google-site-verification: googlefbfddf59e706b96b.html

Tsev seev PajHuam

Hmong beauty nature

Compteur visitor

hnub 18/09/2010 los mus

    Vaj Nruas lub TSEV SAIB HMOOV.

    Share

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Vaj Nruas lub TSEV SAIB HMOOV.

    Post  koojziagkabzaug on 29th January 2012, 2:54 pm




    Tij laus Vaj Nruas lub tsev:

    Saib Hmoov,
    Saib tsawv,
    Xam nyoog,
    Ntau tes.







    1.
    Xwm kab hnub ces yog xiab, 1. 9. 17. 25
    , nyob rau ntawm ib lub hlis twg ces xwm kab muaj npaum li no hnub xwb. Hnub no yog xwm kab hnub, ces yog xwm kab muab nyuj cab nyuj kau muag noj muag haus lawm , yuav tau mus hu tus txiv neeb nyob pem qaum tsev tuaj coj tus xwm kab nrog tus txiv neeb mus txhiv thiaj yuav tau tus ntsuj rov los. Feem ntau ces paug rau tus txiv tsev xwb vim xwm kab yog txiv tsev li teeb meem xwb,
    2.
    Qhov txos hnub ces yog xiab, 2. 10. 17. 26
    , nyob rau ntawm ib lub hlis twg ces qhov txos muaj npaum li no hnub xwb. Hnub no yog dab qhov txos hnub, dab qhov txos tso ncauj tso lus, dab qus thiaj ntes tau tus ntsuj lawm yuav tau mus hu tus txiv neeb nyobces kaum tsev tog txuas sab pem qaum tsev tuaj coj tus dab qhov txos nrog mus txhiv thiaj tau tus ntsuj rov qab npuab rau cev khauj khaum duab,
    3.
    Ncej tas hnub ces yog xiab, 3. 11. 19. 27
    , nyob rau ntawm ib lub hlis twg ces ncej tas muaj npaum li no hnub xwb. hnub no yog ncej tas hnub, dab ncej tas tso lus, yuav tau mus hu tus txiv neeb nyob tom tog qhov rooj txuas tuaj kho thiaj yuav zoo tau,
    4.
    Dab roog hnub ces yog xiab, 4. 12. 20. 28
    , nyob rau ntawm ib lub hlis twg ces dab roog muaj npaum li no hnub xwb. Hnub no yog dab roog hnub, dab roog muab tus ntsuj muag rau tus dab nyob yeeb ceeb lawm yuav tau mus hu tus txiv neb nyob ces kaum tsev npuas qhov rooj txuas sab nrad tuaj ua neeb raws mus txhiv tus ntsuj lawm yeeb ceeb teb mas thiaj yuav zoo,
    5.
    Txhiaj meej hnub ces yog xiab, 5. 13. 21. 29
    , nyob rau ntawm ib lub hlis twg ces txhiaj meej muaj npaum li no hnub xwb. Hnub no yog txhiaj meej hnub, dab txhiaj meej tso lus rau tus dab tho toj tho taug yog li yuav tau mus hu tus txiv neeb nyob ncaj nram qhov rooj tag tuaj ua neeb kho thiaj yuav zoo tau rov los,
    6.
    Thwv tim hnub ces yog xiab, 6. 14. 22. 30
    , nyob rau ntawm ib lub hlis twg ces thwv tim muaj npaum li no hnub xwb. Hnub no yog dab thwv tim hnub, dab thwv tim kawb ntawv noj ntawv haus mas yuav tsum mus hu tus txiv neeb nyob ces kaum tsev tog tag sab nrad tuaj ua neeb kho thiab ntxiv ntawv noj ntawv haus sam laj sam txhov rau thiaj yuav zoo tau,
    7.
    Theej kawv hnub ces yog xiab, 7. 15. 23
    , nyob rau ntawm ib lub hlis twg ces theej kawv muaj npaum li no hnub xwb. Hnub no yog dab theej kawv hnub, mas yuav mob nyhav yuav tau mus hu tus txiv neeb nyob tom tog tsev tuaj kho thiab tuaj soj qab taug lw vim dab theej kawv muab nyuj cab nyuj kau tua noj lawm mas yuav tau mus txeeb thiab coj tus ntsuj los rau siav rau pa kom tus ntsuj rov muaj zog,
    8.
    Txhim suam hnub ces yog xiab, 8. 16. 24
    , nyob rau ntawm ib lub hlis twg ces txhim suam muaj npaum li no hnub xwb. Hnub no mas yog raug dab rwg ntuj rwg teb, tus laim xob yuav tau mus hu tus txiv neeb nyob rau ces kaum tsev tog tag sab ped tuaj kho thiab tuaj thim dab tus laim xob laim cua tawm mus mas thiaj yuav zoo taus, nyab xeeb,




    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304



    Last edited by koojziagkabzaug on 2nd February 2012, 12:57 pm; edited 5 times in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 30th January 2012, 12:01 am


    1.Xiab, 1, 9, 17, 25, yog Xwm Kab Hnub: = Hnub no yog xwm kab hnub yam xim haum yog poob mas poob rau pem hauv plag, yog nyiag mas yog txiv tsev ua tus nyiag, thiab khaws tau lawm xwb.
    2. Xiab, 2, 1, 18, 26, yog Qhov Txos Hnub: =nyob rau hnub no yog yam xim haum poob mas nyob sab pem kaum tsev npuas hauv plag, yam nyiag mas yog me nyuam nyiag, vim hnub no yog me nyuam hnub, thiab me nyuam khaws tau lawm xwb.
    3. Xiab, 3, 11, 19, 27, yog Ncej Tas Hnub: = Nyob rau hnub no yog yam poob mas nyob rau tom tog tag hauv tsev, yog nyiag mas kuj yog me nyuam nyiag, thiab me khaws tau lawm xwb.
    4. Xiab, 4, 12, 20, 28, yog Dab Roog Hnub: = nyob rau hauv hnub no yog yam poob mas nyob nram kaum tsev npuas tog txuas, yog nyiag mas kuj yog me nyuam ntxhais nyiag, thiab khaws tau ib yam.
    5. Xiab, 5, 13, 21, 29, yog Txhiaj Meej Hnub: = nyob rau hauv hnub no yog poob mas nyob nram qhov rooj tag yog nyiag mas yog niam tsev nyiag lawm, thiab khaws tau lawm xwb.
    6. Xiab, 6, 14, 22, 30, yog Thwv Tim Hnub: = nyob rau hauv hnub no yog yam ploob mas nyob ces kaum tsev tog txuas sab nrad, yog nyiag mas tus tsheb ze yus nyiag lawm, thiab khaws tau lawm xwb.
    7. Xiab, 7, 15, 23, yog Theeb Kawv Hnub: = nyob rau hauv hnub no yog yam poob mas nyob tom qhov rooj txuas, yog nyiag mas cov neeg sab nraud nyiag lawm xwb, thiab khaws tau lawm xwb.
    8. Xiab, 8, 16, 24, yog TxhimSuam Hnub: = nyob rau hauv hnub no yog yam poob mas nyob ces kaum tsev npuas tog txuas sab ped, yog nyiag mas koj txhob nroo lawm vim hnub no yog tub sab hnub lawm ces yog tub sab nyiag lawm xwb, txhob tos lawm


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304



    TXUAS NTXIV LWM ZAUS


    Last edited by koojziagkabzaug on 31st January 2012, 3:12 pm; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 31st January 2012, 3:10 pm









    1. Xiab 1, 10, 19, 28, yog -Nom Tswv Hnub: = Nyob rau yas no yog Nom tswv yas, nws zoo rau kev mus ntsib nom ntsib tswv thiab ua lag ua luam xwb, lwm yam tsis zoo li.
    2. Xiab 2, 11, 20, 29, yog -Txiv Tsev Hnub: = Yas no yog txiv tsev yas, ua dab tsi tsis zoo hlo tsuas yog nyob hauv tsev xwb.
    3. Xiab 3, 4, 12, 13, 21, 22, 30, yog -Kwv Tij kwv luag Hnub: =Yas no yog kwv tij kwv luag, yas, nws zoo rau kev ua noj ua haus thiab tsham kwv tij xwb ua lwm yam tsis zoo.
    4. Xiab 5, 14, 23, yog -Me Nyuam Hnub: = Yas no yog me nyuam yas, nws tsis zoo ua dab tsi vim me nyuam lub zog tsis loj thiab tsis muaj sawm yeej txaus tsuas zoo nyob hauv tsev xwb.
    5. Xiab 6, 15, 24, yog -Tub Sab Hnub, yeeb ncuab hnub: = Yas no yog tub sab yas, nws tsis zoo tawm rooj mus ua dib tsi vim hnub no tub sab muaj hwv xyeej loj mas tsis zoo tawm rooj hlo li.
    6. Xiab 7, 16, 25, yog -Hluas Nkauj Hnub: = Yas no yog hluas nkauj yas, nws zoo rau kev nrhiav noj nrhiav haus thiab tham hluas nkauj thiab yuav tab zag xwb lwm yam tsis zoo.
    7. Xiab 8, 17, 26, yog -Neej Tsa Hnub: = Yas no yog neej tsa yas, hnub no yus tawm rooj mus yos tsham kwv tij neej tsa zoo heev luag txais tos yus yam txaus siab txaus ntsws.
    9.Xiab 9, 18, 27, -Niam Tsev Hnub: = Yas no yog niam tsev yas, mus ua dab tsi los zoo heev vim niam tsev yog tus tuav lub cuab thiab niam tsev muaj sawm yeej txaus, ua dab tsi tau raws li lub siab xav.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304



    Last edited by koojziagkabzaug on 2nd February 2012, 12:59 pm; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 1st February 2012, 2:52 pm








    Ob qho nov yog tib qho xwb, tab sis kuv lo tsis tau cov ntawv Nplog ces kuv thiaj li txiav ua duab los tso kom pom cov ntawv Nplog.



    Yog muaj dab tsi los quaj ze koj ces koj yuav tsum tau suav nws cov suab quaj ntawd kom txhua txhua suab nws tau quaj ntawd mus kom txog suab nws tau quaj ntsiag es koj mam rov los saib cov suab no. Koj mam los saib cov suab hauv nov seb nws poob rau suab twg kiag ces koj thiaj paub qhov tseeb hais tias yog yuav muaj dab tsi yuav los cuam tshuam rau koj tom ntej no nag.

    !D ,ao8=j,ao1jkdovo = nws sib dib xwb ces nws yuav pu xwb = Nyob hauv zej hauv zos ces yuav phooj ywg tuaj sib ntsib ua kev zoo siab, Nyob hav zoov ces txog caij pw los yog txog caij so, los yog txog caij zaum lawm yuav tau nyob ib pliag ua kev zoo siab mam mus xwb.

    @D 7;k,8=j7;k,ovoo=k = Lus sib teb ces yuav mus lus xaiv, Yuav hnov luag hais plaub ntug, yuav tau xyuam xim txog kev hais lus, yuav tau ceev faj txog kev xa xov xwm, yuav txuag ncauj txuag lus kom zoo thiaj yuav tsis muaj teeb meem.

    #D |hk8=j8kwfhgsnb]v’ = tim ntsej tim muag tau nab daj, Nyob hauv zej hauv zos ces yuav muaj plaub muaj ntug los heev txog kev poob nyiaj txiag loj hos nyob hauv hav zoov ces yuav muaj teeb meem txog kev sib ntaus sib tua loj, yuav muaj neeg tuag coob txog kev ntsib teeb meem tsis ntev tom ntej no.

    $D 7qowog,nv’dkoduogsQ]k = Neeg hauv nroog kev haus dej haus cawv = nyob hauv zos ces yuav muaj kev qaug dej qaug cawv txog kev sib ntaus sib nrig, nyob hav zoov ces yuav muaj kev sib txeeb noj sib txeeb haus, txog kev sib faib nyiaj txiag ua kev sib ntaus sib tua loj heev, yuav muaj tsiaj loj tom tau tsiaj me noj yam tsis ntsai dab tsi.

