google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    KHAWV TXHIAJ

    Share

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    KHAWV TXHIAJ

    Post  Hmong ntuj tshiab on 27th May 2011, 9:55 pm


    KHAWV TXHIAJ PLEES NKAUJ NRAUM


    Muaj hluas sov zos
    Tsis muaj hluas tsov los


    Vaj Nruas




    Zaj – ( 1 ) – Khawv txhiaj plees – tsis sib tau


    1. Niaj yai!!!! Txiv leej tub es daj deev zoo lawm luaj no tsis sib tau, cev txiaj zam nyob laus tag, los kuv niam leej ntxhais mam mus ua lub tsev txooj taug qas lias tuaj rau nruab roob, nyob muaj hnub txiv leej tub li koj I ntoj nuag ntaus kev dhau, es koj mam muab kuv niam leej ntxhais zeem ua koj tej me qub hmoob, es koj ho tau tuaj lub chaw poob, kuv niam leej ntxhais mam muab koj zeem ua neej los ua tsav, kuv niam leej ntxhais ho zoo ntim koj ib diav qav, koj mam tsab kuv niam leej ntxhais no kab paj luam yeeb mus nplooj lwg, es kuv mam haus mloog ntsuj ntsoov saib puas tseem tsw wb plees nkauj nraum ntuj thaum ub tej me qub xyw, saib puas tseem zoo li thaum kuv niam leej ntxhais no tseem ua nkauj hos koj tseem ua nraug, es tuav tes ruj rawv tuaj mus kav khw, tham ntxuaj ntxog me kev phooj los kev ywg, nyiaj dab ntub zuj zias los tiv lwg os txiv leej tub.

    1. Niaj yai!!!! Txiv leej tub es daj deev zoo lawm luaj no tsis sib tau, cev txiaj zam nyob laus tag, los kuv niam leej ntxhais mam mus ua lub tsev txooj taug qas lias tuaj rau nruab dawg, nyob muaj hnub txiv leej tub li koj I ntoj nuag ntaus kev dhau, es koj mam muab kuv niam leej ntxhais no zeem ua koj ib leej me muam npaws, es koj ho tau tuaj lub chaw tsaws, kuv niam leej ntxhais mam muab koj zeem ua neej los ua nus, kuv niam leej ntxhais ho zoo ntim koj ib diav su, koj mam tsab kuv niam leej ntxhais no kab paj luam yeeb mus nplooj tshiab, rau kuv niam leej ntxhais haus mloog ntsuj ntsoov saib puas tseem tsw wb plees nkauj nraum ntuj thaum ub tej me qub ntxhiab, saib puas tseem zoo li thaum kuv niam leej ntxhais no tseem ua nkauj hos koj tseem ua nraug, es tuav tes ruj rawv tuaj mus kav kiab, tham ntxuaj ntxog txiaj saub mus kev dai siab, ncig yuj yeev tiv tshav mus ntuj ziab.


    2. Naij yai!!!! Txiv leej tub daj deev zoo lawm luaj no tsis sib tau es cev txiaj zam nyob laus tag los lam ua yim neej saub seev yuj yees tuaj sib nug moo, es niam mus nyob ntuj deb kev ncua ntev rau niam mab niam mus suav nroog, es tsis tau ua daim teb tiag luj lias tuaj sib puas npoo, koj tsis tau pab kuv tuaj mus ib hnub, los tsuav ntuj nram teb twg, koj wb txoj me hmoov los rub, es kuv ntxhais tau koj tub, saib puas zoo tam ntua kuv tau koj rau yav neej puag thaum ub, es wb mam rov zeem poj cuag thiab yawg cuam tuaj mus sib hlub, los ntshe zoo tsis cuag li txiv leej tub li koj I cev qaj nraug xub, pw nthuj nthi rau niam leej ntxhais ntiag, rau niam leej ntxhais hlub, li thaum kuv tseem ua nkauj hos koj tseem ua nraug, es wb tuav tes ruj rawv mus nraim ncua ib ncuas tshav mus ntuj kub, tham ntxuaj ntxog txiaj saub kev mus sib hlub, nyob ntuj tag hmo tuaj teb tag hnub os txiv leej tub.

    2. Naij yai!!!! Txiv leej tub daj deev zoo lawm luaj no tsis sib tau es cev txiaj zam nyob laus tag los lam ua yim neej saub seev yuj yees tuaj sib nug yim, es niam mus nyob ntuj deb kev ncua ntev rau niam mab niam mus suav sab puag tim, es tsis tau ua daim teb tiag luj lias tuaj sib puas nrim, koj tsis tau pab kuv tuaj mus ib ncuas, los tsuav ntuj nram teb twg, koj wb txoj me hmoov los cuag, es kuv ntxhais tau koj tub, saib puas zoo tam ntua kuv tau koj rau yav neej puag thaum hluas, es wb mam rov zeem poj cuag thiab yawg cuam tuaj mus sib tshua, los ntshe zoo tsis cuag li txiv leej tub li koj I cev qaj nraug hluas, pw nthuj nthi rau niam leej ntxhais ntiag, rau niam leej ntxhais puag, li thaum kuv tseem ua nkauj hos koj tseem ua nraug, es wb tuav tes ruj rawv tuaj mus ua qhua, tham ntxuaj ntxog txiaj saub kev sib tshua, ncig yuj yeev rau tej mus yas ntsua os txiv leej tub.

    Chim leej xeeb laj luam cua, khuam nkaus tuaj tus ntsis tsuag, dab tsis yua, deev tuaj tsis tau puag, chim siab loj lug mus txog hnub tuag los mam mus teem caij rau ntxuj xib nyoog hav paj mus zaub quag, mam txia lij ntshis ua suav txiv nyuj twm nog zaub kuj khuag, nqov quj qaws nrhiav koj nyob mus nrau dua.





    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304








    Last edited by Hmong ntuj tshiab on 6th June 2011, 8:08 pm; edited 1 time in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 27th May 2011, 9:58 pm


    Zaj – ( 2 ) – Khawv txhiaj plees – Daj dag tso cia


    1. Niaj yai!!!!! Txiv leej tub tos xyoo no kho siab lawm luaj no los wb plees nkauj ces yog nkauj qaib iab, tuaj nraug qaib ntawv, nkauj koom siab, tuaj nraug koom plawv, tuav tes lawm tas tej zib zawv, ncig yuj yeev rau niam mab niag suav chaw, tham ntxuag ntxog txiaj saub kev mus dai plawv os txiv leej tub.

    1. Niaj yai!!!!! Txiv leej tub tos xyoo no kho siab lawm luaj no los wb plees nkauj ces yog nkauj qaib ntawv, tuaj nraug qaib iab, nkauj koom plawv, tuaj nraug koom siab, tuav tes lawm tas tej zib niab, ncig yuj yeev rau niam mab niag suav kiab, tham ntxuag ntxog txiaj saub kev mus dai siab os txiv leej tub.

    2. Niaj yai!!!!! Txiv leej tub, ntshe kho koj siab tuaj nyob kho tsis loj, kho kuv niam leej ntxhais no siab ces tam ntua me nplooj xyooj nplooj ntoos tuaj sib tw yoj, es niam liab me cuam kau luj laws tuaj tim toj, es kuv niam leej ntxhais thiaj qaug lub zog luj luas tsis xav mus nrog luag ua noj os txiv leej tub.

    2. Niaj yai!!!!! Txiv leej tub, ntshe kho koj siab tuaj nyob kho tsis heev, kho kuv niam leej ntxhais no siab ces tam ntua me nplooj xyooj nplooj ntoos yuj plaws tuaj sib tw ntxeev, es niam liab me cuam nrhiav tsis tau lub zoo nuj txeeg los nrog luag seev, es kuv niam leej ntxhais thiaj qaug lub zog luj luas tsis xav nrhiav dua xab yeeb xuam phooj ywg tsiab los nrog luag deev os txiv leej tub.


    3. Niaj yai!!!!! Txiv leej tub es tos kho siab lawm luaj no los vim koj niag ncauj qab zib, tuaj nplaig qab ntse, daj ntxias qhib, deev ntxias qhe, daj tsis yib, deev tso tseg, cas koj tsis ntxov qhia kuv niam leej ntxhais no rau ntuj sib txoog tuaj puag thaum me, es kuv niam leej ntxhais tsis txhob nrog koj muab tus kev nkauj, kev nraug los nrog leg, os txiv leej tub.

    3. Niaj yai!!!!! Txiv leej tub es tos kho siab lawm luaj no los vim koj niag ncauj qab ntse, tuaj nplaig qab zib, daj ntxias qhe, deev ntxias qhib, daj tso tseg, deev tsis yib, cas koj tsis ntxov qhia kuv niam leej ntxhais no rau ntuj sib txoog tuaj puag thaum ib, es kuv niam leej ntxhais tsis txhob nrog koj muab tus kev nkauj, kev nraug los nrog pib, os txiv leej tub.

    Chim laj xeeb laj luam cua, khuam nkaus rau nthwv cua daj cua dub nplawm ntuj ntws thoob plaws qab mus ntuj khwb, xyoo no phem niaj los tsiv xyoo es niam leej ntxhais yuav daj tau xab yeeb xuam phooj ywg ib leej me siab phem tuaj mus nraug xwb, es kuv niam leej ntxhais thiaj khaws nkaus tau txoj kev thoj chim kev ntsim siab khuam nkaus tuaj rau ntawm xwb qwb os txiv leej tub.[/left]

    ( xaus li no )






    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304





    Last edited by Hmong ntuj tshiab on 6th June 2011, 8:09 pm; edited 3 times in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 27th May 2011, 9:59 pm



    Zaj – ( 3 ) – khawv txhiaj plees – sib ncaim.


    1.. Niaj yai!!!!! Txiv leej tub tos kho siab lawm luaj no los vim yog wb me plees nkauj ces hais daj hais deev zoo puav tam tau niam liab me cuam tsaj tag lub zoov nuj txeeg tuaj nyob tsis dhuav, es wb tseem daj tuaj tsis tau yuav, lub teb chaws lwj lam tag tej mus sib ntsuav, ntshe koj yuav tso kuv tes tej sib plaws, kuv yuav tso koj tes tej sib plhuav, zaum no ces wb me plees nkauj nraum ces yuav zoo tam ntua niam dos tauj me dos nqeeb lwj tas tej mus sib ntsuav, es niam ntaus tau xab yeeb xuam phooj ywg zoo rau rab teb tuam rooj ntug no los ntshe yuav tseg ncua mus rau qhua tauj yas tuaj ob cag yuav os txiv leej tub.

    1. Niaj yai!!!!! Txiv leej tub tos kho siab lawm luaj no los vim yog wb me plees nkauj ces hais daj hais deev zoo puav tam tau niam liab me cuam tsaj tag lub zoov nuj txeeg tuaj nyob tsis tau ntxaws, es wb tseem daj nyob tuaj tsis tau saws, lub teb lub chaws lwj lam tas tej mus sib daws, ntshe koj yuav tso kuv tes tej mus sib plhuav, kuv yuav tso koj tes tej mus sib plaws, zaum no ces ntshe wb plees nkauj nraum ces yuav zoo tam ntua niam dos tauj me dos nqeeb lwj tas tej mus sib ntxaws, es niam ntaus tau xab yeeb xuam phooj ywg zoo rau rab teb tuam rooj ntug no los ntshe yuav tseg ncua rau qhua tauj yas tuaj ob cag saws os txiv leej tub.

    2. Niaj yai!!! Txiv leej tub tos kho siab lawm luaj no los vim yog lub teb tuaj lub chaw tsis zoo, es niam mab niag sua, tua rab phom yaj toog nrov doog duj daws tuaj twb yuav txog, es kuv niam leej ntxhais leej niam leej txiv laj fab tswv yim tuaj ntaus tsis nto, thiaj coj tau kuv niam leej ntxhais no tsiv teb coj tsaws chaw los hla lij plaws cuaj tsib yim lub mus laj tog, thiaj tseg ncua txiv leej tub li koj I mus quaj seev yuj yees rau leej niam leej txiv lub mus luaj nrog, tus me txiaj ntsim kua muag sib qee los, los vim yog lub teb coj lub chaw tuaj mus ua zog kos, es wb me plees nkauj nraum thiaj li plam lij plaws xab me yeeb xuam phooj ywg tuaj tus zoo mos, os txiv leej tub.

    2. Niaj yai!!! Txiv leej tub tos kho siab lawm luaj no los vim yog lub teb tuaj lub chaw tsis zoo, es niam mab niam sua, tua rab phom yaj toog nrov doog duj daws tuaj twb yuav twb yuav nto roob, es kuv niam leej ntxhais leej niam leej txiv laj fab tswv yim tuaj ntaus tsis thoob, thiaj coj tau kuv niam leej ntxhais no tsiv teb coj tsaws chaw los hla lij plaws cuaj tsib yim lub mus laj roob, thiaj tseg ncua txiv leej tub li koj I mus quaj seev yuj yees rau leej niam leej txiv lub mus luaj qoob, tus me txiaj ntsim kua muag sib qee poob, los vim yog lub teb coj lub chaw tuaj mus ua zog thoob, es wb plees nkauj nraum thiaj li plam lij plaws xab me yeeb xuam phooj ywg tuaj tus zoo Hmoob, os txiv leej tub.

    3. Niaj yai!!!! Txiv leej tub tos kho siab lawm luaj no los yog leej niam leej txiv coj tau kuv niam leej ntxhais tsiv teb coj tsaws chaw, nqus roj nqus hneev lawm tas tej sib yeev, es tseg txiv leej tub li koj I nyob rau rab teb tuam rooj ntug no, koj tsis kho siab los tseg mog, yog kho koj siab es koj ho ncig yuj yeev tuaj txog ntua wb me plees nkauj nraum tej me qub roj nqes qub hneev ces twb tsis pom kuv niam leej ntxhais es ntshe tsuas pom tau tus nroj tus tsuag ntxeev, tsuas hnov tau niam kab me noog lub me suab seev, ces ntshe yuav kho luag leej tub li koj I lub me siab heev, koj ho tig ntiaj lees rov saib qab, ces tsuas pom tau tus toj roob hauv pes txhais tas tej sib rheev, tus nroj tus tsuag hlav mos nyuj nyoos tuaj os, lub me teb tig ces ntshe yuav ua yoj ua yees zoo li yuav ntxeev xwb os txiv leej tub.

