google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Quav Iab Ntses Xwv

    Share

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Quav Iab Ntses Xwv

    Post  Liajntsuab on 9th October 2012, 9:11 pm

    Yog nej leejtwg xav noj Quav Iab Ntses kom muaj tsos iab li yav ntuj qub qab tej ntses nyob Lostsuas teb no ces nej ua li nram no. Kuv nyiam noj heev vim qab tau laj siab thiab qab heev.

    1. Koj muab cov ntses dawb uas zoo nkaus cov ntses npubncauj( Hmoob hu ua ntses noj quav los yog lawv yeej noj cov quav iab) lawv muaj muag nyob rau tej khw Khabmeem, Hmoob thiab Thaib los yog Nplog coj los tseev thiab muab cov quav tshem tawm tsis txhob yuav vim yog ntses yug xwb tsis huv. Thaum muab tseev tag lawm ces muab txhoov ua ib daim me luaj li 2 ntiv thiab muab las ntsev cia 1 hmos kom cov nqaij khov yog tias tsis maj noj sai.

    2. Thaum koj yuav xwv cov ntses, koj muab cov txiv POS IAB hom soob luaj li taub ntivtes los xyaw. Yog tus ntses loj li 4 nti koj muab cov txiv pos iab kom ntau li 1 txhais tes los tuav/txhoov kom mos mos los zuaj xyaw cov nqaij ntses kom thawm. Yog koj muab ntau tshaj nws yuav iab heev zog rau cov uas noj tsis taus iab.
    3. Rau txujlom xws li zaub txhwb nyug, kuatxob, dos, qij thiab taujdub. Yog koj nyiam piabnuas rau ntxiv los hajyam qab tiamsis feem ntau peb tuaj nyob txawv tebchaws lawm s/d tsis tshua noj.

    Thaum koj muab txhua yam saumtoj no los sib tov tag ces muab ntawv aluminum foil/ntawv qhwv nyiaj los qhwv sab nraud hos muab nplooj tsawb qhwv tuaj sab hauv npuab cov nqaij ntses thiaj li tsw qab. Koj mam li muab tso rau hauv tsu cub siav los ces xuas mov nplaum ntsw noj mas QAB LAJ SIAB kawg nkaus li. Yog koj cub ntev kom pobtxhab lwj tag ua nqaij lawm thiab mas hajyam zoo noj
    oj.

    MayPaj
    Spammer
    Spammer

    Messages : 490
    Date d'inscription : 2010-02-25

    Re: Quav Iab Ntses Xwv

    Post  MayPaj on 10th October 2012, 7:12 am

    Ua tsaug os Liajntsuab,

    Kuv tsis tau noj dua quav iab ntses li tiag, koj puas kam tso ib daim duab cov ntses zoo li cas hauv no kom kuv pom es kuv mus yuav los sim ua noj thiab sob, peb cov yug teb chaw vam meej ces yeej tsis paub ua tej nqaij ntses qab qab koj qhia nod noj li tiag. Kuv mam li mus sim ua od...kuv twb nqhis nqhis lawm hehehe.... nz


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 10th October 2012, 7:55 am

    ....He...he... lg lg Me muam maiv paj as...Ntses noj quav iab...Nyob teb chaws fab kis ko...Muaj ntau kawg nkaug li os...Ntshe tsi nyiam noj xwb os...Hmoob nyob teb chaws fab kis...Niaj hnub mus nuv los muag li nas...Ha...ha... lg lg .

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Quav Iab Ntses Xwv

    Post  Liajntsuab on 10th October 2012, 3:41 pm

    MayPaj wrote:Ua tsaug os Liajntsuab,

    Kuv tsis tau noj dua quav iab ntses li tiag, koj puas kam tso ib daim duab cov ntses zoo li cas hauv no kom kuv pom es kuv mus yuav los sim ua noj thiab sob, peb cov yug teb chaw vam meej ces yeej tsis paub ua tej nqaij ntses qab qab koj qhia nod noj li tiag. Kuv mam li mus sim ua od...kuv twb nqhis nqhis lawm hehehe.... nz

    Nyob zoo os mayPaj,

    Cov ntses kuv hais yog hom zoo li nram no ne. Lawv lam hu ua Tilapia no tiamsis nws tsis yog tilapia/ntses pasnees os nawb. Hom ntses no nyob rau U.S. mas Hmoob hu ua ntses noj quav iab no thiab lawv ib txhia noj tiamsis kuv tsis noj vim tias ua li hais los yog ntses yug thiab noj zaub xwb tsis zoo li cov ntses Npubncauj thiab ntses keem nyob peb tebchaws es lawv cov nyhuv me me li txoj xov xwb thiab lawv yaim kauv zeb hos dej ntshiab heev.

