google-site-verification: googlefbfddf59e706b96b.html

Latest topics

» Nkauj Hmoob Pro lub sev mloog nkauj
by Admin 16th October 2017, 12:06 pm

» Hkauj Tawm Tshiab 2017 - Hmong New Song 2017 - Tawm Tshiab Nkauj Channel
by nkaujhmoobpro 16th October 2017, 4:26 am

» KHAWV KOOB
by koobpovtxuj 30th September 2017, 4:29 pm

» Koobpovtxuj.
by koobpovtxuj 25th September 2017, 10:00 am

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Pojniam Yug Menyuag Tas Nws Tuag & Rov Los Ua Dab

    Share

    Liajntsu
    Guest

    Pojniam Yug Menyuag Tas Nws Tuag & Rov Los Ua Dab

    Post  Liajntsu on 19th April 2010, 7:39 am

    Nyob rau tebchaws Nplog muaj ib tug Pojniam Hmoob nws Niam thiab nws Txiv nkawv tuag tas ua ntej lawm. Nws mus yuav nws tus txiv twb muaj ib cov menyuam tiav nkauj nraug ho mam li yug ib tug mos ab tom qab no. Thaum nws tseem suab tus menyuam nyob hauv plab uas yuav txog caij xwb nws pheej seev tias nqhis nqhis nqaij no ua cas ib chim tsaus ntuj xwb txawm pom ib tug Nploos nyob ntawm qhov rooj tag ces nws ciali muab khaws los tseev ua noj lawm tiamsis nws tsis pub cov menyuam noj tsuas yog nws noj xwb. Tom qab ntawd tsis ntev nws txawm rov qab nroo dua tias nqhis nqaij thiab ces ua cas ib chim txawm pom ib ceg nqaij npuateb dai ntawm tus ncejtas nws ciali muab coj los ua noj tag lawm thiab. Tsis ntev ntawd nws txawm yug nws tus menyuam tom qab nws yug tau tag nws ciajli tuag lawm lau ces lawv muab nws coj los ua dab ua qhua tag coj mus zais lawm.
    Tom qab coj mus zais tag 3 hnub xwb ua cas muaj ib hmos aub cia li tom tsauj zis puag tim ncauj ke uas kwv tus pojniam ntawd mus faus los ti nkaus ntawm lub tsev uas tus pojniam tuag ntawd, ces tus me mos ab ciali quaj heev heev tsis ntsiag li. Aub pheej tom tom heev ces ib pliag zoo li aub muab nws raws khiav rov qab ua puag tim ncauj ke ces aub thiaj li ntsiag lawm. Ua cas hnub ntawd tus txiv lawv mus tawm tshais no mus txog saib lub ntxa khoob ib lub qhov loj loj ua hauv lub ntxa lawm thiab ces lawv ciali muab cov mov tshais ntawd tso tseg rau ntawd ciali khiav rov los tsev lawm.
    Dhau ntawd aub pheej niaj hmo tom tim ncauj ke los rau ntawm li tsev hos tus mos ab pheej quaj quaj heev li ces muaj ib hmos tus txiv thiaj cem tias kom nws mus ces mus zoo tsis txhob rov los ua li rau lawv no ces ua cas cia li txawb kiag ib lub pob av tib teg tus txiv lub hauv pliaj los los ntshav tus txiv thiaj li khaws lub pob av los saib no ua cas yog cov pob av ntawm lub qhov txos xwb ces muaj ib tug me tub tseem me me nws thiaj hais rau nws txiv tias TXIV KUV NIAM ZAUM SAUM TUS YEES NTHAB SAUD THIAB YOJ YOJ NWS 2 TXHAIS KOTAW HOS LUAG LUAG RAU KOJ no ces tus txiv chim siab dhau thiaj li tsawv nkaus lub yeebthooj tib txawb rau saud ces ib pliag hnov dhia poob nrov poog nraum kwjtsev ces aub rov qab muab tom thiab raws ua tsauj zis puag tim kev lawm.
