Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus

    ncig teb chaw ntsib poj ntxoog 2011

    Share

    koojziagkabzaug
    Moderator
    Moderator

    Messages: 3324
    Date d'inscription: 2010-02-28

    ncig teb chaw ntsib poj ntxoog 2011

    Post  koojziagkabzaug on Thu Feb 02, 2012 8:58 pm




    Yog leej twg siab me no txhob saib, vim qhov nov mas yeej pom kiag tus ib li tiag tiag. Pom li ib txwm hais dab neeg kwv huam ntag.


    ncig teb chaw ntsib poj ntxoog.m4v



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages: 860
    Date d'inscription: 2010-04-05
    Age: 54
    Localisation: USA

    Re: ncig teb chaw ntsib poj ntxoog 2011

    Post  koobpovtxuj on Fri Feb 10, 2012 11:23 am

    koojziagkabzaug wrote:


    Yog leej twg siab me no txhob saib, vim qhov nov mas yeej pom kiag tus ib li tiag tiag. Pom li ib txwm hais dab neeg kwv huam ntag.


    ncig teb chaw ntsib poj ntxoog.m4v

    Koojziagkabzaug.
    Koj xav li cas rau daim movie nov?
    Raws li kuv tus kheej xav xwb mas yog tsim tawm los ntawm neeg lub tswv yim thiab neeg lub hlwb xwb.
    Tam kuv xav mas yuav tsis muaj poj ntxoog dhia mus mus los los rau neeg pom thiab thaij tau li ntawm daim movie no.

    koojziagkabzaug
    Moderator
    Moderator

    Messages: 3324
    Date d'inscription: 2010-02-28

    Re: ncig teb chaw ntsib poj ntxoog 2011

    Post  koojziagkabzaug on Fri Feb 10, 2012 2:36 pm



    Koobpovtxuj,

    Kuv kuj xav li koj hais thiab, yog tias yog tiag, ua cas ho nias tsom ntsoov ob tug niam txiv li uas twb paub ua ntej lawm. Thiab tus tuag cov khaub ncaws tshiab tshiab, twb tsis lo av ib qho li thiab tseem sia hlab li neeg ciaj.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    nyiaj tseev
    Visitor
    Visitor

    Messages: 37
    Date d'inscription: 2011-10-11

    Re: ncig teb chaw ntsib poj ntxoog 2011

    Post  nyiaj tseev on Thu Feb 16, 2012 4:49 am

    ha ha lawv kuj ua tau txaus ntseeg kawg thiab. Tab sis twb tsis txaus kuv ntshai li

    koojziagkabzaug
    Moderator
    Moderator

    Messages: 3324
    Date d'inscription: 2010-02-28

    Re: ncig teb chaw ntsib poj ntxoog 2011

    Post  koojziagkabzaug on Thu Feb 16, 2012 6:50 am



    NyiajTseev, Hahhaah...! Nws tsis ntshai...Kuv mas lauj vaub twb tsis puab xwb qwb tag nrho li...! affraid Nws puas kam piav ib zaj kwv huam rau peb mloog laug caij os NyiajTseev...?


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    nyiaj tseev
    Visitor
    Visitor

    Messages: 37
    Date d'inscription: 2011-10-11

    Re: ncig teb chaw ntsib poj ntxoog 2011

    Post  nyiaj tseev on Thu Feb 16, 2012 8:14 am

    Kuv muaj ib zaj thiab tab sis kuj tsis txaus ntxhai li thiab tab sis kuv ho tsis tau sim kiag seb ho zoo li cas xwb vim hnov dua tsis cuag yus ua dua.

