google-site-verification: googlefbfddf59e706b96b.html

Latest topics

» Nkauj Hmoob Pro lub sev mloog nkauj
by Admin Today at 12:06 pm

» Hkauj Tawm Tshiab 2017 - Hmong New Song 2017 - Tawm Tshiab Nkauj Channel
by nkaujhmoobpro Today at 4:26 am

» KHAWV KOOB
by koobpovtxuj 30th September 2017, 4:29 pm

» Koobpovtxuj.
by koobpovtxuj 25th September 2017, 10:00 am

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Vaj Nruas lub TSEV SAIB HMOOV.

    Share
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 6th April 2012, 12:32 pm


    Naj = Sam xeeb ntawm Nas tus yeeb yam cwj pwm coj tus kheej



    Nab lub zim txwv sawv nres hnub nyob rau hli tab = 9, 21, = nyob rau hli txooj = 3, 15, 27, = Nab lub zim txwv sawv nres hlis, nws nres lub 9, hlis ntuj.

    Nab lub zim txwv sawv nres xyoo, nyob rau cov xyoo no yog, Nab xyoo, Nab xyoo yog 1929, 1941, 1953, 1965, 1977, 1989, 2001, 2013, 2025

    Nyeej kav ntuj nrag ntawm nab lub sawm yeej pov puag

    Huab cua muaj xwm yeem, Tab tom ua rau poob loo zoo los nag kuj los hauj sim thiab los zoo xwm yeem cua tuaj txias zias xwb ua rau neeg nyiam.

    Kev coj cwj pwm tus kheej ntawm Nab lub zim txwv txoj hmoo.
    Tus zeej keeb twg yug nyob rau Nab xyoo, mas nyob rau hauv zim keeb txoj hmoo coj cwj pwm ntawm nws tus kheej,
    Nyeej sawv ntawm nab lub sawm yeej coj cwj pwm sawv nres

    Zoo kav tsis ntev, muaj txaus noj txaus haus xwb tsis muaj seem li, tau noj , noj tsau heev, hais lus tsis tshua haum kwv luag, xav ua ib tug kheej xwb, Yuav tau xyuam xim tsam raug luag ntaus. Tus me nyuam twg nws yug rau xyoo no, koj yuav tis nws lub npe mas yuav tsum muaj tus ntsiaj niam ntawv no ( N- G ) nyob rau hauv nws lub npe thiaj yuav raug raws li nws txoj hmoov uas nws coj nrog nws los ua neej, nws dab tsi thiaj tau raws nws siab nyiam thiab

    Yog muaj mob yuav tau theej txhoj thiab txog mov tus plig mus poob rau hiav looj teb hiav siv chaw lawm, muaj kev thawj thiab thawj thw, mob laug caij laug nyoog, laug niaj laug xyoo, yuav tau siv sij hawm ntev kho thiaj li zoo.

    Yug los rau Nab xyoo no mas siav ntev heev, hais txoj kev muaj mob mas cawm seej tsis tshua muaj vim nab nyob qhov ntau xwb mas feem ntau yuav tau sib zog heev thiaj yuav kho tau, ua neeg yug rau xyoo no mas tsis nyiam phooj ywg coob, muaj hmoov khwv nyiaj khwv txiaj, ua neeg nyob mas nplaum heev, lwm tus vam khom tsis tshua tau, hais txog siv Nab lub zim txwv mus yuav poj niam mas tsis tshua zoo vim nws tsis yuav leej siab li nws tsuas ua li nws lub siab xav xwb, hos hais kev mus ua lag luam mas zoo heev,

    vim Nab lub cev yog npib nyiaj npib kub xwb, mus thaum twg tau noj thaum ntawd, nqis peev ntau los yeej tau hos nqis peev me los yeej tau, hos hais txog kev ua tsov rog mas muaj yeej thiab vim hais tias nab yog ib tug tsiaj nplua thiab ntaug heev nrawm thiab ceev heev,

    Nab: Nyob rau hauv nab lub xyoo no mas kev zoo kav tsis ntev, yeeb vim hais tias nab yog yam tsiaj uas noob neej thiab noob tsav nyob rau ntiaj teb yeej tsis nyiam nab li. Yuav tsum nyob hauv tsev ntau xwb txhob mus yos kev deb thiab tsis txhob tuam yim ua tej yam uas nyob chaw do ib tsam raug luag ntaus.

    Khwv txaus noj txaus hauv xwb, Thaum tau noj kuj tsau heev thaum tshaib mas tshaib heev. Vim tsis nyiam khwv khaws cia li tsuas nco txog khwv rau hauv lub qhov ncauj xwb Hais lus tsis haum lwm tus li thiab nyob tsis muaj kwv luag li,

    Hais txog kev ua nom, ua tswv, mas luag tsis txhawb yus li vim tsis muaj phooj ywg coob, hais txog kev ua lag ua luam mas zoo heev, vim plig nyiaj plig kub nyob nrog nraim nws txhua lub ciaj, hais txog fab kev ua tsov, ua rog mas, kuj muaj thiab vim luag yeej ntshai yus heev thiab, yuav ceev faj ib tsam luag ho txiav tau yus ko tw xwb,

    Hais txog kev yuav poj, yuav sev, mas vim qus heev, yuav tau npliag tas mus li vim nws nplua thiab ntaug heev, thiab nrawm heev, es nws tsis tshua nyiam hais, thiab tsis tshua nyiam qhia, yuav tau ywj nws ntau dua,

    Keeb coj noj, coj ua mas tsiv heev, thiab nyiam siv hwj chim los hem luag ntau dua, thaum txias mas txias dhau lawm, thaum kub mas kub dhau lawm vim nws lub siab zoo thiab kob xwb heev,

    Laj lim tswv yim mas ntse tshaj plaws feem ntau ntawm kev nruam sim mas yog raug luag txov yus xwb, mas yuav tau ceev faj txog ntawm tus yeeb ncuab soj yus qab taug yus lw ntawd xwb, tsis muaj kev phom tshij dab tsi li os nawb mog,

    Hais txog fab kev ua nom ua tswv mas kuj zoo thiab tab sis vim yus yuav yus tus kheej xwb ces ua rau luag tsis nyiam txhawb yus li, qhov zoo heev mas yus tsuas sawv kev los rau txoj kev ua lag luam xwb mas thiaj yuav zoo tshaj rau yus lub neej lawm yav pem suab os nawb.

    Yus tus yeeb ncuab ces twb yog nom tswv nag, yus yuav tau xyuam xim txog kev tawm rooj thiab kev khiav dej num txhua yam os nawb, vim luag yeej tsis nyiam yus thiab luag tsuas cem thiab ntxub yus xwb os nawb.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 6th April 2012, 12:36 pm


    Nees = Sam xeeb ntawm Nas tus yeeb yam cwj pwm coj tus kheej

    Nees lub zim txwv sawv nres hnub nyob rau hli tab = 10, 22, = nyob rau hli txooj = 4, 16, 28, = Nees lub zim txwv sawv nres hlis, nres lub 10, hlis ntuj.

    Nees lub zim txwv sawv nres xyoo, nyob rau cov xyoo no yog, Nees xyoo, Nees xyoo yog 1930, 1942, 1954, 1966, 1978, 1990, 2002, 2014, 2026

    Ceeb tshaj kav ntuj nrag ntawm nees lub sam xeeb sawv coj.
    Huab cua muaj hauj sim xwb, muaj cua txias tsis sov tab tom haum neeg ntiaj teb lub siab nyiam ua rau xwm yeem laj ntxiag, Vim nees yog ib tug tsiaj uas nyiam nyob chaw qhua ntau dua thiaj yog qhov zoo luag nyiam yus heev. Yog poob rau nees lub zim txwv lawm yuav tau kub siab tiam sis hnub no nws kuj zoo vim tus neeg zoo yog tus yuav pab koj xwb,

    Kev coj cwj pwm tus kheej ntawm Nees lub zim txwv txoj hmoo.

    Tus zeej keeb twg yug nyob rau Nees xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Nyeej sawv ntawm nees lub sawm yeej coj cwj pwm sawv nres
    Nees muaj sam xeeb heev vim nees pab lis qav num, muaj laj lim txaus ua taus nom tswv, Siab ncaj ncees kob xwb, Nyiam kev sam hwm koob hmoov, nyiam fab kev lag luag ntau tshaj dua, siab sib heev thiab nquag heev, txawj xav siab ntev zoo. Tus me nyuam twg nws yug rau xyoo no, koj yuav tis nws lub npe mas yuav tsum muaj tus niam ntawv no ( N M ) nyob rau hauv nws lub npe thiaj yuav raug raws li nws txoj hmoov uas nws coj nrog nws ua neeg nyob

    Nyeej kav ntawm nees lub sawm yeej pov puag raws li keeb kwm
    Muaj mob hauj sim xwb tab sis tau mob lawm kho nyuaj vim lub hwj chim nees, dab nees txaij nees kuas, nws los aiv mas yuav tau sib zog kho thiaj yuav zoo sai li os.

    yog cua los txeem tsev, yuav tau ua neeb xa cua thiaj yuav zoo, yuav tau ua neeb nyav heev vim nees hnub ces muaj hwj chim phem rau kev muaj mob, yuav kho nyuab heev, yuav tau mob siab kho tiag tiag thiaj yuav zoo tau rov los, Yug los rau Nees xyoo no mas siav loj heev, hais txog kev mob nkeeg mas tsis tshua muaj cawm seej vim hais tias Nees lub zim txwv no muaj ntsis phem heev, yuav tau caiv tsis txhob nrog luag ntaus kev plees, yog tsis caiv ces muaj ntsis plam neej, kev luag yaum yus ceev faj heev, ib tsam raug luag sam xauv rau qhov ncauj nawb,

    Vim muaj vij dab vij npog loj los paug rau hauv tsev mas yuav tau tsawv neeb tuaj ua thiaj yuav tau hos lam tau lam hu xwb mas tsis tshua haum nawb, Hos ho siv Nees lub zim txwv no mus yuav poj niam mas zoo heev vim tus poj niam ntawv nyiam nquag thiab nyiam zoo heev thiab coj cwj pwm los haum tub haum roog, haum niam haum txiv thiab haum nom haum tswv vim hais tias Nees yog ib tug tsiaj nom tswv nyiam heev,

    Hais txog kev ua lag luam mas tsis tshua zoo vim hais tias Nees no nws ev ib nras mas Nees tau noj ib tshob xwb, kev nqis peev ntau thiab tsawg los yeej poob peev xwb, qhov zoo ces tsis txhob ua lag luam xwb,
    Hais txog kev ua tsov ua rog mas muaj yeej thiab vim nees yog ib tug tsiaj luag siv los ntaus tsov ntaus rog, kev muaj yeej mas los ntawm yus lub peev xwm,

    Txawm siv zog loj zog me los yeej muaj yeej ntau vim Nees yog ib tug tsiaj khiav ceev thiab khiav nrawm heev tsis muaj leej twg yuav caum tau qhov tseeb ces yuav tau tsis txhob mloog luag ntxias xwb ces yeej muaj txoj hau kev tau txais txiaj ntsim xwb, Nees: Nyob rau hauv nees xyoo no mas zoo heev yus mus txog qhov twg los luag nyiam heev.yeeb cim yog nees lub zog muag thiab mloog lus raws li luag txib nws, siab ntsws maj rawm tsis tos leej twg txhib.

