google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    kawm ua doctor hav nyom

    Share

    hmoobleejtub
    Developer
    Developer

    Messages : 119
    Date d'inscription : 2011-08-31

    kawm ua doctor hav nyom

    Post  hmoobleejtub on 31st August 2011, 2:02 pm


    kawm ua doctor hav nyom, ua tus mob ploj ntsiag to
    Kawm ua Dov Tawm hav fab, ua rau tus mob lawm ncaj qha

    Niam txiv kwv tij phooj ywg hmoob cov hmov tshua txhua tus. Lub zwj ceeb tam sim no peb txoj kev kho mob kho nkeeg tsis hais kev mus ntsib kws tshuaj (doctor) los sis kev ua neeb ua yaig hauv vaj hauv tsev thiab kev siv yeeb tshuaj yog ib yam poob nyiaj ntau heev. Muaj tej zaum twb tseem tsis zoo li siab xav thiab. Yog li, los peb kawm uake nyias xyaum ua nyias tus doctor kho nyias tus kheej. Muaj tej lub sij hawm yog tias tsis yog ib yam mob loj, tej zaum kuj pab tau. Muaj tej zaum tsim nyog yus twb yuav tsum pab tau yus tus kheej xwb los yus tseem ho mus poob tej teg nyiaj ntau ntau rau lwm leej lwm tus. Tus kheej, tau muab tej hauj lwm no lis thiab saib ti ti lawm. Kev mus ntsib kws tshuaj, muaj tej thaum ces yus hais tias yus mob qhov twg ces doctor tsuas hais tias yus mob qhov ntawd thiab xwb. Tej txiv neeb txiv yaig los lawv tsuas tshuaj hauv sab ntsuj plig xwb lawv tsis paub qhov mob yog mob qhov twg tiag tiag. Muaj tej zaum lawv twv raug tus dab los sis sab ntsuj plig ces kuj daws tau kev mob nkeeg. Tab sis txhua yam tsis hais kev mus ntsib kws tshuaj thiab kev ntoj neeb nthuav yaig nws muaj ntsis mus raws ib seem. Peb hmoob thiaj muaj ib lo lus hais tseg tias, cem pob zeb ces yeej pom roob ris. Ua neeb saib lawm ces yuav tsum tau ua neeb kho. Tiam neej tshiab no mas ua neeb thaum twg ces yeej muaj ntsis yuav xaus rau qhov tim txwv zeej txwv koob. Yog kho txwv zeej txwv koob ces yuav yog txij txhiab dollar rov saud mas thiaj li yuav ua tsheej ib thaj neeb. Mus doctor los zaum no tas yuav tau mus zaum tuaj vim doctor xav taug seb tus mob thaum pib txog thaum xaus zoo li cas. Muaj tej zaum mus zaum zov doctor tsheej ob peb xuajmoos los doctor twb qhia tsis tau ib yam dab tsi rau yus thiab.

    Yog li, cia peb los xyaum nyias ua nyias khawv koob kho nyias tus kheej xwb yuav zoo dua. Txij li thaum tus kheej xyaum tau lub tswv yim no lawm, kuj dim kev mob nkeeg ntau thiab tsis poob nyiaj ntshuj ntshis rau tej kev mus ntsib kws tshuaj lawm. Tshuaj los kuj tsis tau niaj hnub noj lawm.

    Tham ntau lawm ces cia peb muab nias tseg li no. Mam soj saib txuas ntxiv txog kev xyaum kho yus tus kheej rau theem tom ntej. Aub, txog caij mus ua kam lawm ces ib tsam mam los qhia koj nrhiav koj tus mob nyob hauv koj lub cev uas pheej ua rau koj mob mob tsis qab siab mua ua noj ua haus. Lwg ceev ceev xwb tsis tau tshawb, txawm sau tsis raug los nej txhob luag nawb. Tsis totaub qhov twg mam sib qhia tom qab. Kuv mus lawm...



    KOJ MOB QHOV TWG?
    KUV YUAV QHIA KOJ ZAWS TES




    KOJ ZUAG KOJ TXHAIS TAW CES KOJ YUAV NYOB CUS PLAWS


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 31st August 2011, 2:15 pm



    Nyob zoo Hmoobleejtub,

    Wow...ib tug Hmoob leej tub tuaj qhia peb ua Docteur hav nyom kom peb txhua leej nyob kaj siab hlo...Nws yuav tuaj qhia peb ua kws tshuaj hav zoo, yuav coj peb mus nrhiav txoj kev noj qab mus nyob zoo...Ntshe peb yuav tseg txoj kev ntooj mob ua rau peb tej siab ntsws yuav rov hlob mos...ua li nawb me Hmoob leej tub, kuv nyob nov tos nws hauv tshuaj tuaj kho kuv tej mob...nws kawm tiav nco ntsoov rov tuaj ov...! txhob lam ci pob zeb rau peb zov nawb...hahahah...!





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: kawm ua doctor hav nyom

    Post  Hmoob ntuj qub qab on 31st August 2011, 8:17 pm


    Nyob zoo Koojziagkabzaug thiab Hmoobleejtub

    Yog lawm yus yuav tau xyaum kho yus thiab ov, kev mus thawj luag yeej yog kev poob nyiaj nkaus xwb.
    Yam yus kho tsis tau lawm mam li mus cuag luag thiaj tsis khuv xim yus qhov nyiaj them rau luag .


    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 1st September 2011, 11:47 am

    Hmoob ntuj qub qab wrote:
    Nyob zoo Koojziagkabzaug thiab Hmoobleejtub

    Yog lawm yus yuav tau xyaum kho yus thiab ov, kev mus thawj luag yeej yog kev poob nyiaj nkaus xwb.
    Yam yus kho tsis tau lawm mam li mus cuag luag thiaj tsis khuv xim yus qhov nyiaj them rau luag .


