google-site-verification: googlefbfddf59e706b96b.html

Latest topics

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Txaus Luag Thiab Txajmuag

    Share
    avatar
    Liajntsuab
    Sponsor
    Sponsor

    Messages : 806
    Date d'inscription : 2011-12-04

    Re: Txaus Luag Thiab Txajmuag

    Post  Liajntsuab on 21st February 2012, 9:22 am

    Nraugliabtojsiab,

    Nyob zoo os. Nyob li koj zaj dabneeg no mas kuv xav tias yog tom qab xyoo 1975 lawm no ces Hmoob yuav tsis r.uam npaum lintawd lawm, qhov lawv ua li ntawd twb yog lawv ntshai tuag tsis xav ua nom thiaj li lam suav tsis nto xwb os phoojywg. Yog muaj tseeb li tiag mas kuj txaus tusiab heev li thiab os.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 21st February 2012, 11:39 am


    Hahahah...! Nraug Liab, lawv twb hais tias suav kom txog 100, twb suav tag tshua lo ib puas ces tsis nco qab lawm...Hahahah...!

    Ntev ntev tsis tau hais lus nplog lawm, lub weekend dhau los no rov mus ntsib cov kwv tij nplog mas twb hais tsis tshua tau lus nplog lawm tiag NraugLiab.

    LiajNtsuab, nws kuj muaj lub tswv yim zoo kawg, tej zaud kuj yog tsis xav ua nais npab thiab vim tsis xav kom tau daws luag tej nrhab...Hahahah...!

    Thaum i muaj ib tug poj niam tseem hluas thiab tab sis nws tsis kam yuav nws tus txiv lawm ces nws rov ua hluas nkauj, nws pheej tsis yig li. Ces muaj ib hnub, ib tug yawg muaj hnub nyug heev lawm txawm cia siab, ces pog mus ua teb ze ntawm ib tsob xyoob loj loj, yawg txawm mus xyuas pog naib...yawg txawm yuam pog me ntsis, ces pog txawm yaws kiag tiab naj cas pog twb tsis hnav ris hauv qab li, yawg pom dheev ces yawg cia li hnov mob duav tib teg ua rau yawg duav tuag kiag rau ntawm chaw tsis tau khiab nqe taw li...Li nov tej laus thiaj hais tias seb duav puas khov...Hahahah...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Nraug Liab Toj Siab
    Sponsor
    Sponsor

    Messages : 774
    Date d'inscription : 2011-05-31
    Age : 31
    Localisation : Nyob ntawm koj ib sab.

    Re: Txaus Luag Thiab Txajmuag

    Post  Nraug Liab Toj Siab on 21st February 2012, 9:21 pm

    Liajntsuab wrote:Nraugliabtojsiab,

    Nyob zoo os. Nyob li koj zaj dabneeg no mas kuv xav tias yog tom qab xyoo 1975 lawm no ces Hmoob yuav tsis r.uam npaum lintawd lawm, qhov lawv ua li ntawd twb yog lawv ntshai tuag tsis xav ua nom thiaj li lam suav tsis nto xwb os phoojywg. Yog muaj tseeb li tiag mas kuj txaus tusiab heev li thiab os.

    Nyob zoo Liajntsuab,
    lub caij ntawv yeej tseem muaj qee lub zos, thiab ntau tus hmoob tsis paub lus Nplog zoo heev thiab ov,
    los xyov yog lawv txhua tus tsis xav ua Nais Npab li koj hais es lawv thiaj li ua txuj suav tsis nto 100 xwb lauj, hehehe, Xub thawj tej zaum yawg Nkaj Tswb xav tias yog tsis muaj tus suav nto 100 lawm ces zaum no yus tau Nais Npab ua ntag, tab sis nws suav suav mus yuav nto 100 nws mam li xam pom li koj thiab Koojziag neb hais ces nws thiaj ua txuj rov suav ua Cev xiv(70) dua lawm xwb, hahahahahahahaha.
    avatar
    Nraug Liab Toj Siab
    Sponsor
    Sponsor

    Messages : 774
    Date d'inscription : 2011-05-31
    Age : 31
    Localisation : Nyob ntawm koj ib sab.

    Re: Txaus Luag Thiab Txajmuag

    Post  Nraug Liab Toj Siab on 21st February 2012, 9:51 pm

    koojziagkabzaug wrote:
    Hahahah...! Nraug Liab, lawv twb hais tias suav kom txog 100, twb suav tag tshua lo ib puas ces tsis nco qab lawm...Hahahah...!

    Ntev ntev tsis tau hais lus nplog lawm, lub weekend dhau los no rov mus ntsib cov kwv tij nplog mas twb hais tsis tshua tau lus nplog lawm tiag NraugLiab.

    LiajNtsuab, nws kuj muaj lub tswv yim zoo kawg, tej zaud kuj yog tsis xav ua nais npab thiab vim tsis xav kom tau daws luag tej nrhab...Hahahah...!

    Thaum i muaj ib tug poj niam tseem hluas thiab tab sis nws tsis kam yuav nws tus txiv lawm ces nws rov ua hluas nkauj, nws pheej tsis yig li. Ces muaj ib hnub, ib tug yawg muaj hnub nyug heev lawm txawm cia siab, ces pog mus ua teb ze ntawm ib tsob xyoob loj loj, yawg txawm mus xyuas pog naib...yawg txawm yuam pog me ntsis, ces pog txawm yaws kiag tiab naj cas pog twb tsis hnav ris hauv qab li, yawg pom dheev ces yawg cia li hnov mob duav tib teg ua rau yawg duav tuag kiag rau ntawm chaw tsis tau khiab nqe taw li...Li nov tej laus thiaj hais tias seb duav puas khov...Hahahah...

    Nyob zoo hnub tshiab rau koj os Koojziagkabzaug,
    twb yog nws kawg mas tau muaj 30 tawm xyoo no lawm los nws haj tseem hais tau lus Nplog mas, hos peb txheej niag hluas tam sim no ces noj Chiv(Chemicals) ntau xwb ces thaum laus paj hlwb haj yam qauj lawm os.

