google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Share

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Post  Liajntsuab on 18th July 2012, 10:08 pm

    Keebkwm Hmoob tau cawm lwm Haivneeg Tej Thawj Coj Tseemceeb Dim Ntawm Txoj kev Tuag yav dhau los.

    Raws li keebkwm tau hnov los mus uas Hmoob tau cawm lwm haivneeg dim ntawm txoj kev tuag los mus tiamsis tom qab Hmoob tsuas tau me me los sis tsis tau txiajntsim dabtsi hlo li tseem ho tau kev ploj tuag thiab lub neej ntsuag xwb.

    1. Hmoob pab cawm Fabkis xws li coj Fabkis khiav nkaum Tubr.og Ywjpee (Janpanese) xyoo 1943-45. Hmoob raug tuag lawm coob thiab tsis paub pestsawg tus vim lub sijhawm ntawd Hmoob tsis tau paub ntawv thiaj ceev tsis tau dabneeg cia. Hos cov Fabkis twb muab tua ua ntej xyoo 1918 thaum Fabkis sau se ntau ntau Hmoob them tsis taus thiaj li muaj Yawg Paj Cai Vwj ua tus thawj coj Hmoob sawv los tivthaiv. Nyob rau ntu tsovr.og no feem ntau Hmoob qog Fabkis thiab Nplog rov muab Hmoob hu ua R.og Vwm/R.og Phim Npab.

    2. Hmoob tau cawm Yawg Kaisone Phonvihan nyob rau lub zos Hoy Ma (Haib Mam) Phathi rau ncua Tsovr.og Vietnam. Lub sijhawm ntawd Kaisone tseem tuaj nyob hauv Hmoob Nyablaj zos ces Tubrog Hmoob Vaj Pov lawv tau mus vij tag lub zos ntawd Hmoob thiaj li muab nws hnav ris tsho Hmoob thiab muab ib rab khib nrog rau ib rab taus rau nws ua zoo li yog txivneej yawg Hmoob mus txiav taws yog li nws thiaj khiav dim lawm.

    3. Yawg Souphan Nouvong raug tog Nplog Sab Xis muab ntes kaw nyob rau hauv Phon King, Vieng Chan, Phubthees Tub Liab thiaj li muab nws nyiag tso khiav dim mus rau tog Pathet Lao lawm.

    4. Huabtais Sisavangvong tsevneeg raug Chao Mahaouparat Boonkhong lawv tuaj vij tag nyob rau Luagprabang xyoo 1957 tsis pub tawm mus qhovtwg. Yawg Phas Nyas Tub Npis thiaj li coj tau 120 leej Tubr.og Hmoob mus tso tau dim. Tom qab ntawd Huabtais thiaj li muab Cobmoos Meo rau Phasnyas Tub Npis ua nyob rau Xiengkhouang.

    5. Hmoob tau ua tubr.og pab tivthaiv thiab cawm Asmelikas rau ncua Tsovr.og Vietnam xyoo 1961-1975. Hmoob tau ploj tuag yog li thaj tsam 35,000 tus. Hos tom qab xyoo 1975 cov Hmoob uas tau raug ploj tuag(pauj kua zaub ntsuab) los ntawm Nplogliab thiab Nyablaj Liab vim txoj kev Hmoob tau koom tes nrog tus Asmeslikas li tau hais los ntawm yog ze thaj tsam li 25,000-30,000 tus thiab. Muab xam tag nrog los mus rau ncua Tsovr.og Vietnam no xwb Hmoob tuag ze li 70,000 tus. Thaum kawg Yawg Hlob Vaj Pov tseem raug ntes coj mus kaw thiab tsis pub nws lub cev coj mus zais rau tim Arlington National Cemetery.

    6. Xyoo thajtsam li 1986 Nplog tau tuaj txeeb Thaib av nyob rau Thaibteb lub nroog Satakan, xeev Phisanoulod. Nplog thiab Thaib tau sib tua tau ntau lub hli tsis mus tsis los Thaib thiaj li tau tuaj thov Hmoob mus pab Thaib tua, yog li Hmoob thiaj tau mus ib pab mus pab Thaib tua yeej npluav r.og ntawd. Tiamsis tom qab no Hmoob tsis tau dabtsi thiab.

    Cov keebkwm hais los no yog ib cov uas Hmoob yuav tau khaws tseg thiab nco ntsoov mus ib this thiab muab sau uas history los qhia rau tej menyuam kom lawv paub txog Hmoob thiaj li yuav tsis raug ntxias dag mus ntxiv lawm. Tsimnyog kawg kiag uas peb Hmoob yuav tau tig los sib hlub thiab xav kom zoo zoo rau lub neej yav pemsuab es IB LEEG TSIS TXHOB MUS UA IB YAM LAWM, CIA SAWVDAWS LOS KOOM UA IB YAM LAWM XWB. Txoj kev sib tawg yog los rhuav lub zog uas zoo rau luag tus sab nraud zoo tuaj NTXIAS DAG li yav tag los zoo li tej keebkwm tau hais los.

