google-site-verification: googlefbfddf59e706b96b.html

Latest topics

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Nkauj Nag Tuaj Lawm os

    Share
    avatar
    hmoobleejtub
    Developer
    Developer

    Messages : 119
    Date d'inscription : 2011-08-31

    Re: Nkauj Nag Tuaj Lawm os

    Post  hmoobleejtub on 13th October 2011, 2:18 am

    NkaujNag wrote:Nyob zoo os cov phoojywg sawv daws , Hnub no NkaujNag tuaj lawm os yuav nqa qe qaij tuaj rau nej saj xwb os . Vim tsam no lig heev li lawm ces cia tag kis es muaj caij no li mam tuaj qhia nej ua noj os nawb , Nej ua siab ntev nawb lod .




    Uj..! Nkaujnag, nws cov qe nqaij mas qab tas tas. Ntsim txob nrog qab zib, cov qe nqaij los kuj txhim raug hniav kawg li. Nws puab qe nqaij heev heev es puas mob nws tus nti tes xoo nab. Yog mob no txav los ntawm no hmoob leej tub mam ua nws tus doctor.
    avatar
    NkaujNag
    Member
    Member

    Messages : 80
    Date d'inscription : 2010-03-11

    Re: Nkauj Nag Tuaj Lawm os

    Post  NkaujNag on 13th October 2011, 6:22 pm

    Nyob zoo os cov phooj ywg sawv daws , Kuv tsis khoom li es tsam mam li khoom ces mam li tuaj ua qe qaij rau nej saj os ,

    Ua tsaug ntau os me "Hmoobleejtub" Oh ...!!hais txog puab qe nqaij ces yeej tsis nyuaj thiab os tsuas yog siv sij hawm me ntsis xwb os zoo li kuj qab thiab xav noj heev li ces ntev ntev li mam ua ib zaug xwb ces zoo li kuj lom zem thiab zooli ua si xwb thiab os , Ua tsaug nawb lod . uas koj tseem hais lus zoo txbawb zog thiab os , Wow ...!! tiag lod ,ob ....ntshe zaum no muaj zoo doctor lawm ces ntshe yuav tau rau siab ua noj lau...! vim muaj zoo doctor yuav ua hauj lwm rau yus lawm ces zaum no ntshe yuav rau siab ua noj es txawm tsis nkees los hais tias nkees no hos txawm tsis sab los ntshe yuav hais tias sab no , Vim yus muaj zoo doctor lawm na,zoo siab uas tau paub koj os doctor "Hmoobleejtub" .

    Oh ....! tham ntev lawm ces cia kuv mus ua qe nqaij rau peb saj os , nej ho nrog kuv ua thiab es thiaj li tsis sab os vim tsam no kuj lig lawm thiab na yuad..!!






    Cov txhiam xwm yuav coj los ua qe nqaij muaj li no :

    1.Hauv siab qaib 1 kg
    2.Kua ntses (nabpas ) 2 dia noj mov
    3.Ntsev 1 dia kasfes
    4.piam ntaj hmoov 1dia noj mov
    5.Roj 1 dia noj moov
    6.Hmoov nplej pobkws (maize flour)2 dia noj mov
    7.Poov su (baking powder)2 dia kas fes thiab 1/2
    8.Dej dawb 1tais (bol) = 225mg
    9.hwj txob 2 dia noj mov

    Pib ua qe nqaij :

    1.Muab cov nqaij qaib los ntxuav kom huv huv ,
    thiab txhob muaj tawv li , Ces coj mus hlais kom luaj li ob nti .


    ces mam coj mus zom kom mos mos zoo li no ,




    thaum zom tau cov nqaij tag lawm ces ho los ua
    cov kua keeb uas yuav coj los zuaj xyaw cov nqaij
    muab ib lub phiab loj coj los , Ces rau dej , Rau roj ,
    Rau hmoov pob kws (maize flour),rau ntsev , piam thaj ,
    poov su, (baking powder) thiab nab pas (fish sauce)



    muab cov keeb (Sauce) coj los sib xyaw nrog rau cov nqaijkom
    ua ke thiab xyaw kom sib xyaws zoo zoo kom txog thaum uas nws
    tsis muaj dej es nws zoo li no thiab nplaum zoo li no.




    ces ho muab nws coj los qhwv ntaub yas zoo zoo
    kom tsis txhob dim pa ces ho coj mus cia rau tub yees
    (fridge)li 30 nas this kom nws txias .



