google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    XDG 71 lub Tsev paj huam Hlub tshua

    Share

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: XDG 71 lub Tsev paj huam Hlub tshua

    Post  Hmong ntuj tshiab on 4th February 2013, 5:50 pm

    Xav Xov "RAU HMOOB"

    Nyob zoo txog_________rau Peb tsoom Hmoob
    Tawg mus thoob_____________rau lub qab ntuj
    Yam dav yuj_______________ib leeg nyob qho
    Los tseem nco___________tias nej yog Hmoob
    Mus yeej noob___________nyob thoob ntiaj teb

    Hais txog peb___________lub siab tseem tshua
    Txog nej txhua____________tus cov ncaim tuaj
    Tseem xam muaj________Peb tsev neeg Hmoob
    Nyob toj roob______________mus rau tiaj nrag
    Yeej tsis dag________________lub neej yaj sab

    Ntuj qub qab________tseem tshuav peb Hmoob
    Cov feem coob_____________tuaj teb chaws no
    Tshuav ib co______________nyob ntuj qub qab
    Noj nplooj hmab________nplooj ntoos yug siav
    Yog muab piav______________mas yeej tu siab

    Kua muag iab___________thiab kua muag daw
    Ntxaum lav chaw________yeej ntub meem mias
    Vim hais tias________Peb Hmoob tseem tsawg
    Siab tsis tawg_________thiab txawj tsis ntxaws
    Tsis tau raws_______________tej lus peb tham

    Qhov Peb vam______________kom nyob ua ke
    Muaj lub npe_______________li lwm haiv neeg

    Raws peb ntseeg___________thiab txoj kev teev
    Seb puas xeev__________tsim kho Peb Hmoob
    Lub neej poob__________mus lawm ntau xyoo

    Kom rov zoo___________thiab caum cuag luag
    Thiaj tau zuag___________txhob tham lus cuav
    Hmoob neej nchuav______raug kev txom nyem
    Raug luag lem_________neej Hmoob puas tsuaj
    Txoj kev quaj____________ncha thoob ntiaj teb

    Txawm tias Peb__________nyob teb chaws twg
    Ncauj cuag ntswg_________yeej hais tsis chwv
    Txawm yuav twv_____________los tsis tau noj
    Lus zog loj______________vaj huam tsis txaus
    Hmoob tej laus_____________tsuas siv zog lwv

    Tsis muaj tswv_____________yim tsa thawj coj
    Txoj kev ntoj_____________thiaj plam tag nrho
    Thov Peb nco____________tsis txhob sib ntxub
    Los sib hlub_____________thiab Peb sib Hwm
    Tuav keeb kwm____________kom ho meej pem

    Tej kev phem____________uas Hmoob tau ntoj
    Tej kev ploj__________peb Hmoob quaj ntsuag
    Txoj kev tuag______________lub neej yav dhau
    Tsuas nco rau______________peb lub siab xwb
    Peb tau swb_______________kuj cuab luaj pua


    Daim av tshua_____________ploj lawm du dais
    Thiaj thov hais_________rau peb tsoom Hmoob
    Kom paub thoob___________tig puag xub pwg
    Nyob qhov twg___________luag thiaj hwm yus
    Peb txhua tus______________lub neej pov plob

    Ncaim tuaj nyob____________rau teb chaws no
    Rau siab ntso___________nrog luag kawm txuj
    Kev tsim nuj______________zoo tam nyiaj kub
    Kawm los pub__________rau Peb Haiv Hmoob
    Sawv tuav koob___________nyob kom nto moo

    Kawm yam zoo__________rau Hmoob lub neej
    Seb puas tsheej__________cuab nyob ntseg yim
    Sawv los tsim_____________kho neej poob qab
    Tho txoj kab____________rau Hmoob taug loo
    Txoj kev zoo_______________rau peb lub neej

    Kom peem tsheej __________seb puas nto moo
    Nrog luag zoo______________rau yav tom ntej
    Peb thiab nej___________sawv los nrog ntxheb
    Tsis muaj teb______________tsa muaj chaw los
    Koom siab ntos_____________coj neej kom tog

    Tswv Ntuj yog _____________Tus uas pom zoo
    Muab txoj hmoo__________los rau peb Hmoob
    Coj lub koob______________tsav lub hwj chim
    Los txheej txhim__________peb lub neej hloov
    Peb nco ntsoov__________mloogTswv Ntuj lus
    Sib coj pus_______________tswv ntuj kev hlub
    Nws foom pub__________rau haiv neeg Hmoob
    Uas raug poob___________nyob tau txhua qhov
    Hais txog cov_____________tuav kev thaj tsob
    Peb txawm nyob____________rau sab ntuj twg

