google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Khaws Paj Huam Hmoob

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Khaws Paj Huam Hmoob

    Post  koojziagkabzaug on 11th June 2011, 10:14 am



    Lub hnub koj ci tuaj rau kuv


    By:hlubkojlawm
    Forum Xov tooj cua Suab Hmoob
    Lub 1 hlis 2010


    Lub mi hnub
    cas dua twg lawm
    kuv tsis pom koj kub
    tsis pom koj txoj kab ci tawm

    Lub me hnub ci
    thaum twg tav twg koj mam nti
    Cas kuv laj tos
    koj tej me kab mos

    tawm tuaj so zog
    kuv lub plhu rog
    tawm tuaj ziab
    kuv tej me nplooj siab

    cas kuv yuav nco koj ua luaj
    koj twb ci vuas tim tej hawv tuaj
    ua rau kuv lub me siab nyob tau ruaj
    cas hnub no yuav tsis pom koj ntshe kawg quaj

    me txiv nraug hnub
    kav tsij tawm tuaj qhub
    kuv me niam leej ntxhais
    tus txawj hlub txawj hais

    txog hnub no thiaj thov koj
    tig kiag rov ntoj
    kom kuv lub me siab loj
    ntshe yuav zoo kuv siab tsis ploj

    thov koj tawm tuaj ziab kuv ma
    yog tim dab tsi koj thiaj nqa
    koj tej xub zoo tag nrho
    mus law cia kuv nyob ib leeg no no

    tsuag tsuag tawm tuaj nawb
    kuv me nraug hnub zoo
    kuv twb tuaj nroo
    thiab tuaj xawb

    nrhiav koj nraim
    koj lub cev twb tsis liab plaim
    thiaj tsis sov kuv li
    rov xa koj tej kab hnub ntxhi

    koj nyob thiaj li sov
    koj txhua tus nrog kuv thov
    lub me hnub thiaj li kam tawm
    rau txhua lub sij hawm

    los ziab ntiaj teb
    tso rau peb
    koj txoj me kev sib hlub
    kom peb txhob muaj ib tus dab ntub

    Hnub os hnub
    tawm tuaj ziab tuaj kub
    kom tas ntiaj teb
    tsis txhob feb

    los nyob ze kuv
    koj rov thuv
    los puag kuv thiaj tsis no
    thov tig los tso

    koj cov paj tawg kom lo
    kuv tej me siab ntsws kom zoo hlo
    hnub koj tawm tuaj
    tso tshav ziab
    kom ntxaum kuv nplooj siab

    koj pab tuaj ua kom te yaj
    ua kom ntiaj teb kaj
    thiab koj pab nqa
    cua sov tuaj rau peb da

    kom peb txhob no no
    peb thiaj tsis tau txob koj hlo
    lub ntiaj teb tsis muaj koj
    ntshe yuav nyob ntsiag toj

    mus xauj qab roob los tsaus nti
    mus txog qab ca los tsis pom leej twg li
    Cas yuav no ua luaj
    kuv tej pleb twb tawm tuaj



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj Huam Hmoob

    Post  koojziagkabzaug on 11th June 2011, 10:18 am


    Xav txog thaum lub hnub ci iab


    Xav txog thaum lub hnub ci iab
    Cas nyob hauv yus lub siab
    Tsis muaj nuj nqi dab tsi
    Xav tias zoo li yus ces tsis thas ua neeg li

    Thaum yus pw twb xav kom yus txhob sawv
    Xav kom txhob muaj dab tsi khuam yus lub plawv
    Lub me siab mob mob ncus npaum li no
    Thaum twg xav txog kiag ces yus lub kua muag tawm hlo

    Los ntxaum tas tej hauv ncoo
    Neeg zoo li yus pus muaj ib hnub nrog luag muaj hmoo
    Txoj kev kaj siab nyob rau yus tsuas muaj ib pliag
    Txoj kev kho siab thiab tu siab cas yuab nyob rawv xwb tiag

    Hlub tsis xws luag ces tim yus xwb no
    Tsis nrog luag muaj noj haus los tim yus tsis pab hlo
    Txoj kev yus taug tsis xws luaj txoj
    Xyov lub neej no yuav ua cas nce tau toj

