google-site-verification: googlefbfddf59e706b96b.html

Latest topics

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Share
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:43 pm



    Liaj txheej muab yus lub tsev los tsawv neeb tsawv yaig


    Sij hawm yog muaj vib los li no lawm yuav tau mus thov neeb los yog hu cov cawm seej txiv neeb nyob raws li ntawm lub tsev no tuaj kho mas thiaj yuav muaj sawm yeej duav tau thiab pov tau yus lub tsev los yog tsev neeg thiaj noj qab nyob zoo raws siab xav os.

    Liaj txheej saib tsawv txog ua xu los yog mob nkeeg,

    Luag ntaus tsuam txwv saib mob los luag yeej ntaus raws nraim li ntaus saib tsev ua xu thiab ntaus tes saib lwm yam los yeej ib yam nkaus. Tshab txhais keeb ntsiab txog kev ua xu tshwm sim tawm.


    Hnub xiab- 1, 9, 17, 25, yog Xwm Kab Hnub = hnub no yog xwm kab hnub, ces yog xwm kab muab nyuj cab nyuj kau muag noj muag haus lawm , yuav tau mus hu tus txiv neeb nyob pem qaum tsev tuaj coj tus xwm kab nrog tus txiv neeb mus txhiv thiaj yuav tau tus ntsuj rov los, Feem ntau ces paug rau tus txiv tsev xwb vim xwm kab yog txiv tsev li teeb meem xwb,

    Hnub xiab - 2, 10, 18, 26, yog Qhov Txos Hnub= Hnub no yog dab qhov txos hnub, dab qhov txos tso ncauj tso lus, dab qus thiaj ntes tau tus ntsuj lawm yuav tau mus hu tus txiv neeb nyobces kaum tsev tog txuas sab pem qaum tsev tuaj coj tus dab qhov txos nrog mus txhiv thiaj tau tus ntsuj rov qab npuab rau cev khauj khaum duab, Feem ntau ces paug rau tus niam tsev ntau xwb vim tus dab qhov txos yog niam tsev li teeb meem xwb,

    Hnub xiab- 3, 11, 19, 27, yog Ncej Tas Hnub = hnub no yog ncej tas hnub, dab ncej tas tso lus, yuav tau mus hu tus txiv neeb nyob tom tog qhov rooj txuas tuaj kho thiaj yuav zoo tau, Feem ntau ces paug rau tus coj hauv tsev ntau xwb vim tus dab ncej tas yog tus coj hauv tsev li teeb meem xwb,

    Hnub xiab- 4, 12, 20, 28, yog Dab Roog Hnub = hnub no yog dab roog hnub, dab roog muab tus ntsuj muag rau tus dab nyob yeeb ceeb lawm yuav tau mus hu tus txiv neb nyob ces kaum tsev npuas qhov rooj txuas sab nrad tuaj ua neeb raws mus txhiv tus ntsuj lawm yeeb ceeb teb mas thiaj yuav zoo. Feem ntau ces paug rau cov me nyuam hauv tsev ntau xwb vim tus dab roog yog me tub me nyuam li teeb meem xwb,

    Hnub xiab- 5, 13, 21, 29, yog Txhiaj Meej Hnub = hnub no yog txhiaj meej hnub, dab txhiaj meej tso lus rau tus dab tho toj tho taug yog li yuav tau mus hu tus txiv neeb nyob ncaj nram qhov rooj tag tuaj ua neeb kho thiaj yuav zoo tau rov los. Feem ntau ces paug rau tsev neeg ntau xwb vim tus dab txhiaj meej yog txhua tus hauv tsev li teeb meem xwb,

    Hnub xiab- 6, 14, 22, 30, yog Thwv Tim Hnub = hnub no yog dab thwv tim hnub, dab thwv tim kawb ntawv noj ntawv haus mas yuav tsum mus hu tus txiv neeb nyob ces kaum tsev tog tag sab nrad tuaj ua neeb kho thiab ntxiv ntawv noj ntawv haus sam laj sam txhov rau thiaj yuav zoo tau. Feem ntau ces paug rau txhua tus hauv tsev ntau xwb vim tus dab thwv tim yog tsev neeg li teeb meem xwb,

    Hnub xiab- 7, 15, 23, yog Theej Kawv Hnub = hnub no yog dab theej kawv hnub, mas yuav mob nyhav yuav tau mus hu tus txiv neeb nyob tom tog tsev tuaj kho thiab tuaj soj qab taug lw vim dab theej kawv muab nyuj cab nyuj kau tua noj lawm mas yuav tau mus txeeb thiab coj tus ntsuj los rau siav rau pa kom tus ntsuj rov muaj zog. Feem ntau ces paug rau txhua tus nyob tsev ntau xwb vim tus dab theej kawv yog cov me nyuam hauv tsev li teeb meem xwb,

    Hnub xiab- 8, 16, 24, yog Txhim Suam Hnub = hnub no mas yog raug dab rwg ntuj rwg teb, tus laim xob yuav tau mus hu tus txiv neeb nyob rau ces kaum tsev tog tag sab ped tuaj kho thiab tuaj thim dab tus laim xob laim cua tawm mus mas thiaj yuav zoo taus, nyab xeeb. Feem ntau ces paug rau txhua tus hauv tsev ntau xwb vim tus dab txhim suam yog tsev neeg li teeb meem xwb,



    Ces siv raws nraim li no xwb ces yeej paub qhov tseeb tias yog leej twg lawm ntag thiaj yuav tuaj pab tau koj nawb mog, yog koj nrhiav tau tus cawm seej lawm ces tsis txhob ua siab nyhav ib tsam ho muaj kev cov nyom rau koj yim neej thiab os nawb.



    Last edited by Hmong ntuj tshiab on 23rd June 2011, 7:16 am; edited 2 times in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 8:55 pm


    Kev saib yaig nrhiav xim khoom ploj

    Luag ntaus tes saib xim haum ploj los, luag yeej siv tib tug qauv uas ntaus tes saib mob nkeeg thiab yeej tsis txawv li vim yog ib liaj txheej xwb,

    Kev saib yaig nrhiav xim khoom ploj

    Hnub xiab- 1, 9, 17, 25, yog Xwm Kab Hnub: = Hnub no yog xwm kab hnub yam xim haum yog poob mas poob rau pem hauv plag, yog nyiag mas yog txiv tsev ua tus nyiag, thiab khaws tau lawm xwb,

    Hnub xiab -2, 10, 18, 26, yog Qhov Txos Hnub: =nyob rau hnub no yog yam xim haum poob mas nyob sab pem kaum tsev npuas hauv plag, yam nyiag mas yog me nyuam nyiag, vim hnub no yog me nyuam hnub, thiab me nyuam khaws tau lawm xwb,

    Hnub xiab- 3, 11, 19, 27, yog Ncej Tas Hnub: = Nyob rau hnub no yog yam poob mas nyob rau tom tog tag hauv tsev, yog nyiag mas kuj yog me nyuam nyiag, thiab me khaws tau lawm xwb,

    Hnub xiab- 4, 12, 20, 28, yog Dab Roog Hnub: = nyob rau hauv hnub no yog yam poob mas nyob nram kaum tsev npuas tog txuas, yog nyiag mas kuj yog me nyuam ntxhais nyiag, thiab khaws tau ib yam.

    Hnub xiab- 5, 13, 21, 29, yog Txhiaj Meej Hnub: = nyob rau hauv hnub no yog poob mas nyob nram qhov rooj tag yog nyiag mas yog niam tsev nyiag lawm, thiab khaws tau lawm xwb,

    Hnub xiab-6, 14, 22, 30, yog Thwv Tim Hnub: = nyob rau hauv hnub no yog yam ploob mas nyob ces kaum tsev tog txuas sab nrad, yog nyiag mas tus tsheb ze yus nyiag lawm, thiab khaws tau lawm xwb.

    Hnub xiab- 7, 15, 23, yog Theeb Kawv Hnub: = nyob rau hauv hnub no yog yam poob mas nyob tom qhov rooj txuas, yog nyiag mas cov neeg sab nraud nyiag lawm xwb, thiab khaws tau lawm xwb.

    Hnub xiab- 8, 16, 24, yog TxhimSuam Hnub: = nyob rau hauv hnub no yog yam poob mas nyob ces kaum tsev npuas tog txuas sab ped, yog nyiag mas koj txhob nroo lawm vim hnub no yog tub sab hnub lawm ces yog tub sab nyiag lawm xwb, txhob tos lawm,

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 9:04 pm


    Ntaus tes tawm rooj tus txheej txheem ntawm tus qauv



    Kev ntaus tes saib khoom ploj nws kuj zoo ib yam nkaus li kev saib mob nkeeg, thiab kev tawm rooj, vim hais tias nws tus liaj txheej los yeej ib yam nkaus, es thiaj qhia qhov tseeb rau koj paub tias koj yuav tau keeb txog cov npe tim tswv, uas sawv nres hnub nyoog ntawd kom zoo, thiab koj yuav tsum paub txog hnub tim tsum ntawd kiag sawv nres caij nyoog kom zoo mas, koj thiaj yuav keeb tau chib meej tseeb raws li koj xav tim tsum tau qhov tseeb ntawd kiag, yog li es thiaj tau muaj lub yeej tes xam tsuam txwv no los teeb rau koj tau paub qhov tseeb kiag kom koj thiaj yuav ntaus tau yam tsis nruam hnub nyoog, yog koj xam tsis tau qhov tseeb ces txhais tau hais tias koj paub tsis meej pem ces yeej tsis tau hauj lwm zoo raws li koj lub siab xav tau ntawd.
    Ntaus tes tawm rooj tus txheej txheem muaj raws li nram no

    Hnub xiab- 1. 10, 19, 28, -Nom Tswv Hnub: = Nyob rau yas no yog Nom tswv yas, nws zoo rau kev mus ntsib nom ntsib tswv thiab ua lag luam xwb lwm yam tsis zoo li,

    Hnub xiab- 2. 11, 20, 29, -Txiv Tsev Hnub: = Yas no yog txiv tsev yas, ua dab tsi tsis zoo hlo tsuas yog nyob hauv tsev xwb,

    Hnub xiab- 3. 4. 12, 13, 21, 22, 30, -Kwv Tij Hnub: =Yas no yog kwv tij yas, nws zoo rau kev ua noj ua haus thiab tsham kwv tij xwb ua lwm yam tsis zoo,

    Hnub xiab- 5. 14, 23, -Me Nyuam Hnub: = Yas no yog me nyuam yas, nws tsis zoo ua dab tsi vim me nyuam lub zog tsis loj thiab tsis muaj sawm yeej txaus tsuas zoo nyob hauv tsev xwb,

    Hnub xiab- 6. 15, 24, -Tub Sab Hnub: = Yas no yog tub sab yas, nws tsis zoo tawm rooj mus ua dib tsi vim hnub no tub sab muaj hwv xyeej loj mast sis zoo tawm rooj hlo li.

