google-site-verification: googlefbfddf59e706b96b.html

Latest topics

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Tsev khaws kwv huam qub ua puav pheej rau lwm hnub

    Share
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Tsev khaws kwv huam qub ua puav pheej rau lwm hnub

    Post  koojziagkabzaug on 4th November 2011, 3:47 pm



    2008-12-25 22:33:49

    uacas xyoo tshiab tuaj lawm, tu siab tsis muaj tus hlub li kho siab ua luaj. sim hais ib txoj kwv txhiaj nej mloog saib..


    Nib yais.. es!!!!!! Niam leej ntxhasie es!! lub paj tshiab peb caug tawm plawv tshib li khiv zoo tam li lub me lwg dej ntshiab nyob saum daim nplooj qos tshov dov luj lam mus lawm deev txhua tus lub siab. xyoo no es tubliab txoj me hmoov los tsis txog, nrhiab ib xyoos 12 lub hlis tas li no los twb tsis pom ib tug zoo ntxim tubliab siab. Mus ncig tom lub me zos zoosiab los tsis muaj ib tug yuav deev tau tubliab siab, tawm los txog tom peb hmoob los tsis muaj ib tug zoo, los rau lub me zos toj siab los tsis pom ib tub ntxhais hmoob zoo tau raug tubliab luv me plawv. Ncig loj ncig leev rov los txog rau zos suab hmoob radio no los pom kuv kuv pog yws daws dom txog nws cov me tub txhoj pob es cas niam ua rau me tubliab kho kho lub siab tsis xav ua neeg kiag li os lawv es.. em..

    Niab tav no es.. tubliab mus ncig thoob ntuj los thoob teb, ncig txob txhua thaj chaw hauv myspace los tsis muaj tus ntxim hlub, ncig txog txhua lub teb chaws los tsis muaj ib tug zoo ua yus tus me tav es ncig mus ncig los es ho rov los txog rau hauv shr no xwb los kuv pog nws yws daws dom tias niag thaub thaub li lawm es tsis txhob mus yog yog cov me ntxhaos mos tim teb chaws los. Me tub liab daj deev tsis tau ces 12 lub hli dhau me tubliab kawg los ua hauj sam rau kuv pog twb xwb lau.. cas yuav chim laj xeeb xaus xis mus tsis txawj tuag es ntshe yuav los ua kuv pog luag nyob laus nkoos txog hnub tuag xwb os mog os mmmm


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tsev khaws kwv huam qub ua puav pheej rau lwm hnub

    Post  koojziagkabzaug on 4th November 2011, 3:48 pm



    6) 评论(6) 收藏 分享 圈子 管理
    [论坛] Kev mus tshoj ntsuam xyuas lub teb chaws nplog

    2008-12-25 22:13:53
    Mus tshoj ntsuam xyuas lub teb chaws los tsuas.

    Peb hmoob miv kas rov qab mus xyuas lub teb chaws nplog. Nyias muaj nyias txoj hau kev, thiab nws lub hom phiaj nws mus..
    Feem coob...kuv yeej hais tau tias yog mus nrhiav kev ua plees ua yig. Nrhiav kev lom zem rau nws tus kheej...

    Hnub kuv mus...tau ntsib 4 tug txiv neej hauv lub dav hlau peb mus ua ke.
    Muaj ib tug, ces yog tub hluas 24 xyoo, tus no yog mus yuav poj niam.
    Muaj peb tus txiv neej ces yog hnub nyug li ntawm 55-60 xyoo. Sib tham mas yog mus yos hlua nkauj mog tim nplog teb. Yuav kom kuv muaj kev lom zem nrog lawv ua ke, ces kuv yuav tau ua txoj li xav nrog lawv mus yos hluas nkauj, peb thiaj muaj kev sib tham sib raug zoo mus ua ke....

    Ntawm kuv tus kheej lub hom phiaj mus teb chaws los tsuas zaum no, yog xav mus tshoj ntsuam xyuas txog kev ua lag luam. Mus ntsuas xyuas seb nplog liab txoj cai puas muaj kev qhib dav fo rau neeg txawv teb chaws li kuv mus ua luam...

    Muaj txoj hmoov zoo, kuv kuj mus dawb mus huv. Tsis muaj hmab khuam tes, hlua khuam taw. Lub sij hawm kuv mus, teb chaws thaib tsis tau kub ntxhov. Kuv mus li 18 hours xwb ti nkaus nplog teb lawm. Qhov 18 hours ntev no los yog vim mus txuas dav hlau 2 tom thiaj mus txog. Thaum kuv rov los, los yeej tsis muaj teeb meem loj ua yuav ua rau kuv nyhav siab luaj twg. Qhov kuv theem tau 2 hnub tim thaib, los yeej vim yog kuv xav teem nyob, vim tsoom fwv thaib offer free 5 star hotel , thiab free zaub mov noj zoo heev.

