google-site-verification: googlefbfddf59e706b96b.html

Latest topics

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Hmoob Ntawv & Hmoob Lus

    Share
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Hmoob Ntawv & Hmoob Lus

    Post  PIJPAUJ on 27th October 2011, 6:49 am

    Hmoob kuj muaj ntau hom ntawv, tsuas yog sawvdaws tsis thoojsiab koomtes los mus siv kom tsheej ib hom xwb. Cov npe ntawm tej hom ntawv thiab lawv cov qauv zoo li no:

    Ntawv Hmoob
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 27th October 2011, 2:35 pm



    Nyob zoo Pijpauj,

    Ua tsaug ntau uas nws coj txhua yam ntawv Hmoob tuaj qhia rau peb.
    Nws yog tus muaj txuj, nws nco ntsoov qhia tej yam uas nws mus pom rau peb saib thiab nawb.

    Zaum no kuv tsis tshua khoom lawm es nws khoom no ho tuaj pab zov tsev thiab os nawb tij laug Pijpauj.

    Ua tsaug ntau.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 27th October 2011, 7:07 pm

    Nyob zoo KoojZiagkabZaug,

    Kuv yuav tsis kam lees ua tus muaj txuj vim tej ntawd tsis yog kuv rhawv tawm. Kuv tsuas yog mus POM thiab MUAB tej uas luag twb rhawv tau lawm xwb. Kev pom thiab kev muab luag tug los rau sawvdaws saib ces peb txhua tus yeej ua tau sib txig sib luag, tsua yog ib txhia ho tsis muaj sijhawm npaum ib txhia xwb.

    Nej twb tsim tau lub vaj lub tsev rau nod lawm ces yeej yuav tuaj zov thiab tuaj xyua tsis kawg. Mus ncig ncig ntuj ncig ncig teb es ho pom tejyam tsimnyog no los mam coj tuaj rau peb sawvdaws saib.

    Pollard Script (Hmong)
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 31st October 2011, 7:37 am

    Nom Dawb Xyooj lawv cov ntawv Pajntaub:

    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 31st October 2011, 7:46 am

    Ntawv Phajhauj:

    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 31st October 2011, 4:23 pm



    Nyob zoo Pijpauj,

    Nws xav li cas txog cov ntawv Phaj Hauj no?
    Muaj tej tug neeg hais tias cov ntawv no yeej txawm muaj nyob pem Suav los lawm, yog ib cov Ntawv Sawv Rog, yog leej twg muab los siv ces sawv rog xwb no lawv tsev Hmoob Hawj uas ib txwm paub thiaj li tsis siv xwb no, ua li puas muaj tiag?


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 6th November 2011, 9:33 pm

    koojziagkabzaug wrote:

    Nyob zoo Pijpauj,

    Nws xav li cas txog cov ntawv Phaj Hauj no?
    Muaj tej tug neeg hais tias cov ntawv no yeej txawm muaj nyob pem Suav los lawm, yog ib cov Ntawv Sawv Rog, yog leej twg muab los siv ces sawv rog xwb no lawv tsev Hmoob Hawj uas ib txwm paub thiaj li tsis siv xwb no, ua li puas muaj tiag?

    Nyob zoo KoojZiagKabZaug,

    Kuv nyuamqhuav hnov tej lus no thawjzaug nod xwb ntshe yuav tsis tau muaj kev xav rau. Yog muaj tseeb li ntawd tiag, Paj Kaub Hawj & Zoov Zuag Hawj nkawd twb yog Hmoob Hawj es ua cas ho tseem siv siv Phaj Hauj siav tu nrho. Puas yog nkawd lomtxwm xav sawv rog losyog yeej raug tsim tsim txom es thiaj sawv rog?

    Hmoob keebkwm ntev ntev tom ub mas tsis paub meej, tiamsis txij muaj txivplig mus nrog Hmoob nyob los mas tsua paub hais tias Hmoob tsuas tau siv dua Pollard Script nyob Suav teb los sau Hmoob Lus lawm. Pollard Script twb muaj qauv nyob saumtoj saud rau peb saib.

    Nyob ntawm kuv tus kheej xav xwb, Hmoob yeej muaj ib tug cujpwm uas lam tau lam qi-muag txhais ub txhais no tsis tu ncua nyob hauv txhua txhua txheej txhua txhua tiam. Xws lis hais tias tsozis thaum muaj duabhnub tshwm mas nim yuav mob plabzag vim yog muaj menyuam zaj lawm; lossis hais tias yoj hluavtaws thaum xob laim laim mas yuav raug xob tua vim yog twv xob lawm. Yeej tsis muaj neeg muab ob qho xwmtxheej(incidents)khov mus khov los (ua experiment)kom paub tseeb tseeb hais tias qhov ib yeej xeeb tau qhov ob 100%. Tsuav yog Hmoob pom ib qho xwm zoo/tsis zoo tshwm lawm xwb, ces Hmoob yeej muab piv kiag rau tej xwm uas tshwm ib-puag-ncig hais tias thaum qhov xwm no tshwm es muaj dabtsi tshwmsim thomthawj thiab thoojtxhij ntawd thiab. Yog muaj ob qho xwmtxheej tshwmsim sib law pes liag ces Hmoob yeej LAM QIS MUAG NTI TXHAIS kiag hais tias QHOV IB YUAVTSUM YOG XEEB QHOV OB LAWM XWB XWB; therefore, QHOV OB YEEJ YUAV XEEB TAUS QHOV IB lawm thiab.