    Hnub xiab- 7. 16, 25, -Hluas Nkauj Hnub: = Yas no yog hluas nkauj yas, nws zoo rau kev nrhiav noj nrhiav haus thiab tham hluas nkauj thiab yuav tab zag xwb lwm yam tsis zoo,

    Hnub xiab- 8. 17, 26, -Neej Tsa Hnub: = Yas no yog neej tsa yas, hnub no yus tawm rooj mus yos tsham kwv tij neej tsa zoo heev luag txais tos yus zoo thiab luag tsav yus lub sam xeeb, tab sis yog hli tab mas txhob mus yos hav dej tsam poob deg vim hnub no zaj nrhiav noj,

    Hnub xiab- 9. 18, 27, -Niam Tsev Hnub: = Yas no yog niam tsev yas, mus ua dab tsi los zoo heev vim niam tsev yog tus tuav lub cuab thiab niam tsev muaj sawm yeej txaus, ua dab tsi tau raws li lub siab xav,

    Kev tes tawm rooj ces muaj zoo li saum toj no xwb es hais rau nej paub tias nws yuav zoo yuav xws li ib yam thiab tiam sis txawv me ntsis xwb yog koj yuav siv yam twg no yuav tsum tau keeb kom raws tus liaj txheej thiaj li paub zoo nawb mog,



    Last edited by Hmong ntuj tshiab on 14th November 2012, 4:14 pm; edited 1 time in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 9:06 pm



    Xam chib yuav pib lub cuab yig yuav tab zag


    Liaj txheej yuav tab zag no luag siv ib yam li siv liaj txheej tawm rooj thiab yeeb vim hais tias koj yuav tau keeb kom tau hnub thiab hli kom zoo, thiab keeb kom tau meej tseeb tiag koj mam li los ntaus tes thiaj yuav paub qhov tseeb tiag.

    Hnub xiab- 1, 10, 19, 28, ( Nom Tswv Hnub ) -Kev yuav tab zag nyob rau hnub no mas tus nyab yeej tsis hwm tub roog thiab cov hauv tsev, tsuas pom tab nrog tus ub tus no sib cav sib ceg tas lub neej, yeeb vim nws los rau lub sij hawm muaj hwj chim loj ces nws tus hwj chim ntawd thiaj li coj nws lub siab ceev thiab tsiv nyaum heev xwb.

    Hnub xiab - 2, 11, 20, 29, ( Txiv Tsev Hnub ) -Hnub no mas tsis zoo yog yuav tab zag rau hnub no mas tus poj niam ntawd nyiam nkawg xaiv heev yog leej twg qhuab qhia nws yuav nrog tus ntawd sib ceg yam li nws yeej muaj vaj huam loj tshaj plaws zoo li yeej yog neeg nom neeg tswv kav teb kav chaw li nag os mas koj yuav tsus tsis txhob mus chiv koj lub neej hnub no thiaj yuav tsis muaj kev nyuab siab os.

    Hnub xiab- 3, 4, 12, 13, 21,22, 30, ( Kwv Tij, Kwv Luag Hnub ) -ob hnub no mas nyob rau hauv kev yuav poj yuav sev mas tsis tshua zoo heev vim nws lub yeej sawm duav tsis tau tus txiv thiab me tub me nyuam mas yuav muaj vib xeeb heev.

    Hnub xiab- 5, 14, 23, ( Me Nyuam Hnub ) -Nyob rau hnub no los kuj tsis zoo thiab vim tias hnub no yog me nyuam hnub lub zog me thiab tsis muaj sawm yeej txaus, ua neej muaj ntsis muaj txiab xeeb rau tab zag thiab me nyuam,

    Hnub xiab- 6, 15, 24, ( Tub Sab Hnub ) -Hnub no los kuj tsis zoo yog yuav tau poj niam rau tub sab yas, ces yuav mus kev deb lawm, tus poj niam ntawd yuav deev hluas thiab yuav xyaum ntaus hlau txias vim hnub no yog tub sab hnub thiab tub sab lub sawm yeej loj heev.

    Hnub xiab -7, 16, 25, ( Hluas Nkauj Hnub ) -hnub no los kuj tsis zoo thiab, vim hnub no yog hluas nkauj hnub, mas yuav xeeb muaj xav ceem rau yus yim neej los yog yus txij nkawm niam txiv, vim hluas nkauj, nyiam ua hluas heev .

    Hnub xiab -8, 17, 26, ( Neej Tsa Hnub ) -Hnub no mas zoo heev rau kev yuav tab zag, vim hnub no yog neej tsa hnub nws muaj sawm yeej loj heev thiab neej tsa yuav pab txhawb yus lub neej kom sawm txhiaj thiab ua neej nyob muaj nom tswv hlub yus muaj kev khom vam tau lwm tus pab.

    Hnub xiab- 9, 18, 27, ( Niam Tsev Hnub ) -Nyob rau hnub no mas zoo heev, vim tias hnub no yog niam tsev hnub mas nws muaj sawm yeej loj duav tau leej txiv thiab tsev neeg me nyuam, ua dab tsi tau txais txiaj ntsim zoo muaj kev phooj ywg coob yog luag muaj noj hu yus tsis mus mas luag lub siab yeej tsis kheev, luag keeb hwm yus lub sam xeeb vim hnub no yog niam tsev hnub.

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 10:08 pm


    Kev fab ntawv keeb ntsiab thiab sam hwm hu plig

    Yog thaum koj ntaus npau suav phem, es koj hnyav siab lawm mas koj yuav tau los fab ntawv xyuas kom koj paub tseeb mas koj thiaj yuav muaj peev xwm daws tau thiab keeb thaiv tau ua ntej mas yog li no nawb, Kev xam hnub nyoog yuav sam hwm hu plig rau ib tug twg. Xam hnub nyoog yuav tuav pov hwm rau yus tus neeg kom noj qab nyob zoo mas yuav tau xam lub hli saum ntuj raws hli xiab, xam raws hnub li nram no thiab yuav pab tau koj zoo nawb.

    Xam raws nraim li tus qauv ntawm daim liaj txheej no thiaj li yuav muaj yeej kuab yeej huam zoo los duav tau koj tus neeg uas koj yuav tuav pov hwm nws nawb.


    Liaj txheej ntaus tes saib hnub nyoog yuav hu plig

    Hnub xiab- 1, 7, 13, 19, 25, Hnub no yog tus neeg koj hu plig ntawd nws Hnub- Nyob rau cov hnub no mas, koj hu plig txhawb koob txhawb hmoov mas zoo heev, vim tus plig tseem nyob hauv tsev, txhua yam plig yeej zoo siab los sam hwm koob hmoov,

    Hnub xiab - 2, 8, 14, 20, 26, Hnub no yog Nom tswv hnub- Nyob rau cov hnub no mas, Yog koj yuav hu plig rau cov hnub no mas, koj muab qe thiab qaib hu xwb los yeej tau lawm, vim hais tias plig tseem nyob rau qab vag tsib taug xwb,

    Hnub xiab- 3, 9, 15, 21, 27, Hnub no yog tub sab Hnub- Nyob rau cov Hnub no mas, koj tsis tas hu, yog koj yuav hu mas mus hu lawm puag tom ncauj ke xwb, vim tus plig mus deb heev lawm koj yuav tau coj qaib qe nrog koj mus hu puag tom kev mas plig thiaj hnov koj hu,

    Hnub xiab - 4, 10, 16, 22, 28, Hnub no yog me nyuam tub Hnub- Nyob rau cov Hnub no mas koj txawm muab tsiaj los hu los nkim zog xwb vim hnub no plig mus pw lawm, koj txawm hu npaum li cas los plig tsis hnov koj hu, vim plig mus pw zoov nuj xiab lawm ces tsis tas nkim zog hu nawb mog,

    Hnub xiab - 5, 11, 17, 23, 29, Hnub no yog me ntxhais Hnub- Nyob rau cov Hnub no mas yog koj yuav hu plig mas koj yuav tsum mus hu puag tom ncauj ke mas thiaj yuav zoo vim tus plig twb tig rov los lawm, tab sis koj muab qe hu xwb los yeej zoo tau vim zoo siab los tsev lawm os,

    Hnub xiab - 6, 12, 18, 24, 30, Hnub no yog Niam tsevHnub - Nyob rau cov Hnub uas tau teev tseg no mas, yog koj yuav xuas npua hu es khi tes mas koj hu plig rau cov hnub no mas thiaj muaj sawm yeej txaus thiab cov hnub no, yog hnub plig rov los tsev mas plig los tas nrho lawm nws zoo heev os, vim niam tsev yog tus tuav lub cuab lub yig ces niam tsev txoj hmoov koos tag nrho tsev neeg huv si nawb mog,


    Kev hu plig yuav tau saib hnub nyoog zoo mas hu thiaj tsis nkim dag zog os nawb vim plig nyob muaj hnub thiab plig los muaj hnub mas yuav tau hu raws lihnub uas plig yuav los tsev mas plig thiaj hnov thiab plig thiaj los. Peb yeej kuab yeej huam thiaj li dua tau zoo thiaj li muaj sawm yeej txaus zoo los ua peb tej kab lig kev cai ntawm peb haiv neeg Hmoob nawb mog,


    Last edited by Hmong ntuj tshiab on 23rd June 2011, 7:31 am; edited 3 times in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 10:13 pm


    Liaj txheej ntaus tes saib sij hawm yuav tsa vaj tsa tsev,


    Liaj txheej ntaus tes ua tsev los luag yeej ntaus ib yam li ntaus tes tawm rooj,

    Liaj txheej ntaus tes ua tsev los luag yeej ntaus ib yam li ntaus tawm rooj thiab yuav tab zag, ntaus raws lub hli saum ntuj xwb os nawb,


    Hnub xiab- 1, 10, 19, 28, ( Nom tswv Hnub ) Hnub no zoo heev vim hnub no yog nom tswv hnub ua dab tsi los muaj yeej thiab lub qhua tsev ntawd khwv tau noj tau haus raws li nom tswv,

    Hnub xiab- 2, 11, 20, 29, ( Txiv tsev Hnub ) Nyob rau Hnub no los kuj zoo thiab lub tsev no khwv noj khwv haus, ua qoob ua loo nce tes thiab ntsu dua yug tsiaj txhu loj hlob zoo tsis tuag

    Hnub xiab- 3, 12, 21, 30, ( Kwv tij ) Nyob rau hauv hnub no mas yog kwv tij hnub koj tsa tsev rau hnub no mas zoo heev vim muaj sam xeeb ntawm kwv tij tuaj nrog txhawb pab koj thiab,

    Hnub xiab- 4, 13, 22, ( kwv luag Hnub) nyob hnub no mas kuj yog kwv tij hnub thiab yog koj nyob lub tsev no hais lus kwv tij neej tsa nyiam hais dab tsi luag pab yus zoo muaj neeg poog yus coob, muaj noj muaj haus yus tsis mus nrog luag noj luag lub siab tsis kheev li os nawb.

    Hnub xiab - 5, 14, 23, ( Me nyuam Hnub ) Nyob rau hauv hnub no mas tsis zoo vim luj loog qis thiab lub tsev no muaj ntsis kheev raug khaub thuas nyob rau hnub no yuav muaj tub sab tuaj nyiag yus, hnub no tsis zoo ua vaj ua tsev li,

    Hnub xiab - 6, 15, 24, ( Tub sab Hnub ) Nyob rau hauv hnub no ua tsev tsis zoo yog koj ua tsev rau hnub no yuav muaj tus lij nyom nyiag koj tas mus li xwb mas koj yuav tau pauv lub tsev ntawd tawm thiab yuav viv vaim tau thiab hauv koj lub neej yuav muaj kev nyuab siab txog kev plees kev yi ntau yam rau koj yim neej tas mus li xwb.

    Hnub xiab- 7, 16, 25, ( Hluas nkauj Hnub ) Nyob rau hauv hnub no ua vaj ua tsev tsis zoo kiag vim yog koj ua vaj ua tsev rau hnub no yuav muaj xyob txhiaj xyob koj ces khwv dab tsi tsis tau ua qoob loo ua ntau tau tsawg, tu qaib npua tsis vam, luag tseem lauj yus thiab nyiag yus vim luag sab nraud yuav tshum yus.

