google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    NRAUG LIAB TOJ SIAB lub tsev Paj huam

    Share

    Nraug Liab Toj Siab
    Sponsor
    Sponsor

    Messages : 772
    Date d'inscription : 2011-05-31
    Age : 30
    Localisation : Nyob ntawm koj ib sab.

    Re: NRAUG LIAB TOJ SIAB lub tsev Paj huam

    Post  Nraug Liab Toj Siab on 23rd May 2012, 7:58 pm

    Nyob zoo tij laug Hmoob Ntuj Tshiab, zoo siab rov tau tuaj ntsib nws ua tij dua, nyaj nws thiab niam tij nrog rau tsev neeg tseem noj qab nyob zoo txhua tus pos?

    Ua tsaug ntau uas nws ua tij haj tseem pab kho kuv zaj paj huam rau thiab, tseem yuav vam khom nws ua tij pab qhuab qhia ntau tsav yam lawm yav tom ntej.

    Thov nug, koj puas yog tij laug Leng Vang tom tojsiab.com thiab koj puas yog tus sau paj huam rau Txiv Phim Nyus Vais ne?

    Ua tsaug.


    Last edited by Nraug Liab Toj Siab on 23rd May 2012, 9:53 pm; edited 1 time in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: NRAUG LIAB TOJ SIAB lub tsev Paj huam

    Post  Hmong ntuj tshiab on 23rd May 2012, 8:32 pm

    [quote="Nraug Liab Toj Siab"]Nyob zoo tij laug Hmoob Ntuj Tshiab, zoo siab rov tau tuaj ntsib nws ua tij dua, nyaj nws thiab niam tij nrog rau tsev neeg tseem noj qab nyob zoo txhua tus pos?

    Ua tsaug ntau uas nws ua tij haj tseem pab kho kuv zaj paj huam rau thiab, tseem yuav vam khom nws ua tij pab qhuab qhia ntau tsav yam lawm yav tom ntej.

    Thov nug, koj puas yog tij laug Leng Vang tom tojsiab.com ne?

    Ua tsaug.
    [/quote]

    kuv tsis yog os tus kwv nraug liab, kuv tsis tuaj tom hmoob toj siab os nawb

    kuv tuaj nyob rau hauv ( pt ) ntau zaus nawb, nyob rau hauv ( pt ) mas kuv lub npe ua ( Me noog daiv nkhob ) no xwb os tus kwv nraug liab toj siab


    Nyob Os Hmoob Tshav Ntuj

    Nyob zoo os--------------zos Hmoob Tshav Ntuj
    Tub nraug txuj---------------thiab me ntxhais ci
    Ncaim ntau hli--------------------tsis tau rov tuaj
    Yeeb vim muaj--------------hauj lwm ntau dhau
    Thiaj li tau-----------------------ploj lawm ib ntus
    Nej txhua tus------------------puas tseem noj qab
    Chaw vas sab----------------puas tseem nyob zoo
    Ncaim ntev loo-----------------nco nej kawg kiag
    Muam Kooj ziag----------thiab muam Maiv Paj
    Nco neb tshaj---------------------ob tug me muam
    Nraug liab cuam--------------yeej nco ntsoov neb
    Nyob nrug deb------------------neb puas nyob zoo
    Nej puas nroo----------------txog kuv nraug Liab
    Nyob toj siab---------------ntxeev ntuj nraum ub
    Caij nruab hnub--------------thiab caij hmo ntuj
    Nraug Liab kuj----------------npau suav tuaj yos
    Neb lub zos-------------Hmoob tshav ntuj tshiab
    Kuv Nraug Liab---------------kuj tseem nyob zoo
    Ncaim ntev loo----------------------tsis tau sib fim
    Muaj qee chim-------------------kuj nco nej heev
    Lub suab seev-------------------nco nej txhua tus
    Ncaim ib ntus-------------------mam tau rov tuaj
    Ciav twb muaj-----------------paj hmab paj ntoo
    Tawg puv nroo--------------------tog vaj tog tsev
    Tej ntug kev----------------------paj tawg tsw qab
    Me paj hmab-----------------paj ntoos tsw ntxiag
    Zoo kawg kiag------------zos Hmoob Tshav Ntuj
    Chaw khaws txuj------------thiab chaws txeeg ci
    Kom thiaj li------------------------nyob mus ib sim
    Ua qauv cim---------------rau peb Hmoob kawm
    Coj mus cawm------------------lub neej poob qab
    Ho tau pab-----------------------cov uas tsis txawj
    Kom txhob txhawj--------Hmoob kev dab qhuas
    Lawv cov hluas---------------thiaj nrog paub txog
    Tej yawg pog-----------------------lawv dua toj tag
    Tub ntxhais nkag-------------kawm hauv vas sab
    Yeej paub tab----------------------los coj tau thiab
    Qhov tseem ntsiab-------------------yus tej txuj ci
    Zoo xws li----------------------luag lwm haiv thiab
    Tus mob siab-----------------yeej kawm tau kawg
    Txiv neej yawg------------------yog nws xav txawj
    Tsis tas thawj-----------------------tus me kws qhia
    Tuaj saib ntsia--------------------txuj nyob vas sab
    Kawm kom tshab-------------------ces yeej siv tau
    Loj me yau-----------------------yeej txawj sib xws
    Kawm ntawm kws----------------tsuas zoo ib yam
    Yeej tsis plam---------------------yog sau hais meej
    Nws tus kheej------------------yeej txawj xwb tiag
    Rov tig ntiag-------------zuag txog tsoom Hmoob
    Tawg mus thoob------------------rau lub qab ntuj
    Los peb txuj----------------------tseem zoo sib xws
    Nyob deb kws----------------los tsis txhob txhawj
    Txoj kev txawj-------kawm ntawm ntaub ntawv
    Yeej tsis txawv---------------vim yog txuj Hmoob
    Sau yeej noob--------------------ua qauv qhia tseg
    Sawv khaws leg--------------------hais zoo ib yam
    Thiaj sau tham----------rau tsoom Hmoob paub
    Kom to taub--------------------------txog tej txuj ci
    Yog Hmoob li----------------thiab hais Hmoob lus
    Hmoob txhua tus------------------koom siv ib yam
    Thiaj tsis cam-----------------------hais ub hais no
    Peb thiaj nco------------------coj raws keeb kwm
    Hmoob ib txwm----------------ntawm poj ua tseg
    Ho coj leg------------------------raws yawm ua cia
    Sib pab qhia-----------------thiaj tsis txhaum dab
    Txoj kev npab-------------------raws luag tej txuj
    Tsis tsim nuj-----------------luag yuav thuam koj
    Mus txeeb coj----------------------luag li ntiag tug
    Thaum luag nug------------------koj tsis paub teb
    Neeg ntiaj teb----------------nyias muaj nyias tug
    Luag coj pug-----------------raws luag keeb kwm
    Kev xeeb tshwm-----------ntawm luag haiv neeg
    Txoj kev ntseeg----------nyob ntawm txhua haiv
    Luag yeej xaiv------------kom txhob txuam yuaj
    Nyias teev muaj----------------nyias tus tswv ntuj
    Thiaj tsim nuj------------------rau luag haiv neeg
    Luag thiaj ntseeg-------------txoj kev teev hawm
    Nws los cawm------------------luag haiv neeg mus
    Yus teej tus--------------------txoj kev teev hawm
    Yuav tsum kawm-------------------yam yog yus li
    Txeeg txuj ci-------------------------raws li yus tug
    Mam coj pug-------------------thiaj muaj nqis zoo
    Thaum siv loo-------------------li nrog muaj kuab
    Kuv thiaj muab--------------------coj los ntos qhia
    Kawm khaws cia----------------coj ua puav pheej
    Yog peem tsheej---------------luag thiaj hwm yus
    Kuv cov lus---------------------hais tau ntau dhau
    Thov txhob npau------------vim tsuas qhia tseeb
    Yog mees xeeb-----------------kawm hauv vas sab
    Yeej paub tab---------------------thiab yeej siv tau
    Loj me yau------------------------xyaum tau huv si
    Yog Hmoob li---------------------yeej tsis txwv nej
    Hais txog tej-------------------niag txuj Hmoob siv
    Peb sau chiv--------------------los qhia rau Hmoob
    Kom paub thoob-------------thiaj tsis ntxhov siab
    Lub neej tshiab----------------ntawm tej kws txuj
    Tsis tsaus ntuj------------------rau lawv tus kheej
    Thiaj peem tsheej--------------lub neej pem suab
    Li paub qhuab----------------lawv tej tub ntxhais
    Kom paub txais---------------------tej laus lus zoo
    Lus muaj hmoo--------------------yog lus tsim nuj
    Kev teeg txuj---------------------thiab kev txeeg ci
    Yog yus li-------------------thiaj yuav tsis txhaum
    Thaum koj xyaum-------------yeej zoo xwb tiag./.



    Nraug Liab Toj Siab
    Sponsor
    Sponsor

    Messages : 772
    Date d'inscription : 2011-05-31
    Age : 30
    Localisation : Nyob ntawm koj ib sab.

    Re: NRAUG LIAB TOJ SIAB lub tsev Paj huam

    Post  Nraug Liab Toj Siab on 23rd May 2012, 9:57 pm

    Ua tsaug ntau rau koj ua tij lub sij hawm uas tau pab kho sau kuv zaj paj huam rau.

    Thov nug ntxiv: ua li koj ua tij puas yog tus sau sau paj huam rau Txiv Phim Nyus Vais thiab ne?

    Ua tsaug.

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: NRAUG LIAB TOJ SIAB lub tsev Paj huam

    Post  Hmong ntuj tshiab on 24th May 2012, 6:18 pm

    Nraug Liab Toj Siab wrote:Ua tsaug ntau rau koj ua tij lub sij hawm uas tau pab kho sau kuv zaj paj huam rau.

    Thov nug ntxiv: ua li koj ua tij puas yog tus sau sau paj huam rau Txiv Phim Nyus Vais thiab ne?

    Ua tsaug.



    kuv yog tus sau rau tus kwv paj huam phim koos kiom nas

    Nraug Liab Toj Siab
    Sponsor
    Sponsor

    Messages : 772
    Date d'inscription : 2011-05-31
    Age : 30
    Localisation : Nyob ntawm koj ib sab.

    Re: NRAUG LIAB TOJ SIAB lub tsev Paj huam

    Post  Nraug Liab Toj Siab on 30th May 2012, 5:22 am

    Hmong ntuj tshiab wrote:
    Nraug Liab Toj Siab wrote:Ua tsaug ntau rau koj ua tij lub sij hawm uas tau pab kho sau kuv zaj paj huam rau.

    Thov nug ntxiv: ua li koj ua tij puas yog tus sau sau paj huam rau Txiv Phim Nyus Vais thiab ne?

    Ua tsaug.



    kuv yog tus sau rau tus kwv paj huam phim koos kiom nas

    Nyob zoo hnub tshiab os tij laug Hmoob Ntuj Tshiab, yog nws sau rau tus kws Phim Koos Koim ces zoo kawg lawm mas, vim Phim Koos Koim keej dua Phim Nyus Vais ne yom, hehehehehe. J/K.


    Cwjmemqhuav
    Visitor
    Visitor

    Messages : 1
    Date d'inscription : 2013-03-23

    Suab Seev

    Post  Cwjmemqhuav on 23rd March 2013, 6:45 am

    Txawm sij hawm dhau plaws lawm ntau xyoo. Me neeg zoo tseem nyob nraim hauv kuv siab. Yuav nco nco koj nov xyoo dhau niaj. Qhia koj tias kuv nov hnub hmo nco. I love you

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: NRAUG LIAB TOJ SIAB lub tsev Paj huam

    Post  Hmong ntuj tshiab on 23rd March 2013, 6:57 am

    Nws wb zaj dab neeg

    Caij ntuj no----------------------nyob pem teb yeeb
    Tau tshwm xeeb-------------------txoj kev hlub los
    Muaj ib hmo------------------muaj neeg tham qhia
    Kuv thiaj cia---------------------------lub siab li zoj

    Nyiag tuaj soj----------------yos tham hluas nkauj
    Tau tuaj xauj---------------Hmoob cov me ntxhais
    Hnov luag hais------------------daim teb pem roob
    Muaj ntxhais Hmoob------------tuaj faus teb yeeb

    Nkauj sim xeeb----------tham luag ntxhawv ntxhi
    Zoo cuag li----------------me ntxhais nkauj ntsuab
    Hnov lub suab------------------tham seev yuj yees
    Tsis nco nkees------------------------ua teb ua npoj

    Pem ntav toj------------------------daim teb av dub
    Hmoob leej tub-------------------nce tuaj mus saib
    Pom paj ncaib-------------------paj ntoos tawg zoo
    Tawg puv loo------------------------tej me ntug teb

    Tsa ncauj ntxheb---------------lub suab seev qhub
    Kev sib hlub---------------------thiab kev sib tshua
    Txawm pib ntua-------------muab tham qhia meej
    Kuv tus kheej-------------------------los kuj ib yam

    Txoj kev tham-------------------nyob ntuj tag hmo
    Lus sib nco--------------------tham kaj ntug plaws
    Tau tham ntxaws--------------------tej lus sib hlub
    Qhib los pub----------------------rau kuv tus kheej

    Koj qhia meej-------------ntawm kev nkauj nraug
    Txoj kev taug-----------------------loj hlob zuj zus
    Hmoob leej nus----------------------tau tsib tus tav
    Xws siab xav----------------------li lub siab nyiam

    Kuv thiaj liam-----------------------ua koj tus hlub
    Tham nruab hnub---------------thiab ntuj tag hmo
    Txoj kev nco--------------------tsis xav ncaim koj
    Niaj hmo ntoj---------------------tuaj nyob sib zov

    Sib xa xov-----------------------txog txoj kev plees
    Hais seev yees----------------------tsis xav tso tseg
    Mob tej teg---------------------ua plawv yuav nres
    Yam tus ntses-------------------tau pas dej ntshiab