    Tus pog ntawd pheej los tag li lau ces muaj ib hnub tus txiv thiaj li tuaj mus xyuas chaw rau nraum Naj Mub tso yuav khiav los mus nyob nraud no ces tseg cov menyuam nyob hauv tsev xwb tus pog uas tuag ntawd txawm rov qab los hos hnov aub tom tsaujzis puag tim kev los dua lau ces thaum los txog tsev tus txiv tsis nyob lawm cov menyuam muab tus mos ab nrog lawv pw ces nws txawm los xuas cov menyuam tom txaj lau ces lawv thiaj li sawv quajqw rau neeg zejzog thiaj taws tsau tuaj coj lawv mus nrog neeg zejzog pw lawm. Tus txiv thiaj li rov los txog tsev ces tus txiv txawm muab tus me ab pub rau ib tug Xibhwb uas lawb dab ces lawv tsev neeg ntawd txawm nyiag kev khiav los mus nyob rau nraum Naj Mus lawm.
    Tus pojniam ntawd txawm los nrhiav tus me nyuam dua thiab lau ce tsis pom nws tsev neeg lawm ho taug tau qab los pem tus Xibhwb ces tus me ab rov qab quaj quaj heev li thiab ces tus Xibhwb thiaj hais rau tias koj tsevneeg khiav tsis nyob nov lawm koj tsis txhob los ua li rau peb es koj mam li mus nrhiav lawv no ces txij hnub ntawd thiaj tsis pom tus pog ntawd los ua li yav tag los lawm tiamsis zoo li tus mos ab ntawd tuag lawm thiab sub no.
    Muaj ib hnub muaj 2 nus muag los nram teb los no nkawv txawm pom tus pog ntawd taug kev tuaj ntsib nkawv nram ib tog kev hos nqa rawv nkawm khau noog ntawm tes tiamsis nyo hau thawv xwb tsis ntsia nkawv li tiamsis nkawv saib yeej yog tus pog uas tuag ntawd vim lawv nyob uake hauv lub zos ntawd. Hos muaj ib zaug muaj ib pab Hmoob mus dabtsi los txog tom kev no zoo li nws muab qe ua uasi ntawm kev pom lawv los ces ciali muab lub qe tso ntog ntog rau hauv kev thiab. Hos muaj ib zaug zoo li nws los thab lawv ib tug phaw twm ces tus twm muab nws raws nrau mus ti nkaus tim tus pog ntawd lub ntxa thiab muab lub ntxa nrau nrau tiaj tag. Zaum kawg muaj ib tug txiv neeg Hmoob mus nram Nplog los txog ib tog kev los los nag heev ces txawm hnov xob tua ib teg muaj muaj ceem pem ncauj kev tuaj ces tus txivneej Hmoob ntawd los txog ib daim lag zeb ua cas hnov tsw tsw lwj heev hos pom xob tua ib tug ceg ntoo poob los rau saum daim lag zeb thiab pom ntshav mas liab vog ntawm daim lag zeb xwb ho tsis pom dabtsi li ces txij ntawd los thiaj li tsis pom tus pog dab ntawd lawm. Lawv ntseeg tias yog nws ua tau phem heev es lub ntuj muab nws tua povtseg lawm no.