    Kuv txiv tau tham qhia kuv tias yav thaum nws hluas mas ns tsis zoo nraug es muaj cov hluas nkauj zoo nkauj cem cem kuv txiv ces peb yawg thiaj tham qhia tias ua li ntawd thiaj pauj tau kev ntsim siab no ces kuv txiv thiaj mus ua kuj tau txij ntsim tab sis yuav yog yus siab tawv.
    Muaj ib hmos kuv txiv mus tham hlus nkauj es tus hlus nkauj ntawd nto qaub ncaug rau kuv txiv yog li nws thiaj chim heev nws thiaj rov los tim roob toj ntxas thiaj los lauj tau ib tus ntoo uas yog tus nees ces hais npawg koj nrog kuv wb mus tham hluas nkauj ces nqa tus ntoo ntawd mus txog ntawm tus hluas nkawj phuab ntsa ces muab ib rau ntawd hais rau tias hluaj nkauj nyob hauv koj nyob no kuv mus hauv lawm ib ntsis kuv mam los coj koj wb rov qab. ces tab meeg mus dawj qhov rooj lawv tsev neeg yeej tsaug zog tas tsis hnov li ces mus muab hluas nkauj ua ua txaus ces tawm los mas los coj tus ntoo rov qab los tso tim ntxa.TAB SIS THAUM TAWM LOS TXOG MAS TSIS YOG NTOO HO YOG IB NIAG TUAG LWJ LWJ DUB NCIAB SAWV PHEEB AI NTAWD XWB HO YOOV MAS YA NTAUG QEEG TSW LWJ IAB NKHOOB tab sis yus tsawv nkus ces yog yav ntoo yus nqa mus xwb. ces thaum sim tau li no lawm ces tau tau hlus nkauj ua li ces niaj hmo mus nqa ces muaj ib hmos txawm mus nqa ntawd ib lub ntxa tseem tshiab nroj tuaj ntev li ib do xwb ho khaub hlab tseem nyob liab vos ces tus poj niam tuag no mas tsis lwj thaum tawm los mas ib tus dawb paug zoo nkauj rhib sawv pheeb ai ntawd xwb ces ua rau thaub tsis ntshai thiab cia li nyiam nws lawm thiab ces kuv txiv niaj hmos mus nqa ces muaj ib hmos kuv txiv tsis mus lawm ces tus poj niam ntad txawm tuaj hais tias koj niaj hmo tuaj tham kuv cas hmo no kuv tos tos tsis pom koj tuaj lawm nab. (TSIS PAUB TIAS DEEV NEEJ LOS DEEV DAB LI)kuv txiv saib mas zoo nkauj kawg li ces hmo tom qab rov mus dua ces los pw ces dab tuaj tso xov rau kuv txiv. muaj ib tus yawg laus tuaj ces tuaj hais rau kuv txiv tias hais li no rau koj nawb me tub koj tau tuaj deev peb tus nyab peb nyuam qhuav yuav los tau 5 lub hlis no xwb koj tuaj coj mus deev deev tau ib ntus no mas nws tsis mloog peb lus lawm mas lus sam mas hais li no rau koj peb muab peb tus nyab kaw cia lawm koj txhob tuaj coj ib zaug ntxiv li lawm nawb yog koj tsis tseg ces koj yuav pom nawb. ces kuv txiv thiaj tsis mus nqa ntsiv lawm thiab thiaj noog no hmoob hais tias lub ntxa ntawd yog lawv tus nyab lawv yuav tau ib xyoo xwb ces ua ib tus npaws xwb cia li tuag lawm pam tau 5 hnub yeej tsis lwj li zoo nkaws li tsaug zog lawm xwb.
    ces kuv txiv thiaj tseg txij li hnub ntawd los laus li no tsis ua ib zaug lam.

    koojziagkabzaug
    Moderator
    Moderator

    Messages: 3324
    Date d'inscription: 2010-02-28

    Re: ncig teb chaw ntsib poj ntxoog 2011

    Post  koojziagkabzaug on Thu Feb 16, 2012 6:01 pm



    Uab...! Uab...! Liajtseev aw...! Plaub haus xob tag li lawm os...! affraid ...Hahahahah...! Ib ntsis tseem mus ua tau ib tug me nyuam rau ov miv thiab mas txaus ntshai dhau lawm os...! Es ua li, tus hluas nkauj neeg uas nws mus deev puas tso xov tuaj rau nws thiab? Tsam ces nkag mus pw no tsis yog pw nrog tus neeg hos pw nrog tus dlab xwb lauj...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    nyiaj tseev
    Visitor
    Visitor