    Zoo ntxim siab-----------------nrhiav tau tus tseeb
    Lus meej xeeb-------------------tham txog kev nco
    Ntuj tag hmo-------------------thiaj maub nuj nuag
    Tsaus ntuj zuag------------------xav nyob nrog koj

    Yuav tsum ntoj-----------------thiab tuaj kom txog
    Li tau nrog-----------------------koj tus kheej nyob
    Nplooj siab txob-----------------seev txog koj xwb
    Koj kuv wb-----------------------tsis xav sib ncaim

    Xav nrog nraim--------------------------ua ke tag li
    Hmo qaim hli----------------------los yuav tau tuaj
    Dab tsov quaj-------------------kuv yeej tsis ntshai
    Ua kauv sai------------------------noj zaub ntug teb

    Txawm nyob deb-------------maub tuaj kom txog
    Tsuav tau nrog-------------------koj tham xwb tiag
    Lub xub ntiag----------------------puag kuv sov so
    Kuv thiaj nco---------------------------koj ua luaj li

    Hnub thawm hli------------------thiaj tseg tsis taus
    Lub neej xaus---------------------muab cog rau koj
    Tau teem zoj---------------------lub caij nyoog zoo
    Rau lub xyoo------------------------ib cuaj xya yim

    Caij zoo cim-------------------------rau lub peb hlis
    Yuav pib lis----------------------rau hnub xiab yim
    Kev tshwm sim------------------lub neej chiv keeb
    Tau muab teeb----------------teem caij nyoog tseg

    Mam li leg-------------------------wb txoj hauv kab
    Rub koj npab-------------------mus nrog kuv nyob
    Kuv muaj mob------------------thiaj muaj koj saib
    Yog koj tshaib-------------------kuv nrhiav koj noj

    Kuv mob loj-----------------------ces koj nrog kho
    Txoj kev nco---------------------tsis pub kom muaj
    Cog lus ruaj----------------------thiab cog lus khov
    Kuv thiaj rov--------------------los mus tsev lawm

    Tsov rog txawm----------------sib tua ntxhov niab
    Ntuj tsaus ciab----------------------lub teb tsaus nti
    Kuv thiaj li------------------------tau ncaim koj loo
    Me neeg zoo-----------------leej muam maiv nyiaj

    Cev zeej txhiaj------------------me neeg siab dawb
    Hmoob roob tsawb-----------------tus me kuv nco
    Thiaj tau tso----------------------koj poob tom qab
    Nyob nrog kab----------------thiab nrog noog quaj

    Kuv khiav tuaj--------------------mus rau thaib teb
    Kev ntxhov ntxheb--------------thiaj tuaj tsis dhau
    Kuv thiaj tau---------------------poob los looj ceeb
    Ntxhov siab xeeb------------------muaj loj zuj zus

    Hmoob leej nus---------------mam nrhiav kev dua
    Lub ntuj qhua-----------------tawm plaws tuaj loo
    Ntawm lub xyoo-------------------ib cuaj yim cuaj
    Mam li muaj-----------------------txoj kev los mus

    Nyob nas xus--------------------------tau li ob xyoo
    Mam hnov moo-----------------koj nyob moos tas
    Thaum ntawd mas----------------kuv nco koj tshaj
    Thiaj tau npaj------------------khiav los moos hooj

    Kev tawm rooj--------------------thiaj cuag tau koj
    Mam ntiav nkoj-----------------thiab caij dav hlau
    Ya tuaj rau--------------------nroog tiaj rhawv zeb
    Mam ntiav tsheb--------------tuaj rau xeev khuam

    Kev cuam tshuam-------------muaj ntau yam heev
    Luag tsis kheev----------------------kuv tuaj mus li
    Mam mus ntxhi---------------------rau txiv paj zeb
    Nrog thov seb--------------------luag ho puas kam

    Nws mus tham---------------------tag ces luag tso
    Kuv mam ho-------------------tuaj txog hauv xeev
    Luag tsis tseev------------------thiab luag tsis kam
    Nrog luag tham------------------------tau ob as thiv

    Thiaj mam chiv------------------pub tuaj moos tas
    Thaum ntawd mas------------koj twb khiav lawm
    Tau tsiv tawm----------------hauv mus lawm thiab
    Mob kuv siab------------------ib nthwv yuav poob

    Me nkauj Hmoob-----------------koj puas nco kuv
    Nrhiav kev thuv--------------tuaj nyuab npaum no
    Koj puas nco------------------------tias kuv nco koj
    Ntsia me nroj---------------------me tsuag tuag daj

    Tsis xav npaj-----------------------lub siab rov qab
    Txoj hauv kab-----------------------yeej tsaus li nti
    Zoo xws li----------------------lub ntuj tsaus nciab
    Kev mob iab------------------lub plawv ntsoog tag

    Vim koj ntag----------------------tsis paub ua neeg
    Koj puas ntseeg--------------------tias kuv nco koj
    Nrhiav kev ntoj----------------raws txhua txoj kev
    Ua siab ntev------------------------npaum li cas los

    Maj mam yos-----------------mus txhua lub nroog
    Tej vaj loog--------------------nyob rau moos loob
    Yeej nug thoob----------------tsis muaj neeg paub
    Kuv thiaj maub--------------------tuaj rau thaib teb

    Khiav tuaj deb--------------------txog yeej vib nais
    Yeej noom qhais----------------los yeej nug txhua
    Kev ua qhua-----------------------mus pem cob fab
    Kuv mus tshab-------------------tsis pom nej thiab

    Zos toj siab-------------------nyob txhua thaj chaw
    Kab lwj hlaw------------------nrhiav txhua lub zos
    Tau mus yos-----------------------txog qub zej zog
    Tsuas pom nplog-------------------tub rog nyab laj

    Thiaj tau npaj----------------------rov los thaib teb
    Tshaj xo seb-----------------------koj ho puas hnov
    Thiaj li rov-----------------------los txog hauv yeej
    Kuv tus kheej-------------------sau ntawv tshaj loo

    Tos lub xyoo----------------------mus txog lub niaj
    Ntuj ntsiag txiaj-------------------teb ntsiag li moo
    Tsis hnov nroo-----------------qhov twg tuaj thiab
    Mob kuv siab-----------------kua muag thiaj poob

    Me nkauj Hmoob---------------koj nyob qhov twg
    Muaj phooj ywg-----------------lawm los tus hlub
    Kuv niaj hnub-------------------nrhiav koj os mog
    Yog hnov txog-----------------puas xam muaj kuv

    Wb chaw thuv----------------------tos lub ntuj nag
    Av nyam tag-----------------------ko taw lwj daws
    Niaj hnub raws---------------nrhiav txhua txoj kev
    Tos koj ntev-----------------------los txog hnub no

    Koj puas nco------------------tias tseem muaj nws
    Lub siab ntsws--------------------lwj ua nroj tsuag
    Txoj kev tuag---------------------seb puas raws tau
    Mam sib sau---------------------rau ntuj ceeb tseej

    Kuv tus kheej---------------------lub siab puas zoo
    Tuav tes loo-------------------mus nug yawm saub
    Hloov dua ntaub-----------------thej dua dej cawv
    Pauv dua ntawv-----------------ua puav pheej kob

    Wb tau nyob---------------------rau nywj vag kiab
    Mus thawj thiab----------------xeeb rov lwm tiam
    Wb keeb kiam------------------kom txhob sib cais
    Yog yuav hais-----------------yeej tham tsis txhua

    Cia mam ua---------------------npau suav pom koj
    Rov mus ntoj-----------------------taug tej qub kab
    Tuav koj npab--------------------thiab qaim koj tes
    Xws muv mes---------------------mus haus paj zib

    Nplooj siab ib------------------tus uas ncaim lawm
    Cev nkauj ntxawm---------------thiaj tau rov puag
    Lub kua muag------------------thiaj yuav tsis poob
    Zos toj roob----------------------mam rov mus saib

    Me paj ncaib--------------------paj xyoob paj ntoo
    Puas tawg zoo-------------------------li yav thaum i
    Kev ua si--------------------------puas rov lom zem
    Tej kev lem-------------------------nce toj nqis hav

    Taug kev tav-----------------------tuav tes yuj yeev
    Lo lus seev---------------------------puas zoo li qub
    Yav thaum ub-----------------lub neej thaum hluas
    Teb chaws puas------------------ncaim txog tav no

    Koj puas nco--------------------npaum kuv nco koj
    Thaj teb nroj---------------------wb ib txwm nthua
    Yeej nco txhua-----------------tsis muaj hnub ploj
    Hais txog koj---------------------ntshe tsis nco qab

    Ua luag nyab----------------------muaj tub muaj ki
    Luag ntxhawv ntxhi----------tiav nraug tiav nkauj
    Koj lub ncauj---------------------thiab koj lub siab
    Puas ntxhov niab-------------------zoo li kuv thiab

    Tus mob iab------------------------puas lub li qawv
    Nyob nruab plawv-------------------li kuv thiab os
    Txawm muab ntos----------------hais ua dab neeg
    Tham kom deeg------------------rau neeg ntiaj teb

    Lam muab ntxheb---------------kom lub siab nqig
    Tej ntsuj plig-----------------------rov los puab cev
    Siab ho ntev-----------------------nrog luag ua neej
    Kuv tus kheej-------------------mam tos lwm tiam

    Los koom niam-----------------koom txiv yug dua
    Kom txhob tshua---------------------koj li no nawb
    Me ntxim tawb------------------hais lus luag ntxhi
    Es thiaj li---------------------tsis nco koj os mog./.

    ( xaus li no )


    xiongchang
    Moderator
    Moderator

    Messages : 5048
    Date d'inscription : 2012-04-16

    Re: NRAUG LIAB TOJ SIAB lub tsev Paj huam

    Post  xiongchang on 23rd March 2013, 7:37 am

    ......Ha...ha... lg lg Nyob zoo os...peb tug phooj ywg...Hmoob ntuj tshiab...Txiv nraug liab toj siab...Thiab cwj mem qhuav aws...Kev ua neej...Cas ib leeg...Nim muaj ib zaj dab neeg...Kho siab ua luaj...Nim tsi seev...Nplooj siab ncia dhawv quaj...Kua muag ri sia...Ntawm nqaws npab...Nco txog lub neej toj siab...Pem teb yeeb...Pham thoj...Pham nyaj...Roob av dub...Pham xas nas...Roob tsua hlau...Thab khaib...Tiaj nyuj qus...Zog nab mub...Teb av qhuav...Zog tsua luav...Pham kas tais...Pham xees thoos...Roob pov khoov.

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: NRAUG LIAB TOJ SIAB lub tsev Paj huam

    Post  Hmong ntuj tshiab on 23rd March 2013, 7:45 am

    Tsab ntawv nrhiav tus qub puag thaum ub

    Hmoob ntuj tshiab-------------------tsab me ntawv hlub
    Nrhiav tus qub----------------------me hluas nkauj xwb
    Nws kuv wb----------------------------tau cog lus lawm
    Teem sij hawm----------------------rau lub xyoo tshiab

    Ntuj ntxhov niab-------------------lub teb ntxhov nyho
    Kuv thiaj ho-------------------------tau plam nws lawm
    Hmoob nkauj ntxawm--------------tus zoo ntxim hlub
    Poob tim ub-------------------------rau teb chaws nplog

    Kuv thiaj nrog----------------------cov laus khiav lawm
    Tau tsiv tawm---------------------mus txawv teb chaws
    Thiaj plam plaws-----------------------txoj me kev hlub
    Rau tim ub-------------------------------sab ntuj qub qab

    Peb khiav ntab--------------------------tuaj rau thaib teb
    Ncaim mus deb-------------------------rau teb chaws no
    Kuv thiaj nco--------------------------------nws ua luaj li
    Thiaj muab ntxhi--------------------seev qhia nws paub

    Xya caum plaub------------------------thaum lub tsib hli
    Suav txij li--------------------------hnub kuv ncaim mus
    Nws lo lus------------------------------kuv twb tsis hnov
    Ib tsab xov-------------------------------los yeej tsis pom

    Lub meej mom-----------------------tus zoo ntxim tawb
    Hmoob roob tsawb-------------------tus me ntxim tshua
    Caij ntuj qhua------------------------wb tham luag ntxhi
    Siab quaj dhi----------------------------xav coj nws mus

    Kuv mam pus------------------------nws nrog kuv khiav
    Npaj tsis tiav------------------------------thiaj coj tsis tau
    Lub siab npau------------------------npaum dej kub hlab
    Npaj rov qab-------------------------mus nrhiav nws dua

    Rau ntuj ncua----------------------------txoj me kev deb
    Ib rooj teb------------------------------yav puag tom tsev
    Tej qub kev-------------------------------wb me chaw so
    Niaj hnub nco----------------------------mov tsis xav noj

    Nco wb txoj-----------------------------kev nyob sib zov
    Sib xa xov-----------------------------txog txoj kev plees
    Hais seev yees----------------------------tsis xav tso tseg
    Mob tej teg---------------------------ua plawv yuav nres

    Yam tus ntses-------------------------twb tuag ntab ntab
    Tsis pom qab----------------------------yuav hais lo twg
    Me phooj ywg--------------------------tus kuv hlub es!!!
    Es nws ne!-----------------------------siab puas fav xeeb

    Lub neej keeb-----------------------yav ntuj puag thaum
    Peb sib yaum----------------------mus lov ntsuag xyoob
    Puag tim roob---------------------------zos dej tsua ntab
    Tau sib thab------------------------------sib zeg taug kev

    Sib yaum ev----------------------ntsuag xyoob ntiv qeej
    Nws tus kheej---------------------------tsis nco nroo sab
    Mus tsheej pab---------------------seev suab kwv txhiaj
    Zaum tsheej phiaj---------------------lom zem xauv npo

    Yeej tsis nco-----------------------txog kev txhawj xeeb
    Lus tseem ceeb----------------------tau tham khee kawv
    Tuav tes rawv------------------------------ua ke tag hnub
    Kev sib hlub---------------------------thiab kev sib tshua