    Kuv pom ib daim movie yog lawv tuaj yees nyob rau nej tebchaws Guyane nram koj ntev los lawm lawv mus ntaus tau ib cov ntses zoo li ntses tuaj kub mas lawv hais tias yog ntses keem hom uas noj quav iab thiab lawv tias qab kawg li no. Yog li koj sim nug lawv cov mus txhom ntses tim ko seb lawv puas paub thiab puas tau noj mas. Yog muaj tiag no kuv xav tias tej zaum lawv yuav qab dua li kuv hais muab txiv iab los ua xyaw ntawd os.

    http://www.npr.org/blogs/thesalt/2011/11/10/142220310/farmed-tilapia-with-a-dash-of-antibiotic

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 10th October 2012, 7:06 pm

    ......Kwv liaj ntsuab as..."Tseem"...Tseem ntses noj quav iab..."Qab plab"...Tsib liab li tug...Koj tso duab...Show...Hauv no...Tug nov...Yeej zoo li...Ntses noj quav iab..."Tab sis"...Qhov ncauj hlws zog...TSi npub pam thawj li...Ntses noj quav iab os...Zoo siab koj qhia ua quav iab noj...Yeej qab tsi npaum li...Quav iab nploog...Quav iab ntses...Kuv yeej paub zoo tias...Teb chaws no...Yog quav iab cuav xwb...Kuv tsi noj...Yav ntuj thaum ub...Koj nyob zog...Phou Kang...Phou mee...Ze dej naj phais...Ntse ntxeev cev coob kawg nkaug li...Kuv yawg tub xab...Kom kuv ua yawg luag...Tuaj mus tham hluas nkauj...Rau sab teb chaws ntawd xws li...Zog peb lub dawm...Poos thas...Phou kang...Phou mee...Nab loom...Npuam mum...Nas kuang...Phone sai...Na xou...Hoei pa cha...Kuv yawg tub ntawd mas...Xaiv hluas nkauj kawg..."Tab sis"...Thaum kawg kiag...Yuav tau tug luaj me nyuam ntxhais xwb...ha...ha... lg lg .

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Quav Iab Ntses Xwv

    Post  Liajntsuab on 10th October 2012, 9:25 pm

    xiongchang wrote:......Kwv liaj ntsuab as..."Tseem"...Tseem ntses noj quav iab..."Qab plab"...Tsib liab li tug...Koj tso duab...Show...Hauv no...Tug nov...Yeej zoo li...Ntses noj quav iab..."Tab sis"...Qhov ncauj hlws zog...TSi npub pam thawj li...Ntses noj quav iab os...Zoo siab koj qhia ua quav iab noj...Yeej qab tsi npaum li...Quav iab nploog...Quav iab ntses...Kuv yeej paub zoo tias...Teb chaws no...Yog quav iab cuav xwb...Kuv tsi noj...Yav ntuj thaum ub...Koj nyob zog...Phou Kang...Phou mee...Ze dej naj phais...Ntse ntxeev cev coob kawg nkaug li...Kuv yawg tub xab...Kom kuv ua yawg luag...Tuaj mus tham hluas nkauj...Rau sab teb chaws ntawd xws li...Zog peb lub dawm...Poos thas...Phou kang...Phou mee...Nab loom...Npuam mum...Nas kuang...Phone sai...Na xou...Hoei pa cha...Kuv yawg tub ntawd mas...Xaiv hluas nkauj kawg..."Tab sis"...Thaum kawg kiag...Yuav tau tug luaj me nyuam ntxhais xwb...ha...ha... lg lg .

    Tijlaug xiongchang,

    Kuv tseem nco tau koj qhia kuv tham hluasnkauj ze peb zej peb zog mas. Koj mas tshajlij thiab ua hluas deb kawg li ehhehe. Koj twb ua kuv tij tiamsis zoo li koj cajhlaub tseem tsis tau ua roob riag thiaj li tsis nqhis quav iab ntses thiab ua quav iab Nploos. Cov dej koj hais los saud kuv tsis tau noj tiamsis nyob rau peb sab tebchaws ntawd peb mus cuab ntses rau sab Na Ti (Nas Tis) tus dej Nas Tis mas muaj ntses kawg li thiab os. Tus kuv muab qhia koj saud yog ntses yug xwb tsis yog ntses Npubncauj tim Thaib thiab Nplog os.