    MOB NTXHOV SIAB(migrant headach, Migraine)



    Nyob zoo Hmoob ntuj qub qab thiab koojziagkabzaug,

    hnub no cia peb los tham me ntsis txog mob ntxhov siab los sis lo lus english hu tias "migrant headach" mob migrant kuj yog los ntawm caj hlab ces ncau thiab feem ntau cov poj niam nws hom mob ntau zog txiv neej. Raw li fai num kho mob hais mas 100 leej neeg mob twg yuav muaj li ntawm 10 feem pua yog mob migrant.
    Hom mob no nws muaj ntsis mob thaum hnub nyoog tseem hluas los mus, thiab yuav mob ces ib pliag xwb mob lawm, yuav zoo ces pw tsim ib tsig zog xwb nws kuj zoo lawm. Muaj tej zaum kuj mob txog ib ob hnub. Hom mob no tsis ua kub ua no, tab sis yog leej twg mob txog rau thaum ntuav tawm, ib ce yuav txias nplaum ntxias. Hom mob no yog ntxhov siab los sis yus txuam rau tej pawg neeg coob es muaj ntsis ntshoo ces twb pib ua rau meem tobhau, mob tsag muag, yog yus tsis zaum los sis khiav tawm ntawm qhov chaw ntawd ces yuav pib dias tobtau, kiv qhov muag thiab taws siab ntuav zoo tsis txawv li tus neeg qaug tsheb.

    Nws kuj mob los ntawm tej huab cua hloov los sis xws li tej poj niam yuav txog caij coj khaub ncaws kuj ua tau rau qhov migrant headach ntawd tshwm tuaj. Muaj tej zaum yus zaum tau lub chaw tsis xis neeg los sis tig tau rau tej phab uas tsis haum yus xwb los kuj mob. Muaj zaum yus saib ub saib no ze dhau los sis deb dhau es yus pom tsis tseeb xwb los kuj ua mob ib yam. Muaj tej zaum yus hnov tej yam tsw tsis ntxim siab xwb los twb ua rau yus mob lawm.

    Leej twg mob li no, noj tshuaj ntev mus yuav ua neeg quav tshuaj, noj tshuaj ntau los tej zaum tshuaj yuav tom yus plab ua kiav txhab tau. Cia peb los saib txog tias yuav zuaj li cas thiaj li dim yus tus mob.

    Yog huab cua hloov es mob zuaj:

    1. ntawm qaum tes puas rau nkhib ntiv rwg qab sab laug, zuaj taug nce toj rau tom dab tes.
    2. ntawm ob sab qaum tsag muag ncaj ob sab pob kub hauv qab zog. Muaj tej tus mob siab tab sis tej tus mob qis ze kiag ntawm ob sab plaub muag xaus. Zuaj nqes hav rau hauv ob lub kaum qhov muag.
    3. ntawm qab kaus siab li 3 nti nram hav ncaj plab, zuaj plhws ncej toj rau saum tus kaus siab.
    4. ntawm sab nyom mis sab laug, zuaj txav nce toj.
    5. ntawm txoj sawv plab sab laug ncaj lub ntiv ntos pem toj me me, zuaj nce ib yam.
    6. ntawm qia ntsej sab xis, zuaj ncej toj nqes hav kiag ntawm sab plhu xaus nkaus rau lub qia ntsej.
    7. ntawm daim nplooj ntseg sab laug thiab ntawm lub taub ntsej puas rau daim txha mos yuav nkag rau hauv lub qhov ntsej.

    Yog mob ua ntej thaum yuav coj khaub ncaws, zuaj:

    1. ntawm ncov txig li ib nti los tom sab pob ntseg laug los, zuaj nce.
    2. ntawm dab teg puas lub hauv paus ntiv xoo, zuaj mus rau tom tus ntiv xoo.
    3. ntawm qaum pob taws sab xis li 2 nti ntawm txoj leeg loj los, zuaj nce.
    4. ntawm qab puj ntaws li 2 nti, zuaj nce rau saum lub puj ntaws.
    5. ntawm ob sab nta lub duav los xaus nkaus puas kiag rau tus txha nrab qaum, zuaj nce.
    6. ntawm ob sab qia ntsej, zuaj ib yam li theem saum toj uas mob huab cua hloov.

    Ntau lawm ces xaus tseg li no tso. Mam rov saib ntxiv mus rau theem tom ntej lwm zaus.



    1. Mob taub hau loog loog, tob tob.
    2. Mob saum tiaj taub hau.
    3. Mob ntawm hauv pliaj
    4. Mob nraum caj qwb.
    5. Mob taub hau txias, mob raug hnub tes hnub taw.


    Mob ob yam no, zuaj li saum no.

    1. Mob taub hau loog loog, tob tob. zuaj: 1)Hyakué, (2)Tentchû, (3)Fûtchi, et (6)Kensei.
    2. Mob saum tiaj taub hau. zuaj: (1)Hyakué, (2)Tentchû, (3)Fûtchi, et (11)Yûsen.



    3. Mob ntawm hauv pliaj, zuaj: (1)Hyakué, (2)Tentchû, (3)Fûtchi, (7)Yôhaku, (8)Taiyô, et (10)Gôkoku.
    4. Mob nraum caj qwb, zuaj: (1)Hyakué, (2)Tentchû, (3)Fûtchi, et (10)Gôkoku.