    Messages: 37
    Date d'inscription: 2011-10-11

    Re: ncig teb chaw ntsib poj ntxoog 2011

    Post  nyiaj tseev on Fri Feb 17, 2012 2:16 am

    raws li kuv xav mas ntshe yuav yog deev tus dab 80% lawm. ho tus neeg mas lawv tsev neeg yeej tsaug zog cuag tuag li no. kuv yeej noog ntau yam mas kuv txiv yeej hais tias thov kom nej cov tub tsis txhob ua li no ib zaug lawm vim koj coj tau tus txiv neej mus ces lwm zaus koj tsis mus los tus dab ntawd yeej mus tham tus hluas nkauj ntawd ces tsis ntev xwb nws tuag lawm thiab.
    kuv txiv tos nws ua tau los nws yog ib tus neeg tsis paub ntshai dab
    ntaus ntuj ib tag hmo los nws nqa ib lub teeb thiab kwv phom mus puag tim tej roob zov lawm li mus tua tau mab tau kauv mas nws mam los ho yus nrog nws mus mas nws muab yus tso puag tim tej hav zov nws los nws tsev lawm nws tsis k txog yus li. hom neeg zoo li no thiaj ua taus siab phem yog zoo li yus mas ua tsis taus.

    koojziagkabzaug
    Moderator
    Moderator

    Messages: 3324
    Date d'inscription: 2010-02-28

    Re: ncig teb chaw ntsib poj ntxoog 2011

    Post  koojziagkabzaug on Fri Feb 17, 2012 7:08 am



    Nyob zoo Nyiajtseev,

    Wow...! Txaus ntshai dhau lawm, muaj ntau yam heev uas peb twb tsis paub txog. Tej zaud thaum nws txiv ua ntawd, nws txiv twb tsis paub txog qhov tseeb, nws tsuas xav tias yog nrog hluas nkauj hmoob pw no xwb nws thiaj li ua thiab tej zaud yog lawv thuam nws es nws chim nws thiaj tau ua li xwb. Tab sis koj txiv lub peev xwm qhia tau tej yam zoo uas sawv daws tssi muaj peev xwm yuav ua tau.
    NyiajTseev, kuv yuav tsis khoom ob peb hnub es yog nws muaj zaj tshiab no tuaj sau tseg, kuv khoom kuv mam li tuaj nyeem nawb. Kuv xav kom nws sau ntau yam uas nws paub thiab nws hnov tuaj rau peb mloog thiab os.

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages: 860
    Date d'inscription: 2010-04-05
    Age: 54
    Localisation: USA

    Re: ncig teb chaw ntsib poj ntxoog 2011

    Post  koobpovtxuj on Fri Apr 13, 2012 2:20 am

    Hais txog hmoob tej lus uas hmoob hais tias pom poj ntxoog pom dab li ub li no mas zaum twg kuv saib kuv yeej tsis pom 1 qho uas yuav txaus ntseeg tias yuav yog tiag muaj tiag li.ntawm no kuj yog hmoob 1 daim movie ntes tau poj ntxoog no tab sis thaum kawg kuj yog lub niag vas qhuav xwb.

    MayPaj
    Spammer
    Spammer

    Messages: 442
    Date d'inscription: 2010-02-25

    Re: ncig teb chaw ntsib poj ntxoog 2011

    Post  MayPaj on Thu Apr 19, 2012 1:40 pm

    nyiaj tseev wrote:ha ha lawv kuj ua tau txaus ntseeg kawg thiab. Tab sis twb tsis txaus kuv ntshai li

    Kuv xav tias txaus txaus ntshai, kuv cas tsis kam saib, tiam sis nag hmo kuv muab saib tas no twb tsis txaus nsthai npaum cas thiab os, tiam sis kuj ua tau txaus ntseeg kawg thiab mas.