    Ncaj ncees kob xwb nyiam kev sam hwm koob hmoov. Tsis nyiam ua noj ua haus nyiam ua lag luam nrhiav noj ntawm lub tswv yim. Ev nra ua tau heev nyiam kev pheej xeeb. Muaj mob kho nyuaj vim muaj hwj chim nees dab nees nraug, nees txaij nees kuas.yuav tau ua neeb xa tus cua ua ntej mam kho tom qab mas thiaj yuav zoo vim tus cua yog qhov ua npog loj rau hnub ntawd kiag lawm mas yuav tau kub siab tiag tiag thiaj yuav zoo tau los.

    Hais txog kev ua nom ua tswv mas tsis zoo nawb vim luag txheej hlob tsuas xav txib yus lub zog xwb, thaum luag tsis muaj dej num tseem ceeb lawm ces luag tsis paub txog yus lawm mas qhov zoo dua mas yus yuav tsum ua luag npom zoo dua ua luag nom nawb.
    Yus tus yeeb ncuab ces twb yog nom tswv nag, yus yuav tsum xyuam xim txog thaum yus mus leg nom tswv li dej num os nawb, yog yus tsis xyuam xim ces tus yuav muab yus hlawv ces yog nom tswv nag os, kev leg luag li dej num mas yuav tau ncaj ncees tiag tiag os vim muaj nom tsev soj yus qab taug yus lw tas mus li xwb os nawb.

    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 6th April 2012, 12:41 pm


    Yaj = Sam xeeb ntawm Nas tus yeeb yam cwj pwm coj tus kheej



    Yaj lub zim txwv sawv nres hnub nyob rau hli tab = 11, 23, = nyob rau hli txooj = 5, 17, 29, = Yaj lub zim txwv sawv nres hlis, yog lub 11, hlis ntuj.

    Yaj lub zim txwv sawv nres xyoo, nyob rau cov xyoo no yog, Yaj xyoo, Yaj xyoo yog 1931, 1943, 1955, 1967, 1979, 1991, 2003, 2015, 2027

    Nyeej sawv ntawm Yaj lub sawm yeej coj cwj pwm sawv nres
    Yaj xyoo, lub xyoo no zoo heev, ua dab tsi los tsis muaj plaub ntug, Tsuas muaj sawm yeej xwb vim ob sab zoo ib yam nkaus. Txawj hais lus haum siab mus txog twg los luag nyiam zoo, muaj hmoo zoo heev, tshav tsis kub nag tsis ntub, Vim yaj cev plaub tuab heev. Tus me nyuam twg yug rau yaj xyoo no, mas yuav kom zoo tshaj mas koj yuav tis nws lub npe mas yuav tsum muaj tus niam ntawv no ( S-H-Y- K ) nyob rau hauv nws lub npe thiaj yuav raug raws li nws txoj hnoov uas nws coj nrog nws los neeg nyob rau ntiaj teb no.

    Kev coj cwj pwm tus kheej ntawm Yaj lub zim txwv txoj hmoo.

    Tus zeej keeb twg yug nyob rau Yaj xyoo, mas nyob rau hauv zim keeb txoj hmoo coj cwj pwm ntawm nws tus kheej,
    Nyeej kav ntawm Yaj lub sawm yeej looj loog pov puag.
    Tsis muaj mob tab sis tuag sai, yog tuag ces yuav yog cov laus thiab cov me nyuam me xwb, thaum ib nrab neej tsis tuag lawm,

    Ceeb tshaj kav ntuj nrag ntawm Yaj lub sam xeeb coj cwj pwm
    Huab cua muaj xwm yeem, Huab cua khiav ceev thiab laj ntxiag ntuj nag muaj yeej txeem thoob plaws xwm fab puaj meem ib yam nkaus xwb tsis muaj yam yuav ua rau puas tsuaj tau li os,

    Yog tshav ntuj mas tshav heev, yog los nag mas muaj cua daj cua dub nrog tas mus li xwb nws tsis qhuav kom yeej txeem vim yaj hnub mas hlawv teb kuj kub tsis zoo nws tsuas kub nplooj xwb tsis kub kav li thiab mas huab cua loj heev thiab ceev heev li
    nplawm tsis xwm yeem li, mas cua ntaus khaub zeeg kiv mus kiv los rau ub rau no xwb, los nag los yeej los tib yam nkaus li cov cua kiv ntawd xwb. Vim yaj cev plaub tuab heev nag kuj tsis ntub tshav kuj tsis kub mas nws thiaj tsis tshua zoo rau kev ua noj ua haus xwb. Yaj yog ib tug tsiaj uas neej dab los kuj nyiam ib yam nkaus mas sab twg los nws thiaj li feeb zim txwv kom mus sib luag zos nkaus xwb os nawb,

    Muaj ib feem mas neej dab los kuj ntshais nws thiab ntxub nws thiab ces thiaj li feeb nws lub sawm yeej zoo rau ob sab thiab phem rau ob sab ib nkaus os, Yug los rau Yaj xyoo no mas siav loj heev, tiam sis muaj ntsis tuag sai rau txoj kev phom tshij xwb, ua neeg siab zoo heev, nyiam txaj muag heev, muaj ntsis txhoj puab tiam sis nws kuj zoo thiab, tsuas yog siab muaj ntsis nrawm xwb os nawb,

    Hais txog ntawm kev mob nkeeg mas muaj cawm seej ntau, feem ntau ces tsuas yog raug dab xwb, tiam sis Hmoob yaj tsis txhob pib mob rau yaj hnub xwb ces yeej tsis ntshai li,

    Hais txog kev siv Yaj lub zim txwv no mus yuav poj niam mas zoo heev vim yog Yaj lub cev mas plaub tuab heev nag los tsis ntub hos tshav los kuj tsis kub thiab ces thiaj hais muaj hmoo zoo heev li os,
    Hais txog kev mus ua lag luam mas yeej muaj paj laum zoo vim hais tias Yaj cev plaub ces yog ntaub yog xov xwb, nqis peev npaum li cas los yeej tau li ntawd los thiab nawb,

    Hais txog kev ua tsov rog mas kuj muaj yeej thiab vim hais tias Yaj kuj muaj kub thiab yog yuav nrau li cas los yeej tau thiab tiam sis yuav tau saib raws li lub zog loj thiab me mam pib lub luag dej num mus xwb ces yeej tau txais txiaj ntsig xwb mas,
    Yaj : Nyob rau hauv yaj xyoo no mas zoo tshaj plaws ua dab tsi tsis muaj plaub tsis muaj ntug dab tsi los ua chaw nyuab siab, tsuas muaj yeej xwb, txawj qhoob txawj hais lo lus ua rau luag nyiam, yus mus txog twg luag txais tos yam li nom tswv,

    Ua dab tsi tsis txhawj vim muaj sawm yeej txaus. Tsis muaj mob loj tab sis tuag sai heev, yeeb vim txoj kev tuag yog kev phom tshij xwb, txoj kev puas tsuaj yog raug luag tua ntau los yog luag siv siab phem mas yuav tsis txhob tsim yeeb ncuab rau yus tus kheej thiaj tsis qhov phem rau yus li xwb,

    Hais txog kev ua nom ua tswv mas tsis zoo vim yus tsis muaj hwv cheej txaus ces yus tsuas ntshais luag xwb, qhov zoo mas yus yuav tsum ua luag npom xwb thiaj yuav tsis muaj kev luab lim yus tus kheej os nawb. Yus tus yeeb ncuab ces twb yog nom tswv nag, qhov tseeb ces yus yuav tsum hwm nom hwm tswv xwb thiab yus nyob li yog luag ib tug npom zoo xwb os nawb.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 6th April 2012, 12:45 pm


    Liab = Sam xeeb ntawm Nas tus yeeb yam cwj pwm coj tus kheej



    Liab lub zim txwv sawv nres hnub nyob rau hli tab = 12, 24, = nyob rau hli txooj = 6, 18, 30, = Liab lub zim txwv sawv nres hlis, nres lub 12, hlis ntuj.

    Liab lub zim txwv sawv nres xyoo, nyob rau cov xyoo no yog, Liab xyoo, Liab xyoo yog 1932, 1944, 1956, 1968, 1980, 1992, 2004, 2016, 2028

    Nyeej sawv ntawm Liab lub sawm yeej coj cwj pwm sawv nres
    Yam zoo kuj zoo txaus, Yam phem kuj phem txaus, Vim tias Liab nyob tsis muaj chaws li, luag nyiam thaum ntej xwb hos ntev mus ces luag tsis nyiam, luag muaj qhov ntxub, thiab tos luag noj luag haus xwb. Muaj laj lim zoo heev kawm txuj kawm ci tau zoo heev li,Tus me nyuam twg yug rau xyoo no, koj yuav tis nws lub npe mas yuav tsum muaj tus niam ntawv no ( L ) nyob rau hauv nws lub npe thiaj yuav raug raws li nws txoj hmoov uas nws coj nrog nws puag pem nywj vab los nyob rau hauv ntiaj no, thiab ua dab tsi thiaj tau raws li nws siab nyiam.