    5. Mob taub hau txias, mob raug hnub tes hnub taw, zuaj: (4)Kankotsu, (5)Tenyô et (9)Dôshiryô.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 1st September 2011, 2:24 pm

    Nyob zoo Hmoobleejtub,

    Wow...Nws me kwv tshuaj hav nyom mas txawj ntsom heev li...Kuv yuav kawm coj mus kho kuv tej mob seb...Hmoobleejtub aw! Puas yog Ntuj xa nws los cawm Peb Hmoob os! Cas nws lub siab yuav zoo ua luaj li, yuav tuaj qhia tej txuj ci muaj nqis rau Peb Hmoob. Nws tej txuj no yuav daws tau coob leej tej kev txom nyem...Kuv pom muaj coob tus neeg mob txom nyem ntsuav vim lawv tsis paub daws lawv tej mob. Yog ntxov paub kuv me hmoobleejtub mas ntshe lawv twb tsis txom nyem npaum no...Ua nws tsaug ntaw nawb...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: kawm ua doctor hav nyom

    Post  Hmoob ntuj qub qab on 1st September 2011, 10:19 pm


    Nyob zoo Hmoobleejtub

    Zoo siab thiab ua tsaug koj tuaj qhia lub tswv yim kho zuaj mob ntshav siab, nws tsis yog Doctor hav nyom nws yog Doctor Zuaj kho ib ce tus txawj yeej txawj tiag.
    Mob ntshav siab zoo li txiv neej mob coob dua Poj niam sub nas.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 2nd September 2011, 1:35 am



    Nyob zoo Hmoob Leej Tub thiab Hmoob Ntujqubqab,

    Hmoob Leej Tub,

    Cov mob ntxhob siab, yog cov poj niam mob coob dua, vim ntshe yog poj niam lub siab nyias dua, nws ua tsis taus niam, nws tos kev hlub nplij ntau ces nws thiaj mob ntau dua.

    Cov mob ntxhov siab no mas qhov zoo yuav tswj tus kheej kom txhob tau mob mas zoo dua, yog mob lawm mas kho nyuaj thiab yuav ua rau neeg lub zog nthaug thiab ploj tau...

    Hmoob Ntujqubqab,

    Kev mob ntshav siab mas yeej pom tias civ txiv neej mob coob zog, tej zaud yog los ntawm kev noj haus los thiab. Vim txiv neej mas nyiam "kub", txhais tias nyiam noj tej yam daw daw, qab roj qab ntsev. Cov poj niam mas nyiam "txias" txhais tias nyiam noj tsuag tsuag, tsis qab ntsev qab roj ntau.
    Dua li mas yog ntsav "qaub", ntshav qaub yog mob ko taw vwm, yog ib yam mob txiv neej ntau thiab xwb. Tab sis cov poj niam uas cev huv tsis coj khaub ncaws lawm mas kuj mob thiab.

    Hmoob Leej Tub, ua tsaug ntau rau nws lub siab zoo nawb, yuav tsis muaj ib yam dab tsi los pauj rau nws, tsuas muab lub siab ntsws thiab lo lus qhuav los hais rau nws xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 2nd September 2011, 10:04 am

    Hmoob ntuj qub qab wrote:
    Nyob zoo Hmoobleejtub

    Zoo siab thiab ua tsaug koj tuaj qhia lub tswv yim kho zuaj mob ntshav siab, nws tsis yog Doctor hav nyom nws yog Doctor Zuaj kho ib ce tus txawj yeej txawj tiag.
    Mob ntshav siab zoo li txiv neej mob coob dua Poj niam sub nas.

    Nyob zoo Hmoob ntuj qub qab,

    tsis yog mob ntshav siab na.. nws yog mob ntxhov siab (nyuaj siab)hos. Hehehe... nws tsis saib zoo xwb os kwv tij. Tejzaum ntshe hmoob yuav hu hom mob ntawd ua raug dab hnub tes hnub taw no, ua tsaug rau koojziag txhua yam uas koj pab txhim kho ntxiv.

    Nag hmo peb twb saib txog ntawm mob ua ntej li poj niam lub cev yuav hloov lawm. Hnub no ho saib txog qhov mob uas los ntawm lwm yam xwm txheej xws li siv qhov muag heev dhau es mob los sis hnov lwm yam tsw tsis ntxim siab es mob.




    Xwm txheej vim siv qhov muag heev dhau los sis hnov ntxhiab tsw tsis haum siab ua rau yus mob,

    zuaj:
    1. ntawm ob sab kaum muag nraud, muab koj ob tug ntiv tes nias rau koj ob lub kaum muag teem rau tus txha thiab tuav twj ywm li 1 feeb (minute) mam tso tseg. Yog mob heev lawm, thaum koj nias raug yuav mob npaum yus ob lub qhov muag yuav tawm los.
    2. ntawm qab ntsos puas rau tus txha kaum muag, muab yus tus ntiv tes zuaj quj kiv rau saum rau hauv.
    3. ntawm yus 2 lub ces kaum hauv xaws, nias raug qhov mob lawm, tuav twj ywm li ib ob feeb, yog raug yuav mob npaum koob chob ti nkaus rau yus lub hlwb.
    4. ntawm yus sab kaum qhov muag li nti nram hav puas tus caj ntswm sab xis.
    5. ntawm yus sab qab ncov txig xab xis.
    6. ntawm yus sab qaum ncov txig sab laug thiab
    7. ntawm yus sab qab qhov muag ib nti nram hav puas tus caj ntswm sab laug.

    Yog kiv tobhau los sis yus lub cev sawv tsis ruaj chaw.
    Nias li them #1 thiab #3 saum toj no xwb yuav daws tau yus qhov kiv tobhau lawm. Yog nias raws li hais tas los tsis pab, yuav tau mus ntsib kws tshuaj tsam nws yog mob loj rau hauv lub hlwb lawm. Hnub no peb saib li no xwb. Mam sib ntsib rau theem tom ntej txog lwm yam mob.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 2nd September 2011, 11:07 am



    Nyob zoo Hmoob Leej Tub,

    Ua tsaug ntau rau nws lub siab zoo,
    zaj no kuj zoo heev, thaum yus lub qhov muag sab sab mas yus twb tsis paub ua li cas li...Nws qheb tau kuv qhov muag pom ntau yam heev...Kuv twb sim kiag lawm, los siav tshaj li...Zuaj qhov muag xwb tab sis ua rau yus ib ce xoob twg nrho...Ua tsaug ntau nawb Hmoob Leej Tub.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 2nd September 2011, 2:15 pm

    koojziagkabzaug wrote:

    Nyob zoo Hmoob Leej Tub,

    Ua tsaug ntau rau nws lub siab zoo,
    zaj no kuj zoo heev, thaum yus lub qhov muag sab sab mas yus twb tsis paub ua li cas li...Nws qheb tau kuv qhov muag pom ntau yam heev...Kuv twb sim kiag lawm, los siav tshaj li...Zuaj qhov muag xwb tab sis ua rau yus ib ce xoob twg nrho...Ua tsaug ntau nawb Hmoob Leej Tub.

