google-site-verification: googlefbfddf59e706b96b.html

Latest topics

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Hlub Hmoob lub Tsev kwv huam

    Share
    avatar
    Hlub Hmoob
    Visitor
    Visitor

    Messages : 6
    Date d'inscription : 2011-10-26

    Hlub Hmoob lub Tsev kwv huam

    Post  Hlub Hmoob on 2nd November 2011, 11:57 am






    Lub ntiaj teb no tau Tshwm sim Muaj los ntawm Yawm Saub. Nws Tsim Muaj me kab, me noog, me nas, me kooj, me ntsaus, tsiaj loj, tsiaj me, los mus nrog rau tej qoob loo, nroj tsuag txhua nrho, mam li Tsim neeg los Mus Nyob kom puv.
    Txhua Yam Nws Tsim:_ muaj Yam Zoo Thiab yam Phem ua ke nyob nrog neeg...
    Yam Tseem Ceeb thiab Yam Nws Zoo Siab Tshaj Plaws Yog tib Neeg . Vim neeg Txoj Sia Yog Txoj uas nws hlub heev thiab Yam uas muaj nuj nqes nyob rau hauv Neeg lub Neej.
    Txawm yog Yawm Saub ua Tus Tsim Neeg thiab lub neej tag nrho los mus rau txhua yam Los Nws tseem Xav kom Neeg muaj txoj kev xaiv thiab.

    Yog Li, Nws thiaj hais rau Neeg tias:_”Kuv Yog Tus Tswv, Kuv Yog Lub Hauv Paus thiab yog lub ntsis, Kuv Hlub Noob Neej, Kuv thiaj Tsim Muaj. Txawm Yog Kuv yog Tus Tswv tsim tau Nej los, Kuv Yuav Cia Nej muaj Txoj Kev Xaiv

    Yawm Saub Hais li no, Vim Xav Sim Neeg seb Neeg puas paub Ua qhov Zoo rau Neeg Thiab puas paub Rov Hlub Txog Tus Tswv Uas Tsim Ntuj Tsim teb...

    Yawm Saub Hais Ntxiv Tias:_”Tus uas Xav Tau Zoo Txhob mus Ntshaw luag tug, txhob mus txeeb luag li, yam Zoo Cia Rau Yam Zoo, Yam Phem Cia Rau Yam Phem, Yam Phem Txhob Pauv Yam Zoo, thiab Yam Zoo Txhob pauv Rau Yam Phem, Tus xav tau Koob Hmoov Ua Neej Yuav Tsum Nco Ntsoov txog kuv, Thov Txog Kuv, Thiab Hu Kuv lub npe, Nco Ntsoov kuv lub npe qhia rau tej xeeb ntxwv kom txhua tug paub txog Kuv.
    Kuv uas yog tus Tswv, Leej Twg Hu kuv, thov kuv, kuv yuav pab, yuav teb, Thiab kuv yuav cia kuv lub hwj chim, txoj koob hmoov nyob nrog tus ntawv Kev Ua Neej...”


    Nyob rau lub ntuj uas Yawm Saub Tsim Tau no, Tsis muaj kev txob kev txhawj, thiab sawv daws nyob yam zoo siab hlo, kaj siab lug.
    Tab sis Yawm Saub pub ib lub sij hawm kom nyias nrhiav nyias kev ua neej li uas nyias ntshaw, nyias xaiv nyias hmoov los ua neeg ...

    2
    Muaj ntau tus lawv kuj thov Yawm Saub Foom pub Nws Txoj koob hmoov, muaj ntau tus lawv kuj maj maj cia li tsis thov, muaj ntau tus Lawv xav thov los tsis paub tias xyov yuav thov li cas, Muaj Ntau Tus cia li tsis quav ntsej...

    Yog li thiaj tshwm sim muaj tau ib tug ntxhais nyob rau zaj dab neeg no.

    Tus ntxhais nov Nws hu ua Maiv, Nws yog ib Tug ntxhais khwv noj khwv haus ua liaj ua teb, Nws Yog ib tug Ntxhais nquag. Nws tsev neeg los kuj coob thiab txawj sib hlub, tau Koob Hmoov Los ntawm Yawm Saub.
    Lawv ua liaj ua teb cog qoob loo. Muaj ib Xyoos qoob loo tsis zoo, caij sov los sov, cua los kuj muaj hlob. Txhua yam khwv tau tseg kuj thau los noj tag zuj zus lawm; kuj ua rau Nws txhawj thiab ntshai tsam tsis muaj noj. Nws thiaj li yuav tsum tau mus teb, mus de, los sis nqa yam tseem muaj nyob tom teb coj los cia rau hauv tsev.

    Muaj ib hnub Nws thiaj tuaj Yaum Nws Tus phooj ywg XIA nrog Nws mus.
    NWS hais rau XIA tias : « hnub no koj puas ua dab tsi ?_Yog tias KOJ tsis muaj dab tsi ua no nrog kuv WB mus teb os.
    XIA teb Maiv tias: “_Oh koj tuaj lod Maiv?...Mus teb Lod? Mus ua Dab tsi maj?_
    Maiv Teb Xia Tias:”_ twb yog, Xav mus de me ntsis zaub thiab nqa me ntsis khoom tim teb coj los cia hauv tsev tau noj, Vim ob hnub no cas zoo li huab cua txawv txawv tsis zoo li lawm”
    XIA teb Maiv tias:” Maiv aw!!! Tsis tas koj yuav txhawj ua luaj li ko os, cia siab rau Yawm Saub maj. Nws mam li ua tus Yug txoj sia maj! Cas ntu no koj yuav txawv ua luaj li!!! _Yuav mus los sis mus mas, tab sis koj tos Kuv qhia kuv niam tso Wb mam li mus.