    3. Niaj yai!!!! Txiv leej tub tos kho siab lawm luaj no los yog leej niam leej txiv coj tau kuv niam leej ntxhais no tsiv teb coj tsaws chaw nqus roj nqus hneev dhau, es tseg txiv leej tub li koj I nyob rau rab teb tuam rooj ntug no, koj tsis kho siab los tseg mog, yog kho koj siab es koj ho ncig yuj yeev tuaj mus txog ntua wb me plees nkauj nraum tej qub roj nqes qub hneev khau, ces twb tsis pom kuv niam leej ntxhais es ntshe tsuas pom tau tus nroj tus tsuag vau, tsuas hnov tau niam liab me cuam lub me suab kau, ces ntshe yuav kho luag leej tub li koj I siab dhau, koj ho tig ntiaj lees rov saib qab, ces tsuas pom tau tus toj roob hauv pes sawv ua tsheej ntsau, tus nroj tus tsuag hlav mos nyuj nyoos tuaj os, lub me teb tig ces ntshe yuav ua yoj ua yees zoo li yuav nphau xwb os txiv leej tub.

    Chim laj xeeb laj luam cua khuam nkaus tuaj rau tus ntsis tsuag, tsiv teb coj tsaws chaw nqus roj nqus hneev lawm nqis dua ncua, ceeb laj muab wb me xab yeeb plees nkauj nraum nco ntsuj ntsoov mus txog rau hnub tuag os txiv leej tub.

    ( xaus li no )






    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304



    Last edited by Hmong ntuj tshiab on 6th June 2011, 8:10 pm; edited 1 time in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 27th May 2011, 10:02 pm


    Zaj – ( 4 ) – khawv txhiaj plees – tsis teb tsaws chaw.


    1. Niaj yai!!! Txiv leej tub tos kho siab lawm luaj no los vim kuv niam leej ntxhais tsiv teb coj tsaws chaw tag, yuav nrauj ncua leej niam leej txiv txoj me qub kab tuaj nyob rov nphob, tseg ncua lub me tsev vaj lig nyob txias tuj to tsis muaj neeg nyob, nrauj ncua wb me plees nkauj nraum tej me qub hneev tes coj hneev taw rau tus nroj tus tsuag hlob, tseg ncua rab me teb tuam rooj ntug no rau txiv leej tub li koj I nrog niam liab me cuam nyob, xwb os txiv leej tub.


    1. Niaj yai!!! Txiv leej tub tos kho siab lawm luaj no los vim kuv niam leej ntxhais tsiv teb coj tsaws chaw tag, yuav nrauj ncua leej niam leej txiv txoj me qub kev tsis pom kuv niam leej ntxhais tuaj, tseg ncua lub me tsev vaj lig nyob txias tuj to los ntsu puas luaj, nrauj ncua wb me plees nkauj nraum tej me qub hneev tes coj hneev taw rau tus nroj tus tsuag tuaj, tseg ncua rab me teb tuam rooj ntug no rau txiv leej tub li koj I nrog niam liab me cuam sib tw quaj, xwb os txiv leej tub.


    2. Niaj yai!!! Txiv leej tub es tos kho siab lawm luaj no los vim kuv niam leej ntxhais leej niam leej txiv coj tau niam leej ntxhais tsiv teb coj tsaws chaw los txog lub zoov laj teem zoov tu nrab, leej niam leej txiv thuav su noj los niam leej ntxhais noj hno qas lias tuaj tsis poob plab, niam leej ntxhais lub ncauj tsis hais los lub me siab xav yuj ywm tias ua cas yuav tseg ncua txiv leej tub rau ntuj sib txoog tom qub qab, es ntshe txiv leej tub yuav qaug lub zog luj luas tsis xav mus leg leej niam leej txiv lub luaj qoob luaj loo fab, nplooj siab nplooj ntsws puas lam ntxuj ntxaws lawv tas kuv niam leej ntxhais tuaj ib ncuas qab, hos kuv niam leej ntxhais ces ntshe ceeb laj nrog leej niam leej txiv mus ua lub neej xyaw suav tuaj mus xyaw mab, rau niam mab niag suav sab, thaum lij twg tav lij twg es lub ntuj ho tshoj qees teb tig lees los to kab, txiv leej tub li koj I ho ntoj nuag tuaj tos kuv niam leej ntxhais rov los ua txiv leej tub li koj I tuaj ib ncuas nyab os txiv leej tub.

    2. Niaj yai!!! Txiv leej tub es tos kho siab lawm luaj no los vim kuv niam leej ntxhais leej niam leej txiv coj tau niam leej ntxhais tsiv teb coj tsaws chaw los txog lub zoov laj teem zoov tu ntev, leej niam leej txiv thuav su noj los niam leej ntxhais noj hno qas lias tuaj tsis poob cev, niam leej ntxhais lub ncauj tsis hais los lub me siab xav yuj ywm tias ua cas yuav tseg ncua txiv leej tub rau ntuj sib txoog rau tej mus qub tsev, es ntshe txiv leej tub yuav qaug lub zog luj luas tsis xav mus leg leej niam leej txiv lub luaj qoob luaj loo laug lub niaj lub xyoo ntev, nplooj siab nplooj ntsws puas lam ntxuj ntxaws lawv tas kuv niam leej ntxhais tuaj ib ncuas kev, hos kuv niam leej ntxhais ces ntshe ceeb laj nrog leej niam leej txiv mus ua lub neej xyaw mab tuaj mus xyaw cev, rau niam mab niag suav teb, thaum lij twg tav lij twg es lub ntuj ho tshoj qees teb tig lees los to kev, txiv leej tub li koj I ho ntoj nuag tuaj tos kuv niam leej ntxhais rov los ua txiv leej tub li koj I tuaj ib ncuas sev os txiv leej tub.


    Chim laj xeeb laj luam cua, khuam nkaus tuaj tus ntsis tsuag, daj tsis yuav deev tuaj tsis tau puag, los vim yog tsiv teb coj tsaws chaw lawm los nqis dua ncua, es thiaj ceeb laj tos txog ntua, hnub sim xeeb plees nkauj nram tuaj rov tau sib cuag.


    ( xaus li no )






    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304



    Last edited by Hmong ntuj tshiab on 6th June 2011, 8:10 pm; edited 1 time in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 27th May 2011, 10:07 pm



    Zaj – ( 5 ) – khawv txhiaj plees – tsis teb tsaws chaw.


    1. Niaj yai!!!! Txiv leej tub es!!! Kho siab lawm luaj no los vim yog leej niam leej txiv es coj tau kuv niam leej ntxhais no tsiv teb coj tsaws chaw nqus roj nqus hneev lawm tas tej sib li niab, kuv niam leej ntxhais li mus nrog kuv leej niam leej txiv mus lub neej ntuj ntsiag txiaj teb ntsiag niab, rau niam mab niag suav kiab, kuv niam leej ntxhais mus pom luag muaj xab yeeb plees nkauj nraum tshiab, tuav luag tes ruj rawv lawm tas tej sib niab, ncig yuj yeev tuaj mus kav kiab, niam mob tag kuv niam leej ntxhais no tuaj ib ntshuas siab, niam leej ntxhais xav zoj tias txawj yaj los txawj txia ntshe yuav txia lij ntshis ua twv paj huab oo  iab, ya los auv txiv leej tub li koj  I lawm tas tej sib li niab, saib puas rov tau nrog txiv leej tub tuav tes ruj rawv mus leg leej niam leej txiv daim me teb tiag luj lias tiv tshav mus ntuj ziab, es wb me plees nkauj nraum ho rov tau  tham ntxuaj ntxog txiaj saub kev mus dai siab, zoo puav tam tau niam kab me noog diab, saub luj laws ya  mus ntsauv tas ib cim nyob mus paj ciab, rau lub qab mus ntuj tshiab, os txiv leej tub.

    1. Niaj yai!!!! Txiv leej tub es!!! Kho siab lawm luaj no los vim yog leej niam leej txiv es coj tau kuv niam leej ntxhais no tsiv teb coj tsaws chaw nqus roj nqus hneev lawm tas tej sib loo, kuv niam leej ntxhais li mus nrog kuv leej niam leej txiv ua lub neej ntuj ntsiag txiaj teb ntsiag moo, rau niam mab niag suav nroog, kuv niam leej ntxhais mus pom luag muaj xab yeeb plees nkauj nraum zoo, tuav luag tes ruj rawv lawm tas tej sib loo, ncig yuj yeev tuaj mus kav nroog, niam mob tag kuv niam leej ntxhais no siab tuaj twb tsis zoo, niam leej ntxhais xav zoj tias txawj yaj los lawm  txawj txia ntshe yuav txia lij ntshis ua twv paj huab iab oo, ya los auv txiv leej tub li koj  I lawm tas tej sib li loo, saib puas rov tau nrog txiv leej tub tuav tes ruj rawv mus leg leej niam leej txiv daim me teb tiag luj lias tiv tshav mus ntuj ntxhoo, es wb me plees nkauj nraum ho rov tau  tham ntxuaj ntxog txiaj saub mus kev zoo, saib zoo puav tam tau niam kab los me noog , saub luj laws ya  mus ntsauv tas ib cim nyob mus paj ntoo, rau lub qab mus ntuj ntxhoo, os txiv leej tub.

    2. Niaj yai!!!! Txiv leej tub, kuv niam leej ntxhais tsiv teb coj tsaws chaw tag, los txog rau rab me teb rooj ntoog no os kho siab lawm luaj no, es kuv niam ntxhais nce hlo lub mus toj ntog tig ntiaj lees rov saib qab, pom tau cuaj caum yim tsav nroj tsuag nyob mus txawm txhua los  tseem tshuav tau peb rab me teb rooj ntug ub tus me ntoo qaub, cuaj caum yim tsav kab noog quaj tag los  tseem tshuav tau peb teb chaws toj siab me noog puj daub, kuv niam leej ntxhais los ntaus tau xab me yeeb plees nkauj nraum zoo los twb zoo tsis cuag li wb me plees nkauj nraum tej me qub zaub tuaj mus xub rhaub, tham ntxuaj ntxog nyob rau peb me qub zej coj qub zos hav mus lauj kaub, txiv leej tub li koj I nrog kuv niam leej ntxhais tuav tes ruj rawv mus leg kuv leej niam leej txiv daim me teb tiag luj lias tuaj mus hav teb zaub, os txiv leej tub.


    2. Niaj yai!!!! Txiv leej tub, kuv niam leej ntxhais tsiv teb coj tsaws chaw tag, los txog rau rab me teb rooj ntoog no os kho siab lawm luaj no, es kuv niam ntxhais nce hlo lub mus toj ntog tig ntiaj lees rov saib qab, pom tau cuaj caum yim tsav nroj tsuag nyob mus txawm txhua los  tseem tshuav tau peb rab me teb rooj ntug ub tus me ntoo vaj khaum, es cuaj caum yim tsav kab noog quaj tag los  tseem tshuav tau peb teb chaws toj siab me noog puj daum, kuv niam leej ntxhais los ntaus tau xab me yeeb plees nkauj nraum zoo los twb zoo tsis cuag li wb me plees nkauj nraum tej me qub thaum tuaj mus xub yaum, tham ntxuaj ntxog nyob rau peb me qub zej coj qub zos yav puag thaum, txiv leej tub li koj I nrog kuv niam leej ntxhais tuav tes ruj rawv mus leg kuv leej niam leej txiv daim me teb tiag luj lias tuaj mus hav teb taum, os txiv leej tub.




    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci, 1167 Thorndale St Green Bay, WI 54304



    Last edited by Hmong ntuj tshiab on 25th August 2013, 10:35 pm; edited 4 times in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 27th May 2011, 10:08 pm



    Zaj – ( 6 ) – khawv txhiaj plees – ncauj daj siab tsis deev.


    1. Niaj yai!!!! Txiv leej tub, kho siab lawm luaj no los vim yog khom me noog paj siab ces me noog paj nyob tuaj tsis ntsis kub, niam kho kho kuv niam leej ntxhais siab tsis tuaj tus dab ntub, xav nrog txiv leej tub tham ntxuaj ntxog txiaj saub mus kev sib hlub, nyob ntuj tag hmo tuaj teb tag hnub, nyiaj no zuj zias los ntxuag dab ntub, os txiv leej tub.

    1. Niaj yai!!!! Txiv leej tub, kho siab lawm luaj no los vim yog khom me noog paj siab ces me noog paj nyob tuaj tsis ntsis tw, niam kho kho kuv niam leej ntxhais siab tsis tuaj tus dab ntub os xav pw, xav nrog txiv leej tub tham ntxuaj ntxog kev phooj mus kev ywg, nyob ntuj tag hmo tuaj teb tav twg, nyiaj dab ntub zuj zias tuaj mus tiv lwg, os txiv leej tub.

    2. Niaj yai!!! Txiv leej tub kho siab lawm luaj no los vim yog kuv niam leej ntxhais sia tsis nyog txiv leej tub li koj I tuaj ib ncos siv, es thiaj daj tsis tau txiv leej tub ua kuv niam leej ntxhais tuaj ib leeg txiv, txiv leej tub thiaj tso kuv niam leej ntxhais nyob nrog niam kab me noog xiv, es li kho kuv niam leej ntxhais siab tam ntua niam nkauj khaub lig tuaj mus qaiv ntxaiv kiv, os txiv leej tub.