    Nws zaj dab neeg mas cas yuav txaus luag ua luaj, thiab tus yawg laus ntawv mas yuav mus ua tau xiam thaj ua luaj li, hahahaha. Yus twb paub tias yus laus lawm ua tsis taus lawm no los haj tseem mus thab thiab, thaum luag ua tiag tuaj no ces ho ua tug niag duav tuag vias lawm thiab, hahahahaha

    Thaj tsam xyoo 1990, kuv tij laug mus kawm ntawv nram nplog ces nws mus ncaj hnub nplog tab tom tuam choj tom kev ces nplog txawm muab kuv tij laug coj mus hu plig khi tes nrog nws tus tub ces txawm muab kuv tij laug tis npe nplog hu ua: "Bounma", tom qab no tsis ntev kuv tij laug tus txiv qhuav nplog ntawv txawm tuaj txog pem peb zos, ces nws los nug kuv niam tias: "Bounma pais xaim leo?" no ces kuv niam cia li teb tias: "Npoj mi tus mab" no rau nplog, vim kuv niam tsis to taub nws cov lus zoo, kuv niam xav tias yog nws tuaj nug yuav nees, ces kuv niam thiaj teb li ntawv. Niag nplog rov nug li qub, kuv niam kuj rov teb li qub thiab, ces niag nplog cia li tsis paub yuav nug li cas ntxiv lawm, niag nplog cia li zaum tug xob pus cia.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 22nd February 2012, 12:30 pm



    Nyob zoo NraugLiab,

    Hahhaah...! Ntshe tus kwv tij Nplog twb paub lus Hmoob mes ntsis lawm thiab nws thiaj cia li zaum tos...hahaha...!

    Thaum ub Fab Kis tuaj tsuj Nplog teb, lawv sau se nyhav, lawv sau ib npaug, Hmoob tseem tsub ib nphaug rau Hmoob thiab ces nyhav heev...Thaum Hmoob mus sau se, ces Hmoob tsis kam hais lus Hmoob vim tsis zoo ua tawv ces hais lus nplog: " Os nyees mas, npos os nyees mas, os luam cob hees, nyees thib nram naj".


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Me qigtaub
    Developer
    Developer

    Messages : 194
    Date d'inscription : 2011-09-09

    nej hais txaus luag kawg li

    Post  Me qigtaub on 7th April 2012, 11:04 pm

    cia kuv piav kuv zaj rau nej nyeem thiab.

    Kuv tsev neeg thaum lub sijhawm kwv yees tsov rog ntiaj teb zaum2 fabkis tuaj nto rau pem xeevkhuam. kub ib tug yawg uas yog kuv yawg tus kwv tseem rau siab ntso ua neeb xa qhua neeb mus noj pebcaug, nws tseem nce txog puag ntsua nyiajyig tsua sib ib. ib tug txiv neej haus luam yeeb nraum zoov mloog ib lub suab nrov txawv zoo li ntuj yuav qeeg, nws ua tib zoo saib cas pom ib lub nyoojhoom ob thooj tis yas tuaj mus. lawv qw zom zaws kom sawv daws tuaj saib nyooojhoom ces ib tug txawm nro tias (aub txiv neej ua neeb lawm ces nws yuav tsis pom nyoojhoom lau) sawv daws tseem sib tham zom zaws li cas txiv neeb twb teb tias kuv twb pom lawm thiab os. lawv nug tias puas muaj leej twg saib neeb na. txiv neeb teb tias kuv twb qis neeb ntev lawm. lawv tig saib nws tsa nws daim thi hauv saib saib nyoojhoom ib yam li lawv thiab.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 8th April 2012, 8:36 am



    Hahahah...! Mivqegtaub,

    Cas cov ua neeb ntawd pheej ua rau peb neeg muag dawb tsis to taub li tiag yuad...!
    Nws twb mus deb deb puag pem rooj ntug theem xya lawm los nws cia li tsis hla rooj vag rov qab li...Hahahah...! Kuv tsis tau nrog lawv ua dua neeb ib zaug li, kuv kuj tsis paub zoo thiab tab sis thaum i kuv saib ib tug me nyuam ntxhais ua neeb Poj Qhe, kuv suav cov rooj vag nws mus, ib ntsis thaum rov qab, nws twb tsis tau rov hla tag nrhov cov rooj vag uas nws mus, nws txawm siv los txog lawm, ua rau kuv kuj xav tsis tag li thiab...hahahah...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Me qigtaub
    Developer
    Developer

    Messages : 194
    Date d'inscription : 2011-09-09

    ib zag ntxiv

    Post  Me qigtaub on 8th April 2012, 7:06 pm

    ib zag dua ntxiv cov txiv neeb.

    Thaum lub sijhawm sawvdaws sawv rog cobfab xyoo 1978 lub sijhawm cov hmoob khiav nkaum hav zoo rau pem roob phuv npiab, muaj ib tug me ntxhais muaj mob ces sawv daws txawm nyob nkaum rau hav zoov, lawv thov tus niam tsev no tuaj ua neeb, nws tab tom txheeb ntsuj thiab ua neeb txheevdab fab fo, ib sij thuab, ib sij thuab nthee neeb tsis tseg, nyab laj tua phom ib puas tsib 105mm nrov npoog ceg ntoo ya ri nqug tswv hiav ntxiag, me nyuam quaj zom zaws tib pliag lawv sib tw khiv rau pem toj zog, lawv xav zoj tshuav tus niam tsev tseem ua ua teeb nram tsev, lawv xav zoj tsam nws tsis tau nqis neeb, lawv sib nug zom zaws, aub tsam nws tsis paub es tsis nqis neeb, cas tus niam tsev ua neeb txawm siv sau nws cov twj neeb thiab khiav ua lawv ntej pem toj zog lawm, nws hu lawv tias kuv nyob pem no lawm os.
    lawv tseem ev tus mob los tsis tau txog tus ua neeb twb ua ntej pem toj zog lawm thiab.

    kuv xav tias peb hmoob kuj muaj ntau yam tuaj dab ros kawg li thiab.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 9th April 2012, 11:08 am



