thiaj ua------------------npau suav pom koj
    Siab ntsws ntoj---------------nco koj heev dhau

    Thiaj li tau-----------------muab los tham tawm
    Kom plawv nqawm---------siab ntsws ho nqig
    Tej tsuj plig---------------------rov los puab cev
    Siab ho ntev------------------ua neeg mus ntxiv

    Yog yuav chiv------------------npau suav li qub
    Puas muaj hnub--------------rov tau lawm mog
    Tseem xav txog---------------lub neej yav dhau
    Wb tseem yau-----------nco npaum nkauj hnub

    Ntsib dab ntub-----------tseem tham luag ntxhi
    Txiv nraug hli---------------nco koj tshaj plaws
    Yog tham ntxaws-----------ces kua muag poob
    Me nkauj Hmoob------------tus me ntxim hlub

    Nkauj dab ntub------------txiv nraug npau suav
    Tham tsis dhuav-----------------ua ke tsis txaus
    Hais tsis xaus---------------------tej lus sib hlub
    Nkauj dab ntub----------thiab nraug npau suav

    Nws puas tshuav------------ib zaug lawm thiab
    Me nkauj iab--------------------tus me neeg zoo
    Yog puag loo-----------------mus yeeb yaj kiab
    Thiaj zoo siab------------------os me leej muam

    Tej lus xuam---------------thov tsis txhob chim
    Vim koj dim-------------------mus ua luag nyab
    Kuv thiaj npab-------------nyob lwj siab ntsuav
    Li noog puav---------------------ua neej dai taw

    Tsis muaj chaw------------------li no lawm tiag
    Lub xub ntiag-------------------thiaj pw txias to
    Seev tag hmo-------------------rau tej npoo txaj
    Lub ntuj kaj--------------------los tsis xav sawv

    Ntuj yuas lawv------------------tus me neeg zoo
    Tsis muaj hmoo-----------------thiaj tsis tau koj
    Yog tuag ploj------------------wb puas sib ntsib
    Nywj vag ib-----------------nyob rau nruab dab

    Tuav koj npab---------------haus paj zaub quag
    Rov tau puag----------------nyob kuv xub ntiag
    Paj zaub qiag-----------------li kab npauj npaim
    Ya nrog nraim---------------------ua ke ywj siab

    Mus thawj thiab----------------xeeb rov los dua
    Kom txhob tshua--------------------ib zaug li no
    Txoj kev nco------------------tsis pub kom muaj
    Tej kev quaj--------------------tsis pub kom ntsib

    Nplooj siab ib----------------tsis txhob sib ncaim
    Tuav tes nraim----------nyob luag ntxhwb ntxhi
    Zoo xws li------------------------rev paj tawg zoo
    Puag koj loo------------------xwb tiag nkauj iab!!

    ( xaus li no )


    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 21st July 2013, 9:23 am

    Teb nkauj kab xia tsab xov

    Tus ntawm no-----------------yog nraug Hmoob yaj
    yuav los tshaj------------------------ib tsab xov tawm
    Lub keej khawm--------------------txoj uas kev hlub
    Ntuj thaum ub-----------------------lub neej thaib teb

    Thaum uas peb-------------------nyob yeej xias qhas
    Kawm ntawv tas--------------------tuaj nyob sib zov
    Sib xa xov-------------------------txog txoj kev plees
    Hais seev yees------------------------tsis xav tso tseg

    Mob tej teg------------------------ua plawv yuav nres
    Yam tus ntses----------------------tau pas dej ntshiab
    Nyob kaj siab--------------------mus lawm tag hnub
    Vim thaib dub--------------------yuam peb xam phaj

    Nej tsis npaj-----------------------thiaj poob tom qab
    Nyob nrog kab------------------thiab nrog noog quaj
    Kuv ncaim tuaj----------------------rau teb chaws no
    Los tseem nco-------------------------wb tej lus tseeb

    Lus meej xeeb-------------------------tej kev sib hlub
    Txiv leej tub----------------------------nco koj ib leeg
    Kuv yeej ntseeg---------------------koj tus kheej zoo
    Lawv yuam loo---------------------kom tuaj mes kas

    Siab khis ras-----------------------mob cuag mob rwj
    Lub plawv ntswj----------------------txoj sia yuav tu
    Tsa ncauj hu-----------------------tsis muaj neeg pab
    Kev yuav nyab-------------------thiaj plam li plhuav

    Cuag ntuj nchuav-----------------ntiaj teb ntxeev tig
    Av qhuav nkig---------------------------dej sib tw lau
    Ncaim koj tau-------------------peb caug tawm xyoo
    Koj lub moo--------------------------twb ploj zuj zus

    Wb tej lus-------------------------------uas tau cog cia
    Twb mob ntxhia--------------------yuav rov qab zoo
    Tseg tsis nroo--------------------------ua siab tsis nco
    Cas nag hmo-------------------------ho hnov koj xov

    Lub siab ntxhov---------------------nco koj tus kheej
    Kev ua neej---------------------------tsis tau muaj pib
    Nplooj siab ib----------------------tus neeg kuv hlub
    Tseem niaj hnub----------------------nco tiag los dag

    Hnov xov tag------------------kuv txawm npau suav
    Pom koj tuav--------------------------kuv ib sab npab
    Zaum ib sab------------------------tham txog kev nco
    Sim neej no---------------------------yeej nco ua luaj

    Pom koj quaj-----------------------kua muag ntws sis
    Kuv khoov ntshis------------------muab kuv tes tsho
    Coj los so---------------------------koj cov kua muag
    Kuv khawm puag ------------------koj rau xub ntiag

    Ib me pliag----------------------------koj kua muag tu
    Hnov koj hu-----------------------tuav rawv kuv npe
    Kuv tseem me----------------------nyob rau thaib teb
    Taug kev tsheb-----------------------tuaj mus kav laj

    Nraug Hmoob yaj--------------------yog tiag los dag
    Zaum no ntag-----------------------xav kom yog tiag
    Kuv tig kiag--------------------------los tuav koj plhu
    Tsa ncauj hu--------------------------hais tias kab xia

    Tig los ntsia------------------------tsis yog npau suav
    Wb tham dhuav----------------------ces wb mus tsev
    Taug txoj kev---------------------------mus tim taj laj
    Txaus siab tshaj------------------tuav rawv koj npab

    Hmoob lawv qab----------------kwv kaus dawb vog
    Cuag ua npog---------------------tuaj mus zom zaws
    Kev sib raws-----------------------------rau ub rau no
    Wb tig hlo------------------------saib rov xum tshiab

    Hnub ci iab------------------------hos tshav ntuj nrig
    Pom neeg ncig----------------------tuaj mus kav kiab
    Hnav zam tshiab-----------------ntxuag me zam qub
    Tshav ntuj kub-----------------------------ib ce sov so

    Kev sib nco------------------------------ua ke ua npoj
    Kuv saib zoj-----------------------------koj zoo li qub
    Tseem ntxim hlub--------------------li ntuj yav dhau
    Kuv tseem yau--------------nyuam qhuav tiav hluas

    Wb tham txuas---------------------tsis muaj tsawg lo
    Ces wb ho-----------------------------mus tim laj kab
    Hnov suab kab------------------quaj saum ntsis ntoo
    Cua tuaj loo---------------------------ua ceg rawv tag

    Wb tso dag-----------------------tham luag mob plab
    Tau sib thab--------------------------sib zeg taug kev
    Los tsis ntev---------------------tham tsis tau ntxaws
    Wb tshwm plaws-----------------ntawm nej tog tsev

    Sib tham ntev-----------------------tsis xav sib ncaim
    Koj nyob nraim-----------------hauv kuv nruab siab
    Cia xyoo tshiab---------------------wb mam sib yuav
    Kuv quaj zuav------------------------tsis xav rov qab

    Koj siab fab--------------------------tsis xav sib nrug
    Siab kub lug------------------------txog kev sib tshua
    Ob leeg ua ------------------------kua muag ntws nto
    Sim neej no---------------------------wb nco luaj tiag

    Quaj kawg kiag---------------------vim sib nco dhau
    Lawv thiaj tau-------------------sawv phov txaj nrov
    Kuv thiaj hnov----------------------tsim dheev los no
    Ua cas ho--------------------------yog npau suab xwb

    Kua muag twb----------------ntxaum hauv ncoo tag
    Hais cuag dag---------------------ntub tog hauv ncoo
    Nws ntub loo-------------------npaum xuas dej tsuag
    Rov qi muag----------------------kom npau suav dua

    Lawv sawv ua--------------------tshais ntxov los noj
    Dab ntub ploj--------------------mas chim siab dhau
    Zaum tsaws npau---------------kho siab tshaj plaws
    Tim teb chaws-------------------kuv thiaj ncaim mus

    Wb tej lus----------------------------tau cog cia tseeb
    Thiaj khuam xeeb-----------------ua kua muag nrog
    Nco los txog-------------------------niaj hnub nim no
    Kuv thiaj nco-----------------------------koj ua luaj li

    Hnub thawm hli----------------thiaj tshem tsis tawm
    Kev txij nkawm-------------plam thaum ntawd kiag
    Kuv tig ntiag---------------------tuaj lawm dua ncua
    Txoj kev tshua---------------------nco koj kawg kiag

    Qhov tseeb tiag-----------------------vim koj tsis tuaj
    Txoj kev quaj----------------------thiab txoj kev seev
    Nco dhuj dheev--------------------wb me chaw nyob
    Kuv siab mob--------------------cuag kua txob ntsim

    Lub siab chim-------------------------mob tag ib tiam
    Vim koj niam-------------------------koj txiv tsis tuaj
    Thiaj puas tsuaj---------------------wb txoj hauv kab
    Txoj kev tab--------------------------lub cuab lub yig

    Nws thiaj tig-------------------------ua mob iab tshaj
    Nraug Hmoob yaj--------------------thiaj tsis tau koj
    Lub plawv ntoj----------------------ces siav yuav yaj
    Nco koj tshaj------------------------nyob rau tiam no

    Xyov yuav nco-------------------mus txog hnub twg
    Me phooj ywg------------------------tus kuv hlub e!!
    Es koj ne!! -------------------------puas cim kuv cia?
    Nkauj kab xia---------------------------tus cev tsis loj

    Koj niam noj---------------------------dab tsi yug koj
    Zoo tam zoj----------------------me ntxhais nkauj hli
    Es yuav ci-------------------------mus thoob ntiaj teb
    Ua rau peb-------------------------nco nej txhua hnub

    Tus kuv hlub--------------------thiaj plam mus lawm
    Kev txij nkawm--------------------thiaj ncav tsis tau
    Wb thiaj dhau---------------------------mus zoo li no
    Kuv thiaj nco---------------------------mus tag ib sim

    Yeeb yog vim-----------------------koj- kuv thiaj nco
    Nyob tiam no----------------------tsis tau ntawv hlub
    Kuv thiaj rub-------------------------tsis tau koj npab
    Ua kuv nyab----------------------mus nrog kuv nyob

    Siab thiaj mob---------------------cuag dej kub npau
    Kev hlub dhau-----------------------mus ua dab neeg
    Muab tham deeg--------------------nrog huab cua ya
    Li thov xa----------------------------ib tsab xov tshua

    Nrog huab cua---------------------saib koj puas hnov
    Neej nram ntxov-----------------nyob yeej thoj nam
    Muaj qee tsam-------------------tseem mob kuv siab
    Tus mob iab------------------------cuag rwj aws ncus