    2. Niaj yai!!! Txiv leej tub kho siab lawm luaj no los vim yog kuv niam leej ntxhais sia tsis nyog txiv leej tub li koj I tuaj ib ncos hlab, es thiaj daj tsis tau mus ua txiv leej tub li koj I tuaj ib leeg nyab, txiv leej tub thiaj tso kuv niam leej ntxhais nyob nrog niam noog los me kab, es li kho kuv niam leej ntxhais siab tam ntua niam nkauj khaub lig tuaj mus qaiv ntxaiv ntab, os txiv leej tub.



    3. Niaj yai!!!! Txiv leej tub tos kho kuv niam leej ntxhais siab lawm luaj no los vim yog txiv leej tub li koj I niag ncauj daj tuaj siab tsis deev, es yuav daj tau kuv niam leej ntxhais no kho siab khuj khuav nrog niam kab me noog tuaj sib lug seev, niam leej ntxhais li kuv no tawm rooj plaws tsis pom tau tsav yam nuj tus dab tsi, tsuas pom tau tus nroj tsuag hlav mos nyuj nyoos tuaj hos lub me teb tig ces ua yoj ua yees nqis yuav ntxeev, xwb os txiv leej tub.

    3. Niaj yai!!!! Txiv leej tub tos kho kuv niam leej ntxhais siab lawm luaj no los vim yog txiv leej tub li koj I niag ncauj daj tuaj siab tsis yuav es yuav daj tau kuv niam leej ntxhais no kho siab khuj lis khuav, nrog niam kab me noog tuaj sib lug xuav, niam leej ntxhais li kuv no tawm rooj plaws tsis pom tau tsav yam nuj tus dab tsi, tsuas pom tau tus nroj tsuag hlav mos nyuj nyoos tuaj hos lub me teb tig ces ua yoj ua yees nqis yuav ncuav, xwb os txiv leej tub.


    Chim laj xeeb khuam nkaus nthwv cua daj cua dub nplawm ntuj ntws thoob plaws qab mus ntuj khwb, xyoo no cas yuav yog phem niaj los siv lub xyoo, es kuv niam leej ntxhais yuav daj tau xab me yeeb plees nkauj nraum tus me siab phem nyob nraug xwb, es kuv niam leej ntxhais yuav khaws nkaus tau txoj me kev thoj chim kev ntsim siab khuam nkaus rau ntawm niam leej ntxhais lub me xwb qwb, es thiaj ceeb laj muab sim xeeb plees nkauj nraum xav los ua chaw mob hlwb. Os txiv leej tub.


    ( xaus li no )






    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304



    Last edited by Hmong ntuj tshiab on 6th June 2011, 8:11 pm; edited 1 time in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 27th May 2011, 10:11 pm


    Zaj – ( 7 ) – khawv txhiaj plees – sib ncaim.


    1. Niaj yai!!! Txiv leej tub es kho siab lawm luaj no los vim yog lub teb coj lub chaw lwj lam nyob tsis thaj yeeb, es txiv leej tub koj leej niam leej txiv yuav coj tau txiv leej tub li koj I tsiv teb coj tsaws chaw nqus roj nqus hneev lawm tag tej sib ntsheeb, thiaj tso tau kuv niam leej ntxhais no nyob rau peb rab me teb tuam rooj ntug no los khuam xeeb, es thiaj kho kho kuv niam leej ntxhais no siab tam ntua txiv nyuj nees nuam nqov quj qaws tuaj mus yuav ntxee eeb, yog lub teb coj lub chaw lwj lam nyob tsis xyib feeb, ces ntshe wb me plees nkauj nraum yuav ncaim ncua mus lawm kawg keeb, os txiv leej tub.

    1. Niaj yai!!! Txiv leej tub es kho siab lawm luaj no los vim yog lub teb coj lub chaw lwj lam nyob tsis thaj yaj, es txiv leej tub koj leej niam leej txiv yuav coj tau txiv leej tub li koj I tsiv teb coj tsaws chaw nqus roj nqus hneev lawm tag tej sib zaj, thiaj tso tau kuv niam leej ntxhais no nyob rau peb rab me teb tuam rooj ntug no los khuam tshaj, es thiaj kho kho kuv niam leej ntxhais no siab tam ntua txiv nyuj nees nuam nqov quj qaws tuaj mus yuav ntxee laj, yog lub teb coj lub chaw lwj lam nyob tsis xyib faj, ces ntshe wb me plees nkauj nraum yuav ncaim ncua mus lawm kawg faj, os txiv leej tub.

    2. Niaj yai!!!! Txiv leej tub es tos kho siab lawm luaj no los vim yog koj leej niam leej txiv coj tau txiv leej tub tsiv teb coj tsaws chaw tag es yuav tseg ncua kuv niam leej ntxhais no lub me qab vaj los tsib taug rau kooj ziag kab zaug tuaj mus ua chaw quaj, es koj yuav nrauj ncua wb me plees nkauj nraum qub hneev tes hneev taw rau tus nroj tus tsuag tuaj, es txiv leej tub yuav tseg ncua rab me teb tuam rooj ntug no rau kuv niam leej ntxhais saub seev yuj yees nrog niam kab me noog tuaj mus sib lug quaj, es niam leej ntxhais tus me txiaj ntsim kua muag thiaj ntxaum li ntxiav rau tej mus npoo luaj, los vim yog txiv leej tub tseg ncua rab teb tuam rooj ntug no twb tsis nrog luag tuaj, os txiv leej tub.


    2. Niaj yai!!!! Txiv leej tub es tos kho siab lawm luaj no los vim yog koj leej niam leej txiv coj tau txiv leej tub tsiv teb coj tsaws chaw tag es yuav tseg ncua kuv niam leej ntxhais no lub me qab vaj los tsib taug rau kooj ziag kab zaug tuaj mus ua chaw nyob, es koj yuav nrauj ncua wb me plees nkauj nraum qub hneev tes hneev taw rau tus nroj tus tsuag hlob, es txiv leej tub yuav tseg ncua rab me teb tuam rooj ntug no rau kuv niam leej ntxhais saub seev yuj yees nrog niam kab me noog tuaj mus sib lug nyob, es niam leej ntxhais tus me txiaj ntsim kua muag thiaj ntxaum li ntxiav rau wb tej chaw nyob, los vim yog txiv leej tub tseg ncua rab teb tuam rooj ntug no twb tsis nrog luag txob, os txiv leej tub.

    3. Niaj yai!!! Txiv leej tub es tos kho siab lawm luaj no los vim yog kuv niam leej ntxhais ncig yuj yeev mus txog ntua wb me plees nkauj nraum tej me qub roj qub hneev, es twb tsis pom txiv leej tub li koj I es tsuas pom tau tus nroj tus tsuag ntxeev, tsuas hnov tau niam kab me noog tuaj mus lub suab seev, es thiaj kho kho kuv niam leej ntxhais siab heev, es kuv niam leej ntxhais tig ntiaj lees rov saib qab los tsuas pom tau tus toj roob hauv pes txhais tas tej sib rheev, tus me nplooj xyoob nplooj ntoos yuj plaws nrog cua sib tw ntxeev, niam leej ntxhais tus me txiaj ntsim kua muag thiaj ntxhee tas tej sib li yeev, xwb os txiv leej tub.

    3. Niaj yai!!! Txiv leej tub es tos kho siab lawm luaj no los vim yog kuv niam leej ntxhais ncig yuj yeev mus txog ntua wb me plees nkauj nraum tej me qub hneev khau, es twb tsis pom txiv leej tub li koj I es tsuas pom tau tus nroj tus tsuag vua, tsuas hnov tau niam liab me cuam tuaj mus lub suab kau, es thiaj kho kho kuv niam leej ntxhais no siab dhau, es kuv niam leej ntxhais tig ntiaj lees rov saib qab los tsuas pom tau tus toj roob hauv pes sawv ua tsheej ntsau, tus me nplooj xyoob nplooj ntoos yuj plaws nrog cua sib tw vau, niam leej ntxhais tus me txiaj ntsim kua muag tuaj sib tw nphau, xwb os txiv leej tub.


    Chim laj xeeb laj luam cua khuam nkaus tuaj tus me ntsis xyoob, tos kho kuv niam leej ntxhais no siab lawm luaj no los vim yog txiv leej tub tsiv teb coj tsaws chaw nqus roj nqus hneev mus lawm nqis dua roob, thiaj kho kuv niam leej ntxhais yuav qaug lub zog luj luas tsis xav mus leg leej niam leej txiv lub mus luaj qoob, los vim yog wb plees nkauj nraum plam li plaws xab me yeej puas phooj ywg tus zoo hmoob, es txiaj ntsim kua muag thiaj sib qees poob os txiv leej tub.

    ( xaus li no )



    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304




    Last edited by Hmong ntuj tshiab on 6th June 2011, 8:12 pm; edited 1 time in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 27th May 2011, 10:13 pm



    Zaj – ( 8 ) – khawv txhiaj tsa ncej ntxheb.


    1. Niaj yai!! Oaib os me Hmoob txwj lawm Hmoob laug, niam txog ntua ib cim paj tsiab lawm peb caug es me Hmoob txwj lawm Hmoob laug li nkaus hlo rab txuas pluaj voom ncig yeev mus txog tej nyuag khuab hav, li mus txiav pos ncag tus me nplooj dav, coj los txho li ntua tuaj rau nruab av, ces thiaj li ntswv hlua nqeeb los lawm khuam pav, ces li los lwm tau tus me sub tawg coj lawm sub ntsha poob tag lawm tej nyuag sib li ntav, ces noj tsiab tas lawm tej nyuag sib nrho ces me Hmoob txwj lawm Hmoob laug li zoo mus leg lub luaj qoob lawm luaj loo dav, nyob tuaj rau nram hav, li tau nrog luag noj lawm luag hnav, os me Hmoob txwj lawm Hmoob laug.

    1. Niaj yai!! Oaib os me Hmoob txwj lawm Hmoob laug, niam txog ntua ib cim paj tsiab lawm peb caug es me Hmoob txwj lawm Hmoob laug li nkaus hlo rab txuas lawm pluaj voom ncig yeev mus txog tej nyuag khuab zoo, li mus txiav pos ncag tus me nplooj ntoo, coj los txho li ntua tuaj rau nruab npoo, ces thiaj li ntswv hlua nqeeb los lawm khuam loo, ces li los lwm tau tus me sub tawg coj lawm sub ntsha poob tag lawm tej nyuag sib nroo, ces noj tsiab tas tej nyuag sib nrho ces me Hmoob txwj lawm Hmoob laug li zoo mus leg lub luaj qoob lawm luaj loo, li tau nrog luag noj qab lawm los nyob zoo, os me Hmoob txwj lawm Hmoob laug.

    2. Niaj yai!! oaib os me Hmoob txwj lawm Hmoob laug, niam txog ntua ib cim paj tsiab lawm peb caug es, Hmoob txwj Hmoob laug niam nkaus hlo rab taus pluaj voom ncig yeev mus txog rau tej mus qab roob, es li mus ntov tau ntoo maj ntoo tov tus lawm nplooj soob, li coj los txhos li ntua tuaj rau nram npoo, es me Hmoob txwj Hmoob laug muab plhis li plho ua tus me ncej ntxhoo, es li los roos tau peb ib tsoom me Hmoob nyob thoob plaws lub ntiaj teb li noj qab los lawm nqis nyob zoo, os me Hmoob txwj lawm Hmoob laug.

    2. Niaj yai!! oaib os me Hmoob txwj lawm Hmoob laug, niam txog ntua ib cim paj tsiab peb lawm caug es, Hmoob txwj Hmoob laug niam nkaus hlo rab taus pluaj voom ncig yeev mus txog rau tej mus qab zeb, es li mus ntov tau ntoo maj ntoo tov tus lawm nplooj seb, li coj los txhos li ntua tuaj rau nruab teb, es me Hmoob txwj Hmoob laug muab plhis li plho ua tus me ncej ntxheb, es li los roos tau peb ib tsoom me Hmoob noj qab nyob zoo thoob plaws lub lawm ntiaj teb, os me Hmoob txwj lawm Hmoob laug.


    3. Niaj yai!! Oaib os me Hmoob txwj lawm Hmoob laug, cas niam mab niam suav, txawj ntaub nqis txawj ntawv, ces niam mab niam suav noj tsiab ces niam mab niam lawm suav taws me paj teeb ci vuj vus koom tag niam mab niam suav daim me phiaj zeb, hos me Hmoob txwj Hmoob laug ces tsis txawj ntaub nqis txawj ntawv ces me Hmoob txwj Hmoob laug yuav tua txiv pwj nyug los txi Hmoob txwj Hmoob laug tus me ncej ntxheb, es me Hmoob txwj Hmoob laug li muab me paj ntaub tw siv rau tej tub tej ntxhais ntxheb, es coj tub coj ntxhais ncig yuj yeev tuaj rau nruab teb, ces tej tub tej ntxhais muab tus paj suab kwv txhiaj hais seev yus tuaj mus lub me suab ntxheb, es li muab lub me moj pob pov quas lub niaj lawm lub xyoo ntev, hos me Hmoob txwj Hmoob laug ces muab tus dej cawv haus kaim tas tej sib ntxheb, es tham seev yuj yees txoj kev ua liaj nqis ua teb, os me Hmoob txwj lawm Hmoob laug.

    3. Niaj yai!! Oaib os me Hmoob txwj lawm Hmoob laug, cas niam mab niam suav, txawj ntaub nqis lawm txawj ntawv, ces niam mab niam suav noj tsiab ces niam mab lawm niam suav taws me paj teeb ci vuj vus koom tag niam mab niam suav daim me phiaj ntoo, hos me Hmoob txwj Hmoob laug ces tsis txawj ntaub nqis txawj ntawv ces me Hmoob txwj Hmoob laug yuav tua txiv pwj nyug los txi Hmoob txwj Hmoob laug tus me ncej ntxhoo, es me Hmoob txwj Hmoob laug li muab me paj ntaub tw siv rau tej tub tej ntxhais ntoo, es coj tub coj ntxhais ncig yuj yeev tuaj rau nram npoo, ces tej tub tej ntxhais muab tus paj suab kwv txhiaj hais seev yus tuaj mus lub me suab zoo, es li muab lub me moj pob pov quas lub niaj lawm lub xyoo, hos me Hmoob txwj Hmoob laug ces muab tus dej cawv haus kaim tas tej sib nroo, es tham seev yuj yees txoj kev ua qoob tuaj mus ua loo, os me Hmoob txwj lawm Hmoob laug.