    Tsis ua li cas os koojziagkabzaug,

    txaus siab txhua yam, xav kom hmoob txhua tus txawj xwb los mas. Hehehe.. ntau ntau tus hmoob nyob USA mob mob, rov qab mus txog hmoob ntuj qub qab lub tebchaws, siv nyiaj tag lawm ci tub rau tej poj mab yawm sua kho los twb pab tsis tau. Tus puav thaum mus ces zaum tsaws mus tab sis thaum rov ces pw tsaug zog rov. Pab hlub kawg txog zaj xwm no. Yus txawj los tsis zoo mus thab tsam luag xav tias mus dag luag nyiaj siv. Thiaj cia nyias ntoog nyias. Hnub no thiaj xav tias nws tsim nyog lawm uas yuav tau tham rau s/d paub. Leej twg saib rau lub sam xeeb los ho khaws coj mus ua tshuaj.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 4th September 2011, 5:26 am



    Nyob zoo Hmoobleejtub,

    Hahahah...! Cov kwv tij uas mus khov kho rov los pw ntog...Mus yog txiv neej yawg nrov nrawv, tsa me kwv yau tawv qhawv...Kom tsim nyog txiv neej...Tab sis me tub yau thev tsis taus ces ua rau hlab plawv tawg thiaj li nyob hwm xab rov los txog chaw...Cas lawv twb tsis lam nug tej nyuag Dov Taws hav nyom no ntshe tseem yuav pab tau lawv lub suab nthe nqho...Hahahah...! Tu siab kawg, peb Hmoob kua muag nyuam qhuav tu twb tssi tau dhau ib tiam, txawm siv mus ua neeg nplua nuj tshiab...Twb tssi lam tig saub qab, khaws tej laus tej txuj ci kev coj kev ua kom nyob kab ntsab...Yog lawv yuav siv cov tshuaj muab ntxhw uas lawv zoo siab mas yog lawv siv txiv "phav Vam Nyab Laj (Goji) mas tseem yuav zoo tshaj, tseem yuav pab tiv thaiv ntau yam mob thiab kho lawv tej mob tib si..."




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: kawm ua doctor hav nyom

    Post  Hmoob ntuj qub qab on 4th September 2011, 10:32 pm

    hmoobleejtub wrote:Nyob zoo Hmoob ntuj qub qab,

    tsis yog mob ntshav siab na.. nws yog mob ntxhov siab (nyuaj siab)hos. Hehehe... nws tsis saib zoo xwb os kwv tij. Tejzaum ntshe hmoob yuav hu hom mob ntawd ua raug dab hnub tes hnub taw no, ua tsaug rau koojziag txhua yam uas koj pab txhim kho ntxiv.

    Nag hmo peb twb saib txog ntawm mob ua ntej li poj niam lub cev yuav hloov lawm. Hnub no ho saib txog qhov mob uas los ntawm lwm yam xwm txheej xws li siv qhov muag heev dhau es mob los sis hnov lwm yam tsw tsis ntxim siab es mob.




    Xwm txheej vim siv qhov muag heev dhau los sis hnov ntxhiab tsw tsis haum siab ua rau yus mob,

    zuaj:
    1. ntawm ob sab kaum muag nraud, muab koj ob tug ntiv tes nias rau koj ob lub kaum muag teem rau tus txha thiab tuav twj ywm li 1 feeb (minute) mam tso tseg. Yog mob heev lawm, thaum koj nias raug yuav mob npaum yus ob lub qhov muag yuav tawm los.
    2. ntawm qab ntsos puas rau tus txha kaum muag, muab yus tus ntiv tes zuaj quj kiv rau saum rau hauv.
    3. ntawm yus 2 lub ces kaum hauv xaws, nias raug qhov mob lawm, tuav twj ywm li ib ob feeb, yog raug yuav mob npaum koob chob ti nkaus rau yus lub hlwb.
    4. ntawm yus sab kaum qhov muag li nti nram hav puas tus caj ntswm sab xis.
    5. ntawm yus sab qab ncov txig xab xis.
    6. ntawm yus sab qaum ncov txig sab laug thiab
    7. ntawm yus sab qab qhov muag ib nti nram hav puas tus caj ntswm sab laug.

    Yog kiv tobhau los sis yus lub cev sawv tsis ruaj chaw.
    Nias li them #1 thiab #3 saum toj no xwb yuav daws tau yus qhov kiv tobhau lawm. Yog nias raws li hais tas los tsis pab, yuav tau mus ntsib kws tshuaj tsam nws yog mob loj rau hauv lub hlwb lawm. Hnub no peb saib li no xwb. Mam sib ntsib rau theem tom ntej txog lwm yam mob.

    Nyob zoo Hmoobleejtub

    Hahahahha... luag tias twm nrawm ces dawm no yog lawm lauj ...hehehehe.
    Zoo siab os kwv tij, luag tias kwv paub 2 tij paub 1 ...ua neej nyob ib leej paub lawm ib yam ib leej yuav vam ib leej yog li hnub no tau khaws koj li txuj coj mus siv nws yuav tsim nuj rau lub neej .
    Ua tsaug os .

