google-site-verification: googlefbfddf59e706b96b.html

Latest topics

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Share
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:19 pm


    Text copyright © by Dee Vang in jun 04 / 2011. All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304




    Qaib = Sam xeeb ntawm Qaib tus yeeb yam cwj pwm coj tus kheej




    Qaib lub zim txwv sawv nres hnub nyob rau hli tab = 1, 13, 25, = nyob rau hli txooj = 7, 19, = Qaib lub zim txwv sawv nres hlis, nres lub 1, hlis ntuj.

    Qaib lub zim txwv sawv nres xyoo, nyob rau cov xyoo no yog, Qaib xyoo,
    Qaib xyoo yog -1933, 1945, 1957, 1969, 1981, 1993, 2005, 2017, 2029

    Nyeej sawv ntawm Qaib lub sawm yeej coj tus cwj pwm sawv nres

    Ua dab tsi tau siab heev, muaj peev xwm nrawm thiab ceev heev, muaj hwj chim zoo tab sis, sam xeeb me, ua qhov hnyav tsis tau vim lub zog tsis loj duav tsis tau dav,

    muaj kev txom nyem thaum me, hais lus zoo heev , ua num muaj koob vim leej tab leej zag los yog leej tub leej roog yog tus pab txhawb nqa txhua yam ntawm lub luag dej nus xwb.

    Nyeej kav ntuj nrag ntawm Qaib lub sawm yeej pov puag coj raws

    Muaj mob heev, tab sis mob tsis loj, yog yuav puas tsuaj mus rau kev nruam sim ces puas thaum me lawm thiab thaum laus xwb, kev cawm seej yog cov kwv tij thiaj pab tau xwb thiab cov txheeb ze nkaus xwb hos tus sab ntaud ces tsuas yog tuaj loos ntxiv xwb os, Thaum ib nrab neeg mus mas zoo nkauj zoo nraug heev thiab muaj peev xwb heev rau kev hais lus thiab puam fab heev , zoo rau fab puam fab hais lus kom luag qaug yus quav ces luag raug yus muab tsaws ua zaub hno noj xwb,

    Kev coj cwj pwm tus kheej ntawm Qaib lub zim txwv txoj hmoo.

    Tus zeej keeb twg yug nyob rau Qaib xyoo, mas nyob rau hauv zim keeb txoj hmoo coj cwj pwm ntawm nws tus kheej,

    mas nws coj siab luv heev, chim taus heev, tsis nyiam hais lus phem li, nws nyiam hais lus zoo zoo xwb, nws nquag heev thiab siab sib heev, sawv ntxov heev, nyiam tu tus kheej kom zoo huv si xwb, yog hais haum nws siab nws li mus, yog hais tsis haum nws siab ces nws tsis nyiam mus, yog nws nyiam leej twg nws li mus nrog ntaus phooj ywg rau hos nws tsis nyiam ces nws yeej tsis nyiam ua phooj ywg rau li, nws yuav nws siab xwb,

    yuav kom zoo mas nws yuav tau yoog thiab yuav lwm tus hais thiab, lwm tus los yuav tau yoog nws thiab yuav nws siab ib nrab thiab thiaj li haum los nyob ua ke tau ua txij ua nkawm mus,

    txhua yam yog lub zog txhawb los ntawm leej tub leej roog, leej tab leej zag, tas mus li thiaj li nrog luag muaj koob muaj meej nto lug, yuav tau hwm tub hwm roog, hwm tab hwm zag, thiab sib hlub kom tsim nyog thiaj yuav nrog luag muaj koob meej zoo,

    Tus me nyuam twg yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( Q K ) nyob rau hauv nws lub npe thiaj yuav raug raws li nws txoj hmoov uas nws coj nrog nws puag pem nywj vab los ua neeg rau hauv ntiaj teb no, thiab nws ua dab tsi thiaj yuav tau raws li nws lub siab xav,

    Yug los rau Qaib xyoo no mas siav me heev, yuav tau xyuam xim txog txoj kev luag dag yus es thiaj yuav tsis muaj kev phom tshij rau yus tus kheej, Hais txog kev Mob nkeeg mas cawm seej tsis muaj txaus, vim hais tias txhua tus txoj kev pab cawm ntawd muaj tsis txaus thiab lub zog tsis loj, nws tus cawm seej ces tsuas zoo li nws thiab xwb,

    Hais txog ntawm siv qaib lub zim txwv no mus yuav poj niam mas tsis zoo li, vim hais tias qaib yog ib tug tsiaj qia dub heev, nws tsuas khwv rau nws noj xwb nws yeej pub tsis tau rau lwm tus noj thiab vim siab luv heev, ces yog siv qaib lub zim txwv ces muaj ntsis yuav zoo li qaib thiab nag hos,

    Hais txog ntawm kev siv Qaib lub zim txwv no mus ua lag luam mas tsis tshua muaj paj laum zoo vim lub zog me heev tsua siv lub tswv yim los ntxias luag xwb, qhov yuav poob peev ces yog luag muab kev zoo nkauj zoo nraug los ntxias koj nag hos, Ces thaum koj raug ntxias lawm ces koj cia li poob peev lawm xwb nag,
    Hos hais txog kev mus ua tsov rog mas tsis muaj yeej, vim yus lub zog tab heev nres tsis taus luag lub zog qhov yuav yeej ces yuav tau siv lub tswv yim los ntxias luag es kom luag qaug yus quav xwb nkaus nawb,

    Qaib. Siav me heev, hwj chim zoo, sam xeeb me, ua hauj lwm hnyav tsis tau, nws nrawm heev ua dab tsi tau sai, siab luv, chim taus heev, tsis muaj cawm seej txaus, Leej twg yus rau qaib hnub, qaib hli, qaib xyoo mas zoo tsis heev, vim coj ceev siab luv heev, qhov zoo yog siab sib xwb, sawv ntxov heev, nquag heev tiam sis zog me khwv txaus noj txaus haus xwb, kev ua tus coj noj coj ua mas yuav ua tsis tau vim yuav yog tab zag txhawb thiaj zoo yog tab zag tsis txhawb ces yeej tsis tos li os nawb.

    Yuav tau xyuam xim txog kev coj noj, coj ua, vim muaj dav muaj plis coob coob heev, yuav tau saib tom ntej tom qab zoo mam ua thiab tsis raug dav thiab plis tom, thoob ntuj sia paub neej dab lus zoo, kob xwb txog rau fab keeb zim caij nyoog, feeb kev phem kev zoo rau pab pawg kev ua neej nyob thoob tsib to nrog, luag tsis paub nws twg paub ua ntej lawm os nawb,

    Yus tau yeeb ncuab ces yog tus phooj ywg zoo thiab nom tswv xwb, yus yuav tau xyuam xim txog fab kev hais lus thiab kev raug luag quab yuam kom yus ua tej yam tsis zoo xwb os nawb.


    Last edited by Hmong ntuj tshiab on 22nd June 2011, 11:49 pm; edited 3 times in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:34 pm



    Dev= Sam xeeb ntawm Dev tus yeeb yam cwj pwm coj tus kheej



    Dev lub zim txwv sawv nres hnub nyob rau hli tab = 2, 14, 26, = nyob rau hli txooj = 8, 20, = Dev lub zim txwv sawv nres hlis, nres lub 2, hlis ntuj.

    Dev lub zim txwv sawv nres xyoo, nyob rau cov xyoo no yog, Dev xyoo,
    Dev xyoo yog 1934, 1946, 1958, 1970, 1982, 1994, 2006, 2018, 2030

    Ceeb tshaj kav ntuj nrag ntawm Dev lub sam xeeb sawv coj

    Muaj cua zoo thiab nws hauj sim xwb, tsis muaj kom dhau qhov uas yuav muaj tau ( xav ceem ) phom tshij dab tsi thiab.

    Nyeej kav ntawm Dev lub sawm yeej pov puag raws keeb kwm

    Lub xyoo no zoo heev, Neej thiab dab los yeej ntshai tas, luag lwm tus los yeej hwm yus zoo,

    mus kev deb ua tau heev, siab ntev heev tsis tuag sai, ua neej nyob thaum hluas mus txog thaum laus los fab nyiaj txiag txom nyem me ntsis, siab tawv ua dab tsi los tsis nco ntshai li tiam sis yuav xyuam xim txog kev phom tshij vim muaj yeej cuab txhua txhua lub sij hawm uas sawv kev ua dej num,

    fab kev plees kev yi mas zoo heev, muaj txaus siab txaus ntsws, hais txog kev phooj kev ywg mas luag ntxub thiab nyiam sib npaug zos xwb, fab kev coj noj coj ua mas yog ib tug nyiam tsoo taus heev thiab luab lim luag heev li, tiam sis muaj ntsis muaj kev hom hais lus dag sib xyaws pes daws nrog tej lus tiag.

    Tus me nyuam twg yug rau xyoo no, koj yuav tis nws lub npe mas yuav tsum tis kom muaj tus niam ntawv no ( D M ) nyob rau hauv nws lub npe thiaj yuav raug raws li nws txoj hmoov uas nws coj nrog nws los rau hauv ntiaj teb no thiab nws ua dab tsi thiaj yuav tau raws li nws lub siab xav nawb.

    Kev coj cwj pwm tus kheej ntawm Dev lub zim txwv txoj hmoo.

    Tus zeej keeb twg yug nyob rau Dev xyoo, mas nyob rau hauv zim keeb txoj hmoo coj cwj pwm ntawm nws tus kheej, nyiam kev plees kev yi heev, nyiam hais lus luab lim luag heev, yog tsis caiv txoj kev plees kev yi ces kawg neej nyob khuam siab heev, qhov zoo yuav tau yuav lwm tus neeg lus siab thiab txwv tsis txhob yuav tus kheej lub siab xwb, yuav tau yuav lwm tus neeg lub hom phiaj thiab,

    Qhov nws pheej ua yam tsis txawj txaj muag ntawd mas nws yuav tau caiv tsis txhob siv tus cwj pwm liam liam li dev ntawd, yuav tau paub txoj kev txaj muag thiab es thiaj li yuav haum tau lwm tus neeg, yuav tau txo nws tus cwj pwm txhua yam xws li hauv qab no mas thiaj yuav tsis phoj tshij rau nws tus kheej os nawb mog,
    1, txwv tsis txhob mus mus kev deb heev, 2, txwv tsis txhob luab lim luag heev heev li,

    Yug los rau Dev xyoo no mas siav ntev heev, txoj kev muaj teeb meem ntawm tus kheej mas yog kev phom tshij xwb, Hais txog kev mob nkeeg mas tus cawm seej nyob hauv tsev thiab cov txheeb ze thiaj yuav cawm tau xwb, yuav tau caiv txoj kev plees tiag tiag lub neej thiaj yuav tsis plam mus yog muaj txig muaj nkawm lawm nas, muaj ntsis nyiam khaws xyeem luag tug yog tsis caiv mas yuav muaj teeb meem rau txoj kev plees no heev nawb,

    Ho hais txog siv dev lub zim txwv no mus yuav poj niam mas muaj tsis tshua zoo heev, vim dev yog ib tug tsiaj tsis txaj muag thiab nyiam quab yuam lwm tus heev, ces yog siv dev lub zim txwv mas muaj ntsis nyiam kev plees kev yi thiab pheej muaj ntsis tub nkeeg , thaum nquag ces nquag dhau, hos thaum nkees ces ho nkees heev, Hais txog kev ua lag luam mas kuj muaj paj laum zoo thiab feem ntau mas yog mus txeeb luag lag luam ntau xwb thiab yuav tau raws li lub hom phiaj,

    Hais txog kev ua tsov rog mas kuj muaj yeej thiab Dev kuj muaj kaus tom thiab tiam sis yuav tau xyuam xim heev vim yeeb cuab coob heev yuav tau ceev faj kom zoo thiaj yuav tsis poob rau txoj kev phom tshij thiab kev yuav muaj kev nruam sim tau, thiaj tau txais txoj kev muaj txiaj ntsim muaj yeej ncoo ko, Dev. Nyob rau hauv dev xyoo no mas zoo heev khaws noj khaws haus, neej dab ntshai yus, mus kev deb ua tau heev, siab ntev nyob laus, muaj yam zoo luag tsis pub yus pom thiab tsis qhia yus. Kev ua nom ua tswv mas yeej zoo thiab tab sis yuav yog tus kheej muaj peev xwm kom txaus thiaj yuav tau os nawb. Vim luag tsis nyiam yus pes tsawg mas yuav tau xyuas kom meej tso mam nrog luag sib tw kev nom kev tswv nawb.

    thaum luag yuav yus zog, luag mam pub yus noj, thiab luag mam qhuas yus, tau ua luag tub tiag npab tiag tes, luag nyiam txib yus, thaum tau noj luag tsis nco txog tias muaj yus, hais qav num mas luag cia yus saib ntau tam tus qhev xwb, lub xyoo no yuav tau caiv tsis txhob mus nrog luag haus dej haus cawv tsam luag ntaus yus, rub lub siab ntev heev yog luag muaj siab pub yus tiag yus mam yuav,

    thiab muaj siab hu yus tiag yus mam mus nrog luag noj, vim tias lub xyoo no luag tsis hwm yus li, caiv txhob mus nrog luag haus dej haus cawv ib tsam luag ntaus yus, .Rub lub siab ntev kom ntev, vim lub xyoo no luag tsis hwm yus.

    Yus tus yeeb ncuab ces nws yog nom tswv thiab tus phooj ywg nag os nawb, vim yus yuav raug dab ntau fab kom yus qaug quav rau luag tag ces luag mam muab yus lom lis kiag xwb os nawb.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:35 pm



    Npua = Sam xeeb ntawm npua tus yeeb yam cwj pwm coj tus kheej



    Npua lub zim txwv sawv nres hnub nyob rau hli tab = 3, 15, 27, = nyob rau hli txooj = 9, 21, = Npua lub zim txwv sawv nres hlis, yog lub 3, hlis ntuj.

    Npua lub zim txwv sawv nres xyoo, nyob rau cov xyoo no yog, Npua xyoo,
    Npuas xyoo yog ---1935, 1947, 1959, 1971, 1983, 1995 ,2007, 2019, 2031

    Nyeej kav ntawm Npua lub sawm yeej pov puag raws li keeb kwm

    Muaj mob, thaum mob yuav ras li ceeb, nrhiav neeg khaws ceeb ces zoo, yuav tau siv tshuaj ntau thiaj zoo, txhob ua siab hnyav thiaj tsis txaus txhawj.
    Tus me nyuam twg nws yug rau xyoo no, koj yuav tis nws lub npe mas yuav tsum muaj tus niam ntawv no ( NP-M ) nyob rau hauv nws lub npe thiaj yuav raug raws li nws txoj hmoov uas nws coj nrog nws los ua neeg rau lub ntiaj teb no, nws ua dab tsi thiaj rau raws li nws lub siab xav os nawb.

    Kev coj cwj pwm tus kheej ntawm Npua lub zim txwv txoj hmoo.

    Tus zeej keeb twg yug nyob rau Npua xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Ceeb tshaj kav ntuj nrag ntawm npua lub sam xeeb sawv coj

    Muaj cua tab tom haum rau neeg ntiaj teb, vim tshav ntuj thiab los nag hauj sim ua rau qoob loo loj hlob zoo,
    Hais txog siv npuas lub zim txwv sawv kev mus yuav txij nkawm nws zoo thiab txij nkawm kuj txawj sib hlub sib hwm kuj tsis sib cav sib ceg.

    Nyeej sawv ntawm npua lub sawm yeej coj cwj pwm nres

    Ua neej nyob mas laus heev, tsis sem cuab yig, mus yos deb tsis ntshai, mus txog twg los luag txais tos yam li yog kwv yog tij, hais lus yuav tau xyuam xim tsam dhau ciam ces raug luag cem yus, tau ua nom ua tswv mas luag khwv rau yus noj, siab kub maj rawm muaj phooj ywg coob.

    Nyeej kav ntawm Npua lub sawm yeej pov puag raws li keeb kwm

    Muaj mob heev rau thaum yau, mob hnyav txaus ntshai tab sis tsis tuag, yuav tau ua neeb mus hloov ntsuj mas thiaj yuav zoo mob nruab hnub mas kho tsis nyuab hos yog mob hmo ntuj los kuj tsis nyuab vim npua yos nruab hnub hmo ntuj tib yam nkaus li thiab os nawb feem ntau yog zwm hiav thiab poob plig vim npua pw muaj chaw.