    Hahahah...! Miqegtaub! Yog cov ua neeb txhob hais tias lawv mus nruab yeeb mas lawv tsis hnov saum yaj li lawm no peb kuj tsis xav luag thiab...Tab sis lawv cov txiv neeb mas lawv hais tias lawv ua neeb mas lawv mus rau puab nruab yeeb, nrog dab txuas lus no thiaj ua rau peb cov muag dawb xav luag lawv...hahahah...! Peb muaj ib tug kwv tij, thaum ub nws lub neej kuj zoo heev, nws tau xab Commandant, tab sis txij nws yuav nws tus niam yau ces zoo li nws lub neej cia li poob zuj zus lawm. Nws tus niam yau mas zoo nkauj heev kawg kiag li, tab sis ntshe txoj hmoov phem. Nws twb yuav dua ib zaug txiv los lawm, nws thawj tuug lawm thiaj mam los ua peb tus kwv tij niam yau. Txij yuav nws los ces nkawd ob niam txiv hlob lub neej cia li pib poob, muaj ib hnub yawg haus cawv qaug ces txawm nrog phooj ywg sib cav, yawg cia li rho hoob pob los cuam ntawm tag ces tus niam hlob saib muaj neeg coob, nws khiav los khaws nkaus lub hoob pob cuam nraum zoov no tab sis khiav kiag los txog ntawm qhov rooj xwb ces hoob pob tawg raug niam hlob tuag lawm. Tshuav niam yau thiab tus txiv ua neej, tom qab no lub neej txom nyem zuj zus, txog rau tom qab teb chaws tawg 1975, leej niam yau mob, tus txiv ua neeb kho tsis xav thov neeg tuaj pab saib neeb tsam luag ho tau nrog yus noj ib daig nqaij...Ces kom tus ntxhais hnuv nyug li 10 xyoo saib neeb, nws hais rau tus ntxhais tias: Thaum twg kuv taw taw tes rau nraum pob tw ces koj hlawv ntawv nawb. ...Hahhahah...! Tom qab no tus niam yau ho tsis zoo, nws tuag lawv ntau nyuj rau, thaum ntau nyuj qaug kiag, tus txiv lam nyias ua kev cai, kev nyiav ke tig saib lawv hlais nyuj txog qhov twg lawm...Nyias tag nrho txawm siv nthos nkaus riam mus nrog lawv hlais nyuj, tib pliag xwb txawm siv hu nrov nrov tias: Maum aw...! Los noj nyhuv mos os...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: Txaus Luag Thiab Txajmuag

    Post  MayPaj on 19th April 2012, 7:53 am

    Kzkz thiab Meqigtaub cas neb yuav tham tau txaus luag ua luaj...hahaha....kzkz, tej tus me nyuam ntxhais txawm siv txawj ua neeb lawm thiab los? yog li no nws kuj keej kawg li thiab nawv yom <img src=" longdesc="61" /> .

    Sau ntxiv seb Meqigtaub, kuv tseem xav nyeem ntxiv txawm siv tas lawm.



    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: Txaus Luag Thiab Txajmuag

    Post  MayPaj on 19th April 2012, 7:58 am

    koojziagkabzaug wrote:

    Hahahah...! Miqegtaub! Yog cov ua neeb txhob hais tias lawv mus nruab yeeb mas lawv tsis hnov saum yaj li lawm no peb kuj tsis xav luag thiab...Tab sis lawv cov txiv neeb mas lawv hais tias lawv ua neeb mas lawv mus rau puab nruab yeeb, nrog dab txuas lus no thiaj ua rau peb cov muag dawb xav luag lawv...hahahah...! Peb muaj ib tug kwv tij, thaum ub nws lub neej kuj zoo heev, nws tau xab Commandant, tab sis txij nws yuav nws tus niam yau ces zoo li nws lub neej cia li poob zuj zus lawm. Nws tus niam yau mas zoo nkauj heev kawg kiag li, tab sis ntshe txoj hmoov phem. Nws twb yuav dua ib zaug txiv los lawm, nws thawj tuug lawm thiaj mam los ua peb tus kwv tij niam yau. Txij yuav nws los ces nkawd ob niam txiv hlob lub neej cia li pib poob, muaj ib hnub yawg haus cawv qaug ces txawm nrog phooj ywg sib cav, yawg cia li rho hoob pob los cuam ntawm tag ces tus niam hlob saib muaj neeg coob, nws khiav los khaws nkaus lub hoob pob cuam nraum zoov no tab sis khiav kiag los txog ntawm qhov rooj xwb ces hoob pob tawg raug niam hlob tuag lawm. Tshuav niam yau thiab tus txiv ua neej, tom qab no lub neej txom nyem zuj zus, txog rau tom qab teb chaws tawg 1975, leej niam yau mob, tus txiv ua neeb kho tsis xav thov neeg tuaj pab saib neeb tsam luag ho tau nrog yus noj ib daig nqaij...Ces kom tus ntxhais hnuv nyug li 10 xyoo saib neeb, nws hais rau tus ntxhais tias: Thaum twg kuv taw taw tes rau nraum pob tw ces koj hlawv ntawv nawb. ...Hahhahah...! Tom qab no tus niam yau ho tsis zoo, nws tuag lawv ntau nyuj rau, thaum ntau nyuj qaug kiag, tus txiv lam nyias ua kev cai, kev nyiav ke tig saib lawv hlais nyuj txog qhov twg lawm...Nyias tag nrho txawm siv nthos nkaus riam mus nrog lawv hlais nyuj, tib pliag xwb txawm siv hu nrov nrov tias: Maum aw...! Los noj nyhuv mos os...!

    Kzkz, koj txoj keeb kwm neeg lub neej no txaus tus siab kawg li os, kuv thov qhuas tus niam hlob lub siab zoo, txawm nws tuag lawm los vim nws tsis xav kom lub poob tawg thaum muaj neeg coob, nws xum muab nws txoj sia pauv cov neeg coob txoj sia, tsim nyog sawv daws yuav ua tus niam loj tsaug.


