google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    kawm ua doctor hav nyom

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 1st October 2011, 1:15 am



    HmoobLeejTub,

    Ua li os, nws muaj hauj lwm no ces mus tsuag tsuag los mam rov tuaj tham txuj. Peb mam li nyob tos nws.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 4th October 2011, 2:33 am

    koojziagkabzaug wrote:

    Hmoob Leej Tub,

    Ua tsaug ntau rau nws zaj no, yog ib zaj zoo heev.
    Kuv twb pom dua tej tug neeg ciam quav xwb tuag lawm, tej tug kuj ua rau yuav luag tuag. Tej tug kuj noj kem ces mob huam leej huam ceem cia li tuag kiag lawm. Ua tsaug ib zaug ntxiv.

    Ua li nws puas muaj qhov uas thaum yus nyuaj nyuaj siab ais yus cov leeg rub yus lub nraub qaum, zaws kom yus txhob nyuaj siab lawm...? Hahahah...!

    Koojziagkabzaug,

    Thov txim ntau uas nws twb tos ntev txog qhov nws nug ntawd. Nyob li ntawm nws lo lus nug tias thaum nyuaj siab es cov leeg pheej rub lub nraub qaum, yuav zuaj li cas thiaj pab tau. Hmoob leej tub xav kom nws sim 3 yam li nram qab no seb puas pab tau.






    Ntxhov siab ua mob.

    1. zuaj qhov mob nraub qaum txij ntawm 2 lub raum rov saud.
    2. zuaj kom nws tsaug zog zoo nws thiaj hnov qab txoj kev nyuaj siab.
    3. zuaj daws nws qhov kev chim siab thiab kho siab.
    Ib nqe twg nws kuj muaj ntau theem li yuav piav nram qab no:


    1. Yus lub nraub qaum nws muaj 12 tshooj pob txha, ib theem pob txha twg nws muaj daim phiaj viam los sis roj hmab kem. Nws kuj muaj cov xov fais thiab leeg dawb leeg ntshav ntau yam nyob raws tus txha nraub qaum. Muaj cov hlab ntsha leeg ntau txoj tawm mus tuav lub raum. Kev mob nraub qaum los ntawm kev nyuaj siab los sis zaum tsis haum es mob, muaj peev xwm yuav zuaj daws tau qhov mob. Yog tias tim tej pob txha teem ua rau daim phiaj viam los sis daim roj hmab ntawd nws to ces yuav tau mus ntsib kws tshuaj xwb thiaj li yuav pab tau. Yog nyuaj siab mob, zuaj:
    1.1. zuaj ob txoj leeg raws tus txha nraub qaum mob qhov twg zuaj qhov ntawd. Yog mloog tsis raug tias mob qhov twg kiag. zuaj sab laug; qho ib nyob li ib xib hauv qab ntawm daim nplooj pus xaus; qhov ob nyob ncaj nkaus ntawm theem duav nqia los sis hauv qab ntawm tus tav kawg li 2 nti nram hav.
    1.2. sab xis, qhov ib nyob ncaj nkaus lub raum, thiab qhov ob ntawm lub ntsag.
    1.3. txoj leeg plab hlaub sab nraud, pib ntawm qab hauv caug li 3 ntiv nram hav zuaj taug mus rau nram qaum cos taw. Txoj leeg plab hlau no nws tuav kiag yus lub cos taw sab nraud. Zuaj nqis kom tshuav li 3 nti txog lub cos taw mam tso tseg.
    1.4. Ntawm qaum cos taw li 1 xib puas rau ntawm qab plab hlaub, nias teem rau tus txha
    hlaub thiab thawb nqes hav rau hauv thiaj raug qhov mob.
    1.5. Ntawm lub cos taw sab nraud puas rau txoj leeg raws.
    1.6. ntawm ob sab nplooj ntseg theem siab sab nruab nrog.
    1.7. ntawm lub cos ntsej puas plhu, nias sab laug thawb sab hauv qhov ntsej teem rau tom plhu, thiab sab xis nias nraum tawv plhu teem mus rau lub qia ntsej.
    Mam soj saib nqe 2 thiab 3 rau hnub tom ntej.


