google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Share

    Nraug Liab Toj Siab
    Sponsor
    Sponsor

    Messages : 772
    Date d'inscription : 2011-05-31
    Age : 30
    Localisation : Nyob ntawm koj ib sab.

    ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  Nraug Liab Toj Siab on 22nd September 2011, 12:26 am






    Suav txij lub caij ntuj nag los txog ntua rau lub 9 hlis 2011 no tau muaj kev tshawb fawb txog kev piam sij ntawm peb cov kwv tij neej tsa hmoob nyob thoob plaws hauv nplog teb no, hais txog kev txom nyem dej nyab thiab kuav neeg tag lub neej txoj sia ntawm peb cov kwv tij hmoob kuj muaj ntau yim kawg nkaus li.
    Tsev neeg raug dej kuav tag lub neej txoj sia ntshe yuav muaj kwv yees li ntawm 7-8 tsev neeg nyob thoob plaws hauv Nplog teb. Tsev neeg dej nyab liaj mas muaj coob tshaj li ntawm 30 tawm yim neeg.

    Cov choj hlau uas ib txwm muaj nyob khov kho rau sab xeev Xieng Khuang raug puas tsuaj tag nrho, tus twg yog choj hlau ces yuav tsum tau dam thiab puas tsuaj mus xwb xwb li, tus twg yog choj ntoo ces thiaj li nyob xwb.
    Lub pas dej Tauv (ua taws xob)uas tsoom fwv Nplog tauv nyob rau Phoonsavanh los kuj tawg mus nyab laj mej pej xeem tej liaj yam puas tsuaj tag nrho.

    Nyob rau sab xeev Xab Nyab Npus Lis uas yog lub Kuj Cuab Hooj Xaj, muaj 3 niam txiv tub mus pw zov lawv daim liaj thiab lawv lub pas ntses, hmo ntawv kuj los ib kob nag loj tas zaj tas zog li, thaum txog ib tag hmo dej daj rhuv raws tus kwj ha qhuav ntawd los mus, cov dej no muaj peev xwm kuav cov cav luaj kas tham thiab luaj phawv nrog rau nyuag tog khaub tog tsuag puv nkaus lub kwj ha ntawv los mus thiaj li los kuav kiag Huaj Vam Xyooj lawv 3 niam txiv tub lawm du lug, leej niam ces lawv nrhiav 3-4 hnub thiaj li mam nrhiav tau, hos Huaj Vam thiab Huaj Vam tus tub nkawv ces yeej nrhiav tsis pom los txog niaj hnub niam no li. Huaj vam nkawv kuj tseg nkawv 2 tug ntxhais yuav luag tiav hluas nkauj thiab tseg nkawv 2 tug tub tseem yau yau cia ua ntsuag rov tuaj tom qab.
    Hmo dej kuav Huaj Vam lawv cov niam txiv tub ntawd, dej kuj Kuav ib tug me nyuam Nplog nrog Huaj Vam lawv mus lawm thiab, tus me nyuam Nplog los kuj nrhiav tsis tau li thiab. Hmoob thiab Nplog cov liaj uas nyob raws tus kwj ha ntawv ces yeej tsis seem ib daig kiag li, puav leej puas tsuaj lawm tag nrho huv tib si. lub sij hawm ntawd kuj muaj 3 niam txiv tub Hmoob pw zov lawv daim liaj nyob rau sab nram hav tsis deb ntawm Huaj Vam lawv thiab tab sis hmo ntawv xyov lawv dab tsev pab lawv los xyov yog ua li cas li, thaum yuav tsaus ntuj ces 2 niam txiv ntawv tus me nyuam txawm pib quaj tsis ntsiag li, tus me nyuam yeej quaj qhov yuav los mus tsev xwb xwb li, 2 niam txiv ntawv txawm muab tus me nyuam ntaus npaum li cas los tus me nyuam yeej tsis ntsiag li, ua mus ua los 2 niam txiv ntawv kuj cia li swb nkawv tus me nyuam ces 2 niam txiv laus thiaj li tau coj tus me nyuam los tsev nyob rau hmo ntawv lawm, ib tsam tsaus ntuj ces dej thiaj li los kuav Huaj Vam Xyooj lawv cov niam txiv tub lawm, tag kis 2 niam txiv uas coj tus me nyuam ntawv mus tsev lawm rov qab tuaj, thaum tuaj tshwm plaws tim ntug liaj ua cas tsis pom nkawv lub tsev liaj lawm, thiab ntsia na has uas cas caj hmab ceg ntoo puv liaj tag , Huaj Vam lub tsev los pluav tag mus rau hauv av lawm, nkawv lub los dej muab tshoob mus khuam tib lub niag khaub hlab tag, 2 niam txiv no thiaj li los raws cov tom zos mus nrhiav Huaj Vam lawv.

    Nej ua siab ntev twm txog zaj no hais tias yog vim li cas hmo ntawv zaj thiaj li los kuav Huaj Vam thiab tus me nyuam nplog lawv mus lawm.

    Ua ntej li 2 hnub ntawd, muaj ib yim Mab Daum ua ib thaj teb ze ze rau ntawm tus ntug kwj ha uas puab txoj kev tsheb mus rau Mueng Park Bang ntawd, lub sij hawm ntawd los yim Mab Daum no kuj mus pw teb thiab, muaj ib tag kis ua cas txawm muaj ib tug ntses choo nyob ntawm tus Mab Daum ntawd lub tsev teb, tus Mab Daum ntawd tus ntxhais los kuj zoo zoo nkauj thiab tiav hluas nkauj hlo lawm, tus ntxhais ntawd txawm muab tus ntses choo no qa mus pov rau puag nram kwj ha lawm, tag kis tom qab lawv sawv los los tus ntse choo nws kuj rov los nyob qhov qub thiab, tus ntxhais kuj rov qab muab tus ntse choo nqa mus pov rau nram kwj ha dua thiab, tag kis thib 3 lawv sawv los, los tus ntse choo nws kuj rov los nyob nws qhov qub thiab, yim mab daum ntawv tus ntxhais txawm xav mus xav los ces tus ntxhais ntawv txawm nqa tus ntse choo ntawv mus muag rau ib yim Nplog nyob rau nram nroog vim ntse choo muaj nqis heev li, tus ntxhais mab daum no kuj kuj coj tus ntse choo mus muag tau 1,000,000 Kip. Thaum muag tus ntse choo tag tus ntxhais no kuj rov qab los mus pw pem teb dua thiab, hmo tom qab kiag ces txawm pib los nag thaum tsaus ntuj, ib tsam ces thiaj li pib los nag loj zuj zus txog qhov los kuav Huaj Vam lawv 3 niam txiv tub thiab ib tug me nyuam Nplog mus lawm. Tsis paub hais li kob nag ntawv loj thiab tsis loj los Zaj muaj peev xwm ua toj pob peg nphau raws txoj kev tsheb ntawv los mus yuav luag ti rau lub nroog uas coj tus ntse choo ntawv los muag, sab qaum kev tsheb toj yeej pob liab pes vog los mus li lawm. Thaum zoo li no tag lawm zaj thiaj li los ua npau suav rau lawv hais tias kom lawv txhob tu siab rau Huaj Vam lawv vim muaj neeg nyiag lawv tus tub coj mus muag lawm es lawv raws lawv tus tub los mus xwb thiaj li raug rau Huaj Vam lawv lawm. Hos tus ntxhais Mab Daum no ces tau 2 tag kis kiag xwb cia li mob nthawv nthav tuag kiag mus lawm thiab. hais txog zaj no mas tseem tshauv ntau heev li.

