Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus

    Muaj Niam Yau Tsis Yooj Yim

    Share

    koojziagkabzaug
    Moderator
    Moderator

    Messages: 3267
    Date d'inscription: 2010-02-28

    Muaj Niam Yau Tsis Yooj Yim

    Post  koojziagkabzaug on 10th January 2012, 5:15 pm


    Muaj Niam Yau Tsis Yooj Yim 1.1


    saib txuas ntxiv hauv youtube:

    http://www.youtube.com/watch?v=6lkS9l18jI0&feature=mfu_in_order&list=UL


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Tub hmoob
    Visitor
    Visitor

    Messages: 27
    Date d'inscription: 2012-01-05
    Localisation: Thov nej txhua tus nyob kaj lug

    Re: Muaj Niam Yau Tsis Yooj Yim

    Post  Tub hmoob on 11th January 2012, 12:10 am

    Nyob zoo og tus muam Kzkz,

    Thov ua Nws tsaug uas Nws tso zaj Movie muaj niam yau tsi yooj yim rau peb saib og. Nws zoo saib kawg li.

    "kwv tij hmoob lub neej nyob rau hauv ntiaj teb no, muaj ib txhia Txiv neej mas lub siab xav kom tau tas nrho tsoom poj niam los ua yus tus, yog li txawm tias yug twb muaj txij muaj nkawm tas los tseem niaj hnub mus tham hlua nkauj, ntsia yug tus yam tsi muaj nqis li. thiaj li muaj yuav niam ob niam peb los niam plaub tej. Qhov ntawd mas vim neeg ua ywj neeg siab, neeg tsi mloog txoj cai tswj hwm ntiaj teb thiab qaum Ntuj lawm. Thaum ub Yawm Saub tsuas tsim tau ob tus xwb, yog Nkauj Iab thiab Nraug Oo. Yawm Saub tsuas muab Nkauj Iab rau Nraug Oo yuav ua nws poj Niam xwb, yawm Saub tsi tau muab lwm tus ntau coj los ua nws poj Niam. Nkawd ua neej nyob yam kaj siab lug yam tsi muaj kev lwj siab dab tsi li, nkaws noj sib hlub haus sib ce. Tab si mas tam sim no neeg nyob puv ntiaj teb lawm neeg thiaj li ua ywj neeg siab lawm. Txoj kev hlub muab saib yam tsi muaj nqis dab tsi, thiaj li yuav niam ob niam peb tej. Kuv hais rau peb cov Txiv neej tias peb txhob yuav niam yau li ntawd yog ib yam rhuav peb txoj kev tsis muaj kev hlub lawm. Yog leej tws xav yuav niam 2 3 4 mas kuv thov Nws rauv plaub cub taws rau plaub sab txhiab nws, es nws nyob hauv kis nrab saib nws puas nyob tau. Yog nws nyob tau lawm mas nws thiaj li yuav, yog nyob tsi tau mas txhob yuav nyob tsam yug yuav tau ces lawv yuav sib txeeb yus zoo li cov hluav taws yug rauv ntawd, thaum ntawd yuav ceeb laj ua lub neej li mog cov me phooj ywg. Txawm zoo thiab phem los neb yuav nco ntsoov thaum neb tseem ua nkauj ua nraug es koj nyob rau hauv kuv xub ntiag kuv nyob rau ntawm koj ib sab es ob leeg hais lus luag ntxhi nyob yam tsi paub dhuav ces twb tam lawm ib hnub lawm, es koj lub neej thiaj yuav zoo og. Hlub koj ib tus kuv ib leeg ces nyob yam kaj siab lus tsi muaj kev nyuaj li. Thov kom peb txhua tus txhob yuav niam yau nyob tsam thaum peb yuav tau lawm ces ua lub neej lwj siab es tsi muaj tus yuav pab koj lawm mog.


    koojziagkabzaug
    Moderator
    Moderator

    Messages: 3267
    Date d'inscription: 2010-02-28

    Re: Muaj Niam Yau Tsis Yooj Yim

    Post  koojziagkabzaug on 11th January 2012, 8:30 pm



    Nyob zoo Tub Hmoob,

    Wow...! Ua cas nws yuav txawj hais ua luaj li, ua tsaug rau nws cov lus zoo. Yog kawg, Tswv Ntuj tsim tus poj niam los rau tus txiv neej. Tswv Ntuj tsuas tsim ib tug poj niam rau tus txiv neej xwb, NWS tsis tau tsim coob tus poj niam. Thaum tus poj niam hwm tus txiv neej ua lub taub hau txiv lawm ces cov txiv neej cia li siv hwj chim, cia li muab lawv saib hlob, thiaj li muom Tswv Ntuj txoj cai, thiaj li txua txoj cai tshiab los rau txiv neej taug. Yog poj niam tsis hwm txiv neej ces txiv neej twb tsis muaj hwj chim dab tsi, thaum luag hwm lawm mas yuav tsum paub txais lub sam xeeb. Yog yus tsis txawj xais, yus yuam tshaj qhov yuav mus taus ces kawg yuav rov poob lawm xwb.