    Tsis tas li ntawd xwb, yog ib pab ib pawg neeg twg nyob nyob lam tau lam tsim kevtseeg (religion), ntaub ntawv (literature) lossis kev tsavxwm tebchaws(political ideology) ces yeej yuavtsum tubqaug pawg loj uas kav teb kav chaw xwb xwb. Thaum muaj kev tubqaug lawm ces yeej kawg muaj kev sib ntau sib tua. Sib ntau sib tua loj ces yog tsovrog lawm xwb.

    Ua ntej xyoo 1984 mas Hmoob tseem NYIAG (yog lawv paub ces raug kaw) kawm ntawm Suav xwb ho nyob rau yeej Vib Nais naj vim Thaib thiab Nplog tsis xav kheev kom Hmoob lub hlwb nthuav dav rau sab nraud. Lawv qhia li cas ces kom paub li ntawd xwb; lawv kom ua dabtsi ces tsua ua qhov ntawd xwb. Tej uas dhau qhov lawv kom tseg ces lawv kav tsis tau lawm es lawv thiaj tsis pub dhau hlo li. Tim tej zoo li no es Hmoob thiaj muaj tsis taus ntaub ntawv nrog luag siv. Yog Hmoob tsis lees siv tus NTAWV THOOB TEB(ntawv Las Tees) ces Hmoob yeej muaj tsis taus ntawv siv li vim Hmoob tsis muaj lub zog yuav kovyeej Hmoob tus yeebncuab(tej neeg uas tsis xav kom Hmoob muaj kev txawjntse) li. Yog Hmoob lees siv tus ntawv THOOB TEB ces Hmoob tus yeebncuab yuav ua tsis tau li cas rau Hmoob, vim tus ntawv ntawd yog tej tebchaws vammeej xws li England, America, lossis France tus. Yog lawv txwv Hmoob ces yog lawv txwv tebchaws vammeej; lawv tsim teebmeem rau ntawv THOOB TEB, ces yog yog lawv tsim teebmeem rau tebchaws vammeej. Tus ntawv THOOB TEB yog tebchaws vammeej lub fwjchim thiab tus loojloog roos Hmoob ntaubntawv.

    Kuv kev xav ces xaus li no.

    Keebkwm ntawv Phaj Hauj:




    Last edited by koojziagkabzaug on 7th November 2011, 1:39 pm; edited 4 times in total (Reason for editing : Proof Read)
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 6th November 2011, 10:23 pm

    Keebkwm ntawv Lauj Foom los ntawm Lis Txais:

    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 7th November 2011, 1:43 pm



    Nyob zoo PijPauj,

    Nws hais yog kawg li, Hmoob rtus cwj pwm mas txawv heev, yeej paub tsis tau li. Kuv tau ntsia Hmoob uas tshoob mas tsis muaj ib zaug yuav quas ib tug ntxhais yam tsis muaj plaub ntug los tsis muaj ib qgho tias ua yog kawg li no li. Tsuas hnov qhov uas luag tsis paub es luag ua txhaum qhov ub qho no tas li xwb. Hmoob rov tsim ntau hom ntawv, rov hais phem rau cov Ntawv Hmoob Thoob teb uas yog tssi muaj cov Ntawv Thoob teb li nws tau hais ces Hmoob kawg tsis muaj ntsej muag li xwb, vim yus tsis muaj ntawv ces yus tsis muaj meej mom.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 14th November 2011, 8:42 am

    Nyob zoo KZKZ,

    Vim yus tsis muaj ntaubntawv los tswj thiab tuav txoj kevcai kom ruaj nrees tseg es nyias thiaj ua raws nyias siab thiab nyias kev txawj xwb. Tus txawj kuj txawj dhau lawm, tus tsis txawj kuj ua tomtej rau tomqab thiab tu-ncab tu-ncua.

    Los txog rau tiam no peb twb muaj cov Ntawv Thoobteb lawm ces cia peb muab cov ntawv no los txhim kho peb lub neej seb tomntej no puas yuav hloov. Koj, kuv mus rau sawvdaws cov uas nyob rau tiam no yog cov yuav los txuas Hmoob neej lawm tomntej. Yog peb tsis ua dabtsi ces yeej tseem yuav muaj neeg pom ib yam li koj hais dhau los ntawd tsis tseg li.

    Nim no peb muaj fwvtsam lawm ces yeejmeem nqis-tes.

    Ntawv Thoobteb mas nyias muaj nyias vib-thi kawm. Rau kuv tus kheej mas vib-thi hauvqab no yoojyim dua.

    Niam ntawv Thoobteb (tus kav txha ntawv):

    C D F G H K L M N NC NK NP NQ NR NT NTS NTX NY

    P Q R S T TS TX V X XY Y Z


    Lus txheev niam ntawv kom nco yoojyim:

    Cov dej foos gaij haiv kiag los mus nias ncauj nkog, npuj nqaj nrov ntoog! Ntses ntxeev nyiaj poob qab rooj siav tus, tseg txoob vos xub xyuam yaj zias.