    Qhe 2: hnub tim 17/9/2011 no muaj 4 niam txiv tub mus pw xaj nam haib, zov teb nyob ze rau ntawm lub Meung Xieng Ngueng, xeev Luang Pra Bang. lawv kuj mus ua lawv lub tsev rau ntawm tus ntug dej Hoy Kong, hmo 17 tsaus ntuj ntawd los ib kob nag loj tshaj plaws uas nyob rau hauv keeb kwm yeej tsis pom dua li, kob nag no mas loj thiab tsis loj los kawg rau qhov tias yeej tsis yog los nag lawm, zoo nkaus li cia li muab thoob ncuav saum ntuj los xwb, hmo ntawv dej thiaj li los ntaus lawv lub tsev thiab kuav lawv cov niam txiv tub lawm tag nrho, leej niam muaj ib plab me nyuam tseem tab tom yuav so, 2 tug me nyuam tub, ib tug muaj 9 xyoos, ib tug 7 xyoo, tsis paub xyov yog vim li cas dej muab lawv kuav mus deb li 1 half mile, 2 tug me nyuam tub ntawv kuj plam mus rau tim ntug lawm, ib leeg poob ib qho, koj tsis paub kuv, kuv tsis paub koj li, 2 tug me nyuam no dej muab nkawv tsoo pob zeb pob ntoos ua rau nkawv ib ce doog ntsuab xiab npaum nkaus li xuas nkaj raus. Leej niam nrog rau tus me nyuam hauv plab los tau tag lub neej txoj sia lawm, tus txiv los kuj tau tag lub neej txoj sia lawm thiab.
    Hmo los kob nag ntawv cov nyob nram zos yeej tsis paub li, thaum dej muab lawv kuav mus ces 2 tug me nyuam tub dim, tus muaj 9 xyoos thiaj li peem thiab nkag nkag los txog ntawm kev, muaj ib tug Mab Daum mus teb los thiaj li los pom tus me nyuam ntawd, tus Mab Daum no thiaj li coj tus me nyuam no los cuag cov nyob nram zos, ces cov nyob nram zos mam li mus nriav, thiaj li mus nrhiav tau tus me nyuam tub thib 2 sab heev li, thiab nrhiav tau tus niam tuag thiab khuam deb li 4 miles sab nram hav, hos leej txiv ces yeej nrhiav tsis tau los txog rau niaj hnub niam no li thiab.

    Raws li cov neeg nyob hauv Nplog teb thiab Hauj Sam hais rau peb mas lawv hais li no:
    xyoo 2011 no tau muaj ib tug neeg tseem ceeb tau tag lub neej txoj sia mus lawm. tus neeg no thaum ua neej nyob los nws yeej tsis yooj yim. Lawv cia siab lawm tias tej zaum tus neeg no yeej rov mus txog Nplog teb lawm tiag, vim lub 4-5 hlis ntuj xyoo no kuj muaj zaj tawm khiav rau ub rau no thiab muaj dej nag loj khuav liaj kuav teb thiab txawv tshaj plaws li 2-3 tiam los lawm. Thiab lawv ntseeg tau lawm tias tej zaum yeej yuav tsum muaj kev hloov dua tshiab xwb xwb li, ib qho ntxiv tos lawv xav tias yuav tsum muaj ib yam dab tsi tshwm sim xwb xwb li mas vim tias 2 pog 3 yawg los mus tsuas hnov luag piav txog zaj xwb cas zoo li xyoo no cia li tau pom zaj ziam zuag ntawm qhov muag lawm tiag. Ua ntej ntawv lawv twb ua npau suav pom tus neeg tseem ceeb ntawv rov los txog Nplog teb lawm ua cas tau ib lub hlis tom qab xwb txawm cia li hnov tias nws tau tag lub neej txoj sia mus lawm. Thiab lawv tseem hais mus txiv tias tus neeg tseem ceeb no mas lawv hnov tias nws yog Zaj Txwg Zaj Laug tso los cawm Hmoob xwb, tam sim no nws nyob rau ib ntxeev ntuj lawm nws ua tsis tau li cas Zaj Txwg Zaj Laug thiaj li yuav tau tuaj coj nws rov qab los hauv Nplog teb no es mam tshwm sim dua raws li lawv hais, vim zaj twb pib ua rog nyob rau xyoo no lawm es dej nag thiaj li loj, thiab zaj thiaj li tawm khiav.

    Yog li no hnub no kuv thiaj li siv lub sij hawm no los xa tsab xov no mus hlub tshua txog rau peb tsev neeg Hmoob uas raug kev txom nyem zaum no. Cov me nyuam tub ntsoj ntxhais ntuag, tij laug hnov thiab pom tej yam zoo li no, tij laug hlub nej kawg kiag li, tij laug lub kua muag poob thiab nrog vim hlub nej heev li. leej niam leej txi nrog yus nyob hais lus luag ntxhwb ntxhi ua cas pw ib hmos rov tuaj tag kis xwb vaj tse khaub hlab tag, cia li tsis pom niam thiab txiv los lawm, tsaus ntuj zus tsuas hnov kab noog quaj lawm xwb, niam thiab txiv lub suab hu yus cia li ntsiag to mus lawm, xav tias kheev lam yog dab ntub los npau suav es cia tsim dheev los los cas tsis zoo li lub siab xav. Txawm li ntawv los tij laug thov Faj Tim Huab Tais Ntuj pab tsom kwm nej cov me nyuam ntsuag thiab nawv mog...

    Tus sau: Moos Vam Vaj USA(tojsiab.com)

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  koojziagkabzaug on 22nd September 2011, 2:02 am



    Nyob zoo NraugLiab Tojsiab,

    Ua tsaug ntau rau nws zaj kwv huam no.

    Tu siab kawg rau cov tsev neeg uas tau txais kev puas ntsoog.

    Kuj zoo siab rau nqe kawg thiab...Yog kawg, yog ib tug neeg tswhj xeeb uas tsis tau muaj dua hauv keeb kwm li thiab. Tus neeg no yog tsis yog Ntuj tso, tsis yog Zaj Txwg Zaj Laug tso los mas lub peev xwm thiab koob hmoob yuav tsis loj npaum li no. Yam tsis tau muaj dua hauv keeb kwm neeg nyob qab ntuj li kiag.

    Ua tsaug ib zaug ntxiv...Yog nws mus yos pom lwm zaj zoo ntxiv no thov nws pab nqa los rau peb khaws tseg nawb mog.