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: kawm ua doctor hav nyom

    Post  Hmoob ntuj qub qab on 4th September 2011, 10:41 pm


    Nyob zoo Koojziagkabzaug

    Yog li nws hais lawm mob ntxhov siab mas poj niam mob coob zog hos mob ntshav siab mas txiv neej mob coob dua.
    Mob ntshav siab poj niam mob tsawg mas ntshe yog poj niam coj khaub ncaws es cov ntshav phem tawm mus tas lawm cia cov ntshav zoo xwb,tej tug poj niam rog los nws tsis mob ntshav siab li thiab ne yuam.

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 5th September 2011, 10:05 am

    Hmoob ntuj qub qab wrote:
    Nyob zoo Koojziagkabzaug

    Yog li nws hais lawm mob ntxhov siab mas poj niam mob coob zog hos mob ntshav siab mas txiv neej mob coob dua.
    Mob ntshav siab poj niam mob tsawg mas ntshe yog poj niam coj khaub ncaws es cov ntshav phem tawm mus tas lawm cia cov ntshav zoo xwb,tej tug poj niam rog los nws tsis mob ntshav siab li thiab ne yuam.

    Hmoob ntuj qub qab thiab koojziagkabzaug,

    vam tias hnub no neb nrog rau tsev neeg yuav muaj kev kaj siab. Ntawm kuv hnub no tseem so vim nws ncaj rau hnub labor day.

    Hnub no peb ho los saib thiab kawm txog kev kiv tobhau los ntawm tej cua nyob hauv yus lub cev ntws tsis xwm yeem. Thaum yus muaj kev kiv tobhau lawm yus lub cev nws yuav qeeb dua li thaum yus nyob zoo. Thaum yus kiv tobhau ntawd, yus sawv ntsug ces zoo li yus lub tobhau hnyav hnyav dai dai yuav vau mus raws sab xubntiag los sis zoo li yus lub cev ya ya nyob tsis tus.

    Kiv tobhau.


    zuaj
    :
    1. ntawm nruab nrab yus 2 txog sawv plab li 2 los 3 nti hauv lub qab ntiv ntaws, xuas
    ntiv tes nias sib zog tsawv thiab nias kiv nce toj rau saum lub qab ntiv ntaws.
    2. ntawm yas ntiv tes kawg puas tus rau tes ntiv rwg sab xis.
    3. ntawm yas ntiv tes kawg puas tus rau tes ntiv nta sab laug.
    4. ntawm lub qia ntsej puas tus ntxa ntsej thiab ntawm qaum taub ntsej ncaj rau tus txha mos sab laug thiab sab xis. Vim nws yuav ti me ntsis rau yus tus ntiv tes, xuas yav qab cwj mem uas muaj qhov zooj thiab ho me dua tus ntiv tes los quj, quj raws tus txha ntsej nce toj mus los.
    5. yog zuaj 1-4 ntau lwm los tsis pab qhov kiv tobhau. Xuas yus 2 tug ntiv tes los nias thiab tuav twj ywm li 1 nas this mam tso, ntawm ob sab kaum qhov muag sab nraud. Li ib los ob teev rov nias thiab tuav li qub dua. Yog tsis pab, yuav tau mus ntsib kws tshuaj, tshuaj saib tsam yog muaj lwm yam mob loj rau yus lub cev lawm.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 5th September 2011, 1:33 pm



    Nyob zoo Hmoob Leej Tub,

    Wow...! Nws yuav txawj qhia ntau yam ua luaj li...Tus neeg tshaj lij, ua yam twg yeej muaj txiag muaj ntsig. Tus neeg zoo ua dab tsi yeej ua muaj koob muaj hmoov. Zoo siab kawg, nws qhia ntau yam zoo heev, kuv xav mas yog zaws li nws hais nov, tej zaud twb tsis yog zoo rau taub hau kiv xwb, ntshe tseem yuav zoo rau ntau yam thiab.

    Ua tsaug ntau nawb Hmoob leej tub siab zoo.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: kawm ua doctor hav nyom

    Post  Hmoob ntuj qub qab on 6th September 2011, 2:12 am

    hmoobleejtub wrote:Hmoob ntuj qub qab thiab koojziagkabzaug,

    vam tias hnub no neb nrog rau tsev neeg yuav muaj kev kaj siab. Ntawm kuv hnub no tseem so vim nws ncaj rau hnub labor day.

    Hnub no peb ho los saib thiab kawm txog kev kiv tobhau los ntawm tej cua nyob hauv yus lub cev ntws tsis xwm yeem. Thaum yus muaj kev kiv tobhau lawm yus lub cev nws yuav qeeb dua li thaum yus nyob zoo. Thaum yus kiv tobhau ntawd, yus sawv ntsug ces zoo li yus lub tobhau hnyav hnyav dai dai yuav vau mus raws sab xubntiag los sis zoo li yus lub cev ya ya nyob tsis tus.

    Kiv tobhau.


    zuaj
    :
    1. ntawm nruab nrab yus 2 txog sawv plab li 2 los 3 nti hauv lub qab ntiv ntaws, xuas
    ntiv tes nias sib zog tsawv thiab nias kiv nce toj rau saum lub qab ntiv ntaws.
    2. ntawm yas ntiv tes kawg puas tus rau tes ntiv rwg sab xis.
    3. ntawm yas ntiv tes kawg puas tus rau tes ntiv nta sab laug.
    4. ntawm lub qia ntsej puas tus ntxa ntsej thiab ntawm qaum taub ntsej ncaj rau tus txha mos sab laug thiab sab xis. Vim nws yuav ti me ntsis rau yus tus ntiv tes, xuas yav qab cwj mem uas muaj qhov zooj thiab ho me dua tus ntiv tes los quj, quj raws tus txha ntsej nce toj mus los.
    5. yog zuaj 1-4 ntau lwm los tsis pab qhov kiv tobhau. Xuas yus 2 tug ntiv tes los nias thiab tuav twj ywm li 1 nas this mam tso, ntawm ob sab kaum qhov muag sab nraud. Li ib los ob teev rov nias thiab tuav li qub dua. Yog tsis pab, yuav tau mus ntsib kws tshuaj, tshuaj saib tsam yog muaj lwm yam mob loj rau yus lub cev lawm.

