Nco kuv haiv hmoob

Search

Hmoob Catholique Forum

Caw nej txhua tus mus ncig xyuas Hmong Catholique Forum nias hauv daim duab :

Latest topics

» NCO PEB HMOOB COV QUB TUB ROG INDOCHINE 1945-1954
by xiongchang Yesterday at 10:00 pm

» ***DUAB NRAJ***
by koojziagkabzaug Yesterday at 7:53 pm

» ***UA NEEB***
by koobpovtxuj 17th June 2013, 2:04 pm

» Txij Nkawm sib hlub zoo zoo siab txoj sia tu nrho
by koojziagkabzaug 13th June 2013, 6:47 pm

» Tshuaj Ntsuab
by koojziagkabzaug 13th June 2013, 1:24 pm

» Nej lej leej twg paub paub qhav dub plawv
by koojziagkabzaug 13th June 2013, 12:59 pm

» 3 Zaj yas suab uas tus Ntxhais Thaib Chew Amornrat tau Ekasith tuaj hu nyob hauv Los Tsuas
by Hmoob ntuj qub qab 13th June 2013, 4:21 am

» Hmoob fab kis ua teb
by koobpovtxuj 7th June 2013, 9:48 pm

» kuv cov duab.
by koobpovtxuj 7th June 2013, 7:01 pm

» QHIA TSO DUAB thiab Video HAUV VAS SAB
by koojziagkabzaug 6th June 2013, 5:18 am

» PajHuamNrhiavTus KuvHlub
by xiongchang 4th June 2013, 6:20 pm

» pajhuam nrhiav mekabnoog tuaj ploj dua twg lawm
by xiongchang 29th May 2013, 1:18 pm

» NOJ MOV NPLEJ TSHIAB
by koobpovtxuj 25th May 2013, 3:44 pm

Tsev seev PajHuam

Hmong beauty nature

~*~*~*~*~*~*~*~*~

KWV TXHIAJ PLEES

Tshav ntuj los nag.

Most Viewed Topics

Tshuaj Ntsuab

kuv cov duab.

Hmoob Ntuj Tshiab lub tsev PAJ HUAM & kab lis kev cai Hmoob

Lojleeb lub Tsev qhia txuj

Saib Duab Hmoob cov ntxhais zoo nkauj thoob ntuj

Txaus Luag Thiab Txajmuag

Duab yav qaum teb Ntuj qub qab

LUB CAIJ PAJ TAWG / HMONG BEAUTY NATURE

KHAWV KOOB

NRAUG LIAB TOJ SIAB lub tsev Paj huam

Ncaim nkaujhmoob fabkis

Mloog Hmoob tshav ntuj zaj nkauj hnub no:

Compteur visitor

hnub 18/09/2010 los mus

Nco kuv haiv hmoob

nkauj hmoob hmov tshua

nkauj hmoob hmov tshua: Visitor; Messages: 1
Date d'inscription: 2011-06-21

Post n°1

Nco kuv haiv hmoob

nkauj hmoob hmov tshua on 21st June 2011, 6:16 am

nyob zoo niam hluas kooj ziag kab zaug,kuv zoo siab uas tau tuaj saib nej lub tsev hmoob tshav ntuj,kuv thov hwm thiab qhuas neb ob tug niam hluas uas muaj lub lajlim tswv yim zoo los qheb lub tsev no rau peb
haiv hmoob tau tuaj sib ntsib thiab kuv thov ua neb tsaug ntau.

koojziagkabzaug

koojziagkabzaug: Moderator; Messages: 2981
Date d'inscription: 2010-02-28

Post n°2

Zoo siab txais tos NKAUJ HMOOB HMOV TSHUA

koojziagkabzaug on 21st June 2011, 8:06 am

Nyob zoo NKAUJ HMOOB HMOB TSHUA,

Zoo siab nws tuaj nrhiav tau peb hnub no
Ua tsaug nws cov lus txhawb siab
Txiaj ntsim yuav nco
Dej siab yuav khaws cia
Nws muaj txuj coj tuaj nthuav
Kom peb lub Tsev nyob muaj luag
Nws muaj ci coj tuaj fim
Kom peb lub Txhab nyob muaj tsim
Nawb kuv me viv ncaus.