    Thaum Mus txog tom teb,
    Maiv de tau ib kawm ib yam li XIA lawm thiab tab sis Tshuav lub taub tseem Tsis tau de, de tau tso mam li los tsev .
    Nws Tshem daim nplooj yuav de lub taub, cav muaj ob tug KABNPAUJ, Nws muab lub taub ua raug ib tug yuav luag tuag, tab sis tseem ciaj tau, hos ib tug tsis ua li cas. Tus KABNPAUJ uas NWS ua raug tseem lo rau ntawm lub taub, Nws tsis pom Vim Nws maj maj Thiab yuav tsaus ntuj.

    3
    Lub Sij hawm no, NPLOOJ thiaj tuaj xyuas XIA tom tsev.
    XIA Niam thiaj hais rau Nplooj Tias: “me tub Nplooj, Xia Tsis nyob hauv tsev lawm, Nws mus teb lawm os , tag kis no Maiv tuaj yaum Nws Nrog Maiv mus teb lawm.
    Nplooj teb tias: “_lod Phauj! Uatsaug os, uas koj tau qhia.”
    Xia Niam teb tias: “Los Tsev maj, nyaj ib chim nkawd yuav los txog lawm thiab os.”
    Nplooj teb tias: _” aws, kuv mus lawm os phauj, es ho tuaj xyuas peb thiab os”

    Nplooj thiaj li lawv qab mus tim teb. Thaum mus txog tom Kev Tshuam, Nws tsis paub tias xyov Xia Thiab Maiv mus daim teb twg li, ces Nws Cia li nyob ntawv ua si saib dej ntws mus ntws los, tos seb thaum twg Xia Thiab Maiv nkawd mam li los xwb, Vim nyob tsis deb ntawd, muaj ib tug dej me me.
    Nplooj Saib dej ntws mus ntws los, dej tshoob pas, tshoob ub tshoob no los mus.
    Dej ntshiab si, dawb paug thiab ntxhee yees los mus. NLOOJ saib saib pom ib lub NPUAS DEJ loj loj, zoo zoo nkauj, Nws thiaj li nqes xuas tes tib taum lub NPUAS DEJ tawg kiag thiaj tawm plaws ib tug NTSES zoo zoo nkauj, ci ci, muaj ntau-yam-xim, tawm los ua si nyob rau hauv dej...Nws thiaj xam ub xam no, nrhiav pas mus ntes tus ntses thiaj pom Xia Nkawd los txog pem kev tshuam. Xia Nkawd los kuj pom Nws thiab,
    Nws Thiaj tso tseg tsis ntes tus ntses thiab mus tos nkawd lawm.

    Xia hais rau Nplooj tias: _” koj tuaj dab tsi ntawm nov?
    Nplooj teb tias”_ Koj niam tias Neb tuaj mus teb lawm no es kuv tuaj tos Neb xwb, tab sis kuv tsis paub Neb mus daim teb twg thiaj nyob nov tos neb;
    Maiv teb tias”_ lod, ua tsaug nawb ! Cas koj tsis coj XUB Nrog Koj tuaj thiab?…
    Nplooj teb tias : tsis ua cas, tsis coj os Vim zoo li Hnub No XUB tseem mus thov Yawm Saub pem tuam tsev lawm, es Hnub no, Koj ho tsis Nrog Nws mus lod Maiv?

    Ces lawv Peb Leeg tham tham taug kev los tsev lawm.
    Hmo ntawd, XUB hnov tias Maiv mus teb, NWS thiaj tsis tuaj thov Saub li txhua zaus, Yog li Nws Thiaj li tuaj xyuas Maiv.
    4
    Thaum XUB tuaj txog. Xub Pom Cav Maiv ev Tau ib Kawm khoom, thiab pom lub taub.
    XUB thiaj Hais Rau Maiv tias:”_Maiv, tsis hnyav koj lod?_Cas koj yuav ris khoom ntau ua luaj li?
    Maiv teb Xub tias:” Hnyav me me thiab mav, Twb yog Xyoo no huab cua tsis zoo thiab, kuv ntshai tsam tsis tau noj, thiaj mus tom teb, ris npaum li ko los...

    XUB teb Maiv tias:” Lod? _ Mav Koj Tsis Nco Yawm Saub Cov Lus cog tseg rau peb lawm lod? Nws Tias kom txhob txhawj, Cia Siab Rau Nws no Nev thaum Peb Leej twg tau kev ti nav??
    Maiv teb XUB Tias:” _Xyov li, tos ncoo xwb ces tsis nco qab txog li lawm as!
    XUB hais Ntxiv tias:”_Cas tseem coj tau ib tug KABNPAUJ los nov thiab lauj ?
    Maiv teb XUB tias:”_ Lod ? es Nyob twg no?
    Xub Teb tias: “ es twb lo ntawm lub taub ne!!!
    Maiv teb tias: “ lod?_ muab los soj?


    Maiv thiaj li mus muab tus KABNPAUJ pov tseg, NWS Tseem muab ua paim lo XUB me me ua ib lub TIAS lawm.

    Ntawm NPLOOJ tus Kheej, Nws Tseem mus txhua hnub nram hav dej, Ncig ua si, saib dej, thiab mus saib tus ntses.
    Muaj ib hnub NPLOOJ Thiaj li mus Coj PHUAB (uas yog nws tus muam) Nrog NWS mus nram hav dej.
    PHUAB nqes mus rau hauv dej mus lawv tus ntses los rau NPLOOJ Xuas pas nuv.
    PHuAB txawm mus tsa POB ZEB nrhiav seb puas pom tus ntses, Nws tsa tsa pob zeb ces pom ROOB RIS tawm dawb vog nyob rau hauv qab pob zeb. Lub Sij hawm ntawv, NPLOOJ nuv tau tus ntses lawm.
    NWS Coj TUS Ntses los yug tau ntev loo, Nws pom tias tus ntses no zoo nkauj heev, Ces Nws ho Rov Qab muab tus ntses coj mus tso nram hav dej lawm thiab.

    Nyob Rau lub sij hawm Ntawd tos Maiv tsav txhawj ua luaj no, Vim tej teeb meem tshwm sim los raug rau txhua tus Huv tib si, Cov tsis nco Yawm Saub Tej lus cog tseg ces LEEJ TWG los Yeej ua yuam kev tag nrho.