    30 nas this tom qab ces muaj thau tawm los ces ho
    coj los rau hwj txob rau ces muab sib xyaws kom zoo zoo,



    ces mam rau ib lub lauj kaub rau dej rau hauv kom kub
    tsis txhob cia kom npau ua ntej yuav npau twb tso nqaij rau lawm .



    puab tau li no ces muab tso rau hauv cov dej kub ,





    ke puab ib ke tso rau kom tag es tsis pub kom cov dej npau,
    yog lub qe nqaij twg nws siav lawm mas nws yeej txawj ntab tuaj saum no,
    ces thaum puab tag lawm laus ces li mam qhib hluav taws loj kom npau



    Thaum nws siav lawm ces mam li muab nws npo tawm los .



    ces mam ho coj mus tsaug dej txias kom nws txias ( Stop cooking )



    ces mam coj los si dej ces thaum si tag lawm ces noj tau lawm xwb os



    Tiav lawm laus los peb sawv daws noj os , tus nyiam noj li cas los tau,
    ho saj seb puas qab es nej nyiam no ho coj mus ua noj os lod, kuv mas nyiam kawg li thiab os






    oh .....!! Ntshe lig lawm es kuv yuav rov mus tsev os ,

    Mam li sib ntsib dua os lod , nyob zoo nej sawv daws os ,

    Kuv niam Nkauj Nag mam li rov tuaj dua os.kuv twb tsis muaj zoo tswv yim ai...!!
    zoo caij zoo nyoog es li mam tuaj tshia ib vuag dua ib nyuag chim xwb os .

    NkaujNag .


    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Nkauj Nag Tuaj Lawm os

    Post  koojziagkabzaug on 15th October 2011, 4:16 pm



    Nyob zoo Nkauj Nag tes txawj tes hau zaub qab,

    Zoo kawg nkaus, nws muaj lub laj lim tswv yim zoo, nws tuaj sau tej yam tseem ceeb heev rau peb haiv Hmoob, kuv ua nws tsaug ntau.
    Hnub no txawj ua nqe nqaij lawm ces yuav tsis nkim nyiaj pes tsawg thiab yuav tau noj txhij txhua...Ua tsaug ib zaug ntxiv rau nws lub siab zoo.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    NkaujNag
    Member
    Member

    Messages : 80
    Date d'inscription : 2010-03-11

    Re: Nkauj Nag Tuaj Lawm os

    Post  NkaujNag on 16th October 2011, 4:49 pm

    koojziagkabzaug wrote:

    Nyob zoo Nkauj Nag tes txawj tes hau zaub qab,

    Zoo kawg nkaus, nws muaj lub laj lim tswv yim zoo, nws tuaj sau tej yam tseem ceeb heev rau peb haiv Hmoob, kuv ua nws tsaug ntau.
    Hnub no txawj ua nqe nqaij lawm ces yuav tsis nkim nyiaj pes tsawg thiab yuav tau noj txhij txhua...Ua tsaug ib zaug ntxiv rau nws lub siab zoo.

    Nyob zoo os kzkz.

    Ua tsaug os . Yeej xav kom txawj li koj hais xwb os , Kzkz aw .....!! koj ho coj mus sim ua os , tej zaum yuav tsis qab npaum li tej mab sua li , Tab sis yog lam noj los kuj qab kawg lawm thiab os , Yus zoo siab hais tias yog yus ua ntawm yus 2 sab tes thiab zoo li huv siab dua na , thiab kuj yooj yim ces tau ua cesho ua kom ntau mentsis es noj tsis tag los ho khaws cia rau hauv ( Fridge ) los tau lwm zaus yuav noj ces cia li noj xwb os .