    Koj Yawg Tub Xab ces yog ntawv raug rau tus ntawd nws thiaj li tau ne ehehhe. Luag tias xaiv xaiv tau paiv xuas xuas tau ruas ces yog li ntawd mas hehe
    he.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 10th October 2012, 10:28 pm

    ......Kwv liaj ntsuab as...Lub sij hawm...Thaum yau ma...Niam tij npaij tub...Thiab yawg tij laug npliaj tub lawv...Hais lug saib tsi taug...Yug li os...Lawv hais tias...Lawv cov tub zoo nraug txhua tug...Ntshe hluas nkauj ntsib pom dheev xwb...ces caum raws lawm...Hos kuv mas...Tsi zoo nraug li...Nkawd plaub leeg tub...tsi tha hais hluas nkauj li...kav tsij npaj...pe niam tij poj ntsuam...yuav poj nrauj xwb zoo dua...Nkawm txob thuam...Khib neeg npaum ntawd laiv?..."Tab sis"...Thaum suav daws...Loj hlob tiav hluas tas...MUs qhov twg?...Yug ntaus thawj xwb...Nkawd plaub leeg tub zoo li...Dev tais caus...Txog luag tej zog...Pos twb nthoob tas li...Ntsib hluas nkauj los txaj muag...Tsi muaj cuab kav hu...Tsi muaj peev xwm tham...Nkawd plaub tug tub poj niam ces...Nqeg tsev zawj...Zov kev txhom zij ntes nkaug xwb...Los tseem tau poj niam phem...Tsi zoo nkauj li siab xav nyiam ntshaw...Thaum kuv yuam..."Poj niam"...December 3, 1973...Kuv coj poj niam txog...Zog roob vaub kib...Lawv pom dheev poj niam lawv...Kuv qab nyuj nyo...Lawv ntsia vij vog...Yoob tas nrho...Lawv mas...Nim qhuas hlob...Qhuas yau tias...Kuv txawj xaiv poj niam dua...Tau poj niam zoo nkauj heev...Ntxim nyiam tshaj...Lawv plaub leeg tub...Yog neeg dig maug...Tsi muaj qhov muag...Tham hluas nkauj...Yeej yog li...koj hais las mav...Xaiv xaiv...Tau paiv...Xuas xuas...Tau ruas...ha...ha... Laughing Laughing lg lg Luag tej laug hais tias...Ua tau tsev...Mam pom ntoo yiag...yuav poj niam tas...Mam pom hluas nkauj zoo mog... ts ts Rolling Eyes Rolling Eyes ...Yeej muaj tseeb os...Kwv liaj ntsuab aws.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 10th October 2012, 11:57 pm

    ......Kwv liaj ntsuab...Kev ua neej...Txob muaj kev tu siab..."Vij loj"...Txhob muab kev chim..."Ua pauj tom ntej"...Tug tib neeg...Txob thuam cem yug ntawd...Tsi yog neeg..."Muaj hlwb"...Yog neeg hlwb taj...Thiaj lam txob thuam cem yug...Kev raug luag..."Txob thuam cem"...Txhob khaws chim...Yog ib hauv tshuaj cawm siav...Rau yug tug kheej...."Xyaum zoo - Ua neeg tsim txiaj"...Thaum yug zoo lawm...Yuav tau pauj txiaj ntsig...Rov rau tug neeg..."Txob thuam cem yug"...Yam tsim nyog...THov qhuas...Thiab ua tsaug...Rau nws tej lug qhuab qhia..."Yug thiaj zoo - Tsim txiaj taug"...Nai phoo vaj pov...Twb raug yawg...Hlob phas nyas npis...Txob thuam cem...Thaum yawg txiv neej tswb tuag...Hnub kwv mus faus sam sab...Tej lug no...Yawg hlob phas npis...Yeej piav qhia...Kuv cim peb caug xyoo 1969...Yawg hlob phas nyas npis...Tuaj ncig tshav pob...Saib tub ntxhais pov pob ua si...Tshav ntuj kub tsawv...Kuv rho nyiaj yuav...Ob fwj dej qab zib...Mirinda...Tho thawj hwj cev yawg hlob phas nyas npis...Yawg txais tuav ntawm tes haus...KUv mam tho hwj tom qab haus...Yawg hlob phas nyas npis...Zoo siab heev...Ua kuv tsaug dej qab zib...Caw kuv zaum rooj...Yawg nug kuv tias...Me tuj koj ua hauj lwm dab tsi?...Kuv qhia yawg hlob phas nyas npis tas...Yawg thiaj piav txog...Lawv muab nai phoo txiv faus...Nplee roob me ntsis lawm...Yog qhov zawj zog...Nplee ib sab roob...Lub sij hawm ntawd...Yawg phas nyas npis...Txob thuam cem tias...Vaj pov aws...Cas tsi muab koj txiv fau ncaj caj qaum roob nas...Muab koj txiv faus qhov no...Ntshe koj yuav ciaj huab tais pob?...Nai phoo sawv tseeg pe...Yawg hlob phas nyas npis ob pes tas nrho...Aub tsuas muaj zoo li...Koj foom nawb...Hlob cob moos...Yawg hlob phas npis...Rov tav muag...Ntsia nai phoo...Ob peb muag...Ywg twj ywm nruab siab tias...Cas niag ntsej muag ruam ntawd?...Kuv cem mob npaum...Tseem tsi chim ne...Tseem pe kuv qeeg thiab nev...Lub xyoo 1969...Ntawd kuv raug rub ua tub sau ntawv:...Secretary Village...Yawg phas nyas...Qhia tseg tias...Me tub txhob lam hais lug...Saib tsi taug luag nawb...Hais tsi nyog...Yog tug tsi muaj hlwb...Tas li ntawd...Yog tug tib neeg...Muaj hlwb zoo...Luag khaws nkaug...Yug lo lug ntawd...ua neej zoo zuj zug...Ib hnub tom ntej...Caum raws cuag yug ntas os.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Quav Iab Ntses Xwv