    5
    Yawm Saub ua Txhua Yam Tshwm Sim li no, Yog Nws Xav Sim Neeg Lub Siab, seb Neeg Tawv Txog qhov twg, Thiab cia Siab Rau Yawm Saub Npaum li cas.

    (Zoo tib yam nkaus li Peb ua me nyuam niam me nyuam txiv, Peb yug tau lawv ib zaug diam, NTAU ZAUS peb xav kom lawv txhob ua li ub li no los lawv pheej ua...Peb thiaj yuav tau sim me nyuam siab, Vim XAV PAUB SEB LEEJ TWG THIAJ LI YUAV YOG TUS mloog LUS thiab ua raws li niam txiv qhia...)



    avatar
    Hlub Hmoob
    Visitor
    Visitor

    Messages : 6
    Date d'inscription : 2011-10-26

    Re: Hlub Hmoob lub Tsev kwv huam

    Post  Hlub Hmoob on 7th November 2011, 11:58 pm


    Lub Sij Hawm nyob rau tiam ntawv, Maiv thiab COV NEEG Feem Coob tsis nco Yawm Saub lub txiaj ntsig, thiab COV lus uas tau cog tseg hais tias:”
    _ Kuv yog tus Tswv Tus uas tsim lub ntiaj teb Thiab Lub Ntuj, hnub no thiab yav yuav tuaj tom ntej, Kuv yuav pub nej nyob yam kaj siab lug. Yog Muaj li cas Nco ntsoov txog kuv, thov txog kuv, hu txog kuv lub Npe, kuv yuav pab nej thiab teb Nej tej Lus Thov...Nej tsis txhob txhawj thiab Tsis Txhob ntshai. Tab sis, yog ib lub sij hawm KUV cia rau Nej XAIV Nej Txoj Kev los ua neej xwb, seb nej xaiv li cas...”

    Vim Neeg Txoj Kev Ua Yuam Kev, tsis paub ua qhov zoo, tsuas paub mus ua txhaum los sis qhov phem xwb.
    Neeg thiaj raug Txoj Kev Txom Nyem:” _Ua lub Neej quaj ntsuag, Ua lub Neej Tu Siab, Ua lub Neej tag Kev Cia Siab, Ua lub Neej twb muaj los tseem ntshaw luag, UA Lub Neej twb zoo los tsis txawj sib hlub, los Mus Rau Ntau Yam xws li, muaj muaj los ho ua pluag tau, pluag pluag los ho rov los muaj...”
    Txawm yog li no , los NEEG tseem tawm tsam YAWM SAUB coob zuj zus tias cas YAWM SAUB tsis pab li.

    Ntau Xyoo Dhau los Mus:


    Yawm Saub thiaj teb lawv TEJ LUS Rov rau lawv, thiab Yog Tsis TXAUS SIAB ces Yuav CIA yam LAWV ua ROV Tshwm los rau lawv LUB NEEJ.
    Sub LAWV lub neej thiaj ROV qhia TAU rau lawv PAUB.

    Yog Li, TXHUA TUG TAU TUAJ SAWV rau ntawm YAWM SAUB Txoj Kev Txiav TXIM, thiab nyias lees nyias lub txim, thiab hais Yam Nyias tsis zoo siab :_

    6
    AB (yog tus KABNPAUJ), NWS los HAIS Rau YAWM SAUB tias:”_Tus Tswv, Ntau xyoo twb dhau los lawm, Luag Coj Kuv Txwj Nkawm lawm, tsis pom NWS rov qab los Txog kuv li, kuv yuav ua cas?”

    Yawm Saub teb AB tias:”_Kuv paub mav, Puas yog tus hu ua TUBZOO, Kuv pom Nws los Mav, LUAG tso Nws los, Nws los Nrhiav tsis tau KOJ, Nws chim chim siab es kuv tau muab Nws tso los mus thawj thiab lawm, Nws Tias yog pom koj no ces kom koj nyob ntawm no tos Txog hnub NWS Rov los Txog… »
    AB Teb YAWM SAUB tias : « aws, ua li. KUV yuav tsis mus ua leej twg nyab, Kuv yuav nyob nov tos Txog Hnub Nws Rov los txog xwb os YAWM SAUB, Vim Kuv tseem HLUB NWS.

    Yawm saub teb AB tias : « _ ua li los tau, nyob ntawm koj ua tus txiav txim xwb… »
    NTAUYAMXIM (yog tus ntses) los hais rau Yawm Saub tias: “_Yawm Saub, koj puas pom kuv txwj kuv nkawm ?_Ntiaj teb tshiab li tshiab, dej ntxhee yees Ntshiab li Ntshiab,
    kuv nkaum HAUV lub npuas dej raws tus dej, thiab qhuas koj li lub hwj chim uas koj tsim ntiaj teb tau naj has, kuv rau Luag ntes, thiaj los txog nov… »


    YAWM SAUB teb NTAUYAMXIM tias: « _Ntawm koj txwj nkawm ces, NWS tsis tos koj lawm os mog. Nws Raug luag ntes, thiab mus ua Luag Tus TXIV lawm os nawb.
    Maiv hais Rau YAWM SAUB tias:“_ Yawm Saub, Ntawm kuv ne?_ kuv lub txim txhaum ho LOJ npaum li cas thiab?_Koj pab qhia kuv?
    YAWM SAUB tias Maiv Tias:“_Kuv tsis paub tias yuav loj npaum li cas.
    Maiv noog YAWM SAUB NTXIV tias:“ ntawm kuv lub txim ne, ho yog dab tsi tiag?

    YAWM SAUB teb Maiv tias:“ tsis muaj dab tsi thiab os mog, TXHOB Txhawj...TUBZOO hais tias NWS tsis muaj lub chaw nyob, Vim Nws TXWJ NKAUM plam ntawm NWS lawm, Koj yog tus LOS CUAM TSHUAM Ntawm NKAWV Txoj Kev Hlub, Nws thiaj tau plam NWS Tus Hlub mus lawm.
    7
    Maiv Teb Yawm Saub tias:“_Es Kuv twb Tsis tau nev,?_ TUBZOO, NWS yog leej twg no?
    Yawm Saub teb Maiv tias:”_ Yog tus KABNPAUJ naj?