    Tsiaj ntawv Thoobteb:

    A AI AU AW E EE I IA O OO U UA W

    Lus txheev tsiaj ntawv kom nco yoojyim:

    pAb dAIs qAUg cAWv hEm nEEg tIm tIAj lOv ntOOs tU tUAb ntWs (pab dais qaug cawv hem neeg tim tiaj lov ntoo tu tuab ntws)
    muab cov niam ntawv tshem ces yog: ab ais aug awv em eeg Im iaj ov oo u uab ws

    Npe suab cim ntawv Thoobteb:

    B=cim siab
    S=cim mus
    M=cim niam
    V=cim kuv
    J=cim ntuj
    G=cim neeg
    D=cim tod

    Tus hom ntawv kom tso-pa ntawm qhovntswg(ib tug ntawv uas siv txuas ceg rau cov kav txha ntawv kom ncau tau):

    H
    Xws lis --> C muab hom ces ncau ua CH------CHOJ
    D muab hom ces ncau ua DH-------DHIA
    G(NG_Hmoob Suav tus) muab hom ces ncau ua GH------GHWJ (lam sau tau xwb tsis siv)
    M muab hom ces ncau ua HM------HMOOB
    ...NR muab hom ces ncau ua NRH-----NRHIAV
    ...NTX muab hom ces ncau ua NTXH----NTXHW

    Tus tsav nplaig kom nplawv ruv ncauj(ib tug ntawv uas siv txuas ceg rau cov kav txha ntawv kom ncau tau):

    L

    Xws li--> M muab nplawm nplaig ces yog ML-----MLUAV
    P muab nplawm nplaig ces yog PL-----PLAS
    NP muab nplawm nplaig ces yog NPL---NPLOS

    Kev xaus tus H thiab L kom muajquag yuavtsum mus raws ib txoj cai li no:

    Tus H yuavtsum nyob ua ntej tus L tas li, xws li PHL thiab NPHL vim hais tias kev ntxiv tus L rau ib lolus ntawm Hmoob Dawb ces kuj cia li rais ua Hmoob Lees xwb. e.g. Dab mus ua Dlaab, Ntog mus ua Nklog, lossis Laum mus ua dlaug, Dub mus ua dlub. Tsis yog Hmoob Lus xwb thiaj zoo li, tej mabsua los lawv yeej siv tus L tuaj tom qab tag nrho, xws li P+R ces pr-->profession, pretender...etc; P+L ces pl--->please, plate...etc. Nplog-->kasouang(department)--Thaib--->krasouang; Nplog--->pa(fish)--Thaib--->pla. Peb yuav pom tau hais tias kev ntxiv tus ntawv nplawm nplaig yeej yog muab tus L tuaj tomqab nkaus xwb. Qhov uas yuav tso-pa ntawm qhovntswg tas mam nplawm nplaig lossis nplawm nplaig tas mas tso-pa ntawd tsis tseemceeb, qhov tseemceeb yog tsuav muaj nyob ua ib nceeg kom totaub lolus xwb. Yog li ntawd, thiaj muab tus L tuaj tomqab tas nrho kom phim rau neeg ntiajteb thiab muaj fijxws rau kev sau ntawv.


    Last edited by PIJPAUJ on 14th November 2011, 9:33 am; edited 5 times in total (Reason for editing : revising)
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 14th November 2011, 10:08 am



    Wow...!Pijpauj aw...Cas nws yuav txawj muab cov Ntawv Thoob Teb no tso tau dhos ua luaj li...Ua tsaug nawb. Yam ua muaj qab muaj ko yeej muaj cho txawb chaw rau. Yam uas lam txua lam xev kom phim luag tej xwb mas yeej tsis muaj qab muaj quag. Nws muab cov Ntawv Hmoob Thoob Teb teem li nov mas cav muaj fij xws heev. Ua tsaug ntau, nws muaj laj lim, nws yeej meem tuaj kho rau ntxiv kom yooj yim nawb mog. Zoo siab kawg uas nws muaj tej lub tswv yim zoo tshaj qhov kuv xav txog lawm.

    Ua tsaug ntau.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 14th November 2011, 10:10 am

    Ntawv Thoobteb Tus Kav Txha & Cov Ceg Ncau (cov txoob)



    Last edited by PIJPAUJ on 16th November 2011, 8:08 am; edited 1 time in total (Reason for editing : hloov code)
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 14th November 2011, 11:56 pm

    Ntawv Hmoob Thoobteb yeej zoo thiab yoojyim heev lawm tsuas yog nws muaj ciam muaj npoo (muaj limitations) zog lawm xwb. Yog yuav kom tsis muaj ciam muaj npoo ces yuav tau tshais ib kaujruam lawm tomntej. Tshai ib kaujruam ntawm Ntawv Hmoob Thoobteb lawm tomntej ces txawm yog Ntawv Hmoob Thoobntuj. Yog vim licas thiaj hu ua Ntawv Hmoob Thoobntuj? Vim nws tsis yog sau tau Hmoob Lus li Ntawv Hmoob Thoobteb xwb, tiamsis nws yuav sau tau txhua haiv neeg thiab txhua lub suab hauv qabNTUJ.

    Tej zaum koj saib tag koj yuav chim, yuav npau, los yuav nyuaj siab hais tias ua cas pheej yuav tsim tus ntawv ub tus ntawv no ua luaj. Qhov no tsis yog tsim ntawv los yuam neeg kom siv, tsua yog muab tswvyim qhia Hmoob hais tias tshais ib kaujruam ntawm Ntawv Hmoob Thoobteb lawm tod ces tsis muaj npoo tsis muaj ciam hais txog kev siv ntaubntawv lawm xwb. Koj yuav lees thiab tsis lees los yuav tsis muaj neeg yuam. Yog Hmoob lees siv, kuj siv mus. Yog tsis lees siv, ntuj yeej tsis vau los tai ib zaug.


