google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Hmoob Ntuj Tshiab lub tsev PAJ HUAM & kab lis kev cai Hmoob

    Share

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  xiongchang on 3rd November 2013, 5:28 pm

    ......Hab....hab....lg lg ....Me muam kooj ziag kab zaug as?....Cas koj tseem tso....Peb nyuas noog kaug zuag no....Ua piv txwv....Rau hmoob ntsia saib thiab nas yom?....Tam simniaj hnub no....Hmoob ua neej zoo li....Koj tso peb tug noog kaug zuag....Ntxais paj....Sib txeeb paj ntxais....Tuam rub Khawb nraub qaum....Kom plam poob xwb las as?....Yuav ua cas?....Thiaj caum raws cuag....Lwm haiv neeg os?....Lub nyuas paj ntawd....Ib leeg ntxais....Ib pas yeej tau....Nyiaj faib suav daws yuav....Suav daws siv....Thiaj muaj nqis...."Tab sis"....Hmoob sib txeeb nyiaj siv li....Peb tug noog kaug zuag no....Sib txeeb paj haus ntas laus?....Me muam kooj ziag kab zaug aws?....hwb....hwb....Sad Sad Crying or Very sad Crying or Very sad .

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 3rd November 2013, 11:56 pm

    Npau suav mus ntsib

    Tus ntawm no---------------yog Hmoob leej tub
    yuav los qhub--------------txog lub siab ntxhov
    Neej nram ntxov--------------tau muaj kev hlub
    Ntuj thaum ub---------------nyob zos phu npiab

    Pem toj siab------------------nyob koom zej zos
    Niaj hmo yos-------------------tuaj nyob sib zov
    Sib xa xov--------------------txog txoj kev plees
    Hais seev yees-------------------tsis xav tso tseg

    Mob tej teg------------------ua plawv yuav nres
    Yam tus ntses----------------tau pas dej ntshiab
    Nyob kaj siab----------------mus lawm tag tiam
    Teb chaws piam----------kev hlub plam plhuav

    Cuag ntuj nchuav----------------lub ntiaj teb tig
    Av qhuav nkig----------------------dej sib tw lau
    Sib ncaim tau--------------peb caug tawm xyoo
    Koj lub moo----------------------twb ploj zuj zus

    Wb tej lus--------------------------uas tau cog cia
    Twb mob ntxhia---------------yuav rov qab zoo
    Tseg tsis nroo---------------------ua siab tsis nco
    Cas nag hmo--------------------ho rov npau suav

    Pom koj tuav---------------------kuv ib sab npab
    Zaum ib sab-------------------tham txog kev nco
    Sim neej no------------------------cas nco ua luaj
    Pom koj quaj------------------kua muag ntws sis

    Kuv khoov ntshis-------------muab kuv tes tsho
    Coj los so----------------------koj cov kua muag
    Kuv khawm puag--------------koj rau xub ntiag
    Ib me pliag----------------------koj kua muag tu

    Hnov koj hu---------------------kuv lub npe qub
    Hmoob leej tub------------------yog tiag los dag
    Zaum no ntag------------------xav kom yog tiag
    Kuv tig kiag---------------------los tuav koj plhu

    Tsa ncauj hu-----------------hais tias maiv nyiaj
    Cev zeej txhiaj------------------tus zoo sim xeeb
    Yeej yog tseeb----------------tsis yog npau suav
    Wb tham dhuav-----------------ces wb mus tsev

    Taug tej kev-----------------------nce toj qis hav
    Ntoo siv lav------------------tawg paj dawb vog
    Noog poog pog-------------ntxais paj zom zaws
    Paj zeeg tshaws---------------------rau ub rau no

    Wb tig hlo---------------------saib rov pem roob
    Pom hav xyoob----------------hav ntoo kaj nrig
    Noog nraj yig----------------quaj suab xiv nqiab
    Nyaj cuam liab--------------suab kau zom zaws

    Me paj raws---------------tawg txhij tawg txhua
    Hnov cuab npua----------puag pem Hmoob zos
    Suab kab nqos----------------quaj kho siab tshaj
    Txiv pos daj--------------------siav kawg kiag li

    Wb luag ntxhi---------------------mus de los noj
    Kuv saib zoj------------------------koj zoo li qub
    Tseem ntxim hlub---------------li ntuj yav dhau
    Kuv tseem yau---------nyuam qhuav tiav hluas

    Wb tham txuas----------------tsis muaj tsawg lo
    Ces wb ho---------------------mus pem teb yeeb
    Suab noog rheeb-----------quaj saum ntsis ntoo
    Cua tuaj loo---------------------ua ntoo rawv tag

    Wb tso dag------------------tham luag mob plab
    Tau sib thab-----------------------sib zeg tau kev
    Pom txiv cev--------------------siav daj pes vog
    Wb mus txog-------------puag pem roob npoob

    Me ntsuag xyoob------------sam leej zom zaws
    Wb tshwm plaws---------ntawm dej cawm siav
    De nplooj txhiav------------------los ce dej haus
    Sib tham txaus------------mus txog kev tshuam

    Pom noog ntxuam--------------ya taug kwj deg
    Hnub tuaj ntseg----------------tshav kub sov so
    Tham kev nco-----------------yav ntuj thaum ub
    Kev sib hlub-------------------tuav rawv tes mus

    Wb tham lus-------------------ncig mus yuj yeev
    Hnov koj seev----------------suab hais lus taum
    Nco txog thaum-----------------lub caij noj tsiab
    Hnub ci iab--------------------hnav zam liab vog

    Ncig tuaj txog---------------nram tshav pov pob
    Tuav tes nyob---------------sawv ua tsheej phiaj
    Suab kwv txhiaj----------------zag pib zag xaus
    Pom tej laus----------------tuaj zaum tsheej pab

    Pem laj kab-------------------saib nyuj sib nraus
    Lus taum xaus-------------------wb mus de zaub
    Pem teb taub---------------------daim teb av dub
    Tiv tshav kub---------------cua tuaj ntxuj ntxiag

    Tav su kiag-------------------tham seev yuj yees
    Txog kev plees---------------yav puag thaum ub
    Kev sib hlub-------------------nyob pem toj siab
    Lub xyoo tshiab-----------------sib pab ev nplej

    Caij kwv dej-------------------tej chaw sib tawb
    Hav paj dawb-----------------------fab ti kwj tse
    Tim ncauj ke------------------kev ncaim nce toj
    Kuv thiab koj------------------mus dob teb zaub

    Noog puj daub------------quaj nrov ntsho nrooj
    Hmoob tshuab nplooj--------nrov kho siab zim
    Sab puag tim---------------Hmoob zos tiaj npeb
    Nyob pem teb---------------lawv roob teb npleg

    Tshuab tsis tseg-------------nrov kho siab tshaj
    Zaub tawg paj---------------ntab muv ntxais zib
    Teb kab tsib--------------------nrog koj mus lov
    Caij sawv ntxov-----------------wb kuj sib ntsib

    Wb rov pib-----------------tham lus tseem tseeb
    Lus meej xeeb--------------wb tham khee kawv
    Wb los sawv------------------puag pem chaw so
    Txoj kev nco-----------------tuav rawv koj npab

    Tig rov qab---------------------los txog ntug zos
    Hmoob tuav cos------------suab nrov doog diaj
    Hnov suab tsiaj----------------sib tog zom zaws
    Wb tshwm plaws------------ntawm nej tog tsev

    Sib tham ntev-----------------tsis xav sib ncaim
    Koj nyob nraim------------hauv kuv nruab siab
    Cia xyoo tshiab---------------wb mam sib yuav
    Kuv quaj zuav-------------------tsis xav rov qab

    Koj siab fab---------------------tsis xav sib nrug
    Siab kub lug-------------------txoj kev sib tshua
    Ob leeg ua--------------------kua muag ntws nto
    Sim neej no----------------------sib nco luaj tiag

    Quaj kawg kiag----------------vim sib nco dhau
    Lawv thiaj tau--------------sawv phov txaj nrov
    Kuv thiaj hnov----------------tsim dheev los no
    Ua cas ho--------------------yog npau suab xwb

    Kua muag twb-----------ntxaum hauv ncoo tag
    Hais cuag dag---------------ntub tog hauv ncoo
    Nws ntub loo-------------npaum xuas dej tsuag
    Rov qi muag-----------------kom npau suav dua

    Lawv sawv ua---------------tshais ntxov los noj
    Dab ntub ploj---------------mas chim siab dhau
    Zaum tsaws npau-----------kho siab tshaj plaws
    Tim teb chaws---------------------ua tsov ua rog

    Kuv thiaj nrog--------------cov laus khiav lawm
    Koj kuv txawm--------ncaim thaum ntawd kiag
    Kuv tig ntiag----------------mus ploj ntsiag niab
    Mob kuv siab---------------ib nthwv yuav poob

    Me nkauj Hmoob---------------tus me neeg zoo
    Ncaim koj loo------------------tuaj rau thaib teb
    Tuaj nyob deb---------------------rau ib sab ntuj
    Lub siab yuj--------------------mas nco koj tshaj

    Rog nyab laj----------------kuv thiaj ncaim mus
    Wb tej lus--------------------tau hais qhov tseeb
    Thiaj khuam xeeb------------ua kua muag nrog
    Nco los txog--------------------niaj hnub nim no

    Kuv thiaj nco------------------------koj ua luaj li
    Hnub thawm hli-----------thiaj tshem tsis tawm
    Kev txij nkawm-----------------tsis tau nrog pib
    Nplooj siab ib------------------poob rau tom qab

    Kev yuav nyab--------------thiaj tsis tshwm sim
    Lub siab chim--------------------mob tag ib tiam
    Teb chaws piam-----------nplog liab siab phem
    Tuaj rhuav tshem------------peb Hmoob yaj sab

    Txoj kev tab---------------------lub cuab lub yig
    Nws thiaj tig------------------------mus zoo li no
    Neej tiam no----------------------kuv tsis tau koj
    Lub plawv ntoj-----------------ces siav yuav yaj

    Nco koj tshaj-------------------nyob rau tiam no
    Xyov yuav nco--------------mus txog hnub twg
    Me phooj ywg-------------------tus kuv hlub e!!
    Es koj ne!! -------------------puas nco kuv thiab

    Me nplooj siab---------------------tus cev tsis loj
    Koj niam noj----------------------dab tsi yug koj
    Zoo tam zoj----------------me ntxhais nkauj hli
    Es thiaj ci--------------------mus thoob ntiaj teb

    Ua rau peb-------------------------nco nej ib sim
    Yeeb yog vim---------------plam koj mus lawm
    Kev txij nkawm---------------thiaj ncav tsis tau
    Nws thiaj dhau-----------------mus ua dab neeg

    Muab tham deeg---------------nrog huab cua ya
    Li thov xa-------------------------ib tsab xov tuaj
    Nrog suab quaj---------------saib koj puas hnov
    Neej nram ntxov---------------nyob qub zej zos

    Yog yuav tos------------------ntev npaum li cas
    Siab khis ras------------------cuag rwj aws ncus
    Tham lo lus------------------yeej hais tsis tawm
    Kev txij nkawm---------------yog yuav rov pib

    Saib puas ntsib-----------------nyob rau tiam ob
    Neej pov plob----------------puas nphau rov los
    Tej lus ntos-------------------------seev koj tag li
    Zais tuag nthi---------------rau hauv nruab siab

    Koj tus ntxhiab---------------kuv tseem cim cia
    Ntsib mam qhia---------------rau koj lawm xwb
    Hais txog wb------------------lub neej pem suab
    Thov saub muab----------wb ntawv nyiaj keeb

    Los nrog teeb--------------ua ntawv puaj txwm
    Tuav keeb kwm-------------kom ho muaj ntxiv
    Thiaj tsis chiv-----------------kev mob siab dua
    Xws nthwv cua--------nplawm ntuj ntws lawm

    Kom hmoov sawm------------wb txhob sib cais
    Yog yuav hais--------------yeej tham tsis txhua
    Nws thiaj ua------------------npau suav pom koj
    Siab ntsws ntoj---------------nco koj heev dhau

    Thiaj li tau-----------------muab los tham tawm
    Kom plawv nqawm---------siab ntsws ho nqig
    Tej tsuj plig---------------------rov los puab cev
    Siab ho ntev------------------ua neeg mus ntxiv

    Yog yuav chiv------------------npau suav li qub
    Puas muaj hnub--------------rov tau lawm mog
    Tseem xav txog---------------lub neej yav dhau
    Wb tseem yau-----------nco npaum nkauj hnub

    Ntsib dab ntub-----------tseem tham luag ntxhi
    Txiv nraug hli---------------nco koj tshaj plaws
    Yog tham ntxaws-----------ces kua muag poob
    Me nkauj Hmoob------------tus me ntxim hlub

    Nkauj dab ntub------------txiv nraug npau suav
    Tham tsis dhuav-----------------ua ke tsis txaus
    Hais tsis xaus---------------------tej lus sib hlub
    Nkauj dab ntub----------thiab nraug npau suav

    Nws puas tshuav------------ib zaug lawm thiab
    Hmoob toj siab-----------------tus me neeg zoo
    Yog puag loo-----------------mus yeeb yaj kiab
    Thiaj zoo siab------------------os me leej muam

    Tej lus xuam---------------thov tsis txhob chim
    Yeeb yog vim------------------koj poob tom qab
    Kuv thiaj npab-------------nyob lwj siab ntsuav
    Li noog puav---------------------ua neej dai taw

    Tsis muaj chaw------------------li no lawm tiag
    Lub xub ntiag-------------------thiaj pw txias to
    Seev tag hmo-------------------rau tej npoo txaj
    Lub ntuj kaj--------------------los tsis xav sawv

    Ntuj yuas lawv------------------tus me neeg zoo
    Tsis muaj hmoo-----------------thiaj tsis tau koj
    Yog tuag ploj------------------wb puas sib ntsib
    Nywj vag ib-----------------nyob rau nruab dab

    Tuav koj npab---------------haus paj zaub quag
    Rov tau puag----------------nyob kuv xub ntiag
    Paj zaub qiag-----------------li kab npauj npaim
    Ya nrog nraim---------------------ua ke ywj siab

    Mus thawj thiab----------------xeeb rov los dua
    Kom txhob tshua------------------li niaj hnub no
    Tsis tau nco---------------------ntuj teb tag hnub
    Txoj kev hlub------------------nyob tag ib sim./.

