google-site-verification: googlefbfddf59e706b96b.html

Latest topics

» KHAWV KOOB
by koobpovtxuj 30th September 2017, 4:29 pm

» Koobpovtxuj.
by koobpovtxuj 25th September 2017, 10:00 am

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Kwv huam me nyuam mos ab hem neeg.

    Share

    NraugLia
    Guest

    Kwv huam me nyuam mos ab hem neeg.

    Post  NraugLia on 7th June 2011, 12:03 am




    Xyoo 1980 peb nyob lub zos Avxuav, xeev khuam, Laos. Kuv muaj 1 tug tij laug kwv tij hu ua Txam hawj, nws yog ib tug neeg tuag ib sab npab thiab ib sab taw lawm tab sis nws ho tseem deeg deeg mus taus kev thiab, lub sib hawm no Txam muaj hnub nyoog li 10 xyoo, zaj no tsis yog dag thiab tsis yog dab neeg nws yeej muaj tseeb, vim lawv 3 leeg yeej tau hnov thiab ntsib kiag.
    Muaj ib hnub Txam thiab nws 2 tug bawg uas yog Pov lis thiab Es yaj lawv txawm sib yaum mus cuab piv nram Txam txiv lawv lub pas ntses uas yog txoj kev mus nram liaj. Lawv cuab cuab piv ib pliag na has txawm hnov ib lub suab ME NYUAM MOS AB quaj "WJ HA WJ HA" no tim ib tauv nroj tuaj ces Pov thiab Es nkawv txawm ua suab qog nws quaj 2-3 suab tas ces txawm ntsiag lawm, ib pliag zoj xwb ua cas txawm hnov quaj tawv tawv li qub thiab quaj los ze zus, ze zus ntawm lawv lawm, ces Txam txawm hais 6 nws 2 tug bawg tias neb txhob khiav tso kuv tseg nawb, kuv ceg ceg tawv kuv khiav tsis tau es thov neb txhob khiav. Ces lawv txawm tsis khiav lawv thiaj li tig nruab qaum sib puab, ces niag ME NYUAM MOS AB ntawv txawm los quaj ncig lawv ko taw, ntawm cov hav nroj puam tshis uas txij li hauv caug, quaj tawv tawv ua nroj co co, lawv tib ncawg taw rau ntsiag zog lawm, ho quaj tawv tawv sab tov ua nroj co co rov tib ncawg taw rau ntsiag lawm, lawv tas zog ua li ntawv ntev li 20 min ua nws tej nroj ntawv tuag tag, muaj qee zaus hnov laum laum kav hlaub thiab hnov sov so, lawv ntaug taw ceev ceev thiab plhws ceev ceev ces mloog zoo li ho poob lawm, lawv ke ncaws ke muaj thiab ke ntshai. Ntev loo ces ntxim li niag me nyuam mos ab ntawv paub tias lawv yog txiv neej tsis muaj mis rau nws noj ces nws thiaj li ntsiag zus ntsiag zus thiab khiav mus lawm, ces lawv mam li tau kev khiav dim los mus tsev. Thaum lawv los txog tsev lawv nyias quaj nyias zom zaws, lawv piav tias nws txaus ntshai tiag tiag li, yav tag los tsuas hnov luag piav xwb, xav tias ntshe tej laus lam hais dag me nyuam yaus kom ntshai es thiaj nyob zov tsev xwb no, tab sis nws yeej muaj tiag li, tsis yog dag.
    Tam sim no Txam hawj nyob lub zos Noomhaim(Zos pasqwj), nroog phamxais, xeevkhuam, Laos.
    Es yaj(npe laus Pajxyeem) nyob zos Nabxuaj(Numxouang), km52, Veescas, Laos.
    Pov lis tsis paub lub zos lawm, tab sis tseem nyob rau viascas, Laos.
    Tis tag li xwb kuv tus kheej kiag los yeej tau ntsib ib zaug los lawm tab sis cia lwm zaus kuv li mam piav 6 nej hmoog.
    Ua li koj tus kheej ne puas tau ntsib? thiab puas ntseeg tias muaj tiag??????

    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Kwv huam me nyuam mos ab hem neeg.

    Post  koojziagkabzaug on 7th June 2011, 7:05 am



    Nyob zoo NraugLiab,
    Wow...! Nws tham rhiab tab ua luaj li...!

