google-site-verification: googlefbfddf59e706b96b.html

Latest topics

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    LS chaw piav dabneeg.

    Share
    avatar
    LS
    Visitor
    Visitor

    Messages : 42
    Date d'inscription : 2012-01-22

    LS chaw piav dabneeg.

    Post  LS on 27th January 2012, 4:01 pm




    Muaj ib tug ntxhais tab tom sawv kev mus pib nws lub neej, niam txiv neej nus los ntuas tus ntxhais kev mus ua neej raws li poj ua tseg yawm ua cia. Thaum sawv daws ntuas nws tag lawm, nws niam los hais rau nws tias, "kuv tus me ntxhais mus ua lub neej, yog hnub twg vauv cem nws ntaus nws yog nqaij tsis ntuag ntshav tsis nrog tsis txhob khiav tuaj nawb mog. Yog thaum twg vauv cem nws, nws chim chim siab ces nws mus xaws ib tug me nyuam roj hmab coj los daws nws kev chim siab, tu siab xwb nawb mog." Thaum tus ntxhais mus lawm, nws nco ntsoov nws niam tej lus nws niam hais rau nws, thaum twg nws tus txiv cem nws ces nws chim chim los, nws los muab ntaub xaws ib tug me nyuam roj hmab tseg xwb, nws tsis kam khiav mus rau kwvtij neejtsa hais ib zaug li. Thaum nws ua neej dhau nrab neej lawm, nws muaj mob heev ces nws sawv tsis taus lawm, nws hais rau nws tus txiv tias, "me koj txiv, koj muab lub hnab nyob hauv chav tso khaub ncaws los rau kuv" tus txiv muab tau lub hnab los thiab muab qhib, ua cas muaj 3 tug menyuam roj hmab nyob rau hauv, tus txiv txawm hais tias. "Koj niam es muaj 3 niag menyuam roj hmab no xwb, koj yuav yuav ua dab tsi na." tus niam teb hais tias, "thaum ub kuv los nrog koj ua neej kuv niam hais rau kuv hais tias, thaum twg koj cem kuv, kom kuv mus xaws menyuam roj hmab xwb, txhob khiav mus qhia kuv niam lawv no, es kuv thiaj li xaws menyuam roj hmab txhua zaus thaum koj cem kuv xwb" tus txiv ntsia tus niam thiab hais khav theeb qhuas ntxhias hais tias, "vuag, wb ua neej laus nkoos li no es kuv cem koj 3 zaug xwb ntag." Tus niam txawm teb tus txiv tias "Koj txiv koj saib hauv qab txag es muab ob lub phib xab hauv qab txag ko coj los qhib" Tus txiv kuj xauj hauv qab txag thiab muab ob lub phib xab coj los qhib, ua cas ob lub phib xab nyiaj puv nkaus xwb. Tus txiv txawm hais tias "Koj niam aw.... ua cas es koj thiaj muaj nyiaj ntau tag npaum li no koj tsis qhia kuv li na" tus niam hais rau tus txiv tias "Cov nyiaj nyob hauv ob lub phib xab ko muaj tshaj 2 lab (2millions), tos kuv tau cov nyiaj ko los, twb yog thaum twg koj cem kuv ces kuv tu tu siab kuv los mus xaws menyuam roj hmab, kuv xaws tau ntau zuj zus, tsis muaj chaw cia lawm, kuv thiaj li muab muag ib tug 1 duas las, muag muag txog hnub no thiaj li tau cov nyiaj ko tiag." Thaum tus niam hais tag li ntawv, ces tus txiv thiaj mam li paub hais tias, nws cem nws tus pojniam ntau npaum li ntawv. Sij hawm twb dhau los ntev npaum li ntawv, thaum ras txog ces twb yog hnub kawg ntawm lub neej lawm xwb.

    Tus piav zaj dab neeg no kuv tsis paub.


    Last edited by LS on 29th February 2012, 7:22 pm; edited 1 time in total
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: LS chaw piav dabneeg.