    Kuv yuav muab zaj no xa mus rau tus neeg tseem ceeb ntawd tus kwv thiab cov Tub Kwv uas nrog peb nyob ua ke, ntshe lawv yuav zoo siab txog nws lub hwj xyeej.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    PIJPAUJ
    Developer
    Developer

    Messages : 147
    Date d'inscription : 2010-12-25

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  PIJPAUJ on 22nd September 2011, 8:18 pm


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  koojziagkabzaug on 23rd September 2011, 1:09 am

    Nyob zoo NraugLiabTojsiab thiab Pijpauj,

    Pijpauj,

    Ua tsaug ntau rau nws daim video, kuv twb tsis nco pom tias lawv ua tau ib cov Videos thiab. Ua tsaug rau NraugLiab neb ob leeg uas muab ntau yam kwv huam thiab xov xwm rau peb paub txog.

    Hais txog dej sab siv huam li no mas nyob Los Tsuas teb ntshe ho tsis tau muaj dua, tab sis nyob rau Fab Kis teb mas kuj muaj ntau zaus uas tej tug dej me me li tus no huam los tshoob tag txhua yam ze ntug dej, tshoob tsheb loj tsheb me, tsheb thauj khoom 30t los cov tsev tsheb cab tej los lawm sis lug, ua rau tej lub tsev txhim zeb nkoj hlo los lawm. Tab sis teb chaws Fab Kis mas tsis hais tias yog "zaj" no. Lawv hais tias los nag hlob pem hauv ais dej sab siv huam no xwb. Yeej yog tib yam nkaus li lawv hais no, yeej tsis tau muaj dua los, lawv thiaj li ua vaj ua tsev ze tej tug me nyuam dej li ntawd...Tab sis zaum no mas kuj muaj kev piam sij loj. Tab sis ntawm Peb Hmoob mas hais tias yog ZAJ ua, thiab ho yog ua npau suav hais tias TUS NEEG TSEEM CEEB ROV LOS NPLOG TEB. AIS YOG ZAJ TXWG ZAJ LAUG TXAIS TOS NWS, ZAJ CAB ZAJ XYW THIAJ KHIAV TSEG CHAW RAU TUS NEEG TSEEM CEEB...Thiab ho muaj tus NTSES CHOO los rau pem nqhuab...Puas yog tus Ntses Choo ntawd los qhia dab tsi rau lawv...? Puas yog tus ntses choo ntawd los hais kom lawv ceev faj yuav muaj xwm txheej...? Tim li cas nws ho los txog pem nqhuab thiab los rau tib qho chaw...? Hmoob mas tseem tej yam li cov teb chaws vam meej ntseeg txheej ntuj thaum ub, yam twg yus paub tsis txog ces muab tis rau DAB RAU TSOV, rau ZAJ...!Thiab zoo li thaj tsam lub sij hawm uas dej nyab no, lawv tau tshaj tias muaj ib lub khaub zig cua loj los hla Suav, Cob Tsib teb no ua li puas yog lub tw khaub zig cua nov los hla Nplog teb thiab thiaj li ua rau muaj nag daj nag dub li no...?? Li cas los xij, yog cov Tim Tswv muab lub koob meej rau TUS NEEG TSEEM CEEB LAWM CES YOG QHOV ZOO TSHAJ RAU PEB HMOOB LAWM.

    Dej nyab Vaison-La-Romaine Fab Kis teb: 22 septembre 1992
    Tab sis lawv tsis pom tsav tsim nuj dab tsi ua ntej li Nplog teb.



    Saib videos Hmoob tag nrho:

    http://www.youtube.com/watch?v=CsnNCrOEKKw&feature=mfu_in_order&list=UL

    Nyeem ib tsab E_mail:




    Nyob zoo Niamtij,

    Ua tsaug ntau koj tuaj qhia kuv paub, kuv tsis tau tuaj saib li os yog koj tsis qhia ces kuv yeej tsis pom li tiag vim ntu no tsis xyeej tes thiab kuv lub computer tau kabmob ces nws qeeb qeeb heev li. Zaj dabneegtus kwvtij no tuaj hais yeej yog muaj kuab kawg nkaus li thiab ua rau zoo siab lawm hov ntau. Kuv tau hnov Hmoob piav me me thiab tias nyob rau Looj Ceeb sab peb thaum tus Neeg Tseemceeb tau tag sim neej li 1-2 hnub ntawd nyob sab pobtsuas hauv mas nrov txawv heev cuag li pob tsuas yuav tawg, haujsam thiaj li saib no tias yog muaj ib tug neeg tseemceeb rov mus saib nws vaj nws tsev xwb no.

    Kuv dablaug nyob rau VangVieng, nws tias xyo no mas mas ntuj nag loj tshaj plaws uas yeej zoo li tus kwvtij ntawd hais dej tshoob tej yav cav loj li loj hos Nplog tej tsev nyob raws tej kwjhav me yeej rau kuav lawm tag. Yog li no cia peb mam li soj qab mloog mus ntxiv seb nws ho yuav zoo licas.

    Ua tsaug ntau nawb niamtij, thiab koj muab khaws zoo cia peb sim mloog mus saib Hmoob lub neej puas paub pauv li siab xav os.

    Nyob zoo koj


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    PIJPAUJ
    Developer
    Developer

    Messages : 147
    Date d'inscription : 2010-12-25

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  PIJPAUJ on 23rd September 2011, 6:59 am

    Nyob zoo KZKZ,

    Ib leej yuav lob tsis tau ubno ntau es peb thiaj sawvdaws nyias tau nyias lob tuaj. Yog koj tsis xav li cas mas tseem hajyam yuav lob tuaj ntxiv.

    Tejzaum sawvdaws yeej pom pom tas lawm, tab sis kuv lam muab tagnrho los tso uake rau nod kom yoojyim rau cov xav saib dua:














    Last edited by PIJPAUJ on 23rd September 2011, 7:48 am; edited 1 time in total (Reason for editing : Tshem daim uas tsis txuamyuaj txog zaj tawm)

    PIJPAUJ
    Developer
    Developer

    Messages : 147
    Date d'inscription : 2010-12-25

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  PIJPAUJ on 23rd September 2011, 7:05 am

    Daim nod tus Tijlaug Hmoob Ntuj Qub Qab twb tso dua lawm, tsua yog muab tso xyaw zaj kom txhob tau mus nrhiav xwb:


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  koojziagkabzaug on 26th September 2011, 12:15 am



    Pijpauj,

    Daim videos Zaj tawm khiav no kuv twb tsis nco qab pom Tij laug Hmoob Ntujqubqab tso thiab laiv. Ua tsaug rau neb ob leeg lub siab zoo.

    Cas ntev ntev tsis pom Hmoob Ntujqubqab tuaj xyuas peb lawm?...Tij laug, peb twb tsawg tsawg li, nws nco ntsoov txog peb nawb mog.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  koojziagkabzaug on 2nd November 2011, 2:55 pm



    ZAJ NEEG THIAB ZAJ NAB # 4 End



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  Liajntsuab on 19th March 2012, 2:53 pm

    Nej sim ho saib tus kwvtij Ntxhos Vwj yim neej raug dej nyab tuag tag nrho 5 leeg dim 2 leeg xwb. Txaus ntshai kawg kiag txoj kev phomsij no yeej muaj dab neeg rau peb Hmoob feem ntau vim mus liaj ua teb thiag ua tsev teb xanas rau tej kaum tej kaum hav.