    Niam Ntawv Txia



    Ntawv txia



    Tsiaj ntawv txia
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 15th November 2011, 1:24 pm



    Hahahah...! Pijpauj, Kuv xav mas twb tsim tau cov ntawv Hmoob zoo lawm thiab peb cia li siv tij ywm mus xwb. Tej txuj ci Hmoob mas tsis muaj neeg sau tseg li, txawm siv ua cov ntse ntse, txawm siv mus tsim kho cov Ntawv Hmoob tas zaj tas zog..Tsi txawj tssi ntse, txhob ua ruam tsab ntse tsam ces poob kwj tse no ces yog zoo li cov Hmoob uas khav cuam es nws tej txuj ci tsis kav tsij sib pab khaws tsam tej laus dua tag ces yuav ploj mus. Tseem muab lub caij nyoob coj los laug tsim cov ntawv tshiab...Tsim mus tsim los ces rov tig mus ua zoo li thawj thawj cov ntawv tshwm sim los rau hauv ntiaj teb no. Rov mus sau cov cim lawm, tsis yog ntawv muaj grammatical li tej ntawv txheej tshiab no lawm...hahaha...Tsum thiab lauj Hmoob e!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 15th November 2011, 10:13 pm

    Yog vim li cas Hmoob thiaj ntshai ntawv tshiab thiab tsis kam kho ntawv qub?
    1. Tsis xav xyaum ntau ntau lwm (nkees kawm)
    2. Txhawj txhawj nyabtsam tsis muaj neeg siv cov qub lawm (tsis txawj cov qub yeej txawj tsis taus cov tshiab)
    3. Ntshai ntshai nyabtsam tsis muaj peev los theej cov qub rau cov tshiab(tsis tau muaj neeg kom yuavtsum muab tej qub theej tawm xwb xwb. Tiamno yeej tseem muaj neeg txawj nyeem Myan, Aztec, Hebrew, Latin, Sanskrit, etc... Yog ces tej qub nws nyob nws los yeej tau.)
    4. Txhawj tsam luag soj tsis tau yus qab taug tsis tau yus lw lawm(yuavtsum muaj neeg tuav rawv yus txoj khiab ntawv qhovtswg xwb mas thiaj ua tau neej).
    5. Txhawj tsam tubqaug cov neeg tsim.
    6. Ib leeg tsis xav kom lwm leej muaj tswvyim tshiab li. Koj muaj ces kuv yuav qaub kom koj qaug; kuv muaj ces koj yuav yuam kom kuv tsum xwb; tus tov muaj ces peb yuav txov kom nws ntog xwb mas thiaj zoo peb siab.
    7. ...tshuav dabtsi ntxiv





    Kev ntxiv tus H ces muab tis npe hu ua: Hom Lus



    Kev ua kom ib tug ntawv ruam ces hu ua: Qauj Lus


    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 15th November 2011, 11:26 pm



    Hahahah...!Pijpauj,

    Nws hais yeej yog kawg, tab sis muaj tej tug ntawv yam li lub qwj mas tssi yog tus ntawv, yog ib qhov cim xwb. Zoo li tsis vam meej hos rov thaub qab mus rau txheej cov pharaon thiab thaum tsim cov ntawv suav lawm. Dua li, kuv xav tias tus uas muaj siab thiab ntse ntse los tsim cov ntawv uas zoo heev no, yeej meem khaws Hmoob txuj kom ntau sau tseg ntag, tsis txhob tias khaws tau tsheej txhab tab sis cia tuaj pwm taws xwb. Thaum dua tag nws lawm ces yuav ploj mus nrog nws. Nws yuav tsum muab sau kom tau ua phau ntawv cia, Hmoob thiaj li yuav tsis ploj.
    Hmoob mas tsis nyiam txhim, nyiam rhuav xwb.
    Thiaj niaj hnub Sawv Vaj, Ua Saub tsis muaj caij kawg li.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 16th November 2011, 8:40 am

    koojziagkabzaug wrote:

    Hahahah...!Pijpauj,

    Nws hais yeej yog kawg, tab sis muaj tej tug ntawv yam li lub qwj mas tssi yog tus ntawv, yog ib qhov cim xwb. Zoo li tsis vam meej hos rov thaub qab mus rau txheej cov pharaon thiab thaum tsim cov ntawv suav lawm. Dua li, kuv xav tias tus uas muaj siab thiab ntse ntse los tsim cov ntawv uas zoo heev no, yeej meem khaws Hmoob txuj kom ntau sau tseg ntag, tsis txhob tias khaws tau tsheej txhab tab sis cia tuaj pwm taws xwb. Thaum dua tag nws lawm ces yuav ploj mus nrog nws. Nws yuav tsum muab sau kom tau ua phau ntawv cia, Hmoob thiaj li yuav tsis ploj.
    Hmoob mas tsis nyiam txhim, nyiam rhuav xwb.
    Thiaj niaj hnub Sawv Vaj, Ua Saub tsis muaj caij kawg li.

    Nyob zoo KoojZiagKabZaug,

    Hmoob txujci yeej yuav khaws vim yog Hmoob lawm. Hmoob cov ntawv yeej yuav siv vim kawm txawm lawm. Dua li ntawd lawm, kev khaus los yeej yuav kho kom ncaj, kev tsis tus los yeej yuav pheej kom tus rau.