    2. zuaj kom tsaug zog, pw tsis tsaug zog los ntawm ntau hom teeb meem sib xyaw; xav txog lwm tus hais lus tsis zoo, muaj teeb meem tsev neeg, mob ncauj plab, thiab roj ntsha los ntawm caj ces. Tsis tsaug zog, zuaj:
    2.1 ntawm caj ntswm xaus ncaj ntawm ob caj plab muag.
    2.2 ntawm qab ntsej txoj leeg caj dab xaus.
    2.3 ntawm qaum taw ze lub dab taws sab laug.
    2.4 ntawm qab cos taw nruab nrog sab taw xis.
    2.5 ntawm qaum taub ntsej qhov txha caws los xaus nkaus thiab raws tus txha qia ntsej sab ntsej xis. Zuaj nce toj.
    2.6 ntawm sab ntsej laug ib yam li sab xis tab sis zuaj nqis hav.


    3. kho siab los sis chim siab, noj tsis taus mov, pw tsis tsaug zog, chim siab rau lwm leej lwm tus, tswj tsis tau yam yus xav, saib tus kheej tsis muaj nuj nqis, tsis tab xab tib zoo thiab txhawj xeeb tej yam txawv txawv. Chim siab thiab kho siab, zuaj:
    3.1 ntawm yas ntiv tes rwg qab sab xis.
    3.2 ntawm dab tes sab hauv puas lub cos txha ncaj tus ntiv rwg.
    3.3 ntawm ntiv ntaws sab laug.
    3.4 ntawm qaum kaus siab cov txha tav sib cob ncaj 2 sab mis.
    3.5 ntawm yas cos ntiv taw xoo puas tus rau.
    3.7 ntawm 2 sab raub qhib nruab nrog li 4 nti ntawm qab hauv caug.
    3.8 ntawm 2 sab nplooj ntseg nruab nrog thiab 2 sab qia ntsej puas plhu, sab xis zuaj nce thiab sab laug zuaj nqis.

    siv li hais no seb pua pab.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 4th October 2011, 1:51 pm

    Nyob zoo HmoobLeejTub,

    Zaum no nws muab tau tsob kuab muaj tsuas tuaj cog rau peb lub zos nov lawm, ntiaj teb yuav tshiab qaum ntuj yuav ci ntsa iab, lub ntuj yuav kaj lub teb yuav tawg paj. Leej neeg yuav rov pom kev lom zem, lub neej yuav rov muaj nqes...Yuav ua neej nyob luag ntxhi tam Nkauj Ntsuab Nraug Nab nyob ntuj hnub qub ci...Hahahah...! Ua tsaug rau nws lub siab zoo nawb mog...Tab sis ntau me ntsis lawm, ntshe yuav xyaum ntev tsawv thiaj li yuav siv tau.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 7th October 2011, 2:38 am

    koojziagkabzaug wrote:Nyob zoo HmoobLeejTub,

    Zaum no nws muab tau tsob kuab muaj tsuas tuaj cog rau peb lub zos nov lawm, ntiaj teb yuav tshiab qaum ntuj yuav ci ntsa iab, lub ntuj yuav kaj lub teb yuav tawg paj. Leej neeg yuav rov pom kev lom zem, lub neej yuav rov muaj nqes...Yuav ua neej nyob luag ntxhi tam Nkauj Ntsuab Nraug Nab nyob ntuj hnub qub ci...Hahahah...! Ua tsaug rau nws lub siab zoo nawb mog...Tab sis ntau me ntsis lawm, ntshe yuav xyaum ntev tsawv thiaj li yuav siv tau.





