google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    ***UA NEEB***

    Share

    shung
    Sponsor
    Sponsor

    Messages : 573
    Date d'inscription : 2012-05-08

    Re: ***UA NEEB***

    Post  shung on 2nd November 2012, 1:03 pm

    Nyob zoo txiv ntxawm koobpovtxuj

    zoo siab koj tuaj qhia kuv thiab,cia kuv nug niam thiab txiv lawv sawv daws seb lawv ho xav li cas thiab. Kuv xav tias muaj ib tug nyob Wisconsin mas yuav pab tau kuv no vim nws yog txiv neej ho poj niam mas zoo li ho St.Paul no kuj muaj thiab. Kuv cov neeb tsis kam los yog hais tias poj niam mus to los yog mus txo rau kuv, yuav yuav ib tug txiv neej mus txo mas thiaj li nqi no ces thiaj li nyuaj kuv heev li. Cov neeb zim txwv qub mas los tag lawm tsuas yog tshuav ces neeb tshiab neeb saub no thiab li tsis los xwb vim kuv tus xib fwb mus tsis txog plawv yis ntuj thiab tsis tag los nws yog poj niam lawm thiab. Txiv ntxawm kuv mas li saib seb puas tau tus no tuaj pab kuv. Kuv kuj nug neeb lawm mas neeb yeej hais tias tau xwb. Ua tsaug txiv ntxawm tub shung

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ***UA NEEB***

    Post  koojziagkabzaug on 7th November 2012, 12:59 pm


    UA NEEB KHO.


    Nov yog thawj zaug uas kaw kiag thau ib thaj neeb thaum pib txog thaum nqes tag nrho. Tab sis khuv xim uas lub nruas nrov heev ces tsis hnov cov lus meej.

    Ua Neeb Saib Yawm Txiv Nom Tshas Lis 01


    Nias hauv qba no mus saib.

    http://youtu.be/ajZN33Qgk1c


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: ***UA NEEB***

    Post  Hmoob ntuj qub qab on 7th November 2012, 9:29 pm


    Cov Phooj ywg

    Neeb yaig nyob ntawm yeej koob yeej huam ncav cuag kho yeej zoo tiag li yog tsis tim kab mob .


    [youtube][/youtube]

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***UA NEEB***

    Post  xiongchang on 8th November 2012, 7:32 am

    ......Yog las mas...Phooj ywg?...Hmoob ntuj qub qab aws...Yog tim nqaij tawv...Roj ntshav...Tsi zoo...Kawg ntsib kws kho mob...Tho lauj txiav tawm...Lim ntshav cawm...Yog tim ntsuj plig...Tsi puab cev...Tim ntsuj hlauv...Tsi puab duab...Ntoj neeb saib...Nthuav yaig kho...Muab tsiaj txhu...Roog ntsuj hlauv...Cov ntseeg:...Church...Kawg thov vaj tswv..."Tab sis"...Tim niam txiv txwj nkawm...Tsi txawj yoog...Tsi sis hlub...Tsi muaj kws kho mob pab nawb...Nyig yuav tau...Pab nyiag tug kheej...Txhob tog lwm leej ov?..."Qhov tseeb tias...Tim txiv neej...Ntshaw poj niam...Lub nceb liab xwb os...ha..ha... Rolling Eyes Rolling Eyes Laughing Laughing lg lg .