    Hnub xiab- 8, 17, 26, ( Neej tsa Hnub ) Nyob rau hauv Hnub no mas ua vaj ua tsev zoo heev vim yog neej tsa hnub mas kwv tij neej tsa yuav tuaj koom pab txhawb nqa thiab, hais lus dab tsi los raug luag nyiam thiab txaus luag ntseeg

    .Hnub xiab- 9, 18, 27, ( Niam tsev Hnub ) Nyob rau hauv hnub no mas tsa tsev mas zoo heev li vim hnub no yog niam tsev hnub niam tsev lub sawm yeej loj siab duav tau, khwv nyiaj txiag tau yooj yim npaum li dej ntws, muaj neeg poog yus coob luag pab yus yam dawb huv, tseem yuav tau nom rau koj lub tsev no thiab os nawb vim lub tsev muaj hmoo zoo heev los dua tau koj tsev neeg thiab nawb.

    Kev ua vaj tsev mas yuav tau xyuas kom meej txog ntawm hnub nyoog thiab thaj chaw thiab koj yuav tau tsawv thiab os tsis yog koj cia li xyuas hnub mus tsa xwb ces cia li zoo rau koj thiab xwb nawb vim tias thaj chaw ntawd nws yog qhov tseeb rau koj ua ntej uas koj yuav mus ua tsev rau thaj chaw ntawd mas koj yuav tau coj txhuv mus tsawv,

    1. yog muab 7 lub txhuv, 2 lub noob taum thiab 1 lub khob coj mus tsawv, kev tsawv ntawd nws mas koj yuav tsum khawb ib lub qhov kom tob li 2 dos ces koj muab ib tug ntoo txhij kom tus tus ces koj muab tus ntoo ntawd coj los tswm qhov av ntawd kom tus tus ces koj mam muab cuab tswm xyab hlawv coj los hu rau ntawm thaj av ntawd tas ces koj mam muab 2 lub noob taum tso rau sab ped hos muab 7 lub ntsiab txhuv tso tuaj sab nrad zoo ces koj mam muab lub khob khwb rau kom ceev ceev rau.

    2. yog muab ncau los tsawv khi ua pob. 3 yog muab pa los ua daj tas ces koj ho ntuas lus tsawv tag ces ho muab nplawm peb teg hauv av tas ces rov coj los ua daj dua saib tus pa ntawd luv lawm los ho ntev tuaj dua. 4. muab qaib mus tsawv xeem ntawm thaj chaw ntawd uas koj yuav tau ntuas kom txaus siab txaus ntsws tas ces koj mam muab tus qaib coj los tua ces ho muab tseev tas muab hau kom siav ces mam coj rov mus ntuas lus rau ntawm thaj chaw ntawd tas ces ho muab tus qaib ntawd los saib pob txha thiab ko taw thiab taub hau saib puas suv li cas xwb os nawb ces koj yeej paub tau xwb.


    Last edited by Hmong ntuj tshiab on 24th June 2011, 6:19 pm; edited 3 times in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 10:16 pm



    Ntaus tes saib kev mob nkeeg li tus qauv liaj txheej ob.


    Xiab 1, 8, 16, 24, 29, Yog leej twg mob hnub no mas yuav tau mus hu cov txiv neeb uas nws yog nom yog tswv tuaj kho thiaj zoo, kev mob ntau tus neeg mob feem ntau yog raug dab loj xwb,

    Xiab 2, 9, 17, 25, 30, Hnub no yog leej twg mob mas yuav tsum hu cov txiv neeb uas yog txiv tsev tuaj ua kho thiaj yuav tau, yog tias mob kiag tus txiv tsev lawm mask ho nyuaj thiab txaus txhawj, vim yog nws hnub.

    Xiab 3, 10, 18, 26, Yog leej twg mob rau hnub no txhob mus hu luag qhua tuaj kho yuav tsum mus hu yus cov kwv tij tuaj kho xwb mas thiaj yuav zoo tau os nawb vim yog kwv tij hnub lawm nas,

    Xiab 4, 11, 19, 27, hnub no los ib yam thiab kuj yog kwv tij hnub tib yam thiab yuav tsum mus hu kwv tij tuaj kho thiaj thiab vim kwv lub looj loog thiaj yuav dua tau os nawb,

    Xiab 5, 12, 20, 28, Yog leej twg mob rau hnub no mas nrhiav neeg hu plig thiab nrhiav tshuaj kho tau zoo sai heev, tab sis siav me zog xwb tsis txhob cia qaug txaj nawb ib tsam ho kho muaj xav ceem xwb os nawb,

    Xiab 6, 13, 21, 29, Yog leej twg mob rau hnub no lawm mas kho nyuab vim dab tuaj muab nws tus ntsuj nyiag lawm, yuav tau ua neeb mus cov tus ntsuj rov los , thiab siv zog tiag tiag thiaj yuav zoo tau nawb,

    Xiab 7, 14, 22, 30 Yog leej twg mob rau hnub no mas yuav tau siv zog ua neeb mus kho vim tus ntsuj mus rau tub tuag teb lawm, yog tub ntxhais hluas mob mas nws tus ntsuj mus zov nws tus hluas nkauj los yog nws lus hluas nraug lawm, yuav tau ua neb mus tos tus ntsuj rov los mas thiaj yuav zoo tau nawb mogzoo tau.

    8, 15, 23,Yog leej twg mob rau hnub no mas tsis tas ua neeb kho, nws lam mob dog dig xwb noj tshuaj rau zoo lawm, vim niam tsev muaj lub sawm yeej loj tsaus tsis ntshai mob tsis loj li cas li nawb,

    Kev ntaus tsuam txwv saib mob mas koj yuav tau siv ntau liaj txheej ntaus tes saib mas koj mam li los txiav txim siab tias yuav ua neeb thiab nrhiv tshuaj kho mas thiaj li yuav zoo thiab thiaj tsis nkim neeb tshuaj,


    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 10:20 pm



    Kev xam saib txog neeg lub chib chiv mob.

    Liaj txheej no yog liaj txheej saib yeej sam ntawm keeb lwm sim tshwm sim los nyob rau daim npoo luaj pua, thiaj li muaj kev xam chib txog kev saib mob nkeeg thiab kev saib ntaus tes kom paub qhov tseeb tso mam mus thov cawm seej tuaj cawm thiaj yuav tau raws li siab xav thiab os nawb.Yawm saub siv yis yeej feeb los rau noob neej ntiaj teb no siv nrhiav cawm seej , los cawm tib neeg ntiaj teb no mas peb txhua leej txhua tus yuav tau yoog thiab coj raws li yawm saub tau feeb tseg rau noob neej siv thiab,

    Ntaus tes xam hnub nyoog saib neeg lub chib chiv mob.



    1, Hnub no yog neej Hnub, = 1, 4, 7, 10, 13, 16, 19, 22, 25, 28, Tib neeg yog chiv rau hnub no mas ua neeb kho zoo sai heev vim tsis muaj kev nyuaj siab dab tsi li os nawb, vim plig nyob hauv tsev xwb tsis poob rau qhov nyuab siab os nawb ua neeb los tsis nyuab rau tus txiv neeb thiab.


    2, Hnub no yog neej thiab dab Hnub, = 2, 5, 8, 11, 14, 17, 20, 23, 26, 29, Tib neeg yog leej twg chiv mob rau hnub no mas yuav tau siv neeb siv yaig thiab dej tshuaj ntau zog thiaj yuav zoo nawb vim plig faiv mob ib txhia thiab os nawb.


    3, Hnub no yog dab Hnub xwb, = 3, 6, 9, 12, 15, 18, 21, 24, 27, 30, Tib neeg yog chiv rau hnub no mas yuav qig neeb qig yaig thiab qig dej qig tshuaj heev vim tsuj plig mus deb heev lawm thiab yuav tau sib zog heev thiaj yuav zoo tau los nawb,

    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 22nd June 2011, 10:45 pm


    Kaj seej luab, txog rau ib tsoom zeej, seej sim huab hwm seev nraug txawg, tau xauv xeeb tshwm sim los muaj lub roj ntsha tsheej los ua zeej keeb,


    Nws yog tiam nyeej keeb, tshab txhais yog peb haiv Hmoob nyob rau tuam yim meem luaj, tau tawg tsij ri si keev mus nyob rau txhua txhua thaj tuam meem nrim thoob plaws rau cej lum qab kha no lawm, Hnub no yog ib hnub sij kaj cib pem faj ceeb, zoo cib pem faj ntug,

    Kuv yuav muab teej teg txuj ci keeb ko qauv quag teej teg txuj ci kev saib txij nkawm puaj txwm thiab kev saib yaig, coj los rheeb feeb teeg ua txuj txeeg ua ci nthuav cib lig cob qhia rau peb ib tsoom neeg tau kawm ua kev kob xwb tshaj lij.

    ntawm no yog tej lus tseem ceeb raws liaj lwg thiab rhwv mwg nkawv tus lw uas nkawv tau teeb cia rau noob neej tau siv. Hnub no kuv thiaj tau muab cej luam ntuav tawm los pub rau peb ib tsoom zeej huab hwm seev nraug txawg tau kawm. Vim peb Hmoob tau plam kuj cuab luaj pua los tau ntau tiam xyoo lawm, peb tej txuj ci tau poob, ploj tag lawm zuj zus,

    Es peb txoj kev teeg txuj txeeg ci thiaj nthuav txeej loj hlob tsis tau muaj mus puv rau peb haiv Hmoob txhua txhua yim neej. Uas peb Hmoob tseem txawj tsis tau ntxaws tus txuj ci los ntawm liaj lwg thiab rhwv mwg nkawv tus qauv uas nkawv tau teem teeb ua qauv tseg rau zeej keeb coj los teeg ua txuj txeeg ua ci pab noob neej nyob rau txhua txhua ntaj tuam meem nrim, Uas peb Hmoob tau tawg mus nyob thoob plaws, vim li no kuv thiaj li muab txeeg nthuav qhia rau peb Hmoob kom paub txog ntawm txoj kev siv txuj rag ci raws tus lw keeb ko qauv quag. Uas yog liaj lwg thiab rhwv mwg nkawv tau muab keeb tseg ua cia rau me nyuam Hmoob tau siv los ua kev nthuav txuj ci lom pab lwm leej lwm tus, nyob rau hauv tuam meem luaj pua.

    Yog li no kuv thiaj li tau muab cej luam sau tso rau hauv nov thiab muab teeg ua txuj txeeg ua ci coj los nthuav chab chaws, Cib lig tshab txhais los teem teeb ua keeb ko qauv quag txuj ci cob qhia rau peb ib tsoom zeej huab hwm txhua tus tau kawm,

    thiab paub txog txoj kev rag txuj ci raws yam zoo thiab meej raws li peb Hmoob kev keeb txuj ci. Yog hais tias koj ho tau kawm tus txuj ci huab txawj

    no lawm los haj yam zoo, yog koj ho tseem tsis tau paub txog tus txuj ci huab txawj no los, ho thov kom koj qhib koj lub siab dawb paug los kawm kom koj xeev ras txog tus txuj ci huab txawj no thiab.