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    MayPaj
    Spammer
    Spammer

    Messages: 442
    Date d'inscription: 2010-02-25

    Re: ncig teb chaw ntsib poj ntxoog 2011

    Post  MayPaj on Thu Apr 19, 2012 1:46 pm

    nyiaj tseev wrote:Kuv muaj ib zaj thiab tab sis kuj tsis txaus ntxhai li thiab tab sis kuv ho tsis tau sim kiag seb ho zoo li cas xwb vim hnov dua tsis cuag yus ua dua.

    Kuv txiv tau tham qhia kuv tias yav thaum nws hluas mas ns tsis zoo nraug es muaj cov hluas nkauj zoo nkauj cem cem kuv txiv ces peb yawg thiaj tham qhia tias ua li ntawd thiaj pauj tau kev ntsim siab no ces kuv txiv thiaj mus ua kuj tau txij ntsim tab sis yuav yog yus siab tawv.
    Muaj ib hmos kuv txiv mus tham hlus nkauj es tus hlus nkauj ntawd nto qaub ncaug rau kuv txiv yog li nws thiaj chim heev nws thiaj rov los tim roob toj ntxas thiaj los lauj tau ib tus ntoo uas yog tus nees ces hais npawg koj nrog kuv wb mus tham hluas nkauj ces nqa tus ntoo ntawd mus txog ntawm tus hluas nkawj phuab ntsa ces muab ib rau ntawd hais rau tias hluaj nkauj nyob hauv koj nyob no kuv mus hauv lawm ib ntsis kuv mam los coj koj wb rov qab. ces tab meeg mus dawj qhov rooj lawv tsev neeg yeej tsaug zog tas tsis hnov li ces mus muab hluas nkauj ua ua txaus ces tawm los mas los coj tus ntoo rov qab los tso tim ntxa.TAB SIS THAUM TAWM LOS TXOG MAS TSIS YOG NTOO HO YOG IB NIAG TUAG LWJ LWJ DUB NCIAB SAWV PHEEB AI NTAWD XWB HO YOOV MAS YA NTAUG QEEG TSW LWJ IAB NKHOOB tab sis yus tsawv nkus ces yog yav ntoo yus nqa mus xwb. ces thaum sim tau li no lawm ces tau tau hlus nkauj ua li ces niaj hmo mus nqa ces muaj ib hmos txawm mus nqa ntawd ib lub ntxa tseem tshiab nroj tuaj ntev li ib do xwb ho khaub hlab tseem nyob liab vos ces tus poj niam tuag no mas tsis lwj thaum tawm los mas ib tus dawb paug zoo nkauj rhib sawv pheeb ai ntawd xwb ces ua rau thaub tsis ntshai thiab cia li nyiam nws lawm thiab ces kuv txiv niaj hmos mus nqa ces muaj ib hmos kuv txiv tsis mus lawm ces tus poj niam ntad txawm tuaj hais tias koj niaj hmo tuaj tham kuv cas hmo no kuv tos tos tsis pom koj tuaj lawm nab. (TSIS PAUB TIAS DEEV NEEJ LOS DEEV DAB LI)kuv txiv saib mas zoo nkauj kawg li ces hmo tom qab rov mus dua ces los pw ces dab tuaj tso xov rau kuv txiv. muaj ib tus yawg laus tuaj ces tuaj hais rau kuv txiv tias hais li no rau koj nawb me tub koj tau tuaj deev peb tus nyab peb nyuam qhuav yuav los tau 5 lub hlis no xwb koj tuaj coj mus deev deev tau ib ntus no mas nws tsis mloog peb lus lawm mas lus sam mas hais li no rau koj peb muab peb tus nyab kaw cia lawm koj txhob tuaj coj ib zaug ntxiv li lawm nawb yog koj tsis tseg ces koj yuav pom nawb. ces kuv txiv thiaj tsis mus nqa ntsiv lawm thiab thiaj noog no hmoob hais tias lub ntxa ntawd yog lawv tus nyab lawv yuav tau ib xyoo xwb ces ua ib tus npaws xwb cia li tuag lawm pam tau 5 hnub yeej tsis lwj li zoo nkaws li tsaug zog lawm xwb.
    ces kuv txiv thiaj tseg txij li hnub ntawd los laus li no tsis ua ib zaug lam.