    Tej zaum, yuav muaj ib txhia neeg xav hais tias cov niag neeg uas pheej tsim tsim thiab kho kho ntawv Hmoob ntawd yog vwm, yog ruam tsab ntse, yog muaj phlus, lossis yog ntshaw meejmom heev. Tabsis, qhov tseeb kuj tsis yog li ntawd. Yog yus yuav tau ib tug txijnkawm ntxim siab lawm ces yus yeej tsis ua hluas/deev hluas li lawm; yog yus tsis tau tus txijnkawm li siab xav ces yus yeej tsis qabsiab ua neej nrog nws mus ib simneej. Dhau li ntawd lawm, yus yeej tsis xav taug ib txoj kev uas nkaus nkaus thiaj muaj muaj pobzeb pobca. Yog muaj fwvtsam yus yeej yuav nrhiav kom tau tus txijnkawm ntximsiab. Yog muaj caijnyoog yus yeej yuav kho kom tej kev tiajtus thiab dulug.

    Tsis muaj neeg xav mus qhov zoo rau qhov phem li uas dej tsis xav ntws qhov qis rau qhov siab thiab. Tshwj tsis yog muab dej tauv ces dej yeej tsis ntws rovqab thiab ntws mus rau tej qhov chaw siab. Ib yam li ntawd, tshwj tsis yog neeg tau kev tw ces neeg yeej tsis lam yuav lees yuav luj neeg phem thiab nyuaj nyuaj li.

    Kuv xav xwb od, tus ntawv qwj ntawd yuav tsis sau nyuaj npaum Thaib thiab Nplog sau lawv ib txhia ntawv. Nyuaj kawg los tsua ib yam li Thaib thiab Nplog sau lawv tus D xwb. Dhau li ntawd lawm, nws kuj yog ib qho yoojyim rau neeg nco, thiab yog ib-feem-xyuam hauv Hmoob kev ua pajntaub.






    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 16th November 2011, 8:54 am



    Pijpauj,

    Kuv tsis hais tias nws vwm no naj...! Yog kuv pom cov ntawv uas coj los hloov zoo li ntawv Suav ib txhia, ib txhia zoo li cov ntawv txheej tshoj thaum ub uas lawv ua raws li tes piav los lub qhov ncauj ua zog thiab tseem muaj cov uas zoo li tej qhov duab xwb. Yog Hmoob siv cov ntawv nov mas yuav tsum tsim cov logiciel tshwj xeeb rau Hmoob cov PC. Mus qhov twg los yuav siv tsis yooj yim...Hahahah...Thaib thiab Nplog cov ntawv, lawv tsim tau muaj fij xws, tssi lam tau lam muab qwj los puv muab phab ntsa los txuam, lawv sau mus ib seem.

    Li cas los zoo siab uas nws tuaj tso nws lub niam tswv yim rau hauv nov. Kuj yog ib qho qheb sawv daws qhov muag mus rau qhov zoo thiab qho phem tib si.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 21st November 2011, 8:49 am

    Nyob zoo KoojZiagKabZaug,

    Kuj tsis tau ntau nqi hais tias xeeb tau lawm ces yuav kom Hmoob cia li siv. Tsua yog muab tswvyim qhia rau Hmoob hais tias yog xav tsim ntaubntawv heev no ces ua ib zaug tsim kom qoos qoos thiab duav tag nrho ntiajteb tibneeg li lus tibsi. Vim Hmoob tsis yog nyob rau ib lub tebchaws xwb, Hmoob thiaj yuavtsum tsim ntaubntawv kom duav txhua haivneeg thiaj yuav tsis muaj ntaubntawv Hmoob ntau ntau lospuas sib sib txawv. Cov ntawv Thoobntuj no yeej duav txhua haivneeg li lus.

    Tos li ho sau tej tug ntawv kom zoo li lolus hais, los vim xav kom yoojyim rau neeg kawm thiab cim xwb. Lwm hnub mam tuaj tham txog homphiaj kev siv ntaubntawv & nujnqis ntawm kev siv ntaubntawv.







    Suav tej ntaubntawv yeej yog qog tej khoom uas qhovmuag pom li yamntxwv peem tsheej ua, xws li hauv qab no:

    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 22nd November 2011, 1:43 pm



    Pijpauj,

    Nws cov ntawv tshiab no yeej zoo thiab tab sis muaj tej qhov mas tsis logique raws kev sau ntaub sau ntawv. Yam li muaj cov .. tej nyob nrog cov niam ntawv mas tsis yog lawm. Dua li ho txuam rau tej cim los yog tej tug li ntawv suav los yog tej carre los rectangle los sau ua ntawv mas tsis yog kev cai sau ntawv. Tab sis muaj tej qhov mas kuj zoo thiab.

    Ua tsaug rau nws lub sij hawm.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 26th November 2011, 5:42 am

    Nyob zoo KoojZiagKabZaug,

    Ua tsaug uas nws tseem pab khwvxim txog kuv lub sijhawm. Kuv yeej tsis tau siv sijhawm ntau los xav, kuv tsuas yog saib pom thaum muab cov Ntawv Thoobteb teeb tau txhij vog lawm xwb. Kuv pom hais tias Ntawv Thoobntuj yoojyim dua es thiaj muab tso rau sawvdaws saib xwb. Yog hais tias nws yoojyim thiab tsis ntau ntau ces nyaj ntev mus yuav muaj neeg siv.