    Tau tham txhua-------------------txaus siab tshaj plaws
    Peb sawv daws----------------------txhua tus feem coob
    Teem roob tshoob-------------------rau lub xyoo tshiab
    Yeej txaus siab-----------------------txhua tus tub hluas

    Teb chaws puas--------------------nrov ncha mus thoob
    Peb cov coob----------------------------sib tw khiav ntab
    Dhau thaib sab------------------------mus rau nom nrim
    Lub siab chim---------------------------tau tsa suab quaj

    Vim ncaim tuaj-------------------------rau teb chaws no
    Kuv thiaj nco----------------------------nws ib leeg tshaj
    Txoj kev npaj-------------------------------ho tsis sib tau
    Los sib sau---------------------------ua neej sawm txhiaj

    Muam maiv nyiaj---------------------tus me ntxim tawb
    Plu mos dawb-------------------------lub suab seev yees
    Ces ntxhee yees-------------------cuag nkauj ntsais lias
    Ncaim nab fais------------------------lub zos roob tsawb

    Nkauj siab dawb---------------------------tus cev tsis loj
    Nws niam noj-----------------------------dab tsi yug nws
    Nplooj siab ntsws---------------------zoo cuag nkauj hli
    Es thiaj ci-----------------------------mus thoob ntiaj teb

    Ua rau peb--------------------------------nco nws ua luaj
    Puas yuav muaj------------------------hnub rov sib ntsib
    Ntshe yuav pib--------------------------tham kev sib nco
    Tsheej tag hmo-----------------------los tham tsis dhuav

    Kev npau suav---------------------------los tham tsis tag
    Lus tso dag--------------------------------los yeej ib yam
    Txoj kev tham----------------------ntshe tsis pov khawv
    Ntuj yuas lawv-------------------------tus me nkauj xwb

    Kuv mas twb-------------------------niaj hnub seev nws
    Nplooj siab ntsws--------------------nco txog hnub ploj
    Siab xav zoj--------------------------puas rov ntsib thiab
    Ua nplooj siab--------------------------rov fab lwm tiam

    Yog nws niam------------------------nws txiv lawv kam
    Rov mus tham-------------------------thiab coj nws mus
    Ua kuv tus----------------------------mus nrog kuv nyob
    Kuv muaj mob-----------------------thiaj muaj nws saib

    Yog nws tshaib-----------------------kuv nrhiav nws noj
    Kuv mob loj----------------------------ces nws nrog kho
    Sim neej no-------------------------------nco nws ua luaj
    Tsa suab quaj--------------------------vim tsis ntsib nws

    Kuv siab ntsws-----------------------------ua voj ua vias
    Yuj li lias-------------------------------------rov qab li zoj
    Plawv thiaj ntoj-----------------------cuag siav yuav yaj
    Nco nws tshaj---------------------------nyob rau tiam no

    Nws puas nco-------------------------------tus zoo li kuv
    Wb chaw thuv------------------------ntshe twb tuaj nroj
    Ciav zoov loj-----------------------teb hav ntshuab tsws
    Hais txog nws-------------------------puas nco kuv thiab

    Me nplooj siab--------------------------tus kuv nco tshaj
    Yeej tsis daj-----------------------------os me leej muam
    Lus paj huam------------------------thov tsis txhob chim
    Yeeb yog vim-----------------------------lub ntuj lub teb

    Ua ntxhov ntxheb-------------------------tsis tiaj tsis tus
    Thiaj ncaim mus------------------lawm ploj ntsiag niab
    Mob kuv siab------------------------ib nthwv yuav poob
    Nco nkauj Hmoob----------------------txoj me kev hlub
    Neej thaum ub---------------------nyob ntawm nws tsev
    Kuv dua kev-------------------------nws suab luag ntxhi
    Ntuj tsaus hli-------------------------sawv ntawm ib sab
    Tuav nws npab----------------------thiab hnia nws plhu

    Hnov nws hu------------------------------tias koj tuaj los
    Cov lus ntos------------------------tseem nco ntsoov cia
    Zais tsis qhia----------------------------rau leej twg paub
    Niaj hnub saub------------------------txog nws xwb tiag

    Tib me pliag-------------------------ncaim nws mus deb
    Ib rooj teb------------------------------sab ntuj nraum ub
    Tus kuv hlub--------------------------nco tshav ntuj nrig
    Ntuj puas tig----------------------------------wb los ua ke

    Noj sib ce---------------------------------rov tau sib hlub
    Li thaum ub----------------------------lub teb chaws zoo
    Ncaim ntau xyoo--------------------ntshe nws hnov qab
    Ua luag nyab----------------------------muaj tub muaj ki

    Luag ntxhawv ntxhi-------------------nws tej qaws tiab
    Tsis kho siab----------------------------li kuv lawm paub
    Tsis hnov saub--------------------------los txog hnub no
    Muab nws nco------------------------tsis paub yuav ploj

    Twb mus ntoj--------------------nrhiav nws hauv nplog
    Kuv mus txog-------------------------------tsis zoo li qub
    Yav thaum ub--------------------------nyob zos toj roob
    Tej zos Hmoob------------------------nyob pem toj siab

    Huab pos niab-------------------------saum tej hauv tsua
    Muaj huab cua-------------------nplawm ntws txias zias
    Xav hais tias--------------------------yuav tsis sib ncaim
    Tseem xav nraim-------------------nrog nws txiav taws
    Lub teb chaws-----------------------yeej pauv txawv tag
    Cuag hais dag----------------------nplooj tsis paub hlav
    Pom pa av--------------------------------ncho oov li niab
    Tej me kiab-----------------------------thiab cov me khw

    Tsis hnov tsw--------------------------------pa qij pa dos
    Qub zej zos--------------------------pom ciaj hav ntxhov
    Kuv thiaj rov----------------------------los teb chaws no
    Txawm yuav nco-------------------nws tshaj txhua yam

    Ntshe tsis tham------------------nrhiav nws ntxiv lawm
    Hmoob nkauj ntxawm----------------tus me ntxim hlub
    Thiaj muab qhub---------------------seb nws puas hnov
    Neej nram ntxov---------------------nws puas nco lawm

    Cev nkauj ntxawm-----------------------puas zoo li qub
    Hmoob leej tub---------------------tseem nco nws kawg
    Teb chaws tawg------------------------ncaim tuaj tav no
    Yeej tseem nco--------------------txog nws kawg nkaus

    Cev lam laus-----------------------------siab nyob li qub
    Teb av dub----------------------------yeej tseem cim tau
    Puag thaum yau-------------------------los txog hnub no
    Nws puas nco------------------------tias tshuav leej twg

    Tus phooj ywg-----------------------tau nrog koom siab
    Tham ntuj tshiab-----------------tawm plaws ntuj tsaug
    Kev nkauj nraug--------------------yav puag thaum yau
    Puas nco tau-------------------------nws lawm os mog./.

    Xaus li no


    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: NRAUG LIAB TOJ SIAB lub tsev Paj huam

    Post  Hmong ntuj tshiab on 25th March 2013, 5:25 pm

    Hmoob keeb kwm xeeb tshwm los

    Yuav los tham---------------------ib zaj keeb kwm
    Hmoob xeeb tshwm------------rau hnub tuaj nrab
    Neeg ntau pab-------------------tshwm nyob is ziv
    Lub neej chiv------------------------yam li tsiaj qus

    Tsis siv lus--------------------------tsuas siv zog loj
    Sib txeeb noj-------------------thiab sib txeeb haus
    Kev sib ntaus----------------------thiab kev sib tua
    Thiaj li ua-------------------neej nyob ntxhov niab

    Kev ntxhov siab----------txom nyem kawg nkaus
    Tiv tsis taus--------------Hmoob thiaj khiav tawm
    Hla lub dawm------------------toj roob suab puam
    Yam liab cuam--------------nrhiav zoov nuj txeeg

    Hmoob tsev neeg----------------khiav maub pa av
    Thauj nra nyhav----------------los tshwm ntuj kag
    Zoo siab tag--------------------------vim ntuj huv si
    Hmoob luag ntxhi--------------muaj zoov nuj xiab

    Ntxim Hmoob siab--------------kawg nkaus li tiag
    Los pib kiag-----------------------lub me neej nyob
    Tsis txhawj txob----------------------rau ob lub zos
    Txij ntawd los------------txawm muaj vaj Hmoob

    Nyob muaj koob----------------zaum los muaj npe
    Txawm loj me-------------------zoo siab txhua leej
    Hmoob lub neej----------------nrog luag muaj npe
    Nyob ua ke------------------------sib hwm sib hlub

    Tsis sib ntxub----------------koom nyob ywj pheej
    Kev ua neej---------------------tsis nco qab txhawj
    Hmoob tsis thawj---------------------leej twg hlo li
    Muaj txuj ci-----------------------ua neej huaj vam

    Hmoob thiaj mam------------tsa muam nkauj liag
    Sawv coj kiag----------------------nrog tsab yij huj
    Teev tswv ntuj----------------------los ua thawj coj
    Haiv Hmoob loj-----------------muaj koob nto npe

    Tsim vaj tse--------------------------ncee ai puv toj
    Kev nyob noj------------------thaj yeeb nyab xeeb
    Tub teeb txheeb------------nrhiav tooj nrhiav hlau
    Tsim twj rau------------------tsev neeg Hmoob siv

    Lub keeb tiv----------------------txoj kev nyob noj
    Kev tswj coj----------------Hmoob neej chiv keeb
    Kev khuam xeeb---------------muab tham tsis zais
    Thiaj thov hais----------------rau ib tsoom hmoob

    Mus nyob thoob------------------plaws qab ntuj no
    Kom Hmoob ho-------------paub txhij hnov txhua
    Nrog khaws ua------------------keeb kwm teeb cia
    Thiaj tau qhia---------------------nej tej me nyuam

    Lub keeb puam------------ntawm peb cov Hmoob
    Mus nyob thoob-----------------rau yim meem teb
    Thiaj muab ntxheb----------------rau nej txheej no
    Nej puas nco------------------------yog vim dab tsi

    Hnov luag ntxhi--------------tham txog keeb kwm
    Hmoob xeeb tshwm--------nyob moos nkaus lias
    Raug suav ntxias------------thov Hmoob mus pab
    Ua laj kab-----------------------------pab tua lav xia

    Hmoob ib txhia-------------------tau mus pab suav
    Nrog lawv tuav-----------------thaiv suav ciam av
    Muab roj ntshav----------------mus pua teb chaws
    Lav xia raws-----------------suav thiab Hmoob tua

    Khiav sab sua--------------------tawg ciam teb tag
    Thawj suav mag---------------------lav xia ntes tau
    Coj mus rau-------------------luag teb chaws lawm
    Kev pab cawm------------------suav vaj ntxwv tub

    Suav thiaj rub------------------------lub rooj sab laj
    Nrog Hmoob vaj---------ntxhais muam nkauj liag
    Thov tig ntiag-------------------pab huab tais suav
    Raug luag kuav-------------------coj mus rau txim

    Kom nws dim-----------------------txoj sia rov qab
    Hmoob mus pab--------------cawm suav zaum no
    Thiaj mus tso-----------------------tau huab tais los
    Cov lus ntos----------------------thiaj muab sau cia

    Keeb kwm qhia--------------rhawv tseg lub ntsiab
    Li plaub txhiab-------------------lub xyoo dhau los
    Hmoob lub zos--------------nyob Moos nkaus lias
    Keeb kwm tias----------------lub sib hawm ntawv

    Hmoob yeej sawv-------------muaj kev vam meej
    Ua lub neej----------------------nyab xeeb nto moo
    Muaj neej zoo-----------------tshaj haiv neeg Suav
    Hmoob leej puav-------------yeej txawj ntse txaus

    Loj me laus------------------twb txawj khawb hlau
    Coj los hau--------------------------ua cuab yeej siv
    Hmoob leej txiv-----------yeej txawj khawb nyiaj
    Paub tu tsiaj--------------------------ua qoob ua loo

    Tsoos hnav zoo--------------------dai npib dai hob
    Neej Hmoob nyob------------------tau kaj siab lug
    Muaj qee tug---------------------yeej ciaj xeev laus
    Los ua taus-----------------------peb hmoob tus vaj

    Vam meej tshaj-----------------dua lwm haiv neeg
    Qhov kuv ntseeg-----------yog Hmoob tsoos zam
    Yog muab tham---------------ces yeej txaus qhuas
    Tej tsoos hluas------------------nrog rau tsoos laus

    Dai puv nkaus------------------------me ris me tsho
    Tis txhua nrho------------------tej tsoos hnav nyob
    Me nyiaj hob------------------nyiaj npib nrov ziag
    Muaj tseeb tiag-------------------tsis yog lam nroo

    Ntau txhiab xyoo----------------Hmoob hnav li no
    Lav xia ho-----------------txeeb Hmoob teb chaws
    Muab Hmoob raws--------------tawm rau av suav
    Nkauj liag nthuav-----------thov suav pab Hmoob

    Lawv tau poob--------------------av luaj pua lawm
    Thov pab cawm--------------Hmoob txoj sia thiab
    Suav zoo siab---------------txais Hmoob los nyob
    Av thaj tsob------------------------suav av luaj pua

    Ob leeg ua-------------------------nom kav av suav
    Muaj cai tuav-------------------suav lub teb chaws
    Laj txheej ntxaws--------------tswb tshoj sawv coj
    Haiv Hmoob loj-----------------muaj koob nto npe

    Nyob ua ke-------------------------ob haiv sib hlub
    Tsis sib ntxub----------------------txog kev ua neej
    Suav ntau leej---------------nrhiav tswv yim phem
    Los rhuav tshem-----------------xub pib nam nrim

    Nyiag nrhiav txim-------------------sau se loj heev
    Xyaum nyiag deev------------Hmoob tej poj niam
    Tswv yim liam-----------quab yuam haiv Hmoob
    Liaj ia poob---------------------mus rau suav lawm

    Raws Hmoob tawm----------------hauv tej zej zog
    Kua muag nrog-----------------tsis muaj tsev nyob
    Av thaj tsob----------------------ploj lawm du dais
    Hmoob yeej hais----------------------tsis tau ib los