    ( xaus li no )


    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 24th November 2013, 11:39 am

    Paj huam Niam hnub
    Hnub zoo no-------------------------nws yog niam hnub
    Yuav thov qhub---------------------niam tus txiaj ntsim
    Muaj laj lim-------------------------------lub siab zoo coj
    Pub rau noj---------------------------thiab yuav rau hnav

    Muaj siab dav--------------------------hlub tau tsev neeg
    Niam ib leeg-----------------------------yog tus zoo tshaj
    Muaj siab ncaj-------------------------coj lub siab ncees
    Tsis nco nkees---------------------khwv noj khwv hnab

    Mus tiv tshav---------------------------thiab tiv nag ntub
    Khwv nruab hnub---------------------txog ntuj tag hmo
    Tsis tau so---------------------------------ib chim ib tsam
    Thiaj muab tham----------------------txoj kev niam pab

    Muab niam npab------------------------los ua hauv ncoo
    Tu tub zoo-------------------------zaum niam hauv caug
    Ua niam tsaug-------------------------txog txoj kev hlub
    Tu niam tub----------------------thiab pub niam ntxhais

    Noj tsis cais---------------------------haus tsis khwv xim
    Muaj tswv yim--------------------------coj lub siab hlub
    Pub nruab hnub-----------------------thiab ntuj tag hmo
    Tub thov nco----------------------------niam tus nqi mis

    Txoj kev ris-----------------------------thiab pub rau noj
    Tub thiaj noj-----------------------tsheej txiv neej yawg
    Txawm ntuj tawg-------------------ntiaj teb kub nyhiab
    Mus ib txhiab---------------------------txog fab lwm sim

    Tseem nco cim--------------------------niam txoj kev tu
    Noj yuav hu----------------------nrog koom txhua pluas
    Tej lus ntuas------------------------thiab lub qhuab qhia
    Yuav khaws cia-----------------------ua puav pheej tseg

    Kom neej ntseg------------------------rau yav pem suab
    Muaj lub cuab----------------------------lub yig nto moo
    Ua neej zoo------------------------------xws li luag thiab
    Qhov tseem ntsiab--------------------yog muaj niam coj

    Txoj kev noj--------------------------thiab txoj kev hnav
    Ntuj thiaj tshav-------------------kawm tau ntaub ntawv
    Tej dej cawv---------------------------niam tsis pub txob
    Kev muaj mob----------------------muaj niam nrog kho

    Ntuj tag hmo--------------------------niam kho pam vov
    Caij sawv ntxov-----------------------npaj tshais rau noj
    Thiab niam coj-------------------mus tsev kawm ntawv
    Ntuj yuas lawv----------------------muaj niam zoo tshaj

    Thiaj qhia ncaj--------------------rau tsoom tub ntxhais
    Txhob lam hais------------------------lus siab niam txiv
    Lub neej chiv------------------------muaj niam cob qhia
    Luag thiaj ntsia------------------------yus muaj nuj nqis

    Yav nram ntsis-----------------------ntawm yus lub neej
    Muaj koob meej----------------------yog niam nrog pab
    Neej nram qab-----------------------thiaj raws cuag luag
    Txawm qab tsuag----------------------qee pub niam noj

    Yuav tsum coj--------------------------lub siab kom dav
    Thiaj yuav tsav-------------------------yus lub yeej koob
    Peb yog hmoob------------------------tsis yog lwm haiv
    Yus niam khaiv----------------------yuav tsum mus pab

    Txawm neeg mab---------------------los yog neeg suav
    Lawv yeej yuav---------------------leej niam txoj hmoo
    Tej lus zoo-----------------------------khaw cia ua tshuaj
    Txoj kev quaj------------------------thiaj yuav tsis ntsib

    Caij niam txib----------------------yuav tsum mloog lus
    Txhob lam mus-----------------------------ua dog ua dig
    Xa txog lig-------------------------------ces neej tsis zoo
    Ho yuav nroo--------------------------tsis muaj neeg pab

    Neej nram qab-------------------------ntshe yuav tu siab
    Mus ib txhiab--------------------------txog fab lwm tiam
    Tsis mloog niam-----------------------mloog txiv tej lus
    Neej ploj plus-----------------------ceeb laj peem tsheej

    Khuv xim neej-----------------------mus txog hnub tuag
    Txoj kev ntsuag-------------------ntshe yuav khaws tau
    Thaum ntawd lau--------------------txoj kev paub tseeb
    Neej khuam xeeb----------------------------ho zoo li cas
    Yog nej ras----------------------------txhob lam ua dhau
    Thaum yus yau----------------------niam hlub yus tshaj
    Yeej tsis daj------------------------------os tsoom kwv tij
    Muam yawm yij--------------------phooj ywg txhua tus

    Kuv tej lus---------------------------paj huam suab nqua
    Tham tsis txhua--------------------los thov txhob thuam
    Vim tseem ruam-----------------------sau zoo tsis txaus
    Thov cov laus---------------------------ho pab qhia thiab

    Qhov tseem ntsiab------------kuv nyuam qhuav kawm
    Txhob maj rawm-----------------------tu siab mog niam
    Txawm peb tiam---------------------------tsis zoo li luag
    Vim peb pluag--------------------------npaj tau tsis zoo

    Thov txhob nroo-------------------mam npaj dua tshiab
    Peb lub siab----------------------------xav kom zoo tshaj
    Sib zog npaj--------------------------kawg peb tswv yim
    Ho tshwm sim-----------------------------tau tsis zoo los

    Thov txhob nro-------------------------tsis txhob tu siab
    Txog xyoo tshiab------------------------tom ntej no tuaj
    Yuav npaj muaj-------------------------li lub siab nyiam
    Mam li tiam---------------------------kom raws siab xav

    Npaj rooj qav----------------------thiab rooj ntxuag zoo
    Mam rau loo--------------------------cuaj phaj yim ntim
    Kom tshwm sim----------------------rau niam xub ntiag
    Lub suab npliag----------------------los txais niam koob

    Tsa suab qhoob-----------------------los thov txoj hmoo
    Hawm niam loo-------------------------lub hwj chim loj
    Pub niam noj------------------------------mus ua dag zog
    Kom niam nrog------------------------peb nyob kab siab

    Mus ib txhiab------------------------tsis tshaib tsis nqhis
    Kom txawj plis------------------lawm xwb mog niam./.
    ( xaus li no )


    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 1st December 2013, 6:27 pm

    Tso nws poob tom qab
    Me nkauj Hmoob------------------------tus me neeg zoo
    Ncaim koj loo------------------------tuaj mus lawm tiag
    Thiaj tso kiag---------------------------koj nyob tom qab
    Nyob nrog kab---------------------thiab nrog noog quaj

    Kuv ncaim tuaj------------------------nyob rau thaib teb
    Tuaj nyob deb-------------------------rau hauv thaib sab
    Rov khiav ntab------------------------hla hiav txwv ntuj
    Yam dav yuj---------------------mus nrhiav chaw tsaws

    Peb sawv daws---------------------------ya dav hlau tuaj
    Tsa suab quaj--------------------------nco koj kawg kiag
    Ya ploj pliag---------------------------dua ib ntxeev ntuj
    Nplooj siab yuj-----------------------nco koj tshaj plaws

    Thaum tuaj tsaws----------------------rau mab dawb teb
    Ncaim tuaj deb-----------------------txog ntuj nraum no
    Pom txhua nrho------------------------luag lwm tus tuaj
    Ho tsis muaj---------------------------koj nrog kuv nyob

    Nplooj siab mob---------------------cuag rho riam hlais
    Tsa ncauj hais-----------------------kwv txhiaj paj huam
    Ntos cuam tshuam-------------------los hais tsis ntxaws
    Tawm rooj plaws------------------tsuas pom mab dawb

    Lawv sib tawb------------------------thiab lawv sib hnia
    Cuag rho ntxhia-----------------------sib ntxais plij ploj
    Siab xav zoj-----------------------------cas txawv ua luaj
    Zaum no tuaj---------------------------poob rau nyav teb

    Tuaj nyob deb----------------------------tag npaum li no
    Cas yuav nco-------------------------koj tshaj txhua yam
    Thiaj muab tham-----------------------txoj me kev tshua
    Ncaim dua ncua-----------------------tsis hnov koj moo

    Tuaj ntau xyoo-----------------------ntshe koj hnov qab
    Ua luag nyab----------------------------muaj tub muaj ki
    Luag ntxhawv ntxhi-------------------koj tej nqaws tiab
    Tsis kho siab----------------------------li kuv lawm paub

    Tsis hnov saub-----------------------------los txog tav no
    Koj tsis nco---------------------------kuv lawm puas yog
    Tsis see txog------------------------------kuv li lawm los
    Thiaj tsis ntos----------------------------tsis nug kuv xov

    Kuv tsis hnov-----------------------------koj ib tsab moo
    Puas nyob zoo--------------------------lawm os tus hlub
    Tej lus qhub------------------------------yav tas dhau los
    Niaj hnub tos---------------------------seb puas rov ntsib

    Ho tau pib-------------------------------tham kev sib nco
    Tsheej tag hmo--------------------ntshe tham tsis dhuav
    Kev npau suav---------------------------los tham tsis tag
    Lus tso dag--------------------------------los yeej ib yam

    Txoj kev tham----------------------ntshe tsis pov khawv
    Ntuj yuas lawv---------------------------tus me kuv hlub
    Txiv leej tub------------------------tseem nco koj ntsoov
    Tsis tau hloov-------------------------------lub me siab li

    Quaj dhawv dhi------------------------txog koj xwb tiag
    Cas tib pliag--------------------------kuv ncaim mus deb
    Ib rooj teb-------------------------------rau ib ntxeev ntuj
    Lub siab yuj----------------------------ya mus nrhiav koj
    Cuaj lub toj----------------------------dhau yim lub roob
    Lub suab qhoob-------------------------tsuas seev hu koj
    Mov tsis noj----------------------------los tsis nco tshaib
    Seev me naib-------------------------------zoo li koj xwb

    Koj lub hlwb-----------------------------puas xav ib yam
    Ho tsis tham------------------------------xa xov nug moo
    Kev nyob zoo--------------------------------li yav tas los
    Qub zej zos------------------------nyob pem roob tsawb

    Kev sib tawb---------------------------hais lus luag ntxhi
    Hmo qaim hli-------------------------------ua ke kwv dej
    Ua koj ntej-----------------------------tsis no nplooj siab
    Huab zig niab------------------------lwg nrog zom zaws

    Tseem sib raws---------------------------tuav tes ywb yi
    Zoo xws li---------------------------me kab npauj npaim
    Ya nrog nraim--------------------------ua npoj ntws mus
    Tej me lus-----------------------------wb tham kheev hlo

    Yeej tsis nco-----------------------txhawj txog kev hlub
    Cov lus qhub---------------------------tham kev dai siab
    Lus tseem ntsiab----------------------wb kuj tham txhua
    Kev ua qhua-------------------------------los kuj cia siab

    Lub xyoo tshiab------------------------nrog koj pov pob
    Tuav tes nyob----------------------------ua ke zom zaws
    Kev sib raws----------------------------nyob zos toj siab
    Pom noog diab---------------------------sib tw ntxais paj

    Noog haum vaj---------------------------ya ua tsheej pab
    Pom kum sab---------------------------yuj ya tsheej npoj
    Kuv thiab koj----------------------------wb mus teb yeeb
    Tsis txhawj xeeb-------------------txog kev nkauj nraug

    Tej kev taug-------------------------------ua ke tas hnub
    Txoj kev hlub-----------------------yeej txaus siab tshaj
    Yeej tsis daj------------------------tsuas hais qhov tseeb
    Pem roob nqeeb-------------------------wb chaw sib tos

    Qub zej zos-------------------------ntshe ciaj hav ntxhov
    Yog kuv rov--------------------------puas yuav ntsib koj
    Hos wb txoj-------------------------------me kev sib hlub
    Yav thaum ub-------------------------tham ntuj tag hmo

    Kuv tseem nco----------------------------tej lus koj qhub
    Txoj kev hlub-----------------------nyob ntawm nej tsev
    Kuv dua kev--------------------------koj suab luag ntxhi
    Ntuj tsau hli---------------------------sawv ntawm ib sab

    Tuav koj npab------------------------thiab hnia koj plhu
    Koj mam hu-------------------------------tias koj tuaj los
    Cov lus ntos------------------------tseem nco ntsoov cia
    Zais tsis qhia----------------------------rau leej twg paub

    Niaj hnub saub------------------------txog koj xwb mog
    Tseem nco txog---------------------nyob tuaj nruab siab
    Mus ib txhiab-------------------------tsis muaj hnub ploj
    Kev nco koj---------------------------nyob txhua lub caij

    Niaj hnub laij------------------------tuaj nrhiav koj xwb
    Koj lub hlwb-----------------------puas tseem muaj kuv
    Wb chaw thuj-------------------------ntshe ciaj hav nroj
    Hais txog koj--------------------------puas nco kuv thiab

    Me nplooj siab-----------------------nyob puag tom qab
    Rau ib sab-------------------------------los ib ntxeev ntuj
    Lub siab yuj--------------------------nrog huab nrog cua
    Txoj kev tshua-----------------------mus txog hnub tuag

    Lub kua muag-----------------------ntws cuag nag poob
    Me nkauj hmoob------------------------tus me neeg zoo
    Nco lub xyoo------------------------mus thawm lub niaj
    Cev zeej txhiaj--------------------------zeej xeeb lig zoo

    Puag koj loo--------------------------mus lub ntuj tshiab
    Thiaj zoo siab---------------------------os me leej muam
    Lus paj huam------------------------thov tsis txhob chim
    Yeeb yog vim--------------------------koj poob tom qab