_________________

Tes yiag tes txawj nrhia
Siab nkiag nrhiav kev nyiam
Ncauj npliag lus dai siab

Hmong ntuj tshiab

Hmong ntuj tshiab: Spammer; Messages: 449
Date d'inscription: 2011-05-25

Post n°3

Re: Nco kuv haiv hmoob

Hmong ntuj tshiab on 22nd June 2011, 7:40 am

Niam nkauj dab ntub txiv nraug npau suav

Tus ntawm no---------nkauj Hmoob hmov tshua
Tham kom txhua-------muab tshaj nthuav tawm
Lub keej khawm---------------Txoj uas kev nco
Sim neej no----------------------tsis tau sib yuav
Vim ntuj nchuav------------------lub ntiaj teb tig
Av thiaj nkig--------------------dej nyob li nphau
sib ncaim tau---------------nees nkaum lub xyoo
koj lub moo-----------------------twb ploj zuj zus
wb tej lus---------------------------uas tau cog cia
twb mob ntxhia-----------------yuav rov qab zoo
tseg tsis nroo-----------------------ua siab tsis nco
cas nag hmo---------------------ho rov npau suav
pom koj tuav-------------------rawv kuv sab npab
zaum ib sab---------------------tham txog kev nco
sim neej no-------------------------nco kuv ua luaj
pom koj quaj-------------------kua muag ntws sis
kuv khoov ntshis-------------muab kuv ntiag tsho
coj los so-------------------------koj cov kua muag
koj khawm puag-----------------kuv rau xub ntiag
ib me pliag--------------------------koj kua muag tu
hnov koj hu-------------------------kuv lub npe dua
Hmoob hmov tshua-----------------yog tiag los dag
zaum no ntag-----------------------xav kom yog tiag
kuv tig kiag-------------------------los tuav koj plhu
tsa ncauj hu------------------------hais tias sim xeeb
yeej yog tseeb--------------------tsis yog npau suav
wb tham dhuav----------------------ces wb mus tsev
taug tej kev-----------------------------nce toj qis hav
pom liaj dav--------------------------ya dawb pes vog
neeg zej zog------------------------qw zom pes zaws
Liaj dav tsaws---------------------------rau ub rau no
Wb tig hlo--------------------------saib rov pem roob
Pom hav xyoob---------------------hav ntoo kaj nrig
Noog nraj yig-----------------------quaj hav ntas ntua
Hnov cuab npua--------------puag nram Hmoob zos
Suab kab nqos---------------------quaj kho siab tshaj
Txiv pos daj--------------------------siav kawg kiag li
Wb luag ntxhi---------------------------mus de los noj
Kuv saib koj------------------------tseem hluas li qub
Me nyuam tub-------------------------li ntuj yav dhau
Kuv los yau------------------nyuam qhuav tiav nkauj
Wb tham lauj-------------------------tsis muaj tsawg lo
Ces wb ho---------------------------nqes mus nab nyos
Me txiv pos---------------------------siav raws tug kev
Txi tsheej rev---------------------------ua ceg rawv tag
Wb tso dag-------------------------tham luag mob plab
Taug kev ntxhab-------------------------tsis tiaj tsis tus
wb tham lus--------------------------ncig mus yuj yeev
Koj txawm seev---------------------suab hais lus taum
Wb mus zaum------------------------nram ntug naj vaj
Ib ce laj----------------------------cua tuaj ntxuj ntxiag
Wb tig ntiag--------------------------saib rov nram tiaj
Thaib yug tsiaj--------------------------puv toj puv pes
Wb sawv nres--------------------ntsia nram choj hlau
Pom tsheb ntau----------------------khiav lig pes nqas
Hnov suab plas------------------quaj nrov ntsho nrooj
Hmoob tshuab nplooj----------------puag tim ntav toj
Suab ntxhe zoj-----------------------nrov kho siab zim
Sab puag tim----------------------qab kev tsheb ntsuab
Tauj khaub rhuab-------------txhawv paj ntxhov nyho
Rov tig hlo--------------------------tuav rawv koj npab