    Kzkz thiab ib tsoom phooj ywg,

    Hnub no peb los saib thiab xyaum kev zuaj daws mob ncauj plab los sis plab kiav txhab. Kev mob ncauj plab, nws yog los ntawm tus neeg muaj kev nyuaj siab, noj tshuaj tua mob ntau dhau, thiab nyiam haus dej cawv ntau. Mob ncauj plab yeej muaj txhua hom neeg tsis hais poj niam txiv neej. Mob ncauj plab, thaum xub thawj tsuas hnov ntsim ntsim hauv siab (hmoob hu tias kiab siab) qhov ntsim ntawd yuav auv los rau ntawm qab kaus siab ua ntej noj mov thiab tom qab noj mov tas. Thaum tshaib yuav mloog mob heev tshaj. Sawv ntxov, tus neeg mob muaj ntsis muaj xeev siab xav ntuav. Thaum mob heev zuj zus los sis ntev zuj zus, tus muaj mob yuav tawm rooj tau cov xos liam dub.
    Yog tus twg mob txog qib tso tawm rooj tau cov xos liam dub lawm ces yuav tau mus ntsib kws tshuaj. Kws tshuaj thiaj li yuav muaj cuab kav cev yajtsom mus tsom saib seb qhov mob ntawd loj los me. Kev zuaj mob ncauj plab tsuas pab tau thaum tseem mob me xwb.



    Zaws plab.

    Mob ncauj plab, zuaj:

    1. ntawm ob txoj sawv plab li ib nti saum toj ntawm lub ntiv ntaws.
    2. ntawm nruab nrab lub ntaws thiab tus kaus siab, txoj leeg nruab nrab plab.
    3. ntawm hauv siab nruab nrab ntawm ob lub mis.
    4. ntawm ob sab roob qhib 1 xib nram hav qab hauv caug.
    5. ntawm nruab nrab roob qhib nruab nrog los saum hauv caug thiab txhais taw.
    6. ntawm ob sab nkhib taw puas tus ntiv taw xoo.
    7. ntawm ob sab qaum taw qhov ze rau cov yas txha ntiv taw sib txuas.
    8. ntawm daim nplooj ntseg nruab nrog thiab ntawm lub cos ntsej puas plhu sab ntsej xis.
    9. ntawm daim nplooj ntseg nruab nrog, sab pob ntseg laug. Sab xis quj kiv raws lub moos khiav thiab saub laug quj kiv rov qab.

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 12th October 2011, 2:35 am




    Koojziagkabzaug,

    Ua cas ob peb hnub no lub tsev kho mob no tuaj tuaj ntxhuab lawm tsis muaj neeg tuaj xyuas li. Puas yog huab cua zoo heev s/d noj qab nyob zoo tsis muaj txiab xeeb txiab nkeeg dab tsi lawm. Li cas los xij tej zaum muaj qee tus pog laus zaum ua paj ntaub ntau dhau los sis zaum saib yeeb yaj kiab heev dhau, ntshe yuav mob mob lub ntsag tw los nws tsis paub, pheej nroo tias mob mob dua sawv tsis taus thiab twb mus ua tsis tau noj li no.
    Txav los ntawm no Hmoob leej tub qhia koj daws koj qhov mob uas koj niaj hnub nroo.

    Mob duav thiab hauv caug txhav, feem ntau yog cov pog laus uas tsis muaj coj khaub ncaus lawm los sis cov neeg uas lub cev npag hnyav dhau li nws lub cev fwj taus, yuav ua rau tus neeg ntawd mloog li ob lub hauv caug txhav txhav thiab mob duav heev. yuav sawv mus kev twb mus tsis taus.


    Hauv caug.

    Hauv caug txhav thiab mob duav zuaj:

    1. ntawm lub qhia ntsej sab xis.
    2. ntawm lub qaum ntsej theem siab ncaj qhov caws sab xis.
    3. ntawm daim nplooj ntseg sab nruab nrog theem siab sab laug.
    4. ntawm qaum ntsej theem siab ncaj qhov caws sab laug.
    5. ntawm 2 sab ntsag tw ncaj qhov txhaj txhaj tshuaj saum toj.
    6. ntawm 2 sab qaum leeg raws ze hauv caug sab nraud.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 12th October 2011, 1:08 pm