    Ceeb tshaj kav ntuj nrag ntawm npua lub sam xeeb sawv coj

    Huab cua muaj hauj sim khiav xwm yeem, tsis muaj ( xav ceem ) yog phoj tshij dab tsi loj rau yus,

    kev ua noj nyob kuj zoo hauj sim thiab yog los nag mas nws yuav los ua kob xwb, tiam sis nws los loj heev, yog tshav ntuj mas nws kuj tshav laj ntxiag xwb, vim npua yog ib tug tsiaj nyiam chaw qhuav thiab nyiam chaw ntub ib yam nkaus.

    Yug los rau Npua xyoo no mas siav ntev heev, tiam sis mas yog ib tug tsiaj nyiam yos taus heev yuav tau xyuam xim txog txoj kev phom tsij, thiab yuav tau ceev faj txog txoj kev luag ntxias yus tsa luag ua neej, zoo nkaus li luag ntxias yus nce nthab es luag ho lauj yus taw ntaiv kom yus poob nthab,

    Hais txog kev muaj mob mas tus cawm seej muaj tsawg vim hais npua yog ib tug tsiaj nyiam noj tej yam khoom qias neeg thiaj hais tias cawm seej ces tsuas muaj cov neeg txheej ze thiaj yuav cawm tau xwb,

    Hos hais txog kev siv npua lub zim txwv mus yuav poj niam mas khwv heev thiaj yuav zoo, npua nyiam khwv nyiam tiv tshav tiv nag, nyiam khwv rau nws noj xwb,

    hos kev mus ua lag luam mas kuj muaj paj laum zoo heev, hos kev mus ua tsov ua rog mas tsis tshua muaj yeej vim yeeb cuab soj yus qab taug yus lw tas li xwb yuav tau xyuam xim saib tom ntej tom qab kom meej pem heev thiaj yuav nyab xeeb hos.

    Npua: = ua neej nyob laus heev, tsis sem lub neej, Niam nyob luag ntxhi thiab txiv nyob luag nyav, mus kev deb tso siab luag tsis muaj xav ceem ( phom tshij ) dab tsi, tos luag khwv pub rau yus noj, mus txog twg luag txais tos yus zoo heev, muaj kwv luag coob

    hais dab tsi ua tau li ntawd tab sis yuav tau xyuam xim tsam hais dhau luag cem yus, ua nom tswv muaj peev xwm heev, hais lus muaj yeej kuab txaus. Kev nom kev tswv mas yeej ua tau raws li nws siab xav thiab tab si yuav tau xyuam xim kom zoo vim pheej muaj neeg tshum yus lub hom phiaj tas mus li nawb.

    Yus tus yeeb ncuab ces yog nom tswv thiab tus hlub hlub yus tshaj plaws nag os nawb, vim luag muaj feem ntxias yus txhua fab kom yus raug luag dag ces luag mam muab yus lom lis xwb mas yuav tau ceev faj kom zoo heev thiaj tsis raug poob mus rau txoj kev phom tshij os nawb.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:36 pm



    Nas = Sam xeeb ntawm Nas tus yeeb yam cwj pwm coj tus kheej


    Nas lub zim txwv sawv nres hnub nyob rau hli tab = 4, 16, 28, = nyob rau hli txooj = 10, 22, = Nas lub zim txwv sawv nres hlis, yog lub 4, hlis ntuj.

    Nas lub zim txwv sawv nres xyoo, nyob rau cov xyoo no yog, Nas xyoo,
    Nas xyoo yog --1924, 1936, 1948, 1960, 1972, 1984, 1996, 2008, 2020

    Nyeej sawv ntawm Nas lub sawm yeej coj cwj pwm sawv nres

    Txom nyem tsis muaj noj, tau noj ces noj loj heev, muaj lus xaiv lus xov txom, muaj zoo laj lim cwj pwm nrawm, hais lus hauv niag neeg tau zoo heev,

    tab sis zog me khaws noj khaws haus xwb, muaj ntsim nyiam ( ntaus hlau txias ), mus kev deb xyuam xim ib tsam tau ev kawm thiab mag yej mag ntxiab.
    Kev coj cwj pwm tus kheej ntawm Nas lub zim txwv txoj hmoo.

    Tus zeej keeb twg yug nyob rau Nas xyoo, mas nyob rau hauv zim keeb txoj hmoo coj cwj pwm ntawm nws tus kheej,


    Tus me nyuam twg yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( N ) nyob rau hauv nws lub npe thiaj yuav raug raws li nws txoj hmoov uas nws coj nrog nws los neeg rau lub ntiaj teb no.

    Nyeej kav ntawm Nas lub sawm yeej pov puag raws li keeb kwm

    Kev muaj mob hauj sim xwb, yog thaum twg mob lawm yuav tau ua neeb theej txhoj, thiab hu plig qhib thwv vim nas nyob hauv qhov xwb,

    yog mob mas nws kho nyuab kawg li thiab vim nas lub zim txwv no poob rau lub chib tsis tshua zoo li vim nas yog ib tug tsiaj txhoj puab heev, nws yuav xws nkauj li nas tus cwj pwm kiag ntag.

    Yug los Nas xyoo mas siav me heev, hais txog ntawm kev mob nkeeg mas tsis tshua muaj cawm seej, hais txog siv nas lub zim txwv mus yuav poj niam mas tus poj niam ntawd nyiam tub sab heev, hais kev ua lag luam yuav tau ceev faj kom zoo vim yuav muaj neeg nyiag yus os, hais txog kev ua tsov rog mas tsis muaj yeej vim nas lub hwj chim me heev, qhov zoo yuav tau siv lub tswv yim los hem luag xwb,
    Nas: = noj ua tau heev, khwv npaum li cas tsis txaus noj, muaj lus xaiv heev, muaj laj lim zoo heev, coj xeeb ceem nyiam txhoj puab heev, nyiam khiav yim plawv pliag rau ub rau no, hais txog yam khoom qias, lwj tsw, nyoos siav, los yeej tsis xyeej li, yeej noj tau tag nrho, tiam sis tsis txhob khaws luag qub ib tsam mag cuam koob ces kho siab nawb,

    xyuam xim txhob nrog luag sib cav sib ceg tsam luag cuab yej cuab ntxiab mag yus, thiab txhob mus ua tub sab , vim muaj ntxiab muaj yej ntau heev ib tsam ho mag ntxiab mag yej ces nyuab siab os,

    Leej twg yug rau nas hnub, nas hli, nas xyoo mas yuav tau xyuam xim txog kev plees kev yi, yog tsis xyuam xim ces kawg neej tawg xwb, vim nas no yog ib tug tsiaj nyiam noj txhua yam, hais kev plees kev yi mas nws yeej tsis xyeej leej twg li, Nws tus cwj pwm ces tsuas tos tsaus ntuj es mus tho luag qub noob qoob, noob tsa, xwb, vim muaj miv, muaj plas, muaj yej, muaj ntxiab, ntau heev yog taug tsis ncaj kab ces kawg poob ua luag zaub luag mov xwb, thiab muaj tsov muaj plis coob heev yog tsis xyuam xim ces kawg ua plis zaub os,

    Feem ntau neej puas yog kev plees kev yi xwb yog tswj kev plees kev yi ces lub cuab lub yig yeej muaj nrog luag ua xwb, qhov tseeb lub neej puas ces yog nws siv lub me tswv yim nrawm nrawm heev ntawd mus nyiag noj nyiag haus, tos luag hnov ces nws twb tsau plab lawm xwb,

    Lub me tswv yim ntawd ces yeej tsis muaj txog hnub yuav kav laus li vim tsuas nyiag luag noj tag ces ho nyiag dua xwb, qhov txhoj puab mas txhob heev rau txoj kev plees kev yi thiab, vim tus hauv tsev ntev tsis taus rau nws li lawm los nws yeej tsis quav ntsej tus hauv tsev,

    Qhov tseeb nws tus kheej yuav tau txwv nws tus kheej tsis txhob siv nws lub me tswv yim nrawm nrawm ntawd mus nyiag noj nyiag haus heev thiab txhoj txhoj puab, pheej ko nkawv nki yam niag tseg tsis tau li, yuav tau txwv tiag tiag ces neej zoo xwb,

    Yog tus kheej tsis pab tswj tus kheej ces pab tsis tau lawm, thaum kawg ces kawg poob mus khaum qab zeb qab ca xwb tiag, ces thaum ntawd muaj plis muaj plas, coob li os, xyov yuav li cas lawm lauj, nawb mog, hais txog kev ua nom ua tswv mas ua tsis tau nawb vim noj loj heev lub zog me heev mas thiaj yuav ua tsis tau nom tswv os nawb.

    Yeeb ncuab mas muaj coob heev, yus yuav tau xyuam xim heev txog txoj kev nrhiav noj nrhiav haus, kev tawm rooj, kev noj nyob tib si vim yus tus yeeb ncuab mas nyob txhua txhua thaj chaw li os nawb.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:38 pm



    Nyuj = Sam xeeb ntawm nyuj tus yeeb yam cwj pwm coj tus kheej



    Nyuj lub zim txwv sawv nres hnub nyob rau hli tab = 4, 17, 29, = nyob rau hli txooj = 11, 23, = Nyuj lub zim txwv sawv nres hlis, yog lub 5, hlis ntuj.

    Nyuj lub zim txwv sawv nres xyoo, nyob rau cov xyoo no yog, Nyuj xyoo,
    Nyuj xyoo yog - 1925, 1937, 1949, 1961, 1973, 1985, 1997, 2009, 2021

    Ceeb tshaj kav ntuj nrag ntawm nyuj lub sam xeeb sawv coj nres

    Huab cua tawv, yog tshav ntuj mas tshav kub heev yog los nag mas los tas hnub tsis paub tu tab sis los tsis loj heev vim nyob rau hnub no nyiam tshav ntuj ntau dua.

    Kev coj cwj pwm tus kheej ntawm Nyuj lub zim txwv txoj hmoo.

    Tus zeej keeb twg yug nyob rau Nyuj xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Nyeej sawv ntawm nyuj lub sawm yeej coj cwj pwm sawv nres

    Lub zog loj heev, neej thiab dab los yeej ntshai, tiam sis yog sib cav sib ceg mas tsis muaj leej twg cheem tau li.

    Raug neeg pej kum luab lim heev, Nom tswv nyiam heev vim nyuj muaj kub pab nrau, muaj chov fom los ntawm tej laus qhua ntxa yuav tau ua neeb mus kho, yuav tau ua nom ua tswv, yus khwv los ntawm muaj peev xwm xwb. Noj tsis txob hnav los tsis txhawj vim nws muaj lub laj lim tswv yim zoo khwv txaus nws noj nws haus lawm tsis txhawj dab tsi li.

    Tus me nyuam twg yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( NY G ) nyob rau hauv nws lub npe thiaj yuav raug raws li nws txoj hmoov uas nws coj nrog nws los ua neeg rau hauv lub ntiaj teb no mas nws ua dab tsi thiaj yuav tau raws li nws siab xav nawb.

    Yug los Nyuj xyoo mas siav loj heev, hais txog ntawm kev mob nkeeg mas cawm seej muaj thiab, hais txog siv nyuj lub zim txwv mus yuav poj niam mas, tus poj niam ntawd nquag heev thiab zoo kawg,
    hais txog kev ua lag luam mas yuav nqis peev kom ntau thiaj yuav tau paj laum raws siab xav, hais txog kev mus ua tsov rog mas nws kuj muaj yeej thiab vim nyuj no zog loj thiab nyuj muaj kub nrau hos

    Nyuj: = lub zog loj heev ua nom ua tswv los luag hwm laj fab toob fab koj muaj peev xwm tswj tsav tau, yog siv lub zog xwb, thiab tawv ncauj heev nws yuav nws siab xwb, tab sis hma thiab tsov coob heev, ceev faj tsis txhob tawg npoj, thiab tsis raug luag noj, tsis txhob tawg pab thiaj tsis raug luag cab, yuav tsum hwm tswv thiaj tsis raug tsov kwv nawb mog, yog yus tau nom mas yuav tau hlub cov siv sawv thiab xyuam xim tsam luag muab yus chaws ntswg, ua dab tsi tsis tos luag lwm tus li yeeb ncuab yog tus coj yus, xyuam xim thiaj tsis raug coj hlua.

    Feem ntau yog yug rau nyuj xyoo mas tawv heev, feem ntau nws tsis tshua yuav leej twg hais li nws tsuas yuav nws tus kheej siab xwb, hais tsis tshua tau vim nyuj yog ib tug tsiaj muaj zog heev thiab, tsis ntshai leej twg li nws muaj kub zoo nws tsuas yog xav peem li nws nyiam xwb,

    Nyob rau nyuj hnub, nyuj hli, nyuj xyoo mas ua dab tsi los kuj tau raws li lub siab xav thiab vim nyuj yog ib tug tsiaj siab tawv, tsis ntshai, nyob tau chaw qhuav, nyob tau chaw ntub, noj taus zaub qhuav, noj taus zaub nyoos mas nyuj yeej yog ib tug tsiaj muaj peev xwm heev

    Koj nqis peev loj yeej tau ntau, koj peev me tau me thiab tiam sis yuav tau ceev faj txog fab tswv kav haiv thiab mus rau fab vaj huam, ua dab tsi yuav tau poo npoj xwb thiaj yuav zoo nawb,

    Yog tsis ceev faj es pheej lam tawg npoj sais raug luag noj, yog tawg pab ces yeej raug luag cab, vim koj ib txwm yeej muaj hlua khiab hlua ntswg, thiab luag yeej soj koj qab taug koj lw txhua lub caij nyoog os nawb,

    Yog koj yug rau nyuj lub zim keeb lawm koj yuav tau mloog niam mloog txiv lus, yuav tsum nyob nraim niam txiv lub hwj chim kav coj, yog koj tsis mloog es koj pheej lam mloog luag haub, sais feem ntau kawg poob ua luag zaub, yog tsis mloog ces luag tuav tau koj hlua khiab hlua ntswg ces kawg tau cab luag laub, thiab laij luag liaj, thaum ntawd tsis muaj leej yuav pab tau os nawb,

    Qhov tseeb yog yug rau nyuj lub zim keeb ces tsis txhob tawv tawv xwb thiaj yuav pab tau koj raws li koj lub siab xav yuav tau mloog lwm tus hais thiab qhia yus es yus thiaj muaj npoj yaig txhawb nqa yus txhua txhua lub caij nyoog,

    hais txog kev ua nom ua tswv mas kuv zoo thiab tab sis yuav tau txhob yuav nws siab xwb, yuav tau yuav tag nrho ib tsoom npoj yaig siab mas thiaj yuav tsis plam meej mom vim yus tus kheej yeej tawv txaus tiam sis yeeb ncuab tseem tos yus kev tshuav thiab os nawb.

    Yeeb ncuab ces yog yus cov phooj ywg thiab nom tswv xwb, vim hais tias txoj kev sib txeeb vaj huam thiab kev coj noj coj ua, txog kev nam nrim xwb, yus yuav tau xyuam xim txog txoj kev raug luag dag noj dag haus thiab kev ntxiam yus tawg npoj xwb os nawb.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:40 pm



    Tsov =Sam xeeb ntawm tsov tus yeeb yam cwj pwm coj tus kheej

    Tsov lub zim txwv sawv nres hnub nyob rau hli tab = 6, 18, 30, = nyob rau hli txooj = 12, 24, = Tsov lub zim txwv sawv nres hlis, yog lub 6, hlis ntuj.

    Tsov lub zim txwv sawv nres xyoo, nyob rau cov xyoo no yog, Tsov xyoo,
    Tsov xyoo yog - 1926, 1938, 1950, 1962, 1974, 1986, 1998, 2010, 2022

    Nyeej kav ntawm Tsov lub sawm yeej sawv nres

    kev mob mas yuav mob loj, yuav tau ua neeb fab laj thiaj zoo, vim poob rau lub nyeej thawj mob lawm, yog mob mas mob rau kev txhaum txheej thiab muaj chov fom thiab muaj neeg phem siv xwb los yog muaj vij npog xwb.

    Tus me nyuam twg nws yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( Ts X ) nyob rau hauv nws lub npe thiaj yuav rau raws li nws txoj hmoov uas nws coj nrog nws los ua neeg rau hauv ntiaj teb no.

    Kev coj cwj pwm tus kheej ntawm Tsov lub zim txwv txoj hmoo.

    Tus zeej keeb twg yug nyob rau Tsov xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Ceeb tshaj kav ntuj nrag ntawm Tsov lub sam xeeb sawv nres

    Huab cua loj heev, los nag loj muaj cua nrog, tshav ntuj kub muaj cua nplawm ntws tas mus li xwb raws qee suam xwb vim suam twg muaj nag ces yeej muaj cua hos suam tshav ces tshav laj ntxiag xwb tiag.