    Ua tsaug rau nws cov lus zoo lus thoob tsib.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3267
    Date d'inscription: 2010-02-28

    Re: Muaj Niam Yau Tsis Yooj Yim

    Post  koojziagkabzaug on 14th January 2012, 6:58 am



    Hmong ntuj tshiab wrote:
    Neeg dig muag luag tsis hlub

    tsis xyuam xim------------- mloog tej laus qhia
    tsis khaws cia--------------cov ntsiab lus qhub
    pheej xuas dub----------------lam tau lam tsuab
    nws thiaj nyuab ---------------txoj kev ua neej
    kuv tus kheej-----------------kua muag thiaj si
    zoo xws li-------------------dej nag nchuav los
    thiaj muab ntos---------------qhia rau nej paub
    li muab saub-----------------nthuav ua paj huam
    hais cuam tshuam--------------tus neeg dig muag
    pheej lam zuag----------------xuas tau tus hlub
    neeg siab dub--------------tsis saib tsis xyuas
    tawm ua hluas-----------------poj siab quaj qhi
    yav thaum i------------------koj wb tseem hluas
    niaj hnub qhuas-----------------kuv yog tus zoo
    tsuas hnov nroo---------------txog kev hlub kuv
    niaj hmo thuv-----------------qab vag tsib taug
    tham nrov yaug---------------tias kuv zoo tshaj
    lub ntuj kaj-------------------qhua kuv zoo dua
    zov ntuj qhua-------------tawm plaws ntuj tsaug
    kuv thiaj raug----------------ua koj txij nkawm
    hmoov thiaj sawm---------------los nyob sib fwm
    tuav keeb kwm----------------mus txog hnub laus
    kom neej xaus---------------nrig pas khuj khuav
    yuav tsis dhuav----------------kuv tus kheej li
    tej lus ntxhi---------------xav tias muaj tseeb
    thiaj khaws teeb------------rau hauv nruab siab
    qhov tseem ntsiab------------tsuas yog lam nroo
    tsis ntau xyoo----------------pib muab kuv cais
    txawm hnov hais-------------tias ntxub kuv dhau
    nrhiav niam yau------------tawm ua nraug ntxhub
    nrauj kev hlub-------------tsis saib tsis xyuas
    kwv tij ntuas----------------koj yeej tsis yuav
    daws tes plhuav------------npaum nyuj cais zaub
    thiaj li saub-------------------tu siab luaj no
    ntuj tag hmo---------------- tsis tuaj dab ntub
    yam lub hnub-----------------raug huab muab vov
    thiaj tsis sov---------------- ci rau ntiaj teb
    ncaim mus deb-----------------thaum twg mam rov
    yog koj hnov---------------------ho tig rov qab
    kuv tseem tab----------------- wb lub teej cuab
    thiaj thov muab----------------wb txoj kev hlub
    los nthuav qhub-------------qhia rau tsoom zeej
    tias lub neej--------------tsis muaj duab tshav
    wb lub lav---------------------tsis muaj koj pw
    lub tsev sw-----------------thiaj tsis xav cheb
    wb daim teb-----------------tsis muaj tus nthua
    tej qaib npua-----------------tsis muaj tus pub
    koj siab dub---------------lub neej thiaj nyuab
    lub teej cuab-------------thiaj ntxhov lis nyho
    hnub dhau hmo----------------tsis muaj tus hlub
    nyob ib hnub-----------------ntev npaum ib hlis
    quaj ntshuj ntshis----------vim nplooj siab mob
    npaum kua txob-----------thiab hluav taws hlawv
    mob lub qawv-----------------tsis muaj caij kaj
    tu siab tshaj-------------------yug los tiam no
    raws li nco------------------tsis tau ua txhaum
    coj siab maum------------------- ua zoo rau koj
    thaj teb nroj------------------koj tseg kuv dob
    dab tsov hlob----------------- koj tseg kuv cia
    kuv quaj ntsia-----------------koj txoj xub kev
    ncaim mus ntev-----------------tsis pom koj los
    nplooj siab nros-----------mloog kooj ziag quaj
    hnub tawm tuaj-------------- nrog kab noog saub
    tsis ntxov paub---------------es txhob yuav koj
    txoj kev ntsoj-------------- ntshe twb tsis tau
    vim tseem yau-------------- kuv thiaj tsis paub
    raug koj haub----------------- tias koj zoo dua
    thiaj tau ua-------------------koj tus poj qhev
    zov koj tsev----------------tsis nrog muaj txiv