    Nyob zoo Hmoob Leej Tub,

    Me Hmoob aw...! Nws lub tsev Kuab muaj tsuas nov yeej tsis nphob, tsis paug plua plav li os...Zaj Laug hauv tshuaj twb kaw rau hauv nov lawm, yuav muaj neeg tuaj xyuas coob zuj zus xwb. Thaum nws sau tej yam tseem ceeb li nov mas tsuas muaj neeg tuaj nyeem xwb, yuav tsis tshua muaj neeg tuaj nrog nws txuas lus, tab sis yeej muaj neeg tuaj nyeem. Txhob poob siab thiab qaug zog, yeej meem tuaj tso ntxiv kom peb muaj txhij. Kuv kuj tsis paub tag thiab tab sis kuv pom zoo li peb lub vas sab nov yog lub ua muaj txuj Hmoob ntau tshaj thiab zoo tshaj lawm. Khuv xim uas tej kev cai neeb yaig thiab khawv koob tso tsis tau, yog tso tau mas ntshe peb tseem yuav muaj ntau yam dua ntxiv...

    Cia kuv khoom, kuv mam tib zoo sau npe rau ntawm cov duab uas kuv tso mas yuav muaj neeg tuaj xyuas nws coob ntxiv xwb.

    Tij laug Hmoob Ntujqubqab,

    Nws puas kam tuaj tso nws zaj puav xais qes tes, qes taw rau peb tau kawg thiab?


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 13th October 2011, 10:20 pm

    Ua li os kzkz. Tsam hmoob leej tub tham ntau ntau ces ho tab kaum rau nws tuaj tso duab rau ne yuad. Tusiab, hmoob leej tub lub scanner tsis ua hauj lwm lawm es thiaj li tso tsis tau duab tuaj rau nej saib. Cia kom sau tas tej txuj tso mam li kho seb puas tau lub scanner. Yog kho tsis tau no ces ntshe txog caij lub tshiab yuav los sawv chaw lawm. Sau lus xwb tej zaum kuj tsis tshua meej pem. Peb hmoob tej lus los kuj tsawg tsawg tsis txaus hais li. Yog sau kom txaus totaub no ces nws ho ntau dhau rau tus nyeem. Li cas los xij yom, yog tias lo twg tus sau sau tau tsis meej los thov kom tus xav paub ho nug thiab thiaj li pom qab tshab txhais rau kom totaub.




    Peb twb tau saib thiab kawm txog kev zuaj daws mob ncauj plab dhau los lawm. Hnub no peb ho los kawm txog kev zuaj daws mob plab hnyuv tws. Mob hnyuv tws, thaum xub thawj mas hnov plab mob auv tsawv ib yam li mob ncauj plab, noj tsuaj rau los kuj tsis mloog. Ntev zus ces yuav nqes mus mob rau hauv plab mog npaum riam chob. Yog tias pw caws taw twj ywm ces kuj mloog taus tab sis yog xyab taw thaum twg los sis tig cev thaum twg ces mob ntsia ntsees li riam chob ntawm phab xis tuaj. Mob hnyuv tws kuj ua rau taws siab xav ntuav thiab qaub ncaug si. Thaum mob heev tuaj tawv ncauj yuav qhuav thiab yuav pib ua daus no (npaws) nrog. Muaj tej tus kuj mloog mob ntxhia thiab hnyav ncawv rau ntawm sab ntha plab xis xwb los nws kuj yog mob plab hnyuv tws ib yam.

    Yog xav paub tseeb tias puas yog mob hnyuv tws tiag. Koj muaj cuab kav sim, xws li siv 2 tug ntiv tes tshum ntawm sab ntha plab sab laug thawb teem mus rau ntawm lub ntaws, thawb kom tob tsawv es mam rho koj ob tug ntiv tes kom nrawm nroos rov qab. Tus mob yuav mloog mob heev tshaj thaum rho ntiv tes rov qab ntawd. Yog tias mob li hais ntawd lawm ces nws yog mob hnyuv tws lawm ntag.

    Qhov zoo tshaj ces yuav tsum yog mus ntsib kws tshuaj es muab nws phais txiav tawm xwb yuav zoo dua. Tab sis yog tsis muaj kws tshuaj nyob ze, thaum tseem ntxov nyuam qhuav pib mob, tsis tau ua paug ces zuaj kuj pab tau. Tab sis yog tias cia ntev dhau, qhov hnyuv tws ntawd twb ua paug txog qib yuav tawg paim tuaj lawm ces, zuaj los kuj yuav tsis pab lawm.