    Zaj dabneeg nram hav no los txaus ntshai kawgkiag thiab. Tiamsis thaum xub pib tsis tshua zoo saib vim cov Neeg yees duab hais lus tshawv heev rau ntawm tus ntoo, yog tsis xav saib kiv mus tom ntej kom txog 11:40 mam li saib qhov yees duab txog tus Zaj Pobzeb thiab txoj dabneeg.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  koojziagkabzaug on 19th March 2012, 3:45 pm



    Nyob zoo LiajNtsuab,

    Ua tsaug ntau nws nqa ib zaj dab neeg zaj tuaj rau peb saib ntxiv. Yog kawg, yeej yog ib zaj dab neeg zoo heev.

    Kuv tso ib tug liaj rau nws lub npe, seb nws puas nyiam, yog tsis nyiam no hais kuv mam hloov dua rau nws.

    Ua tsaug ntau.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  Liajntsuab on 19th March 2012, 8:34 pm

    koojziagkabzaug wrote:

    Nyob zoo LiajNtsuab,

    Ua tsaug ntau nws nqa ib zaj dab neeg zaj tuaj rau peb saib ntxiv. Yog kawg, yeej yog ib zaj dab neeg zoo heev.

    Kuv tso ib tug liaj rau nws lub npe, seb nws puas nyiam, yog tsis nyiam no hais kuv mam hloov dua rau nws.

    Ua tsaug ntau.

    Nyob zoo Koojziagkagzaug,

    Tsis ua cas os kuv mus xawb tom youtube.com los thiab xwb os. Lawv qhia tsis zoo seb Ntxhos lawv nyob sab tebchaws thiab lub zos twg paub tsis zoo pestsawg. Raws li kuv saib cov toj rooj hauv pes mas muaj ntsis zoo li sab Xeev Moos Loob ntawm lub roob hu ua Pham Thoos Pham Vis sub, rau qhov xyoo 2009 peb tau nce hauv lub nroog Xiang Gern los nto plas toj ces muaj ib qhov chaw so peb thiaj li tig ntsia pom lub roob uas zoo li lub lub hauv daim video no.

    Ua tsaug ntau koj muab ib tug liaj tso ua rau kuv tus IP, kuv nyiam nws kawg os.

    Ua tsaug ib zaug ntxiv nawb.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  koojziagkabzaug on 20th March 2012, 10:01 am



    Nyob zoo LiajNtsuab,

    Yog Thaj Thoos Thaj Vias no yog nyob rau Qaum Paj Xas, kev yuav mus rau tom Xeev. Sab ntawd yeej muaj Co thiab yog hav zoo loj heev. Tsuas zaum no lawv tso cai rau Cob Tsib thiab Suav tuaj cog ntoo ntau ntau rau Nplog teb ces lawv muab zoov ntov tag lawm ntau xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  Liajntsuab on 20th March 2012, 10:35 am

    koojziagkabzaug wrote:

    Nyob zoo LiajNtsuab,

    Yog Thaj Thoos Thaj Vias no yog nyob rau Qaum Paj Xas, kev yuav mus rau tom Xeev. Sab ntawd yeej muaj Co thiab yog hav zoo loj heev. Tsuas zaum no lawv tso cai rau Cob Tsib thiab Suav tuaj cog ntoo ntau ntau rau Nplog teb ces lawv muab zoov ntov tag lawm ntau xwb.

    Nyob zoo os Koojziagkabzaug,

    Lod,yog tias koj hnov lawv hais li ces yog lawm lau!!!

    Ua tsaug ntau os.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  xiongchang on 9th August 2012, 2:45 pm

    - Pab tu siab kawg nkaug, Rau tsev yim neeg, Raug zaj nphau ntawd; Txoj kev yos hav zoov....Nrhiav noj nruab deg, Yuav tau xyuam xim; Ceev faj zoo....Pom qav loj, Txhob lam ntes ua noj; Pom kauv dawb....Txhob lam tua, Raws li maiv mim nkauj zag piav qhia; Rau kuv hnov:....January 23, 1970....Qhov saus tiaj nrag, Thab tas nplees; Ib zaj txia ua:....Nab ntsuab zag, Ob zaj txia ua qav loj; Peb zaj txia ua "Kauv dawb" Yog leej twg? Ntaus nab ntsuab zag, Ntes tau qav ntos loj ua noj; Tua tau kauv dawb noj....Yog ntes tau qav ntos, Zaj yuav zeej thawj; Tsev neeg tuag tas nrho....Yog ntaus nab ntsuab zag, Tua kauv dawb noj; Yuav raug zaj nphau kuav li "Zaum no" Kom suav daws nco ntsoov tseg, Faj seeb ua ntej; Ceev faj zoo....Txhob lam laij hav dej ntau, Txhob lam yos hav zoov dhau; Qv ntos loj, Kuv tsi tau pom "Tab sis" Kuv niam maiv piav tseg, Rau kuv lawm; Lub sij hawm xyoo 1947 - 1948 ntawd....Lub zog xam kum, Cov neej tsa hmoob yaj; Niaj hmo taws tsau....Mus ntaus qav ntos, Yawg laug tswv choj yaj; Ntes tau ib tug qav ntos loj....Coj los ua noj tas, Pab mus ntaus qabv ntawd; Tuag tas nrho....dab los hais tias, Ntes tau tug tin tswv kwj ha ntawd; Tib neeg tua noj lawm....Luag yuav zeej thawj neeg, Nab ntsuab zag; Kuv pom xyoo 1973....Kauv dawb kuv pom, Thaum kuv tseem me; Noob nyoog thaj tsam plaub tsib xyoo....Kuv txiv lawv, Qub zog toj ntxhab; Qaum poom xub ntug xeev khuam....Lub sij hawm hlawv teb tas, Npaug nqeeb txhawv dawb vog; Tauj qhaub rhuab zoo hlais....Pub nyuj nees, Txiv paj zeb puag kuv hauv xub ntiag; Taw tes qhia kuv ntas....Kuv tseem nco tau zoo, Lub roob ntawd; Saum caj qaum roob los ncov roob muaj ib lub pag zaj loj zog "Hawv twm" Ntsuab xiab ntses khiav yeev cuag tsi hauv.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  xiongchang on 9th August 2012, 3:11 pm

    - Ib tsoom phooj ywg! Nkauj muam hmoob hlub hmov tshua suav daws, Nej mus nyeem tom; Xob tua nkawm niam txiv tuag....Teb chaws nplog, Kuv piav txog; Zaj los thauub peb tsib caug plaub leeg tub rog saum nco roob "Yeej qhov muag dav" Nyob npab nas phab hnub poob ncua kev deb:...8 - 9 Kilometer.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  xiongchang on 9th August 2012, 4:41 pm



    "Zaj nphau toj roob hauv peg"