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: ***UA NEEB***

    Post  koobpovtxuj on 11th November 2012, 4:54 pm

    Tij laug XiongChang thiab tij laug Hmoobntujqubqab.
    Thaum ub peb nyob los tsuas teb mas peb niam peb txiv qhia peb tias yog ua neeb saib thiab ua neeb kho xwb tsis muaj tiam txiv neeb li.
    Yog ua neeb kho mas thaum noj mov ces tsuas pe neeb 2 nyuag pes xwb.
    Lawv hais li no xwb.piv txwv li no khwv koj mog tij laug XiongChang lkuag tias vam vam koj tuaj ua neeb kho tsuj kho hlauv nce toj nqes taug kab yeeb los tsis muaj pub koj haus mog thov koj lub zog qhuav xwb txhob tu siab mog.ces pe 1 pes sawv ces hais ntxiv tias khwv qhua nom qhua tswv neeb niag neeb txi neeb txwg neeb laug sawv daws mog ces pe pes 2 xwb.Nim no Hmoob tuaj nyob teb chaws vam meej yam twg los Hmoob xyaum siv ntau zuj zus ntxiv txua ntxiv sawv neeb tshiab ntau tuaj.

    (TIAM TUS TUAJ UA NEEB KHO)
    Hais rau koj ua (hais nws lub npe thiab hu kom txum phaj) lau mog, txhia niaj txhia zaus peb tsis thov txog koj dag koj zog ces peb yuav hu koj txum phaj los txum puam. Yeeb vim hnub no peb ho thov txog koj dag koj zog ces peb yuav tsis hu koj txum phaj los txum puam ho yuav muab koj hu ua txiv neeb txiv yaig no los koj txhob tu siab mog.

    Ua tsaug tuaj rau koj (hais txiv neeb lub xeem) li tab koob lau mog.
    Koj (hais txiv neeb lub xeem) li tab koob nyob lawm koj txoj mus kev deb los yeeb vim koj tiam tau ntawv neeb ntawv yaig los kho lawm ntiaj teb, peb thiaj li tuaj thov lawm koj lub zog tseg.

    Koj (hais txiv neeb lub xeem) li tab koob nyob lawm koj txoj mus kev dav los yeeb vim koj tiam tau ntawv neeb ntawv yaig los kho lawm tiaj nrag, peb thiaj li tuaj thov lawm koj lub zog tag.

    Koj tuaj ces koj coj lawm koj thawj neeb thawj yaig, cuaj txhiab neeb yim puas qhua, cuaj vaj mab yim vaj sua, tuaj ntoj neeb nthuav yaig muab niam pwj tsiag txiv pwj txhu mus thaiv txoj niag kab ploj kev tuag ntom lis nti, cia luag tus ntsuj tus plig nyob luag lis ntxhi.

    Peb tsoom kwv tij nrog rau niam txwj vag txiv txwj laug, thiaj li zoo siab coj zoo plawv, thiaj li mus txhij kwv txhij tig tuaj muab niam pwj tsiag txiv pwj txhu tua lis nthi, cev plaub nrom lis nroos tuaj nram i, cev nqaij thiaj li coj los ua cuaj phaj los cawv xim, thiaj coj los ua lawm koj ib lo tsaug. Yuav nco koj tus txiaj tus ntsig mus ib txhis no lau mog, ua koj tsaug au!!!
    Pe 2 pes.


    KEV TIAM TUS SAIB NEEB
    Hais rau koj ua (hais nws lub npe thiab hu kom txum phaj) lau mog, txhia niaj txhia zaus peb tsis thov txog koj dag koj zog ces peb yuav hu koj txum phaj los txum puav. Yeeb vim hnub no peb ho thov txog koj dag koj zog ces peb yuav tsis hu koj txum phaj los txum puav ho yuav muab koj hu ua leej txiv/niam mus hwj sawv no los koj txo tu siab mog.

    Ua tsaug tuaj rau koj leej txiv/niam mus hwj sawv lau mog… Yeeb vim hnub no peb tsev txooj xeem (_?_) niam txwj vaj txiv txwj laug xav ntoj neeb mus kho (txij/tub) xav ntoj yaig mus kho (nkawm/kiv), cas tub saib neeb raug tsis muaj tub hwj sawv raug tsis tau.