    Hnub no ces kuv npaj tsis tau dab tsi tuaj tham rau nej mloog, tsis muaj dab tuaj qhia rau nej kawm ces kuv lam tuaj tham pem me ntsis rau nej tau luag xwb os .

    Kuv lam tham qhia rau nej hais tias nej leej twg tseem muaj cov me nyuam me uas tseem noj noj (Chewingum)na




    Ab ...! Xyov lus hmoob hu li cas ne , zoo li kuv tsis paub lus hmoob as ......!ua li es ...... lus hmoob - Chewingum -hu li cas ne yuad ...!!kav liam mas yom ! cia kuv hu li neeg txawv teb chaw hu xwb os
    Yog me nyuam noj chewingum es lo nej tej khaub ncaws los puas yog tej yam dab tsi uas nej muab tawm tsis tau li no ces nej muab

    1. cov dej khov ( nab kheem )coj los puab rau daib ntaub sab hauv kom txias txias ces thaum nws khov lawm ces nej li mam dawj tawm los xwb os ,




    2. Muab qe yuav cov dawb xwb muab coj los pleev rau qhov uas nws lo Chewingum ntawd ces cia li 3-4 suab moos los puas ib hnub los tau ces mam li muab nws khawb tawm xwb Vim qe mas nws mus tom cov Chewingum ntawd lawm .



    3. Muab poj niam cov tshuaj lwv rau tes (dissolvant) los meskas hu ua (Nail polish remover)muab ib daim khaub hlab ntub ces coj los txhuam txhuam rau ces nws tawm tag los lawm



    Ua zoo siv ov .!! thiaj li ua tau zoo nawb mog .zaum no paub lawm ces tsis txhob muab tej khaub ncaws uas los Chewingum pov tseg los puas muab txiav lawm os ,Haaaaaaaaa!!




    Nkaujnag .






    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Nkauj Nag Tuaj Lawm os

    Post  koojziagkabzaug on 17th October 2011, 2:11 pm



    Nyob zoo Nkauj Nag,

    Ua tsaug rau nws qhia tej yam yuav tsum paub no rau peb.
    Zoo kawg, yog ib txoj kev kawm tseem ceeb rau lub neej niaj hnub.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    NkaujNag
    Member
    Member

    Messages : 80
    Date d'inscription : 2010-03-11

    Re: Nkauj Nag Tuaj Lawm os

    Post  NkaujNag on 25th November 2011, 3:20 pm

    koojziagkabzaug wrote:

    Nyob zoo Nkauj Nag,

    Ua tsaug rau nws qhia tej yam yuav tsum paub no rau peb.
    Zoo kawg, yog ib txoj kev kawm tseem ceeb rau lub neej niaj hnub.


    Nyob zoo os , Koojziakabzaug e.....!

    Ntev heev li lawm os uas tsis tau tuaj li , hnub no tuaj ces mam hu koj os nawb ,
    Ntev ntev lawm ces tuaj tso tej yam me ntsis rau nej nyeem xwb os .

    Kuam nplai ntse kom yooj yim .



    cov niam tsev los txiv tsev uas nyiam noj qaij ntse no yog nej xav kom Kaus cov nplais ntse yooj yim
    Yuav tsum muab cov ntse ntawd coj mus raus rau hauv cov dej kub li 2-3 nas this tag ces mam li coj los kaus nplai mas nws yuav tawm los zoo kawg li , Nej mam coj mus sim nawb lod .


    Qaij qaib muag mos noj qab



    Ua ntej yuav coj tus qaib coj los ua noj , muab ib lub txiv qaub (lemon or lime ) tso ywg kom thoob plaws tus qaib muab cia li 30 nas this los ntev dua los kuj tau thiab , Nws yuav uas rau cov qaij qaib muag mos thiab qab dua tuaj , mam coj mus sim nawb lod .


    Kua Ntsev pab ntau kua txob tshim tes .



