google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    ***PE TSIAB.***

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    ***PE TSIAB.***

    Post  koojziagkabzaug on 8th November 2012, 3:42 pm



    Pe Tsiab yog lis cas tiag


    NIAS MUS MLOOG HAUV NOV:

    http://www.youtube.com/watch?v=Vh9a9uRm1bU&feature=share&list=ULVh9a9uRm1bU





    Pe Tsiab Peb Caug.
    Ib txwm.




    Pe tsiab tej laus dua toj.

    Qhov nov, raws li kev cai zoo li tsis muaj, yog tuaj pom mab sua ua es txua tshiab xwb.


    Last edited by koojziagkabzaug on 8th November 2012, 11:17 pm; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***PE TSIAB.***

    Post  xiongchang on 8th November 2012, 5:39 pm

    ......Me muam kooj ziag kab zaug as...Kev pe tsiab...Rau tej laug...Tug tseem muaj txoj sia...Ua neej nyob ntiaj teb no...Yog sam koob ntxiv hmoov...Rau niam txiv...Muaj noob nyoog nyob ntev...Cov laug mam foom hmoov zoo...Rau tub nyab ntxhais vauv...Tub eeb leej...Ntxhais xeeb ntxwv...Kev pe tsiab...Rau cov tas sim neej ncaim ntiaj teb lawm...Yog hlawv xyab ntawv...Fi nqaij no...Rau tej laug nruab yeeb...Kom tau noj tau haus...Koj mloog hauv no...Koj nkag siab lawm os.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ***PE TSIAB.***

    Post  koojziagkabzaug on 8th November 2012, 11:21 pm



    Tij laug Xyooj Tsab,

    Pe tsiab tom toj ntxas zoo li twb tsis muaj dua los, puas yog lawv txua tshiab xwb los yeej ib txwm muaj los?


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: ***PE TSIAB.***

    Post  koobpovtxuj on 9th November 2012, 3:24 am

    Nyob zoo niam ntxawm Koojziagkabzaug.
    Raws li kuv nug cov laus me ntsis mas pe tsiab muaj 3 yam li nram no.
    1 pe tsiab neeb.
    2 pe tsiab xyoo.
    3 pe tsiab ntxa.
    Tab sis pe tsiab neeb thiab pe tsiab xyoo mas pe 1 yam xwb neeb ces tias pe tsiab neeb xyoo ces tias pe tsiab xyoo xwb.
    Pe tsiab ntxa mas txawv zog vim tus neeg yus mus pe ntawd yog neeg tuag lawm ces yuav tau ua 3 txoj cawv ntxuav muag ua ntej mam li pe.
    Thaum twg Kuv muaj sij hawm kuv mam li tuaj sau hauv paus kom nto ntsis los tau.yog tsis sau los kuv mam li muab kuv phau ntawv coj tuaj luam tso ntawm no nej saib los tau.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***PE TSIAB.***

    Post  xiongchang on 9th November 2012, 6:37 am

    ......Me muam kooj ziag kab zaug as...Pe tom toj ntxas...Tsi yog txua tshiab os...Thaum ub tej laug...Yeej pe los lawm ntev kawg li os..."Tab sis"...Tsi yog pe...Ib xyoos xwb nawb...Pe peb xyoos...Sib law ntsawg os...Ua ntej yuav pe...Niam txiv lub toj ntxas...Tau thov muam phauj...Yaws laus tuaj mus luaj ib puag ncig...Kom do deb du lug...Lub toj ntxas...Pob puag qhov twg?...Khawb av npoog...Pob zeb txim pob poob ntog...Khaws teeb zoo li qub...Yog toj ntxas...Puab xis mees...Rhaub iib lauj kaub dej kuj lawg sov so...Ntxuav vaj tu tsev du lug...Txhuam rooj ntxas...Du dais os...Rhaub ib me nyuam lauj kaub hwj dej...Ua txoj cawv ntxuav muag...Rau ntxuag...Ua txoj cawv hu niam...Caw txiv sawv noj haus txais lub xyoo tshiab...Tub xeeb leej...Ntxhais xeeb ntxwv tuaj nram qab pe hawm os...Qhov hais lug...Nyob ntawm txawj hais os.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***PE TSIAB.***