    &D c,jpjkg4Qk|ucmh9kds]ko = Niam pog laus yuav tau khiav ncaim xeeb leej xeeb ntxwv = Nyob hauv zej hauv zos ces yuav muaj ib tug neeg laus muaj koob muaj npe zoo yuav tau tuag tso sawv daws tseg, nyob hauv hav zoov ces yuav muaj kev sib ntaus sib tua loj ces tus thawj coj yuav tau tuag, Yuav tsum tau xyuam xim heev kom zoo thiab ceev faj kom zoo txog kev sib ntaus sib tua, Nyob hau zos ces yuav tau ua neeg kho tej laus thiab ntxiv ntawv noj ntawv haus rau thiaj yuav pab tau lawm xwb.



    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    Last edited by koojziagkabzaug on 2nd February 2012, 12:58 pm; edited 3 times in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 2nd February 2012, 8:14 am





    Xiab - 1, 9, 17, 25, Yas no, yog Xwm kab hnub. = hnub no yog xwm kab hnub, nws muaj vij dab vij npog thiab cua los paug tsev yuav tau ua neeb xa cua mus rau ntuj to qhov teb to qab thiaj yuav nyob nyab xeeb, vim xwm kab tso ncauj lus yuav tau ua neeb coj tus xwm kab nrog mus kho thiaj yuav tsis muaj kev cov nyom.. Feem ntau nyob rau hauv no yuav paug rau txiv tsev ntau dua vim tus dab xwm kab yog txiv tsev li teeb meem.

    Xiab - 2, 10, 18, 26, Yas no, yog Qhov Txos Hnub = hnub no yog dab qhov txos hnub nws muaj qhov txhoj nyob rau pem qaum tsev yog koj ua neeb yuav tau mus theej txhoj pem qaum tsev mas thiaj yuav nyob nyab xeeb noj qab nyob zoo raws li siab xav. Feem ntau hnub no yuav paug rau niam ntau dua vim tus dab qhov txos yog niam tsev li teeb meem.,

    Xiab - 3, 11, 19, 27, Yas no yog Ncej Tas Hnub = hnub no yog dab ncej tas hnub, yog muaj tsog tsuag thiab cua los paug vaj paug tsev yuav tau ua neeb quas tus tsog tsuag ntawd thiab xa tus cua vij cua swv mus pov tseg rau nraum toj nraum pes thiaj li yuav nyob nyab xeeb os Feem ntau mas hnub no yuav paug rau niam tsev thiab txiv tsev tib si vim hais tias tus dab ncej tas ntawd yog niam tsev thiab txiv tsev li teeb meem.

    Xiab - 4, 12, 20, 28, Yas no yog Dab Roog Hnub = hnub no yog dab ncig ntuj ncig teb hnub, hnub no muaj qhov txhoj nyob nram qhov rooj tag sab nraum zoov yuav tau ua neeb mus theej txhoj thiaj yuav nyob nyab xeeb rau hauv koj lub tsev neeg, Feem ntau yuav paug rau cov ntxhais nyob rau haus tsev vim dab roog yog me ntxhais li teeb meem,

    Xiab - 5, 13, 21, 29, Yas no yog Txhiaj Meej Hnub = hnub no muaj tsog tsuag thiab muaj qhov txhoj nyob rau nram qhov rooj tag sab hauv tsev yuav tau ua neeb mus theej txhoj thiaj yuav nyob nyab xeeb ua neej. Feem ntau yuav paug rau cov tub nyob rau hauv tsev vim txhiaj meej yog me tub li teeb meem.

    Xiab - 6, 14, 22, 30, Yas no yog Txwv Zeej Txwv Koob Hnub = hnub no yog dab theej kawv hnub, yuav tau ua neeb ntxiv ntawv noj ntawv haus kom cuaj nplooj sib xws yim nplooj sib luag thiab txog mov rau thiaj nyob nyab xeeb rau tsev neeg ntawd. Feem ntau yuav paug rau txiv tsev ntau dua vim hais tias txwv zeej thiab txwv koob yog txiv tsev li teeb meem.

    Xiab - 7, 15, 23, Yas no yog Theej Kawv Hnub = hnub no yog dab theej kawv hnub yuav tau ua neeb ntxiv ntawv thiab cais tus dab theej kawv mas thiaj li yuav nyob nyab xeeb. Feem ntau yuav paug rau txhua tus neeg tsev vim hais tias dab theej kawv hnub no yog txhua tus neeg tsev li teeb meem.

    Xiab - 8, 16, 24, Yas no yog Txhim Suam Hnub = hnub no yog tus dab tus laim xob li vij swv mas yuav tau ua neeb mus cais dab tus laim xob thiab thim dab tus ntsia tooj ntsia hlau mas thiaj yuav nyob nyab xeeb Feem ntau yuav paug rau txhua tus neeg tsev ib yam nkaus vim hais tias dab txhim suam hnub no mas yog txhua tus neeg li teeb meem.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 3rd February 2012, 12:15 am






    Xiab 1, 10, 19, 28, -Nom Tswv Hnub: = Nyob rau yas no yog Nom tswv yas, nws zoo rau kev mus ntsib nom ntsib tswv thiab ua lag luam xwb lwm yam tsis zoo li.

    Xiab 2, 11, 20, 29, -Txiv Tsev Hnub: = Yas no yog txiv tsev yas, ua dab tsi tsis zoo hlo tsuas yog nyob hauv tsev xwb.
    Xiab 3, 4, 12, 13, 21, 22, 30, -Kwv Tij kwv luag Hnub: =Yas no yog kwv tij yas, nws zoo rau kev ua noj ua haus thiab tsham kwv tij xwb ua lwm yam tsis zoo.

    Xiab 5, 14, 23, -Me Nyuam Hnub: = Yas no yog me nyuam yas, nws tsis zoo ua dab tsi vim me nyuam lub zog tsis loj thiab tsis muaj sawm yeej txaus tsuas zoo nyob hauv tsev xwb.

    Xiab 6, 15, 24, -Tub Sab Hnub, yeeb ncuab hnub: = Yas no yog tub sab yas, nws tsis zoo tawm rooj mus ua dib tsi vim hnub no tub sab muaj hwv xyeej loj mas tsis zoo tawm rooj hlo li.

    Xiab 7, 16, 25, -Hluas Nkauj Hnub: = Yas no yog hluas nkauj yas, nws zoo rau kev nrhiav noj nrhiav haus thiab tham hluas nkauj thiab yuav tab zag xwb lwm yam tsis zoo.
    Xiab 8, 17, 26, -Neej Tsa Hnub: = Yas no yog neej tsa yas, hnub no yus tawm rooj mus yos tsham kwv tij neej tsa zoo heev luag txais tos yus zoo thiab luag tsav yus lub sam xeeb, tab sis yog hli tab mas txhob mus yos hav dej tsam poob deg vim hnub no zaj nrhiav noj.

    Xiab 9, 18, 27, -Niam Tsev Hnub:
    = Yas no yog niam tsev yas, mus ua dab tsi los zoo heev vim niam tsev yog tus tuav lub cuab thiab niam tsev muaj sawm yeej txaus, ua dab tsi tau raws li lub siab xav.Liaj txheej yuav tab zag no luag siv ib yam li siv liaj txheej tawm rooj thiab yeeb vim hais tias koj yuav tau keeb kom tau hnub thiab hli kom zoo, thiab keeb kom tau meej tseeb tiag koj mam li los ntaus tes thiaj yuav paub qhov tseeb tiag.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 5th February 2012, 2:53 pm










    Xiab - 1, 10, 19, 28, ( Nom Tswv Hnub ) -Kev yuav tab zag nyob rau hnub no mas tus nyab yeej tsis hwm tub roog thiab cov hauv tsev, tsuas pom tab nrog tus ub tus no sib cav sib ceg tas lub neej, yeeb vim nws los rau lub sij hawm muaj hwj chim loj ces nws tus hwj chim ntawd thiaj li coj nws lub siab ceev thiab tsiv nyaum heev xwb.

    Xiab - 2, 11, 20, 29, ( Txiv Tsev Hnub ) -Hnub no mas tsis zoo yog yuav tab zag rau hnub no mas tus poj niam ntawd nyiam nkawg xaiv heev yog leej twg qhuab qhia nws yuav nrog tus ntawd sib ceg yam li nws yeej muaj vaj huam loj tshaj plaws zoo li yeej yog neeg nom neeg tswv kav teb kav chaw li nag os mas koj yuav tsus tsis txhob mus chiv koj lub neej hnub no thiaj yuav tsis muaj kev nyuab siab os.

    Xiab - 3, 4, 12, 13, 21, 22, 30, ( Kwv Tij Kwv Luag Hnub ) -ob hnub no mas nyob rau hauv kev yuav poj yuav sev mas tsis tshua zoo heev vim nws lub yeej sawm duav tsis tau tus txiv thiab me tub me nyuam mas yuav muaj vib xeeb heev.

    Xiab - 5, 14, 23, ( Me Nyuam Hnub ) -Nyob rau hnub no los kuj tsis zoo thiab vim tias hnub no yog me nyuam hnub lub zog me thiab tsis muaj sawm yeej txaus, ua neej muaj ntsis muaj txiab xeeb rau tab zag thiab me nyuam.

    Xiab - 6, 15, 24, ( Tub Sab Hnub ) -Hnub no los kuj tsis zoo yog yuav tau poj niam rau tub sab yas, ces yuav mus kev deb lawm, tus poj niam ntawd yuav deev hluas thiab yuav xyaum ntaus hlau txias vim hnub no yog tub sab hnub thiab tub sab lub sawm yeej loj heev.

    Xiab - 7, 16, 25, ( Hluas Nkauj Hnub ) -hnub no los kuj tsis zoo thiab, vim hnub no yog hluas nkauj hnub, mas yuav xeeb muaj xav ceem rau yus yim neej los yog yus txij nkawm niam txiv, vim hluas nkauj, nyiam ua hluas heev .

    Xiab - 8, 17, 26, ( Neej Tsa Hnub ) -Hnub no mas zoo heev rau kev yuav tab zag, vim hnub no yog neej tsa hnub nws muaj sawm yeej loj heev thiab neej tsa yuav pab txhawb yus lub neej kom sawm txhiaj thiab ua neej nyob muaj nom tswv hlub yus muaj kev khom vam tau lwm tus pab.

    Xiab - 9, 18, 27, ( Niam Tsev Hnub ) -Nyob rau hnub no mas zoo heev, vim tias hnub no yog niam tsev hnub mas nws muaj sawm yeej loj duav tau leej txiv thiab tsev neeg me nyuam, ua dab tsi tau txais txiaj ntsim zoo muaj kev phooj ywg coob yog luag muaj noj hu yus tsis mus mas luag lub siab yeej tsis kheev, luag keeb hwm yus lub sam xeeb vim hnub no yog niam tsev hnub.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 6th February 2012, 2:49 pm



    Cool Flash Comments



    Xiab - 1, 6, 11, 16, 21, 26 - Niam tsev thiab txiv tsev - Yog ua npau suav rau hnub no mas yog yam zoo mas kuj zoo rau niam tsev thiab txiv tsev xwb yog yam phem ces kuj phem rau niam tsev thiab txiv tsev, tsev neeg yuav ua neeb kho niam tsev thiab txiv tsev thiaj yuav muaj kev nyob nyab xeeb lug rau yim neej xwb, thiaj yuav tau kom niam tsev thiab txiv tsev yuav tau caiv tsis txhob mus ub mus no thiab,

    Xiab - 2, 7, 12, 17, 22, 27 - Me nyuam tub thiab me nyuam ntxhais - Yog ua npau suav rau hnub no mas yog yam zoo ces kuj zoo rau me nyuam, yog yam phem ces kuj phem rau me nyuam xwb, yuav tau ua neeb kho me nyuam, los yog kom me nyuam yuav tsum caiv, tsis txhob mus ub mus no xwb thiaj yuav zam tau dhau mus os nawb,

    Xiab - 3, 8, 13, 18, 23, 28 - Kwv tij thiab kwv luag - Yog ua npau suav rau hnub no mas yuav zoo ces zoo rau kwv tij kwv luag xwb, yog yam phem ces kuj phem rau kwv tij kwv luag xwb, yuav tau kom kwv tij kwv luag caiv tsis txhob mus ub mus no, thiab ua neeb kho kwv tij kwv luag thiaj li yuav nyob nyab xeeb,

    Xiab - 4, 9, 14, 19, 24, 29 -
    Kev neej thiab kev tsav - Yog ua npau suav rau hnub no mas yog yam zoo ces yog zoo rau kev neej kev tsa, yog yam phem ces kuj yog phem rau kev neej kev tsa xwb, yuav tau ua neeb kho kev neej kev tsav thiab yuav tau kom kev neej kev tsav yuav tsum caiv tsis txhob mus ub mus no xwb thiaj yuav nyob nyab xeeb lug rau lub neej pem suab xwb,

    Xiab - 5, 10, 15, 20, 25, 30 - Qhua tauj yas ob cag peb txhais thiab mab sua sab nraud - Yog ua npau suav rau hnub no mas tsis yog cov ze koj lawm tab sis tej zaum koj pob ntseg yuav hnov los yog qhov muag yuav pom xwb, koj tsis txhob poob siab lawm mog.