    Yog leej ho paub zoo thiab paub dabneeg zoo li cov saumtoj no thov tuaj sau ntxiv.

    Ua tsaug ntau thiab nyob zoo


    Le Colonel Sassi, opérations spéciales par JL Tremblais



    HMONG : LES OUBLIES DU LAOS (Bande Annonce)



    Le colonel Sassi (1954) Guerre d'Indochine


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Post  koojziagkabzaug on 18th July 2012, 11:19 pm



    Kwv LiajNtsuab,

    Ua tsaug ntau uas nws tuaj qhia txog Peb Hmoob lub txiaj ntsim zoo rau ntau haiv neeg.
    Peb txawj coj txawj ua, Tswv Ntuj yawm saub yuav pab peb tsis tu ncua.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Post  Liajntsuab on 19th July 2012, 10:26 am

    koojziagkabzaug wrote:

    Kwv LiajNtsuab,

    Ua tsaug ntau uas nws tuaj qhia txog Peb Hmoob lub txiaj ntsim zoo rau ntau haiv neeg.
    Peb txawj coj txawj ua, Tswv Ntuj yawm saub yuav pab peb tsis tu ncua.

    Nyob zoo Koojziabkabzaug,

    Tsis ua tsaug datsi os tej no yog peb sawvdaws li haujlwm xwb nawb. Tej yam keebkwm zoo li no nws tseemceeb heev rau peb Hmoob yuav tau khaws thiab ua dabneeg rau tej menyuam kawm tseg los yog muaj lub caijnyoog los txog peb yuav tau muab ua phau ntawv rau lawv kawm tom tsev khawm ntawv/school kom tej menyuam ntse thiab paub txog luag lwm haivneeg txoj kev ntxias dag cov neeg txomnyem kom puassij.

    Yog li no kuv thiaj coj tuaj tso vim cov keebkwm no muaj tseeb tiag.

    Hais txog koj zajdabneeg VDO saum toj no ces kuv txiv twb yuav luag nrog lawv mus thiab os yog muaj hmoo kuv txiv qeeb zog lawm xwb os.

    Ua tsaug thiab nyob zoo.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Post  koojziagkabzaug on 19th July 2012, 1:36 pm



    Nyob zoo kwv LiajNtsuab,

    Cov neeg saum daim video saud lawv yog cov sawv kev tom qab, lawv mus txog ib nrab ke xwb ces Dien Bian Phu twb tawg lawm, cov Loj txhib kom lawv rov qab, lawv thiaj li seem tuag. Yog lawv xub sawv kev ces ntshe twb tsis seem peb tus Yawg Hlob Vaj Pov los coj peb Hmoob nce qeb li lawm. Hmoob yog ib haiv neeg siab ncaj thiab ua dab tsi muab lub siab rau ua thiaj li txaus siab los pab Fab Kis. Tej txiaj ntsim no Fab Kis nco ntsoov.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Post  Liajntsuab on 19th July 2012, 3:17 pm

    [quote="koojziagkabzaug"]

    Nyob zoo kwv LiajNtsuab,

    Cov neeg saum daim video saud lawv yog cov sawv kev tom qab, lawv mus txog ib nrab ke xwb ces Dien Bian Phu twb tawg lawm, cov Loj txhib kom lawv rov qab, lawv thiaj li seem tuag. Yog lawv xub sawv kev ces ntshe twb tsis seem peb tus Yawg Hlob Vaj Pov los coj peb Hmoob nce qeb li lawm. Hmoob yog ib haiv neeg siab ncaj thiab ua dab tsi muab lub siab rau ua thiaj li txaus siab los pab Fab Kis. Tej txiaj ntsim no Fab Kis nco ntsoov.

    or=blue]Yog mas. Nyob rau daim vdo no peb muaj cov Neeg nyob ib zog ua ke nrog lawv thiab os. Kuv twb yuav tau ib daim los saib thiab khaws cia ua dabneeg lawm thiab. Muab saib los mas tusiab kawg li.

    Kuv xav tias Fabkis yeej xav txog lig ntau yam uas lawv tau ua phem ua ntej rau peb Hmoob nyob rau thaum lawv sau se thiab ua rogg nrog yawg hlob Paj Cai Vwj lawv.