    Niaj zoo lub mus lawm laj xeeb khuam nkaus rau lub me ntsis lawm nroj, es noj tsiab tas tej nyuag sib nrho ces tej me ntxhais ho mus xaiv kom tau tus zoo txiv los zoo lawm npoj, hos tej me tub ces ho mus xaiv kom tau tus zoo nyab los zoo lawm poj, hos tej me tub nom ntxhais tswv, ces ho rub lub me siab lawm ntuj ntev qhiav laj mej pej xeem nram hav dhau pem toj, es ib tsoom me laj mej pej xeem thiaj nrog luag muaj hnav los mus muaj noj, es hnub qab nram lawm lub ntsis ib tsoom me tub nom ntxhais tswv thiaj li sawv lij tseem tau los ua laj mej pej xeem tus thawj tus coj, os Hmoob txwj lawm Hmoob laug.

    ( xaus li no )




    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304




    Last edited by Hmong ntuj tshiab on 6th June 2011, 8:12 pm; edited 1 time in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 27th May 2011, 10:14 pm



    Zaj – ( 9 ) – khawv txhiaj qhib rooj noj tsiab.

    1. Niaj yai!!! Oaib os me Hmoob txwj lawm Hmoob laug os, xyoo laus xaus ntua tuaj hmo peb caug, es xyoob tshiab tawm li plaws nrog niam nkauj hnub qub tuaj sib hloo kab, ces ci lawm vum vus rau lawm ntuj ceeb tsheej sab, lub me rooj noj rooj haus ces laug tsaj tsum los nrog tab, rau Hmoob txwj lawm Hmoob laug lub qab mus lawm plaj xab, qab rooj ces txawm tau tuaj plaub tug tab, os qaum rooj ces txawm tau kab paj luam yeeb los nrog tsab, es zoo siab txais to me Hmoob txwj lawm Hmoob laug txum zog tuaj rau ob phab, muab tus dej cawv haus lawm mus sib tshab, os me Hmoob txwj lawm Hmoob laug.

    1. Niaj yai!!! Oaib os me Hmoob txwj lawm Hmoob laug os, xyoo laus xaus ntua tuaj hmo peb caug, es xyoob tshiab tawm li plaws nrog niam nkauj hnub qub tuaj sib hloo kev, ces ci lawm vum vus rau lawm ntuj ceeb tsheej teb, lub me rooj noj rooj haus ces laug tsaj tsum los nrog cev, rau Hmoob txwj lawm Hmoob laug lub qab mus lawm plaj tsev, qab rooj ces txawm tau tuaj plaub tug ceg, os qaum rooj ces txawm tau plaub nyob mus lawm txheej deg, es zoo siab txais to me Hmoob txwj lawm Hmoob laug txum zog tuaj rau ob ces, muab tus dej cawv haus lawm mus sib ce, os me Hmoob txwj lawm Hmoob laug.

    2. Niaj yai!!! Oaib os me Hmoob txwj lawm Hmoob laug, niaj txog ntua ib cim nyob mus paj tsiab lawm peb caug tuaj tas lawm nyuag sib li niab, me Hmoob txwj lawm Hmoob laug ces sawv lij tsees mus txo txiv qiab, ua nqaij ua hnov los siav li niab, ces ntshe yuav daus lij zus rau nruab phiab, rau lij zus saum lub mus rooj ciab, ces thiaj muab plhis lij plho ua rooj nqaig rooj hno nyob mus noj tsiab, xa xyoo laus txais tos lawm lub xyoo tshiab, os me Hmoob txwj lawm Hmoob laug.


    2. Niaj yai!!! Oaib os me Hmoob txwj lawm Hmoob laug, niaj txog ntua ib cim nyob mus paj tsiab lawm peb caug tuaj tas lawm nyuag sib li loo, me Hmoob txwj lawm Hmoob laug ces sawv lij tsees mus muab txiv pwm qiab los txo loo, ua nqaij ua hnov los siav zoo, ces ntshe yuav daus lij zus rau nruab choo, rau lij zus saum lub mus rooj ntoo, ces thiaj muab plhis lij plho ua rooj nqaig rooj hno noj tsiab los lawm nqis quas xyoo, xa xyoo laus txais tos lawm los lub xyoo zoo, os me Hmoob txwj lawm Hmoob laug.

    3. Niaj yai!!! Oaib os me Hmoob txwj lawm Hmoob laug os, niaj ua rooj nqaij rooj hno rau peb me kwv tij Hmoob mus lawm neej tsa noj ces niaj kav lawm ib me ntsis, ces peb me kwv tij Hmoob mus lawm neej tsa ces tseem yuav cia cuaj roog kaum rooj rau me Hmoob txwj lawm Hmoob laug coj mus yug hli, es kom noj kav ib txhiab haus los kav lawm los ib txhis, noj tsis kawg qub haus lawm los tsis kawg ntsis, kom me Hmoob txwj lawm Hmoob laug ua lub neej ces kom zoo cuag niam hnub thiab txiv nraug hli, os me Hmoob txwj lawm Hmoob laug.

    3. Niaj yai!!! Oaib os me Hmoob txwj lawm Hmoob laug os, niaj ua rooj nqaij rooj hno rau peb me kwv tij Hmoob mus lawm neej tsa noj ces niaj kav lawm niaj mus ib me pliag, ces peb me kwv tij Hmoob mus lawm neej tsa tseem yuav cia cuaj roog kaum rooj rau me Hmoob txwj lawm Hmoob laug coj mus yug ncauj yug sia, es kom noj kav ib txhiab haus lawm los kav lawm los kav ib txhiab, noj tsis kawg qub haus lawm los tsis kawg ntsiab, kom me Hmoob txwj lawm Hmoob laug ua lub neej ces kom zoo cuag niam hnub thiab txiv nraug hli ntsa li iab, os me Hmoob txwj lawm Hmoob laug.

    Niaj zoo laj xeeb khuam nkaus tuaj tus ntsis tsuag, xab nyeej lwm xyoo peb ho rov tau tuaj sib cuag dua os me Hmoob txwj lawm Hmoob laug.

    ( Xaus li no )




    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304




    Last edited by Hmong ntuj tshiab on 6th June 2011, 8:13 pm; edited 2 times in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 27th May 2011, 10:16 pm


    Zaj – ( 10 ) – khawv txhiaj – Ua nyab.


    1. Niaj yai!!! Txiv leej tub es, kuv niam leej ntxhais ua nkauj nyob, hlob tsis tau paub tab, es leej niam leej txiv lub me rooj tshoob rooj kos, laug tsaj tsum pem ceeb tsheej los nrog tab, rau kuv leej niam leej txiv lub qab mus plaj xab, es nraj lum hmoob zeeg thiaj kwv tau lub kaus vej vuam tuaj khuam li nkaus rau kuv niam leej ntxhais no leej niam leej txiv tus me yees thab, es duj hau txhos caug taij lis ntsees kuv niam leej ntxhais mus ua nraj lum hmoob zeeg ib leej nyab, os txiv leej tub.

    1. Niaj yai!!! Txiv leej tub es, kuv niam leej ntxhais ua nkauj nyob, hlob tsis tau puv cev, es leej niam leej txiv lub me rooj tshoob rooj kos, laug tsaj tsum pem ceeb tsheej los nrog cev, rau kuv leej niam leej txiv lub qab mus plaj tsev, es nraj lum hmoob zeeg thiaj kwv tau lub kaus vej vuam tuaj khuam li nkaus rau kuv niam leej ntxhais no leej niam leej txiv tus me yees tsev, es duj hau txhos caug taij lis ntsees kuv niam leej ntxhais mus ua nraj lum hmoob zeeg ib leej sev, os txiv leej tub.

    2. Niaj yai!!! Txiv leej tub es, kuv niam leej ntxhais tsa ncauj suab seev yuj yees hais tias kuv leej niam es, xyoo no niam kab tuaj tuag nruab kab, me kab tuag nthi tuaj rau nruab kev, kuv niam leej ntxhais tsis xav ua luag sev, es tseem xav ua kuv txiv neb xya xyoo me ntxhais nyob mus nkauj me, niam leej ntxhais leej niam tsa ncauj suab seev yuj yees hais tias, kuv me ntxhais nkauj ntxawm es, koj nyob los koj noj tsis tau koj txiv wb diav hno tuaj mus ntxuag ntsev, koj nyob los koj tsis yog ib leej me tub cag, tuav tsis taus koj txiv wb tus ncej tsev, es koj yog ib leej me ntxhais qhua, yuav tau tshwm rooj plaws mus hloov dua kev, os kuv me nkauj ntxawm.

    2. Niaj yai!!! Txiv leej tub es, kuv niam leej ntxhais tsa ncauj suab seev yuj yees hais tias kuv leej niam es, xyoo no niam kab tuaj tuag nruab kev, me kab tuag nthi tuaj rau nruab kab, kuv niam leej ntxhais tsis xav ua luag nyab, es tseem xav ua kuv txiv neb xya xyoo me ntxhais nyob mus nkauj nrab, niam leej ntxhais leej niam tsa ncauj suab seev yuj yees hais tias, kuv me ntxhais nkauj ntxawm es, koj nyob los koj noj tsis tau koj txiv wb diav hno hlab, es koj nyob los koj tsis yog ib leej me tub cag, tuav tsis taus koj txiv wb tus ncej dab, es koj yog ib leej me ntxhais qhua, yuav tau tshwm rooj plaws mus hloov dua kab, os kuv me nkauj ntxawm.

    3. Niaj yai!!! Txiv leej tub es, kuv niam leej ntxhais xav zoj hais tias ntshe zaum no, cev txiaj zam ua nyab tag ces yuav mus nrog nraj lum hmoob zeeg nyob lub tsev txooj taug, ntswj pob ncau nrog sib tua, qhov rooj tag kaw nti tuaj tsis qhib qhua, ces ntshe yuav tu nrho wb chim xeeb plees nkauj nraum kev li khua tuaj tsis sib cuag, os txiv leej tub.

    3. Niaj yai!!! Txiv leej tub es, kuv niam leej ntxhais xav zoj hais tias ntshe zaum no, cev txiaj zam ua nyab tag ces yuav mus nrog nraj lum hmoob zeeg nyob lub tsev txooj taug, ntswj pob ncau nrog sib ib, qhov rooj tag kaw nti tuaj tsis qhib, ces ntshe yuav tu nrho wb chim xeeb plees nkauj nraum kev li khua tuaj tsis sib ntsib, os txiv leej tub.

    Chim laj xeeb laj luam cua khuam nkaus tuaj tus ntsis hmab, cev txiaj zam ua nyab tag los kuv niam leej ntxhais cev nyob mus nkauj tab, ces ntshe yuav ceeb laj mus tiam luag qhua tuaj teev luag dab, mus ntxuaj luag xua, tuaj tsoov luag vab, ntshe kuv niam leej ntxhais tseem nco nco wb chim xeeb plees nkauj nraum rau ntuj sib txoog lias tuaj rov puag tom qab os txiv leej tub.

    ( xaus li no )


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304





    Last edited by Hmong ntuj tshiab on 6th June 2011, 8:14 pm; edited 1 time in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 27th May 2011, 10:17 pm

    kuv muab ib zaj paj huam sib sib nco tso rau hauv nov rau peb tau nyeem nawb mog

    sib ntsib hauv kev npau suav
    Tus ntawm no------------------yog xais phua vaj
    yuav los tshaj-------------------ib tsab xov tawm
    Lub keej khawm---------------txoj uas kev hlub
    Ntuj thaum ub------------------nyob zos dej liab

    Pem toj siab------------------nyob koom zej zos
    Niaj hmo yos-------------------tuaj nyob sib zov
    Sib xa xov--------------------txog txoj kev plees
    Hais seev yees-------------------tsis xav tso tseg

    Mob tej teg------------------ua plawv yuav nres
    Yam tus ntses----------------tau pas dej ntshiab
    Nyob kaj siab---------------mus lawm tag hnub
    Lawv tsis pub--------------------wb los sib yuav

    Cuag ntuj nchuav----------------lub ntiaj teb tig
    Xws av nkig---------------------dej sib tw nphau
    Sib ncaim tau-----------nees nkaum tawm xyoo
    Koj lub moo----------------------twb ploj zuj zus

    Wb tej lus--------------------------uas tau cog cia
    Twb mob ntxhia----------------yuav rov qab zoo
    Tseg tsis nroo---------------------ua siab tsis nco
    Muaj ib hmo--------------------ho rov npau suav

    Pom koj tuav---------------------kuv ib sab npab
    Zaum ib sab-------------------tham txog kev nco
    Sim neej no------------------------cas nco ua luaj
    Pom koj quaj------------------kua muag ntws sis

    Kuv khoov ntshis-------------muab kuv tes tsho
    Coj los so----------------------koj cov kua muag
    Kuv khawm puag -------------koj rau xub ntiag
    Ib me pliag----------------------koj kua muag tu

    Hnov koj hu-------------------kuv lub npe hluas
    Vaj xais phuas-------------------yog tiag los dag
    Zaum no ntag------------------xav kom yog tiag
    Kuv tig kiag---------------------los tuav koj plhu

    Tsa ncauj hu----------------------hais tias poj kag
    Zaum no ntag-----------------tsis yog npau suav
    Wb tham dhuav-----------------ces wb mus tsev
    Taug tej kev------------------------nce toj qis hav

    Ntoo siv lav-------------------tawg paj dawb vog
    Noog poog pog-------------ntxais paj zom zaws
    Me noog tsaws----------------------rau ub rau no
    Wb tig hlo---------------------saib rov pem roob