    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 26th March 2012, 3:44 pm



    Nyob zoo tij laug Hmoob Ntuj Tshiab,

    Ua tsaug rau nws cov txuj xam nyoog.

    Ua cas kuv khwv khwv es cia li tsis nco qab tuaj tso kom tag li lawm. Kuv mam li lauj zias lub caij tuaj tso kom tag. Nws sau tau zoo kawg thiab yog ib yam txuj uas muaj nqes heev rau peb txhua leej.

    Thov ua tsaug dua ib zaug ntxiv.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 26th March 2012, 5:56 pm




    Xiab - 1, 7, 13, 19, 25, Hnub no yog nws tus kheej hnub
    - Nyob rau hnub no koj hu plig txhawb koob hmoov zoo heev vim tus plig tseem nyob hauv tsev, hnub no plig pw tom qab txag xwb, koj yuav tau los hu ob peb lo lus ntawm rooj txag es plig thiaj li hnov koj hu os nawb,

    Xiab - 2, 8, 14, 20, 26, Hnub no yog nom tswv hnub
    - Yog koj yuav hu plig hnub no mas koj muab qe thiab qaib hu xwb tau lawm, vim tus plig nyob qab vag tsib taug xwb, koj yuav tau tawm rooj mus hu ob peb los lub nraum zoov tso mam los hu ntawm qhov rooj tag es plig thiaj li hnov koj hu os nawb,

    Xiab - 3, 9, 15, 21, 27, Hnub no txiv tsev

    - Hnub no yog koj yuav hu plig mas koj mus hu lawm puag tom ncauj ke xwb plig thiaj hnov koj hu, vim hnub plig nyob puag tom ncauj kab ncauj kev lawm, kojyuav tau mus hu ob peb lo lus puag tom ncauj kev mas plig thiaj li hnov koj hu nawb,

    Xiab - 4, 10, 16, 22, 28, Hnub no yog yeeb ncuab hnub
    - Hnub no mas koj txawm hu los nkim zog xwb, koj hu plig los plig tsis hnov koj hu lawm, vim hnub no plig mus pw zoo nuj xiab lawm, koj tsis tas hu lawm os nawb.

    Xiab - 5, 11, 17, 23, 29, Hnub no me tub me ntxhais hnub
    - Hnub no mas yog koj yuav hu plig mas koj mus hu lawm puag tom ncauj kab ncauj kev, mas zoo heev, tab sis koj muab qe hu xwb los yeej tau vim zoo siab los tsev lawm, vim hnub no plig rov los txog puag tom ncauj kev, koj yuav tau mus hu ob peb lo lus puag tom ncauj kev tas ces koj mam los hu ntawm qhov rooj ces zoo heev os nawb,

    Xiab - 6, 12, 18, 24, 30, Hnub no yog niam tsev hnub
    - Hnub no yog koj yuav xuas npua los yog xuas nyuj thiab twm hu mas zoo heev, es ho khi tes nrog mas koj hu hnub no mas thiaj muaj sawm yeej txaus thiab hnub no yog hnub plig los tas nrho los txog rau qab vaj tsib taug lawm, koj tawm rooj plaws mus hu ob peb suab nraum zoov tas ces los hu ntawm qhov rooj mas zoo heev nawb,


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 27th March 2012, 10:57 am





    Xiab - 1, 10, 19, 28, Hnub no yog Nom tswv Hnub
    - Hnub no zoo heev vim hnub no yog nom tswv hnub ua dab tsi los muaj yeej thiab lub qua tsev ntawd khwv tau noj tau haus raws li nom tswv,

    Xiab - 2, 11, 20, 29, Hnub no yog Txiv Tsev Hnub
    - Hnub no yog Nyob rau Hnub no los kuj zoo thiab lub tsev no khwv noj khwv haus, ua qoob ua loo nce tes thiab ntsu dua yug tsiaj txhu loj hlob zoo tsis tuag

    Xiab - 3, 12, 21, 30, Hnub no yog Kwv tij Hnub
    - Nyob rau hauv hnub no mas yog kwv tij hnub koj tsa tsev rau hnub no mas zoo heev vim muaj sam xeeb ntawm kwv tij tuaj nrog txhawb pab koj thiab,

    Xiab - 4, 13, 22, Hnub no yog kwv luag Hnub
    - nyob hnub no mas kuj yog kwv tij hnub thiab yog koj nyob lub tsev no hais lus kwv tij neej tsa nyiam hais dab tsi luag pab yus zoo muaj neeg poog yus coob, muaj noj muaj haus yus tsis mus nrog luag noj luag lub siab tsis kheev li os nawb.

    Xiab - 5, 14, 23, Hnub no yog Me nyuam Hnub
    - Nyob rau hauv hnub no mas tsis zoo vim luj loog qis thiab lub tsev no muaj ntsis kheev raug khaub thuas nyob rau hauv hnub no tsis zoo ua vaj ua tsev li,

    Xiab - 6, 15, 24, Hnub no yog tub sab Hnub
    - Nyob rau hauv hnub no ua tsev tsis zoo yog koj ua tsev rau hnub no yuav muaj tus lij nyom nyiag koj tas mus li xwb mas koj yuav tau pauv lub tsev ntawd tawm thiab yuav viv vaim tau thiab hauv koj lub neej yuav muaj kev nyuab siab ntau yam thiab nawb mog.

    Xiab - 7, 16, 25, Hnub no yog hluas nkauj Hnub
    - Nyob rau hauv hnub no ua vaj ua tsev tsis zoo kiag vim yog koj ua vaj ua tsev rau hnub no yuav muaj xyob txhiaj xyob koj ces khwv dab tsi tsis tau ua qoob loo ua ntau tau tsawg, tu qaib npua tsis vam, luag tseem lauj yus thiab nyiag yus tas mus li xwb.

    Xiab - 8, 17, 26, Hnub no yog neej tsa Hnub
    - Nyob rau hauv Hnub no mas ua vaj ua tsev zoo heev vim yog neej tsa hnub mas kwv tij neej tsa yuav tuaj koom pab txhawb nqa thiab, hais lus dab tsi los raug luag nyiam thiab txaus luag ntseeg

    Xiab - 9, 18, 27, Hnub no yog Niam tsev Hnub
    - Nyob rau hauv hnub no mas tsa tsev mas zoo heev li vim hnub no yog niam tsev hnub niam tsev lub sawm yeej loj siab duav tau, khwv nyiaj txiag tau yooj yim npaum li dej ntws, muaj neeg poog yus coob luag pab yus yam dawb huv, tseem yuav tau nom rau koj lub tsev no thiab os nawb vim lub tsev muaj hmoo zoo heev los dua tau koj tsev neeg thiab nawb.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304
    [/quote]


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 27th March 2012, 11:00 am





    Xiab – 1, 4, 7, 10, 13, 16, 19, 22, 25, 28, Tib neeg yog leej twg chiv mob rau hnub no mas, ua neeb kho zoo sai heev vim tsis muaj kev nyuaj siab dab tsi li os nawb, vim plig nyob hauv tsev xwb, tsis poob rau qhov nyuab siab os nawb, ua neeb los tsis nyuab rau tus txiv neeb thiab.

    Xiab - 2, 5, 8, 11, 14, 17, 20, 23, 26, 29, Tib neeg yog leej twg chiv mob rau hnub no mas, yuav tau siv neeb siv yaig thiab dej tshuaj ntau zog thiaj yuav zoo nawb, vim plig faiv mob ib txhia thiab os nawb.

    Xiab - 3, 6, 9, 12, 15, 18, 21, 24, 27, 30, Tib neeg yog leej twg chiv mob rau hnub no mas yuav qig neeb qig yaig thiab, qig dej qig tshuaj heev, vim tsuj plig mus deb heev lawm thiab, yuav tau sib zog heev thiaj yuav zoo tau los nawb,


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 27th March 2012, 11:11 am



    NTAU HAUV CAUG TXOJ SAIB TSAWV XIM KHOOM PLOJ.

    Liaj txheej ntaus hauv caug no luag siv xam zwj ib yam nkaus li xam saib lwm yam thiab, yog xam xim khoom ploj mas raws li nyob rau zwj thaj dab tsi mas yuav tsum xam zauv ib mus kom txog rau hnub yam xim khoom ploj, thaum no koj yuav paub tias tau thiab tsis tau no os.


    Xiab - 1, 5, 9, 13, 17, 21, 25, 29, Yog yam poob mas poob hauv tsev, yog nyiag ces neeg tsev nyiag xwb, yog mob ces yog dab tsev ua xwb, thiab plig faiv mob ua xwb,

    Xiab - 2, 6, 10, 14, 18, 22, 26, 30, Yog poob mas poob rau sab nraud lawm, yog muaj neeg khaws tau mas tus txheeb ze yus khaws tau, thiab yog neeg nom neeg tswv khaws tau lawm, yog nyiag ces tus txheeb ze yus nyiag los yog neeg tseem ceeb nyiag xwb, yog mob ces yog dab tim tswv teb chaws ua xwb,

    Xiab - 3, 7, 11, 15, 19, 23, 27, Yog yam poob mas poob deb heev lawm, yog muaj neeg khaws tau mas yog tus qhua sab nraud khaws tau lawm, yog nyiag ces yog cov qhua sab nraud tuaj nyiag lawm xwb, qhov yuav tau los mas nyuab lawm nag nawb mog, yog mob feem ntau ces yog raug dab txawv yaj txawv yeeb, thiab raug dab tua tsiaj tua txhuv, thiab ib feem ces raug luag tso dab tuaj thiab tus dab neem tua tsiaj xwb tiag,

    Xiab - 4, 8, 12, 16, 20, 24, 28, yog yam poob ces poob rau qhov tej uas nraim nraim lawm, thiab yog poob rau sab nraud ces yog poob deb lawm, hos yog nyiag ces yog neeg nyob deb tuauj nyiag xwb, hos muaj ib feem mas kuj yog cov neeg nyob ze nyiag thiab, vim hnub no yog neeg deb thiab neeg ze lub zim txwv, yog mob ces raug dab qhov dej txhawv qhov dej saus, dab looj vaj li thwv tim, dab kwj ha xwb os,


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 28th March 2012, 11:51 am



    XAM HNUB SAWV KAV TSWJ SAIB TXOG KEV UA NPAU SUAV TSIS ZOO, KEEB RAWS ZWJ.

    1, Zwj Hnub: ( Sunday )
    - Tsheej theeb hnub Yog ua npau suav rau hnub no mas yog yam zoo ces kuj zoo rau yus pab, yus pawg xwb, yog yam phem ces kuj phem rau yus pab, yus pawg thiab xwb, hnub no yog yus pab, yus pawg li teeb meem.

    2, Zwj Hlis: ( Monday ) Lauv roog hnub
    -Yog koj ua npau suav rau hnub no mas yam zoo yog zoo rau npoj yaig kwv luag, yam phem kuj yog phem rau npoj yaig kwv luag xwb, Hnub no yog npoj yaig kwv luag li teeb meem xwb.

    3, Zwj Quag: ( Tuesday ) Yi tim hnub
    - Yog ua npau suav rau hnub no mas yam zoo ces zoo rau niam thiab txiv thiab cov coj noj coj ua xwb, yog yam phem ces kuj phem ces kuj phem rau niam , txiv thiab cov coj noj coj ua xwb, hnub no ces yog niam, txiv thiab cov coj noj coj ua li teeb meem xwb,

    4, Zwj Feej: ( Wednesday ) Nkauj xyab hnub
    -Yog ua npau suav rau hnub no mas yog yam zoo ces kuj zoo rau yus tsev neeg xwb, yog yam phem ces kuj phem rau yus tsev neeg thiab xwb, hnub no yog yus tsev neeg li teeb meem lawm nawb.