    Ntshe kav liam es ib hnub zoo
    Los khaw cia saib dab muag
    Hnub tsis haum siab ces mam li nroo
    Txawm tus yus hlub nws txoj kev tsuag

    Los ua neej kawg tuav rawv
    Yus txoj hauv kev
    nyob nrog lub plawv
    kom tau nyob ib tsev

    Ntiaj teb thiaj li pom tias
    Wb lub neej zoo tsis muaj kev qias
    Tsis muaj kev ntxub kev ntxaug
    Wb yeej sib sib hlub thiaj sib qaug

    Nyob laus nkoos plaub hau dawb
    Nyob sib hlub tuaj mus sib tawb
    Ces yus thiaj tau lub suab nto npe
    es tej me nyuam nyob sib ze

    Ces yus lub siab kaj lawm os


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj Huam Hmoob

    Post  koojziagkabzaug on 11th June 2011, 10:20 am




    Lub mi hnub tseem caum txiv nraug hli


    Lub mi hnub tseem
    caum txiv nraug hli
    nws thiaj tsis tuaj
    thiab tsis pom nws ci

    Thaum twg yog nws
    tau ntsib txiv nraug hli tag
    lub hnub yeej yuav tawm tuaj
    yuav ci vuj vus mus thoob tiaj nrag

    Hmoob tej ntxhais
    lub mi plhu mos plhu dawb
    cia nws nkaum tsav zoo zoo
    txhob cia nws rau lub hnub tawb

    Puas nco kuv npaum
    li uas koj tau hais mas?
    Ua siab ntev kuv caum tau
    nraug hli ces mam tuaj ci lawm nej nras

    Koj txawj qhub lus mos
    nrog rau koj cov lus ntxhi
    koj hais tau zoo ua luaj
    puas yog hais rau txiv nraug hli?

    Mi txiv nraug hli
    yeej niaj hmo ci
    tsuas yog niam nkauj hnub
    pheej fee duj da tsis xav hlub

    Txiv nraug hli tsis muaj zoo txuj
    txawm yuav tawm plaws tim npoo ntuj
    los twb ziab tsis tau koj ib qhov li
    es thiaj ua siab mus cia lub ntuj nyob tsaus nti

    Koj yog niam nkaum hnub
    koj li koj txawj ua kom kub kub
    kuv ces tsuas yog txiv nraug hli
    tsuas paub ua kom ntiaj teb ci

    Koj nrhiav kuv nraim tab sis kuv
    tsuas yog tsis nraug hli ua tsis tau liab plaim
    tu siab ua tsis tau kom sov koj li
    ces thiaj ua ib siab ncaim

    Txawm nej txhua tus yuav thov thov
    los nraug hli ua tsis tau kom nej sov
    vim nws tsuas yog nraug hli tsis zoo li nkauj hnub
    es yuav ua kom tag neeg ntiaj teb tau txoj kev sov thiab kev kub

    Nraug hli yeej xav ci vuj vus rau ntiaj teb
    tab sis xyov tus nkauj hnub nrhiav puas yog peb
    nraug hli txoj kev xav yeej yog nrog kev hlub
    xav ua kom nej txhob tsaug zog los nej pw qaj qaug nyos tej npoo ntub


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj Huam Hmoob

    Post  koojziagkabzaug on 11th June 2011, 10:24 am



    Lub mi hnub Cas koj twb tsis tuaj kub


    Lub mi hnub
    Cas koj twb tsis tuaj kub
    Yuav ua sov
    Yuav tuaj kov

    Kuv tej nplooj siab kom sov
    Thiab kuv tej nplooj ntsws
    Kom tsis txhob mob kuv thiaj tsis yws
    Thov koj tig los tsis txhob khiav rov

    Hmoob tej me tub siab puas zoo
    Cas nws ho tawm tuaj nroo
    Niamleej ntxhais tsis tau nkaum li
    Nws tseem tuaj txia ua lub hnub qub ci

    Yuav nyob raws lub hli
    Rau qhov txhia chaw
    Yuav nrog nws ntauj taw
    Taug txoj kev zoo mus li