    Maiv Teb Yawm Saub:” _oh lod?

    Maiv Noog Yawm Saub Ntxiv tias:” Yawm Saub, cas koj ho TSIM muaj tus kab npauj maj?_Kuv tsis txhob txwm os Yawm Saub, Cas KOJ ho Tsis pab kuv tshem TUS KABNPAUJ lub sij hawm ntawv?
    Yawm Saub Teb Maiv tias:” Maiv, Koj yeej tsis Txhob txwm os, THIAB tus kabNpauj twb tsis tau ua cas rau koj , kuv yuav ua cas pab tshem Tus KABNPAUJ...Kuv TSIM MUAJ Tus KABNPAUJ los nyob nrog neeg thiab tej TSIAJ TXHU, ua phooj ywg, nyob kom puv npo, THIAJ Li TAG KUV TXOJ KEV TSIM xwb.
    Maiv noog YAWM SAUB ntxiv:”_Es KUV ho YUAV RAUG Txim Li cas?
    Yawm SAUB teb Maiv tias:” Tsis Raug os mog, Kuv Yuav Tsis Rau Txim Rau Koj, Koj THEM RAU TUBZOO xwb. Ces Tag Lawm .
    Maiv teb Yawm Saub tias:”_lod?_Ua tsaug os Yawm Saub.
    Yawm Saub noog Maiv ntxiv tias:_ua cas koj thiaj ua raug tus KABNPAUJ?_ Thiab Cas koj Ho Mus teb hnub ntawd?_ Es XUB Twb tsis mus nev?
    Maiv teb YAWM SAUB tias:”_Twb Vim Yog Kuv maj maj, kuv thiaj tau ua raug TUS KABNPAUJ lawm... Tos kuv ho tau mus teb los, Vim Kuv ntshai tsam tsis muaj noj, kuv thiaj tau mus teb mus coj thiab nqa yam uas peb cog tau COJ cia rau hauv tsev.
    Yawm Saub teb Maiv tias:”_Nyob Kuv lub ntuj, Twb tsis muaj kev NTSHAI ?_thiab twb tsis muaj kev txob kev txhawj nev?, ua cas koj thiaj TXHAWJ thiaj NTSHAI?_Vim Koj tsis Tso SIAB RAU kuv xwb.!!!
    Yawm Saub Hais ntxiv tias:”_ lus tas li no, tsis muaj dab tsi ntxiv lawm hnub no tom ntej ua twb zoo saib xyuas.
    Maiv Teb Yawm Saub tias:”_aws, ua li os. THOV Txim os Yawm Saub

    Yawm Saub Tau PHUA tag nrho lawv COV Txim rau lawv, raws li nyias tau ua...

    Lub Neej Tau DHAU los mus, Rov Los Txog Ib Tiam:

    Lub neej ntawm Maiv, Xub, Xia, Nplooj thiab Phuab lawv thiaj dhau nrog lub caij nyoog lawm tiag.

    mam txuas ntxiv
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hlub Hmoob lub Tsev kwv huam

    Post  koojziagkabzaug on 1st December 2011, 9:11 am


    8
    Peb tib Neeg thiab tag txhua yam uas muaj sia, Yawm Saub yeej tsim tseg
    kom nyiag los muaj nyias tug, nyias txwj nyias nkawm thiaj li yuav los ua tau noob neej, nyob rau ntiaj teb thiab thiaj tsheej tau los ua ob niam txiv los ua ib yig neej.

    Vim Tib neeg txoj kev ntshaw, thiaj li mus tshawb tawm tau lub Txim TXHAUM tawm tuaj. Txoj kev txhaum thiaj li muab Peb pus ib ntus los mus rau ib ntus, ib tiam dhau los rau ib tiam, ua rau Peb Neeg yuam kev tas li xwb.

    Txoj Kev Txhaum tshwm sim los ntawm txoj kev NTSHAW, txoj kev TXHAWJ, thiab Txoj kev NTSHAI...

    Yog Li noob neej tau tawv ncauj, tsis mloog YAWM SAUB lus, tsis nco Yawm Saub lub txiaj ntsig, thiab tej lus cog tseg tias NYOB RAU NWS LUB NTUJ tsis muaj kev txob kev txhawj, tsis muaj kev txhawj kev ntshai, yuav tsum tau thov yog xav tau koob hmoov ntawm NWS.

    Tsis hais tiam tag los thiab tiam no, thaum PEB TAU kev ti.
    PEB thov Yawm Saub tias:”_ thov os Yawm Saub, thov pab os.
    THAUM peb tau zoo , peb hnov qab lawm...los sis PEB TSEEM xav tias yog PEB KHWV TAU, yog peb ua tau, los sis yog PEB LI XWB.

    YAWM Saub tau tu siab rau NOOB NEEJ thiaj tau TXAV deb ntawm NOOB NEEJ thiab Hais tau lo lus cog tseg tias:”_ Kuv Yog tus Tswv Tsim Ntuj Tsim teb, Tus xav tau Koob Hmoov Ua Neej Yuav Tsum Nco Ntsoov txog kuv, Thov Txog Kuv, Thiab Hu Kuv, Nco Ntsoov kuv lub npe qhia rau tej xeeb ntxwv kom txhua tug paub txog Kuv.
    Kuv uas yog tus Tswv, Leej Twg Hu kuv lub npe thov, kuv yuav pab, yuav teb, Thiab kuv yuav cia KUV lub hwj chim, txoj koob hmoov nyob nrog tus ntawv Kev Ua Neej...”