    NraugLiab, yog nws muaj kwv huam dab tsi no tuaj tso zaj puav rau peb khaws cia nawb...Ua tsaug rau nws lub me suab toj siab ...

    Kuv tso ib daim duab thiab lub Title rau nws zaj kwv huam, seb nws puas nyiam, yog tssi nyiam no mam kho dua rau.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    NraugLia
    Guest

    Kwv huam me nyuam mos ab hem neeg.

    Post  NraugLia on 8th June 2011, 9:48 pm

    Ua tsaug ntau os me muam kzkz uas koj tseem tau kho thiab tso duab rau kuv zaj kwv huam no thiab, ua rau nws zoo nkauj thiab ho txaus ntshai dua qub lawm hov ntau.
    Ua tsaug ntau.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Kwv huam me nyuam mos ab hem neeg.

    Post  koojziagkabzaug on 9th June 2011, 5:43 am



    Nyob zoo NraugLiab,

    Hahahah...! Yog kawg, yog li nws hais, ntsia tus me nyuam mas ua rau ib ce xob tag li...hahahah...Yog tseem hnov chwv yus tej plab hlaub mos nyoos thiab nyob tom hav zoov xwb mas ntshe plaub hau yuav ncaj cuag xub li lawm xwb...hahahah...!Ib ce tawm pob qav kaws lawm...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: Kwv huam me nyuam mos ab hem neeg.

    Post  MayPaj on 9th June 2011, 11:20 am

    NraugLiab....wow...txaus ntshai ua luaj yom, cas koj piav tau txaus nsthai kawg li, pab phoojywg ntawv los siab zoo kawg thiaj nrog lawv tus phoojywg tuag taw nyob os. Thov kom peb Hmoob sib sib hlub li ntawd mus li nawd.

    Ntawm kuv tsis tau ntsib me nyuam mos ab quaj hem kuv li os, tiam sis thaum ub peb niam peb txiv coj peb mus nyob teb chaws Guyane uas tseem yog teb chaws ciaj hav zoo xyoo 1985 ntawv los lawm, kuv tau raug dab tsi hem, txawb pob zeb rau kuv thaum kuv maub ib leeg taug kev los tsev. Kuv ob tug niam laus tseem mus koom kev lom zem, kuv mus thiab tab sis tseem yau yau nyob tsis tau ntev ces thiaj tau los tsev ua ntej nkawv, thaum los txog tom ib tog kev xwb ces kuv plaub hau xob vog hos zoo li muaj leej twg lawv kuv qab, kuv pib ntshai kuv xav zoj tias cia kuv khaws ib lub pob zeb tuav ntawm tes seb yog leej twg ua phem rau kuv ces kuv muab txawb kiag no, ua cas kuv nyuam qhuav khoov mus khaws twb tsis tau lub pob zeb, leej twg txawm siv xub txawb rau kuv ua ntej nrov pauj ntawm kuv ko taw, kuv ntshai kuv cia li tso tes plau khiav rov qab mus tom kuv ob tug niamlaus, tom qab no kuv mam hnov tej laus tham tias muaj poj ntxoog pheej txawb pob zeb hem neeg yav ntuj qub qab no ces kuv mam xav tias nsthe kuv tau raug pojntxoog hem thiab los cas no tiag. Kuj ntshai tsawv thiab tab sis thaum ntawd tseem yau ces tsis paub tias yog dab tsi hem ces kuj tsis nsthai luaj twg thiab, tsuas yog plaub hau xob xwb.

    Tuaj piav koj cov kwv huam ntxiv nawd, kuv tseem xav nyeem na...


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    NraugLia
    Guest

    Kwv huam me nyuam mos ab hem neeg.