    Kev mus tshoj ntsuas xyuas lub teb chaws los tsuas zaum no..
    Kuv tau pom, thiab paub ntau yam, uas kuv kaw tsis tau kuv lub qhov ncauj, yuav tsum tau muab hais tawm pub rau nij cov ua kuv phooj ywg mloog...

    Lub xyoo no,,tau hnov coob tus neeg qhuas tias lub teb chaws nplog vam meej lawm hov ntau. Tab sis ntawm kuv tus kheej, tseem pom tau tias lub teb chaws nplog tseem poob kev vam meej mus lawm deb kawg kiag. Yog yuav hais txog peb haiv hmoob nyob nplog teb zoo yam nkaus li... tsis yog txhais kauj ruam mus zuj zus lawm tom ntej, tab sis thaub qab zuj zus mus rau txoj kev txom nyem.

    Hmoob nyob nplog teb tsis yog tsawg tsawg. Kuv mus txog tej lub zos mas hmoob populations ntawm lub zos ntawd yeej yog 75 feem pua. Tab sis kev lag luam yeej tsis nrog luag muaj. 99 % tsis muaj lub zeem muag (vision) pom txog yav pem suab. Lawv lub neej tseem yog lub neej thaum xyoo 70's, kev khwv noj khwv haus tsuas yog khwv kom txaus noj ib xyoo dhau xyoo. Kev nrog luag sib huas kev txawj kev ntse, tsis kam nrog sib xeem huas lag luam kom nrog luag muaj. Yog tus muaj mi ntsis los kws kws ntswg, nias qhi txhua txoj kev tsis pub lwm tus nrog nws muaj.
    Peb hmoob nplog teb twb tsis yog tsis vam meej ntawm ntiag xwb. Lub siab ntsws los yeej tsis vam meej ib yam.

    Tej tub ntxhais..tau nrog tus twg tham los lawv yeej tsis muaj lub neej tom ntej (future) sov siab kiag li. Kawm ntawv zoo npaum twg, kawm ntawv siab npaum tawg tawm los, los yeej tsis muaj txoj kam zoo rau ua. Yog hais tias tsis muaj caj muaj ceg. Muaj coob tus kuv tau nrog tham ua lawv yeej yog cov top students, thiab tseem tau tsoom fwv nplog schollarship mus kawm tiav suav teb, nyab laj teb los los yeej tsis tau txoj hauj lwm zoo ua. Lawv lub nyiaj hli, twb tsis pauv ib tug mi nyuam hmoob tsav lub TU TU thauj neeg mus rau ub rau no. Qhov no ua rau cov tub ntxhais hluas hmoob tag siab rau txoj kev kawm ntawv. Tag siab rau kev nrog luag xeem txawj xeem ntse.

    Ua li lawv qhov kev npau suav (dream) yog dab tsi...?
    Kuv tau nug 20 leej tub, 20 leej ntxhais.
    99% ntawm cov tub twb tsis paub yuav teb tau dab tsi (blank) tsaus ntuj nti.
    100% ntawm cov ntxhais ntawm cov ntxhais, txoj kev npau suav ces yog ntshaw kom muaj tus ( prince caij tus nees dawb) neeg zoo tim miv kas no los yuav lawv, coj lawv mus miv kas teb. Txoj kev npau suav no, thiaj ua rau lawv qaug rau hmoob miv kas tag. Txawm yog tus hmoob miv kas laus los xij thiaj pheej mus dag tau lawv lub siab. Txoj kev qaug rau kev npau suav, ua rau lawv tau txo lawv qhov nuj nqis ntawm ib tug nkauj hmoob. Cov laus, cov hluas txiv neej hmoob nyob tim nplog, los lub siab tsis nthuav, thiab tsis qhib. Lam tau lam muab tej ntxhais, tej nkauj muam cem ua cov niag niam ntiav tag tus. Ib yam li kuv tus tau nrog 20 tus ntxhais hmoob sib tham qho mi ntsis. Cov pom ces, lawv yeej hais tias kuv muab lawv deev txhua tus tag lawm.
    Ho yuav muab xav li cas los yeej yog tag....Vim cov ntxhais lawv yeej acting zoo mus li ntawv thiab. Muaj coob tus ntxhais zoo nkauj los hais rau kuv tias:
    TIJ LAUG KOJ SO RAU LUB MOTEL TWG? ROOM NUMBER DAB TSI? KOJ PUAS KAM KUV TUAJ NROG KOJ NYOB SIB THAM?
    Yog yuav muab xav rau ki zoo ces tsis luaj twg.
    Yog muab xav rau ki phem ces, twb ua rau kuv pob qav kaws (goose bumb) sawv zom zaws. Tab sis kuj tsis muaj peev xwm yuav cia ib tug ntxhais twg tuaj nrog kuv sib tham tim Motel. Vim thaum kuv mus txog, tim nplog kuv kuj xub mus cuag cov thawj coj lawm. Xav npaum twg los yeej yuav tsis cia lub ntsej khaub hlab rov los tsev.