    Post  xiongchang on 9th November 2012, 7:08 am

    ......Pe neeb...Yog tub nyab hauv tsev..."Pe xwb"...Xav kom neeb niam...Neeb txiv...Neeb txwj...Neeb laug...Qhua nom...Qhua tswv...Pov hwm nyiaj txiag qoob loo tsiaj txhu tub ntxhais noj qab nyob zoo...Pe niam txiv...Sam koob hmoov...Txhawb qhauv niaj...Ntxiv qhauv xyoo...Pe hau zog...Pe nom tswv...Tej laug neeg...Paub tab...Paub qab hau..."Ncaj nceeg"... Muaj meej mom...Muaj txoj sia nyob ntev...Ua suav daws..."Tug coj"..."Tab sis"...Lawv pe tug..."Coj zoo"...Coj tug...Mloog tog...Saib meej...Xyuas tseeb...Ua neeg nruab nrab...Tsi pab tog twg?...Tsi hlub ib tug...Tshwj ib leeg...Tau cawm hlub pab suav daws...Ua kaus roog...Coj haum suav daws siab xwb ov?...Thaum luag...Tuaj pe li no...Yug laj xav nawb...Tsi lam ua dog dig...Poob ntsej muag...Poob koob puag npe...Ncha teb chaws ov...Tug coj phem lim hiam ntais ntuj txia ntshav...Pej xeem tsi pe nawb...Thaum kuv nyob yeej vib nai..."Secret President Security"...Tsoom phooj ywg!...Ua hauj lwm ua ke...Los sib paub...Sib raug zoo...Niaj xyoo tuaj pe...Thov kom nyob ua lawv tug coj...Txhua xyoo...Kuv thiaj daig ntev kaum ob xyoos...Yog txhob li ntawd...Kuv tuaj ntxov teb chaws mes kas lawm os...Lub sij hawm ntawd...Kuv noob nyoog...Neeg nkaum yim xyoo xwb os...Suav txij xyoo 1982...Ib txhia ua nom...Muajnoob nyoog dua...Kuv tug kheej...Tsoom phooj ywg!...Twb tsi pe hawm thov ne...Suav daws xav qhov no nawb...Tshwm sim yug...Los ua ib zaug nyobb ntiaj teb no...Kawg ua zoo...Luag nyiam...Luag pe hawm txhua xyoo...Hnub xiab ib tawm plawg:...4:30 AM...Twb tuaj taij qhib rooj lawm os...Ua ntej luag...Yuav taj pe hawm thov...Luag twb hais ua ntej...Ib as thiv ua ntej lawm os...Kom yug txhob ceeb ntshai...Nyob tsev npaj tog...Tas kig ntawd...Luag tsi lam...Muab luag...Lub sij hawm muaj nuj nqis...Tuaj pe hawm yug dog dig...Luag saib tug tib neeg coj zoo...Haum pej xeem feem coob:...Cuaj caum xya feem pua...Nrhiav kev sib raug zoo...Sib haum xeeb...Thooj siab koom ntsws...Moj them nqag kab...Xyoob koom txooj...Ntoo koom tsob...Luag mam pe os.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: ***PE TSIAB.***

