google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    HLUB HMOOB LUB TSEV PAJ HUAM

    Share

    Hlub Hmoob
    Visitor
    Visitor

    Messages : 6
    Date d'inscription : 2011-10-26

    HLUB HMOOB LUB TSEV PAJ HUAM

    Post  Hlub Hmoob on 12th November 2012, 1:25 pm





    TSHUAV DABTSI...?

    Tshuav dabtsi tsis zoo rau Koj?
    Kuv muab Koj tag Txoj Kev Hlub
    Coj los pub rau Koj ib leeg
    Kuv Tus Kheej thiaj li tsim nyog
    Qhov muaj Koj nyob hauv lub neej
    Muab lub neej txhua yam Koj ntshaw
    Nrog Lub Plawv thiab Txoj Kev Hlub
    Kuv muab pub tag nrho rau koj
    Tsis Xav Kom Koj mus ntshaw Luag
    Txawm Kuv Muaj thiab Kuv yuav pluag
    Los Kuv Yuav khwv rau koj noj
    Tsis cia koj noj ntxuag kua muag
    Txhua yam ua raws koj siab xav
    Hlub koj tag Ntawm Txoj Kev Ntshaw
    Hlub Koj Kawg ntawm txoj kev xav

    Yam kim tshaj ntawm nyiaj thiab Kub
    Yog Kev Hlub kuv muab rau koj
    Hlub Npaum no tshuav dabtsi thiab?
    Kev mob siab Luag dag tau koj
    Twb ua koj tu tu lub siab
    Kuv lub siab Hlub Koj tag nrho
    Ntawm lub mob koj muab rau Kuv
    Kuv kev Hlub Koj puas pom os?
    Yav tag los Luag ua Rau Koj
    Yam lub mob twb tsis txawj zoo
    Kuv ua zoo cas koj tsis pom?
    Tseem raug koj dag tau lawm thiab!
    Tu kuv siab los kuv kua muag
    Koj muab Luag ua tus koj hlub
    Koj muab Kuv ua tus dag Koj
    Kuv muab Koj ua tus Kuv Hlub
    Ntawm Kev Hlub Koj muaj lwm tus
    Koj tsis hlub cas koj tsis qhia
    Koj yuav cia kuv no muaj siab?
    Tu lub siab los kuv kua muag
    nim xav tuag los tuag tsis taus
    Koj xav tau yog dab tsi tiag?
    Hauv koj siab yam twg koj ntshaw?
    Koj kev ntshaw yog dab tsi thiab?
    Yam Koj nrhiav puas yog kev hlub?
    Koj yog Tus Kuv Hlub tag nrho
    Muab tag nrho kuv mi siab ntsws
    Tshuav qhov twg tsis zoo koj siab?
    koj thiaj cia kuv mob lub siab?
    Nrhiav dua tshiab mus hlub nrog luag
    Luag puas yuav hlub kojtiag tiag?
    Yog hais tias Koj mus tau Tus
    Coj siab dub tsis xav hlub koj
    Muaj koj los yuav nrhiav dua tug
    Ntshe yuav tu koj siab li kuv
    Vim Koj hlub los luag yuav tso
    Koj yuav nco txog kuv tej lus
    Tus kuv hlub kom koj paub txog
    Ua neeg nyob tsuas muaj ib zaug
    Koj ntsib tau ntawm tus neeg zoo
    Ntshe Txoj Hmoo thiab Daim Ntawv Raug
    Wb thiaj tau sib ntsib tiam no
    Li cas los kuv hlub Koj mog


    *Sau Los Ntawm: Jean-Thor-TCHA (JTT2012)
    email: dabtsi-kimtshaj-kub@hotmail.fr







    Last edited by Hlub Hmoob on 23rd January 2013, 11:32 pm; edited 1 time in total

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: HLUB HMOOB LUB TSEV PAJ HUAM

    Post  xiongchang on 12th November 2012, 3:31 pm

    ......Thov txim os yom...Tug ntaus tsab ntawv no...Yog txiv neej...Los poj niam...Lo lug pib kiag..."Tshuav dab tsi"...Hlub hmoob..."Tab sis"...Zaj lug kiag...Ho tsi hais...Rau hmoob...Xyov hais rau...Tug txiv...Los hais...Rau poj niam.