    Post  koobpovtxuj on 14th November 2012, 8:40 pm

    Peb txhob noj quav iab ntses lawm los peb xyaum ua lab ntses noj thiaj qab.cov lab ntses tuav no kuv xyaum ua tsis tau qab npaum nplog ua no li tiag.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 14th November 2012, 10:07 pm

    ......Kwv koob pov as...Tua nthwv ib tug nyuj...Los ib tug twm...Kuv vam cia siab...Ua laj nyoog...Noj xwb tias...Yog txawj ua laj nyoog mas..."Qab kawg nkaug"...Thiaj tsim nyog...Tua nyuj twm noj...Tug nyuj twm ntawd...Thiaj tuag muaj nqis..."Tab sis"...Kuv ntsib ib zaug lawm...Kuv ntshai noj laj nyoog...Xyoo 1977...Peb poob mus ua cob fab sab:...Nam fan...Peb mus noj tsiab ib hnub...Yuav luas tsaus ntuj...Peb haus dhau tsib rooj cawv tsiab...Hmo ntawd los txog tsev...Mob plab tsawv...Kuv mus tso quav...Tawm ib tug..."Npluas"...Thaib hu ua:..."Phab nyas this"...Luaj xov los tas nrho...Me nyuam maum laug...Ua ib pawg...Kuv nshai zaum ntawd...Tsi noj laj nyoog lawm...Yog noj laj nyoog mas...Yuav tau haus cawv ntsim...Uas yog cawv hmoob qab...Cuag rubsaw vam leeb taug caj pas nqeg hav...Thiaj tua tau...Cuav nab..."Phab nyas this"...Tawm os....Laj ntses qab kawg..."Tab sis"...Muaj vaim...Kuv tsi noj thiab os...Kwv koob pov aws...Yav tas lawm...Kuv tseem haus tau...Cawv ntsim...Kuj noj laj nyoog zaum puav..."Tab sis"...Xyoo tas no:...September 26, 2011...Kuv phais ntxiv xaws hlab plawv lawm...Dr...Tsi pub haus cawv ntsim...Kuv tsi noj laj nyoog lawm os...Kwv koob pov aws.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Quav Iab Ntses Xwv

    Post  koobpovtxuj on 20th November 2012, 12:25 am

    Tij laug XiongChang.
    Kuv yeej yog 1 tug nyiam noj laj nyoos kawg yog tua nyuj tua twm los yeej ua laj nyoos noj.
    Thiab yos hav zoov tua tau kauv tau mos lwj mas yeej yuav tsum ua laj nyoos ua quav iab noj xwb.
    Yos hmo ntuj tua tau kauv qaib mas nyiam laj kauv qaib tshaj plaws.
    Tua npua noj tsiab yuav tsum ua ntshav ciaj xwb.
    Tab sis xyoo 2006 kuv mob cancer ces Dr hais tias tsis pub noj laj nyoos tsis pub noj pam lem nyoos.
    Tsis pub noj tej yam khoom tsw tsw ntxhiab.Tej kab mob no yog kis los ntawm tej yam khoom noj tsis siav thiab tsw ntxhiab.
    Txij kiag hnub ntawd los ces kuv tu siab nrho tsis nrog luag noj 1 dia laj nyoos tsis noj ntshav ciaj tsis noj pam lem li lawm.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 20th November 2012, 7:13 am