    Pom hav xyoob----------------hav ntoo kaj nrig
    Noog nraj yig----------------quaj suab ntas ntua
    Hnov cuab npua--------------puag pem peb zos
    Suab kab nqos---------------quaj kho siab tshaj

    Txiv nqos ntsaj----------------siav kawg kiag li
    Wb luag ntxhi---------------------mus de los noj
    Kuv saib koj----------------------yeej zoo li qub
    Tseem ntxim hlub---------------li ntuj yav dhau

    Kuv tseem yau---------nyuam qhuav tiav hluas
    Wb tham txuas----------------tsis muaj tsawg lo
    Ces wb ho-----------------------nqis mus paj cab
    Hnov suab kab-------------quaj saum ntsis ntoo

    Cua tuaj loo---------------------ua ntoo rawv tag
    Wb tso dag------------------tham luag mob plab
    Tau sib thab-----------------------sib zeg tau kev
    Pom txiv cev--------------------siav daj pes vog

    Wb mus txog------------puag nram roob npoob
    Me ntsuag xyoob------------sam leej zom zaws
    Wb tshwm plaws----------nram dej cawm siav
    De nplooj txhiav------------------los ce dej haus

    Sib tham txaus-------------mus txog dej tshuam
    Pom noog ntxuam--------------ya taug kwj deg
    Hnub tuaj ntseg----------------tshav kub sov so
    Tham kev nco----------------yav ntuj nram qab

    Taug kev ntxhab------------------tsis tiaj tsis tus
    Wb tham lus-------------------ncig mus yuj yeev
    Koj txawm seev--------------suab hais lus taum
    Wb mus zaum-------------nram tsev cuab ntses

    Nkoj tuaj nres--------------hnov cua tuaj ntxiag
    Wb tig ntiag--------------------saib rov phu xev
    Hmoob ncaws kev----------ntuag toj ntuag pes
    Wb sawv nres---------------ntsia pem nab phoo

    Pom hav ntoo------------nplooj ntsuab tsaus nti
    Wb thiaj li---------------------rov mus nuam yaj
    Kho siab tshaj---------------tsis xav ncaim mus
    Koj tej lus--------------------tham seev yuj yees

    Txog kev plees--------------yav puag thaum ub
    Kev sib hlub--------------------nyob zos dej liab
    Zoo ntxim siab------------------sib pab ev nplej
    Caij kwv dej-------------------tej chaw sib tawb

    Hav paj dawb-----------------------fab ti kwj tse
    Tim ncauj ke------------------kev ncaim nce toj
    Kuv thiab koj------------------mus dob teb zaub
    Noog puj daub------------quaj nrov ntsho nrooj

    Hmoob tshuab nplooj--------nrov kho siab zim
    Sab puag tim--------------------zos tiaj kuj yem
    Nyob puag pem------------lawv roob teb npleg
    Tshuab tsis tseg-------------nrov kho siab tshaj

    Zaub tawg paj---------------ntab muv ntxais zib
    Teb kab tsib--------------------nrog koj mus lov
    Caij sawv ntxov-----------------wb kuj sib ntsib
    Wb rov pib-----------------tham lus tseem tseeb

    Lus meej xeeb--------------wb tham khee kawv
    Wb mus sawv---------------puag nram chaw so
    koj rov hlo------------------tuav rawv kuv npab
    Tig rov qab ---------------------los txog ntug zos

    Hmoob tuav cos -----------suab nrov doog diaj
    Hnov suab tsiaj----------------sib tog zom zaws
    Wb tshwm plaws------------ntawm nej tog tsev
    Sib tham ntev-----------------tsis xav sib ncaim

    Koj nyob nraim------------hauv kuv nruab siab
    Cia xyoo tshiab---------------wb mam sib yuav
    Kuv quaj zuav-------------------tsis xav rov qab
    Koj siab fab---------------------tsis xav sib nrug

    Siab kub lug-------------------txoj kev sib tshua
    Ob leeg ua -------------------kua muag ntws nto
    Sim neej no----------------------sib nco luaj tiag
    Quaj kawg kiag----------------vim sib nco dhau

    Lawv thiaj tau--------------sawv phov txaj nrov
    Kuv thiaj hnov----------------tsim dheev los no
    Ua cas ho--------------------yog npau suab xwb
    Kua muag twb-----------ntxaum hauv ncoo tag

    Hais cuag dag---------------ntub tog hauv ncoo
    Nws ntub loo-------------npaum xuas dej tsuag
    Rov qi muag-----------------kom npau suav dua
    Lawv sawv ua---------------tshais ntxov los noj

    Dab ntub ploj---------------mas chim siab dhau
    Zaum tsaws npau-------------kho kuv siab tshaj
    Lawv tsis ncaj--------------muab koj yuam mus
    Wb tej lus--------------------tau hais qhov tseeb

    Thiaj khuam xeeb------------ua kua muag nrog
    Nco los txog--------------------niaj hnub nim no
    Kuv thiaj nco------------------------koj ua luaj li
    Hnub thawm hli----------thiaj tshem tsis tawm

    Kev txij nkawm--------plam thaum ntawd kiag
    Koj tig ntiag----------------mus nrog luag nyob
    Kuv siab mob--------------cuag kua txob ntsim
    Lub siab chim-------------------mob tag ib tiam

    Vim koj niam----------------koj txiv siab phem
    Tau rhuav tshem--------------wb txoj hauv kab
    Txoj kev tab---------------------lub cuab lub yig
    Nws thiaj tig--------------------mus rau lwm tus

    Hmoob leej nus-----------------thiaj tsis tau koj
    Lub plawv ntoj-----------------ces siav yuav yaj
    Nco koj tshaj-------------------nyob rau tiam no
    Xyov yuav nco--------------mus txog hnub twg

    Me phooj ywg-------------------tus kuv hlub e!!
    Es koj ne!! -------------------puas nco kuv thiab
    Hmoob dej liab--------------------tus cev tsis loj
    Koj niam noj----------------------dab tsi yug koj

    Zoo tam zoj----------------me ntxhais nkauj hli
    Es thiaj ci--------------------mus thoob ntiaj teb
    Ua rau peb-----------------------nco nej tag hnub
    Vim tus hlub----------------mus yuav txiv lawm

    Kev txij nkawm---------------thiaj ncav tsis tau
    Nws thiaj dhau----------------------mus zoo li no
    Wb thiaj nco-----------------------mus tag ib sim
    Yeeb yog vim----------------zuag tau ntawv nco

    Nyob tiam no-----------------tsis tau ntawv hlub
    Kuv thiaj rub--------------------tsis tau koj npab
    Ua kuv nyab-----------------mus nrog kuv nyob
    Siab thiaj mob----------------cuag dej kub npau

    Nws thiaj dhau-----------------mus ua dab neeg
    Muab tham deeg---------------nrog huab cua ya
    Li thov xa-------------------------ib tsab xov tuaj
    Nrog suab quaj---------------saib koj puas hnov

    Neej nram ntxov---------------nyob qub zej zos
    Yog yuav tos------------------ntev npaum li cas
    Siab khis ras------------------cuag rwj aws ncus
    Tham lo lus------------------yeej hais tsis tawm

    Kev txij nkawm---------------yog yuav rov pib
    Saib puas ntsib-----------------nyob rau tiam ob
    Neej pov plob----------------puas nphau rov los
    Tej lus ntos-------------------------seev koj tas li

    Zais tuag nthi---------------rau hauv nruab siab
    Koj tus ntxhiab---------------kuv tseem cim cia
    Ntsib mam qhia---------------rau koj lawm xwb
    Hais txog wb------------------lub neej pem suab

    Thov saub muab----------wb ntawv nyiaj keeb
    Los nrog teeb--------------ua ntawv puaj txwm
    Tuav keeb kwm-------------kom ho muaj ntxiv
    Thiaj tsis chiv-----------------kev mob siab dua

    Xws nthwv cua--------nplawm ntuj ntws lawm
    Kom hmoov sawm------------wb txhob sib cais
    Yog yuav hais--------------yeej tham tsis txhua
    Thiaj li ua--------------------npau suav pom koj

    Siab ntsws ntoj---------------nco koj heev dhau
    Thiaj li tau-----------------muab los tham tawm
    Kom plawv nqawm---------siab ntsws ho nqig
    Tej tsuj plig---------------------rov los puab cev

    Siab ho ntev------------------ua neeg mus ntxiv
    Yog yuav chiv------------------npau suav li qub
    puas muaj hnub--------------rov tau lawm mog
    Tseem xav txog---------------lub neej yav dhau

    Wb tseem yau-----------nco npaum nkauj hnub
    Ntsib dab ntub-----------tseem tham luag ntxhi
    Txiv nraug hli---------------nco koj tshaj plaws
    Yog tham ntxaws-----------ces kua muag poob

    Me nkauj Hmoob------------tus me ntxim hlub
    Nkauj dab ntub------------txiv nraug npau suav
    Tham tsis dhuav-----------------ua ke tsis txaus
    Hais tsis xaus---------------------tej lus sib hlub

    Nkauj dab ntub----------thiab nraug npau suav
    Nws puas tshuav------------ib zaug lawm thiab
    Hmoob dej liab-----------------tus me neeg zoo
    Yog puag loo-----------------mus yeeb yaj kiab

    Thiaj zoo siab------------------os me leej muam
    Tej lus xuam---------------thov tsis txhob chim
    Vim koj dim-------------------mus ua luag nyab
    Kuv thiaj npab-------------nyob lwj siab ntsuav

    Li noog puav---------------------ua neej dai taw
    Tsis muaj chaw------------------li no lawm tiag
    Lub xub ntiag-------------------thiaj pw txias to
    Seev tag hmo-------------------rau tej npoo txaj

    Lub ntuj kaj--------------------los tsis xav sawv
    Ntuj yuas lawv--------------------tus me lus zoo
    Tsis muaj hmoo-----------------thiaj tsis tau koj
    Yog tuag ploj------------------wb puas sib ntsib

    Nywj vag ib-----------------nyob rau nruab dab
    Tuav koj npab---------------haus paj zaub quag
    Rov tau puag----------------nyob kuv xub ntiag
    Paj zaub qiag-----------------li kab npauj npaim

    Ya nrog nraim---------------------ua ke ywj siab
    Mus thawj thiab----------------xeeb rov los dua
    Kom txhob tshua-------------koj li lawm tiag./.
    ( xaus li no )


    Last edited by Hmong ntuj tshiab on 13th January 2014, 6:46 am; edited 2 times in total

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: KHAWV TXHIAJ

    Post  koojziagkabzaug on 28th May 2011, 3:29 am



    Nyob zoo Hmoob Ntuj Tshiab,

    Ua li, nws muaj txuj, muab tuaj tso ua tej lub tsev, kuv mam tuaj dhos duab thiab tso Table HTLM rau kom zoo nkauj thiab sau nws npe ua nws tug khaws cia. Tej txuj kuv teem cia hauv nov, kuv xav kom muaj tus TSWV li npe thiab duab tib si. Ib yam li cov Tshuaj Hmoob, tsis paub tus tswv tiag tiag lawm, tab sis kuv rau tus uas nws coj tuaj tso rau peb no npe thiab duab. Tab txawm tssi yog nws li los twb yog muaj nws thiaj tau ces tso nws npe tseem zoo dua uas peb tssi paub keeb kwm ib qho li. Li no yog nws tsis xav li cas, yog thov nws ib daim duab, yog tsis xav muab cov duab tshiab los muab cov duab qub kuj tau ib yam li kuv ua rau cov "Paj Lug" thiab txuj ci Hmoob los yog ib txhia Paj Huam. Tab sis yog nws xav tias nws muab tssi tau duab los kuv mam tso nws npe "Dee Vaj" xwb.

    Ua tsaug rau nws lub siab zoo nawb me phooj ywg...Maypaj wb los tsim vaj tsev twj cuab, kuj muaj Tswv Ntuj xa cov neeg thoob tsib muaj txuj tuaj txhawb wb lub tsev tab cuab thiab...




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 5th October 2011, 7:58 pm

    koojziagkabzaug wrote:

    Nyob zoo Hmoob Ntuj Tshiab,

    Ua li, nws muaj txuj, muab tuaj tso ua tej lub tsev, kuv mam tuaj dhos duab thiab tso Table HTLM rau kom zoo nkauj thiab sau nws npe ua nws tug khaws cia. Tej txuj kuv teem cia hauv nov, kuv xav kom muaj tus TSWV li npe thiab duab tib si. Ib yam li cov Tshuaj Hmoob, tsis paub tus tswv tiag tiag lawm, tab sis kuv rau tus uas nws coj tuaj tso rau peb no npe thiab duab. Tab txawm tssi yog nws li los twb yog muaj nws thiaj tau ces tso nws npe tseem zoo dua uas peb tssi paub keeb kwm ib qho li. Li no yog nws tsis xav li cas, yog thov nws ib daim duab, yog tsis xav muab cov duab tshiab los muab cov duab qub kuj tau ib yam li kuv ua rau cov "Paj Lug" thiab txuj ci Hmoob los yog ib txhia Paj Huam. Tab sis yog nws xav tias nws muab tssi tau duab los kuv mam tso nws npe "Dee Vaj" xwb.

    Ua tsaug rau nws lub siab zoo nawb me phooj ywg...Maypaj wb los tsim vaj tsev twj cuab, kuj muaj Tswv Ntuj xa cov neeg thoob tsib muaj txuj tuaj txhawb wb lub tsev tab cuab thiab...