    YAWM SAUB tsis yog hais rau tiam tag los xwb tab sis NIAJ HNUB no, los mus rau lub neej yuav tuaj tom ntej no thiab.
    NWS TSEEM Hlub thiab Tseem Yuav PAB Noob Neej dua ib zaug ntxiv, kom dim ntawm TXOJ KEV TU SIAB xws li:”_ Txoj kev tu siab, Tau tus hlub tsis raws li xav, Neej teev kua muag, Ua neej tu siab, txoj kev txom nyem siab ntsws, Thiab Txoj kev quaj ntsuag hauv lub ntiaj teb no...

    9
    Lub neej TSIS TXAWJ TAG ib zaug.
    TXOJ SIA tsis txawj tu ib sim neej. Lub NOOB TXIV DUAJ Poob Rau Hauv Av Rov los ua LUB YUB thiab tsob ntoo TXIV DUAJ, nyias tshwm sim rov los ua tau nyias yam.
    Neeg yug ces rov los ua neeg, tsiaj yug rov los ua tsiaj,
    YAWM SAUB tsim tau YAWM SAUB pub ces rov los ua li NWS Xav xwb.





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hlub Hmoob lub Tsev kwv huam

    Post  koojziagkabzaug on 1st December 2011, 9:24 am







    Yog li LUB NEEJ TIAM OB thiaj TSHWM Sim muaj xws li Maivnyiaj.
    Nws tau tshwm sis los ua ib leej ntxhais MLOOG Niam MLOOG txiv LUS, ua ib tug ntxhais paub tab. Niam Txiv yug tau Nws muaj VIV NCAUS, thiab muaj neej nus.
    Maivnyiaj loj Hlob tuaj, muaj hnub nyoog li 14 los mus rau 17 xyoos xwb Nws cia li mus ua neej lawm nyob rau hauv Xeem Hmoob TSAB.
    LUB NEEJ Maivnyiaj mus ua no, Tejzaum kuj Yog Nws ua tus xaiv thiab.
    Txawm yog NWS ua TUS XAIV los NWS kuj mus ua neej ntsiag twb to los mus rau ntau xyoo nrog rau tus hlub ua ke.
    Nws kuj mus ua neej muaj tub muaj ki, LUB Neej kuj xws luag, tsis nco txob, nco txhawj nrog rau tus hlub.
    Maivnyiaj Tus HLUB, yuav tau Nws, los Yeej ua neej Hlub Maivnyiaj tag nrho xws li teb chaws thiab.

    Muaj Kev tu siab me ntsis tias CAS ob Leeg twb sib sau tau, Twb yeej NYIAM, twb hlub thiaj YUAV. Ob leeg khwv noj khws haus ua ke sib pab thiab muaj nrog rau txoj kev hlub LOJ los tau ntau xyoo.

    Cas YAM TXOJ KEV TAUG es taug taug tsis kawg.
    Yuav taug los txog ib nta xwb, Vim LI CAS tiag, THIAB Vim QHOV TWG , cas tib pliag ntshis yam li npau suav, Tus Neeg NWS Hlub CIA li ncaim MUS hlo TSIS Rov Los li lawm? ...Es cia li muab Maivnyiaj tso nyob nrog lub kua muag, tsis nrog Luag muaj txij muaj nkawm. Txij li thaum Tus hlub ncaim mus lawm, Maivnyiaj nim ua lub neej nyob tu siab nrho, Nws nim tos tos los tsis pom los, MUS rau qhov twg los tsis pom, HAUV Lub vaj lub tsev los txog los NWS tsis nyob. Tus Hlub Ncaim mus hlo, Lub Neej Nim txawv tag nrho,
    Yuav Noj ib pluag, los yuav nco ib zaug. Muab tej me nyuam los hlub, ua lub chaw nco. TXOJ Kev nco, txoj kev tu siab, los lub kua muag yam zoo li lub ntuj tsaus nti, Vim ploj Ntais tus Neeg uas NWS tau Hlub lawm.
    Tej Me nyuam puv tsev, nim tso tag nrho rau Maivnyiaj ib leeg ua tus Tu, thiab ua tus hlub xwb...Zoo Qhov txhob xav, Xav Txog thaum twg ces, Maivnyiaj Lub kua muag los rau thaum Ntawv...
    Txawm Yog Txoj kev ua neej twb tau tu siab loj npaum li no los, twb tsis muaj neeg paub txog qhov tseeb ntawm Nws Tus Kheej. Ntau zaus tejzaum tseem raug lub teb lub chaw hais tsis zoo, ntau zaus tseem raug luag thuam. Txawm yog Luag Tsis hais los yeej paub tau tias muaj li.
    Txawm Maivnyiaj lub kua muag tau los ntau zaus txog yam tsis muaj neeg paub, thiab txawm yog Nws lub ncauj hais tsis tau tawm rau leej twg los Nws tsis xav li cas, Nws ua tus neeg siab loj, Zoo yam lub mob es Nws mam li ua tus uv xwb es tau lawm.

    Maivnyiaj yim Xav Yim Tu Siab Rau Lub Neej ...
    Ntau Lub Sij hawm Dhau mus, Txawm Yog Tus neeg NWS hlub, thiab Tus Nws tshua los Nws yuav tau ua ib siab muab hnov qab mus.
    Tsimkub, Nws kuj tau Hlub, hmov thiab tshua txog nkawd OB Leeg kawg li thiab vim sawv daws nyob tsis deb tsis ze.
    Nrog rau tej txheeb ze, thiab ntau tus neeg uas Maivnyiaj Ntsib, los Lawv kuj txhawb NWS lub zog Vim yog txoj Kev ua neej lawm.
    Txawm Maivnyiaj tau ua Lub neej tu siab, mob siab, los lub kua muag mus rau ntau yam los, Nws Tseem cia siab rau ntawm txoj koob hmoov thiab rau ntawm Yawm Saub ua Tus hlub nws, tus pab Coj Nws txoj hauv kev.

    Vim Yog Muaj Yawm Saub ua tus Hlub, ua tus pab, tab ncuab Lub neej tag Nrho sub Maivnyiaj Lub neej thiaj li rov sawv taus ib ntus zuj zus tuaj lawm...