    Nyiaj Tseev aj, puas muaj tiag los koj txiv lawm piav kwv huam xwb naj, ntshe txawm kuv tsis zoo nkauj tsis zoo nraug los kuv yeej tsis kam mus nqa tej yav niag cav ntoo ntawv tim ntxa li ho, puam chawj xwb, tsis xum pauj kev ntsim siab, yog yus pauj kev ntsim siab tau kev tuag xwb ces tsum os, txaus nrhiab kawg, ua tsaug koj sau rau peb tau nyeem.


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    xiongchang
    Moderator
    Moderator

    Messages: 3830
    Date d'inscription: 2012-04-16

    Re: ncig teb chaw ntsib poj ntxoog 2011

    Post  xiongchang on Wed May 09, 2012 5:48 pm

    - He...he....Phooj ywg! Nyiaj tseev as, Koj zaj dab neeg no; Txaus ntshai kawg....Thaum ub peb nyob nroog looj ceeb, Kuv yawg tub xab; Yeej nqa ntau zaug....Yog poj niam, Poj niam dab xyw; Tsi deev poj niam....Ua ntau zaug, Ntshe npam; Nqa yuav kev; Txiv neej ntau zaug....Ces xyw dab txiv neej muab yawg tug hluas nkauj ua tuag lawm....Lawv tsev neeg, Twb ntseeg yes xus; Tom qab tug hluas nkauj tuag tas....Tug hluas nkauj tsi txaus siab, Rov los kauj xab ntau zaug tias; Nws tsi xav tuag....Los dabtoj ntxas, Yuav tau nws lawm; Nws yuav tsumcoj kom tau xab xwb....Yog coj tsi tau xab ua nws tug txiv mas, Tsi tas li; Vim nws tsi nyiam tug dab toj ntxas ntawd....Xab lawv tsev neeg, Ntseeg yes xus lawm; Tsi ua neeb quas....Tsi ua neeb kho, Xab kho siab heev xyoo 1978; Peb tseem nyob hav cob fab....Xab tig phom, Rov tua xab tuag lawm; Tug hluas nkauj ntawd....Tuag looj ceeb, Raws xab mus txog sabzoog "Phuaj xeem" Roob phu npiab sab nraum ub.


    TSWV YIM TSEEV DEV TSIV.

    - Kuv ho piav txog, Kuv tug npaws tsu zaj tswv yim; Tsi npam nawb....Npaws tsu zaj mas....:

    1/Yog lub zog ntawd, Yug tshwm plawg xwb; Dev tsem zom zawg....Fuas pes hlawv, Yug mus txog; Maj mam muab hmoob....Cov dab npuas, Pub npua ntawd; Ntxeev khwb rwg txhua lub thoob zog.....Thaum ntxeev xaus, Xav kom dev tsem; Dev tsi tsem li laus....Txawm dev nyob ntawd, Los dev qhov muag; Nruj nreem xwb....Tau zoo tham hluas nkauj heev li os, Cuag lub zog ntawd; Dev tuag tas....Tsi ua suab sab.

    2/Thaum xyoo 1970; Kuv ua hauj lwm nyob sab tsua dawb:....Pha Khao....Peb mus tham hluas nkauj, Lub zog ntawd; Hmoob cov dev nyaum heev....Txav tsi ti li, Peb xuas neev roj mab; Tsoo qe hau....Los yuav maj npis, Zes kom dev dhia tuaj; Npaj neev roj mab tog....Dev dhia tuaj tom yug, Ib tug dev mag ib neev roj mab; Suab dev quaj si toj zim ntxee npoo roob kiag.....Lwm zaug mus mas, Dev pom yug teeb khoo cig plawg xwb; Dev qhov muag ploj ntais....Tsi ua suab sab hlo, Cuag dev tuag tas.