    Hlub Hmoob
    Visitor
    Visitor

    Messages : 6
    Date d'inscription : 2011-10-26

    Re: HLUB HMOOB LUB TSEV PAJ HUAM

    Post  Hlub Hmoob on 23rd January 2013, 11:33 pm






    Xav Xov "RAU HMOOB"



    Nyob zoo txog____________________rau Peb tsoom Hmoob
    Uas nyob thoob________________________rau lub qab ntuj
    Peb ib tug_____________________________nyob rau ib qho
    Los tseem nco______________________lub siab tseem tshua
    Tias tseem muaj_____________________Peb ib haiv Hmoob
    Nyob toj roob________________________txog rau tiaj nrag
    Ntuj qub qab___________________tseem tshuav peb Hmoob
    Peb feem coob________________________tuaj teb chaws no
    Tseg Nej cov__________________________rau ntuj qub qab
    Yog muab xav_________________________mas yeej tu siab
    Vim hais tias___________________Peb Hmoob tsawg tsawg
    Tseem tsis raws__________________________li lub siab xav

    Qhov Peb xav__________________________kom nyob ua ke
    Muaj lub npe__________________________li lwm haiv neeg
    Seb puas xeev______________________tsim kho Peb Hmoob
    Kom tau zoo______________________thiab caum cuag luag
    Sub thiaj yuav______________________tsis txom txom nyem
    Txawm tias Peb_____________________nyob teb chaws twg
    Tsis muaj tswv, ________________________tsis muaj tug coj
    Thov Peb nco______________________ntsoov txawj sib hlub
    Peb sib Hlub________________________thiab Peb sib Hwm
    Nyob qhov twg_____________________luag yuav hwm mog!

    Cov tuaj nyob_________________________rau teb chaws no
    Rau siab ntso______________________nrog luag kawm txuj
    Kawm los pub_____________________rau Peb Haiv Hmoob
    Kawm yam zoo_____________________rau Hmoob lub neej
    Seb puas tsheej, _________________puas yuav muaj hnoob?
    Nrog luag zoo_________________________rau yav tom ntej
    Tsis muaj teb, _______________________tsis muaj chaw los
    Tswv Ntuj yog ________________________Tus uas pom zoo
    Peb nco ntsoov_____________________mloog Tswv Ntuj lus
    Nws foom pub_____________________Peb Lub Neej Hmoob
    Peb haiv Hmoob____________________nyob tau txhua qhov

    Peb txawm nyob_______________________rau sab ntuj twg
    Muaj Tus Tswv________________________ua Tus tsom kwm
    Tej nom tswv__________________________luag thiaj li hlub
    Luag thiaj pub_______________________muaj dej muaj num
    kawm luag txuj_______________________ua luag haiv neeg
    Hmoob Lub Neej_______________________thiaj mus zuj zus
    Thov nqua hu_________________________rau Peb txhua tus
    Tswv Ntuj Hlub___________________txog Peb Haiv Hmoob
    Caw Nej mloog________________________Nws lo lus ntuas

    Peb tseem muaj_______________________Peb ib co Hmoob
    Nyob hav zoo____________________txom nyem quaj ntsuag
    Lawv tsis muaj________________________lub chaw cia siab
    Tsis cia siab________________________rau ntawm lub neej
    Ua lub neej____________________________tseem zoo li qub
    Khwv tas hnub_________________________tsis paub caij so
    Hnub poob qho__________________________mam li los tsev
    Txom txom nyem_______________________tas lub siab nrho
    Paub tsis txog_______________________tias muaj Tus Tswv
    Nws Yog Tswv_____________________thiab Yog Cawm Seej
    Cawm Noob neej____________________ntawm sab ntsuj plig

    Kuv thiaj li________________________sau qhia Peb Hmoob
    Nws foom hmoov____________________thaum Peb los cuag
    Txawm Peb yuav_____________________nyob rau qhov twg
    Muab Tus Tswv________________________ua txoj hauv kev
    Nws pub Peb_________________________muaj lub dag zog
    khwv tau noj_________________________Peb ua Nws tsaug
    Txawm yuav raug____________________txoj kev txom nyem
    Peb txom nyem_______________________los Nws paub txog
    Nws xav kom__________________________Peb cia li ntseeg
    Muab lub neej__________________________fij tso rau Nws
    Cia Rau Nws_________________________ua Tus saib xyuas