    Txawm muab ntos---------------nrog suav sib hais
    Suav ntes hlais----------------thiab ntaus yeej xwb
    Kev mob hlwb---------------chim siab tshaj plaws
    Hmoob sawv daws--------------thiaj sawv rog tua

    Txeeb av dua-----------------------sib tua zaum no
    Raws li nco------------------------tsov rog loj heev
    Hmoob xuas hneev---------thiab phom quav ciab
    Coj ntau txhiab---------------------sib ntaus sib tua

    Ua sab sua---------------------------puv toj puv pes
    Hmoob sawv nres--------------tau yim caum xyoo
    Sib nreg loo-------------------rov muab hais haum
    Zam txim txhaum----------------rau npluav rog no

    Hmoob thiaj ho---------------------pib txav zuj zus
    Nqis los mus-------------------qab teb Tuam Tshoj
    Suav av loj---------------------------sab ntuj es xias
    Tham ntxiv tias------------sij hawm thaum ntawv

    Suav rov sawv----------------tuaj tsuj Hmoob dua
    Txais qaib npua-----------------qoob loo tsis them
    Suav ua phem---------------huab Hmoob tej nyiaj
    Tua Hmoob tsiaj---------------txeeb hmoob liaj ia

    Suav ib txhia-------------------zov kev tua Hmoob
    Neeg feem coob-------------raug suav hlais nyoos
    Txeeb Hmoob tsoos--------Hmoob zam lawm tag
    Hmoob pheej mag------------Suav tuag tshaib tua

    ua thiab ua------------------------thiaj ciaj tsov rog
    Hmoob sau zog-------------------tua suav zaum ob
    Sawv tuaj nyob--------------------sab suav qab teb
    Kev ntxhov ntxheb---------------tsov rog zaum no

    Raws li nco------------------------tua tau ntau xyoo
    Suav swb loo-----------------lawm ntau lub nroog
    Kev puas ntoog-----------------Suav kuj tuag coob
    Vim peb hmoob------------------lub me peev xwm

    Tus xub tshwm---------------hauv Hmoob zej zog
    Ces txawm yog---------------huab tais Txiv Yawg
    Sawv ua pawg----------------------koom ua ib pab
    Ntau laj fab-----------------------tswv yim tiv thaiv

    Kom peb haiv---------------Hmoob tsis txhob ploj
    Sawv los coj-----------------------yog peb leej txiv
    Koj tau siv----------------------------koj li roj ntsha
    Coj los nqa-------------------------lub teb lub chaw

    Raws kev ntshaw-------------koj laj txheej ntxaws
    Peb sawv daws----------------yuav nco ntsoov koj
    Tsis pub ploj--------------hauv Hmoob keeb kwm
    Yuav muab zwm------------------khaws ua faj lem

    Yuav tsis tshem--------------tsis muaj hnub kawg
    Thaum Txiv Yawg------------------tau tag txoj sia
    Hmoob ib txhia-------------------raug suav tua tag
    Ntau tus mag-----------------suav muab tsim txom

    Muab tshuaj lom---------Hmoob tuag lawm coob
    Hmoob tej .qoob--------------suav huab tag lawm
    Lawv khiav tawm-------------------mus rau zos loj
    Rov sawv coj-----------------teeb laj txheej ntxias

    Vwj Paj Yias---------------------coob leej ntau tus
    Tau sawv pus-----------------coj Hmoob tua Suav
    Sawv los rhuav-------------------suav daj zaum no
    Hmoob thiaj ho-------------------tua tau ntau xyoo

    Tsis vam zoo----------------ntawm haiv neeg suav
    Pheej tuaj rhuav--------------ua phem rau Hmoob
    Raug tuag coob-------------------suav thiaj ho nres
    Thaum ntawd ces--------------nyias nyob nyias av

    Tsis pub txav---------------------mus nam nrim teb
    Kev ntxhov ntxheb-------------thiaj ho nres lawm
    Lub sij hawm-----------------------zoo tsis tau ntev
    Suav nrhiav kev----------------rov tuaj tua Hmoob

    Txeeb Hmoob qoob----------thiab Hmoob loo tag
    Hmoob rov mag---------------suav tsim txom dua
    Lawv sawv tua------------------suav daj zaum peb
    Thiaj muab ntxheb------------tham rau nej mloog

    Hmoob sib poog------------------tuaj sau sib tham
    Nyob thaj tsam------------------hauv mej xab tsab
    Hmoob ntau pab-------------------tau los koom tes
    Sawv los nres-------------------tsov rog npluav no

    Hmoob thiaj ho---------------tua qaib haus ntshav
    Muab roj ntshav---------------------los koom ua ke
    Tag loj me--------------------tsis txhob ntxeev siab
    Sawv coj tshiab----------------ua siab tawv qhawv

    Lawv tau sawv---------------los thaiv peb Hmoob
    Tuav lub koob---------------------tsis pub ploj mus
    Ua ntuv zus-------------------------los txog Yuj naj
    Thiaj muab tshaj--------------yog tsab xyooj mem

    Ua moj them----------------------tsa npluav rog loj
    Ntau tus coj----------------------rov sawv tua Suav
    Sawv los tuav--------------peb Hmoob meej mom
    Tsis pub kom---------------------poob rau Suav tes

    Suav rog ntes-----------------thiab tua peb Hmoob
    Tuag puv roob-------------------thiab tuag puv hav
    Kua muag ntshav-------------thiaj ntws tawm tuaj
    Yeeb vim muaj----------------cov neeg siab phem

    Tau ntxeev lem-------------------rov taw tuam ntuj
    Coj suav tsuj------------------tuaj tua haiv Hmoob
    Yus tsob noob-----------------------cas ho tsis hlub
    Ua siab dub------------------------rov tua yus pawg

    Txog thaum kawg-----------Hmoob thiaj swb rog
    Tus ntawd yog----------------yawg vwj loom teeb
    Txais nyiaj txheeb---------nyiaj vam ntawm suav
    Nws thiaj rhuav---------------Hmoob txoj hau kev

    Coj siab dev---------------------raws nqaij rau luag
    Hmoob thiaj tuag--------------tsis muaj chaw faus
    Loj me laus-------------------------tuag puv zej zog
    Thaum ntawd yog----------------xyoo ib cuaj yim

    Cov khiav dim----------------------ces ciaj txoj sia
    Muaj ib txhia-------------------Suav muab ntes tau
    Muab pov rau---------------hluav taws kub nyhiab
    Muaj ntau txhiab---------------tus raug Suav hlais

    Pov pub dais---------------------thiab pub tsov noj
    Ntau tus poj----------------------pov rau dej tshoob
    Yuav tu noob--------------------ces thiaj tau khiav
    Pus txoj siav---------------------ciaj pauv siav tuag

    Maub xub tsuag------------------los rau Nplog teb
    Los nyob deb-----------------------npaum li cas los
    Tseem tuaj yos-----------------huab noj huab haus
    Huab txaus nkaus----------------tau ntau lub xyoo

    Nplog thiaj nroo------------------tham qhia fab kis
    Lawv soj ntshis------------------raws suav rov qab
    Suav khaub hlab-------------------raug fab kis ntes
    Quaj nrov les--------------------coj mus kaw nkuaj

    Tsis pub tuaj---------------------rau av nplog lawm
    Raws suav tawm----------------rov qab teb chaws
    Hmoob sawv daws------------rov nyob nyab xeeb
    Muaj ntau txheeb----------------los nyob Nyab laj

    Mam rov npaj-------------------tsim dua noob neej
    Kev ywj pheej------------------thiaj khees dua qub
    Kuv thiaj qhub-------------------tham rau nej hnov
    Ntuj nram ntxov----------txom nyem kawg nkaus

    Loj me laus----------------------kuj raug tsim txom
    Thiaj xav kom---------------------nej pab mob siab
    Khaws lub ntsiab----------------lus tseem ceeb cia
    muab tham qhia----------------------rau tej tub kiv

    Ho nrog chiv-----------------muab sau khaws tseg
    Ho nrog leg-------------------zwm rau nruab ntaub
    Qhia kom paub------------------txog lub neej dhau
    Hmoob ho tau---------------------rov xeev ras txog

    Hmoob yawg pog----------------txoj me lw ntshav
    Ntws xyaw av---------------xyaw nroj xyaw tsuag
    Teev kua muag------------------poob xyaw av luaj
    Lub suab quaj------------------nrov thoob qab ntuj

    Tsoom tub txuj-------------thov hlub Hmoob mog
    Hmoob yawg pog---------------txoj kev lw ntshav
    Ntws xyaw av------------------tsis paub yuav xaus
    Hmoob tej laus----------------------coj tau nej tuaj

    Tus kawm muaj---------------------ho rov mus soj
    Tej qub roj----------------------thiab tej qub hneev
    Kom nej xeev----------------ras txog hmoob thiab
    Los koom siab-------------coj Hmoob neej mog./.

    ( xaus li no )

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: NRAUG LIAB TOJ SIAB lub tsev Paj huam

    Post  xiongchang on 25th March 2013, 8:56 pm

    ......Ha...ha...Phooj ywg!...Hmoob ntuj tshiab...Yog leej twg?...Hais qhia tias...Hmoob nyob teb chaws..."Egyptian - Middle East"...Qhov kuv tshawb nrhiav hmoob keeb kwm xyoo 1980...Txog ntua xyoo 1990...Kaum lub xyoo nyob thaib teb yeej vib nai...Txawm yog...Cov ntseeg vaj tswv...Hais li ntawd ntas...Kuv mus tshawb..."History China..."History China...Hmoob nyob teb chaws..."China"...Ua ntej yug..."Jesue"...Plaub txhiab xyoo lawm...Ntshe tej lug ntawd...Tsi tseeb pob los?...Kuv tsi ntseeg li ntawd os.

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: NRAUG LIAB TOJ SIAB lub tsev Paj huam

    Post  Hmong ntuj tshiab on 28th March 2013, 11:29 pm

    Kwv tij xyooj tsab, kuv hais koj tias nyob rau xyoo 1996 peb tau mus txog rau hauv teb chaws is ziv mas peb tau mus nug ib tug neeg paub tab thiab nws tau nyeem ib phau ntawv rau peb mloog mas nws hais tias txhua haiv neeg yeej tshwm sim nyob rau sab Africa teb tiam sis vim cov neeg dub no, nws heev tshaj lwm haiv neeg ces cov neeg txawv thiaj tau khiav nce toj los txog rau hauv is ziv teb ces lawv thiaj tau tsis sib haum xeeb ces ntau haiv neeg thiaj khiav tawm hauv mus lawm,

    Haiv neeg suav, neeg kos lim, neeg Hmoob, neeg moos nkaus lias, thiab nyab laj yog khiav tawm hauv is ziv teb nce lub roob suab puam vim lawv siv cov ntxhuav pab thauj nra hla lub roob suab puam ntawd mus rau sab es xias lawm no,
    Vim neeg kos lim, neeg is ziv, thiab Hmoob thiaj noj ncuav nplej xwb, thiaj muaj lub ncuav hli xwb, thaum poj niam yug me nyuam thiaj pw lub lav nqeeb xwb, kuv ntseeg tau hais tias thaum ub Hmoob thiab kos lim thiab is ziv lawv yuav tsum yog ib haiv neeg, tiam sis nws sib ncaim ntau tiam xyoo lawm ces nyiam mus txia nyias lus lawm xwb, os nawb,

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: NRAUG LIAB TOJ SIAB lub tsev Paj huam

    Post  xiongchang on 29th March 2013, 5:47 am

    ......Ha...ha... lg lg Phooj ywg!...Hmoob ntuj tshiab as...Thaum peb nyob yeej vib nai...Nai koo txiaj nchau muas...Hais li koj piav ntas...Kuv thiaj txaus siab hlo tshawb nrhiav...Hmoob keeb kwm...Pib kiag hauv xyoo 1980...Kuv muab peb puas npaj nyiaj thaib mus nias tom...Libruary...Meung Loei...Thailand...Qiv nqa cov...History...Thaib muab ntawv suav...Txhai ua ntawv thaib...Nqa mus nyeem...Ib hlis twg?...Nyeem tas ib phau tuab li...Ob ntis tes...Kuv nyeem tas...Ib puas yim caum cuaj phau...History..."Tab sis"...Hais tsi txog tias...Hmoob thiab txhua haiv neeg khiav tawm sab...Middle East...Nce qaum teb...Phab hnub tuaj ntawd li...Noob neej txawj hnav ris tsho...Sib txeeb txhua yam...Txawj sibntaus...Txawj sib tua...Pib thaum rau txhiab plaub puas xyoo dhau los...Twb muaj hmoob nyob qab teb chaws...Mongolia...Ntawd los ua ntej...BC...Plaub txhiab xyoo...Mam yug...JeSue...Kuv thiaj tsi ntseeg...Cov ntseeg...Church...Tej lug ntawd lawm...Vim hais tsi tseeb...Txhua phau...Bible...Kuv luaj xov nyeem tas nrho thiab...Hais tsi txog thiab...Kuv xam tias...Tib neeg kwv yeeg hais xwb...Japan...Yeej khiav tawm...China...Hla mus nyob thooj av...Tam sim no...Ua ntej tsib txhiab xyoo lawm...Kuv xav tias...Tej lug ntawd...Tsi muaj tseeb os...Kuv ntseeg tias...Ntiaj teb no...Tib neeg tshwm sim nyob...Zaj tiaj nrag...Zeb suab puam...Qab teb chaws...Mongolia...Los ntev heev lawm...Kuv ntseeg li ntawd...Lwm yam...Yuav hais li cas?...Los kuv tsi ntseeg os...Phooj ywg!...Hmoob ntuj tshiab...Kav liam...Nyiag ntseeg...Nyiag li...Qhov nyiag paub xwb.

