google-site-verification: googlefbfddf59e706b96b.html

Latest topics

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Hmoob Ntawv & Hmoob Lus

    Share
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 23rd January 2012, 11:56 pm



    Nyob zoo Pijpauj,

    Ua li os nawb, zaum no tsim muaj txhab lawm ces yuav sib pab sau Hmoob txuj ci tuaj teem cia, tsam ces lwm hnub ploj tag lawm. Kuv kuj khaws tau yam puav thiab tab sis kuv tsis muaj caij coj tuaj tso li.

    Pijpauj, yog nws paub zaj ua tsaug mov seev suab no kuv xav thov nws pab cov tuaj tso rau peb mloog thiab sau cov ntsiab lus tseg.

    Tijlaug Hmoob Ntuj Tshiab, yog nws tuaj pom qhov message nov no xav thov nws pab nrhiav zaj "ua tsaug mov seev suab" tuaj rau peb tau kawm puas tau?

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 6th February 2012, 4:59 pm

    koojziagkabzaug wrote:

    Nyob zoo Pijpauj,

    Ua li os nawb, zaum no tsim muaj txhab lawm ces yuav sib pab sau Hmoob txuj ci tuaj teem cia, tsam ces lwm hnub ploj tag lawm. Kuv kuj khaws tau yam puav thiab tab sis kuv tsis muaj caij coj tuaj tso li.

    Pijpauj, yog nws paub zaj ua tsaug mov seev suab no kuv xav thov nws pab cov tuaj tso rau peb mloog thiab sau cov ntsiab lus tseg.

    Tijlaug Hmoob Ntuj Tshiab, yog nws tuaj pom qhov message nov no xav thov nws pab nrhiav zaj "ua tsaug mov seev suab" tuaj rau peb tau kawm puas tau?

    Ua tsaug.
    Kuv tsis txawj thiab ho rhiav tsis tau tsum los rau peb hnub no. Yog lwm hnub mus pom qhovtwg no mam coj tuaj rau peb saib.

    ====================
    TSHAB = 1: Dhau dhuv, to ntshua, tshuam kiag ntawm ib sab rau lwm ib sab. {Nws tib phom rau tus ntoo tshab kiag.} 2: Hmooblees lolus TSHIAB.
    TSHAB HLO = 1: Tshuam kiag; tshwm plaws. 2: Kom tag tag meej meej(tus mejkoob kheev hais thaum kom nraugvauv thiab phijlaj pe niam tais yawm txiv.)
    TSHAB PLAWS = Dhau dhuv tom ub tom no.
    TSHAB TXHAIS = Muab ntos kom meej meej tseeb tseeb(Lus Hmoob Phajhauj uas sawvdaws lees siv lawm.)
    TSHAB XO = Nthuav xovxwm kom thoob plaws.
    PAJ TSHAB = Tej khoom muab pub ua kev zoo siab.
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 6th February 2012, 5:03 pm

    ====================
    TSHAM = 1: Ncig xyuas; yos (qog Suav lolus TSHUJ~AJ-N) 2: Chob ua ntwg. {Nws muab cov ntse chob tau ob tsham diam.}
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 6th February 2012, 5:05 pm

    ====================
    TSHAJ = 1: Qhia kom hnov txhua. 2a: Dhau. {Tus ntoo ntawd loj tshaj txhua tus.} 2b: Qhov seem. {Yog koj siv tsis tas muab qhov tshaj khaws cia.}
    TSHAJ LIJ = Ntse, tswvyim zoo, muaj tswvyim(Lus Hmoob Phajhauj uas sawvdaws lees siv lawm.)
    TSHAJ SAB = Tej tsho laus uas ntev ntev rau cov neeg puv 120 xyoo(qog Suav lolus TSHAV-NG SA-N)
    TSHAJ XO = Muab xomxwm qhia kom hnov txhua.
    THOOB TSHAJ = Ib hom mobnkeeg rau txivneej ob lub noob uas tsis muaj tus ciam kem nruabnrab.
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 6th February 2012, 5:10 pm