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A
    avatar
    Me qigtaub
    Developer
    Developer

    Messages : 194
    Date d'inscription : 2011-09-09

    Ib zaj ntxiv

    Post  Me qigtaub on 22nd April 2012, 8:50 am

    Lub sijhawm peb tuaj nyob rau tebchaws Mekas muaj ib tug txiv neej hnub nyoog yog li ntawd 45 xyoos nws tias nws txawj ua neeb, ces lawv txawm tuaj thov nws mus ua ib thaj neeb kho tsev ces lawv muab ib lub rooj los teeb rau ntawd hoob nyob, nws yuam dab nyhav heev nws sib zog dhia rooj ces lub rooj cia li dam ib tug ceg lawm, tus txiv neeb txawm pib nthe suab yau zog thiab txav mus ua rau nram lub safa thiab nqee nkauj neeb ( ok ok ua li tsis ntshai os nees daj nees huab cua dam ceg los tshuav nees zag neesluav yas lis plaws) kuv thiab peb ib txhis cia li sib saib zom zaws, nyias luag nyias, txij li no los ces tus txiv neeb no cia li tsis muaj neeg hu nws mus ua neeb li lawm.
    Raws li nws cov kwv tij paub nws thaum nyob yeej thojnam Vibnais mas nws yeej tsis paub ua neeb tab sis nws tuaj txog rau Mekas teb nws yog txiv neebtxwj txiv neeblaus, nws yuam dab rooj dam tag nws tsis teev dab ntxiv ces nws ua ib siab tsis ua neeb lawm.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Txaus Luag Thiab Txajmuag

    Post  xiongchang on 2nd May 2012, 5:24 pm

    Liajntsu wrote:Koojziagkabzaug,

    Koj zaj dabneeg no zoo kawg li thiab txaus luag dhau. Peb Hmoob mas kuv xav muaj coob dua li tej dabneeg yus tau hnov no os.

    Cia kuv ho piav 2 zaj rau nej mloog txog peb Hmoob lub neej nyob toj siab es tuaj yos nram nroog rau nej mloog.

    Thaum xyoo thaj tsam li 1950 ntawd kuv txiv lawv tuaj rau sab Xeev uas yog tom Khang Khai (Qhab Qhaim) tuaj yuav koom siv. Thaum lawv taug kev tuaj txog cov Niam kev loj uas tsheb khiav ntawd ces txawm hnov tsheb khiav tuaj, thaum tsheb khiav tuaj 2 lub qhovmuag teeb ci dawb paug lawv pom tsheb hos tsheb los pom lawv ces tsheb tseem ho nyem kes nrov rau lawv thiab mas lawv ntshai heev li tias tsam lam dhia tuaj muab yus luam los yog lwm yam, lawv mas ntshai heev thiab khiav qab kev qaum kev ua plhu dub tag los tsheb pheej khiav tuaj li lawm tsis nres. Ib pliag lub tsheb ntawd khiav dhau ua cas txawm siv pom ib lub tuaj ntxiv thiab mas lawv khiav khiav txog siav tag.

    Hos nyob rau xyoo 1943-44 ntawd uas yog World War #2 los ntawm Germany, Janpan thiab Rusia & US ntawd ces lawv cov dav hlau ya tuaj ncaj rau peb sab tebchaws Roob Tuam Phwv Lis (Phou Leoi)sab qaumteb. Lub sijhawm mas yog thawj thawj zaug lawv pom cov dav hlau ya nyob nruab ntug xwb ces thaum lawv xub xub hnov lub suab nrov yeem tuaj mus mas lawv ntshai heev cov laus nqa phom thiab nthe pojniam menyuam khiav nkaum hauv tseg tag cov ntxiv npaj seb yog tus simzeej dabtsi tsam tuaj tom lawv. Ua cas yuav mus nrov heev ua luaj li ho tsis pom dabtsi li ib pliag lub ho ntsiag zus lawm muaj ib tug pojniam mam li saib saum nruab ntug no pom lub dav hlau twb ya yuav dhau mam li qhia lawv tawm tuaj saib. Txij ntawd los ces mam li pom cov dav hlau ya tuaj coob zujzus rau peb sab tebchaws ntawd neeg thiaj li mam tsis ntshai lawm xwb.

    Tej dabneeg no twb yog puag tom qab no kuv txiv mam piav rau peb mloog mas s/d luag mob plab tag haha.

    - He....he....Thov zam txim nawb, Cov me phooj ywg! Nkauj muam hmoob, Hlub hmov tshua suav daws; Nej tham txog....Kev lom zem, Thiab kev ntshai tsheb quaj; Kuv tseem nco tau zoo....Lub sij hawm xyoo 1958, Kuv muaj noob nyoog li; Tsib xyoos....Kuv caum niam txiv mus nram nroog xeev khuam txog ntawm lub zog nplog:....Nam kan pa....Muaj maj phaub ntau ntxooj nyog, Ib co tub rog; Tsav ib lub tsheb ntsuab....Yog hom tsheb nrab tuaj dais, Kev qhov cos nyuj kua av nyeem toom; Tug tsav tsu roj loj....Leeb kom khiav dhau, Tsheb nrov tsheej zag; Ncho pa lug....Cuag yuav kub nyiab li, Kuv ntshais he; Dhia mus qawm kuv niam....Kuv quaj ib pluag, Yog thawj zaug; Caum cov laug mus nram nroog xeev khuam....Peb lub zog nyob tsi deb nroog xeev, Kwv yees peb xuaj moos kev xwb; Peb lub zog....Yog zog poom xub, Qaib qua ob tsig; Kuv niam lawv taws tsau xyoob qeeg....Ib dag txhais, Tas tes tsau xyoob ntawd txog nram nroog xeev; Cov tub lag luam tuaj teeb khoom zom zawg....Tsi tau tiavv, Lawv kav kiab ncig khw; Hnub qaij hlo....Tig rov mus tsev, Thaum txog tsev; Qaib nce chaw pw zom zawg....Peb mus pw ob zaug hauv:....Yij nyiaj tub vaj tsev, Yog peb txiv tsav ntxawg; Tug vauv hlob....Yij ham choj, Yog yij nyiaj tub vaj; Tug yawm yij....Nkawd ob leeg ua:....Police....Hauv nroog xeev, Qhov kuv xyaum zoo; Tsim txiaj ncus....Thaum me nyuam yau, Kuv pom nkawd; Ib leeg hnav ib cev ris tsho:....Police....Zoo nraug heev, Muaj fwj chim kawg; Kuv lub qhov muag yeeg tau nkawd....Ob cev ris tsho cia, Kuv lub hlwb nco ntsoov tseg; Los txog xyoo 1968....Kuv kawm ntawv tas nroog looj ceeb:...Grade: 6 May 23, 1968, Kuv mus thov ua:....Police....Kuv noob nyoog yau, Lawv tsi kam txais; Kuv thiaj mus ua hauj lwm hoob kas ob:....Staff Office Part: 2 Txog ntua hnub tim 20, 1970, Kuv noob nyoog nce xyoo 17; Kuv mam thov rov mus kawm....Tsev ua hauj lwm:...Police....Long Cheng....Ib zaug kawm ob yam, Tua ib phom tau ob tug tsiaj xws li:....Military Police And Police....Kuv ib leeg ua plaub yam hauj lwm:....Section: 2 Work for C.I.A....Military Police And Police Secretary Village Pong sou....Kuv nco ntsoov, Kuv mus txog nroog xeev khuam peb zaug; Teb chaws ua rog....Tsi tau mus lawm.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 3rd May 2012, 1:02 pm