    Koj leej txiv/niam mus hwj sawv nyob lawm koj cuaj lub mus laj roob los yeeb vim kev neeb kev yaig koj yog tus paub tshaj, peb thiaj li tuaj thov lawm koj lub zog poob.
    Koj leej txiv/niam mus hwj sawv nyob lawm koj cuaj lub mus laj toj los yeeb vim kev neeb kev yaig koj yog tus paub tshaj, peb thiaj li tuaj thov lawm koj lub zog txog.

    Koj tuaj txog li ntua ces, koj tuaj nrog saib neeb tus li ntws qab mus plaj xab. (hais txiv neeb lub xeem) li tab koob thiaj li zoo ntoj neeb nthuav yaig mus txhua kab.
    Koj tuaj txog li ntua ces, koj tuaj nrog hwj sawv tus lis yees qab mus plaj tsev.(hais txiv neeb lub xeem) li tab koob thiaj li zoo ntoj neeb nthuav yaig mus txhua kev.

    Kev neeb thiaj ntoj mus txhij, kev yaig thiaj ntoj mus txhua.

    Nyob li yog peb txawj fij seeb los tsav yim ces twb tsim nyog peb qhau li nphwv ib tug pwj tsiag coj los ua lawm koj tug ho cheem koj nrog peb nyob lawm niaj los ib hnub. Peb ces twb tsis txawj fij seeb los tsav yim, peb tsuas yog rhaub tej qub zaub coj los ua koj ib los tsaug xwb, koj txhob tu siab no mog, ua koj tsaug auv!!! Pe 2 pes


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ***UA NEEB***

    Post  koojziagkabzaug on 12th November 2012, 9:45 am



    Tiam Neeb.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***UA NEEB***

    Post  xiongchang on 12th November 2012, 1:23 pm

    ......Ha...ha...Me muam kooj ziag kab zaug as...Tug hnav ris luv...Kas las xoos...Txij hauv caug...Yog kuv tug..."Cuag txawj thoj yaj"...Tug sawv sab laug kawg...Yog kuv tug tub ntxawg..."Suav"...Ua lawv vauv...March 2, 2012...Tug hnav tsho nqws npab ntsuab tsawv...Yog ntxhuav lauj...Tug zaum sab nram...Yog tuam lauj...Yog ntxhuav lauj...Tij laug...Dua li...Kuv paub npe tsi zoo lawm os...Kuv tug nyab kab yeeb...Yog nkauj hmoob yaj...Tug nyab ntxawg...Nkauj hmoob yaj...Tug nyab nrab...Nkauj hmoob xyooj...Yog poj niam...Cov ntxhais kwv...Yog nus kwv tij ntxhais os.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***UA NEEB***

    Post  xiongchang on 12th November 2012, 1:26 pm

    ......Thov zam txim os...Me muam kooj ziag kab zaug...Tsi yog sawv sab laug...Tug sawv sab xis kawg...Thiaj yog...Kuv tug tub ntxawg os.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ***UA NEEB***

    Post  koojziagkabzaug on 12th November 2012, 2:15 pm



    Wow...!Tij laug, cas tsov dog muag lam xuas tau ntiv qhiav, tseem mus ncaj nws tsev neeg kiag lawm thiab...!Uab! Hmoov zoo kawg li.

    Zoo siab paub nws tsev neeg zoo dua ntxiv lawm.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: ***UA NEEB***

    Post  koobpovtxuj on 12th November 2012, 8:45 pm

    koojziagkabzaug wrote:


    Tiam Neeb.

    Kuv tsis paub tias lawv ua neeb hauv leej twg tsev tab sis pab neeg no yog kuv cov tub hmoob yaj thiab kuv cov me vauv xwb los sav.

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: ***UA NEEB***

    Post  Hmoob ntuj qub qab on 13th November 2012, 2:01 am


    Nyob zoo Koojziagkabzaug,Koobpovtxuj thiab Phooj ywg Xyooj Tsab.