    ......Kwv koob pov as...Kuv los tib yam nkaug os...Tua qaib...Yog tsi tee ntshav ciaj...Tua npua yog tsi teev ntshav ciaj...Tua tshis mes es...Yog tsi txawj teev ntshav ciaj...Kev ua ntshav ciaj tshis...Mes es..."Ua li no"...Thiaj tau noj os...Yuav nqaij nyuj...Nyuv nyuj...Plab nyuj tom khw...Los txog tsev tsuav mog..."Mog"...Rau txuj lom txhij txhua...Thaum tua mes es...Cus ntshav mes es..."Do hauj kiag..."Tam sim ntawd"...Txawb cia tib pliag..."Nkoog khov kho"...Noj qab kawg nkaug li..."Yuav tau khi nplaig ruaj nawb...Ib me ntsis nqog nplaig lawm os...Tab sis teb chaws no...Kuv tsi tshua nyiam noj pes tsawg lawm...Vim tej tsiaj txhua yam...Kaw nkuaj xwb...Luag pub tshuaj...Chemecal"..."Tsw ntxhiab hwv"...Tsi yog noj zaub haus nqug cua huv si li...Teb chaws nplog...Tuaj nyuj...Tua twm...Yog tsi ua laj nyoog...Tsi ua kua quav iab...Tsi tas tua...Noj tsi tsim nyog...Nyuj twm tuag...Tsi muaj nqis...Tua tau kauv sai mos lwj...Tsi ua kua quav ib noj...Tsi ua laj nyoog...Ib rau ntsev qab meej...Rau kua txob..."Ntsim txhe"...Txhob rau ntsim dhau...Noj tsi taug...Hliv ib leeg...Ob khob cawv ntsim haus lawv...Thaum noj laj tas nrho...Es cuav nab...Npluas...Phab nya thi...Tuaj txais noj ntawd...Kom cuav nab...Npluas...Phab nyas rthi..."Tuag"...Tua tau nas...Yog muab tho plab...Kaus nyuv tas...Tsi tas tua nas nawb...Yog noj quav iab nas...Thiaj tsim nyog tua os...Kwv koob pov aws...Yav ntuj thaum teb chaws nplog...Kuv yog ib tug tub nquag yos tua tsiaj nruab nrag...Nquag nrhiav noj nruab deg..."Tab sis"...Tuaj txog teb chaws no...Tej chaw ua si ntawd:..."Too much Over Dangerous"...Kuv tsi yos hav zoov...Tsi nrhiav noj nruab deg lawm os...Ua siab yoo...Ceev yug txoj sia zoo dua os.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Quav Iab Ntses Xwv

    Post  koobpovtxuj on 20th November 2012, 8:32 pm

    Tij laug XiongChang.
    Yav ntuj qub qab tsiaj txu tso tsahav noj zaub noj tej yam muaj kuab muaj tshuaj xwb txawm noj quav iab.noj laj nyoos.noj ntshav ciaj los zoo noj tseem zoo tshuaj rau yus lub cev.
    Nim no tsiaj txu luag yug hauv nkuaj pub zaub pub qhauv kom loj sai thiab rog zoo nkauj lawm xwb.
    Tsis zoo noj quav iab thiab laj nyoos los yog ntshav ciaj lawm.wb txhob noj lawm tsam tau mob ces nyuaj siab mog.
    Kuv li ces kuv yeej tsis kov txog tej zaub mov li lawm yus ua neeg laus zaum twj ywm ntawm tej Sofa tos tej me nyuam ua tau qab los noj qab ua tau tsuag los noj tsuag lawm xwb.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 20th November 2012, 10:53 pm

    ......Yog las mas...Kwv koob pov aws...Noob nyoog nce xyoo...Rau caum lawm...Nkeeg ua noj kawg li os...Tej thaum nqhis...am ua quav iab noj zaum puav ua si..."Tab sis"...Teb chaws no...Tsi zoo noj ntshav ciaj...Los ua laj nyoog li...Koj hais lawm os...Kwv koob pov aws...Koj mus nyeem tom...Lug pov thawj...VP nyob dab teb...Kuv ntaus yuam kev...Kev ua laj nyoog...Rau tom lawm os...Kwv koob pov aws....Thov txim os.