    ====================
    TSHAV = 1: Lub hnub li duab ci. 2: Tej tiaj nrag. {e.g. TSHAV nyuj, TSHAV zaub, TSHAV pob...} 3a: Txhuam yam siv zog ntsos. {Nws ua tsheb tshav lub kaumtsev zij kiag lawm.} 3b: Xuas hlau ua tib zoo kuam nroj tawm. {Hnub no tshav tshav ntuj ces kuv yuav mus tshav mentsi nroj tom teb.}
    TSHAV NTUJ = 1: Lub hnub li duab ci. 2: Muaj hnub li dua ci ntsa iab.
    TSHAV PUAM = 1: Tej thajtsam do-du. 2: Tej chaw ua dhau lub vaj lub tsev rau sab nraud. {Lub zos no muaj qaib nquas dhia nroo ntws ntawm tej tshav puam.} 3: Tej yam uas tsis tsi ntsee rau ib tug twg. {Peb lam tham lus tshav puam ua si xwb os.}
    TSHAV YAJ NTAWG NRAUS = Ib sob lus piv txog tej tshav tej nag uas yaj pes ntshis ntawm xubntiag rau sab nraud lawm; tej lus xaiv lus cua uas hais ntawm xubntiag es ho ncha mus rau sab nraud.
    TSO TSHAV = Tso phluav yam tsis muaj dabtsi tswj li.
    TSHWM TSHAV = Ib txoj kevcai thas tuag uas yuavtau muab tus qauv coj mus khuav tseg rau tshavpuav es tua tsiaj tag mam coj mus faus.
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 8th February 2012, 7:54 am



    Pijpauj, Nws cov lus hauv nov yeej txhais tau zoo kawg li. Tsis ua cas li os nawb, nws khoom li cas txhais li ntawd xwb. Twb yog nws muaj siab heev es thiaj ua tau ntau los lus. Yog peb maj mam txhais peb cov lus Hmoob kom thoob mas peb yuav txawj nrhiav cov lus tob me ntsis los hais.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 12th February 2012, 8:44 pm

    TSHAIB = Lub plab tsis muaj dabtsi lawm es nqhi nqhi.
    TSHAIB NQHIS = 1: Xav noj xav haus heev. 2: Tsis muaj noj tsis muaj haus.
    TSHAIB PLAB = 1: Lub plab tsis muaj dabtsi lawm es nqhi nqhi. 2: Tsis muaj qoobloo txaus noj thawm niaj thawm xyoo.
    SUAV TUAG TSHAIB = Tej Mab tej Suav lojleeb uas tsis muaj dabtsi noj.
    TUAG TSHAIB = 1: Tuag los ntawm kev tshaib kev nqhis. 2: Tshaib tshaib plab heev.
    TUAG TSHAIB NTUAS = Yoo yoo plab lau swb suv; tshaib tshaib plab qaug zog zi.
    YOO TSHAIB = Txhobtxwm tsis noj kom plab tsis txhob muaj dabtsi.
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 16th February 2012, 5:56 pm

    TSHAIS =1: Pluas hno thaum sawv-ntxov 2: Tshem chaw; hloov chaw; txav rau qhov tshiab. 3: Tsham; ntwg.
    TAV TSHAI = Luj caij uas neeg noj tshais zomzaws es kwvyees li ntawm 7 mus rau 8 moos sawvntxov.
    TAV TSHAI LAUS = Lub caij uas dhau caij noj tshais lawm es kwvyeev li ntawm 9 mus rau 10 moos sawvntxov.
    TSHAIS CHAW = Txav rau qhov chaw tshiab.
    TSHAIS RUAM = Muab kavceg tshem rho hlawv hlo kom txav taus muskev.
    UA TSHAIS = 1: Npaj pluas hno sawv-ntxov. 2: Muab noj ntxuag pluas tshais. 3: Muab tseg cia noj. {Tus qaib no caw tsis tau li siab xav ces muab nws ua tshais kiag xwb mas.} 4: Chob ua tej tsham; dai ua tej ntwg.


    Last edited by PIJPAUJ on 17th February 2012, 11:17 pm; edited 2 times in total
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 17th February 2012, 12:02 am







    Nyob zoo Pijpauj,

    Ua tsaug ntau rau nws cov ntsiab lus.
    Txhua hnub nws tuaj ntxiv ib los,
    Tsis ntev nws twb ua tau ib qho.
    Txhua hmo nws tuaj ntxiv ib zaj,
    Tsis ntau nws twb ua tau ib phab.