    Es koj ho sawv los coj koj lub hom phiaj lawm yav tom ntej no, los yog koj lub yim neej mus rau lub neej pem suab yav tom ntej no, kom koj ho muaj lub neej kaj siab lug. Txuas ntxiv ntawm no mus ces kuv yuav muab tus txuj ci keeb ko qauv quag, rag txuj ci coj los

    rheeb feeb nthuav tawm los qhia rau ib tsoom zeej huab hwm seev nraug txawg txhua leej txhua tus kawm kom paub, thiab to taub txog txoj kev teeg txuj txeeg ci txog fab kev saib puaj txwm, kev saib yaig raws li txiaj keeb qauv cim ntawm liaj lwg thiab rhwv mwg nkawv tau rheeb feeb txog
    kev khaws txuj ci, kev sau txuj ci, coj los nthuav qhia pub rau peb ib tsoom zeej seej sim seev nraug txawg kawm,

    kom ho paub kev teeg txuj ci, kom to taub meej tseeb es thiaj, hais rau peb ib tsoom zeej huab hwm seev nraug txawg txhua txhua leej yuav tau kawm, coj mus pab nej lub neej lawm yav tom ntej thiab nej lub luag dej num lawm yav tom ntej no

    thiab coj mus siv thaum nej muaj kev txom nyem siab ntsws los yog kev tau nres lub luag dej num uas yuav tau los coj ib teg dej num tseem ceeb nyob rau ib lub sij hawm twg, es thiaj qhia rau nej txhua tus tseem yuav sawv los coj nej lub neej lawm yav tom ntej no, vim koj suav hnub suav hmo txav ze zuj zus mus rau yav neej uas

    koj yuav tau ntsib kev nyuab siab mob plawv, kev txaj muag, kev raug luag thuam, raug luag hais koj tus kheej lawm nag, yog li no koj tus kheej thiaj tsis txhob ua siab deb, ib tsam koj ho tau kev tsaus ntuj thiab ho nyuab koj siab xwb os nawb.

    ua tsaug rau koj tus uas tau nyeem thiab paub txog, txhua yam nyob rau hauv nov nws muaj copyright txwv tsis txhob ua phem rau tej txuj ci thiab yuav tau yoog raws txoj kev cai lij choj, kev sau txuj ci thiab mog,

    Text copyright © by Dee Vang in jun 04 / 2011. All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci. for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  koojziagkabzaug on 23rd June 2011, 1:11 am

    Hmong ntuj tshiab wrote:Kaj seej luab, txog rau ib tsoom zeej, seej sim huab hwm seev nraug txawg, tau xauv xeeb tshwm sim los muaj lub roj ntsha tsheej los ua zeej keeb,

    Nws yog tiam nyeej keeb, tshab txhais yog peb haiv Hmoob nyob rau tuam yim meem luaj, tau tawg tsij ri si keev mus nyob rau txhua txhua thaj tuam meem nrim thoob plaws rau cej lum qab kha no lawm, Hnub no yog ib hnub sij kaj cib pem faj ceeb, zoo cib pem faj ntug,

    Kuv yuav muab teej teg txuj ci keeb ko qauv quag teej teg txuj ci kev saib txij nkawm puaj txwm thiab kev saib yaig, coj los rheeb feeb teeg ua txuj txeeg ua ci nthuav cib lig cob qhia rau peb ib tsoom neeg tau kawm ua kev kob xwb tshaj lij.

    ntawm no yog tej lus tseem ceeb raws liaj lwg thiab rhwv mwg nkawv tus lw uas nkawv tau teeb cia rau noob neej tau siv. Hnub no kuv thiaj tau muab cej luam ntuav tawm los pub rau peb ib tsoom zeej huab hwm seev nraug txawg tau kawm. Vim peb Hmoob tau plam kuj cuab luaj pua los tau ntau tiam xyoo lawm, peb tej txuj ci tau poob, ploj tag lawm zuj zus,

    Es peb txoj kev teeg txuj txeeg ci thiaj nthuav txeej loj hlob tsis tau muaj mus puv rau peb haiv Hmoob txhua txhua yim neej. Uas peb Hmoob tseem txawj tsis tau ntxaws tus txuj ci los ntawm liaj lwg thiab rhwv mwg nkawv tus qauv uas nkawv tau teem teeb ua qauv tseg rau zeej keeb coj los teeg ua txuj txeeg ua ci pab noob neej nyob rau txhua txhua ntaj tuam meem nrim, Uas peb Hmoob tau tawg mus nyob thoob plaws, vim li no kuv thiaj li muab txeeg nthuav qhia rau peb Hmoob kom paub txog ntawm txoj kev siv txuj rag ci raws tus lw keeb ko qauv quag. Uas yog liaj lwg thiab rhwv mwg nkawv tau muab keeb tseg ua cia rau me nyuam Hmoob tau siv los ua kev nthuav txuj ci lom pab lwm leej lwm tus, nyob rau hauv tuam meem luaj pua.

    Yog li no kuv thiaj li tau muab cej luam sau tso rau hauv nov thiab muab teeg ua txuj txeeg ua ci coj los nthuav chab chaws, Cib lig tshab txhais los teem teeb ua keeb ko qauv quag txuj ci cob qhia rau peb ib tsoom zeej huab hwm txhua tus tau kawm,

    thiab paub txog txoj kev rag txuj ci raws yam zoo thiab meej raws li peb Hmoob kev keeb txuj ci. Yog hais tias koj ho tau kawm tus txuj ci huab txawj

    no lawm los haj yam zoo, yog koj ho tseem tsis tau paub txog tus txuj ci huab txawj no los, ho thov kom koj qhib koj lub siab dawb paug los kawm kom koj xeev ras txog tus txuj ci huab txawj no thiab.

    Es koj ho sawv los coj koj lub hom phiaj lawm yav tom ntej no, los yog koj lub yim neej mus rau lub neej pem suab yav tom ntej no, kom koj ho muaj lub neej kaj siab lug. Txuas ntxiv ntawm no mus ces kuv yuav muab tus txuj ci keeb ko qauv quag, rag txuj ci coj los

    rheeb feeb nthuav tawm los qhia rau ib tsoom zeej huab hwm seev nraug txawg txhua leej txhua tus kawm kom paub, thiab to taub txog txoj kev teeg txuj txeeg ci txog fab kev saib puaj txwm, kev saib yaig raws li txiaj keeb qauv cim ntawm liaj lwg thiab rhwv mwg nkawv tau rheeb feeb txog
    kev khaws txuj ci, kev sau txuj ci, coj los nthuav qhia pub rau peb ib tsoom zeej seej sim seev nraug txawg kawm,

    kom ho paub kev teeg txuj ci, kom to taub meej tseeb es thiaj, hais rau peb ib tsoom zeej huab hwm seev nraug txawg txhua txhua leej yuav tau kawm, coj mus pab nej lub neej lawm yav tom ntej thiab nej lub luag dej num lawm yav tom ntej no

    thiab coj mus siv thaum nej muaj kev txom nyem siab ntsws los yog kev tau nres lub luag dej num uas yuav tau los coj ib teg dej num tseem ceeb nyob rau ib lub sij hawm twg, es thiaj qhia rau nej txhua tus tseem yuav sawv los coj nej lub neej lawm yav tom ntej no, vim koj suav hnub suav hmo txav ze zuj zus mus rau yav neej uas

    koj yuav tau ntsib kev nyuab siab mob plawv, kev txaj muag, kev raug luag thuam, raug luag hais koj tus kheej lawm nag, yog li no koj tus kheej thiaj tsis txhob ua siab deb, ib tsam koj ho tau kev tsaus ntuj thiab ho nyuab koj siab xwb os nawb.

    ua tsaug rau koj tus uas tau nyeem thiab paub txog, txhua yam nyob rau hauv nov nws muaj copyright txwv tsis txhob ua phem rau tej txuj ci thiab yuav tau yoog raws txoj kev cai lij choj, kev sau txuj ci thiab mog,

    Text copyright © by Dee Vang in jun 04 / 2011. All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci. for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304

    Nyob zoo Hmoob Ntuj Tshiab,

    Ua tsaug rau txhua yam txuj uas nws coj tuaj teem tseg, zoo siab rau nws lub laj lim tswv yim thiab siab zoo.

    Nws tssi hais npe, ais zaj nov yog dab tsi thiab siv ua dab tsi?

    Nws yuav qhia peb meej li qhia me nyuam yaus, vim tus paub ces kev to tog, tus tsis paub ces cuag log cam npog xwb.
    Yog tsis muaj feem nrog cov zaj pem toj no nws tso ib lub title rau kom paub tias yog zaj dab tsi.

    Ua tsaug.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 23rd June 2011, 5:45 am

    koojziagkabzaug wrote:
    Hmong ntuj tshiab wrote:

    nws yog ib zaj lus piam sam xwb tsis yog txuj dab tsi os nawb mog

    Kaj seej luab, txog rau ib tsoom zeej, seej sim huab hwm seev nraug txawg, tau xauv xeeb tshwm sim los muaj lub roj ntsha tsheej los ua zeej keeb,

    Nws yog tiam nyeej keeb, tshab txhais yog peb haiv Hmoob nyob rau tuam yim meem luaj, tau tawg tsij ri si keev mus nyob rau txhua txhua thaj tuam meem nrim thoob plaws rau cej lum qab kha no lawm, Hnub no yog ib hnub sij kaj cib pem faj ceeb, zoo cib pem faj ntug,

    Kuv yuav muab teej teg txuj ci keeb ko qauv quag teej teg txuj ci kev saib txij nkawm puaj txwm thiab kev saib yaig, coj los rheeb feeb teeg ua txuj txeeg ua ci nthuav cib lig cob qhia rau peb ib tsoom neeg tau kawm ua kev kob xwb tshaj lij.

    ntawm no yog tej lus tseem ceeb raws liaj lwg thiab rhwv mwg nkawv tus lw uas nkawv tau teeb cia rau noob neej tau siv. Hnub no kuv thiaj tau muab cej luam ntuav tawm los pub rau peb ib tsoom zeej huab hwm seev nraug txawg tau kawm. Vim peb Hmoob tau plam kuj cuab luaj pua los tau ntau tiam xyoo lawm, peb tej txuj ci tau poob, ploj tag lawm zuj zus,

    Es peb txoj kev teeg txuj txeeg ci thiaj nthuav txeej loj hlob tsis tau muaj mus puv rau peb haiv Hmoob txhua txhua yim neej. Uas peb Hmoob tseem txawj tsis tau ntxaws tus txuj ci los ntawm liaj lwg thiab rhwv mwg nkawv tus qauv uas nkawv tau teem teeb ua qauv tseg rau zeej keeb coj los teeg ua txuj txeeg ua ci pab noob neej nyob rau txhua txhua ntaj tuam meem nrim, Uas peb Hmoob tau tawg mus nyob thoob plaws, vim li no kuv thiaj li muab txeeg nthuav qhia rau peb Hmoob kom paub txog ntawm txoj kev siv txuj rag ci raws tus lw keeb ko qauv quag. Uas yog liaj lwg thiab rhwv mwg nkawv tau muab keeb tseg ua cia rau me nyuam Hmoob tau siv los ua kev nthuav txuj ci lom pab lwm leej lwm tus, nyob rau hauv tuam meem luaj pua.

    Yog li no kuv thiaj li tau muab cej luam sau tso rau hauv nov thiab muab teeg ua txuj txeeg ua ci coj los nthuav chab chaws, Cib lig tshab txhais los teem teeb ua keeb ko qauv quag txuj ci cob qhia rau peb ib tsoom zeej huab hwm txhua tus tau kawm,

    thiab paub txog txoj kev rag txuj ci raws yam zoo thiab meej raws li peb Hmoob kev keeb txuj ci. Yog hais tias koj ho tau kawm tus txuj ci huab txawj

    no lawm los haj yam zoo, yog koj ho tseem tsis tau paub txog tus txuj ci huab txawj no los, ho thov kom koj qhib koj lub siab dawb paug los kawm kom koj xeev ras txog tus txuj ci huab txawj no thiab.