    Post  NraugLia on 20th June 2011, 12:38 am

    Nyob zoo tsoom phooj ywg sawv daws, zoo siab hnub no rov tau tuaj ntsib nej dua.
    Kuv yuav thov piav me me kwv huam txog ntawm kuv tus kheej uas tau ntsib kiag los.
    Raws li nco xyoo 1992, lub caij 3 hlis ntuj peb nyob lub zos Havnpos(avnkos), sab phamlaib, xeev khuam los tsuas teb, sib hawm no kuv muaj 9 xyoo. Muaj ib hnub cov laus mus ua teb tag lawm, lawv tseg kuv ib leeg nyob zov tsev, thaum yuav tav su kuv laj nyob kuv thiaj mus nrog kuv 2 tug kwv tij ua si tom lawv tsev, ces peb txawm ua pos tsiv nkaum ua si, ces kuv thiab kuv ib tug tij laug kwv tij wb tau mus nkaum, tus tij laug ntawv ces nws txawm nce mus nkaum rau saum lawv lub txhab nplej, hos kuv ces txawm nce mus nkaum rau saum ib tsob ntshaub uas nyob deb li 5-6 daj tom lawv tog tsev, nyob ze ntawm tsob ntshaub txawm muaj ib tsob xyoob ntxhw thiab, tsob xyoob ntxhw no lawv muab ntoo thom ua li nkuaj npuas kom tsiaj txhob mus noj kaus ntsuag, tsob xyoob nyuam qhuav cog tau li 2-3 xyoos xwb, muaj li 7-8 tus xyoob xwb thiab hauv hauv paus los kuj do dus xwb, saum cov ntoo uas thom li nkuaj npuas ntawv muaj ib pab qaib sam li ntawm 7-8 tus zaum pawg lug sauv. Thaum kuv nce mus zaum tus zog xwb ces kuv txawm hnov ib lub suab me nyuam mos ab quaj 'wj ha wj ha' no tawv tawv hauv lub niag hauv paus xyoob ntawv tuaj, kuv xam pes tsawg los tsis pom dab tsi li, kuv ntsia cov niag qaib sam na has ua cas tus twg los plaub caj dab rov tag li thiab, kuv mam xav zoj tias aub ntshe yog me nyuam mos ab quaj li tej laus hais auj! no ces kuv cia li ntshai ceev ceev kuv cia li dhia paj paws rau hauv av sawv tsees khiav tiaj lias tsis saib qab ua tus niag ntsej muag quaj zawv los tom kuv 2 tug kwv tij nkawv, kuv hu nkawv los kuv tham qhia nkawv tas ces peb txawm mus saib ntawm qhov chaw ntawv los kuj tsis pom dab tsi li thiab. Cov niag qaib sam haj tseem zaum pawg lug li qub, ces peb tshawb tas lub niag hauv paus xyoob ntawv tag los tsis pom muaj dab tsi li, ces peb txawm cia li los tsev lawm xwb.
    Tej qho zoo li no tham mas yuav tsis txaus ntseeg tab sis kuv yeej hnov tiag tiag thiab yeej hnov meej ntag kuv yeej mloog mus mloog los ntev loo, ces zoo li txawv txawv ib ce los xob vog tiag ces thiaj dhia nqis khiav.
    Tej laus tseem tham ntxiv tias thaum me nyuam mos ab caum cov poj niam mas kom ib co nyob tom kev los sis ntawm qhov rooj tos thiab ua ib cov pob caus nqeeb ntau ntau tos tus neeg dhau plaws ces muab kiag cov pob caus nqeeb ntawv los thaiv thiab hais tias "koj li qaum mi nyob ntawm no" no mas thiaj dim xwb no tiag.
    Ua tsaug ntau.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Kwv huam me nyuam mos ab hem neeg.

    Post  koojziagkabzaug on 20th June 2011, 6:05 am



    Nyob zoo NraugLiab,

    Hais txog me nyuam mos quaj mas kuv yeej tau hnov dua ib zaug lawm thiab tiag. Yog thaum kuv muaj thaj tsam li 6-7 xyoo, kuv nrog kuv tus niam ntxawm uas nyuam qhuav yuav tshiab mus txiav taws. Hnub twb qaij tav li 3-4 teev yuav tsaus ntuj. Wb mus ib lub zos Hmoob Ntsuab uas nyob ntawm peb zos sab dej tid, mus rau sab tom toj ntxas mus. Hla kiag toj ntxas ntawm ntug zos, tab tom yuav nkag rau hauv hav zoov xwb ces txawm hnov me nyuam mos quaj, quaj mas quaj tiag tiag li, lub suab nkig nkuav, kuv ntsuam los mas tseem quaj tau nrov nkig tshaj cov me nyuam mos liab saum yaj nov quaj. Thaum ntawd, wb mus dhau me ntsis rov tom hav zoov, ces hnov quaj tom wb qab me ntsis uas puas rau sab toj ntxws. Wb ob leeg theem ib nyuag pliag, tsis pom dab tsi li, zoo li quaj los ze kiag ntawm wb tsuj, tab sis kuv saib pom ib tug kooj me me dhia saum cov nroj li uas yus mus tom tej hav nroj xwb. Ces wb cia li tsis mloog ntxiv, wb nkag kiag rau hauv hav xyoob xwb, kuv tus niam ntxawm nws paub ces nws ntshai heev, wb cia li mus tsis txog pem hav ntoo, nws cia li lauj tsuag tsuag ob peb tug xyoob qhuav, txiav tsuag tsuag rau hauv kawm ces wb cia li rov qba los tsev. Nws kuj cia kuv ua ntej thiab. Kuv mas kuv tseem yau heev ces kuv tsis nco qab ntshai li, nws thiaj ntshai xwb. Wb los txog tsev, wb mus kwv dej (thaum ub peb kwv ntas xwb) thiab da dej, kuv hnov nws tham rau cov uas tuaj kwv dej thiab, kuv mam paub tias nws ntshai heev no...Yog kawg, NraugLiab, hnov tej suab nov mas rhiab ib ce kawv nkaus.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: Kwv huam me nyuam mos ab hem neeg.