    Puag xib pwg_____________tam tsoom tij kwv
    Muaj Tus Tswv____________ua Tus tsom kwm
    Neej Hmoob tshwm_______nrog luag thaj yeeb
    Peb thiaj txeeb_____________tau lub hwj chim
    Sawv nrog tsim____________muab lub zog lwv

    Tej nom tswv______________thiaj li nrog hlub
    Luag thiaj pub____________txoj kev kawm txuj
    Kev tsim nuj_____________thiab khaws luag ci
    neej tsim nqi____________peb thiaj yuav tsheej
    Hmoob Lub Neej___________yuav zoo zuj zus

    Peb txhua tus____________yuav tau koom siab
    Nrhiav kev tshiab_____________mus sib cog tu
    Thov nqua hu_______________rau peb cov tub
    Nrhiav kev hlub________txog Peb Haiv Hmoob
    Txhua feem coob__________tseem tsis tau yoog

    Caw Nej mloog___________tej kev qhuab ntuas
    Cov laus hluas____________lub neej com phuaj
    Uas tseem muaj____________Peb ib co Hmoob
    Lawv tau poob____________nyob rau hav zoov

    Pw tiv yoov________________tiv tshav tiv nag
    Neej poob tsag________txom nyem quaj ntsuag
    Ua neej pluag_________________tiv av tiv luaj
    Lawv tsis muaj_____________lub chaw cia siab
    Qhov tseem ntsiab_________vim taug kev yuam

    Ua liab cuam______________pw hmo lub roob
    Kua muag poob____________los ua ntshav liab
    Tsis cia siab______________rau ntawm lub neej
    Lawv tus kheej_____________tseem zoo li qub
    Khwv tag hnub______________tsis paub caij so

    Hnub poob qho______________mam li los tsev
    Tam tus qhev____________raug luag muab lem
    Kev txom nyem_____________tas lub siab nrho
    Nyob tiam no____________rau teb chaws nplog
    Paub tsis txog____________tias muaj Tus Tswv

    Sawv los twv_____________qhia nws tus kheej
    Yog cawm seej____________tus tswv muaj yeej
    Cawm Noob neej________ntawm fab ntsuj plig
    Kuv thiaj tig____________sau qhia Peb Hmoob
    Neeg feem coob__________kom ntsuab li zoov

    Nws foom hmoov_________thaum Peb los cuag
    Thiaj muab zuag__________txog cov dai qhuav
    Txawm Peb yuav__________nyob rau qhov twg
    Tej phooj ywg_______________los yog tij kwv
    Muab Tus Tswv____________nyob rau ntiaj teb

    Nws pub Peb______________muaj lub dag zog
    Nws thiaj yog_______________qhia peb los soj
    khwv tau noj______________Peb ua Nws tsaug
    Txawm yuav raug________txoj kev txom nyem
    Raug luag lem____________los Nws paub txog

    Qhia qhov yog____________coj lub meej mom
    Nws xav kom_______________Peb cia li ntseeg
    Ua zoo neeg____________ntawm peb tus kheej
    Muab lub neej____________kom kev txhob tws
    Cia Rau Nws______________ua Tus saib xyuas

    Lo Lus Ntuas___________qhia rau Peb Hmoob
    Neeg feem coob______________li tau ntuj ntoo
    Txoj kev zoo____________muaj lub neej tshiab
    Peb lub siab___________Puas tsim nyog hloov?
    Thiaj muab qoov___________sua hais tawm loo

    Ua twb zoo_____________muab thim xav mog!
    Qhov tsis yog______________muab nrom lis ko
    Lub neej no_______________yuav hla tsis dhau
    Yog hais ntau_____________nej mloog tsis taus
    Txoj Kev Laus________Twb Caum Yuav Cuag

    Lub neej ntsuag___________txoj kev dai qhuav
    Peb Tseem yuav_________tos txog thaum twg?
    Cov phooj ywg____________qhia nej txhua tus
    Tswv yes xus____________Nws yog Tus Tswv
    Muab zog lwv____________los qhia kev tshwm

    Coj keeb kwm____________txoj kev muaj yeej
    Peem kom tsheej________thiaj tsis khuam xeeb
    Nyob tsev nqeeb_______________ua liaj ua teb
    Tej kaum zeb___________thiab nyob kaum hav
    Ua teb dav_________________cog soov cog cej