    Tham lo lus------------------------yeej hais tsis tawm
    Kev txij nkawm---------------------yog yuav rov pib
    Saib puas ntsib----------------------nyob rau tiam ob
    Neej pov plob---------------------puas nphau rov los

    Tej lus ntos------------------------------seev koj tag li
    Zais tuag nthi---------------------rau hauv nruab siab
    Koj tus ntxhiab--------------------kuv tseem cim cia
    Ntsib mam qhia------------------tham rau koj mloog

    Siab ntxhov txoog-----------------lub neej pem suab
    Thov saub muab----------------wb ntawv nyiaj keeb
    Los nrog teeb--------------------ua ntawv puaj txwm
    Tuav keeb kwm-------------------kom ho muaj ntxiv

    Thiaj tsis chiv-----------------------kev mob siab dua
    Xws nthwv cua-------------nplawm ntuj ntws lawm
    Kom hmoov sawm-----------------wb txhob sib cais
    Yog yuav hais-------------------yeej tham tsis txhua

    Kuv thiaj ua-----------------------npau suav pom koj
    Lub plawv ntoj--------------------nco koj heev dhau
    Thiaj li tau----------------------muab los tham tawm
    Kom plawv nqawm---------------siab ntsws ho nqig

    Tej tsuj plig--------------------------rov los puab cev
    Siab ho ntev------------------------ua neeg mus ntxiv
    Yog yuav chiv-----------------------npau suav li qub
    Puas muaj hnub--------------------rov tau lawm mog

    Tseem xav txog--------------------lub neej yav dhau
    Wb tseem yau----------------nco npaum nkauj hnub
    Ntsib dab ntub----------------tseem tham luag ntxhi
    Txiv nraug hli--------------------nco koj tshaj plaws

    Yog tham ntxaws----------------ces kua muag poob
    Me nkauj Hmoob------------------tus me ntxim hlub
    Nkauj dab ntub-----------------txiv nraug npau suav
    Tham tsis dhuav-----------------------ua ke tsis txaus

    Hais tsis xaus---------------------------tej lus sib hlub
    Nkauj dab ntub----------------thiab nraug npau suav
    Nws puas tshuav-------------------ib zaug khaws cia
    Nkauj kab xia------------------------tus me neeg zoo

    Yog puag loo-----------------------mus yeeb yaj kiab
    Thiaj zoo siab-----------------------os me leej muam
    Tej lus xuam---------------------thov tsis txhob quaj
    Koj tsis tuaj-------------------------nej khiav rov qab

    Kuv thiaj npab------------------nyob lwj siab ntsuav
    Li noog puav---------------------------ua neej dai taw
    Tsis muaj chaw------------------------li no lawm tiag
    Lub xub ntiag-------------------------thiaj pw txias to

    Seev tag hmo-------------------------rau tej npoo txaj
    Lub ntuj kaj--------------------------los tsis xav sawv
    Ntuj yuas lawv-----------------------tus me neeg zoo
    Tsis muaj hmoo----------------------thiaj tsis tau koj

    Yog tuag ploj----------------------thov kom sib ntsib
    Nywj vag ib-----------------------nyob rau nruab dab
    Tuav koj npab--------------------haus paj zaub quag
    Rov tau puag---------------------nyob kuv xub ntiag

    Paj zaub qiag----------------------li kab npauj npaim
    Ya nrog nraim--------------------------ua ke ywj siab
    Mus thawj thiab---------------------xeeb rov los dua
    Kom txhob tshua-------------------------ib zaug li no

    Txoj kev nco-----------------------tsis pub kom muaj
    Tej kev quaj------------------------tsis pub kom ntsib
    Nplooj siab ib--------------------tsis txhob sib ncaim
    Tuav tes nraim--------------nyob luag ntxhwb ntxhi

    Zoo xws li----------------------------rev paj tawg zoo
    Puag koj loo-------------------------xwb tiag kab xia
    Yuav tsis cia-------------------kev hlub khuam xeeb
    Tuav yam tseeb-------------------los nrhiav kom tau

    Tsis pub dhau------------------thiab tsis ncaim lawm
    Cev nkauj ntxawm----------------cia rau tub ntxawg
    Lub ntuj tawg---------------------ntiaj teb no nchuav
    Tseem yuav tuav-------------------tsis pub sib ncaim

    Ua ke nraim-----------------------nyob rau lwm tiam
    Wb keeb kiam-----------------------kom sib tau xwb
    Tsis pub swb---------------------------ib zaug ntxiv li
    Nyob luag ntxhi------------------nrog koj xwb tiag!!

    ( xaus li no )

    Yog koj hnov nraug Hmoob yaj tsab xov no lawm ces ho nco txog tus neeg uas ncaim koj thiab mog nkauj kab xia.

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 29th July 2013, 10:01 pm



    [size=24]Hmoob lub kua muag ntshav

    Ntawm no mus-------------------------yog lus paj huam
    Yuav hais tshuam--------------Hmoob poj txwv yawm
    Nws xeeb txawm------------------nyob moos nkaus lias
    Muam Nkauj Nplias----------------thiab Tsab Yim Huj

    Teev tswv ntuj----------------------------los ua thawj coj
    Haiv Hmoob loj----------------------muaj koob nto npe
    Nyob ua kev------------------------------ib haiv sib hlub
    Tsis sib ntxub---------------------koom nyob ywj pheej

    Kev ua neej---------------------------tsis nco qab txhawj
    Hmoob tsis thawj---------------------------leej twg hlo li
    Muaj txuj ci-----------------------------ua neej huaj vam
    Suav kooj sam--------------------dag Hmoob cais xeem

    Hmoob txawm yeem---------------------li suav tau hais
    Ntes Hmoob hlais----------------------thiab ua rog raws
    Hmoob teb chaws--------------------thiaj nrog poob tag
    Raug suav dag---------------------cov ruam ntxeev siab

    Coj ntau txhiab-------------------------rov taw tuam ntuj
    Qhia Hmoob txuj-----------------------rau suav lwj lam
    Suav liab mam------------------txo Hmoob Txiv Yawg
    Hmoob thiaj tawg-----------------------mus ua ntau pab

    Khiav ua sab----------------------------thiab nyob ua sua
    Ntau pab lua-----------------------------tub rog kooj sam
    Hmoob thiaj plam-----------------teb chaws tuam tshoj
    Ho khiav zoj----------------------------los dhau ciam teb

    Thiaj muab ntxheb----------------ntos Hmoob lub keeb
    Nyob moos theeb---------------------teb chaws cob tsib
    Ho rov pib------------------------------sawv ua rog vwm
    Tuav keeb kwm---------------------raws Hmoob txuj ci

    Es thiaj li------------------------------yog Hmoob ua rog
    Thaum ntawd yog---------------------Saub Vwj Paj Cai
    Sawv tsis ntshai--------------------------los ua thawj coj
    Kev nyob noj------------------------thaj yeeb nyab xeeb

    Hmoob tua txeeb---------------------kev muaj vaj huam
    Fab kis yuam------------------------------thiab sau se loj
    Teev niam toj--------------------------raws fab kis tawm
    Muaj tswv cawm---------------------los muab hais xaus

    Txawm pib nkaus-------------------------ua rog cob tsib
    Nyab laj pib-------------------------------ua rog loj nteev
    Nyob nram xeev---------------------txhua txhia lub yeej
    Viej koom keej-----------------------ua rog kawg nkaus

    Nkag tuaj ntaus---------------------------tub rog mes kas
    Nyob lub nras-----------------------nroog tiaj rhawv zeb
    Ua rau peb----------------------------------tsis zoo ua noj
    Hmoob tus coj-------------------------yog  hlob Vaj Pov

    Mes kas thov----------------------kom Hmoob mus pab
    Ua laj kab---------------------------thaiv lawv haiv neeg
    Hmoob thiaj ntseeg----------------------mes kas lus cog
    Peb sau zog-------------------------------ua luag tub txib

    Nyab laj pib------------------------------ua rog tuaj ntaus
    Keeb hauv paus------------------------------ces yog li no
    Pib swb hlo----------------------------lub yeej pham thiv
    Hmoob thiaj tsiv------------------------los rau looj ceeb

    Nyab laj txeeb-------------------------ntaus nce tuaj mus
    Swb zuj zus---------------------------tas lawm tsheej tog
    Ob phav nplog-----------------------thiaj los  sau ntawv
    Cog lus tawv-------------------------muaj kaum yim nqe

    Sau ua ke--------------------------------tsis txhob sib tua
    Los sib sua---------------------------------ua neej ua tsav
    Tsis txhob xav-------------------------txog yav tas lawm
    Sawv daws tawm---------------------los nyob ywj pheej

    Kom txhua leej-------------------tsis muaj txim txhaum
    Dag hais haum---------------------nplog liab pib nrhiav
    Ntes mus txiav-------------------------tsis pub neeg pom
    Hmoob cov nom--------------------ploj lawm coob leej

    Kev paub meej----------------------yog Phas Nyas Npis
    Nplog sab xis--------------------------------46 txhiab tus
    Raug coj mus---------------------------tua rau moos xais
    Nrog Huab Tais--------------------lawv tsev neeg kheej

    Cov txiv neej----------------------------tsis hais leej twg
    Siab yau rwg-----------------------ntshai tsam raug ntes
    Muaj npe ces------------------------yeej raug txhom tag
    Hais tsis dag--------------------------muaj tseeb tiag tiag

    Thiaj sau kiag-------------------------tseg ua puav pheej
    Hmoob lub neej-------------------------yav tas los lawm
    Rau nej kawm------------------------thiab tseg ua tshuaj
    Cov tsis tuaj--------------------tham ntshai kawg nkaus

    Loj me laus-----------------------------piav hais tib hom
    Lawv cov pom---------------------------tuaj tham li nov
    Qhia peb cov----------------------------xub khiav ua ntej
    Peb Hmoob nej---------------------raug luag muab txov

    Hlob Vaj Pov-------------------------thiaj tau khiav ntab
    Dhau thaib sab------------------------mus rau nom nrim
    Thiaj khiav dim-------------------------txoj sia tuaj mus
    Li tau pus-------------------------------ib feem tuaj dhau

    Tshuav cov yau------------------------poob rau tom qab
    Tawg ua sab---------------------------thiab khiav ua sua
    Nkaum puv ntua------------------------toj roob hauv pes
    Ntshai luag ntes-------------------------coj mus rau txim

    Nkaum kom dim--------------------txhob raug luag ntes
    Ib feem ces----------------------------lam nyob hauv zos
    Tsuas pu tos------------------------------saib luag ua cas
    Tos lawv ras---------------------------twb mag voj hmab

    Khi tsheej pab--------------------------mus xam mas nas
    Rau tom nras------------------------nroog tiaj rhawv zeb
    Cov nyob deb--------------------------hauv tej nroog loj
    Raug luag soj----------------------------tuaj ntes tug zus

    Raug coj mus-----------------------------lawm huv tib si
    Hmoob thiaj li----------------------sawv thaiv kev chim
    Vim nplog tsim------------------------cov nyob tom qab
    Rog cob fab--------------------------mam pib sawv chiv

    Teev niam txiv-------------------------cob fab tswv ntuj
    Yog yam txuj----------------------------tsis tau hnov dua
    Hmoob sawv tua------------------nyob roob phuv npiab
    Xyoo ib txhiab-----------------------------ib cuaj xya rau

    Hmoob sib sau----------------------yeej coob heev diam
    Muaj poj niam---------------------nrog nraim txhua pab
    Npe cob fab-----------------------------yog nplog tis rau
    Peb Hmoob tau-----------------------------ib lub npe zoo