    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 25th August 2013, 1:15 pm

    Hmoob yaj sab nrhiav nws

    Nkauj yaj sab-------------------tsab me ntawv hlub
    Nrhiav tus qub---------------------yav ntuj thaum I
    Suav txij li----------------------koj ncaim kuv mus
    Koj lo lus-------------------------kuv twb tsis hnov

    Ib tsab xov-------------------------los yeej tsis pom
    Lub meej mom--------------leej nus nraug Hmoob
    Tus cev soob-------------tham luag ntxhawv ntxhi
    Zoo cuag li----------------------leej tub nraug nom

    Thaum kuv pom------------thiab ntsib thawj zaug
    Ntshe hmoov raug-----------------thiaj li ntsib koj
    Li tau coj-------------------------------wb mus ua si
    Siab quaj dhi----------------------xav nrog koj mus

    Koj mam pus--------------------kuv nrog koj khiav
    Npaj tsis tiav-------------------------coj kuv tsis tau
    Lub siab npau------------------npaum dej kub hlab
    Tsis rov qab---------------------los nrhiav kuv dua

    Rau ntuj ncua-----------------------txoj me kev deb
    Ib rooj teb------------------------yav puag tom tsev
    Tej qub kev--------------------------wb me chaw so
    Kuv tseem nco-------------------------tus zoo li koj

    Xav txog txoj----------------------kev nyob sib zov
    Sib xa xov-----------------------txog txoj kev plees
    Hais seev yees----------------------tsis xav tso tseg
    Mob tej teg---------------------ua plawv yuav nres

    Yam tus ntses-------------------twb tuag ntab ntab
    Tsis pom qab-----------------------yuav hais lo twg
    Me phooj ywg--------------------tus kuv hlub es!!!
    Es nej ne!!----------------------puas tseem nco qab

    Zos yaj sab--------------------yav ntuj puag thaum
    Kev sib yaum------------------nrog peb noj tshoob
    Tsoom nraug Hmoob---------lawv tuaj tsheej pab
    Zaum ib sab-------------------nrog hais kwv txhiaj

    Nyob tsheej phiaj---------------lom zem xauv npo
    Ntuj tag hmo-----------------------tsis nco nroo sab
    Tau sib thab---------------------sib zeg zaum nyob
    Ce cawv txhob---------------------los rau peb haus

    Lawv cov laus------------------sawv los saib coob
    Tub ntxhais Hmoob--------------sib tw kwv txhiaj
    Zaum tsheej phiaj---------------suab seev yuj yees
    Kwv txhiaj plees----------nrog kwv txhiaj tshoob

    Cov tub Hmoob---------------nyob kaj ntug plaws
    Peb sawv daws----------------zom zem kawg kiag
    Tham ib pliag-------------------kuj txaus siab tshaj
    Lub ntuj kaj---------------------mam tau sib ncaim

    Tseem xav nraim---------------------tej lus qab zib
    Nplooj siab ib-------------------------tej me lus zoo
    Tsis nco nroo-------------------txog kev nyuaj siab
    Lub xyoo tshiab------------tawm plaws xyoo laus

    Tsov rog ntaus---------------lub teb chaws ntxhov
    Hlob vaj pov----------------khiav tawm teb chaws
    Hmoob sawv daws------------------noj los tsis qab
    Zaum tsheej pab------------------pw tsis tsaug zog

    Ntshai raug nplog-------------txoj kev quab yuam
    Tej ntse ruam----------------------los ntshai ib yam
    Sab laj tham-----------------------tag hnub tag hmo
    Yeej tsis nco-----------------------mus liaj mus teb

    Kev ntxhov ntxheb----------lub teb chaws nchuav
    Cuag av qhuav------------------------dej sib tw lau
    Peb thiaj tau---------------------plam txoj kev hlub
    Rau tim ub-------------------------yav ntuj qub qab

    Zos yaj sab------------------------txoj me kev tshua
    Ncaim li ncua-------------------nplooj siab dua rhe
    Txoj qub ke------------------------mus liaj mus teb
    Tso tag peb---------------ib tsoom ntxhais Hmoob

    Thiaj li poob-------------------rau teb chaws nplog
    Nej thiaj nrog------------------niam txiv khiav tuaj
    Txoj kev quaj--------------------ua kua muag poob
    Nco nraug Hmoob-----------------tus me neeg zoo

    Nej ncaim loo-----------------------lub zos toj siab
    Kua muag iab-----------------------thiaj ntws li nto
    Ntshe zaum no----------------yuav ncaim mus tiag
    Quaj kawg kiag--------tsoom tub ntxhais Hmoob

    Cov feem coob--------------------sib tw khiav ntab
    Dhau thaib sab------------------mus rau nom nrim
    Lub siab chim--------------------xav tsa suab quaj
    Nej ncaim tuaj--------------------rau teb chaws no

    Peb tseem nco---------------------leej nus nej tshaj
    Txoj kev npaj-------------------------ho tsis sib tau
    Los sib sau-------------------------koom ua ib cuab
    Me noog nquab-----------------tus me ntxim tawb

    Plu mos dawb-------------------lub suab seev yees
    Ces ntxhee yees----------------cuag me nraug nab
    Ncaim yaj sab---------------------tsis ntsib ib zaug
    Me hluas nraug-----------------------tus cev tsis loj

    Koj niam noj-------------------------dab tsi yug koj
    Zoo tam zoj-----------------------me txiv nraug hli
    Es yuav ci-----------------------mus thoob ntiaj teb
    Ua rau peb----------------------------nco nej ua luaj

    Puas yuav muaj------------------hnub rov sib ntsib
    Ntshe yuav pib--------------------tham kev sib nco
    Tsheej tag hmo-----------------los tham tsis dhuav
    Kev npau suav---------------------los tham tsis tag

    Lus tso dag--------------------------los yeej ib yam
    Txoj kev tham----------------ntshe tsis pov khawv
    Ntuj yuas lawv-------------------tus me nraug xwb
    Kuv mas twb---------------------niaj hnub seev koj

    Siab xav zoj--------------------puas rov ntsib thiab
    Ua nplooj siab--------------------rov fab lwm tiam
    Yog koj niam--------------------koj txiv lawv kam
    Rov tuaj tham--------------------thiab coj kuv mus

    Ua koj tus------------------------mus nrog koj nyob
    Koj muaj mob------------------thiaj muaj kuv saib
    Yog koj tshaib-------------------kuv nrhiav koj noj
    Kuv mob loj-----------------------ces koj nrog kho

    Sim neej no--------------------------nco koj ua luaj
    Kuv xav quaj----------------------vim tsis ntsib koj
    Lub plawv ntoj--------------------ces siav yuav yaj
    Nco koj tshaj----------------------nyob rau tiam no

    Puas tseem nco------------------------tus zoo li kuv
    Wb chaw thuv---------------------twb fab tuaj nroj
    Hais txog koj--------------------puas nco kuv thiab
    Me nplooj siab--------------------tus kuv nco tshaj

    Yeej tsis daj---------------------------os me leej nus
    Nej ncaim mus--------------lawm ploj ntsiag niab
    Mob kuv siab------------------ib nthwv yuav poob
    Leej nus hmoob---------------puas tseem pab hlub

    Li thaum ub------------------nyob ntawm peb tsev
    Koj dua kev---------------------lub suab luag ntxhi
    Ntuj tsaus hli--------------------sawv ntawm ib sab
    Tuav kuv npab-----------------thiab hnia kuv plhu

    Kuv mam hu-------------------------tias koj tuaj los
    Cov lus ntos--------------------puas nco ntsoov cia
    Zais tsis qhia----------------------rau leej twg paub
    Niaj hnub saub-------------------txog koj xwb tiag

    Tib me pliag--------------------koj ncaim mus deb
    Ib rooj teb------------------------sab ntuj nraum ub
    Tus kuv hlub--------------------nco tshav ntuj nrig
    Ntuj puas tig----------------------------wb los ua ke

    Noj sib ce----------------------------rov tau sib hlub
    Li thaum ub----------------------lub teb chaws zoo
    Ncaim ntau xyoo---------------ntshe koj hnov qab
    Yuav tau nyab---------------------muaj tub muaj ki

    Luag ntxhawv ntxhi--------------koj tej qaws tsho
    Thiaj tsis nco---------------------kuv li lawm paub
    Tsis hnov saub--------------------los txog hnub no
    Kuv tseem nco-----------------tsis paub yuav ploj

    Puas los ntoj----------------nrhiav kuv hauv nplog
    Yog los txog-----------------------tseem zoo li qub
    Yav thaum ub------------------------lub zos yaj sab
    Nroog moos cab-----------------wb chaw kav kiab

    Huab pos niab-------------------saum tej hauv tsua
    Tej me cua---------------------tseem tuaj txias zias
    Yeej xav tias----------------------tsis tau sib ncaim
    Tseem xav nraim--------------txog kev txiav taws

    Peb teb chaws-----------------------zoo li qub ntag
    Yeej tsis dag---------------------nplooj sib tw hlav
    Pom pa av--------------------------ncho oov li niab
    Tej me kiab-----------------------thiab cov me khw

    Nws tseem tsw-------------------------pa qij pa dos
    Qub zej zos-----------------txawm ciaj hav ntxhov
    Yog koj rov------------------------los teb chaws no
    Txoj kev nco-----------------tseem zoo txhua yam

    Wb mam tham-----------------txog kev mob hlwb
    Cev nkauj xwb--------------yeej tseem ntxim hlub
    Li thaum ub--------------------------koj tso nws cia
    Tus mob ntxhia-----------------thiaj yuav ploj mus

    Me leej nus-------------------------tus me cev soob
    Leej nus Hmoob----------------zoo ntxim hlub e!!
    Es koj ne!!--------------------puas tseem nco lawm
    Cev nkauj ntxawm-------------tseem nyob tos koj

    Thaj teb nroj---------------------wb ib txwm nthua
    Nws tseem tshua------------------koj kawg kiag os
    Tseem nyob tos----------------ntsia xub ke ntsoov
    Tsis tau hloov----------------lub siab nawb mog./.

    Xaus li no

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: KHAWV TXHIAJ

    Post  koobpovtxuj on 25th August 2013, 4:21 pm

    Hmong ntuj tshiab wrote:
    Hmoob yaj sab nrhiav nws

    Nkauj yaj sab-------------------tsab me ntawv hlub
    Nrhiav tus qub---------------------yav ntuj thaum I
    Suav txij li----------------------koj ncaim kuv mus
    Koj lo lus-------------------------kuv twb tsis hnov

    Ib tsab xov-------------------------los yeej tsis pom
    Lub meej mom--------------leej nus nraug Hmoob
    Tus cev soob-------------tham luag ntxhawv ntxhi
    Zoo cuag li----------------------leej tub nraug nom

    Thaum kuv pom------------thiab ntsib thawj zaug
    Ntshe hmoov raug-----------------thiaj li ntsib koj
    Li tau coj-------------------------------wb mus ua si
    Siab quaj dhi----------------------xav nrog koj mus

    Koj mam pus--------------------kuv nrog koj khiav
    Npaj tsis tiav-------------------------coj kuv tsis tau
    Lub siab npau------------------npaum dej kub hlab
    Tsis rov qab---------------------los nrhiav kuv dua

    Rau ntuj ncua-----------------------txoj me kev deb
    Ib rooj teb------------------------yav puag tom tsev
    Tej qub kev--------------------------wb me chaw so
    Kuv tseem nco-------------------------tus zoo li koj

    Xav txog txoj----------------------kev nyob sib zov
    Sib xa xov-----------------------txog txoj kev plees
    Hais seev yees----------------------tsis xav tso tseg
    Mob tej teg---------------------ua plawv yuav nres

    Yam tus ntses-------------------twb tuag ntab ntab
    Tsis pom qab-----------------------yuav hais lo twg
    Me phooj ywg--------------------tus kuv hlub es!!!
    Es nej ne!!----------------------puas tseem nco qab

    Zos yaj sab--------------------yav ntuj puag thaum
    Kev sib yaum------------------nrog peb noj tshoob
    Tsoom nraug Hmoob---------lawv tuaj tsheej pab
    Zaum ib sab-------------------nrog hais kwv txhiaj

    Nyob tsheej phiaj---------------lom zem xauv npo
    Ntuj tag hmo-----------------------tsis nco nroo sab
    Tau sib thab---------------------sib zeg zaum nyob
    Ce cawv txhob---------------------los rau peb haus

    Lawv cov laus------------------sawv los saib coob
    Tub ntxhais Hmoob--------------sib tw kwv txhiaj
    Zaum tsheej phiaj---------------suab seev yuj yees
    Kwv txhiaj plees----------nrog kwv txhiaj tshoob

    Cov tub Hmoob---------------nyob kaj ntug plaws
    Peb sawv daws----------------zom zem kawg kiag
    Tham ib pliag-------------------kuj txaus siab tshaj
    Lub ntuj kaj---------------------mam tau sib ncaim

    Tseem xav nraim---------------------tej lus qab zib
    Nplooj siab ib-------------------------tej me lus zoo
    Tsis nco nroo-------------------txog kev nyuaj siab
    Lub xyoo tshiab------------tawm plaws xyoo laus

    Tsov rog ntaus---------------lub teb chaws ntxhov
    Hlob vaj pov----------------khiav tawm teb chaws
    Hmoob sawv daws------------------noj los tsis qab
    Zaum tsheej pab------------------pw tsis tsaug zog

    Ntshai raug nplog-------------txoj kev quab yuam
    Tej ntse ruam----------------------los ntshai ib yam
    Sab laj tham-----------------------tag hnub tag hmo
    Yeej tsis nco-----------------------mus liaj mus teb

    Kev ntxhov ntxheb----------lub teb chaws nchuav
    Cuag av qhuav------------------------dej sib tw lau
    Peb thiaj tau---------------------plam txoj kev hlub
    Rau tim ub-------------------------yav ntuj qub qab

    Zos yaj sab------------------------txoj me kev tshua
    Ncaim li ncua-------------------nplooj siab dua rhe
    Txoj qub ke------------------------mus liaj mus teb
    Tso tag peb---------------ib tsoom ntxhais Hmoob

    Thiaj li poob-------------------rau teb chaws nplog
    Nej thiaj nrog------------------niam txiv khiav tuaj
    Txoj kev quaj--------------------ua kua muag poob
    Nco nraug Hmoob-----------------tus me neeg zoo

    Nej ncaim loo-----------------------lub zos toj siab
    Kua muag iab-----------------------thiaj ntws li nto
    Ntshe zaum no----------------yuav ncaim mus tiag
    Quaj kawg kiag--------tsoom tub ntxhais Hmoob