    Nyob zoo tij laug Xyooj tsab,

    Zoo siab tau hnov nws zaj dab neeg.
    Lub neej thaum ub nws kuj yog muaj peev xwm kawg, nyeem nws lub neej mas kuj txhawb kuv lub zog lawm ntau. Ua nws tsaug uas nws tseem tuaj hais tau ib los lus qhia rau sawv daws coj mus khav ua neej thiab. Thov qhuas txog nws lub peev xwm, vam tias nws yuav tuaj tso daim puav duab txog lub neej qub qab rau peb saib.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Txaus Luag Thiab Txajmuag

    Post  xiongchang on 7th May 2012, 7:25 am

    - He...he....Nyob zoo os, Ib tsoom phooj ywg! Nkauj muam hmoob, Hlub hmov tshua suav daws; Tshwm sim yug....Los ua ib zaug neeg, Nyob lub ntiaj teb no; Suav daws....Txhob xav tias, Ntev heev no; Yeej tsi ntev kiag li os....Yog tsi txawj ua neej, Ntsib teeb meem; Ntsib kev txom nyem....Tsi txawj tuag mas, Ntev las mav; Yog xyaum zoo....Tsim txiaj ncus, Txawj sis hlub; Xav muaj....Tsi xav pluag, Xav nyob; Tsi xav tuag....Los yug daim:....Passe Port....Tas sij hawm - Dua caij nyoog....Yuav rov qab nawb, Lub ntiaj teb no; Yeejzoo nkauj kawg....Nyob tsi txaus, Saib tsi dhuav li hov; Twb yuav rov qab....Nej puas tu siab mas, Ib tsoom me phooj ywg! Nkauj muam hmoob suav daws....Pom yam zoo, Yuav tau cim tseg; Pom qhov tsim txiaj....Yuav tau khaws cia, Xyaum kawm txhim kho; Yug tug kheej....Kom caum raws cuag npoj, Thiaj tsim nyog; Tshwm sim yug....Los ua ib zaug neeg ntiaj teb os, Thaum yug hluas; Kom leej hlob tug yau laug hluas nyiam....Thaum yug yuav poj niam, Yuav txiv tas; Kom leej hlob tug yau laug hluas nco....Thaum laug ploj tuag ncaim ntiaj teb, Kom leej hlob tug yau laug hluas tshua nawb mog; Kuv lug qhia ua neej....Tsuas muaj li no xwb hov? Nyob zoo, Mam sis ntsib dua lwm zaug mog; Yog suav daws nyiam.....Mam tuaj ntaus dua os.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Txaus Luag Thiab Txajmuag

    Post  xiongchang on 7th May 2012, 7:43 am

    - Txhua tsav yam, Lub ntiaj teb no; Koj yuav ntseeg npaum li cas? Yog koj noj tsi qab, Nyob tsi zoo; Niaj hnub mob ntsuj ntsuav, Ntsej muag daj tseem; Tsi muaj lubzog....Nkag nkuj nkawg, Nres pag tuj tawv; Koj ua tsi taug niam....Koj ua tsi taug txiv, Koj ntaus tsi taug thawj; Koj tsi ua ntej....Tas kev cia siab, Yam koj ntseeg ntawd; Puas ua hauj lwm....Puas tshwm sim, Koj lub qhov muag pom; Txhob tog hmoov....Txhob tog looj mem, Txhob tog sauv toj; Txhob tog poj koob yawm txiv....Txhob tog ntuj, Txhob tog yawm saub nawb mog; Tog tuag xwb.....Yog qhov tseeb tshaj plawg, Kuv tsi xav hnov lo lug tias; Zaum tog hmoov....Tog looj mem, Tog sauv toj; Tog poj koob yawm txiv....Tog ntuj, Tog yawm saub; Tej lug no....Lug dag, Tsi muaj tseeb; Lawv nyob qhov twg? Thaum tej laug, Nyob toj siab yaj sab; Tsi muaj moos....Lawv muab qaib npua ua "Moos" Tsa lawv ua neej, Lawv hais tias; Qaib qua....Nrog qaib sawv, Npua ntsaj; Nrog npua mus....Tom qab no, Muaj moos; Moos nrov....Nrog moos dhia, Sij hawm luv; Txav zuj zug....Caij nyoog tsawg, Txav tshuj tshaws; Tsi tog leej twg? Vim ntiaj teb tig ceev laiv, One Second go 29 mile.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Txaus Luag Thiab Txajmuag

    Post  xiongchang on 7th May 2012, 8:28 pm

    - Nyob zoo os, Ib tsoom phooj ywg! Nkauj muam hmoob, Hlub hmov tshua suav daws; Kev ua neej....Yeej tsi nyuaj npaum twg? Yog yug xav ua neeg zoo, Tsim txiaj ncus; Yeej ncav cuag....Ib hnub tom ntej, Tab sis yuav tau peem tias tias; Thiaj caum raws cuag laiv....Yam yug nyiam, Nco ntsoov nruab siab; Tsi ploj li....Qhov yug ntshaw, Cim ntsoov tseg; Txawm cuaj xyoo....Kaum xyoo los, Txhob qaug zog; Yuav tsum ua kom tau mas....Thiaj tseg ov, Yam yug cia siab; Yuav tsum peem kawg dag....Tsoo kawg zog, Yog yuav tuag; Txawm tuag kiag....Kom muaj txiaj ntsig, Rau lub teb chaws; Ua keeb kwm tseg mas....Tsi kawg kaum xyoo, Yeej caum raws cuag lawm; Yuav zoo....Ces zoo kiag, Yuav tuag; Ces tuag kiag....Hais txog fab kev ua nom ov, Kuv tsi hais fab kev; Ua hluas nawb....Tsi yog tub sab noj, Tub nyiag haus; Twv txiaj yuam nqis ov....Kuv hais rau fab xyaum zoo, Tsim txiaj ncus; Muaj koob nto npe....Ncha hmoo lug xwb.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 7th May 2012, 10:51 pm