    Post  koojziagkabzaug on 27th January 2012, 5:42 pm



    Nyob zoo me LS,

    Ua cas hnub no nws yuav tuaj tham tau ib zaj dab neeg kho siab ua luaj li os me naib aw...!

    Peb Hmoob lub neej kev coj yeej muaj tej yam tsim nyog yuav kho thiab hloov. Cov haiv neeg twg hwm poj niam, tsa poj niam rau lub sam xeeb mas haiv neeg ntawd vam meej dua. Cov haiv neeg uas saib poj niam qes thiab sau nqe ntxhais mas cov haiv neeg ntawd txawm yuav zoo npaum li cas los teej tseem swb luag.

    Peb Hmoob kev ua tshoov kos, yog tib zoo saib mas zoo nkaus li muab tus ntxhais ua "ntees ciaj", vim muaj tsoo phij cuam (tsoos laus, thaum tuag cov neej tsa yuav rov tuaj tshawj saib puas hnav cov uas lawv muab, yog tsis pom mas lawv yuav txiv kom tau), muaj qaib qhe tsiaj, muaj lub kaus, muaj nyiaj ua ncauj tsiag zoo nkaus li ib lub ntees kiag. Tsis tag li tseem sau ib teg nqe thiab. Xav los mas txaus tu siab kawg li. Dua li, thaum yuav tau tus txiv lawm mas nws tsis muaj lo lus hais li, hais hlob hais yau los yog tus txiv hais xwb, yuav tsum ua ib tug niam tsev puab cua khwv rau lub vaj lub tsev xwb thiaj li zoo. Tus txiv yuav cuaj ntxeev yim tig los tus niam yuav txhob hais, vim txiv neej yeej muaj cai yuav niam yau thiab tham hluas nkauj. Tab sis tus poj niam mas tsis muaj cai yuav zig ncaug ntxi muag qhov twg, vim tus txiv yuav tus niam los ua neej thiab them nyiaj lawm...

    Tu siab kawg, yug los ua poj niam Hmoob mas tu siab tshaj, hnub nws yuav txiv kiag ces nws tsuas muaj lub cev ua neeg xwb, kev xav, kev coj, tswv yim yog tus txiv ua tus coj tag nrho, nws tsuas nyob ua hauj lwm thiab khwv xwb. Nws tsis siv nws lub siab lub tswv yim li lawm. Nws muab nws lub siab los npuab rau nws tus txiv lub ces nws nyob rau tus txiv tsav. Txawm nws ntse los nws yuav tsis muaj cai tawm nws lub tswv yim.

    Peb cov txiv neej Hmoob yog cov muaj hmoo tshaj txhua haiv neeg hauv lub ntiaj teb no.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    LS
    Visitor
    Visitor

    Messages : 42
    Date d'inscription : 2012-01-22

    Re: LS chaw piav dabneeg.

    Post  LS on 29th February 2012, 7:17 pm

    koojziagkabzaug wrote:

    Nyob zoo me LS,

    Ua cas hnub no nws yuav tuaj tham tau ib zaj dab neeg kho siab ua luaj li os me naib aw...!

    Peb Hmoob lub neej kev coj yeej muaj tej yam tsim nyog yuav kho thiab hloov. Cov haiv neeg twg hwm poj niam, tsa poj niam rau lub sam xeeb mas haiv neeg ntawd vam meej dua. Cov haiv neeg uas saib poj niam qes thiab sau nqe ntxhais mas cov haiv neeg ntawd txawm yuav zoo npaum li cas los teej tseem swb luag.