    5, Zwj Teeb: ( Thursday ) Yee yuam hnub
    -Yog ua npau suav rau hnub no mas yog yam zoo mas kuj zoo rau kws laj tim thawj xwb, yog yam phem ces kuj phem rau kws laj tim thawj xwb, hnub no yog kws laj tim thawj li teeb meem xwb.

    6, Zwj Kuab: ( Friday ) Xeeb laj hnub
    - Yog ua npau suav rau hnub no mas yog yam zoo ces kuj zoo rau yus li cuab yeej toom txeem, xwb, yog yam phem ces kuj yog phem rau yus li cuab yeej toom tseem xwb, hnub no yog yus tej cuab yeej toom txaim li teeb meem xwb.

    7, Zwj Cag: ( Saturday ) Tshaj xeeb hnub
    - Yog ua npau suav rau hnub no mas yog yam zoo ces kuj zoo rau yus tus kheej xwb, yog yam phem ces kuj phem rau yus tus kheej thiab xwb, hnub no yog yus tus kheej li teeb meem.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 28th March 2012, 11:56 am




    Xiab - 1, 9, 17, 25, Yas no, yog Xwm kab hnub. = hnub no yog xwm kab hnub, nws muaj vij dab vij npog thiab cua los paug tsev yuav tau ua neeb xa cua mus rau ntuj to qhov teb to qab thiaj yuav nyob nyab xeeb, vim xwm kab tso ncauj lus yuav tau ua neeb coj tus xwm kab nrog mus kho thiaj yuav tsis muaj kev cov nyom.. Feem ntau nyob rau hauv no yuav paug rau txiv tsev ntau dua vim tus dab xwm kab yog txiv tsev li teeb meem.

    Xiab - 2, 10, 18, 26, Yas no, yog Qhov Txos Hnub = hnub no yog dab qhov txos hnub nws muaj qhov txhoj nyob rau pem qaum tsev yog koj ua neeb yuav tau mus theej txhoj pem qaum tsev mas thiaj yuav nyob nyab xeeb noj qab nyob zoo raws li siab xav. Feem ntau hnub no yuav paug rau niam ntau dua vim tus dab qhov txos yog niam tsev li teeb meem.

    Xiab - 3, 11, 19, 27, Yas no yog Ncej Tas Hnub = hnub no yog dab ncej tas hnub, yog muaj tsog tsuag thiab cua los paug vaj paug tsev yuav tau ua neeb quas tus tsog tsuag ntawd thiab xa tus cua vij cua swv mus pov tseg rau nraum toj nraum pes thiaj li yuav nyob nyab xeeb os Feem ntau mas hnub no yuav paug rau niam tsev thiab txiv tsev tib si vim hais tias tus dab ncej tas ntawd yog niam tsev thiab txiv tsev li teeb meem.

    Xiab - 4, 12, 20, 28, Yas no yog Dab Roog Hnub = hnub no yog dab ncig ntuj ncig teb hnub, hnub no muaj qhov txhoj nyob nram qhov rooj tag sab nraum zoov yuav tau ua neeb mus theej txhoj thiaj yuav nyob nyab xeeb rau hauv koj lub tsev neeg, Feem ntau yuav paug rau cov ntxhais nyob rau haus tsev vim dab roog yog me ntxhais li teeb meem,

    Xiab - 5, 13, 21, 29, Yas no yog Txhiaj Meej Hnub
    = hnub no muaj tsog tsuag thiab muaj qhov txhoj nyob rau nram qhov rooj tag sab hauv tsev yuav tau ua neeb mus theej txhoj thiaj yuav nyob nyab xeeb ua neej. Feem ntau yuav paug rau cov tub nyob rau hauv tsev vim txhiaj meej yog me tub li teeb meem.

    Xiab - 6, 14, 22, 30, Yas no yog Txwv Zeej Txwv Koob Hnub
    = hnub no yog dab theej kawv hnub, yuav tau ua neeb ntxiv ntawv noj ntawv haus kom cuaj nplooj sib xws yim nplooj sib luag thiab txog mov rau thiaj nyob nyab xeeb rau tsev neeg ntawd. Feem ntau yuav paug rau txiv tsev ntau dua vim hais tias txwv zeej thiab txwv koob yog txiv tsev li teeb meem.

    Xiab - 7, 15, 23, Yas no yog Theej Kawv Hnub = hnub no yog dab theej kawv hnub yuav tau ua neeb ntxiv ntawv thiab cais tus dab theej kawv mas thiaj li yuav nyob nyab xeeb. Feem ntau yuav paug rau txhua tus neeg tsev vim hais tias dab theej kawv hnub no yog txhua tus neeg tsev li teeb meem.

    Xiab - 8, 16, 24, Yas no yog Txhim Suam Hnub = hnub no yog dab tus laim xob li vij sub vij swv mas yuav tau ua neeb mus cais dab tus laim xob thiab thim dab tus ntsia tooj ntsia hlau mas thiaj yuav nyob nyab xeeb Feem ntau yuav paug rau txhua tus neeg tsev ib yam nkaus vim hais tias dab txhim suam hnub no mas yog txhua tus neeg li teeb meem.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 2nd April 2012, 10:50 am


    MUAJ 12 TUG TSIAJ SAWV NRES HNUB NYOOG THIAB FEEB NEEJ DAB LUB ZIM TXWV ZOO THIAB PHEM.



    QAIB = qaib hnub, hli, xyoo, ua dab tsi los tsis zoo vim nws lub hwj chim tsis loj, yuav ua rau txhua txhia yam soob thiab me tsis muaj zog li nws.

    DEV = dev hnub, hli , xyoo, nyob rau hauv dev thiv meem mas tshaib nqhis heev, thiab tsis tshua txaj muag, yog leej twg tau hmoov dev kuj zoo thiab vim tsis khwv los kuj tau noj yam tsis tuag tshaib thiab.

    NPUA = npua hnub, hli, xyoo, nyob rau hauv npua lub sam xeeb mas yuav tsum yog khwv tiag mas thiaj tau noj, nws kuj zoo rau kev nias tsam heev thiab kuj nrog luag muaj yeej thiab.

    NAS = nas hnub, hli, xyoo, nyob rau hauv nas hnub mas ua dab tsi tsis zoo kiag li, vim nas zog me thiab noj loj, yos taus heev thiab txhoj puab heev thiab tub sab heev li. Zoo rau kev nyiag xov xwm ntawm luag xwb.

    NYUJ = nyuj hnub, hli, xyoo, nyob rau hauv nyuj hnub mas txhoj puab heev tab sis nws zoo rau kev nias tsam thiab. Kev lag luam thiab.

    TSOV = tsov hnub, hli, xyoo, nyob rau hauv tsov hnub mas ua dab tsi los zoo vim nws lub sam xeeb loj thiab tsiv heev, hnub no ua dab tsi mas yuav tsum tiav log xwb, mus ntsib nom tswv los zoo heev, nias tsam los kuj muaj yeej zoo thiab. Ua lag luam tsis tshua zoo vim tau tsis xwm yeem xwb.

    LUAV = luav hnub, hli, xyoo, nyob rau hauv luav hnub no mas nws tsuas yog zoo rau kev ua vaj ua tsev xwb, lwm yam tsis zoo thiab vim luav ces pheej laug hnub laug nyoog heev siab qeeb heev ua tsis tau siab heev.

    ZAJ = hnub, hli, xyoo, nyob rau hauv zaj lub zim txwv no mas zoo tshaj txhua yam, vim zaj yog tswv luaj tswv av li tsiaj, thiab lub sam xeeb loj ntev heev, txhua txhia yam muaj kev sawm yeej txaus, ua dab tsi tsis muaj qhov puas tsuaj thiab plam li, zoo ntau xwb, vim zoo raws nraim li zaj lub hwj chim nag.

    NAB = hnub, hli, xyoo, nyob rau hauv nab lub zim txwv no mas zoo rau kev ua lag luam lawm xwb, vim nab nplua ntaug thiab nyob hauv qhov ntau xwb, tawm nrhiav thaum twg ces yeej tau thaum ntawd li ntag vim tias nab lub cev yog npib nyiaj thiab npib kub xwb

    NEES = hnub, hli, xyoo, nyob rau hauv nees lub zim txwv no nws kuj zoo rau kev ua lag luam thiab, nyob rau nees hnub ua dab tsi muaj zog thiab tau sai tab si looj loog tsis khov heev yuav tau ceev faj zoo, thiaj tsis plam dhau mus nawb.

    YAJ = hnub, hli, xyoo, nyob rau hauv yaj lub zim txwv no mas ua dab tsi los zoo tas vim nws cev plaub tuab heev dej ntub tsis thawm tiam sis yuav tau ceev faj txog kev phom tshij thiaj yuav kaj siab nawb.

    LIAB = hnub, hli, xyoo, nyob rau hauv liab lub zim txwv no mas ua dab tsi tsis zoo hlo li, nws tsuas yog zoo rau kev puam fab thiab kev nrhiav noj nrhiav haus ntawm lub laj lim tswv yim xwb, vim txhob puab heev qhov zoo nws muab ua puas tas lawm xwb.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 2nd April 2012, 10:56 am






    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 2nd April 2012, 11:01 am


    Qaib
    = Sam xeeb ntawm Qaib tus yeeb yam cwj pwm coj tus kheej


    Qaib lub zim txwv sawv nres hnub nyob rau hli tab = 1, 13, 25, = nyob rau hli txooj = 7, 19, = Qaib lub zim txwv sawv nres hlis, yog nws nres lub 1, hlis ntuj.
    Qaib lub zim txwv sawv nres xyoo, nyob rau cov xyoo no yog, Qaib xyoo, Qaib xyoo yog -1933, 1945, 1957, 1969, 1981, 1993, 2005, 2017, 2029

    Nyeej sawv ntawm Qaib lub sawm yeej coj tus cwj pwm sawv nres
    Ua dab tsi tau siab heev, muaj peev xwm nrawm thiab ceev heev, muaj hwj chim zoo tab sis, sam xeeb me, ua qhov hnyav tsis tau vim lub zog tsis loj duav tsis tau dav, muaj kev txom nyem thaum me, hais lus zoo heev , ua num muaj koob vim leej tab leej zag los yog leej tub leej roog yog tus pab txhawb nqa txhua yam ntawm lub luag dej nus xwb.

    Nyeej kav ntuj nrag ntawm Qaib lub sawm yeej pov puag coj raws
    Muaj mob heev, tab sis mob tsis loj, yog yuav puas tsuaj mus rau kev nruam sim ces puas thaum me lawm thiab thaum laus xwb, kev cawm seej yog cov kwv tij thiaj pab tau xwb thiab cov txheeb ze nkaus xwb hos tus sab ntaud ces tsuas yog tuaj loos ntxiv xwb os, Thaum ib nrab neej mus mas zoo nkauj zoo nraug heev thiab muaj peev xwb heev rau kev hais lus thiab puam fab heev , zoo rau fab puam fab hais lus kom luag qaug yus quav ces luag raug yus muab tsaws ua zaub hno noj xwb,

    Kev coj cwj pwm tus kheej ntawm Qaib lub zim txwv txoj hmoo.
    Tus zeej keeb twg yug nyob rau Qaib xyoo, mas nyob rau hauv zim keeb txoj hmoo coj cwj pwm ntawm nws tus kheej, mas nws coj siab luv heev, chim taus heev, tsis nyiam hais lus phem li, nws nyiam hais lus zoo zoo xwb, nws nquag heev thiab siab sib heev, sawv ntxov heev, nyiam tu tus kheej kom zoo huv si xwb, yog hais haum nws siab nws li mus, yog hais tsis haum nws siab ces nws tsis nyiam mus, yog nws nyiam leej twg nws li mus nrog ntaus phooj ywg rau hos nws tsis nyiam ces nws yeej tsis nyiam ua phooj ywg rau li, nws yuav nws siab xwb,

    yuav kom zoo mas nws yuav tau yoog thiab yuav lwm tus hais thiab, lwm tus los yuav tau yoog nws thiab yuav nws siab ib nrab thiab thiaj li haum los nyob ua ke tau ua txij ua nkawm mus, txhua yam yog lub zog txhawb los ntawm leej tub leej roog, leej tab leej zag, tas mus li thiaj li nrog luag muaj koob muaj meej nto lug, yuav tau hwm tub hwm roog, hwm tab hwm zag, thiab sib hlub kom tsim nyog thiaj yuav nrog luag muaj koob meej zoo,