    Nyob zoo Koojziagkabzaug thiab Hmoobleejtub

    Luag tias ib leej txawj ib yam coj los sib pab ces huaj vam
    Koj txawj los kuv tuaj thawj
    kuv txawj los sib pab kom tas lus zog
    peb thiaj nyob tau ua tsheej zej tsheej zos...hehehehe.

    Hmoobleejtub
    Koj yog phooj ywg siab loj siab dav koj tuaj qhia txuj rau peb kev neej kev tsav nws yog ib qhov muaj txiaj ntsim pab tau lub neej ntawm kev mob ua ntu zus.
    zoo siab os .


    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 7th September 2011, 2:27 am

    Nyob zoo Koojziagkabzaug thiab Hmoob ntuj qub qab,

    Pab coj neb cov phooj ywg coob tus los nrog peb kawm kho mob kom s/d txawj coob tus thiaj li yuav pab tau yus haiv neeg nawb.

    Tej txuj no, thaum tsis muaj mob mas ntsia tsis muaj tshuaj
    tab sis thaum mob txog lawm ces yuav zaum tsaws quaj.
    Thaum tsis muaj mob ces ntsia tsis zoo
    tab sis mob txog lawm ces yuav zaum tsaws nroo.
    Thov kom s/d ntsia tej txuj no kom tsim nuj,
    mob txog thiaj txawj nrho ntiv tes quj.
    Thov kom s/d ntsia tej txuj no kom zoo xws ib hauv tshuaj,
    thaum mob txog thiaj txawj rho ntiv tes zuaj.


    KIV TAUB HAO 2



    Kiv taub hau.

    Hnub no peb ntxav los kawm txog kiv tobhau los ntawm mob yus 2 lub qhov ntseg. Vim muaj qee yam tsis zoo txhaws los sis nws muaj infection (ua paug) rau hauv yus lub qhov ntsej sab hauv lawm. Tej yam mob me thiab yus lub hlwb tseem ntes tsis tau tias mob qhov twg tab sis nws muaj feem ua tau rau yus qhov muag txaij ntsia ntuj teb kiv, pob ntseg nrov los sis muaj sab ntsej quaj. Muaj tej zaum kuj yog tej hlab ntsha hauv thooj hlwb, ntshav tsis txaus los sis ntshav ntoj tsis zoo. Tej yam hais los no tsim nyog yuav tau mus ntsib kws tshuaj.



    Qhov ntsej

    Hom mob hais los saum toj no,

    zuaj:

    1. ntawm qaum daim nplooj ntseg qhov caws ib kab nce toj, xuas nce toj nqis hav seb mob
    qhov twg ces zuaj qhov ntawd rau. Yog kov raug qhov mob nws yuav mob li ntsaum plev los sis mob li koob chob. Sab laug thiab sab xis mob ib yam tab sis zuaj sab laug nce toj, zuaj sab xis nqis hav. Tej zaum yuav ua rau dim qhov kiv tobhau los sis muaj sab ntsej quaj. Thaum zuaj ntawd yij meem sib zog tsawv rau los sis quj kom tob mus teem tus txha ntsej thiaj li yuav hnov raug qhov mob. Thiab zuaj ib hnub quas ib hnub.



    Qhov ntsej tshuam qhov muag thiab qhov ntswg...



    Mob ntsej rag

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: kawm ua doctor hav nyom

    Post  Hmoob ntuj qub qab on 7th September 2011, 4:04 am

    hmoobleejtub wrote:Nyob zoo Koojziagkabzaug thiab Hmoob ntuj qub qab,

    Pab coj neb cov phooj ywg coob tus los nrog peb kawm kho mob kom s/d txawj coob tus thiaj li yuav pab tau yus haiv neeg nawb. Tej txuj no, thaum tsis muaj mob mas ntsia tsis muaj tshuaj tab sis thaum mob txog lawm ces yuav zaum tsaws quaj. Thaum tsis muaj mob ces ntsia tsis zoo tab sis mob txog lawm ces yuav zaum tsaws nroo. Thov kom s/d ntsia tej txuj no kom tsim nuj, mob txog thiaj txawj nrho ntiv tes quj. Thov kom s/d ntsia tej txuj no kom zoo xws ib hauv tshuaj, thaum mob txog thiaj txawj rho ntiv tes zuaj.

    Hnub no peb ntxav los kawm txog kiv tobhau los ntawm mob yus 2 lub qhov ntseg. Vim muaj qee yam tsis zoo txhaws los sis nws muaj infection (ua paug) rau hauv yus lub qhov ntsej sab hauv lawm. Tej yam mob me thiab yus lub hlwb tseem ntes tsis tau tias mob qhov twg tab sis nws muaj feem ua tau rau yus qhov muag txaij ntsia ntuj teb kiv, pob ntseg nrov los sis muaj sab ntsej quaj. Muaj tej zaum kuj yog tej hlab ntsha hauv thooj hlwb, ntshav tsis txaus los sis ntshav ntoj tsis zoo. Tej yam hais los no tsim nyog yuav tau mus ntsib kws tshuaj.

    Hom mob hais los saum toj no, zuaj:
    1. ntawm qaum daim nplooj ntseg qhov caws ib kab nce toj, xuas nce toj nqis hav seb mob
    qhov twg ces zuaj qhov ntawd rau. Yog kov raug qhov mob nws yuav mob li ntsaum plev los sis mob li koob chob. Sab laug thiab sab xis mob ib yam tab sis zuaj sab laug nce toj, zuaj sab xis nqis hav. Tej zaum yuav ua rau dim qhov kiv tobhau los sis muaj sab ntsej quaj. Thaum zuaj ntawd yij meem sib zog tsawv rau los sis quj kom tob mus teem tus txha ntsej thiaj li yuav hnov raug qhov mob. Thiab zuaj ib hnub quas ib hnub.