    Kev coj cwj pwm tus kheej ntawm Liab lub zim txwv txoj hmoo.
    Tus zeej keeb twg yug nyob rau Liab xyoo, mas nyob rau hauv zim keeb txoj hmoo coj cwj pwm ntawm nws tus kheej,

    Nyeej kav ntawm Liab lub sawm yeej pov puag li keeb kwm
    Muaj mob lim xyiam heev, vim yog tim tswv ua xwb, ua neeb mus kho ntawm tim tswv xwb, rau qhov Liab yog tim tswv li tsiaj, feem ntau yog raug dab tim tswv xwb.

    ceeb tshaj kav ntuj nrag ntawm Liab lub sawm xeeb sawv coj.
    Huab cua nplawm mus muaj suam xwb, loj thiab nag tsis los yeej txeem, Nag los qee suam xwb, Nws muaj nag tsis xwm yeem, nws xav los lub caij twg los yeej cias li los nag xwb, tab sim los nag tsis loj thiab nag nrog cua ntau xwb tshav los kuj ntuas tshav ntuas nag, Yug los rau Liab xyoo no mas siav ntev heev, tiam sis muaj tsis muaj teeb meem rau txoj kev txhoj pob xwb yuav tau xyuam xim rau txoj kev txhob pob ces yeej tsis muaj dab tsi thiab, ua neeg yug rau xyoo no mas tes liab taw liab, zais siab heev, txhoj puab heev, hais txog fab kev nrhiav noj nrhiav haus mas zoo heev, yeej khwv txaus noj txaus haus li os tiam sis yog txiv neej no muaj ntsis nyiam kev plees, tab sis yuav tau caiv kom tsis txhob mus nrog luag ua xwb ces zoo xwb os nawb,

    Hais txog kev mob nkeeg mas cawm seej muaj thiab tiam sim muaj ntsis yog raug dab ntau xwb vim hais tias Liab yog dab tim tswv li tsiaj ces yog mob rau Liab Hnub ces yog raug dab tim tswv ntawm lub teb chaws ntawd ntau xwb, Hais txog siv Liab lub zim txwv mus yuav poj niam mas tsis tshua zoo heev vim hais tias Liab no nyiam tub sab heev thiab lim xyiam heev ces yog mus Liab lub zim txwv ces muaj ntsis zoo li Liab ntau xwb,

    Hais txog kev ua lag luam mas tsis tshua zoo vim hais tias yuav tau ceev faj kom zoo txog rau fab uas neeg dab yus tiab neeg nyiag yus, qhov yuav poob peev ces yog luag nyiag yus xwb, Hais txog kev mus ua tsov rog mas kuj muaj yeej thiab vim hais tias Liab no kuj yog ib tug tsiaj muaj kaus thiab tsiv heev, nws yeej tsis ntshai leej twg li thiab Liab yog tim tswv teb chaws li tsiaj ces yog yus tuaj tog nom tswv ces yus yeej xwb, vim muaj nom tswv pab txhawb nqa yus lawm,

    Liab: nyob rau hauv liab yxoo no mas zoo kawg tab sis yog phem mas phem heev li. yos taus heev ua dab tsi tsis muaj neeg nrog yus zeem tsam. Thaum ntej luag nyiam ntev mus luag tsis nyiam lawm

    Leeg twg yug rau liab hnub, liab hli, liab xyoo mas ntse heev thiab tawv heev rau fab kab mob kev nkeeg, txawm mob heev npaum li cas los nws yeej tsis qhia leej twg hais tias mob no li,

    Tes liab taw liab txhob puab heev, ua tau heev, khwv noj khwv hauv mas yeej tsis tos leej twg li, pom luag ua tau ces nws yeej ua tau thiab, luag tau noj los nws yeej tau noj thiab, muaj ntsis tawv ncauj hais tsis tshua mloog lus vim nws tsis nyiam qhia luag paub qhov tseeb,

    Hais txog fab kev plees kev yi mas muaj ywj siab ywj ntsws zoo heev tiam sis yuav tau xyuam xim txog txoj kev txhoj puab mus muab luag khoom noj es thiaj tsis mag luag nkuaj nawb mog,

    Ua dab tsi kuj tiav muaj pub tau luag noj thiab. Kawm dab tsi los kuj tau, us neeg nyob siab kub thiab lub hlwb khiav nrawm heev, txhoj puab kawg nkaus li, yuav xyuam xim tiag tiag thiaj tsis muaj kev txhaum plaub nawb. Kaum ob tug tsiaj no nws muaj sawm yeej txaus ib yam tab sis nws muaj qhov zoo qhov phem xwb. Kaum ob tug tsiaj no yawm saub teem haum haum xws li 6 tus yog tsiaj nyeg hos 6 tus yog tsiaj qus.

    Yeej sawv nyob rau hauv hnub, hli, xyoo, yeej muaj qhov zoo raws nraim li yam ntxwv thiab moj yam ntawm tus tsiaj, yog koj xam mas yuav tsum paub lub hnub nyoog ntawm cov tsiaj kom meej pem tseeb. Koj saib txog fab dab tsi los, koj yuav tsum xam kom raws tus thiab siab nws tus moj yam ntawm tus tsiaj mas koj thiaj yuav paub zoo tau raws siab xav ntawm koj yuav ntaus tsuam ntawd.
    Lub yeej txam ntaus tsuam txwv, xam chib caij nyoog nyob rau lub niaj lub xyoo raws li keeb tsuam txwv, caij nyoog zoo thiab phem nyob rau hauv neej dab lub sawm yeej, keeb txoj hmoo los ua neej nyob rau hauv ntiaj teb, Hais txog kev ua nom ua tswv mas zoo thiab tab sis vim yus tau ua nom no yus pheej xav nyob ntawm nom xub ntiag xwb ces ua rau nom ceeb laj ntsia yus heev li os nawb.

    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 8th April 2012, 8:50 am





    Thov ceeb toom rau ib tsoom uas tau muaj Phau ntawv no paub, kom koj paub qhov tseeb tias nyob rau ntawm ob tug tsiaj koom nyob rau hauv ib lub chav hauv lub yeej txam tsuam txwv no mas nws sib yuav ua txij ua nkawm tsis tau vim hais ua neej yuav tsis xyom hauj xyom seem,

    1, yug rau Qaib xyoo thiab yug rau Luav xyoo mas kev sib sau los ua txij ua nkawm xwb.mas tsis tshua xyom hauj xyom seem thiaj txwv tsis pub sib yuav

    2, yug rau Dev xyoo thiab yug rau Zaj xyoo mas kev sib sau los ua txij ua nkawm mas tsis tshua xyom hauj xyom seem thiaj txwv tsis pub sib yuav xwb.

    3, yug rau Npua xyoo thiab yug rau Nab xyoo mas kev sib sau los ua txij ua nkawm mas tsis tshua xyom hauj xyom seem thiaj txwv tsis pub sib yuav xwb.

    4, yug rau Nas xyoo thiab yug rau Nees xyoo mas kev sib sau los ua txij ua nkawm mas tsis tshua xyom hauj xyom seem thiaj txwv tsis pub sib yuav xwb.

    5, yug rau Nyuj xyoo thiab yug rau Yaj xyoo mas kev sib sau los ua txij ua nkawm mas tsis tshua xyom hauj xyom seem thiaj txwv tsis pub sib yuav xwb.

    6, yug rau Tsov xyoo thiab yug rau Liab xyoo mas kev sib sau los ua txij ua nkawm mas tsis tshua xyom hauj xyom seem thiaj txwv tsis pub sib yuav xwb.

    7, Leej twg yug rau Yaj xyoo thov tsis txhob yuav Hmoob yaj xwb hos Hmoob yaj tsis txhob yuav tus neeg yug rau Yaj xyoo xwb ces yeej zoo.
    8, Leej twg yug rau Nees xyoo thov tsis txhob yuav Hmoob muas xwb hos Hmoob muas tsis txhob yuav tus neeg yug rau Nees xyoo xwb ces yeej zoo.

    Thiab hais txog kab mob kev nkeeg los kuj ua tsis tau tus cawm seej thiab vim hais tias tus mob tsis txhob poob rau ib chav yeej txam, thiaj yuav cawm tau yog poob rau hauv ib chav cev yuav cawm tsis tau es hais rau nej paub tseeb,


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 8th April 2012, 8:51 am





    1, Tus mob chiv rau Qaib hnub Luag tuaj hu koj mus pab luag ua neeb saib rau luag tus neeg mob hnub luag tuaj ntawd yog
    Luav hnub mas tsis zoo li nawb, koj tsis tas mus ua li vim kho tsis zoo,

    2, Tus mob chiv rau Dev hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog
    Zaj hnub mas tsis zoo li nawb, koj tsis tas mus ua li vim kho tsis zoo,

    3, Tus mob chiv rau Npua hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd
    yog Nab hnub mas tsis zoo li nawb, koj tsis tas mus ua li vim kho tsis zoo,

    4, Tus mob chiv rau Nas hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd yog
    Nees hnub mas tsis zoo li nawb, koj tsis tas mus ua li vim kho tsis zoo,

    5, Tus mob chiv rau Nyuj hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd
    yog Yaj hnub mas tsis zoo li nawb, koj tsis tas mus ua li vim kho tsis zoo,

    6, Tus mob chiv rau Tsov hnub Luag tuaj hu koj mus pab luag ua neeb saib rau luag tus neeg mob, hnub luag tuaj ntawd
    yog Liab hnub mas tsis zoo li nawb, koj tsis tas mus ua li vim kho tsis zoo,

    7, Tus mob chiv rau Yaj hnub Luag tuaj hu koj mus pab ua neeb kho luag tus neeg mob, tus neeg mob ntawd yog Xeem yaj
    mas kho tsis zoo li nawb, koj tsis tas mus ua li, vim hais tias tsis muaj yeej rau fab cawm seej,