    Lo Lus Ntuas______________________tuaj rau Peb Hmoob
    Thaum tau zoo, _______________________Nej puas tu siab?
    Peb lub siab, ____________________Puas tsim nyog hloov?
    Ua twb zoo________________________muab thim xav mog!
    Lub neej no_________________________yuav hla tsis dhau
    Txoj Kev Laus____________________Twb Caum Yuav Cuag
    Peb Tseem yuav_____________________tos txog thaum twg?
    Tswv Ntuj xwb_______________________Nws yog Tus Tswv
    Hmoob ib txwm__________________ntawm Hmoob lub neej
    Nyob tsev nqeeb__________________________ua liaj ua teb
    Hmoob cog nplej_____________________thiab cog pob kws
    Hmoob ib txwm____________________tsis paub ntseeg Ntuj
    Kev kawm txuj____________________Hmoob paub tsis txog
    Yuav cas thov_______________________txog Tus Tswv Ntuj

    Tswv Ntuj Hlub_____________________Txog Peb txhua Tus
    Nws yog Tus_______________________Cawm Tau Peb Dim
    Nws thiaj txib_________________________tub xa hmoov zoo
    Tuaj txog Hmoob____________________hav zoov, hav tsuag
    Kom Hmoob Muaj_____________________txoj kev dim dhau
    Yuav Dim tau______________________Yog Lub Siab Ntseeg
    Peb Ua Neeg________________________Tsis Pom Tom Ntej
    Yam Txoj Kev_____________________Tsis Pom Qhov Tseeb
    Yog Muaj Teeb_______________________Yuav pom qhov ci
    Yuav Tau Tiv_______________________nrhiav txoj kev taug


    Lo Lus xaus____________________tuaj ntawm Hlub-Hmoob
    Lo Twg Zoo______________________Thov Nej nrog txhawb
    Thov Nej nawb_______________________Zam Lub txim Pub
    Vim Kev Hlub_____________________thiab Kev Hmov tshua
    Thiaj Tau Muab_________qhia tuaj Peb Hmoob xwb os mog!

    *Sau Los Ntawm: Jean-Thor-TCHA (JTT2013)
    email: dabtsi-kimtshaj-kub@hotmail.fr




    Hlub Hmoob
    Visitor
    Visitor

    Messages : 6
    Date d'inscription : 2011-10-26

    Re: HLUB HMOOB LUB TSEV PAJ HUAM

    Post  Hlub Hmoob on 6th May 2015, 2:03 pm



                                           PAJHUAM HAIS TUAJ NTUAS HMOOB



    Nyob zoo txog rau peb tsoom Hmoob
    uas nyob thoob mus rau txhua qhov
    kuv npe yog TxawjTub xeem TSAB
    kuv yuav tshaj txog zaj xov xwm
    sawv daws twb paub zoo txog lawm
    yog los ntawm ZEB thiab ALAIN
    cov teeb meem tau muaj zaum no

    Ua ntej no thov nej zam txim
    yuav muab piv txog peb cov Hmoob
    cov tuaj poob teb chaws av loj
    thiab cov nyob rau ntuj qub qab
    nej puas xav tias peb yog Hmoob ?
    txawm nyob thoob rau sab ntuj twg
    txog qhov twg luag tias yog Hmoob
    peb lub noob nws yeej tsis ploj
    tej laus coj los lawm ntau tiam
    los lub siab peb yeej tsis hloov
    peb cov Hmoob yog cov tsawg tsawg
    lub teb chaws los peb tsis muaj
    peb tseem yuav ua plaub ua ntug
    tsis sib hlub ua xaiv ua lus
    puas muaj hnub Hmoob sawv ciaj vaj ?
    Nyias tsuas khav koj pab kuv pawg
    ua sawv daws tsis sib koom siab

    Yuav thov qhia hais txog ntawm ZEB
    nyob nplog teb vajtse koj muaj
    koj tsis yuav koj lub meej mom
    muaj tsheb loj txog rau tsheb me
    muaj poj sev tsis ua zoo qhia !
    Neeg muaj nyiaj muaj txiaj npaum koj
    cas yuav coj tus yam ntxwv phem
    muaj HOTEL tsis ua zoo kav
    koj tseem xav tau dab tsi thiab ?
    Koj poj niam koj yeej paub zoo
    yog koj zoo tsis coj li no
    lub neej no txhua yam koj muaj
    cas tseem ua lub neej li nov
    qhov koj poj coj tau li ko
    puas yog koj lub mi tswv yim ?
    Los yog vim koj yeej tsis zoo ?