    Muaj txoj Hmoo------------------------ua neej huaj vam
    Leej twg tham---------------------------txog npe cob fab
    Ntuj tseem pab-------------------------tsis pub kom ploj
    Pab thawj coj-------------------------nyaj nej yuav hnov

    Lub npe nrov---------------------------rau yav nram ntej
    Qhia rau nej---------------------------tias Yaj Xaiv Suav
    Sawv los tuav---------------------------pawg pav tiv kas
    Kaus mas das----------------------cim Zoov Zuag Hawj

    Ua tuam thawj-------------------------tuav pawg cob fab
    Nkawv ob pab--------------------------sib koom ua luag
    Sawv los puag----------------------peb haiv me Hmoob
    Nkaum toj roob-----------------------hauv pes txhua tag

    Nyob tiv nag------------------------------sawv nrog lo av
    Zaum tiv tshav--------------------nyiaj tshaib yoo nqhis
    Sawv tswj lis---------------------------hauj lwm tauj tab
    Muaj ib pab----------------------------yog cov pub thawj

    Niam Na Kawj----------------------los teev koom txoos
    Lawv kuj khoos-------------------------tua nyob nas tub
    Yog Kha Xub--------------------------ua tus tuam thawj
    Cov pub thawj-----------------------------coj fab tub rog

    Yuav piav txog------------------------pab khej kaum ob
    Phu koos qhob------------------yog Xyooj Ntsuab Pov
    Coj ib cov---------------------------tub rog Hmoob coob
    Nkaum toj roob-------------------------rau sab phu npas

    Kaus mas das-----------------------cim Vaj Nchaiv Hwj
    Sawv los tswj-------------------------sab puag thab xuab
    Pab Hmoob ntsuab--------------------yog Vaj Tsav Kab
    Coj ntau pab--------------------------nyob rau tsua tawg

    Muaj ib pawg-------------------------sawv sab qaum teb
    Raws li ntxheb-------------------------tuaj rau peb hnov
    Muas Txawj Pov---------------------ua pawg khov kho
    Nyob tsua tho-------------------------hav pas dej ntshiab

    Coj ib txhiab-----------------------------tus tub rog leem
    Hav naj theem------------------------yog Vaj Tswv Kim
    Sawv los cim-------------------------lub me npe Hmoob
    Nrov mus thoob---------------------toj roob phuv npiab

    Pab naj hiab-------------------------yog Vam Kaim Vwj
    Sawv los tswj-----------------------sab puag moos mauj
    Sib cog lauj---------------------------cov qub riam phom
    Sawv kwv nyom---------------------raws nplog liab tua

    Nyob roob qhua-----------------------zos phu pham cob
    Hos cov nyob---------------------teb chaws moos pheeb
    Yawg Tooj Neeb-------------ntawm pawg Hmoob thoj
    Sawv los coj----------------------------tua nyob tiaj qhib

    Pab ham ib-------------------------------nrog cov naj gwj
    Pawg tsua qwj--------------------yog yawg Lauj Thoob
    Ntau pab Hmoob-------------------nyob roob phuv xam
    Lawv kuj tham--------------------------nrog cov nab los

    Mus nrog tos--------------------------cov kieb xais qhais
    Sib cog pais--------------------------koom nrog zov kev
    Pab phuv xev-----------------------yog yawg Koos Ham
    Coj thab ham-------------------------tua lav nees nkaum

    Lawv kuj caum--------------------------nyab laj nas xus
    Hmoob tau mus------------------------tua choj kev loom
    Lawv sib koom------------------------siab ua kawg kiag
    Pab roob yiag---------------------yog Koo Txawj Nchai

    Sawv tsis ntshai--------------------nrog yawg Yaj Neeb
    Nkawv tua txeeb----------------------sab roob pham guj
    Teev tswv ntuj------------------------los nrog thaiv ntag
    Roob xyoob dag-----------------------nrog cov phuv hej

    Hmoob tuav nplej---------------------ua mov phaj tshab
    Coj ntau pab-------------------------tua qhov txhia chaw
    Kab lwj hlaw--------------------------yog nyab laj khiav
    Hmoob tau txiav---------------------ntau txoj kev tsheb

    Nyob tsis deb------------------------ntawm sab hoib qha
    Qhaib nab qa------------------------kuj raug Hmoob tua
    Nram liaj qhua---------------------Hmoob kuj txeeb tau
    Pham au lau-------------------------Hmoob kuj tau nyob

    Qab tsuas xob----------------------yog Xaiv Suav pawg
    Nyab laj tawg--------------------khiav tshwm looj ceeb
    Hmoob kuj txeeb---------------------tau nroog moos oo
    Ntau lub xyoo-------------------------------coj poj tub se

    Nyob ua ke--------------------------------tiv tua tsov rog
    Yuav piav txog-----------------------sab zos dej tshuam
    Yaj Txoov Tuam----------------------ua tuam thawj coj
    Kev nyob noj-------------------------------ti sab phuv laj

    Zov nyab laj----------------------txog pham thab khoob
    Xyooj Vam Soob----------------------nyob sab thas xes
    Sawv los nres--------------------------roob hav xam leej
    Thiaj qhia meej------------------------rau nej paub tseeb

    Yawg Xyooj Xeeb--------------------nres sab nab loom
    Nws kuj koom----------------------pab nyob moos oom
    Peb kuj pom----------------------yawg Lauj Paj Npliam
    Thau phom riam----------------------phom peb cuv tsib

    Sawv los qhib--------------------------tua cov nplog liab
    Yawg Qha Kieb-------------------thiab yawg Npus Cas
    Plhu puas tas--------------------------khiav tsis saib qab
    Rau moos cab----------------------lawm tiag cov npawg

    Lawv cov yawg------------------------sawv los nrog coj
    Kev nyob noj----------------------------rau ntuj qub qab
    Kuj tshaib plab-------------------thiab txom nyem heev
    Rho nyiaj keev------------------------yuav mos txwv tiv

    Nrhiav kev tsiv--------------------thiaj tshwm sab thaib
    Li tuaj laib-------------------------------rau teb chaws no
    Tshuav ib co-----------------------tseem nyob xub tsuag
    Cov seem tuag----------------------------thiaj li yog peb

    Thiaj muab ntxheb----------------------rau nej paub zoo
    Noj caus ntoo-------------------ntxuag me nplooj hmab
    Ntuj qub qab----------------------kuj tseem tshuav coob
    Nyob toj roob---------------------tseem kwv riam phom

    Nplog liab txhom--------------------thiab raws lawv tua
    Lus moo cua-----------------------peb tseem hnov thiab
    Mob lub siab----------------------npaum kua txob ntsim
    Txoj kev chim-------------------------tsis muaj caij xaus

    Hmoob tej laus------------------------thov pab tswv yim
    Kom lawv dim------------------------thiab coj lawv tuaj
    Txoj kev quaj-------------------------thiaj yuav tsis pom
    Thov cov nom-------------------------nrog peb mus hais

    Vim nplog cais-----------------------thiab tsis hlub lawv
    Peb sau ntawv------------------------mus rau koom haiv
    Kom lawv xaiv---------------------kev rau Hmoob taug
    Thiab tsis raug---------------------nplog muab lawv tua

    Li tej npua-------------------------------thiab tej me qaib
    Cawm puas laib----------------------cov nyob hav zoov
    Noj mov soov-------------------ntxuag mov qos ncoom
    Thov sib koom-------------------------siab mus nrog tos

    Cov nyob los---------------------lawv txom nyem kawg
    Nej cov yawg----------------------------lus siab puas ras
    Peb xav mas--------------------------lawv tuav lub koob
    Ntawm peb Hmoob-------------------lub neej pem suab

    Thov peb muab-----------------------lawv ua keeb kwm
    Nrhiav kev tshwm-----------------------cev tes mus pab
    Cov hav fab----------------------------raws peb kom laib
    Txoj kev tshaib----------------------thiaj yuav tsis ntsib

    Li paub pib------------------------------lub neej tom ntej
    Hos lawv tej-----------------------txiaj ntsha txiaj ntsim
    Thov peb cim----------------------nyob rau nruab ntaub
    Qhia Hmoob paub----------------------rau cov xeeb leej

    Sau hais meej------------------------rau cov xeeb ntxwv
    Txhob muab lwv-------------------khaws ua puav pheej
    Hmoob lub neej-----------------------nyob rau xov tshoj
    Txoj kev ploj-------------------Hmoob tuag lawm coob

    Puv toj roob-----------------------------thiab cov kwv ha
    Lub koob ncha-----------------------mus thoob ntiaj teb
    Luag paub peb------------------ces neej Hmoob tshwm
    Hmoob keeb kwm-----------------yuav nrog tshwm los

    Kuv lus ntos-------------------------------mas muaj li no
    Thov nej nco----------------------------cov ntuj qub qab
    Nyob hav fab-----------------------------ua npua teb dais
    Thov pab txais----------------------thiab hlub lawv mog

    Txawm  nyob nplog----------------------los kuj tib yam
    Vim lawv plam-------------------------poob rau tom qab
    Nyob thaib sab-------------------------rau zos qhov tsua
    Rau thaib tua---------------------thiab mag thaib ncaws

    Thaib muab raws----------------------tuaj vaj tsev nqha
    Hmoob tej ntxa--------------------kuj raug thiab khawb
    Pab dej dawb--------------------------los mag thaib tsim
    Tsis muaj txim------------------------kuj lam raug nkuaj

    Thaib tseem tuaj-------------------ncaws tawm vaj tsev
    Nyob ntug kev-------------------------mov noj tsis muaj
    Niaj hnub quaj----------------------los kua muag ntshav
    Ib qho av---------------------------------tsis muaj ua tsev

    Rub siab ntev--------------------------npaum li naj khab
    Noj nplooj hmab------------------nplooj ntoos yug siav
    Thiaj muab piav----------------------tej kev txom nyem
    Raug thaib lem----------------------thiab raug nplog tua

    Li tej npua----------------------------thiab tej nyuag tsiaj
    Muab cuab phiaj--------------------sim hmuv sim phom
    Yog nej pom--------------------------puas pab nrog hlub
    Raug thiab dub--------------------muab yuam rov nplog

    Ntau tus pog---------------------------thiab ntau tus txiv
    Raug nplog siv------------------------muab coj xauv tes
    Quaj nrov les------------------------nyob tsev tsaus ntuj
    Txawm muaj txuj------------------------los yeej tsis dim

    Mus nyob txim-----------------------ploj ntsiag tag tiam
    Tshuav poj niam--------------------thiab cov me nyuam
    Hos cov ruam---------------------------nrog cov uas yau
    Tsuas nyo hau------------------------rau nplog xwb tiag

    Thiaj sau kiag----------------------------los ua paj huam
    Qhia cov ruam--------------------------kom paub ib yam
    Thiaj muab tham-----------------------qhia rau nej tseeb
    Kev khib xeeb----------------------mob Hmoob lub siab

    Mus ib txhiab-------------------------tsis muaj hnub ploj
    Tsis txhob ntoj---------------------------txoj kev no mog
    Yog ua rog-----------------------------tsis muaj luag pab
    Xws cob fab----------------------------ces kawg kev tws

    Txawm yuav yws-------------------ntiaj teb tsis txhawb
    Thov mab dawb-----------------------luag yeej tsis khes
    Xws cov ntses--------------------------nyob rau luag pas
    Maj mam nyas----------------------------cuab ib tug zus

    Ntev xyoo mus-------------------------ces kawg tu noob
    Peb cov Hmoob--------------------------nej puas to taub
    Yawg Paj Kaub-----------------------twb raug luag ntov
    Hais txog cov-------------------------muaj txoj sia nyob

    Xws yawg hlob-----------------------Nai Phoo Vaj Pov
    Luag twb txov------------------------------mus huv tib si
    Nyas sib ntxhi-------------------soj ntsuam Hmoob qab
    Yog twg thab--------------------------ces kawg raug txo

    Zoo li no--------------------------------------nej xav li cas
    Kuv xav mas--------------------------tu siab tshaj plaws
    Nej sawv daws------------------puas pom thiab Hmoob
    Cov feem coob--------------------pheej tsis mloog qhub

    Nyas maub dub----------------------------kov ub kov no
    Kawg rau txo-------------------------kev muaj vaj huam
    Raug luag thuam------------------tias Hmoob txhoj pob
    Thov txhob txob----------------lawm mog Hmoob aw!!