    Oh...!
    Tim nplog teb tam sim no $1.00 = 8530kip nyiaj nplog.
    Lawv daim nyiaj me tshaj ces yog daim nyiaj 500 kip ( no more coins)
    Lawv daim nyiaj loj tshaj ces yog daim 50,000 Kip.
    Lawv cov ib txwm siv nyiaj nplog ces lawv pom dheev daim nyiaj xwb lawv yeej paub kiag tias yog daim twg. Peb cov hmoob miv kas no ces yeej yog siv nyiaj nplog nyuaj kawg kev. Cov nyiaj (500, 5000, 50000). (200, 2000, 20000), (1000, 10000). Yog koj mus siv hmo ntuj mas yeej muaj ntsis thau yuam kev rau lawv. Tsis paub daim nyiaj, ces zaum twg los suav cov "0" tas zog xwb. Ib qho los mus..lawv tus number #2, zoo li peb tus number #6. qhov no kuj confuse kuv kawg kev li...

    Koj ho mus nug lawv ib yam khoom twg tus nqi...
    Lawv hais tias: 30,000 , 35000, los yog 75000. Koj yeej tsis paub tau tias yam khoom koj xav yuav ntawv kim los tsis kim? Koj yuav tau muab cov nyiaj convert ua $$ koj thiaj yuav paub tau tias yam khoom ntawv puas tsim nyog yuav.

    To be continue....
    Kuv tseem yuav piav txog the result ntawm kuv lub hom phiaj kuv mus Blog teb zaum no pub rau nij mloog....


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tsev khaws kwv huam qub ua puav pheej rau lwm hnub

    Post  koojziagkabzaug on 4th November 2011, 3:56 pm



    Hmoob Kev Txom Nyem

    2007-06-03 01:42:50
    Hmoob Kev Txom Nyem: Raws Tsi Tau Mab Sua

    Txhiaj Foom Xeem Yees , Zos Thaj Cauv, Phus Xam Vaam, Los Tsuas Teb

    Peb Hmoob lub neej nyob Xeev Khuam txij li xyoo 1996 los no, luag nom tswv Nplog liab tsis pub peb Hmoob luaj teb ntov ntoo ces Hmoob mam li mus pib nrhiav liaj ua. Liaj nyob Mab Sua tes tag ces mam mus puab tej kaum dej kaum hav ua liaj. Tos ntuj nag los thiaj muaj dej ua liaj. Muaj tej xyoo ntuj nag los lig ces tshaib plab; tseem tau mus ua Mab ua Suav zog noj.

    Muaj ib txhia niaj hnub no tseem npaj tsiv rau ub rau no yam ib cov niag ntsaum dub nyob tsis muaj chaw. Yuav los nag ces niaj hnub npaj nra khiav rau ub rau no yam li tej nas noog nrhiav txiv noj.

    Peb lub teb chaws mas txog rau lub 3 hlis los 4 hlis uas yog ntuj qhua mas hluav taws plam rau toj roob tej kub peb hnub peb hmos hluav taws tsis tuag li. Toj roob kub hnyiab du dos...me nas me noog twb tsis muaj chaw nkaum li. Tsis tas li ntawd, nce mus txog pem tej laj roob los laj roob do dus xwb tsis muaj dab tsi li.

    Hais txog txoj kev txom nyem, nyob Xeev Khuam, niaj hnub no muaj ib txhia Hmoob nyob ntawm nroog kiab khw los yog ib thaj tsam ze ntawm Phus Xam Vaam. Lawv lub siab yeej tsis nyiam mus nrog luag khwv. Haus yeeb txhua tus...tas niam tub txiv nyuag thiab ua tau tej lub tsev luaj cooj qaib xwb. Lawv tseem mus khaws tej niag khauj khaum ntawv los xov tsev thiab khaws khaub ntaub tiv nag los vov tsev xwb. Niaj hnub mus ua Pub Thawj zog ntsaig khoom hauv tsheb. Tej poj niam niaj hnub mus ua Pub Thawj zog ntxhua khaub ncaws. Tej hnub tau ob txhiab peb txhiab nyiaj coj los yuav yeeb haus. Tej zaum muab yuav yeeb ho tsis tau txhuv los ua hmo ces cial i pw ib hmos kaj ntug mam mus nrhiav los ua tshais xwb. Ua neej nyob tej tug ceb muag zees xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tsev khaws kwv huam qub ua puav pheej rau lwm hnub