    Ntawm kev Neeb yaig peb cov nyob ntuj qub qab los peb kuj ua sib lawm vim tias muaj tsev kho mob loj nyob ze yog tim kab mob ces mus tsev kho mob yeej zoo xwb , yog tim ntsuj plig tiag los ua Neeb kho yeej zoo li siab xav.

    Koojziagkabzaug, cov coj kev cai Catholique los yog Christian puas muaj tej zaum muaj mob yus thov tswv ntuj los yog mus tsev kho mob tsis zoo lawm es puas tau mus saib tsawv thiab?

    Koobpovtxuj, kev tiam txiv Neeb tej laus yeej hais li koj hais los sauv nyob ntawm tus txawj thiab tsis txawj hais.

    Phooj ywg Xyooj Tsab, koj tus Cuas Txawj Thoj puas yog tus do hau sawv sab laug nram qab kawg ntawm daim duab kuv tso no, peb cov kwv tij txiv tub yees duab cia tau saib lub sij hawm kuv mus xyuas lawv nyob Minnesota.







    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***UA NEEB***

    Post  xiongchang on 13th November 2012, 5:07 am

    ......Awb nyob zoo os...Phooj ywg!...Hmoob ntuj qub qab...Ob tug do hau...Tug nres sab xis...Yog cuag txawj thoj yaj ntas mas...Kuv tug cuag ntawd...Ncauj lug zoo kawg nkaug li os...Nyiam pab kwv tij neej tsa ntsuab ze..."Tas li os"...Ib tug tib neeg...Coj dav...Coj zoo li...Cuag txawj thoj...Muaj tsawg kawg nkaug nawb...Ntiaj teb no...Ceeb laj nrhiav tau...Ib tug neeg zoo li..."Yawg os"...Kuv thov qhuas...Txhawb nqa...Ib tug neeg...Siab loj...Siab ntev...Siab dav...Siab zoo...Siab dawb...Pab kwv tij neej tsa hmoob...Nyob ob lub nroog ntxaib.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ***UA NEEB***

    Post  koojziagkabzaug on 13th November 2012, 10:45 am



    Nyob zoo tij laug Hmoob Ntujqubqab thiab tij laug Xyooj Tsab,

    Yog ib qho zoo uas tseem tuaj sib nrhiav tau neej tau tsav thiab, zoo kawg.

    Koojziagkabzaug, cov coj kev cai Catholique los yog Christian puas muaj tej zaum muaj mob yus thov tswv ntuj los yog mus tsev kho mob tsis zoo lawm es puas tau mus saib tsawv thiab?

    Tij laug Hmoob Ntujqubqab,

    Hais txog cov ntseeg Yes Xus, xws li Kas Tos Liv los yog Plos tev xes taas mas yeej puav leej tsis muaj cai mus saib tsawv, saib yaig los ua neeb thaum muaj mob. Cov Plos tev xes taas mas coj nruj dua, lawv txwv heev, yog leej twg tsis ua raws li lawv txoj cai mas lawv muab rau txim ib ntus, nyob ntawm pawg txwj laus pom zoo thiab lawv qheb kev nqaim heev, noj tsis tau tej nqaij hu plig, nqaij ua neeb tej li. Thaum ib tse neeg ua neeb lawv twb tsis kam mus nyob ntawd.

    Cov Kas Tos LIv, hais txog kev coj mas tso kev dav dua, vim lawv pom tias yog yuam neeg xwb, neeg lub siab tsis npuab ces tsis tau txiaj ntsim dab tsi, lawv xav yuav qhov tseeb ntau dua yuav neeg coob.

    Dua li hais txog thaum cov neeg ua Ntuj Kev Cai lawm, muaj mob muaj nkeeg tej puas mus saib tsawv thiab ua neeb kho?