    Kuv thiaj npab----------------------nyob lwj siab ntsuav
    Li noog puav------------------------------ua neej dai taw
    Tsis muaj chaw---------------------------li no lawm tiag
    Lub xub ntiag----------------------------thiaj pw txias to

    Seev tag hmo----------------------------tsis tuaj dab ntub
    Vim tus hlub--------------------------poob puag tom qab
    Lub siab fab---------------------------nco koj heev dhau
    Thiaj li tau--------------------------muab los tham tawm

    Kom plawv nqawm------------------siab ntsws ho nqig
    Tej ntsuj plig-----------------------------rov los puab cev
    Siab ho ntev--------------------------tswj sia nrees nyob
    Neej thaj tsob----------------------------nyob rooj teb no

    Txawm yuav nco--------------------koj tshaj txhua yam
    Niaj hnub tham--------------------------ntshe koj tsis tos
    Yog kuv los--------------------------xyov puas ntsib koj
    Txawm los ntoj-------------------nrhiav koj hauv nplog

    Thaum los txog-----------------------------tsis zoo li qub
    Yav thaum ub--------------------------tuav tes rwb rawv
    Ntuj yuas lawv------------------------tus me ntxim hlub
    Kua muag ntub-------------------------tej me hauv ncoo

    Tsis muaj hmoo-----------------------ntshe tsis ntsib koj
    Yog tuag ploj---------------------------seb puas sib ntsib
    Nywj vag ib--------------------------nyob rau nruab dab
    Tuav koj npab------------------------haus paj zaub quag

    Rov tau puag-------------------------nyob kuv xub ntiag
    Haus zaub qaig-----------------------li kab npauj npaim
    Ya nrog nraim------------------------------ua ke ywj siab
    Mus thawj thiab-------------------------xeeb rov los dua

    Kom txhob tshua---------------------------koj li lawm os
    Cov lus nto----------------------------------ces xaus li no
    Yog koj nco-------------------------------ho nug kuv xov
    Thaum kuv hnov----------------------koj lub moo lawm

    Teem sij hawm-----------------------yeej yuav sib ntsib
    Wb mam pib----------------------------nug neej nug tsav
    Txoj kev dav---------------------------rau neej pem suab
    Zoov puas ntsuab-----------------------nyob rau kuv sab

    Tooj koj npab----------------------------thiab rub koj tes
    Ntsuab kuv ces--------------------mam txhawb koj neej
    Yog peem tsheej---------------------ho muaj qhov tseeb
    Rub kev txheeb-------------------------tham txog kev ze

    Nyob ua ke-------------------------------sib hwm sib pab
    Neej nram qab-----------------------raws kom cuag luag
    Zeem poj cuag-----------------------thiab ua yawm cuas
    Pauj kev hluas------------------------rau ntuj thaum yau

    Seb puas tau----------------------------ua me nyuam txiv
    Lub neej chiv-------------------------ua me nyuam niam
    Raws keeb kiam------------------------wb txoj kev hlub
    Tej me tub--------------------------thiab cov me ntxhais

    Thiaj tsis cais--------------------------nyob leeg sab ntuj
    Neej tsim nuj-------------------------caum cuag ntiaj teb
    Txawm nyob deb------------------------los yog nyob ze
    Tau ua ke-----------------------------ces zoo xwb mog./.
    ( Xaus li no )


    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 7th December 2013, 2:17 pm

    Tiaj rhawv zeb qhov chaw tshua

    Nyob zoo os----------------nroog tiaj rhawv zeb
    Lub nroog peb---------------ua rog ntxhov nyho
    Yeej tseem nco------------txhua txhua lub roob
    Peb cov Hmoob------------------tej chaw sib tua

    Tseem nco txhua----------------peb tej qub yeej
    Hmoob ntau leej------------------tau tag txoj sia
    Muaj ib txhia-----------------tseem ua neej nyob
    Av thaj tsob------------------yav puag nram ntej

    Peb thiab nej-----------------lub neej thaum yau
    Uas peb tau----------------------nyob ib zaug los
    Lub me zos---------------------yug peb thiab nej
    Tej qub dej---------------------peb ib txwm haus

    Lub zos laus--------------------kev nyob kev noj
    Peb thiaj loj-------------------tiav niam tiav txiv
    Lub neej chiv--------------ntuj puag nram ntxov
    Teb chaws ntxhov-----------Peb thiaj tau ncaim

    Mus nyob nraim-------------------rau ib rooj teb
    Ncaim mus deb---------------nyob rau luag ntuj
    Mus kawm txuj----------------nyob rau luag teb
    Nej thiab peb------------------thiaj tau sib ncaim

    Tseem xav nraim----------------nco vaj nco tsev
    Ncaim tuaj ntev-------------tseem xam muaj nej
    Thaj teb nplej----------------hav nroj pwm tshis
    Tseg nros ntshis--------------tsis muaj tus nthua

    Toj roob qhua----------------hav nqeeb hav tauj
    Tau muab nrauj---------------rau tiaj rhawv zeb
    Tso tej teb---------------------cog nplej pob kws
    Vaj txiv lws-----------------------cog qij cog dos

    Nrog lub zos-------------------thaj chaw dai siab
    Lub ntuj tshiab----------------uas peb mus nyob
    Neej pov plob----------------nws yeej txawv hlo
    Rhawv zeb no-------------------peb lub qub zog

    Lawm nawb mog--------tsoom phooj ywg aw!!
    Tej qub chaw!!------------thaum peb tseem yau
    Txawm nws tau------------hloov mus tag lawm
    Vim sib hawm--------------dhau mus ntau xyoo

    Tej xyoob ntoo--------------------los twb loj tag
    Ib co mag--------------------suav ntov tag lawm
    Ntau lub dawm-----------raug luag khawb nyiaj
    Qee lub tiaj------------------ua chaw khawb kub

    Hos tus hlub------------------ntshe nws twb laus
    Mus tsis taus------------------------kev li thaum i
    Chaw ua si------------------thaum peb tseem me
    Tej vaj tse----------------------peb ib txwm nyob

    Ntshe twb nphob-------------nyob ciaj quav poj
    Hav zoov loj-----------------ciaj zoov nuj txeeg
    Ib tsoom neeg---------------------peb nyob ua ke
    Lawv los ntshe---------------nplua nuj tag lawm

    Vim sib hawm-------------dhau mus lawm ntev
    Tej me kev---------------------peb ib txwm thuv
    Ciaj kev luv-------------------ntshe zoo dua qub
    Yav thaum ub-------------------tsis tau thaj yeeb

    Tseem sib txheeb----------------sib ntaus sib tua
    Txeeb luaj pua-----------------teb chaws los kav
    Tuav daim av---------------nroog tiaj rhawv zeb
    Ua rau peb-----------------tsev me neeg Hmoob

    Ploj tuag coob---------------nyob rau ntawm no
    Raws li nco---------------------yav neej dhau los
    Tau sau ntos--------------------cia tseg ua tshuaj
    Daim av luaj-----------------muaj nqis cuag kub

    Yam lub hnub---------------------duab ci kaj zus
    Tshwm tuaj mus--------tawm plaws npoo roob
    Phooj ywg Hmoob-------------nej puas zoo siab
    Muaj daim tshiab--------------los twb xav hnav

    Pluas zoo qav--------------------los yeej xav noj
    Lub zog loj--------------------mus lawm zuj zus
    Lo me lus------------------muab tham tawm tuaj
    Cuag noj tshuaj-----------koom zaub mov nrog

    Vim lub zog-------------------tsuas heev zuj zus
    Cheem kev mus------------cuag poj cuag yawm
    Kev txij nkawm-----------------yeej tsis xav dua
    Yam nthwv cua-----------------tsuas los ib vuag

    Poob kua muag------------thaum uas tham txog
    Vim tias yog-----------------thaj chaw peb nyob
    Neej thaj tsob--------------muaj niam muaj txiv
    Muaj tij viv----------------------kwv tij txhua tus

    Peb ncaim mus--------------los yeej nco ntsoov
    Sij hawm hloov----------------zoo tam dej ntws
    Lub siab ntsws-------------tsis txhob hloov xwb
    Hauv lub hlwb----------------yeej tseem nco tau

    Lub neej dhau------------------yav ntuj sib plam
    Phoo xab vam------------------tej me hauv roob
    Lub neej Hmoob----------------yav ntuj thaum i
    Nyob luag ntxhi-------------muaj kev ywj pheej

    Hmoob lub neej--------------sib koom noj hnav
    Ntuj yeej tshav----------------nyob kaj siab dua
    Peb tseem tshua-----------------xav rov los saib
    Tej qub qhaib------------------qub teb qub chaw

    Kab lwj hlaw---------------------qab zeb qab ca
    Tsov dais hma--------------txawm tsis muaj tag
    Tsiaj nruab nrag-----------tsis tshuav yeej noob
    Me ntsuag xyoob----------tseem muaj txaus lov

    Kab qos tsov---------------los ntshe tseem muaj
    Nrhiav ua tshuaj----------yeej tseem nrhiav tau
    Xyoob phua ncau--------tshuav ntau lub dawm
    Ntsuag xyoob rawm---------los tseem muaj noj

    Hav ncaim toj-----------tshuav thaj nyuag puav
    Toj roob qhuav--------------nqha nroj nqha nrig
    Muaj kooj txig------------------yuj ya tsheej pab
    Toj roob ntxhab-----------------Av swb liab vog

    Pob zeb ntog---------------mus lawm tsheej kab
    Toj roob ntxhab----------------tuaj zab zi ncaug
    Tej kev taug---------------------mus liaj mus teb
    Ntshe caij tsheb-----------feem ntau lawm xwb

    Tsis mob hlwb-----------------------li yav tag los
    Cov lus ntos-----------------------mas tham li no
    Leej twg nco--------------------mam rov los saib
    Me paj ncaib------------------paj xyoob paj ntoo

    Tseem tawg zoo-----------------li yav thaum ub
    Lub neej qub-----------------hav zoov nuj txeeg
    Ib tsoom neeg------------------tseem nyob ua ke
    Noj sib ce---------------------thiab haus sib hlub

    Ntau sib pub------------------muaj tsawg sib qiv
    Muaj niam txiv-------------------sawv ua tus coj
    Kev nyob noj---------------tsis tshaib tsis khwv
    Muaj tsoom fwv--------------sawv cev thaj tsob

    Lub neej nyob-------------pab Hmoob noj hnav
    Ntuj tseem tshav---------rau Hmoob feem ntau
    Txheej nom yau-------------------tom qab los no
    Hloov siab hlo-------------------qhib kev dav fo

    Rau txheej no------------------zoo dua thaum ub
    Muaj kev hlub----------sawv coj tsoom Hmoob
    Nyob pem roob-----------------ti puag nram tiaj
    Kev khwv nyiaj------------muaj txiag nplua nuj

    Neej tshav ntuj------------rau Hmoob txhua leej
    Txhua yim neej---------------tsuas sib zog raws
    Lub teb chaws--------------hloov pauv tag nrho
    Tam sim no-------------------muaj ntau yam zoo

    Thiaj hloov loo--------------ua teb chaws tshiab
    Neej kaj siab----------------raws cuag pej xeem
    Kev fab peem--------------Hmoob tej thawj coj
    Txheej nom loj-----------------nrog rau nom me

    Suav ua ke---------------------txij xya caum tsib
    Nom tshiab pib----------------sawv los nrog kav
    Qhib kev dav--------------------los txog hnub no
    Ntuj ntxeev npho---------------ntiaj teb thiaj tig

    Tshav ntuj nrig-----------rau Hmoob lawm ntau
    Peb ncaim tau--------------peb caug tawm xyoo
    Los tseem nroo-----------------vim yog peb nco
    Xav rov hlo--------------------los saib nplog teb

    Tiaj rhawv zeb------------nyob rau xeev khuam
    Muaj lag luam----------------ntau yam zoo tshaj
    Coob tus npaj---------------nyias yuav los nyias
    Vam ntsoov tias--------------yuav los saib thiab

    Npaj nyiaj txhiab-------------nyiaj pua txoj kev
    Rov los tsev-----------------rau teb chaws nplog
    Tseem xav txog---------------nej txhua tus mog
    Peb los txog--------------------nej puas txais tos

    Nej txhob nros------------thiab nej txhob ntshai
    Txawm txoj cai---------------txais neeg rov qab
    Txhob siab fab--------------ntshai peb ntau yam
    Hnov luag tham-----------------tsis cuag peb los

    Cov lus ntos-------------------tej zaum kuj muaj
    Cuaj caum cuaj--------------ntawm ib feem pua
    Lus moo cua--------------------tsis muaj lo tseeb
    Yuav sib txeeb-----------------los kom sib ntsib

    Nplooj siab ib--------------------peb tso nws cia
    Tej mob ntxhia---------------yav puag thaum ub
    Nplooj siab hlub---------------tus cev zoo dawb
    Tseem ntxim tawb------thiab tseem ntxim hnia

    Yeej tsis cia-----------------nws nyob nros ntshi
    Zoo xws li-------------------neeg mob qaug txaj
    Nco nws tshaj------------------qhov uas hais tau
    Me nkauj yau-------------------pauv tsis tau nws

    Nplooj siab ntsws-------------npau suav los ntoj
    Lub cev noj--------------------mov qab li tshauv
    Siab tsis pauv-------------------tseem ua nws tej
    Me qub dej------------------------cia rau nws wb

    Cev nraug xwb----------------puas tas lawm los
    Lub siab mos------------------tseem nyob li qub
    Yav thaum ub---------------nyob phoo xab vam
    Cev txiaj zam----------------phim cev zeej xeeb

    Tus zeej keeb-----------------niaj hnub nco txog
    Nws me pog----------------puas nco lawm thiab
    Ntshe hloov siab------nrog nraug nplooj tsawb
    Chaw sib tawb--------------nws puas nco lawm

    Zos tim dawm---------------------cov lus cog cia
    Tus mob ntxhia----------------ntoog mus ib sim
    Ntshe yuav chim------------mus txog hnub tuag
    Lub kua muag---------------------nws tsis tos so

    Sim neej no---------------------tsis paub ua neeg
    Nws puas tseem-----------------cov lus no thiab
    Neb nplooj siab--------------muab faus teem cia
    Yeej tsis qhia---------------------rau neej paub li

    Yuav tsis ntxhi--------------tham rau dab mloog
    Tsam ho toog-----------------neej dab pob ntseg
    Tej kwj deg---------------------nws ho yuav pob
    Tus qub mob---------------------ces ho yuav dua

    Kev hmov tshua----------ntawm koj thiab nws
    Neb siab ntsws--------------ho yuav xav txawv
    Nws lub plawv-----------------ces ho yuav nres
    Yam tus ntses----------------------loj ces ho dim

    Lub siab chim-------------------mob tag ib tiam
    Tsheej txiv niam------------------los lwv tsis tau
    Siab nraug yau--------------------nco koj xwb os
    Thaum nws los----------------es neb mam tham

    Muaj qee tsam---------------kuj tseem xav plhis
    Kom tuaj tis----------------------ya mus hla roob
    Siab nraug Hmoob---------tseem nco qub zaub
    Cev paiv taub----------------tseem yog qub mov

    Puag tseem sov--------------thiab os leej muam
    Nraug xeev khuam---------nco koj kawg nkaus
    Yog tham txaus----------------ces kua muag los
    Thov koj tos-------------nws thiab nawb mog./.