    Kuv thov nqa tes ua nws tsaug,
    Tswv Ntuj lub yeej koob yeej huam ntxoov nws taub hau.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 17th February 2012, 2:45 pm

    Nyob zoo KoojZiagKabZaug,

    Nws yog peb sawvdaws li feem xyuam uas yuavtau ceev tseg. Tseeb tiag mas peb yog cov nqa tes ua nws tsaug, ho.

    ===================
    TSHAUB = Hmooblees lolus RHAUB.
    ====================
    TSHAUM = Ib yam li lo TSHUM.
    ====================
    TSHAUV = Tej hmoov av dawb lias uas ntsim txhi hauv tej cubtawg.
    POS TSHAUV = Ib hom pos uas muaj yamntxwv txho dawb lias li hmoov tshauv.
    QHOV TSHAUV = 1: Tej plawv(qab) qhovcub uas muaj tshauv ntau. 2: Tej qhov uas cia hliv tshauv povtseg.
    TXHO TSHAUV = Dawb lias li hmoov tshauv.
    ====================
    TSHAU = 1: Muab tej yam uas muaj qhov sib luag zos lim ubno kom cov yoj qhov dhau rau lwm sab hos cov tsis yog qhov nyob rau lwm ib sab. 2: Xuas ceebcuam tho qhov.
    TSHAU TXUJ = Muab txujci lim kom tau cov paub thiab cov tsis paub nyias rau nyias.
    NTIAG TSHAU = Ib hom noog uas pheej nyiam raws dav lossis uablag.
    ====================
    TSHAUS = 1: Ib lub suab sis ntawm lolus TSHAU. 2: Vab tshaus.
    VAB TSHAUS = Tej vab tho qhov uas yog txhobtxwm tsim los tshau ubno.
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 6th March 2012, 12:06 am

    ====================
    TSHAWB = Phwb pes nuag ubno kom tawm rau nraud; muab tej yam thaiv thaiv ntis ntis thau, tshem, lossis txav kom pom yam xav pom.
    TSHAWB FAWB = Tshem tej yam ntis thiab thaiv kev es xawb kom tau yam xav tau.
    TSHAWB NRHIAV = Ib ke phwb ib ke xauj kom tau yam uas xav tau.
    ====================
    TSHAWJ = Tej tsev teev Vajtswv(qog English lolus CHURCH).
    ====================
    TSHAWV = Tsis mog muag.
    TSHAWV TXHEEJ = Tsis yog kev yog cai pestsawg.
    ====================
    TSHAWS = Cuag licas, nplawg ntias, pawg pes lug.
    ZEEG TSHAWS = Poob nplawg ntias.
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 11th March 2012, 10:25 pm

    ====================
    TSHEB = 1: Tej cuabyeej caij lossis cab uas muaj log es ntog taus mus(qog Suav lolus TSHAW). 2: Lug dua ib qho mus; tsis mus kom ncej nraim rau.
    ====================
    TSHEM = Muab txav tawm; muab hloov chaw.
    ====================
    TSHEV = 1: Cem, yws, ntuas hnyav hnyav (lus Hmooblees). 2: Ntawv txhiv nyiaj hauv txhab cia nyiaj (qog English lolus CHECK)
    ====================
    TSHE = 1: Suab kauv tsem. {Naghmo kuv hnov kauv tshe tshe pem teb.} 2: Ib lub suab sis ntawm lolus TSHEV. {Kuv nov ob tug sis tshe heev kawg le.}
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 13th March 2012, 8:02 pm

    ====================
    TSHEEB = Ib txhia Hmooblees lolus RHEEB.
    ====================
    TSHEEJ = 1: Hmoob ib lub xeem (qog Suav lolus CHWv-N) 2: Tiav hlo lawm; ua kiag tau li npaj siab. {Nws mus peem tsheej dab ces nws los tos nws tus hlub lawm.} 3. tsheej chim, tus neeg tsab xeeb, ua neeg zoo, coj zoo.
    ====================
    TSHEE = Co mos mos, ntsee nkaws.
    TSHEE NA = Ib ce co mos mos, nqaij tshee.
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 19th March 2012, 4:22 am