    3/Muaj ib zaj mas....Siv saw kav theej vam leeb, Lwg ti nkaug ntsis; Pav peb tug ua ke....Tug dev twg nyaum heev, Zes kom dhia tuaj tom; Yug tuav kiag....Yav kav nplooj tom tug kav loj, Fiav mus zig ris zog dev; Rub rhe los ze zog yug....Mam tso plhuav, Dev quaj kho siab kawg nkaug; Si leeg room puag tim ntug zog....Qab zog qaum zog, Dev mus daws saw kav theej vam leej; Quaj tsheej ib ob xuaj moos mam ntsiag....Lwm zaug mus dua, Dev pom teeb ci; Dev twb cuab suaj quaj ua ntej lawm....

    4/Ib zaj ntxiv, Muab mov nplaum ntim kua txob hauv plawv; Cuam dev noj tas....Ntsim plab heev, Dev quaj nti ntxeev tiaj khwb rug txaug nkaug; Dev tsi tom ib zaug ntxiv lawm....

    5/Ib zaj ntxiv, Ci qos yaj ywm kub tsawv cuam dev noj....Dev kaug niav lov dam tas....Dev qhov ncauj zoo li, Cov laug qhov ncauj mlos mlee; Tsi tom yug li os....

    Cov zaj dab neeg no, Lom zem kawg laiv, Cov phooj ywg; Yog dev mag neev roj mab....Mag saw vam leeb zoj, Hluas nkauj cem yug kawg tias; Nej siab phem ua luaj li....Xuas neev roj mab tua, Xuas saw vam leeb nplawm peb cov dev quaj suab hlob yau sais roob zim ploj ntais ntsiag zog; Kuv txiv lawv cem peb kawg nkaug li os....Yug luag tsi taug, Luag mob plab tas li....ha...ha.... Smile Smile Laughing Laughing

    koobpovtxuj
    Sponsor
    Sponsor

    Messages: 860
    Date d'inscription: 2010-04-05
    Age: 54
    Localisation: USA

    Re: ncig teb chaw ntsib poj ntxoog 2011

    Post  koobpovtxuj on Fri Jul 20, 2012 11:37 am

    Pom Poj Ntxoog Tim 22/10/2011

    Nyob zoo tsoom phooj ywg txhua tus.