    Nyeej sawv ntawm Tsov lub sawm yeej coj cwj pwm sawv nres

    Sawm yeej ntawm tso loj thiab nyaum heev, txhua yam ntshai thiab hwm tsov lub hwj chim nyeej sawm, ua qoob loo zoo tsis xwm yeem, nws yuav zoo qee suam raws li tsov lub yeeb yam, thaum tshaib tsis muaj noj li thaum tau noj ho muaj ntau heev, nyiam mus kev deb, muaj lus xov txom heev, tau ua tus coj vim hmoov los ntawm tab zag txoj hmoov txhawb xwb.

    Nyeej sawv ntawv Tsov lub sawm yeej pov puag li keeb kwm

    Muaj mob mas mob heev, zoo sai, hais txog txoj kev qaug, feem ntau yog luag tua, txawm tsis tuag los yuav raug sab heev, thiaj muab piv rau zim keeb txoj hmoo raws li tsov tus cwj pwm.

    Nyeej kav ntawm Tshov lub sawm yeej sawv nres

    Huab cua loj heev, tiam sis muaj tsawg heev, tab sis ua rau txaus ntshai, vim muaj thaug twg ces yog cua daj cuab dub muaj zog heev, yog los nag yuav tsum muaj cua los nrog tas mus li xwb thiab muaj xob nroo nrog tas mus li xwb,

    Zoo raws li tsov lub hwj chim coj cwj pwm kiag ntag thiab, ho tshav ntuj mas kuj ho tshav qee suam xwb tiam sis, kuj muaj tshav kub heeb thiab vim zoo tsis xwm yeem li

    Ua qoob loo los yeej zoo raws nraim li tsov lub yeeb yam xwb vim hwj chim loj tiam sis hmoov phem heev,

    Yug los rau Tsov xyoo mas siav loj heev, hais txog kev mob nkeeg mas tsis tshua muaj cawm seej vim tsov nrhiav noj hmo ntuj xwb yuav tau ua neeb yav hmo ntuj thiaj yuav mus raws tau tus ntsuj duab ntsuj hlaus, hais txog kev ua lag luam mas nws tau tsis xwm yeem thaum tau cem tau ntau hos thaum tsis tau ces tseem poob peev thiab vim luag hais tias ua tsov tsaib tsov tsau xwb no, hos hais kev ua tsov ua rog ces muaj yeej ntau xwb vim tsov lub hwj chim loj heev , pib thaum twg ces yeej thaum ntawd xwb,

    Tiam sis tsis txhob siv hwj chim los quab yuam luag heev vim yus tus kheej muaj caij zoo muaj caij phem thiab feem ntau yuav yog nquag thiab siv zog thiaj yuav tau noj ywj siab,

    Tsov: = sawm yeej loj nyaum heev, txhua yam ntshai yus tab sis muaj noj muaj haus tsis xwm yeem, thaum tau noj ces noj seem thaum tshaib mas muab tsis tau qhov twg los li, vim hais tias ua tso tshaib tso tsaus xwb,

    tsis koom npoj tsis muaj kwv luag thiab nyob tsis muaj chaw, mus kev deb tas li xwb, yuav tau ua nom yog tab zag txhawb nqa yus xwb, hais lus hem moj, tso khav thawj luag ntshai heev, tsuas zoo rau hem moj xwb,

    hais txog kev ua nom ua tswv mas kuv zoo thiab vim muaj hwv cheej loj tiam sis txoj hmoov zoo tsis xwm yeem muaj ntsis txom nyem fab nyiaj txiag thiab kev vaj huam, vim luag muaj ntsis tsis xav txhawb yus, vim yus muaj ntsis khav theeb heev, ua rau luag muaj kev tu siab txog fab meej mom me ntsis xwb.

    Yus tus yeeb ncuab mas feem ntau yog phooj ywg thiab nom tswv nag os, vim txoj kev sib txeeb vaj huam ces luag nrhiav kev cov nyom los tshuam yus kom yus plam txoj kev zoo ntawm yus mus kom tag xwb tiag.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:41 pm



    Luav = Sam xeeb ntawm Luav tus yeeb yam cwj pwm coj tus kheej



    Luav lub zim txwv sawv nres hnub nyob rau hli tab = 7, 19, = nyob rau hli txooj = 1, 13, 25, = Luav lub zim txwv sawv nres hlis, yog lub 7, hlis ntuj.

    Luav lub zim txwv sawv nres xyoo, nyob rau cov xyoo no yog, Luav xyoo,
    Luav xyoo yog -1927,1939, 1951, 1963, 1975, 1987, 1999, 2011, 2023

    Nyeej sawv ntawm Luav lub sawm yeej coj cwj pwm sawv nres

    Zoo heev li tab sis qeeb siab, caum tsis cuag luag lwm tus, nom tswv nyiam, ua dab tsi luag pab yus txhawb nqa, txom nyem fab nyiaj txiag, tus neeg yuav muaj nws yuav nws siab xwb.

    Nyeej kav ntawm Luav lub sawm yeej pov puag sawv nres

    nws muaj nyeej mob nyeej nkeeg yog mob lawm yuav tau kub siab kho tiag tiag mas thiaj zoo, vim nws yuav mob laug niaj laug xyoo ntev heev thiab pheej mob qaug txaj xwb ,

    Kev coj cwj pwm tus kheej ntawm Luav lub zim txwv txoj hmoo.

    Tus zeej keeb twg yug nyob rau Luav xyoo, mas nyob rau hauv zim keeb txoj hmoo coj cwj pwm ntawm nws tus kheej,

    tiam sis nws tsis tuag yooj yim vim luav yog ib tug tsiaj pw xyoo thiab pw hnub mas yuav tau kho tiag xwb. Tus me nyuam twg yug rau xyoo no, koj yuav tis nws lub npe mas koj yuav tsum muaj tus niam ntawv no ( L- R- K ) nyob rau hauv nws lub npe thiaj yuav raug raws li nws txoj hmoov uas nws feeb coj nrog nws los ua neeg rau hauv ntiaj teb no.

    Ceeb tshaj kav ntuj nrag ntawm Luav tus cwj pwm pov puag
    Huab cua tsis muaj li vim yog tshav ntuj mas yuav tshav kuj heev hos los nag ces kuj los hauj sim xwb vim Luav yog ib tug tsiaj nyiam nyob chaw qhuav xwb

    Yug los rau Luav xyoo mas siav ntev heev, hais txog kev mob nkeeg mas cawm seej kuj muaj thiab tiam sim nyiam mob laug niaj laug xyoo heev, hais txog siv Luav lub mus yuav poj niam mas zoo heev vim siab ntev hais lub zoo thiab nquag heev, hos hais txog kev ua lag luam mas muaj paj laum qeeb heev, hais txog kev ua tsog rog mas kev muaj yeej yuav tau siv sij hawm ntev los nrog luag sib cuam tshuam thiaj yuav yeej, yuav tau caiv kev plees kev yi tsis txhob nrog luag lam zij ncaug ntxi muag kiag thiaj yuav nyob nyab xeeb nawb mog,

    Luav: = Nyob rau hauv luav xyoo mas muaj hwj chim zoo heev, tab sis qeeb siab ua dab tsi caum tsis cuag luag lwm tus, nom tswv nyiam yus ua dab tsi muaj tus pab xwm yeem, tab sis txom nyem fab nyiaj txiag me ntsis,

    feem ntau nws yuav nws siab lawm xwb, thaum luag yuav yus zog luag mam pub yus noj thiab qhuas yus, tau ua luag tub tiag npab tiag tes, luag nyiam txib yus heev thaum noj luag tsis nco txog yus pes tsawg thiab cia yus saib nyob yam plhws tes plhws taw qhuav nyob do pes dus xwb,

    Luav hnub, luav hli, luav xyoo mas ua dab tsi los yeej caum tsis cuag luag vim luav yog ib tug tsiaj qeeb siab heev, kev ua lag luam los tau tsis xwm yeem, hos sawv kev mus yuav poj niam los yeej tsis zoo thiab vim siab qeeb txoj hmoov me heev, hais txog cawm seej mas muaj thiab tab sis yuav qeeb heev thiaj yuav tiav lub luag dej num tau,

    Yuav tau xyuam xim txog fab kev txhoj puab vim hais tias muaj ntsis phob fab me ntsis, yog tsis xyuam xim sais mag qhaub mag hlua sai heev, thiaj ceeb toom rau koj tus uas yug rau xyoo no kom paub meej es koj thiaj yuav zam tau dhau os nawb,
    Txhua tus yeeb ncuab uas taug koj qab thiab soj koj lw ntawd mas koj yeej tsis muaj lub cib fim yuav yeej nws li vim hais tias lub zog me heev, thiab koj qeeb heev, yog luag pom koj thaum twg ces kawg ua luag zaub luag mov xwb, qhov yuav zam tau dhau ntawm koj tus yeeb ncuab ces tsuas yog mloog niam mloog txiv lus xwb es tsis txhob tawg npoj, thiaj tsis raug luag noj, tsis txhob raug luag haub thiaj tsis poob ua luag zaub xwb tiag,

    Qhov luag tsis nyiam koj mas tsuas yog li no xwb, ib yog koj qeeb siab, ob yog koj pheej noj luag tes xwb, peb yog qhov tias koj pheej tos luag sawv kev ua ntej xwb, plaub yog qhov koj tsis kam ntaus lub thawj, ces luag thiaj tsis nyiam koj li kiag es luag tau noj luag thiaj tsis nco qab hais tias muaj koj no nas,

    Hais txog fab kev plees kev yi mas koj pheej nyiam muaj tug xwb ces luag muaj ntsis ntxub koj heev, vim thaum nyob nrog luag nyob mas koj lub siab xav koj ib yam lawm, hos thaum luag nyob nrog koj mas koj tsis kam luag txav ze ces luag tsis nyiam koj li os nawb,

    Hais txog fab kev ua nom ua tswv mas ua tsis tau nawb vim luav lub zog me thiab qeeb heev, yog ua nom ua tswv mas yuav tsis muaj hwv cheej loj ces yuav ua tsis tau os nawb. Yuav tsum ua luag npom xwb mas thiaj yuav zoo os nawb.

    Hais txog yus tus yeeb ncuab mas muaj coob heev, vim nom tswv kuj yog yeeb ncuab thiab os, vim yus qeeb heev ces luag tsis nyiam yus heev, luag tsuas nyiam yus thaum muaj txoj kev zoo xwb, thaum yuav noj yuav haus ces luag tsis nyiam yus lawm os nawb.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:42 pm



    Zaj = Sam xeeb ntawm Zaj tus yeeb yam cwj pwm coj tus kheej.



    Zaj lub zim txwv sawv nres hnub nyob rau hli tab = 8, 20, = nyob rau hli txooj = 2, 14, 26, = Zaj lub zim txwv sawv nres hlis, nres lub 8, hlis ntuj.

    Zaj lub zim txwv sawv nres xyoo, nyob rau cov xyoo no yog, Zaj xyoo,
    Zaj xyoo yog 1928, 1940, 1952, 1964, 1976, 1988, 2000, 2012, 2024

    Ceeb tshaj kav ntuj nrag ntawm Zaj lub sam xeem sawv coj.

    Huab cua zoo haum nyiam thiab, yog los nag no mas nws yuav los tas hnub ho yog tshav ntuj no nws ho yuav tshav ntau hnub heev, thiab nyob tau txias zias zoo hauj sim thiab os.
    Kev coj cwj pwm tus kheej ntawm Zaj lub zim txwv txoj hmoo.

    Tus zeej keeb twg yug nyob rau Zaj xyoo, mas nyob rau hauv zim keeb txoj hmoo coj cwj pwm ntawm nws tus kheej,

    sawv ntawm zaj lub sawm yeej coj cwj pwm sawv nres

    Muaj hwj chim zoo, muaj qhov zoo yeej txeem kawg li ua dab tsi tau raws nraim li lub siab xav tseg thiab, mus txog qhov twg los luag nyiam ib yam li keeb kwv keeb tij, yuav tau ua tus coj thiab muaj puam fab zoo heev txog fab hais lus thiab siv hwj chim los luag tsis mom txheej li thiab ua dab tsi los muaj yeej ntau dua qhov puas tsuaj thiab nawb.

    Tus me nyuam twg yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( Z-G ) nyob rau hauv nws lub npe thiaj yuav raug raws li nws txoj hmoov uas nws coj nrog nws los ua neeg rau lub ntiaj teb no.

    Yug los rau Zaj xyoo no mas siav loj heev, hais kev mob nkeeg mas cawm seej muaj coob, hais txog sib Zaj lub zim txwv mus yuav poj niam mas nyiam siv nyiaj loj heev, nyiam lus zoo ntau dua lus phem, ua neeg nyob muaj txoj hmoov zoo heev txog rau fab khwv nyiaj khwv txiaj, hais txog kev ua lag luam mas yuav tau nqis peev ntau los kuj tau ntau thiab vim Zaj lub cev ces yog nyiaj thiab kub xwb,

    hais kev ua tsov ua rog mas zoo heev muaj yeej ntau xwb vim hais tias luag hnov yus lub npe xwb ces luag twb khiav lawm,

    Zaj: Nyob rau hauv zaj xyoo mas muaj hwj chim loj heev, ua tau nom tswv coj noj coj ua, ua dab tsi tau raws li lub siab xav,

    mus txog qhov twg los luag txais tos yus yam keeb kwv keev tij, muaj puam fab zoo heev, yog tau ua tus coj mas cov uas yau dua yus nyob ntawm yus xub ntiag yeej hwm txhua txhia leej thiab txhua tus.

    Nyob rau zaj hnub, zaj hli, zaj xyoo, mas tawv heev, siab nyhav heev hais tsis mloog li, txib tsis tshua tau vim nws yuav mus ces sawv tsees mus kiag xwb hos tsis mus ces yeej tsis sawv taw li nag, yog leej twg yug rau xyoo no mas yuav tau xyuam xim txog fab kev siv nyiaj txiag, vim khwv tau ntau siv ntau thiab,

    Kev noj kev nyob muaj ntsis muaj teeb meem rau kev siv nyiaj txiag xwb ho kev ua nom ua tswv mas zoo heev, luag hwm yus txhua fab, hos kev ua lag ua luam mas zoo heev vim zaj lub cev yog nyiaj yog kub xwb, plig nyiaj plig kub nyob nrog nraim nws txhua lub caij lub nyoog hos,

    Hais txog kev ua tsov ua rog mas zoo heev, vim luag hnov yus lub npe xwb luag twb khiav lawm tag, hais txog kev yuav poj yuav sev mas zoo tsis tshua heev, vim nyiam siv luam thuam, noj luam thuam heev, hais txog tes dej tes num mas muaj ntsis qeeb siab xwb, thiab siab muaj ntsis nyhav xwb, khwv me kuj tau me, khwv ntau kuj tau ntau, thiab tsuas yog tsis tshua txawj txuag xwb
    es thiaj tau ceeb toom rau tus uas yug rau zaj xyoo los yog siv zaj lub zim keeb tsaws tes dej num xwb os nawb, Nyob rau zim keeb kev coj noj coj ua mas kuj coj tau nyiam thiab coj txias feem ntau, yog thaum ceev mas ceev dhau, hos thaum txias mas dhau, thaum kub mas ho muab kub dhau ciam, tias sis luag kuj yoog tau thiab, muaj phooj ywg tsawg, feem ntau raug phooj ywg rau tej tus uas hlub nws xwb,

    Leej twg yug rau xyoo no tsis nyiam poo npoj pes tsawg, nws nyiam nyob ib leeg ntau dua, nws txuag khoom siv heev, khuv xim txhua yam yog nws tug siab dav, siab dawb heev pub tau rau luag noj txaus, thaum luag tau noj lawm nyiam txib luag lub zog heev,

    Hais txog fab kev ua nom ua tswv mas zoo heev vim hais tias zaj lub zog loj thiab muaj hwv cheej loj, yog yus ua nom ua tswv ces luag tsuas muaj hwm yus xwb thiab txhawb yus xwb os nawb.

    Yus tus yeeb ncuab ces yog tib tug uas loj thiab siab tshaj yus xwb, yus yuav tsum tsis txhob pub yus lub hom phiaj rau tus nom tswv uas yog txheej siab tshaj yus ntawd paub ces yus yeej tsis muaj yeej ncuab li os nawb.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:43 pm



    Nab = Sam xeeb ntawm nab tus yeeb yam cwj pwm coj tus kheej



    Nab lub zim txwv sawv nres hnub nyob rau hli tab = 9, 21, = nyob rau hli txooj = 3, 15, 27, = Nab lub zim txwv sawv nres hlis, nres lub 9, hlis ntuj.