    Txij li noob cov teeb meem muaj
    peb yeej muaj lub siab lub ntsws
    tim leej twg los yeej paub tau
    peb yeej tau nrog koj mob siab
    yog muaj tiag li koj tau hais
    ntawm txoj cai koj ua tsis yog
    raws li poj thiab yawm ua cia
    Tej laus qhia ntes tau ntawm plab
    yuav tau cab rau txwj laus neeg
    muab ob leeg los nyob ua ke
    noog nkawv seb leej twg tus txhaum
    yog nkawv tau ua txhaum ob leeg
    txwj laus neeg mam phua txoj cai
    koj yuav hais thiab koj yuav ntaus
    thaum ntawv lauv koj thiaj tsis txhaum
    koj xav tau pes tsawg mam nplua
    koj tsis ua raws li txoj cai
    koj tsuas saib yog Hmoob MESKAS
    tsuas hais tham koj mi poj niam
    rho hlo riam rub kiag plaub hau
    ntaus li ntaus thiab nthe li nthe
    luag txawm pe los koj yeej ncaws
    cem, tuav raws koj rab mi riam
    koj tseem ntsiab ALAIN plaub hau
    rho riam ntaus tas lub mi zog
    rho riam yoj koj tua(g) zaum no
    tas lub zog rho roob riam ntaus  

    Koj ua dhau rau ntawm TXOJ CAI
    koj puas ntshai hmoob neej hmoob tsav ?
    Tub ua Lag ua Luam li koj
    muaj zoo poj tsis ua zoo hlub
    qhia tej tub kom zoo li txiv
    koj tsuas siv koj lub mi siab
    neeg puv tiaj puas txaj muag os ?
     
    Yog vim koj peb ib tsoom HMOOB
    xav tsis thoob tau ib ntus no  
    hais rau koj hnub no tom ntej
    koj lub npe yuav poob zuj zus
    KOJ ib tug nyob ntuj Qub Qab
    koj tseem xav rawv TXOJ KEV PHEM
    hais lus cem txog peb TSOOM HMOOB
    koj lub NOOB los Qhov Twg los ?
    Ntiaj teb no twb nyob Tiaj Tus
    LUAG yim mus rau kev Vam meej
    cas koj tseem nyob lub neej qub ?

    Peb txhua tus uas tseem yog Hmoob
    tseem NCO ntsoov txog DAIM  AV Nplog
    tseem nco txog Hmoob Neej Hmoob Tsav
    Tus uas xav li cas los muaj
    rov los xyuas lub teb lub chaw
    thov sawv daws txhob coj li qub
    NEJ xav HLUB Leej twg Yeej tau
    Tham HLUAS NKAUJ xwb yeej tsis txhaum
    Txhob lam tau mus tham Luag tus
    YOG tau HLUB thiaj li tsim nyog

    Yuav hais txog ntawm nej COV NTXHAIS
    Txoj KEV XAIV Ua Txij Ua Nkawm
    yog peb NTSHAW kom muaj lub neej
    Hlub TXIV NEEJ nws tsis yooj yim
    yuav tau siv lub sij hawm mog
    Deb Npaum no rau ib SAB NTUJ
    Txoj Kev HLUB koj ntseeg PUAS TAU ?
    Yuav Tsum PAUB Luag Caj LUAG Ces
    INTERNET Yog kev KAWM Txuj
    FACEBOOK thiab Tej Mi DUAB
    TXHOB Mus MUAB Tso yus LUB NPE