    Cov feem coob--------------------sib tw khiav ntab
    Dhau thaib sab------------------mus rau nom nrim
    Lub siab chim--------------------xav tsa suab quaj
    Nej ncaim tuaj--------------------rau teb chaws no

    Peb tseem nco---------------------leej nus nej tshaj
    Txoj kev npaj-------------------------ho tsis sib tau
    Los sib sau-------------------------koom ua ib cuab
    Me noog nquab-----------------tus me ntxim tawb

    Plu mos dawb-------------------lub suab seev yees
    Ces ntxhee yees----------------cuag me nraug nab
    Ncaim yaj sab---------------------tsis ntsib ib zaug
    Me hluas nraug-----------------------tus cev tsis loj

    Koj niam noj-------------------------dab tsi yug koj
    Zoo tam zoj-----------------------me txiv nraug hli
    Es yuav ci-----------------------mus thoob ntiaj teb
    Ua rau peb----------------------------nco nej ua luaj

    Puas yuav muaj------------------hnub rov sib ntsib
    Ntshe yuav pib--------------------tham kev sib nco
    Tsheej tag hmo-----------------los tham tsis dhuav
    Kev npau suav---------------------los tham tsis tag

    Lus tso dag--------------------------los yeej ib yam
    Txoj kev tham----------------ntshe tsis pov khawv
    Ntuj yuas lawv-------------------tus me nraug xwb
    Kuv mas twb---------------------niaj hnub seev koj

    Siab xav zoj--------------------puas rov ntsib thiab
    Ua nplooj siab--------------------rov fab lwm tiam
    Yog koj niam--------------------koj txiv lawv kam
    Rov tuaj tham--------------------thiab coj kuv mus

    Ua koj tus------------------------mus nrog koj nyob
    Koj muaj mob------------------thiaj muaj kuv saib
    Yog koj tshaib-------------------kuv nrhiav koj noj
    Kuv mob loj-----------------------ces koj nrog kho

    Sim neej no--------------------------nco koj ua luaj
    Kuv xav quaj----------------------vim tsis ntsib koj
    Lub plawv ntoj--------------------ces siav yuav yaj
    Nco koj tshaj----------------------nyob rau tiam no

    Puas tseem nco------------------------tus zoo li kuv
    Wb chaw thuv---------------------twb fab tuaj nroj
    Hais txog koj--------------------puas nco kuv thiab
    Me nplooj siab--------------------tus kuv nco tshaj

    Yeej tsis daj---------------------------os me leej nus
    Nej ncaim mus--------------lawm ploj ntsiag niab
    Mob kuv siab------------------ib nthwv yuav poob
    Leej nus hmoob---------------puas tseem pab hlub

    Li thaum ub------------------nyob ntawm peb tsev
    Koj dua kev---------------------lub suab luag ntxhi
    Ntuj tsaus hli--------------------sawv ntawm ib sab
    Tuav kuv npab-----------------thiab hnia kuv plhu

    Kuv mam hu-------------------------tias koj tuaj los
    Cov lus ntos--------------------puas nco ntsoov cia
    Zais tsis qhia----------------------rau leej twg paub
    Niaj hnub saub-------------------txog koj xwb tiag

    Tib me pliag--------------------koj ncaim mus deb
    Ib rooj teb------------------------sab ntuj nraum ub
    Tus kuv hlub--------------------nco tshav ntuj nrig
    Ntuj puas tig----------------------------wb los ua ke

    Noj sib ce----------------------------rov tau sib hlub
    Li thaum ub----------------------lub teb chaws zoo
    Ncaim ntau xyoo---------------ntshe koj hnov qab
    Yuav tau nyab---------------------muaj tub muaj ki

    Luag ntxhawv ntxhi--------------koj tej qaws tsho
    Thiaj tsis nco---------------------kuv li lawm paub
    Tsis hnov saub--------------------los txog hnub no
    Kuv tseem nco-----------------tsis paub yuav ploj

    Puas los ntoj----------------nrhiav kuv hauv nplog
    Yog los txog-----------------------tseem zoo li qub
    Yav thaum ub------------------------lub zos yaj sab
    Nroog moos cab-----------------wb chaw kav kiab

    Huab pos niab-------------------saum tej hauv tsua
    Tej me cua---------------------tseem tuaj txias zias
    Yeej xav tias----------------------tsis tau sib ncaim
    Tseem xav nraim--------------txog kev txiav taws

    Peb teb chaws-----------------------zoo li qub ntag
    Yeej tsis dag---------------------nplooj sib tw hlav
    Pom pa av--------------------------ncho oov li niab
    Tej me kiab-----------------------thiab cov me khw

    Nws tseem tsw-------------------------pa qij pa dos
    Qub zej zos-----------------txawm ciaj hav ntxhov
    Yog koj rov------------------------los teb chaws no
    Txoj kev nco-----------------tseem zoo txhua yam

    Wb mam tham-----------------txog kev mob hlwb
    Cev nkauj xwb--------------yeej tseem ntxim hlub
    Li thaum ub--------------------------koj tso nws cia
    Tus mob ntxhia-----------------thiaj yuav ploj mus

    Me leej nus-------------------------tus me cev soob
    Leej nus Hmoob----------------zoo ntxim hlub e!!
    Es koj ne!!--------------------puas tseem nco lawm
    Cev nkauj ntxawm-------------tseem nyob tos koj

    Thaj teb nroj---------------------wb ib txwm nthua
    Nws tseem tshua------------------koj kawg kiag os
    Tseem nyob tos----------------ntsia xub ke ntsoov
    Tsis tau hloov----------------lub siab nawb mog./.

    Xaus li no
    Hmoobntujtshiab.
    Zoo li kuv twb pom leej twg muab koj zaj paj huam no tso rau lwm lub topic lawm sub sav los yog kuv yuam kev ne yom.

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 25th August 2013, 9:30 pm

    koobpovtxuj wrote:
    Hmong ntuj tshiab wrote:
    Hmoob yaj sab nrhiav nws

    Nkauj yaj sab-------------------tsab me ntawv hlub
    Nrhiav tus qub---------------------yav ntuj thaum I
    Suav txij li----------------------koj ncaim kuv mus
    Koj lo lus-------------------------kuv twb tsis hnov

    Ib tsab xov-------------------------los yeej tsis pom
    Lub meej mom--------------leej nus nraug Hmoob
    Tus cev soob-------------tham luag ntxhawv ntxhi
    Zoo cuag li----------------------leej tub nraug nom

    Thaum kuv pom------------thiab ntsib thawj zaug
    Ntshe hmoov raug-----------------thiaj li ntsib koj
    Li tau coj-------------------------------wb mus ua si
    Siab quaj dhi----------------------xav nrog koj mus

    Koj mam pus--------------------kuv nrog koj khiav
    Npaj tsis tiav-------------------------coj kuv tsis tau
    Lub siab npau------------------npaum dej kub hlab
    Tsis rov qab---------------------los nrhiav kuv dua

    Rau ntuj ncua-----------------------txoj me kev deb
    Ib rooj teb------------------------yav puag tom tsev
    Tej qub kev--------------------------wb me chaw so
    Kuv tseem nco-------------------------tus zoo li koj

    Xav txog txoj----------------------kev nyob sib zov
    Sib xa xov-----------------------txog txoj kev plees
    Hais seev yees----------------------tsis xav tso tseg
    Mob tej teg---------------------ua plawv yuav nres

    Yam tus ntses-------------------twb tuag ntab ntab
    Tsis pom qab-----------------------yuav hais lo twg
    Me phooj ywg--------------------tus kuv hlub es!!!
    Es nej ne!!----------------------puas tseem nco qab

    Zos yaj sab--------------------yav ntuj puag thaum
    Kev sib yaum------------------nrog peb noj tshoob
    Tsoom nraug Hmoob---------lawv tuaj tsheej pab
    Zaum ib sab-------------------nrog hais kwv txhiaj

    Nyob tsheej phiaj---------------lom zem xauv npo
    Ntuj tag hmo-----------------------tsis nco nroo sab
    Tau sib thab---------------------sib zeg zaum nyob
    Ce cawv txhob---------------------los rau peb haus

    Lawv cov laus------------------sawv los saib coob
    Tub ntxhais Hmoob--------------sib tw kwv txhiaj
    Zaum tsheej phiaj---------------suab seev yuj yees
    Kwv txhiaj plees----------nrog kwv txhiaj tshoob

    Cov tub Hmoob---------------nyob kaj ntug plaws
    Peb sawv daws----------------zom zem kawg kiag
    Tham ib pliag-------------------kuj txaus siab tshaj
    Lub ntuj kaj---------------------mam tau sib ncaim

    Tseem xav nraim---------------------tej lus qab zib
    Nplooj siab ib-------------------------tej me lus zoo
    Tsis nco nroo-------------------txog kev nyuaj siab
    Lub xyoo tshiab------------tawm plaws xyoo laus

    Tsov rog ntaus---------------lub teb chaws ntxhov
    Hlob vaj pov----------------khiav tawm teb chaws
    Hmoob sawv daws------------------noj los tsis qab
    Zaum tsheej pab------------------pw tsis tsaug zog

    Ntshai raug nplog-------------txoj kev quab yuam
    Tej ntse ruam----------------------los ntshai ib yam
    Sab laj tham-----------------------tag hnub tag hmo
    Yeej tsis nco-----------------------mus liaj mus teb

    Kev ntxhov ntxheb----------lub teb chaws nchuav
    Cuag av qhuav------------------------dej sib tw lau
    Peb thiaj tau---------------------plam txoj kev hlub
    Rau tim ub-------------------------yav ntuj qub qab

    Zos yaj sab------------------------txoj me kev tshua
    Ncaim li ncua-------------------nplooj siab dua rhe
    Txoj qub ke------------------------mus liaj mus teb
    Tso tag peb---------------ib tsoom ntxhais Hmoob

    Thiaj li poob-------------------rau teb chaws nplog
    Nej thiaj nrog------------------niam txiv khiav tuaj
    Txoj kev quaj--------------------ua kua muag poob
    Nco nraug Hmoob-----------------tus me neeg zoo

    Nej ncaim loo-----------------------lub zos toj siab
    Kua muag iab-----------------------thiaj ntws li nto
    Ntshe zaum no----------------yuav ncaim mus tiag
    Quaj kawg kiag--------tsoom tub ntxhais Hmoob

    Cov feem coob--------------------sib tw khiav ntab
    Dhau thaib sab------------------mus rau nom nrim
    Lub siab chim--------------------xav tsa suab quaj
    Nej ncaim tuaj--------------------rau teb chaws no

    Peb tseem nco---------------------leej nus nej tshaj
    Txoj kev npaj-------------------------ho tsis sib tau
    Los sib sau-------------------------koom ua ib cuab
    Me noog nquab-----------------tus me ntxim tawb

    Plu mos dawb-------------------lub suab seev yees
    Ces ntxhee yees----------------cuag me nraug nab
    Ncaim yaj sab---------------------tsis ntsib ib zaug
    Me hluas nraug-----------------------tus cev tsis loj

    Koj niam noj-------------------------dab tsi yug koj
    Zoo tam zoj-----------------------me txiv nraug hli
    Es yuav ci-----------------------mus thoob ntiaj teb
    Ua rau peb----------------------------nco nej ua luaj

    Puas yuav muaj------------------hnub rov sib ntsib
    Ntshe yuav pib--------------------tham kev sib nco
    Tsheej tag hmo-----------------los tham tsis dhuav
    Kev npau suav---------------------los tham tsis tag

    Lus tso dag--------------------------los yeej ib yam
    Txoj kev tham----------------ntshe tsis pov khawv
    Ntuj yuas lawv-------------------tus me nraug xwb
    Kuv mas twb---------------------niaj hnub seev koj

    Siab xav zoj--------------------puas rov ntsib thiab
    Ua nplooj siab--------------------rov fab lwm tiam
    Yog koj niam--------------------koj txiv lawv kam
    Rov tuaj tham--------------------thiab coj kuv mus

    Ua koj tus------------------------mus nrog koj nyob
    Koj muaj mob------------------thiaj muaj kuv saib
    Yog koj tshaib-------------------kuv nrhiav koj noj
    Kuv mob loj-----------------------ces koj nrog kho

    Sim neej no--------------------------nco koj ua luaj
    Kuv xav quaj----------------------vim tsis ntsib koj
    Lub plawv ntoj--------------------ces siav yuav yaj
    Nco koj tshaj----------------------nyob rau tiam no

    Puas tseem nco------------------------tus zoo li kuv
    Wb chaw thuv---------------------twb fab tuaj nroj
    Hais txog koj--------------------puas nco kuv thiab
    Me nplooj siab--------------------tus kuv nco tshaj

    Yeej tsis daj---------------------------os me leej nus
    Nej ncaim mus--------------lawm ploj ntsiag niab
    Mob kuv siab------------------ib nthwv yuav poob
    Leej nus hmoob---------------puas tseem pab hlub

    Li thaum ub------------------nyob ntawm peb tsev
    Koj dua kev---------------------lub suab luag ntxhi
    Ntuj tsaus hli--------------------sawv ntawm ib sab
    Tuav kuv npab-----------------thiab hnia kuv plhu

    Kuv mam hu-------------------------tias koj tuaj los
    Cov lus ntos--------------------puas nco ntsoov cia
    Zais tsis qhia----------------------rau leej twg paub
    Niaj hnub saub-------------------txog koj xwb tiag

    Tib me pliag--------------------koj ncaim mus deb
    Ib rooj teb------------------------sab ntuj nraum ub
    Tus kuv hlub--------------------nco tshav ntuj nrig
    Ntuj puas tig----------------------------wb los ua ke

    Noj sib ce----------------------------rov tau sib hlub
    Li thaum ub----------------------lub teb chaws zoo
    Ncaim ntau xyoo---------------ntshe koj hnov qab
    Yuav tau nyab---------------------muaj tub muaj ki

    Luag ntxhawv ntxhi--------------koj tej qaws tsho
    Thiaj tsis nco---------------------kuv li lawm paub
    Tsis hnov saub--------------------los txog hnub no
    Kuv tseem nco-----------------tsis paub yuav ploj

    Puas los ntoj----------------nrhiav kuv hauv nplog
    Yog los txog-----------------------tseem zoo li qub
    Yav thaum ub------------------------lub zos yaj sab
    Nroog moos cab-----------------wb chaw kav kiab

    Huab pos niab-------------------saum tej hauv tsua
    Tej me cua---------------------tseem tuaj txias zias
    Yeej xav tias----------------------tsis tau sib ncaim
    Tseem xav nraim--------------txog kev txiav taws

    Peb teb chaws-----------------------zoo li qub ntag
    Yeej tsis dag---------------------nplooj sib tw hlav
    Pom pa av--------------------------ncho oov li niab
    Tej me kiab-----------------------thiab cov me khw

    Nws tseem tsw-------------------------pa qij pa dos
    Qub zej zos-----------------txawm ciaj hav ntxhov
    Yog koj rov------------------------los teb chaws no
    Txoj kev nco-----------------tseem zoo txhua yam

    Wb mam tham-----------------txog kev mob hlwb
    Cev nkauj xwb--------------yeej tseem ntxim hlub
    Li thaum ub--------------------------koj tso nws cia
    Tus mob ntxhia-----------------thiaj yuav ploj mus

    Me leej nus-------------------------tus me cev soob
    Leej nus Hmoob----------------zoo ntxim hlub e!!
    Es koj ne!!--------------------puas tseem nco lawm
    Cev nkauj ntxawm-------------tseem nyob tos koj

    Thaj teb nroj---------------------wb ib txwm nthua
    Nws tseem tshua------------------koj kawg kiag os
    Tseem nyob tos----------------ntsia xub ke ntsoov
    Tsis tau hloov----------------lub siab nawb mog./.