    ......Kwv koob pov as...Ua laj nyoog...Yuav kom qab tas siab nrho...Xuas me nyuam riam dawb...Maj mam txhoov suam nqaij ntsiv mog nyoos...Nyiag ntsais...Txhoov me ntsis siab li...Ib taus tes...Xyaw me ntsis ntshav ntxiv...Muab cov kua quav iab nyuv twg?...Hau ib pliag...Kom siav lim zoo...Hliv xyaw...Muab plab nre...Cov nre tiab...Hau siav txhoov hauj...Muab nyuav iab mog...Hau siav kiag...Txhoov mog nyoos...Rau txuj lom xws li...Luam laws cog...Teev ntshav...Lualm laws moos loob...Los nplooj luam laws pos...Zaub txwg theem...Muab nplooj maj naus...Txhoov mog nyoos...Hauj xyaw...Tau dub tsoo hauv paug...Txhoov mog nyoos...Muag dog ntshi mog nyoos...Muab zaub txhwb...Tu mog nyoos...Txhob txhoov...Muab txiv siav...Muab xyab txob...Me ntsis kom tsw qab...Txhoov kua txob hauj ntsim txhe...Tso kua maj naus qaub me ntsis...Tev kaum tawm nplais qej...Tuav los tsoo txhoov mog nyoos hauj...Txhoov qej loj...Onion...Mog nyoos xyaw...Hliv kua nab pas...Muab me ntsis kua ntses...Pam khee xyaw...Muab hmoov siav...Los hmoov nplej zom hauj...Xuas tes zuaj sib hauj ua ke...Nyeem toom...Mam noj mas...Qab kawg nkaug...Ib leeg noj plaub tsi dia xwb...Pov khawv kawg nkaug li os.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Quav Iab Ntses Xwv

    Post  koobpovtxuj on 21st November 2012, 4:45 pm

    Tij laug XiongChang.
    Tuaj nyob teb chaws vam meej xav tias yuav tau noj qab hnav zoo no noj yam twg los luag tias tsis zoo noj ces tag kev cia siab li lawm.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 21st November 2012, 5:15 pm

    ......Kwv koob pov as...ha...ha... lg lg Xuas qhov qab tshaj plawg ntas...Txawm yog hauv tshuaj lom yug ntas...hwb...hwb... Crying or Very sad Crying or Very sad Sad Sad Kuv ua siab noj mov ntxuag zaub tsuag ntsw ntsev...Yuav luas kaum xyoo no lawm os...Noj mov ntxuag zaub tsuag...Tsi qab npaum twg?...los tau zoo nyob xis nej dua...Tsi tshua muaj mob nkeeg pes tsawg...Yuav li ntawd xwb...Tej tub nyab ua tau zaub qab...Tsw ha ntxiag...Los yug ua...Cov tuag lawm...Hnia pa zaub mov xwb...Zoo dua os...Kwv koob pov aws.

    shung
    Sponsor
    Sponsor

    Messages : 573
    Date d'inscription : 2012-05-08

    Re: Quav Iab Ntses Xwv

    Post  shung on 21st November 2012, 8:28 pm

    Tij laug xiongchang

    Nyob teb chaw no los thaj maum (Doctor) los yeej hais li koj hais thiab, yog tias yus noj yam phem tsis qab dab tsi li ces yus muaj txoj sia ntev ho yog nyiam noj qab qab xwb ces txoj sia luv dua no. Kuv muab xav los mas yog lawm. Muab siab tej tug neeg nyiam noj qab qab xwb xws li noj tom lab tag li xwb, tsis ntev laud yeej hnov tias yawg muaj mob lawm no. Thaum ub peb hmoob tuaj teb chaw melika no mas cov thaj muam hais rau kuv tij laug tias tam sim no mas nej muaj cov neeg mob es cia li tsaug zog tuag lawm tiam sim 20-30 xyoo tom ntej no mas nej yuav muaj mob xwb li tshav siab, tshav qab zib, mob siab mob plawv nawb. Kuv tij lawg tsis ntseeg pes tsawg, tiam sis los rau tam sim no mas peb hmoob muaj mob kawg li. Mob taw vwm heev tshaj plaws li vim peb tuaj nyob teb chaw no ces muaj nqaij no ntau ces tsis nco qab ceev faj li, twb yog thaum mob lawm mas ras txog ces twb lig heev lawm. Noj mov ntse dej nrog zaub tsuag li koj hais xwb mas laj siab dua os tij laug. shung

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 21st November 2012, 9:45 pm