    Kuv xav nug koj tias ua li nej nyob tim ko nej puas tau mus tshawb xyuas seb puas pom Fabkis yees tau Yaj Sis Lwj/Tswv Cheem Rogg cia los sis sau dabneeg cia tseg vim xav paub nws keebkwm heev li. Kuv yuav mus nug ib tug Yawmtxiv Hmoob Vwj nws yog cov tub Xeeb ntxwv ntawm Vwj Paj Cai thiab nws paub zoo txog Tswv Cheem Rog/Yaj Sis Lwj kom nws kaw cov dabneeg no rau kuv mam li muab rau koj khaw cia nawb. Yog tau hnub twg kuv mam li qhia rau koj paub.

    Me qigtaub
    Developer
    Developer

    Messages : 197
    Date d'inscription : 2011-09-09

    Fabkis tsim Hmoob

    Post  Me qigtaub on 17th February 2014, 9:12 am

    wow zoo siab kawg kiag uas kuv los saib txog cov tej lus uas nej tuaj tham hauv no thiab ua tsaug ntau heev rau neb ob tug ua tej mus nrog rau cov tijlaus thiab Hmoob tshav ntuj lub tsev sablaj tham pem.
    Kuv tau nyeem nej cov ntawv mas zoo li tseem ceeb kawg kiag, kuv nyiam heev vim muaj coob leej ntau tus piav ntau zaj los tsis raug chua li kuv pom nej piav hauv no. Yog nej tsis xav li cas kuv xav hnov nej muab xwm rau ib daim CD yog suab xwb, kuv xav muab tej zaj tseem ceeb li no khaws cia rau kuv haiv neeg tau cim tseg ua kev nco txog thiab ua dabneeg tseg tias haiv neeg Hmoob tsawg tsawg los ua lub neej muaj qab hau kawg kiag dhau los lawm, kuv yog ib tug ua hauj lwm rau ib lub xovtoojcua "radio statio" Hmoob tam sim no kuv los so lawm pheej niaj hnub xav thiab ntaus tswvyim puas yuav muaj tej qhov tseem ceeb coj los khaws ua yus Hmoob tug rau tej tug xav paub kawm txog yus li keebkwm. yog koj los yog cov ua tij leej twg tsis xav li cas los sau ntawv mus rau kuv thiab qhia koj li xovtooj rau kuv tus tus E-mail: radiohmong@live.com es kuv mam li hu tuaj tham nrog koj thiab muaj ntau yam xav paub zoo heev.
    ua tsaug rau nej cov ua tij tej lus tseem ceeb.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Post  xiongchang on 19th February 2014, 5:53 pm

    ......Txhob tu siab mog hmoob....Suav daws liam....Fab kis tsim txom hmoob...."Tab sis"....Hmoob tsi paub tseeb tias....Tug tsim txom hmoob....Yog leej twg?....Hmoob yuav tsum tshawb nrhiav kom tau tug neeg ntawd mam hais mas....Fab kis sau se ib kis...."Tab sis"....Tug tuaj sau se....Ib tug neeg twg?....Sau tsib kis....Yog leej twg tias....Raws li....Kuv txiv piav qhia mas....Hmoob ntas....Yim twg?....Tsi muaj niam them se....Muab tub ntxhais muag them nqis....Niam txiv hmoob quaj qaws hu ntuj....Ib tsev neeg twg?....Fab kis sau ib lag yeeb....Hmoob mus sau se....Ib tsev neeg taw?....Neeg nkaum plaub lag yeeb....TUg twg?....Yog tug zoo....Leej twg?....Yog tug phem tsim txom hmoob ntshav muag los....Vim hmoob tsi paub hmoob tug yeeb ncuab zoo....Hmoob liam lwm tug ris....Tsi ncaj nceeg.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Post  xiongchang on 19th February 2014, 6:08 pm

    ......Hmoob tsuas xav paub....Tswv cheem rog....Yaj sis lwj....Yog tug twg?....Yaj soob lwj.....Yog leej twg?....Tug zoo li ntawd....Tug zoo li tod....Tsi txaus ntseeg tias....Ua tau dab tsi tias?....Yog heev npaum ntawd....Tseem raug txim kaw nkuaj...."Pha Khao"....Twb tsi tsim nom li...."GVP"....Kiab toom lauj npliaj yob....Tug tib neeg suav daws cav....Muaj koob nto npe....Ncha hmoo lug....Muaj fwj chim....Muaj meej mom....Xyaum zoo....Tsim txiaj ncus....Ua taug txiv....Muaj cuab kav....Muaj peev xwm....Ua ntej ntais....Tsi tais caus....Tsi ntshai tuag....Qhov twg ntxhov....Mos tsaus tsi....Ua ntej ntas....(Yes)

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Post  xiongchang on 19th February 2014, 6:35 pm