    Puas txaus Ntshai thiab.
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: Pojniam Yug Menyuag Tas Nws Tuag & Rov Los Ua Dab

    Post  MayPaj on 19th April 2010, 8:11 am

    Liajntsu wrote:Nyob rau tebchaws Nplog muaj ib tug Pojniam Hmoob nws Niam thiab nws Txiv nkawv tuag tas ua ntej lawm. Nws mus yuav nws tus txiv twb muaj ib cov menyuam tiav nkauj nraug ho mam li yug ib tug mos ab tom qab no. Thaum nws tseem suab tus menyuam nyob hauv plab uas yuav txog caij xwb nws pheej seev tias nqhis nqhis nqaij no ua cas ib chim tsaus ntuj xwb txawm pom ib tug Nploos nyob ntawm qhov rooj tag ces nws ciali muab khaws los tseev ua noj lawm tiamsis nws tsis pub cov menyuam noj tsuas yog nws noj xwb. Tom qab ntawd tsis ntev nws txawm rov qab nroo dua tias nqhis nqaij thiab ces ua cas ib chim txawm pom ib ceg nqaij npuateb dai ntawm tus ncejtas nws ciali muab coj los ua noj tag lawm thiab. Tsis ntev ntawd nws txawm yug nws tus menyuam tom qab nws yug tau tag nws ciajli tuag lawm lau ces lawv muab nws coj los ua dab ua qhua tag coj mus zais lawm.
    Tom qab coj mus zais tag 3 hnub xwb ua cas muaj ib hmos aub cia li tom tsauj zis puag tim ncauj ke uas kwv tus pojniam ntawd mus faus los ti nkaus ntawm lub tsev uas tus pojniam tuag ntawd, ces tus me mos ab ciali quaj heev heev tsis ntsiag li. Aub pheej tom tom heev ces ib pliag zoo li aub muab nws raws khiav rov qab ua puag tim ncauj ke ces aub thiaj li ntsiag lawm. Ua cas hnub ntawd tus txiv lawv mus tawm tshais no mus txog saib lub ntxa khoob ib lub qhov loj loj ua hauv lub ntxa lawm thiab ces lawv ciali muab cov mov tshais ntawd tso tseg rau ntawd ciali khiav rov los tsev lawm.
    Dhau ntawd aub pheej niaj hmo tom tim ncauj ke los rau ntawm li tsev hos tus mos ab pheej quaj quaj heev li ces muaj ib hmos tus txiv thiaj cem tias kom nws mus ces mus zoo tsis txhob rov los ua li rau lawv no ces ua cas cia li txawb kiag ib lub pob av tib teg tus txiv lub hauv pliaj los los ntshav tus txiv thiaj li khaws lub pob av los saib no ua cas yog cov pob av ntawm lub qhov txos xwb ces muaj ib tug me tub tseem me me nws thiaj hais rau nws txiv tias TXIV KUV NIAM ZAUM SAUM TUS YEES NTHAB SAUD THIAB YOJ YOJ NWS 2 TXHAIS KOTAW HOS LUAG LUAG RAU KOJ no ces tus txiv chim siab dhau thiaj li tsawv nkaus lub yeebthooj tib txawb rau saud ces ib pliag hnov dhia poob nrov poog nraum kwjtsev ces aub rov qab muab tom thiab raws ua tsauj zis puag tim kev lawm.
    Tus pog ntawd pheej los tag li lau ces muaj ib hnub tus txiv thiaj li tuaj mus xyuas chaw rau nraum Naj Mub tso yuav khiav los mus nyob nraud no ces tseg cov menyuam nyob hauv tsev xwb tus pog uas tuag ntawd txawm rov qab los hos hnov aub tom tsaujzis puag tim kev los dua lau ces thaum los txog tsev tus txiv tsis nyob lawm cov menyuam muab tus mos ab nrog lawv pw ces nws txawm los xuas cov menyuam tom txaj lau ces lawv thiaj li sawv quajqw rau neeg zejzog thiaj taws tsau tuaj coj lawv mus nrog neeg zejzog pw lawm. Tus txiv thiaj li rov los txog tsev ces tus txiv txawm muab tus me ab pub rau ib tug Xibhwb uas lawb dab ces lawv tsev neeg ntawd txawm nyiag kev khiav los mus nyob rau nraum Naj Mus lawm.
    Tus pojniam ntawd txawm los nrhiav tus me nyuam dua thiab lau ce tsis pom nws tsev neeg lawm ho taug tau qab los pem tus Xibhwb ces tus me ab rov qab quaj quaj heev li thiab ces tus Xibhwb thiaj hais rau tias koj tsevneeg khiav tsis nyob nov lawm koj tsis txhob los ua li rau peb es koj mam li mus nrhiav lawv no ces txij hnub ntawd thiaj tsis pom tus pog ntawd los ua li yav tag los lawm tiamsis zoo li tus mos ab ntawd tuag lawm thiab sub no.
    Muaj ib hnub muaj 2 nus muag los nram teb los no nkawv txawm pom tus pog ntawd taug kev tuaj ntsib nkawv nram ib tog kev hos nqa rawv nkawm khau noog ntawm tes tiamsis nyo hau thawv xwb tsis ntsia nkawv li tiamsis nkawv saib yeej yog tus pog uas tuag ntawd vim lawv nyob uake hauv lub zos ntawd. Hos muaj ib zaug muaj ib pab Hmoob mus dabtsi los txog tom kev no zoo li nws muab qe ua uasi ntawm kev pom lawv los ces ciali muab lub qe tso ntog ntog rau hauv kev thiab. Hos muaj ib zaug zoo li nws los thab lawv ib tug phaw twm ces tus twm muab nws raws nrau mus ti nkaus tim tus pog ntawd lub ntxa thiab muab lub ntxa nrau nrau tiaj tag. Zaum kawg muaj ib tug txiv neeg Hmoob mus nram Nplog los txog ib tog kev los los nag heev ces txawm hnov xob tua ib teg muaj muaj ceem pem ncauj kev tuaj ces tus txivneej Hmoob ntawd los txog ib daim lag zeb ua cas hnov tsw tsw lwj heev hos pom xob tua ib tug ceg ntoo poob los rau saum daim lag zeb thiab pom ntshav mas liab vog ntawm daim lag zeb xwb ho tsis pom dabtsi li ces txij ntawd los thiaj li tsis pom tus pog dab ntawd lawm. Lawv ntseeg tias yog nws ua tau phem heev es lub ntuj muab nws tua povtseg lawm no.