    Peb cov niam tsev uas niaj hnub ua tshais ua hmo noj , Thaum nej hlais kua txob tag mas nej pheej hnov ntsim nej txhais tes , Nej muab ib qho dej rau ib qho ntsev rau hauv kom qab qab ces muab nej txhais tes coj mus raus rau hauv ib me ntsis ces nws yuav tsis hnov ntsim lawm os .
    Nej mam coj mus siv os , Cov phooj ywg sawv daws ,
    Mam sib ntsib dua os .


    Nkaujnag
    avatar
    NkaujNag
    Member
    Member

    Messages : 80
    Date d'inscription : 2010-03-11

    Re: Nkauj Nag Tuaj Lawm os

    Post  NkaujNag on 14th February 2012, 7:16 am


    Nyob zoo os cov Phooj ywg sawv daws .

    Xav hais tias nyaj nej sawv daws yuav noj qab nyob zoo thiab mas lod .
    Puas yog zoo li kuv tsis khoom tuaj es nej ho tsis khoom thiab los puas yog ma los
    kuv thiaj tsis pom nej coob li os ,

    Hnub no kuv lam tuaj tham me ntsis rau nej mloog xwb os .

    Kuv tham txog kev Noj mov ua qhua luag txoj cai Nyob ntiaj teb no ib haiv neeg kuj muaj ib txoj cai ,


    Neeg Noj mov Paub cai raws li cov neeg


    Nyij poom , Suav , Kaus lim

    Neeg paub cai noj mov muaj tsim

    Cov hom neeg no thaum noj mov es ua suab luag ntsoog qees, sib tham hais lus nrov rau lawv mas yog thas mas das ntawm neeg noj ib rooj mov uas zoo siab thiab qab heev
    Hos hais txog nyij poom ( Japan ) txoj kev haus dej haus cawv mas tswv tsev yuav tsum hliv dej hliv cawv rau luag ua ntej mas koj mam ho tos luag hliv rau koj hau
    Hos yog koj xub hliv rau koj lub khob ua ntej mas laug yuav hais tias koj yog ib niag neeg quav cawv no yog li yuav tsum hliv rau luag ua ntej tso ....


    Haiv neeg Rav xias ( Russia )

    Lawv txoj cai noj mov muaj tsim muaj hwj chim raws li nram no Thaum lawv noj mov saum lub rooj noj mov yuav tsum tso ob sab tes nyob twj ywm saum rooj tsis txhob ntsem ob sab tes saum rooj li
    Sab tes laug tuav rab rawg ( Fork ) Sab tes xis tuav rab riam ( Knife )yuav tsum noj tag mam li tso tes thiab sawv tau ......


    Haiv neeg Nes paj = Isdia ( Nepal = India )

    Lawv txoj cai noj mov kom muaj tsim
    Thaum koj tau mus zaum ntawm lub rooj noj mov lawm yuav tsum tsis txhob sawv mus qhov twg li tos kom txog thaum uas lawv nqa mov los noj tsis txhob sawv ntawm rooj mus li txog ntua thaum ua sawv daws noj mov tag
    yog tsis ua li ntawd mas hais tau hais tias yog ib tug neeg tsis paub cai kiag li thiab txim txhub heev li ..... Yog hais tias muaj yam uas yuav tsum tau mus xwb xwb li no , yuav tsum tau hais rau ntawm rooj mov hais tias " Bistaii khaanus " ( Please eat slowly)


    Haiv neeg Fab kis (French)

    Thaum lub caij noj mov yuav tsum tsis txhob tham txog Nyiaj txiag saum rooj noj mov thiab tsis txhob tham txoj sib faib them nqi noj mov Fab kis tsis nyiam thiab hais tias yus tsis paub cai no …


    Haiv neeg Mev xis kos ( Mexico )

    Thaum lub sij hawm koj tab tom noj mov es koj ho ntsia mus nraug rau ib tug neeg uas ( nyob rau lwm lub rooj )nws ho tab tom noj mov ib yam li koj thiab txawm hais tias koj yuav paub nws los yog tsis paub nws los koj yuav tsum luag ntxhi es hais rau nws hais tias "provecho" los yog hais tias "enjoy" yog ib tug cwj pwm uas tseem ceeb heev li rau lawv yuav ua rau tus neeg ntawd zoo siab heev thiab noj mov qab heev li no ….