    seev uj iv-------------------los tuag tsis taus
    neeg siab nkhaus-------------muab kuv faus ciaj
    yam tej tsiaj----------------tsis muaj tswv pub
    wb kev hlub--------------------koj muab mus pub
    rau tus ub-------------------- thiab rau tus no
    hnub dhau hmo---------------koj tsis quav ntsej
    hos koj tej-------------------me tub me ntxhais
    koj thiaj cais-----------------kev noj kev hnav
    txaj chaw lav-----------------koj tsis nrog kho
    sim neej no---------------------tu siab ua luaj
    tsa suab quaj-----------------nyob ntuj tag hmo
    kuv thiaj nco------------------ua hnub hmo seev
    tsim dhuj dheev -------------niaj dab npau ntub
    txoj kev hlub-----------------kuv twb tsis muaj
    kaw rooj quaj---------------nyob tsaus ntuj nti
    hnub dhau hli-------------------los pw tsau lwg
    siab ntshai rwg--------------hnov suab kaus vom
    lub teeb tsom-----------------los kuv tsis muaj
    qhov rooj ruaj----------------los kaw tsis khov
    suab dab tsov----------------nrog suab liv nyug
    tsis kaj ntug------------------hmo ntev li xyoo
    nrauj qoob loo----------------yuav tsis tau noj
    tiv kev ntsoj------------------pw rawv daim teb
    koj mus deb----------------------tso kuv no cia
    txoj me sia--------------------twb yuav nrog tu
    tsa suab hu-------------------koj twb tsis hnov
    ntuj nram ntxov------------tsis mloog lus qhuab
    nws thiaj nyuab----------------kuv siab luaj no
    txawm noj hno----------------los tsis poob plab
    haus zib ntab----------------yeej tsis paug cev
    ua siab ntev-------------------zov koj daim teb
    koj tseem ntxheb------------- ua hluas ywj siab
    kua muag iab-----------------ntws cuag nag poob
    txiv neej Hmoob---------------tus neeg siab dub
    muaj ib hnub------------------lub ntuj rau txim
    raug luag lim--------------------cem koj li dev
    siab tsis ntev---------------laij koj tawm cuab
    lub ntuj qhuab--------------thiab ntuj mam qhia
    cuag mob ntxhia---------------txoj sia yuav yaj
    mam li npaj--------------------siab tig rov qab
    koj tus nyab--------------------ces yog pawg av
    rov tig xav--------------------yuav lig rau koj
    txoj kev ntsoj--------------kev ntsuag raws tau
    txom nyem dhau------------tsis muaj chaw ntsaub
    koj mam paub------------------os neeg siab phem
    thaum luag lem---------------koj kawg poob tsag
    vim koj ntag--------------pheej tsis tsheej haj
    txoj kev ncaj---------------tsis nrog luag taug
    siab nrov yaug----------------caum poj lav luam
    tej me nyuam-------------------nrog koj tab zag
    ncaim koj tag----------------ho tsis txhob quaj
    hmoov tsis muaj-------------txom nyem khee kawv
    mob lub qawv------------------cuag rwj aws ncus
    mloog luag lus-------------thiaj tsis muaj neej
    peem tsis tsheej----------------ces pw qab choj
    txoj kev noj---------------ces khaws seem txeej
    koj lub neej-----------------xyov yuav xaus twg
    tej phooj ywg---------------ntxub koj npaum dev
    ua luag qhev------------------luag twb tsis kam
    ntshai tsam tham------------luag poj niam thiab
    neej khuam siab---------------ces koj khaws tau
    nco kuv dhau-------------------ho tuaj tom ntxa
    lub suab ncha-----------------ua kooj ziag ntos
    yog kuv nyhos-------------------koj xwb os mog
    neeg siab rog---------------thiab neeg siab dub
    kuv tsuas qhub-----------------ua ntuj nrag lus
    xa tuaj mus---------------------kom koj ho hnov
    tsev neeg xov-----------------nyob puag tom qab
    quaj nrog kab----------------nrog noog seev xwb
    koj lub hlwb------------------puas nco peb lawm
    niam nkauj ntxawm-----------ces tshuav txoj sia
    nros ntshis cia---------------nrog tej me nyuam
    lub neej khuam----------------ib ntav ntuj cia.
    ( xaus li no )










    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Current date/time is 21st August 2014, 5:59 pm