    Nyob zoo Hmoobleejtub

    Tej phooj ywg tsis tuaj tham los kuv xav tias yeej muaj neeg tuaj khaws tuaj sau tej yam tseem ceeb li no coj mus cia lawm tab sis tsis xav tuaj pauv tswv yim xwb .
    Hos kev tham lwm yam tsis muaj qab hau rau qee lub forum mas coob kawg li ...hehehe.



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 7th September 2011, 8:18 am



    Nyob zoo Hmoob Leejtub thiab Hmoob Ntujqubqab,

    Zoo siab ntsib neb ob tug kws txuj hnub no.

    Hmoob Leejtub,

    Kawm txuj ces tsis muaj neeg xav ntsia tab sis thaum yuav siv ces mam khiav txog siav.
    Tshawb nrhiav qhov muaj nqes ces neeg tsis xav saib thaum yuav siv ces mam li thau nyiaj qab nas mus taig.

    Yeej zoo li Hmoob Ntuj Qubqab hais, tej yam tsim nyog mas tsis muaj neeg xauj li, tej qhov ua his ua hos, tham qaib tuaj hniav npua tuaj kub, hais tis muaj paus ntsis mas neeg coob kawg.

    Hmoobleejtub, kuv cov phooj ywg ces twb tsis muaj coob leej tuaj saib tau ntawv hauv cab sab, lawv txawj mloog xov tooj cua xwb...Hahahah...! Tab sis nws txhob ntau siab me, txhua yam peb sau tseg lawm yeej yuav muaj nqes xwb. Hais lus ces ploj raws huab raws cua, sau ntawv tseg mas yuav nyob txhiaj niaj puas xyoo tsis ploj...Thiab yog ib qhov zoo heev uas peb ob peb leeg phooj ywg tau qheb txoj hauv kev rau Peb Hmoob xyaum taug li luag pej kum neeg. Yam li Peb Hmoob ib txwm tsis yog ib hom neeg muaj txuj, lawv tsis paub muab cab sab ua ib qho tseem ceeb nrhiav txuj li lwm haiv neeg. Lawv tuaj cab sab ces yog tuaj ua plees ua yi, kuv hlub koj koj hlub kuv...Kuv hlob koj koj plhws kuv xwb...Tu siab kawg, ua Peb Hmoob tsis saib yus tus kheej, yus lub cuab yim mus tham...Peb Hmoob tsuas mloog nws lub siab tham xwb...Ua pog ua yawg, ua niam ua txiv tag los yeej tsis muaj ciaj ciam li, tsuas coj li cov me nyuam nyuam qhuav hlob ais ntsib kev hlub thawj zaug xwb...

    Hmoobleejtub,

    Ua tsaug rau nws tej txuj tseem ceeb nov. Ua li nws sau muaj ntau yam zoo; nws puas kam muab nws ib daim duab tuaj rau kuv dhos nrog nws cov txuj? Txhob xav li cas, thaum peb ua tej yam tseem ceeb lawm, peb yeej muaj cuab kav khav ntxhias tias peb tuaj cab sab...Tus tssi xav qheb qhov muag saib, nws ho hais phem los twb yog nws tssi pom yus tej txuj...Ib hnub twg nws pom mas nws yuav rov txaj muag rau nws tej lus hais tsis zoo rau yus...
    Kuv yuav tshaj nws tej txuj nov rau coob leej, cov tsis paub kov cab sab, kuv yuav muab luam rau lawv tau siv...Ua tsaug ib zaug ntxiv.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 7th September 2011, 12:23 pm

    Koojziagkabzaug thiab Hmoob ntuj qub qab,

    Hnub no peb los saib thiab xyaum txog kev mob hniav. Kev mob hniav, lwm haiv neeg uas muaj kws kho hniav nrog saib xyuas mas kuj tsis luaj twg. Tab sis peb hmoob feem coob cov tseem nyob hauj sab tsis paub tias muaj kws kho hniav. Mob hniav txog leej twg ces nyuaj siab thiab laj nyiaj ntoog kawg nkaus. Noj tsis taus mov, pw tsis tuaj ntub. Muaj tej tus kuj piam taus txoj sia. Vim mob hniav nws yuav kis tau mus rau yus thooj hlwb thiab yuav kis mus thoob yus lub cev. Mob hniav tsis hais me yaus los laus hluas, mob txog leej twg lawm ces yeej meem txom kawg li. Leej twg mob hniav lawm yuav tsum tau mus ntsib kws kho hniav tshuaj saib seb puas yog muaj hniav to qhov es ua rau mob los sis tim yuav muaj hniav tuaj tshiab es ua rau mob. Qhov kev zuaj daws mob hniav no tsuas pab kom mloog taus ua ntej yuav mus ntsib kws tshuaj xwb.
    Mob hniav, thaum xub thawj mas yeej mloog tau tias yog mob ib tug hniav twg lawm tab sis ib ob hnub tom qab ces yuav mob thoob mus rau tus txha pob tsaig thiab qab pob ntseg. Muaj ntau zaus kuj mob nce rau saum tobhau.






    zuaj:

    1. ntawm ntsis ntiv tes puas tus ntiv xoo sab xis.
    2. ntawm qia ntsej sab laug, zuaj nce rau saum qaum ntsej.
    3. ntawm qab pob ntseg ncaj tus txha pob tsaig nkaus sab laug, zuaj nce rau saum qab pob
    ntseg.
    4. ntawm kaum ncauj sab laug, zuaj nqis hav.
    5. ntawm ob sab qab ncov ntxig, zuaj ntsig mus rau tom ob sab pob ntseg.
    6. ntawm ob lub taub ntsej tus txha mos los xaus es su ib thooj, muab ob tug ntiv tes nias sib teem mab mam xuab, mob qhov twg ces xuab qhov ntawd. Txhob sib zog heev tsam tawv laws los sis yuav ua rau lub taub ntsej doog ntshav vim qhov nqaij ntaws mos heev thiab nyias heev li.