    Post  MayPaj on 20th June 2011, 8:16 am

    NraugLiab, ua li cas koj yuav mus txawj piav me nyuam mos ab quaj ua luaj li naj......ua li es suab me nyuam mos ab quaj txaus ntshai npaum ntawv los? .....quaj kiag li tus me nyuam mis sab xwb no kuj ntxim hlub dhau lawm pob los? los yog nws quaj tau txias txias siab naj....nej cov hnov hnov tuaj piab seb ua li cas ho ntshai suab me nyuam mos sab quaj os los?......es ho yog pom kiag tus me nyuam mos sab quaj no ho tsis nsthai, hos yog hnov xwb tsis pom no ce sntshai los NraugLiab. Qhia kuv nawd, vim kuv tsis tau hnov dua me nyuam mos ab quaj es tsis pom tus me mos ab na.


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    NraugLia
    Guest

    Kwv huam me nyuam mos ab hem neeg.

    Post  NraugLia on 21st June 2011, 3:38 am

    Nyob zoo me muam Maivpaj, ua tsaug rau nws tej lus zoo mog. Yeej yog li koj hais thiab los mas yog yus hnov lub suab quaj es ho muab xav tias yog kiag tus me nyuam neeg mos ab xwb no mas yeej txaus hlub xwb tiag.
    Tab sis yus hnov tom hav zoov mas txawv hauv tsev lawm deb, vim tias nws yeej quaj kiag li lub suab neeg mos ab tiag tiag li yeej tsis txawv kiag li, yus mloog zoo zoo los yeej yog suab me nyuam mos ab tiag tiag li ntag, tab sis xyov yog ua cas yus plaub hau pheej tsa zuj zus, yus twb hais tias tsis ntshai tsis ntshai no los yeej tseem haj yam ntshai thiab, qhov ntshai no mas feem ntau yog yus pheej hnov ze rau tej toj ntxas, tej chaw txias, los sis ntawm tej kev uas lawv tau nqa tus me nyuam mos ab tuaj mus faus. Thaum yus hnov quaj mas yus yeej ua siab tawv qhawv tsis ntshai thiab yeej hloog zoo seb puas yog tiag tiag tso, thaum koj mloog zoo ces pheej zoo li quaj los ze yus zuj zus xwb, tej tus txiv neej siab tawv mas lawv nyob tos ntag thaum nws quaj los txog kiag ntawm yus xub ntiag ntsia pes tsawg los tsis pom dab tsi li, tab sis lub suab mas yeej tseem quaj tau txias zias ncig yus mus mus los los li ntag, tiam sis ua li hais xam npaum cas los tsis pom muaj dab tsi li, tej laus tham tias yog txiv neej ces nws los quaj ncig yus li 2-3 lwm tag xwb ces nws quaj deb zus deb zus ces ntsiag lawm, hos yog cov poj niam uas muaj me nyuam mos tseem noj mis es tsw mis ntag mas nws yeej caum yus ntag, yog yus tsis khiav tiag mas nws caum tau mas yeej nce los noj yus mis ntag, thaum nws nce hlo los noj yus mis mas yus yeej hnov sov so ntawm yus tej kav hlaub, plab thiab ua yus ib ce tsaug zog tsis muaj zog mus kev li ntag no tiag!
    Nyob rau Laos no mas yeej muaj ib hom qaib deg dub dawb txia quaj khws nkaus li me nyuam mos ab quaj thiab ntag, tab sis feem ntau nws tsuas quaj lub caij ntuj qhib tshiab uas yog nws lub caij ua me nyuam xwb, thaum nws quaj yus mloog zoo zoo mas lub suab yeej txawv me ntsis, thiab nws tsuas quaj raws tej kwj deg los sis ntug dej xwb, thaum nws pom yus los sis hnov yus nws kuj ntsiag lawm.
    Yog yuav piav mas yeej muaj coob leej ntau tus tau hnov, tab sis cia lwm zaus kuv li mam tuaj paiv rau nej mloog.
    Ua tsaug ntau.
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: Kwv huam me nyuam mos ab hem neeg.