    Es koj ho sawv los coj koj lub hom phiaj lawm yav tom ntej no, los yog koj lub yim neej mus rau lub neej pem suab yav tom ntej no, kom koj ho muaj lub neej kaj siab lug. Txuas ntxiv ntawm no mus ces kuv yuav muab tus txuj ci keeb ko qauv quag, rag txuj ci coj los

    rheeb feeb nthuav tawm los qhia rau ib tsoom zeej huab hwm seev nraug txawg txhua leej txhua tus kawm kom paub, thiab to taub txog txoj kev teeg txuj txeeg ci txog fab kev saib puaj txwm, kev saib yaig raws li txiaj keeb qauv cim ntawm liaj lwg thiab rhwv mwg nkawv tau rheeb feeb txog
    kev khaws txuj ci, kev sau txuj ci, coj los nthuav qhia pub rau peb ib tsoom zeej seej sim seev nraug txawg kawm,

    kom ho paub kev teeg txuj ci, kom to taub meej tseeb es thiaj, hais rau peb ib tsoom zeej huab hwm seev nraug txawg txhua txhua leej yuav tau kawm, coj mus pab nej lub neej lawm yav tom ntej thiab nej lub luag dej num lawm yav tom ntej no

    thiab coj mus siv thaum nej muaj kev txom nyem siab ntsws los yog kev tau nres lub luag dej num uas yuav tau los coj ib teg dej num tseem ceeb nyob rau ib lub sij hawm twg, es thiaj qhia rau nej txhua tus tseem yuav sawv los coj nej lub neej lawm yav tom ntej no, vim koj suav hnub suav hmo txav ze zuj zus mus rau yav neej uas

    koj yuav tau ntsib kev nyuab siab mob plawv, kev txaj muag, kev raug luag thuam, raug luag hais koj tus kheej lawm nag, yog li no koj tus kheej thiaj tsis txhob ua siab deb, ib tsam koj ho tau kev tsaus ntuj thiab ho nyuab koj siab xwb os nawb.

    ua tsaug rau koj tus uas tau nyeem thiab paub txog, txhua yam nyob rau hauv nov nws muaj copyright txwv tsis txhob ua phem rau tej txuj ci thiab yuav tau yoog raws txoj kev cai lij choj, kev sau txuj ci thiab mog,


    Text copyright © by Dee Vang in jun 04 / 2011. All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci. for permission of any reproduction. Att: Hmoob ntuj tshiab- kev sau txuj ci, 1167 Thorndale St Green Bay, WI 54304

    nws yog ib zaj lus piam sam qhia rau ib tsoom neeg kom nkag siab xwb nws tsis yog txuj dab tsi os nawb


    Nyob zoo Hmoob Ntuj Tshiab,

    Ua tsaug rau txhua yam txuj uas nws coj tuaj teem tseg, zoo siab rau nws lub laj lim tswv yim thiab siab zoo.

    Nws tssi hais npe, ais zaj nov yog dab tsi thiab siv ua dab tsi?

    Nws yuav qhia peb meej li qhia me nyuam yaus, vim tus paub ces kev to tog, tus tsis paub ces cuag log cam npog xwb.
    Yog tsis muaj feem nrog cov zaj pem toj no nws tso ib lub title rau kom paub tias yog zaj dab tsi.

    Ua tsaug.





    Maiv paj koj muaj duab cov tsiaj uas koj hais los saum toj no ces thov koj muab tso rau saib vim kuv tsis paub txog kev tso duab nas maiv paj, ua tsaug rau koj nawb mog
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  koojziagkabzaug on 23rd June 2011, 6:03 am



    Nyob zoo Hnub Tshiab Hmoob Ntuj Tshiab,

    Hahhaah...! Kuv tsis yog Maypaj, kuv yog Kzkz, tab sis tsis ua cas, Maypaj wb leej twg khoom ces leej twg tuaj kho xwb. Qhov zoo tshaj ces yog nws tuaj tso txuj lawm, qhov nov yuav tsis muaj leej twg ua tau, tsuas yog nws tib leeg xwb. Dua li kho thiab dhos duab xwb ces leej twg khoom los mas tuaj kho xwb.

    Kuv twb tso txog tog lawm, tab sis tsis muaj caij lawm ces ib pliag mam rov tuaj tso dua.

    Hmoob Ntuj Tshiab, nws cov txuj nov zoo heev thiab nws muaj ntau heev. Li ntawd thaum nws tso ib Sujet tshiab, xav kom nws tso dua ib lub NEW TOPIC kom txhob xyaw lwm cov. Hnub qab nram ntsis rov tuaj nrhiav thiaj li nrhiav tau yooj yim. Yog nws muab tso txuas rau lwm yam ces sib xyaws lawm, yuav nrhiav nyuaj dua. Kuv tseem nrhiav tsis tau qhov uas muab txhem. Yog kuv txawj mas kuv txhem tau, tab sis tseem tsis tau paub txaus siv, thiaj muaj lub Tsev Kawm Txuj ntawm Lojleeb tsis tu ncua.

    Dua li cov uas nws twb tso sib txuas los lawm, tsis ua cas, lwm hnub mam li kho rau xwb. Nws txhob nyhav siab.

    Ua tsaug rau nws lub siab zoo nawb mog me phooj ywg.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  koojziagkabzaug on 23rd June 2011, 8:56 am

    Hmong ntuj tshiab wrote:
    Thiab hais txog kab mob kev nkeeg los kuj ua tsis tau tus cawm seej thiab vim hais tias tus mob tsis txhob poob rau ib chav yeej txam, thiaj yuav cawm tau yog poob rau hauv ib chav cev yuav cawm tsis tau es hais rau nej paub tseeb,






    1, Tus mob chiv rau Qaib hnub Luag tuaj hu koj mus pab luag ua neeb saib rau luag tus neeg mob hnub luag tuaj ntawd yog Luav hnub mas tsis zoo li nawb, koj tsis tas mus ua li vim kho tsis zoo,

    2, Tus mob chiv rau Dev hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Zaj hnub mas tsis zoo li nawb, koj tsis tas mus ua li vim kho tsis zoo,

    3, Tus mob chiv rau Npua hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Nab hnub mas tsis zoo li nawb, koj tsis tas mus ua li vim kho tsis zoo,

    4, Tus mob chiv rau Nas hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Nees hnub mas tsis zoo li nawb, koj tsis tas mus ua li vim kho tsis zoo,

    5, Tus mob chiv rau Nyuj hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Yaj hnub mas tsis zoo li nawb, koj tsis tas mus ua li vim kho tsis zoo,

    6, Tus mob chiv rau Tsov hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Liab hnub mas tsis zoo li nawb, koj tsis tas mus ua li vim kho tsis zoo,

    7, Tus mob chiv rau Yaj hnub Luag tuaj hu koj mus pab ua neeb kho luag tus neeg mob, tus neeg mob ntawd yog Xeem yaj mas kho tsis zoo li nawb, koj tsis tas mus ua li, vim hais tias tsis muaj yeej rau fab cawm seej,

    8, Tus mob chiv rau Nees hnub Luag tuaj hu koj mus pab ua neeb kho luag tus neeg mob, tus neeg mob ntawd yog Xeem muas mas kho tsis zoo li nawb, koj tsis tas mus ua li, vim hais tias tsis muaj yeej rau fab cawm seej,

    Thiaj muab keeb tseg rau ib tsoom neeg sawv daws kom paub qhov tseeb txog kev cawm seej txhua fab, raws li txiaj keeb qauv cim los ntawm yawm saub li puav pheej tau teeb tseg rau ntiaj tib neeg ua kev kob xwb, ua moj kuab cawv cawm seej rau kab mob kev nkeeg,

    Thov koj yuav tsum to taub kom txog tej yam zoo li no thiaj yuav muaj yeej rau koj lub hom phiaj uas koj xav pab ib tug neeg twg.

    Nyob zoo dua ntxiv tij laug Hmoob Ntuj Tshiab,

    Wow...! Nws cov txuj mas zoo tiag tiag li, muaj txhij muaj txhua, zoo tiag tiag li.

    Tab sis muaj ntau yam kuv tseem tsis tau paub txog thiab ntau los lus kuv tsis paub. Li cas los yeej zoo heev li, nws mas thiaj li muaj txhij muaj txhua.

    Ua tsaug ntau rau nws lub siab zoo nawb tij laug.

    Tij laug, kuv tso duab 12 tsiaj li nov seb puas yog li nws xav? Yog tshuav qhov twg tssi txaus, hais mam rov kho dua rau.

    Ua tsaug ib zaug ntxiv.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 24th June 2011, 3:49 pm

    A. Kev chiv keeb xaiv txij xaiv nkawm ntawm cov tub los yog cov ntxhais

    Koj yog ib leeg tub los yog koj yog ib leej ntxhais thaum uas koj hlob tiav hluas los yog koj hlob tiav nkauj lawm koj yuav mus xaiv koj lub neej, nws muaj ntau liaj txheej rau koj tus kheej yuav tau los kawm kom koj paub meej tso mam mus xaiv txij nkawm tom qab yeej tsis lig rau koj nawb.

    Liaj txheej ib: Ua ntej koj yuav tau xyuas koj txhais tes ntawm sab tes lauj ntawd txhua txhua tus neeg, yeej muaj ib txoj kab teg los ntawm koj lub dawm tes ntawm tus ntiv tes xoo thiab tus ntiv tes taw nkawv kis nruab nrab ntawd, los rau hauv koj lub xib teg, tiam sis nws muaj ib txoj los mus siab zog saum toj me ntsis, nws los npuab nkaus koj sab ntiv tes xoo los dua ntais rau puag nram quav tes lawm,

    Yog koj muaj txoj kab teg no, ces koj yuav tau mus yuav tus muaj txoj kab teg zoo nkaus li koj thiab, hos yog koj txoj kab teg ntawd los mus txog ncaj ncaj rau hauv koj lub plawv tes xwb nws tsis dhau nram quav tes no ces koj yuav mus xaiv tus muaj txoj kab teg zoo nkaus li koj thiab xwb thiaj yog koj tus txij tus nkawm nawb,

    Liaj txheej ob: koj yuav tau saib ntawm koj txhais tes sab lauj ntawd mas nws muaj ib co kab teg ntawd pheej txiav tav toj rau koj cov kab teg sawv ntsug, nws yog txiav ntawm koj lub xib teg ntawd cov kab teg txiav tav toj ntawm mas nws me me heev li, Yog koj muaj txoj txiav saum txoj qaum kab teg loj uas npuab rau koj cov nkhib ntiv tes saud no ces koj yuav tsum tsis txhob yuav nkauj xwb thiab nraug xwb nawb, vim koj txoj hmoov ces yog yuav tus sem cuab sem yig xwb,

    Liaj txheej peb: ces yog koj yuav tau saib koj txhais tes sab lauj uas nws muaj ib txoj kab teg tuaj puag nram quav tes tuaj tiam sis nws sawv nce toj tuaj mus tsoo tsis dhau txoj kab teg los tim koj lub daws ntiv tes xoo los mus ces txhais tau hais tias koj yuav tsum tsis txhob nkauj xwb li thiab nraug xwb li,

    Qhov zoo ces koj yuav tsum mus yuav poj nrauj, poj ntsuam, yawg nrauj thiab yawg ntsuag, xwb thiaj yuav pab tau koj nawb, vim koj txoj hmoov los yuav tsis tau nkauj xwb thiab nraug xwb, yog koj tsis ntseeg ces koj yuav tsum plam neej thaum koj ua neej txog ib nta xwb xwb li nawb, es thiaj qhia rau nej paub tseeb.