    ( xaus li no )


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 12th March 2014, 4:28 am



    Hmong ntuj tshiab wrote:
    Paj huam ntuas txiv tsev

    Zaj me no--------------------------yog lus paj huam
    Yuav hais tshuam-----------------rau cov txiv neej
    Ua nws yeej----------------------muaj lub cuab yig
    Neej zoo cig------------------------cuag tes tsau kaj

    Poj zoo tshaj-----------------------tus duab tshav ci
    Muaj tub ki-------------------------puv vaj puv tsev
    Tau zoo sev----------------------los nrog luag puag
    Nws tseem zuag-----------------txoj kev txhoj pob

    Coj siab hlob----------------ntshaw muaj poj coob
    Txiv neej Hmoob--------------ntshaw ntau tus sev
    Tus niam tsev----------------------uas yog niam loj
    Nws twb coj------------------------lub cuab yig nto

    Zoo tam hlo-----------------txoj koob hmoov nyiaj
    Neej sawm txhiaj----------------twb tau nrog txais
    Muaj tub ntxhais--------------zoo nkauj zoo nraug
    Lub neej taug-----------------------tau txoj kev zoo

    Neej nto moo-----------------caum cuag luag thiab
    Nyob kaj siab----------------------tshav ntuj li nrig
    Lub cuab yig-------------------zoo raws keeb kiam
    Nws tseem nyiam-----------------coj lub siab mos

    Pheej mus yos----------------------ntuj teb tag hmo
    Es hnub no-----------------------coj siab dub nciab
    Yuav niam tshiab-----------------ho cais niam qub
    Nws tsis hlub------------------------coj siab fee das

    Yeej tsis ras-----------------------txog txoj kev zoo
    Tsuas hnov nroo------------------txoj kev ua hluas
    Txawm yuav ntuas--------------nws yeej tsis hnov
    Niaj hnub phov-----------------ntshaw ntau tus poj

    Tej tub loj-----------------------twb tsis muaj nyab
    Tsis los pab---------------------nrhiav nyab los rau
    Tej ntxhais yau----------------tsis nrog qhuab qhia
    Nws tsuas xia-------------------kev hluas tsis txaus

    Neej yav laus-----------------twb ntshaw muaj tub
    Los nrog hlub-------------------nws tus kheej thiab
    Lub neej tshiab-----------------luag thiaj tsis xyav
    Yeej tsis xav----------------------txog yav tom ntej

    Hos luag tej----------------------thiaj yuav tsis cem
    Pheej ua phem---------------------tag npaum li koj
    Tus Niam loj------------------------los koj tsis hlub
    Koj Tej Tub-------------------------los hlub tsis tau

    Ntshaw niam yau--------------------ua neej dab tsi
    Yog koj li--------------------------koj twb tsis hlub
    Tseem mus rub-------------------niam me los thiab
    Coj lub siab------------------zais ntshis nyaum tsiv

    Koj ua txiv------------------------------yog coj li no
    Leej twg ho----------------------------thiaj li uv tau
    Tau niam yau-----------------------los yeej tsis zoo
    Koj lub moo----------------nrov ncha qeeg nkaws

    Thoob teb chaws------------------txoj kev ua hluas
    Koj tseem qhuas---------------------tias koj ua yog
    Tsis nco txog-------------------------yus tus me poj
    Tub twb loj----------------thiab ntxhais tiav Nkauj

    Luag tsis xauj------------------vim tsis hloov pauv
    ntxhais muaj Vauv-------------los twb muaj lawm
    Cov tseem kawm----------------ntawv tsis tau tiav
    Tsis pab nrhiav---------------------laj kam zoo rau

    Tej tub yau-------------------kuj txom nyem kawg
    Koj tub ntxawg----------------twb hlob tiav hluas
    Lub neej puas----------------------koj ua tus rhuav
    Vim koj yuav----------------------niam mos ab los

    Niam loj nros-------------------------tsis xav ua noj
    Koj tsis coj---------------------kom xws teb chaws
    Hlub sawv daws--------------niam hlob niam yau
    Muaj poj ntau-------------------yuav tsum coj raug

    Pub sib npaug-------------------txhob cais niam loj
    Yog koj poj-------------------hlub kom txhua nrho
    Koj puas nco---------------Thaum mus yuav nws?
    Yuav hlub xws--------------------lub teb lub chaw

    Kom txhob ntshaw---------------lwm tus kev hlub
    Yuav tsis pub----------------------lub neej kev tws
    Tsis pub nws------------------nyob txom nyem hlo
    Tus ntawm no-----------------------yog koj tus pog

    Vim nws yog-------------------tus tiam ntawv raug
    Ua nkauj nraug-------------puag thaum tseem yau
    Koj thiaj tau-----------------------nrog nws ua neej
    Ob leeg kheej-----------------twb haum txoj hmoo

    Nws yeej zoo-----------------------koj thiaj xav tau
    Tus niam yau------------------------los yog koj poj
    Me niam loj-----------------------yog koj lub chaw
    Tus koj ntshaw------------------yav ntuj thaum ub

    Koj tus hlub-------------------------lub neej tag los
    Lub cev mos------------------------koj tau tag nrho
    Tus koj nco-----------------thaum koj tseem hluas
    Nws cev puas-----------------------vim yog koj siv

    Koj yog txiv---------------------nws yog leej niam
    Vim ntawv tiam------------------koj noj tsis dhuav
    Koj thiaj yuav--------------------vim yog nco dhau
    Thiaj sib sau-----------------------los koom ua neej

    Koj tus kheej--------------ntshaw nws tshaj plaws
    Tag teb chaws-------------------koj yeej tsis nyiam
    Tuav pheem liam-------------ua niag vwm ntsuav
    Yog tsis yuav----------------------yeej tsis ua neeg

    Nws tib leeg--------------------zoo tshaj txhua leej
    Maiv tus kheej--------------------koj thiaj xav hlub
    Yog tsis pub----------------------koj yuav ces tuag
    Quaj kua muag---------------ntws nto ntawm plhu

    Tsuas hnov hu--------------------txog nws lub npe
    Thaum koj me-------------------nws tseem me yau
    Neb yeej tau-----------------------cog lus ruaj khov
    Yuav tsis phov---------------muab kev hlub rhuav

    Maiv li yuav------------------------raws koj cov lus
    Nws yog tus--------------------koj ntshaw tag nrho
    Vim li no---------------------------koj thiaj tau nws
    Lub siab ntsws--------------------tso pluav rau koj

    Txawm yuav noj------------me mov ntxuag ntsev
    Rub siab ntev--------------------yuav tsis cem yws
    Hos ntawm nws-------------------xav tias koj hlub
    Tsis muaj hnub------------------yuav muab koj tso

    Niaj hnub no-----------------hlub kawg siab ntsws
    Vim tias nws--------------------tau muab tus kheej
    Thiab lub neej------------------------tso tag rau koj
    Txoj kev coj-------------------yeej tsis txhawj txog

    Vim koj yog------------------------tus tuav txoj sia
    Thov tig ntsia---------------niam nkauj txhav qaib
    Tig mus saib-----------------txiv nraug txhav noog
    Nws yeej yoog----------------raws koj siab nyiam

    Ua leej niam---------------------kav cuab yim neej
    Hlub txhua leej--------------------tsis cais noj haus
    Kev hlub txaus----------------------rau koj lub neej
    Nws tus kheej--------------------coj siab tsis hloov

    Yog koj hmoov-----------------tus thaum koj hlub
    Thiaj muaj tub---------------------muaj ki puv tsev
    Rub siab ntev------------------------tsis coj siab me
    Hos koj ne!!----------------------puas nco yav tas?

    Pheej fee das----------------------tsis nco txog nws
    Niaj hnub yws-------------------------tsis xav ua ke
    Tau niam me------------------txhob xav tias ntxub
    Yuav tau hlub-----------------nws thiab nawb mog

    Coj kom yog--------------------tsis txhob lam cem
    Txhob siab phem----------------thiaj tau ntuj ntoo
    Coj siab zoo------------------hlub kom txhua nrho
    Vim hnub no---------------------twb nrog muaj tug

    Neb twb yug--------------------------tub ki puv npo
    Yeej tsis nco-----------------yuav ntshaw luag poj
    Tub ntxhais loj-------------lawv ntshaw muaj txiv
    Koj twb chiv---------------------muaj lub neej zoo

    Vim txoj hmoo-------------------thiab lub ntuj pub
    Koj tsis hlub------------------------ho yug lawv los
    Ua neej nros----------------------xws puav dai taw
    Yam lawv ntshaw-----------ntawm lawv tus kheej

    Lawv lub neej-------------------muaj txoj kev ntoj
    Xav kom koj-----------------------ho cev tes plhws
    Kawg siab ntsws-------------txhawb lawv ua neej
    Lawv tus kheej-------------------xav kom koj nres

    Ho cev tes-----------------txhawb lawv thiaj tsheej
    Mus ua neej----------------------lawv thiaj cia siab
    Ho qhia thiab--------------------neej thiaj tsis piam
    Txawm lawv niam-----------------koj tsis hlub los

    Yeej tsis nros----------------------yuav tu siab txog
    Lawv twb yog----------------------koj li roj ntshav
    Ua zoo xav----------------------------yog koj tub ki
    Yog yus li--------------------------yus yug rhev los

    Kuv lus ntos---------------------------ces muaj li no
    Thov koj nco------------------txog lawv thiab mog
    Yog nco txog-------------------txhob tso lawv tseg
    Tsis ua leg------------------kom koj ntxhov plawv

    Txhob tso lawv------------------mus ua ntsuag ciaj
    Tsis muaj nyiaj-----------------thiab tsis muaj kub
    Tsuav sib hlub--------------------xwb ces yeej zoo
    Muaj txoj hmoo-------------------nyob rau tiam no

    Ntuj thiaj tso--------------------------los ua txiv tub
    Thov txhob ntxub----------------------koj tej tub ki
    Yog koj li---------------------noob roj noob ntshav
    Yog luag xyav----------------lawv lub koob phem

    Koj tsis cem----------------------thiab tsis cob qhia
    Luag thiaj ntsia---------------------lawv zoo li tsiaj
    Tsis tsim txiaj-----------------------los yog vim koj
    Leej txiv coj-----------------------tus qauv tsis zoo

    Koj lub moo-----------------------yeej puas ib yam
    Thiaj muab tham-------------------ua lus paj huam
    Tsis yog thuam---------------tsuas hais qhov tseeb
    Thaum khib xeeb---------------ces mob koj xwb./.

    ( xaus li no )




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 13th June 2014, 6:51 am

    Paj huam hais txog tub huaj yaj thiab maiv paj nyiag lis


    Ntuj teb yuas------------------leej muam Paj nyiag
    Sib hlub tiag----------------------zoo npaum wb no
    Niam txiv ho---------------------txiav wb kev hlub
    Lawv tsis pub-------------------------wb los sib tau

    Los sib sau-------------------------koom ua ib cuab
    Lawv ho muab-----------------------kev ze los cais
    Niam txiv hais---------------------cais wb kom tau
    Mob siab dhau------------------------yuav ua li cas

    Hlub koj tas------------------------npaum li no tiag
    Nrug ib pliag-----------------------siab yeej tsis kaj
    Tub huaj Yaj----------------------tus neeg koj hlub
    Qhib siab pub----------------------rau koj tus kheej

    Qhia koj meej--------------------tias hlub koj tshaj
    Yeej tsis daj------------------tsuas hais qhov tseeb
    Lus meej xeeb--------------------wb tham khee hlo
    Ntuj tag hmo-------------------------tsis nrug koj li

    Hmo qaim hli------------------------wb nyob ua ke
    Puag thaum me--------------------los txog hnub no
    Kev sib nco--------------------yeej muaj tseeb tiag
    Muam paj nyiag------------------tus neeg kuv hlub

    Txij ntua hnub----------------------wb tau sib paub
    Txoj kev haub-------------ntawm kev nkauj nraug
    Txoj kev taug------------------ntawm wb tus kheej
    Thiaj peem tsheej-----------------los txog hnub no

    Npaj txhua nrho------------------wb lub neej lawm
    Txog sij hawm--------------------yuav tuaj coj koj
    Kuv taij zoj----------------------kuv niam kuv txiv
    Lawv txawm chiv---------------txiav wb kev hlub

    Yeej tsis pub------------------------wb los sib yuav
    Lawv txiav npluav--------------tias tsis txum phaj
    Tub huaj yaj----------------------------zoo li kuv no
    Tu siab nrho--------------------------mus tag ib sim

