google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Xa xyob txhiaj

    Share

    shung
    Sponsor
    Sponsor

    Messages : 573
    Date d'inscription : 2012-05-08

    Xa xyob txhiaj

    Post  shung on 28th June 2012, 10:17 am

    Tus tij laug KZKZ kuv muab qhov no coj tuaj rau koj khaws tseg thiab. Yog tsis zoo qhov twg ces koj mam muab tshem taw mus xwb kuv yeej tsis xav li cas. Tsis pub coj mus ua khwv nyiaj yuav vim kuv muaj lub siab dawb phaug coj tuaj qhia sawv daws xwb, yog tias leej twg yuam cais cov mus ua tej yam tsis zoo ces yuav tsis leej rau tus ntawd. ua tsaug shung


    XA XYOB TXHIAJ PEM HWV.

    Ua ntej yuav xa tus xyob txhiaj no mus mas koj yuav tau tham qhia koj tsev neeg sawv daws tias thaum peb mus txog tom chaw kav kiab kav khw lawm mas peb mus ib pliag xwb. Sawv daws los rau tom tsheb seb yuav los thaum pes tsawg moo. Thaum los ces nyias los nyias twj ywb ywm xwb tsis txhob hais tias yuav los tsev no. Txog sij hawm ces cia los xwb thiaj li tau.
    Cov khoom yuav siv coj los xa tus xyob txiaj pem hwv

    1. Yuav ib lub me nyuam hnab rau nyiaj
    2. Yuav li 4-5 dollars
    3. Yuav li 10 dollars
    4. Txiav li 4 me nyuam ntxhuas ntawv
    5. Muab cov ntxhuas ntawv no zas ua xim liab, xim ntsuab
    6. Txiav 9 daim xav txheej

    Muab 9 daim xav txheej pua ntawm tag ib daim zuj zus mus rau ntawm lub qhov rooj tag. Muab li 4-5 dollars nyiaj ntsaws rau lub me nyuam hnab ua ntej rau hauv qab. Muab 4 com ntawv coj mus rau ib sab kaum tsev yog ib com ces 4 sab kaum tsev yog 4 com ntawv. Muab cov ntawv zas liab zas ntsuab txiaj tej daim me me pov rau hauv tsev. Thaum yuav mus ces khaws cov ntawv nyiaj, thiab 4 com ntawv ntim rau lub me nyuam hnab, thiab muab 10 dollars ntim rau saum toj.

    Ntuas hais tias:

    "Auj! Niam txiv ncej dab ncej qhua, xwm kab txhiaj pem xeeb, dab rooj tag, rooj txuas , dab qhov muag vaj qhov muag tsev, dab vaj dab tsev, thiab dab qhov cub qhov tsos, nej sawv daws nyob twj ywm hauv tsev. Hnub no, peb cov niam txiv tub thiab xyob txhiaj pem hwv peb yuav mus kav kiab kav khws, mus noj mus haus. Cov nyiaj cov txiaj no yog xyob txhiaj pem hwv li xwb, kom niam txiv ncej dab ncej qhuas tsis txhob kov los yuav cov nyiaj no, nws tsis yog nej li. Nyob twj ywm hauv tsev, peb mus kav kiab kav khw lawm. Mus nawb, peb mus kom tag nawb niam txiv tub nyuam sawv daws thiab xyob txhiaj pem hwv mus nawb."

    Thaum mus txog tom qhov chaw ua si, saib seb neeg ntsauv coob coob qhov twg los yog nyob coob coob qhov twg, mus nrog lawv nyob ua ke thiab mus nrog lawv saib. Ces muab lub hnab tso twj ywm rau hauv av, yus mam li ua twj ywm los mus tsev xwb.

    Thaum los txog tsev lawm, muab rab riam neeb mus xov lub qhov rooj thiab xov tag nrho lub tsev. Hais tias:

    "Xov neej tuaj rau neej teb, xov dab rov tuaj rau dab chaw. Cais neej mus peb fab, cais dab mus peb li nphaug. Neej taug tsis ntsib dab qab, dab taug tsis pom neej lw. Cais neej mus tus qab, cais dab mus tu taw. Xov vaj ntom ntub, xov loog ntom nti tseg. Niam txiv ncej dab ncej qhuas kav vaj kav loog kom zoo zoo, zov qhov muag vaj zov qhov muag tsev kom zoo zoo. Koos vaj peb dag deb, koos loog peb dag ntev, koos vaj ntom ntuj, koos loog ntom nti cia tsis pub dab txeej dab qus, moj zeej so ki, txawv yaj txawv yeeb, thiab xyob txhiaj pem hwm txeem tau hauv vaj txeem tau hauv loog nawb niam txiv ncej dab ncej qhua xwm kab txhiaj pem xeeb auj!"