    ( xaus li no )


    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304


    [/quote]
    [/center]


    Last edited by Hmong ntuj tshiab on 1st August 2013, 7:50 pm; edited 10 times in total

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 30th July 2013, 1:01 am


    Nyob zoo tij laug Hmoob Ntuj Tshiab,

    Ua tsaug rau nws khov cov zaj paj huam hauv nov.

    Tij laug, kuv xa npaj ib zaj paj huam rau ib tug neeg uas peb coob leej hmov tshua, nws yuav ncaim peb mus rau qhov chaw tshiab; tab sis kuv tsis txawj, kuv npaj siab tias cia kuv npaj tau lub hauv paus hauv ntsis, kuv yuav vam nws pab sau rau kuv coj mus nthuav ntawm lub koob tsheej sib ncaim. Txhua zaud uas muaj fwv tsam, kuv tham txog nws lub npe thiab lub xov tooj cua rau sawv daws.

    Thov ua tsaug ua ntej.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 30th July 2013, 8:37 pm




    Hmoob lub kua muag ntshav

    Ntawm no mus---------------------------yog lus paj huam
    Yuav hais tshuam----------------Hmoob poj txwv yawm
    Nws xeeb txawm--------------------nyob moos nkaus lias
    Muam Nkauj Nplias----------------thiab Tsab Yim Huj

    Teev tswv ntuj------------------------------los ua thawj coj
    Haiv Hmoob loj------------------------muaj koob nto npe
    Nyob ua kev--------------------------------ib haiv sib hlub
    Tsis sib ntxub-----------------------koom nyob ywj pheej

    Kev ua neej-----------------------------tsis nco qab txhawj
    Hmoob tsis thawj-----------------------------leej twg hlo li
    Muaj txuj ci-------------------------------ua neej huaj vam
    Suav kooj sam----------------------dag Hmoob cais xeem

    Hmoob txawm yeem-----------------------li suav tau hais
    Ntes Hmoob hlais------------------------thiab ua rog raws
    Hmoob teb chaws----------------------thiaj nrog poob tag
    Raug suav dag-----------------------cov ruam ntxeev siab

    Coj ntau txhiab---------------------------rov taw tuam ntuj
    Qhia Hmoob txuj-------------------------rau suav lwj lam
    Suav liab mam-------------------txo Hmoob Txiv Yawg
    Hmoob thiaj tawg-------------------------mus ua ntau pab

    Khiav ua sab------------------------------thiab nyob ua sua
    Ntau pab lua-------------------------------tub rog kooj sam
    Hmoob thiaj plam-------------------teb chaws tuam tshoj
    Ho khiav zoj------------------------------los dhau ciam teb

    Thiaj muab ntxheb------------------ntos Hmoob lub keeb
    Nyob moos theeb-----------------------teb chaws cob tsib
    Ho rov pib--------------------------------sawv ua rog vwm
    Tuav keeb kwm-----------------------raws Hmoob txuj ci

    Es thiaj li--------------------------------yog Hmoob ua rog
    Thaum ntawd yog---------------------Saub Vwj Paj Cai
    Sawv tsis ntshai----------------------------los ua thawj coj
    Kev nyob noj--------------------------thaj yeeb nyab xeeb

    Hmoob tua txeeb-----------------------kev muaj vaj huam
    Fab kis yuam--------------------------------thiab sau se loj
    Teev niam toj----------------------------raws fab kis tawm
    Muaj tswv cawm-----------------------los muab hais xaus

    Txawm pib nkaus---------------------------ua rog cob tsib
    Nyab laj pib---------------------------------ua rog loj nteev
    Nyob nram xeev-----------------------txhua txhia lub yeej
    Viej koom keej-------------------------ua rog kawg nkaus

    Nkag tuaj ntaus-----------------------------tub rog mes kas
    Nyob lub nras-------------------------nroog tiaj rhawv zeb
    Ua rau peb------------------------------------tsis zoo ua noj
    Hmoob tus coj--------------------------yog  hlob Vaj Pov

    Mes kas thov------------------------kom Hmoob mus pab
    Ua laj kab-----------------------------thaiv lawv haiv neeg
    Hmoob thiaj ntseeg------------------------mes kas lus cog
    Peb sau zog---------------------------------ua luag tub txib

    Nyab laj pib--------------------------------ua rog tuaj ntaus
    Keeb hauv paus--------------------------------ces yog li no
    Pib swb hlo------------------------------lub yeej pham thiv
    Hmoob thiaj tsiv--------------------------los rau looj ceeb

    Nyab laj txeeb---------------------------ntaus nce tuaj mus
    Swb zuj zus-----------------------------tas lawm tsheej tog
    Ob phav nplog-------------------------thiaj los  sau ntawv
    Cog lus tawv---------------------------muaj kaum yim nqe

    Sau ua ke----------------------------------tsis txhob sib tua
    Los sib sua-----------------------------------ua neej ua tsav
    Tsis txhob xav---------------------------txog yav tas lawm
    Sawv daws tawm-----------------------los nyob ywj pheej

    Kom txhua leej---------------------tsis muaj txim txhaum
    Dag hais haum-----------------------nplog liab pib nrhiav
    Ntes mus txiav---------------------------tsis pub neeg pom
    Hmoob cov nom----------------------ploj lawm coob leej

    Kev paub meej----------------------yog Phas Nyas Npis
    Nplog sab xis----------------------------------46 txhiab tus
    Raug coj mus-----------------------------tua rau moos xais
    Nrog Huab Tais---------------------lawv tsev neeg kheej

    Cov txiv neej------------------------------tsis hais leej twg
    Siab yau rwg-------------------------ntshai tsam raug ntes
    Muaj npe ces--------------------------yeej raug txhom tag
    Hais tsis dag----------------------------muaj tseeb tiag tiag

    Thiaj sau kiag---------------------------tseg ua puav pheej
    Hmoob lub neej---------------------------yav tas los lawm
    Rau nej kawm--------------------------thiab tseg ua tshuaj
    Cov tsis tuaj----------------------tham ntshai kawg nkaus

    Loj me laus-------------------------------piav hais tib hom
    Lawv cov pom-----------------------------tuaj tham li nov
    Qhia peb cov------------------------------xub khiav ua ntej
    Peb Hmoob nej-----------------------raug luag muab txov

    Hlob Vaj Pov--------------------------thiaj tau khiav ntab
    Dhau thaib sab--------------------------mus rau nom nrim
    Thiaj khiav dim---------------------------txoj sia tuaj mus
    Li tau pus---------------------------------ib feem tuaj dhau

    Tshuav cov yau--------------------------poob rau tom qab
    Tawg ua sab-----------------------------thiab khiav ua sua
    Nkaum puv ntua--------------------------toj roob hauv pes
    Ntshai luag ntes---------------------------coj mus rau txim

    Nkaum kom dim----------------------txhob raug luag ntes
    Ib feem ces------------------------------lam nyob hauv zos
    Tsuas pu tos--------------------------------saib luag ua cas
    Tos lawv ras-----------------------------twb mag voj hmab

    Khi tsheej pab----------------------------mus xam mas nas
    Rau tom nras--------------------------nroog tiaj rhawv zeb
    Cov nyob deb----------------------------hauv tej nroog loj
    Raug luag soj------------------------------tuaj ntes tug zus

    Raug coj mus-------------------------------lawm huv tib si
    Hmoob thiaj li------------------------sawv thaiv kev chim
    Vim nplog tsim--------------------------cov nyob tom qab
    Rog cob fab----------------------------mam pib sawv chiv

    Teev niam txiv---------------------------cob fab tswv ntuj
    Yog yam txuj------------------------------tsis tau hnov dua
    Hmoob sawv tua--------------------nyob roob phuv npiab
    Xyoo ib txhiab-------------------------------ib cuaj xya rau

    Hmoob sib sau------------------------yeej coob heev diam
    Muaj poj niam-----------------------nrog nraim txhua pab
    Npe cob fab-------------------------------yog nplog tis rau
    Peb Hmoob tau-------------------------------ib lub npe zoo

    Muaj txoj Hmoo--------------------------ua neej huaj vam
    Leej twg tham-----------------------------txog npe cob fab
    Ntuj tseem pab---------------------------tsis pub kom ploj
    Pab thawj coj---------------------------nyaj nej yuav hnov

    Lub npe nrov-----------------------------rau yav nram ntej
    Qhia rau nej---------------------------tias Yaj Xaiv Suav
    Sawv los tuav-----------------------------pawg pav tiv kas
    Kaus mas das----------------------cim Zoov Zuag Hawj

    Ua tuam thawj---------------------------tuav pawg cob fab
    Nkawv ob pab----------------------------sib koom ua luag
    Sawv los puag------------------------peb haiv me Hmoob
    Nkaum toj roob-------------------------hauv pes txhua tag

    Nyob tiv nag--------------------------------sawv nrog lo av
    Zaum tiv tshav----------------------nyiaj tshaib yoo nqhis
    Sawv tswj lis-----------------------------hauj lwm tauj tab
    Muaj ib pab------------------------------yog cov pub thawj

    Niam Na Kawj-----------------------los teev koom txoos
    Lawv kuj khoos---------------------------tua nyob nas tub
    Yog Kha Xub---------------------------ua tus tuam thawj
    Cov pub thawj-------------------------------coj fab tub rog

    Yuav piav txog--------------------------pab khej kaum ob
    Phu koos qhob------------------yog Xyooj Ntsuab Pov
    Coj ib cov-----------------------------tub rog Hmoob coob
    Nkaum toj roob---------------------------rau sab phu npas

    Kaus mas das-----------------------cim Vaj Nchaiv Hwj
    Sawv los tswj---------------------------sab puag thab xuab
    Pab Hmoob ntsuab--------------------yog Vaj Tsav Kab
    Coj ntau pab----------------------------nyob rau tsua tawg

    Muaj ib pawg---------------------------sawv sab qaum teb
    Raws li ntxheb---------------------------tuaj rau peb hnov
    Muas Txawj Pov---------------------ua pawg khov kho
    Nyob tsua tho---------------------------hav pas dej ntshiab

    Coj ib txhiab-------------------------------tus tub rog leem
    Hav naj theem-------------------------yog Vaj Tswv Kim
    Sawv los cim---------------------------lub me npe Hmoob
    Nrov mus thoob-----------------------toj roob phuv npiab