    Yog nws yog txiv nraug hli
    Kuv kuj yog lub hnub qub
    Nyob puag saum ntuj ci
    Tseem tos kom nws hlub

    Kuv lam yog lub hnub
    Ntshe kuv twb muab tau pub
    Lub ntiaj teb kuv tej kev hlub tshua
    Ntshe kuv twb tsis hnov no kuv dua

    Lub ntiaj teb ntshe twb tsis tsaus nti
    Ntshe kuv twb yuav tuaj niaj hnub ci
    Kom tej me naab kuab yaj
    Ntshe lub ntuj txhua hnub tsuas pom kaj

    Zoo siab ntsib koj os Tubpiano tus neeg txawj seev
    Txhua los lus nws yeej txawj sau txawj teev
    Ua tsaug rau nws lub sij hawm tuaj nrog peb sau lus
    Muaj lub sij hawm no ho rov tuaj nrog peb tawm tswv yim mus


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj Huam Hmoob

    Post  koojziagkabzaug on 11th June 2011, 10:25 am



    Lub hnub caum tsis cuag txiv nraug hli


    Lub hnub tuaj caum tsis cuag lub hli
    Thiaj tuaj nyob qhov tsaus nti
    Lub hnub tuaj tsis pom lub hli tawm
    Ces ntshe lub hnub yuav tsis tuaj lawm

    Lub hnub tuaj los tsis muaj txoj kev hlub
    Yog lub hli tsis muaj pub
    Lub hnub nyob tsis qab siab
    Ntshe lub hnub lub siab tsis kiab

    Cia lub hnub lub hli mam sib cuag lwm zaus dua
    Vim txoj kev hlub twb tsis muaj tshua
    Cia lub hnub mus ncig ntuj tshiab
    Seb hlub hnub puas mus nrhiav tau nws plooj siab


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj Huam Hmoob

    Post  koojziagkabzaug on 11th June 2011, 10:27 am



    Txiv nraug hli Txog txij no koj mam ci


    Txiv nraug hli
    Txog txij no koj mam ci
    Tus kuv hlub twb mus dua toj
    Ntshe nws twb mus nyob muaj tus soj
    Txog tav li no koj mam ci tau tshiab
    Ntshe tus kuv nco thiab hlub twb ciaj luag nplooj siab
    Tsis hlub lawm ces ua ib siab tsis txhob nco
    Mam xav tias ntawm wb tsuas yog txoj dab neeg uas wb tau tso


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    NraugLia
    Guest

    Khaws Paj Huam Hmoob

    Post  NraugLia on 19th June 2011, 9:54 pm




    Txoj kev hlub ntawm ib tug neeg
    nws yeej ntseeg tias yog yam zoo
    dhau ntau xyoo lub ntuj yav tag
    kuv no ntag tau muaj kev hlub
    thaum xub xub uas wb sib ntsib
    nyob 0-5 caij noj peb caug
    thaum thawj zaug wb tau sib tham
    nws kuj tham tau zoo ntxim nyiam
    ho nws niam kuj hais luag nyav
    kuv thiaj xav tias txuas phooj ywg
    muab liaj lwg nkawv txoj qub kab
    coj los nrhab nthuav rau wb taug
    ntsib ntau zaug ces thiaj sib hlub
    lawv tsis ntxub lawv los tsis cem
    lawv tsis phem lawv ua zoo xwb
    ces nws wb txoj kev hlub loj
    tsis ntev zoj ces wb sib swm
    wb thiaj vwm muaj kev sib nco
    ntuj tag hmo los yuav sib cuag
    ntuj tsaus zuag kuv npaj mus ntsib
    hos nws qhib qhov rooj xam ntsoov
    saib nraum zoov seb puas pom kuv
    wb laj uv tos tau sib cuag
    ntuj tsaus zuag tav lub caij qub
    tus kuv hlub thiab tus kuv nco
    siab ntxhov nyho yog tsis pom koj
    mov tsis noj dej los tsi da
    kuv ncaj qa muab loo teeb tsom
    muab kaus mom coj los mus looj
    tau tsom thooj ces kuv maj zeeg
    siab yeej ntseeg tias yuav tau ntsib
    kev hlub pib ces yog zaum no
    nco li nco thaum wb sib nrug
    cas kuv yug tau los txom nyem
    tseem tau phem lub ntsej lub muag
    neej pluag pluag tsis xws luag tej
    yav thaum ntej lawv kuj tsis cheem
    lawv kuj yeem cia wb sib tham
    lawv kuj kam rau wb sib hlub
    yav nram ub nws niam tsis txwv
    kuv kuj khwv tias yog sib tau
    ntshe zoo dhau zoo tshaj lwm leej
    pib lub neej yuav rau rau siab
    kom yus thiab nws lub neej zoo
    tham nto xyoo hais zoo lawm tiag
    lawv txiav kiag wb txoj kev hlub
    niam txawm ntxub hos txiv los cem
    tias niag phem thiab niag neeg pluag
    lawv ua cuag kuv tsis yog neeg
    lawv maj zeeg muab lawv ntxhais qua
    lawv thiaj ua wb kev hlub plam
    dhau mus yam tsis muaj hnub cuag lawm tiag.