    Kev sau ntawv kuj ib yam li kev ntoo phuam tej thiab xwb, kuv xav os. Tsis yog hais tias yus pom neeg muab ntoo lawm ces yus yuavtsum muab ntoo. Luag ntoo phuam hos yus vas phuam, sia phuam, khi phuam, lospuas muab phuam siv ua lwm yam yeej tau.

    Txawm hais tias kuv tsis yog neeg pom mus deb deb thiab paub mus tob tob los kuv kuj muaj kev ntseeg li cov uas pom thiab paub, xws li Neil Turok uas yog tus Director of Perimeter Institute for Theoretical Physics tau hais li no,



    "Just because at the moment your idea is not fashionable or agree upon. If you believe what you are doing is right, persist.
    There is a conventional wisdom in the field, and people are very slow to adopt new ideas and,franky, many people had built their careers on the status quo and they don't want a new idea coming along the rocking boat."
    Nyob rau zaj yeejyam What Happen Before the Big Bang? txij ntawm nas this 23:27 txog rau 24:40. Kuv ntseeg nkaus li nws txhua lolus es thiaj muab khaws los rau peb mloog.


    Nyob nyob es yus cia li yuav kom neeg hloov ib qho mus rau lwm qhov mas yeej tsis tau yoojyim li vim yuav muaj lub zog tawmtsam loj heev. Yus tsav tsheb ceev ceev es cia li lem lossis nre mas lub tsheb yeej kawg ntxeev. Twb swvtim yog peb tsis muaj tebchaws es nyias ua licas los thiaj tsis tshua tubqaug cov coob. Yog peb tseem nyob muaj teb muaj chaw thiab mas yeej kawg ua tsovrog thiab sib ntau sib tua tsis tseg.

    Ua ntej haiv neeg Suav yuav muaj ntaubntawv, xyov lawv sib tua tuag lawm pestsawg phaum. Raws hnov thiab nyeem los mas lawv sib tua sib tua los txog kiag rau Qin Shi Huang es nws mam pheej tau lub tebchaws kom siv tib hom ntawv.

    Keeb Kwm Ntawv Suav

    A major event in the history of Chinese script is the standardization of writing by the First Emperor of Qin who unified China in 221 BC. Before that time, each of the many states in China had their own style and peculiarities which meant that, although mutually comprehensible, the scripts had many deviations. The First Emperor introduced the Qin script as the official writing and from there on all the unified states had to use it in their affairs. The calligraphic style of this period is the "clerical script" or lishu which is easily readable today even to the uninitiated.

    Nyob nyob txog rau tiam Mao Tze Dong, lawv rov muaj dua kev hloov kev cai dab qhua uas yog hu ua: Chinese Culture Revolution

    Dhau ntawd los Suav thiaj muaj ntau tshaj ib hom ntaubntawv lawm.



    Zwj Pees los lawv yeej tsis yog neeg ib txwm muaj ntaubntawv. Lawv mam xeem qog Suav tomqab no xwb.

    http://www.omniglot.com/writing/japanese.htm


    Peb mas yog muaj hmoo kawg es thiaj tsis tau sau cov ntawv nyuaj nyuaj thiab cov cov li ib feem hauv cov ntawv Asia no:

    http://www.omniglot.com/countries/asia.htm


    Last edited by PIJPAUJ on 26th November 2011, 5:49 am; edited 1 time in total (Reason for editing : check spelling)
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 27th November 2011, 1:04 am



    Nyob zoo Pijpauj,

    Nws hais yog lawm, txhua yam uas yog neeg tsim, yuav tsum muaj pib pheev, kho thiab hloov mas thiaj li yuav zoo los siv.
    Cov Lus thiab Ntawv Fab Kis los yeej tau kho ntau zaud, vim thaum ub mas nyuaj heev, lawv twb tsis qhia nyeem ntawv Fab Kis ua ntej, tseem qhia nyeem Latin tag mam rov ntxeev los ua lus Fab Kis xwb. Lawv kho tag thiaj li siv yooj yim lawm.

    Nws mas txawj ua kom peb cov taub hau heev...Hahahah...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 26th December 2011, 11:30 pm

    Nyob zoo KZKZ,

    Tseg ntev tsis tau tuaj lawm. Hnub no rov tuaj txog nod dua. Nws nyob li cas lawm xwb?

    Thaum i kuv tau hais tias yuav tuaj tham mentsi txog NUJ NQI thiab HOMPHIAJ ntawm kev siv ntaubntawv no. Hnub no kuv yuav tham me me li qhov kuv xav.



    Kev uas ib tug tibneeg yuav ua ib yam dabtsi mas nws yeej muaj homphiaj mam ua. Tsis yog yuav lam tau lam phov es txawm muaj dabtsi tshwmsim tawm los.Yog li ntawd, kev tsim ntaub tsim ntawv thiab kev siv ntaub siv ntawv los yeej muaj homphiaj tib yam nkaus. Lub homphiaj tseemceeb dua ntais ntawm kev tsim ntaubntawv los siv ces yog tsim los sawvcev(sau, teev, theej) tej lus lospuas tej tswvyim uas tibneeg xuas qhovncauj hais ua suab tawm ntawm qhovncauj.

    Lub suab haislus tawm ntawm qhovncauj mas hais kiag tawm plaws xwb rov ploj ntsiag loo lawm, thiab tsuas muaj lub pobntseg thiaj txais tau tej suab lus ntawd nkag mus rau hauv lub cimxeeb(lub hlwb) xwb. Yog li ntawd,tus neeg mloog yuavtsum yog pobntseg hnov lus zoo zoo thiab lub siab nkiag nkiag mas thiaj khaws tau cov lus(cov tswvyim) uas tus hais tau tham tawm mus leg mus siv lawm tomntej.