    Koj LUB CEV uas yog NKAUJ XWB
    ib zaug xwb Ntawm Koj LUB NEEJ
    YUAV tau CEEV tus kheej Kom Zoo
    Kev Ua Zoo Yog Txoj KEV KAWM
    Txhob mus NTSHAW txog nyiaj DOLLAR
    Siv txawj tas, Lub NEEJ Koj POOB
    xav kom zoo yuav tau mus KHWV
    ib hnub twg yuav nrog luag muaj

    Kuv yuav muab Hais Rau ALAIN
    Cas ua neeg yuav RUAM ua luaj !
    Koj tau Tuaj Nyob Rooj Teb no
    Koj tau hlob nrog Kev KAWM TXUJ
    Cas KUV HLUB Txog KOJ ua luaj !
    Raug luag npuaj thiab raug luag ntaus
    Koj KAWM tau cas koj tsis siv ?
    Tham lus ntxhi hauv Lub Xov Tooj
    Koj Puas MLOOG tsam Yog luag POJ ?
    Luag NTXIAS koj TEJ NYIAJ Dollar
    Koj RAUG DAG ces yog Zaum No
    HLUB Txog KOJ os Tus Mi Npawg
    Peb sawv daws nrog koj mob siab
    Tsuas TUS TSIAJ thiaj Rho RIAM TUA
    Tsuas Tus Npua thiaj Rho Riam nkaug
    Ua tub QAUG tag PEB TSOOM Hmoob
    Peb Yog Hmoob Neej Hmoob Hmoob Tsav
    Yeej TSIS XAV kom muaj li no
    Muab saib los koj RUAM tiag li

    Niam thiab Txiv tu koj loj hlob
    NKAWV Qhia KOJ thauv koj Tseem YAU
    Tsis tau ntaus ib NRIG ib PAS
    Qhov no Ntag Yog nkawv KEV HLUB
    Qhia tej TUB txog Rau Tej NTXHAIS
    Yuav ROV HAIS txog KOJ Tug KHEEJ
    Kev Ua Neej nyob ntiaj teb no
    TUS UAS COJ LUB SIAB LIM HIAM
    Luag Tsis Cia Kom MUAJ SIA nyob
    hnub no koj VIM yog RAUG NTXIAS
    koj TXOJ SIA thiaj li tseem nyob
    Tom ntej no ua twb Zoo Saib
    Yug tau NTXHAIS ua Twb Zoo Qhia
    Yuav tau qhia rau yus Tej TUB
    Tsis txhob PUB Yuam KEV ntxiv lawm
    Rov los kawm Txoj KEV ua ZOO
    Kawm YAM ZOO rau YUS Lub NEEJ
    NPAJ LUB NEEJ rau yus yav laus
    Raws kuv paub Vajtswv HUB Koj
    Nws pub koj muaj txoj sia nyob
    yuav tau thov thiab ua Nws tsaug
    YUAV HAIS RAU PEB IB TSOOM HMOOB
    NEJ TXHOB NROO THIAB NEJ TXHOB LUAG
    TSIS YOG THUAM THIAB YOG KHAV
    YOG XAV PAB MUAB QHIA peb Hmoob
    Kom lub moo hnub no tom ntej
    Nyob rau PEB 18 Xeem Hmoob
    Txawj ua zoo Nyob rau qhov twg
    Peb SIB HWM thiab Txawj SIB HLUB os

    sau los ntawm : hlub_hmoob_JTT (france2015)


                                            PAJHUAM HAIS TUAJ NTUAS HMOOB

    Nyob zoo txog rau peb tsoom Hmoob
    uas nyob thoob mus rau txhua qhov
    kuv npe yog TxawjTub xeem TSAB
    kuv yuav tshaj txog zaj xov xwm
    sawv daws twb paub zoo txog lawm
    yog los ntawm ZEB thiab ALAIN
    cov teeb meem tau muaj zaum no

    Ua ntej no thov nej zam txim
    yuav muab piv txog peb cov Hmoob
    cov tuaj poob teb chaws av loj
    thiab cov nyob rau ntuj qub qab
    nej puas xav tias peb yog Hmoob ?
    txawm nyob thoob rau sab ntuj twg
    txog qhov twg luag tias yog Hmoob
    peb lub noob nws yeej tsis ploj
    tej laus coj los lawm ntau tiam
    los lub siab peb yeej tsis hloov
    peb cov Hmoob yog cov tsawg tsawg
    lub teb chaws los peb tsis muaj
    peb tseem yuav ua plaub ua ntug
    tsis sib hlub ua xaiv ua lus
    puas muaj hnub Hmoob sawv ciaj vaj ?
    Nyias tsuas khav koj pab kuv pawg
    ua sawv daws tsis sib koom siab

