google-site-verification: googlefbfddf59e706b96b.html

Latest topics

» Nkauj Hmoob Pro lub sev mloog nkauj
by Admin 16th October 2017, 12:06 pm

» Hkauj Tawm Tshiab 2017 - Hmong New Song 2017 - Tawm Tshiab Nkauj Channel
by nkaujhmoobpro 16th October 2017, 4:26 am

» KHAWV KOOB
by koobpovtxuj 30th September 2017, 4:29 pm

» Koobpovtxuj.
by koobpovtxuj 25th September 2017, 10:00 am

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Zaj hais rau tus Txwj Laug

    Share
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Zaj hais rau tus Txwj Laug

    Post  Hmoob ntuj qub qab on 29th April 2010, 10:26 pm

    1.Txog siav tuaj lias koj yawm xeev yawm txwj laug,los los yog koj xub los,nws laus li los dai koj tej ntug zos,ua ntej los yog koj ua ntej nws laus li los dai koj tej ntug zej.

    2.koj yawm xeev yawm txwj laug zoo li nws laus los dia koj tej tog vaj (tsev), nws laus los pab lawm koj ib cum laj (seb).

    3.Zoo li nws laus los hnub tsis tau ntev hmo tsis tau ntau,nws laus mus ntoj qoob qas lias rov nraum toj (rov txhais taug) es seb puas tau ib dia (ib khob cawv)los pub koj noj (haus).

    4.Zoo li nws laus mus ntoj qoob qas lias rov nraum roob mus ntsib nab raj kub sai sib qaub qaub sis zus rov nraum toj (tsuag),nws laus lub ncauj tsis hais nws siab zawm zog tias ntshe poob nws laus lub xyoo ploj (tuag),lub siab xav tias yog nab raj kub sai sib qaub li ua nws laus lub npog ploj (tuag).

    5.Zoo li nws laus rov ntsuj los txog tsev nws los hais qhia nws poj lag tub yau tias, poj lag tub yau nej mus raws yawm xeev yawm txwj laug tuaj ne, zoo li nws poj lag tub yau mus raws yawm xeev yawm txwj laug tuaj txog,nws laus li tsa lawm ncauj qhub tsa lus hais tias yawm xeev yawm txwj laug, los los yog koj xub los kuv li los dai koj tej ntug zos ua ntej yog koj ua ntej kuv li los dai koj tej ntug zej.
    Zoo li nws laus los dia koj tej tog vaj (tsev) nws laus los pab koj lawm ib cum laj (seb).

    6.Yeeb vim phem niaj los tsiv hnub phem hnub los tsiv nyoog nws laus mus ntoj qoob qas lias rov nraum roob mus ntsib nab raj kub sai sib qaub qaub sis zus rov nraum toj (tsuag), nws lub ncauj tsis hais los lub siab xav twj ywm tias yog nab raj kub sai sib qaub yuav los ua nws laus lub npog ploj (tuag).

    7.koj yawm xeev yawm txwj laug koj xav sis zoj koj siab tsis kheev koj tes lauj caum cwj xyab tes nag caum cwj ntawv ntaum lis tawv mus ntoj neeb kus nthuav yaig saib ne,koj mus txog txiv neeb ces txiv neeb muab tswm xyab nrom nroo tuaj nruab cub txhos ntsos rov pem thaj ces pa xyab pa ntawv ncho lis tsus tuaj saum tsuag (toj),txiv neeb ncoj neeb los poob nchos neeb rov los txog txiv neeb tias tooj nchai siv yig mus raws tsis cuag (tau ces yuav poob nws laus lub xyoo ploj).

    8.Zoo li txiv neeb kus txiv yaig yuav hais tias, koj yawm xeev yawm txwj laug,koj rov qab mus muab tshuaj ntawm kuab pog (yawg),seb kuab pog (yawg) puas raws nyog (tau).
    Yawm xeev yawm txwj laug koj rov qab mus muab tshuaj ntawm kuab pog (yawg),kuab pog (yawg) muab tshuaj iab los txhoov lawm niaj peb riag muaj ib riag dhia rhees tuaj cub tshau (xub tsuag) hauv tshuaj iab los raws tsis tau (cuag).

    9.Zoo li koj yawm xeev yawm txwj laug koj rov qab los txog nram toj (roob), koj ua tib zoo saib koj tig mloog ces zoo li nruas tawv nyuj dub los sib qi qos (qw qhoob).
    10.koj yawm xeev yawm txwj laug,koj rov qab los txog nws laus rov hau mus lias txaj (ncoo) rov taw mus lias ncoo (txaj) nws laus siav pa tu lis nrho tuaj tej npoo ncoo (lav).Nob lias koj yawm xeev yawm txwj laug.
    11.Zoo li koj yawm xeev yawm txwj laug,zoo li koj tuaj ces wb laj lig tub hais xaiv wb khom vam mus xov vam, zoo li koj yuav ncig yeev tom taj (txuas) mus rau tom txuas (taj),koj yuav tuaj nrog nws txheeb nuj kus txheeb nqi txheeb kom txhua (kaj).

    12.wb laj lig tub hais xaiv wb khom vam mus xov vam koj yawm xeev yawm txwj laug, koj yog txwj mus daws nrhib laus mus daws nrhau,txwj mus kiav chaub laus mus kiav cheem.Zoo li koj yuav tuaj txheeb nws nuj txheeb nws nqi koj tuaj txheeb kom tiav (tau),kom nws tsev txoos npoj xyom cuab ua neej nyob tuaj tom qab kom tsis ua nuj los tsis ua nqi nrhiav (sau).

    13.Muaj lus ua koj tsaug koj yawm xeev yawm txwj laug,kev tiaj wb tso koj rag nyuj kev tav wb tso koj rag nees,koj rag nyuj ces rag kom nto toj,rag nees rag kom nto tsuag,rag nyuj tsis kom dawm nyuj kub rag nees tsis kom dawm nees suab, zoo li muaj txiag ces cia koj ntaim muaj lus cia koj hais, muaj nqaig tso plhuav lawm koj ntxus muaj lus tso plhuav lawm koj nug, nob lias koj yawm xeev yawm txwj laug.
    Hais li no yog nws tsis txheeb no yus rov hais ib nqes li no ntxiv.

    14.Cia hmo no tsaus ntuj kaj ntug tag kis ntxov,luag tsev xyom cuab tsis muaj leej kus thoob tsib mus hnov xaiv los tseg,muaj leej thoob tsib mus hnov xaiv,luag li muab ib khob los dej ob khob los cawv ib tsos los plaub qaib ob tsos los plaub npua (yas),luag li ua koj tsaug nkag nuag tuaj tom txuas (tag).
    Koj yawm xeev yawm txwj laug,zoo li muaj txiag cia koj ntais muaj lus cia koj hais, muaj nqaig tso plhuav lawm koj ntxus muaj lus tso plhuav lawm koj nug.nob lias koj yawm xeev yawm txwj laug,muaj lus ua koj tsaug.

      Current date/time is 18th October 2017, 1:14 am