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: NRAUG LIAB TOJ SIAB lub tsev Paj huam

    Post  Hmong ntuj tshiab on 29th March 2013, 6:54 pm

    Kuv ho ntseeg txawv koj me ntsis vim kuv tau mus txog rau lub teb chaws is ziv ntawd, haiv neeg is ziv yog haiv neeg qub tshaj plaws, nyob rau hauv lub ntiaj teb no,

    Vim peb mus tshawb nrhiav saib puas muaj lwm haiv neeg zoo li peb thiab, hnav tsoos zam zoo li peb Hmoob, noj li peb Hmoob noj, coj li peb Hmoob coj, thaum no peb thiaj tau mus txog rau hauv teb chaws is ziv, muaj ib tug kws txuj paub tab heev thiaj coj peb mus txog rau hauv lawv lub tsev khaws ntaub ntawv keeb kwm, hauv nroog loj,

    Nws tau nyeem thiab qhia peb hais tias haiv neeg is ziv, thaum ub mas tus txiv neej hnav tsoos zam ces muab piav ces zoo peb Hmoob ntsuab daim tiab, tus poj niam hnav tsoos zam ces muab piv ces zoo peb Hmoob dawb daim tiab, poj niam muaj me nyuam hauv plab lawm yuav tau mus hlais nqeeb los ziab cia, tau pua chaw rau tus poj niam pw thaum nws los yug me nyuam tau me nyuam lawm ces 3 tag kis ces yuav tau tis npe rau tus me nyuam ntawd thiab ua plig rau nws kom nws zoo siab los ua neeg,

    txog peb caug xyoo tshiab, yuav tsum muaj lub ncuab nplej loj coj los ua plig, puv 13 hnub lawm mam muab coj los kib roj kom siav mas mam muab faib rau yus tsev neeg noj, thiaj li muaj hmoo khwv tau noj tau haus,

    hais txog kev sib yuav mas yav ntuj thaum ub mas tus tub yuav tsum tuaj zawj tus ntxhais xwb, yuav tsum tuaj pe niam txiv mas niam txiv mam nug tus ntxhais seb nws puas nyiam tus tub los tsis nyiam no, tsis nyiam ces tu lus xwb,

    yog nyiam ces ua tshoob kos xwb, thaum ua tshoob kos lawm tus ntxhais thiab tus tub yuav tsum los pe niam thiab txiv, niam txiv mam muab tus ntxhais cob rau tus tub thiab muab nyiaj phij tsab nees phij cuam rau nkawv mus ua neej xwb,


    Hos hais neeg kos lim los ib yam nkaus
    Kev noj nyob yeej zoo xws nkausj peb haiv neeg Hmoob thiab kab tshoob kev kos los yeej yuav tsum pe niam pe txiv ib yam nkaus li peb Hmoob thiab os nawb,

    thiab, ua ntej 4 txhiab xyoo BC ntawd txhua haiv neeg yog khiav hauv Africa teb, vim cov neeg dub heev tshaj txhua haiv neeg lawm ces cov neeg tawv dawb, tawv liab thiab cov neeg tawv daj thiaj tau khiav tawm los nyob rau sab hnub tuaj nrab rau thaj tsam ntawm is ziv teb

    ua ntej 4, 000 xyoo BC tsis ntev ntawd ces cov neeg nyob rau hnub tuaj nrab ntawd rov muaj kev sib txeeb noj sib txeeb haus, nyob thaj tsam hnub tuaj nrab ntawd, tau muaj kev ntxheb ntxhov txog txoj kev noj nyob

    ces cov neeg tawv daj thiaj tau khiav hla lub roob suab puam, ntawm hnub tuaj nrab ntawd los rau sab es xias lawm,

    cov lus no yeej muaj tseeb vim muaj neeg tseem mus khaws tau cov pob txha ntxhuav los tuag rau lub roob suab puam ntawd los ua puav pheej tseg hais tias neeg tawv daj yeej khiav tawm hauv hnub tuaj nrab hla mus rau sab es xias lawm tiag tiag li,

    Kuv ho rov ntseeg hais tias yeej muaj tseeb vim peb Hmoob ib txwm hais tias saib ntuj kag, saib ntuj huv, nws yog li cas tiag?.

    Vim thaum peb tseem tab tom los hla lub roob suab puam ntawd mas tsuas pom pa av xwb, tiam sis thaum peb los txog rau sab ntuj tsis muaj pa av lawm ces ntuj huv si, peb Hmoob zoo siab tshaj plaws, thiaj muab los lus no los hais ua puav pheej tseg,

    Ib qho ntxiv thiab peb Hmoob ib txwm hais tias saib vam saib khib no nev ho yog li cas tiag mas lov?

    Raws kuv paub mas thaum peb los txog rau hauv moos nkaus lias lawm ces muaj ib tug dej loj heev mas zoo li neeg hla pheej poob tuag coob heev, ces muaj ib co los nyob rau sab ntug dej hnub poob, muaj ib txhiab yim neeg, ho cov hla dhau tus dej ntawd los nyob sab hnub tuaj mas muaj ib vam yim, ces Hmoob ua neej zoo muaj koob nto npe ua neeg nyob yog thaum ntawd, ces niaj hnub nim no peb Hmoob tuag es thiaj hais tias nco ntsoov mus saib vam saib khib no ces yog lub zos Hmoob los tsim tau kiag ntawm Hmoob txais tes,

    Niaj hnub nim no Hmoob hu plig es Hmoob hais tias nqaij qaib siav lis lug xws txiv plauj, qaib qe siav lis lug xwb txiv hli nra, cia li sawv tsees los,

    Txiv plauj txiv hli nws ho yog dab tsi tiag nev?

    Thaum Hmoob los txog rau lub teb chaws moos nkaus lias ntawd Hmoob yeej tsis tau cog txiv Aple thiab txiv peace li ntuj yeej cog rau lub teb chaws ntawd ces Hmoob cia li los khaws noj khaws hauv xwb ces Hmoob thiaj zoo siab tshaj plaws li,

    Peb taug mus ntxiv mus rau teb chaws suav tuam tshuaj, muaj ntaus tus kws txuj tau hais qhia peb hais tias tsob nplej ntawd yog tsev neeg Hmoob mus pom tuaj tom ntug pas dej ces Hmoob mus muab los noj ua ciav ho qab thiab ces Hmoob thiaj muab los cog ua mov noj ces txhua haiv neeg mam tuaj muab ntawm Hmoob mus cog xwb ces luag thiaj muab Hmoob hu ua plej no, nawb ( luag muab Hmoob hu ua maj ) lo lus no hais tias nplej no, kuv yeej ntseeg qhov nov muaj tseeb, Hmoob ib txwm hu tus kheej hais tias Hmoob no= lwm hais neeg muab Hmoob hu ua Maj no= lub npe tom qab maj ntawd suav muab Hmoob hu ua Miek no, thaum Hmoob lub npe hu maj no nws muaj ntau haiv neeg heev, xws li ( Maj, Moos is, Mao, Mus, Mieng ) cov no yog Hmoob tag nrho huv si tiam sis tam sim no lawv hais lus sib txawv heev lawm koj tsis paub kuv lus kuv tsis paub koj lus li lawm.

    Tshuab qeej zoo xws ib yam hnav tsoos zaj tseem sib xws, kev dab qhuas tseem sib xws xwb nkaus,

    Kuv thiaj nkag siab hais tias yeej muaj tseeb li hais tiag li lawm, koj tsuas nyeej ntawv xwb, muab piv li tswb tshoj no twb sawv los tua suav txeeb vaj huam thawj zaug ntawm suav ntag suav twb tsis sau es koj nyeem ntawv xwb koj ho ntseeg mas tej zaum koj poob qab deb heev lawm laus.

    Hais txog tus xib nywj nyob suav teb ntawd mas nws tswb tshoj txiv tus phooj ywg, huab tais suav tuag ces suav coj tuaj rau xib nywj noj no tias sis xib nywj tsis noj ces lawv thiaj tuaj thov tswb tshoj ces tswb tshoj thiaj los nug nws niam hais tias nws txiv nev ho yog leej twg no ces nws niam tsis qhia, tswb tshoj tsis txaus siab ces nws niam thiaj qhia rau tswb tshoj ces tswb tshoj thiaj muab nws txiv cov pob txha tuav xyaw ncuav nple es tswb tshob coj suav lub phij xab mus yom rau xib nywj ces xib nywj tsis noj, ces nws thiaj muab nws lub ncuav nplej yom rau ces xib nywj noj ces nws thiaj muab suav lub khuam rau tus kub xwb,

    Suav thiaj sawv tua tswb tshoj zaum no los suav twb tsis sau tseg, Suav tseem hais tias tej lus ntawd yog dag xwb no nas, yog dag es ua cas tswb tshoj ho tuag lawm mas lov?

    Neeg ntiaj teb tseem ntshai ib tsam Hmoob rov mus tshawb tau Vaj ncuab laug li keeb kwm los hais rau caj meem koom haiv, vim vaj ncuab laug tsis tau ua phem rau leej twg li, nplog, nyaj laj, suav, as kiv, thiab fab kis, lawv txhob txwm tua ib tug neeg zoo pov tseg xwb,

    Suav yeej tsis sau tseg, fab kis los yeej tsis sau tseg li es koj ho ntseeg neeg ntiaj teb no thiab lov?

    Kuv mas kuv tsuas ntseeg yam uas kuv tshawb tau ntawm kuv txhais tes xwb nawb, vim hais tias muab piv li phaum rog cob fab paj cai no yeej tsis muaj leej twg sau tseg li, nplog los yeej tsis kam sau vim nplog ntshai ib tsam Fab kis tua nplog thiab,

    muab piv li phaum rog cob Fab zoov zuag no los yeej tsis muaj neeg txawv teb chaws sau li tsuas sau hais phem phem hais tias lawv yog neeg huab noj huab haus xwb, tiam sis qhov tseeb cob fab tsis tau huab leej twg li qoob loo noj tsis tau huab leej twg li tsiaj tua noj li tsuas yog nplog liab tuaj tua pem xeem thiab tuaj huab pej xeem li ntiag tug coj mus ua nws tug xwb,

    muab piv li peb tus txiv nees thauj nra thaum peb nyob pem pham nas ntawd, tom qab no kuv pom nplog coj los yug thiab thauj nram nyob nram nas xus ces kuv hu tus nees ntawd tseem paub kuv lus ces kuv mus thov nplog hais tias tus neeg no yog kuv tus no nplog liab tseem ntes kuv coj mus kaw nkuaj nev es yog leej twg yog tus neeg phem tiag tiag mas, peb yuav tsum paub txog hais tias yog peb tsis sau peb Hmoob li keeb kwm ces leej twg yuav sau mas lov?
    tsis muaj leej twg yuav paub txog tej meem uas nplog tua peb ntawd, Peb tej nplej thiab peb tej tsiaj txu mas nplog cab ua kev lov ntho los rau tom moos cab lawm,

    tom qab no kuv pom nyob nram nas xus coob kawg li kuv mus hais nplog es nplog tseem ntes kuv kaw nkuaj thiab kuv thiaj tau khiav tawm hauv nkuaj mus rau pem cob fab es kuv thiaj coj tub rog los tua nas xus ob npluav ua rau nplog tuag coob heev, thiab kuv pov ntawv cem nplog hais tias nej cov neeg nplog no yog tsis xav tuag no kom nej muab luag tej tsiaj thim rov rau luag kom tag mas nej thiaj tsis tuag lawm no ua rau nplog ntshai kawg nkausj li ces nplog thiaj khiav tawm hauv nas xuv hauv mus tag lawm nev

    hais txog Hmoob li keeb kwm mas muab piv li phaum rog suav nam nrim teb hauv teb chaws suav ntawd es thiaj muaj tsov rog loj nrog suav sib ntaus sib tua tau ntau xyoo los ntawd mas suav tsuas sau phem phem xwb, cov Hmoob yeej hais tias cov ntaub ntawv suav sau ntawd tsis muaj tseeb vim suav tsuas sau kom neeg ntiaj teb tsis txhob pab Hmoob xwb no nev, kuv thiaj qhia koj hais tias koj mus nyeem ntawv xwb es koj ho ntseeg, es peb ua rog cob fab pem phuv npiab ntawd nev koj ho pom haiv neeg twg sau nyob rau hauv ntaub ntawv thiab mas lov? koj ho qhia kuv mus nyeem thiab soj, yuam phooj ywg xyooj tsab .


    Nraug Liab Toj Siab
    Sponsor
    Sponsor

    Messages : 772
    Date d'inscription : 2011-05-31
    Age : 30
    Localisation : Nyob ntawm koj ib sab.

    Re: NRAUG LIAB TOJ SIAB lub tsev Paj huam

    Post  Nraug Liab Toj Siab on 22nd April 2013, 7:15 pm

    Nyob zoo tij laug Hmoobntujtshiab, Xyoojtsab, thiab lwm tus phooj ywg tseg tau ntev lawm tsis xyeej sij hawm tuaj lawm, los nws ua tij haj tseem tau los cheb me tog vaj tog tsev du lug cia, ua tsaug ntau 6 nws ua tij lub sij hawm muaj nqis.

    Nraug Liab Toj Siab
    Sponsor
    Sponsor

    Messages : 772
    Date d'inscription : 2011-05-31
    Age : 30
    Localisation : Nyob ntawm koj ib sab.