    Post  xiongchang on 9th November 2012, 7:35 am

    ......Yav ntuj thaum peb ua hauj lwm...Nyob nroog looj ceeb...Peb cov qub nom..."Tub rog"...Coj haum feem coob siab...Kuv pom dab laug:...Lieutenant Colonel Yang Chue...Yog ib tug neeg...Coj zoo...Tsi muab hlob...Tsi dub muag...Tug me yau loj hlob tuaj txog...Hais lug tas nrho..."Tab sis"...Nom tsi nyiam...Tug tib neeg...Coj zoo li...Dab laug yaj tswb ntawd nawb...Nai phoo vaj pov nyiam...Cov coj phem...Siv fwj chim...Quab yuam neeg xwb ov?...Tug twg?...Tsiv tsaim...Cem neeg heev...Tug twg?...Tsiv nyaum...Ntaus ncaws...Cuab khi...Teem txim mas...Nai phoo vaj pov...Nyiam heev...Nce npe nom loj siab sai kawg...Tug tib neeg...Coj zoo li...Dab laug yaj tswb...Nai phoo vaj pov...Tsi nyiam...Tsi nce npe nom sai...Tsi pub tuav hauj lwm tseem ceeb...Suav daws sim ntsia...Ib txhia thaum xyoo 1968...Kuv pib ua hauj lwm...Pab teb chaws...Nyuam qhuav tau npe nom...Hnub qub ob...Tib pliag ntshis...Tawm plawg xyoo 1972...Twb tau npe nom...Colonel Plel...Yog hmoob dawb xwb...Hmoob leeg tau qeeb kawg nkaug...Tsi nce npe nom sai os.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ***PE TSIAB.***

    Post  koojziagkabzaug on 4th March 2013, 12:31 pm



    Nyob zoo cov phooj ywg,

    Qhov nov puas yog pe tsiab?
    Ua cas lawv ho mus ib lub tsev dhau ib lub?

    hmong new year 1987 part3



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ***PE TSIAB.***

    Post  koojziagkabzaug on 4th March 2013, 1:00 pm



    hmong new year 1987 part4



    hmong new year 1987 part5



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: ***PE TSIAB.***

    Post  koobpovtxuj on 4th March 2013, 9:10 pm

    N iam ntxawm koojziagkabzaug.
    Kuv kuj yog 1 tug nug cov laus txog tej txuj ci no los lawm kuj tau mus pe cov niam cov txiv zaum puav lawm tab sis peb tsis muaj ntshua ntawv.1 hnub mas peb tsuas mus pe 3 yig xwb 1 yig twg peb mus pe 3 xyoos thawj xyoo thiab xyoo 2 mas peb vom 2 tug qaib thiab 2 lub ncuav nplej 4 lam hwj cawv xwb.xyoo 3 mas peb vom 1 tug npua peb tuav 1 dab ncuav nplej tau tsawg lub yuav tsawg lub peb cub 1 txaum cawv tau tsawg hwj yuav tsawg hwj.Xyoo 1 pe hnub xiab 1 xyoo 2 pe hnub xiab 2 xyoo 3 pe hnub xiab 3 peb tsis mus tsheej npoj suav tsis txheeb li lawv ua no peb tsuas mus 24 leeg xwb tswv tsev cov tub ntxiv 24 leeg thiab xwb qhov no mas yog ua loj thiaj muaj 24 leeg hos ua yau mas 6 leej thiab 12 leeg mus ntxiv tswv tsev 6 leej los 12 leeg thiab xwb.Thaum yuav mus yeej qhia tswv tsev tias peb yuav tuaj 24 leeg ces lawv npaj 24 leeg tos yus.hos thawj xyoo yus tua 3 phom lawv tua 3 phom tos txais yus xyoo 2 yus tua 6 phom lawv tua 6 phom tos txais yus xyoo 3 yus tua 12 phom lawv tua 12 phom tos txais yus.Yog yus tua phom lawv tsis teb ces twb tsis mus nkag mus hauv lawv tsev thiab no nawb.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: ***PE TSIAB.***

    Post  koojziagkabzaug on 5th March 2013, 1:06 pm



    Nyob zoo me tub Koobpovtxuj,

    Ua tsaug ntau rau nws cov lus qhia, tiag tiag mas yog tsuas hnov xwb tsis tau pom dua thiaj li tsis paub. Yog lwm zaus nws ho tau mus pe tsiab los pom lawv pe tsiab no thov nws pab nias ob peb daim duab rau peb tau khaws cia saib.