    Pab naj hiab--------------------------yog Vam Kaim Vwj
    Sawv los tswj-------------------------sab puag moos mauj
    Sib cog lauj-----------------------------cov qub riam phom
    Sawv kwv nyom-----------------------raws nplog liab tua

    Nyob roob qhua-------------------------zos phu pham cob
    Hos cov nyob-----------------------teb chaws moos pheeb
    Yawg Tooj Neeb--------------ntawm pawg Hmoob thoj
    Sawv los coj------------------------------tua nyob tiaj qhib

    Pab ham ib---------------------------------nrog cov naj gwj
    Pawg tsua qwj---------------------yog yawg Lauj Thoob
    Ntau pab Hmoob---------------------nyob roob phuv xam
    Lawv kuj tham----------------------------nrog cov nab los

    Mus nrog tos----------------------------cov kieb xais qhais
    Sib cog pais----------------------------koom nrog zov kev
    Pab phuv xev------------------------yog yawg Koos Ham
    Coj thab ham---------------------------tua lav nees nkaum

    Lawv kuj caum----------------------------nyab laj nas xus
    Hmoob tau mus--------------------------tua choj kev loom
    Lawv sib koom--------------------------siab ua kawg kiag
    Pab roob yiag---------------------yog Koo Txawj Nchai

    Sawv tsis ntshai----------------------nrog yawg Yaj Neeb
    Nkawv tua txeeb------------------------sab roob pham guj
    Teev tswv ntuj--------------------------los nrog thaiv ntag
    Roob xyoob dag-------------------------nrog cov phuv hej

    Hmoob tuav nplej-----------------------ua mov phaj tshab
    Coj ntau pab---------------------------tua qhov txhia chaw
    Kab lwj hlaw----------------------------yog nyab laj khiav
    Hmoob tau txiav-----------------------ntau txoj kev tsheb

    Nyob tsis deb--------------------------ntawm sab hoib qha
    Qhaib nab qa--------------------------kuj raug Hmoob tua
    Nram liaj qhua-----------------------Hmoob kuj txeeb tau
    Pham au lau---------------------------Hmoob kuj tau nyob

    Qab tsuas xob-----------------------yog Xaiv Suav pawg
    Nyab laj tawg----------------------khiav tshwm looj ceeb
    Hmoob kuj txeeb-----------------------tau nroog moos oo
    Ntau lub xyoo---------------------------------coj poj tub se

    Nyob ua ke----------------------------------tiv tua tsov rog
    Yuav piav txog-------------------------sab zos dej tshuam
    Yaj Txoov Tuam----------------------ua tuam thawj coj
    Kev nyob noj---------------------------------ti sab phuv laj

    Zov nyab laj------------------------txog pham thab khoob
    Xyooj Vam Soob-----------------------nyob sab thas xes
    Sawv los nres----------------------------roob hav xam leej
    Thiaj qhia meej--------------------------rau nej paub tseeb

    Yawg Xyooj Xeeb---------------------nres sab nab loom
    Nws kuj koom------------------------pab nyob moos oom
    Peb kuj pom----------------------yawg Lauj Paj Npliam
    Thau phom riam------------------------phom peb cuv tsib

    Sawv los qhib----------------------------tua cov nplog liab
    Yawg Qha Kieb--------------------thiab yawg Npus Cas
    Plhu puas tas----------------------------khiav tsis saib qab
    Rau moos cab------------------------lawm tiag cov npawg

    Lawv cov yawg--------------------------sawv los nrog coj
    Kev nyob noj------------------------------rau ntuj qub qab
    Kuj tshaib plab---------------------thiab txom nyem heev
    Rho nyiaj keev--------------------------yuav mos txwv tiv

    Nrhiav kev tsiv----------------------thiaj tshwm sab thaib
    Li tuaj laib---------------------------------rau teb chaws no
    Tshuav ib co-------------------------tseem nyob xub tsuag
    Cov seem tuag------------------------------thiaj li yog peb

    Thiaj muab ntxheb------------------------rau nej paub zoo
    Noj caus ntoo---------------------ntxuag me nplooj hmab
    Ntuj qub qab------------------------kuj tseem tshuav coob
    Nyob toj roob-----------------------tseem kwv riam phom

    Nplog liab txhom----------------------thiab raws lawv tua
    Lus moo cua-------------------------peb tseem hnov thiab
    Mob lub siab------------------------npaum kua txob ntsim
    Txoj kev chim---------------------------tsis muaj caij xaus

    Hmoob tej laus--------------------------thov pab tswv yim
    Kom lawv dim--------------------------thiab coj lawv tuaj
    Txoj kev quaj---------------------------thiaj yuav tsis pom
    Thov cov nom---------------------------nrog peb mus hais

    Vim nplog cais-------------------------thiab tsis hlub lawv
    Peb sau ntawv--------------------------mus rau koom haiv
    Kom lawv xaiv-----------------------kev rau Hmoob taug
    Thiab tsis raug-----------------------nplog muab lawv tua

    Li tej npua---------------------------------thiab tej me qaib
    Cawm puas laib------------------------cov nyob hav zoov
    Noj mov soov---------------------ntxuag mov qos ncoom
    Thov sib koom---------------------------siab mus nrog tos

    Cov nyob los-----------------------lawv txom nyem kawg
    Nej cov yawg------------------------------lus siab puas ras
    Peb xav mas----------------------------lawv tuav lub koob
    Ntawm peb Hmoob---------------------lub neej pem suab

    Thov peb muab-------------------------lawv ua keeb kwm
    Nrhiav kev tshwm-------------------------cev tes mus pab
    Cov hav fab------------------------------raws peb kom laib
    Txoj kev tshaib------------------------thiaj yuav tsis ntsib

    Li paub pib--------------------------------lub neej tom ntej
    Hos lawv tej-------------------------txiaj ntsha txiaj ntsim
    Thov peb cim------------------------nyob rau nruab ntaub
    Qhia Hmoob paub------------------------rau cov xeeb leej

    Sau hais meej--------------------------rau cov xeeb ntxwv
    Txhob muab lwv---------------------khaws ua puav pheej
    Hmoob lub neej-------------------------nyob rau xov tshoj
    Txoj kev ploj---------------------Hmoob tuag lawm coob

    Puv toj roob-------------------------------thiab cov kwv ha
    Lub koob ncha-------------------------mus thoob ntiaj teb
    Luag paub peb--------------------ces neej Hmoob tshwm
    Hmoob keeb kwm-------------------yuav nrog tshwm los

    Kuv lus ntos---------------------------------mas muaj li no
    Thov nej nco------------------------------cov ntuj qub qab
    Nyob hav fab-------------------------------ua npua teb dais
    Thov pab txais------------------------thiab hlub lawv mog

    Txawm  nyob nplog------------------------los kuj tib yam
    Vim lawv plam---------------------------poob rau tom qab
    Nyob thaib sab---------------------------rau zos qhov tsua
    Rau thaib tua-----------------------thiab mag thaib ncaws

    Thaib muab raws------------------------tuaj vaj tsev nqha
    Hmoob tej ntxa----------------------kuj raug thiab khawb
    Pab dej dawb----------------------------los mag thaib tsim
    Tsis muaj txim--------------------------kuj lam raug nkuaj

    Thaib tseem tuaj---------------------ncaws tawm vaj tsev
    Nyob ntug kev---------------------------mov noj tsis muaj
    Niaj hnub quaj------------------------los kua muag ntshav
    Ib qho av-----------------------------------tsis muaj ua tsev

    Rub siab ntev----------------------------npaum li naj khab
    Noj nplooj hmab--------------------nplooj ntoos yug siav
    Thiaj muab piav------------------------tej kev txom nyem
    Raug thaib lem------------------------thiab raug nplog tua

    Li tej npua------------------------------thiab tej nyuag tsiaj
    Muab cuab phiaj----------------------sim hmuv sim phom
    Yog nej pom----------------------------puas pab nrog hlub
    Raug thiab dub----------------------muab yuam rov nplog

    Ntau tus pog-----------------------------thiab ntau tus txiv
    Raug nplog siv--------------------------muab coj xauv tes
    Quaj nrov les--------------------------nyob tsev tsaus ntuj
    Txawm muaj txuj--------------------------los yeej tsis dim

    Mus nyob txim-------------------------ploj ntsiag tag tiam
    Tshuav poj niam----------------------thiab cov me nyuam
    Hos cov ruam-----------------------------nrog cov uas yau
    Tsuas nyo hau--------------------------rau nplog xwb tiag

    Thiaj sau kiag------------------------------los ua paj huam
    Qhia cov ruam----------------------------kom paub ib yam
    Thiaj muab tham-------------------------qhia rau nej tseeb
    Kev khib xeeb------------------------mob Hmoob lub siab

    Mus ib txhiab---------------------------tsis muaj hnub ploj
    Tsis txhob ntoj-----------------------------txoj kev no mog
    Yog ua rog-------------------------------tsis muaj luag pab
    Xws cob fab------------------------------ces kawg kev tws

    Txawm yuav yws---------------------ntiaj teb tsis txhawb
    Thov mab dawb-------------------------luag yeej tsis khes
    Xws cov ntses----------------------------nyob rau luag pas
    Maj mam nyas------------------------------cuab ib tug zus

    Ntev xyoo mus---------------------------ces kawg tu noob
    Peb cov Hmoob----------------------------nej puas to taub
    Yawg Paj Kaub-----------------------twb raug luag ntov
    Hais txog cov---------------------------muaj txoj sia nyob

    Xws yawg hlob-----------------------Nai Phoo Vaj Pov
    Luag twb txov--------------------------------mus huv tib si
    Nyas sib ntxhi---------------------soj ntsuam Hmoob qab
    Yog twg thab----------------------------ces kawg raug txo

    Zoo li no----------------------------------------nej xav li cas
    Kuv xav mas----------------------------tu siab tshaj plaws
    Nej sawv daws--------------------puas pom thiab Hmoob
    Cov feem coob----------------------pheej tsis mloog qhub

    Nyas maub dub------------------------------kov ub kov no
    Kawg rau txo---------------------------kev muaj vaj huam
    Raug luag thuam--------------------tias Hmoob txhoj pob
    Thov txhob txob------------------lawm mog Hmoob aw!!
    ( xaus li no )

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 25th August 2013, 11:19 am

    Hmoob yaj sab nrhiav nws

    Nkauj yaj sab-------------------tsab me ntawv hlub
    Nrhiav tus qub---------------------yav ntuj thaum I
    Suav txij li----------------------koj ncaim kuv mus
    Koj lo lus-------------------------kuv twb tsis hnov

    Ib tsab xov-------------------------los yeej tsis pom
    Lub meej mom--------------leej nus nraug Hmoob
    Tus cev soob-------------tham luag ntxhawv ntxhi
    Zoo cuag li----------------------leej tub nraug nom

    Thaum kuv pom------------thiab ntsib thawj zaug
    Ntshe hmoov raug-----------------thiaj li ntsib koj
    Li tau coj-------------------------------wb mus ua si
    Siab quaj dhi----------------------xav nrog koj mus

    Koj mam pus--------------------kuv nrog koj khiav
    Npaj tsis tiav-------------------------coj kuv tsis tau
    Lub siab npau------------------npaum dej kub hlab
    Tsis rov qab---------------------los nrhiav kuv dua

    Rau ntuj ncua-----------------------txoj me kev deb
    Ib rooj teb------------------------yav puag tom tsev
    Tej qub kev--------------------------wb me chaw so
    Kuv tseem nco-------------------------tus zoo li koj