    Yuav thov qhia hais txog ntawm ZEB
    nyob nplog teb vajtse koj muaj
    koj tsis yuav koj lub meej mom
    muaj tsheb loj txog rau tsheb me
    muaj poj sev tsis ua zoo qhia !
    Neeg muaj nyiaj muaj txiaj npaum koj
    cas yuav coj tus yam ntxwv phem
    muaj HOTEL tsis ua zoo kav
    koj tseem xav tau dab tsi thiab ?
    Koj poj niam koj yeej paub zoo
    yog koj zoo tsis coj li no
    lub neej no txhua yam koj muaj
    cas tseem ua lub neej li nov
    qhov koj poj coj tau li ko
    puas yog koj lub mi tswv yim ?
    Los yog vim koj yeej tsis zoo ?

    Txij li noob cov teeb meem muaj
    peb yeej muaj lub siab lub ntsws
    tim leej twg los yeej paub tau
    peb yeej tau nrog koj mob siab
    yog muaj tiag li koj tau hais
    ntawm txoj cai koj ua tsis yog
    raws li poj thiab yawm ua cia
    Tej laus qhia ntes tau ntawm plab
    yuav tau cab rau txwj laus neeg
    muab ob leeg los nyob ua ke
    noog nkawv seb leej twg tus txhaum
    yog nkawv tau ua txhaum ob leeg
    txwj laus neeg mam phua txoj cai
    koj yuav hais thiab koj yuav ntaus
    thaum ntawv lauv koj thiaj tsis txhaum
    koj xav tau pes tsawg mam nplua
    koj tsis ua raws li txoj cai
    koj tsuas saib yog Hmoob MESKAS
    tsuas hais tham koj mi poj niam
    rho hlo riam rub kiag plaub hau
    ntaus li ntaus thiab nthe li nthe
    luag txawm pe los koj yeej ncaws
    cem, tuav raws koj rab mi riam
    koj tseem ntsiab ALAIN plaub hau
    rho riam ntaus tas lub mi zog
    rho riam yoj koj tua(g) zaum no
    tas lub zog rho roob riam ntaus  

    Koj ua dhau rau ntawm TXOJ CAI
    koj puas ntshai hmoob neej hmoob tsav ?
    Tub ua Lag ua Luam li koj
    muaj zoo poj tsis ua zoo hlub
    qhia tej tub kom zoo li txiv
    koj tsuas siv koj lub mi siab
    neeg puv tiaj puas txaj muag os ?
     
    Yog vim koj peb ib tsoom HMOOB
    xav tsis thoob tau ib ntus no  
    hais rau koj hnub no tom ntej
    koj lub npe yuav poob zuj zus
    KOJ ib tug nyob ntuj Qub Qab
    koj tseem xav rawv TXOJ KEV PHEM
    hais lus cem txog peb TSOOM HMOOB
    koj lub NOOB los Qhov Twg los ?
    Ntiaj teb no twb nyob Tiaj Tus
    LUAG yim mus rau kev Vam meej
    cas koj tseem nyob lub neej qub ?

    Peb txhua tus uas tseem yog Hmoob
    tseem NCO ntsoov txog DAIM  AV Nplog
    tseem nco txog Hmoob Neej Hmoob Tsav
    Tus uas xav li cas los muaj
    rov los xyuas lub teb lub chaw
    thov sawv daws txhob coj li qub
    NEJ xav HLUB Leej twg Yeej tau
    Tham HLUAS NKAUJ xwb yeej tsis txhaum
    Txhob lam tau mus tham Luag tus
    YOG tau HLUB thiaj li tsim nyog

    Yuav hais txog ntawm nej COV NTXHAIS
    Txoj KEV XAIV Ua Txij Ua Nkawm
    yog peb NTSHAW kom muaj lub neej
    Hlub TXIV NEEJ nws tsis yooj yim
    yuav tau siv lub sij hawm mog
    Deb Npaum no rau ib SAB NTUJ
    Txoj Kev HLUB koj ntseeg PUAS TAU ?
    Yuav Tsum PAUB Luag Caj LUAG Ces
    INTERNET Yog kev KAWM Txuj
    FACEBOOK thiab Tej Mi DUAB
    TXHOB Mus MUAB Tso yus LUB NPE