    ......Kwv ntxawg...Shung...Kuv ib txwm nyiam noj mov ntxuag zaub tsuag ntau xwb...Kuv tsi tshua nyiam noj nqaij txhiab...Nqaij ci npau roj txhe li...Lwm tug txiv tsev os...Kuv tsi zoo li...Lwm tug txiv tsev...Npav kom poj niam ua zaub qab...Ci nqaij txhiab...Nqaij ci daj dhuv mam hais lug..."Luag ntxhi"...Rau poj niam...Zoo siab hlo noj mov ntas...Yog pluag twg?...Tsi muaj zaub qab...Tsi muaj nqaij txhiab...Nqaij ci daj dhuv txawb xub ntiag...Hais lug hiav muag nti...Rau poj niam...Sawv dub txig lawm...Cuag poj niam tub qaug...Yav ntuj thaum ub...Nyob nroog looj ceeb...Tseem ua nom...Toj xeem...Fab tub rog...HNub qub ob...Lwm thawj pawg pua...Muam tub rog...Thaum khiav tuaj nyob thaibteb...Yeej vib nai...Vice President Assembly And General Secretary Asembly...Secret President Security Camp Refugee Ban Vinai...Kuv ib txwm txwm...Tsi ua tsiag...Rau poj niam...Kuv nyiam noj mov zaub tsuag...Ntsw ntsev ntxuag kua txob xwb...Hlais qhiav ntsw ntsev noj ntxuag mov xwb os...Yog zaum muaj phooj ywg!...Tuaj saib xyuas mas...Mam ua zaub qab xwb os...Kwv ntxawg...Shung.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Quav Iab Ntses Xwv

    Post  koobpovtxuj on 4th December 2012, 11:17 pm

    Noj quav iab ntses tag ho noj laj siav laj nyoos tag lawm thiab zaum no nej ho los xyaum ua padeak peb noj lau.
    Thaum ub nyob nplog teb kuv nrog nplog mus ntaus ntses tau 1 nyuag tawb li 30 tawm tug xwb.tab sis yog cov ntses loj tsawv wb coj los txog muab 4 tug los ua 1 pluag peb noj tag tshuav 1 co ces muab phais tag cia li muab pov hauv hub pa deak lawm.nplog mam qhia kuv tias yog tau ntses los no ces saib lub hub padeak yog nqeg lawm thiab yog tshuav kua ntsev ntau ces muab ntses tso rau hauv xwb.yuav noj thaum twg los tau li.Hos yog hub nqeg los tsis muaj kua ntsev ntau ces muab ntses tso rau yuav tsis zoo noj.yuav tsum ua dua cov tshiab yog ua tshiab mas yuav cia li 3 hlis mam qhib thiaj zoo noj thiaj qab.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 5th December 2012, 7:09 am

    ......Kwv koob pov...Kuv tsi nyiam noj:...Padeak..."Tab sis"...Kuv nyiam noj..."Pa Khean"...Me nyuam ntses daw ntsev...Muab xua mog...do hauj os.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Quav Iab Ntses Xwv

    Post  koobpovtxuj on 8th December 2012, 1:32 pm

    Tij laug XiongChang.
    Ntses daw ntsev ntses qaub ntses mas nplog txawj ua ntau yam noj
    Yog xav noj ntses daw ntsev ces muab txhuv kib kom daj daj li yuav zom ua laj ces coj los xyaw cov ntses ces qab heev li mas.
    Noj thaum twg ces muab los kib los tau.muab txuj lom xyaw muab ncu xwv noj los qab heev nawb.



    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 1st January 2013, 3:57 pm

    ......Piav txog...Kev ua zaub mov noj qab...Yuav tau txawj ua...Hau txhua yam..."Nqaij"...Yuav kom qab...Ib tog dej npau dug dam...Mam muab nqaij tso lauj kaub...Thiaj tsi tsw ntxhiab...Ob hau nrog dej txiag..."Kiag"...Qab ib zaug...Txhob muab nqaij hau...Thaum dej sov ntem ntauv...Los tsi tau npau...Tsi qab kiag...Ib tsw nchauv...Ob tsw ntxhiab...Kev kib zaub...Los tib yam nkaug...Cia roj kub txaus...Tshuav cig...Mam tsuab zaub tso yias...Los lauj kaub hnov lub suab..."Txheb"...Muaj ceem...Kib tau zaub qab...Roj tsi yaj...Nyuam qhuav yaj nyov...Tsuab zaub tso rau...Zaub tsi qab...Tsw nchauv...Tsw ntxhiab...Kib nqaij...Los tib yam nkaug...Roj kub txaus...Kib nqaij qab dua...Roj sov...Roj tsi kub...Kib tau nqaij tsw ntxhiab...Kib nqaij mos...Kib kom daj...Nkig tsawv...Mam tsuab zaub...Tso rau...Thiaj qab...Kib nqaij tsi daj...Nqaij tsi tau qhuav dej..."Tab tom"...Tsw ntxhiab xwb...Pluag zaub ntawd..."Nkim pov tseg"...Kuv tsi noj os...Kev rau ntsev...Rau qab meej...Pluag zaub ntawd qab...Kuv noj ntas...Qab li..."Kua muag"...Pluag zaub ntawd...Nkim dawb...Noj tsi tsim nyog...Dab tsi li...Kev ua nqaij ub no..."Noj"...Yog ntshai qab ntsev meej...Tsi tas ua...Ua los nkim dawb...Kev hais lug...Yog hais tsi nrov...Hnov tsi tseeb...Paub tsi meej txog...Lub ntsiab lug...Los tsib lug...Cov lug hais ntawd...Hais tsi muaj tshoom thawj...Tsi muaj kuab...Luag tsi hwm...Luag tsi ntshai...Luag tsi ua raws li...Hais ntawd...Tej tug txiv neej yawg...Hnav ris tsho zoo...Cob xub ntxiaj...Tsi nom kawg...Hais lug hauv qhov ntswg...Tsi tas hais...Hais tsi muaj nuj nqis dab tsi?...Nkim sij hawm dawb...Tsi muaj txiaj ntsig...Kuv tug kheej...Ib txwm ua hauj lwm nrog nom tswv...Kuv hais lug txawv...Ib txhia txiv neej yawg...Tsi tas siv paj taub...Kuv hais ntawm..."Ncauj"...Nrov npaum paj taub lawm...Yav ntuj thaum ub...Teb chaws nplog...Kawm txhua lub...Center Training...Kuv raug tsa...Ua tug coj tub rog...Dhia sawv ntxawv...Txhua tas kig...Txhua hnub...Vim kuv hais lug nrov...Leej twg?...Mloog hnov meej tseeb...Tsi yuam kev...Yog tsi ua raws li..."Hais"...Muaj cai teem txim tau...Tsoom mloog...Tsi kwv cov nyom tawm tsam tau.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Quav Iab Ntses Xwv