    Lub siab chim-----------------------tag npaum li no
    Es koj ho-------------------------puas hlub kuv tiag
    Maiv paj nyiab-------------------tus neeg kuv hlub
    Lawm tsis pub------------------------wb los sib tau

    Los sib sau-----------------------ua txij nkawm ces
    Tig los es--------------------------kuv hais koj mog
    Kua muag nrog-------------ntxaum tej nqaws tsho
    Sim neej no----------------------yeej hlub koj tshaj

    Xav tsawg zaj-----------------------los tws hau kev
    Thov koj cev----------------------koj txhais me tes
    Tuav kuv es---------------------------wb mus ua ke
    Sib pus nce-------------------lawm saum hauv tsua

    Muab txoj hlua-----------------------khi wb caj dab
    Sib puag npab-----------------------taug ib txoj kev
    Tseg lub cev-----------------------rau cov laus quaj
    Hmoov tsis muaj------------------nyob rau tiam no

    Ua siab tso---------------------------lub ntiaj teb cia
    Wb txoj sia-----------------------tu nrho lawm tiag
    Suav txij kiag---------------------lub sij hawm nov
    Yuav tsis ntxhov---------------wb siab ntxiv lawm

    Kev txij nkawm--------------------wb tau ywj siab
    Mus thawj thiab-----------------nyob lwm lub ntuj
    Wb tus ntsuj-------------------plig mam huab xyw
    Ya sib tw--------------------------------mus ua ib ke

    Sib pug nce------------------mus lawm ntuj ntsuab
    Ua nkauj huab-----------------thiab txiv nraug cua
    Yog muaj dua---------------------lwm tiam tiag no
    Wb mam ho------------------mus thov yawm saub

    Theej dua ntaub----------------hloov dua dej cawv
    Pauv dua ntawv----------------ua puav pheej tseeb
    Los thawj xeeb--------------------rau fab lwm tiam
    Nrhiav dua niam---------------yug dua txiv tshiab

    Neej kaj siab--------------------puas tau nrog txais
    Kuv ua ntxhais------------------------koj los ua tub
    Pauj kev hlub----------------------rau fab lwm sim
    Thiaj tsis chim------------------wb siab lawm mog

    Twg paub txog-------------------txoj kev no lawm
    Thov txhob kawm-----------thiab tsis txhob txiav
    Suab quaj nyiav----------------thiaj yuav tsis ncha
    Tej roj ntsha-----------------------li yuav tsis nkim

    Siab tsis chim------------------yuav tsis nrog muaj
    Kuv tub huaj-----------------thiab muam paj nyiag
    Muab tshaj kiag-----------------qhia neeg ntiaj teb
    Tsis txhob ntxheb----------txiav tub ntxhais lawm

    Lub sij hawm--------------------------los xaus li no
    Thov nej nco--------------------txog wb thiab mog
    Hlub txog tog------------------------tsis zoo li luag
    Lub kua muag------------------thiaj poob os lawv!!!!!.

    Yog leej twg tau tuaj nyeem no ho nco txog wb thiab os  mog ib tsoom phooj ywg Hmoob nyob thoob lub ntiaj teb os  mog./.



    Paj huam hais txog tub huaj yaj thiab maiv paj nyiag lis

    Ntuj teb yuas------------------leej muam Paj nyiag
    Sib hlub tiag----------------------zoo npaum wb no
    Niam txiv ho---------------------txiav wb kev hlub
    Lawv tsis pub-------------------------wb los sib tau

    Los sib sau-------------------------koom ua ib cuab
    Lawv ho muab-----------------------kev ze los cais
    Niam txiv hais---------------------cais wb kom tau
    Mob siab dhau------------------------yuav ua li cas

    Hlub koj tas------------------------npaum li no tiag
    Nrug ib pliag-----------------------siab yeej tsis kaj
    Tub huaj Yaj----------------------tus neeg koj hlub
    Qhib siab pub----------------------rau koj tus kheej

    Qhia koj meej--------------------tias hlub koj tshaj
    Yeej tsis daj------------------tsuas hais qhov tseeb
    Lus meej xeeb--------------------wb tham khee hlo
    Ntuj tag hmo-------------------------tsis nrug koj li

    Hmo qaim hli------------------------wb nyob ua ke
    Puag thaum me--------------------los txog hnub no
    Kev sib nco--------------------yeej muaj tseeb tiag
    Muam paj nyiag------------------tus neeg kuv hlub

    Txij ntua hnub----------------------wb tau sib paub
    Txoj kev haub-------------ntawm kev nkauj nraug
    Txoj kev taug------------------ntawm wb tus kheej
    Thiaj peem tsheej-----------------los txog hnub no

    Npaj txhua nrho------------------wb lub neej lawm
    Txog sij hawm--------------------yuav tuaj coj koj
    Kuv taij zoj----------------------kuv niam kuv txiv
    Lawv txawm chiv---------------txiav wb kev hlub

    Yeej tsis pub------------------------wb los sib yuav
    Lawv txiav npluav--------------tias tsis txum phaj
    Tub huaj yaj----------------------------zoo li kuv no
    Tu siab nrho--------------------------mus tag ib sim

    Lub siab chim-----------------------tag npaum li no
    Es koj ho-------------------------puas hlub kuv tiag
    Maiv paj nyiab-------------------tus neeg kuv hlub
    Lawm tsis pub------------------------wb los sib tau

    Los sib sau-----------------------ua txij nkawm ces
    Tig los es--------------------------kuv hais koj mog
    Kua muag nrog-------------ntxaum tej nqaws tsho
    Sim neej no----------------------yeej hlub koj tshaj

    Xav tsawg zaj-----------------------los tws hau kev
    Thov koj cev----------------------koj txhais me tes
    Tuav kuv es---------------------------wb mus ua ke
    Sib pus nce-------------------lawm saum hauv tsua

    Muab txoj hlua-----------------------khi wb caj dab
    Sib puag npab-----------------------taug ib txoj kev
    Tseg lub cev-----------------------rau cov laus quaj
    Hmoov tsis muaj------------------nyob rau tiam no

    Ua siab tso---------------------------lub ntiaj teb cia
    Wb txoj sia-----------------------tu nrho lawm tiag
    Suav txij kiag---------------------lub sij hawm nov
    Yuav tsis ntxhov---------------wb siab ntxiv lawm

    Kev txij nkawm--------------------wb tau ywj siab
    Mus thawj thiab-----------------nyob lwm lub ntuj
    Wb tus ntsuj-------------------plig mam huab xyw
    Ya sib tw--------------------------------mus ua ib ke

    Sib pug nce------------------mus lawm ntuj ntsuab
    Ua nkauj huab-----------------thiab txiv nraug cua
    Yog muaj dua---------------------lwm tiam tiag no
    Wb mam ho------------------mus thov yawm saub

    Theej dua ntaub----------------hloov dua dej cawv
    Pauv dua ntawv----------------ua puav pheej tseeb
    Los thawj xeeb--------------------rau fab lwm tiam
    Nrhiav dua niam---------------yug dua txiv tshiab

    Neej kaj siab--------------------puas tau nrog txais
    Kuv ua ntxhais------------------------koj los ua tub
    Pauj kev hlub----------------------rau fab lwm sim
    Thiaj tsis chim------------------wb siab lawm mog

    Twg paub txog-------------------txoj kev no lawm
    Thov txhob kawm-----------thiab tsis txhob txiav
    Suab quaj nyiav----------------thiaj yuav tsis ncha
    Tej roj ntsha-----------------------li yuav tsis nkim

    Siab tsis chim------------------yuav tsis nrog muaj
    Kuv tub huaj-----------------thiab muam paj nyiag
    Muab tshaj kiag-----------------qhia neeg ntiaj teb
    Tsis txhob ntxheb----------txiav tub ntxhais lawm

    Lub sij hawm--------------------------los xaus li no
    Thov nej nco--------------------txog wb thiab mog
    Hlub txog tog------------------------tsis zoo li luag
    Lub kua muag--------------thiaj poob os lawv!!!!.

    Yog leej twg tau tuaj nyeem no ho nco txog wb thiab os  mog - ib tsoom phooj ywg Hmoob nyob thoob plaws lub ntiaj teb no – wb thov tshaj rau nej paub tias wb zaj dab neeg ces los xaus li no lawm os  mog



    Txoj kev hlub----------------thiab txoj kev ntshaw
    Tau ntawm taw---------------tuav nyob ntawm tes
    Zoo no ces------------------------tsis xav pub plam
    Txoj kev vam---------------------thiab kev cia siab

    Nws yuav tshiab----------------------yam li paj nra
    Yeej tsw ha---------------npaum nkaus nplej caug
    Kev nkauj nraug-------------tub ntxhais sib nyiam
    Txiv thiab niam---------------thov tsis txhob txwv

    Cov ua kwv---------------------thiab cov ua muam
    Lawv tseem ruam-------------vim lawv tseem yau
    Siab xav tau------------------------yog kev sib hlub
    Niam txiv ntxub----------------nrhiav kev los cais

    Tsoom tub ntxhais-------------lawv txoj hauv kev
    Siab tsis ntev--------------------muab kev tuag lwv
    Twg tseem txwv-------------------kawg tuag ua ke
    Hos nej ne-------------------------------ho xav li cas

    Kuv xav mas-----------------------peb zoo tib yam
    Muaj qee tsam---------------------los yeej xav tuag
    Kuv yuav luag------------------zoo yam Tub Huaj
    Tus tuav ruaj----------------------txoj me kev hlub

    Maiv nkauj hnub---------------------ho tsis ua tiag
    Li Paj Nyiag--------------------thiab kwv Huaj Yaj
    Pom nkawv zaj------------------dab neeg kev hlub
    Yam nkauj hnub---------------raws cuag nraug hli

    Kua muag si--------------------ntws nto tawm tuaj
    Lub suab quaj----------------kua muag ntws tawm
    Cas tus cawm---------------------ho yuav tsis muaj
    Es Tub Huaj------------------thiab maiv Paj Nyiag

    Thiaj tuag kiag---------------ncaim peb mus lawm
    Yog sij hawm----------------------muab tig tau rov
    Yog nkawv hnov------------------xav hais lus qhia
    Tias ib txhia---------------------lawv txoj kev hlub

    Zoo cuag kub--------------------thiab ci cuag nyiaj
    Yeej tsim txiaj-------------------cuag kub twj kum
    Yog twg tshum----------------yeej mob siab txaus
    Kuv tus laus--------------------twb ntsib dua lawm

    Muaj tus cawm-------------------kuv thiaj tsis tuag
    Ho yuav zuag----------------------tham raws li nco
    Muaj ib hmo---------------------yuav luag tsis yeej
    Kuv tus kheej-----------------------kev twb tws tas

    Maiv paj nras------------------------ho los pab qhia
    Kuv txoj sia---------------------------thiaj li tsis tu
    Lub suab xyu-----------------------txog siav ib zag
    Neej yav tag----------------------txawv tam sim no

    Ua cas ho------------------------pab tsis tau nkawv
    Ntuj yuas lawv---------------------xav mas tu siab
    Lwm tiam tshiab----------kom nkawv muaj hmoo
    Tau ntawv zoo-------------------los ua txij nkawm

    Kom hmoov sawm-------------sib nrhiav kom tau
    los sib sau-----------------------------nyob ua ib yig
    Thov ntuj tig-----------------txoj hmoov kom ncaj
    Rau txheej faj--------------------tom ntej lwm tiam

    Txhob pub piam--------------thiab plam dhau mus
    Thov faj lus-----------------------rau peb cov nyob
    Kom nej txhob--------------------coj siab li nkawv
    Niam txiv lawv---------------------kev khwv tu nej

    Neej tom ntej----------------nws tseem tshuav deb
    Lub ntiaj teb---------------------pom tsis tau txhua
    Tej mab sua-----------------------tej kev vam meej
    Nej tus kheej----------------------tsis tau pom txog

    Tseg nawb mog--------------txhob xaiv qhov tuag
    Kev ua ntsuag------------------tub thiab ntsuag kiv
    Niam thiab txiv--------------------lawv tsis xav tau
    Xa xov rau------------------------lub zos pham dais

    Yog nej pais------------------txog tsua pham thaus
    Muaj caij txaus-------------------ho nce mus xyuas
    Paub tham txuas---------------nkawv zaj dab neeg
    Ob tug neeg------------------------txoj kev sib hlub

    Ntawm tus tub----------------Huaj thiab paj nyiag
    Yeej muaj tiag---------------------tsis yog lam dag
    Kuv no ntag---------------pom ntawm qhov muag
    Lub kua muag---------------------yeej tauv tsis tau

    Muab saib dhau---------------nkawv sib hlub tshaj
    Pom lub raj---------------------nkawv nqa dej haus
    Muab saib txaus-----------------yeej sib puag tuag
    Pom ib tsuag-------------------------pob txha ua ke

    Nkawv mas ntshe----------------tau raws siab xav
    Pw ib lav--------------------------lwj ib pawg lawm
    Kev txij nkawm---------------tsis tau puam chawj
    Tsis nco txhawj----------------li lawm tiag lawv!!!

    ( Xaus li no )

    yog leej twg tau nyeem zaj dab neeg no tas- es nej ho xav li cas no- thov sau ntawv rau tus kws sau thiab mog-

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug on 16th February 2015, 2:51 pm



    Hmong ntuj tshiab wrote:

    koojziagkabzaug wrote:

    Nyob zoo tij laug Hmoob Ntuj Tshiab,

    Wooooow! Cas nws yuav muab zaj paj huam txuas tau muaj qab muaj quag ua luaj li...! Thov ua tsa&ug ntau.

    Tij laug, xav thov nws pab sau ib zaj paj huam "foom kob hmoov xyoo tshiab rau kwv tij neej tsa"


    Xa xyoo laus txais tos xyoo tshiab.