    xiongchang wrote:- Txhua tsav yam, Lub ntiaj teb no; Koj yuav ntseeg npaum li cas? Yog koj noj tsi qab, Nyob tsi zoo; Niaj hnub mob ntsuj ntsuav, Ntsej muag daj tseem; Tsi muaj lubzog....Nkag nkuj nkawg, Nres pag tuj tawv; Koj ua tsi taug niam....Koj ua tsi taug txiv, Koj ntaus tsi taug thawj; Koj tsi ua ntej....Tas kev cia siab, Yam koj ntseeg ntawd; Puas ua hauj lwm....Puas tshwm sim, Koj lub qhov muag pom; Txhob tog hmoov....Txhob tog looj mem, Txhob tog sauv toj; Txhob tog poj koob yawm txiv....Txhob tog ntuj, Txhob tog yawm saub nawb mog; Tog tuag xwb.....Yog qhov tseeb tshaj plawg, Kuv tsi xav hnov lo lug tias; Zaum tog hmoov....Tog looj mem, Tog sauv toj; Tog poj koob yawm txiv....Tog ntuj, Tog yawm saub; Tej lug no....Lug dag, Tsi muaj tseeb; Lawv nyob qhov twg? Thaum tej laug, Nyob toj siab yaj sab; Tsi muaj moos....Lawv muab qaib npua ua "Moos" Tsa lawv ua neej, Lawv hais tias; Qaib qua....Nrog qaib sawv, Npua ntsaj; Nrog npua mus....Tom qab no, Muaj moos; Moos nrov....Nrog moos dhia, Sij hawm luv; Txav zuj zug....Caij nyoog tsawg, Txav tshuj tshaws; Tsi tog leej twg? Vim ntiaj teb tig ceev laiv, One Second go 29 mile.

    Nyob zoo tij laug Xyooj Tsab,

    Haahahah...! Nw smas txawj tham ua luaj li...!Twb tsis nco qab txog Hmoob lub moo lawm, yog qaib yog npua, suab kab suab noo. Yog kawg, neeg yog ib hom tsiaj ntse, nws txawm tsis muaj toob xib los nws saib tej tsiaj tus cwj pwm qhia lub caij nyoog rau neeg.

    Tij laug, nws tuaj tham ib cov kwv huam rau peb mloog puas tau?


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Txaus Luag Thiab Txajmuag

    Post  xiongchang on 8th May 2012, 7:08 am

    - Ha...ha...ha... Smile Smile Smile Laughing Laughing Laughing Tau kawg las mav, Yog nyiam nyeem tias; Kuv mam tham tuaj nawb....Yog tug nyiam, Yuav khaws cia; Ua pov haum....Txhim kho tug kheej, Txhim kho lub neej; Txhim kho hmoob....Txhim kho haiv, Tug tsi nyiam; Yeej tsi yuam....Nyob ntawm nyiam xwb, Yog tsi nyiam; Cuam zaj qho....Zaj mam khaws siv os, Kev ua neej; Yog hmoob kub siab npaum....Sib yaum yos hav zoov, Tua nas; Tua mos lwj....Nuv ntseg, Ib leeg lub:.....Cell phone....Tuav rawv ntawm tes, Tsi khoom noj mov; Tsi khoom haus dej....Ib sab tes rub duav ris, Ib sab tuav rawv foos tsi tso; Twb tsi nco khawm....Lub khawm tsho, Caj dab tshos; Zij nkab zij nki....Tsi nco kaw rooj, Tsi nco swb:...Zicper; Ncauj ntsa thua....Tham hluas nkauj, Me naib; Me naib tsi tu....Yog txawj hu, Yug tug niam tsev zoo npaum li ntawd; Yeej tsi muaj teeb meem hlo....Hais txog mus koom:....Party - Kev sib tham, Twb txog moo tom tsev mam nce tsheb dhia tuaj; Tsi ncav sij hawm kiag li....Hais txog fuas nyiaj tom:....Company On time....Kawg, Ntshai tsam luag txiav sij hawm; Tsi tau nyiaj....Txhua lub rooj noj haus, Txhua lub nteeg tuag; Tsuas hnov tham txog....Kev yos hav zoov, Sib nug; Sib yaum yuav pib dav hlau mus nplog teb....Muaj npaum cas nyiaj, Tsi siv txhim kho lub vaj tse; Txhawm ziag nqa mus nplog teb....Tham hluas nkauj, Yuav niam mog ab tuaj teb chaws no; Thiaj mag nkauj hmoob nplog....Hais saib tsi taug, Muab hmoob mes kas; Ua ntaiv nce dav hlau....Muab hmoob mes kas qau, Tuam choj tuaj teb chaws no; Luag twb hais lug tuam mom kawg....Los zoo li, Dev thawj thiab; Aub tsi muaj tswv....Kuv pab tu siab kawg, Cas ua neeg; Tsi muaj hlwb....Tsi txhim kho yug lub neej, Ho tsi hlub; Yug pab niam tub ntxhais hauv tsev....Ho txhawm ziag nyiaj, Coj mus plhw maum dev lub nceb liab; Tsuav zoo yug siab....Hmoob mas ruam tias laus, Txog lub caij vwm; Yuav vwm kom lial kiag....Siab mam nqeg, Tog siab nqeg; Tau mob nkeeg....Siav tu lawm, Thaum mus; Mus sawv ntsug....Thaum rov los, Los xyab leeg; Tog tej laug hais tias....Khwv ciaj peem tuag, Tsi txaus qau noj ib pluag; Mus saib vaj nruas....Cassettes Movies....Kuv saib daim:...Cassettes Movies....Hmoob lub neej plaub caug xyoo pib xyoo 1953 Xaus rau xyoo 1993, Ces tu siab nrho; Tsi xav ua hmoob lawm os....Hmoob tsi xyaum zoo, Tsi tsim txiaj lawm; Yam tshaj lij....Ces xyaum liam, Tsi tsim nyog; Tuaj nyob txawv teb chaws....Tseem liam tshaj, Thaum nyob nplog teb lawm; Nyob zoo....Ua tsaug ntau.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Txaus Luag Thiab Txajmuag