    Mob hnyuv tws vim nws muaj qee yam zaub mov tawv los khuam rau ntawm yav hnyuv tws ntawd es ntws tawm tsis tau rov mus rau tom yav hnyuv loj ces ntev mus yuav muaj kab mob bacteria ua paug rau yav hnyuv tws ntawd. Ntev zus ces yav hnyuv tws ntawd yuav tsum tawg, tej khoom xos liam yuav tawm los nyab xyaw tej roj ntsha hauv lub ces, tus neeg mob ntawd kuj yuav piam taus txoj sia.

    Mob plab hnyuv tws, zuaj:

    1. ntawm ob sab roob qheb sab hauv puas rau plab hlaub ntug, los sis nrug li ib nti ntawm tus txha roob qheb thiab li ib xib los pem qab hauv caug los, zuaj thawb nqis hav.
    2. ntawm ob nkhib ntiv taw puas tus ntiv xoo, zuaj taug tus ntxha ntiv xoo los rau tom tus rau.
    3. ntawm ob sab ntiv ntaws li ib nti, zuaj nqi hav.
    4. ntawm sab ntsej xis ncaj daim txha mos lub cos ntsej nruab nrog, zuaj tawb teem rov tom sab plhu.
    5. ntawm sab ntsej laug ncaj nruab nrab ntsej, zuaj nqis hav rau hauv lub taub ntsej.

    Tej yam txuj hais los saum toj no, txawm tias tsis muaj leej twg nyob ze pab yus los, tus kheej muaj peev xwm zuaj tau tus kheej yog thaum mob txog tes. Thiab vam tias cov txuj no yuav qhib tau sawv daws lub qhov muag paub txog tias mob plab hnyuv tws yog mob li cas.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 15th October 2011, 4:12 pm



    Nyob zoo Hmoob Leej Tub,

    Nws sau ntau los haj yam zoo xwb, twb tsis yog tham pem ua si, twb yog zoo txuj mus zoo ci, thaj tag hnub thawm hli los yeej puab leej tib, nws yeej tsis tab kaum kuv li. Yog nws lub scan pw tsev kho mob tawm los no nws mam li xa duab tuaj rau kuv hloov cov uas kuv nrhiav los tso nov thiaj li meej dua.

    Nws tham ntau yam zoo heev, twb tsis yog qhov zuaj xwb, nws tseem qhia tus yam ntxwv mob thiab mas yog ib qho zoo kawg nkaus. Kuv ua nws tsaug nawb mog.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 21st October 2011, 2:29 am

    koojziagkabzaug wrote:

    Nyob zoo Hmoob Leej Tub,

    Nws sau ntau los haj yam zoo xwb, twb tsis yog tham pem ua si, twb yog zoo txuj mus zoo ci, thaj tag hnub thawm hli los yeej puab leej tib, nws yeej tsis tab kaum kuv li. Yog nws lub scan pw tsev kho mob tawm los no nws mam li xa duab tuaj rau kuv hloov cov uas kuv nrhiav los tso nov thiaj li meej dua.

    Nws tham ntau yam zoo heev, twb tsis yog qhov zuaj xwb, nws tseem qhia tus yam ntxwv mob thiab mas yog ib qho zoo kawg nkaus. Kuv ua nws tsaug nawb mog.

    Kzkz,

    Thov txim ntau uas tau ob peb hnub los no, kuv me ntsis khaub thuas lawm es thiaj tsis qab siab tuaj sau ntxiv rau sawv daws nyeem.