    ====================
    TSHIB = Txiav los dob ib co tseg ib co kom sib (tshib zaub); muab yim muab txiav kom tsawg.
    LUJ TSHIB = Lub pob uas quav tau kom cajnpab nkhaus ua ob tsem.
    ====================
    TSHIM = Txij ntawm lujtshib rau pem cov ntsis ntivtes.
    ====================
    TSHIJ = Tej lub qhov av uas khawb tob tob ncaj qha kom tau dej siv.
    QHOV TSHIJ = Tej lub qhov av uas khawb tob tob kom tau dej siv.
    ====================
    TSHIS = Ib tug tsiaj nyeg uas tus txiv tuaj ib tauv fwvtxwv hauv qab pobtsaig ho txwm kub nkhaus rov rau nraum cajqwb lawm; mes-es.
    LAUG TSHIS = Tus txiv mes-es.
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 21st March 2012, 5:07 am

    ====================
    TSHIAB = 1a: Nyuamqhuav tawm kiag ntawm qhovchaw Xeeb los es tsis tau tsuas dabtsi li. 1b: Rob pib dua. 2: Qhev; neeg txib neeg hu. {Huabtais qaumntuj tso nws ob tug tshiab tuaj tos Nuj Txeeg mus tshuab qeeb lawm qaumntuj.}
    TSHIAB KHIV = 1: Tus qauv tus lws tseem tsis tau yaj xam. {Cov hneev kauv no tseem tshiab khiv xwb.} 2: Zoo tau yam muaj sia zias. {Lub zos no mas neeg txhua tus ntsejmuag tshiab khiv.}
    NTUJ QHIB TSHIAB = Thawj thawj zaug uas lub ntuj rov pib losnag dua ntawm ib xyoo twg.
    NTUJ TSHIAB = Lub caij nplooj hlav uas txhua tsav yam tawg paj lossis ua menyuam ntsuag-qees.
    NYAB TSHIAB = Tus nkaujnyab uas nyuamqhuav pib ua neej.
    XYOO TSHAIB = Lub niaj lub xyoo uas rov pib dua.
    ====================
    TSHIAM = Txhobtxwm ua siab phem phem rau kom tsis tau zoo nyob; ua nyuj, ua tsias. {Niag menyuam ntawm mas tshiam leejniam kawg li.}
    ====================
    TSHIAV = 1: Muab txhuam mus txhuam los. {Muab txoj xov hlau los tshiav kom tus kub twm no tus seb.} 2: Khiav los mus txhuam. {Nws ua tsheb tshiav ntoo mluav kiag ib niag sab.}
    ====================
    TSHIA = Ncua nplawm nag es ntub ibcag mus. {Naghmo cua hlob hlob es nag tshia tshia rau peb cov taws ntub tag lawm os!}
    ====================
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 24th March 2012, 3:50 am

    ====================
    TSHOB = 1: Tej lub tais ce dej uas muaj tus ko tuav. {Muab lub tshob ce ib qho dej rau kuv haus.} 2: Xeebtxawm muaj tsis taus menyuam. {Tus maum npua no yog tshob lawm es thiaj tsis muaj menyuam li.} 3: Cem, yws, lossis ntuas hnyav tsawv. {Nws pheej mus haujlwm lig lig es tus thawj thiaj muab tshob ib cuam li ntawd.}
    NPUAB QAB TSHOB = Txhobtxwm yoog raw li tej dej uas los-lua ntawm tej qab tshob.
    ====================
    TSHOM = 1: Xuas tog tobhau phwb nyom phwb nyom kom haiv rau obcag lossis nphau. 2: Lomtxwm xeeb teebmeem rau kom nyob tsis taus es tawm khiav. {Lawv tsis nyiam nws ces lawv pheej tshom tas zog li es nws thiaj khiav lawm.}
    ====================
    TSHOJ = 1: Hwjchim ntuj lossis hwjchim dab yuam kom ua. {Dabneeb pheej los tshoj tshoj es nws thiaj yuav tau ua-neeb.} 2: Ib lub zimtxwv kav tebchaws(qog Suav lolus TSHAv~AUv)
    NTUJ TSHOJ THEEB TIM TSHOJ = Ntuj quab teb yuam (THEEB TIM yog lus Suav uas muaj lub ntsiab tias NTUJ TEB).
    TUAM TSHOJ = Lub zimtxwv kav tebchaws loj (TUAM yog lus Suav uas muaj lub ntsiab tias loj).
    TXHEEJ TSHOJ = Tiam uas yog lub zimtxwv.
    XOV TSHOJ = Lub zimtxwv kav tebchaws me lossis yau (XOV yog lus Suav uas muaj lub ntsiab tias me).
    ====================
    TSHOV = 1: Muab kib do kib do kom yuavluag siav (qog Suav lolus TSHAm~AUm). 2: Tsiaj Ua menyuam; tsiaj sib deev. {Lub caij moslwj tshov mas cov phaw sib nraus heev.} 3: Nrag qeej.
    TSHOV MAUM = Cov txiv tsiaj deev cov maum tsiaj.
    TSHOV QEEJ = Tshuab qeej thiab tawg qeej; dhia qeej; nrag txuj qeeg.
    ====================
    TSHO = Cov khaubncaws uas tsim los hnav txij ntawm lub duav rau pem cajdab.
    NTSEJ TSHO = Tshem ntaub uas quav ntawm tej cajdab tsho es muab xaus ua kaum ntse tsawv li tej pobntseg.
    NTIAG TSHO = Lub tsho li qhov uas hnav tuaj tom xubntiag.
    RIS TSHO = Khaubncaws.
    ====================
    TSHOS = Ib lub suab sis ntawm lo TSHO.
    DAB TSHOS = Daim pabntaub uas muab xaws dai vias raum xwbqwb ntawm tej tsho khaubncaws pojniam Hmoob.
    HNAB TSHOS = Tej qhov uas muab xaws ua hnab rau ntawm lub tsho.
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 15th May 2012, 11:09 pm