    Txawm hais tias tus mloog yuav hnov lus zoo npaum licas thiab nwslub siab yuav nkiag pestsawg los nws yeej yuav khaws tsis tau txhua yam li tus hais tau tham tawm, vim tibneeg lub cimxeeb muaj npoo muaj ciam. Thaum uas tej lus(tej tswvyim) ntau ntau es dhau npoo dhau ciam lawm ces tibneeg lub cimxeeb cim tsis tas lawm. Dhau li ntawd mus, yog lub sijhawm ncua ntev ntev mus,tibneeg lub cimxeeb txawj novqab zujzus lawm li. Tsis tas li ntawd xwb, thaum tibneeg laus laus tuaj mus, muaj mob rau lub hlwb, lossis plojtuag lawm ces txhua yam uas tau muab khaws tseg rau hauv lub cimxeeb yeej ploj lawm du lug.

    Tib qho uas yuav tshem tau tibneeg lub cimxeeb tus npoo tus ciam tawm ces yog kev siv ntaubntawv los sawvcev tej suab haislus. Thaum tibneeg muab tau lub suab haislus hloov tau los ua ntaubntawv lawm, tibneeg yuav muaj peevxwm pom kiag tau lolus ntawm qhovmuag thiab kov kiag tau lolus ntawm ob txhais tes. Thawj qhov nuj nqis ntawm Kev pom tau lolus kiag ntawm qhovmuag yog kev siv lub qhovmuag los mus pab lub pobntseg zuag lus(tswvyim) mus ntxiv rau hauv lub cimxeeb. Tibneeg ob Lub Qhovmuag mas muaj peevxwm zuag tau tswvyim ntau tshaj ob lub pobntseg lawm ntau npaug vim qhovmuag siv kev kajnrig ua lub zog. Kev kajnrig yog yam uas ceev dua ntais hauv qabntuj. Nws tus ncua ceev yog 299,792,458 meters/second. Yog muab piv rau ib lub suab uas ceev tshaj plaws, ces nws tshaj lub suab lawm 873,521 npaug rau-qhov lub suab uas ceev tshaj plaws nyuamqhuav yog 343.2 meters/second xwb. Yog li ntawd, kev xuas qhovmuag txuaslus ntawm tibneeg thiaj yog yam kev txuaslus txuas tau sai tshaj plaws.

    Kev siv qhovmuag txuaslus ntawd nws tsis yog sai xwb, tiamsis nws kuj pab tau tej tibneeg lagntseg thiab qaujlus(cov ruam uas hais tsis tau lus) kom txuas tau lus nrog tej tibneeg tsis lagntseg thiab tsis qaujlus. Xwslis, kev sib txuaslus los ntawm kev siv ob txhais tes nrog-rau cov ntivtes los mus piav ua lus sib tham. Ncau ntawm kev piavtes dogdig li no mus ces yog kev siv ntaubntawv piavtes mus rau kev siv computer codes sib tham saum tej huabcua lossis ib lub ntuj mus rau lwm lub ntuj. Tej uas hais los no ces puavleej yog kev siv qhovmuag txuaslus nkaus nkaus xwb. kev siv qhovmuag txuaslus kuj yog yam kev txuaslus uas tham tau dav dua ntais.

    Dhau ntawm pobntseg thiab qhovmuag lawm, ntaubntawv kuj siv tau tibneeg txoj kev xuas/kov/phlws los sib tham tau tibyam. Xwsli kev siv cov ntawv ua-pob lossis cov ntawv digmuag uas yog siv cov ntivtes xuas. Kev siv cov ntawv xuas no nws kuj pab tau tej tibneeg lagntseg, digmuag, thiab qaujlus kom txuas tau lus nrog tej
    tibneeg zoo-log.

    Thaum uas tibneeg muab tau lub suab haislus txias tau mus ua ntaubntawv lawm, ces tej tswvyim uas tibneeg ibtxwm siv lus sib qhia yuav tsis txawj ploj li lawm yog tibneeg muab sau ua ntaub ua ntawv tseg. Tej tswvyim uas sau tseg ntawd, yog sau rau pobzeb sau rau pobtsua ces lawv yeej ciaj zeb ciaj tsuas nrog pobzeb pobtsua nyob mus ib txhis; yog sau rau tooj sau rau hlau ces lawv yeej khov ua tooj ciaj ua hlau mus ib simntuj. Txawm tej tswvyim ho tsis raug sau rau tej pobzeb pobtsua thiab tej tooj hlau los tsuav yog muab sau tseg lawm xw, ces tibneeg yeej khaws tau mus txog txhiab niaj tis vam xyoo li. Yog thaum ntaubntawv nyob tau ntev npaum no es ua cas tej haivneeg uas muaj ntaub muaj ntawv thiaj yuav tsis vammeej? Lawv nyob tau yam tsis txawj laus thiab tsis txawj tuag ces lawv thiaj zoo dua.