    Tus me nyuam twg yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( Q K ) nyob rau hauv nws lub npe thiaj yuav raug raws li nws txoj hmoov uas nws coj nrog nws puag pem nywj vab los ua neeg rau hauv ntiaj teb no, thiab nws ua dab tsi thiaj yuav tau raws li nws lub siab xav,

    Yug los rau Qaib xyoo no mas siav me heev, yuav tau xyuam xim txog txoj kev luag dag yus es thiaj yuav tsis muaj kev phom tshij rau yus tus kheej, Hais txog kev Mob nkeeg mas cawm seej tsis muaj txaus, vim hais tias txhua tus txoj kev pab cawm ntawd muaj tsis txaus thiab lub zog tsis loj, nws tus cawm seej ces tsuas zoo li nws thiab xwb,

    Hais txog ntawm siv qaib lub zim txwv no mus yuav poj niam mas tsis zoo li, vim hais tias qaib yog ib tug tsiaj qia dub heev, nws tsuas khwv rau nws noj xwb nws yeej pub tsis tau rau lwm tus noj thiab vim siab luv heev, ces yog siv qaib lub zim txwv ces muaj ntsis yuav zoo li qaib thiab nag hos,

    Hais txog ntawm kev siv Qaib lub zim txwv no mus ua lag luam mas tsis tshua muaj paj laum zoo vim lub zog me heev tsua siv lub tswv yim los ntxias luag xwb, qhov yuav poob peev ces yog luag muab kev zoo nkauj zoo nraug los ntxias koj nag hos, Ces thaum koj raug ntxias lawm ces koj cia li poob peev lawm xwb nag,

    Hos hais txog kev mus ua tsov rog mas tsis muaj yeej, vim yus lub zog tab heev nres tsis taus luag lub zog qhov yuav yeej ces yuav tau siv lub tswv yim los ntxias luag es kom luag qaug yus quav xwb nkaus nawb,

    Qaib. Siav me heev, hwj chim zoo, sam xeeb me, ua hauj lwm hnyav tsis tau, nws nrawm heev ua dab tsi tau sai, siab luv, chim taus heev, tsis muaj cawm seej txaus, Leej twg yus rau qaib hnub, qaib hli, qaib xyoo mas zoo tsis heev, vim coj ceev siab luv heev, qhov zoo yog siab sib xwb, sawv ntxov heev, nquag heev tiam sis zog me khwv txaus noj txaus haus xwb, kev ua tus coj noj coj ua mas yuav ua tsis tau vim yuav yog tab zag txhawb thiaj zoo yog tab zag tsis txhawb ces yeej tsis tos li os nawb.

    Yuav tau xyuam xim txog kev coj noj, coj ua, vim muaj dav muaj plis coob coob heev, yuav tau saib tom ntej tom qab zoo mam ua thiab tsis raug dav thiab plis tom, thoob ntuj sia paub neej dab lus zoo, kob xwb txog rau fab keeb zim caij nyoog, feeb kev phem kev zoo rau pab pawg kev ua neej nyob thoob tsib to nrog, luag tsis paub nws twg paub ua ntej lawm os nawb,
    Yus tau yeeb ncuab ces yog tus phooj ywg zoo thiab nom tswv xwb, yus yuav tau xyuam xim txog fab kev hais lus thiab kev raug luag quab yuam kom yus ua tej yam tsis zoo xwb os nawb.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    Last edited by koojziagkabzaug on 2nd April 2012, 11:23 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 2nd April 2012, 11:07 am


    Dev= Sam xeeb ntawm Dev tus yeeb yam cwj pwm coj tus kheej



    Dev lub zim txwv sawv nres hnub nyob rau hli tab = 2, 14, 26, = nyob rau hli txooj = 8, 20, = Dev lub zim txwv sawv nres hlis, yog nws nres lub 2, hlis ntuj.
    Dev lub zim txwv sawv nres xyoo, nyob rau cov xyoo no yog, Dev xyoo, Dev xyoo yog 1934, 1946, 1958, 1970, 1982, 1994, 2006, 2018, 2030

    Ceeb tshaj kav ntuj nrag ntawm Dev lub sam xeeb sawv coj
    Muaj cua zoo thiab nws hauj sim xwb, tsis muaj kom dhau qhov uas yuav muaj tau ( xav ceem ) phom tshij dab tsi thiab.

    Nyeej kav ntawm Dev lub sawm yeej pov puag raws keeb kwm

    Lub xyoo no zoo heev, Neej thiab dab los yeej ntshai tas, luag lwm tus los yeej hwm yus zoo, mus kev deb ua tau heev, siab ntev heev tsis tuag sai, ua neej nyob thaum hluas mus txog thaum laus los fab nyiaj txiag txom nyem me ntsis, siab tawv ua dab tsi los tsis nco ntshai li tiam sis yuav xyuam xim txog kev phom tshij vim muaj yeej cuab txhua txhua lub sij hawm uas sawv kev ua dej num, fab kev plees kev yi mas zoo heev, muaj txaus siab txaus ntsws, hais txog kev phooj kev ywg mas luag ntxub thiab nyiam sib npaug zos xwb, fab kev coj noj coj ua mas yog ib tug nyiam tsoo taus heev thiab luab lim luag heev li, tiam sis muaj ntsis muaj kev hom hais lus dag sib xyaws pes daws nrog tej lus tiag.
    Tus me nyuam twg yug rau xyoo no, koj yuav tis nws lub npe mas yuav tsum tis kom muaj tus niam ntawv no ( D M ) nyob rau hauv nws lub npe thiaj yuav raug raws li nws txoj hmoov uas nws coj nrog nws los rau hauv ntiaj teb no thiab nws ua dab tsi thiaj yuav tau raws li nws lub siab xav nawb.

    Kev coj cwj pwm tus kheej ntawm Dev lub zim txwv txoj hmoo.
    Tus zeej keeb twg yug nyob rau Dev xyoo, mas nyob rau hauv zim keeb txoj hmoo coj cwj pwm ntawm nws tus kheej, nyiam kev plees kev yi heev, nyiam hais lus luab lim luag heev, yog tsis caiv txoj kev plees kev yi ces kawg neej nyob khuam siab
    heev, qhov zoo yuav tau yuav lwm tus neeg lus siab thiab txwv tsis txhob yuav tus kheej lub siab xwb, yuav tau yuav lwm tus neeg lub hom phiaj thiab,

    Qhov nws pheej ua yam tsis txawj txaj muag ntawd mas nws yuav tau caiv tsis txhob siv tus cwj pwm liam liam li dev ntawd, yuav tau paub txoj kev txaj muag thiab es thiaj li yuav haum tau lwm tus neeg, yuav tau txo nws tus cwj pwm txhua yam xws li hauv qab no mas thiaj yuav tsis phoj tshij rau nws tus kheej os nawb mog,

    1, txwv tsis txhob mus mus kev deb heev, 2, txwv tsis txhob luab lim luag heev heev li, Yug los rau Dev xyoo no mas siav ntev heev, txoj kev muaj teeb meem ntawm tus kheej mas yog kev phom tshij xwb, Hais txog kev mob nkeeg mas tus cawm seej nyob hauv tsev thiab cov txheeb ze thiaj yuav cawm tau xwb, yuav tau caiv txoj kev plees tiag tiag lub neej thiaj yuav tsis plam mus yog muaj txig muaj nkawm lawm nas, muaj ntsis nyiam khaws xyeem luag tug yog tsis caiv mas yuav muaj teeb meem rau txoj kev plees no heev nawb,

    Ho hais txog siv dev lub zim txwv no mus yuav poj niam mas muaj tsis tshua zoo heev, vim dev yog ib tug tsiaj tsis txaj muag thiab nyiam quab yuam lwm tus heev, ces yog siv dev lub zim txwv mas muaj ntsis nyiam kev plees kev yi thiab pheej muaj ntsis tub nkeeg , thaum nquag ces nquag dhau, hos thaum nkees ces ho nkees heev, Hais txog kev ua lag luam mas kuj muaj paj laum zoo thiab feem ntau mas yog mus txeeb luag lag luam ntau xwb thiab yuav tau raws li lub hom phiaj,

    Hais txog kev ua tsov rog mas kuj muaj yeej thiab Dev kuj muaj kaus tom thiab tiam sis yuav tau xyuam xim heev vim yeeb cuab coob heev yuav tau ceev faj kom zoo thiaj yuav tsis poob rau txoj kev phom tshij thiab kev yuav muaj kev nruam sim tau, thiaj tau txais txoj kev muaj txiaj ntsim muaj yeej ncoo ko, Dev. Nyob rau hauv dev xyoo no mas zoo heev khaws noj khaws haus, neej dab ntshai yus, mus kev deb ua tau heev, siab ntev nyob laus, muaj yam zoo luag tsis pub yus pom thiab tsis qhia yus. Kev ua nom ua tswv mas yeej zoo thiab tab sis yuav yog tus kheej muaj peev xwm kom txaus thiaj yuav tau os nawb. Vim luag tsis nyiam yus pes tsawg mas yuav tau xyuas kom meej tso mam nrog luag sib tw kev nom kev tswv nawb.

    thaum luag yuav yus zog, luag mam pub yus noj, thiab luag mam qhuas yus, tau ua luag tub tiag npab tiag tes, luag nyiam txib yus, thaum tau noj luag tsis nco txog tias muaj yus, hais qav num mas luag cia yus saib ntau tam tus qhev xwb, lub xyoo no yuav tau caiv tsis txhob mus nrog luag haus dej haus cawv tsam luag ntaus yus, rub lub siab ntev heev yog luag muaj siab pub yus tiag yus mam yuav, thiab muaj siab hu yus tiag yus mam mus nrog luag noj, vim tias lub xyoo no luag tsis hwm yus li, caiv txhob mus nrog luag haus dej haus cawv ib tsam luag ntaus yus, .Rub lub siab ntev kom ntev, vim lub xyoo no luag tsis hwm yus.

    Yus tus yeeb ncuab ces nws yog nom tswv thiab tus phooj ywg nag os nawb, vim yus yuav raug dab ntau fab kom yus qaug quav rau luag tag ces luag mam muab yus lom lis kiag xwb os nawb.

    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    Last edited by koojziagkabzaug on 3rd April 2012, 11:14 pm; edited 2 times in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 2nd April 2012, 11:11 am


    Npua = Sam xeeb ntawm npua tus yeeb yam cwj pwm coj tus kheej



    Npua lub zim txwv sawv nres hnub nyob rau hli tab = 3, 15, 27, = nyob rau hli txooj = 9, 21, = Npua lub zim txwv sawv nres hlis, yog nws nres lub 3, hlis ntuj.
    Npua lub zim txwv sawv nres xyoo, nyob rau cov xyoo no yog, Npua xyoo, Npuas xyoo yog ---1935, 1947, 1959, 1971, 1983, 1995 ,2007, 2019, 2031

    Nyeej kav ntawm Npua lub sawm yeej pov puag raws li keeb kwm

    Muaj mob, thaum mob yuav ras li ceeb, nrhiav neeg khaws ceeb ces zoo, yuav tau siv tshuaj ntau thiaj zoo, txhob ua siab hnyav thiaj tsis txaus txhawj. Tus me nyuam twg nws yug rau xyoo no, koj yuav tis nws lub npe mas yuav tsum muaj tus niam ntawv no ( NP-M ) nyob rau hauv nws lub npe thiaj yuav raug raws li nws txoj hmoov uas nws coj nrog nws los ua neeg rau lub ntiaj teb no, nws ua dab tsi thiaj rau raws li nws lub siab xav os nawb.

    Kev coj cwj pwm tus kheej ntawm Npua lub zim txwv txoj hmoo.
    Tus zeej keeb twg yug nyob rau Npua xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Ceeb tshaj kav ntuj nrag ntawm npua lub sam xeeb sawv coj
    Muaj cua tab tom haum rau neeg ntiaj teb, vim tshav ntuj thiab los nag hauj sim ua rau qoob loo loj hlob zoo, Hais txog siv npuas lub zim txwv sawv kev mus yuav txij nkawm nws zoo thiab txij nkawm kuj txawj sib hlub sib hwm kuj tsis sib cav sib ceg.