    Haiv neeg Av mes nis (Arménie)

    Yog sawv daws hau dej haus cawv ua ke es thaum ib tug neeg twg nws hliv dej rau koj es luag hliv tag nrho fwj dej ntawd rau koj lub khob los puas yog fwj dej ntawd hliv los tag rau ntawm koj no ces qhia tau hais tias koj yuav tsum yog tus mus yuav dua ib fwj tshiab los no Yog vim li ntawd xav kom zoo nkauj no ces yus yuav tsum tsis txhob hliv dej kom tag los xaus rau lwm tus li yuav tsum hliv kom tag los xaus rau yus xwb thiaj li qhia tau hais tias kuv mam mus yuav … yog qhov uas yus paub cai
    Hahaaaaaaaaaa ….. yog li yuav ua li cas ma …….. !


    Haiv neeg Pov tus nkes (Portugais)

    Cov neeg pov tus nkes mas nyob saum lub rooj noj mov mas txhawm qab thiab tsis qab los koj yuav tsum tsis txhob thov ntsev los yog fwj txob ntxiv li lawv xav hais tias yog koj thov no ces yog koj thuam lawv lawm no thiab hais rau lawv hais tias tus niam ua mov ntawd ua tsis qab li no ……



    Tus txhais = NkaujNag .

    nyiaj tseev
    Visitor
    Visitor

    Messages : 37
    Date d'inscription : 2011-10-10

    Re: Nkauj Nag Tuaj Lawm os

    Post  nyiaj tseev on 14th February 2012, 11:15 pm

    Ua tsaug nawg Nkauj Nag' koj kuj paub ntau yam kawg li thiab. Ho kuv mas kev cai Hmoob kuv twb tsis paub tias yog li cas thiaj yog neeg paub cai thiab laiv.
    Kuv ho pom co li mas lawv ho coj txawv peb Hmoob thiab. Co mas yog lawv tuaj hu koj mus noj mov mas lawv txawm muab tais rau koj lawm los yog tus niam tsev tsis los hais mov hais zaub rau hauv koj lub tais mas koj yeej tsis mus hais koj li lawv yeej zaum tham xwb txawm cov neeg zaum saum rooj pom los lawv yeej tsis hu kom tus niam tsev los daus zaub daus mov rau yus li. yog tus niam tsev tsis nco qab pom lawm es mam pom tom qab mas nws txaij muag kawg li thiab. Tab sis kuv ho tsis nco saib tias noj tas los yuav tos tus niam tsev los txhab xwb los yog thawj zaug xwb no thiab ho tsis nco saib tias thaum lawv ib tus noj tsau lawm lawv ho tso diav thiab tais zoo li cas es thiaj paub tias yus tsis noj lawm no xwb.
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Nkauj Nag Tuaj Lawm os

    Post  koojziagkabzaug on 15th February 2012, 2:05 am

    nyiaj tseev wrote:Ua tsaug nawg Nkauj Nag' koj kuj paub ntau yam kawg li thiab. Ho kuv mas kev cai Hmoob kuv twb tsis paub tias yog li cas thiaj yog neeg paub cai thiab laiv.
    Kuv ho pom co li mas lawv ho coj txawv peb Hmoob thiab. Co mas yog lawv tuaj hu koj mus noj mov mas lawv txawm muab tais rau koj lawm los yog tus niam tsev tsis los hais mov hais zaub rau hauv koj lub tais mas koj yeej tsis mus hais koj li lawv yeej zaum tham xwb txawm cov neeg zaum saum rooj pom los lawv yeej tsis hu kom tus niam tsev los daus zaub daus mov rau yus li. yog tus niam tsev tsis nco qab pom lawm es mam pom tom qab mas nws txaij muag kawg li thiab. Tab sis kuv ho tsis nco saib tias noj tas los yuav tos tus niam tsev los txhab xwb los yog thawj zaug xwb no thiab ho tsis nco saib tias thaum lawv ib tus noj tsau lawm lawv ho tso diav thiab tais zoo li cas es thiaj paub tias yus tsis noj lawm no xwb.