    Koj LUB CEV uas yog NKAUJ XWB
    ib zaug xwb Ntawm Koj LUB NEEJ
    YUAV tau CEEV tus kheej Kom Zoo
    Kev Ua Zoo Yog Txoj KEV KAWM
    Txhob mus NTSHAW txog nyiaj DOLLAR
    Siv txawj tas, Lub NEEJ Koj POOB
    xav kom zoo yuav tau mus KHWV
    ib hnub twg yuav nrog luag muaj

    Kuv yuav muab Hais Rau ALAIN
    Cas ua neeg yuav RUAM ua luaj !
    Koj tau Tuaj Nyob Rooj Teb no
    Koj tau hlob nrog Kev KAWM TXUJ
    Cas KUV HLUB Txog KOJ ua luaj !
    Raug luag npuaj thiab raug luag ntaus
    Koj KAWM tau cas koj tsis siv ?
    Tham lus ntxhi hauv Lub Xov Tooj
    Koj Puas MLOOG tsam Yog luag POJ ?
    Luag NTXIAS koj TEJ NYIAJ Dollar
    Koj RAUG DAG ces yog Zaum No
    HLUB Txog KOJ os Tus Mi Npawg
    Peb sawv daws nrog koj mob siab
    Tsuas TUS TSIAJ thiaj Rho RIAM TUA
    Tsuas Tus Npua thiaj Rho Riam nkaug
    Ua tub QAUG tag PEB TSOOM Hmoob
    Peb Yog Hmoob Neej Hmoob Hmoob Tsav
    Yeej TSIS XAV kom muaj li no
    Muab saib los koj RUAM tiag li

    Niam thiab Txiv tu koj loj hlob
    NKAWV Qhia KOJ thauv koj Tseem YAU
    Tsis tau ntaus ib NRIG ib PAS
    Qhov no Ntag Yog nkawv KEV HLUB
    Qhia tej TUB txog Rau Tej NTXHAIS
    Yuav ROV HAIS txog KOJ Tug KHEEJ
    Kev Ua Neej nyob ntiaj teb no
    TUS UAS COJ LUB SIAB LIM HIAM
    Luag Tsis Cia Kom MUAJ SIA nyob
    hnub no koj VIM yog RAUG NTXIAS
    koj TXOJ SIA thiaj li tseem nyob
    Tom ntej no ua twb Zoo Saib
    Yug tau NTXHAIS ua Twb Zoo Qhia
    Yuav tau qhia rau yus Tej TUB
    Tsis txhob PUB Yuam KEV ntxiv lawm
    Rov los kawm Txoj KEV ua ZOO
    Kawm YAM ZOO rau YUS Lub NEEJ
    NPAJ LUB NEEJ rau yus yav laus
    Raws kuv paub Vajtswv HUB Koj
    Nws pub koj muaj txoj sia nyob
    yuav tau thov thiab ua Nws tsaug
    YUAV HAIS RAU PEB IB TSOOM HMOOB
    NEJ TXHOB NROO THIAB NEJ TXHOB LUAG
    TSIS YOG THUAM THIAB YOG KHAV
    YOG XAV PAB MUAB QHIA peb Hmoob
    Kom lub moo hnub no tom ntej
    Nyob rau PEB 18 Xeem Hmoob
    Txawj ua zoo Nyob rau qhov twg
    Peb SIB HWM thiab Txawj SIB HLUB os

    sau los ntawm : hlub_hmoob_JTT (france2015)