    - Ib tsoom phooj ywg! Nkauj muam hmoob hlub hmov tshua suav daws, Kuv piav txog "Zaj nphau toj roob hauv peg" Txaug ntshai kawg kiag:....September 16, 1977, Cim ntuj nag ntawd; Nyob lub zog dej tshuam....Qab noom khab, Muaj ob tug dej xws li; Dej naj xees....Hmoob hu dej liab, Dej naj xuaj; Los sib tshuam....Los sib ntsuav, Sib nraus; Nram peb qab zog ncua kev deb li:....3 kilometer....Hnub ntawd los nag xuj xuav hlo ntxog, Kuv nqa tsoj ntawm tes; Mus yawm ntes nram qab tsib taug ncua kev deb li:...1 Kilometer....Tug nyuas choj ntoo ntawd, Tij laug npliaj yaj tsab; Cab yawg pab tshis taug choj saum hla sab tim....Noj lub tiaj zaub sab ntug dej tim tau peb hnub xwb, Zaj tsi nyiam tshis taug choj hla dej; Hnub ntawd zaj nphau toj txhub ntaus tug choj ntawd poob pob tas....Kuv tab tom kwm dej txij nkaus duav yawm ntses....Tsi pom dab tsi, Kuv pom ib tug nab ntsuab zag loj luaj nkaug "Ncaj npaj" Nce hauv tsob ntoo uas, Lawv tuam choj hla sab ntug dej tim; Kuv ceeb ntshai....Kuv tawm nyob saum "Zam vas yaj" Ntug liaj cov ntswg liag, Kuv hnov nrov thawj zaug qeeg nkaug, Cuag dav hlau:....Caribu....Dhau qab ya hla taub hau, Los tsaws ntas; Kuv tig xam ntsia qhov twg? Tsi pom dab tsi li? Lub suab nrov ntawd ntsiag zog lawm ncua ntev li:...15 Minute....Rov nrov dua zaum ob, Ua av qeeg nkawg; Yoj pes yeeg....Cuag yuav nphau saus....Ntsiag zog lawm:....25 Minutes....Kuv xav tias, Cas teb chaws ua rog; Peb nyob khej cob fab xwb....Cas suab dav hlau:....Caribu....Lam nrov ne, Yog xwm txheej dab tsi tias; Cas tib pliag dej huam loj zug....Nyab siab zug nto plawg zam vas yaj, Tug ntswg liag; Thaiv nram dej hlob tuaj lawm....Dej paim txua nyab kiag nklag zeg liaj tas nrho, Kuv ntsia zoj nyob tsi tau ze lawm; Kuv taug kiag ntswg liag dhia rhau sas ntwg....Puag tim ntug liaj, Nce saum lub me nyuam pov roob peb qab tsib taug saib; Seb yog sim zeej dab tsi? Kuv dhia nce nto lub me nyuam pov roob ntawd ncua kev deb li:...800 Meter....Cas dej twb nyab tas zam vas thaj liaj lawm, LUb sij hawm ntawd; Zam vas yaj....Cov nplej liag tab tom txhawv too tas nrho, Pib daj qab nab zom zawg; Cov ntsis nab nplej ploj tas nrho lawm....Kuv zaum tsawg, Saum lub me nyuam nco roob tig xam saib ncig leeg; Tsi pom dab tsi txawv txav li....Rov nrov dua zaum peb pem phab toj dej tshuam, Hauv lub pag dej tshuam ntawd; Muaj ib lub pag dej loj tob tsawv....Peb cov txawj luam dej tsi muaj cuab kav luam lub pag dej ntawd, Thaum nrov qeeg nkawg zaum peb ntawd; Kuv tig ntsia pheev toj plag ntoo zoov ntawd nplooj ntxhee yeeg....Cuag cua ntsawj ib nthw loj tsawv, Pheev toj ntawd tu nrho xaub zuav nqeg hav; Rau hauv lub pag dej ntawd lawm....Ntawm zam vas yaj pav liaj ntawd, Rau pem dej tshuam ncua deb li:....1.600 meter....Kuv ntsia ntsoov seb pom dab tsi ua ntej, Lub sij hawm ntawd; Kuv ntsia ntsoov hauv dej pom tug mem dej muaj zog....Ntaus los nyab tug choj saum tsob ntoo, Thawj nthwv loj luaj nkaug kam tham liab; Ntsawj los mus ncav tsi cuag nqeg zog lawm....Ncua ntev li:....15 Minutes....Los loo dua nthwv thib ob loj luaj nkaug lub me nyuam tog phawv chwv rhuav qab choj nqeg zog lawm ntev loo li:...25 Minutes....Los loo nthwv thib peb loj tshaj thawj ob zaug niag nkaug "Tug choj tuam plaub tug lag ntoo poob nthav" Lub sij hawm ntawd, Kuv pom tug nab loj luaj nkaug li; Tug cav txoob liab dub nciab....Yuav luas ob puag, Taub hau tsa nqug "Ib daj dhuv ncau ceg nyag - Cuag kub mos lwj nias nkaug" Tug choj tuam plaub tug lag ntoo poob tas nrho, Ob tsob ntoo lig zaj; Sab tim zam vas yaj ntug liaj....Tsob sab tim ntug dej nkoj cas kiag tam sim ntawd ploj ntais nrog dej sib hauj dlhev lawm, Dej nqeg zuj zug; Tib pliag ntshig; Ntev li:....25 Minutes.....Dej nqeg tas nrho, Rov pom zam vas yaj; Cov ntsis nab nplej ntab yuj yeeg:....35 Minutes....Dej nqeg ti nkaug ntswg liag, Kuv tsi ntshai thiab; Kuv nqeg saum lub me nyuam pov roob dhia nqeg hauv zam vas yaj liaj....Dej tsi kuav dab tsi? Dej ntaus ob tsob ntoo lis zaj nkoj cag nrog dej lawm, Cov lag ntoo tuam choj ntawd pawv tas nrho; Tsi seem ib yav saib dab muag li os....Thaum dej nyab ntaus choj poob tas ntawd, Kuv tsa muag ntsia pem hauv dej tshuam phab toj ntawd; Pom ob tug nab nqeg saum luag toj pob xaub rau hauv pag dej tshuam lawm....Zaj nphau toj heev npaum ntawd os, Zaum ntawd kuv pom nruab hnub nrig:....1:45 Minutes....Tav su hnub qaij hlo xwb os, Nej sim ntsia; Seb xya yim caum tawm tug ntoo zoov ntuj txeeg....Ntawd plag toj, Dej tshoob kuav lawm tas nrho, Du lug tsi seem ib tug ntoo khuam saib dab muag li hov; Kuv tsi paub tias....Zaj siv fwj chim dab tsi nphau toj li tias, Cas yuav heev ua luaj; Dej hlob tshaj plawg li os.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  xiongchang on 9th August 2012, 5:18 pm