    TSHOOB = 1: Kev ua kevcai sib qaws ua txijnkawm. 2: Raug dej kuav; nrog dej ntab ntws (qog Suav lolus TSHOO).
    TSHOOB COJ = Txoj kevcai sib yuav uas yog tus tub mus coj tus ntxhais ntsiag-to los ua pojniam.
    TSHOOB HAWB = Tsuab-luab, phlom-moj, muaj phlus, dag ntsuav, phlob-leg, ras paus tsawv.
    TSHOOB KOS = Kevcais sib txis.
    TSHOOB NUG = Txoj kevcai sib yuav uas yog coj tus tub mus nug seb tus ntxhais puas yeem.
    TSHOOB NKAUJ FA = Txoj kevcai sib yuav rau tej pojniam uas khiav ua nkauj-fa xwb es tsis tau sib nrauj.
    TSHOOB NKAUJ THIM = Txoj kevcai sib yuav rau tej pojniam uas tus txiv muab tus niam xa rau qab.
    TSHOOB POJ NRAUJ = Txoj kevcai sib yuav rau tej pojniam uas sib nrauj lawm.
    TSHOOB POJ NTSUAM = Txoj kevcai sib yuav rau tej pojniam uas tus txiv tau tag sim neej lawm.
    TSHOOB PHWB = Txoj kevcai sib yuav uas yog coj tus tub mus hais kom tau tus ntxhais tom tus ntxhais niam thiaj txiv.
    TSHOOB TOG QWS = Ib yam li tshoob coj.
    TSHOOB ZAWJ = Ib yam li tshoob phwb.
    TSHOOB ZIJ = Txoj kevcai sib yuav uas yog tus tub mus nyiag tus ntxhais los ua pojniam.
    ------------------Tsis txhais cov suffixes lawm. Lwm hnub txog mam txhais.
    HAIS TSHOOB
    NOJ TSHOOB
    NQI TSHOOB
    PHWB TSHOOB
    UA TSHOOB
    ZAJ TSHOOB
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Hmoob Ntawv & Hmoob Lus

    Post  xiongchang on 16th May 2012, 7:53 am

    - Nyob zoo os, Phooj ywg! Pij paauj, Zoo siab kawg uas; Koj siv lub sij hawm muaj nuj "Nqis" Tuaj ttshab txhais, Ib co lug hmoob zoo kawg yog:....Dictionary....Hmoob os, Suav daws yog hmoob ntas; Tseem tsi paub lug hmoob zoo....Tsi paub lug hmoob txhij, Tsi paub lug hmoob ntxawg; Muaj ib txhia hnov luag hais lug....Tug tib neeg ntawd, Hais lug tais nplaig me ntsis; Ces sau li ntawd....Ntaus ntawv li ntawd, Cov tsi nkag siab zoo; Txhais tsi tawm....Cov nkag siab zoo li "Koj - Kuv" Txhais tau tawm mas, Rov ua koj tsaug; Ib zaug ntxiv os.
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 17th May 2012, 1:43 pm