    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Xa xyob txhiaj

    Post  xiongchang on 29th June 2012, 12:20 pm

    - Hais txog "Xyob txhiaj" Tsi nyuaj npaum twg? Tseev xa ntas, Yog yug tsev neeg; Tsi xyaum zoo....Tsi tsim txiaj, Haus yeeb tshuaj; Haus dej cawv....Twv txiaj yuam nqis, Quav txhua yam; Ntshe tsi muaj nyiaj xa....Yog muaj nyiaj, Los xa pluag tas; Xyob txhiaj tsi mus li os.... Laughing Laughing.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Xa xyob txhiaj

    Post  koobpovtxuj on 29th June 2012, 6:45 pm

    xiongchang wrote:- Hais txog "Xyob txhiaj" Tsi nyuaj npaum twg? Tseev xa ntas, Yog yug tsev neeg; Tsi xyaum zoo....Tsi tsim txiaj, Haus yeeb tshuaj; Haus dej cawv....Twv txiaj yuam nqis, Quav txhua yam; Ntshe tsi muaj nyiaj xa....Yog muaj nyiaj, Los xa pluag tas; Xyob txhiaj tsi mus li os.... Laughing Laughing.
    Xingxhang'
    Txawm li cas los poj ua tseg yawm ua cia lawm ces yuav tau ua raws li tej laus qhia kom yus lub siab loj ces zoo li yus cia li zoo li cov lus uas yus hais ntawd lawm xwb.thaum no ces yus ua yam twg los cia li nce tes lawm ces kuj cuag li tej lus no muaj kuab thiab leej lawm xwb.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Xa xyob txhiaj

    Post  xiongchang on 29th June 2012, 7:30 pm

    - Yav tas lawm, Kuv tseem nyob xeev:....Michigan....Muaj ib tug phooj ywg! Hmoob lauj nyob npuab nkaug, kuv tog tsev; Ntiav txiv neeb tuaj ua neeb kho ntau zaug, Xa dab xyob txiaj, Xa npaum twg? Tsi mus li, Zaum kawg kiag; Nws ce cawv thov kuv khwb khob dej....Tswv phiaj thoj, Mam qhib khob; Tsa rooj noj....Txhawb rooj haus, Ua ntej; Kuv khwb khob....Kuv tho plaub poom npias liab, Cob yawg tes haus; Kuv hais tias....Koj tug dab xyob txhiaj, Kuv paub zoo kawg; Hnub no....Koj ce oob khoob npias, Thov kuv zog; Luag tej laug niaj txig....Piv ntuj nrag lug tias, Tsi thov dag zog; Yog dev npua zog....Koj puam xeeb, Ce cawv thov kuv lawm; Yog nyiaj kub zog....Kuv yog txwj laug neeg, Yog koj yuav kuv lug zaum no; Tseg ncua txoj kev quav txiaj mus:...Casino Bang go....Ua ib zaug haus kuv plaub poom npias liab no, Tsuj nthi dab xyob txhiaj; Ces koj lub neej zoo....Ua hauj lwm, Khaws tau nyiaj cia puv nas; Yuav tsheb tshiab puv:...Garage....Cov tib neeg, Tuaj koom yawg rooj mov neeb hnub ntawd; Yuam zom zawg....Kom yawg haus, Ua raws li; Kuv foom lug zoo ntawd....Ob tug xa dab xyob txhiaj, Los hais zom zawg; Txij kiag hnub ntawd:....Saturday and Sunday....Tsi mus quav txiaj li "Leeg lug tseg" Yawg ua neej zoo zuj zug, Muaj noj haus; Nco ntsoov tuaj caw hu....Kuv mus koom txhua zaug, Yuav tau vaj tsev zoo $135.000.oo 20 Acre av, Niam tsheb tshiab; Txiv tsheb tshiab tau:....Supervisor....Company....Niam los tau:....Supervisor Control Open Water for City Pontiac, Oakland County, Michigan State.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Xa xyob txhiaj

    Post  koojziagkabzaug on 29th June 2012, 10:11 pm



    Nyob zoo Shung,

    Wow...! zoo kawg li, nws muaj hmoob tej yam txuj ci zoo kawg. Tej kev coj noj coj ua, poj ua cia yawm ua tseg nov yuav tsum muab khaws tseg vim peb yuav tsis paub txog li lawm. Twb tsis hais yuav xa Xyob Txhiaj li nov, tab lo lus "xyob txhiaj" xwb twb tsis paub lawm. Yog tus poob txom nyem los twb tsis paub tias yog tim xyob txhiaj pem hwv li lawm. Vim peb poob peb tej txuj tag li lawm.

    Ua tsaug ntau, txhua yam nej sawv daws coj tuaj tso rau hauv nov, peb yuav khaws cia rau lub sam xeeb.

    Tij laug Xyooj Tsab,

    Yeej yog li nws hais, kuv twb pom nyob ntawm peb lub zos, muaj ib yim Hmoob kuv kuj tsis tau nrog lawv nyob, peb sawv daws puav leej ua hauj lwm tau nyiaj sib npaug, nyiaj tu me nyuam los tseem hwv yeej muab sib nrawg, tab sis ob niam txiv ntawd mas coj yam ntxwv li nkawd txom txom nyem, noj haus nyob tsis xws luag li. Muaj ib wyoos, lawv thiaj ua neeb loj heev los xa xyob txhiaj, ua neeb tsa txhiaj meej tib si tag kuj tsis pom zoo qhov twg tuaj. Qhov tseeb tiag, yog tus niam nyiag ntshis mus twv casino, twv txiaj xwb. Tus txiv tawm plaws mus hauj lwm lawm ces tus niad yeej mus kiag casino lawm, tus txiv yuav rov los nws mam los xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Xa xyob txhiaj

    Post  xiongchang on 30th June 2012, 4:38 pm

    - Yug nyiam yam twg? Tug dab ntawd, yuav tau yug; Rau kis ntawd....Txiv tsev tham hluas nkauj, Tau dab tshob cuab; Yuav niam yau....Tau dab sib cav, Sib ceg; Siib ntxub rooj tog, Lauj kaub taig diav; Muaj pim...Muaj qau tas nrho, Poj niam nyiag; Tham hluas nraug....Tau dab tshob yig.

    Sponsored content

    Re: Xa xyob txhiaj

    Post  Sponsored content Today at 4:31 am


      Current date/time is 9th December 2016, 4:31 am