    Peb Hmoob kev ua tshoov kos, yog tib zoo saib mas zoo nkaus li muab tus ntxhais ua "ntees ciaj", vim muaj tsoo phij cuam (tsoos laus, thaum tuag cov neej tsa yuav rov tuaj tshawj saib puas hnav cov uas lawv muab, yog tsis pom mas lawv yuav txiv kom tau), muaj qaib qhe tsiaj, muaj lub kaus, muaj nyiaj ua ncauj tsiag zoo nkaus li ib lub ntees kiag. Tsis tag li tseem sau ib teg nqe thiab. Xav los mas txaus tu siab kawg li. Dua li, thaum yuav tau tus txiv lawm mas nws tsis muaj lo lus hais li, hais hlob hais yau los yog tus txiv hais xwb, yuav tsum ua ib tug niam tsev puab cua khwv rau lub vaj lub tsev xwb thiaj li zoo. Tus txiv yuav cuaj ntxeev yim tig los tus niam yuav txhob hais, vim txiv neej yeej muaj cai yuav niam yau thiab tham hluas nkauj. Tab sis tus poj niam mas tsis muaj cai yuav zig ncaug ntxi muag qhov twg, vim tus txiv yuav tus niam los ua neej thiab them nyiaj lawm...

    Tu siab kawg, yug los ua poj niam Hmoob mas tu siab tshaj, hnub nws yuav txiv kiag ces nws tsuas muaj lub cev ua neeg xwb, kev xav, kev coj, tswv yim yog tus txiv ua tus coj tag nrho, nws tsuas nyob ua hauj lwm thiab khwv xwb. Nws tsis siv nws lub siab lub tswv yim li lawm. Nws muab nws lub siab los npuab rau nws tus txiv lub ces nws nyob rau tus txiv tsav. Txawm nws ntse los nws yuav tsis muaj cai tawm nws lub tswv yim.

    Peb cov txiv neej Hmoob yog cov muaj hmoo tshaj txhua haiv neeg hauv lub ntiaj teb no.


    KoojZiag,

    Zoo siab uas nws tuaj nrog kuv nyeem dab neeg. Hmoob lub neej ces zoo li ntawv tiag.
    avatar
    LS
    Visitor
    Visitor

    Messages : 42
    Date d'inscription : 2012-01-22

    Re: LS chaw piav dabneeg.

    Post  LS on 29th February 2012, 7:19 pm





    Ib nkawm nkauj nraug nkawv tsav lub motocycle, tsav ceev li 100mp.


    Tus hluas nkauj hais tias “Txhob tsav ceev ceev li ko, kuv ntshai ntshai os.”

    Tus hluas nraug teb nws tus hluas nkauj tias. “Txhob ntshai kuv paub tias kuv ua dab tsi, koj twb lom zem

    thiab ne puas yog ma.”

    Tus hluas nkauj kuj rov teb ntxiv hais tias. “Thov tsum na kuv ntshai heev li tiag hos”

    Tus hluas nraug thiaj hais tias “Yog li qhia kuv hais tias koj hlub kuv”

    Tus hluas nkauj ua zoo hais rau nws tus hluas nraug “Kuv hlub koj heev, thov txhob tsav ceev ceev lawm os”

    Tus hluas nraug rov thov tus hluas nkauj hais tias “Yog li thov koj khawm kuv”

    Tus hluas nkauj khawm nws tus hluas nraug ruaj ruaj cia.

    Tus hluas nraug hais ntxiv tias “Thov hle kuv lub kaus mom rau koj ntoo, vim nws meem meem txom kuv li.”

    Hnub ntawv dhau rau hnub tom qab, ntawv xov xwm tau sau tawm hais tias, muaj ib lub motocycle tau los mus

    tsoo ib lub tsev vim tus brake tsis ua hauj lwm lawm nws thiaj li nres tsis tau, lawv nrhiav tau ob tug

    neeg, tiam sis ib tug thiaj tseem muaj siab nyob xwb.

    Qhov tseeb, thaum tsav txog ib tog kev, tus hluas nraug twb paub lawm hais tias nws tus brake tsis ua hauj

    lwm lawm, tiam sis nws tsis xav kom nws tus hluas nkauj paub, nws thiaj kom nws tus hluas nkauj hais tias

    tus hluas nkauj hlub nws, thiab puag nws ua zaum kawg. Tus hluas nraug paub zoo tias, yog nws tsis muab

    lub kaus mom rau tus hluas nkauj ntoo ces tus hluas nkauj yeej yuav tuag xwb xwb, yog li nws xum cia nws

    tuag, nws thiaj kom tus hluas nkauj hle nws lub kaus mom rau tus hluas nkauj ntoo seb cawm puas tau tus

    hluas nkauj ciaj sia. Thaum hlub ib tug neeg tiag tiag, yuav ua txhua yam kom cawm tau nws cia, li ntawv

    yog kev hlub tiag(True Love).
    avatar
    NkaujNag
    Member
    Member

    Messages : 80
    Date d'inscription : 2010-03-11

    Re: LS chaw piav dabneeg.