    Post  MayPaj on 21st June 2011, 10:25 am

    NraugLia wrote:Nyob zoo me muam Maivpaj, ua tsaug rau nws tej lus zoo mog. Yeej yog li koj hais thiab los mas yog yus hnov lub suab quaj es ho muab xav tias yog kiag tus me nyuam neeg mos ab xwb no mas yeej txaus hlub xwb tiag.
    Tab sis yus hnov tom hav zoov mas txawv hauv tsev lawm deb, vim tias nws yeej quaj kiag li lub suab neeg mos ab tiag tiag li yeej tsis txawv kiag li, yus mloog zoo zoo los yeej yog suab me nyuam mos ab tiag tiag li ntag, tab sis xyov yog ua cas yus plaub hau pheej tsa zuj zus, yus twb hais tias tsis ntshai tsis ntshai no los yeej tseem haj yam ntshai thiab, qhov ntshai no mas feem ntau yog yus pheej hnov ze rau tej toj ntxas, tej chaw txias, los sis ntawm tej kev uas lawv tau nqa tus me nyuam mos ab tuaj mus faus. Thaum yus hnov quaj mas yus yeej ua siab tawv qhawv tsis ntshai thiab yeej hloog zoo seb puas yog tiag tiag tso, thaum koj mloog zoo ces pheej zoo li quaj los ze yus zuj zus xwb, tej tus txiv neej siab tawv mas lawv nyob tos ntag thaum nws quaj los txog kiag ntawm yus xub ntiag ntsia pes tsawg los tsis pom dab tsi li, tab sis lub suab mas yeej tseem quaj tau txias zias ncig yus mus mus los los li ntag, tiam sis ua li hais xam npaum cas los tsis pom muaj dab tsi li, tej laus tham tias yog txiv neej ces nws los quaj ncig yus li 2-3 lwm tag xwb ces nws quaj deb zus deb zus ces ntsiag lawm, hos yog cov poj niam uas muaj me nyuam mos tseem noj mis es tsw mis ntag mas nws yeej caum yus ntag, yog yus tsis khiav tiag mas nws caum tau mas yeej nce los noj yus mis ntag, thaum nws nce hlo los noj yus mis mas yus yeej hnov sov so ntawm yus tej kav hlaub, plab thiab ua yus ib ce tsaug zog tsis muaj zog mus kev li ntag no tiag!
    Nyob rau Laos no mas yeej muaj ib hom qaib deg dub dawb txia quaj khws nkaus li me nyuam mos ab quaj thiab ntag, tab sis feem ntau nws tsuas quaj lub caij ntuj qhib tshiab uas yog nws lub caij ua me nyuam xwb, thaum nws quaj yus mloog zoo zoo mas lub suab yeej txawv me ntsis, thiab nws tsuas quaj raws tej kwj deg los sis ntug dej xwb, thaum nws pom yus los sis hnov yus nws kuj ntsiag lawm.
    Yog yuav piav mas yeej muaj coob leej ntau tus tau hnov, tab sis cia lwm zaus kuv li mam tuaj paiv rau nej mloog.
    Ua tsaug ntau.