    8, Tus mob chiv rau Nees hnub Luag tuaj hu koj mus pab ua neeb kho luag tus neeg mob, tus neeg mob ntawd yog Xeem
    muas mas kho tsis zoo li nawb, koj tsis tas mus ua li, vim hais tias tsis muaj yeej rau fab cawm seej,

    Thiaj muab keeb tseg rau ib tsoom neeg sawv daws kom paub qhov tseeb txog kev cawm seej txhua fab, raws li txiaj keeb qauv cim los ntawm yawm saub li puav pheej tau teeb tseg rau ntiaj tib neeg ua kev kob xwb, ua moj kuab cawv cawm seej rau kab mob kev nkeeg, Thov koj yuav tsum to taub kom txog tej yam zoo li no thiaj yuav muaj yeej rau koj lub hom phiaj uas koj xav pab ib tug neeg twg.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 8th April 2012, 8:56 am





    Kom koj paub txog tias lub muaj yeej mas yog suam zeej, hos lub dawb paug mas yog cawm seej, nco qab ntsoov cia rau hauv koj lub hlwb mus kom txog hnub kawg ntawm koj kiag nawb, yog thaum koj paub li no lawm ces koj yuav nco ntsoov cia thiaj yuav tsis yuam kev. Koj yuav tsum nyob kom muaj chaw los yog nyob rau ntawm chaw los mus kom raug chaw mas daim phiaj 30 hnub no thiaj yuav leej li koj lub siab xav nawb, ua ntej koj mus ntag ib ntsug qav num twg yuav tsum tau keeb kom meej seb hnub koj yuav pib ntawd yog hnub twg tiag, thiab puas muaj cawm seej thaiv tau koj pab pawg mas koj thiaj yuav tau txais kev muaj yeej txog thaum kawg , qhia rau koj meej ces qhov tseeb koj thiaj li yuav muaj yeej, Thaum muaj yeej lawm koj thiaj tau txais txiaj ntsim zoo los ntawm koj lub luag hauj lwm uas koj tau mus khiav yam dej num ntawd raws li koj txoj kev uas koj tau vam ntsoov cia ntag. Koj yuav tsum nco qab ntsoov tsis pub kom nruam hnub thiab hli ces koj yuav tsum tau txais kev muaj yeej raws li koj xav tau, ntawm koj txoj kev vam thiab cia siab ntsoov tseg os.


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 11th April 2012, 1:15 pm







    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 11th April 2012, 1:22 pm






    NTIV TES THIAB QAUM TES LI SAM XEEB TUS YEEB YAM

    SIB TXAWV ZOO TSIS SIB XWS.

    Nyob rau ntawm yus cov ntiv tes mas nws muaj keeb ntsiab zoo heev. Thaum niam thiab txiv feeb ntawm, luag yeej feeb muaj kab muaj ntxeem raws li nram no uas koj saib nyob rau ntawm cov ntiv tes no nawb =

    1.Ntiv rwg = no keeb ntsiab yog pej xeem huab hwm thiab yog npoj npom leem, ua neeg nyob txawm zoo li cas los pej xeem thiab cov tub teg tub taw yuav tsum raug ua ntej, Ntiv rwg no yog ntiv muaj hmoov zoo vim txhua yam nws xub pom ua ntej thiab yog ntiv luag hlub tshaj thiab, yuav tsum muaj pej xeem mas thiaj li muaj nom tswv tom qab, ( A ) Sij hawm yus mus hwm niam hwm txiv thiab cov hlob yuav tsum yog tus no ua ntej tshaj, ho hais txog neeg pej xeem xwb mas nws tseem yog tus liaj rooj kaw tom qab thiab. ( B ) Yog tsis muaj ntiv rwg no thaiv luag yuav lij nyom tau yam toob xib nyob hauv yus lub xib teg tau, ( ntiv kuab peev )

    2. ntiv tiag, ntiv tiag no yog tub nplua nuj, yog ntiv muaj nyiaj. ( A ) ntiv no muaj cai coj nyiaj tau nws phim tseev zam, nws muaj cai coj tau nplhaib yog yuav muab piv rau tib neeg mas nws yog tub nplua nuj, nws yog neeg muaj hmoo nyob nrog nyiaj thiab kub xwb. ( B ) ua tib neeg nyob yuav tsum muaj nyiaj thiaj li nyob taus, ( C ) vim nyiaj yog lub zog thiab txoj sia mov noj, ( D ) yog thaum tsis muaj nyiaj lawm yuav tsis muaj yam dab tsi li lawm thiab ( Ntiv pav ncuav txheem )

    3. Ntiv nta no yog ntiv siab loj siab dav thiab yog ntiv muaj peev xwm. ( A ) hais li cas ua tau li ntawd, nws yog ntiv kob xwb. ( B ) lub neej yuav zoo los yuav tsum muaj tus muaj peev xwm nrog nraim ua ke mas thiaj yuav tsheej vim nws yog tus neeg siab sib nquag heev ( ntiv lis nyuj peem )

    4. Ntiv no yog ntiv taw, nws yog ntiv muaj cai muaj meej mom tswj thiab tsav coj. ( A ) Yog thaum twg nws kom yus ua dab tsi mas yuav tau ua raws li nws txib ntawm nws zeeg coj kev xam pom zoo. ( B ) Vim nws yuav taw qhia rau koj mus ua txhua txhia yam uas koj xav tau los. ( C ) Ntiv no teeb tiv caj coj ntawm nws yog (ntiv lwm tsim tim ).

    5. Ntiv xoo no yog ntiv coj noj coj ua keeb thawj tswj. ( A. ) nws muaj sawm yeej loj dav yog thaum twg tus ntiv xoo no tsa rau leej twg lawm mas tus ntawd yuav tau txais lub luag sam xeeb sawm txhiaj ncoo ko yam muaj nuj nqis tshaj nyiaj thiab kub. ( B. ) ntiv xoo no nws muaj cai keeb kav kom luag dawj tsis tau yam toob xib hauv yus xib teg. ( C. ) yog tsis muaj ntiv xoo no luag yuav lij dawj nyom tau thiab yog tsis muaj thawj cem pej xeem yuav txom nyem, ( ntiv tuam txiv thawj ).

    6. Ua neeg yog leej twg muaj txoj leeg tes keeb koos zoo li txoj no mas tsis hais kib xeeb (tub ) los yog keeb ntxhee ( ntxhais ) nws khwv dab tsi tau yooj yim thiab yuav muaj nyiaj muaj noj muaj haus noj tsis txob haus tsis txhawj, feem ntau mas muaj rau - kib ntxhee ( yog ntxhais ) mas zoo heev vim nws yog tus nres lub cuab yig hauv yim neej xwb. nyob rau hauv cov nkhib ntiv tes nws kuj muaj sam meej thiab, yog koj xav paub tias ua koj puas ceev tau nyiaj nrog koj lub neej meej keeb mas koj xyab koj cov ntiv tes sab laug kom ncaj ncaj saib puas pom khoob, yog tias pom khoob mas koj yuav ceev tsis tau nyiaj nrog koj lub neej - meej keeb ( yog tus kheej ) nyob rau hauv koj lub - kib neej ( lub cuab yig ) koj yuav tsum txhob ua tus ceev nyiaj txiag os. Yog tias koj cov nkhib ntiv tes tsis khoob li thiab ntom nti xwb mas koj ceev nyiaj txiag los yeej yuav nyob ntev rau hauv koj lub kib neej zoo. Thiab tsis poob thiab tsis plam hlo li. Moj yam ntawm koj cov ntiv tes mas nws kuj muaj yam ntxwv tsis sib xws thiab nyias muaj nyias lub sam xeeb ntawm ntsiab lus ntawd mus raws li nws tus moj yam keeb coj cav.

    Koj cov ntiv tes yuav muaj li Peb moj yam raws li nram no.

    KEEB- loj heev thiab pham heev, nyob rau ntawm lub pob yag tes txoom caws nrev caws nrias thiab cov ntev tes muaj ntsis nkaus thiab muaj ntsis rawv rau sab hauv.

    KEEB- loj hauj sim tab tom zoo phim txhais tes zoo saib xwb thiab nws sib luag zos hos cov rau tes los nws kuj yiag txias rau tus ntev tes xwb.

    KEEB- yiag heev thiab me heev, ntiv tes tsis ua pob zoo yiag xias hlw nkaws zoo nkauj thiab me taub ntev tes los kheej zoo nkauj heev.

    KEEB- cov ntiv tes muaj ntsis txoom rees, ces yog cov uas muaj ntsis txom nyem khwv dab tsi los tsis tshua nce tes pes tsawg.

    KEEB- Ntiv tes hom yiag txias hlw nkaws xwb mas yog cov ntiv tes tuav cwj ntaub xwj ntawv thiab muaj hmoo ua dab tsi los ua tau raws lub siab xav thiab yuav txais lub sawm yeej ncoo ko.

    KEEB: ntiv tes hom ua pob loj heev thiab muaj ntsis txoom heev mas yog hom ntaus hlau txias thiab nyiam quav yeeb quav tshuaj, thiab nyiam khaws xyeem siv luag tug xwb nws li nws tsis tsim kom muaj los siv li tsuas xav muab luag feem los ua nws feem xwb, Ntiv tes cov zoo li no mas luag hu ua ntiv tes ( poj niam )


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 11th April 2012, 1:36 pm



    Saib kab teg koob hmoov ntawm tib neeg txoj hmoo, liaj txheej ib.