    Kuv los ntuas------------------------------ntawm lub xyoo laus
    Twb los xaus----------------------------------rau hmo peb caug
    Yuav los yaug--------------------------------------vij sub vij sw
    Qauv lwj tsw-------------------------------tej nyuag suab nywj

    Tej qauv lwj--------------------------------------lav mob lav pw
    Nyuag suab xyw----------------------------nrog kua muag daw
    Tej lav chaw----------------------------------hleb rag hleb rawg
    Cwj txhib ntawg--------------------------suab qeeg suab nruag

    Suab dab quag-------------------------------nrog suab dab nyia
    Tsuj npuag xia-------------------------nyuag ntaub npog ncauj
    Muab ntuas rauj---------------------------nyuag ntawv npog lo
    Sau tag nrho----------------------------------nrog lub xyoo laus

    Rau dej ntaus---------------------------------mus lawm zaj qho
    Poob tag nrho--------------------------------nrog lub xyoo laus
    Ntws mus xaus----------------------------ntxeev ntuj nraum ub
    Suav txij hnub-------------------------------pib lub xyoo tshiab

    Tej dej ntshiab--------------------------tsoom Hmoob tau haus
    Loj me laus-----------------------------------txhua leej zoo siab
    Pluas qav tshiab----------------------------kom Hmoob tau noj
    Nyob koom npoj--------------------------nrog kev peem tsheej

    Hmoob txhua leej--------------------------tau txais hmoov zoo
    Nrog lub xyoo------------------------------tshiab tawm tuaj no
    Txais tag nrho-----------------------------lub neej sawm txhiaj
    Txoj hmoov nyiaj------------------------thiab txoj hmoov kub

    Tsoom plig tub----------------------------------thiab cov plig ki
    Los luag ntxhi-----------------------------rau Hmoob tsev neeg
    Sawv tsheej nceeg----------------------nraug zees tsheej phab
    Nplej puv txhab----------------------------tsiaj hlob puv nkuaj

    Nyob sawv ruaj------------------------------nqaij zeb txha tsua
    Tsheej qoov sua----------------------------nqaij toog txha hlau
    Sawv coj tau----------------------------------txoj kev vam meej
    Hmoob txhua leej-----------------------thiab Hmoob txhua tus

    Tuav tes mus-------------------------------taug kev haum xeeb
    Los nrog teeb----------------------------------kev kawm txuj ci
    Hmoob thiaj li-------------------------------nrog luag tsim txiaj
    Neej sawm txhiaj-------------------------Hmoob thiaj tau txais

    Tsoom tub ntxhais------------------------sawv daws txhua leej
    Khaws Hmoob teej---------------------Hmoob tug txhua yam
    Txhob pub plam------------------------------rau kev puas tsuaj
    Hmoob thiaj muaj-----------------------------teej tug txhua fab

    Neej nram qab-----------------------------thiaj tsis ntshaw luag
    Sawv coj zuag--------------------------------lub neej tsim txiaj
    Nyuag kub nyiaj---------------------------nrog muaj puv hnab
    Mov puv txhab-----------------------------qaib npua puv nkuaj

    Nrog luag muaj------------------------------hlua nyiaj hlua kub
    Muaj me tub--------------------------------me ntxhais puv tsev
    Coj siab ntev----------------------------------raws kev paub tab
    Koom siab pab------------------------------nrog kev txhim kho

    Hmoob tiam no------------------------------kom muaj neej zoo
    Sawv coj loo----------------------------kom Hmoob muaj haiv
    Yuav tsum xaiv---------------------------Hmoob tus thawj coj
    Nrhiav kev ntoj----------------------------coj haiv Hmoob mus

    Sib pab pus----------------------------------lub me npe Hmoob
    Kom muaj koob------------------------------nyob mus nto moo
    Ua neej zoo-----------------------------------vam meej ncoo ko
    Sib puag npo-------------------------------nrog lub xyoo tshiab

    Nyob kaj siab-----------------------------------tshav ntuj li nrig
    Hmoob txhua yig-------------------------------tau taug zoo kev
    Muaj vaj tsev-------------------------------nrog luag teb chaws
    Hmoob sawv daws--------------------------rov raws kom ntsib

    Lub neej pib------------------------------thaum nyob looj ceeb
    Hmoob lub keeb--------------------------nyob nroog xas thoos
    Lub me moos-----------------------------------nyob cig ntsa iab
    Hmoob muaj kiab---------------------thiab Hmoob muaj khw

    Raws tus lw-----------------------------------txoj kev vam meej
    Hmoob lub neej------------------------------nyob ntuj qub qab
    Neej yaj sab------------------------------------nyob kaj siab lug
    Hmoob muaj tug--------------------------muaj txiag nplua nuj

    Neej tshav ntuj------------------------------muaj nom muaj tsw
    Tuav tus lw-----------------------------------tswj kav teb chaws
    Hmoob sawv daws------------------------muaj kev haum xeeb
    Neej thaj yeeb--------------------------------muaj hnub qub coj

    Npe nom loj-------------------------------------tau nrog luag ua
    Nyob sib sua----------------------------------muaj zej muaj zos
    Yeej tsis tos---------------------------------------leej twg kiag li
    Hnub qub ci-----------------------------------coj puv ntiag tsho

    Yeej tsis nco--------------------------------txog kev txawj xeeb
    Nom Hmoob teeb--------------------------muaj tshav dav hlau
    Tsim pub rau------------------------------Hmoob txhua lub zos
    Kev mus los-----------------------------------caij dav hlau xwb

    Tsis mob hlwb--------------------------------------li tam sim no
    Thov nej nco---------------------------txog Hmoob tsoom sim
    Lawv tau tsim-------------------------------kev zoo rau Hmoob
    Thiaj muaj koob------------------------------nyob mus nto npe

    Noj sib ce-------------------------------------thiab haus sib hlub
    Neej thaum ub--------------------------------lub teb chaws zoo
    Tsuas lam nroo--------------------------------tham ua dab neeg
    Hais kom deeg---------------------------rau Hmoob nrog hnov

    Tsis yog phov-------------------------------raws kev vwm xeeb
    Muab tham rheeb--------------------------kom Hmoob to taub
    Kom Hmoob paub-----------------------------peb yog leej twg
    Ncauj cuag ntswg---------------------------yeej hais tsis tawm

    Txhob maj rawm------------------------------to taub yuam kev
    Rub siab ntev--------------------------------------ua zoo xav tso
    Kom koj nco---------------------------------txog kev tsim txom
    Hmoob tej nom----------------------------------twb dua nra tag

    Yam tus cag-------------------------------twb raug luag khawb
    Coj siab dawb---------------------------luag tseem nrhiav txim
    Lub laj lim----------------------------------------coj tau tsis zoo
    Luag txo loo------------------------------------vaj huam du dais

    Zuag los hais------------------------------------cov coj tsis ncaj
    Lam mus daj-------------------------------ntxias noj luag nyiaj
    Txhav luag liaj------------------------------thiab deev luag poj
    Nyiag luag noj-------------------------------mus tho luag txhab

    Deev luag nyab-----------------------------coj siab nyaum tsiv
    Tham luag txiv-----------------------------txhav luag kev hlub
    Tsis muaj hnub--------------------------------yuav tau neej zoo
    Thov txhob nroo------------------------lawm nawb cov npawg

    Hmoob tseem tsawg-----------------------txhob ua lawm mog
    Lus tsis tog----------------------------------los thov zam txheej
    Paub tsis meej------------------------------thov tsis txhob chim
    Tsis tej lim------------------------------------thiaj sau tau yuam

    Vim tseem ruam-----------------------------txawj tsis tau txaus
    Cov kws laus------------------------------------thov nej ho qhia
    Tsis txhob cia-------------------------------rau luag thuam kuv
    Siab tsis khuv----------------------------------hais rau nej hnov

    Kuv xav thov------------------------------------nej ho nrog kho
    Kom zaj no------------------------------------ho muaj quag zoo
    Suab seev loo------------------------------txhob toog pob ntseg
    Txawm ua leg-------------------------------rau tsoom kws laus

    Txhob muab ntaus-------------------------------ua tej lus phem
    Thov txhob cem-------------------------------kuv tus tsis txawj
    Tseem yuav thawj------------------------------kom nej pab cob
    Yuav thaj tsob----------------------------------txais nej lus qhia

    Thov khaws cia------------------------------nyob rau txhua fab
    Yuav nco qab------------------------------------kaj ntug tag kis
    Neej nram ntsis----------------------------xab theeb lwm hnub
    Nej muaj tub---------------------------------ho mus muab nyab

    Neej nram qab--------------------------muaj ntxhais yuav txiv
    Yuav tuaj chiv---------------------------------ua tub tshaj koob
    Paub tsis thoob-------------------------------pab zaum lub rooj
    Xyuam lub txhooj-------------------------------ua puav dai taw

    Zaum lub chaw-----------------------------pab txheeb kev neej
    Rau sam txheej-------------------------------nrog ntos kev tsav
    Zaum rooj dav-----------------------------------rau lub sam tim
    Txheeb txheej sim-------------------------kom phim zoo quag

    Haum kwv luag------------------------------nyob rau sam xeeb
    Phim lub keeb-----------------------------xyuam nyog lub rooj
    Raws lub txhooj------------------------------muaj zoo lub phaj
    Phim lus tshaj---------------------------haum nyob zoo ntxuag

    Zoo kwv luag-----------------------------diav mov muag ncauj
    Pab nrog xauj-----------------------------------lo lus muag siab
    Muaj lub ntsiab--------------------------------txhais tias to taub
    Yog lus paub---------------------------------kob xwb tshaj lij./.

    ( xaus li no )

    Hmong ntuj tshiab wrote:
    Nuj sua plig Hnub Peb Caug

    Hnub ntawm no---------------------yog hnub Peb Caug
    Npaj tsis raug------------------------thov txhob siab yau
    Tsuas npaj tau------------------------me me khoom plig
    Zoo dog dig-------------------------thov tsis txhob chim

    Lub laj lim------------------------------tsis raws siab xav
    Txhua yam tsav------------------------cuag tsis paub tab
    Lam muab tshab-----------------------rau koj nrog hnov
    Thiaj tau thov------------------------------tej lus ua tsaug

    Yam tsis raug--------------------------los thov zam txim
    Tsawg tswv yim-------------------------laj lim tsis khov
    Lam muab plov--------------------------los rau koj paub
    Txoj kev haub----------------------ntawm kev niam txiv

    Koj yeej chiv-----------------------------coj tau zoo heev
    Yeej tsis seev-------------------------hais tias kuv phem
    Tsis tau cem-------------------------tias koj ntxim ntxub
    Vim ntawv rub-------------------------------wb los ua ke

    Nyob ib tse------------------------------los koom ib cuab
    Yog saub muab---------------------wb ntawv nyiaj keeb
    Los sib teeb-------------------------ua ntawv puaj txwm
    Tuav keeb kwm-------------------puag thaum tseem me

    Tsis txheeb ze--------------------------kev neej kev tsav
    Taug kev dav------------------------los tsheej niam tsev
    Ua koj sev------------------------------tau nrog koj nyob
    Los thaj tsob---------------------------------ua koj tus poj

    Nyob koom npoj------------------------ rau ib tsev neeg
    Kev sib ntseeg--------------------------thiab kev sib pab
    Neej nram qab---------------------------los txog hnub no
    Kuv yeej nco---------------------------koj tus txiaj ntsim

    Los nrog tsim-----------------------------wb lub me neej
    Thiaj li tsheej-------------------------------los ua ib cuab
    Kev sib qhuab--------------------------thiab kev sib qhia
    Koom txoj sia---------------------------lub neej tsis puas

    Rau luag qhuas-------------------------teej cuab teej yim
    Sawv txheej txhim--------------------nyob kaj siab nrig
    Tsheej lub yig-------------------------los nyob thaj yeeb
    Sib coj teeb---------------------------qhia tej tub ntxhais

    Kom tau txais-------------------------txoj me kev kawm
    Tsis pub tawm------------------------mus ua neeg phem
    Siab moj them-------------------------los nrog koom tes
    Sib pab nres--------------------------thiab nrog cob qhia

    Tsis tau cia----------------------------mus rau qhov liam
    Kuv yog niam--------------------------koj yog lawv txiv
    Wb yeej chiv------------------------------ua tus qauv zoo
    Tuav lub moo---------------------------rau peb tsev neeg

    Kuv yeej ntseeg-------------------------koj thiab os mog
    Tej lus cog--------------------------yeej muaj qhov tseeb
    Neej thaj yeeb--------------------------wb tau nrog txais
    Cov me ntxhais-------------------------twb tau zoo vauv

    Ua tus qauv-------------------------------tsis coj siab dub
    Wb cov tub-------------------------------los tau zoo nyab
    Los nrog tab-------------------------pluas noj pluas haus
    Neej yav laus---------------------------xav nyob kaj siab

    Mus ib txhiab--------------------------txog fab lwm tiam
    Muaj kev nyiam---------------------tsis muaj kev ntxub
    Tuav kev hlub----------------------------tsis coj siab luv
    Wb sib uv---------------------------------ua lub siab ntev

    Yeej tsis tshev------------------------rau teb chaws hnov
    Tsis tau phov-----------------------------ua rau luag hais
    Wb cov ntxhais-------------------------thiab cov me tub
    Sib cog hlub-----------------------kom lawv mloog hais

    Thiaj tau txais---------------------------txoj kev kaj siab
    Tej dej tshiab---------------------------kom peb tau haus
    Txog hnub laus------------------------muaj ib puas xyoo
    Zaub mov zoo----------------------------kom peb tau noj

    Txoj kev ntoj--------------------------qhib rooj kom dav
    Kev neej tsav-----------------------------tau txoj kev tuaj
    Nrog luag muaj------------------------lub neej thaj yeeb
    Nyob haum xeeb-----------------pheej siab pheej ntsws

    Kev tsis tws-----------------------------lub neej kob xwb
    Koj kuv wb-----------------------------muaj kev kaj siab
    Lub neej tshiab--------------------------rau yav tom ntej
    Yam tus dej--------------------------ntws mus ntshiab si

    Nyob luag ntxhi-----------------------hais lus luag nyav
    Raws siab xav--------------------------lub neej tsis plam
    Neej huaj vam-----------------------tau raws wb ntshaw
    Lub zoo chaw-------------------------pw thiaj tsaug zog