    Hnub Saturday 22/10/2011 los no kiag xwb, lawv tab tom hlais kuv tij laug Caiv Yaj Hawj li nplej liaj uas nyob kiag ntawm qab zog npab nas(Banna),lawv hlais nplej txog ntua 12:00pm ces sawv daws so noj sus,lawv sawv daws txawm los mus tsev zom zaws, hos tij laug Caiv Yaj Hawj txawm mus caum nws pab nyuj uas tag kis no nws muab tso mus noj zaub lawm, tsam tias ho lam khiav mus noj hmoob li nplej ces ho tau them. Nws txawm mus txog ntua ntawm lub roob toj ntxas uas muaj 2 txoj kev sib tshuam(txoj kev no neeg niaj hnub mus liaj mus teb dug lug qawj qees,lub me nyuam roob toj ntxas no yog cov neeg uas tuag hauv lub zos no coj mus faus rau ntawv, tab sis yeej tau ntau xyoo lawm tsis coj neeg mus faus ntxiv lawm.Tij laug Caiv Yaj txawm pheej khoov xauj cov niag hneev nyuj uas tag kis no nws tso nyuj mus es nws rov qab los ntawv lawm seb nyuj ho mus rau txoj kev twg lawm, kiag tam sim ntawv ces yog thaj tsam 12:15pm, ua cas zoo li nws ib ces no ntxiag thiab phaub hau xob xob, ces nws txawm tib ua zaim muag rov tom qab nas has ua ciav pom ib niag dab tsi me me dub nciab khoov nkoos luaj li tus me nyuam yaus 2 xyoos lawv nws qab, ces nws txawm xav tias ntshe yog nws tus muam tus me nyuam nyuj dub(vim nws tus muam tus maum nyuj tab tom yug tau 1 tug me nyuam nyuj dub dub muaj 1 hlis ntau), ces nws txawm tig hlo rov qab mus saib zoo zoo, tseeb tseeb nas has uas cas niag ntawv txawm ho tig loo khiav rau tom ntug kev taug kiag txoj niag kab nyuj rua tom ntug kev, Tij laug caiv yaj caum ceev ceev mus xauj nas has uas cas pom ib sab ntsej muag me me hnav cev khaub ncaws dub dub plaub hau ntxhov ntxhov ntev txij xub pwg xauj xauj tom tsob niag kab yeeb xyab(kab yeeb tshuaj) deb li 2 daj sab tov tuaj thiab luag luag rau tij laug caiv yaj, ces tij laug caiv yaj thiaj xav zoj tias tus no mas yog POJ NTXOOG li tej laus hais lawm tiag tiag ntag lauj, no ces nws thiaj rho loo nws rab riam ntawm ruav los ua heev heev riag ub riag no thiab cem tias: koj nyuag POJ NTXOOG no cas nim yuav heev diam las yuam, cas nim yuav tsis paub txaj muag li nruab hnub nruab nrig li no tseem muaj plus sim kuv thiab, no ces tij laug caiv yaj txawm lug zoj sab tov mus kiag tom niag POJ NTXOOG ntawv es yuav mus muab nws tua no, tab sis thaum nws mus txog sab tov nas has uas cas tsis pom dab tsi li lawm, nws thiaj li ua heev heev thiab cem cem tias: heev diam txhob khiav ma? no ces tij laug caiv yaj plaub hau xob zus xob zus ces nws cia li tawm rov los ntawm kev ces cia li mus caum nyuj qab lawm xwb.

    Tij laug caiv yaj kuj yog ib tug qub Nais Khus(teacher), nws yeej siab tawv kawg thiab vim yog tav su nrig ces nws thiaj li tsis nco ntshai, nws los txog tsev lawv tab tom noj sus tag nrho, ces nws thiaj li paiv rau lawv mloog tias nws pom ib niag POJ NTXOOG tim roob toj ntxas tiv, no mas lawv plaub hau cav xob tas tus.
    Ua ntej ntawv li 2 weeks, muaj ib hnub thaum yuav tsaus ntuj nws niam tau mus khi pab nyuj ntawv, kuj zoo li muaj dab tsi hem nyuj ua rau pab niag nyuj sib tw dhia tsa tw ntshuas los rau nram liaj tag.
    Txij hnub tij laug caiv yaj pom POJ NTXOOG tag los ces nws hais tias kom txhob muab pab nyuj ntawv khi rau tim lub roob toj ntxas ntawv ntxiv lawm, vim tias tsam luag tsis nyiam es luag thiaj los ua yus pom.

    Zaj no yeej yog tiag tiag tsis yog tias lam hais ua dab neeg li nawb.

    Ua tsaug ntau.

    shung
    Spammer
    Spammer

    Messages: 381
    Date d'inscription: 2012-05-08

    Re: ncig teb chaw ntsib poj ntxoog 2011

    Post  shung on Sun Jul 22, 2012 9:55 pm


    POM POJ NTXOOG.

    Nyob zoo tus txiv ntawm koobpovtxuj.

    USA.
    Hais txog poj txoog ces yeej muaj tiag os kuv tus kheej no twb raug hem ntau zaus lawm. Xyoo 2005 kuv mus ua hauj lwm security rau American security corp ces muaj ib hmo ces kuv mus ncig ces nws tsaus ntuj lawm, ua cas kuv ntsia tom ntej na has pom ib tus me nyuam me me ho nws cov plaub haus mas ntxhee yees xwb tiam sis nws tig nraub qaum tuaj rau kuv xwb. Kuv xav zoj cas lig li no lawm tseem muaj neeg nyob ntawd thiab ces kuv tseem ncig sab tod tuaj saib zoo zoo nas tsis muaj dab tsi li kuv pom lub niag taub tso dej xwb.