    Hmoob cog nplej__________thiab cog pob kws
    Tsiaj vam ntws____________nrog tej nyuj twm
    Hmoob ib txwm_________tsis paub ntseeg Ntuj
    Kev kawm txuj_________Hmoob paub tsis txog
    Tub ki nrog________________niam txiv ua teb

    Tsuas paub ntxheb______sawv npaj tshais ntxov
    Tsis paub thov___________txog Tus Tswv Ntuj
    Ib zag txuj________________los tsis paub qhub
    Tswv Ntuj Hlub___________qhia txoj kev mus
    Nws yog Tus____________Cawm Tau Peb Dim

    Ua qauv cim_______________vaj tswv tub txib
    Nws tau pib______________xa txoj hmoov zoo
    Ya tuaj loo______________txog peb feem coob
    Tuaj txog Hmoob_________hav zoov, hav tsuag
    Cawm kev tuag____________thiaj txoj kev quaj

    Kom Hmoob Muaj__________txoj kev hla dhau
    Yuav Dim tau__________Yog Lub Siab Ntseeg
    Peb Ua Neeg____________Tsis Pom Tom Ntej

    Hais txog nej__________Tsis Paub Qhov Tseeb
    Yog Muab Teeb_________Yuav pom qhov chiv

    Yuav Tau Tiv___________nrhiav txoj kev taug
    Tsoom txwj laug__________thiab cov neeg laus
    Lub neej xaus__________txoj kev Hlub-Hmoob
    Tuav lub koob_____________coj tswv ntuj moo
    Lo Twg Zoo___________sib koom siab txhawb

    Thov Nej nawb___________Zam Lub txim Pub
    Vim Kev Hlub_________thiab Kev Hmov tshua
    Thiaj muab nqua___________tej lus ntos qhuab
    Li tau Muab__________nthuav tawm xwb mog
    Hais tsis yog___________los thov txhob thuam

    Peb tseem ruam_________thiab txawj tsis txaus
    Txawm neeg laus_____________los yeej ib yam
    Txoj kev tham___________tseem paub tsis meej
    Kuv tus kheej________________zoo li nej xwb
    Tsis muaj hlwb______________ sau tau tsis zoo

    Thov txhob nroo_______yuav tsum pab txhawb
    Txhob noj nkhawb________cais pab cais pawg
    Kom sib tawg________lawm nawb mog Hmoob
    Tshuav yeej noob___________rau hauv ntiaj teb
    Ces yog peb_____________los mas Hmoob es./.

    ( xaus li no )
    no )

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XDG 71 lub Tsev paj huam Hlub tshua

    Post  koojziagkabzaug on 4th February 2013, 10:41 pm



    Nyob zoo tij laug Hmoob Ntuj Tshiab,

    Ua tsaug uas nws muab Hlub Hmoob zaj paj huam kho tau npliag heev. Zoo kawg, kuv yuav muab coj mus tso rau Hlub Hmoob lub tsev kom tau siv thiab tau sib piv kawm. Kuv ntshaw kom kuv txawj lus hmoob ntxaws hais paj huam sib nrawg, kuv xav kom kuv txawj lus hmoob txhua txawj hais paj huam sib cuag ncua li nws. Tab sis tsis txawj ces tseem pib nyeem hmoob tej kab lis kev cai seb puas yuav ntxiv me ntsis.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: XDG 71 lub Tsev paj huam Hlub tshua

    Post  Hmong ntuj tshiab on 5th February 2013, 3:05 pm

    koojziagkabzaug wrote:

    Nyob zoo tij laug Hmoob Ntuj Tshiab,

    Ua tsaug uas nws muab Hlub Hmoob zaj paj huam kho tau npliag heev. Zoo kawg, kuv yuav muab coj mus tso rau Hlub Hmoob lub tsev kom tau siv thiab tau sib piv kawm. Kuv ntshaw kom kuv txawj lus hmoob ntxaws hais paj huam sib nrawg, kuv xav kom kuv txawj lus hmoob txhua txawj hais paj huam sib cuag ncua li nws. Tab sis tsis txawj ces tseem pib nyeem hmoob tej kab lis kev cai seb puas yuav ntxiv me ntsis.



    vim hais tias nws sau tau tsis npliag es kuv lam muab kho kom zoo hais xwb os kooj ziag kab zaug es ntu no koj nyob li cas lawm thiab tsis tau sau ntawv rau koj li lawm os muam kooj ziag kab zaug aw!!!!!