    Post  xiongchang on 2nd January 2013, 10:29 am

    ......Kuv piav ntxiv li no...Zaub tsuag...Txawm yog...Zaub tsuag tias...Zaub qab ntsev...Txawm yog...Zaub qab ntsev meej..."Noj"...Thiaj qab ncauj...Thiaj tsim nyog..."Zaub qab ntsev"...Txhob ua niag...Qab plem plig li..."Kua muag"...Tseev suav daws...Nim qhuas qab...Qhua tsau tias..."Qab kawg"...Kuv tsi qhuas nawb...Yog leej twg?..."qhuas"...Tug ntawd...Tseem ruam heev os...Ib tug tib neeg...Ua ib tug coj...Hais ntau yam lug sib txuam..."Hmoob qhuas tias"...{Ntse kawg}..."Tab sis"...{Neeg ruam - Tsab ntse}...Khav theeb xwb...Tsi tau ntse tias...Tug tib neeg ruam mas...Qhuas tias...Aub yawg mas...Ntse kawg...Kuv tug kheej hais..."Ruam kawg"...Lam khav xwb os...Niag paub tsi meej...Tsi ntxawg...Tsi kawg...Tsi xaus...Yog ua tias...Hais tias...Txhais...Tsi tau ntsiab lug tawm...Suav daws mloog.

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Quav Iab Ntses Xwv

    Post  Liajntsuab on 5th February 2013, 1:26 pm

    koobpovtxuj wrote:Noj quav iab ntses tag ho noj laj siav laj nyoos tag lawm thiab zaum no nej ho los xyaum ua padeak peb noj lau.
    Thaum ub nyob nplog teb kuv nrog nplog mus ntaus ntses tau 1 nyuag tawb li 30 tawm tug xwb.tab sis yog cov ntses loj tsawv wb coj los txog muab 4 tug los ua 1 pluag peb noj tag tshuav 1 co ces muab phais tag cia li muab pov hauv hub pa deak lawm.nplog mam qhia kuv tias yog tau ntses los no ces saib lub hub padeak yog nqeg lawm thiab yog tshuav kua ntsev ntau ces muab ntses tso rau hauv xwb.yuav noj thaum twg los tau li.Hos yog hub nqeg los tsis muaj kua ntsev ntau ces muab ntses tso rau yuav tsis zoo noj.yuav tsum ua dua cov tshiab yog ua tshiab mas yuav cia li 3 hlis mam qhib thiaj zoo noj thiaj qab.

    Koobpovtxuj,

    Koj paub ua paslem thiab lod? Hos ua ntses qaub ne koj puas paub mas? Kuv xav ua ntses qaub noj tiamsis tsis paub ua li tiag. Kuv hnov Me uas yog Poj Co qhia hauv xovtooj cua kuv los sim ua no lwj tag lawm xwb. Yog koj paub ua no qhia rau kuv ua os lod.

    Sponsored content

    Re: Quav Iab Ntses Xwv

    Post  Sponsored content Today at 2:45 am


      Current date/time is 8th December 2016, 2:45 am