    Xaus li no
    Hmoobntujtshiab.
    Zoo li kuv twb pom leej twg muab koj zaj paj huam no tso rau lwm lub topic lawm sub sav los yog kuv yuam kev ne yom.

    kuv tso rau tom ib lub npe lawm mas tsis yog leej twg tso os nws kuv tso xwb os nawb

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV TXHIAJ

    Post  Hmong ntuj tshiab on 13th January 2014, 6:50 am


    ZAJ PUAM FAB:

    Khawv txhiaj, plees tsis sib tau, ib tug tuag tso ib tug tseg, mob siab thiab nco tshua tshaj plaws, Hais ua suab Hmoob moos loob,

    1, Nim yais!!!! me Hmoob ntxhais nkauj xwb tus uas kuv nco, thaum wb tseem ua nkauj ua nraug nyob es, koj nim zoo nkauj puav tam li lub me paj txiv duaj nyob tuaj mus tawg tshiab, tawm rooj plaws ncig yuj yeev rau koj niam koj txiv lub mus paj tsiab, tham lo me lus txiaj saub kev seev tuaj mus dai siab, es kuv txiv leej tub thiaj li muab niam leej ntxhais li koj nco lub me ntuj tsaug tawm lis plaws rau lub mus ntuj tshiab os me Hmoob ntxhais nkauj xwb om!!!!,

    1, Nim yais!!!! me Hmoob ntxhais nkauj xwb tus uas kuv nco, thaum wb tseem ua nkauj ua nraug nyob es, koj nim zoo nkauj puav tam li lub me paj txiv duaj nyob tuaj mus tawg tsis paub zaus, tawm rooj plaws ncig yuj yeev rau koj niam koj txiv lub mus paj tsiab peb caug, tham lo me lus txiaj saub kev seev tuaj mus ntxim siab txaus, es kuv txiv leej tub thiaj li muab niam leej ntxhais li koj nco lub me ntuj tshiab tawm lis plaws rau lub mus ntuj tsaug os me Hmoob ntxhais nkauj xwb om!!!!,

    2, Nim yai!!!!!! Me Hmoob ntxhais nkauj xwb tus uas kuv tshua es, thaum wb tseem ua nkauj ua nraug nyob es, wb tau tuav tes ruj rawv tawm rooj li plaws zoo puav tad ntua nkawm me noog liaj noog luv ya tav yuj yees rau cuaj ha los yim lub roob, nim no koj cev ntaj xib ntsug tuag tag nrho yuav muab kuv txiv leej tub nrauj li ncua cia rau leej niam leej txiv lub mus luaj qoob, txiv leej tub nim muaj koj nco nco es tsa ncauj suab seev yuj yees nrog niam kab tus me noog qhoob, Ntuj tom qab no kuv tsis tau koj lawm tiag tiag es kuv ncig yuj yeev tuaj txog wb tej me qub hneev tes coj hneev taw nim nphob lis xuav tsis pom koj es tsuas pom tau tus me hav nroj ntxuag tus me hav xyoob, es txiv leej tub thiaj quaj tus me txiaj ntsim los kua muag poob os me Hmoob ntxhais nkauj xwb os,!!!!!


    2, Nim yai!!!!!! Me Hmoob ntxhais nkauj xwb tus uas kuv tshua es, thaum wb tseem ua nkauj ua nraug nyob es, wb tau tuav tes ruj rawv tawm rooj li plaws zoo puav tad ntua nkawm me noog liaj noog luv ya tav yuj yees rau cuaj roob los yim lub tog, nim no koj cev ntaj xib ntsug tuag tag nrho yuav muab kuv txiv leej tub nrauj li ncua cia rau leej niam leej txiv lub mus luaj nrog, es txiv leej tub nim muaj koj nco nco es tsa ncauj suab seev yuj yees nrog niam kab tus me noog nqov os, Ntuj tom qab no kuv tsis tau koj lawm tiag tiag es kuv ncig yuj yeev tuaj txog wb tej me qub hneev tes coj hneev taw nim nphob lis xuav tsis pom koj es tsuas pom tau tus me hav nroj ntxuag tus me hav mog es txiv leej tub thiaj quaj tus me txiaj ntsim los kua muag nrog os me Hmoob ntxhais nkauj xwb os,!!!!!

    Chim laj xeeb laj luam cua khuam nkaus tuaj rau tim toj, es daj tsis soj, es deev tuaj tsis tau koj, ces ntshe yuav chim siab loj lug los mus txog hnub ploj, es mam li mus teem caij li nroos rau ntxwj xib nyoog hav paj mus zaub nroj, es mam li txia lij ntshis ua suav txiv nyuj twm es ho nqov quj qaws nyob mus nrhiav koj!!!, tiag os me Hmoob!!!!!om,


    ----------------------------------------------------------------------------------------------------------------------------------
    ZAJ PUAM FAB:

    khawv txhiaj plees, daj deev tsis sib tau, es nco thiab tshua tshaj plaws: Hais ua suab Hmoo moos Pham.

    1, Hom ntuj os me Hmoob niam leej ntxhais lawm nkauj xwb es!!!! Tos xyoo no nim kho siab lawm luaj no los vim yog tseem nco nco thaum ib cim paj tsiab peb caug tawm tas tej niag sib plhawv, es wb nim hais ntxuaj ntxog puag xub pwg npawv, es tuav tes lawm tas tej mus sib rawv, ncig yuj yees lub ntuj tshiab tawm li plaws lub mus ntuj ntsawv, es tham ntxuaj ntxog txiaj saub kev mus dai plawv, es daj tsis yuad deev tsis tau los vim yog koj niam koj txiv nim ntshaw tas nraj lum Hmoob zeeg teev me nyiaj txiag los qhwv sov tas tej mus sib tsawv, thiaj muab niam leej ntxhais li koj quas li plhuav rau nraj lum Hmoob zeej lub rooj deg los lawm rooj cawv, es thiaj mob luag leej tub siab ncus tas lawm tej mus sib thawv, nim tam ntua plaj teb es plam li plaws tsis tau tuaj nrog luag hlawv, os Koj!!!!!ne!!!!! puas yuav nco kuv!! lawm ntsuj ntsoov nim mus txog ntua hnub es koj ho laus laus lawm qaj nkoos tawm rooj li plaws nrig cwj lis tawv, nim zaum de tes tas tej mus sib nrhawv, Ho ntshe kuv ces yuav seev nruj nraim wb me khaub plees nkauj nraum I tej mus chaw sawv, tus me txiaj ntsim kua muag nim ntxhee li hawv, los nim yog tseem nco nco kuv niam leej ntxhais li koj tus me paj plhu kab lia lawm los tom txig nkawv, es ntshe yuav muab koj seev nruj nraim nim mus txog ntua hnub cev txiaj zam qaug yeev mus pw li ko rau ntiaj nrag lub nruab thawv, los tseem tshuav ntsuj plig mam es mam li mus tos ntua koj rau lawm ntxwj xib nyoog lub mus rooj vag nyob tuaj mus vuam ntawv, os me Hmoob niam leej ntxhais es!!! Om!!,

    1, Hom ntuj os me Hmoob niam leej ntxhais lawm nkauj xwb es!!!! Tos xyoo no nim kho siab lawm luaj no los vim yog tseem nco nco thaum ib cim paj tsiab peb caug tawm tas tej niag sib plo, es wb nim hais ntxuaj ntxog puag xub pwg npo, es tuav tes lawm tas tej mus sib hlo, ncig yuj yees lub ntuj tshiab tawm li plaws lub mus ntuj so, es tham ntxuaj ntxog txiaj saub kev mus sib nco, es daj tsis yuad deev tsis tau los vim yog koj niam koj txiv nim ntshaw tas nraj lum Hmoob zeeg teev me nyiaj txiag los qhwv sov tas tej mus swb so, thiaj muab niam leej ntxhais li koj quas li plhuav rau nraj lum Hmoob zeej lub rooj tshoob los lawm rooj kos, es thiaj mob luag leej tub siab ncus tas lawm tej mus sib tho, nim tam ntua plaj tshuab ceg ntos es ntos li zus tsis nto nqog, os Koj!!!!!ne!!!!! puas yuav nco kuv!! lawm ntsuj ntsoov nim mus txog ntua hnub es koj ho laus laus lawm qaj nkoos tawm rooj li plaws nrig cwj lis qho, nim zaum de tes tas tej mus sib nrho, Ho ntshe kuv ces yuav seev nruj nraim wb me khaub plees nkauj nraum I tej mus chaw so, tus me txiaj ntsim kua muag nim ntxhee li ho, los nim yog tseem nco nco kuv niam leej ntxhais li koj tus me paj plhu kab lia lawm los tom txig nko, es ntshe yuav muab koj seev nruj nraim nim mus txog ntua hnub cev txiaj zam qaug yeev mus pw li ko rau ntiaj nrag lub nruab qho, los tseem tshuav ntsuj plig mam es mam li mus tos ntua koj rau lawm ntxwj xib nyoog lub mus rooj vag nyob tuaj mus vuam ntawv, os me Hmoob niam leej ntxhais es!!! Om!!,

    2, Hom ntuj os niam leej ntxhais Hmoob lawm nkauj xwb es!!!!!! Tos xyoo no os kho siab lawm luaj no los vim yog qaug niam kab zog ces niam kab nyob tuaj tsis txo nroj, qaug luag leej tub zog lawm luj luas tsis xav mus ua noj, los vim yog nco nco koj, es ntshe yuav muab koj nco lawm ntsuj ntsoov mus txog ntua hnub nim laus laus qam nkoos twb yuav ploj, tiag os koj!!!!!! Ne!!!!! puas yuav nco kuv lawm ntsuj ntsoov mus txog ntua hnub uas koj ho laus laus lawm qaj nkoos niam nkauj hnub qaij li zus yuav dua toj, es me av luaj nim nphob li tsus nyob mus tuaj nroj, los koj puas nco li ntsoov txia lawm li ntshis ua niam dab tsoj tsuam sawv los coj, seb wb me khaub plees nkauj nraum puas yuav zoo puav tam ntua suav nrig nraj vaum me nyuj twm nim ho nqov lawm quj qaws nyob tuaj mus cuag npoj, os me leej ntxhais lawm nkauj xwb!!! Om,

    2, Hom ntuj os niam leej ntxhais Hmoob lawm nkauj xwb es!!!!!! Tos xyoo no os kho siab lawm luaj no los vim yog qaug niam kab zog ces niam kab nyob tuaj tsis txo tsuag, qaug luag leej tub zog lawm luj luas tsis xav mus ua qhua, los vim yog muab lawm koj tshua, es ntshe yuav muab koj tshua nruj nraim mus txog ntua hnub nim laus laus qam nkoos twb yuav tuag, tiag os koj!!!!!! Ne!!!!! puas yuav nco kuv lawm ntsuj ntsoov mus txog ntua hnub uas koj ho laus laus lawm qaj nkoos niam nkauj hnub qaij li zus nqis yuav dua ncua, es me av luaj nim nphob li tsus nyob mus tuaj tsuag, los koj puas nco li ntsoov txia lawm li ntshis ua niam dab tsoj tsuam ho sawv los dua, seb wb me khaub plees nkauj nraum puas zoo puav yuav zoo tam ntua suav nrig nraj vaum me nyuj twm nim ho nqov lawm quj qaws nyob tuaj mus cuag dua, os me leej ntxhais lawm nkauj xwb!!! Om,

    Nim chim laj xeeb laj luam cua, khuam nkaus tuaj rau lub ntsis tsuag, daj tsis tau puag, deev tuaj tsis tau yuad, ces chim siab loj lug lawm los mus txog hnub tuag, mam li mus teem caij nroos rau ntxwj xib nyoog lub hav mus vaj zaub quag, mam li mus txia lij ntshis ua suav txiv nyuj twm es ho nqov lawm quj qaws nrhiav koj nyob mus nrau dua os me Hmoob es!!!! Om,


    Sponsored content

    Re: KHAWV TXHIAJ

    Post  Sponsored content Today at 10:57 am


      Current date/time is 6th December 2016, 10:57 am