    Tus sau: Tijlaug Zibmes&piamthaj(tojsiab.com)



    NraugLia
    Guest

    Khaws Paj Huam Hmoob

    Post  NraugLia on 19th June 2011, 10:09 pm





    Nyob zoo os tsoom kwv tij Hmoob
    uas nyob thoob lub qab ntuj no
    nej puas nco txog teb chaws nplog
    uas nws yog thaj chaw yug nej
    yav nram ntej thaum tseem me yau
    uas nej tau nyob ib zaug los
    lub me zos uas yog yug koj
    koj thiaj loj tiav txiv neej yawg
    teb chaws tawg koj thiaj tau ncaim
    puas nyob nraim hauv koj lub siab
    lub ntuj tshiab uas koj mus nyob
    yeej txawv hlo koj lub qub zog
    lawm nawb mog tsoom phooj ywg aw
    lub qub chaw thaum koj tseem yau
    nws yeej tau hloov mus tag lawm
    vim sib hawm dhau mus ntau xyoo
    tej xyoob ntoo los twb loj tas
    ib co mas ho tuag tas lawm
    muam nkauj ntxawm los twb laus laus
    mus tsis taus kev li thaum i
    chaw ua si thaum koj tseem me
    tej vaj tse thaum koj tseem nyob
    ciaj toj pob thiab ciaj quav poj
    hav zoov loj ua zoov nuj txeeg
    ib tsoom neeg thaum nyob ua ke
    lawv los ntshe yeej twb laus lawm
    vim sib hawm dhau mus tau ntev
    tej me kev uas 1 txwm taug
    lub zog qaug tsis zoo li qub
    yam lub hnub uas twb qaij zus
    twb yuav mus ploj tim npoo roob
    kwv tij hmoob nej puas tu siab
    muaj daim tshiab muaj qab noj los
    yus lub zog tsuas ntaug zuj zus
    twb yuav mus cuag poj cuag yawm
    kev txij nkawm nws twb yuav dua
    yam nthwv cua uas ntsawj ib vuag
    poob kua muag thaum uas tham txog
    vim tias yog nco niam nco txiv
    nco kwv tij neej tsa txhua tus
    cov ncaim mus los thov nco ntsoov
    sib hawm hloov mus ntev npaum twg
    tsuav siab ntsws tsis txhob hloov xwb
    hauv lub hlwb yuav tsum nco tau
    lub neej dhau yav ntuj qub qab
    nyob yaj sab puag pem toj roob
    lub neej hmoob yav ntuj thaum i
    nyob luag ntxhi muaj kev ywj pheej
    hmoob lub neej nyob pem kaum hav
    hmoob yeej cav tias kaj siab dua
    yog nej tshua no rov los mog
    saib qub zog qub teb qub chaw
    tsam txoj yawg ho tu ces tag ib sim nas lawv!