    Kuv tsheej pog-----------------------koj yog lawv yawg
    Txawm hais tsawg--------------------thov koj nkag siab
    Neej kaj siab-------------------------nyob tshav ntuj nrig
    Tswv ntuj tig------------------------------ko diav pub wb

    Neej kob xwb--------------------------wb tuav khov kho
    Rau tiam no---------------------------txoj kev ncaj ncees
    Wb tau lees------------------------------vaj tswv lus qhia
    Peem txoj sia-------------------------khiav tswv ntuj kev

    Coj siab ntev-------------------------rau tsoom kwv luag
    Lub siab nquag-------------------------pab yus tus kheej
    Qhia ib txheej----------------------------kom dhau ib tim
    Ntuj tau tsim------------------------------wb ua neeg zoo

    Sawv coj loo---------------------------lub cuab yim neej
    Coj koob pheej------------------------mus rau txhua fab
    Lus paub tab--------------------------------wb kuj to taub
    Hnov lus saub---------------------------kuj tsis lam vwm

    Hais lus twm-------------------------wb txhais tau meej
    Lus zam txheej----------------------tsuas tau hais tsawg
    Zoo siab kawg----------------------------os me koj txiv!!
    ( xaus li no )



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 1st November 2015, 11:10 am

    koojziagkabzaug wrote:

    Hmong ntuj tshiab wrote:
    Paj huam ntuas txiv tsev

    Zaj me no--------------------------yog lus paj huam
    Yuav hais tshuam-----------------rau cov txiv neej
    Ua nws yeej----------------------muaj lub cuab yig
    Neej zoo cig------------------------cuag tes tsau kaj

    Poj zoo tshaj-----------------------tus duab tshav ci
    Muaj tub ki-------------------------puv vaj puv tsev
    Tau zoo sev----------------------los nrog luag puag
    Nws tseem zuag-----------------txoj kev txhoj pob

    Coj siab hlob----------------ntshaw muaj poj coob
    Txiv neej Hmoob--------------ntshaw ntau tus sev
    Tus niam tsev----------------------uas yog niam loj
    Nws twb coj------------------------lub cuab yig nto

    Zoo tam hlo-----------------txoj koob hmoov nyiaj
    Neej sawm txhiaj----------------twb tau nrog txais
    Muaj tub ntxhais--------------zoo nkauj zoo nraug
    Lub neej taug-----------------------tau txoj kev zoo

    Neej nto moo-----------------caum cuag luag thiab
    Nyob kaj siab----------------------tshav ntuj li nrig
    Lub cuab yig-------------------zoo raws keeb kiam
    Nws tseem nyiam-----------------coj lub siab mos

    Pheej mus yos----------------------ntuj teb tag hmo
    Es hnub no-----------------------coj siab dub nciab
    Yuav niam tshiab-----------------ho cais niam qub
    Nws tsis hlub------------------------coj siab fee das

    Yeej tsis ras-----------------------txog txoj kev zoo
    Tsuas hnov nroo------------------txoj kev ua hluas
    Txawm yuav ntuas--------------nws yeej tsis hnov
    Niaj hnub phov-----------------ntshaw ntau tus poj

    Tej tub loj-----------------------twb tsis muaj nyab
    Tsis los pab---------------------nrhiav nyab los rau
    Tej ntxhais yau----------------tsis nrog qhuab qhia
    Nws tsuas xia-------------------kev hluas tsis txaus

    Neej yav laus-----------------twb ntshaw muaj tub
    Los nrog hlub-------------------nws tus kheej thiab
    Lub neej tshiab-----------------luag thiaj tsis xyav
    Yeej tsis xav----------------------txog yav tom ntej

    Hos luag tej----------------------thiaj yuav tsis cem
    Pheej ua phem---------------------tag npaum li koj
    Tus Niam loj------------------------los koj tsis hlub
    Koj Tej Tub-------------------------los hlub tsis tau

    Ntshaw niam yau--------------------ua neej dab tsi
    Yog koj li--------------------------koj twb tsis hlub
    Tseem mus rub-------------------niam me los thiab
    Coj lub siab------------------zais ntshis nyaum tsiv

    Koj ua txiv------------------------------yog coj li no
    Leej twg ho----------------------------thiaj li uv tau
    Tau niam yau-----------------------los yeej tsis zoo
    Koj lub moo----------------nrov ncha qeeg nkaws

    Thoob teb chaws------------------txoj kev ua hluas
    Koj tseem qhuas---------------------tias koj ua yog
    Tsis nco txog-------------------------yus tus me poj
    Tub twb loj----------------thiab ntxhais tiav Nkauj

    Luag tsis xauj------------------vim tsis hloov pauv
    ntxhais muaj Vauv-------------los twb muaj lawm
    Cov tseem kawm----------------ntawv tsis tau tiav
    Tsis pab nrhiav---------------------laj kam zoo rau

    Tej tub yau-------------------kuj txom nyem kawg
    Koj tub ntxawg----------------twb hlob tiav hluas
    Lub neej puas----------------------koj ua tus rhuav
    Vim koj yuav----------------------niam mos ab los

    Niam loj nros-------------------------tsis xav ua noj
    Koj tsis coj---------------------kom xws teb chaws
    Hlub sawv daws--------------niam hlob niam yau
    Muaj poj ntau-------------------yuav tsum coj raug

    Pub sib npaug-------------------txhob cais niam loj
    Yog koj poj-------------------hlub kom txhua nrho
    Koj puas nco---------------Thaum mus yuav nws?
    Yuav hlub xws--------------------lub teb lub chaw

    Kom txhob ntshaw---------------lwm tus kev hlub
    Yuav tsis pub----------------------lub neej kev tws
    Tsis pub nws------------------nyob txom nyem hlo
    Tus ntawm no-----------------------yog koj tus pog

    Vim nws yog-------------------tus tiam ntawv raug
    Ua nkauj nraug-------------puag thaum tseem yau
    Koj thiaj tau-----------------------nrog nws ua neej
    Ob leeg kheej-----------------twb haum txoj hmoo

    Nws yeej zoo-----------------------koj thiaj xav tau
    Tus niam yau------------------------los yog koj poj
    Me niam loj-----------------------yog koj lub chaw
    Tus koj ntshaw------------------yav ntuj thaum ub

    Koj tus hlub-------------------------lub neej tag los
    Lub cev mos------------------------koj tau tag nrho
    Tus koj nco-----------------thaum koj tseem hluas
    Nws cev puas-----------------------vim yog koj siv

    Koj yog txiv---------------------nws yog leej niam
    Vim ntawv tiam------------------koj noj tsis dhuav
    Koj thiaj yuav--------------------vim yog nco dhau
    Thiaj sib sau-----------------------los koom ua neej

    Koj tus kheej--------------ntshaw nws tshaj plaws
    Tag teb chaws-------------------koj yeej tsis nyiam
    Tuav pheem liam-------------ua niag vwm ntsuav
    Yog tsis yuav----------------------yeej tsis ua neeg

    Nws tib leeg--------------------zoo tshaj txhua leej
    Maiv tus kheej--------------------koj thiaj xav hlub
    Yog tsis pub----------------------koj yuav ces tuag
    Quaj kua muag---------------ntws nto ntawm plhu

    Tsuas hnov hu--------------------txog nws lub npe
    Thaum koj me-------------------nws tseem me yau
    Neb yeej tau-----------------------cog lus ruaj khov
    Yuav tsis phov---------------muab kev hlub rhuav

    Maiv li yuav------------------------raws koj cov lus
    Nws yog tus--------------------koj ntshaw tag nrho
    Vim li no---------------------------koj thiaj tau nws
    Lub siab ntsws--------------------tso pluav rau koj

    Txawm yuav noj------------me mov ntxuag ntsev
    Rub siab ntev--------------------yuav tsis cem yws
    Hos ntawm nws-------------------xav tias koj hlub
    Tsis muaj hnub------------------yuav muab koj tso

    Niaj hnub no-----------------hlub kawg siab ntsws
    Vim tias nws--------------------tau muab tus kheej
    Thiab lub neej------------------------tso tag rau koj
    Txoj kev coj-------------------yeej tsis txhawj txog

    Vim koj yog------------------------tus tuav txoj sia
    Thov tig ntsia---------------niam nkauj txhav qaib
    Tig mus saib-----------------txiv nraug txhav noog
    Nws yeej yoog----------------raws koj siab nyiam

    Ua leej niam---------------------kav cuab yim neej
    Hlub txhua leej--------------------tsis cais noj haus
    Kev hlub txaus----------------------rau koj lub neej
    Nws tus kheej--------------------coj siab tsis hloov

    Yog koj hmoov-----------------tus thaum koj hlub
    Thiaj muaj tub---------------------muaj ki puv tsev
    Rub siab ntev------------------------tsis coj siab me
    Hos koj ne!!----------------------puas nco yav tas?

    Pheej fee das----------------------tsis nco txog nws
    Niaj hnub yws-------------------------tsis xav ua ke
    Tau niam me------------------txhob xav tias ntxub
    Yuav tau hlub-----------------nws thiab nawb mog

    Coj kom yog--------------------tsis txhob lam cem
    Txhob siab phem----------------thiaj tau ntuj ntoo
    Coj siab zoo------------------hlub kom txhua nrho
    Vim hnub no---------------------twb nrog muaj tug

    Neb twb yug--------------------------tub ki puv npo
    Yeej tsis nco-----------------yuav ntshaw luag poj
    Tub ntxhais loj-------------lawv ntshaw muaj txiv
    Koj twb chiv---------------------muaj lub neej zoo

    Vim txoj hmoo-------------------thiab lub ntuj pub
    Koj tsis hlub------------------------ho yug lawv los
    Ua neej nros----------------------xws puav dai taw
    Yam lawv ntshaw-----------ntawm lawv tus kheej

    Lawv lub neej-------------------muaj txoj kev ntoj
    Xav kom koj-----------------------ho cev tes plhws
    Kawg siab ntsws-------------txhawb lawv ua neej
    Lawv tus kheej-------------------xav kom koj nres

    Ho cev tes-----------------txhawb lawv thiaj tsheej
    Mus ua neej----------------------lawv thiaj cia siab
    Ho qhia thiab--------------------neej thiaj tsis piam
    Txawm lawv niam-----------------koj tsis hlub los

    Yeej tsis nros----------------------yuav tu siab txog
    Lawv twb yog----------------------koj li roj ntshav
    Ua zoo xav----------------------------yog koj tub ki
    Yog yus li--------------------------yus yug rhev los

    Kuv lus ntos---------------------------ces muaj li no
    Thov koj nco------------------txog lawv thiab mog
    Yog nco txog-------------------txhob tso lawv tseg
    Tsis ua leg------------------kom koj ntxhov plawv

    Txhob tso lawv------------------mus ua ntsuag ciaj
    Tsis muaj nyiaj-----------------thiab tsis muaj kub
    Tsuav sib hlub--------------------xwb ces yeej zoo
    Muaj txoj hmoo-------------------nyob rau tiam no

    Ntuj thiaj tso--------------------------los ua txiv tub
    Thov txhob ntxub----------------------koj tej tub ki
    Yog koj li---------------------noob roj noob ntshav
    Yog luag xyav----------------lawv lub koob phem

    Koj tsis cem----------------------thiab tsis cob qhia
    Luag thiaj ntsia---------------------lawv zoo li tsiaj
    Tsis tsim txiaj-----------------------los yog vim koj
    Leej txiv coj-----------------------tus qauv tsis zoo

    Koj lub moo-----------------------yeej puas ib yam
    Thiaj muab tham-------------------ua lus paj huam
    Tsis yog thuam---------------tsuas hais qhov tseeb
    Thaum khib xeeb---------------ces mob koj xwb./.

    ( xaus li no )




    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab on 1st November 2015, 11:24 am

    [quote="koojziagkabzaug"]

    Hmong ntuj tshiab wrote:

    koojziagkabzaug wrote:

    Nyob zoo tij laug Hmoob Ntuj Tshiab,

    Wooooow! Cas nws yuav muab zaj paj huam txuas tau muaj qab muaj quag ua luaj li...! Thov ua tsa&ug ntau.

    Tij laug, xav thov nws pab sau  ib zaj paj huam "foom kob hmoov xyoo tshiab rau kwv tij neej tsa"


    Xa xyoo laus txais tos xyoo tshiab.