    Puas txaus Ntshai thiab.

    Koj zaj dab neeg no mas yog kuv nyob ib leeg thaum tsaus ntuj mas kuv yuav tsis nyeem li nawb, tab sis ho yog tav su muaj neeg nyob hauv tsev ces kuv thiaj tau luag nyeem me ntsis...hahaha!

    Taus nsthai kawg li, tab sis nws yog dab neeg xwb los yeej yog tiag tiag mab? yog tiag tiag no ntshe yuav tsis tau luag kiag li os vim txias siab dhau tej dab neeg poj ntxoog hem neeg
    Suspect

    Liajntsu
    Guest

    Re: Pojniam Yug Menyuag Tas Nws Tuag & Rov Los Ua Dab

    Post  Liajntsu on 19th April 2010, 11:47 am

    Lub Paj Ntshua Nplaim,

    Yog dabneeg tiamsis tsis tau ntev heev tsuas yog ua ntej lub thaum tebchaws puas ntawd xwb os. Raws li tus neeg uas piav zaj dabneeg no hais qhia kuv mas tus pojniam ntawd nws cov tub tseem tuaj nyob Saint Paul, MN thiab no. Yeej txaus ntshai tiag tiag tsis yog lam dag nawb.

    Kuv mam tuaj piav ib zaj ntxiv uas txaus ntshai npaum li zaj no rau nej mloog thiab. Tus kuv yuav piav tom ntej no yog yug menyuam tuag ib yam nkaus thiab os ho peb nyob uake tiamsis kuv tseem tsis yug xwb.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Pojniam Yug Menyuag Tas Nws Tuag & Rov Los Ua Dab

    Post  koojziagkabzaug on 19th April 2010, 12:46 pm



    Uab! Uab! Liaj Ntsuab mas txawj piav dhau lawm, tham noj txiv qaub mas ua rau los qaub ncaug puv qhov ncauj tag li xwb...Hahhaah....Tham ov miv mas ua rau plaub hau tsis puab xwb qwb li lawm...Hahahah...! Ua tsaug nawb. Yog nws paub xyoo tsiam tsawv no nws tso xyoo rau thiab nawb. Ua tsaug.


    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Pojniam Yug Menyuag Tas Nws Tuag & Rov Los Ua Dab

    Post  Hmoob ntuj qub qab on 20th April 2010, 12:26 am

    Liajntsu
    Koj zaj keeb kwm no txaus txias siab heev tus poj niam no yeej tshua cov txiv tub heev tab sis yog dab lawm ces thiaj zoo li ntawv xwb.

    Liajntsu
    Guest

    Re: Pojniam Yug Menyuag Tas Nws Tuag & Rov Los Ua Dab

    Post  Liajntsu on 20th April 2010, 7:32 am

    Koojziagkabzaug thiab Hmoob Ntuj Qub Qab,

    Lub xyoo kuv paub tsis zoo lawm tiamsis ntseeg tias yuav tsum ze rau thaj tsam 1940 rov yav saud lawm vim tias lub zos Naj Mub mas lawv tsim tom qab no ne. Koj zaj movie los ua cas yuav ua tau txaus ntshai ua luaj li thiab.