    Qhov nov mas raws li txoj cai yeej tsis muaj, tsis pub teev dab, ua neeb kho, saib yaig, saib tsawv, thc...Yog tias tseem yuav rov ua tej dab qhuas no ces tsis tas yuav Txiav Dab lawm, cia li ua li qub kev cai mas tseem muaj xwm kab, tseem yuav tseem dua. Thiab qhov tseem ceeb ntawm txoj kev ntseeg Ntuj, twb yog tias tsis ntseeg txog tej dab qhuas, tsis teev, tsis vam lawm thiaj li hloov txoj kev ntseeg. Txheej thaum ub mas lawv coj nruj heev, tau muaj kev piam sij, tau muaj kev quab yuam los yog kev tsis sib to taub los lawm ntau. Tej qhov kuj yog ua tau zoo heev, tej qhov kuj yog xav yuam kev, yeej muaj qhov phem qhov zoo sib pus los mus thiaj li cawm tau txoj kev ntseeg Yes Xus loj hlob los txog niaj hnub no. Thaum ub mas leej twg tseem rov mus ua dab mas lawv muab hlawv rau tom tshav puam, tab sis zaum no mas lawv ho tso cai xoob heev vim txoj kev ntseeg yog nyias thoov nyias txoj kev mus pem Ntuj thaum txog lub caij kawg ntawm tus kheej. Txoj kev ntseeg yog txoj kev nrhiav txiaj ntsim rau yus lub neej pem suab, lub neeg yeeb ceeb, yog yus tsis xav npaj toob xib mus ua yus lub tsev los nyob ntawm siab, luag tsuas qhia tag rau yus xwb, yog yus tsis xav khaws luag cov lus los lawv tsis yuam lawm.

    Ntawm peb Hmoob, yeej muaj cov uas twb ua Ntuj Kev Cai lawm tseem rov mus ua neeb saib, ua neeb kho, ho tsis kam ua hauv nws tsev kiag, ho mus ua tom luag tej cov tseem coj dab vaj tsev. Cov uas hais tias mus ua neeb kho tag es zoo lawm no los kuj muaj. Tej no yog nyob ntawm yus tus kheej xwb. Kev txiav dab ntawm Peb Hmoob, kev los ua Ntuj Kev Cai, muaj tsawg leej uas yog tau txaus Tswv Ntuj lub txiaj ntsim es los. Feem coob yog los vim muaj teeb meem, los vim yog kev tws, los vim yog tsis paub dab qhuas mas lawv lam muab xwm kab hlawv xwb lawv lub siab tsis tau hloov, li ntawd lawv thiaj ruam tom ntej, ruam tom qab. Ib txhia mas ua neeg ntau siab, tsis tuav ib qho ruaj, muaj mon los tsis kho raws li Kws Tshuaj hais, tsis noj tshuaj, tsis saib xyuas tus mob kom xwm yeem, txog thaum mob loj tuaj ces tsis siab ntev tos Kws Tshuaj kho; xav kom tau hwj huam tam sim ntawd ces thiaj rov tig mus ua neeb ua yaig. Tab sis lawv tsis nco qab tej lus uas lawv tau cog rau Tswv Ntuj thaum lawv ntxuav plig, lawv twb lav dej tias lawv tsis teev dab lawm. Yog lawv tseem rov ua thiab ces nyob ntawm lawv xav xwb.

    Kuv tham li no, tsis yog kuv yuav thuam cov tseem ua neeb ua yaig, kuv tsis thuam, kuv yeej hwm lawv raws li lawv lub sam xeeb. Tsuas yog kuv mus ua nyab lawm ces kuv kawg yuav kiav xeem lawm, kuv yuav tsis yog lub xeem uas kuv yug thiab loj hlob. Kuv tseem pom ntau yam uas cov tseem teev xwm kab, lawv muab tej xwm kab tso tsis yog chaw, kuv tseem xav hais rau lawv paub tias lub xwm kab yog ib qho tseem ceeb, txhob muab tso rau tej chaw tsis khuab qhov muag thiab txhob muab nyuag ub nyuag no, tej nyuag khoom me los yuam sij los yog tej nyuag nyiaj xim tej pov rau ntawm lub thaj xwm kab li yog ib lub rooj los txee rau khoom. Kuv pom Peb Hmoob ua tej yam zoo li no mas txawm kuv tsis coj lawm los kuv xav kom Peb Hmoob yuav tsum txawj hwm tej yam uas lawv ntseeg.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***UA NEEB***