    Tus sau: Kimpov (tojsiab.com)



    NraugLia
    Guest

    Khaws Paj Huam Hmoob

    Post  NraugLia on 19th June 2011, 10:30 pm




    kuv lam piam ua sab siv huam
    txog cov ruam thiab cov neeg ntse
    tsis tuav npe tsis noj twg nkaub
    hais raws paub li uas tau hnov
    txog rau cov uas coj tsis ncaj
    es pheej npaj lub tswv yim kaus
    coj nkhaus nkhaus quab yuam lwm leej
    xav kom yeej tag nrho txhua yam
    thaum sib tham nws cuab qoos kawg
    nws txiv yawg hais tau dav tshaj
    cuag nws ncaj tshaj dua xib xub
    nws qhov dub nyob nraim nruab siab
    yeej dub nciab cuag li quav qaib
    yog muab saib dub tshaj swm yeeb
    tsis saib tseeb yeej xav tias dawb
    yog tsis tshawb yeej nrhiav tsis pom
    yog tsis tsom yeej pom tsis tshab
    txheej niag plab plawv uas lim hiam
    yam rab riam ntsaws nraim hauv hnab
    xyov yog kab los yog hlau dawb
    txhob lam txhawb cov neeg zoo no
    tsam koj nco ces twb raug dag
    koj twb mag kiag nws rooj qhaub
    tos koj paub ces twb lig lawm
    nrhiav kev tawm mas ntshe yuav nyuaj
    yam nrhiav tshuaj los kho tus mob
    ib yam tshob dej uas raug nchuav
    ntshe yuav qhuav mus tas ib sim
    cov tswv yim ntxhias dag muaj ntau
    txawm tsis sau los thov to taub
    kom koj paub txog suav ntxias luam
    ho cuam tshuam txog cov tub sab
    nws muaj plab los yeej tsis khwv
    nws tsuas xwv dab ntub tas zog
    tsuas xav txog qhov mus nyiag luag
    qhov luag txuag ces yog nws li
    tsaus ntuj nti nws mam sawv los
    nws tsuas tos thaum luag ntsiag ntub
    mam xuas dub kom luag txhob paub
    nws xum maub nrog aub nrog npua
    nws xum ua tub sab tub nyiag
    phem kawg kiag lub tswv yim no
    nws tsis nco qhov luag khuv xim
    nws tseem chim yog nyiag tsis tau
    nws tseem npau rau nws tus kheej
    ho hais txheej cov neeg nplua nuj
    lawv yeej tsuj cov neeg txom nyem
    lawv yeej phem rau cov neeg ruam
    luag me nyuam muab yuam ua qhev
    yuam mus ev tej lub nra loj
    yuam ua noj ua haus hauv tsev
    yuam ua dev ua npua tib si
    qias kawg li cov neeg nplua nuj
    txawm muaj ntuj los lawv tsis paub
    yuam ua aub yuam tej ntxhais mos
    muab hais los lawv no yeej phem
    lawv yeej cem neeg yam tsis ntshai
    thaum hais cai ces lawv xuas nyiaj
    kom lawv thiaj yeej tau rooj plaub
    lawv yeej paub tias lawv yuav swb
    ces lawv twb mus xiab nyiaj tas
    thaum hais mas lawv cia li yeej
    ho hais txheej cov neeg uas ruam
    twb raug thuam los tseem tsis paub
    tsis to taub txog lub ntsiab lus
    tseem pheej mus ua tsiaj thauj nra
    tseem mus nqa mus ev luag li
    hos txuj ci lawv yeej tsis paub
    kev kawm ntaub lawv paub tsis txog
    lawv tsis nrog luag tej kawm ntawv
    tsuas paub sawv mus ua luag qhev
    luag pub ntsev ces tau ntsev noj
    luag pub roj tau roj kib qe
    suab koob npe lawv tsis muaj nto
    txheej txuas no piav cov quav yeeb
    lub phaj teeb nrog lub kub lub
    lawv tseem hlub tshaj lawv me nyuam
    neej kob huam vim lawv kov roj
    tsis tau noj tsuav tau yeeb haus
    thaum thawj zaug ces yog kho mob
    nyob thiab nyob tias ntaus sab lim
    sim thiab sim ces thiaj li quav
    pw rawv tuav tus kho kub lub
    ntaus lub dub ntsaws nkaus lub qhov
    hlawv nqus nrov txig txeg txig txeg
    lawv caws ceg thiab pw ua ntsais
    lawv tseem hais tias yog ntaus xaim
    quav tsis paim koob npe yeej puas
    ho hais txuas neeg dag khav theeb
    tsis quav yeeb tab sis tham nrov
    kom luag hnov txog nws lub npe
    tham nws qe tias yog tus loj
    yog tus coj thiab yog tus thawj
    nws mas txawj txhua tsav txhua yam
    hos laj kam nws txoj zoo tshaj
    tham tsawg zaj qhuas nws muaj nyiaj
    qhuas txim txiaj npaum ub npaum no
    ib ntsis ho qiv yus nyiaj siv
    yuav txais ntxiv mus ua lag luam
    yog twg ruam ces nws dag tau
    nws hau tau leej twg lub hlwb
    ntshe yuav swb mus tag ib sim
    nyiaj tsis thim yog rhuav nws npe
    tseem twv nce ua plaub ua ntug
    cov neeg yug zoo no muaj coob
    muaj puv thoob plaws hauv ntiaj teb
    koj kuv peb thov kom nkag siab
    txog lub ntsiab zaj paj huam no
    ho khaws nco thiaj tsis raug dag
    thiaj tsis mag luag kaus yus nawb
    neeg siab dawb sawv daws nawb mog lawv!!!!!!!!!!