    Liaj txheej plaub: Koj yuav tau xyuas saib koj yug rau xyoo twg? Thiab koj tus hlub koj yuav tham nws ntawd seb nws yug rau xyoo twg? Seb neb puas yog yug rau tus tsiaj uas neb sib yuav tau tso? Tom qab neb paub meej hais tias neb yeej sib yuav tau yeej tsis muaj dab tsi no, neb mam sib tham yeej tsis lig rau neb txoj kev xaiv txij xaiv nkawm os nawb, Yog neb ob leeg yug rau ob lub xyoo poob los rau ob tug tsiaj uas sib yuav tsis tau xws

    ( Qaib thiab Luav ) ( Dev thiab Zaj ) ( Npua thiab Nab ) ( Nas thiab Nees ) ( Nyuj thiab Yaj ) ( Tsov thiab Liab ) tsis tas li ntawm tseem muaj li no ntxiv xws li ( Hmoob Yaj tsis txhob yuav tus tib neeg yug rau Yaj xyoo ) thiab ( Hmoob muas tsis txhob yuav tus neeg yug rau Nees xyoo )

    li saum toj no mas thov neb tsis txhob pib neb txoj kev hlub li vim hais tias lub neej pem suab yuav muaj tej yam los ua rau neb lub neej muaj kev cov nyom rau neb lub neej pem suab yuav poob mus rau txoj kev nyuab siab, ib nqaj tsis nto ntsis ib npoog tsis nto ntuj, thiaj li txwv kom neb tsis txhob los sib sau ua neej ces neb lub neej thiaj yuav tsis poob mus rau txoj kev tu siab nawb mog,

    Thov ib tsoom tub ntxhais hluas txhua tus xav kom nej paub txog txoj kev keeb txog nej li nyiaj keeb puaj txwm kom meej meej tso mam li muab txoj kev sib tham los pib thiaj tsis muaj kev nyuab siab nawb mog, vim txoj kev ua neej tsis yog txoj kev mus ua si nawb,
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 24th June 2011, 3:54 pm

    B. Txoj kev keeb seb neb hmoov puas sib haum los ua txij ua nkawm tau

    Yog neb xav keeb seb neb txoj hmoov ntawm nyiaj keeb puaj txwm puas sib luag, no ces neb yuav tau sau neb ob lub npe kom meej raug kom zoo thiab neb ob lub xeem kom meej thiab raug kom zoo ces neb suav txhua txhua tus ntawv nyob rau ntawm neb lub npe thiab lub xeem ntawd seb muaj pes tsawg tus ces neb ho muab coj los sib ntxiv ua ke tas ces neb muab faib rau ( 2 ) ces seb tau tus zauv txooj los yog zauv tab xwb,

    yog tau tus zauv tab ces yog tus tub nyiam tus ntxhais ntau dua xwb, hos tau tus zauv txooj ces yog tus ntxhais nyiam tus tub ntau dua xwb no, yog faib tas es ho seem no ces koj rov los txheeb saib yog leej twg lub npe cov ntawv tshaj los yog leej twg li ntawv ntau dua ces yog tus ntawd tseem tshuav ib txoj kev hlub tom ntej thiab xwb,

    ho yog faib tas es ho tsis seem li ces neb txoj hmoov los mus sib luag lawm yog neb sib qaws tau ua neej ces yeej tsis muaj kev nyuab siab dab tsi, yog neb xav paub neb txoj hmoo seb puas sib haum los ua txij ua nkawm ces neb tsuas nrhiav li ntawd xwb ces yeej paub qhov tseeb lawm os nawb,
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 24th June 2011, 3:59 pm

    01. Nqe lus piam sam txog ntawm liaj lwg thiab rhwv mwg tus cag txuj

    Tus txheej txheem yuav pib kev txij kev nkawm nyob rau hauv liaj lwg thiab rhwv mwg nkawv tus keeb ko qauv quag chiv keeb niam txiv txij nkawm, raws li nkauj pom nraug qab, nraug pom nkauj lw mas muaj txoj kev taug mus raws li hauv qab no thiaj yuav yog txoj kev ua neej xyom hauj xyom seem li keeb ko qauv quag ntawm Liaj lwg thiab rhwv mwg nkawv txoj kev sib sau los ua txij ua nkawm es cuaj nplooj thiab sib luag, yim nplooj thiaj li sib txig os nawb,

    Ua ntej ntawm tus tub yuav mus coj nyab, Yuav tau qhia rau tus tub uas nws xav yuav nyab ntawd, kom paub txog txoj kev yuav mus coj poj niam, thaum mus txog rau tom tus ntxhais ntawd niam txiv lub tsev thiab yuav mus coj tus

    ntxhais uas yus xav tau nws los ua yus tus poj niam ntawd Yuav tsum coj nws tawm ntawm niam txiv lub qhov rooj txuas xwb coj tsis tau tawm ntawm niam txiv lub qhov rooj tag, Kev coj nyab los mas muaj ntau yam txwv tsis pub ua raws li nram no kiag li thiaj yuav plhuv rau nkawv lub neej nawb,
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 24th June 2011, 4:03 pm

    02. Nqe niam txiv yuav tau qhia kom tus tub tsis pub ua li los yog tus ntxhais yuav tsum mloog lus ua raws li no.

    A. tus ntxhais yuav mus ua luag nyab mas los yog mus yuav txiv mas, txwv tsis pub tus ntxhais, tawm ntawm niam txiv lawv lub qhov rooj tag mus yuav txiv, vim hais tias yog tawm niam txiv lub qhov rooj tag ces ces muaj tus dab txhiaj meej nyob ntawd yuav paub hais tias tus ntxhais mus yuav txiv lawm no ces tus txhiaj meej yuav qhia hais tias tus ntxhais mus yuav txiv lawm no ces tej niag dab peg dab ntxaug dab ntxoog dab tso, dab nkauj dab nraug, dab xyob txhiaj pem hwv yuav caum tus ntxhais mus yuav txiv tag, ces yuav tsis zoo rau tus ntxhais thiab tus vauv nkawv lub neej pem suab, yuav muaj ntau yam cov nyom rau nkawv lub neej mus, es thiaj txwv tsis tawm niam txiv lub qhov tag xwb.

    B. txwv tsis pub tus ntxhais tig rov mus ntsia niam txiv lub tsev uas thaum tus ntxhais sawv kev tawm hauv niam txiv lub mus yuav txiv lawm.tus tub los yog tus neeg uas tsav lub tsheb yuav mus thauj tus nyab los ntawd, txwv tsis pub ua tsheb muaj teb meem tom ib tog kev, yog ho muaj teej meem lawm mas yuav tau ua zoo hais kom nkag siab thiab rov coj tus ntxhais rov qab mus rau tom niam txiv tsev es mam rov nrhiav dua sij hawm mus tos tus ntxhais los ua nyab thiaj yuav zoo, yog tsis mloog ces tus tub thiab tus ntxhais nkawv lub neej ces zoo li tej yam teeb meem ntawd ntag, nkawv ua neej los txog tog xwb ces nyias yuav mus nyias li nag,

    C. thaum tus tub sawv kev mus coj nyab los ntawd txwv tsis pub coj nyab los ua si tom ib tog kev, los yog xws li kev sib daj sib deev tom ib tog kev vim hais tias thaum lub sij hawm ntawd tus nyab nrog koj los ntawd mas ob tog niam txiv li dab qhua tseem tsis tau pov hwm, yog ua li ntawd ces tus nyab yuav haiv tau tej dab phem dab tsis zoo, ces nkawv lub neej pem suab yuav muaj teeb meem rau nkawd lub neej txog rau kev tu me tub me nyuam os,

    D. thaum tus ntxhais uas nws sawv kev mus yuav txiv ntawd mas txwv tsis pub tus ntxhais nqa tej niag tsuag khoom xws li ris tsho yog khoom siv, los yog nplooj ntsuab, nrog tus ntxhais mus yuav txiv, vim hais tias tsis xav kom tus ntxhais thiab tub nkawv lub neej muaj kev los kua muag rau nkawv lub neej xwb,

    E. thaum tus ntxhais uas nws sawv kev tawm hauv niam txiv lub tsev mus yuav tsiv lawm mas txwv tsis pub ntxhais xuas tes lov tog khaub tog pas taug kev mus yuav txiv, vim hais tias yog nws ua li ntawd ces yuav muaj teej meem rau nws lub neej pem suab, qhov teeb meem ces yog nws pheej nyiam ua tes ntev taw luv rau tej niam tej txiv thiab tej kwv tej tij ces luag yuav tsis nyiam nkawv nrog luag nyob no xwb,

    F. Thaum tus tub coj tau tus ntxhais tawm hauv niam txiv tsev los mus ua tus tub tus nyab lawm txwv tsis pub tus tub thiab tus nyab los zaum tom ib tog kev es pheej xuas tog pas khawb hauv av ua si, vim hais tias yog ua li ntawd ces yuav muaj teeb meem rau nkawv lub neej txog kev tu tub tu kiv, vim nkawv twb khawb tau qhov hleb qho ntxa ntau heev ces nkawv tej me nyuam yuav tsis nrog nkawv nyob, ces yuav ua rau nkawv muaj kev los kua muag heev xwb,

    G. Thaum tus tub coj tus ntxhais tawm hauv niam txiv tsev los mus ua tus tub tus nyab lawm txwv tsis pub tus nyab ntog thiab dhia mus rau ub rau no, los yog hlauv qho ceg, poob choj, poob qab ca, li vim hais tias yog tsis mloog hais es nkawv ua tej yam li saum toj no ces lub neej pem suab nkawv yuav tsis muaj me tub me nyuam li, vim nkawv tej me plig tub plig ki nws twb poob tag thiab nkawv tej koob hmoov los poob tag lawm xwb, ces nkawv yuav ua neej tsis nce tes os nawb es hais rau nej kom txhob ua xwb thiaj yuav zoo,

    H. Thaum tub coj tau tus ntxhais tawm hauv niam txiv lub tsev los mus ua tus tub tus nyab lawm txwv tsis pub tus nyab seev seev taug kev los ua neej li, yog hais tias nws ua li ntawd ces yog suab kooj ziag kab zaug thiab npliaj liag kab nqos vias xwb, tej niag no mas ntiaj teb tib neeg leej twg yeej tsis xav tau li nawb, thov kom tsis txhob seev li ntawd xwb ces yeej zoo xwb,

    I. Thaum tus tub mus coj tus ntxhais tawm hauv niam txiv lub tsev los ua tus tub tus nyab mas txwv tsis pub coj tus nyab los nyob puag tim tej phooj ywg tsev li ob peb hnub es mam coj los lwm qaib, vim hais tias tus nyab ntawd yeej los nkag tau rau leej twg lub tsev li lawm yog lam los rau lwm tus neeg uas tsis yog tus tub ntawd tsev neeg los yog tsev kwv tij mas luag yeej nplua nyiaj xwb, cai ua tsis tau li ntawd vim hais tias tus nyab nkawd los hla leej twg lub taw rooj ces tus txhiaj meej yuav qaug lawm ces luag yuav tsis zoo siab rau tus tub thiab tus nyab ntawd kiag li mas txwv tiag tiag li nawb,

    J. thaum los txog rau ntawm tus tub lub tsev lawm txwv tsis pub tus tub thiab tus nyab nkawv lam nkag los tsev, ua ntej tsis tau lwm qaib tag, yuav nkag los tsev yuav tau lwm qaib tag mam li nkag los rau hauv tus tub lub tsev kom raws li txoj kev nkawv pib nkawv lub neej tiag tiag,