    xiongchang wrote:- Nyob zoo os, Phooj ywg! Pij paauj, Zoo siab kawg uas; Koj siv lub sij hawm muaj nuj "Nqis" Tuaj ttshab txhais, Ib co lug hmoob zoo kawg yog:....Dictionary....Hmoob os, Suav daws yog hmoob ntas; Tseem tsi paub lug hmoob zoo....Tsi paub lug hmoob txhij, Tsi paub lug hmoob ntxawg; Muaj ib txhia hnov luag hais lug....Tug tib neeg ntawd, Hais lug tais nplaig me ntsis; Ces sau li ntawd....Ntaus ntawv li ntawd, Cov tsi nkag siab zoo; Txhais tsi tawm....Cov nkag siab zoo li "Koj - Kuv" Txhais tau tawm mas, Rov ua koj tsaug; Ib zaug ntxiv os.
    Tsis ua licas. Zoo siab tau ntsib koj hnub no.

    Tej no yog peb sawvdaws li haujlwm. Thaum ub peb tsis muaj ntaubntawv los theej lus hais. Tus hnov licas thiab xav hais licas los nyias thiaj hais nyias lawm. Ntev mus ntev tuaj ces nyias thiaj txia nyias mentsi lawm.

    Kuv lam muab sau li kuv hnov thiab totaub xwb. Yog qhovtwg ho tsis yog li neeg Hmoob feem coob nyiam hais, thov tsis txhob ua siab deb. Yeejmeem pab kho, pab txhim rau kom meej tuaj.
    >>>>>>>>>>>>>>>>>>>>
    TSHOOM = Pheej txav zujzus qhov qis zog mus rau qhov siab zog. {Tus dav ya tshoom siab siab rau puag saum nruab-ntug lawm.}
    TSHOOM TSHOOM = 1: Dhia ntsug uas ua rau tobhau tshwv plawv plaws. {Peb nchuav tshuaj tas rau hauv dej tsuas pom ntse tshoom tshoom xwb, tsis tuag li.}
    TSHOOM HAUV-NCOO = Txav rau pem hauvncoo.
    TSHOOM NTUJ = Mus siab zujzus rau nruabntug.
    ====================
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 17th May 2012, 1:47 pm

    =====================================
    TSHOOJ = 1: Ua txheej pes daws. {Koj muab cov ntawv no teeb ua 2-3 tshooj seb.} 2: Tej kwb kem ntawm kev tso yeebyaj (qog Thaib lolus TSHOOJ). {Tso tshooj 1 mas thiaj pom tsiaj zoo saib nawb.} 3: Muab sib khwb lossis sib tsuam. {Hnav lub tsho loj tshooj es thiaj tsis no no koj mog.} 4: Tej theem tej ntu ntawm zaj tshoob lossis zaj qeeg.
    TSHOOJ XAB = Ib tug nywj uas pheej tuag ntau leej ua ib txhij.
    --------------------
    LAUM KEV TSHOOJ
    KAB LIJ TSHOOJ
    SIB TSHOOJ
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 19th May 2012, 8:40 pm

    ====================
    TSHOOV = Yob kom ua ; ua nyuj-nyes rau lub siab kom muab leg kiag. {Tej zaum yog muaj dab tshoov es nws thiaj tsis nrog lawv mus.}
    ====================
    TSHUM = 1: Sibzog ntso taum nias taum nias. {Koj cev pas mus tshum ib lub txiv rau peb noj seb.} 2: Muab lij pes lias. {Cev ntiv tes mus tshum qa kom ntuav es thiaj tsis xeev xeev siab.} 3: Txhob txwm qhia kom raug plaub ntug. {Txob pub neeg paub hais tias koj muaj ntxim tsam neeg tshum ces koj raug kaw.}
    ====================
    TSHUV = 1: Lug lwm qhov mus lossis los. {Pem hauv zos muaj ib niag dev tom tom neeg ces peb thiaj tshuv rau puag nram qab zog lawm.} 2: Muab tej yam ntse ntse xws li hniav riam kiv tej npoo qhov kom du-dais.
    ====================
    TSHU = Hmoob ib lub npe laus. {i.e. Tshu Xwm, Tshu Teeb, Tshu Kim...}
    ====================
    TSHUS = Ob tug neeg txais plig uas sawv ntawm qhov rooj sab hauv tsev es txais koob hmoov los ntawm tej mej koob lossis txiv qeej xa plig.
    ====================
    TSHUAB = 1: Tej cuabyeej uas nws muaj lub zog thiab lub peevxwm los mus pab tib neeg leg num. {Muab koj lub tshuab ntxhua khaubncaws muag rau kuv.} 2: Tso pa hlob hlob kom muaj cua loj nplawm (qog Suav lolus TSHU~I). {Koj mus npw no ces tshuab teeb rau od.}
    ====================
    TSHUAM = 1: Tshwm kiag ua ib ke lawm. {Tus dej me ntws mus tshuam tus dej loj lawm.}
    -----------------------
    CUAM TSHUAM
    SIB TSHUAM