    Post  xiongchang on 8th May 2012, 2:27 pm

    - Yeej yog li nej hais mas, Fab kis sau ib lag yeeb; Hmoob sau:....One kilogram....Sau nyiaj dawb, Fab kis sau tsib npib; Hmoob sau tsib kis....Fab kis xam tias, Tsev neeg ntawd; Pes tsawg leej....Sau pes tsawg npib, Hmoob xam tias; Tsev neeg ntawd....Pes tsawg leej, Laij kom them npaum ntawd kis; Ib tug tib neeg....Them ib kis, Fab kis hais them npib; Cov nyiaj ntawd....Nai npaab noj, Phuab toom noj; Toj xeem noj....Cob moos noj, Thaum mus txog fab kis; Tshuav ib npib xwb.....Qhov sau se hnyav, Hmoob sau hmoob xwb; Fab kis sau tsawg heev....Hmoob tsim hmoob xwb, Kuv txiv piav li ntawd.
    avatar
    Me qigtaub
    Developer
    Developer

    Messages : 194
    Date d'inscription : 2011-09-09

    Rov hais dua ib zag ntxiv

    Post  Me qigtaub on 4th June 2012, 6:01 pm

    Ib ntus no kuv tsis xyeej tes tuaj saib nej li lawm vim muaj dej num ntau yam tabkaum, muaj ntau yam nej tham kuv nyiam tuaj nyeem heev, tab sis kuv nyiam cov nej sau es txaus tuaj dabros heev dua li lwm hom. cia kuv piav txog ib zaj uas sawv daws twb hnov lawm tab sis kuv rov piav dua.

    Lub sijhawm ua ntej xyoo 75 tebchaws hloov nom tswv ces muaj ib tug yeej yog tojxeem thiab qhov nws tau tojxeem yog lawv muab cov tub rog ADC so haujlwm ces lawv muab tus tojxeem rau nws, thaum lub sihawm ua rog nrog koosles nws yog thawj tubrog pawg puas (nais koo luab) tom qab no nws so tub rog lawm nws txawm los ua tojxeem thiab ua noj ua haus xwb, lub sijhawm ntawd ces pib tawm cov hoobpob kheej (lujtej kheej) es luv "hais li no nej yuav nkag siab" ces nws thiab cov kwv tij kawv npawg lawv ib pab sib yaum mus yos hav dej ntam dej loj, lawv mus txog ces lawv ua tau tsev pheeb suab tag ces lawv txawm mus pov lujtej rau lub pas dej ze ntawd lawv pw, lawv pov peb lub lubjtej ces ib lub mas yog cov kheej, pob tug pov ob lub ntev mas cuam mus deb tsawv, tus pov lub pobtaub kheej mas nws rho kiag tus cheem ces txawm maj mam cuam mus rau pas dej xwb. tom qab ntawd ob lub thooj txij tawg tsis pom lub yawg maj mam cuam rau tawg li. hmo ntawv lawv tsis tau ntses ntau ces tus toj xeem pheej cem tus kwv tij pov lub maj mam cuam ntawd tias tos tsis tau ntses tau los vim nws tsis sib zog cuam thiaj tsis ntsawm pob zeb thiaj li tsis tawg tsis tau ntses ntau mas xiam sijhawm dhau. nws twb yog thawj tubrog los nws yeej tsis to taub tias kev povlujtej yog pov li cas los yeej tawg. tus tojxeem no yog cov tojxeem cuab ntxiab xwb.
    avatar
    Me qigtaub
    Developer
    Developer

    Messages : 194
    Date d'inscription : 2011-09-09

    Tsis muaj laj npiaj

    Post  Me qigtaub on 4th June 2012, 6:08 pm

    ib zaj ntxiv.

    Lub sijhawm tom qab xyoo 75 es sawv daws txawm khiav mus nkaum havzoov ua cobfab ces nom tswv cov tub rog tuaj caum ces sab tebchaws ntawd tawg ces lawv tau sab laj tias cia lawv cov poj niam mus lua nomtswv tso cia cov txiv neej khiav mus nkaum hauv zoo, ces ib yawg txawm nrog lawv mus thiab, nws coj nws tus tub hlob nrog lawv mus, thaum lawv khiav mus nkaum pem hav zoo ces los nag thiab txom nyeem heev, tus txiv neej no pheej nroo rau nws tus tub hais tias " me tub yog wb paub tias khiav los li no tsis muaj laj npiaj es wb tsis txhob los es nrog koj niamlawv xwb" nws nroo ntau zaum ces ib tug uas yog nws cov tub kwv tij hiaj hais teb hais tias, txiv paj luag tias khiav nyablaj khiav nyablaj no koj pheej yuav kom khiav muaj laj npiaj li cas na?
    khiav nyablaj los tseem yuav tseev kom khiav muaj laj npiaj thiab......
    avatar
    Liajntsuab
    Sponsor
    Sponsor

    Messages : 806
    Date d'inscription : 2011-12-04

    Re: Txaus Luag Thiab Txajmuag

    Post  Liajntsuab on 19th June 2012, 11:57 am

    Nyob zoo ib tsoom phoojywg sawvdaws,

    Tseg ntev lawm tsis tau tuaj nrog nej piav kwvhuam tiamsis nej piav tau txaus luag, txaus tusiab thiab lwm yam lomzem kawg li. Vam tias nej yuav tuaj sau ntxiv rau kuv lub topic no kom lomzem mus ntxiv os lod.