    Post  NkaujNag on 1st March 2012, 9:54 am



    Nyob zoo os ,LS .

    Thov txim nawb vim kuv tsis paub hais tias koj yuav yog tus tij laug los puas yog tus niam laus es kuv thiaj tsis paub hu koj os , Hnub no zoo siab tau tuaj pom koj tuaj rau hauv peb Hmoob tshav ntuj , kuv tau tuaj nyeem koj zaj dab neeg no kuj zoo siab kawg li los kuj mob siab ua luaj li thiab os yuad ..! Tab sis ntshe yuav tsis yog txhua txhua tus txiv neej es yuav zoo li ntawd pob lod , Oh ..... tab sis kuv xav mas ntshe sib hlub ua luaj li ces cia ob leeg mus ua ke ma lod Vim tseg ib tug no mas ntshe nws yuav quaj quaj nco nco mus tag ib sim neej li pob los .Kuv tsis xav kom ua li na ....Hahaaaaaaaaaaaaaa !

    LS , koj txhawj piav ua luaj li kav tsij tuaj piav rau peb tau Nyiam os . Ua tsaug nawb .



    NkaujNag .


    avatar
    LS
    Visitor
    Visitor

    Messages : 42
    Date d'inscription : 2012-01-22

    Re: LS chaw piav dabneeg.

    Post  LS on 20th April 2012, 11:47 am

    Koojziag,

    neeg lub neej ces yeej zoo li no tiag, vim li cas es peb pheej mloog xwb tsis kawm coj los mus ua kiag, kom pauv peb lub neej ne yom. peb noob neej ces ntshaw luag txawj sib hlub, tiam sis cas ho tsis xyaum los ua kiag rau tus hauv yus tsev. Txog sab nrauv mas hais lus mos nyoos, tiam sis tus ntawm yus xub ntiag mas hais lus dub muag txig rau xwb. Tos peb zoo tsis tau los vim peb zoo rau sab nrauv lawm, peb tseg tus hauv tsev lawm ne.



    Nyob zoo os nkaujnag,

    kuv tsis txawj piav, yog kuv mus hnov los es coj tuaj piav rau nej mloog xwb hahahha.... koj tuaj piav pub rau peb mloog thiab yog tias koj mus hnov los li kuv na hahaha....
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: LS chaw piav dabneeg.