    NTAU LUB SIJ HAWM DHAU MUS:
    Muaj ib tug Tub txom txom nyem, Nws ua lub neej tu siab nrho, Nws kuj ua neej xws luag tab sis ib sim neej Nws tsis muaj lub ntsej lub muag luag, Vim muaj ntau ntau Yam kev tu siab ntawm Nws Tus kheej yam hais tsis tau tawm rau leej twg paub...
    Tus Tub nov NWS xav ua tus los qhuab los qhia Maivnyiaj, Thiab XAV ua tus los pab, los txhawb NWS lub dag zog. Nws lub npe hu Tsimkub.

    Lui seul saura redonner à Maivnyiaj la FORCE d’oublier le Passé, le goût et l’envie de REVIVRE et de se reconstruire Un AVENIR. Il s’appelle Tsimub, et quelques soient les obstacles, il restera toujours un Type FORMIDABLE .
    Maivnyiaj, Tus hlub tau tso Nws tseg. Maivnyiaj lub neej tom ntej ntawm txoj kev hlub ua rau Nws tsis cia siab rau ib leej Txiv neej twg ntxiv li lawm, vim txoj kev ua neej ib zaug ua rau NWS tag kev cia siab, Vim Tus Nws tau hlub hlub yav tag los, twb yeej ua rau Nws tsis muaj kev cia siab, twb ua rau Nws tu siab nyob rau hauv Nws lub neej lawm. Zoo qhov Maivnyiaj Txhob xav xwb, yog xav txog thaum twg ces Ntau zaus xav noj yeeb noj tshuaj, ntau zaus, xav dai caj dab, ntau zaus, xav dhia dej dhia tsua tuag. Vim lub neej tag los twb ua rau Nws tu tu siab hnov qab tsis tau.

    Txhua lub sijhawm Maivnyiaj xav txog ntawm Nws lub neej thiab ntawm txoj kev hlub yav tag los, ua rau nws tu tu siab (tias txawm muaj qhov zoo nrog rau tus hlub los twb muaj qhov phem thiab, tus tom ntej ntshe twb ho yuav zoo tsis npaum).

    Muaj ib hnub Tsimkub pom NWS taug kev, zoo li Nws txawv txawv.
    Yog li, los ntawm Maivnyiaj txoj kev mus mus los los :
    _Muaj ib hnub TsimKub thiab Maivnyiaj nkawv thiaj tau los sib ntsib ntawm lub hav paj.
    Tsimkub pom Maivnyiaj los ib tug ntsoos ntsoos tsis muaj lub suab luag li…
    Tsimkub Txawm noog NWS tias : _ Tus muam, nyob zoo os, cas zoo li kuv pom koj nyuab nyuab siab?
    Maivnyiaj teb rau Tsimkub tias : oh lod! Koj saib kuv zoo li lod ?
    Tsimkub teb tias : awm !!! kuv pom koj zoo li os, puas yog koj tsis xis nyob nab? Thiab cas zoo li koj ntsoos ntsoos?
    Maivnyiaj teb tias: non, tsis ua cas thiab as. Kuv yeej nyob zoo os.
    Tsimkub teb tias : lod , yog li ces zoo mas.
    Thiab Tsimkub txawm noog ntxiv tias: ua li, koj mus qhov twg los os ?
    Maivnyiaj teb tias : kuv lov, kuv mus ua hauj lwm los xwb,
    Tsimkub thiaj hais rau Maivnyiaj tias : yog li ntshe koj ua hauj sab koj ho,
    Maivnyiaj teb tias : xyov li thiab, ntshe yog kuv ua hauj lwm xuab moos ntau es sab kuv xwb. Nws teb ua lus fab kis tias : « _c’est que, je ne me sens pas très bien comme si dans mon assiette, depuis un bon moment, là je pense que c’est parce que j’ai trop travaillé en tuant des volailles dans mon entreprise.
    Tsimkuv teb Nws tias: lod, tej zaum

    QHOV TSEEB TIAG Kha TSIS QHIA,
    Tsimkub teb Maivnyiaj tias : _yog li no Mus txog tsev, ho mus so, Thiab koj lub npe hu li cas, thov paub thiab, puas qhia tau?
    Maivnyiaj teb Tsimkub tias : kuv lub npe hu ua Maivnyiaj, kuv yog xeem VAJ os…
    Tsimkub Teb tias : ua tsaug uas koj tau qhia paub, es koj puas yog tus nyob tim lub tsev tid ne?
    Maivnyiaj teb tias : Non, tsis yog os , kuv nyob tod os.
    Tsimkub teb tias : lod.
    Maivnyiaj thiaj ho nug Tsimkub tias : koj ne, koj ho nyob qhov twg tuaj thiab, cas zoo li thawj zaug kuv Ntsib Koj xwb?
    Tsimkub teb tias : Kuv nyob hauv lub zos no thiab mav...
    Maivnyiaj rov nug Tsimkub tias: _lod, es koj lub npe hu li cas Thiab?…
    Tsimkub thiaj teb tias : _kuv, kuv hu ua Tsimkub.

    Lub sij hawm ntawd Maivnyiaj tus nyab tab tom yoj yoj teg, hu hu nws thiab, ces ua rau nws hnov tsis zoo thiaj rov qab nug ntxiv, tab sis Tsimkub tsis kam qhia lawm…

    Tsimkub hais rau Maivnyiaj tias : _thaum twg yog kuv tau rov ntsib koj dua hauv lub hav paj no, mam li rov qhia rau koj dua.
    Maivnyiaj teb Tsimkub tias: ua li os, ua li cas los tau, yeej tsis xav licas vim koj twb qhia yog kuv tsis hnov xwb!
    Maivnyiaj teb ntxiv tias :_mam sib ntsib dua, vim kuv yuav tau mus, kuv tus nyab tos tos kuv lawm.
    Tsimkub teb Nws tias:”_ ua li os, es ho mus so thiab.

    Lub Sij hawm thaum Tsimkub Ntsib Maivnyiaj Ntawv, Tsimkub yeej pom Maivnyiaj txawv txawv, yam li uas Nws muaj kev Tu Siab los sis kev nyuaj siab.
    Txawm Yog Maivnyiaj Qhia Qhov Tsis TSEEB rau Tsimkub xwb los NWS yeej to taub, thiab paub tau tias yuav tsum tsis yog li qhia.