Wb rov qab-----------------------txog ntawm ntug kev
Hmoob ua tsev-------------------tuaj sawv tsheej phiaj
Lawv ntaus nyiaj------------------suab nrov zom zaws
Wb tshwm plaws-------------------ntawm peb tog tsev
Sib tham ntev-------------------------tsis xav sib ncaim
Koj nyob nraim--------------------hauv kuv nruab siab
Cia xyoo tshiab-----------------------wb mam sib yuav
Koj quaj zuav----------------------------tsis xav rov qab
Kuv siab fab----------------------------tsis xav sib nrug
Siab kub lug----------------------------txoj kev sib tshua
Ob leeg ua----------------------------kua muag ntws nto
Cas sib nco----------------------------------ua luaj li tiag
Quaj kawg kiag------------------------vim sib nco dhau
Me nyuam tau----------------------sawv phov txaj nrov
Kuv thiaj hnov------------------------tsim dheev los no
Ua cas ho-----------------------------yog npau suab xwb
Kua muag twb--------------------ntxaum hauv ncoo tag
Hais cuag dag-------------------------ntub tog hauv ncoo
Nws ntub loo----------------------npaum xuas dej tsuag
Rov qi muag--------------------------kom npau suav dua
Lawv sawv ua-------------------------tshais ntxov los noj
Dab ntub ploj------------------------mas chim siab dhau
Zaum tsaws npau-------------------kho siab tshaj plaws
Lub teb chaws------------------------------tsis tiaj tsis tus
Ncaim koj mus-----------------------nrog cov laus lawm
Koj kuv txawm-------------------plam thaum ntawd los
Kuv tsis ntos------------------------------tham txog koj li
Zais tuag nthi-------------------------rau hauv nruab siab
Koj tus ntxhiab------------------------kuv tseem cim tau
Mam to rau--------------------------lwm tiam lawm xwb
Thov kom wb---------------------txhob npau suav ntxiv
Thiaj tsis chiv---------------------------kev mob siab dua
Kuv twb ua-------------------------------tau ib siab lawm
Hmoov tsis sawm------------------------wb thiaj sib cais
Yog yuav hais--------------------------txog kev sib tshua
Tham tsis txhua----------------------------txoj kev nco koj
Yeej tsis ploj--------------------------hauv kuv lub plawv
Koj tseem sawv----------------------nraim hauv kuv siab
Kua muag iab--------------------------npau suav pom koj
Siab ntsws ntoj-------------------------nco koj heev dhau
Thiaj li tau---------------------------muab los tham tawm
Kom plawv nqawm--------------------siab ntsws ho nqig
Tej tsuj plig--------------------------------rov los puab cev
Siab ho ntev-------------------------------ua neeg mus txiv
yog yuav chiv------------------------------npau suav li qub
Puas muaj hnub----------------------------rov tau sib ntsib
Ho tau pib---------------------------------tham kev sib nco
Sim neej no---------------------------------nco koj ua luaj
Tsa suab quaj------------------------------tsis hnov koj teb
Txawm muab ntxheb-------------------tham npaum li cas
Koj tsis ras---------------------------------yeej tsis sib cuag
Teev kua muag---------------------------txawm sib tw nrog
Yog xav txog------------------------------lub neej yav dhau
Thaum wb yau------------------------zoo cuag nkauj Hnub
Txoj kev hlub-------------------------ntawm txiv nraug hli
Tham luag ntxhi----------------------------wb txoj kev hlub
Nkauj dab ntub-----------------------txiv nraug npau suav
Tham tsis dhua-----------------------------ua kev tsis txaus
Hais tsis xaus--------------------------------txoj kev sib nco
Ntuj tag hmo---------------------------nyob nruab dab ntub
Tsis muaj hnub---------------------lawm nraug npau suav
Yeej tsis tshuav---------------------------dab tsi lawm mog