    Post  xiongchang on 8th May 2012, 11:41 am

    - He...he....Tug me phooj ywg! Koj zaj dab neeg, Ntxim tu siab kawg nkaug li os; Tsi yog lom zem nawb....Yog ua tib zoo xav, Kua muag los; Peb haiv hmoob....Yeej saib yug tug poj niam zoo li, Ib tug ntxhais qhev; Los nkauj qhev xwb....Saib tsi tam li, Ib tug niam tsev; Tsi xav txog....Thaum yug ntsib thawj zaug, Es yug nyiam luag tshuav tuag; Thaum yug pom luag zoo nkauj rhib....Yug ntshaw siav pa yaj ntshig, Yog tsi tau mas; Xum tuag kiag....Tsi ua neeg, Nyiaj npaum twg; Rho pua kev....Thov mej koob nqeg tsev zawj, Yaum kwv tij coob; Zov kev txhom zij ntes yuav....Mag qws npaum cas? Tsi tso tes, Ua dev pliaj thov; Ua dev plhu pe....Pob tw tsa nqug, Cuag yoov tshaj cum ntxais ntshav; Cas tau lawm....Ho tsi hlub, Cem nruab hnub; Hmo ntuj ywg....Kuv muaj ib tug hluas nkauj, Nyuam qhuav tuag:....July 6, 1999, Thaum nws tug txiv; Mus pom nram nroog:....VienTiane....Kuv xa nws mus kawm nas muam, Tom qab nws kawm tiav; Wb mam sib yuav....Vim lub xyoo ntawd, Kuv raug xav mus kawm ua; Nai muam tub rog, Yav qab teb lawm;; Kuv sawv kev....June 16, 1972, Nws sawv kev:....June 24, 1972, Kuv li yog nom tswv xa mus kawm; Kuv tug hluas nkauj....Kuv rho nyiaj ntiag tug 150.000 kips, Nws tug txiv zov kev txhom zij mtes yuav xwb; Nws chim siab heev....Thiaj nyiag kev tawm yuav tshuaj lomnas noj yuav tuag, Thiaj hu tsheb:...Taxi....Thauj mus txhuav tsevkho mob:....U.B. Sri Sa vanh vong....Ib hmos cawm tau ciaj, Nws tsi kam yuav; Nws tug txiv tsev neeg leeg lug txhua yam....Kom txhob tuag, Mam coj nws rov zog roob vaub kib; Ntsib niam txiv hais tu....Nyiag nyo nyiag, Nws mam yuav nws tug hluas nraug; Thiaj kom tug muamnrog pw ib hlis....Thaum coj tuaj ntsib niam txiv zog roob vaub kib, Muab nyiaj xiab niam tais yawm txiv ntau, Yuav ib tug phaws twm; Ntug ob txuas caj dab....Tua ua ib pluag mov loj, rau niam txiv neej tsa noj; Yeem them kuv cov nyiaj....Ib tug nqis tshoob 520.000 kips, Tuaj txog lub teb chaws no; Nkawd kuj ua neej zoo xws teb chaws....Yuav taug tsev $250.000.oo Muaj ib lub laab muag khoom noj haus $350.000.oo, Tug txiv tsav tsheb: Truck yuav khoom los muag....Nyiag hluas nkauj ntsaws hauv tsheb txhua zaug, Yov yuav niam yau; Tug txiv muab nkawd....Cov nyiaj zais tas $40.000.oo, Tsi qhia tug niam paub; Thiaj hu tij laug niam tij tuaj hais....Los tsi muab nyiaj los li, Txog thaum kawg; Tuaj saib ncaws pob....July 4, 1999, Thaum rov mus tsev; Txog nrab ke....Tug niam chua kauj tsheb, Npleem poob qab ke tuag lawm; Tsim nyog kawg nkawg....Cov nqeg tsev zawj, Zov kev txhom zij ntes yuav; Yuav tau hlub poj niam npaum li.... Thaum yug Ntsib pom nyiam ntshaw nawb, Cov phooj ywg! Kuv hais tsi dag, Yeej muaj tseeb; Kuv tsi qhia npe xwb os.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: LS chaw piav dabneeg.

    Post  xiongchang on 8th May 2012, 11:58 am

    - Lub neej, Txoj kev nyiam; Thiaj muaj kev nco....Thiaj muaj txoj kev tshua, Tug hluas nraug; Yeej ua txhua tsav yam....Pub tug hluas nkauj tas nrho, Txawm txoj sia tu nrho; Yaj ntshig tuag kiag....Los yeej zoo siab tuag tam, Tug neeg yug nyiam; Yug ntshaw; Yug cia siab....Yog ib tug txeeb txhav yuav kiag kawm, Kuv mas xav ntev; Xav luv....Xav rho loo phom nyem zuaj ua pab neeg ntawd tuag pawg lug, Cuag ntov tsawb hav kub nyiab; Tab sis kuv ho xav tias....Kuv kuj yog, Ib tug me nyuam nom; Qib hnub qub: 2....Txhob this tug hluas nkauj ntawd sib tua tuag li, Cov tub laib teb chaws mes kas no; Tau lub npe phem tsi zoo....Es uv zam xwb os....Hmoob aws.

    Sponsored content

    Re: LS chaw piav dabneeg.

    Post  Sponsored content


      Current date/time is 22nd February 2018, 11:21 pm