    Post  koojziagkabzaug on 4th November 2011, 4:05 pm



    Tau Koom Nrog Hmoob Tus Thawj Coj Nais Phoos Vaj Pov

    2008-11-10 01:25:33
    转自 http://shrdo.com/index.php?option=com_myblog&show=Tau-Koom-Nrog-Hmoob-Tus-Thawj-Coj-Nais-Phoos-Vaj-Pov.html&blogger=richvang&Itemid=67 美国苗族朋友的博客


    Lub 8 hli ntuj hnub tim 30 xyoo 2008, kuv tau mus koom noj ib pluag mov tshais nrog Hmoob tus thawj coj nais phoos Vaj Pov nrog rau Hmoob cov coj coob tus nyob rau hauv nroog Appleton. Kuv pom tau tias nais phoos Vaj Pov, txawm tias nws muaj hnub nyoog thiab raug muaj kev cov nyom ntau yam rau lub xyoo tas los no los, nws kuj tseem khov kho thiab hais lus nkis nkuad li qub.
    Tom qab thaum noj tiad pluag mov tshais, kuv tau koom nrog nais phoos Vaj Pov thiab Hmoob cov coj coob tus sawv kev ntawm nrog Appleton los koom Hmoob Wisconsin lub koob tsheej kev lom zem nyob rau nroog Oshkosh. Thaum peb los txog rau hauv lub koob tsheej, muaj cov niam txiv kwv tij neej tsa thiab cov phooj ywg pua pua tus nyob ntawm rooj vag tos txais nais phoos vaj pov thiab Hmoob cov thawj coj. Kuv pom tau tias nais phoos Vaj Pov tseem nyob nraim hauv Hmoob lub siab txog kev pab thiab tho txoj kev rau Hmoob tuaj tau rau teb chaws asmeslibkas. Thaum nais phoos Vaj Pov thiab Hmoob cov thawj coj tau kev kag los rau ntawm lub tsev vod kaus, nyob rau ob sab muaj neeg sawv coob kawg nkaus qw thiab npuaj tes txais tos. Nyob rau sab laug muaj cov qub tub rog hnav ris tsho dub thiab ntoo kaus mov yam zoo saib kawg nkaus. Tus coj ntawm pab qub tug rog no tau los txais tos nais phoos Vaj Pov tib yam. Nyob rau sab xis yog cov niam txiv kwv tij neej tsa thiab cov phooj ywg.
    Kev hais lus los ntawm nais phoos Vaj Pov rau sawv daws nyob rau zaum no pom tau tias txawd li yav tas los lawm ntau heev. Nws tham txog kev los tsim ua lub neej nyob rau hauv lub teb chaws asmeslibkas no ntau kis xws li, kev tua tsiaj hav zoov thiab kev vam meej (technology) nyob rau teb chaws asmeslibkas. Nws tau qhuas hu rau kom Hmoob sawv daws yuav tsum xyuam xim txog kev tua tsiaj hav zoo, yuav tsum tau paub txog kev cai lij choj ntawm kev tua tsiaj sawv daws thiaj li tsis raug teeb meem. Txuas ntxiv ntawd, nws tau hais tias nyob rau lub teb chaws asmeslibkas no kev vam meej yog ib qhov mus tau deb tshaj plaws, ntawm lub xov tooj, koj txawm hu qhov twg rau ib tug tib neeg twg los luag tsoom hwv yeej txhom tau thiab yeej paub meej meej tias koj nyob rau thaj tsam twg li.
    Nyob rau Lao Family hauv nroog Milwaukee lub tsiab peb caug rau lub 11 hli ntuj hnub tim 22 xyoo 2008 no, Hmoob tus thawj coj nais phoos Vaj Pov yuav tuaj koom tib yam yog tias tsis muaj dab tsi txawv txav. Tom qab ntawd nws yuav mus koom lub tsiab peb caug nyob rau nroog St. Paul hauv xeev Minnesota.
    Suab Hmoob Xov Tooj Cua tau pom zoo tso lus ntawm Hmong Wisconsin Inc thiab tso cai los muab xov xwm nyob rau Hmoob vid-xawm-kees-xees (Wisconsin) lub koob tsheej kev lom zem xyoo 2008.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Tsev khaws kwv huam qub ua puav pheej rau lwm hnub

    Post  Sponsored content


      Current date/time is 22nd February 2018, 11:23 pm