    Nyeej sawv ntawm npua lub sawm yeej coj cwj pwm nres

    Ua neej nyob mas laus heev, tsis sem cuab yig, mus yos deb tsis ntshai, mus txog twg los luag txais tos yam li yog kwv yog tij, hais lus yuav tau xyuam xim tsam dhau ciam ces raug luag cem yus, tau ua nom ua tswv mas luag khwv rau yus noj, siab kub maj rawm muaj phooj ywg coob.

    Nyeej kav ntawm Npua lub sawm yeej pov puag raws li keeb kwm

    Muaj mob heev rau thaum yau, mob hnyav txaus ntshai tab sis tsis tuag, yuav tau ua neeb mus hloov ntsuj mas thiaj yuav zoo mob nruab hnub mas kho tsis nyuab hos yog mob hmo ntuj los kuj tsis nyuab vim npua yos nruab hnub hmo ntuj tib yam nkaus li thiab os nawb feem ntau yog zwm hiav thiab poob plig vim npua pw muaj chaw.

    Ceeb tshaj kav ntuj nrag ntawm npua lub sam xeeb sawv coj

    Huab cua muaj hauj sim khiav xwm yeem, tsis muaj ( xav ceem ) yog phoj tshij dab tsi loj rau yus, kev ua noj nyob kuj zoo hauj sim thiab yog los nag mas nws yuav los ua kob xwb, tiam sis nws los loj heev, yog tshav ntuj mas nws kuj tshav laj ntxiag xwb, vim npua yog ib tug tsiaj nyiam chaw qhuav thiab nyiam chaw ntub ib yam nkaus.

    Yug los rau Npua xyoo no mas siav ntev heev, tiam sis mas yog ib tug tsiaj nyiam yos taus heev yuav tau xyuam xim txog txoj kev phom tsij, thiab yuav tau ceev faj txog txoj kev luag ntxias yus tsa luag ua neej, zoo nkaus li luag ntxias yus nce nthab es luag ho lauj yus taw ntaiv kom yus poob nthab,

    Hais txog kev muaj mob mas tus cawm seej muaj tsawg vim hais npua yog ib tug tsiaj nyiam noj tej yam khoom qias neeg thiaj hais tias cawm seej ces tsuas muaj cov neeg txheej ze thiaj yuav cawm tau xwb,
    Hos hais txog kev siv npua lub zim txwv mus yuav poj niam mas khwv heev thiaj yuav zoo, npua nyiam khwv nyiam tiv tshav tiv nag, nyiam khwv rau nws noj xwb,

    hos kev mus ua lag luam mas kuj muaj paj laum zoo heev, hos kev mus ua tsov ua rog mas tsis tshua muaj yeej vim yeeb cuab soj yus qab taug yus lw tas li xwb yuav tau xyuam xim saib tom ntej tom qab kom meej pem heev thiaj yuav nyab xeeb hos.
    Npua: = ua neej nyob laus heev, tsis sem lub neej, Niam nyob luag ntxhi thiab txiv nyob luag nyav, mus kev deb tso siab luag tsis muaj xav ceem ( phom tshij ) dab tsi, tos luag khwv pub rau yus noj, mus txog twg luag txais tos yus zoo heev, muaj kwv luag coob

    hais dab tsi ua tau li ntawd tab sis yuav tau xyuam xim tsam hais dhau luag cem yus, ua nom tswv muaj peev xwm heev, hais lus muaj yeej kuab txaus. Kev nom kev tswv mas yeej ua tau raws li nws siab xav thiab tab si yuav tau xyuam xim kom zoo vim pheej muaj neeg tshum yus lub hom phiaj tas mus li nawb.
    Yus tus yeeb ncuab ces yog nom tswv thiab tus hlub hlub yus tshaj plaws nag os nawb, vim luag muaj feem ntxias yus txhua fab kom yus raug luag dag ces luag mam muab yus lom lis xwb mas yuav tau ceev faj kom zoo heev thiaj tsis raug poob mus rau txoj kev phom tshij os nawb.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    Last edited by koojziagkabzaug on 2nd April 2012, 11:19 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 2nd April 2012, 11:15 am


    Nas = Sam xeeb ntawm Nas tus yeeb yam cwj pwm coj tus kheej


    Nas lub zim txwv sawv nres hnub nyob rau hli tab = 4, 16, 28, = nyob rau hli txooj = 10, 22, = Nas lub zim txwv sawv nres hlis, yog nws nres lub 4, hlis ntuj.
    Nas lub zim txwv sawv nres xyoo, nyob rau cov xyoo no yog, Nas xyoo, Nas xyoo yog --1924, 1936, 1948, 1960, 1972, 1984, 1996, 2008, 2020

    Nyeej sawv ntawm Nas lub sawm yeej coj cwj pwm sawv nres
    Txom nyem tsis muaj noj, tau noj ces noj loj heev, muaj lus xaiv lus xov txom, muaj zoo laj lim cwj pwm nrawm, hais lus hauv niag neeg tau zoo heev, tab sis zog me khaws noj khaws haus xwb, muaj ntsim nyiam ( ntaus hlau txias ), mus kev deb xyuam xim ib tsam tau ev kawm thiab mag yej mag ntxiab.

    Kev coj cwj pwm tus kheej ntawm Nas lub zim txwv txoj hmoo.
    Tus zeej keeb twg yug nyob rau Nas xyoo, mas nyob rau hauv zim keeb txoj hmoo coj cwj pwm ntawm nws tus kheej, Tus me nyuam twg yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( N ) nyob rau hauv nws lub npe thiaj yuav raug raws li nws txoj hmoov uas nws coj nrog nws los neeg rau lub ntiaj teb no.

    Nyeej kav ntawm Nas lub sawm yeej pov puag raws li keeb kwm
    Kev muaj mob hauj sim xwb, yog thaum twg mob lawm yuav tau ua neeb theej txhoj, thiab hu plig qhib thwv vim nas nyob hauv qhov xwb, yog mob mas nws kho nyuab kawg li thiab vim nas lub zim txwv no poob rau lub chib tsis tshua zoo li vim nas yog ib tug tsiaj txhoj puab heev, nws yuav xws nkauj li nas tus cwj pwm kiag ntag.
    Yug los Nas xyoo mas siav me heev, hais txog ntawm kev mob nkeeg mas tsis tshua muaj cawm seej, hais txog siv nas lub zim txwv mus yuav poj niam mas tus poj niam ntawd nyiam tub sab heev, hais kev ua lag luam yuav tau ceev faj kom zoo vim yuav muaj neeg nyiag yus os, hais txog kev ua tsov rog mas tsis muaj yeej vim nas lub hwj chim me heev, qhov zoo yuav tau siv lub tswv yim los hem luag xwb,
    Nas: = noj ua tau heev, khwv npaum li cas tsis txaus noj, muaj lus xaiv heev, muaj laj lim zoo heev, coj xeeb ceem nyiam txhoj puab heev, nyiam khiav yim plawv pliag rau ub rau no, hais txog yam khoom qias, lwj tsw, nyoos siav, los yeej tsis xyeej li, yeej noj tau tag nrho, tiam sis tsis txhob khaws luag qub ib tsam mag cuam koob ces kho siab nawb, xyuam xim txhob nrog luag sib cav sib ceg tsam luag cuab yej cuab ntxiab mag yus, thiab txhob mus ua tub sab , vim muaj ntxiab muaj yej ntau heev ib tsam ho mag ntxiab mag yej ces nyuab siab os,
    Leej twg yug rau nas hnub, nas hli, nas xyoo mas yuav tau xyuam xim txog kev plees kev yi, yog tsis xyuam xim ces kawg neej tawg xwb, vim nas no yog ib tug tsiaj nyiam noj txhua yam, hais kev plees kev yi mas nws yeej tsis xyeej leej twg li, Nws tus cwj pwm ces tsuas tos tsaus ntuj es mus tho luag qub noob qoob, noob tsa, xwb, vim muaj miv, muaj plas, muaj yej, muaj ntxiab, ntau heev yog taug tsis ncaj kab ces kawg poob ua luag zaub luag mov xwb, thiab muaj tsov muaj plis coob heev yog tsis xyuam xim ces kawg ua plis zaub os,
    Feem ntau neej puas yog kev plees kev yi xwb yog tswj kev plees kev yi ces lub cuab lub yig yeej muaj nrog luag ua xwb, qhov tseeb lub neej puas ces yog nws siv lub me tswv yim nrawm nrawm heev ntawd mus nyiag noj nyiag haus, tos luag hnov ces nws twb tsau plab lawm xwb,
    Lub me tswv yim ntawd ces yeej tsis muaj txog hnub yuav kav laus li vim tsuas nyiag luag noj tag ces ho nyiag dua xwb, qhov txhoj puab mas txhob heev rau txoj kev plees kev yi thiab, vim tus hauv tsev ntev tsis taus rau nws li lawm los nws yeej tsis quav ntsej tus hauv tsev,
    Qhov tseeb nws tus kheej yuav tau txwv nws tus kheej tsis txhob siv nws lub me tswv yim nrawm nrawm ntawd mus nyiag noj nyiag haus heev thiab txhoj txhoj puab, pheej ko nkawv nki yam niag tseg tsis tau li, yuav tau txwv tiag tiag ces neej zoo xwb,
    Yog tus kheej tsis pab tswj tus kheej ces pab tsis tau lawm, thaum kawg ces kawg poob mus khaum qab zeb qab ca xwb tiag, ces thaum ntawd muaj plis muaj plas, coob li os, xyov yuav li cas lawm lauj, nawb mog, hais txog kev ua nom ua tswv mas ua tsis tau nawb vim noj loj heev lub zog me heev mas thiaj yuav ua tsis tau nom tswv os nawb.
    Yeeb ncuab mas muaj coob heev, yus yuav tau xyuam xim heev txog txoj kev nrhiav noj nrhiav haus, kev tawm rooj, kev noj nyob tib si vim yus tus yeeb ncuab mas nyob txhua txhua thaj chaw li os nawb.

    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 3rd April 2012, 11:23 pm


    Nyuj = Sam xeeb ntawm Nas tus yeeb yam cwj pwm coj tus kheej


    Nyuj lub zim txwv sawv nres hnub nyob rau hli tab = 4, 17, 29, = nyob rau hli txooj = 11, 23, = Nyuj lub zim txwv sawv nres hlis, yog nws nres lub 5, hlis ntuj.

    Nyuj lub zim txwv sawv nres xyoo, nyob rau cov xyoo no yog, Nyuj xyoo, Nyuj xyoo yog - 1925, 1937, 1949, 1961, 1973, 1985, 1997, 2009, 2021

    Ceeb tshaj kav ntuj nrag ntawm nyuj lub sam xeeb sawv coj nres

    Huab cua tawv, yog tshav ntuj mas tshav kub heev yog los nag mas los tas hnub tsis paub tu tab sis los tsis loj heev vim nyob rau hnub no nyiam tshav ntuj ntau dua.

    Kev coj cwj pwm tus kheej ntawm Nyuj lub zim txwv txoj hmoo.
    Tus zeej keeb twg yug nyob rau Nyuj xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Nyeej sawv ntawm nyuj lub sawm yeej coj cwj pwm sawv nres

    Lub zog loj heev, neej thiab dab los yeej ntshai, tiam sis yog sib cav sib ceg mas tsis muaj leej twg cheem tau li. Raug neeg pej kum luab lim heev, Nom tswv nyiam heev vim nyuj muaj kub pab nrau, muaj chov fom los ntawm tej laus qhua ntxa yuav tau ua neeb mus kho, yuav tau ua nom ua tswv, yus khwv los ntawm muaj peev xwm xwb. Noj tsis txob hnav los tsis txhawj vim nws muaj lub laj lim tswv yim zoo khwv txaus nws noj nws haus lawm tsis txhawj dab tsi li.

