google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Kawm Sau Pajhuam

    Share

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 20th January 2011, 4:43 pm

    Leej nus Lajlim,

    Uacas nws nim tham seev tau ntximhlub ua luaj,
    Nws cov me lus seev tau ntxim los kua muag,
    Uacas yuav seev tias nws twb tsis paub,
    Nws mas seev tau kho siab kawg nkaus,

    Txawm nws sau pajhuam tsis txwm tsis npliag,
    Los nws cov lus pajhuam twb ntxim kuv lub siab,
    Nws tsis txhob xav abtsi ntau cia li tuaj sau ntxiv,
    Los nrog kuv sau vim kuv los twb tsis paub tsis tshajlij,

    Kuv ces tsuas thwj lus puv ncauj lam tau lam sau xwb,
    Txawm sau tsis ntxim nws siab los txhob mob hlwb,
    Vim kuv yeej tsis qabzib npaum li nws hais no,
    Lam tuaj sau xwb tsis yog tus muaj hmoo os,

    Yog twb qab zib npaum li nws hais tag los no ces,
    Tsis hais ntab muv li leejtwg los yeej xav los kom ze,
    Twb vim tsis qab zib kiag thiaj tsis muaj neeg tuaj xauj,
    Kev sau pajhuam los lam tau lam sau xwb yeej tsis paub ntau,

    Nws tos tsis taus peb hnub mam li tuaj los tsis ua cas,
    Nws yim tuaj sai ces Lubpajzoo yim zoo siab xwb nas,
    Vim twb xav xav hnov nws cov lus pajhuam thiab,
    Nws cov los pajhuam twb hais tau laj siab,

    LajLim
    Visitor
    Visitor

    Messages : 44
    Date d'inscription : 2010-12-01

    Re: Kawm Sau Pajhuam

    Post  LajLim on 21st January 2011, 3:54 pm

    me leej muam lubpajzoo
    lajlim tsis nroo txog yav tag
    yam dej nag cia nws qhuav mus
    luag muaj tus los rau luag hlub
    lub ntuj pub ces cia raws hmoov.

    Cia kuv tshoov lo lus nrog koj
    Wb sib soj ua zoo phooj ywg
    Puag xwb pwg sib tham laug hnub
    Koj tsis ntxub rov tuaj ntxiv mog
    Kuv tuaj nrog koj txuas lus ntxiv
    Kom koj tiv kuv tso tsis tau Smile
    Kuv thiaj tau nrog koj sib thab
    Hmoob nkauj nyab txhob chim nawb mog
    Txawm koj yog luag tus hlub los
    Kuv tuaj tos nrog koj txuas lus
    Tham ua tus zoo lawm phooj ywg
    Ib hnub twg yog koj nkees lawm
    Koj hais tawm kuv thiaj li paub mog.



    Lub paj no yog muab thov kev phoojywg ntawm lubpajzoo.


    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 25th January 2011, 11:29 am

    Leej nus Lajlim,

    Ua tsaug rau koj cov lus pajhuam os mog. Kuv los tuaj uasi thiab xwb es tsis paub leejtwg li, yog koj tsis xav licas los wb ua phoojywg tau mas mog. Pajhuam los kuv twb tsis paub sau, tseem tuaj xyaum sau xwb es yog sau tsis thwj los thov zam txim pub mog.

    Mam sib ntsib dua nawd, leej nus tus neeg zoo.

    P.S. Ua tsaug rau lub paj cog kev phoojywg mog.

    Muab lub rose no rau koj thiab nawd:


    LajLim
    Visitor
    Visitor

    Messages : 44
    Date d'inscription : 2010-12-01

    Re: Kawm Sau Pajhuam

    Post  LajLim on 25th January 2011, 4:00 pm

    Nyob zoo lubpajzoo,

    Me leej muam txhob ua tsaug mog, lus sau ces thaum puv siab muab sau tag nrho tawm tuaj lawm xwb tiag.
    Kuv ua tsaug uas nws tseem txais kuv lub paj cog kev phoojywg mog. Thiab ua tsaug rau nws lub me paj zoo nkauj ci laim txias nawb. Lubpajzoo kuv xav tias kev sau pajhuam yog kev seev xwb, tus yuav seev li cas los nyob ntawm nws muaj tswv yim. Nws sau tau zoo kawg lawm, kav tsij tuaj sau ntxiv rau kuv nrog nws nyeem mog.

    Hnub no kuv mam li los mus nyeem nws lub topic no thaum pib los mus, nws sau tau pajhuam zoo heev li. Kuv tos nyeem nws li pajhuam mus ntxiv nawb.