    - Thov zam txim nawb, Kuv rov piav ntxiv; Tsi tau tas lug....Dua li suav daws pom mas, Zaj nphau hmo ntuj xwb; Tab sis zaum ntawd....Zaj nphau nruab hnub nrig, Kuv nyob ib ncuas dej:....800 meter....Tsi ua zog, Ntsia twj ywm; Seb pom dab tsi?....Thiaj pom zaj nrog dej nias ntaus, Tug choj ntawd poob tas; Ob tsob ntoo lis zaj....Ntawm ntug dej nkoj cag kiag, Nrog dej ua ke lawm; Ob tug nab tawm pem phab toj tu ntawd....Tuaj deb ntsia ncua kev:...1.600 meter....Pom luaj cav cos, Nqeg nrog dej laub lug; Cuag dej txhawv xaub zuav hauv pag dej lawm....Lub pag dej tshuam ntawd, Pob zeb txhub tiaj tas; Tsi muaj pag teev lawm....Lub sij hawm dej teev nyab, Zam vas yaj; Thaj liaj ntawd....Dej nyab sab tim tib si, Lub tsev tshis; Dej kuav tas lawm....Tshis sib tw tawm khiav nce toj quaj mis mes ntsuas qeeg, Tshis kuj tsi tuag; Ib tug li....Nyob ntiaj teb no, Zaj ntub tshis; Zaj tsi nyiam "Tooj liab" Zaj tsi nyiam "Txiv tsawb pob liab" Yog muab txiv tsawb "Pob liab ntsaws qhov dej" Yeej los nag txog qeb, Kuav tau lub txiv tsawb pob liab tawm; Lub pag dej twg? Yug cuam kub tshis, Los tooj liab; Rau hauv lawm....zaj muab txhub tas, Tsi zoo li qub lawm; Pob zeb tawm tas....Yog tsi cim zoo, Tsi paub lub pag dej ntawd lawm; Tej taws vas ntaus ntses....Pheej muab khawb tooj liab dai, Naus ntses tsi khuam; Tsi daig lawm....Vim zaj ntxub, Zaj tsi nyiam os; Xaus li no....Mam piav dua lwm zaug, Ua tsaug; Suav daws nyeem.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  xiongchang on 10th August 2012, 5:58 am

    - Kuv piav txog, Zaj nruab nquab cim teb; Lub plaub hlis ntuj xaus....Hauv xyoo 19663, Hlawv cim teb ntawd; Cov laug hu ua "Hav kav theej" Los hav kuj yem, Lub xyoo ntawd; Kuv noob nyoog nce xyoo cuaj....Paub tab heev lawm, Hnub hlawv teb ntawd; Yaws tij laug qhua pov....Tsi nyob tsev lawm, Yaws tso lug; Kuv txiv hlawv yaws thaj teb....Nrog peb daim nram qab teb, koom tib lub kwj ha "Hav zoov" Yav pem luag, Tawg ua ob lub hav; Los sib tshuam ua ke....Ob tug me nyuam dej ntwg tsiag, Txaus tso ntwg hauv liaj; Kuv txiv tis tsau hlawv peb daim....Kuv tis tsau hlawv tij laug qhua pov daim txog ntawm hav tshuam, Kuv tso tseg; Kuv txiv mam tis tsau zes....Txuas nram qab lawm, Ob daim teb ntawd; Yav pem luag....Yog hav txiv yeem laug, Yav nram qab; Ntov zoov ntuj txeeg....Cav ntoo laug los ntsuav hauv kwj ha, Lig nkoov ntom nti; Cuag ntiv tes "Sib qhaib" Thaum hlawv txog hav tshuam, Kuv me nyuam yau; Tso tseg lawm....Kuv txiv zes tsau hlawv ti nkaug nram qab teb ntug zoov, Kuv dhia taug kev mus tuaj; Puag tim tij laug:...Qhua pov ntug teb saib hluav tawg, Kub ob thaj teb ua ke; Ntshoo cuag zoov yuav tawg....Tom qab teb kub xyuam cuam lawm, La pem luag; Nplaim tawg ya siab tshaj ntsis ntoo zoov....Ob tawm saum ntsis ntoo, Kuv dhia mus nkaum tim; Tij laug qhua pov ntug teb ncauj ke....Rov mus tsev ntsia, Tim phab toj lub roob nruab nrab teb; Pom ib tug nab loj luaj nkaus li....Ib yav cav ob puag laug, Pem roob nqeg hav; Los mus cawm siav nram kwj ha....Hav dej vim tiv tsi taug nplaim tawg, Thiab pa ncho lawm; Cov hav kub nyiab....Los mus hauv kwj ha, Cawm siav dej "Tab sis" Thaum tug nab laug los txog hav tshuam, Tsi zoo li; Yav pem roob....Tsi muaj dab tsi daig khuam khaum kev, Tsuas muaj qho me ntsis; Tej cav lwj thaiv kev xwb....Thaum tug nab laug, Los txog nram hav tshuam; Los daig cov cav ntoo zoov ntov tshiab xyoo ntawd....Tug nab los daig tuag hauv lawm, Hmo ntawd; Kuv txiv wb los txog ntua tsev xwb....Ntuj dub nciab xob quaj dig dawg, Cua nplawm ntoo; Nplooj ntxhee yeeg....Los nasg xob nag cua nroo ntwg ib hmos, Kaj ntug plawg; Dej sab siv tsaws poog laub lug....Tseem yog caij ntuj qhua, Tau peb hnub tom qab; Kuv niam maiv....Wb mus saib teb cog dib, Wb mus txog tim ntug teb; Yawg tij laug....Qhua pov ntug teb, Cas ob lub kwj ha; Hav dej tu liab ploog to tog laub lug nqeg hav....Cov cav ntoo laug los sib ntsuav hauv kwj ha, Tshem tas nrho; To tog luaj li....Ib txoj kev tsheb:....Trucktor....Nrau tshiab tsi pom tug nab tuag, Hauv kwj ha lawm; Cov cav ntoo zoov laug....Los dag hauv tshem tas nrho, Loj luaj nkaug li; Txoj kev tsheb nrau tshiab to tog....Nqeg hav tshuam dej loj lawm, Tej cav ntoo zoov ntov laug; Daig kwj ha....Tshem tas nrho, Tseem heev tshaj tsheb:....Trucktor....Luag nqeg hav, Kwj ha to tog; Tshuav dej hav kav theej lawm....Ob lub kwj ha, Hav dej ntawd; Kuav to tog....Loj luaj nkaug li, Txoj kev tsheb rhawv tshiab ntas "Ntsia mas" Txaus ntshaj kawg nkaug li os.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  xiongchang on 10th August 2012, 7:28 am