    Liaj txheej no yog saib kab teg koob hmoov sawm yeej coj pem ntuj los muaj raws li nram no=



    1, Yog leej twg muaj txoj kab teg no mas koj yuav plam xab yeeb phooj ywg yam ua rau sia siab dhuam los lub kua muag yam tsis txawj tham qhia leej twg kiag os nawb,

    2, Yog leej twg muaj txoj kab teg zoo li no mas koj leej tab leej zag los yog leej tub leej roog neb yuav sib ncaim thaum nej ua neej txog ib nta yam neb tsis nco qab txhawj li, qhov yuav pab tau nws ces muaj ob liaj txheej raws li nram no xwb, Liaj txheej koj muaj txoj kab teg no nce tsis nto rau txoj plaub ces kom koj txhob yuav hluas nkauj los yog hluas nraug xwb, Liaj txheej B, koj muaj txoj kab teg no lawm ces koj yuav tsum mus yuav poj nrauj los yog nkauj fa xwb thiaj li yuav zam tau dhau thiab yuav yawg ntsuag los yog yawg nrauj xwb los yog nkauj thim los yog poj ntsuam , mas yog tus poj niam muaj txoj kab tes no mas kom yuav yawg ntsuag xwb thiab yawg nrauj xwb mas yeej zam tau xwb xwb mas cov muam thiab cov npawg aw, Liaj txheej yog tsis paub es sib yuav tau lawm mam pom mas ua tib zoo sib tham ob tog niam txiv muab tus ntxhais xa rov qab mus rau niam tais yawm txiv es ob peb hnub mam rov qab mus yuav ua dua tshoob tshiab dua ces lub qhaub lub vi ntawd yeej dhau poob lawm thiab os nawb ces ua neej thiaj li rov plhuv nyob laus lawm thiab,

    3, Ua neeg yog leej twg muaj txoj kab teg no los tsis ti rau nram quav tes mas txhais tau tias koj tseem yuav muaj lub neej tom ob thiab, yog koj lub neej thawj tug poj niam los yog thawj tug txiv
    ntawd yog poj ntsuam los yog los yog yawg ntsuag, los yog yawg nrauj , los yog poj nrauj lawm no ces tsis muaj dab tsi lawm, koj tsuas muaj kev kaj siab lawm xwb tsis txhob poob siab lawm,

    4, ua neeg yog leej twg muaj txoj kab teg no los ti rau sab tes puag nram npuab rau tus ntiv tes rwg qab, no mas koj txhob cia nyiaj ntawm koj lub cev yog koj cia nyiaj rau ntawm koj lub ces tsuas yog siv kom tas thiab yuav poob mus kom tas, yog koj txoj kab teg no los txog nrab plawv tes los yog dhau zog xwb mas koj ua tus ceev nyiaj los tau thiab os nawb,

    5, Ua neeg yog leej twg muaj txoj kab teg no tsis ti nram quav tes thiab tsis dhau txoj kab 6 mas koj tsuas zoo thaum ib nrab neej xwb yuav tsis kav laus, qhov tseeb koj yuav tau mus thov ib tug txiv neeb tuaj ua neeb rub koj li ntawv noj ntawv haus kom nto es koj ua neej thiab yuav tsis fav siab heev li os nawb,

    6, Tib neeg yog leej twg yog muaj txoj kab teg no tav es cov nram quav tes tsis muaj txoj txiav kom tau txoj no mas nws lub neej yuav nyob tsis laus thiab nws lub siab yuav yuj heev li, qhov yuav pab tau mas thaum koj muaj hnub nyoog 15 xyoos , yuav tsum ua ib thaj neeb mus thov ntawv rau koj dua vim ntawv noj ntawv haus los tsis meej yuav pab tiag tiag thiaj tav tau,


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 11th April 2012, 1:41 pm



    LIAJ TXHEEJ SAIB KAB TEG NTAWM TIB NEEG TXOJ HMOOV.



    Kev saib kab teg raws li liaj txheej teem kab cia muaj meej tseeb raws li nram no peb txhua tus yeej muaj txhua txhua tus thiab paub saib txhua tus raws li daim phiaj xib teg no=


    Koj tshwm sim los ua neeg rau lub ntiaj teb no yawm saub yeej tau muab ntaub noj ntawv haus rau koj los tsim lub neej hauv ntiaj teb no mas koj thiaj li coj ntawv noj ntawv haus nyob rau hauv koj lub xib teg los ua neeg nyob
    thov kom peb ib tsoom niam txiv kwv tij neej tsa sawv daws to taub zoo txog koj daim ntawv nqis ua neeg nyob rau hauv ntiaj no thiab koj txoj hmoov los nyob vim luag muaj los luag yeej nqa tau ntawv muaj los hos yus pluag los yus yeej nqa tau ntawv pluag los es yus thiaj li tsis muaj li luag es thov tsis txhob tu siab mog nyias tsuas los nyob raws li nyias daim ntawv xwb os nawb mog
    Liaj txheej saib kab teg tus tib neeg txoj koob hmoov txheej ob,

    1, Ua neeg yog leej twg muaj txoj kab teg no mas thaum nyuam qhuav pib ua neej mas muaj kev ntxhov siab heev li os nawb,

    2, Yog leej twg muaj txoj kab teg no mas yog txiv neej mas yuav tau yuav niam yau los roos ntsuj mas thiaj nyob laus, yog poj niam mas yuav muaj ob lub neej los yog ob tom neej, nws muaj qhov pab tau koj xws li nram no thiab yuav tsum yuav yawg ntsuag los yog yawg nrauj xwb nws thiaj tsis pom ob lub neej thiaj zam tau dhau mus lawm yav tom ntej xwb os,

    3, Ua neeg yog leej twg muaj txoj kab teg no mas zoo rau thaum hluas xwb yav laus ces yuav txom nyem heev thiab muaj kev ntxhov siab heev rau yav laus, hos yog txoj kab teg no nce nto ntiv tes lawm mas kuj zoo thiab os,

    4, Yog leej twg muaj txoj kab teg no mas zoo heev nws muaj ntau tus yuav pab txhawb nws lub neej, thiab tsis muaj kev txob txhawj li os,


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 11th April 2012, 1:47 pm





    LIAJ TXHEEJ SAIB KAB TEG KOOB HMOOV NTAWM TIB NEEG TXOJ HMOOV TXHEEJ PEB.



    1, Ua neej nyob yog leej twg muaj txoj kab teg no mas nws yog ib tug neeg kob xwb, hais lus dab tsi yeej tsis yuam lus li nws tej lus yog lus nyiaj lus kub xwb, yog neeg cim xeeb zoo feeb phim thiab nws siv laj lim tswv yim coj xeeb ceem ua neeg xwb os,

    2, Tus tib neeg muaj txoj kab teg no mas feem ntau mas nws yuav muaj nyiaj pab taus kwv tij neej tsa sawv daws, nws noj tsis txob hnav tsis txhawj muaj tus pab tas li,

    3, Leej twg muaj txoj kab teg no ntawm hauv paus tawg ua tus A mas nws muaj paj hlwb zoo thiab ntse heev hais dab tsi tsis tshai luag, kawm dab tsi tau sai heev li os,

    4, Yog leej twg muaj txoj kab teg no mas zoo heev vim tias txoj kab teg no yog kab teg pov haum, nws leej tab leej zag, leej tub leej roog nyob tsis muaj mob nws lub sawm yeej loj duav tau thiab pov puag zoo heev,

    5, Yog leej twg muaj txoj kab teg no mas siav ntev ua neej nyob laus, yog los rau nram quav tes tseem tawg nrhau cag mas haj yam zoo tshaj li, lub neej ces tsuas muaj tawg paj txi txiv,

    6, Yog leej twg muaj txoj kab teg no mas nws yog ib tug neeg nquag thiab yuav tau ua tus coj, nws siab loj siab dav, pub taus kwv tij neej tsa luag noj thiab nws muaj koob meej nto moo lug, leej twg los nyiam tab sis xyuam sim tsam raug lwm tus poj niam muab tiab khwb yus taub hau xwb,

    7, Yog leej twg muaj txog kab teg no mas zoo heev yog kab teg muaj tswv yim, yuav txawj ua neeb thiab yog xav ceem xwm txheej phem muaj kev kub ntxhov es luag ntes tau los nws kuj muaj cov cawm seej tuaj cawm nws thiab



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 11th April 2012, 1:50 pm



    Liaj txheej saib txog tib neeg lub yis tes li sam xeeb



    Liaj txheej saib kab teg koob hmoov ntawm txoj hmoo txheej peb.

    1, Ua neej nyob yog leej twg muaj txoj kab teg no mas nws yog ib tug neeg kob xwb, hais lus dab tsi yeej tsis phiv lus li nws tej lus yog lus nyiaj lus kub xwb, yog neeg feeb phim thiab nws siv laj ceem ua neeg xwb os,

    2, Tus tib neeg muaj txoj kab teg no mas feem ntau mas nws yuav muaj nyiaj pab taus kwv tij neej tsa sawv daws, nws noj tsis txob hnav tsis txhawj muaj tus pab tas li,

    3, Leej twg muaj txoj kab teg no ntawm hauv paus tawg ua tus A mas nws muaj paj hlwb zoo thiab ntse heev hais dab tsi tsis tshai luag, kawm dab tsi tau sai heev li os,

    4, Yog leej twg muaj txoj kab teg no mas zoo heev vim tias txoj kab teg no yog kab teg pov haum, nws leej tab leej zag, leej tub leej roog nyob tsis muaj mob nws lub sawm yeej loj duav tau thiab pov puag zoo heev,

    5, Yog leej twg muaj txoj kab teg no mas siav ntev ua neej nyob laus, yog los rau nram quav tes tseem tawg nrhau cag mas haj yam zoo tshaj li, lub neej ces tsuas muaj tawg paj txi txiv,

    6, Yog leej twg muaj txoj kab teg no mas nws yog ib tug neeg nquag thiab yuav tau ua tus coj, nws siab loj siab dav, pub taus kwv tij neej tsa luag noj thiab nws muaj koob meej nto moo lug, leej twg los nyiam tab sis xyuam sim tsam raug lwm tus poj niam muab tiab khwb yus taub hau xwb,

    7, Yog leej twg muaj txog kab teg no mas zoo heev yog kab teg muaj tswv yim, yuav txawj ua neeb thiab yog xav ceem xwm txheej phem muaj kev kub ntxhov es luag ntes tau los nws kuj muaj cov cawm seej tuaj cawm nws thiab


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 11th April 2012, 1:55 pm



    Saib kab teg koob hmoov li liaj txheej Plaub li sam xeeb.