    Post  xiongchang on 13th November 2012, 11:14 am

    ......He...he... lg lg Me muam kooj ziag kab zaug as...Koj hais yog kawg...Yog leej twg?...Ua puav...Kawg dai taw...Ua neej loj leeb...Nkaum raj tsawb...Dai taw qab tsuas...Tawm ya...Nrhiav noj hmo ntuj...Luag tej laug...Hais tias...Loj xov...Kem tsuab...Nyuj quav...Ntse nees zig...Ntseeg yam twg?...Ntseeg yam ntawd...Kom kawg...Txhob ua npua dhia nkuaj...Plhaw tom...Tau noj...Nyob ib ntus...Tsi tau noj...Plhaw rov qab...Los mag nta...Yog hom tib neeg...Coj tsi tug...Mloog tsi tog...Pob ntseg sib...Ua ntoo pheeb raws cua...Nyiam mloog lug ntxhi...Ntseeg lug cuav...Nrov qhov twg?...Dhia qhov ntawd... affraid affraid Vim saib tsi meej...Xyuas tsi tseeb...Tsi xyuam xim...Ua dog dig...Nyiag lob...Nyiag nrhab saum taub hau...Nyiag kis nyiag ntshauv...Saum plaub hau...Kav liam...Thiab las mas... rr rr .

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: ***UA NEEB***

    Post  Hmoob ntuj qub qab on 13th November 2012, 7:13 pm

    Phooj ywg Xyooj Tsab

    Tij laug Txawj Thoj yeej coj zoo mas ua neeg nyob yog coj li yawg lawm ces thaum txog yus los kwv tij neej tsa Phooj ywg yeej nroo ntws pab thiab xwb .



    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: ***UA NEEB***

    Post  Hmoob ntuj qub qab on 13th November 2012, 8:13 pm

    Nyob zoo Koojziagkabzaug

    Yog lawm, kev coj yam ntawm kev ntseeg yeej yuav tau coj li nws hais thiaj muaj paus muaj ntsis,muaj chaw pib chaw xaus, muab qab muaj hau, coj yam twg teev hawm yam ntawv xwb thiaj muaj yeej, muaj yeej kuab yeej huam rau yus.
    Nej cov nyob teb chaws vam meej xav tias cov coj kev cai tswv ntuj yuav suav hnub suav coob zuj zus mus.
    Peb cov nyob ntuj qub qab tsoom neeg feem coob tseem coj qub kab lis kev cai,cov coj kev cai tswv ntuj yog feem tsawg tsawg xwb.Vim tseem fwv luag xyuas yog koj coj kev cai Tswv ntuj lawm luag yuav soj koj qab taug koj lw seb koj puas mus ncaj kev los koj taws qab kev taws qaum kev, vim ib txhia muab kev ntseeg Tswv ntuj los ua kam moos .

    Kuv muaj ib tug txiv Ntxawm nyob Meskas teb lub zos Visalia xeev California, thaum nws tsis tau mus coj kev cai plos tev xes taas nws tsis muaj mob, tom qab nws thiab nws tsev neeg mus coj kev cai Plos tev xes taas (Christian) nws cia li muaj mob tuaj yog thaum nws nyob hauv tsev mas nws tsis taus li nawj yeej yog zaum ntau thiab nrig pas mus chav dej xwb, thaum twg nws tawm plaws nraum zoov lawm ces nws ho mus taus kev nrawm nroos no ces nws thiaj fiv nws txiv tias yog nws txiv yuav yuav nyuj dab no kom nws zoo hlo nws mam ua nyuj dab rau ces nws cia li zoo hlo lawm nws thiaj xa nyiaj rau kuv txiv ua nyuj dab rau nws txiv uas yog kuv yawg ces nws cia li rov qab los coj dab li qub lawm .