    Qhov uas lub suab haislus txias tau ua ntaubntawv ntawd tsis yog tuav tau lub tswvyim kom nyob ntev ntev xwb, tiamsis nws yuav ua rau lub tswvyim yoojyim rau kev muab nws ua-tib-zoo teeb kom muaj muaj quag. Yog tibneeg xuas qhovncauj qhuav qhuav hais xwb, ces hais hais rau tomntej yeej tsis nco tomqab tag lawm. Ho rov los pib tomqab los kuj tsis pom tomntej lawm. Tabsis, yog muab tswvyim sau rau hauv daim ntaub daim ntawv ces yeej yuav muaj peevxwm pom kiag hais tias tomqab thiab tomntej yog zoo licas mus licas. Tsis tas li ntawd xwb, tseem muaj-cuab-kav kho kom tau lub tswvyim mus mus los los li siab es tsis poob ib ntu twg li. Yog thaum ntaubntawv muaj lub peevxwm no es ua cas tej haivneeg uas muaj ntaub muaj ntawv thiaj yuav tsis txawjntse? Lawv thau tau kiag lub tswvyim los txhim los kho ntawm lawv ob txhais tes kom mus raws nkaus li lawv lub siab xav.

    Tsuav yog sawvdaws txawj ntaub txawj ntawv tib yam xwb ces yeej sib tham tau yam tsis muaj npoo tsis muaj ciam li lawm. Yog li ntawd, tus nuj nqis thiab lub homphiaj ntawm kev siv ntaubntawv ces yog nam kom dhau tus npoo tus ciam ntawm kev txuaslus. Xws li kev tham tau nrog tej tibneeg uas twb tuag ntev ntev lawm, kev txuas tau lus nrog tej tibneeg uas ntseg, digmuag, thiab qaujlus, kev sib tham tau yooj yooj yim ntawm ib sab ntuj rau lwm sab ntuj, lossis kev teeb tswvyim kom muaj quag. Ib haivneeg twg uas nws kovyeej nws tej npoo tej ciam es nws tsoo tau nws tej nkuaj tawg daws tau nws tej quab plam ces nws tsis xav vammeej los yeej yuav vammeej xwb xwb.


    Last edited by PIJPAUJ on 26th December 2011, 11:37 pm; edited 2 times in total (Reason for editing : align text in paragraph)
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 30th December 2011, 5:55 am

    Dej yeej muaj puv ntoob hauv lub ntiajteb no. Nws yeej ntws nto hauv tej kwj deg, ntas ntoov hauv tej tiaj nrag, teev yees hauv tej hiavtxwv, lossis ua nag xauv npo saum ntuj los. Yog peb tsis txawj muab, ces peb tsua muab phoovtes mus ce ib phoovtes los haus kom kum peb tus yees nqis xwb. Yog peb tsis txawj siv, ces peb tsua ce ib rag cia kom kav peb ib hnub xwb. Luag tej uas txawj muab, ces luag muab thoob, muab rhawv, lossis muab tojroob hauvpes tauv kiag kom tau dej ntau ntau txaus siv ib sim neej. Luag tej uas txawj siv, ces luag yuav siv zog dej los mus tsim liaj-ia tebchaws kom kav luag mus ib sim ntuj.

    Huab ncua yeej nplawm ntws hauv qabntuj no. Nws yeej tsis xaiv leejtwg ntsej tsis xyeej leejtwg muag li. Tsuav yog tsa lub ncauj nqus, qhib lub ntswg cug xwb, ces yeej nqus thiab cug tau tej huab cua kom mus puv cev nkaus.

    Kev txawj kev ntse yeej zoo tib yam dej thiab huab cua thiab ntag. Nws yeej muaj puv ntia hauv lub ncejntug no. Yog leejtwg txawj muab thiab txawj siv, ces nws yeej tsis xaiv ntsej tsis xyeej muag li. Nws yeej muaj peevxwm muab kom tau ntau npaum li nws yuav muab tau, thiab nws yeej muaj peevxwm yuav siv kom tau ntev npaum li qhov nws xav siv.
    Yog leejtwg xav muab dej lossis huab cua los khaw tseg kom tau siv, ces tus ntawd yuavtsum tau siv cuabyeej cuabtam mus muab; yog leejtwg xav muab kev txawj kev ntse khaws tseg kom tau cia, ces tus ntawd yuavtsum tau siv ntaubntawv mus ntim.

    Hais txog ntaubntawv ces tsua tham los xaus li no lawm xwb. Ntxiv qhov nod lawm tomntej ces yog tham txog lus lawm xwb, kom phim li lub ncaujlug tau kom tseg.
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 30th December 2011, 6:57 am

    Hmoob nyob xyaw Suav ntev ntev ces ib txhia Lus Hmoob yog muab ntawm Lus Suav los.

    Tab Kaum (耽擱)= Laug sijhawm; nkim sijhawm; laug lub caij nyoog ua rau qeeb lawm. Piv txwv, Vim kuv tseem txua hlua khib, es thiaj tab kaum ntev loos li no lawm os.
    Vaj Ntxwv (王子)= Noob nom noob huabtais; tub huabtais. Piv txwv, Vajntxwv Xauslausmoos yog tus huabtais ntse tshaj plaws.
    Huab Tais (皇帝)= Tus vaj; tus txoov tebchaws. Piv txwv, Thaib muaj cuab tug huabtais rau tus tamsim no.
    Pas (棒)= Tog qws; tog pas. Piv txwv, Muab tus pas nplawm tus nees es tus nees thiaj khiav ceev.

    Sponsored content

    Re: Hmoob Ntawv & Hmoob Lus

    Post  Sponsored content


      Current date/time is 20th August 2017, 6:38 pm