    Nyob zoo NkaujNag thiab tij laug LiajTseem,

    NkaujNag,

    Ua tsaug ntau uas nws tuaj tham tej txuj ci kev tcoj tseem ceeb rau peb tau kawm. Yog ib qho zoo kawg nkaus.

    -Suav:
    Mus ua qhua noj mov, mas haus kua zaub yuav tsum nqus kom nrov nrov mas thiaj hais tias lawv cov zaub qab.

    -Khej Dawb:
    Mus ua qhua noj mov, mas noj yuav tag mas yuav tsum ua lub cua tawm nrov qawg mas thiaj hais tias noj tsau lawm.

    -Hmoob:
    Mus ua qhua noj mov, yuav tseg ib qho rau hauv lub qab taig uas daus zaub saum rooj. Tsis noj kheev kawv, thiaj li paub cai.

    -Fab Kis:
    Mus ua qhua noj mov,
    Tos luag qhiv koj qhov chaw zaum, txhob zaum ua ntej luag tshwj xeeb luag tus niam tsev.
    Rub rooj zaum, ua lub nraub qaum ntseg ntseg, txav lub rooj zaum yuav luag ti lub rooj noj mov, zaum kom ti nkaus rau ntawm qhov pheeb, zaum ncaj ncaj, ntseg ntseg, nthuav txoj phuam so qhov ncauj rau saum yus xub ntiag ob txhais ceg (thaum koj siv txoj phuam lawm, yuav tsis rov muab txoj phuam tso ib zaug saum rooj li).

    Luag muab zaub mov lov, luag cev rau koj ces koj dhaus me ntsis rau koj lub phaj, txhob dhaus ntau ntau, noj tag luag yuav rov muab los dua. Lawv maj mam muab ib yam noj tag, mam muab ib yam los, lawv muaj 4-5 yam noj. Yog los thawjk lwm, txhob noj ntau ntau tsam ib ntsis tsis muaj chaw rau cov tom qab lawm...Luag tsis tau pib noj mas yus yuav tssi noj ua ntej.

    Zaum, ob txhais npab nthia saum rooj, tab sis txhob txheem lauj tsib rau saum rooj, sab tes xis tuav rab riam, sab tes lauj tuav rab diav hmuv, ke hlais hauv yus lub phaj ke noj, thaum cev rab diav rau qhov ncauj los yog hlais zaub mov hauv phaj mam tsa txhais npab, tsis khoov mus noj mov ntawm yus rab diav, tab sis cev rab diav los rau ntawm yus qhov ncauj, ncab koj lub nraub qaum ntseg ntsee. Thaum koj tab tom zom mov, koj rov tso txhais npab nthia saum rooj Yuav tsis hais lus yog koj muaj mov nyob hauv qhov ncauj, nqos koj cov mov tag mam hais lus. Noj tej khawv me me, tsis txhob noj ua qhov ncauj puv nkaus, zom mov tig lees tom tej... Yog koj tsis muaj dab tsi hlais hauv lub phaj, koj sab tes xis tuav rab diav hmuv, sab tes lauj tuav ib qho mov ci me me, koj muab qhov mov ci pab thawb qhov khoom uas koj cob tsis tau kom hus tau rau hauv rab diav. Thaum koj noj tag, yog koj xav ua kom koj lub phaj huv (Fab Kis mas noj lub phaj huv huv, lawv tsis cia seem hauv lub phaj), txhob muab tes tuav qhov mov ci mus so koj lub phaj los noj. Koj yuav de ib qho mov co kom zoo ua ib los, koj muab tso rau hauv lub phaj, koj muab koj rab dia hmuv chob rau, koj mam so koj lub phaj coj los noj.

    Yuav maj mam zom mov, txhob ua qhov ncauj nrov, noj mov, yuav kaw qhov ncauj, txhob noj qhov ncauj qheb lug, haus dej haus cawv maj mam haus txhob ua nrov.

    Noj tag, luag tsis caw yus sawv ntawm rooj mas yus yuav tssi sawv.