    Hnub no ho yuav rov los tham me ntsis txog kev daws mob muaj pob zeb nyob hauv raum. Pob zeb nyob hauv raum nws kuj yog ib hom mob uas leej twg tau ntsib ces nyuaj siab hauj sim. Kev mob nws yuav mob ntsim chob npaum li riam hlais thiab yuav mob ntawm ob sab duav nqis mus rau hauv lub zais zis. Qee tsam kuj tso tsis tau zis. Kev zuaj tsuas daws tau qhov mob kom txog rau thaum tus mob mus ntsib tau kws tshuaj xwb. Nws yuav zoo tsis tu qab kom txog rau thaum muab lub pob zeb rho tau tawm. Yog tias lub pob zeb tseem me tej zaum kuj yuav ntws tawm tau los rau hauv lub zais zis thiab thaum kawg kuj nrog zis tawm tau los yam tsis raug phais. Mob pob zeb nyob hauv raum, zuaj:
    1. ntawm tus ntsis tav kawg ncaj lub duav ntxee rau sab nraub qaum tseem tsawv.
    2. nruab nrab ntawm tus pob txha ntha thiab tus ntsis tav thib 2 suav hauv tuaj.
    3. ntawm sab ntha ncaj puab tais, 1 - 3 puav leej yog sab xis.
    4. ntawm ob sab duav hmlos.
    5. ntawm ob sab nkhib taw puas tus ntiv taw xoo.
    6. ntawm ob sab qia ntsej.
    7. ntawm ob daim qaum nplooj ntseg theem siab.

    Ntawm ob sab qaum nplooj ntseg thiab hauv ob sab nkhib taw, yuav tsum sib zog zuaj npaum li yuav sib zog tau thiaj li yuav daws tau qhov mob, uas muaj pob zeb nyob hauv lub raum.

    Yog tus mob mloog tau tias mob pob zeb nyob hauv raum, yog mob sab twg tiag ces zuaj nqe 6 thiab 7 sab ntawd xwb los tau.



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: kawm ua doctor hav nyom

    Post  koojziagkabzaug on 21st October 2011, 3:22 pm



    Tij Laug Hmoob Leej Tub,

    Muaj sab foob los ncaj nws lov? Nkees los thaum twg xyeej siab mam tuaj sau los tsis ua cas lis nawb mog. Kuv los ntshe yuav tsis tshua khoom lawm thiab...Vim muaj me ntsis hauj lwm...Es yog nws tsis pom kuv tuaj lawm los nws thob ntau siab yau, nws khoom yeej meem tuaj tso zaj, kuv mam li tuaj kho rau.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 2nd November 2011, 12:34 pm

    koojziagkabzaug wrote:

    Tij Laug Hmoob Leej Tub,

    Muaj sab foob los ncaj nws lov? Nkees los thaum twg xyeej siab mam tuaj sau los tsis ua cas lis nawb mog. Kuv los ntshe yuav tsis tshua khoom lawm thiab...Vim muaj me ntsis hauj lwm...Es yog nws tsis pom kuv tuaj lawm los nws thob ntau siab yau, nws khoom yeej meem tuaj tso zaj, kuv mam li tuaj kho rau.

    Koojziagkabzaug,

    Thov txim uas tau ntau hnub lawm tsis tau los sau daws kev mob nkeeg lawm.


    Hnub no peb ho tig los saib thiab kawm txog tej ncej puab los sis plab hlaub pheej muaj cov leeg ntshav su ua tsheej thooj raws yus tej tawv nqaij. Ntawd vim yus tej hlab ntsha txhaws los sis muaj qee yam dab tsi khub cov leeg ntshav lawm thiaj ua rau ntshav khiav tsis zoo ces nws thiaj li su loj zuj zus. Thaum muaj ntshav khov khuam rau thaj twg lawm ces nws pheej yuav muaj cov los nplaum ntxiv, ntev zus thiaj pom tej thooj leeg ntshav dub loj zuj zus tuaj. Feem ntau cov neeg muaj cov teeb meem li hais los no vim tus neeg ntawd nws ua hauj lwm sawv ntsug ntau tshaj li tau zaum. Thaum paub tias nws pib muaj tej leeg ntshav su ho dub lus hauv tej tawv nqaij tuaj lawm, yus yuav tau zuaj, ob peb hnub twg zuaj ib zaug rau kom tej leeg ntshav ntoj xwm yeem thiaj li yuav tsis su loj ntxiv. Ntev mus tej zaum nws kuj yuav rov ploj taus. Txawm tsis ploj tas tas los nws yuav tsis su loj ntxiv tuaj lawm. Hlab ntshasu o, zuaj:

    1. ntawm lub cos taw sab laug nruab nrog.
    2. ntawm nkhib taw puas tus ntiv xoo sab laug thiab xis.
    3. ntawm qab hauv caug, roob qhib xaus-nruab nrog sab ceg xis.
    4. ntawm ob sab nplooj ntseg theem siab nruab nrog.