    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 25th January 2011, 4:08 pm

    Me leej nus, Lajlim,

    Ua cas nws cov lus hais txhawb kuv lub siab zoo ua luaj li os. Tos tias tau ib ntus no kuv qaug qaug zog sau pajhuam lawm los vim kuv twb tsis paub sau ces tsuas thwj lus puv ncauj es lam tau lam sau uasi thiab teb neeg tej lus uasi xwb. Qhov tseeb tiag kuv yeej tsis tau kawm kiag li es thiaj tsis paub teb thiab sau tsis muaj paus muaj ntsib li os. Kuv xav tias nws lub me siab zoo zoo es nws lam qhuas kom kuv muaj zog thiab nyob luag ntxhi xwb hos qhov sau tau zoo ces yeej tsis zoo li os mog.

    Vim li kuv thiaj txaj txaj muag tuaj sau pajhuam lawm os me leej nus, tus neeg zoo.

    LajLim
    Visitor
    Visitor

    Messages : 44
    Date d'inscription : 2010-12-01

    Re: Kawm Sau Pajhuam

    Post  LajLim on 25th January 2011, 4:18 pm

    leej muam lubpajzoo,

    Lajlim muaj lo lus zoo txhob nws los twb vim yog nws yeej tshaj lij tiag, tsis yog lam hais kom nws zoo siab xwb. Ntawm lajlim ntiag tug kuj tsis tau yuav mus tshawb fawb seb kev sau pajhuam ho yuav yog li cas tiag, tiam sis with my own experience, zaj pajhuam twg zoo yog zaj uas sau tawm hauv siab tuaj, zaj pajhuam tawm hauv siab tuaj nws sau tau mus tob heev. Tam li kuv paub ces, hmoob li pajhuam ces 7 lo ib kab xwb kom sib dhos, zoo yam li thaum ub hmoob sau nkauj. Yog li txhob saib koj tus kheej qis qis ntawm kev sau pajhuam, lajlim twb tsis txawj sau los lajlim twb tuaj nrog koj sau ne, wb mam li sib qhia tsis ntev ces wb yuav tshaj lij heev li mog lubpajzoo.

    hahaha..... koj txaj muag tuaj sau pajhuam, kuv twb tsis pom muaj neeg thuam nws ne, cia li tuaj nawb kuv tos koj li pajhuam.

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 25th January 2011, 4:31 pm

    Me leej nus Hmoob tub Laj lim,
    lub txiaj ntsim kuv yuav khaws cia,
    vim koj qhia kuv thiaj zoo siab,
    tawm ntuj tshiab mam tuaj ntsib koj,
    mov tsis noj yuav nyob tos nws,
    lub siab ntsws luag ntxhi yuav tos,
    txawm ib hmos ib hnub ib hlis,
    yuav tsis chis yuav tos kom tau,
    koj tuaj sau qhia kuv paj huam,
    hais cuam tshuam nrog kev phooj ywg,
    txawm leej twg yuav cem yuav thuam,
    kuv ua muam mam qhia lawv paub,
    tias kuv saub vim kuv xav kawm "pajhuam" xwb no mog.

    LajLim
    Visitor
    Visitor

    Messages : 44
    Date d'inscription : 2010-12-01

    Re: Kawm Sau Pajhuam

    Post  LajLim on 26th January 2011, 3:53 pm

    Me leej muam lubpajzoo
    Ib lub xyoo twb rov pib dua
    Kuv tseem tshua thaum caij paj tawg
    Zoo nkauj kawg xyoo tag los lawm
    Cov txij nkawm taug kev luag ntxhi
    Zoo yam li ntiaj teb tshiab khiv
    Lawv tev txiv koj pub kuv noj
    Kuv rov zoj pub koj noj thiab
    Lawv zoo siab kawg nkaus li tiag
    Tos nyiaj txiag muas tsis tau hlub
    Lub ntuj pub qhov uas muaj nqis
    Nyob ib txhis tuaj rau nruab siab
    Yog nyiaj xiab nyiag yuam kom hlub
    Txoj kev ntxub thiaj kav lub neej
    Hlub tsis tsheej los vim raug yuam
    Me leej muam yog lub xyoo no
    Caij ntuj so rov los txog lawm
    Txog sij hawm lub caij paj tawg
    Kuv mam zawg kom tau pajzoo
    Khaws thawm xyoo mus saib dab muag
    Kom kuv luag zoo lub siab mus li