    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***UA NEEB***

    Post  xiongchang on 13th November 2012, 8:32 pm

    ......Ha...ha... lg lg Zoo kawg nkaug os...Phooj ywg!...Hmoob ntuj qub qab aws...Nco ntsoov txiv xya...Tej txiaj ntsis...Txiv tuam rau taw ntshua tas nrho...Tawm ob peb ce hws...Thiaj xya tau...Rau niam plab...Niam suab cuaj hlis ntau mam yug...Nco ntsoov niam txiaj ntsha...Thaum niam yug...Mob niam plab...Siav pa yaj ntshis...Niam ntsub ntsej muag...Xiav ntsuab tas...Niam dhia ob peb lwm...Tom roob toj ntxas...Kev du tas...Niam mam yug ta...Los tsheej neeg...Tu loj hlob tiav nraug...Tiav nkauj ntsug...Noj pluag tsuag...Tsi luaj twg?...tsi hu los tau...Noj pluag qab...Nco ntsoov hu niam txiv...Los hnia p zaub mov...thiaj tsim nyog...Niam txiv xya yug...Tu loj hlob...Ib zaug nawb hmoob aws.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ***UA NEEB***

    Post  koojziagkabzaug on 14th November 2012, 11:06 pm



    Nyob zoo tij laug Hmoob Ntuj qub qab thiab tij laug Xyooj Tsab,

    Tij laug Hmoob Ntuj qub qab,

    Nyob teb chaws tsis muaj vaj tsev zoo ua dab ua qhua, tsis muaj kwv tij paub dab, tsis muaj txiv neeb txiv yaig, yeej muaj coob dua lo coj kev cai tshiab, tab sis yog los coj kom muaj chaw vam xwb mas kuj nyuaj. Vim lub cev los ua, lub siab tsis npuab ces ya lawv lis tsis muaj chaw txawb chaw rau. Dab los tsis hwm, Ntuj los tsis teev mas thaum kawg xyov yuav mus rau qhov twg. Lawv xav tias tuag ces tag, no tab sis thaum tuag lawm ces tsis muaj neeg pab tau yus, vim sawv daws ua faj ua fwj li yus thiab, yog yus tsis xub npaj rau yus leej twg yuav nco pab yus thaum yus ua tsis taus lawm. Ua li luag niaj txi niaj hnub hais: npaj tub rau laus, yog yus tsis npaj txiaj ntsim rau yus ua ntej, hnub yus mus nyob ntuj txias teb tsaus, leej twg tsis paub txog yus kev txom nyem. Saum yaj no, xwm kab los tsis teev, mus ua neeb ua yaig, dab tsi thiaj yuav pov hwm yus...Puas paub tias xwm kab yog txhiaj meej, yog lub pov haum thaiv vaj tsev, yeej koob yeej huam.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ***UA NEEB***