    - Kev ua neej, Yuav tsum kawm paub txog "Neej - Dab" Thiaj nyob tau ua ke, Koom teb chaws; Yog paub tug kheej....Tsi hwm lwm tug, Nyob tsi tau ua ke nawb; Luag yuav nrhiav teeb meem....Rau yug ntas, Kom ntseeg li ntawd; Yug paub tug kheej....Tsi hwm poj niam, Poj niam yuav txias siab; Nrhiav tswv yim....Khiav nrauj yug ntas, Suav daws txhob xav tias; Yug yog txiv neej yawg....Ces siv fwj chim quab yuam caij tsuj poj niam, Yam tej tsiaj txhu nraum zoov; Peb tsoom txiv neej mas....Khav txiv "Neeg ruam - Tsab ntse" (Tab sis) "Yog tsi muaj poj niam - Tsi tsheej ib yig neeg" Kom to taub li ntawd, Ib lub roob; Muaj ib tug xeeb teb....Ib lub kwj ha, Muaj ib tug zaj kav saib xyuas; Ib lub roob zoo....Muaj ib tug ntoo loj tshaj siab dua tas nrho, Kuv txiv paj zeb qhia tseg tias "Mus plob yos hav zoov" Txob pw qaum ntoo, Nco ntsoov pw qab ntoos; Lub sij hawm noj hmo....Nco ntsoov hu laig, Tug tim tswv kav lub roob hav ntawd; Los noj haus pov puag....Yog thaum twg? Hnov suab phis ko kaim quaj taug hav, Tsi hu tug tim tswv noj haus ntas; Dhau ntawd....Phis nyuj vaim, Yuav los hem diaj caj hmab ceg ntoo; Tshuab cua daj nplawm....Cua dub ntaus, Cuag zoov nuj txeeg dob nkoj cag tas nrho; Kev yos plob hav zoov....Nco ntsoov hu tim tswv ntsuj teb chaws ntawd noj haus pov puag txhua zaug, Txawm muaj dab phem xws li "Phis nyuj vaim - Tsov nyaum" Los tsi ntshai, Ua ntej tshaj plawg; Nco ntsoov ua lub me nyuam txee zoo li "Fiv yeem - Los pauj yeem" Ib sab nreeg ntoo "Hais peb dia mov - Peb txhais nqaij - hu tug tim tswv - Kav lub roob - Saib lub hav - Noj txhua zaug" Tsi muaj dab tsov nyaum hem ib zaug, Txhob pw saum ntoo; Caij ntoo caj dab....Ib tsob ntoo, Muaj ib tug ntsuj kav tswj saib xyuas; Txhob lam ntsia ntoo....Tsi tsim txiaj, Kuv tuaj nyob xeev:....Michigan....Kaum xya xyoo ntau, Cov phooj ywg! Mus zov mos lwj tua, Ua lawj saum ntoo; Zov mos lwj tua....Poob ntoo lov tav, Lov npab dam ceg; Coob tug kawg nkaug....Yuav nrhiav noj nram dej, Yuav tau thov; Tug xeeb hav....Yuav tua tsiaj saum roob, Yuav tau hlav xyab ntawv; Thov tim tswv....Ntsuj teb chaws ntawd, Ib lub tsev; Muaj txiv tsev saib....Muaj niam tsev xyuas tub ntxhais, Ib tug dej ntwg; Txhom lam ntxhua zawv....Poj niam tej khaub ncaws, Paum los ntshav dej tshoob nqeg hav "Txhaum zaj" Zaj tsi zoo siab, Zaj ua tsog; Txoj qab taug lw....Tuaj ua poj niam "Hmo ntuj" Tej laug hais tias "Tsog tsuam" Ib lub zog, Muaj hau zog....Saib xyuas kav tswj pej xeem, Tej tsiaj qus nruab nrag; Muaj tim tswv kav saib xyuas...Ib yam li, Tej tsiaj nyeg; Txhob hla ciam....Txhob nam nrim, Txhob yuam cai ua ywj siab; Ib lub nkuaj kaw tib neeg....Yeej muaj tub ceev xwm saib nraim, Kev ua neej neeg; Peb pheej xam pom tug kheej muaj nqis....Tsim txiaj dua poj niam, Peb saib poj niam qis; Tsi rau nqis....Peb cov txiv neej, Pheej saib poj niam zoo li; Daim nyuas kas pev....Pua ko taw nram qhov rooj los av, Yaws cuam pov tseg "Yuav dua tshiab" Los pua dua, Siv fwj chim quab yuam nias; poj niam tas li....Ho liam tias "Poj niam phem" Tab sis tug siab phem, Lim hiam; Ntais ntuj....Txia ntshav tshaj plawg "Txawm yog txiv neej ntas" Xav tham tsawg tug "Los tau" Xav yuav tsawg leej "Los laib" Tab sis poj niam deev hluas nraug, Yuav txiv yau; Txiv neej khib tuag nthi....Siav pa yaj ntshig, Yuav tu tam sim; Npav ntaus ncaws....Siv riam phom tua pov tseg, Luj ntsia tej teeb meem no; Seb leej twg? Yog tug yuam cai, Nam nrim; Hla ciam "Txiv neej ntas" Hais raws li "Kev ncaj nceeg"....Human Right....Kev ua neej neeg.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  xiongchang on 10th August 2012, 8:56 am

    Kev ua neej neeg, Suav daws nco ntsoov; Luag tej laug....Piv ntuj nrag lug tias "Zes dev - dev tom - Zes miv - Miv khawb - Muab npua me nyuam - Npua dhuas - Npua ntsw - Ntes qaib me nyuam - Qaib ncaws - Ua txhaum dab - Siv xyab ntawv thov - Ua txhaum neej - Siv dej cawv nyiaj txiag - Thov leeg txim txhaum - Ua txhaum zaj - Ces zaj nphau - Ua txhaum dab - Dab yuav zeej thawj txoj sia - Ua txhaum poj niam - Poj niam khiav nrauj - Ua txhaum txiv - Ces txiv tham hluas nkauj - Yuav niam yau - Fiv neej - Tsi them - Tau txaj muag - Fiv dab tsi pauj - Tau kev ploj tuag - Txais luag khoom noj - Tshuav luag nqis - Txais luag nyiaj siv - Yuav tau them - Txiv neej poob cev qhev - Ua tub tes - Ua tub taw - Rau luag siv - Hluas nkauj poj niam - Tshuav luag nqis qau - Yuav tau muab paum them" Puas yog li ntawd nas, Ib tsoom phooj ywg! Nkauj muam hmoob, Hlub hmov tshua suav daw; Khaws cov lug no....Ua neej, Thiaj tsi raug kev txom nyem quaj ntsuag os mog.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  xiongchang on 13th March 2013, 8:16 pm

    ......Ha...ha... lg lg Txhua yam...Hmoob paub kawg..."Tab sis"...Tsi muaj leej twg?...Tham txog...Zaj nphau toj roob hauv hav li...Suav daws suab ntsiag tas...Yam muaj tseeb...Hmoob tsi tham txog...Ib qho hlo li...Hmoob nyiam tham kev dag ntau xwb...Zaj nphau toj roob hauv hav tu liab vog...Muaj peb yam xws li...Yam ib tib neeg...Ua txhaum zaj...Tua tau zaj lawm..."Zaj"...Thiaj nphau toj roob hauv hav...Yam ob...Yog npog teb chaws...Teb chaws yuav muaj tsov rog...Tsi ntev tom ntej...Zaj qus tom zaj nyeg...Tim tswv teb chaws...Yam peb piv txwv li tias...Nplog yuav ua ntswg tauv dej...River Me Kong...Ua hluav tawg xob...Zaj paub ua ntej lawm...Zaj tawm khiav...Yog tsi tawm khiav...Thaum luag txhim ntswg thiav dej nram qab lawm...Zaj khiav tsi dhau lawm...Vim luag xuas...Xov hluav tawg xob cab thaiv ntswg sab pem lawm...Khiav tsi dhau...Hluav tawg xob kub tuag...Zaj mus nruab deg...Yooj yim heev..."Tab sis"...Zaj tawm mus nruab nqhuab nyuaj kawg nkaug...Yuav tau txia ua tib neeg mus xwb...Hwj huam tsi txaus...Ntis tsi tau...Noob neej neeg pom...Yuav txaj muag.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  xiongchang on 13th March 2013, 8:46 pm