    LajLim
    Visitor
    Visitor

    Messages : 44
    Date d'inscription : 2010-12-01

    Re: Kawm Sau Pajhuam

    Post  LajLim on 27th January 2011, 4:14 pm

    kuv me muam lubpajzoo
    kuv muaj hmoo uas tau ntsib koj
    nyuam qhuav ntoj txoj kev phooj ywg
    nyuam qhuav ywg dej nag kom loj
    siv txog zoj lub caij ncaim mus
    koj leej nus zoo siab nawb mog
    uas los txog lawv lub zos loj
    tau ntsib koj ib tug zoo muam
    kuv tshais ruam mus lawm zaum no
    ntshe yuav nco nej tej lus zoo
    ntshe yuav nroo txog nej ib ntus
    koj tus nus yuav tsis tuaj lawm
    nws yuav sawm nws lub sij hawm
    coj mus ntxawm pub rau tswvntuj
    nws yuav tsuj taug lawm kev nqaim
    yuav tsis nraim mus taug kev dav
    nws yuav txav mus ministry
    mus ib sim yuav ncaim nej mog
    tuaj tsis txog koj vaj koj tsev
    ua siab ntev mog kuv me muam
    koj tsis ruam maj mam kawm sau
    sau kom tau ib phau pajhuam
    hais kom tshuam deeg daws lawv siab
    hais kom ntsiab raug lawv tej plawv
    ces hnuv ntawv me muam lubpajzoo
    yuav ncha moo mus thoob zej zog
    koj nus thov nrog koj zoo siab ua ntej mog Smile




    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kawm Sau Pajhuam

    Post  koojziagkabzaug on 3rd February 2011, 1:16 am


    Lubpajzoo me viv ncaus uas kuv nco
    Nws mus qhov twg tsis hnov nws xov?
    Nws mus dab tsi cas ntsiag moo to?

    Nws hais tias nws yuav tuaj nrog kuv zov tsev
    Nws mus twg tsis pom nws tig feb?
    Nws hais tias nws yuav tuaj nrog kuv tu vaj
    Nws mus dab tsi lawm tsis pom nws rov qab?

    Kuv tos nws hnub dhau hnub
    Tsis pom nws tuaj hais lus zoo li qub
    Kuv tos nws hmo dhau hmo
    Tsis pom nws tuaj hais ib los

    Me viv ncaus zoo
    Nws txawm tsis tuaj lawm los kuv yuav nco ntsoov
    Me viv ncaus siab dawb
    Nws txawm tsis tuaj lawm los nws yuav nyob rawv kuv lub plawv....Tsis muaj caij kawg mog...!



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 11th February 2011, 4:40 pm

    Nyob zoo me leej nus Lajlim,

    Kuv tsis tau xyeej tuaj teb koj es txhob xav licas mog.

    Next week muaj sijhawm mam nrog koj tham dua mog.

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 11th February 2011, 4:41 pm

    Nyobzoo, niamlaus,

    Koj zaj pajhuam zoo heev li os, tabsis kuv tsis tau xyeej siab teb koj es txhob xav licas os mog.

    Mam ntsib koj dua nawd.

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 23rd February 2011, 12:29 pm

    Oiy, nej mas cas yuav sau pajhuam zoo ua luaj ua rau kuv kub siab heev li nas, hahaha, tabsis kuv ntsub npaum cas los sau tsis tau los phim nej zaj li nas, niamlaus thiab lajlim aj.

    Kuv li mam ua ob peb hnub xyaum mas nawd.

    Kuv xav kom kuv txawj tabsis sau npaum licas los tsis yog li, hehehe

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kawm Sau Pajhuam

    Post  koojziagkabzaug on 24th February 2011, 6:53 am


    Nyob zoo Lub Paj zoo me viv ncaus siab zoo,

    Ua tsaug nws tseem tuaj qhuas pej tej kev tshuam
    Zoo siab nws tseem tuaj xyuas peb lub zos twj cuab

    Lub me paj Zoo txawm peb tsawg tsawg los tuaj peb sib txhawb
    Lub Paj Zoo txawm peb tsis lom zem los tuaj nrog peb koom tes

    Txawm tsis lom zem los yog qhov chaw muaj nqes
    Txawm tsis xyov fab los yog qhov chaw kab ntsab

    Txawm peb nyob ntsiag tos los yog txum zoo mem toj
    Txawm peb nyob ntsiag nti los yog teem zoo txuj ci

    Me viv ncaus zoo, nws rov tuaj xyuas peb ua rau lub siab zoo
    Me viv ncaus txawj xav, nws rov tuaj xyuas peb ces ua rau peb siab kaj.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 24th February 2011, 9:09 am