    Kooj aw kuv paub tias nej cov pojniam siab me me heev li os es nyob tim Nplog txheej laus thaum ub cov hluas nraug tos hluas nkauj mus pw tom teb lawm mam lawv qab mus hem hluas nkauj, hluas nkauj thiaj li tsis xaiv tus phem tus zoo los pub nrog lawv nyob tsheej hmo pw ua lawv luag tsis pub hluas nraug los tsev hehehe. Tiamsis kuv ho muaj ib zaj dabneeg tias thaum cov hluas nraug mus hem thiab tau nrog hluas nkauj pw lawm ib chim dab ho los hem tiag tiag li thiab mas lawv txhua tus plig thiab plog poob tag nrho txij ntawd los hluas nraug thiaj li tsis hem hluas nkauj lawm no.

    Phoojywg Hmoob Ntuj Qub Qab,

    Koj hais yog lawm os yeej txias siab heev thiab tus pojniam ntawd nws nco thiab hlub tus mos ab los yog tsevneeg heev yog li thiaj pheej los nrhiav lawv rau txhua txoj kev li hais. Tiamsis kuv tus kheej ntseeg tias tus neeg los yog lub cev ntaj ntsug mas tsis paub lawm tsuas yog Dab pojntxoog ua dab rau ces nws thiaj li muaj txoj sia rov los ua li xwb.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: Pojniam Yug Menyuag Tas Nws Tuag & Rov Los Ua Dab

    Post  koojziagkabzaug on 20th April 2010, 8:49 am



    Nyob zoo LiajNtsuab thiab Hmoob Ntujqubqab,

    LiajNtsuab,

    Yog mas, daim duab zaj movie ces yeej yog kiag nws zaj dab neeg ntag...Hahhaah...! Xob xob ib ce li lawm...!

    Kuv muaj ib zaj kwv huam muaj ntsis zoo li nws zaj thiab, tab sis ho txawv me ntsis.
    Yog cov Hmoob Ntsuab, tus niam tuag lawm ces pheej los pub tus me nyuam mos mis. Thaum twg tsaus ntuj kiag ces pheej los tsaws kiag tus me nyuam los zaum kiag ntawm lub pob zeb nram qab cub, thws kiag mis pub tus me nyuam. Ua li nov ntau hnub ces ib hnub tus txiv thiaj muab lub pob zeb hlawv kub kub, thaum tus niam los zaum kiag, kub nws pob tw ces nws thiaj tso plhuav me nyuam tseg, cem tias: Siab phem ua luaj li rau kuv, twb yog kuv hlub hlub neb ob txiv tub es kuv los pab neb xwb tseem ua li ntawd rau kuv thiab. Ces nws tsis rov los dua ntxiv lawm.

    Hmoob Ntujqubqab,

    Kuv los kuv hais li nws hais thiab, yeej yuav tsum muaj ib qho secret ntawm poj ntxoog thiab tus niam uas tuag lawm. Nws yeej tsis xav tuag li, tab sis ntshe yog luag coj nws lawm xwb....

    Liajntsu
    Guest

    Re: Pojniam Yug Menyuag Tas Nws Tuag & Rov Los Ua Dab

    Post  Liajntsu on 20th April 2010, 10:00 am

    Kzkz,

    Kheev lam muaj koob yees dua li txheej niam no es muab koob caws tseg ntshe yuav pom tib tug zoo licas. Yav thaum ub tsis paub ua dabtsi thiab yog tias paub ntshe zov ntes tej zaum tau os vim nws ua ntxug dhau lawm. Kuv los pab hlub tus pojniam koj hais ntawd kawg thiab tiamsis ntshe txawm leejtwg los yuav ua li tus txiv ua ntawd vim nws tsis yog neej lawm thiab tsa menyuam tau kabmob ntawm nws.

    Yav ntuj thaum zoo li ua neej 1 nrab yog neej hos 1 nrab yog dab sub.

    Sponsored content

    Re: Pojniam Yug Menyuag Tas Nws Tuag & Rov Los Ua Dab

    Post  Sponsored content


      Current date/time is 20th October 2017, 7:20 pm