    ......Kuv mloog mas....Hmoob cav yuam kev....Hmoob qhuas neeg....Tsi yog lawm....Txhua lub neeg tuag....Hmoob tsi qhuas tug....Ib txwm pab hmoob....Hlub cawm hmoob nas....Tsi rov taw tuam ntuj....Tuaj tog twg?....Tuaj tog ntawd txog kawg....Hmoob cav....Dab ob lub taub hau....Ua puav dai taw....Tuaj zoj tom....Tig tom no....Tuaj zoj nyab laj....Tuaj zoj nplog liab....Rov tom yug haiv neeg....Kuv tug kheej....Tsi nyiam hom neeg...."Dab ob lub taub hau"....Seb yuav tuaj tog twg?....Txawm tuaj kiag....Lug nplog - Lug thaib tias....(Tsov txaij ceev plaub - Tib neeg ceev npe)....Tsov puas zeem leej twg?....Tib neeg tsim leej twg?....Ib zag....tsi yog qeej....Ib zag....Tsi yog nruas....Yim chij - Yim xuj zoo li...."Tam sim no....Hmoob ntas....Khiav yeeb ncuab....Rov thawj yeeb ncuab....Xa nyiaj yeeb ncuab siv....Cav qhuas tias....(Ntse kawg)

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Post  xiongchang on 19th February 2014, 6:45 pm

    ......Hmoob ua hauj lwm....Yuav npe nom....Tau nyiaj siv....Tsi yog ua hauj lwm....Faj seeb teb chaws li....Lwm haiv neeg....Thaum twg?....Hmoob poob npe nom....Thawj yeeb ncuab ntas....Thaum twg?....Nyiaj tas....Rov taw tuam ntuj....Tua haiv neeg....Hmoob txawv lwmhaiv neeg....Tog hmoob tsi tau liaj av teb chaws kav....Hmoob nyiam yooj yim dhau lawm nas.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Post  xiongchang on 20th February 2014, 10:18 am

    ......Hab....hab.... lg  lg ....Hmoob txawj cawm lwm haiv neeg kawg...."Tab sis"....Lwm haiv neeg....Siv hmoob ua dev caum raws kauv lwm haiv neeg noj....Lwm haiv neeg ntxias hmoob ua nyuj nees twm laij liag tas?....Twm mag tua noj....Puas tseeb li....Kuv hais mas yom?....Hmoob tshaj lij....Cawm lwm haiv neeg kawg...."Tab sis"....Hmoob qaug qeb....Tsi txawj tsim kho....Hmoob lub neej zoo....Vam meej nce qeb nas?....Thaum luag siv hmoob....Ua dev caum raws kauv ntawd....Hmoob ua yuav nom....Yuav nyiaj xwb nes....Thaum nom poob. - Nyiaj tas....Hmoob ua yoov ntxuav tes xwb....Tam sim niaj hnub no....Hmoob tseem pw....Txoj moj lw qub kev....Tsi pauv hloov li os?....Tsi muaj tug hmoob twg?...Muaj zeem muag....Xam pom deb kawg ncua txog....(Vision)....Kuv tug kheej xam pom...."Tab sis"....Hmoob feem coob cuaj caum cuaj feem pua...."Tsi nyiam"....Hmoob coj li...."Poj ua tseg - Yawm rhawv cia"....Ua liaj teb....Noj raws kauv nyoov....Peb xyoos twg?....Khiav hla Peb nres roob....Dhau peb nres hav lawm....Hmoob tib tawg deb....(Yes)....Hmoob pheej tog....Dav hlau pov txhuav li....Xyoo 1960 To 1974.....Hmoob mam ua teb chaws....Txhua tug saub....Tog fuab tais....Nqeg saum ntuj....Nplooj ntseg....Loj luaj ntxhuam....Qhov muag....Loj luaj ncauj khob....Caj ntswg....Loj luaj qws txob....Hmoob mam zeem....Hmoob mam hawm....Hmoob mam pe....Tam sim niaj hnub no....Hmoob tseem piav txog....(Xaim xais - Nkauj ntsuab - Nraug nab - Vaj ncuab - Yaj sis lwj - Tswb cheem rog - Yaj soob lwj)...."Tab sis"....Zim txwv tas lawm....Tsi ua npau suav laus?....Hmoob xav muaj liab av teb chaws....Tsi nyiaj ntxee npaum twg?....Yog hmoob muaj zeem muag zoo....Xam pom deb kawg ncua....Muaj hom phiaj....(Ruaj qoog - Khov kho)....Yeej muaj teb chaws xwb mav?

    Sponsored content

    Re: Keebkwm Hmoob Tau Cawm Lwm Haivneeg Tej Nomtswv Dim Txoj Kev Tuag

    Post  Sponsored content Today at 2:55 am


      Current date/time is 11th December 2016, 2:55 am