    Nab lub zim txwv sawv nres xyoo, nyob rau cov xyoo no yog, Nab xyoo,
    Nab xyoo yog 1929, 1941, 1953, 1965, 1977, 1989, 2001, 2013, 2025

    Nyeej kav ntuj nrag ntawm nab lub sawm yeej pov puag

    Huab cua muaj xwm yeem, Tab tom ua rau poob loo zoo los nag kuj los hauj sim thiab los zoo xwm yeem cua tuaj txias zias xwb ua rau neeg nyiam.

    Kev coj cwj pwm tus kheej ntawm Nab lub zim txwv txoj hmoo.

    Tus zeej keeb twg yug nyob rau Nab xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Nyeej sawv ntawm nab lub sawm yeej coj cwj pwm sawv nres

    Zoo kav tsis ntev, muaj txaus noj txaus haus xwb tsis muaj seem li, tau noj , noj tsau heev, hais lus tsis tshua haum kwv luag, xav ua ib tug kheej xwb, Yuav tau xyuam xim tsam raug luag ntaus.

    Tus me nyuam twg nws yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( N- G ) nyob rau hauv nws lub npe thiaj yuav raug raws li nws txoj hmoov uas nws coj nrog nws los ua neej, nws dab tsi thiaj tau raws nws siab nyiam thiab

    Yog muaj mob yuav tau theej txhoj thiab txog mov tus plig mus poob rau hiav looj teb hiav siv chaw lawm, muaj kev thawj thiab thawj thw, mob laug caij laug nyoog, laug niaj laug xyoo, yuav tau siv sij hawm ntev kho thiaj li zoo.

    Yug los rau Nab xyoo no mas siav ntev heev, hais txoj kev muaj mob mas cawm seej tsis tshua muaj vim nab nyob qhov ntau xwb mas feem ntau yuav tau sib zog heev thiaj yuav kho tau, ua neeg yug rau xyoo no mas tsis nyiam phooj ywg coob, muaj hmoov khwv nyiaj khwv txiaj, ua neeg nyob mas nplaum heev, lwm tus vam khom tsis tshua tau,

    hais txog siv Nab lub zim txwv mus yuav poj niam mas tsis tshua zoo vim nws tsis yuav leej siab li nws tsuas ua li nws lub siab xav xwb, hos hais kev mus ua lag luam mas zoo heev,
    vim Nab lub cev yog npib nyiaj npib kub xwb, mus thaum twg tau noj thaum ntawd, nqis peev ntau los yeej tau hos nqis peev me los yeej tau,

    hos hais txog kev ua tsov rog mas muaj yeej thiab vim hais tias nab yog ib tug tsiaj nplua thiab ntaug heev nrawm thiab ceev heev,

    Nab: Nyob rau hauv nab lub xyoo no mas kev zoo kav tsis ntev, yeeb vim hais tias nab yog yam tsiaj uas noob neej thiab noob tsav nyob rau ntiaj teb yeej tsis nyiam nab li.

    Yuav tsum nyob hauv tsev ntau xwb txhob mus yos kev deb thiab tsis txhob tuam yim ua tej yam uas nyob chaw do ib tsam raug luag ntaus.

    Khwv txaus noj txaus hauv xwb, Thaum tau noj kuj tsau heev thaum tshaib mas tshaib heev. Vim tsis nyiam khwv khaws cia li tsuas nco txog khwv rau hauv lub qhov ncauj xwb Hais lus tsis haum lwm tus li thiab nyob tsis muaj kwv luag li,

    Hais txog kev ua nom, ua tswv, mas luag tsis txhawb yus li vim tsis muaj phooj ywg coob, hais txog kev ua lag ua luam mas zoo heev, vim plig nyiaj plig kub nyob nrog nraim nws txhua lub ciaj, hais txog fab kev ua tsov, ua rog mas, kuj muaj thiab vim luag yeej ntshai yus heev thiab, yuav ceev faj ib tsam luag ho txiav tau yus ko tw xwb,

    Hais txog kev yuav poj, yuav sev, mas vim qus heev, yuav tau npliag tas mus li vim nws nplua thiab ntaug heev, thiab nrawm heev, es nws tsis tshua nyiam hais, thiab tsis tshua nyiam qhia, yuav tau ywj nws ntau dua,

    Keeb coj noj, coj ua mas tsiv heev, thiab nyiam siv hwj chim los hem luag ntau dua, thaum txias mas txias dhau lawm, thaum kub mas kub dhau lawm vim nws lub siab zoo thiab kob xwb heev,

    Laj lim tswv yim mas ntse tshaj plaws feem ntau ntawm kev nruam sim mas yog raug luag txov yus xwb, mas yuav tau ceev faj txog ntawm tus yeeb ncuab soj yus qab taug yus lw ntawd xwb, tsis muaj kev phom tshij dab tsi li os nawb mog,

    Hais txog fab kev ua nom ua tswv mas kuj zoo thiab tab sis vim yus yuav yus tus kheej xwb ces ua rau luag tsis nyiam txhawb yus li, qhov zoo heev mas yus tsuas sawv kev los rau txoj kev ua lag luam xwb mas thiaj yuav zoo tshaj rau yus lub neej lawm yav pem suab os nawb.

    Yus tus yeeb ncuab ces twb yog nom tswv nag, yus yuav tau xyuam xim txog kev tawm rooj thiab kev khiav dej num txhua yam os nawb, vim luag yeej tsis nyiam yus thiab luag tsuas cem thiab ntxub yus xwb os nawb.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:44 pm



    Nees = Sam xeeb ntawm nees tus yeeb yam cwj pwm coj tus kheej,



    Nees lub zim txwv sawv nres hnub nyob rau hli tab = 10, 22, = nyob rau hli txooj = 4, 16, 28, = Nees lub zim txwv sawv nres hlis, nres lub 10, hlis ntuj.

    Nees lub zim txwv sawv nres xyoo, nyob rau cov xyoo no yog, Nees xyoo,
    Nees xyoo yog 1930, 1942, 1954, 1966, 1978, 1990, 2002, 2014, 2026

    Ceeb tshaj kav ntuj nrag ntawm nees lub sam xeeb sawv coj.

    Huab cua muaj hauj sim xwb, muaj cua txias tsis sov tab tom haum neeg ntiaj teb lub siab nyiam ua rau xwm yeem laj ntxiag, Vim nees yog ib tug tsiaj uas nyiam nyob chaw qhua ntau dua thiaj yog qhov zoo luag nyiam yus heev.

    Yog poob rau nees lub zim txwv lawm yuav tau kub siab tiam sis hnub no nws kuj zoo vim tus neeg zoo yog tus yuav pab koj xwb,

    Kev coj cwj pwm tus kheej ntawm Nees lub zim txwv txoj hmoo.

    Tus zeej keeb twg yug nyob rau Nees xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Nyeej sawv ntawm nees lub sawm yeej coj cwj pwm sawv nres

    Nees muaj sam xeeb heev vim nees pab lis qav num, muaj laj lim txaus ua taus nom tswv, Siab ncaj ncees kob xwb, Nyiam kev sam hwm koob hmoov, nyiam fab kev lag luag ntau tshaj dua, siab sib heev thiab nquag heev, txawj xav siab ntev zoo.

    Tus me nyuam twg nws yug rau xyoo no, koj yuav tis nws lub npe mas yuav tsum muaj tus niam ntawv no ( N M ) nyob rau hauv nws lub npe thiaj yuav raug raws li nws txoj hmoov uas nws coj nrog nws ua neeg nyob

    Nyeej kav ntawm nees lub sawm yeej pov puag raws li keeb kwm

    Muaj mob hauj sim xwb tab sis tau mob lawm kho nyuaj vim lub hwj chim nees, dab nees txaij nees kuas,
    yog cua los txeem tsev, yuav tau ua neeb xa cua thiaj yuav zoo, yuav tau ua neeb nyav heev vim nees hnub ces muaj hwj chim phem rau kev muaj mob, yuav kho nyuab heev, yuav tau mob siab kho tiag tiag thiaj yuav zoo tau rov los, Yug los rau Nees xyoo no mas siav loj heev, hais txog kev mob nkeeg mas tsis tshua muaj cawm seej vim hais tias Nees lub zim txwv no muaj ntsis phem heev, yuav tau caiv tsis txhob nrog luag ntaus kev plees, yog tsis caiv ces muaj ntsis plam neej, kev luag yaum yus ceev faj heev, ib tsam raug luag sam xauv rau qhov ncauj nawb,

    Vim muaj vij dab vij npog loj los paug rau hauv tsev mas yuav tau tsawv neeb tuaj ua thiaj yuav tau hos lam tau lam hu xwb mas tsis tshua haum nawb, Hos ho siv Nees lub zim txwv no mus yuav poj niam mas zoo heev vim tus poj niam ntawv nyiam nquag thiab nyiam zoo heev thiab coj cwj pwm los haum tub haum roog, haum niam haum txiv thiab haum nom haum tswv vim hais tias Nees yog ib tug tsiaj nom tswv nyiam heev,

    Hais txog kev ua lag luam mas tsis tshua zoo vim hais tias Nees no nws ev ib nras mas Nees tau noj ib tshob xwb, kev nqis peev ntau thiab tsawg los yeej poob peev xwb, qhov zoo ces tsis txhob ua lag luam xwb,

    Hais txog kev ua tsov ua rog mas muaj yeej thiab vim nees yog ib tug tsiaj luag siv los ntaus tsov ntaus rog, kev muaj yeej mas los ntawm yus lub peev xwm,

    Txawm siv zog loj zog me los yeej muaj yeej ntau vim Nees yog ib tug tsiaj khiav ceev thiab khiav nrawm heev tsis muaj leej twg yuav caum tau qhov tseeb ces yuav tau tsis txhob mloog luag ntxias xwb ces yeej muaj txoj hau kev tau txais txiaj ntsim xwb,

    Nees: Nyob rau hauv nees xyoo no mas zoo heev yus mus txog qhov twg los luag nyiam heev.yeeb cim yog nees lub zog muag thiab mloog lus raws li luag txib nws, siab ntsws maj rawm tsis tos leej twg txhib.

    Ncaj ncees kob xwb nyiam kev sam hwm koob hmoov. Tsis nyiam ua noj ua haus nyiam ua lag luam nrhiav noj ntawm lub tswv yim. Ev nra ua tau heev nyiam kev pheej xeeb. Muaj mob kho nyuaj vim muaj hwj chim nees dab nees nraug, nees txaij nees kuas.yuav tau ua neeb xa tus cua ua ntej mam kho tom qab mas thiaj yuav zoo vim tus cua yog qhov ua npog loj rau hnub ntawd kiag lawm mas yuav tau kub siab tiag tiag thiaj yuav zoo tau los.

    Hais txog kev ua nom ua tswv mas tsis zoo nawb vim luag txheej hlob tsuas xav txib yus lub zog xwb, thaum luag tsis muaj dej num tseem ceeb lawm ces luag tsis paub txog yus lawm mas qhov zoo dua mas yus yuav tsum ua luag npom zoo dua ua luag nom nawb.

    Yus tus yeeb ncuab ces twb yog nom tswv nag, yus yuav tsum xyuam xim txog thaum yus mus leg nom tswv li dej num os nawb, yog yus tsis xyuam xim ces tus yuav muab yus hlawv ces yog nom tswv nag os, kev leg luag li dej num mas yuav tau ncaj ncees tiag tiag os vim muaj nom tswv soj yus qab taug yus lw tas mus li xwb os nawb.


    Last edited by Hmong ntuj tshiab on 22nd June 2011, 10:59 pm; edited 1 time in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:45 pm



    Yaj = sam xeeb ntawm yaj tus yeeb yam cwj pwm coj tus kheeej...



    Yaj lub zim txwv sawv nres hnub nyob rau hli tab = 11, 23, = nyob rau hli txooj = 5, 17, 29, = Yaj lub zim txwv sawv nres hlis, yog lub 11, hlis ntuj.

    Yaj lub zim txwv sawv nres xyoo, nyob rau cov xyoo no yog, Yaj xyoo,
    Yaj xyoo yog 1931, 1943, 1955, 1967, 1979, 1991, 2003, 2015, 2027

    Nyeej sawv ntawm Yaj lub sawm yeej coj cwj pwm sawv nres

    Yaj xyoo, lub xyoo no zoo heev, ua dab tsi los tsis muaj plaub ntug, Tsuas muaj sawm yeej xwb vim ob sab zoo ib yam nkaus. Txawj hais lus haum siab mus txog twg los luag nyiam zoo, muaj hmoo zoo heev, tshav tsis kub nag tsis ntub, Vim yaj cev plaub tuab heev.

    Tus me nyuam twg yug rau yaj xyoo no, mas yuav kom zoo tshaj mas koj yuav tis nws lub npe mas yuav tsum muaj tus niam ntawv no ( S-H-Y- K ) nyob rau hauv nws lub npe thiaj yuav raug raws li nws txoj hnoov uas nws coj nrog nws los neeg nyob rau ntiaj teb no.

    Kev coj cwj pwm tus kheej ntawm Yaj lub zim txwv txoj hmoo.

    Tus zeej keeb twg yug nyob rau Yaj xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Nyeej kav ntawm Yaj lub sawm yeej looj loog pov puag.

    Tsis muaj mob tab sis tuag sai, yog tuag ces yuav yog cov laus thiab cov me nyuam me xwb, thaum ib nrab neej tsis tuag lawm,

    Ceeb tshaj kav ntuj nrag ntawm Yaj lub sam xeeb coj cwj pwm

    Huab cua muaj xwm yeem, Huab cua khiav ceev thiab laj ntxiag ntuj nag muaj yeej txeem thoob plaws xwm fab puaj meem ib yam nkaus xwb tsis muaj yam yuav ua rau puas tsuaj tau li os,

    Yog tshav ntuj mas tshav heev, yog los nag mas muaj cua daj cua dub nrog tas mus li xwb nws tsis qhuav kom yeej txeem vim yaj hnub mas hlawv teb kuj kub tsis zoo nws tsuas kub nplooj xwb tsis kub kav li thiab mas huab cua loj heev thiab ceev heev li nplawm tsis xwm yeem li, mas cua ntaus khaub zeeg kiv mus kiv los rau ub rau no xwb, los nag los yeej los tib yam nkaus li cov cua kiv ntawd xwb. Vim yaj cev plaub tuab heev nag kuj tsis ntub tshav kuj tsis kub mas nws thiaj tsis tshua zoo rau kev ua noj ua haus xwb. Yaj yog ib tug tsiaj uas neej dab los kuj nyiam ib yam nkaus mas sab twg los nws thiaj li feeb zim txwv kom mus sib luag zos nkaus xwb os nawb,

    Muaj ib feem mas neej dab los kuj ntshais nws thiab ntxub nws thiab ces thiaj li feeb nws lub sawm yeej zoo rau ob sab thiab phem rau ob sab ib nkaus os, Yug los rau Yaj xyoo no mas siav loj heev, tiam sis muaj ntsis tuag sai rau txoj kev phom tshij xwb, ua neeg siab zoo heev, nyiam txaj muag heev, muaj ntsis txhoj puab tiam sis nws kuj zoo thiab, tsuas yog siab muaj ntsis nrawm xwb os nawb,

    Hais txog ntawm kev mob nkeeg mas muaj cawm seej ntau, feem ntau ces tsuas yog raug dab xwb, tiam sis Hmoob yaj tsis txhob pib mob rau yaj hnub xwb ces yeej tsis ntshai li,

    Hais txog kev siv Yaj lub zim txwv no mus yuav poj niam mas zoo heev vim yog Yaj lub cev mas plaub tuab heev nag los tsis ntub hos tshav los kuj tsis kub thiab ces thiaj hais muaj hmoo zoo heev li os,
    Hais txog kev mus ua lag luam mas yeej muaj paj laum zoo vim hais tias Yaj cev plaub ces yog ntaub yog xov xwb, nqis peev npaum li cas los yeej tau li ntawd los thiab nawb,

    Hais txog kev ua tsov rog mas kuj muaj yeej thiab vim hais tias Yaj kuj muaj kub thiab yog yuav nrau li cas los yeej tau thiab tiam sis yuav tau saib raws li lub zog loj thiab me mam pib lub luag dej num mus xwb ces yeej tau txais txiaj ntsig xwb mas,

    Yaj : Nyob rau hauv yaj xyoo no mas zoo tshaj plaws ua dab tsi tsis muaj plaub tsis muaj ntug dab tsi los ua chaw nyuab siab, tsuas muaj yeej xwb, txawj qhoob txawj hais lo lus ua rau luag nyiam, yus mus txog twg luag txais tos yam li nom tswv,

    Ua dab tsi tsis txhawj vim muaj sawm yeej txaus. Tsis muaj mob loj tab sis tuag sai heev, yeeb vim txoj kev tuag yog kev phom tshij xwb, txoj kev puas tsuaj yog raug luag tua ntau los yog luag siv siab phem mas yuav tsis txhob tsim yeeb ncuab rau yus tus kheej thiaj tsis qhov phem rau yus li xwb,

    Hais txog kev ua nom ua tswv mas tsis zoo vim yus tsis muaj hwv cheej txaus ces yus tsuas ntshais luag xwb, qhov zoo mas yus yuav tsum ua luag npom xwb thiaj yuav tsis muaj kev luab lim yus tus kheej os nawb. Yus tus yeeb ncuab ces twb yog nom tswv nag, qhov tseeb ces yus yuav tsum hwm nom hwm tswv xwb thiab yus nyob li yog luag ib tug npom zoo xwb os nawb.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:46 pm



    Liab = Sam xeeb ntawm liab tus yeeb yam cwj pwm coj tus kheej.