    Tus me nyuam twg yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( NY G ) nyob rau hauv nws lub npe thiaj yuav raug raws li nws txoj hmoov uas nws coj nrog nws los ua neeg rau hauv lub ntiaj teb no mas nws ua dab tsi thiaj yuav tau raws li nws siab xav nawb. Yug los Nyuj xyoo mas siav loj heev, hais txog ntawm kev mob nkeeg mas cawm seej muaj thiab, hais txog siv nyuj lub zim txwv mus yuav poj niam mas, tus poj niam ntawd nquag heev thiab zoo kawg,

    hais txog kev ua lag luam mas yuav nqis peev kom ntau thiaj yuav tau paj laum raws siab xav, hais txog kev mus ua tsov rog mas nws kuj muaj yeej thiab vim nyuj no zog loj thiab nyuj muaj kub nrau hos

    Nyuj: = lub zog loj heev ua nom ua tswv los luag hwm laj fab toob fab koj muaj peev xwm tswj tsav tau, yog siv lub zog xwb, thiab tawv ncauj heev nws yuav nws siab xwb, tab sis hma thiab tsov coob heev, ceev faj tsis txhob tawg npoj, thiab tsis raug luag noj, tsis txhob tawg pab thiaj tsis raug luag cab, yuav tsum hwm tswv thiaj tsis raug tsov kwv nawb mog, yog yus tau nom mas yuav tau hlub cov siv sawv thiab xyuam xim tsam luag muab yus chaws ntswg, ua dab tsi tsis tos luag lwm tus li yeeb ncuab yog tus coj yus, xyuam xim thiaj tsis raug coj hlua.

    Feem ntau yog yug rau nyuj xyoo mas tawv heev, feem ntau nws tsis tshua yuav leej twg hais li nws tsuas yuav nws tus kheej siab xwb, hais tsis tshua tau vim nyuj yog ib tug tsiaj muaj zog heev thiab, tsis ntshai leej twg li nws muaj kub zoo nws tsuas yog xav peem li nws nyiam xwb,

    Nyob rau nyuj hnub, nyuj hli, nyuj xyoo mas ua dab tsi los kuj tau raws li lub siab xav thiab vim nyuj yog ib tug tsiaj siab tawv, tsis ntshai, nyob tau chaw qhuav, nyob tau chaw ntub, noj taus zaub qhuav, noj taus zaub nyoos mas nyuj yeej yog ib tug tsiaj muaj peev xwm heev.

    Koj nqis peev loj yeej tau ntau, koj peev me tau me thiab tiam sis yuav tau ceev faj txog fab tswv kav haiv thiab mus rau fab vaj huam, ua dab tsi yuav tau poo npoj xwb thiaj yuav zoo nawb, Yog tsis ceev faj es pheej lam tawg npoj sais raug luag noj, yog tawg pab ces yeej raug luag cab, vim koj ib txwm yeej muaj hlua khiab hlua ntswg, thiab luag yeej soj koj qab taug koj lw txhua lub caij nyoog os nawb,

    Yog koj yug rau nyuj lub zim keeb lawm koj yuav tau mloog niam mloog txiv lus, yuav tsum nyob nraim niam txiv lub hwj chim kav coj, yog koj tsis mloog es koj pheej lam mloog luag haub, sais feem ntau kawg poob ua luag zaub, yog tsis mloog ces luag tuav tau koj hlua khiab hlua ntswg ces kawg tau cab luag laub, thiab laij luag liaj, thaum ntawd tsis muaj leej yuav pab tau os nawb,
    Qhov tseeb yog yug rau nyuj lub zim keeb ces tsis txhob tawv tawv xwb thiaj yuav pab tau koj raws li koj lub siab xav yuav tau mloog lwm tus hais thiab qhia yus es yus thiaj muaj npoj yaig txhawb nqa yus txhua txhua lub caij nyoog,

    hais txog kev ua nom ua tswv mas kuv zoo thiab tab sis yuav tau txhob yuav nws siab xwb, yuav tau yuav tag nrho ib tsoom npoj yaig siab mas thiaj yuav tsis plam meej mom vim yus tus kheej yeej tawv txaus tiam sis yeeb ncuab tseem tos yus kev tshuav thiab os nawb.

    Yeeb ncuab ces yog yus cov phooj ywg thiab nom tswv xwb, vim hais tias txoj kev sib txeeb vaj huam thiab kev coj noj coj ua, txog kev nam nrim xwb, yus yuav tau xyuam xim txog txoj kev raug luag dag noj dag haus thiab kev ntxiam yus tawg npoj xwb os nawb.



    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 3rd April 2012, 11:27 pm


    Tsov = Sam xeeb ntawm Nas tus yeeb yam cwj pwm coj tus kheej



    Tsov lub zim txwv sawv nres hnub nyob rau hli tab = 6, 18, 30, = nyob rau hli txooj = 12, 24, = Tsov lub zim txwv sawv nres hlis, yog nws nres lub 6, hlis ntuj.

    Tsov lub zim txwv sawv nres xyoo, nyob rau cov xyoo no yog, Tsov xyoo, Tsov xyoo yog - 1926, 1938, 1950, 1962, 1974, 1986, 1998, 2010, 2022

    Nyeej kav ntawm Tsov lub sawm yeej sawv nres
    kev mob mas yuav mob loj, yuav tau ua neeb fab laj thiaj zoo, vim poob rau lub nyeej thawj mob lawm, yog mob mas mob rau kev txhaum txheej thiab muaj chov fom thiab muaj neeg phem siv xwb los yog muaj vij npog xwb. Tus me nyuam twg nws yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( Ts X ) nyob rau hauv nws lub npe thiaj yuav rau raws li nws txoj hmoov uas nws coj nrog nws los ua neeg rau hauv ntiaj teb no.

    Kev coj cwj pwm tus kheej ntawm Tsov lub zim txwv txoj hmoo.
    Tus zeej keeb twg yug nyob rau Tsov xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Ceeb tshaj kav ntuj nrag ntawm Tsov lub sam xeeb sawv nres
    Huab cua loj heev, los nag loj muaj cua nrog, tshav ntuj kub muaj cua nplawm ntws tas mus li xwb raws qee suam xwb vim suam twg muaj nag ces yeej muaj cua hos suam tshav ces tshav laj ntxiag xwb tiag.

    Nyeej sawv ntawm Tsov lub sawm yeej coj cwj pwm sawv nres
    Sawm yeej ntawm tso loj thiab nyaum heev, txhua yam ntshai thiab hwm tsov lub hwj chim nyeej sawm, ua qoob loo zoo tsis xwm yeem, nws yuav zoo qee suam raws li tsov lub yeeb yam, thaum tshaib tsis muaj noj li thaum tau noj ho muaj ntau heev, nyiam mus kev deb, muaj lus xov txom heev, tau ua tus coj vim hmoov los ntawm tab zag txoj hmoov txhawb xwb.

    Nyeej sawv ntawv Tsov lub sawm yeej pov puag li keeb kwm
    Muaj mob mas mob heev, zoo sai, hais txog txoj kev qaug, feem ntau yog luag tua, txawm tsis tuag los yuav raug sab heev, thiaj muab piv rau zim keeb txoj hmoo raws li tsov tus cwj pwm.

    Nyeej kav ntawm Tshov lub sawm yeej sawv nres
    Huab cua loj heev, tiam sis muaj tsawg heev, tab sis ua rau txaus ntshai, vim muaj thaug twg ces yog cua daj cuab dub muaj zog heev, yog los nag yuav tsum muaj cua los nrog tas mus li xwb thiab muaj xob nroo nrog tas mus li xwb,

    Zoo raws li tsov lub hwj chim coj cwj pwm kiag ntag thiab, ho tshav ntuj mas kuj ho tshav qee suam xwb tiam sis, kuj muaj tshav kub heeb thiab vim zoo tsis xwm yeem li Ua qoob loo los yeej zoo raws nraim li tsov lub yeeb yam xwb vim hwj chim loj tiam sis hmoov phem heev,

    Yug los rau Tsov xyoo mas siav loj heev, hais txog kev mob nkeeg mas tsis tshua muaj cawm seej vim tsov nrhiav noj hmo ntuj xwb yuav tau ua neeb yav hmo ntuj thiaj yuav mus raws tau tus ntsuj duab ntsuj hlaus, hais txog kev ua lag luam mas nws tau tsis xwm yeem thaum tau cem tau ntau hos thaum tsis tau ces tseem poob peev thiab vim luag hais tias ua tsov tsaib tsov tsau xwb no, hos hais kev ua tsov ua rog ces muaj yeej ntau xwb vim tsov lub hwj chim loj heev , pib thaum twg ces yeej thaum ntawd xwb,
    Tiam sis tsis txhob siv hwj chim los quab yuam luag heev vim yus tus kheej muaj caij zoo muaj caij phem thiab feem ntau yuav yog nquag thiab siv zog thiaj yuav tau noj ywj siab, Tsov: = sawm yeej loj nyaum heev, txhua yam ntshai yus tab sis muaj noj muaj haus tsis xwm yeem, thaum tau noj ces noj seem thaum tshaib mas muab tsis tau qhov twg los li, vim hais tias ua tso tshaib tso tsaus xwb,

    tsis koom npoj tsis muaj kwv luag thiab nyob tsis muaj chaw, mus kev deb tas li xwb, yuav tau ua nom yog tab zag txhawb nqa yus xwb, hais lus hem moj, tso khav thawj luag ntshai heev, tsuas zoo rau hem moj xwb,

    hais txog kev ua nom ua tswv mas kuv zoo thiab vim muaj hwv cheej loj tiam sis txoj hmoov zoo tsis xwm yeem muaj ntsis txom nyem fab nyiaj txiag thiab kev vaj huam, vim luag muaj ntsis tsis xav txhawb yus, vim yus muaj ntsis khav theeb heev, ua rau luag muaj kev tu siab txog fab meej mom me ntsis xwb.

    Yus tus yeeb ncuab mas feem ntau yog phooj ywg thiab nom tswv nag os, vim txoj kev sib txeeb vaj huam ces luag nrhiav kev cov nyom los tshuam yus kom yus plam txoj kev zoo ntawm yus mus kom tag xwb tiag.



    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 3rd April 2012, 11:33 pm


    Luav = Sam xeeb ntawm Nas tus yeeb yam cwj pwm coj tus kheej


    Luav lub zim txwv sawv nres hnub nyob rau hli tab = 7, 19, = nyob rau hli txooj = 1, 13, 25, = Luav lub zim txwv sawv nres hlis,
    yog nws nres lub 7, hlis ntuj.

    Luav lub zim txwv sawv nres xyoo, nyob rau cov xyoo no yog, Luav xyoo, Luav xyoo yog -1927,1939, 1951, 1963, 1975, 1987, 1999, 2011, 2023

    Nyeej sawv ntawm Luav lub sawm yeej coj cwj pwm sawv nres
    Zoo heev li tab sis qeeb siab, caum tsis cuag luag lwm tus, nom tswv nyiam, ua dab tsi luag pab yus txhawb nqa, txom nyem fab nyiaj txiag, tus neeg yuav muaj nws yuav nws siab xwb.

    Nyeej kav ntawm Luav lub sawm yeej pov puag sawv nres
    nws muaj nyeej mob nyeej nkeeg yog mob lawm yuav tau kub siab kho tiag tiag mas thiaj zoo, vim nws yuav mob laug niaj laug xyoo ntev heev thiab pheej mob qaug txaj xwb ,

    Kev coj cwj pwm tus kheej ntawm Luav lub zim txwv txoj hmoo.
    Tus zeej keeb twg yug nyob rau Luav xyoo, mas nyob rau hauv zim keeb txoj hmoo coj cwj pwm ntawm nws tus kheej, tiam sis nws tsis tuag yooj yim vim luav yog ib tug tsiaj pw xyoo thiab pw hnub mas yuav tau kho tiag xwb. Tus me nyuam twg yug rau xyoo no, koj yuav tis nws lub npe mas koj yuav tsum muaj tus niam ntawv no ( L- R- K ) nyob rau hauv nws lub npe thiaj yuav raug raws li nws txoj hmoov uas nws feeb coj nrog nws los ua neeg rau hauv ntiaj teb no.