    Last edited by PIJPAUJ on 25th June 2012, 10:45 pm; edited 1 time in total (Reason for editing : Added TSHUS)
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 6th June 2012, 12:06 am



    Tij laug Pijpauj, tij laug Hmoob Ntujqubqab, tij laug Xyooj Tsab, tij laug Hmoob Ntuj Tshiab thiab tsoom phooj ywg uas tuaj txog nov,

    Kuv xav nrog nej sib khom lus me ntsis...Hahahah...! Vim tsis paub lus Hmoob zoo thiab tag.

    Yam li cov npe ntiv tes, lus Hmoob hu li cas rau li cas?

    Kuv tsuas paub:

    1-Ntib xoo
    2-...?
    3-Ntiv nta
    4-...?
    5-Ntiv rwg



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Hmoob Ntawv & Hmoob Lus

    Post  xiongchang on 6th June 2012, 12:05 pm

    - Kuv tham raws li, Kuv paub xwb; Tsi yog los ho ntxiv rau nawb....Tug ib ntiv xoo, Tug ob ntiv taw; Tug peb ntiv ntas....Tug plaub ntiv nkauj, Tug tsib ntiv rwg....ha....ha.... Laughing Laughing .
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Ntawv & Hmoob Lus

    Post  koojziagkabzaug on 6th June 2012, 1:59 pm



    Tij laug Xyooj Tsab,

    Ntshe yuav yog li nws hais lawm thiab, peb Hmoob yeej muaj npe tab sis yog peb pheej tsis siv ces cia li ploj lawm xwb.
    Ua tsaug ntau.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    PIJPAUJ
    Developer
    Developer

    Messages : 148
    Date d'inscription : 2010-12-25

    Re: Hmoob Ntawv & Hmoob Lus

    Post  PIJPAUJ on 25th June 2012, 10:43 pm

    ====================
    TSHUAJ = 1: Tej khoom uas kho tau mob ntsaj kom zoo. 2: Mus xauj mus saib kom paub xwm txheej.
    TSHUAJ NTXIM = Ib hom na tsuag me me.
    TSHUAJ NTSUAB = Hom tshuaj uas yog muab los ntawm tej nroj tsuag.
    TSHUAJ NTSUAM = Soj xyua
    TSHUAJ XWM = Mus ncig muab xovxwm.
    TSHUAJ XYUAS = Ncig kom paub kom pom hais tias zoo li cas rau li cas.
    ---------------------
    NOJ TSHUAJ
    QAUG TSHUAJ
    QUAV TSHUAJ
    TUA TSHUAJ
    TSO TSHUAJ
    TXHAJ TSHUAJ
    YEEB TSHUAJ
    XAV TSHUAJ
    ZOO TSHUAJ
    ====================
    TSHUAV = 1: Tseem tsis tau meej, tseem muaj 2: Tsis tau kawg. 3: Yuav txog tes tiag tiag; yuavluag. {Nag hmo kuv nyuaj siab heev mas tshuav quaj lawm xwb.}
    ====================
    TSHUA = Nco rawv tuaj nruab siab.
    TSHUA = Nco nco ua siab mas yuj plaws.
    --------------------
    HLUB TSHUA
    HMOV TSHUA
    TSIS TSHUA
    ====================
    TSHUAS = 1: Hmoob ib lub npe laus. {e.g. Tshuas Ntxaij, Tshuas Xab, Tshuas Kawm...} 2: Ib lub suab sis ntawm lo TSHUA. {Hais li ko tsis tshuas zoo mloog.}

    Sponsored content

    Re: Hmoob Ntawv & Hmoob Lus

    Post  Sponsored content


      Current date/time is 18th August 2017, 4:01 pm