    Nyob zoo niamlaus,

    Kuv tuaj saib koj dua mas es koj twb yog kuv tus niamlaus lawm ne
    Txawm tias koj yuav nyob qhov twg los kuv yeej tsis xyeej deb
    Yuav tuaj thaum kuv xyeej siab thiab muaj sij hawm nawd
    Txawm ib hlis tuaj ib lwm los yeej txaus siab lawm

    Vim yeej paub tias tuaj thaum twg los yuav ntsib koj
    Txawm ncaim koj mus lawm ntev loo los yuav rov tuaj soj
    Vim lub ntuj no twb yog koj lub lawm ces tuaj yeej yuav pom
    Txawm ncaim koj ntev mus ncig ntuj lawm los ib hnub yeej yuav los

    Yog li thov koj ua lub siab ntev thiab rawm me lub siab mog
    Txawm kuv mus ncig ntuj lawm los yeej yuav tig rov los
    Yuav tsis tseg koj nyob rau rooj teb no ib leeg cia
    Txawm mus ntev npaum cas los yuav rov los thiab

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 24th February 2011, 9:13 am

    Niamlaus aj, kuv mus pom TxhawbSiab teem tau pajhuam zoo zoo nkauj nyob hauv hmongza es kuv sim teem li nws no tabsis kuv teem tsis tau zoo nkauj li thiab es thov txhob xav licas rau kuv os.

    Yog koj paub no thov qhia thiab nawd, vim kuv xav kawm na.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kawm Sau Pajhuam

    Post  koojziagkabzaug on 24th February 2011, 10:17 am



    Nyob zoo LubpajZoo,

    Nws hloov tau nws daim avatar zoo nkauj heev...

    Yog kawg, Txhawbsiab, nws yog ib tug neeg tshaj lij thiab paub lus Hmoob tob heev ces nws thiaj dhos tau paj huam xwm yeem li nws xav tso. Tab sis kuv me viv ncaus txhob ntau siab me, nws yeej dhos tau zoo nkauj kawg li lawm...

    Txhawbsiab nws paub dhos lus thiab texte zoo nkauj, tab sis nws tseem tsi tau txawj dhos teble duab kom zoo nkauj rau...Thaum i kuv qhia nws tso duab, nkauj tej me ntsis thiab txhawb kom nws lub Topic nce. Ces thaum muaj neeg tuaj nrog nws tuav lawm, kuv hais rau nws tias kuv tsis keej sau paj huam, yog muaj neeg tuaj nrog nws tuav lawm ces kuv tsis mus nrog nws sau lawm, ces kuv tsis mus lawm...Kuv saib yog thaum twg tsis muaj neeg tuaj pab nws ces kuv thiaj rov qab mus tuav kom txhob poob xwb...Txhawb siab yog ib tug neeg zoo heev...hahahah...Neb twb nyob sib ze, neb puas tau sib ntsib thiab? Kuv pom nws cov duab thaum hluas xwb...

    LPZ, yus paub li cas ua li ntawd thiaj yog yus tug mog.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Kawm Sau Pajhuam

    Post  Hmoob ntuj qub qab on 24th February 2011, 9:45 pm


    Nyob zoo os Koojziagkabzaug thiab Lub me paj zoo

    Kev sau paj huam yog kev sib qhuab ntuas
    Kev sau paj ntsha yog kev sib txhawb nqa
    Kev sau paj lug yog kev sib txhawb kom zoo ua ntu zus

    Leej muam lub me paj zoo nws thiaj txawj nroo
    Nws thiaj txawj seev tau kho siab zim yam nws ua thiaj tsim nqi
    yuav tau kawm ntawm nws thiaj ua muaj chaw tws.

    Koojziagkabzaug los nws ua muaj chaw taug
    taug tau pom qab zoo mus txhua fab
    nws ua txhua yam yog muaj tej qhov yus yeej xav tsis txhua
    nws twb ua tau ces yus nrog nws zoo siab ntau
    tias cas nws yuav keej los vim nws txawj ua neej
    nyob los luag qhuas mus los luag tshua

    Hmoob ntuj qub qab ces ua tom ntej rau tom qab xuas tsis tau kab
    Ua tom qab rau tom ntej xuas tsis tau kev
    xwb nas Koojziagkabzaug thiab Lub me paj zoo



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kawm Sau Pajhuam

    Post  koojziagkabzaug on 25th February 2011, 1:56 am



    Nyob zoo Lubpajzoo thiab Hmoob Ntujqubqab,

    Me Hmoob Ntujqubqab thiaj yog tus muaj txuj muaj zaj
    Me Hmoob Ntujqubzog thiaj yog tus thoob tsib to nrog
    Me Hmoob Ntujqub tse thiaj yog tus ntau taus thawj qhia tau kev
    Me Hmoob Ntujqub teb thiaj yog tus uas peb yuav vam lawm yav tom ntej...