    Liab lub zim txwv sawv nres hnub nyob rau hli tab = 12, 24, = nyob rau hli txooj = 6, 18, 30, = Liab lub zim txwv sawv nres hlis, nres lub 12, hlis ntuj.

    Liab lub zim txwv sawv nres xyoo, nyob rau cov xyoo no yog, Liab xyoo, Liab xyoo yog 1932, 1944, 1956, 1968, 1980, 1992, 2004, 2016, 2028

    Nyeej sawv ntawm Liab lub sawm yeej coj cwj pwm sawv nres

    Yam zoo kuj zoo txaus, Yam phem kuj phem txaus, Vim tias Liab nyob tsis muaj chaws li, luag nyiam thaum ntej xwb hos ntev mus ces luag tsis nyiam, luag muaj qhov ntxub, thiab tos luag noj luag haus xwb. Muaj laj lim zoo heev kawm txuj kawm ci tau zoo heev li,

    Tus me nyuam twg yug rau xyoo no, koj yuav tis nws lub npe mas yuav tsum muaj tus niam ntawv no ( L ) nyob rau hauv nws lub npe thiaj yuav raug raws li nws txoj hmoov uas nws coj nrog nws puag pem nywj vab los nyob rau hauv ntiaj no, thiab ua dab tsi thiaj tau raws li nws siab nyiam.

    Kev coj cwj pwm tus kheej ntawm Liab lub zim txwv txoj hmoo.

    Tus zeej keeb twg yug nyob rau Liab xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Nyeej kav ntawm Liab lub sawm yeej pov puag li keeb kwm

    Muaj mob lim xyiam heev, vim yog tim tswv ua xwb, ua neeb mus kho ntawm tim tswv xwb, rau qhov Liab yog tim tswv li tsiaj, feem ntau yog raug dab tim tswv xwb.

    ceeb tshaj kav ntuj nrag ntawm Liab lub sawm xeeb sawv coj.

    Huab cua nplawm mus muaj suam xwb, loj thiab nag tsis los yeej txeem, Nag los qee suam xwb, Nws muaj nag tsis xwm yeem, nws xav los lub caij twg los yeej cias li los nag xwb, tab sim los nag tsis loj thiab nag nrog cua ntau xwb tshav los kuj ntuas tshav ntuas nag,

    Yug los rau Liab xyoo no mas siav ntev heev, tiam sis muaj tsis muaj teeb meem rau txoj kev txhoj pob xwb yuav tau xyuam xim rau txoj kev txhob pob ces yeej tsis muaj dab tsi thiab, ua neeg yug rau xyoo no mas tes liab taw liab, zais siab heev, txhoj puab heev, hais txog fab kev nrhiav noj nrhiav haus mas zoo heev, yeej khwv txaus noj txaus haus li os tiam sis yog txiv neej no muaj ntsis nyiam kev plees, tab sis yuav tau caiv kom tsis txhob mus nrog luag ua xwb ces zoo xwb os nawb,

    Hais txog kev mob nkeeg mas cawm seej muaj thiab tiam sim muaj ntsis yog raug dab ntau xwb vim hais tias Liab yog dab tim tswv li tsiaj ces yog mob rau Liab Hnub ces yog raug dab tim tswv ntawm lub teb chaws ntawd ntau xwb, Hais txog siv Liab lub zim txwv mus yuav poj niam mas tsis tshua zoo heev vim hais tias Liab no nyiam tub sab heev thiab lim xyiam heev ces yog mus Liab lub zim txwv ces muaj ntsis zoo li Liab ntau xwb,
    Hais txog kev ua lag luam mas tsis tshua zoo vim hais tias yuav tau ceev faj kom zoo txog rau fab uas neeg dab yus tiab neeg nyiag yus, qhov yuav poob peev ces yog luag nyiag yus xwb,
    Hais txog kev mus ua tsov rog mas kuj muaj yeej thiab vim hais tias Liab no kuj yog ib tug tsiaj muaj kaus thiab tsiv heev, nws yeej tsis ntshai leej twg li thiab Liab yog tim tswv teb chaws li tsiaj ces yog yus tuaj tog nom tswv ces yus yeej xwb, vim muaj nom tswv pab txhawb nqa yus lawm,
    Liab: nyob rau hauv liab yxoo no mas zoo kawg tab sis yog phem mas phem heev li. yos taus heev ua dab tsi tsis muaj neeg nrog yus zeem tsam. Thaum ntej luag nyiam ntev mus luag tsis nyiam lawm

    Leeg twg yug rau liab hnub, liab hli, liab xyoo mas ntse heev thiab tawv heev rau fab kab mob kev nkeeg, txawm mob heev npaum li cas los nws yeej tsis qhia leej twg hais tias mob no li,
    Tes liab taw liab txhob puab heev, ua tau heev, khwv noj khwv hauv mas yeej tsis tos leej twg li, pom luag ua tau ces nws yeej ua tau thiab, luag tau noj los nws yeej tau noj thiab, muaj ntsis tawv ncauj hais tsis tshua mloog lus vim nws tsis nyiam qhia luag paub qhov tseeb,

    Hais txog fab kev plees kev yi mas muaj ywj siab ywj ntsws zoo heev tiam sis yuav tau xyuam xim txog txoj kev txhoj puab mus muab luag khoom noj es thiaj tsis mag luag nkuaj nawb mog,
    Ua dab tsi kuj tiav muaj pub tau luag noj thiab. Kawm dab tsi los kuj tau, us neeg nyob siab kub thiab lub hlwb khiav nrawm heev, txhoj puab kawg nkaus li, yuav xyuam xim tiag tiag thiaj tsis muaj kev txhaum plaub nawb..
    Kaum ob tug tsiaj no nws muaj sawm yeej txaus ib yam tab sis nws muaj qhov zoo qhov phem xwb. Kaum ob tug tsiaj no yawm saub teem haum haum xws li 6 tus yog tsiaj nyeg hos 6 tus yog tsiaj qus.
    Yeej sawv nyob rau hauv hnub, hli, xyoo, yeej muaj qhov zoo raws nraim li yam ntxwv thiab moj yam ntawm tus tsiaj, yog koj xam mas yuav tsum paub lub hnub nyoog ntawm cov tsiaj kom meej pem tseeb. Koj saib txog fab dab tsi los, koj yuav tsum xam kom raws tus thiab siab nws tus moj yam ntawm tus tsiaj mas koj thiaj yuav paub zoo tau raws siab xav ntawm koj yuav ntaus tsuam ntawd.

    Lub yeej txam ntaus tsuam txwv, xam chib caij nyoog nyob rau lub niaj lub xyoo raws li keeb tsuam txwv, caij nyoog zoo thiab phem nyob rau hauv neej dab lub sawm yeej, keeb txoj hmoo los ua neej nyob rau hauv ntiaj teb,
    Hais txog kev ua nom ua tswv mas zoo thiab tab sis vim yus tau ua nom no yus pheej xav nyob ntawm nom xub ntiag xwb ces ua rau nom ceeb laj ntsia yus heev li os nawb.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:48 pm


    Kev saib puaj txwm txij nkawm, los sib sau ua ib cuab ib yig.






    Thov ceeb toom rau ib tsoom uas tau muaj Phau ntawv no paub, kom koj paub qhov tseeb tias nyob rau ntawm ob tug tsiaj koom nyob rau hauv ib lub chav hauv lub yeej txam tsuam txwv no mas nws sib yuav ua txij ua nkawm tsis tau vim hais ua neej yuav tsis xyom hauj xyom seem,

    1, yug rau Qaib xyoo thiab yug rau Luav xyoo mas kev sib sau los ua txij ua nkawm xwb.mas tsis tshua xyom hauj xyom seem thiaj txwv tsis pub sib yuav

    2, yug rau Dev xyoo thiab yug rau Zaj xyoo mas kev sib sau los ua txij ua nkawm mas tsis tshua xyom hauj xyom seem thiaj txwv tsis pub sib yuav xwb.

    3, yug rau Npua xyoo thiab yug rau Nab xyoo mas kev sib sau los ua txij ua nkawm mas tsis tshua xyom hauj xyom seem thiaj txwv tsis pub sib yuav xwb.

    4, yug rau Nas xyoo thiab yug rau Nees xyoo mas kev sib sau los ua txij ua nkawm mas tsis tshua xyom hauj xyom seem thiaj txwv tsis pub sib yuav xwb.

    5, yug rau Nyuj xyoo thiab yug rau Yaj xyoo mas kev sib sau los ua txij ua nkawm mas tsis tshua xyom hauj xyom seem thiaj txwv tsis pub sib yuav xwb.

    6, yug rau Tsov xyoo thiab yug rau Liab xyoo mas kev sib sau los ua txij ua nkawm mas tsis tshua xyom hauj xyom seem thiaj txwv tsis pub sib yuav xwb.

    7, Leej twg yug rau Yaj xyoo thov tsis txhob yuav Hmoob yaj xwb hos Hmoob yaj tsis txhob yuav tus neeg yug rau Yaj xyoo xwb ces yeej zoo.

    8, Leej twg yug rau Nees xyoo thov tsis txhob yuav Hmoob muas xwb hos Hmoob muas tsis txhob yuav tus neeg yug rau Nees xyoo xwb ces yeej zoo.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:50 pm

    Thiab hais txog kab mob kev nkeeg los kuj ua tsis tau tus cawm seej thiab vim hais tias tus mob tsis txhob poob rau ib chav yeej txam, thiaj yuav cawm tau yog poob rau hauv ib chav cev yuav cawm tsis tau es hais rau nej paub tseeb,






    1, Tus mob chiv rau Qaib hnub Luag tuaj hu koj mus pab luag ua neeb saib rau luag tus neeg mob hnub luag tuaj ntawd yog Luav hnub mas tsis zoo li nawb, koj tsis tas mus ua li vim kho tsis zoo,

    2, Tus mob chiv rau Dev hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Zaj hnub mas tsis zoo li nawb, koj tsis tas mus ua li vim kho tsis zoo,

    3, Tus mob chiv rau Npua hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Nab hnub mas tsis zoo li nawb, koj tsis tas mus ua li vim kho tsis zoo,

    4, Tus mob chiv rau Nas hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Nees hnub mas tsis zoo li nawb, koj tsis tas mus ua li vim kho tsis zoo,

    5, Tus mob chiv rau Nyuj hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Yaj hnub mas tsis zoo li nawb, koj tsis tas mus ua li vim kho tsis zoo,

    6, Tus mob chiv rau Tsov hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Liab hnub mas tsis zoo li nawb, koj tsis tas mus ua li vim kho tsis zoo,

    7, Tus mob chiv rau Yaj hnub Luag tuaj hu koj mus pab ua neeb kho luag tus neeg mob, tus neeg mob ntawd yog Xeem yaj mas kho tsis zoo li nawb, koj tsis tas mus ua li, vim hais tias tsis muaj yeej rau fab cawm seej,

    8, Tus mob chiv rau Nees hnub Luag tuaj hu koj mus pab ua neeb kho luag tus neeg mob, tus neeg mob ntawd yog Xeem muas mas kho tsis zoo li nawb, koj tsis tas mus ua li, vim hais tias tsis muaj yeej rau fab cawm seej,

    Thiaj muab keeb tseg rau ib tsoom neeg sawv daws kom paub qhov tseeb txog kev cawm seej txhua fab, raws li txiaj keeb qauv cim los ntawm yawm saub li puav pheej tau teeb tseg rau ntiaj tib neeg ua kev kob xwb, ua moj kuab cawv cawm seej rau kab mob kev nkeeg,

    Thov koj yuav tsum to taub kom txog tej yam zoo li no thiaj yuav muaj yeej rau koj lub hom phiaj uas koj xav pab ib tug neeg twg.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 7:57 pm



    12 tug tsiaj sawv nres xyoo



    Peb txhua tus yeej muaj laj lim tswv yim tib yam nkaus tiam sis muaj qee leej tsis to taub xwb, Thov zam txim ntawm koj tus uas tau nyeem thiab saib phau ntawv no tag lawm, yog yam twg tsis raug chab raug chua no los thov koj sau ntawv tuaj qhia pab txhawb nqa thiab qhia peb ntxiv lawm yam tom ntej, peb zoo siab txais tos koj tsab ntawv txhua lub caij lub nyoog,

    Peb cov tub ntxhais kws txuj yeem thaj zoo siab tos txais nej cov laus tej lus cob qhia thiab qhuab ntuas peb haiv me Hmoob kom muaj lub neej zoo thiab vam meej li luag lwm haiv neeg os,

    Muaj ntau yam peb tseem sau thiab ua tsis tau zoo raws li nej nyiam los thov tsis txhob ua siab deb yeej meem tuaj pab peb kho kom zoo ntxiv mus es peb thiaj muaj teej muaj tug siv ua peb haiv neeg tug os nawb,

    Thov caw tsoom npoj yaig kws txuj los nrog peb koom tes thiab, vim peb me nyuam Hmoob ntsuag nyob thoob plaws rau lub ntiaj Teb no tseem poob qab heev caum tsis cuag luag lwm haiv neeg,

    Nas xyoo 1924, 1936, 1948, 1960, 1972, 1984, 1996, 2008, 2020

    Nyuj xyoo 1925, 1937, 1949, 1961, 1973, 1985, 1997, 2009, 2021

    Tsov xyoo 1926, 1938, 1950, 1962, 1974, 1986, 1998, 2010, 2022

    Luav xyoo 1927, 1939, 1951, 1963, 1975, 1987, 1999, 2011, 2023

    Zaj xyoo 1928, 1940, 1952, 1964, 1976, 1988, 2000, 2012, 2024

    Nab xyoo 1929, 1941, 1953, 1965, 1977, 1989, 2001, 2013, 2025

    Nees xyoo 1930, 1942, 1954, 1966, 1978, 1990, 2002, 2014, 2026

    Yaj xyoo 1931, 1943, 1955, 1967, 1979, 1991, 2003, 2015, 2027

    Liab xyoo 1932, 1944, 1956, 1968, 1980, 1992, 2004, 2016, 2028

    Qaib xyoo 1933, 1945, 1957, 1969, 1981, 1993, 2005, 2017, 2029

    Dev xyoo 1934, 1946, 1958, 1970, 1982, 1994, 2006, 2018, 2030

    Npuas xyoo 1935, 1947, 1959, 1971, 1983, 1995, 2007, 2019, 2031
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:02 pm



    Zaj lus uas yus txi yus tus xwm kab.





    Kev koj txi xwm kab mas nws muaj raws li nram no, peb txhua txhua xeem Hmoob yeej tsis txawv hlo li, tsuas yog pab Hmoob sua thiaj li txawv me ntsis xwb, vim hais tias lawv mas lawv txi tsheej khab, hos peb txi xwm kab xwb,


    Kev txi xwm kab hluas:

    Liaj txheej ( 1 )- yog Xwm kab los txhiaj xeeb,
    Nws yog txi tus xwm kab hluas, tus xwm kab hluas no ( yog xwm kab los txhiaj xeeb ) nws tsuas teev thaum yus tsis tau muaj cuab muaj yig xwb, tus no nws teev kom yus muaj phooj ywg zoo thiab yus nce tau los los nrog luag muaj cuab muaj yig xwb, tom qab koj muaj cuab muaj yig lawm koj teev tsis tau tus no lawm.