    Kev saib kab teg mas koj yuav tau ua zoo saib koj thiaj li pom zoo mas vim nws qee txoj me thiab nyob nraim heev li koj yuav tau ua zoo saib kom nkag siab zoo thiab paub zoo thiaj tsis yuam thiab thiaj tsis nruam rau koj xwb,




    Nws cov zauv me heev thov kom maj mam saib thiaj li pom tus zauv hauv no zoo vim sau tau me zog lawm thov kom muab lub sij hawm los saib kom zoo thiaj yuav nkag siab nawb ib tsoom phooj ywg sawv daws, thov zam txim rau tus neeg sau thiab kos tau nruam me ntsis los thov txim vim nws kuj sau zoo l zoo tau los kuj tseem muaj tej yam nruam me ntsis los thov ua siab ntev thiab os nawb.


    1, Tib neeg leej twg muaj txoj kab teg no pom meej tseeb mas, tus no siav ntev thiab yuav nyob laus,
    2, Tib neeg leej twg muaj txoj kab teg no mas nws tsis muaj mob txaus ntshai li thiab os nawb,
    3, Tib neeg leej twg muaj txoj kab teg no mas txuas rau txoj ib mas nws yuav muaj kev ntxhov siab thiab ua ntsuag ntau yam nawb,
    4, Tib neeg leej twg muaj txoj kab teg no mas nws yuav muaj npoj yaig thiab tim xyoob coob coob, thiab yuav muaj tus pab nws ua dab tsi tsis txhawj hlo li,

    5, Tib neeg leej twg muaj txoj kab teg no mas nws nyiam fab kev haum xeeb heev, xyuam xim tsam tau kawm ntev os vim muaj qhov phom tshij heev txog kev lwm tus yaum nws thiab nws lub siab coj nws ua tej yam txhaum cai lij choj nas,

    6, Tib neeg leej twg muaj txoj kab teg no mas pom tseeb mas nws leej tab leej zag los yog leej tub leej roog zoo nkauj zoo nraug heev thiab luag tshaw heev yuav tau sib hlub heev nawb tsis txhob ciav lim li os,

    7, Tib neeg leej twg muaj txoj kab teg no mas tus no nws coj xeeb ceem zoo thiab hais lus haum ib tsoom npoj yaig phooj ywg sawv daws, tiam sis yuav tau xyuam xim tsis txhob khaws xyeem os ib tsam raug lauj taw ntaiv thiab os nawb mog,

    8, Tib neeg leej twg muaj txoj kab teg no pom meej mas nws yuav tau ua tus coj noj coj ua, tiam sis thov pib ua neeg yuav siab dav thiab siab dawb kom luag poog yus heev thiaj tsis phom tshij nawb mog,

    9, Tib neeg leej twg muaj txoj kab teg no mas nws yog neeg muaj zoo lij xeeb tswv yim, thiab nrhiav chaw nyom luag, nrhiav kev rau yus haiv taug txhua lub caij, txhawb yus haiv neeg heev,

    10, Tib neeg leej twg tsis hais niam tsev los txiv tsev yog muaj txoj kab teg no pom meej meej mas nws lub looj loog duav tau nws tsev neeg yuav tsis muaj mob.

    11, Tsis hais kib xeeb los kib ntxhees los kib zeej los kib keeb, yog leej twg muaj txoj kab teg no mas zoo heev khwv dab tsi los tau ua tsawg tau ntau.

    12, Tib neeg tsis hais poj niam txiv neej yog muaj txoj kab teg no mus tshuam rau txoj 13 mas nws to kev ncig ntuj ncig teb.

    13, Tib neeg leej twg muaj txoj kab teg no mas yuav tau tuav tsev txog ntsuj plig ua ntej nws yuav mus kev deb vim nws lub looj loog tso kev mus muaj kev phom tshij rau nws txog dab mob nkeeg heev mas yuav tau tuav tseev kom meej pem mam pub mus nawb,

    14, Tib neeg leej twg muaj txoj kab teg no mas tsis hais kib xeeb los kib ntxhees yog leej twg muaj txoj kab teg no mas zoo heev kev tu tub tu kiv mas tsis nyuab hlo li zoo heev txog kev tu me nyuam,

    15, Tib neeg leej twg muaj txoj kab teg no ncau mus txuas rau txoj kab teg lub neej mas tus no nws yuav nquag hloov teb hloov chaw heev.

    16, Tib neeg tsis hais kib xeeb los kib ntxhees yog muaj txoj kab teg no mast sis tshua tau mus kev deb, yog yuav mus mas yuav tau zais ntsuj tso vim nws lub looj loog qis heev pov hwm tsis tshua tau nws li.

    17, Tib neeg leeg twg muaj txoj kab teg no mas txiav rau txoj ib lawm mas thaum muaj mob yuav tau ua neeb kho tiag, yog tsis txiav mas kuj zoo thiab os nawb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 11th April 2012, 2:00 pm




    Saib kab teg koob hmoov nrog nws, nyob rau li liaj txheej tsib

    Kev saib kab teg mas nws muaj ntau Liaj Txheej saib, yog li no yuav muab teeb teem coj los qhia rau nej xws li nram no =



    Saib kab teg koob hmoov nrog nws los li liaj txheej tsis
    Ua neej nyob rau daim npoo luaj no lub neej txoj sia tawm tas nrho rau hauv koj txhais tes, koj lub neej muaj 12 xyoos rov yav saud ces koj lub neej pib tshwm sim rau koj paub, koj lub tsawj teg yog niam thiab txiv daim Liaj txheej teem koj lub neej. Yog koj nco qab tau koj lub neej mus, koj yuav tsum yoog raws li niam thiab txiv feeb rau koj nrog koj txoj kev sawm yeej, ua neeg nyob rau ntiaj teb, koj xaiv tsis tau chaw yug li no thiaj li feeb koj lub neej rau ntawm koj lub tsawj teg, kom koj paub tseeb paub meej raws li nram no =


    1, Leej twg muaj txoj kab teg no pom meej mas nws yuav muaj ntxhais ua ntej, cov kab teg no yog kab teg ntxhais,

    2, Leej twg muaj txoj kab teg no pom tseeb tseeb mas tom ntej no mus yuav muaj tub ki coob tsis hais kib xeeb ( me nyuab tub ) los kib ntxhees. ( me nyuam ntxhais ).

    3, Leej twg muaj txoj kab teg no yog kab teg txij nkawm uas yus coj saum ub los, yog leej twg muaj txoj kab teg no pom tseeb tseeb mas nws leej txij nkawm zoo nkauj zoo nraug heev los sis ua neej nyob kawg paus kawg ntsis zoo heev li thiab os nawb, Yog ntawv txij nkawm puag thaum ub tau sib cog lus cia rau tiam tas los lawm thiaj los sib nrhiav tau mas yuav tsum sib hlub kom txog hnub kawg thiaj li yuav tag tej kev cog lus cia rau tiam tag lawm nawb vim nkawd los nyob raws li nkawd daim ntawv cog lus rau tiam tag lawm xwb os nawb yog tsis sib hlub ces tseem yuav tau los ua nyuj rau luag thauj thiab ua nees rau luag caij mas thiaj yuav tag tej kev cog lus cia os nawb mog,

    4, Yog leej twg muaj txoj kab teg no pom tseeb mas nws lub yeej koob yeej huam pov puag tau nws lub neej, noj qab nyob zoo, nyob nyab xeeb, nws txawj hais lus thiab pab tau tsoom zeej sawv daws, khwv dab tsi los tau yooj yim tsis muaj xyoob txhiaj dab tsi li nawb.

    5, Leej twg muaj txoj kab teg no nram hauv paus ncau dhau txoj kab plaub, tus no nws tsis siv nyiaj txiag loj, tsis muaj chaw siv nyiaj heev, Vim nws tav tau kev siv nyiaj tag lawm tsis tso ncauj teg li,

    6, Leej twg muaj txog kab teg no saum lub ntsis nce ntiv tes mas khwv dab tsi lost au heev, zoo thiab nawb,

    7, Leej twg muaj txoj kab teg no pib nram quav tes nce nto plaws txoj kab teg thib rau los sis hla dhau plaws thiab tus no muaj koob nto npe, thiab yuav tau ua keeb thawj coj tsoom zeej sawv daws yuav hwm thiab txhawb nqa nws, vim txoj kab teg no yog kab teg sawm yeej pov koob ua thawj coj xwb os nawb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 14th April 2012, 12:55 pm



    Xwm fab puaj meem sawv nres txoj hmoov zoo thiab txoj hmoov phem, haum nrog thiab tsis haum nrog


    ___

    ___________________________________________
    1.
    Qaib - sab qaum teb = yog hmoov txhuas
    ______________________________________________
    2.
    Dev - sab qaum hnub tuaj = yog hmoov av
    ______________________________________________
    3.
    Npua - sab hnub tuaj pem toj = yog hmoov ntoo
    ______________________________________________
    4.
    Nas - sab hnub tuaj = yog hmoob xyoob
    ______________________________________________
    5.
    Nyuj - sab hnub tuaj nram hav = yog hmoov hlau
    ______________________________________________
    6.
    Tsov - sab qab teb hnub tuaj = yog hmooov thee
    ______________________________________________
    7.
    Luav - sab qab teb = yog hmoov dej
    ______________________________________________
    8.
    Zaj - sab qab teb hnub poob = yog hmoob hluav taws
    ______________________________________________
    9.
    Nab - sab hnub poob nram hav = yog hmoob nyiaj
    ______________________________________________
    10.
    Nees - sab hnub poob = yog hmoov kub
    ______________________________________________
    11.
    Yaj - sab hnub poob pem toj = yog hmoov tooj
    ______________________________________________
    12.
    Liab - sab qaum teb hnub poob = yog hmoov zeb



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 14th April 2012, 12:57 pm










    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 14th April 2012, 1:00 pm


    Tawv qhov muag dhia los yog laim,


    Saib lub sij hawm ntawd thaum twg ces yuav qhia koj paub raws li nram no
    Sij hawm thaum lub caij nyoog Qhov muag dhia los yog laim sab laug los yog sab xis
    ====================== ======================================
    11:01 PM txog rau 1:00 AM-------Laim los yog dhia sab laug- yog yuav muaj qhua tuaj ntsib yus xwb
    Laim los yog dhia sab xis- yog yuav tau ntsib zaub mov noj qab xwb.