(xaus li no)

Last edited by koojziagkabzaug on 22nd June 2011, 8:12 am; edited 5 times in total (Reason for editing : Nkauj Hmoob Hmov tshua Npau suav ntsib koj os nawb)

MayPaj

MayPaj: Spammer; Messages: 442
Date d'inscription: 2010-02-25

Post n°4

Re: Nco kuv haiv hmoob

MayPaj on 22nd June 2011, 5:27 pm

Wow.........haib ua luaj

_________________

Lub dej teev lub lwg
teej luj lias rau daim nplooj paj
nkauj hmoob tuaj sab hnub tuaj
muaj lub npe hu ua li maypaj

MayPaj

MayPaj: Spammer; Messages: 442
Date d'inscription: 2010-02-25

Post n°5

Re: Nco kuv haiv hmoob

MayPaj on 22nd June 2011, 5:29 pm

nkauj hmoob hmov tshua wrote:nyob zoo niam hluas kooj ziag kab zaug,kuv zoo siab uas tau tuaj saib nej lub tsev hmoob tshav ntuj,kuv thov hwm thiab qhuas neb ob tug niam hluas uas muaj lub lajlim tswv yim zoo los qheb lub tsev no rau peb
haiv hmoob tau tuaj sib ntsib thiab kuv thov ua neb tsaug ntau.

nyob zoo nkauj hmoob mov tshua,

hnub no kuv qhib kiag hoob no pom koj lub nick zoo heev ua rau kuv xav paub thiab xav pom koj rov qab tuaj nrog Kzkz wb nyob tham ua si os.

Peb tsis muaj viv ncaus coob nyob hauv no es peb xav kom koj tuaj peb sawv daws tham nawd, rov qab tuaj txhua lub sij hamw yeej yuav tos txais koj zoo los nrog peb koom mog.

Welcome rau koj nawd tus niamlaus Nkauj Hmoob Mov Tshua

_________________

Lub dej teev lub lwg
teej luj lias rau daim nplooj paj
nkauj hmoob tuaj sab hnub tuaj
muaj lub npe hu ua li maypaj