    txawm sau tau raug leej twg los thov zam txim. qhov no tsuas yog lom zem xwb. hos yog koj twb ho npaj ib lub tswv yim zoo li no los thov tso tseg vim tsis yog ib lub tswv yim zoo es luag qhuas mog

    Tus sau: Zibmes&piamthaj (tojsiab.com)



    NraugLia
    Guest

    Khaws Paj Huam Hmoob

    Post  NraugLia on 19th June 2011, 10:39 pm

    Nyob zoo me muam kzkz, Maivpaj,thiab tsoom phooj ywg s/d Kuv tau copy 2-3 zaj paj huam tom tojsiab los tso rau ntawm no yam tsis tau kev tso cai los ntawm nej cov ua tswv hauv lub tsev no, kuv vam tias nyaj nej s/d yuav tsis xav li cas thiab yuav zam txim pub. Yog tias nws tsis zoo no kuv mam li rho tawm los tau.
    Kuv mus tau ntev tsawv no lawm tsis tau tuaj nrog nej sib txuas lus li lawm vim nplej los kuj fab heev, niaj hnub mus dob nroj xwb thiaj tsis khoom tuaj saib nej li. Rov los so li hnub puav xwb ces nroj teb twb rov fab lawm thiab ces ntshe yuav tsis tau so kiag li os.
    Ua tsaug ntau.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj Huam Hmoob

    Post  koojziagkabzaug on 20th June 2011, 6:07 am



    Nyob zoo tij laug NraugLiab,

    Ua tsaug rau nws lub siab zoo mog. Kuv twb mus saib ob peb zaug, tab sis nrhiav tsis tau caij mus nqa tij laug Zibmes neb cov Paj Huam los teem cia li. Nws pab nqa los lawm los kuv ua nws tsaug ntau. Cia xyeej mam tuaj muab kho thiab dhos zoo zoo rau. Dua li tseem xav tau nws thiab tij laug Zibmes neb duab thiab npe tiag tuaj tso dhos neb cov paj huam yog tau.