    1:01 AM txog rau 3:00 AM--------Laim los yog dhia sab laug- yuav muaj kev poob siab txog tej yam dab tsi.
    Laim los yog dhia sab xis- yuav muaj kev nyuab siab los ntsib yus xwb.

    3:01 AM txog rau 5:00 AM-------Laim los yog dhia sab laug- yog yuav muaj qhua tuaj kev deb tuaj ntsib yus.
    Laim los yog dhia sab xis- yog yuav muaj kev ntsib tej yam zoo siab heev.

    5:01 AM txog rau 7:00 AM--------Laim los yog dhia sab laug- yog yuav muaj zoo qhua tham txog lag luam.
    Laim los yog dhia sab xis- yog yuav muaj kev sib tham haum xeeb zoo xwb.

    7:01 AM txog rau 9:00 AM--------Laim los yog dhia sab laug- yog yuav muaj qhua tuaj kev deb tuaj so tsev.
    Laim los yog dhia sab xis- yuav tau xyuam xim txog kev hais lus thiab Kev tawm rooj, ib tsam lam ntsib kev poob siab loj nawb.

    9:01 AM txog rau 11:00 AM------Laim los yog dhia sab laug- yog yuav ntsib dej cawv los sis mov rau yus noj,
    Laim los yog dhia sab xis- yuav tau ua zoo saib, nws yuav muaj kev txaus ntshai heev los cuam tshuam rau yus yam sai heev nawb.

    11: 01 AM txog rau 1:00PM-------Laim los yog dhia sab laug- yuav ntsib mov noj yam txaus siab txaus ntsws,
    Laim los yog dhia sab xis- yuav muaj kev txaus ntshai heev los ntsib xwb.

    1:01 PM txog rau 3:00 PM---------Laim los yog dhia sab laug- mas yuav muaj kev zoo siab heev los xwb.
    Laim los yog dhia sab xis- yuav pom luag muaj kev zoo siab heev xwb.

    3:01 PM txog rau 5:00 PM--------Laim los yog dhia sab laug- yuav pom kev ua lag luam tau raws siab xav.

    Laim los yog dhia sab xis- yog yuav hnov moo txog phooj ywg nco yus.
    5:01 PM txog rau 7:00 PM--------Laim los yog dhia sab laug- yog yuav muaj qhua tuaj thab yus sib tham txog kev lwm yam li teeb meem xwb.

    Laim los yog dhia sab xis- yog yuav muaj neeg txheeb ze tuajkev deb tuaj xyuas yus thiab yuav hnov moo txog qee tus neeg uas ncaim yus mus lawm ntawd moo xwb.

    7:01 PM txog rau 9:00 PM --------Laim los yog dhia sab laug- yog yuav tau mus noj mov haus cawv, zoo yam li mus noj tshoob noj kos loj xwb.
    Laim los yog dhia sab xis- yog yuav tau mus sau yus tej nuj nqis uas luag tuaj txais yus nyiaj los yog luag tsis tau them yus xwb.

    9:01 PM txog rau 11:00 PM-------Laim los yog dhia sab laug- yog yuav tau hnov moo deb heev, txog tej yam ua rau yus poob siab thiab mob siab xwb.
    Laim los yog dhia sab xis- yog yuav tau pab luag xa xov xa moo, los yog leg luag dej num , yam kev poob siab xwb.

    Yog pheej laim los yog dhia heev es pheej tsis tsum li no ces koj muab ib daim ntawv me me ntub qaub ncaug es koj muab coj los lo rau, yog tsis tsum thiab no ces koj muab ib daim nplooj ntsuab coj los lo rau ces yeej zoo lawm.

    Pob ntseg nrov los yog hnov suab nrov heev hauv koj lub pob ntseg tuaj ces saib nws nrov thaum twg xwb.
    Lub sij hawm caij nyoog nrov: Saib nrov sab laug los yog sab xis ntawm koj lub pob ntseg tuaj.

    ===================== =============================================

    11:01 PM txog rau 1:00AM Pob ntseg nrov sab laug- yog yuav muaj kev poob nyiaj poob txiaj ntau.
    Pob ntseg nrov sab xis- yog yuav muaj phooj ywg nco yus heev xwb.

    1:01 AM txog rau 3:00 AM Pob ntseg nrov sab laug- yog yuav muaj kev sib cav sib ceg ncauj pauv ncauj, yuav muaj kev tu siab thiab mob siab heev.
    Pob ntseg nrov sab xis- yog yuav muaj kev sib cav sib ceg loj heev los cuam tshuam yam sai heev rau yus tus kheej los yog tsev neeg xwb.

    3:01 AM txog rau 5:00 AM Pob ntseg nrov sab laug- yuav tau ceev faj kom zoo, tej zaum yuav muaj tej yam txaus ntshai heev los cuam tshuam rau yus tus kheej los yog tsev neeg,
    Pob ntseg nrov sab xis- yuav tau ceev faj kom zoo heev, vim yuav muaj kev poob nyiaj txiaj los cuam tshuam rau yus tus kheej los yog tsev neeg sai.

    5:01 AM txog rau 7:00 AM Pob ntseg nrov sab laug- yog yuav muaj qhua tuaj deb tuaj sib ntsib xwb,
    Pob ntseg nrog sab xis- yog yuav muaj kev sib cov nyom txog lwm yam kev sib tham , sib cev lus mus los xwb.

    7:01 AM txog rau 9:00 AM Pob ntseg nrov sab laug- yog yuav muaj qhua sab nraud tuaj nrog yus sib tham txog lwm yam hauj lwm cov nyom xwb.
    Pob ntseg nrov sab xis- yog yuav muaj kev tawm mus kev deb heev yam sai los cuam tshuam rau yus tus kheej los yog tsev neeg xwb.

    9:01 AM txog rau 11:00 AM Pob ntseg nrov sab laug- yog yuav muaj kev zoo siab los cuam tshuam xwb.
    Pob ntseg nrov sab xis- yuav tau ceev faj kom zoo heev, vim yuav muaj kev puas tsuaj puas ntsoog los cuam tshuam rau yus tus kheej thiab yus tsev neeg

    11:01 AM txog rau 1:00 PM Pob ntseg nrov sab laug- yog yuav muaj neeg tseem ceeb tuaj ntsib yus xwb.

    ob ntseg nrov sab xis- yog yuav hnov xov xwm tsis zoo tuaj kev deb xwb,

    1:01 PM txog rau 3:00 PM Pob ntseg nrov sab laug- yog yuav muaj qhua tuaj poob tsev xwb,
    Pob ntseg nrov sab xis- yog yuav mus ntsib kev tshaib plab nqis ncauj xwb,

    3:01 PM txog rau 5:00 PM Pob ntseg nrov sab laug- yog yuav muaj kev zoo siab los ntsib yus xwb.
    Pob ntseg nrov sab xis- yog yuav ntsib neeg taug kev es nws quaj los yog tham kev yuab siab xwb,

    5:01 PM txog rau 7:00 PM Pob ntseg nrov sab laug- yog yuav muaj kev zoo siab los ntsib yus xwb,
    Pob ntseg nrov sab xis- yuav tau ceev faj kom zoo heev, nws yuav muaj kev poob nyiaj los cuam tshuam rau yus yam sai heev,


    7:01 PM txog rau 9:00 PM Pob ntseg nrov sab laug- yog yuav muaj qhua tuaj nrog yus tham txog kev nyuab siab xwb os nawb,
    Pob ntseg nrov sab xis- yog yuav muaj neeg coj yus mus nrog luag noj mov ua kev zoo siab, tiam sis yuav tau xyuam xim txog kev hais lus os nawb,

    9:01 PM txog rau 11:00 PM Pob ntseg nrov sab laug- yuav tau dej cawv noj tsau haus qaug heev xwb,
    Pob ntseg nrov sab xis- nws yog plig zoo siab hais tias plig rov los txog rau ntawm yus tus kheej lawm es nws zoo siab xwb es nws nrov xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 5th May 2012, 2:42 pm



    Kev poob siab los yog yus ntshai heev, los yog yus lub siab pheej ua nyuj nyes zoo li ntxhov siab tsawv no.
    Lub sij hawm poob siab tshwm: poob siab los sis ntshai heev los sis lub siab pheej ntxhov tsawv li xwb.

    ===================== ===================================================
    11:01 PM txog rau 1:00AM-------------Yus tus poj niam los yog muaj phooj ywg nco yus heev, nws seev txog yus thiab quaj heev es thiaj ua rau muaj kev poob siab xwb.

    1:01 AM txog rau 3:00 AM-------------Muaj kev poob siab txaus ntshai heev vim poob rau lub sij hawm chib tawv heev mas thiaj ua rau yus tau poob siab loj heev xwb.

    3:01 AM txog rau 5:00 AM-------------Yuav muaj qhua tuaj kev deb tuaj noj mov nrog yus tsev neeg xwb, nws kuj yog ib lub sij hawm zoo heev rau yus tsev neeg thiab lwm tsev tau ua ke,

    5:01 AM txog rau 7:00 AM--------------Tsis zoo mus haus cawv nrog lwm tus tib neeg, vim yuav muaj lwm tus neeg yuav los cuam tshuam txog yus tej kev sib tham xwb,

    7:01 AM txog rau 9:00 AM-------------Ua tau hauj lwm tiav log zoo heev lawm, txhua yam ua tau zoo heev tsis muaj yam dab tsi yuav los rhuav tau, vim yeej tiav raws siab xav lawm.