    Re: NRAUG LIAB TOJ SIAB lub tsev Paj huam

    Post  Nraug Liab Toj Siab on 10th November 2013, 3:58 am

    ////Nkauj Kev Deb Nraug Kev Dav////

    Ntuj yuas hmoob----------tus me hluas nkauj
    Cas nim paub----------tau koj nyob deb
    Leeg rooj teb----------txawv zej txawv zos
    Hlub koj los----------nyob deb ua luaj
    Ntshe yuav tuaj----------tsis tau li xav
    Vim roob hav----------quas leeg nyob qho
    Txawm yuav nco----------koj npaum twg los
    Tsis koom zos----------ces kev hlub nyuaj
    Ntshe twb muaj----------tus hlub 1 sab
    Tuav koj npab----------pw koj xub ntiag
    Qawm luj lias----------lawm ntuj tag hmo
    Muaj tus nco----------nyob tuaj nruab siab
    Nkauj nraug tshiab----------zoo li wb no
    Leeg nyob qho---------ntshe yuav tsis tseeb
    Nkauj xab yeeb----------thiab nraug xab xaws
    Kawg muab khaws----------cia 6 nruab siab
    Cia tiam tshiab----------seb puas muaj dua
    Mam thawj ua----------nkauj nraug koom zos
    Thiaj tau los----------pw koj xub ntiag
    Lawm xwb tiag-----------os hmoob tus hlub
    Ntuj tsis pub----------wb ntawv txij nkawm
    Ntuj tsis sawm----------wb kev nkauj nraug
    Thiaj tsis tau----------koom zej koom zos
    Hlub koj los----------nyob deb luaj no
    Txawm nco nco----------lub plawv yuav nres
    Los cev tes----------twb tsis cuag koj
    Nkauj dua toj----------thiab nraug dua kev
    Hlub tsis ntev----------ntshe kawg tso cia
    Tsam mob ntxhia-----------nyob tuaj nruab siab
    Xws tshuaj iab----------lom tuaj nruab plawv
    Ntuj yuav lawv----------tus me neeg zoo
    Tsis muaj hmoo----------tau nyob sib ze
    Sib tuav tes----------tham luag ntxhwb ntxhi
    Mus ua si----------nce toj nqis hav
    Taug kev tav----------nce toj nqis taug
    Kev nkauj nraug----------zoo li wb no
    Ntshe tsuas yog----------hlub ua chaw tshua
    Nkauj yas ncua----------thiab nraug yas kab
    Puas muaj fab----------rov 6 tiam 2
    Puas tau nyob----------pw koj txhais npab
    Nkauj yas kab----------thiab nraug yas ncua
    Tsuas hlub ua----------lub chaws khuam siab
    Lawm xwb tiag nas hmoob tus hluas nkauj e!!!!!

    Nraug Liab Toj Siab
    Sponsor
    Sponsor

    Messages : 772
    Date d'inscription : 2011-05-31
    Age : 30
    Localisation : Nyob ntawm koj ib sab.

    Re: NRAUG LIAB TOJ SIAB lub tsev Paj huam

    Post  Nraug Liab Toj Siab on 10th November 2013, 4:03 am

    Zaj no thov muab ua cov poj niam tug

    “””Nraug Hmoob Siab Dub”””.

    Ntuj os yuam----------tus neeg kuv hlub
    Nco thaum ub----------nyuam qhuav sib ntsib
    Koj xub pib----------hais lo lus hlub
    Koj niaj hnub----------tuaj mus cuag kuv
    Niaj hmo thuv----------kuv tej phab ntsa
    Koj xub tsa----------ncauj tias yuav hlub
    Yuav tsis pub----------lub kua muag poob
    Me nraug hmoob-----------tus ncauj qab zib
    Kuv thiaj qhib----------lub siab ntseeg koj
    Muab kuv txoj----------me kev hlub no
    Tso tag nrho----------rau koj 1 leeg
    Kuv thiaj ntseeg----------koj tag txhua yam
    Kuv thiaj plam-----------lub cev nkauj xwb
    Thiaj tau swb----------mus ua koj li
    Tsaus ntuj nti----------los siab tsis kaj
    Nco koj tshaj----------os hmoob tej tub
    Wb kev hlub----------lub sij hawm dhau
    Tseem cia rau----------nruab siab tsis ploj
    Kev hlub loj----------sib tso tsis tau
    Sib nco dhau----------siab ntsws lwj tag
    Tsis yog dag----------yeej hlub koj heev
    Siab tsis kheev----------thaum sib ncaim mus
    Siab puas tsus-----------6 koj 1 leeg
    Kuv tsuas ntseeg----------koj 1 leeg  xwb
    Thaum ntawv wb----------tau cog lus khov
    Ntuj nram ntxov-----------thaum lub hli xiab
    Me nplooj siab----------tus neeg kuv nco
    Tseem nco hmo-----------thaum xiab 15
    Wb sib ntsib----------nyob 6 hmo ntawv
    Koj puag rawv----------kuv 6 xub ntiag
    Kuv pw kiag-----------ntawm koj txhais npab
    Pw 1 sab----------wb saib hnub qub
    Muaj 1 lub----------cig ntsais pluj plias
    Koj piv  tias---------- kuv zoo npaum li
    Lub uas ci----------nyob 6 hmo ntawv
    Tsis xav sawv----------hauv koj xub ntiag
    Hlub koj tiag----------os me nplooj siab
    Lus tseem ntsiab----------wb tham khee kawv
    Nyob hmo ntawv-----------kuv tseem nco ntsoov
    Tsis tau hloov-----------kuv nplooj siab li
    Tham ua si-----------twb tsis tau txaus
    Lub ntuj tsaus-----------sij hawm twb lig
    Wb thiaj tig-----------hais lus sib ncaim
    Koj puag qaim------------kuv 6 xub ntiag
    Nco kawg kiag-----------tsis xav ncaim mus
    Siab puas tsus----------tsis xav sib nrug
    Siab kub lug-----------tsis xav ncaim mus
    Me leej nus----------tus kuv hlub e
    Nyob ua ke-----------twb tsis tau txaus
    Lub ntsuj tsaus-----------sij hawm tsis tos
    Nco heev los-----------yuav tau ua siab
    Tawm hnub tshiab-----------tsis thooj nag hmo
    Yeeb vim yog------------koj yuav ncaim mus
    Hmoob leej nus-----------hlub koj ua luaj
    Txawm tsis quaj----------los kua muag poob
    Me nraug hmoob-----------lawv tej tub zoo
    Vim txoj hmoo------------los vim dab tsi
    Koj thiaj li------------yuav tso kuv cia
    Ua mob ntxhia------------zwm 6 nruab nrog
    Twb vim yog------------txoj me kev kawm
    Koj thiaj tawm-----------mus nyob txawv nroog
    Tso nkauj hmoob-----------zoo li kuv no
    Ua tus nco-----------nyob rov tom qab
    kuv siab fab----------- plawv  mob tej teg
    Vim koj tseg-----------kuv nyob khuam ntuv
    Koj ncaim kuv-----------thov txhob siab dub
    Wb kev hlub------------thov koj nco ntsoov
    Thov txhob hloov------------mus hlub lwm tus
    Mog leej nus------------tus neeg kuv hlub
    Txij ntua hnub-----------uas koj ncaim lawm
    Lub sij hawm-----------tsis muaj tsawg hnub

    Tus kuv hlub----------cas lawm ntsiag to
    Koj tsis nco----------kuv lawm los cas
    Koj thiaj ras---------mus lawm ntsiag txhiaj
    Cas koj thiaj---------tsis xa xov los
    Kuv tos tos---------koj ua hnub hmo
    Kuv nco nco----------koj tshav ntuj nrig
    Kuv xam tig----------mus sab ntuj twg
    Me phooj ywg----------twb tsis muaj koj
    Mov tsis noj----------dej tsis xav haus
    Lub ntuj tsaus----------ntuj kaj nci rawv
    Ntuj yuas lawv----------tus neeg kuv nco
    Cas hnub no----------kua muag thiaj poob
    Me nraug hmoob-----------yog vim dab tsi
    Koj thiaj li----------sau tsab ntawv liab
    Rau npawg Phiab----------nqa los tu moo
    Kuv twb zoo----------lub siab hais tias
    Koj yuav lias----------sau wb kev nco
    Kuv nthuav hlo-----------cas yog ntawv liab
    Kuv poob siab----------ib ce caws yaum
    Kuv quaj zaum-----------pw nthi  saum txaj
    Siav yuav yaj-----------lub plawv yuav nres
    Ob sab tes-----------yeej tsa tsis tau
    Mob siab dhau-----------tsis paub ua cas
    Siab lwj tas-----------tsis xav ua neeg
    Ntuj ua yeeg-----------hos teb ua yoj
    Lub plawv ntoj----------yau lawm zuj zus
    Ob sab plhu----------kua muag ntws si
    Cuag nkaus li----------nws muaj dej txhawv
    Tsis xav sawv----------kuv pw quaj txaus
    Ntuj twb tsaus----------kuv tseem fim feeb
    Mam taws teeb---------- nyeem koj tsab ntawv
    Ua siab tawv----------khov kho los zaum
    Tso nruab qaum----------ib tim phab ntsa
    Maj mam tsa----------tsab ntawv los nyeem
    Maj mam txheem----------los zaum tus tus
    Me leej nus-----------nyob 6 thawj kab
    Koj kuj fab----------hais lus nyob zoo
    Kuv nyeem loo----------6 kab txuas ntxiv
    Koj txawm siv-----------hais lus tu siab
    Koj hais tias-----------wb kev hlub nco
    Cia muab tso----------txij hnub no mus
    Me leej nus----------kuv tsis nkag siab
    Lub tseem ntsiab----------yog txhais li cas
    Thaum nyeem tas----------koj tsab me ntawv
    Kuv lub plawv----------zoo li yuav nres
    Mob tej teg-----------npaum cuag riam hno
    Ua tiag npo----------kaj ntug tag kis
    Kuv thiaj li----------mus nug npawg Phiab
    Nws mam qhia----------rau kuv hais tias
    Koj twb lias-----------yuav poj niam ntev
    Kuv los tsev-----------ib ce tsaug tas
    Lub siab mas----------mob tsheej niag zaj
    Nkag hauv txaj----------zaum quaj 1 leeg
    Kuv tsis ntseeg-----------tias nws yog tseeb
    Lus meej xeeb-----------wb yeej tham khov
    Ntuj nram ntxov-----------thaum lub hli xiab
    Lus tseem ntsiab----------wb yeej tam tas
    Hmo hli nra-----------puag hnub nthaum ntxov
    Tej lus khov----------wb tham hmo i
    Hmo qaim hli----------muaj koj thiab kuv
    Cas tseem  khuv----------muab kuv tso cia
    Puas yog tias----------luag zoo dua kuv
    Koj thiaj khuv-----------rhuav wb kev hlub
    Neeg siab dub----------mus zoo koj mog
    Txhob nco txog----------kuv lawm leej nus
    Kav tsij mus----------raws koj siab nyiam
    Neeg lim hiam----------siab phem txia ntshav
    Thov txhob xav----------txog kuv lawm os
    Yav tag los----------  ntawm wb kev nco
    Cia muab tso-----------txij li no xwb
    Koj kuv wb----------ces tag zaum no
    Ntshe yuav nco-----------koj tag 1 sim
    Kuv tsis phim-----------los ua koj sev
    Yam txoj kev-----------koj tsis xav taug
    Kev nkauj nraug----------ntawm wb yav dhau
    Cia muab sau----------ua dab neeg cia
    Ua mob ntxhia-----------tuaj 6 nruab siab
    Tag 1 txhiab----------1 txhis tsis ploj
    Mus zoo koj-----------mog neeg siab dub
    Wb kev hlub----------kuv mam nco cia
    Tsis tham qhia-----------6 neej thiab dab
    Tuag rov fab----------- nyob 6 tiam 2
    Puas tau nyob-----------pw koj xub ntiag
    Lawm xwb tiag leej nus siab dub e!


    Ua tsaug.



    Nraug Liab Toj Siab
    Sponsor
    Sponsor

    Messages : 772
    Date d'inscription : 2011-05-31
    Age : 30
    Localisation : Nyob ntawm koj ib sab.

    Re: NRAUG LIAB TOJ SIAB lub tsev Paj huam

    Post  Nraug Liab Toj Siab on 10th November 2013, 4:13 am

    ""Qaug Hlub Hauv Internet""

    Me leej muam….......tus neeg ntxim hlub
    Txij ntua hnub….......kuv tau paub koj
    Mov tsis noj….......dej tsis xav haus
    Yeej nyob taus..........hmo ntuj nruab hnub
    Neeg ntxim hlub….......zoo li koj no
    Kuv yeej nco….......koj tshaj plaws ntais
    Hmoob tej ntxhais.......…tus suab qab zib
    Kuv thov pib.......…kev hlub puas tau?
    Xav thov sau….......tag nrho kev hlub
    Nqa tuaj pub….......6 koj 1 leeg
    Thov koj ntseeg….......kuv thiab nawb mog
    Yeeb vim yog….......qaug hlub koj lawm
    Hmoob ntxhais ntxawm….......tus neeg ntxim hlub
    Thov koj rub.......…kuv 6 xub ntiag
    Puag 1 pliag.......…xwb los zoo siab
    Hnia tus ntxhiab….......seb tsw li cas
    Puas kam nas….......tus me neeg zoo
    Lam muaj hmoo….......tau ua koj tus
    Yuav hlub mus….......kam tag tiam no
    Yuav tsis tso….......koj 6 lwm tus
    Hmoob leej nus.......…zoo li kuv no
    Cas yuav nco….......tshua koj ua luaj
    Nthse koj muaj..........zoo xuj los cas?
    Kuv thiaj ras…........nco koj tag npaum
    Txij ntua thaum.......…pom koj hauv net
    Los txog tsev….......nplooj siab qaug laim
    Koj sawv nraim….......hauv kuv nruab siab
    Thov koj thiab…........thov koj ho ntseeg
    Koj 1 leeg…........yog tus kuv ntshaw
    Nyob nruab plaw----------zwm cia nruab siab
    Ntiaj teb tshiab----------yog tias muaj koj
    Ua kuv poj----------nas hmoob tus hlub
    Ntuj puas rub….......wb ntawv txij nkawm
    Ntuj puas sawm…........wb kev niam txiv
    Ntuj puas chiv…........wb los sib ntsib
    Kom tau pib…........khaub plees nkauj nraum
    Nyob 6 saum.........daim av luaj pua
    Puas tau ua…........nkauj nraug 1 zaug
    Puas tau taug….......koom 1 txoj kev
    Ua kuv sev… ........os me leej muam
    Tej lus xuam…........tham nyob face book
    Ua rau kuv…........nplooj siab dua rhe
    Vim koj tej….......me lus qab zib
    Tuaj deev dib….......tau kuv nplooj siab
    Ncauj npliag lias…........hais lus dai plawv
    Kuv thiaj sawv..........g tus ntsuj plig
    Yeej tsis tig…........puab cev ntaj ntsug
    Siab kub lug….........xav tuaj mus cuag
    Pom 1 muag.........seb haib npaum cas?
    Tam xav mas….......koj ntxim hlub heev
    Yog pom dheev........…tseem yuav vwm tshaj
    Qhia ncaj ncaj…........yog sib ntsib kiag
    Haj tseem nyiag........…hlub koj dua  qub
    Tseem qaug hlub.......…koj tshaj qhov no
    Cia seb ho…........puas muaj caij nyoog
    Sib hawm zoo…........mam li tuaj cuag
    Tim ntsej muag…........thiaj li paub pib
    Suab qab zib…........lawv tej ntxhais Hmoob
    Puas muaj hmoo----------rov ntsib koj dua
    Koj ne puas-----------yuav ntseeg kuv thiab
    Lus tseem ntsiab-----------muab cia lwm zaus
    Tsis tau xaus-----------li no leej muam
    Koj yeej khuam-----------rawv hauv kuv siab
    Cia hnub tsiab----------mam rov sib ntsib
    Ncauj qab zib-----------tus neeg ntxim hlub
    Puas muaj hnub------------cuav rais ua tseeb
    Thov koj ntseeg..............kuv thiab leej muam
    Yeej yuav tuaj........…kom ntsib koj xwb
    Koj kuv wb…..........thiaj li sib po
    Thov koj ho…..........txhob ntshai kuv mog
    Kuv tuaj txog…..........wb mam txiav txim
    Yog tsis phim..............ces nyias mus nyias
    Mam ua siab…..........tu lub siab nrho
    Tias tiam no….........tsis muaj txoj hmoo
    Mam tsis nroo ntxiv lawm os leej muam aw.