    Wow...yog li no kuj txaus ntshai kawg li thiab naw...oiiib nyeem koj cov lus xwb kuv twb xob pob qav kaws lawm....hahaha, kuv mas yog ib tug nyiam mloog luag piav kwv huam dab, tab sis yog ib niag tais caus kawg li thiab os. Koj puas tau hnov Maiv Tooj zaj kwv huam hais txog ib tug yawg mus pw tom teb es hnov dab los hem nws na, txaus nsthai kawg li thiab os, cia kuv muab tso rau hauv no koj los nyeem nawd:

    KUV NRHIAV TSIS POM MAIV TOOJ ZAJ SUAB NEEG HU UA "CUAB NPUA TIM HAV ZOO HEM NEEG LAWM" ces kuv tso zaj haub qab no rau koj nyeem os NraugLiab.....txaus ntshai kawg li os:


    LUB CAIJ HLAWV TEB

    Hlawv teb tag, kuv mus ua ib lub tsev teb rau tim teb, cov kwv tij rov hais rau kuv tias:
    “Teb chaws no luag yeej cav cav tau ob peb tiam los no lawm tias muaj muaj tsov thiab tsov tom tom neeg li, ces koj txhob mus pw tim teb es rov los pw tim no. Peb sawv daws mam sib pab pauv zog ua teb xwb.”
    Kuv thiaj teb lawv tias:
    “Ab rov los tim tsev no los pheej mus mus los los, thaum los ces twb yuav tsum los ntxov tim teb los, thaum mus los mus txog tim teb ces twb lig lawm thiab ces twb ua tsis qeg teb. Poj niam me nyuam los tseem nyob puag pem qub zog Npam naj Xees thiab ces cia ua teb tsuag tsuag tsos yuav xav mov thiab ub no coj mus rau poj niam me nyuam noj.”
    Lub caij cog plej, thaum no kuv tus maum dev yug tau ob tug me nyuam; ib tug txaij hos ib tug dawb. Nyob nyob tej thaum peb tseem tab tom noj mov los yog nyuam qhuav noj hmo tag los yog nyuam qhuav nce chaw pw ua cas cov niam tub aub tom huas pes dhawv ntawm tej. Yug muab teeb tsom tsis pom dab tsi li. Muaj qee zaud mas dev caum caum dua puag tim tej hav zoov lawm dev mam rov los.
    Txog lub caij dob nplej, peb cov txiv tub rov mus pw tim teb dob nplej. Mas cov niam tub dev kuj pheej caum li qub thiab tab sis mas yus kuj ua siab loj heev. Muaj ib hnub kuv tus ntxhais Ntxhi txawm hais rau kuv tias:
    “ Cas nag hmo muaj ib tug dab tsi los tsuj kuv, tsuj zoo nkaus li ib tug me nyuam yaus. Tsuj nyhav pes zog, nyhav pes zog nram ko taw los rau pem kuv duav, kvu ntshai ntshai ces kuv cia li hu txog Leej txiv, Leej Tub thiab Leej Ntuj Plig lub npe thov pab kuv. Hu li no tag kuv cia li nti tau kiag tam sim ntawd. Mas ntshai heev tsis tau luag, peb yuav tsum tsis txhob pw ntawm no lawm.”
    Kuv thiaj teb tias:
    “Txhob xav dab tsi, txhob ntshai, koj tsis paub xwb, yog nas tsuag xwb os!!!”
    Tiag tiag mas kuv yeej paub tias tsis yog nas tsuag tab sis kuv lam hais li kom tus me nyuam txhob ntshai ntshai xwb . Nws thiaj rov hais kuv tias: “ Ab! Ntshe tsis yog nas tsuag rau qhov kuv mloog mas tsuj nyhav li tus me nyuam yaus diab os!!!
    Txhua txhua hmo ua ntej peb yuav pw, peb yeej teev Ntuj ua tag peb mam pw. Kuv tus ntxhais hais li ntawd rau kuv tag, ua cas hmo tom qab txawm los tsuj kiag kuv ntag. Kuv hnov los tsuj ib yam nkaus li Ntxhi hais tsuj Ntxhi ntag. Thaum nws los tsuj kuv ntawd mas yus yeej hnov ntsoov, rua muag ntsi yeej pom cub tawg liab pliv ntawd tab sis nti tsis taus li. Kuv thiaj hu txog Leej txiv, Leej Tub thiab Leej Ntuj Plig thov pab, kuv hu hauv siab xwb rau qhov hais tias yus yeej tsa tsis taus tes los ua lub Cim Ntoo Cuam li lawm. Hu li no tag nrho kuv thiaj nti tau, kuv tib tsaug taw tam sim ntawd ces kuv pab niag niam tub aub mam tom huam dhawv ntawm qhov rooj, lawv muab caum caum rau puag tim hav zoov lawm.
    Hmo peb ua ntej peb yuav pw, peb kuj teev Ntuj tib yam li thiab. Kuv thiaj li thov hauv kuv lub siab tsis pub rau cov me nyuam hnov tias:
    “Hlob yog Ntuj hlob, Huab Tais Tswv Ntuj! Koj yog tus muaj hwj chim tas nrho, yog koj muab txim rau leej twg mas nws yuav tsum txais, yog koj pab leej twg mas nws yuav tsum noj qab nyob zoo, nyob kaj nyob huv. Hmo no mas kuv paub meej tias tus dab phem no yuav los zes peb, yuav los ua tej yam tsis zoo rau peb. Thov koj tso koj cov Tshiab tuaj pov hwm peb, tuaj tua kom tau tus dab phem thiab muab txim rau nws kom nws txhob los zes peb ntxiv lawm.”
    Tej zaud nej cov tub tshaj Ntuj Lus los yog lwm tus yuav hais tias kuv lam hais. Tab sis nyob hauv kuv mas kuv tsis dag Ntuj ib zaug nawb. Kuv yeej nco ntsoov tias kuv tau thov thiab lub ntuj tau pab kuv los lawm.
    Hmo ntawd kuv thov Ntuj nyob hauv kuv lub siab tag ces peb teev Peb Txiv nyob saum Ntuj, teev peb caug lub Saw Mab Liab thiab teev zaj Leej Ntuj Plig. Thov Ntuj li no tag peb pw, hmo ntawd tsis hnov aub tom, tsis ua npau suav dab tsi li. Tab sis tiag tiag mas aub twb tom kiag hauv peb qab txag rau nram kwj ha los peb yeej tsis hnov li. Hais tau hais tias Huab Tais Ntuj muab nws lub hwj chim tuaj roos peb thiab nws muab txim rau tus dab phem ntawd lawm. Taig kis ntawd peb sawv los, kuv tus ntxhais ho ua dab tub nkeeg ( ua npaws) tom thawj thiab. Kuv thiaj hais rau nws tias:
    “Me ntxhais koj tsis zoo nyob ces koj pw koj es cia peb mus ua teb xwb. Mus ua teb ib ntsis los tso kuv mam coj koj rov lawm tim zos, mus thov tshuaj rau koj”.
    Hnub ntawd peb mus dob nplej lawm, Ntxhi pw nram tsev teb. Pw pw twb yuav tav su nws txawm tias:
    “Ab! Kuv twb nquag me ntsis lawm ces sawv mus kwv dej los ua su tos kuv vaim lawv (vaim= leej txivlus Hmoob Dub) ».
    Peb tseem tab tom ua teb txog puag pem luag teb, cas Ntxhiv txawm hu nram tsev tuaj tias :
    « Vaim aw !!!! Tsis tau luag os !!!Xyov dab tsi tom tau ib niag dab tsi nram qaum cav os !!! »
    Peb thiaj khiav khiav mus txog, ua cas peb niam tub dev twb muab nws caum los pem peb qab txag los mus, nplej mas pib lov kiag ntawm qab tsev mus rau puag nrad. Kuv ho ntov tau ib tug ntoo loj loj vau rau nrad ces mus txog nrad yav cav uas kuv ntov ntawd nws hla tsis dhau ces peb niam tub aub muab nws mos rau ntawd mas thaj tsam ntawm qaum cav ntawd nplej cia li lov ti nkaus npoo av, hlob tsis taus li lawm. Dev muab tom tuag rau ntawd mas ob tug me nyuam dev yeej zov rawv, tsuav yus mus ze zog tus tsiaj ntawd mas ob tug me nyuam dev yeej xob xob plaub li ntag.
    Tus tsiaj uas dev muab tom tuag ntawd mas kuv kuj zeem tsis tseeb thiab, xyov tus tsiaj dab tsi, tsis tau pom dua ib tug tsiaj zoo li ntawd. Kuv thiaj tso me nyuam mus hu kuv tij laug tus tub….?, kuv tus kwv thiab kuv tus vauv Nom Phaj lawv nram qab teb los pab xyuas. Lawv los txog tus yuav hais li cas los muaj. Ib txhia hais tias:
    -“Yog mab lee”
    Kuv tias tsis yog Mab Lee, Mab Lee mas kuv twb tua tau ntau zaus lawm, tus ko tw ntev ntev, tus no tsi muaj ko tw.
    -“Yog liab npog muag”
    Tsis yog liab npog muag, liab npog muag mas txaij peb kab ntawm caj qaum thiab tssi ntev li no, tus nov mas duav ntev ntev li nyaj tab kuj tsis yog nyaj thiab. Nej sim ua zoo zoo saib mas, ob lub qhov muag ntsug lug tsawv, nws zaum zaum ob sab pob tw ua kaub puab tag, tsis muaj tus stiaj twg thooj nws li tiag.
    -Kawg yog liab npog muag xwb!
    -Nej hais tias yog liab npog muag, kuv kuj hais tias yog liab npog muag. Tab sis nyob hauv kuv siab mas tsis yog , yog ib yam tsiaj uas txawj los ua tej yam dab tsi rau neeg. Kuv thiaj txiav tau plaub txhais tes taw cia; tab sis kuv niam tij ho thov ces muab ob txhais rau nws lawm tshuav ob txhais xwb.