    Koj txi tus xwm kab hluas mas koj tsuas txi li no xwb:

    Plw!!!!!!!!!, plwb!!!!!!!! Plw!!!!!!!!, Laij tab thaj txum txaim yij choj laij pib tshuaj.Yum thaj txum txaim yij choj laij pib caw. fij txog li.Gu xwm kab los txhiaj xeeb, li xwm kab los zeej xeeb,

    Txaim mas yum li cuj ti. Chij laij lees tom tim txw li hooj xyi. Txaim mas yum li cuj ka.Chij laij lees tom tim txw li hooj xya.

    Txhav txheej mas yaws puam com. Txhav txheej mas yaws xya khai, Tshaj xyab mas yaws puaj tsum, Xyooj cib mas yaws yij kum.

    Fij txog li gu xwm kab los txhiaj xeeb li xwm kab los zeej xeeb. Laij Pov tom tsi kum li vauj vuab lwj nyw laij txaws ki cua, Pov tom li zeej xeeb laij txaws ki cua, pov tom li kib zeeg laij txaws ki cua, sawm tom li tuam los kib zeej keeb mas laij txaws ki cua,

    Gu mas lam suj mas lam hos, lam suj mas lam tej, li gu xwm kab los txhiaj xeeb li xwm kab los zeej xeeb,

    luag ntxhiav luag ntxhi los lees nyiaj txiag xyab ntawv los lees qaib lees noog. Los lees paj ntshiab paj hmoo, nyiaj txiag xyab ntaw, Tsiab peb caug hmo ntuj tuaj mas muaj thaj nyiag tshiab li khub, thaj kub tshiab khais, luag ntxhiav, luag ntxhi los tsaws thaj tsaws ntxhee,

    mas nruab hnub mas nej mus noj tsiab noj txu, mas hmo ntuj mas nej los kav thaj kav ntxhee , los kav lub vaj kom kav lub loog kom zoo nag os
    Yog ho muaj me tub me nyuam nphav rau nej mas mob tsis txog kuv mas tsis pub mob txog nej, nawb mas kav lub vaj kom kaj hos kav lub loog kom zoo ntag os.


    lor=red]]Koj txi xwm kab laus:


    Liaj txheej ( 2 ) – yog Xwm kab los yej, nws yog txi tus xwm kab laus, tus xwb kab laus no nws yog ( xwm kab los yej ) nws tsuas teev kom yus nrog luag muaj lag muaj luam thiab nrog luag khwv tau noj tau haus, nrog luag muaj nyiaj muaj txiaj muaj tub muaj ki coob.


    Kev txi xwm kab:

    Laij tab thaj txum txaim yij choj laij pib tshuaj.Yum thaj txum txaim yij choj laij pib caw. fij txog li.Gu xwm kab los yej, li xwm kab los pov txhiaj.

    Txaim mas yum li cuj ti. Chij laij lees tom tim txw li hooj xyi. Txaim mas yum li cuj ka.Chij laij lees tom tim txw li hooj xya.

    Txhav txheej mas yaws puam com. txhaj txheej mas yaws xya khai, Tshaj xyab mas yaws puaj tswm, Xyooj cib mas yaws yij kum.

    Fij tom li gu xwm kab los yej li xwm kab los pov txhiaj. Laij Pov tom tsi kum li vauj vuab lwj nyw laij txaws ki cua, Pov tom li tuam txhoj tuam khaw laij txaws ki cua, Pov tom li yeej mis ceeb mis yeej ntxws ceeb ntxws laij txaws ki cua,

    Sawm tom li tuam los pav lwm los pav laij txaws ki cua.Gu mas lam suj mas lam tej lam suj mas lam haum, lam suj mas lam hos, li gu xwm kab los yej li xwm kab los pov txhiaj,

    luag ntxhiav luag ntxhi los lees nyiaj txiag xyab ntawv los lees qaib lees noog, los lees paj ntshiab paj hmoo, los lees nyiaj txiag xyab ntaw. Tsiab peb caug hmo ntuj tuaj mas muaj thaj nyiag tshiab li khub, thaj kub tshiab khais, luag ntxhiav luag ntxhi los tsaws thaj tsaws ntxhee,los kav lub vaj kom kav lub loog kom zoo nag os

    mas nruab hnub mas nej mus noj tsiab noj txu, mas hmo ntuj mas nej los kav thaj kav ntxhee os mas muaj me tub me nyuam nphav rau nej mas mob tsis txog kuv mas tsis pub kom mob nej nawb mas kav lub vaj kom kaj hos kav lub loog kom zoo ntag os.


    Kev txi xwm kab Nom tswv:

    Liaj txheej ( 3 ) yog Xwm kab los pov, nws yog txi tus xwm kab nom xwm kab tswv, tus xwm kab nom tswv no nws yog ( xwm kab los pov ) nws tsuas teev kom yus nrog luag muaj vaj huam loj thiab yus muaj cai mus nrog luag ua nom ua tswv, nrog luag sib tw kev nrhiav noj nrhiav haus, sib tw lag luag loj,

    Zaj no yog koj txi tus xwm kab nom tswv mas koj yuav tau txi li no nawb,

    Plw!!!!!!!!!, plwb!!!!!!!! Plw!!!!!!!!, Laij tab thaj txum txaim yij choj laij pib tshuaj.Yum thaj txum txaim yij choj laij pib caw. fij txog li.Gu xwm kab los pov, li xwm kab los pov txhiaj.

    Txaim mas yum li cuj ti. Chij laij lees tom tim txw li hooj xyi. Txaim mas yum li cuj ka.Chij laij lees tom tim txw li hooj xya.

    Tshaj txheej mas yaws puam com., Txhav txheej mas yaws xya khai, tshaj xyab mas yaws puaj tsum, Xyooj cib mas yaws yij kum.

    Fij tom li gu xwm kab los pov li xwm kab pov txhiaj. Laij Pov tom tsi kum li vauj vuab lwj nyw laij txaws ki cua, Pov tom li tuam txhoj tuam khaw laij txaws ki cua, Pov tom li yeej mis ceeb mis yeej ntxws ceeb ntxws laij txaws ki cua, laij pov tom li yij kum sa mas laij txaws ki cua,

    Saws tom li tuam los pav lwm los pav laij txaws ki cua. Sawm tom li tuam los zeej laij txaws ki cua, Gu mas lam suj mas lam tej lam suj mas lam haum, lam suj mas lam hos, li gu xwm kab los pov li xwm kab pov txhiaj,

    luag ntxhiav luag ntxhi los lees nyiaj txiag xyab ntawv los lees qaib lees noog. Los lees paj ntshiab paj hmoo, Tsiab peb caug hmo ntuj tuaj mas muaj thaj nyiag tshiab li khub, thaj kub tshiab khais, luag ntxhiav luag ntxhi los tsaws thaj tsaws ntxhee, mas los kav lub vaj kom kaj, kav lub loog kom zoo nag,

    mas nruab hnub mas nej mus noj tsiab noj txu, mas hmo ntuj mas nej los kav thaj kav ntxhee os yog muaj me tub me nyuam poj lag tub yau nphav rau nej mas mob tsis txog kuv mas tsis pub kom mob txog nej nawb mas kav lub vaj kom kaj hos kav lub loog kom zoo ntag os.


    Zaj lus txi xwm kab ces tag li no nws muaj li no xwb nyob li luag cov txawj txawj ces luag yuav hais tau ntau yam thiab luag yuav hais tau zoo dua hos peb ces tsuas hais li no xwb nawb,[/size]


    Last edited by Hmong ntuj tshiab on 24th June 2011, 9:04 pm; edited 5 times in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:06 pm



    Kev yuav mus coj poj niam, los yog yuav pib yus lub cuab yig ntawm kev tab zag,



    Txoj kev kawm txog ntawm tus qauv uas yuav mus coj poj niam mas yuav tau coj tus cwj pwm li hauv qab no mas yuav tsum ua raws li liaj lwg thiab rhwv mwg nkawv txoj kev coj poj, coj sev, los tab yus lub cuab, lub yig ntawm kev txij nkawm.

    Yuav mus coj poj niam mas koj yuav tsum tau paub txog txoj kev yuav mus coj poj niam, koj yuav tau paub txog txhua yam muaj raws li nram no mas koj lub neej yuav nrog luag nyob plhuv, nyob kaj siab lug, vam meej ncoo ko.


    1, thaum koj mus txog tom koj tus hluas nkauj mas koj yuav tau qhia nws kom tag cov nqe lus nram no kom meej thiab kom nws yuav tsum tau ua raws li no koj thiaj li kam yuav nws,

    2, thaum nws tawm plaws hauv nws niam nws txiv lawv lub tsev los nrog koj los lawm nws yuav tsum qaim tes qho xwb tsis pub nws nqa ib yam khoom dab tsi li, tsis pub nws muab nws txhais tes mus kov ib yam nroj tsuag los yog nplooj ntsuab li, tsis pub nws lam cia li zaum ntawm tej tog kev uas tsis tau txog rau hauv koj lub tsev, nws tsuas zaum tau nyob hauv koj lub tsheb xwb, tsis pub nws muab tej tus tog pas khawb ub khawb no taug kev nrog koj los li, tsis pub nws hais kwv txhiaj los yog hu yas suab taug kev nrog koj los li, tsis pub nws quaj los yog seev uj iv taug kev nrog koj los li, tsis pub koj coj nws los nyob tom tej phaj los yog chaw ua si, yog koj coj nws los ua koj tus poj niam lawm ces yuav coj ncaj nraim los kom txog koj lub tsev xwb, tsis pub koj ua tsheb sib nraus li thiab yog koj thiab nws neb ua tsis tau npaum li no yam ces koj yuav tsum tau coj nws rov qab mus cia tom nws niam nws txiv lawv tsev koj mam rov teem dua sij hawm mus coj dua.

    3, Yog koj tsis ua li cov lus hais los saum no ces koj txawm yuav nws los neb lub neej yuav tsis zoo, vim tej kev txwv no yog tej kev uas yuav ua rau neb lub neej pem suab kom muaj kev puas tsuaj thiab los kua muag xwb, mas thiaj li muaj kev txwv kom tsis txhob ua li xwb.

    4, thaum koj coj nws los txog rau ntawm koj lub qhov rooj lawm koj kom koj cov neeg nyob hauv tsev ce ib taig dej tuaj txawb rau nraum sab qhov rooj sab nraum zoov mas koj tus ua txiv yuav tau ntxuav koj tes thiab ko taw, thiab koj tus poj niam tes thiab ko taw , ces koj ntuas hais tias = A. Kuv ntxuav no mas tsis ntxuav plig tub ki, tsis ntxuav plig niam plig txiv, tsis ntxuav plig nyiaj plig kub, tsis ntxuav plig qoob pig loo, tsis ntxuav plig tsiaj plig txhuv, kuv no tsuas ntxuav dab nkauj dab nraug, dab tshoj siab ntxeev ntsws, dab peg dab ntxaug, dab xyob txhiaj pem hwv, dab tsog tsuag taug kev taug nyeg, hleb rag hleb rawg, kua muag iab kua muag daw, tsuj npuag taig laig nyag, kab pliaj liag noog qwv qws lub suab xiv, kom poob rau hluav taw kub poob rau dej tshoob mus lawm zaj qho, kom ntsej tsis hnov muag tsis pom lawm ib txhiab ib txhis nag nawb.

    5, Ces thaum koj yuav coj nws los hauv tsev ces koj yuav tsum nkag los sawv sab qhov rooj hauv tsev, ntawm sab xis ces koj cev koj txhais tes sab xis mus tuav sab qhov rooj sab lauj, koj tig xub ntiag rau sab hauv tsev ces koj mam cev koj txhais tes sab lauj mus hauv koj lub qhov tsos sab xiv mus rub koj tus poj niam nkag los hauv koj lub qhov tsos rau hauv lub tsev, ces koj ntuas ib cov lus hais tias nov yog vaj, nov yog tsev, nawb kuv no kuv tsuas rub kuv poj niam, plig tub pig ki kom los puv tsev, plig nyiaj plig kub kom los puv hnab, plig qoob plig loo kom los puv txhab, plig tsiaj plig txhuv kom los puv nkuaj, mas kom wb noj tsis txog txaus ntiav zog, haus tsis tag txaus ntiav dag, noj kav ib txhiab haus kav ib txhis, noj tsis kawg qub hauv tsis kawg ntsis, noj kav ib txhis haus kav ib txhiab, noj tsis kawg ntsis haus tsis kawg ntsiab

    6, Tas ces koj yuav tsum xub coj koj tus poj niam los mus nkag rau tom koj lub txaj ces koj mam hais tias me koj niam nov yog kuv lub txaj yog koj lub chaw nawb ces koj poj niam yuav tsum xub zaum saum koj lub txaj ua ntej tas ces koj yuav tau ntuas ib cov lus hais tias = no yog txaj yog chaw nawb plig tub plig ki, plig nyiaj plig kub, plig qoob plig loo, plig tsiaj plig txhuv los rau saum txaj saum chaw nawb.

    7, Thaum ntawd koj poj niam neb yuav mus zaum rau thaj chaw twg los mam tau raws siab xav lawm os mog, yog leej twg tsis ua raws li no mas nws lub neej yeej muaj kev cov nyom thiab kev ntxhov siab ntau yam rau lub neej tom ntej, hos yog leej twg ua raws nraim cov lus hais no mas nws lub neej yeej muaj kev kaj siab zoo thiab nyob tshav ntuj nrig xwb os nawb.

    8, Yog cov nyiaj uas luag muab los khi tes, thaum uas koj tus poj niam puv peb tag kis ntawd, koj hu nws plig mas luag muab coj los khi tes ntawd thov neb tsis txhob muab siv, neb yuav tsum khaw cia txog thaum neb thawj tus me nyuam es neb muab mus yuav ib yam khoom los rau nws coj los yog rau nws hnav mas neb lub neej thiaj muaj kev kaj siab txog neb tej me nyuam rau lub neej yav pem suab nawb.

    9, Yog neb muaj me nyuam tub ua ntej mas neb yuav tsum tau rub siab ntev hlub me nyuam thiab hais lus kom zoo vim plig me nyuam tub mas nws duab nyias heev neb yuav tau rub siab ntev kom txog thaum neb muaj ob peb tug me nyuam lawm mas thiaj yuav siab loj tau nawb mog, hos neb muaj me nyuam ntxhais ua ntej mas tsis muaj dab tsi li vim duab me nyuam ntxhais mas nws tus duab loj thiab tuab heev tsis ua cas.

    10, Yog koj coj nws los txog tom kev es neb los zaum ua si los yog neb los nyob rau ntawm luag tej tsev uas tsis yog koj tej kwv tij li tsev los yog los ua si ob peb hnub mas los tsev mas koj tus poj niam neb lub neej tsuas los sib yuav li ib nrab neej xwb ces neb nyias yuav mus nyias li nawb hos neb los txog tom kev es koj tus poj niam los zaum nyob rau ib tog kev es nws pheej muab pas khawb av rau ub rau no ces neb los ua neej nyob txog ib nta xwb nws yuav tso koj pov tseg nawb, hos nws pheej de nplooj los yog lov pas taug kev los yuav koj ces neb lub neej mas tsuas pom hais kev ua tub sab tub nyiag tas mus li xwb, hos neb los txog tog kev es koj tus poj niam ho poob cav los yog hlauv qhov ceg tom tej kev los yog ntog ces neb tej me tub me nyuam tsis nrog neb nyob li nawb.

    11, yog neb los txog tog kev ho ntsib luag kwv tuag tuaj mus faus mas kuj zoo thiab ho tsis zoo thiab, qhov zoo mas yuav tsum yog neb paub tab es neb ntuas lus kom kev phem nrog tub tuag mus kom tag es neb tsis yuav lawm mas thiaj yuav zoo os nawb, hos qhov phem ces neb los nyob tsis ntev ces neb ib tug yuav zoo li ntawd ntag nawb.

    12, yog neb los txog tog kev es pom luag tso plig los yog luag tuaj tos plig mas zoo heev, neb tsuas hu wb tej me plig tsis txhob nrog lawv mus nawb nrog wb mus tsev nawb, xwb ces zoo lawm.

    13, los txog tog kev es neb ntsib tsiaj khiav lawm los yog tsiaj ya lawm mas tsis zoo nawb neb lub neej ces yuav zoo raws nraim li tus tsiaj ntawd ntag os.