    Hmoob leej tub, nws muaj zoo txuj
    Txhob ua siab deb, rho hlo los fim peb
    Hmoob leej tij, nws muaj zoo tswv yim
    Txhawb zais cia, rho tuaj nrog kom txuj ci...

    Kuv paub nws muaj zoo txuj cia nruab pha
    Nws tsis rho los nrog poj khaub tiab tham
    Kuv paub nws muaj zoo ci nyob laj xeeb
    Ntshe yog poj niam khaub tiab tsis phim nws lub sam xeeb...Es nws thiaj tsis nthuav kom meej xwb nas me Hmoob...Yog muaj lwm tiam, kuv yuav thov rov yug los ua Hmoob ib tug tub cag tuav ncej dab...Thiaj muaj fwv tsam khaws Hmoob tej txuj nrog kev cai txhua fab...Yuav muab teem cia, kom Hmoob muaj keeb kwm, txuj ci nrog luag yuam phiam....



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 25th February 2011, 12:44 pm

    Niamlaus aj, yog mas, kuv mus saib TxhawbSiab lub tsev npausuav mas nws sau tau tawg paj paug li xwb os. Txhua zaus kuv mus saib mas kuv hnov zoo li kuv tseem hluas hluas na, niamlaus, hahahaahaa,

    Niamlaus, thov nws zam txim rau kuv os yog tias nws tuaj hauv no thiab nas, vim kuv tham tham txog nws lawm ntshe nws pob ntseg yuav kub kub lawm laud, hahaaha,

    Ej, niamlaus, mav nws nyob hauv California no thiab lod?

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 25th February 2011, 12:47 pm

    Nyobzoo os Tijlaug, Hmoob Ntuj Qub Qab

    Zoo siab hnub no pom nws tuaj saib Lubpajzoo hauv no lawm os. Ua li nws puas kab ntsab nyab xeeb thiab nas, Tijlaug?

    Tijlaug, kuv twb tsis paub sau pajhuam li es sau licas thiaj yog pajhuam ma? Koj tsis tuaj qhia tsam kuv sau tsis raug ces koj poob ntsejmuag rau koj me muam nrab nawd, hahahaa,


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kawm Sau Pajhuam

    Post  koojziagkabzaug on 25th February 2011, 1:07 pm

    Lubpajzoo wrote:Niamlaus aj, yog mas, kuv mus saib TxhawbSiab lub tsev npausuav mas nws sau tau tawg paj paug li xwb os. Txhua zaus kuv mus saib mas kuv hnov zoo li kuv tseem hluas hluas na, niamlaus, hahahaahaa,

    Niamlaus, thov nws zam txim rau kuv os yog tias nws tuaj hauv no thiab nas, vim kuv tham tham txog nws lawm ntshe nws pob ntseg yuav kub kub lawm laud, hahaaha,

    Ej, niamlaus, mav nws nyob hauv California no thiab lod?
    LPZ,

    Txhawbsiab tsis tuaj hauv nov, nws tuaj xyuas nws cov txuj tag xwb ces nws tsis tuaj lawm...Nws kub pob ntseg los yog peb tham qhov zoo rau nws xwb...Hhahaah...! Txhawbsiab nyob ze ze nws thiab sub tiag...Hhahaah...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 25th February 2011, 2:16 pm

    Yog mas niamlaus. Vim nws tshajlij heev li yog nws tuaj no ntshe kuv yuav txajmuag sau pajhuam thiab, hahahaa,

    Oh, nws nyob ze ze kuv lod? Hmmm..., yog nyob ze ze hauv internet los yog qhov twg nas, niamlaus?

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kawm Sau Pajhuam

    Post  koojziagkabzaug on 25th February 2011, 2:37 pm



    Hhahaah...! LPZ, nyob ze ze nws, ze ze internet thiab...hahaha...!Tib zoo tsam ces mus tib lub khw ua ke ho tsis sib paub...hahahah...!

    Peb tuaj cab sab ces peb tuaj ua pos tsiv pos nraim xwb...hahahah...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kawm Sau Pajhuam

    Post  Lubpajzoo on 28th February 2011, 1:59 pm

    Hahahaha, niamlaus aj, cia txhob paub thiaj li os vim lub sijhawm no laus lawm tsam hem lawv poob plig tag ces tsis muaj lawv los ua phoojywg lawm os, hahahaa

    Sponsored content

    Re: Kawm Sau Pajhuam

    Post  Sponsored content Today at 6:44 am


      Current date/time is 11th December 2016, 6:44 am