    PE TSIAB.


    Kab pe tsiab, yog Hmoob ib yam txuj ci kev teev tiam tej niam tej txiv, tej pog yawg, los tej nom tswv laus tau ua luag thawj neeg tau ntau xyoo los lawd.
    Thaum lub xyoo laus tas, Thawj hnub ntawm hnub xiab ib. Hauv lub xyoo tshiab. Cov tub ki, cov hlob cov yau,nrog tsoom xeeb ntxwv, mus pe tej laus tsiab, rau lub xyoo tshiab.
    Lub sim xeeb mus pe tsiab, yog mus txhawb ntaub noj ntawv haus rau tej laus, kom nyob ntev niaj ntau xyoo, thiab thov koob hmoov ntawm tej niam tej txiv, los pog yawg. Kom tej tub ki ua neej nyob huaj vam. Ua lub neej mus nce qib, nyob mus sawm txhiaj nrog lub xyoo tshiab yuav tuaj no.
    Haiv Hmoob lawv nyiam kom tej laus ua neej nyob laus nkoos, plaub hau dawb paug li xov nyiaj, hwj txwv dawb paug li cag dos.
    Ntuj yav pem suab thaud, tej laus nyob mus txog 80 caum xyoo rov yav saud lawm mus rau 100 xyoo. Mas tsis yog cov tub ki ntawm caj ces xwb thiaj pe tsiab, Luag vaj tsab xeem lis kuj tuaj pe tus laus tsiab, thov koob hmoov ntawm nws. Thov lub ntuj lub teb pov hwm tus laus kom tau nyob dawb nyob huv. Ib qho ntxiv kuj yog thov kom tus laus no foom koob hmoov rau tej tub ki los tej xeeb ntxwv kom tau nyob dawb nyob huv nrog lub xyoo tshiab yauv tuaj no mus.
    Hmoob mas lawv nyiam kom tej laus muaj nyob coob leej, ua neeg txwj nyob ntxoov zej neeg laus nyob ntxoov zos. Tsis hais Hmoob xeem twg li tsuav muaj ib tug laus neeg mas txhua lub xeem yeej tuaj pe nws laus tsiab.
    Yog cov tub ki tsis cuab kom ntxov mas luag Vaj Tsab Xeem Lis tuaj lawm luag xub pe ces luag xub tau koob hmoov lawm. Hmoob suav txij li pom kev dawb vog nraum zoov zeem pom neeg tseeb lawm ces pib mus pe tsiab.
    Yog Vaj Tsab Xeem Lis sab nraud tuaj mas lawv tua phom ceeb toom rau tus laus cov tub ki tias lawv tuaj pe tus laus tsiab. Tus laus cov tub ki kuj yuav tua phom los teb tias tus laus nyob hauv vaj hauv tsev tos lawv tuaj lawm thiab.

    Tus txheej txheem pe tsiab:
    Tuaj txog, cov tub tus paub tab paub cai, los mus tsa niam txiv sawv los zaum.
    Hais dej rau ntxuav muag. Hais cov lus li no:
    a-Xyoo laus tas xyoo tshiab tuaj. Peb tsoom tub tsoom ki, tuaj ntxuav koj tus laus muag. Ntxuav kauv dub kauv doog, ntxuav vij dub vij doog. Ntxhua ntaub noj ntawv haus kom lub xyoo tshiab tuaj koj tus laus noj qab nyob zoo nrog lub xyoo tshiab no mus.
    Mam li rub rooj los rau, rub tus laus los zaum sab pem toj. Ce ob khob cawv txawb ntawm tus laus xub ntiag>Sawv daws txhos caug, hais cov lus no:
    b-Xyoo laus tas, koj tus laus muab ntaub noj ntawv haus noj tas haus tas lawm. Peb tsoom tub tsoom kiv, xeeb leej xeeb ntxwv, tuaj sam laj sam siv, sam ntaub noj ntawv haus rau koj tus laus. Kom lub xyoo tshiab tuaj koj tus laus tau nyob kaj nyob huv dej tshiab los tau haus qav tshiab los tau noj, nyob ua luag Txwj zaum ua luag Laus no, ua neeg Txwj nyob ntxoov Zej, ua neeg Laus nyob ntxoov Zos, Ntxoov tub ki, Xeeb ntxwv, leej hlob leej yau. Kom xyoo tshiab no tuaj sawv daws tau nyob kaj nyob huv no lauj.