Hmong ntuj tshiab

Hmong ntuj tshiab: Spammer; Messages: 449
Date d'inscription: 2011-05-25

Post n°6

Re: Nco kuv haiv hmoob

Hmong ntuj tshiab on 22nd June 2011, 6:26 pm

[center
Kuv yeej tshua koj ib yam thiab os

Tus ntawm no---------------yog nraug siab ncaj
yuav los tshaj-----------------ib tsab xov tawm
Lub keej khawm-------------Txoj uas kev hlub
Ntuj thaum ub------------------tsis tau sib yuav
Vim ntuj nchuav------------------lub me teb tig
Av thiaj nkig------------------dej nyob li nphau
Sib ncaim tau----------nees nkaum tawm xyoo
koj lub moo---------------------twb ploj zuj zus
wb tej lus-------------------------uas tau cog cia
twb mob ntxhia---------------yuav rov qab zoo
tseg tsis nroo---------------------ua siab tsis nco
cas nag hmo-------------------ho rov npau suav
pom koj tuav--------------------kuv ib sab npab
zaum ib sab------------------tham txog kev nco
Sim neej no----------------------cas nco ua luaj
pom koj quaj----------------kua muag ntws sis
kuv khoov ntshis------------muab kuv tes tsho
Coj los so---------------------koj cov kua muag
Kuv khawm puag ------------koj rau xub ntiag
ib me pliag----------------------koj kua muag tu
hnov koj hu------------------lub npe hluas tshaj
Nraug siab ncaj-----------------yog tiag los dag
zaum no ntag------------------xav kom yog tiag
kuv tig kiag--------------------los tuav koj plhu
tsa ncauj hu--------------tias nkauj hmov tshua
Rov ntsib dua----------------tsis yog npau suav
wb tham dhuav-----------------ces wb mus tsev
taug tej kev------------------------nce toj qis hav
pom liaj dav--------------------ya dawb pes vog
neeg zej zog-------------------qw zom pes zaws
liaj dav tsaws-----------------------rau ub rau no
Wb tig hlo---------------------saib rov pem roob
Pom hav xyoob----------------hav ntoo kaj nrig
Noog nraj yig----------------quaj suab ntas ntua
Hnov cuab npua---------------puag pem peb zos
Suab kab nqos----------------quaj kho siab tshaj
Txiv nqos ntsaj-----------------siav kawg kiag li
Wb luag ntxhi---------------------mus de los noj
Kuv saib koj----------------------yeej zoo li qub
Tseem ntxim hlub---------------li ntuj yav dhau
Kuv tseem yau---------nyuam qhuav tiav hluas
Wb tham txuas----------------tsis muaj tsawg lo
Ces wb ho-----------------------nqis mus paj cab
Hnov suab kab-------------quaj saum ntsis ntoo
Cua tuaj loo---------------------ua ntoo rawv tag
Wb tso dag------------------tham luag mob plab
Tau sib thab-----------------------sib zeg tau kev
Pom txiv cev--------------------siav daj pes vog
Wb mus txog------------puag nram roob npoob
Me ntsuag xyoob------------sam leej zom zaws
Wb tshwm plaws-----------nram dej cawm siav
De nplooj txhiav------------------los ce dej haus
Sib tham txaus-------------mus txog dej tshuam
Pom noog ntxuam---------------ya taug kwj deg
Hnub tuaj ntseg-----------------tshav kub sov so
Tham kev nco-----------------yav ntuj nram qab
Taug kev ntxhab------------------tsis tiaj tsis tus
wb tham lus-------------------ncig mus yuj yeev
Koj txawm seev--------------suab hais lus taum
Wb mus zaum-------------nram tsev cuab ntses
Nkoj tuaj nres--------------hnov cua tuaj ntxiag
Wb tig ntiag---------------------saib rov phu xev
Hmoob ncaws kev----------ntuag toj ntuag pes
Wb sawv nres---------------ntsia pem nab phoo
Pom hav ntoo------------nplooj ntsuab tsaus nti
Wb thiaj li---------------------rov mus nuam yaj
Kho siab tshaj---------------tsis xav ncaim mus
Koj tej lus--------------------tham seev yuj yees
Txog kev plees--------------yav puag thaum ub
Kev sib hlub--------------------nyob zos dej liab
Zoo ntxim siab------------------sib pab ev nplej
Caij kwv dej-------------------tej chaw sib tawb
Hav paj dawb-----------------------fab ti kwj tse
Tim ncauj ke-------------------kev ncaim nce toj
Kuv thiab koj------------------mus dob teb zaub
Noog puj daub------------quaj nrov ntsho nrooj
Hmoob tshuab nplooj-------nrov kho siab zim
Sab puag tim--------------------zos tiaj kuj yem
Nyob puag pem------------lawv roob teb npleg
Tshuab tsis tseg-------------nrov kho siab tshaj
Zaub tawg paj--------------ntab muv ntxais zib
Teb kab tsib--------------------nrog koj mus lov
Caij sawv ntxov----------------wb kuj sib ntsib
Wb rov pib----------------tham lus tseem tseeb
Lus meej xeeb-------------wb tham khee kawv
Wb mus sawv--------------puag nram chaw so
kuv rov hlo------------------tuav rawv koj npab
tig rov qab --------------------los txog ntug zos
Hmoob tuav cos ----------suab nrov doog diaj
Hnov suab tsiaj---------------sib tog zom zaws
Wb tshwm plaws-----------ntawm nej tog tsev
Sib tham ntev----------------tsis xav sib ncaim
Koj nyob nraim-----------hauv kuv nruab siab
Cia xyoo tshiab--------------wb mam sib yuav
Kuv quaj zuav------------------tsis xav rov qab
Koj siab fab--------------------tsis xav sib nrug