    Ua tsaug mog tij laug siab zoo.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    MayPaj
    Spammer
    Spammer

    Messages : 490
    Date d'inscription : 2010-02-25

    Re: Khaws Paj Huam Hmoob

    Post  MayPaj on 20th June 2011, 8:10 am

    Wow.......NraugLiab thiab Kzkz, cas neb yuav muaj ib lub tsev khaws poem zoo tag npaum no li, zoo heev cia kuv mam lis mus tshawb fawb kuv cov nqa tuaj tso ntawm no thiab od nawd.....hehehe ....ua tsuag rau cov poems neb coj los rau peb nyeem ntawm no


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    NraugLia
    Guest

    Khaws Paj Huam Hmoob

    Post  NraugLia on 21st June 2011, 3:01 am

    Nyob zoo me muam kzkz, ua tsaug rau nws cov lus teb mog. Yog koj ho xav tau tij laug Zibmes wb li duab thiab npe tiag los tau kawg, cia muaj caij kuv li mam nqa tuaj tso, tab sis kuv tsis paub txog ntawm tij laug Zibmes, es cia nws li mam teb tom qab mog.
    Ua tsaug rau nws lub siab zoo, siab dawb. Nws mas thiaj li yog muaj pluaj siab dawb paug xav pab peb hmoob khaws peb li txuj tiag tiag li lauj, thov qhuas nws lub siab zoo, thov kom nws tsuas ntsib kev noj qab nyob zoo, ntshaw yam twg kom tau raws siab xav, nce toj zog loj nqis hav zog nchav, hmab tsis khuam tes hlua tsis khuam taw li ntag nawb!
    Ua tsaug.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj Huam Hmoob

    Post  koojziagkabzaug on 28th June 2011, 3:47 pm


    Paj Huam : TV Thisj Yog Tshuaj Muaj Mi Nyuam.mov



    Hiv! Hiv! Hiv! Lawv e! Cas nej yuav txawj hais ua luaj li naj!!!nts Rhiab pob ntseg heev lawm os...! Hahahah...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj Huam Hmoob

    Post  koojziagkabzaug on 29th June 2011, 1:42 pm


    Nyob zoo tij laug Zibmes thiab me tub NraugLiab,

    Kuv lam kho neb cov paj huam zoo li nov, seb neb xav li cas?
    Kuv tssi muaj caij ces lam kho li nov ais, lwm hnub yog khoom no mam nrhiab cov table HTLM los dhos nawb ob tug me kwv luag. Kuv ua tsaug ntau rau neb ob leeg lub siab zoo.

    Kuv yuav tssi nyob tsev ob peb hnub, ais me Nraug Liab, yog nws khoom tuaj zov tsev no ces nws pab nqa tij laug Zibmes neb tej txuj tuaj tso kom tsev sov nawb mog.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: Khaws Paj Huam Hmoob

    Post  cwjmemdub on 28th July 2011, 1:50 pm

    Lub mi vaj paj
    Muaj mi kab mi noog ntsauv coob
    Nyob nruab yeeb los saum yaj
    Xav zov rawv ncig kom thoob

    Muaj mi koojziagkabzaug
    Ua nws phoojywg zov
    Zoo zoo nkauj dawb paug
    Tau puag ntshe yuav sov

    Ib tug zoo xws ib tug
    Tus twg los kuv xav hlub
    Puas muaj hnub txawj yug
    Tau los ua ob leeg khub

    Ntshe lub siab yuav zoo zoo
    Tsis muaj yam dabtsi pauv tau
    Nriajteb yuav cav lub moo
    Tias peb peb leeg txawj sib sau

    Mus qhov twg ua ke nraim
    Cuag li yog mi nyuam ntxaib
    Muab tes los sib qaim
    Ua li cas yuav zoo zoo saib

    Ntsia tsis paub dhuav
    Xav muab lub sijhawm cam tseg
    Kom zoo li hauv npau suav
    Lub neej ua yog neej ncau ceg

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj Huam Hmoob

    Post  koojziagkabzaug on 28th July 2011, 1:56 pm



    Nyob zoo Cwj Mem dub,

    Hahahah...! Nws hais paj huam zoo kawg tab sis ib ce xob tag li lawm...Hahhaah...! Vim tsis yog yuav hlub ib leeg hos yog hlub peb leeg ces ntshai ntshai li...hahahah...! Ua tsaug nws tseem nco ntsoov txog peb thiab.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj Huam Hmoob

    Post  koojziagkabzaug on 30th November 2011, 11:42 am


    qhia hmoob sib hlub



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Khaws Paj Huam Hmoob

    Post  Sponsored content Today at 4:31 am


      Current date/time is 9th December 2016, 4:31 am