    Yog mob sab hniav sab saud, ces zaws lub ntsej muag li nov



    Yog mob sab hniav sab hauv, ces zaws ko taw thiab tes li no.


    Last edited by hmoobleejtub on 8th September 2011, 1:54 am; edited 1 time in total

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 7th September 2011, 1:46 pm



    Wow...! Hmoob Leej Tub, cas tssi tau hnov dua mob hniav zaws zoo... cheers , zoo kawg nkaus, nws tej txuj nov. Yog ib yam zoo uas yuav pab tau coob leej dim ntawm kev txom nyem ntxhov siab thiab poob nyiaj. Hais tseeb, nws tej txuj nov mas muaj nqes tshaj nyiaj kub, ntshe muaj tsawg leej siab thiaj zoo li nws no, thiaj li coj tuaj pub dawb pub do rau txhua leej kawm. Kuv ua nws tsaug ntau.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: kawm ua doctor hav nyom

    Post  Hmoob ntuj qub qab on 7th September 2011, 8:18 pm


    Nyob zoo Koojziagkabzaug thiab Hmoobleejtub

    Kev mob hniav mas tsis yooj yim ,cov luag tsis mob hniav luag pw ntsiag moo to, hos tus mob hniav mas ntsaj huj hws hws ...los tsis muaj neeg mob siab rau yus qhov mob li ...hahahhahaaha.
    Kuv los tsis tau paub mob hniav li, cov hniav niam txiv muab los kuj tseem nyob txhua tus ...hehehe, tab sis yuav tau khaws Hmoobleejtub cov tshuaj no coj mus cog cia ua puav pheej nyob thiaj tau siv .
    Ua tsaug os Hmoobleejtub koj mas luag tias tsis dog dig li ...heheheh.



    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 8th September 2011, 11:07 am

    Hmoob ntuj qub qab thiab Koojziagkabzaug,

    Hnub no peb txav los saib thiab xyaum zuaj mob caj qwb los sis mob txha caj dab. Mob caj qwb los ntawm yus pw lem los sis tej zaum tog rau ncoo tsis xwm yeem. Tej zaum yus tsaug zog ntev dhau kuj ua tau caj qwb txhav taus. Yog mob caj qwb lawm kuj mloog zoo li yog mob nrab qaum nrog, nws yuav mob heev tshaj rau thaum yus zaum.




    Mob caj qwb.

    Zuaj:
    1. ntawm ob sab xubpwg xaus nkaus rau tus txha caj dab. Nyob ntawm tus txha caj dab ntawd nws muaj cov txha su ib thooj ib thooj nce toj. Ntawm ob sab puab thooj txha su ntawd nws muaj 2 txoj xov fais nyob puas kiag cov txha mos. Xuas yus tus ntiv nta los sis tus ntiv coj nplhaib tus twg los tau, quj nias teem rau cov txha mos li ib nti pem toj ntawm qhov xubpwg sib txuas. Thaum yus nias teem raug rau qhov mob, yus yuav hnov fais khiav nkag tswv zws ncej toj nqes hav. Nias tuav rawv li ntawd kom cov mob khiav tas mam tshem. Hloov rau sab tod, nias ib yam nkaus. Tej zaum ib sab yuav mob dua. Tej zaum mloog mob sab xis tab sis nias yog mob sab laug.
    2. ntawm ob sab pwg pu los xaus nkaus li ib xib los pem caj qwb los. Theem nram hav no yus yuav xuas tsis cuag lawm tab sis yuav tau kom lwm tus pab yus los sis yuav tau coj mus teem rau tej lub kaum rooj los sis kaum tsev kom ntse tsawv teem quj mas thiaj raug qhov mob ntawd. Tsis li ntawd ces siv ib lub moj pob tennis los teem rau phab ntsa es mam li quj teem rau thiaj raug.
    3. ntawm lub qwb txws tus txha caj dab txuas rau lub tobhau. Xuas txav rau tod rau tod seb mob qhov twg ces quj qhov ntawd rau.
    4. ntawm ob txoj leeg xwb pwg nruab nrab ntawm caj dab thiab tus qais sib txuas.
    5. ntawm qab pob ntseg puas kiag cov plaub hau xaus.
    6. ntawm ob sab nplooj ntseg sab hauv, 2 daim nplooj ntseg no nws muaj ntau cuv tab sis xuas kom thoob seb mob qhov twg ces zuaj qhov ntawd rau.
    7. ntawm ob lub cos caj pas xaus ncaj chaw tua npua. Nias ob txoj leeg los tuav ob lub cos txha ntawd.




    Zuaj caj qwb.


    Last edited by hmoobleejtub on 9th September 2011, 2:15 am; edited 1 time in total

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: kawm ua doctor hav nyom

    Post  Hmoob ntuj qub qab on 8th September 2011, 10:24 pm



    Hmoobleejtub

    Koj txuj zuaj caj qwb no muaj nuj nqis kawg li laus lawm mob ib ce kawg li tej laus hais tias mob laug no ces yog lawm
    lauj...yus yuav tau zuaj yus thiab ov yog tos poj lag cuab ces laj nyiaj mob ...hehehehe.

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 9th September 2011, 10:08 am

    hmoob ntuj qub qab,

    nag hmo los teb lig lig, hnub no ho yuav mus teb ntxov lawm ces tsis muaj caij tham kev daws mob lawm. Yav lig mam li rov tuaj tham nawb.

    Sponsored content

    Re: kawm ua doctor hav nyom

    Post  Sponsored content Today at 4:35 am


      Current date/time is 9th December 2016, 4:35 am