    Zuaj li hais lo saum no yuav pab tau kom tsis txhob muaj hlab ntsha tawg ua rau tej leeg ntshav su o tej twb thooj raws yus tej tawv nqaij ntawm ncej puab thiab plab hlaub.







    hmoobleejtub
    Developer
    Developer

    Messages : 119
    Date d'inscription : 2011-08-31

    Re: kawm ua doctor hav nyom

    Post  hmoobleejtub on 17th November 2011, 2:48 am



    HAWB POB TXHAWM CHIM.


    Koojziagkabzaug,

    Ua tsaug qhov nws muab tau cov duab los phim cov lus. Zoo heev, yuav ua rau cov nyeem totaub meej dua. Ntxiv mus peb ho los kawm txog kev daws mob hawb pob los sis txhawm chim ua pa tsis puv cev. Xwm txheej los ntawm kev tau khaub thuas, hnoos. Muaj ntau zaus tib neeg qee leej hnov tsw tsis tau xws li tej yam paj hmab paj ntoos tsw los sis pluas av ncho tsw thiab kib roj tsw. Yuav ua rau tus neeg pib txhawm chim hawb pob, ua pa tob npaum twg los pa tsis puv cev. Leej twg mob li hais los no, thaum ua pa tsis haum rau tej huab cua los sis hnoos heev dhau es ua rau tus neeg pa tsis txaus nws lub cev, tus ntawd yuav mloog li hauv siab ceev dhau los sis khoob dhau. Thaum pa tsis puv cev lawm tus neeg mob ntawd yim huas pa heev yim ua rau tus neeg mob ntawd txog siav thiab pom hnub qub ya. Thaum mob li hais los no lawm yuav tau zuaj raws li nram no:

    1. zuaj ntawm qab 2 tug qais los xaus nkaus rau tus pob txha hauv siab.
    2. zuaj tus pob txha hauv siab ncaj nruab nrab ntawm 2 lub mis, zuaj nce toj nqes hav kom yuav luag txog tus kaus siab.
    3. zuaj ntawm sab dab tes ncaj qhov coj moos, nruab nrab ntawm ob tug pob txha npab los xaus rau lub cos dab tes, sab laug.
    4. zuaj ntawm 2 sab qab hauv caug, roob qhib xaus sab hauv.
    5. zuaj ntawm qab thooj pob txha qwb, 2 sab xub pwg txuas.
    6. zuaj ntawm 2 daim nplooj ntseg xis thiab laug thiab lub qia ntsej saum toj tus txha ntsej xaus. Sab xis zuaj nce toj thiab sab laug zuaj nqis hav.

    Thaum mob heev tuaj lawm txawm zuaj tsis tau txhua thaj chaw los xij, nco ntsoov 2 sab pob ntseg thiab ntawm tus ntxa hauv siab thiaj li yuav daws tau qhov kev ua pa tsis puv cev ntawd.




    Qhov duab sab lauj yog cov hlab ntsws zoo, ua pa yooj yim
    Duab sab Xis yog txhawm chim, ua tsis taus pa.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: kawm ua doctor hav nyom

    Post  xiongchang on 29th October 2012, 10:08 pm

    ......Mob taub hau...Los dias taub hau...Yog ob txoj leeg..Caj qwb...Ntshav dais...Dhia tsi zoo...Xuas tshuaj kua ntsuab:...Eagle...Yog tshuaj suav zuaj zaws...Ob txoj leeg...Xub qwb...Ob txoj leeg...Caj pas uas...Ze ob lub qia ntsej...Ob lub xub ntsos...Saum hauv pliaj...Los rau ob txoj leeg...Xub pwg...Quav npab...Ob txoj leeg...Puab tais...Qhov rawg...Ze nram luj taws.

    Sponsored content

    Re: kawm ua doctor hav nyom

    Post  Sponsored content Today at 4:34 am


      Current date/time is 9th December 2016, 4:34 am