    Ces nkawd cia li ncaim, nyias mus nyias lawm…
    Yog li, Tom qab sib ncaim tag, Tsimkub xav tsis tag li tias tus ntxhais no, Nws nyuaj siab dab tsi tiag, Cas noog Nws, Nws tseem tsis qhia thiab…

    Thiab Ua Rau Tsimkub xav tsis tag tias Cas lub nyuag npe xwb yuav tsis qhia KIAG kom Maivnyiaj paub.

    Tsimkub thiaj li muab phau ntawv xov tooj los nrhiav, thiab hu xov tooj mus nrog Maivnyiaj tham. Thaum lub xov tooj nrov tom tsev, Maivnyiaj tus Ntxhais thiaj los teb lub xov tooj,
    Tsimkub hais : _Allo ! hauv no puas yog hauv Maivnyiaj tsev os? Maivnyia tus ntxhais thiaj teb tias : _yog os, Kuv yog Nws Tus Ntxhais os, es koj yog leej twg thiab, koj xav nrog kuv niam tham lod?
    Tsimkub hais rau Nws tias : awss, thov koj pab muab Koj niam los; kuv xav nrog Nws tham os.
    Maivnyiaj tus ntxhais teb tias : tau kawg, koj ua siab ntev tos…
    Ces Nws txawm tso lub xov tooj thiab yws yws tias cas yawm hmoob ntawd yuav tham xov tooj nrov ua luaj !!!
    Tsimkub kuj hnov nws yws yws thiab, vim lub xov tooj tsis khwb…

    Maivnyiaj thiaj mus txais lub xov tooj thiab teb tias : Allo, yog leej twg os?
    Tsimkub teb tias : _allo, kuv yog tus tau ntsib koj tom lub hav paj nav, Koj puas tseem nco tau thiab ? .
    Maivnyiaj kuj zoo siab thiab teb tias : _ab lod ! yog koj lod ? es koj twb tsis kam qhia npe rau kuv nev, koj ho hu tuaj rau kuv dab tsi thiab? Kuv xav tias ntshe yog leej twg no. Kuv twb yuav luag muab khwb los hos.

    Tsimkub teb tias : tsis yog kuv tsis kam qhia, kuv twb qhia lawm laiv, tab sis koj tsis hnov nev!
    Maivnyiaj thiaj hais tias : _yog, koj twb qhia tab sis vim yog kuv tsis hnov xwb, thov txim!!! yog li, puas kam rov qhia rau kuv maj?
    Tsimkub txawm teb tias : _txawm yog, txawm yog kuv hu tuaj qhia npe rau koj ntag!
    Maivnyiaj teb tias : _Hais naj? Dag ua luaj li os, tiag lov ?
    Tsimkub teb tias: _tiag los mav… Ntseeg kuv maj lod? _yeej hu xovtooj qhia npe xwb tias mas.

    Tsimkub thiaj li tau qhia rau Maivnyiaj txog Nws lub npe

    Maivnyiaj hais rau Tsimkub tias : _muaj tseeb tiag, koj yeej hu tuaj qhia npe rau kuv xwb tiag lod?
    Tsimkub teb tias : _hais tsis tiag los mas, yeej hu tuaj qhia npe rau Koj xwb los mas! yog tsis qhia ntshai tsam tau ris npe dag. Vim kuv tsis xav dag leej twg, thiab tsis xav kom luag tu siab tau rau kuv.
    Maivnyiaj thiaj teb tias: _lod, zoo kawg, cas txawj xav ua luaj, tsuav koj ho paub tau li ko thiab, ua tsaug nawb, koj tseem tau hu tuaj qhia koj lub npe rau kuv thiab…

    Tsimkub Thiab Maivnyiaj Nkawd tham tham xov tooj, ua rau Tsimkub cia li tsis xav khwb lub xov tooj vim Maivnyiaj tham tau lus tau zoo zoo thiab ntxim siab heev li, thiab Nws yog ib leeg ntxhais kheev tham, kheev luag, zoo li yog ntxhais paub tab, thiab txawj xav.

    Maivnyiaj nrog Tsimkub tham xovtooj tag. Thaum Khwb lub xovtooj lawm zoo li NWS Kuj muaj qhov luag tau me me lawm thiab, Vim los ntawm Tsimkub lolus txhawb lub zog.

    Tom qab qhia npe thiab ua ntej yuav khwb lub xovtooj.

    Tsimkub hais rau Maivnyiaj tias : VENDREDI yuav tuaj nov, koj puas rov tuaj ntawm lub hav paj lawm?

    Vim Los Ntawm Txoj Kev Tham LUS Ua Rau Maivnyiaj to taub txog Tsimkub, thiab Nws kuj xav paub Tsimkub me me tias Nws yog leej twg tiag.

    Maivnyiaj thiaj teb Tsimkub tias: kuv yeej ib txwm tuaj ntawm lub hav paj mab!, taug kev ua si ne, thiab kuv yeej ib txwm taug kev ib leeg li no os, koj tsis paub xwb!
    Tsimkub thiaj teb Nws tias : lod, yog li, kuv thov rov tuaj ntsib koj ntawv, ua tus taug kev nrog koj thiab, puas tau ?
    Maivnyiaj teb Tsimkub tias : nyob ntawm koj, ntshai tsam xiam koj sij hawm xwb!.