    Tus Laus noj me ntsis mov tas, ces nws tsa tsoom tub tsoom kiv sawv, nws hais cov lus no:
    c- Sawv lauj. Cov hluas nej saib kuv tus laus no muaj koob muaj hmoov.
    Zaum no, kuv muab koob muab hmoov, rau nej tsoom tub tsoom kiv, xeeb leej xeeb ntxwv coj mus khwv noj khwv haus ncig mus puv 12 lub niaj, 12 lub hlis. Kom tau noj tau haus, noj tsis kawg paus, haus tsis kawg ntsis no lauj. Noj tsis tas cia tau ntiav dag, huas tsis txog cia tau ntiav zog no lauj. Noj tsis qab los khaws tseg tau pub Mab, Haus tsis txhua los khaws tseg tau pub Suav no ov.
    d-Hnub no kuv tus laus foom rau nej tsoom tub tsoom kiv, Foom plig tub plig ki, plig tsiaj plig txhuv, plig nplej qib txhuv ntsuas los rau nej.
    Kuv foob ntaub noj ntawv haus los rau nruab vag nruab tse, rau nej sawv daws, ua noj ua haus nce toj nqes taug, kom tau noj tau haus mus tsis kawg ntsis mus kawg paus no, noj kav mus ib txhiab haus kav mus ib txhis no lauj.
    Tij ua kwv ib zaug ntej los kwv yuav ua tij ib zaug luag thiab, hos kwv ua tij ib zaug ntej lawm los, tij yuav rov ua kwv ib zaug lus thiab no. Xab yij ceeb lub ntuj tsaug niaj liab mev cuam sib tuav tes los hla tsua luag pom luag thiaj li qhuas.
    Xab yij ceeb lub ntuj tsaug, niaj liab me cuam sib tuav tes rwb rawv los mus hla dej luag pom luag thiaj li qhuas nej no mog.

    Cov tub ki mam los rau mov sawv daws noj nrog tus laus.
    Tus kev cai pe tsiab, yuav tau pe kom mus puv peb xyoos, mam li xaus.
    Yog tus laus no nyob tsis txwm peb xyoo, cov xyoo tom qab yuav tau mus pe tom toj ntxas.
    Xyoo xaus mas cov tub ki yuav tau npaj ib tug npua tsim nyog los mus muab kev pe tsiab xaus cia.
    Yog tus laus ntawd nws tseem nyob hais lus meej pem co ua tub ki tsuas npaj rooj noj rooj haus xwb. Tus laus mam los foom. Hos tus laus ntawd tsis nyob lawm los sis nws tsis meej pem lawm phaj txiv ntawd ib tug yuav los foom, nws txawm hluas los yog lub npe txiv lawm nws foom hloov chaw tau. Tsis muaj li lawm cov tub tus paub tab paub cai, nws yuav sawv los hloov nws txiv tus laus chaw foom xaus mus.

    Xib Hwb Yaj Zoov Ntxheb.





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: ***PE TSIAB.***

    Post  Sponsored content Today at 10:55 am


      Current date/time is 6th December 2016, 10:55 am