    K. Thaum tus nyab nkag los txog rau hauv tus tub niam txiv lub tsev lawm mas txwv tsis pub tus nyab zaum tej rooj tog hauv tsev, ua ntej yuav tsum coj tus nyab xub mus zaum rau tom tus tub lub txaj ua ntej xwb tom qab ntawd tus nyab mam los zaum rau qhov twg los tau lawm vim hais tias tsis xav kom tus nyab los txeeb tus pog lub hwj chim, xav kom nyab tsuas tuav nyab lub hwj chim xwb, hos pog tuav pog lub hwj chim es kev ua neej thiaj yuav muaj kev sib hlub rau lub neej pem suab xwb,

    L. Thaum tus tub coj tau tus nyab los txog hauv tsev lawm txwv tsis pub lam rau mov dej txiag rau tus tub thiab tus nyab nkawv noj, yuav tsum nrhiav nqaij los rau nkawd noj thawj pluas mov ua ntej tso tom qab mam noj dab tsi los tau, txwv tsis pub muab nqaij xyaw zaub thiab txwv tsis pub muab mov ntse dej noj, cai ua tsis tau li ntawd, vim hais tias yog tsis paub es pheej lam ua li ntawd ces tus tub thiab tus nyab nkawv lub neej yuav poob qab heev nawb,

    M. Thaum tus tub coj tau tus nyab los txog tsev lawm txwv tsis pub tus tub thiab tus nyab nkawv ua hauj lwm kom txog li peb tag kis, nkawv tsuas tu tau nkawv tus kheej xwb kom txog rau peb tag kis mas nkawv mam ua tau hauv lwm,

    N.Thaum tus tub coj nyab los txog rau tom txaj ces tus tub yuav tau hais ob peb lo lus no ua ntej nkawv mam li zaum rau saum tus tub lub txaj tau, tus tub yuav tsum hais li no, ( Me koj niam nov yog kuv lub txaj nws yog koj lub chaw wb tej me plig tub, plig kiv, plig nyiaj, plig kub, plig qoob, plig loo, plig tsiaj, plig txhu thiab wb txoj koob txoj hmoov los nyob rau saum txaj los pw rau saum chaw, tsis txhob saub nrhiav luag txaj tsis txhob seev nrhiav luag chaw no nawb ), tas ces nkawv mam li zaum rau saum txaj tau,

    Kev coj nyab los es yuav tsum tau ua kom raws li liaj lwg txoj kab rhwv mwg txoj kev thiab tub nyab yuav tsum tau ua xwb xwb li, mas muaj raws li saum toj no mus nyob rau cov lus no yuav tsum tau qhia rau tus tub los yog tus ntxhais uas yuav mus yuav poj niam los yog yuav mus yuav txiv, ntawd kom nws to taub txog txoj kev uas yus yuav mus sib sau ua txij ua nkawm ntawm nkawv lub neej nawb.

    Yog thaum yus tsev neeg los yog ib tug kwv tij twg muaj ib tug tub yuav mus coj poj niam, yog li yuav tau qhia yus tsev neeg los yog tej kwv tij sawv daws kom paub es yuav nrhiav kom tau li ob tug kev txwj laus neeg nrog tus tub mus fiv xov raws li txoj kev txoj cai tus txheej txheem kab tshoob kev kos.

    Thaum tus tub coj tau nyab los txog rau ntawm qhov rooj tag mas kom tus tub tsis txhob maj nkag los tsev es tus niam tsev los yog tus txiv tsev yuav tau muab qaib los lwm nkauj nyab tso mam nkag los rau hauv tsev thiab tsis txhaum dab txhaum qhua,

    Ua ntej ntawm ib tug poj niam nws yuav los ua yus neeg mas yuav tau lwm qaib tso mam pub nws los rau hauv yus tsev, ho yog tsis tau lwm qaib mas tsis pub los ua yus neeg, thiaj hais tias yuav lwm qaib tso mam nkag los rau yus tsev thiaj yuav tsis txhaum yus li tej dab tej qhua raws li poj ua tseg yawm ua cia, li ntawm liaj lwg thiab rhwv mwg nkawv tus keeb ko qauv quag kev sib sau los ua txij ua nkawm, raws li ib txwm poj rhawv kab yawm rhawv kev ces yuav tsum tau lwm qaib xwb li os nawb,

    Yuav tsum npaj tej khoom yuav siv raws li nram qab no, yog npaj tau yuav tau npaj ib tug lau qaib coj los lwm nkauj nyab, yog tias npaj tsis tau qaib muab 2 tswm xyab los yog ib tug tw taws coj los lwm los tau, Kev lwm qaib ntawd, Yog thaum coj nkauj nyab los txog lawm kom nkauj nyab thiab tus tub txhob rawm nkag los tsev, yuav tsum los sawv sab nraum qhov rooj tag thiab muab tus lau qaib coj los lwm plaub ncig mus thiab hais li hauv qab no,



    Last edited by Hmong ntuj tshiab on 24th June 2011, 4:37 pm; edited 2 times in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 24th June 2011, 4:28 pm

    [quote="koojziagkabzaug"][quote="Hmong ntuj tshiab"]
    Thiab hais txog kab mob kev nkeeg los kuj ua tsis tau tus cawm seej thiab vim hais tias tus mob tsis txhob poob rau ib chav yeej txam, thiaj yuav cawm tau yog poob rau hauv ib chav cev yuav cawm tsis tau es hais rau nej paub tseeb,






    1, Tus mob chiv rau Qaib hnub Luag tuaj hu koj mus pab luag ua neeb saib rau luag tus neeg mob hnub luag tuaj ntawd yog Luav hnub mas tsis zoo li nawb, koj tsis tas mus ua li vim kho tsis zoo,

    2, Tus mob chiv rau Dev hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Zaj hnub mas tsis zoo li nawb, koj tsis tas mus ua li vim kho tsis zoo,

    3, Tus mob chiv rau Npua hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Nab hnub mas tsis zoo li nawb, koj tsis tas mus ua li vim kho tsis zoo,

    4, Tus mob chiv rau Nas hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Nees hnub mas tsis zoo li nawb, koj tsis tas mus ua li vim kho tsis zoo,

    5, Tus mob chiv rau Nyuj hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Yaj hnub mas tsis zoo li nawb, koj tsis tas mus ua li vim kho tsis zoo,

    6, Tus mob chiv rau Tsov hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog Liab hnub mas tsis zoo li nawb, koj tsis tas mus ua li vim kho tsis zoo,

    7, Tus mob chiv rau Yaj hnub Luag tuaj hu koj mus pab ua neeb kho luag tus neeg mob, tus neeg mob ntawd yog Xeem yaj mas kho tsis zoo li nawb, koj tsis tas mus ua li, vim hais tias tsis muaj yeej rau fab cawm seej,

    8, Tus mob chiv rau Nees hnub Luag tuaj hu koj mus pab ua neeb kho luag tus neeg mob, tus neeg mob ntawd yog Xeem muas mas kho tsis zoo li nawb, koj tsis tas mus ua li, vim hais tias tsis muaj yeej rau fab cawm seej,

    Thiaj muab keeb tseg rau ib tsoom neeg sawv daws kom paub qhov tseeb txog kev cawm seej txhua fab, raws li txiaj keeb qauv cim los ntawm yawm saub li puav pheej tau teeb tseg rau ntiaj tib neeg ua kev kob xwb, ua moj kuab cawv cawm seej rau kab mob kev nkeeg,

    Thov koj yuav tsum to taub kom txog tej yam zoo li no thiaj yuav muaj yeej rau koj lub hom phiaj uas koj xav pab ib tug neeg twg.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 24th June 2011, 4:52 pm

    03. Nqe: lus niam txiv poj yawm lwm qaib nkauj nyab nraug vauv

    Kev lwm qaib mas koj yuav tau paub txog txoj kev lwm qaib raws li liaj lwg thiab rhwv mwg nkawv tus cag keeb ko qauv quag uas nkawv tau teeb tseg rau peb Hmoob coj los pib kev txij nkawm,

    Liaj txheej ( 1 )- yog tus nyab ntawd lawv caj ces Hmoob es cov ntxhais mus neej pheej tsis kawg paus kawg ntsis, koj yuav tau muab ib rab khaub rhuab coj los cheb ua ntej tas mas koj mam xuas qaib los yog xyab los lwm,

    Liaj txheej ( 2 )- yog tus nyab ntawd sem dua cuab yig lawm los yog koj tus tub twb sem dua cuab yig lawm no ces, koj yuav tsum xuas ib lub vab tshaus los tshau tub nyab li ntawv nyiaj keeb puaj txwm kom cuaj nploog sib luag yim nplooj sib txig, tas ces koj mam xuas qaib los yog xyab los lwm,

    Liaj txheej ( 3 )- yog tus nyab ntawd lawv caj ces Hmoob ntawd koj twb mus yuav ib tug los ua neej lov ntsis lawm no ces, koj yuav tsum mus thov muam phauj yawg laus tuaj pab lwm qaib, thiab muab ob nkawm nrhoob dov ntawm qhov rooj mus kom txog rau tom tus tub lub txaj, thaum lwm qaib tag lawm ces tus tub thiab tus nyab nkawv yuav tsum taug ob nkawm nrhoob ntawd mus rau tom txaj xwb,

    Cov lus thaum yus xuas rab khaub rhuab los cheb mas nws hais li nram no xwb,

    Sis laud!!!! Hnub no kuv cheb no, kuv tsis cheb tub nyab plig tub tsuas luag ntxhub, kuv tsis cheb tub nyab plig ki tsuas luag ntxhi, kuv no, kuv tsuas cheb luag vij rov mus rau luag caj, kuv tsuas cheb luag swv rov mus rau luag ces, kuv tsuas cheb luag kev sib foom mus rau luag caj, kuv tsuas cheb luag kev sib piob rov mus rau luag ces, kuv no cheb tu nrho rau nraum rooj, poob nthav rau nraum ntsa, tu nrho mus rau hluav taws kub, poob nthav mus rau dej tshoob, ntws lawm zaj qho, ntxeev npho mus rau ntuj nraum ub, kom ntsej tsis hnob muag tsis pom nawb, hnub no tub nyab muaj txig muaj nkawm lawm tsis tseev txoj luag qab tsis tseev taug luag lw no laud,

    Cov lus thaum yus xuas lub vab tshaus los tshau mas nws hais li nram no xwb yeej tsis nyuab dab tsi,

    Sis laud!!!! Hnub no kuv tshau no, kuv tsis tshau tub nyab plig tub tsuas luag ntxhub, kuv tsis tshau tub nyab plig ki tsuas luag ntxhi, kuv no, kuv tsuas tshau tub nyab ntawv nyiaj keeb puaj txwm kom cuaj nploog sib luag, yim nplooj sib txig, nplooj twg tsis sib luag, kuv tshau kom poob rau nraum rooj tu nrho rau nraum tsa, poob mus rau hluav taws kub, tu nrho mus rau dej tshoob, ntws lawm zaj qho, ntxeev npho mus rau ntuj nraum ub kom ntsej tsis hnov muag tsis pom, hnub no tub nyab muaj txig muaj nkawm lawm tsis tseev txoj luag qab tsis tseev taug luag lw no laud,

    Cov lus thaum yus xuas tus qaib los lwm tub nyab mas muaj li nram no xwb yeej tsis nyuab tiam sis lwm no yog koj lwm 4 ncig mus ces koj lwm li no xwb.