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Kwv huam me nyuam mos ab hem neeg.

    Post  koojziagkabzaug on 21st June 2011, 2:32 pm


    Nyob zoo Maypaj thiab NraugLiab,


    NraugLiab,

    Tus nov yog nws cov kwv tij thiab, tus uas hnov ab tsi cuab npua tim hav zoo...

    Maypaj,

    zaj kwv huam nyob no, twb yog tso ob peb zaj ua ke ces tsis tso nws lub npe, koj thiaj nrhiav tsis tau xwb.


    Huab Tais Ntuj lub hwj Huam.


    XH. Txhiaj tawb Hawj,
    Fab Kis teb, lub 7 hlis 2000




    Thaum kuv nyob teb chaws Los Tsuas, Kuv tau mus ua ib daim teb pob kws nyob hauv plawv zoov. Npua teb pheej los noj pob kws, muaj ib hnub kuv thiaj tau mus pw zov. Nyob lub zos ntawd muaj ib tug dej loj loj, kuv thiaj tau thov lawv nquam kuv hla tus dej ntawd. Lub caij no yog lub 8 hli ntuj mas dej tab tom loj heev.
    Kuv mus txog hauv daim teb kwv yees 8 teev, kuv thiaj mus ua ib lub me nyuam tsev pheeb suab nplooj tsawb. Txoj 1 teev ib tag hmo, tu npua teb txawm los noj pob kws. Kwv npaj phom yuav mus nyas tua no cas muaj ib tug poj niam txawm cuab npua seev yees pem luag teb tuaj ces tus npua teb cia li khiav lawm. Kuv rov los nyob hauv lub tsev pheeb suab, ib pliag xwb txawm muaj ib tug poj niam los cuab npua thiab xuav kauv seev yees ncig lub tsev pheeb suab. Lub sij hawm ntawd ua rau kuv plaub hau sawv tas thiab kuv ib ce ua pob qav kaws tag. Kuv xav rov los tim zos los muaj tus dej loj kem lawm, ua zaj twg los kawg tswv yim. Lub sij hawm ntawd kuv tsis tau txais kev ntseeg, kuv thiaj hu poj yawg txwv koob kom ntiab tus hem kuv ntawd khiav mus. Tiam sis thov npaum li cas los tus poj niam ntawd yeej tseem cuab npua thiab xuav kauv ncig kuv. Kawg tswv yim, kuv thiaj xav zoj hauv nruab siab tias kuv twb nrog cov coj Kev Cai Ntuj nyob thiab nrog Txiv Plig lawv nyob ntshe kuv yuav tau thov Ntuj. Kuv thiaj li txhos caug ntua hauv av, ua Ntoo Cuam Lub Cim rau txhua qhov thiab hu Yes Xus lub npe tag. Ib pliag xwb tus poj niam cuab npua ntawd txawm cuab deb zuj zus ntawm kuv lawm thiab lub suab xuav kauv seev yees cia li ntsiag kiag lawm.
    Kuv nyob ib hmos tsis tsaug zog li, taig kis pom kev txoog xwb kuv cia li khiav los tsev lawm. Kuv thiaj tau xav tias " MUAJ NTUJ TIAG thiab YES XUS TAU YEEJ TUS DAB PHEM TIAG". Kuv thiaj tau thov kawm Kev Ntseeg thiab pib txais Ntuj Kev Cai. Ib ntus tom qab kuv thiaj thov tuaj kawm Xib Hwb nyob rau nroog Moos Loob Phuas Npas, Nplog teb.







    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Kwv huam me nyuam mos ab hem neeg.

    Post  Sponsored content


      Current date/time is 22nd October 2017, 6:49 pm