    (ua tsaug)

    Nraug Liab Toj Siab
    Sponsor
    Sponsor

    Messages : 772
    Date d'inscription : 2011-05-31
    Age : 30
    Localisation : Nyob ntawm koj ib sab.

    Re: NRAUG LIAB TOJ SIAB lub tsev Paj huam

    Post  Nraug Liab Toj Siab on 10th November 2013, 4:38 am

    Hmoov Tsis Sawm

    Ntuj os yuam----------me niam leej ntxhais
    Kev hlub hais-------------zoo npaum wb no
    Kuv nco nco------------------koj ua luaj tiag
    Nrug ib pliag----------------siab twb tsis kaj
    Hlub koj tshaj--------------os me leej muam
    Tej lus xuam-------------wb tham yav dhau
    Tseem khaws rau------hauv kuv nruab siab
    Pua txog txhiab-------------lo los tseem nco
    Cas hnub no----------------thiaj li mob siab
    Kev hlub iab---------------ces yog zaum no
    Yeeb vim yog-----------koj niam thiab txiv
    Nkawv tsis chiv-------------cia wb sib hlub
    Nkawv tsis pub---------------wb los sib tau
    Tsis pub sau--------------ua txij ua nkawm
    Hmoov tsis sawm-------thiaj tsis phim nej
    Yam tus dej---------------thiaj cais tu nrho
    Txawm nco nco--------koj npaum twg los
    Yuav tau pos-------------muag quaj 1 leeg
    Siab mob deeg-------npaum ntuj yuav vau
    Mob siab dhau-------------tsis paub ua cas
    Kev tws tas-------------yeej xav tsis tawm
    Vim nkauj ntxawm------tus neeg kuv nco
    Twb yuav tso-------------kuv rau tom qab
    Mus ua nyab----------------rau ib rooj teb
    Ncua kev deb---------ntxeev ntuj nraum i
    Tsaus ntuj nti---------------nco koj ua luaj
    Nplooj siab quaj----------ua hnub ua hmo
    Vim nco nco-------------koj os leej muam
    Tus neeg ruam----------txom nyem li kuv
    Nkawv thiaj khuv---------tsis cia ua vauv
    Nkawv thiaj tauv--------tsis pub dej ntws
    Tsis pub nws-------------los yug tus ntses
    Zaum no ces----------plam koj lawm tiag
    Vim nyiaj txiag---------quas wb kev hlub
    Luag tsis pub----------------wb los sib sau
    Thiaj tsis tau----------------koj ua kuv tus
    Hmoob leej nus-------------zoo li kuv no
    Thov koj ho----------tsis txhob nco txog
    Mus zoo mog----------tus neeg kuv hlub
    Kav tsij rub-------------koj lub siab ntev
    Ua zoo sev-----------rau koj txij nkawm
    Lub sij hawm------ntawm wb yav dhau
    Cia muab sau----------ua dab neeg mog
    Thaum twg yog----------wb rov sib nco
    Wb mam ho-----muab nthuav los nyeem
    Seb puas cheem--------tau txoj kev mob
    Thov tsis txhob--------tham qhia luag tej
    Yav nram ntej--------ntawm wb kev hlub
    Tsis txhob pub------koj txij nkawm paub
    Tsis txhob saub--------rau nws hnov mog
    Muab zais npog------tuag nthi nruab siab
    Tuag nruab thiab-------los txhob qhia dab
    Seb tuag fab---------------rov rau tiam ob
    Puas tau nyob------------pw koj xub ntiag
    Puag koj kiag---------rau kuv txhais npab
    Zaum ib sab--------------pw koj xub ntiag
    Yog muaj tiag------------tuag fab tiam ob
    Mam tsis txhob---------haus teev dej dab
    Thiaj nco qab-------ntsoov los nrhiav koj
    Tseg tsis noj---------------neej lub qe laig
    Thiaj tsis daig---khuam nyob nruab plawv
    Thov daim ntawv-----zoo ntawm nyuj vab
    Thiaj nco qab---------ntsoov los nrhiav koj
    Ua kuv poj---------------rov rau tiam tshiab
    Lawm xwb tiag  os leej muam e!.

    Nraug Liab Toj Siab
    Sponsor
    Sponsor

    Messages : 772
    Date d'inscription : 2011-05-31
    Age : 30
    Localisation : Nyob ntawm koj ib sab.

    Re: NRAUG LIAB TOJ SIAB lub tsev Paj huam

    Post  Nraug Liab Toj Siab on 10th November 2013, 9:26 pm

    ////Nco Nkauj Hmoob Tus Zoo////

    Kuv nco nco----------koj na nkauj hmoob
    Pua lub roob----------yuav hla kom dhau
    Caum kom tau---------koj ua kuv tug
    Txawm yuav nrug----------deb leeg sab ntuj
    Yeej yuav tsuj----------koj tus hneev taw
    Vim ntshaw ntshaw----------koj ua kuv sev
    Tsawg txoj kev----------uas koj taug los
    Yeej yuav tos----------caum kom cuag koj
    Txawm nce toj----------nqis hav los xij
    Yeej yuav zij----------kom tau koj xwb
    Vim kuv twb----------qaug hlub koj lawm
    Me nkauj ntxawm----------tus neeg kuv nco
    Sim neej no----------yog tsis tau koj
    Mov tsis noj----------dej tsis xav haus
    Ua nraug laus----------tsis yuav poj sev
    Txawm tos ntev----------npaum li twg los
    Yeej yuav tos----------kom tau koj hlub
    Nkauj Hnub Qub----------tus neeg ntxim nco
    Sim neej no----------cas nco koj tshajk
    Qhia ncaj ncaj----------tias hlub koj heev
    Thiaj tau seev---------lub me suab no
    Tus kuv nco----------yuav ntev npaum twg
    Me phooj ywg----------tus kuv hlub e
    Koj lub npe----------kuv yuav nco ntsoov
    Yuav tsis hloov----------mus hlub lwm tus
    Hmoob leej nus----------zoo li kuv no
    Cas yuav nco----------ua zaj ua ntxeev
    Siab tsis kheev----------plam koj 6 luag
    Kuv xav puag----------koj 6 xub ntiag
    Puag 1 pliag----------seb siab puas kaj
    Ntxim hlub tshaj----------Pajntshuanplaim liab
    Kub lub siab----------quaj dhi 6 koj
    Xav tuaj soj----------koj txhua hnub hmo
    Sim neej no----------cas nim yuav ntshaw
    Ntshaw ntawm taw----------ti saum taub hau
    Nco koj dhau----------yuav ua li cas?
    Siab lwj tas----------plawv yaj ua kua
    Zoo tam ntua---------pas av nram liaj
    Yuav tsis ciaj----------yog tsis tau koj
    Plawv tsis ntoj----------lawm ces kawg tuag
    Cas 1 vuag----------tsis muaj tsawg hnub
    Cia li hlub----------koj tag npaum no
    Cas yuav nco---------koj ua luaj tiag
    Nkauj cev yiag----------kuv thiaj vwm hlub
    Nruab dab ntub----------los yeej nco heev
    Thaum tsim dheev----------los haj yam nco
    Sim neej no----------cas nco ua luaj?
    Nplooj siab quaj----------dawv dhi tag hnub
    Tsis tau hlub----------leej twg npaum no
    Sim neej no----------cas nco tag npaum
    Xav tsawg zaum----------tsuas xaus koj xwb
    Me phooj ywg---------tus neeg nyob deb
    Nej thiab peb----------puas rais ua tseeb
    Me xyab yeeb----------phooj ywg tus zoo
    Puas muaj hmoo---------tau hlub koj tiag
    Kuv nplooj siab---------yeej tsis puab cev
    Vim txoj kev----------qaug hlub koj ntag
    Hais cuag dag----------thov tsis txhob luag
    Kuv kawg tuag----------yog tsis tau koj
    Ua kuv poj----------nyob 6 tiam no
    Kuv yeem tso----------lub ntiaj teb cia
    Muab txoj sia----------faus 6 nruab a
    Muab txoj pa----------faus 6 nruab yeeb
    Yog muaj tseeb---------rov fab tiam 2
    Thiaj tau nyob----------pw koj xub ntiag
    Xwb ntag tiag nkauj hmoob tus dai siab aw!!!

    UA TSAUG NTAU


    Last edited by Nraug Liab Toj Siab on 10th November 2013, 10:08 pm; edited 1 time in total

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: NRAUG LIAB TOJ SIAB lub tsev Paj huam

    Post  Hmong ntuj tshiab on 10th November 2013, 10:00 pm


    Nraug Liab Toj Siab wrote:[size=18]

    -Nkauj Kev Deb Nraug Kev Dav-

    Ntuj yuas hmoob----------------me ntxhais nkauj xwb
    Koj kuv wb-----------------------------txoj kev sib haub
    Kuv nim paub--------------------------tau koj nyob deb
    Leeg rooj teb-----------------------txawv zej txawv zos

    Hlub koj los-----------------------------nyob deb ua luaj
    Ntshe yuav tuaj-----------------------------tsis tau li xav
    Vim roob hav-----------------------quas leeg nyob qho
    Txawm yuav nco--------------------koj npaum twg los

    Tsis koom zos------------------------ces kev hlub nyuaj
    Ntshe twb muaj---------------------------tus hlub ib sab
    Tuav koj npab--------------------------pw koj xub ntiag
    Koj puag kiag---------------------------pw ntuj tag hmo

    Muaj tus nco-----------------------nyob tuaj nruab siab
    Nkauj nraug tshiab--------------------------zoo li wb no
    Leeg nyob qho---------------------ntshe yuav tsis tseeb
    Nkauj xab yeeb-------------------thiab nraug xab xaws

    Kawg muab khaws-------------------cia rau nruab siab
    Lwm tiam tshiab---------------------seb puas muaj dua
    Mam thawj ua-------------------nkauj nraug koom zos
    Thiaj tau los----------------------------pw koj xub ntiag

    Lawm xwb tiag--------------nkauj Hmoob ntxim hlub
    Ntuj tsis pub----------------------wb ntawv txij nkawm
    Hmoov tsis sawm---------------------------wb los ua ke
    Nyob ib tse----------------------------koom pw ib chaw

    Raws wb ntshaw-------------------wb kev nkauj nraug
    Hmoov tsis raug----------------------ntawv tsis sib sau
    Thiaj tsis tau-----------------------------koom ib lub zos
    Hlub koj los----------------------------nyob deb luaj no

    Muab koj nco----------------------lub plawv yuav nres
    Kuv cev tes-----------------------------twb tsis cuag koj
    Nkauj dua toj-----------------------thiab nraug dua kev
    Hlub tsis ntev-------------------------ntshe kawg tso cia

    Tsam mob ntxhia------------------nyob tuaj nruab siab
    Ua mob iab---------------------deeg daws nruab plawv
    Ntuj yuav lawv-------------------------tus me neeg zoo
    Tsis muaj hmoo--------------------------tau nyob sib ze

    Noj sib ce-------------------------------tau haus sib hlub
    Nyob nruab hnub---------------------txog ntuj tag hmo
    Sib tuav hlo--------------------tham luag ntxhwb ntxhi
    Mus ua si---------------------------------nce toj nqis hav

    Taug kev tav----------------------------nce toj nqis taug
    Kev nkauj nraug----------------------tham los txog tog
    Ntshe tsuas yog---------------------hlub ua chaw tshua
    Nkauj yas ncua---------------------thiab nraug yas kab

    Puas muaj fab----------------------------rov rau tiam ob
    Puas tau nyob------------------------pw koj txhais npab
    Nkauj yas kab---------------------thiab nraug yas ncua
    Tsuas hlub ua--------------------lub chaws khuam siab

    Muab tus ntxhiab---------------khaws cia nruab plawv
    Lub quj qawv-------------------------tsis paub yuav yaj
    Yeej tsis daj----------------------------tsuas hais li muaj
    Txawm muab tshuaj--------------------kho los tsis zoo

    Thiaj muab nroo------------------------ua lus paj huam
    Hais cuam tshuam----------------------tuaj rau koj xwb
    Yog koj wb-----------------------------pheej tsis to taub
    Lam sib haub-------------------------rau neej pem suab

    Ntshe yuav nyuab---------------------rau koj thiab kuv
    Yeej tsis khuv-----------------------tham raun koj hnov
    Tsuas lam phov-----------------------hais me ntsis xwb
    Kev mob hlwb--------------------------yeej tsis xav tau

    Tsam nws dhau------------------------mus ua dab neeg
    Ho nrov deeg------------------------mus thoob ntiaj teb
    Nej thiab peb------------------------muaj kev mob siab
    Cuag tshuaj iab-------------------lom tuaj nruab plawv

    Ntuj yuas lawv-------------------Hmoob tej me ntxhais
    Yog yuav hais----------------------muaj ntau yam heev
    Tsuas lam seev---------------------------ua paj lug ntos
    Lus sib dhos-------------------------tuaj tham qhia kiag

    Koj xwb tiag-----------------------leej muam kev deb./.
    ( xaus li no )
    Nraug Liab Toj Siab wrote:

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: NRAUG LIAB TOJ SIAB lub tsev Paj huam

    Post  Hmong ntuj tshiab on 12th January 2014, 12:51 pm

    ZAJ PUAM FAB: 1.