    9:01 AM txog rau 11:00 AM-----------Yus tus niam tsev zoo siab txais tos yus zoo, thiab zoo siab tab cuab vij zeej zoo rau yus lub cuab yeej cuab tam, ua zoo rau yus tsev neeg txhua tus thiab,

    11:01 AM txog rau 1:00 PM-----------Yuav tau nrog lwm tus neeg haus dej haus cawv yam txaus siab nrho, thiab muaj zoo kwv luag koom noj ua ke thiab haus ua ke zoo heev li,

    1:01 PM txog rau 3:00 PM-------------Yus thiab yus tus niam tsev tau los teeb txheeb ua ke kom tau raws li siab xav, thiab yuav muaj chaw vam raws li txoj kev xav ntawd kiag ntag,

    3:01 PM txog rau 5:00 PM-------------Yuav tau txais kev zoo siab los rau yus tus kheej yam sai heev, thiab yuav muaj lub hom phiaj zoo los rau yus yam txaus siab nrho kiag ntag,

    5:01 PM txog rau 7:00 PM-------------Tej zaum yuav muaj lwm yam khoom los yog lwm txoj kev zoo siab tuaj rau yus yam txaus siab nrho ntag, los yog lwm tus tuaj pab txhawb nqa yus kiag,

    7:01 PM txog rau 9:00 PM--------------Tej zaum yuav muaj ib tug zoo qhua tuaj sab nraud tuaj xyuas yus yam zoo heev, thiab yuav tau hnov tej yam uas yus ho txaus siab nrho kiag ntag,

    9:01 PM txog rau 11:00 PM------------Yuav tau ceev faj kom zoo heev vim zoo li muaj tub sab pheej zoj yus qab tau yus lw tas li lawm sub, yuav tau saib kom meej pem thiaj yuav tsis ntsib,


    Kev poob siab los yog pheej zoo li yus tus kheej pheej ntxhov ntxhov siab thiab ua rau yus lub siab pheej poob tej twv zoo li yus nyob tsis qab siab li no mas nws yuav muaj zoo li cov ntsiab lus sau los saum toj no nawb es nej yuav tau ua zoo coj mus xav thiab coj mus kawm kom ho paub thiab ho daws tau nej tej kev nyuab siab ntxhov plawv thiab nawb,


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 5th May 2012, 2:44 pm



    Kev npau taws, chim siab heev tsis muaj leej twg ua dab tsi rau yus li tab sis yus cia li npau taws heev li xwb.
    Lub sij hawm npau taws tshwm: kev npau taws heev zoo thiab phem mas nws yuav muaj kev tshwm sim.

    ===================== ===================================================
    11:01 PM txog rau 1:00AM Tej zaum yus tus phooj ywg los sis yog yus tus niam tsev lub siab tsis npuab yus lawm, Yuav muaj kev nyuab siab rau yus heev li yam sai heev los rau yus.
    1:01 AM txog rau 3:00 AM Yuav tau caiv cim, txwv tsis pub yus tus poj niam tawm rooj, nws yuav muaj plaub ntug los cuam tshuam rau, yus tus niam tsev kiag ntag,

    3:01 AM txog rau 5:00 AM Muaj kev zoo siab heev, vim tawm rooj mus pib dej num yuav tau raws li lub siab xav yam ncoo ko, li lub luag dej num tau teeb tseg cia kiag ntag,

    5:01 AM txog rau 7:00 AM Yog yus pheej npau taws heev, tej zaum yuav tau nyiaj txiag raws li yus lub siab xav thiab, los yog yuav poob me ntsis nyiaj mus yam tsis muaj txiaj ntsim

    7:01 AM txog rau 9:00 AM Yuav muaj kev nyuab siab heev, yuav tau ceev faj kom zoo heev, tej zaum yuav muaj neeg phem thiab yuav ntsib tej yam txaus ntshai heev los rau yus,

    9:01 AM txog rau 11:00 AM Yuav muaj ib yam txheej xwm zoo tshwm sim los rau yus, yuav ntsib kev noj mov ua ke , kev tshwm sim los hnov ua ke xwb kiag ntag,

    11:01 AM txog rau 1:00 PM Yuav tau ceev faj txog kev sib cav sib ceg, ib tsam nom tswv ho tuaj ces yuav muaj kev nyuab siab los cuam tshuam rau yus tsev neeg xwb,

    1:01 PM txog rau 3:00 PM Yuav muaj ib yam dab tsi ua rau yus zoo siab tshaj plaws los rau yus tus kheej thiab yuav hnov tej yam uas yus ib txwm vam ntsoov ntaws los txog rau yus,

    3:01 PM txog rau 5:00 PM Yuav ntsib tej pab neeg, yus pab thiab lawv pab muaj kev sib koom siab los ua ke rau kev ua lag luam loj, los yog tej yam dab tsi zoo heev li xwb,

    5:01 PM txog rau 7:00 PM Yuav tau ceev faj txog kev tham lus, vim yuav muaj neeg ua plaub rau yus xws li foob yus nce xam hais plaub ntug loj kiag ntag,

    7:01 PM txog rau 9:00 PM Yuav tau ceev faj kom zoo heev, rau kev hais lus, kev ua dej num, kev tsham kwv tej neej tsa, kev ua lag luam thiab kev nias tsam, nws yuav muaj kev ntxhov siab los rau yus yam sai heev li os,

    9:01 PM txog rau 11:00 PM Yuav tau ceev faj kom zoo heev, vim yuav muaj teeb meem txog kev mob nkeeg los cuam tshuam rau yus tus kheej los yog tsev neeg yam sai heev li os,

    Kev npau taws ntawm yus tus kheej mas muaj raws kev zoo thiab kev phem li cov lus tau sau hais los saum no thiab mas koj yuav xyuam xim txog tej yam uas yuav tau caiv thiab yuav tau txwv tsis txhob mus ua li kiag, yog koj tsis mloog hais ces yeej pab tsis tau koj lawm thiab os nawb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 5th May 2012, 2:47 pm



    Qhia txog ntawm yus cev nqaij cia li lam laim, mas nws yuav muaj kev phem thiab kev zoo los cuam tshuam,.
    Lub sij hawm ibce nqaij laim: Yus cev nqaij laim zoo thiab phem mas nws yuav muaj kev tshwm sim.

    ===================== ===================================================
    11:01 PM txog rau 1:00AM Yuav muaj ib tug qhua tseem ceeb tuaj saib yus, thiab yuav tau nrog nws sib tham txog kev nug moo noj qab kab ntsab txog ntawm yus cov phooj ywg,

    1:01 AM txog rau 3:00 AM Yus yuav tau ib yam khoom tseem ceeb yuav los nrog yus nyob, yam khoom ntawd yog ib yam zoo heev kawg nkaus li rau yus thiab yus tsev neeg,

    3:01 AM txog rau 5:00 AM Yuav tau xyuam xim txog txhua yam, vim hais tias yuav muaj kev nyuab siab txog rau kev poob nyiaj poob txiaj ntau heev, thiaj li yuav tag tej teeb meem,

    5:01 AM txog rau 7:00 AM yuav ua zoo fab peem, vim hais tias yuav tau nyiaj tau txiaj los rau yus thiab yus tsev neeg sawv daws, es yus tsev neeg yuav muaj kev zoo siab rau heev,

    7:01 AM txog rau 9:00 AM Yus tus kheej yuav tau xyuam xim txog txhua fab, vim yuav muaj kev nyuab siab los raug rau yus tus kheej kiag, es yuav ua zoo saib tom ntej tom qab zoo,

    9:01 AM txog rau 11:00 AM Yus yuav tau npaj tus kheej kom tiav log, vim hais tias yuav muaj phooj ywg tuaj kev deb tuaj sib ntsib nrog rau yus tus kheej, yuav tau sib tham yam zoo,

    11:01 AM txog rau 1:00 PM Yuav tau ceev fab kom zoo heev, vim yuav muaj kev zoo siab tuaj ti yus tsev neeg thiab yus cev nqaij daim tawv, mas yuav tau saib tom ntej tom qab kom zoo,

    1:01 PM txog rau 3:00 PM Tej zaum yuav muaj neeg xa xov xa moo tuaj rau yus, es yus yuav hnov zoo xov xwm tuaj pub yus paub txog tej yam xov xom zoo ntawd thiab os nawb,

    3:01 PM txog rau 5:00 PM Yuav tau ceev fab kom zoo txog rau fab hais lus, vim hais tias yuav muaj kev sib cav sib ceg txog fab ncauj pauv ncauj, yuav tsis zoo rau yus tus kheej,

    5:01 PM txog rau 7:00 PM Yuav tau ceev faj kom zoo txog rau fab nyiaj txiag, vim yuav muaj neeg tuaj dag yus mus rau txoj kev poob nyiaj poob txiaj mus rau txoj kev tsis zoo,

    7:01 PM txog rau 9:00 PM Yuav tau npaj yus tus kheej kom zoo, vim yuav muaj qhua tuaj kev deb tuaj ntsib yus, thiab nrog yus tham txog kev txhua fab ntawm kev ua neej nyob,

    9:01 PM txog rau 11:00 PM Yuav tau npaj yus tus kheej, vim yuav muaj ib qhov dab tsi ua rau yus tus kheej thiab tsev neeg muaj kev zoo siab heev, yuav tswj kev hais lus kom zoo,

    Yog hais tias koj cev nqaij cia li lam laim mas tej zaum yuav muaj kev phem los sis kev zoo los cuam tshuam rau koj tus kheej, los yog koj tsev neeg sawv daws yam sai heev li, mas nws yuav muaj kev phem thiab kev zoo raws li cov lus uas kuv sau los rau saum toj no, vim koj yuav tau feeb kom meej txog lub sij hawm thaum twg kiag, mas koj mam los feeb saib yog yuav muaj dab tsi? Es ho yuav tshwm sim los rau yus tus kheej los yog yus tsev neeg thiab,


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Vaj Nruas lub TSEV SAIB HMOOV.

    Post  koojziagkabzaug on 5th May 2012, 2:57 pm



    Vaj Nruas lub tsev saib hmoov los xaus li no xwb.
    Thov ua tsaug ntau rau tij laug Vaj Nruas uas muaj lub siab zoo,
    thiaj muab nws tej txuj ci no coj los pub peb Hmoob.

    Thov kom Tswv Ntuj foom koob hmoov rau tij laug Vaj Nruas,
    nws tsuas muaj huaj vam sawm mus, nws muab ib npaug rau peb,
    yuav los kaum npaus rau nws ntxiv.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Vaj Nruas lub TSEV SAIB HMOOV.

    Post  Sponsored content


      Current date/time is 16th October 2017, 8:05 pm