    Xav txog txoj----------------------kev nyob sib zov
    Sib xa xov-----------------------txog txoj kev plees
    Hais seev yees----------------------tsis xav tso tseg
    Mob tej teg---------------------ua plawv yuav nres

    Yam tus ntses-------------------twb tuag ntab ntab
    Tsis pom qab-----------------------yuav hais lo twg
    Me phooj ywg--------------------tus kuv hlub es!!!
    Es nej ne!!----------------------puas tseem nco qab

    Zos yaj sab--------------------yav ntuj puag thaum
    Kev sib yaum------------------nrog peb noj tshoob
    Tsoom nraug Hmoob---------lawv tuaj tsheej pab
    Zaum ib sab-------------------nrog hais kwv txhiaj

    Nyob tsheej phiaj---------------lom zem xauv npo
    Ntuj tag hmo-----------------------tsis nco nroo sab
    Tau sib thab---------------------sib zeg zaum nyob
    Ce cawv txhob---------------------los rau peb haus

    Lawv cov laus------------------sawv los saib coob
    Tub ntxhais Hmoob--------------sib tw kwv txhiaj
    Zaum tsheej phiaj---------------suab seev yuj yees
    Kwv txhiaj plees----------nrog kwv txhiaj tshoob

    Cov tub Hmoob---------------nyob kaj ntug plaws
    Peb sawv daws----------------zom zem kawg kiag
    Tham ib pliag-------------------kuj txaus siab tshaj
    Lub ntuj kaj---------------------mam tau sib ncaim

    Tseem xav nraim---------------------tej lus qab zib
    Nplooj siab ib-------------------------tej me lus zoo
    Tsis nco nroo-------------------txog kev nyuaj siab
    Lub xyoo tshiab------------tawm plaws xyoo laus

    Tsov rog ntaus---------------lub teb chaws ntxhov
    Hlob vaj pov----------------khiav tawm teb chaws
    Hmoob sawv daws------------------noj los tsis qab
    Zaum tsheej pab------------------pw tsis tsaug zog

    Ntshai raug nplog-------------txoj kev quab yuam
    Tej ntse ruam----------------------los ntshai ib yam
    Sab laj tham-----------------------tag hnub tag hmo
    Yeej tsis nco-----------------------mus liaj mus teb

    Kev ntxhov ntxheb----------lub teb chaws nchuav
    Cuag av qhuav------------------------dej sib tw lau
    Peb thiaj tau---------------------plam txoj kev hlub
    Rau tim ub-------------------------yav ntuj qub qab

    Zos yaj sab------------------------txoj me kev tshua
    Ncaim li ncua-------------------nplooj siab dua rhe
    Txoj qub ke------------------------mus liaj mus teb
    Tso tag peb---------------ib tsoom ntxhais Hmoob

    Thiaj li poob-------------------rau teb chaws nplog
    Nej thiaj nrog------------------niam txiv khiav tuaj
    Txoj kev quaj--------------------ua kua muag poob
    Nco nraug Hmoob-----------------tus me neeg zoo

    Nej ncaim loo-----------------------lub zos toj siab
    Kua muag iab-----------------------thiaj ntws li nto
    Ntshe zaum no----------------yuav ncaim mus tiag
    Quaj kawg kiag--------tsoom tub ntxhais Hmoob

    Cov feem coob--------------------sib tw khiav ntab
    Dhau thaib sab------------------mus rau nom nrim
    Lub siab chim--------------------xav tsa suab quaj
    Nej ncaim tuaj--------------------rau teb chaws no

    Peb tseem nco---------------------leej nus nej tshaj
    Txoj kev npaj-------------------------ho tsis sib tau
    Los sib sau-------------------------koom ua ib cuab
    Me noog nquab-----------------tus me ntxim tawb

    Plu mos dawb-------------------lub suab seev yees
    Ces ntxhee yees----------------cuag me nraug nab
    Ncaim yaj sab---------------------tsis ntsib ib zaug
    Me hluas nraug-----------------------tus cev tsis loj

    Koj niam noj-------------------------dab tsi yug koj
    Zoo tam zoj-----------------------me txiv nraug hli
    Es yuav ci-----------------------mus thoob ntiaj teb
    Ua rau peb----------------------------nco nej ua luaj

    Puas yuav muaj------------------hnub rov sib ntsib
    Ntshe yuav pib--------------------tham kev sib nco
    Tsheej tag hmo-----------------los tham tsis dhuav
    Kev npau suav---------------------los tham tsis tag

    Lus tso dag--------------------------los yeej ib yam
    Txoj kev tham----------------ntshe tsis pov khawv
    Ntuj yuas lawv-------------------tus me nraug xwb
    Kuv mas twb---------------------niaj hnub seev koj

    Siab xav zoj--------------------puas rov ntsib thiab
    Ua nplooj siab--------------------rov fab lwm tiam
    Yog koj niam--------------------koj txiv lawv kam
    Rov tuaj tham--------------------thiab coj kuv mus

    Ua koj tus------------------------mus nrog koj nyob
    Koj muaj mob------------------thiaj muaj kuv saib
    Yog koj tshaib-------------------kuv nrhiav koj noj
    Kuv mob loj-----------------------ces koj nrog kho

    Sim neej no--------------------------nco koj ua luaj
    Kuv xav quaj----------------------vim tsis ntsib koj
    Lub plawv ntoj--------------------ces siav yuav yaj
    Nco koj tshaj----------------------nyob rau tiam no

    Puas tseem nco------------------------tus zoo li kuv
    Wb chaw thuv---------------------twb fab tuaj nroj
    Hais txog koj--------------------puas nco kuv thiab
    Me nplooj siab--------------------tus kuv nco tshaj

    Yeej tsis daj---------------------------os me leej nus
    Nej ncaim mus--------------lawm ploj ntsiag niab
    Mob kuv siab------------------ib nthwv yuav poob
    Leej nus hmoob---------------puas tseem pab hlub

    Li thaum ub------------------nyob ntawm peb tsev
    Koj dua kev---------------------lub suab luag ntxhi
    Ntuj tsaus hli--------------------sawv ntawm ib sab
    Tuav kuv npab-----------------thiab hnia kuv plhu

    Kuv mam hu-------------------------tias koj tuaj los
    Cov lus ntos--------------------puas nco ntsoov cia
    Zais tsis qhia----------------------rau leej twg paub
    Niaj hnub saub-------------------txog koj xwb tiag

    Tib me pliag--------------------koj ncaim mus deb
    Ib rooj teb------------------------sab ntuj nraum ub
    Tus kuv hlub--------------------nco tshav ntuj nrig
    Ntuj puas tig----------------------------wb los ua ke

    Noj sib ce----------------------------rov tau sib hlub
    Li thaum ub----------------------lub teb chaws zoo
    Ncaim ntau xyoo---------------ntshe koj hnov qab
    Yuav tau nyab---------------------muaj tub muaj ki

    Luag ntxhawv ntxhi--------------koj tej qaws tsho
    Thiaj tsis nco---------------------kuv li lawm paub
    Tsis hnov saub--------------------los txog hnub no
    Kuv tseem nco-----------------tsis paub yuav ploj

    Puas los ntoj----------------nrhiav kuv hauv nplog
    Yog los txog-----------------------tseem zoo li qub
    Yav thaum ub------------------------lub zos yaj sab
    Nroog moos cab-----------------wb chaw kav kiab

    Huab pos niab-------------------saum tej hauv tsua
    Tej me cua---------------------tseem tuaj txias zias
    Yeej xav tias----------------------tsis tau sib ncaim
    Tseem xav nraim--------------txog kev txiav taws

    Peb teb chaws-----------------------zoo li qub ntag
    Yeej tsis dag---------------------nplooj sib tw hlav
    Pom pa av--------------------------ncho oov li niab
    Tej me kiab-----------------------thiab cov me khw

    Nws tseem tsw-------------------------pa qij pa dos
    Qub zej zos-----------------txawm ciaj hav ntxhov
    Yog koj rov------------------------los teb chaws no
    Txoj kev nco-----------------tseem zoo txhua yam

    Wb mam tham-----------------txog kev mob hlwb
    Cev nkauj xwb--------------yeej tseem ntxim hlub
    Li thaum ub--------------------------koj tso nws cia
    Tus mob ntxhia-----------------thiaj yuav ploj mus

    Me leej nus-------------------------tus me cev soob
    Leej nus Hmoob----------------zoo ntxim hlub e!!
    Es koj ne!!--------------------puas tseem nco lawm
    Cev nkauj ntxawm-------------tseem nyob tos koj

    Thaj teb nroj---------------------wb ib txwm nthua
    Nws tseem tshua------------------koj kawg kiag os
    Tseem nyob tos----------------ntsia xub ke ntsoov
    Tsis tau hloov----------------lub siab nawb mog./.

    Xaus li no

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 3rd November 2013, 3:57 am

    Hmoob nt wrote:





    [size=24]Hmoob lub kua muag ntshav


    Ntawm no mus……………………yog lus paj huam
    Yuav hais tshuam…………..Hmoob poj txwv yawm
    Nws xeeb txawm……………..nyob moos nkaus lias
    Muam nkauj nplias……………….thiab tsab yim huj

    Teev tswv ntuj………………………los ua thawj coj
    Haiv Hmoob loj…………………muaj koob nto npe
    Nyob ua kev………………………...ib haiv sib hlub
    Tsis sib ntxub………………...koom nyob ywj pheej

    Kev ua neej …………………….tsis nco qab txhawj
    Hmoob tsis thawj………………….….leej twg hlo li
    Muaj txuj ci……………………….ua neej huaj vam
    Suav kooj sam……………….dag Hmoob cais xeem

    Hmoob txawm yeem……………...…li suav tau hais
    Ntes Hmoob hlais…………..…….thiab ua rog raws
    Hmoob teb chaws………….……thiaj nrog poob tag
    Raug suab dag………………..cov ruam ntxeev siab

    Coj ntau txhiab…………………...rov taw tuam ntuj
    Qhia Hmoob txuj………………… rau suav lwj lam
    Suav liab mam………..……..txo Hmoob txiv yawg
    Hmoob thiaj tawg…………….……mus ua ntau pab

    Khiav ua sab……………….….…thiab nyob ua sua
    Ntau pab lua…………………….rau suav kooj sam
    Hmoob thiaj plam……………teb chaws tuam tshoj
    Ho khiav zoj……………………..los dhau ciam teb

    Thiaj muab ntxheb……..……ntos Hmoob lub keeb
    Nyob moos theeb……………….teb chaws cob tsib
    Hmoob rov pib…………….…….sawv ua rog vwm
    Tuav keeb kwm……………….raws Hmoob txuj ci

    Es thiaj li…………………………..yog vwj paj cai
    Sawv tsis ntshai……………………los ua thawj coj
    Kev nyob noj………………….thaj yeeb nyab xeeb
    Hmoob tua txeeb……………….kev muaj vaj huam

    Fab kis yuam ………………………thiab sau se loj
    Teev niam toj…………………...raws fab kis tawm
    Muaj tswv cawm…………….....los muab hais xaus
    Txawm pib nkaus…………………...ua rog cob tsib

    Nyab laj pib………………………..ua rog loj nteev
    Nyob nram xeev……………….txhua txhia lub yeej
    Viej koom keej………………….ua rog kawg nkaus
    Nkagtuaj ntaus………………….….tub rog mes kas

    Nyob lub nras…………………nroog tiaj rhawv zeb
    Ua rau peb………………………...…tsis zoo ua noj
    Hmoob tus coj……………………yog  hlob vaj pov
    Mes kas thov………………....kom Hmoob mus pab