    Fab Kis txoj kev paub cai loj kawg, tab sis cov nyiam xuas kev ncaj ces lawv tsis coj cai. Tab sis luag cov paub cai, luag ntsia kiag koj ib muab xwb ces luag paub tias koj yog neeg keeb nom tswv los yog neeg nplua nuj tshiab.
    Tseem tshua ntau yam heev xav tham kom ntxaws, tab sis lub caij yoog tsis tshua pab ces thiaj li cia nws pw nws xwb.

    NkaujNag, ua tsaug uas nws tseem pab paim lub rwj me me thiab...


    Tij laug LiajTseem,

    Nws mas yuav txawj tham ua luaj li. Yog li mas haiv neeg Co kuj muaj ib txoj kev cai zoo kawg li.

    Kuv lam ntxiv ib los rau nws lo lus nug, yog tsis ntxaws no leej twg tuaj txog ho txhab ntxiv.

    Nrog Co noj mov, yog koj tuav koj txwm rawg ces yog koj tseem noj, Co mas noj ntim thiab noj rawg. Yog koj tso koj lub ntim thiab muab txwm rawg tso rau saum lub ncauj ntim ces yog koj tsis nooj mov lawm. Co noj mov lauj kaub xwb, lawv tsis noj mov tsu. Yog koj noj es koj pom kaub puab mov nyob hauv koj ntim mov ces koj yuav tsum tsum, vim hais qhia rau koj tias mov tag lawm. Yog lawv ncuav cawv rau koj lub pib, mas koj yuav twb qhov ncauj, xwb, haus me me txhob kab. Yog koj kab ces lawv yeej rov hliv kom koj lub khob puv tas li.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    NkaujNag
    Member
    Member

    Messages : 80
    Date d'inscription : 2010-03-11

    Re: Nkauj Nag Tuaj Lawm os

    Post  NkaujNag on 15th June 2012, 3:35 pm

    nyob zoo os, Kuv vam hais tias nej sawv daws yuav noj qab nyob zoo thiab no yuad , Tsis khoom li ces hnub no kuv tuaj hais nyob zoo rau nej os thiab yuav nqa kuab txob qab zib tuaj rau nej saj xwb os nej sim noj seb puas xia os lod .

    Ciaj Npoos - Kua Txob Qab zib


    Kua txob loj qhuav = 500g
    Qij = 1/2 kg
    Hauv paus dos liab = 1/2 kg
    Nab pas (nuoc mam)
    Piab nuas (sodium glutamate) nyiam ces mam li rau hos tsis nyiam ces tsis rau los tau
    piam thaj (Caramel .) Nyob ntawm nyiam qab zib ntau los tsawg ces rau li yus nyiam xwb

    Pib Ua =

    1. muab cov kua txob loj ci kom nkig nkig , Muab tshem noob tawm ces coj los zom kom mos mos
    2. Muab cov qij thiab hauv paus dos liab coj los ci kom nkig nkig ces muab coj los hlais ces muab tuav los muab zom kom mos mos
    3. Muab nab pas los tov xyaw cov qij thiab dos liab los sib tov kom tag mas mam li muab cov txob loj los nphoo xyaw muab cov piam thaj los rau thiab ces muab sib do suam ib qho qhaj(qhiav qus) meme xyaw rau muab tawv nyuj hlais suam mos mos xyaw rau ces cia noj qab kawg li os noj tsis tag muab cia rau hauv chav txias (fridge) thiaj tau noj ntev


    NkaujNag .

    avatar
    NkaujNag
    Member
    Member

    Messages : 80
    Date d'inscription : 2010-03-11

    Re: Nkauj Nag Tuaj Lawm os

    Post  NkaujNag on 15th June 2012, 3:47 pm



    Nyob zoo os cov phooj ywg sawv daws tau ntev lawm es tsis khoom tuaj nrog nej tham li hnub no kuv tuaj tso ib zaj nkauj rau nej mloog xwb os .