    NPLOG TEB.
    Nyob rau lub teb chaw nplog mas kuv tus tij laug hu ua Kaub no nws kuj pom 3 tug poj ntxoog thiab. Muaj ib hnub ntuj los los nag ces nws thiab ib tus kwv tij nkawv ob leeg mus suav ntse ntawm tus dej naj cuab los txog rau ntawm lub tsev so ces tus kwv tij mus so hauv tsev lawm ho nws tseem nkaum nag rau ntawm tsob tsawb ces nws hnov tham li loos tuaj txoj kiag ntawm nws xub ntiag li 3-4 dag xwb. Nws pom lawv mas pom zoo tiag tiag li ho dab los kuj ntsia nws zoo kawg li thiab, lawv tsis paub ua li cas li laud ces cov poj ntxoog no sib tw khiav mus rau pem ib cov qeeb txij li hauv caug ces los kiag ib lub khaub zeeg cua los ces cov poj ntxoog no nploj tag nrho tib si lawm. Nws hais tias dab mas zoo nkauj kawg li, lub tsej muag mas ntshav khiav yeev xwb. zoo nkauj kawg li tiag.

    FRESNO, USA.
    Kuv tus xib hwb nyob nram Fresno,California nws hais tias tus yuam yij nkawv mus tim tsev tuag ces sab sab li ces nkawv tseem los pw hauv tsheb( car ) nas has tus yuam yij sawv rov mus rau hauv tsev tuag lawm. Zoo li nws kuj tsis tau luag pem tsawg thiab ces nws ntsia ntawm sab qhov rais nas pom ib tus poj niam los tus niam tais laus laus los sawv ntawd. Tus poj niam no nws hais tias:

    "Me ntxhais koj siab zoo zoo li es kuv tsis tau noj tsis tau haus es tshaib tshaib plab li. Muaj neeg tuaj txhiab txhiab pua pua tus tuaj ntawm no los twb tsis muaj ib tus siab zoo li es koj thiaj li yog tus siab zoo tshaj xwb. kuv nqhis nqhis ib poom pe sij (Pepsi) thiab ib qhov nqaij thiab ib qhov mov li es koj puas kam muab pub kuv noj thiab. Kuv muaj ob txwg tub nyab tiam sis lawv mus lawb dab tag lawm es tsis hlub kuv li. Yog koj kam no ces thaum lub ntuj yuav sib faib sia ces koj nqa tuaj rau tim tsob ntoo tid es koj mam li hu kuv los noj xwb."

    Kuv tus muam nug nws tias:

    -Niam tais koj lub npe hu li cas no?

    Ces nws tsis kam qhia ces nws hais tias koj hu tias tus niam tias laus luas aws... koj los noj mov os xwb ces tau lawm. Thaum lub ntuj sib faib sia ntawd mas luag tej thiaj tsis pom es kuv thiaj li tsis txaj muag noj nawb.

    Kuv tus muam los rau hauv tsev tuag ces nws yuam nws ob niam nyab ua tau ib qhov mov,nqaij, thiab ib poom pev xij mus rau tim qhov tus poj ntxoog los hais qhia ces nws hus tus poj ntxoog los noj. Tus poj ntxoog hais rau nws thiab foom tau ib cov lus zoo kawg rau nws hais tias:

    "Koj rov mus vaj mus tsev kom koj tsis txhob ntsib mob ntsib ntsaj, tsis muaj hmab khaum tes tsis muaj hmab khaum taw, ho koj tuaj hauv nruab dab los kom kev tho tog tsis muaj dab tsi rau koj nawb."

    Kuv xav mas tej yam zoo li no mas tsim nyog peb hlub cov laus thiab tsis hais tseeg kev cai dab tsi li. shung

      Current date/time is Thu Oct 23, 2014 9:54 pm