    Ua laj kab……………………..thaiv lawv haiv neeg
    Hmoob thiaj ntseeg………………...mes kas lus cog
    Peb sau zog………………………...ua luag tub txib
    Nyab laj pib……………………….ua rog tuaj ntaus

    Keeb hauv paus………………………..ces yog li no
    Pib swb hlo……………………. .lub yeej pham thiv
    Hmoob thiaj tsiv………………..….los rau looj ceeb
    Nyab laj txeeb…………………...ntaus nce tuaj mus

    Swb zuj zus…………………......tas lawm tsheej tog
    Ob phav nplog…………………..thiaj los  sau ntawv
    Cog lus tawv…………………....muaj kaum yim nqe
    Sau ua ke…………………………..tsis txhob sib tua

    Los sib sua……………………koom nyob ywj pheej
    Kom txhua leej…………........tsis muaj txim txhaum
    Dag hais haum………………...nplog liab pib nrhiav
    Ntes mus txiav……………………tsis pub neeg pom

    Hmoob cov nom……………..…ploj lawm coob leej
    Kev paub meej……………..……yog phas nyas npis
    Nplog sab xis………………….……….46 txhiab tus
    Raug coj mus…………………..….tua rau moos xais

    Nrog huab tais………………....lawv tsev neeg kheej
    Cov txiv neej…………………...…..tsis hais leej twg
    Yeej ntshai rwg……………….…....ib tsam raug ntes
    Muaj npe ces………………........yeej raug txhom tag

    Yeej tsis dag……………………..muaj tseeb tiag tiag
    Thiaj sau kiag……………………..tseg ua puav pheej
    Hmoob lub neej………………yav tas los lawm
    Rau nej kawm …….............thiab tseg ua tshuaj

    Cov tsis tuaj……………….tham ntshai kawg nkaus
    Loj me laus………………..piav hais tib yam
    lawv tuaj tham…………….qhia cov ua ntej
    peb Hmoob nej…………….raug luag muab txov

    hlob vaj pov…………………thiaj li khiav ntab
    dhau thaib sab………………mus rau nom nrim
    nplog liab tsim………………cov nyob tom qab
    Rog cob fab………………..li pib sawv chiv

    Teev niam txiv……………..cob fab tswv ntuj
    Yog yam txuj………………..tsis tau hnov dua
    Hmoob sawv tua……………nyob roob phuv npiab
    Xyoo ib txhiab………………..cuaj puas xya caum rau

    Hmoob sib sau………………yeej coob heev diam
    Muaj poj niam……………….nrog nraim txhua pab
    Npe cob fab ……………………yog nplog tis rau
    Peb Hmoob tau……………..ib lub npe zoo

    Muaj txoj Hmoo……………..ua neej huaj vam
    Leej twg tham………………txog npe cob fab
    Ntuj tseem pab……………….tsis pub kom ploj
    Pab thawj coj………………nyaj nej yuav hnov

    Lub npe nrov……………………rau yav nram ntej
    Qhia rau nej…………………….tias yaj xaiv suav
    Sawv los tuav…………………..pawg pav tiv kas
    Kaus mas das…………………cim zoov zuag hawj

    Ua tuam thawj………………….tuav pawg cob fab
    Nkawv ob pab………………..sib koom ua luag
    Sawv los puag ………………..peb haiv me Hmoob
    Nkaum toj roob……………….hauv pes txhua tag

    Nyob tiv nag……………….sawv nrog lo av
    Zaum tiv tshav…………….nyiaj tshaib yoo nqhis
    Sawv tswj lis…………………hauj lwm tauj tab
    Muaj ib pab ………………..yog cov pub thawj

    Niam na kawv……………….los teev koom txoos
    Lawv kuj khoos………………..tua nyob nas tub
    Yog kha xub………………..ua tus tuam thawj
    Cov pub thawj………………..coj fab tub rog

    Yuav piav txog……………….cov khej kaum ob
    Phu koos qhob………………..yog xyooj ntsuab pov
    Coj ib cov…………………….pawg tub rog coob
    Nkaum toj roob………………rau sab phu npas

    Kaus mas das…………………..yawg vaj nchaiv hwj
    Sawv los tswj …………………..sab puag thab xuab
    Pab Hmoob ntsuab……………….yog vaj tsav kab
    Coj ntau pab…………………….nyob rau tsua tawg

    Muaj ib pawg………………..sawv sab qaum teb
    Li muab ntxheb…………………rau nej nrog hnov
    Muas txawj pov…………………ua pawg khov kho
    Nyob tsua tho……………………hav pas dej ntshiab

    Coj ib txhiab………………………..tus tub rog leem
    Hav naj theem…………………..yog vaj tswv kim
    Sawv los cim…………………….lub me npe Hmoob
    Nrov mus thoob………………..toj roob phuv npiab

    Pab naj hiab……………………..yog vam kaim vwj
    Sawv los tswj…………………sab puag moos mauj
    Sib cog lauj…………………….cov qub riam phom
    Sawv kwv nyom……………….raws nplog liab tua

    Nyob roob qhua………………..zos phu pham cob
    Hos cov nyob……………………teb chaws moos pheeb
    Thoj tooj neeb………………….. ntawm pawg Hmoob thoj
    Sawv los coj………………..tua nyob tiaj qhib

    Pab ham ib……………………nrog cov naj gwj
    Pawg tsua qwj………………….yog yawg lauj thoob
    Ntau pab Hmoob………………nyob roob phuv xam
    Lawv kuj tham………………..nrog cov naj los

    Mus nrog tos…………………cov kieb xais qhais
    Sib cog pais………………….koom siab zov kev
    Pab phuv xev…………………..yog yawg koos ham
    Coj thab ham…………………tua lav nees nkaum

    Lawv kuj caum………………..nyab laj nas xus
    Hmoob tau mus……………….tua choj kev loom
    Lawv sib koom………………….siab ua kawg kiag
    Pab roob yiag………………yog koo txawj nchai

    Sawv tsis ntshai………………nrog yawg yaj neeb
    Nkawv tua txeeb……………..sab roob pham guj
    Teev tswv ntuj……………….los nrog thaiv ntag
    Roob xyoob dag……………….nrog cov phuv hej

    Hmoob tuav nplej………………ua mov phaj tshab
    Coj ntau pab…………………tua qhov txhia chaw
    Kab lwj hlaw…………………yog nyab laj khiav
    Hmoob tau txiav……………….ntau txoj kev tsheb

    Nyob tsis deb……………………….ntawm sab hoib qha
    Qhaib nab qa…………………..kuj raug Hmoob tua
    Nram liaj qhua………………….Hmoob kuj txeeb tau
    Pham au lau………………………..Hmoob kuj tau nyob

    Qab tsuas xob…………………….yog xaiv suav pawg
    Nyab laj tawg……………….khiav txog looj ceeb
    Hmoob kuj txeeb………………tau nroog moos oo
    Ntau lub xyoo…………………coj poj tub se

    Ua nyob ke ………………….tiv tua tsov rog
    Yuav piav txog……………….sab zos dej tshuam
    Yaj txoov tuam……………..ua tuam thawj coj
    Kev nyob noj……………….ti sab phuv laj

    Zov nyab laj………………txog pham thab khoob
    Xyooj vam soob…………..nyob sab thas xes
    Sawv los nres………………roob hav xam leej
    Thiaj qhia meej……………rau nej paub tseeb

    Yawg xyooj xeeb…………..nres sab nab loom
    Nws kuj koom …………….sab puag moos oom
    Peb kuj pom………………..yawg lauj paj npliam
    Thau phom riam………………phom peb cuv tsib

    Sawv los qhib………………..tua cov nplog liab
    Yawg qha kieb……………….thiab yawg npus cas
    Plhu puas tas………………..khiav tsis saib qab
    Rau moos cab…………………lawm tiag cov npawg

    Lawv cov yawg……………….sawv los nrog coj
    Kev nyob noj………………….rau ntuj qub qab
    Kuj tshaib plab………………….thiab txom nyem heev
    Rho nyiaj keev…………………..yuav mos txwv tiv

    Nrhiav kev tsiv…………………thiaj tshwm sab thaib
    Li tuaj laib ………………………rau teb chaws no
    Tshuav ib co……………………..tseem nyob xub tsuag
    Cov seem tuag……………………..thiaj li yog peb

    Li muab ntxheb…………………..rau nej paub zoo
    Noj caus ntoo………………………ntxuag me nplooj hmab
    Ntuj qub qab…………………….kuj tseem tshuav coob
    Nyob toj roob ……………………tseem kwv riam phom

    Nplog liab txhom…………………..thiab raws lawv tua
    Lus moo cua………………………peb tseem hnov thiab
    Mob lub siab……………………npaum kua txob ntsim
    Txoj kev chim…………………….tsis muaj caij xaus

    Hmoob tej laus…………………….thov pab tswv yim
    Kom lawv dim………………………thiab coj lawv tuaj
    Txoj kev quaj………………………thaj yuav tsis pom
    Thov cov nom……………………..nrog peb mus hais

    Vim nplog cais……………………thiab tsis hlub lawv
    Peb sau ntawv…………………….mus rau koom haiv
    Kom lawv xaiv…………………….kev rau Hmoob taug
    Thiab tsis raug……………………..nplog muab lawv tua

    Li tej npua…………………………thiab tej me qaib
    Cawm puas laib…………………..cov nyob hav zoov
    Noj mov soov……………………ntxuag mov qos ncoom
    Thov sib koom ………………….siab mus nrog tos

    Cov nyob los…………………….lawv txom nyem kawg
    Nej cov yawg…………………….lus siab puas ras
    Peb xav mas……………………..lawv tuav lub koob
    Ntawm peb Hmoob……………..lub neej pem suab

    Thov peb muab………………….lawv ua keeb kwm
    Nrhiav kev tshwm…………………cev tes mus pab
    Cov hav fab………………… raws peb kom laib
    Txoj kev tshaib……………..thiaj yuav tsis ntsib

    Li paub pib………………….lub neej tom ntej
    Hos lawv tej…………………txiaj ntsha txiaj ntsim
    Peb muab cim………………….sau rau nruab ntaub
    Qhia Hmoob paub…………………rau cov xeeb leej

    Sau hais meej……………………qhia cov xeeb ntxwv
    Txhob muab lwv………………….cia ua puav pheej
    Hmoob lub neej…………………….nyob rau xov tshoj
    Txoj kev ploj………………………Hmoob tuag lawm coob

    Puv toj roob……………………..thiab cov kwv ha
    Lub koob ncha……………………mus thoob ntiaj teb
    Luag paub peb…………………….ces neej Hmoob tshwm
    Hmoob keeb kwm……………………yuav nrog tshwm los

    Kuv lus ntos…………………………..mas muaj li no
    Thov nej nco………………………cov ntuj qub qab
    Nyob hav fab………………………ua npua teb dais
    Thov pab txais………………….thiab hlub lawv mog

    Txawm  nyob nplog……………….los kuj tib yam
    Vim lawv plam………………….poob rau tom qab
    Los thaib sab…………………..nyob rau qhov tsua
    Rau thaib tua……………………thiab mag thaib ncaws

    Thaib muab raws………………….tuaj vaj tsev nqha
    Hmoob tej ntxa……………………kuj raug thiab khawb
    Zos dej dawb…………………los raug thiab tsim
    Tsis muaj txim………………..kuj lam raug nkuaj