    Ceeb tshaj kav ntuj nrag ntawm Luav tus cwj pwm pov puag
    Huab cua tsis muaj li vim yog tshav ntuj mas yuav tshav kuj heev hos los nag ces kuj los hauj sim xwb vim Luav yog ib tug tsiaj nyiam nyob chaw qhuav xwb

    Yug los rau Luav xyoo mas siav ntev heev, hais txog kev mob nkeeg mas cawm seej kuj muaj thiab tiam sim nyiam mob laug niaj laug xyoo heev, hais txog siv Luav lub mus yuav poj niam mas zoo heev vim siab ntev hais lub zoo thiab nquag heev, hos hais txog kev ua lag luam mas muaj paj laum qeeb heev, hais txog kev ua tsog rog mas kev muaj yeej yuav tau siv sij hawm ntev
    os nrog luag sib cuam tshuam thiaj yuav yeej, yuav tau caiv kev plees kev yi tsis txhob nrog luag lam zij ncaug ntxi muag kiag thiaj yuav nyob nyab xeeb nawb mog,

    Luav: = Nyob rau hauv luav xyoo mas muaj hwj chim zoo heev, tab sis qeeb siab ua dab tsi caum tsis cuag luag lwm tus, nom tswv nyiam yus ua dab tsi muaj tus pab xwm yeem, tab sis txom nyem fab nyiaj txiag me ntsis,

    feem ntau nws yuav nws siab lawm xwb, thaum luag yuav yus zog luag mam pub yus noj thiab qhuas yus, tau ua luag tub tiag npab tiag tes, luag nyiam txib yus heev thaum noj luag tsis nco txog yus pes tsawg thiab cia yus saib nyob yam plhws tes plhws taw qhuav nyob do pes dus xwb,

    Luav hnub, luav hli, luav xyoo mas ua dab tsi los yeej caum tsis cuag luag vim luav yog ib tug tsiaj qeeb siab heev, kev ua lag luam los tau tsis xwm yeem, hos sawv kev mus yuav poj niam los yeej tsis zoo thiab vim siab qeeb txoj hmoov me heev, hais txog cawm seej mas muaj thiab tab sis yuav qeeb heev thiaj yuav tiav lub luag dej num tau,

    Yuav tau xyuam xim txog fab kev txhoj puab vim hais tias muaj ntsis phob fab me ntsis, yog tsis xyuam xim sais mag qhaub mag hlua sai heev, thiaj ceeb toom rau koj tus uas yug rau xyoo no kom paub meej es koj thiaj yuav zam tau dhau os nawb,

    Txhua tus yeeb ncuab uas taug koj qab thiab soj koj lw ntawd mas koj yeej tsis muaj lub cib fim yuav yeej nws li vim hais tias lub zog me heev, thiab koj qeeb heev, yog luag pom koj thaum twg ces kawg ua luag zaub luag mov xwb, qhov yuav zam tau dhau ntawm koj tus yeeb ncuab ces tsuas yog mloog niam mloog txiv lus xwb es tsis txhob tawg npoj, thiaj tsis raug luag noj, tsis txhob raug luag haub thiaj tsis poob ua luag zaub xwb tiag,

    Qhov luag tsis nyiam koj mas tsuas yog li no xwb, ib yog koj qeeb siab, ob yog koj pheej noj luag tes xwb, peb yog qhov tias koj pheej tos luag sawv kev ua ntej xwb, plaub yog qhov koj tsis kam ntaus lub thawj, ces luag thiaj tsis nyiam koj li kiag es luag tau noj luag thiaj tsis nco qab hais tias muaj koj no nas,

    Hais txog fab kev plees kev yi mas koj pheej nyiam muaj tug xwb ces luag muaj ntsis ntxub koj heev, vim thaum nyob nrog luag nyob mas koj lub siab xav koj ib yam lawm, hos thaum luag nyob nrog koj mas koj tsis kam luag txav ze ces luag tsis nyiam koj li os nawb,

    Hais txog fab kev ua nom ua tswv mas ua tsis tau nawb vim luav lub zog me thiab qeeb heev, yog ua nom ua tswv mas yuav tsis muaj hwv cheej loj ces yuav ua tsis tau os nawb. Yuav tsum ua luag npom xwb mas thiaj yuav zoo os nawb. Hais txog yus tus yeeb ncuab mas muaj coob heev, vim nom tswv kuj yog yeeb ncuab thiab os, vim yus qeeb heev ces luag tsis nyiam yus heev, luag tsuas nyiam yus thaum muaj txoj kev zoo xwb, thaum yuav noj yuav haus ces luag tsis nyiam yus lawm os nawb.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3523
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 6th April 2012, 12:28 pm


    Zaj = Sam xeeb ntawm Nas tus yeeb yam cwj pwm coj tus kheej



    Zaj lub zim txwv sawv nres hnub nyob rau hli tab = 8, 20, = nyob rau hli txooj = 2, 14, 26, = Zaj lub zim txwv sawv nres hlis, nws nres lub 8, hlis ntuj.

    Zaj lub zim txwv sawv nres xyoo, nyob rau cov xyoo no yog, Zaj xyoo, Zaj xyoo yog 1928, 1940, 1952, 1964, 1976, 1988, 2000, 2012, 2024

    Ceeb tshaj kav ntuj nrag ntawm Zaj lub sam xeem sawv coj.
    Huab cua zoo haum nyiam thiab, yog los nag no mas nws yuav los tas hnub ho yog tshav ntuj no nws ho yuav tshav ntau hnub heev, thiab nyob tau txias zias zoo hauj sim thiab os.

    Kev coj cwj pwm tus kheej ntawm Zaj lub zim txwv txoj hmoo.
    Tus zeej keeb twg yug nyob rau Zaj xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Sawv ntawm zaj lub sawm yeej coj cwj pwm sawv nres
    Muaj hwj chim zoo, muaj qhov zoo yeej txeem kawg li ua dab tsi tau raws nraim li lub siab xav tseg thiab, mus txog qhov twg los luag nyiam ib yam li keeb kwv keeb tij, yuav tau ua tus coj thiab muaj puam fab zoo heev txog fab hais lus thiab siv hwj chim los luag tsis mom txheej li thiab ua dab tsi los muaj yeej ntau dua qhov puas tsuaj thiab nawb. Tus me nyuam twg yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( Z-G ) nyob rau hauv nws lub npe thiaj yuav raug raws li nws txoj hmoov uas nws coj nrog nws los ua neeg rau lub ntiaj teb no.

    Yug los rau Zaj xyoo no mas siav loj heev, hais kev mob nkeeg mas cawm seej muaj coob, hais txog sib Zaj lub zim txwv mus yuav poj niam mas nyiam siv nyiaj loj heev, nyiam lus zoo ntau dua lus phem, ua neeg nyob muaj txoj hmoov zoo heev txog rau fab khwv nyiaj khwv txiaj, hais txog kev ua lag luam mas yuav tau nqis peev ntau los kuj tau ntau thiab vim Zaj lub cev ces yog nyiaj thiab kub xwb,

    hais kev ua tsov ua rog mas zoo heev muaj yeej ntau xwb vim hais tias luag hnov yus lub npe xwb ces luag twb khiav lawm,

    Zaj: Nyob rau hauv zaj xyoo mas muaj hwj chim loj heev, ua tau nom tswv coj noj coj ua, ua dab tsi tau raws li lub siab xav, mus txog qhov twg los luag txais tos yus yam keeb kwv keev tij, muaj puam fab zoo heev, yog tau ua tus coj mas cov uas yau dua yus nyob ntawm yus xub ntiag yeej hwm txhua txhia leej thiab txhua tus.

    Nyob rau zaj hnub, zaj hli, zaj xyoo, mas tawv heev, siab nyhav heev hais tsis mloog li, txib tsis tshua tau vim nws yuav mus ces sawv tsees mus kiag xwb hos tsis mus ces yeej tsis sawv taw li nag, yog leej twg yug rau xyoo no mas yuav tau xyuam xim txog fab kev siv nyiaj txiag, vim khwv tau ntau siv ntau thiab,

    Kev noj kev nyob muaj ntsis muaj teeb meem rau kev siv nyiaj txiag xwb ho kev ua nom ua tswv mas zoo heev, luag hwm yus txhua fab, hos kev ua lag ua luam mas zoo heev vim zaj lub cev yog nyiaj yog kub xwb, plig nyiaj plig kub nyob nrog nraim nws txhua lub caij lub nyoog hos,

    Hais txog kev ua tsov ua rog mas zoo heev, vim luag hnov yus lub npe xwb luag twb khiav lawm tag, hais txog kev yuav poj yuav sev mas zoo tsis tshua heev, vim nyiam siv luam thuam, noj luam thuam heev, hais txog tes dej tes num mas muaj ntsis qeeb siab xwb, thiab siab muaj ntsis nyhav xwb, khwv me kuj tau me, khwv ntau kuj tau ntau, thiab tsuas yog tsis tshua txawj txuag xwb
    es thiaj tau ceeb toom rau tus uas yug rau zaj xyoo los yog siv zaj lub zim keeb tsaws tes dej num xwb os nawb, Nyob rau zim keeb kev coj noj coj ua mas kuj coj tau nyiam thiab coj txias feem ntau, yog thaum ceev mas ceev dhau, hos thaum txias mas dhau, thaum kub mas ho muab kub dhau ciam, tias sis luag kuj yoog tau thiab, muaj phooj ywg tsawg, feem ntau raug phooj ywg rau tej tus uas hlub nws xwb,

    Leej twg yug rau xyoo no tsis nyiam poo npoj pes tsawg, nws nyiam nyob ib leeg ntau dua, nws txuag khoom siv heev, khuv xim txhua yam yog nws tug siab dav, siab dawb heev pub tau rau luag noj txaus, thaum luag tau noj lawm nyiam txib luag lub zog heev,
    Hais txog fab kev ua nom ua tswv mas zoo heev vim hais tias zaj lub zog loj thiab muaj hwv cheej loj, yog yus ua nom ua tswv ces luag tsuas muaj hwm yus xwb thiab txhawb yus xwb os nawb.

    Yus tus yeeb ncuab ces yog tib tug uas loj thiab siab tshaj yus xwb, yus yuav tsum tsis txhob pub yus lub hom phiaj rau tus nom tswv uas yog txheej siab tshaj yus ntawd paub ces yus yeej tsis muaj yeej ncuab li os nawb.

    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    hmoobleejtub wrote:


    Monday April 16, 2012 ncaj rau 5 hlis nqig 10, zajxyoo.



    Hnub no, leej twg yug ncaj hnub Sunday, yuav muaj kev txawv txav nyob hauv nws yim neej xws li hloov txaj chaw, rooj tog, cuab yeej cuab tam, tu vaj tse du dais. Nyiaj txiag puv tes tsis hais siv tawm los sis txais los. Ntsej liab muag tshiab muaj dagzog. Kev hlub ruaj kho thiab muaj kev sib ntseeg siab zoo.

    Leej twg yug hnub Monday, nyiaj txiag yuav txawj yoog mas thiaj nrog yus nyob, yuav txuag ncauj txuag lus thiaj tsis tau lus xaiv, yog mus kev deb yuav nqa tshuaj nrog nraim tsam muaj mob plab dias hau thiaj tau siv. Kev hlub nruaj nrees li qub tsis muaj kev ntxhov.

    Leej twg yug hnub Tuesday, tsis txhob mloog cuav lus thiaj tsis pus kev ntxhov, nyiaj txia-g dhau tes yog thooj loj, suab npe raug lwm tus xyav, kev hlub nyob deb ze tseem zoo puv ntoob.

    Leej twg yug hnub Wednesday, txhua yam yuav tau xyuam xim, yuav muaj qee yam ua rau yusnplooj siab nyob tsis tus, nyiaj txia-g yuav fab peem thiab tuav ruaj thiab tsis txhob hlub lwm tus thiaj nrog yus nyob, kev hlub loj dua txhua hnub.

    Leej twg yug hnub Thursday, siab ntsws tsis xav txog dab tsi ntau, teeb meem txhua yam tsis nrog quav ntsej, nyiaj txia-g kuj tsis los ntau, kev hlub nyob li qub.

    Leej twg yug hnub Friday, kev txom nyem thiab kev tusiab puv xubpwg, qub xaiv qub lus yuav ua qhov tshiab tawm tsam yus, muaj hmoo tab sis tsuab tsis tau, txais lus ntawm lwm tus yuav tau mloog kom tog, tus hlub ntawm ib sab muaj ntsis tig qab ntsej mloog lus.

    Leej twg yug hnub Saturday, yuav muaj qee yam nqos tsis mus ntuav tsis tawm, yuav ceev faj kev hais lus rau tej neeg ua hauj lwm uake thiaj tsis tau lus xaiv, nyiag txia-g siv yam tsim nyog vim raug nplooj siab yuam, kev hlub yuav tau mam xav mam hais.



    Last edited by koojziagkabzaug on 5th May 2012, 2:37 pm; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Vaj Nruas lub TSEV SAIB HMOOV.

    Post  Sponsored content Today at 9:26 pm


      Current date/time is 29th July 2016, 9:26 pm