    Sis laud!!!!!!!! Hnub no kuv lwm no kuv tsis lwm nkauj nyab plig niam plig txiv, plig tub plig kiv, plig nyiaj plig kub, plig qoob plig loo, plig ntsiaj plig txhuv, kuv lwm no tsuas lwm nkauj nyab txoj kev nkauj kev nraug, dab peg dab ntxaug, kev plees kev yi dab ntxoog dab tso, xyob txhiaj pem hwv kom poob nthav rov nraum rooj tu nrho rov nraum ntsa, tsis pub txoj nkauj nyab qab tsis tseev kom taug nkauj nyab lw, luag muaj txig muaj nkawm lawm, tsis tseev taug luag qab luag lw lawm ntag,

    Thaum hais tag li no ces ho rov lwm 4 ncig rov qab thiab ces koj tsuas hais li hauv qab no xwb ces yeej tsis nyuaj li nawb,

    Sis Laud!!!!!!! Hnub no kuv lwm no, kuv yuav lwm nkauj nyab los rau hauv vaj hauv tsev, zaum no txiv los txiv coj niam, niam los niam coj tub, tub los coj nyab, nyab los nyab coj tub coj kiv, coj plig nyiaj plig kub, plig tsiaj plig txhuv, plig qoob plig loo, coj kev neej kev tsav, plhu nom plhu tswv, nrog tub nyab los ua neej ib nqaj nto ntuj, ib ploog kom nto ntsis, niaj txhiab ib txhis, kom noj tsis kawg qub haus tsis kawg ntsis, no laud,

    Thaum koj lwm qaib nkawv tag lawm ces koj tus uas lwm qaib ntawd yuav tsum sawv sab qhov rooj ntawm sab lauj nyob rau sab hauv tsev ces koj muab koj txhais tes sab lauj cev mus tuav tus qaib ntawd coj mus tuav sab qhov rooj sab xis ces koj siv koj sab tes xis mus rub tus tub ces kom tus tub tuav tus nyab tes ces nkawv nkag los hauv koj lub qhov tsos los rau hauv tsev, ces koj yuav tau hais cov lus hauv nov ces koj rub nkawv los xwb.


    04. Nqe: lus sawv ntawm qhov rooj es rub tus tub thiab nyab los tsev ces koj ho los rub tub nyab los tsev xwb ces yeej tsis nyuab dab tsi li nawb.

    Hnub no kuv rub no kuv tsis rub kev phem kev tsis zoo, kuv tsuas rub tub los ces tub rub nyab los rau hauv va,j hauv tsev, tub los, tub coj nyab, nyab los nyab coj plig tub plig kiv, plig nyiaj plig kub, plig qoob plig loo, plig tsiaj plig txhuv, coj plhu nom plhu tswv, rooj noj rooj hauv, rooj ntaub rooj ntawv, thiab coj kev neej kev tsav, los rau hauv vaj hauv tsev, hnub no kom tub nyab los ua neej yaj los kib txoob, nqaj nto ntuj, nploog nto ntsis, los ntxuav qab yiag du, cheb qab plag tsev huv, ua neej nyob dawb cuag lub txhuv, ntag nawb,

    Thaum tus tub thiab tus nyab nkag los hauv tsev, tus tub yuav tsum coj tus nyab nkag mus txog hauv tus tub lus txaj ces tus tub yuav tau hais cov lus no,

    05. Nqe: lus tus tub cov lus hais thaum nkawv los txog tom txaj

    Me koj niam !! ntawm nov yog kuv lub txaj, yog koj lub chaw, wb me plig tub plig kiv, me plig nyiaj plig kub, me plig qoob plig loo, me plig tsiaj plig txhuv, los rau saum txaj zaum rau saum chaw, tsis saub mus nrhiav luag txaj, tsis seev mus nrhiav luag chaw, no nawb,

    Hais li tag ces nkawv mam zaum ua ke rau saum lub txaj, tag ntawd tus tub yuav tau rov los sawv rau ntawm hauv plag tsev ces mam los pe niam, pe txiv, yuav tsum muaj ib tug laus qhia tus tub pe. Cov lus hais li hauv qab no Kev pe yuav tsum pe txiv ua ntej tas mam pe niam mus ces mam pib ib tug zuj zus mus kom txog rau ncej dab ncej qhua mam tag nawb,


    Last edited by Hmong ntuj tshiab on 24th June 2011, 5:38 pm; edited 2 times in total
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Hmong ntuj tshiab on 24th June 2011, 4:54 pm

    06. Nqe: lus tus tub cov lus pe niam thiab txiv hauv tsev

    1. Thov koj ua Txiv ov!!! Thov koj nawb, hnub no kuv ua tub coj tau nyab los txog vaj txog tsev lawm, thov koj ua siab loj siab ntev, tig los nrog pab kuv nawb, kuv coj tau txoj kab tshoob kev kos los rau koj txob koj txhawj, yuav vam koj lub dag lub zog mus nrog chawj tshoob chawj kos, nawb mog,

    2. Thov koj ua Niam ov!!! Thov koj nawb, hnub no Kuv ua tub coj tau nyab los txog vaj txog tsev lawm, thov koj ua siab loj siab ntev, tig los nrog pab kuv nawb, kuv coj tau txoj kab tshoob kev kos los rau koj txob koj txhawj, yuav vam koj lub dag lub zog mus nrog chawj tshoob chawj kos, nawb mog,

    3. Thov saum ib tsoom Niam hlob txiv hlob ov!!! Thov neb nawb, hnub no Kuv ua tub coj tau nyab los txog vaj txog tsev lawm, thov neb ua siab loj siab ntev, tig los nrog pab kuv nawb, kuv coj tau txoj kab tshoob kev kos los rau neb txob neb txhawj, yuav vam neb lub dag lub zog mus nrog chawj tshoob chawj kos, no nawb mog,

    4. Thov saum ib tsoom Niam ntxawm txiv ntxawm ov!!! Thov neb nawb, hnub no Kuv ua tub coj tau nyab los txog vaj txog tsev lawm, thov neb ua siab loj siab ntev, tig los nrog pab kuv nawb, kuv coj tau txoj kab tshoob kev kos los rau neb txob neb txhawj, yuav vam neb lub dag lub zog mus nrog chawj tshoob chawj kos, no nawb mog,

    5. Thov saum ib tsoom niam tij, tij laug ov!!! Thov nej nawb, hnub no Kuv ua tub coj tau nyab los txog vaj txog tsev lawm, thov nej ua siab loj siab ntev, tig los nrog pab kuv nawb, kuv coj tau txoj kab tshoob kev kos los rau nej txob nej txhawj, yuav vam nej lub dag lub zog mus nrog chawj tshoob chawj kos, no nawb mog,

    6. Thov saum ib tsoom muam yawm yij ov!!! Thov nej nawb, hnub no Kuv ua nus coj tau nyab los txog vaj txog tsev lawm, thov nej ua siab loj siab ntev, tig los nrog pab kuv nawb, kuv coj tau txoj kab tshoob kev kos los rau nej txob nej txhawj, yuav vam nej lub dag lub zog mus nrog chawj tshoob chawj kos, no nawb mog,

    7. Thov saum ib tsoom muam phauj yawg laus ov!!! Thov nej nawb, hnub no Kuv ua tub coj tau nyab los txog vaj txog tsev lawm, thov nej ua siab loj siab ntev, tig los nrog pab kuv nawb, kuv coj tau txoj kab tshoob kev kos los rau nej txob nej txhawj, yuav vam nej lub dag lub zog mus nrog chawj tshoob chawj kos, no nawb mog,

    8. Thov saum ib tsoom niam dab laug txiv dab laug ov!!! Thov nej nawb, hnub no Kuv ua tub coj tau nyab los txog vaj txog tsev lawm, thov nej ua siab loj siab ntev, tig los nrog pab kuv nawb, kuv coj tau txoj kab tshoob kev kos los rau nej txob nej txhawj, yuav vam nej lub dag lub zog mus nrog chawj tshoob chawj kos, no nawb mog,

    9. Thov saum ib tsoom niam tais yawm txiv ov!!! Thov nej nawb, hnub no Kuv ua tub coj tau nyab los txog vaj txog tsev lawm, thov nej ua siab loj siab ntev, tig los nrog pab kuv nawb, kuv coj tau txoj kab tshoob kev kos los rau nej txob nej txhawj, yuav vam nej lub dag lub zog mus nrog chawj tshoob chawj kos, no nawb mog,

    10. Thov saum ib tsoom poj koob yawm koob ov!!! Thov nej nawb, hnub no Kuv ua tub coj tau nyab los txog vaj txog tsev lawm, thov nej ua siab loj siab ntev, tig los nrog pab kuv nawb, kuv coj tau txoj kab tshoob kev kos los rau nej txob nej txhawj, yuav vam nej lub dag lub zog mus nrog chawj tshoob chawj kos, no nawb mog,

    11. Thov saum koj tus uas coj noj coj ua, coj tshoob coj kos ov!!! Hnub no Kuv ua tub coj tau nyab los txog vaj txog tsev lawm, thov koj ua siab loj siab ntev, tig los nrog pab kuv nawb, kuv coj tau txoj kab tshoob kev kos los rau koj txob koj txhawj, yuav vam koj lub dag lub zog mus nrog chawj tshoob chawj kos, no nawb mog,

    12. Thov saum ib tsoom niam txiv ncej dab ncej qhua sawv daws nawb, kuv ua tub coj tau nyab los txog vaj txog tsev lawm, hnub no tub nyab nce toj nqes taug, mus laj fab toob fab los yuav vam nej ua kaus tooj roos, ua kaus hlau thaiv, mus ua tshoob ua kos, mus dawb rov kaj, mus huv rov zoo, mus txog neej txog tsav, los txog vaj txog tsev, txij hnuv no mus lawm yav tom ntej tau noj tau haus, yuav noj xus npws haus xus npws ib tsoom niam txiv ncej dab ncej qhua no nawb mog,

    Tus tub mam rov mus nrog nyab nyob tom txaj tau es tej no yog txoj kev uas yuav los ua neej kom zoo, yuav tau ua raws li yawm saub tau rheeb txiaj keeb qauv cim feeb txoj hmoo los rau ntiaj teb tib neeg pib ntawm lub cuab yig,

    kev pib ntawm niam txiv txij nkawm yuav tau coj kom raws li txoj kev zoo Ib txwm li txiaj keeb qauv cim ntawm liaj lwg thiab rhwv mwg nkawv tus lw tau teeb tseg rau noob neej ntiaj teb no tau ua kev chiv keeb kev txij nkawm sib sua los ua neej nawb,
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  koojziagkabzaug on 24th June 2011, 5:10 pm



    Nyob zoo tij laug Hmoob Ntuj Tshiab,

    Ua tsaug rau nws cov txuj nov, zoo tiag tiag li. Nws mas thiaj li muaj txhij toob puaj yam rau lub neej txhua nrho.

    Nws muaj dab tsi, yeej meem coj tuaj tso txhob xav li cas. peb tsuas zoo siab hlo txais tos txhua yam xwb. Nws coj tuaj tso ais yog kuv tsis tau khoom tuaj kho no nws txhob xav li cas, kuv khoom thaum twg kuv yuav tuaj kho kom zoo thiab muab tib, muab teem thiab dhos duab tej rau. Tab ssi kuv yuav muaj chaw tab kaum ib nyuag ntu ais yog thaum twg nws tsis pom kuv tuaj lawm no ces nws txhbo txhawj, kuv muaj chaw rawm tooj me ntsis lawm xwb ov.

    Ua tsaug rau nws tej txuj txhua yam. Qhov zoo mas yog muaj caij nyeem ais kom tau nug nws thiaj paub zoo dua rau peb cov uas tssi tau paub dua.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Kev saib puaj txwm ntawm kev txij nkawm ( yug raws lub xyoo ) tus tib neeg coj cwj pwm , kawm saib yaig

    Post  Sponsored content


      Current date/time is 14th December 2017, 9:31 pm