    Thaib tseem tuaj………………….ncaws tawm vaj tsev
    Nyob ntug kev…………………….mov noj tsis muaj
    Niaj hnub quaj……………………los kua muag ntshav
    Ib qho av………………………..tsis muaj ua tsev

    Rub siab ntev…………………….npaum li naj khab
    Noj nplooj hmab…………………nplooj ntoos yug siav
    Thiaj muab piav………………….tej kev txom nyem
    Raug thaib lem………………….thiab raug nplog tua

    Li tej npua………………….thiab tej nyuag tsiaj
    Muab cuab phiaj………………sim hmuv sim phom
    Yog nej pom……………………puas pab nrog hlub
    Raug thiab dub …………………muab yuam rov nplog

    Ntau tus pog………………………thiab ntau tus txiv
    Raug nplog siv…………………muab coj xauv tes
    Quaj nrov les…………………..nyob tsev tsaus ntuj
    Txawm muaj txuj…………………..los yeej tsis dim

    Nyob pw txim…………………………ploj ntsiag tag tiam
    Tshuav cov niam…………………….thiab cov uas yau
    Ces nyo hau………………………..rau nplog lawm tiag
    Thiaj sau kiag………………………tseg ua paj huam

    Qhia cov ruam………………………kom paub ib yam
    Thov muab tham…………………….khaws tau kom tseeb
    Kev khib xeeb……………………….mob Hmoob lub siab
    Mus ib txhiab……………………….tsis muaj hnub ploj

    Tsis txhob ntoj…………………….txoj kev no mog
    Yog ua rog……………………….tsis muaj luag pab
    Xws cob fab………………………ces kawg kev tws
    Txawm yuav yws…………………..ntiaj teb tsis txawb

    Yog mab dawb………………………luag yeej tsis khes
    Yam cov ntses……………………..nyob rau luag pas
    Maj mam nyas……………………..noj ib tug zus
    Ntev xyoo mus…………………..ces kawg tu noob

    Peb cov Hmoob…………………….nej puas to taub
    Txawm paj kaub………………….twb raug luag ntov
    Hais txog cov……………………….muaj txoj sia nyob
    Xws yawg hlob……………………….nai phoo vaj pov

    Raug luag txov………………………zoo tib yam li
    Luag sib ntxhi………………………soj ntsuam Hmoob qab
    Yog twg thab………………………ces kawg raug txo
    Zoo li no………………………….nej xav li cas

    Kuv xav mas……………………tu siab tshaj plaws
    Nej sawv daws…………………puas pom thiab os./.

    ( xaus li no )[/size]


    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304



    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 3rd November 2013, 6:50 am

    KEV NTUAS HMOOB

    Kuv thov ntos ------------txog peb tsoom Hmoob
    Nyob toj roob----------------------hauv pes yaj sab
    Muab tham tshab--------------qhia rau sawv daws
    Tsuas tham raws----------------tej kev tshwm sim

    Yeeb yog vim------------------kuv ho yog Hmoob
    Tsam lub koob---------------------ho nrog tsis zoo
    Thiaj muab nroo----------------ua lus qhuab ntuas
    Qhia cov hluas-----------------thiab cov tseem yau

    Kom ho tau-------------------nrog paub qhov tseeb
    Los nrog teeb-------------------txog kev txhim kho
    Raws li nco-----------------------lub neej poob qab
    Nyob yaj sab-----------------------tsis paub dab tsi

    Hnov luag ntxhi---------------tias yeeb zoo tshuaj
    Leej twg muaj---------------------ces zoo lag luam
    Vim yeej ruam-----------------tsis paub txhim kho
    Tsis nrog nco-------------------yaj yeeb muaj txim

    Yuav raug tsim------------------thaum luag nte tau
    Haus tsis tsau--------------------ho muaj yees quav
    Plhu nphob xuav-------------ntsej muag daj tseem
    Twg fab peem----------------------txoj kev no mas

    Neej pluag tas------------------tsis nrog luag muaj
    Txob yeeb tshuaj--------------tsis muaj tsoos hnav
    Pw yeeb lav------------------hnub qaig hnub ntseg
    Haus tsis tseg-----------------tsis txawj txaus yees

    Cuab thaj nkees----------------tej me khaub ncaws
    Ntuag ntshua zaws---------------mus ua tsheej kaj
    Txom nyem tshaj---------------tsev twg haus yeeb
    Neej khuam xeeb----------txom nyem khee kawv

    Tau phem ntawv------------------ua neej poob qab
    Ntxhais tsheej pab------------luag kuj ntshai yuav
    Tub nyuag puav---------------luag kuj ntshai tham
    Muaj qee tsam----------------raug luag xyav koob

    Yog thaj qoob----------------------phem ces ib cim
    Tsis tej lim--------------------yuav tag txij nkawm
    Yog hmoov sawm----------khaws tau xyob txhiaj
    Tsis tsim txiaj----------------yuav raug luag ntxub

    Tsheej pab tub------------------los raug luag xyeej
    Nws tus kheej-----------------xyaum txoj kev liam
    Lub neej piam-------------------ua neeg puas koob
    Nws thiaj poob-----------------mus rau luag ntxub

    Cov lus qhub--------------------qhia nej txhua leej
    Tag txiv neej------------------poj niam sawv daws
    Xyov yuav daws -------------------li cas thiaj dhau
    Kom tej yau---------------txhob xyaum haus yeeb

    Muab qhov tseeb-----------------coj los tham qhia
    Kom tig ntsia--------------------txog lub txim tuag
    Ev yeeb muag--------------------tsis zoo tswv yim
    Yeej tsis dim---------------------txoj kev mag cuab

    Kuv thiaj muab--------------------coj los tshaj qhia
    Tsis txhob cia-------------------puas koob tshaj no
    Kom nej nco------------------------kuv tej lus qhub
    Hmoob leej tub------------------thiaj sau hais meej

    Nej tus kheej--------------------tsis txhob cog yeeb
    Kev khuam xeeb------------------rau neej tom ntej
    Kaus quav ntsej-------------cuab pob ntseg mloog
    Txawm hais toog-----------------nej pob ntseg los

    Thov txhob nros--------------yuav mloog kom tog
    Thiaj tsis nrog--------------khaws tau phem ntawv
    Tuav plig rawv-----------------lub npe yog hmoob
    Tau lub koob-----------------tias neeg quav tshuaj

    Lag luam muaj--------------------ntau yam mus ua
    Thov nrauj ncua------------------lub neej cog yeeb
    Thiaj tsis xeeb-------------------txoj kev raug cuab
    Npe vaub tsuab--------------thiaj tsis raug Hmoob

    Coj lub koob-------------------nrog luag tsim txiaj
    Kev khwv nyiaj-------------nrhiav lag luam tshiab
    Kev nyuaj siab-----------------thiaj tsis nrog muaj
    Neej quav tshuaj----------------nyob pem toj roob

    Twg muaj koob--------------luag xuas yeeb pleev
    Luag zais hneev----------------kom txhob muaj lw
    Thaum quav tsw--------------xyob txhiaj raws tau
    Dhia tsis dhau-------------------pom yeeb yaj kiab

    Neej khuam siab-------------cuag khaws tau puag
    Poj ua ntsuag--------------------tsis muaj neeg pab
    Nyiaj puv hnab----------------------los pab tsis tau
    Thiaj qhia rau----------------peb ib tsoom Hmoob

    Nyob toj roob------------------tsis txhob cog lawm
    Nrhia kev tawm---------------txoj kev phem koob
    Kom ho poob---------------------ploj mus kom tag
    Tsis txhob mag------------------luag cuab luag khi

    Zoo xws li---------------------------yus yog tej tsiaj
    Tsis tsim txiaj---------------------------tus dab tsi li
    Pos muag nti--------------------tsis muaj vaj huam
    Thov txhob ruam----------lawm mog peb Hmoob

    Sawv tuav koob-----------------kom peb muaj npe
    Noj sib ce---------------------------ho haus sib hlub
    Luag tsis ntxub--------------peb tsev neeg Hmoob
    Thiaj muaj koob------------nrog luag sawm txhiaj

    Neej tsim txiaj------------------peb nrog luag pom
    Lub npe nom-----------------------thiaj tau nrog ua
    Muab nrauj cua---------------tsis txhob quav ntsej
    Peb thiab nej----------------------xav tau zoo koob

    Lub npe hmoob-----------------kom yog neeg ncaj
    Ua tsheej thaj--------------------kom yog zoo qoob
    Me nyuam coob---------------muaj mov txaus noj
    Nyob koom npoj------------sawv daws luag ntxhi

    Zoo xws li--------------------------tes tsau taws cig
    Neej kaj nrig--------------------muaj koob zoo dua
    Muaj nrauj ncua---------------tsis txhob kov lawm
    Peem kev tawm------------------ua neeg tsim txiaj

    Neej sawm txhiaj-------------yog neeg mloog hais
    Noj tsis cais--------------------haus yeej tsis ntxub
    Muaj kev hlub-----------------thiaj raws cuag luag
    Lub neej ntsuag----------------thiaj yuav tsis ntsib

    Li paub pib----------------------txoj kev vam meej
    Thiaj peem tsheej-----------------txoj kev kaj siab
    Lub neej tshiab---------------thiaj yuav nrog ntsib
    Yog peb pib-------------------------ua lub neej zoo

    Neej nto moo------------------yeej raws cuag xwb
    Peb muaj hlwb-------------------zoo tib yam nkaus
    Txawm tej laus--------------------los yog tej hluas
    Mloog qhuab ntuas-----------yeej pom xwb tiag./.
    ( xaus li no )


    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  xiongchang on 3rd November 2013, 7:32 am

    ......Nyob zoo os?....Phooj ywg!....Hmoob ntuj tsiab....Ua tsaug....Koj tej lug....(Qhub - Qhuab - Ntuag)....Hmoob ras xeev....Ua haiv geeg....(Zoo)....Koj siv sij hawm ntau....Muaj nuj nqis....Sau ntaus paj huam....(Qhub - Qhuab - Ntuag - Hmoob)...."Tas sis"....Zoo li tshuab raj....Tsiaj pob ntseg xwb....Tsi muaj tug....Tuaj nyeem khaws....Koj tej lug nyiaj - Lug kub ua neej li....Xyov yuav pes tsawg....Pua xyoo tom ntej no....Hmoob mam ras xeev os?....Zoo siab ua tsaug ntau....Koj siv sij hawm ntev kawg nkaug....Ntos txhua zaj paj huab....Hauv zog hmoob tshav ntuj no....Good Bye.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 3rd November 2013, 2:08 pm



    Nyob zoo tij laig Hmoob Ntuj Tshiab thiab tij laug Xyooj Tsab,

    Tij laig Hmoob Ntuj Tshiab,

    Ua tsaug rau nws cov lus qhuab ntuas kom hmoob ras xeev.
    Yog ib co lus nyiaj lus kub qhia hmoob sib hlub,
    yog ib cov lus muaj lub sam xeeb qhia hmoob txawj ua neej.
    Kuv yuav coj mus tshaj rau tsoom hmoob nyob thoob daim av
    Kuv yuav tseb kom txog rau haiv hmoob nyob thoob ntiaj teb
    Kom paub txog nws cov lus muaj kuab
    Kom hnov nws cov lus qhuab
    Kom paub nws cov lus qhia
    Kom mloog nws lus ntuas
    Kom xyaum coj lub neej vam meej.





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Sponsored content Today at 4:33 am


      Current date/time is 9th December 2016, 4:33 am