    Thaum ub nyob Nplogteb yav Qaumteb, peb muaj ib tug txheebze lawv noj Tsiab 30 ces txawm muaj ib tug Nplog tuaj koom nws rooj mov. Tus Nplog ntawd nws txomnyem hnav me khaubncaws ris to qab pom nws 2 ceg qhov chaw txivneej ces tus txivtsev ntawd pheej luag thiab hais ua lus rov rau sawvdaws cov tuaj koom rooj mov ntawd tias NEJ KAVTSIJ NOJ MOV, TWB YOG KUV POM NOOB QIAS HLAUV VAUS ES KUV LUAG XWB. Thaum no tus Nplog xuas raug ces tus Nplog ntawd xuas cai nrog tus kwvtij Hmoob ntawd nws tau txajmuag thiab tau los kho tus Nplog thiaj li tag.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Txaus Luag Thiab Txajmuag

    Post  xiongchang on 19th June 2012, 2:05 pm

    - He....he.... Laughing Laughing Kuv piav ib zaj, Xyoo 1967; Peb kawm ntawv nyob nroog looj ceeb qib: 3 Muaj ob tug nplog nrog peb kawm ua ke "Kham Phoy" Yog me nyuam tub hluas hauj sam, Txawj hais lug heev ho "Kham hom" Pheej hais lug "Txob thuam" Saib tsi taug, Peb cov me nyuam hmoob; Tab sis "Kham hom" Hais lug rov, Peb txhais tsi tau "Kham hom" Hais li no "Awb mab xeo" Thaum xub thawj, Peb nrog nws luag tsheej tsaug; Peb tug kws qhia ntawv yog hmoob thiab....Tseem txhais tsi tawm qeeg, Tseem nrog luag thiab; Tau ob peb as thiv tom qab....Kuv yog tug kawm tshaj lij, Txheeb thib ib txhua hli; Kuv txhais tau "Kham hom" Lo lug "Mab xeo" "Meo Xab" Hmoob ruam aws, Kuv tsi qhia; Kws qhia ntawv paub....Kuv qhia yaj foom, Yaj foom nplua tawg heev; wb yog ob tug phooj ywg? Sib raug zoo hauv chav (B) Wb zaum ua ke; Ib lub rooj....Lub sij hawm ntawd, Ib lub rooj; Peb leeg zaum "Kham Phoy" Nrog wb zaum ua ke "Kham hom" Zaum sab tim "Kham phoy" Twb ntshai tsam peb txhais tau "Kham hom" Cov lug rov, Tsam muaj teeb meem "Kham phoy" Twb txiav muag ntau zaug lawm, Thaum lawb leeb ua si "Kham hom" Rov hais dua, Yaj foom sawv ib sab ze ntawd "Kham hom" Rov txob thuam dua, Yaj foom cuab tes tog Kham hom" Hais zaum ob suab tawm plawg, Yaj foom tib npuag tes "Kham hom" Qhov ncauj tam sim ntawd, Dig ncauj to los ntshav "Kham hom" Tsi txaus siab, Mus hais qhia; Tug kws qhia chav (C) Yog nplog tuaj nram nroog:....VienTiane....Tuaj qhia ntawv, Peb kawm chav (B) Tug kws nplog ntawd, Mus hais rau thaj khu; Thaj khu los nug....Muab yaj foom rau txim, Kuv teb thaj khu tias; Hlob thaj khu....Qhov yaj foom npuaj "Kha hom" Qhov ncauj vim "Kham hom" Hais lug saib tsi taug, Peb cov hmoob nav "Kham hom" Lo lug txob thuam peb "Kham hom" Hais li no "Mab xeo" Yog lug rov Txhais tias "Meo xab" Thaum peb tsi paub, Peb nrog luag; Thaum peb txhais tau....Peb kuj ntaus xwb, Koj muab yaj foom rau txim; Tsi yog nawb....Seb koj xav kom yaj foom ntaus, Ib tawg ncuav; Los koj xav kom peb 35 leeg ntaus tas nrho mas....Yog koj zoo siab, Peb ntauus tas nrho 35 leeg; Tsuas tseg "Kham Phoy" Peb chav ntawd 37 leej tub ntxhais kawm, Tug kws nplog; Thiaj thov thaj khu muab "Kham hom" Rho tawm chav (B) Mus kawm chav (C) lawm.
    avatar
    Liajntsuab
    Sponsor
    Sponsor

    Messages : 806
    Date d'inscription : 2011-12-04

    Re: Txaus Luag Thiab Txajmuag

    Post  Liajntsuab on 21st August 2013, 12:52 pm


    Ntev lawm lam tuaj piav me ntsis sab sijhuam pub rau nej tau mloog.

    Thaum ub muaj ib tug Nais Koos nws muaj 2 tug pojniam ces xyoo ntawd yuav noj lub tsiab 30 ntawd nws 2 tug pojniam txawm los sib koom xaws tau ib cev ris tsho Hmoob rau nws hnav. Txog hnub noj 30 ntawd nws txawm hnav cev khaubncaws ntawd mus dhia pob nrog 1 tug hluasnkauj hais kwvtxhiaj, ua cas tus hluasnkauj ntawd thiab lwm tus pheej luag ntsia ntsoov nws li tiamsis nws tsis paub ces nws pheej 6 6 siab hais kwvtxhiaj thiab nrog lawv luag uake xwb. Thaum no nws tus phoojywg thiaj li tuaj loo sab tom hluasnkauj saib no ua cas pom nws 2 lub noob txivneej tshwm dai vias hauv 2 ceg thaum nws luag thiab hais kwvtxhiaj pheej nkaum zog nkaum zog. Thaum no nws tus phoojywg thiaj li tsawv nkaus nws tes cab khiav los rau ib qhov chaw thiab qhia rau tus Nais Koos ntawd tias koj lub ris to qab pom koj dabtsi lawm. Tus Nais Koos ntawd thiaj li saib zoj nas has ntuj aw!!! ua cas zoo li ntawd tiag ces khiav los txog tsev 2 tug pojniam tseem nyob hauv tsev nws thiaj li muab qhovrooj zoj khov kho thiab rho qws xyuas 2 tug pojniam suab quaj ntas ntua nws mam nug tias leejtwg yog tus xaws lub ris to qab rau kuv hnav. Nug mus nug los no Niamyau yog tus khee lub ris xaws ces muab niamyau xyuas sab duab.

    Sponsored content

    Re: Txaus Luag Thiab Txajmuag

    Post  Sponsored content


      Current date/time is 22nd February 2018, 11:17 pm