    XDG 71
    Visitor
    Visitor

    Messages : 31
    Date d'inscription : 2011-01-29
    Age : 36
    Localisation : France

    Puas Nco Kuv Lawm Os Me Nkauj Hmoob

    Post  XDG 71 on 15th March 2013, 6:04 pm

    Tus kuv hlub, lub sijhawm no, koj ua dabtsi lawm?
    Koj puas nco kuv, zoo li, kuv no nco koj os?


    Tsam no...koj ua dabtsi
    Koj twb pw...lawm los tsis tau
    Koj puas nco kuv, li kuv nco koj
    Koj puas xav txog, wb tej mi lus qab zib

    Hmo no lub hli...rov ci ntsa iab
    Hmo no...kho kho kuv siab
    Kaj ntug tagkis, koj ua dabtsi
    Txoj kev sib hlub, ntawm wb puas zoo li qub

    Xws li tav no, tsis tuaj dab ntub
    Tus neeg kuv hlub, cas nco koj ua luaj li
    Ntshe kuv yuav tuag, vim kev nco koj
    Yog sim neej no, txoj kev nco nco tag npaum no

    Yog tias hnub twg...kho kho koj siab
    Ces hnub ntawd...yog kuv nco koj
    Muab lub siab no, xav nrog nthwv cua
    Tuaj mus rau koj, qhia tias kuv tseem hlub koj




    Sab Nplaim Dej
    Visitor
    Visitor

    Messages : 4
    Date d'inscription : 2014-08-17

    Re: XDG 71 lub Tsev paj huam Hlub tshua

    Post  Sab Nplaim Dej on 17th August 2014, 9:50 pm

    ntuj yuas hmong tej kev nco cas nco tsi txawj tag li os nej cov lus no sau tau los ntev lawm tab mas \
    sau tau raug kuv siab heev kuv thiaj li xav qhuas koj xwb os

    Sab Nplaim Dej
    Visitor
    Visitor

    Messages : 4
    Date d'inscription : 2014-08-17

    Re: XDG 71 lub Tsev paj huam Hlub tshua

    Post  Sab Nplaim Dej on 17th August 2014, 10:09 pm


    lub paj tshiab paj twb txawj saus
    ua neeg nyob ces yeej txawj laus
    yog peb laus peb zog yuav ntaug
    nco kev nkauj thiab txoj kev nraug

    uas puag thaum tseem me yau
    tsi xav dhau thiab tsi xav hloov
    yeej tseem xav kom lub noob nyoog
    muaj 18 xyoo txhua lub sij hawm


    txawm muaj txij nkawm los tseem nco nco
    siab quaj dhi yuav rho los vim txoj kev tsi sib tau
    yog muab pauv tau no thov kom yog tus yus hlub
    thov kom lub ntuj rov rub kuv txoj dab neeg
    txog thaum ntawv kuv mam hlub nws ib leeg xwb os hmong

    kuv pom nej sau sau kho siab es lam sim sau xwb os hmong aw



    Sab Nplaim Dej
    Visitor
    Visitor

    Messages : 4
    Date d'inscription : 2014-08-17

    Re: XDG 71 lub Tsev paj huam Hlub tshua

    Post  Sab Nplaim Dej on 17th August 2014, 10:12 pm

    Sab Nplaim Dej wrote:              
                lub paj tshiab paj twb txawj saus
                ua neeg nyob ces yeej txawj laus
                yog peb laus peb zog yuav ntaug
                nco kev nkauj thiab txoj kev nraug
             
                    uas puag thaum tseem me yau
                    tsi xav dhau    thiab tsi xav hloov
                    yeej tseem xav kom lub noob nyoog
                    muaj 18 xyoo    txhua lub sij hawm
                   

                    txawm muaj txij nkawm los tseem nco nco
                    siab quaj dhi yuav rho                     los vim txoj kev tsi sib tau
                    yog muab pauv tau                           no thov kom yog tus yus hlub
                    thov kom lub ntuj rov rub                  kuv txoj dab neeg
                    txog thaum ntawv kuv mam hlub nws ib leeg xwb os hmong

    kuv pom nej sau sau kho siab es lam sim sau xwb os hmong aw
               
               
               

    Sponsored content

    Re: XDG 71 lub Tsev paj huam Hlub tshua

    Post  Sponsored content Today at 10:56 am


      Current date/time is 6th December 2016, 10:56 am