    Khawv txhiaj, plees tsis sib tau, ib tug tuag tso ib tug tseg, mob siab thiab nco tshua tshaj plaws, Hais ua suab Hmoob moos loob,

    1, Nim yais!!!! me Hmoob ntxhais nkauj xwb tus uas kuv nco, thaum wb tseem ua nkauj ua nraug nyob es, koj nim zoo nkauj puav tam li lub me paj txiv duaj nyob tuaj mus tawg tshiab, tawm rooj plaws ncig yuj yeev rau koj niam koj txiv lub mus paj tsiab, tham lo me lus txiaj saub kev seev tuaj mus dai siab, es kuv txiv leej tub thiaj li muab niam leej ntxhais li koj nco lub me ntuj tsaug tawm lis plaws rau lub mus ntuj tshiab os me Hmoob ntxhais nkauj xwb om!!!!,

    1, Nim yais!!!! me Hmoob ntxhais nkauj xwb tus uas kuv nco, thaum wb tseem ua nkauj ua nraug nyob es, koj nim zoo nkauj puav tam li lub me paj txiv duaj nyob tuaj mus tawg tsis paub zaus, tawm rooj plaws ncig yuj yeev rau koj niam koj txiv lub mus paj tsiab peb caug, tham lo me lus txiaj saub kev seev tuaj mus ntxim siab txaus, es kuv txiv leej tub thiaj li muab niam leej ntxhais li koj nco lub me ntuj tshiab tawm lis plaws rau lub mus ntuj tsaug os me Hmoob ntxhais nkauj xwb om!!!!,

    2, Nim yai!!!!!! Me Hmoob ntxhais nkauj xwb tus uas kuv tshua es, thaum wb tseem ua nkauj ua nraug nyob es, wb tau tuav tes ruj rawv tawm rooj li plaws zoo puav tad ntua nkawm me noog liaj noog luv ya tav yuj yees rau cuaj ha los yim lub roob, nim no koj cev ntaj xib ntsug tuag tag nrho yuav muab kuv txiv leej tub nrauj li ncua cia rau leej niam leej txiv lub mus luaj qoob, txiv leej tub nim muaj koj nco nco es tsa ncauj suab seev yuj yees nrog niam kab tus me noog qhoob, Ntuj tom qab no kuv tsis tau koj lawm tiag tiag es kuv ncig yuj yeev tuaj txog wb tej me qub hneev tes coj hneev taw nim nphob lis xuav tsis pom koj es tsuas pom tau tus me hav nroj ntxuag tus me hav xyoob, es txiv leej tub thiaj quaj tus me txiaj ntsim los kua muag poob os me Hmoob ntxhais nkauj xwb os,!!!!!


    2, Nim yai!!!!!! Me Hmoob ntxhais nkauj xwb tus uas kuv tshua es, thaum wb tseem ua nkauj ua nraug nyob es, wb tau tuav tes ruj rawv tawm rooj li plaws zoo puav tad ntua nkawm me noog liaj noog luv ya tav yuj yees rau cuaj roob los yim lub tog, nim no koj cev ntaj xib ntsug tuag tag nrho yuav muab kuv txiv leej tub nrauj li ncua cia rau leej niam leej txiv lub mus luaj nrog, es txiv leej tub nim muaj koj nco nco es tsa ncauj suab seev yuj yees nrog niam kab tus me noog nqov os, Ntuj tom qab no kuv tsis tau koj lawm tiag tiag es kuv ncig yuj yeev tuaj txog wb tej me qub hneev tes coj hneev taw nim nphob lis xuav tsis pom koj es tsuas pom tau tus me hav nroj ntxuag tus me hav mog es txiv leej tub thiaj quaj tus me txiaj ntsim los kua muag nrog os me Hmoob ntxhais nkauj xwb os,!!!!!

    Chim laj xeeb laj luam cua khuam nkaus tuaj rau tim toj, es daj tsis soj, es deev tuaj tsis tau koj, ces ntshe yuav chim siab loj lug los mus txog hnub ploj, es mam li mus teem caij li nroos rau ntxwj xib nyoog hav paj mus zaub nroj, es mam li txia lij ntshis ua suav txiv nyuj twm es ho nqov quj qaws nyob mus nrhiav koj!!!, tiag os me Hmoob!!!!!om,

    ------------------------------------------------------------------------------------------------------------------------------
    ZAJ PUAM FAB: 2.

    khawv txhiaj plees, daj deev tsis sib tau, es nco thiab tshua tshaj plaws: Hais ua suab Hmoo moos Pham.

    1, Hom ntuj os me Hmoob niam leej ntxhais lawm nkauj xwb es!!!! Tos xyoo no nim kho siab lawm luaj no los vim yog tseem nco nco thaum ib cim paj tsiab peb caug tawm tas tej niag sib plhawv, es wb nim hais ntxuaj ntxog puag xub pwg npawv, es tuav tes lawm tas tej mus sib rawv, ncig yuj yees lub ntuj tshiab tawm li plaws lub mus ntuj ntsawv, es tham ntxuaj ntxog txiaj saub kev mus dai plawv, es daj tsis yuad deev tsis tau los vim yog koj niam koj txiv nim ntshaw tas nraj lum Hmoob zeeg teev me nyiaj txiag los qhwv sov tas tej mus sib tsawv, thiaj muab niam leej ntxhais li koj quas li plhuav rau nraj lum Hmoob zeej lub rooj deg los lawm rooj cawv, es thiaj mob luag leej tub siab ncus tas lawm tej mus sib thawv, nim tam ntua plaj teb es plam li plaws tsis tau tuaj nrog luag hlawv, os Koj!!!!!ne!!!!! puas yuav nco kuv!! lawm ntsuj ntsoov nim mus txog ntua hnub es koj ho laus laus lawm qaj nkoos tawm rooj li plaws nrig cwj lis tawv, nim zaum de tes tas tej mus sib nrhawv, Ho ntshe kuv ces yuav seev nruj nraim wb me khaub plees nkauj nraum I tej mus chaw sawv, tus me txiaj ntsim kua muag nim ntxhee li hawv, los nim yog tseem nco nco kuv niam leej ntxhais li koj tus me paj plhu kab lia lawm los tom txig nkawv, es ntshe yuav muab koj seev nruj nraim nim mus txog ntua hnub cev txiaj zam qaug yeev mus pw li ko rau ntiaj nrag lub nruab thawv, los tseem tshuav ntsuj plig mam es mam li mus tos ntua koj rau lawm ntxwj xib nyoog lub mus rooj vag nyob tuaj mus vuam ntawv, os me Hmoob niam leej ntxhais es!!! Om!!,

    1, Hom ntuj os me Hmoob niam leej ntxhais lawm nkauj xwb es!!!! Tos xyoo no nim kho siab lawm luaj no los vim yog tseem nco nco thaum ib cim paj tsiab peb caug tawm tas tej niag sib plo, es wb nim hais ntxuaj ntxog puag xub pwg npo, es tuav tes lawm tas tej mus sib hlo, ncig yuj yees lub ntuj tshiab tawm li plaws lub mus ntuj so, es tham ntxuaj ntxog txiaj saub kev mus sib nco, es daj tsis yuad deev tsis tau los vim yog koj niam koj txiv nim ntshaw tas nraj lum Hmoob zeeg teev me nyiaj txiag los qhwv sov tas tej mus swb so, thiaj muab niam leej ntxhais li koj quas li plhuav rau nraj lum Hmoob zeej lub rooj tshoob los lawm rooj kos, es thiaj mob luag leej tub siab ncus tas lawm tej mus sib tho, nim tam ntua plaj tshuab ceg ntos es ntos li zus tsis nto nqog, os Koj!!!!!ne!!!!! puas yuav nco kuv!! lawm ntsuj ntsoov nim mus txog ntua hnub es koj ho laus laus lawm qaj nkoos tawm rooj li plaws nrig cwj lis qho, nim zaum de tes tas tej mus sib nrho, Ho ntshe kuv ces yuav seev nruj nraim wb me khaub plees nkauj nraum I tej mus chaw so, tus me txiaj ntsim kua muag nim ntxhee li ho, los nim yog tseem nco nco kuv niam leej ntxhais li koj tus me paj plhu kab lia lawm los tom txig nko, es ntshe yuav muab koj seev nruj nraim nim mus txog ntua hnub cev txiaj zam qaug yeev mus pw li ko rau ntiaj nrag lub nruab qho, los tseem tshuav ntsuj plig mam es mam li mus tos ntua koj rau lawm ntxwj xib nyoog lub mus rooj vag nyob tuaj mus vuam ntawv, os me Hmoob niam leej ntxhais es!!! Om!!,

    2, Hom ntuj os niam leej ntxhais Hmoob lawm nkauj xwb es!!!!!! Tos xyoo no os kho siab lawm luaj no los vim yog qaug niam kab zog ces niam kab nyob tuaj tsis txo nroj, qaug luag leej tub zog lawm luj luas tsis xav mus ua noj, los vim yog nco nco koj, es ntshe yuav muab koj nco lawm ntsuj ntsoov mus txog ntua hnub nim laus laus qam nkoos twb yuav ploj, tiag os koj!!!!!! Ne!!!!! puas yuav nco kuv lawm ntsuj ntsoov mus txog ntua hnub uas koj ho laus laus lawm qaj nkoos niam nkauj hnub qaij li zus yuav dua toj, es me av luaj nim nphob li tsus nyob mus tuaj nroj, los koj puas nco li ntsoov txia lawm li ntshis ua niam dab tsoj tsuam sawv los coj, seb wb me khaub plees nkauj nraum puas yuav zoo puav tam ntua suav nrig nraj vaum me nyuj twm nim ho nqov lawm quj qaws nyob tuaj mus cuag npoj, os me leej ntxhais lawm nkauj xwb!!! Om,

    2, Hom ntuj os niam leej ntxhais Hmoob lawm nkauj xwb es!!!!!! Tos xyoo no os kho siab lawm luaj no los vim yog qaug niam kab zog ces niam kab nyob tuaj tsis txo tsuag, qaug luag leej tub zog lawm luj luas tsis xav mus ua qhua, los vim yog muab lawm koj tshua, es ntshe yuav muab koj tshua nruj nraim mus txog ntua hnub nim laus laus qam nkoos twb yuav tuag, tiag os koj!!!!!! Ne!!!!! puas yuav nco kuv lawm ntsuj ntsoov mus txog ntua hnub uas koj ho laus laus lawm qaj nkoos niam nkauj hnub qaij li zus nqis yuav dua ncua, es me av luaj nim nphob li tsus nyob mus tuaj tsuag, los koj puas nco li ntsoov txia lawm li ntshis ua niam dab tsoj tsuam ho sawv los dua, seb wb me khaub plees nkauj nraum puas zoo puav yuav zoo tam ntua suav nrig nraj vaum me nyuj twm nim ho nqov lawm quj qaws nyob tuaj mus cuag dua, os me leej ntxhais lawm nkauj xwb!!! Om,

    Nim chim laj xeeb laj luam cua, khuam nkaus tuaj rau lub ntsis tsuag, daj tsis tau puag, deev tuaj tsis tau yuad, ces chim siab loj lug lawm los mus txog hnub tuag, mam li mus teem caij nroos rau ntxwj xib nyoog lub hav mus vaj zaub quag, mam li mus txia lij ntshis ua suav txiv nyuj twm es ho nqov lawm quj qaws nrhiav koj nyob mus nrau dua os me Hmoob es!!!! Om,


    Me qigtaub
    Developer
    Developer

    Messages : 197
    Date d'inscription : 2011-09-09

    Puam fab

    Post  Me qigtaub on 5th March 2014, 6:46 pm

    Hmoob ntujtshiab thiab txhua tus uas muaj lub tswv yim zoo sau tej paj huam thiab tej puamfab no zookawg kiag rau peb ib txhia tau nyeem tau seev suab hais, kuj zoo kawg thov qhuas nejthiab ua ntej tsaug.

    Nraug Liab Toj Siab
    Sponsor
    Sponsor

    Messages : 772
    Date d'inscription : 2011-05-31
    Age : 30
    Localisation : Nyob ntawm koj ib sab.

    Re: NRAUG LIAB TOJ SIAB lub tsev Paj huam

    Post  Nraug Liab Toj Siab on 3rd May 2015, 9:27 pm

    Ntu no kuv hauj lwm ntau ntau es thiaj tsis muaj sij hawm tuaj sau Paj Huam lawm, cia hnub puav hauj lwm sib me ntsis li mam tuaj sau dua.

    Me qigtaub
    Developer
    Developer

    Messages : 197
    Date d'inscription : 2011-09-09

    Cas yuav seev suab hais khwv txhiaj kho siab zim

    Post  Me qigtaub on 5th May 2015, 6:23 pm

    Tus me phoojywg cas lub sijhawm no ces muab teb hlawv tag yuav npaj rov mus cog nplej lawm tseem hais koj zaj kwv txhiaj ua rau kuv kho siab zim lawm xwb, qhov koj hais kuj yog ib qhov zoo kawg nkaus li.

    Sponsored content

    Re: NRAUG LIAB TOJ SIAB lub tsev Paj huam

    Post  Sponsored content Today at 2:45 am


      Current date/time is 8th December 2016, 2:45 am