Siab kub lug------------------txoj kev sib tshua
Ob leeg ua ------------------kua muag ntws nto
Sim neej no--------------------sib nco luaj tiag
Quaj kawg kiag--------------vim sib nco dhau
Lawv thiaj tau------------sawv phov txaj nrov
Kuv thiaj hnov---------------tsim dheev los no
Ua cas ho-------------------yog npau suab xwb
Kua muag twb----------ntxaum hauv ncoo tag
Hais cuag dag--------------ntub tog hauv ncoo
Nws ntub loo------------npaum xuas dej tsuag
Rov qi muag---------------kom npau suav dua
Lawv sawv ua--------------tshais ntxov los noj
Dab ntub ploj--------------mas chim siab dhau
Zaum tsaws npau------------kho kuv siab tshaj
Lawv tsis ncaj-------------muab koj yuam mus
Wb tej lus--------------------tau hais qhov tseeb
Thiaj khuam xeeb------------ua kua muag nrog
Nco los txog-------------------niaj hnub nim no
Kuv thiaj nco------------------------koj ua luaj li
Hnub thawm hli----------thiaj tshem tsis tawm
Kev txij nkawm------plam thaum ntawd lawm
Vim koj tawm--------------mus nrog luag nyob
Kuv siab mob------------npaum kua txob ntsim
Lub siab chim-------------------mob tag ib tiam
Vim koj niam-----------------koj txiv siab phem
Tau rhuav tshem---------------wb txoj hauv kab
Txoj kev tab---------------------lub cuab lub yig
Nws thiaj tig-------------------mus rau lwm tus
Hmoob leej nus-----------------thiaj tsis tau koj
Lub plawv ntoj-----------------ces siav yuav yaj
Nco koj tshaj-------------------nyob rau tiam no
Xyov yuav nco--------------mus txog hnub twg
Me phooj ywg-------------------tus kuv hlub e!!
Es koj ne!! -------------------puas nco kuv thiab
Hmoob dej liab-------------------tus cev tsis loj
Koj niam noj----------------------dab tsi yug koj
Zoo tam zoj-----------------me ntxhais nkauj hli
Es thiaj ci---------------------mus thoob ntiaj teb
Ua rau peb------------------------nco mus ib sim
Yeeb yog vim--------------koj ncaim mus lawm
Kev txij nkawm----------plam thaum ntawd los
Kuv tsis ntos---------------------tham txog koj li
Zais tuag nthi----------------rau hauv nruab siab
Koj tus ntxhiab----------------kuv tseem cim cia
ntsib mam qhia----------------rau koj lawm xwb
Thov kom wb------------txhob npau suav ntxiv
Thiaj tsis chiv------------------kev mob siab dua
Kuv twb ua----------------------tau ib siab lawm
Hmoov tsis sawm---------------wb thiaj sib cais
Yog yuav hais---------------yeej tham tsis txhua
Thiaj li ua---------------------npau suav pom koj
Siab ntsws ntoj----------------nco koj heev dhau
Thiaj li tau------------------muab los tham tawm
Kom plawv nqawm----------siab ntsws ho nqig
Tej tsuj plig----------------------rov los puab cev
Siab ho ntev--------------------ua neeg mus ntxiv
Yog yuav chiv-------------------npau suav li qub
puas muaj hnub----------------rov tau lawm mog
Tseem xav txog-----------------lub neej yav dhau
wb tseem yau-------------nco npaum nkauj hnub
Ntsib dab ntub-------------tseem tham luag ntxhi
Txiv nraug hli-----------------nco koj tshaj plaws
Yog tham ntxaws-------------ces kua muag poob
Me nkauj Hmoob--------------tus me ntxim hlub
Nkauj dab ntub--------------txiv nraug npau suav
Tham tsis dhuav-------------------ua ke tsis txaus
Hais tsis xaus-----------------------tej lus sib hlub
Nkauj dab ntub------------thiab nraug npau suav
Nws puas tshuav--------------ib zaug lawm thiab
Hmoob dej liab-------------------tus me neeg zoo
Yog puag loo-------------------mus yeeb yaj kiab
Thiaj zoo siab-------------------os me leej muam
Tej lus xuam----------------thov tsis txhob chim
Vim koj dim--------------------mus ua luag nyab
Kuv thiaj npab--------------nyob lwj siab ntsuav
Li noog puav----------------------ua neej dai taw
Tsis muaj chaw-------------------li no lawm tiag
Lub xub ntiag--------------------thiaj pw txias to
Seev tag hmo--------------------rau tej npoo txaj
Lub ntuj kaj---------------------los tsis xav sawv
Ntuj yuas lawv--------------------tus me lus zoo
Tsis muaj hmoo-----------------thiaj tsis tau koj
Yog tuag ploj------------------wb puas sib ntsib
Nywj vag ib-----------------nyob rau nruab dab
Tuav koj npab---------------haus paj zaub quag
Rov tau puag----------------nyob kuv xub ntiag
Paj zaub qiag-----------------li kab npauj npaim
Ya nrog nraim---------------------ua ke ywj siab
Mus thawj thiab----------------xeeb rov los dua
Kom txhob tshua-----------koj lawm os mog./.
( xaus li no )

[/center]

Search

Hmoob Catholique Forum

Latest topics

Top posters

Tsev seev PajHuam

Hmong beauty nature

KWV TXHIAJ PLEES

Tshav ntuj los nag.

Most Viewed Topics

Ncaim nkaujhmoob fabkis

Compteur visitor

Nco kuv haiv hmoob

Nco kuv haiv hmoob

Zoo siab txais tos NKAUJ HMOOB HMOV TSHUA

Re: Nco kuv haiv hmoob

Re: Nco kuv haiv hmoob

Re: Nco kuv haiv hmoob

Re: Nco kuv haiv hmoob

Similar topics

Similar topics