    Post  koojziagkabzaug on 14th November 2012, 11:07 pm


    Ua neeb hmoob dawb



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***UA NEEB***

    Post  xiongchang on 15th November 2012, 6:35 am

    ......Awb me muam kooj ziag kab zaug as...Koj hais yog kawg...Tsi pov tseg...Ib los li ov?...Kev ua neej nyob ntiaj teb no...Ntuj dub...Ntuj txig...Ntiaj teb...Tsaus ntiaj teb li nciab...Pom hnub tawm...Kaum ob teev...Hnub nplee tim nploo ntuj...Pom hli tshwm...Kaum ob xuaj moos...Hli nplee npoo av...Ua qoob npaj tshaib...Yug tub npaj laug...Ntseeg yam twg?...Ntseeg kom muaj kws...THiaj tsi nyuaj yug...Yog ntseeg...Tsi muaj kws...Ua puav dai taw...Kawg ua puav nkaum raj tsawb...Dai qab tsuas...Thaum suav daws...Nyuam qhuav pib tuaj nyob teb chaws vam meej...Kwv tij paub kab lig kev cai...Plam poob tas...Ntuj qub qab...Tsi pom qab ua zaj twg zoo...Ib txhia mus ntseeg vaj tswv...Los raug kaus nyav...Xyov tug twg?...Yog dab ntxwg nyoog...Ntau xyoo tom qab no...Kwv tij paub kab lig kev cai...Caum raws qab tuaj txog...Mam tig xeev rov los...Coj kab lig kev cai...Coob zuj zug...Rov tuaj lawmm...Lub neej koj ais ntawd mas...Nyuaj kawg li os..."Tab sis"...Yog yuav ntseeg...Ces ntseeg fab..."Catholicque"...Zoo dua os...Luag tsi yuam...Nyob ntawm nyiam...Cov ntseeg...Protestan...Mas nyuaj nawb...Vim coj nruj dua...Cuag twb yuav ntsib vaj tswv tam sim ntawd.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: ***UA NEEB***

    Post  koobpovtxuj on 15th November 2012, 4:57 pm


    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***UA NEEB***

    Post  xiongchang on 16th November 2012, 8:58 am

    ......Nyob zoo os...Kwv koob pov as...Kev ua neeb yaig...Kuv tsi nyiam...Cov tuaj txog...Es tham lug tas li...Kuv nyiam suav daws zaum ntsiag to...Cuab pob ntseg mloog...Tug txiv neeb muaj lug dab tsi?...Feeb rov los...Tug saib neeb...Thiaj paub zoo...Cov tuaj mloog...Los mloog twj ywm...Seb txiv yaig...Hais dab tsi?...Mus txog qhov twg?...Rau qhov twg?...Muaj lug nyiaj...Fi rov qab...Thiaj paub npaj xyab...Muaj lug kub...Fi xov yaj ceeb...Thiaj paub hlawv nyiaj txiag..."Txhawb nqa"...Peeb zeej...Peeb muas...Caum raws qab...Kuv nyiam li no...Kev saib:...Movies...Los tib yam nkaug...Yog tham plis plos...Muaj lug zoo..."Tsi hnov"...Muaj lo puav lug tsim txiaj...Khaws tsi tau cia...Nyob zoo...Ua tsaug...Koj ua kwv...Tso kev ua neeb yaig...Yog ib qho zoo...Ceev khaws hmoob teej tug...Mus tsi tas...Tsi kawg...Tsi xaus os...Good Bye.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: ***UA NEEB***

    Post  koobpovtxuj on 21st November 2012, 12:59 pm

    Tij laug XiongChang.
    Kuv nyiam li koj hais thiab yog kuv ua neeb es lawv tham cuag tsi ces zoo li kuv cia li tsis zoo ua neeb li lawm ua neeb kuj txawj yuam kev thiab hos.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ***UA NEEB***

    Post  koojziagkabzaug on 21st November 2012, 1:11 pm



    Hahahahah...! Me tub Koobpovtxuj...! Es ua neeb twb mus deb deb lawm nev! Ua cas tseem hnov neeg tham thiab maj?


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: ***UA NEEB***

    Post  koobpovtxuj on 21st November 2012, 4:29 pm

    Koojziagkabzaug.
    Koj pom leej twg ua neeb nim mus deb deb li cas naj?
    Ua neeb ces ham tsis zaum tib pob ua thuj thaiv ntawm rooj xwb los sav.

    Sponsored content

    Re: ***UA NEEB***

    Post  Sponsored content Today at 6:46 am


      Current date/time is 11th December 2016, 6:46 am