    14, qhov zoo ces koj yuav tsum coj nws rov qab mus rau tom nws niam nws txiv lawv tsev es koj mam rov nrhiav dua sij hawm mus tos nws dua los xwb yuav zoo tshaj plaws li nawb,




    Last edited by Hmong ntuj tshiab on 23rd June 2011, 5:55 am; edited 1 time in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:16 pm



    Mus thov neeb yaig thiab tus txiv neeb.



    1, Yog koj yuav mus thov luag tuaj ua neeb mas koj yuav tsum paub txog tej yam uas koj yuav tsum to taub zoo muaj raws li nram no es luag tus txiv neeb thiaj yuav tuaj pab koj ua neeb,

    2, koj tus neeg mob ntawd yog txiv neej mas koj yuav tsum nqa 9 tswm xyab, hos koj tus neeg mob ntawd yog poj niam no mas koj nqa 7 tswm xyab,hos yog me nyuam yau txawm yog me nyuam tub los yog me nyuam ntxhais xwb ces koj nqa 5 tswm xyab xwb,

    3, thaum koj mus txog rau hauv tus txiv neeb ntawd lub tsev lawm, ua ntej koj yuav tsum nqa cov xyab ntawd mus tso rau saum tus txiv neeb ntawd lub thaj ua ntej koj yuav nrhiav chaw los zaum,

    4. thaum koj mus zaum mas koj yuav tsum mus zaum lawm tej thaj chaw uas tsis txhob ncaj rau luag tus xwb kab, los yog luag tus ncej tas, los yog tig xub ntiag rau nram qhov rooj tag caiv zaum tsis tau li ntawd, koj yuav tsum zaum koj ob txhais ko taw sib txig zos thiab muab koj ob txhais tes los khawm koj lub hauv caug kom zoo zoo koj mam tsa ncauj los thov tus txiv neeb ntawd mas luag thiaj yuav pab koj ua neeb nawb,

    5, koj yog tus txiv neeb mas yog nws tuaj thov koj mus ua neeb, mas nws zaum ze ntawm koj tus ncej tas mas lawv lub tsev muaj dab pem ntuj tuaj ua es lawv thiaj muaj mob, hos nws zaum ncaj ncaj koj lub plag tsev, mas lawv lub tsev muaj cua txeem tsev lawm, hos nws zaum ib sab taw tom ntej hos ib sab taw tom qab ces lawv tus mob ntawd ntsuj plig thawj thiab lawm, hos nws zaum es nws pheej khawb taub hau sis so los yog khawb ib ce sis so mas lawv tus mob ntawd muaj dab poj ntxoog los yog dab tsog tsuag ti cev, hos nws zaum kiag es nws tsa ncauj thov koj ces nws cia li quaj kiag lawm no ces lawv lub tsev ntawd muaj khuj mob khuj nkeeg lawm, hos nws tuaj ntsib koj tseem noj mov ces nws cia li zaum

    6, nrog koj noj mov kiag ces nws cia li thov koj tam sim ntawd kiag ces tseem zoo heev vim tseem cav tau thiab looj loog tseem duav tau, hos yog koj twb noj mov tag lawm ces tsis tas mus ua lawm tsis zoo lawm os nawb.

    7, Yog nws tuaj txog es nws tsis muab nws cov xyab tso pem koj lub thaj es nws cia li tuav rawv xyab thov koj no koj tsis txhob pab nws ua neeb lawm vim nws tuaj xyom xwb nws tsis yog tuaj thov koj ua neeb, txawm koj mus pab nws ua neeb los xiam dag zog xwb os nawb.

    8, Yog nws tuaj txog hauv koj lub tsev es nws tsis zaum li es cia li thov koj kom koj pab nws ua neeb es nws tsuas sawv piav yeev xwb hos nws lub qhov muag mas tsuas xam ncig pes lees xwb mas lawv tus mob ntawd tus ntsuj plig tsiv tsawv heev thiab koj yuav tau siv zog heev thiaj yuav zoo tau, hos yog nws zaum ntawm koj lub qhov cub es nws pheej xuas tog pas khawb hauv qhov tshauv sis so es nws mam thov koj ces tsis tas koj yuav mus ua neeb lawm vim nws khawb qhov ntxa tas lawm, yog koj tsis paub es koj tseem mus ua neeb ces koj tsuas mus faus tus neeg Mob ntawd xwb lawm,

    9, nws tuaj ntsib koj tseem cheb cheb tsev los yog nqus tsev mas zoo heev koj mus ua yeej zoo ntau xwb, hos koj pub tsiaj noj mas yeej zoo heev thiab, hos koj hov riam txuas los yeej zoo thiab, hos koj tsuav tsuav nqaij mas tsis zoo lawm nawb, hos nws tuaj ntsib koj tseem tab tom yuav tawm rooj los yeej zoo thiab vim tseem ncav sij hawm.

    10, nws tuaj ntsib koj tom teb uas koj tseem tab tom ua teb los zoo heev nawb, hos nws ntsib koj tom kev los yeej zoo heev thiab os nawb, hos nws tuaj ntsib koj thaum koj tseem pw tsaug zog es lawv mam tsa koj los xwb los yeej zoo thiab os nawb, vim ntsuj plig nyob hauv tsev zoo xwb os nawb.


    11, hos nws cia li hu lub xov tooj tuaj thov koj xwb ces koj yuav los keeb cov hnub nyoog kom zoo zoo saib tus mob ntawd tus ntsuj plig puas nyob hauv tsev los ntsuj plig ho zoo li cas lawm es koj mam li lees nws thaj neeb nawb mog, mas qhov tseeb koj yuav tau paub txog kev ntaus tes saib mob saib nkeeg thiab mas koj thiaj yuav veem tau zoo rau koj txoj kev pab luag ntawd tsis muaj chaw sav tsam nawb mog,

    12, yog tus neeg mob ntawd nws tus kheej cia li tuaj thov koj kiag es nws pheej thov koj heev heev li kom koj cia li pab ua neeb saib nws xwb no mas koj yuav tsum tsis txhob ua vim koj yog tus mus pab tsis tau nws lawm thiab koj lub sawm yeej tsis duav tau nws nawb mog,

    13, tus neeg mob ntawd nws yeej pom zoo kom koj mus ua neeb rau nws no mas koj tsis txhob mus ua neeb, vim tus neeg mob ntawd nws tsuas xav kom koj mus pab xa nws nce kev xwb nawb, es koj yuav tsis txhob mus ua thiab koj yuav qhia rau tus neeg tuaj thov koj ntawd paub es lawv ho nrhiav dua lwm tus mus pab thiaj yuav tau nawb mog,

    Xav kom peb txhua tus paub txog txoj kev kob xwb thiab tshaj lij los cawv cawm peb tsev neeg, kom muaj yeej kuab yeej huam rau yus tsev neeg kom nyob kaj siab xwb os nawb,



    Last edited by Hmong ntuj tshiab on 23rd June 2011, 6:17 am; edited 4 times in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:21 pm



    Yus mus pw tom hav zoov es noj mov es yus yuav laig dab.


    Zaj no Yog ib zaj uas yus noj mov thaum twg ces yuav tau hu poj yawm txwv txoob nrog rau dab teb chaws nrog yus noj es luag thiaj pab pov hwm yus txog kev kaj siab. Yog koj tuaj mus ua yam dej num dab tsi ces koj tsuas hais txog koj yam dej num ntawd ces yeej tau lawm os nawb, koj yuav tsum laig ib diav rau poj yawm txwv txoob tag mas koj mam rov hais diav thib ob coj mus laig dab teb dab chaw nawb, nco ntsoov nws muaj ob diav mov diam os nawb

    Diav mov thib ib ces koj hais li no xwb,

    Peb tuaj tsham zoov tsham tsuag rau ntawm no mas peb noj hmo, noj tshais thiab noj sus mas peb hu niam txiv poj yawm txwv txoob sawv daws nrog peb noj mov thiab nrog ntis mob ntis ntsaj, ntis xaiv ntis rog, ntis hmab daws tes hlua dawm taw, kom peb tuaj dawb rov huv tuaj zoo rov kaj, tau noj tau haus peb yuav noj xus npws haus xus npws niam txiv poj yawm txwv txoob sawv daws nawb,

    luag noj luag tsis npws, peb noj peb npws, luag noj luag tsis laig, peb noj peb laig, mas thov nej tuam cuab sawv daws, nrog pov hwm pov yawm, peb txhua leej txhua tus, kom mus dawb rov kaj, mus huv rov zoo, mus txog vaj, rov txog tsev,

    tau noj tau haus, mas peb yuav npws yuav laig nej tuam cuab sawv daws, tuaj deb cug tes, tuaj ze cug ncauj, noj pov hwm, haus pov yawm, Kom peb mus laj fab tsis ntsib hmab daws tes, mus toob fab tsis ntsib hmab dawm taw, nag nawb

    Diav mov thib ob ces koj hais li no xwb,

    Peb tuaj tsham zoov tsham tsuag rau ntawm no mas peb noj hmo, noj tshais thiab noj sus, peb hu niam txiv xeeb txwg xeeb laug xeeb teb xeeb chaw, qhia noj qhia noog tswv luaj tswv av, tswv teb tswv chaw, saum ntuj 4 tug txoov xob, hauv av 4 tug txoov zaj nej los nrog peb noj mov,

    Thiab thov nej nrog ntis mob ntis ntsaj, ntis xaiv ntis rog, ntis luag qhov ntsej, ntis luag qhov muag, kom peb tuaj dawb rov kaj, mus dawb rov zoo, kom peb tsis txhob ntsib hmab dawm tes, hlua dawm taw, nag nawb,

    luag noj luag tsis npws, peb noj peb npws, luag noj luag tsis laig, peb noj peb laig, mas thov nej tuam cuab sawv daws, nrog pov hwm pov yawm, peb txhua leej txhua tus, kom mus dawb rov kaj, mus huv rov zoo, mus txog vaj, rov txog tsev,

    tau noj tau haus, mas peb yuav npws yuav laig nej tuam cuab sawv daws, tuaj deb cug tes, tuaj ze cug ncauj, noj pov hwm, haus pov yawm, Kom peb mus laj fab tsis ntsib hmab daws tes, mus toob fab tsis ntsib hmab dawm taw, nag nawb,
    ( xaus li no )

    Nov yog ib zaj lus uas yus yuav tau siv txhua txhua zaus uas thaum yus mus pw tom hav zoov raws li txoj kab txoj kev poj ua tseg yawm ua cia mas peb yuav tau tsis txhob tso pov tseg nawb mog, yog koj tsis ntseeg ces pab tsis tau koj lawm nawb mog, es hais li no rau neb xwb nawb,



    Last edited by Hmong ntuj tshiab on 23rd June 2011, 6:33 am; edited 5 times in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:25 pm


    Kev xa xyob txhiaj pem hwv coj mus pov tseg raws li nram no.




    Nov yog kev xa xyob txhiaj pem hwv mas, thaum tsis muaj tus pab koj lawm ces koj cia li xa koj xwb los yeej tau thiab, yog xyob txhiaj nyeg ces koj nrhiav kom tau ib tug Me nyuam miv, los ces koj muab tus miv tso rau hauv ib lub hnab, ces koj muab lub hnab tso rau hauv koj qab txag ces koj nrhiav ib lub hnab los ntim khoom puas tsav puas yam rau hauv, ces koj ntau kuam hauv koj lub txaj ua ntej kom tus xyob txhiaj ntawd sawv los nrog koj mus xyuas luag noj tsiab peb caug ,


    Zaj lus koj ntaus kua ntawd ces koj hais li no,

    Niag xyob txhiaj pem hwv au, sawv los wb yuav mus xyob luag kiab, luag khw, wb yuav mus xyob luag nyiaj, luag txiaj os, tsua tsua sawv los os lawv twb mus lawm tag lawm nawb,

    Kev ntaus kuam mas koj yuav tsum ntaus kom ob sab qhib tag nrho mas nws thiaj sawv los os nawb,

    1, Zaum ib ces koj nqa cov khoom coj lost so rau hauv koj lub qab txaj ces koj ntaus kuam kom nws sawv los mus thiab,

    2, zaum ob koj nqa cov khoom ntawd los tso rau ntawm koj lub taw rooj txag ces koj los ntaus kuam ntawd koj nws sawv los mus thiab,

    3, zaum peb koj nqa cov khoom ntawd lost so rau ntawm hauv plag tsev ces koj los ntaus kuam ntawd kom nws sawv los mus thiab,

    4, zaum plaub ces koj nqa cov khoom ntawd lost so rau nram qhov rooj tag ces koj los ntaus kuam kom nws sawv los mus thiab,

    5, zaum tsib ces koj nqa cov khoom ntawd mus tso rau sab qhov rooj nraum zoov ces koj ntaus kuam kom nws sawv los mus thiab, koj ciam koj tus kuam nws nyob nws ntawd ces koj cia li nqa lub hnab khoom mus lawm xwb,

    6, ces koj coj tus miv nrog koj lub hnab ev khoom ntawd mus kom txog rau puag nram tshav noj stsav haus ces koj mus zaum rau ib qhov chaw nraim nraim ces koj hais rau tus xyob txhiaj ntawd tias kom nws nyob ntawd es koj mus yuav mov los rau neb noj ces koj pheej mus sis so ces koj mus thiab mus ces koj cia li xuas kab mus ncaj lawm ces tso tej nyuam khoom koj ntim ntawd tseg ces ib pliag muaj neeg los khaws tau ces tus xyob txhiaj nrog tus neeg ntawd mus lawm xwb,

    yam no yog yam uas koj tsis tau siv neeb siv yaig dab tsis loj,

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:27 pm




    Kev xa cua los yeej xav tib yam nkaus thiab xwb,



    kev koj xa cua los ib yam thiab thaum koj ti tes ti taw lawm koj tsis muaj neeg pab koj ces koj yuav xa coj mus pov rau hauv hav zoov xwb tiam sis cua no mas koj yuav tau siv ib tug tshis los thauj coj mus pov tseg nawb,

    coj mus tso rau hauv tej thaj hav zoov uas koj mus tsis txog li, mas kev xa cua no mas muaj raws li nram no =

    Cov khoom uas koj yuav tim tsum nrhiav kom muaj rau koj ntawd,

    1, ib tug mes es thiab ua ib lub nra rau tus tsiaj ntawd ev ( yog tsis muaj ces koj tsuas muab tus cuav xwb los yeej tau os nawb ),

    2, ib tug me nyuam qaib dawb ( yog tsis muaj ces koj mus yuav cov cuav tom taj laj xwb los yeej tau os nawb ),

    3, ib tug me nyuam miv ( yog tsis muaj ces koj tsuas mus yuav cov cuav tom taj laj xwb los yeej tau mas ),

    4, koj ntim noob qoob noob tsa kom txhij zog nrog es muab tso rau hauv lub nra tus tsiaj ntawd lub nra huv tib si,

    5, Koj ntim tej nyuag qub zaub qub hno nrog kua txob thiab ntsev huv si tso rau hauv tus tshis ntawd lub nra huv si,

    6, Ces koj los ntaus kuam tsa tus cua hauv koj lub tsev ntawd sawv mus ces koj cia li xa tus cua mus lawm xwb ntawg,

    Cov lus koj hais thaum uas koj yuav ntaus kuam nas, mas koj tau yuav tau hais li hauv qab no xwb,

    Koj niag cua txaij, cua nraug, cua nees txaij, nees kuas nawb hnub luag tsiv teb tsiv chaw lawm tag lawm au tsuag tsuag sawv los peb yuav mus nyob lawm luag kiab luag khw os, tsis txhob pw qab txag, qab txees, pw hauv vaj, hauv tsev lawm os, lawv lawm tag lawm nawb, tsuag tsuag sawv los os es peb yuav mus lawm luag teb luag chaw thiaj muaj tus teev tus tiam os sawv nawb,

    koj cab tus tshis los khi rau nraum qab tsag ces koj maj mam ntaus kuam tsa tus cua hauv qab txag, qab txees, ces ntaus kuam tsa kom nws sawv los mus xwb, Ces koj xa mus txog rau hauv hav zoov lawm ces koj mus ua chaw pw zoo ces hais tias peb pw ntawm nov tso tag kis peb mam rov mus dua no, Koj ua txoj mus nqa taw rau ub rau no thiab mus nqa dej rau ub rau no,

    Ces koj cia li nrog ncaj lawm xwb ces tso tej niag tsiaj thiab cov khoom ntawd rau ntawm thaj chaw ntawd li ntag, Ces koj yuav tau caiv thaj chaw ntawd tsis txhob mus txog li lawm ntag ces zoo xwb li,

    Thaum uas tsis muaj neeg pab yus lawm ces peb yuav tau pab peb tus kheej thiaj li yuav nyob nyab xeeb hos nawb, Peb ua neeg nyob mas yog thaum koj tsis muaj leej twg yuav pab tau koj lawm tsis txhob tag kev cia siab vim koj yeej pab tau koj tus kheej thiab os nawb.