    VENDREDI tuaj Tsimkub thiaj mus tos Maivnyiaj Ntawm Lub Hav Paj raws li tau haistseg.
    Lub Sij hawm thaum txog tom lub hav paj, tsimkub saib cav pom Maivnyiaj zaum ntawm ib co rooj tos Nws. Tsimkub thiaj mus txog ntawm qhov chaw,
    Tsimkub thiaj hais rau Maivnyiaj tias: Koj twb tuaj lawm lov? Tos kuv ntev lawm pob?
    Maivnyiaj teb Tsimkub tias: kuv twb tuaj lawm os Tsimkub, Kuv nim qhuav txog nov xwb !
    Ces Tsimkub thiab Maivnyiaj nkawd txawm tham tham taug kev los rau tom Maivnyiaj lawv tsev lawm…

    Thaum yuav los txog
    Maivnyiaj hais rau Tsimkub tias: Peb lub tsev yog lub ntawd, (taw tes qhia kiag rau Tsimkub)
    Tsimkub teb Maivnyiaj tias: lod, yav tag kuv tsis paub koj, kuv twb dhau kev ntau zaus los twb paub tsis txog tias koj nyob nov....

    Tsimkub hais rau Maivnyiaj ntxiv tias: Maivnyiaj, Kuv muaj 2 lo lus xav qhia rau koj paub… lo1, xav PAUB, lo2 xav QHIA RAU KOJ.
    -Maivnyiaj nug ceev ceev tias: _lov? es yog dab tsi no? _Koj Xav PauB txog Dab Tsi? _thiab ho XAV Qhia Dab tsi?_qhia los soj!!! Kuv kuj xav xav hnov thiab xav paub thiab hov, tsis yog kuv tus ntxhais yws yws koj hauv lub foos, ua rau koj tsis zoo siab lod ?
    tsimkub Maivnyiaj teb tias: tsis yog os, txhob xav li ko maj, koj mas hais yam luag twb paub tsis txog li.

    Lub sij hawm no, Maivnyiaj niam kuj sawv tsis deb ntawd thiab, thiab pheej saib saib nkawd ces ua rau tsimkub txaj muag thiaj li tsis noog thiab tsis kam qhia ntxiv lawm.

    Tsimkub hais rau Maivnyiaj tias: _lwm hnub kuv mam li qhia rau koj vim koj niam twb tos tos koj lawm…
    Maivnyiaj hais rau Tsimkub tias: oh non! Tam sim no ho,
    Tsimkub teb Nws tias: tsam koj niam hnov txaj muag nav, lwm hnub tso, yom?
    Maivnyiaj hais Nws tias: _Promis laid Tsimkub, yog li.
    Tsimkub teb Maivnyiaj tias: _tau kawg, thiab yuav tsis dag koj li...
    Ces nkawd txawm sib ncaim lawm.

    Ib lub vas thiv tom qab, koom haum hmoob tau caw navloob tuaj hu nkauj ua kev lom zem rau lub xyoo xaus, Tsimkub thiaj tuaj yaum Maivnyiaj mus thiab…
    Thaum Nkawd mus ua si tag, Tsimkub thiaj coj Maivnyiaj rov los tsev .
    Thaum los txog Maivnyiaj lawv tsev, ua ntej thaum Maivnyiaj yuav tawm hauv Tsimkub lub luv fais, Maivnyiaj thiaj nco dheev txog 2 lo lus uas Tsimkub yuav HAIS rau Nws.

    Maivnyiaj thiaj nug Tsimkub tias: Tsimkub, hnub i koj hais tias koj muaj OB lo lus yuav hais rau kuv, no es yuav hais txog dab tsi os? –thov qhia puas tau, ua ntej thaum kuv yuav tau mus tsev?
    Tsimkub teb Nws tias : koj xav paub tiag lod?_twb lig lig lawm thiab ces cia kuv noog koj THAWJ THAWJ lo uas yog lo THIAB 1 tso, Yom ?
    Maivnyiaj teb Tsimkub: _aws, ua li mas

    Tsimkub thiaj li tau noog Maivnyiaj tias: mMaivnyiaj, koj sim ua twb zoo teb, qhia pub rau kuv seb, Cas zoo li kuv pom koj zoo siab tsis tag? Zoo li koj ntsoos ntsoos tas li xwb ?_ Vim li cas tiag, Kuv XAV paub thiab xav ua tus pab Koj, thiab Kuv puas yog tus KOJ CIA SIAB TAU?…

    Tsimkub noog Maivnyiaj tau zoo dhau lawm ces ua rau Maivnyiaj los lub kua muag, Nws Txawm Pheeb kiag Tsimkub lub xub ntiag…Tsimkub cev txhais tes mus so Nws Lub Kua Muag thiab Txawm muab Nws puag kiag rau ntawm Tsimkub lub HAUV siab.

    Tsimkub hais Rau NWS tias : txhob quaj maj,_ TXHOB Quaj os mog! _ Koj Quaj, Ua Rau Kuv xav tsis tag lawm ne, lod ?_Yog Thaum Tseem muaj kuv, Kuv yuav tsis pub KOJ QUAJ los lub kua muag li no nav ! _Kuv paub hais tias KOJ muaj Kev Tu Siab, kuv lub siab tsis kheev, kuv thiaj li tau noog koj, txhob xav li cas rau kuv.
    Tsimkub thiaj Noog Maivnyiaj: _ Qhia los seb, Kuv puas yuav pab tau.
    Maivnyiaj thiaj li qhia Tsimkub tias : _thov txim os Tsimkub, _ hnub i kuv tau qhia qhov tsis tseeb rau koj lawm.
    Tsimkub teb rau Maivnyiaj tias:_ lod ?_Tsis ua cas os, _Kuv paub mav.
    Maivnyiaj thiaj li tau qhia Tsimkub tias : _Vim Kuv muaj kev Tu siab loj, thiab kev nyuaj siab hauv kuv lub neej.

    Tsimkub teb Nws tias :_ Tu Siab txog Dab tsi?_Qhia los seb !

    Maivnyiaj Thiaj qhia rau Tsimkub tias:_Ob Peb lub Xyoos dhau los, Tus Neeg uas Hlub Kuv, NWS Cia li Ploj Ntais ntawm kuv mus lawm.
    Nws nim tseg TXOJ KEV Nco, KEV TSHUA thiab Kev Tu Siab, kev mob siab




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Hlub Hmoob lub Tsev kwv huam

    Post  Sponsored content


      Current date/time is 22nd February 2018, 11:25 pm