    NkaujNag.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Nkauj Nag Tuaj Lawm os

    Post  xiongchang on 15th June 2012, 5:22 pm

    - He....he....Thov zam txim os, Cov me nkauj muam hmoob hlub hmov tshua aws; Nej piav txog....Kua txob ntsim tes, Ua kua ntsev lag; Kuv piav qhov tseeb thaum ub....Tej laug yeej hais tias, Yeej qhia tseg tias "Kua txob ntsim - Yuav ntsev daw" Poj niam phem, Ntxim ncaws taw; Noj zaub tsuag....Tsi muaj kua txob ntsw, Yeej tsi qab; Txiv neej yawg....Heev npaum twg? Kawg tuag, Poj niam "Kab cos pliav"....he....he.... Smile Smile Laughing Laughing I love you I love you .

    koobpovtxuj
    Sponsor
    Sponsor

    Messages : 1311
    Date d'inscription : 2010-04-05
    Age : 57
    Localisation : USA

    Re: Nkauj Nag Tuaj Lawm os

    Post  koobpovtxuj on 16th June 2012, 5:47 pm

    xiongchang wrote:- He....he....Thov zam txim os, Cov me nkauj muam hmoob hlub hmov tshua aws; Nej piav txog....Kua txob ntsim tes, Ua kua ntsev lag; Kuv piav qhov tseeb thaum ub....Tej laug yeej hais tias, Yeej qhia tseg tias "Kua txob ntsim - Yuav ntsev daw" Poj niam phem, Ntxim ncaws taw; Noj zaub tsuag....Tsi muaj kua txob ntsw, Yeej tsi qab; Txiv neej yawg....Heev npaum twg? Kawg tuag, Poj niam "Kab cos pliav"....he....he.... Smile Smile Laughing Laughing I love you I love you .
    Xiongchang'
    Koj ua tij mas thiaj hais tau meej thiab ncaj nruab nrab li kev ua neej ntawm txij nkawm tiag nawb.
    Tab sis lub teb chaws nplog ces kua txob ntsim yuav ntsev daw poj niam phem yuav ncaws taw xwb nawb.
    Nyob USA mas kua txob ntsim txhob siv ntsev daw poj niam phem txhob siv ncaws taw lawm tsam ces ho mus mag hlob kav hlau tsis muaj hnub kawg nawb mog.
    Teb chaws USA mas noj zaub tsuag tsis yuav kua txob ntsw los yeej qab.Zoo txiv neej yawg tsis lam tuag rau poj niam lub qab plab lawm vim muaj cov khoom siv ntau tsav ntau yam dhau lawm twb siv tsis tag lawm ov.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Nkauj Nag Tuaj Lawm os

    Post  xiongchang on 17th June 2012, 3:13 pm

    - Me muam nkauj nas as, Koj nyob rab teb rooj ntug twg; Tuaj seev hauv no os....Nej lub tshav pob no, Hais kwv txhiaj zoo lom zem kawg li os; Ua rau kuv tseem tig....Rov nco txog, Lub neej ntu hluas ntuj thaum ub teb chaws nplog; Peb caug cuaj xyoos dhau lawm....Cas nim zoo li, Nthwv cua ib vuag dua lawm; Tsi ntsawj rov qab....Kuv muaj ib tug phooj ywg! Nyuam qhuav tuaj teb chaws nplog txog, Teb chaws mes kas xyoo 2005; Lub as thiv tas lawm.....Nws ntsib kuv hauv tsev txias, Nws tsa hlo suab quaj tsi nco txaj muag; Nws hais tias....Peb cov nraug hmoob looj ceeb, Yav ntuj thaum ub; Tshuav wb ob leeg.....Ntsis plaub hau zoo ib yam, Tsi muaj leej twg? Ntsis plaub hau zoo li wb lawm, Teb quj nkauj pom; Los yuav nco....qub phooj ywg!, Ntsib nthav los tshua; Ntshe tiam neej no....Yuav tsi hluas ib zaug ntxiv lawm, zoo yam lub hnub qis zuj zug; Tim npoo ntuj....Tshuav ib hluas nyuj tsaus ntuj lawm.

    Sponsored content

    Re: Nkauj Nag Tuaj Lawm os

    Post  Sponsored content


      Current date/time is 23rd August 2017, 1:58 am