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:29 pm


    Lus piam sam txog kev xam chib yuav ua dej num zoo.



    Ua ntej koj yuav xam chib mas yuav tsum keeb kom tau zwj ntawm hnub kom zoo thiab txhob pub nruam mas thiaj yuav tau txais txiaj ntsim zoo, Yog tias koj keeb tsis tau zwj kom meej meej mas ntaus nqi tias cov chib uas koj xam no yuav tsis muaj nqi dab tsi rau koj,

    Kev xam mas luag yuav tsum paub zwj, paub chib, paub hli, thiab paub kom txog tias yog tus tsiaj dab tsi los kav hnub ntawd, Kev xam mas feem ntau luag xam tuam tsuam xwb, vim tias tuam tsuam mas raws li tus Kws qhia nws hais tias tuam tsuam nws leej lawm 70% feem pua hos xov tsuam mas nws leej 30% feem pua xwb.

    Ua ntej koj yuav nqis tes mus leg ib yam qav num twg yog koj txhob maj es koj ua tib zoo xam caij nyoog zoo lawm mam leg mas yuav tau txais kev muaj yeej ntawm koj lub luag num yam ncoo ko raws li siab xav, Vim kev muaj yeej yog kev xyuam xim thiab kev paub tab thiab tshwj xeeb raws hwj huam zoo pov hawm,

    Keeb ntsiab lus ceeb toom qhia txog kev xyuam xim.

    Luag tej laus muaj keeb ntsiab lus hais tseg cia rau neeg ntiaj teb tau siv los mus txog rau lub zim txwv niaj hnub no.

    ( Yog siab kub yuav ua dev tawg qeej = yog ua siab txias yuav muaj yeej ).

    ( Ua siab kub lub luag num yuav plam- Ua siab txias thiaj muaj tus pab yus zeem txam ).

    ( ua siab kub kub yuav dawm yus taw Ua siab txias txias luag thiaj yuav ntshaw ).

    ( Xyoob loj tsis cuag ntoo- Ua phem tsis npaum li ua zoo).

    ( Chib zoo tsis npaum li Hnub zoo Hnub zoo tsis npaum li Hli zoo- Hli zoo tsis npaum li Xyoo zoo )

    ( Hmoov zoo tsis npaum li Hmoov txog- Hmoov txog tsis npaum li Hmoov sawm- Hmoov sawm tsis cuag li Hmoov tsawb )

    ( Siab ntev tsis npaum li siab dav- Siab dav tsis cuag li Txawj xav)

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:34 pm


    Tshab txhais txog zeej keeb qauv npe hu teem cim tseg.



    ( Kib xeeb ) = me nyuam tub, lub npe no yog peb Hmoob ib txwm hu raws li kev ua neeb ua yaig los yog kev hu plig, los yog fiv yeem txhua yam muaj feem txog rau me nyuam tub.

    ( Kib ntxhees ) = me nyuam ntxhais, lub npe no yog peb Hmoob ib txwm hu raws li kev ua neeb ua yaig los yog kev hu plig, los yog fiv yeem txhua yam muaj feem txog rau me nyuam ntxhais.

    ( Kib zeej ) = yog niam tsev, lub npe no yog peb Hmoob ib txwm hu raws li kev ua neeb ua yaig los yog kev hu plig, los yog fiv yeem txhua yam muaj feem txog rau tus niam tsev.


    ( Kib keeb ) = yog txiv tsev, lub npe no yog peb Hmoob ib txwm hu raws li kev ua neeb ua yaig los yog kev hu plig, los yog fiv yeem txhua yam muaj feem txog rau tus txiv tsev.

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:35 pm


    Ntiv tes li sam xeeb nyob rau sab qaum tes nws tus yam ntxwv



    Nyob rau ntawm yus cov ntiv tes mas nws muaj keeb ntsiab zoo heev. Thaum niam thiab txiv feeb ntawm, luag yeej feeb muaj kab muaj ntxeem raws li nram no uas koj saib nyob rau ntawm cov ntiv tes no nawb =

    1.Ntiv rwg = no keeb ntsiab yog pej xeem huab hwm thiab yog npoj npom leem, ua neeg nyob txawm zoo li cas los pej xeem thiab cov tub teg tub taw yuav tsum raug ua ntej,

    Ntiv rwg no yog ntiv muaj hmoov zoo vim txhua yam nws xub pom ua ntej thiab yog ntiv luag hlub tshaj thiab, yuav tsum muaj pej xeem mas thiaj li muaj nom tswv tom qab,

    A, Sij hawm yus mus hwm niam hwm txiv thiab cov hlob yuav tsum yog tus no ua ntej tshaj, ho hais txog neeg pej xeem xwb mas nws tseem yog tus liaj rooj kaw tom qab thiab.

    B, Yog tsis muaj ntiv rwg no thaiv luag yuav lij nyom tau yam toob xib nyob hauv yus lub xib teg tau,
    ( ntiv kuab peev )

    2. ntiv tiag, ntiv tiag no yog tub nplua nuj, yog ntiv muaj nyiaj.

    A. ntiv no muaj cai coj nyiaj tau nws phim tseev zam, nws muaj cai coj tau nplhaib yog yuav muab piv rau tib neeg mas nws yog tub nplua nuj, nws yog neeg muaj hmoo nyob nrog nyiaj thiab kub xwb.

    B. ua tib neeg nyob yuav tsum muaj nyiaj thiaj li nyob taus,
    C. vim nyiaj yog lub zog thiab txoj sia mov noj,

    D. yog thaum tsis muaj nyiaj lawm yuav tsis muaj yam dab tsi li lawm thiab ( Ntiv pav ncuav txheem )

    3. Ntiv nta no yog ntiv siab loj siab dav thiab yog ntiv muaj peev xwm.

    A. hais li cas ua tau li ntawd, nws yog ntiv kob xwb.

    B.lub neej yuav zoo los yuav tsum muaj tus muaj peev xwm nrog nraim ua ke mas thiaj yuav tsheej vim nws yog tus neeg siab sib nquag heev ( ntiv lis nyuj peem )

    4. Ntiv no yog ntiv taw, nws yog ntiv muaj cai muaj meej mom tswj thiab tsav coj.

    A. Yog thaum twg nws kom yus ua dab tsi mas yuav tau ua raws li nws txib ntawm nws zeeg coj kev xam pom zoo.

    B. Vim nws yuav taw qhia rau koj mus ua txhua txhia yam uas koj xav tau los.

    C.Ntiv no teeb tiv caj coj ntawm nws yog (ntiv lwm tsim tim ).

    5. Ntiv xoo no yog ntiv coj noj coj ua keeb thawj tswj.

    A. nws muaj sawm yeej loj dav yog thaum twg tus ntiv xoo no tsa rau leej twg lawm mas tus ntawd yuav tau txais lub luag sam xeeb sawm txhiaj ncoo ko yam muaj nuj nqis tshaj nyiaj thiab kub.

    B. ntiv xoo no nws muaj cai keeb kav kom luag dawj tsis tau yam toob xib hauv yus xib teg.

    C. yog tsis muaj ntiv xoo no luag yuav lij dawj nyom tau thiab yog tsis muaj thawj cem pej xeem yuav txom nyem,
    ( ntiv tuam txiv thawj ).

    6. Ua neeg yog leej twg muaj txoj leeg tes keeb koos saum koj txhais qaum tes puag tom tus ntiv tes xoo koos kiag los txog rau tom tus ntiv tes rwg qab mas zoo li txoj no mas tsis hais kib xeeb (tub ) los yog keeb ntxhee ( ntxhais ) nws khwv dab tsi tau yooj yim thiab yuav muaj nyiaj muaj noj muaj haus noj tsis txob haus tsis txhawj, feem ntau mas muaj rau - kib ntxhee ( yog ntxhais ) mas zoo heev vim nws yog tus nres lub cuab yig hauv yim neej xwb.

    nyob rau hauv cov nkhib ntiv tes nws kuj muaj sam meej thiab, yog koj xav paub tias ua koj puas ceev tau nyiaj nrog koj lub neej meej keeb mas koj xyab koj cov ntiv tes sab laug kom ncaj ncaj saib puas pom khoob, yog tias pom khoob mas koj yuav ceev tsis tau nyiaj nrog koj lub neej - meej keeb ( yog tus kheej ) nyob rau hauv koj lub - kib neej ( lub cuab yig ) koj yuav tsum txhob ua tus ceev nyiaj txiag os.

    Yog tiag koj cov nkhib ntiv tes tsis khoob thiab ntom nti xwb mas koj ceev nyiaj txiag yeej yuav nyob ntev rau hauv koj lub kib neej zoo. tsis poob thiab tsis plam hlo li.

    Moj yam ntawm koj cov ntiv tes mas nws kuj muaj yam ntxwv tsis sib xws thiab nyias muaj nyias lub sam xeeb ntawm ntsiab lus ntawm nws

    Koj cov ntiv tes yuav muaj li peb moj yam raws li nram no.

    1. KEEB- loj pham lub pob yag tes txoom.
    2. KEEB- loj hauj sim tab tom zoo saib.
    3. KEEB- yiag me ntiv tes tsis ua pob zoo yiag txias.

    KEEB- cov ntiv tes muaj ntsis txoom ua pob loj hauj sim, ces yog cov uas muaj ntsis txom nyem khwv dab tsi los tsis tshua nce tes pes tsawg.
    KEEB- Ntiv tes hom yiag txias xwb mas yog cov ntiv tes tuav cwj ntaub xwj ntawv thiab muaj hmoo ua dab tsi los tau txais lub sawm yeej ncoo ko.
    KEEB: ntiv tes hom ua pob loj loj heev thiab muaj ntsis txoom los yog nkaus tsis tshua yiag mas yog hom ntaus hlau txias thiab nyiam quav yeeb quav tshuaj, thiab nyiam khaws xyeem siv luag tug xwb nws li nws tsis tsim kom muaj los siv li tsuas xav muab luag feem los ua nws feem xwb, Ntiv tes cov zoo li no mas luag hu ua ntiv tes ( poj niam )


    Last edited by Hmong ntuj tshiab on 23rd June 2011, 7:11 am; edited 8 times in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:40 pm



    Yeej txam ntaus tes saib yaig txog xwm txheej ntawm tsev ua xu


    Kev teeg txuj txeeg ci nthuav loj hlob ntawd, yuav yog koj tus kheej nyiam kawm thiab khaws cim raws keeb ko qauv quag, ntawm yawm saub tau keeb tseg rau noob neej coj los feeb neej dab lub zim txwv zoo thiab phem xwb.

    Sij hawm yog koj lub tsev ua xu xws li muaj nab los tsev, los yog muaj tsiaj nce tsev los sis koj ua npau suav tsis zoo thiab ho hnov suab Qeej suab Nruag nrov ua rau koj poob siab mas koj ntaus tes saib xws li nram no =

    Xam hnub uas Xeeb muaj xwm ntawd saib yog hnub pes tsawg, hli xiab li cas, raug rau zwj thaj twg, thaum koj paub meej lawm koj mam los xam xiab ib mus saib yog poob rau theem twg,

    koj yuav tsum xam kom mus txog rau kab theem 8 mam rov los pib suav ntawm theem ib rov mus dua mus kom txog rau hnub ntawd, mas koj yuav tsum paub tau tias ua li yog tim li cas tiag,

    yog koj suav mus txog 8 lawm koj ho rov qab los suav tom ib mus dua thiab, thaum no koj yuav paub tias yog tim dab tsi lawm vim yuav tsum muaj vib xeeb rau koj raws li yam ua xu ntawd ntag ces koj thiaj li paub mus kho yam ntawd xwb os.


    Keeb hnub = sawv kav tswj xwm saib tsev ua xu

    1, Xwm kab hnub,yog xiab 1, 9, 17, 25. = hnub no yog xwm kab hnub, nws muaj vij dab vij npog thiab cua los paug tsev, yuav tau ua neeb xa cua mus rau ntuj to qhov teb to qab thiaj yuav nyob nyab xeeb, vim xwm kab tso ncauj tso lus yuav tau ua neeb coj tus xwm kab nrog mus kho thiaj yuav tsis muaj kev cov nyom, Feem ntau, nyob rau cov hnub no mas yuav paug rau txiv tsev ntau dua vim tus dab xwm kab yog txiv tsev li teeb meem.

    2, Qhov Txos Hnub, yog xiab, 2, 10, 18, 26. = hnub no yog dab qhov txos hnub nws muaj qhov txhoj nyob rau pem qaum tsev, yog koj ua neeb kho tsev neeg mas yuav tau mus theej txhoj pem qaum tsev mas thiaj yuav nyob nyab xeeb noj qab nyob zoo raws li siab xav, Feem ntau hnub no yuav paug rau niam tsev ntau dua vim tus dab qhov txos yog niam tsev li teeb meem.

    3, Ncej Tas Hnub, yog xiab, 3, 11, 19, 27. = hnub no yog dab ncej tas hnub, yog muaj tsog tsuag thiab cua los paug vaj paug tsev, yuav tau ua neeb quas tus tsog tsuag ntawd thiab xa tus cua vij cua swv mus pov tseg rau nraum toj nraum pes thiaj li yuav nyob nyab xeeb, Feem ntau mash nub no yuav paug rau niam tsev thiab txiv tsev tib si vim hais tias tus dab ncej tas ntawd yog niam tsev thiab txiv tsev li teeb meem.

    4, Dab Roog Hnub, yog xiab, 4, 12, 20, 28. = hnub no yog dab ncig ntuj ncig teb hnub, hnub no muaj qhov txhoj nyob nram qhov rooj tag sab nraum zoov, yuav tau ua neeb mus theej txhoj thiaj yuav nyob nyab xeeb rau hauv koj lub tsev thiab tsev neeg . Feem ntau yuav paug rau cov ntxhais nyob rau haus tsev vim dab roog yog me nyuam ntxhais li teeb meem,

    5, Txhiaj Meej Hnub, yog xiab, 5, 13, 21, 29. = hnub no muaj tsog tsuag thiab muaj qhov txhoj nyob rau nram qhov rooj tag sab hauv tsev, yuav tau ua neeb mus theej txhoj thiab yuav tau koos ib tsev neeg li ntsuj los ua ke thiaj yuav nyob nyab xeeb ua neej, Feem ntau yuav paug rau cov tub nyob rau hauv tsev vim txhiaj meej yog me nyuam tub li teeb meem,

    6, Txwv Zeej Txwv Koob Hnub, yog xiab,6, 14, 22, 30. = hnub no yog dab theej kawv hnub, yuav tau ua neeb ntxiv ntawv noj ntawv haus, kom cuaj nplooj sib xws yim nplooj sib luag thiab txog mov rau thiaj yuav nyob nyab xeeb rau tsev neeg ntawd. Feem ntau yuav paug rau txiv tsev ntau dua vim hais tias txwv zeej thiab txwv koob yog txiv tsev li teeb meem,

    7, Theej Kawv Hnub, yog xiab, 7, 15, 23. = hnub no yog dab theej kawv hnub yuav tau ua neeb ntxiv ntawv thiab cais tus dab theej kawv mas thiaj li yuav nyob nyab xeeb, Feem ntau yuav paug rau txhua tus neeg tsev vim hais tias dab theej kawv hnub no yog txhua tus neeg tsev li teeb meem,

    8, Txhim Suam Hnub, yog xiab, 8, 16, 24. = hnub no yog tus dab laim xob li vij swv thiab vij npog, mas yuav tau ua neeb mus cais dab tus laim xob thiab thim dab tus ntsia tooj ntsia hlau, mas thiaj yuav nyob nyab xeeb, Feem ntau yuav paug rau txhua tus neeg tsev ib yam nkaus vim hais tias dab txhim suam hnub no mas yog txhua tus neeg li teeb meem,

    Cov ntsiab lus no mas nws yog ib cov lus tseem ceeb heev rau koj tus uas muaj cov teej teg txuj ci no, hais rau koj paub hais tias yog koj nco ntsoov teej teg txuj ci no ces yeej muaj tshuaj rau koj yam ncoo ko xwb os nawb.


    Sponsored content

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Sponsored content


      Current date/time is 20th August 2017, 6:41 pm