    ......Kev ua neej...Suav daws...Yeej cuab ntse txhua tug..."Tab sis"...tsawg tug kawg nkaug...Thiaj paub txog...Ib lub zog...Muaj ib tug coj hu tias..."Hau zog"...Ib lub nqaj roob laug...Muaj ib tug xeeb teb tswj...Ib lub kwj ha...Muaj ib tug zaj kav...Ib roob ntoo...Muaj ib tug siab tshaj plawg...Ib pab neeg...Muaj ib tug coj tswj kav...Saib xyuas ntshis...Ib txooj xyoob...Muaj ib tug loj dua...Kev yos hav zoov...Plob hav tsuag...Txhob pw qaum ntoo...Ntoo tsi pab...Yuav tsum pw qab ntoos...Hmo ntuj pw...Thov tug ntoo ntawd pab pov puag...Thaiv dab tsov...Poj ntxoog...Dab txeej dab qus...Kev plob hav zoov...Txhob ci nqaij...Txhob hlawv nas...Txhob ci ntsuag...kav theej...Tsam phis nyuj vaim hem...Tau ntshai poob plig...Tim tswv teb chaws loj tshaj...Phim nyuj vaim..."Tab sis"...Thaum ua hmo siav...yuav tau ua lub me nyuam txee npuab ib sab ntoo...Hu tim tswv teb chaws noj ua ntej...Yug mam noj...Tug tim tswv teb chaws...Yog dab tsi?...Yog phis koo kaim...Phis koo kaim...Txuj ci loj dua...Phis nyuj vaim...Kaum ob npaug...Phis nyuj vaim...Yeeg tau rau tug duab nqog...Phis koo kaim yeeg tau kaum ob tug duab nqog...Phis nyuj vaim...Phis nyuj vaim swb...Phis koo kaim...Thaum noj hmo...Nco ntsoov hu...Tim tswv teb chaws...Los phis koo kaim noj lawm...Ntuj teb ntsiag hmoo to...Tsi hnov suab sab quaj nroo...Cov lug no...Kuv txiv paj zeb piav tseg cia...Kuv khaws ua neej txog...Niaj hnub no...ntuj thaum ub...Peb nyob lub zog...Poom xub tshiab...Peb pab kwv tij...koom pog yawg yug...Ntseeg yes xus tas lawm...Tshuav txiv paj zeb...Ib yig...Lawv mus yos hav zoov thaum twg?...Phis nyuj vaim hem tas li...Lawv thov kuv txiv...Nrog lawv mus yos hav zoov...Plob hav tsuag...Tuaj tsiaj nruab nrag...Nqa xyab ntawv...Hlawv thov tim tswv ntsuj teb chaws..."Roob kuj yem - Hav kav theej"...Txhua zaug...Tsi muaj dab tsov hem...Tua tau tsiaj txhua yam...Pab neej tsa hmoob vaj...Los ntseeg yes xus tas lawm...Lawv thov kuv txiv nrog lawv mus xwb...Cov pub thawj nyob nram...Zog poom xub laug...Tuaj mus tu kav theej...Yos hav zoov...Los thov kuv txiv nrog mus...Nqa xyab ntawv hlawv...thov tim tswv teb chaws...Txhua lub zoov nnuj txeeg...Kuv zaj lug...Xaus li no.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  xiongchang on 14th March 2013, 1:06 am

    ......Piav txog...Zaj nphau...Zaj tauv dej nyab...Kuv pom ntau zaug lawm...Nroog looj ceeb kiag...July 10 - 17, 1967...Zaj tauv ib zaug dej nyab nram nyus thas...Nyab kiag saum txoj kev tsheb...Caj qaum roob...Zaj tiaj hmoob...Cov pag ntses...Nyab tas nrho...Vim hmoob ua qias neeg heev...Zaj tsi nyiam...Lub tiaj dej che...Qab looj ceeb sab tim...Zaj tauv dej nyab ob zaug...June 10 - 16, 1966...Nyab thawj zaug...Hmoob mus ua...Sas nas haib...Yug qaib npua xos liam qias neeg heev...Nyab hmoob nkuaj qaib...Nkuaj os...Nkuaj npuas...Nyab hmoob tsev tas...Hmoobkhiav yuav luas tsi dim zaum ntawd...Nyab hmo ntuj xwb ov?...September 17 - 25, 1975...Yawg tij laug xaiv tsu...Yawg tij laug ntsum xwm...Nyiaj npis lawv...Ua tsev ze...Ntawm qhov dej saus...Zaum ntawd txog tas hmo...Dej nyab txog ntua...Ib nta tsev...Lawv tawm khiav nce theem pem peb nyob...Yuav luas tsi tha...Yo qeeb zog...Lawv khiav tsi dim...Zaum ntawd nyab nruab hnub nrig...Dej nyab siab zug...Siab zug nto plawg...Lawv cov nqaj nthab...Lub tiaj teb...Tiaj tauj...Tiaj kab tsib pom ntsis nplooj ntab yeeg xwb...Lawv tau hlav xyab thov tas...Tsib hnub mam nqeg tas...Zaj tsi nyiam ua xos liam qias neeg ntsuav li nawb.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  xiongchang on 14th March 2013, 1:38 am

    ......Xyoo 1978...Peb poob ua cob fab...Kuv piav zaj no...Nej sim nrog xav...Seb puag saum ncov roob...Phou Bias...Ntsuas nram hiav txwv nto plawg saum ncov siab txog...28.989 feet...Cas dej ho txhawv taug ntwg tsiag...Loj luaj tug ciav dej tuam...Tawm hauv qhov zeb ntwg deb li...100 Feet...xaus lawm...Hmoob mus ua tsev nyob saum...Ua ib lub tsev kheej kiag...Yog ua tsev loj txaus ua...Kaum tsib lub...Building...Hos saum ncov kiag...Txaus ua ib lub...Building...Saum tiaj hau ncov roob...Phou Bias..."Tab sis"...Caiv zoo ov?...Poj niam coj khaub ncaws nkag tsi tau...Ce dej hauv qhov zeb li...Yog poj niam coj khaub ncaws nkag ce dej hauv qhov zeb dej tawm...Dej tu lawm...Yuav tau hlawv xyab ntawv thov ntev li...Tsib raus xuaj moos...Dej mam rov tawm ntwg si li qub...Kuv twb nce nto plawg...Puag saum ncov tiaj hau...Peb zaug lawm...Cua tuaj txias ziag nplawm ntwg...Kho siab zim...Yog leej twg?...Nce nto saum ncov...Tsi kho siab...Tsi seev...Tsi quaj kua muag ntwg...Tsi yog neeg muaj siab ntsws xav li os...Kuv nce nto peb zaug...Ib zaug twg...Kuv hais tas...Peb zaj kwv txhiaj mam nqeg rov qab nram taw zoov nuj txeeg...Ncua kev deb li...150 Meter...Puag ncig ncov tiaj hau...Muaj ib co ntoo ncau ceg sib qhaub cuag ntiv tes...Mus tsi txeem li..."Tawg paj liab ntsuab xiav daj dawb - Me nyuam noog tub qaub ya npoj ntwg - Ntsauv ntxais paj quaj zom zawg cuag tsi li os?

    Sponsored content

    Re: ZAJ NPHAU 2011 Kev Piam Sij Nyob Laos Lub Caij Ntuj Nag Xyoo No(2011) , KHAWB ZAJ 2003

    Post  Sponsored content Today at 6:46 am


      Current date/time is 11th December 2016, 6:46 am