    Kuv los ntuas------------------------------ntawm lub xyoo laus
    Twb los xaus----------------------------------rau hmo peb caug
    Yuav los yaug--------------------------------------vij sub vij sw
    Qauv lwj tsw-------------------------------tej nyuag suab nywj

    Tej qauv lwj--------------------------------------lav mob lav pw
    Nyuag suab xyw----------------------------nrog kua muag daw
    Tej lav chaw----------------------------------hleb rag hleb rawg
    Cwj txhib ntawg--------------------------suab qeeg suab nruag

    Suab dab quag-------------------------------nrog suab dab nyia
    Tsuj npuag xia-------------------------nyuag ntaub npog ncauj
    Muab ntuas rauj---------------------------nyuag ntawv npog lo
    Sau tag nrho----------------------------------nrog lub xyoo laus

    Rau dej ntaus---------------------------------mus lawm zaj qho
    Poob tag nrho--------------------------------nrog lub xyoo laus
    Ntws mus xaus----------------------------ntxeev ntuj nraum ub
    Suav txij hnub-------------------------------pib lub xyoo tshiab

    Tej dej ntshiab--------------------------tsoom Hmoob tau haus
    Loj me laus-----------------------------------txhua leej zoo siab
    Pluas qav tshiab----------------------------kom Hmoob tau noj
    Nyob koom npoj--------------------------nrog kev peem tsheej

    Hmoob txhua leej--------------------------tau txais hmoov zoo
    Nrog lub xyoo------------------------------tshiab tawm tuaj no
    Txais tag nrho-----------------------------lub neej sawm txhiaj
    Txoj hmoov nyiaj------------------------thiab txoj hmoov kub

    Tsoom plig tub----------------------------------thiab cov plig ki
    Los luag ntxhi-----------------------------rau Hmoob tsev neeg
    Sawv tsheej nceeg----------------------nraug zees tsheej phab
    Nplej puv txhab----------------------------tsiaj hlob puv nkuaj

    Nyob sawv ruaj------------------------------nqaij zeb txha tsua
    Tsheej qoov sua----------------------------nqaij toog txha hlau
    Sawv coj tau----------------------------------txoj kev vam meej
    Hmoob txhua leej-----------------------thiab Hmoob txhua tus

    Tuav tes mus-------------------------------taug kev haum xeeb
    Los nrog teeb----------------------------------kev kawm txuj ci
    Hmoob thiaj li-------------------------------nrog luag tsim txiaj
    Neej sawm txhiaj-------------------------Hmoob thiaj tau txais

    Tsoom tub ntxhais------------------------sawv daws txhua leej
    Khaws Hmoob teej---------------------Hmoob tug txhua yam
    Txhob pub plam------------------------------rau kev puas tsuaj
    Hmoob thiaj muaj-----------------------------teej tug txhua fab

    Neej nram qab-----------------------------thiaj tsis ntshaw luag
    Sawv coj zuag--------------------------------lub neej tsim txiaj
    Nyuag kub nyiaj---------------------------nrog muaj puv hnab
    Mov puv txhab-----------------------------qaib npua puv nkuaj

    Nrog luag muaj------------------------------hlua nyiaj hlua kub
    Muaj me tub--------------------------------me ntxhais puv tsev
    Coj siab ntev----------------------------------raws kev paub tab
    Koom siab pab------------------------------nrog kev txhim kho

    Hmoob tiam no------------------------------kom muaj neej zoo
    Sawv coj loo----------------------------kom Hmoob muaj haiv
    Yuav tsum xaiv---------------------------Hmoob tus thawj coj
    Nrhiav kev ntoj----------------------------coj haiv Hmoob mus

    Sib pab pus----------------------------------lub me npe Hmoob
    Kom muaj koob------------------------------nyob mus nto moo
    Ua neej zoo-----------------------------------vam meej ncoo ko
    Sib puag npo-------------------------------nrog lub xyoo tshiab

    Nyob kaj siab-----------------------------------tshav ntuj li nrig
    Hmoob txhua yig-------------------------------tau taug zoo kev
    Muaj vaj tsev-------------------------------nrog luag teb chaws
    Hmoob sawv daws--------------------------rov raws kom ntsib

    Lub neej pib------------------------------thaum nyob looj ceeb
    Hmoob lub keeb--------------------------nyob nroog xas thoos
    Lub me moos-----------------------------------nyob cig ntsa iab
    Hmoob muaj kiab---------------------thiab Hmoob muaj khw

    Raws tus lw-----------------------------------txoj kev vam meej
    Hmoob lub neej------------------------------nyob ntuj qub qab
    Neej yaj sab------------------------------------nyob kaj siab lug
    Hmoob muaj tug--------------------------muaj txiag nplua nuj

    Neej tshav ntuj------------------------------muaj nom muaj tsw
    Tuav tus lw-----------------------------------tswj kav teb chaws
    Hmoob sawv daws------------------------muaj kev haum xeeb
    Neej thaj yeeb--------------------------------muaj hnub qub coj

    Npe nom loj-------------------------------------tau nrog luag ua
    Nyob sib sua----------------------------------muaj zej muaj zos
    Yeej tsis tos---------------------------------------leej twg kiag li
    Hnub qub ci-----------------------------------coj puv ntiag tsho

    Yeej tsis nco--------------------------------txog kev txawj xeeb
    Nom Hmoob teeb--------------------------muaj tshav dav hlau
    Tsim pub rau------------------------------Hmoob txhua lub zos
    Kev mus los-----------------------------------caij dav hlau xwb

    Tsis mob hlwb--------------------------------------li tam sim no
    Thov nej nco---------------------------txog Hmoob tsoom sim
    Lawv tau tsim-------------------------------kev zoo rau Hmoob
    Thiaj muaj koob------------------------------nyob mus nto npe

    Noj sib ce-------------------------------------thiab haus sib hlub
    Neej thaum ub--------------------------------lub teb chaws zoo
    Tsuas lam nroo--------------------------------tham ua dab neeg
    Hais kom deeg---------------------------rau Hmoob nrog hnov

    Tsis yog phov-------------------------------raws kev vwm xeeb
    Muab tham rheeb--------------------------kom Hmoob to taub
    Kom Hmoob paub-----------------------------peb yog leej twg
    Ncauj cuag ntswg---------------------------yeej hais tsis tawm

    Txhob maj rawm------------------------------to taub yuam kev
    Rub siab ntev--------------------------------------ua zoo xav tso
    Kom koj nco---------------------------------txog kev tsim txom
    Hmoob tej nom----------------------------------twb dua nra tag

    Yam tus cag-------------------------------twb raug luag khawb
    Coj siab dawb---------------------------luag tseem nrhiav txim
    Lub laj lim----------------------------------------coj tau tsis zoo
    Luag txo loo------------------------------------vaj huam du dais

    Zuag los hais------------------------------------cov coj tsis ncaj
    Lam mus daj-------------------------------ntxias noj luag nyiaj
    Txhav luag liaj------------------------------thiab deev luag poj
    Nyiag luag noj-------------------------------mus tho luag txhab

    Deev luag nyab-----------------------------coj siab nyaum tsiv
    Tham luag txiv-----------------------------txhav luag kev hlub
    Tsis muaj hnub--------------------------------yuav tau neej zoo
    Thov txhob nroo------------------------lawm nawb cov npawg

    Hmoob tseem tsawg-----------------------txhob ua lawm mog
    Lus tsis tog----------------------------------los thov zam txheej
    Paub tsis meej------------------------------thov tsis txhob chim
    Tsis tej lim------------------------------------thiaj sau tau yuam

    Vim tseem ruam-----------------------------txawj tsis tau txaus
    Cov kws laus------------------------------------thov nej ho qhia
    Tsis txhob cia-------------------------------rau luag thuam kuv
    Siab tsis khuv----------------------------------hais rau nej hnov

    Kuv xav thov------------------------------------nej ho nrog kho
    Kom zaj no------------------------------------ho muaj quag zoo
    Suab seev loo------------------------------txhob toog pob ntseg
    Txawm ua leg-------------------------------rau tsoom kws laus

    Txhob muab ntaus-------------------------------ua tej lus phem
    Thov txhob cem-------------------------------kuv tus tsis txawj
    Tseem yuav thawj------------------------------kom nej pab cob
    Yuav thaj tsob----------------------------------txais nej lus qhia

    Thov khaws cia------------------------------nyob rau txhua fab
    Yuav nco qab------------------------------------kaj ntug tag kis
    Neej nram ntsis----------------------------xab theeb lwm hnub
    Nej muaj tub---------------------------------ho mus muab nyab

    Neej nram qab--------------------------muaj ntxhais yuav txiv
    Yuav tuaj chiv---------------------------------ua tub tshaj koob
    Paub tsis thoob-------------------------------pab zaum lub rooj
    Xyuam lub txhooj-------------------------------ua puav dai taw

    Zaum lub chaw-----------------------------pab txheeb kev neej
    Rau sam txheej-------------------------------nrog ntos kev tsav
    Zaum rooj dav-----------------------------------rau lub sam tim
    Txheeb txheej sim-------------------------kom phim zoo quag

    Haum kwv luag------------------------------nyob rau sam xeeb
    Phim lub keeb-----------------------------xyuam nyog lub rooj
    Raws lub txhooj------------------------------muaj zoo lub phaj
    Phim lus tshaj---------------------------haum nyob zoo ntxuag

    Zoo kwv luag-----------------------------diav mov muag ncauj
    Pab nrog xauj-----------------------------------lo lus muag siab
    Muaj lub ntsiab--------------------------------txhais tias to taub
    Yog lus paub---------------------------------kob xwb tshaj lij./.

    ( xaus li no )

    Hmong ntuj tshiab wrote:
    Nuj sua plig Hnub Peb Caug

    Hnub ntawm no---------------------yog hnub Peb Caug
    Npaj tsis raug------------------------thov txhob siab yau
    Tsuas npaj tau------------------------me me khoom plig
    Zoo dog dig-------------------------thov tsis txhob chim

    Lub laj lim------------------------------tsis raws siab xav
    Txhua yam tsav------------------------cuag tsis paub tab
    Lam muab tshab-----------------------rau koj nrog hnov
    Thiaj tau thov------------------------------tej lus ua tsaug

    Yam tsis raug--------------------------los thov zam txim
    Tsawg tswv yim-------------------------laj lim tsis khov
    Lam muab plov--------------------------los rau koj paub
    Txoj kev haub----------------------ntawm kev niam txiv

    Koj yeej chiv-----------------------------coj tau zoo heev
    Yeej tsis seev-------------------------hais tias kuv phem
    Tsis tau cem-------------------------tias koj ntxim ntxub
    Vim ntawv rub-------------------------------wb los ua ke

    Nyob ib tse------------------------------los koom ib cuab
    Yog saub muab---------------------wb ntawv nyiaj keeb
    Los sib teeb-------------------------ua ntawv puaj txwm
    Tuav keeb kwm-------------------puag thaum tseem me

    Tsis txheeb ze--------------------------kev neej kev tsav
    Taug kev dav------------------------los tsheej niam tsev
    Ua koj sev------------------------------tau nrog koj nyob
    Los thaj tsob---------------------------------ua koj tus poj

    Nyob koom npoj------------------------ rau ib tsev neeg
    Kev sib ntseeg--------------------------thiab kev sib pab
    Neej nram qab---------------------------los txog hnub no
    Kuv yeej nco---------------------------koj tus txiaj ntsim

    Los nrog tsim-----------------------------wb lub me neej
    Thiaj li tsheej-------------------------------los ua ib cuab
    Kev sib qhuab--------------------------thiab kev sib qhia
    Koom txoj sia---------------------------lub neej tsis puas

    Rau luag qhuas-------------------------teej cuab teej yim
    Sawv txheej txhim--------------------nyob kaj siab nrig
    Tsheej lub yig-------------------------los nyob thaj yeeb
    Sib coj teeb---------------------------qhia tej tub ntxhais

    Kom tau txais-------------------------txoj me kev kawm
    Tsis pub tawm------------------------mus ua neeg phem
    Siab moj them-------------------------los nrog koom tes
    Sib pab nres--------------------------thiab nrog cob qhia

    Tsis tau cia----------------------------mus rau qhov liam
    Kuv yog niam--------------------------koj yog lawv txiv
    Wb yeej chiv------------------------------ua tus qauv zoo
    Tuav lub moo---------------------------rau peb tsev neeg

    Kuv yeej ntseeg-------------------------koj thiab os mog
    Tej lus cog--------------------------yeej muaj qhov tseeb
    Neej thaj yeeb--------------------------wb tau nrog txais
    Cov me ntxhais-------------------------twb tau zoo vauv

    Ua tus qauv-------------------------------tsis coj siab dub
    Wb cov tub-------------------------------los tau zoo nyab
    Los nrog tab-------------------------pluas noj pluas haus
    Neej yav laus---------------------------xav nyob kaj siab

    Mus ib txhiab--------------------------txog fab lwm tiam
    Muaj kev nyiam---------------------tsis muaj kev ntxub
    Tuav kev hlub----------------------------tsis coj siab luv
    Wb sib uv---------------------------------ua lub siab ntev

    Yeej tsis tshev------------------------rau teb chaws hnov
    Tsis tau phov-----------------------------ua rau luag hais
    Wb cov ntxhais-------------------------thiab cov me tub
    Sib cog hlub-----------------------kom lawv mloog hais

    Thiaj tau txais---------------------------txoj kev kaj siab
    Tej dej tshiab---------------------------kom peb tau haus
    Txog hnub laus------------------------muaj ib puas xyoo
    Zaub mov zoo----------------------------kom peb tau noj

    Txoj kev ntoj--------------------------qhib rooj kom dav
    Kev neej tsav-----------------------------tau txoj kev tuaj
    Nrog luag muaj------------------------lub neej thaj yeeb
    Nyob haum xeeb-----------------pheej siab pheej ntsws

    Kev tsis tws-----------------------------lub neej kob xwb
    Koj kuv wb-----------------------------muaj kev kaj siab
    Lub neej tshiab--------------------------rau yav tom ntej
    Yam tus dej--------------------------ntws mus ntshiab si

    Nyob luag ntxhi-----------------------hais lus luag nyav
    Raws siab xav--------------------------lub neej tsis plam
    Neej huaj vam-----------------------tau raws wb ntshaw
    Lub zoo chaw-------------------------pw thiaj tsaug zog

    Kuv tsheej pog-----------------------koj yog lawv yawg
    Txawm hais tsawg--------------------thov koj nkag siab
    Neej kaj siab-------------------------nyob tshav ntuj nrig
    Tswv ntuj tig------------------------------ko diav pub wb

    Neej kob xwb--------------------------wb tuav khov kho
    Rau tiam no---------------------------txoj kev ncaj ncees
    Wb tau lees------------------------------vaj tswv lus qhia
    Peem txoj sia-------------------------khiav tswv ntuj kev

    Coj siab ntev-------------------------rau tsoom kwv luag
    Lub siab nquag-------------------------pab yus tus kheej
    Qhia ib txheej----------------------------kom dhau ib tim
    Ntuj tau tsim------------------------------wb ua neeg zoo

    Sawv coj loo---------------------------lub cuab yim neej
    Coj koob pheej------------------------mus rau txhua fab
    Lus paub tab--------------------------------wb kuj to taub
    Hnov lus saub---------------------------kuj tsis lam vwm

    Hais lus  twm-------------------------wb txhais tau meej
    Lus zam txheej----------------------tsuas tau hais tsawg
    Zoo siab kawg----------------------------os me koj txiv!!
    ( xaus li no )

    [/quote]

    Sponsored content

    Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Sponsored content Today at 4:33 am


      Current date/time is 9th December 2016, 4:33 am