    Zeb yaj and Alain Lee made it on the local KMPH News




    Hlub Hmoob
    Visitor
    Visitor

    Messages : 6
    Date d'inscription : 2011-10-26

    Re: HLUB HMOOB LUB TSEV PAJ HUAM

    Post  Hlub Hmoob on 11th May 2015, 1:54 am



    PAJHUAM HAIS TUAJ NTUAS HMOOB

    Thov hawm txog peb ib tsoom Hmoob
    Tsis hais Hmoob nyob teb chaws twg
    Nyob qhov twg los tsuav yog Hmoob
    Thov Nej mloog lo lus tuaj ntuas
    Kuv ROV muab txog zaj XOV XWM
    Uas tau tshwm hais txog ntawm Zeb
    Los qhia Peb ib zej tsoom Hmoob
    Yam tsis zoo muab tso tseg mog
    Yam tsis yog twb ua dhau lawm
    Thov sawv daws ho nrog xav thiab
    Los koom siab peb sib hlub dua
    Txhob mus muab ua xaiv ua lus
    Peb ib tug nyob rau ib qho
    Lo uas yog yeej yuav tau hais
    Los tsuav hais raws li qhov muaj
    Tsis txhob muab los ua teeb meem
    Peb tsuas cheem thiab Peb tsuas kho
    Kom zaum no tsis txhob muaj ntxiv
    Lo lus chim tseg rau hauv siab
    Mam sib qhia lawm yav tom ntej
    Vim tias peb sawv daws yog Hmoob
    Peb tsis coob txhob ua li no
    Txhob sib tog yam li tej dev
    Nyob luag teb yuav yoog luag txuj
    Luag thiaj hlub Luag thiaj hwm Peb
    Tsis tas Peb yuav cem yuav thuam
    Tseem yuav ua muaj kev tu siab
    Nej xav tias tsis yog peb xwb
    Tej nom tswv nyob ntiaj teb no
    Luag twb kho los kho tsis tas
    Peb ua cas yuav los kho tau ?
    Tus ua txhaum muaj nom muaj tswv
    Yog tus twg ua dhau txoj cai
    Luag yuav saib thiab luag yuav taug
    Txij li thaum cov teeb meem muaj
    Tsuas hais muaj txoj kev chim siab
    Ntawm kuv kiag kuj chim ib yam
    Tab kuv xav muab ua kev kawm
    Qhia sawv daws peb muab tso tseg
    Tus ua phem ua twb zoo qhia
    Txhob mob siab ua zoo sib hais
    Txhob muab hais kaug ub kaug no
    Yuav ua mob kis rau txhua tus
    Hmoob thaum ub tsis coj li no
    Sawv daws nyob tsis nco txog txhawj
    Hmoob sawv daws ua liaj ua teb
    Hmoob cog nplej thiab cog pob kws
    Hmoob ib txwm ntawm hmoob lub neej
    ua tsev nqeeb rau tej toj roob
    Hnub no hmoob nyob puv teb chaws
    Lub teb chaws ua tsov ua rog
    Hmoob khiav los txog rau Thaib teb
    Cov muaj npe tawm txawv teb chaws
    Nej sawv daws nej puas tseem nco ?
    Kua muag nrog nco tag PEB HMOOB
    Puas muaj hnoob rov los sib ntsib
    Ncaim kwv tij nkauj muam nraug nus
    Khiav tuaj mus nyob rau Luag ntuj
    Txoj kev hlub tshua hmoob tom qab
    NEJ PUAS XAV NEJ PUAS TU SIAB ?
    Peb lub siab puas tsim nyog hloov ?
    Ua twb zoo muab thim xav mog !
    Txawm peb nyob rau sab ntuj twg
    Peb sib hwm thiab peb sib hlub
    Luag thiaj pub muaj dej muaj num
    kawm luag txuj ua luag haiv neeg
    Kom lub neej Hmoob mus zuj zus
    Thov nqua hu rau Peb txhua tus

    Peb ib tug nyob rau ib qho
    Los tseem nco lub siab tseem tshua
    Tias tseem muaj Peb ib haiv Hmoob
    Nyob toj roob txog rau tiaj nrag
    Ntuj qub qab tseem tshuav peb Hmoob
    Peb feem coob tuaj teb chaws no
    Tseg Nej cov rau ntuj qub qab
    Yog muab xav mas yeej tu siab
    Vim hais tias Peb Hmoob tsawg tsawg
    Tseem tsis raws li lub siab xav

    Qhov Peb xav kom nyob ua ke
    Muaj lub npe li lwm haiv neeg
    Seb puas xeev tsim kho Peb Hmoob
    Kom tau zoo thiab caum cuag luag
    Sub thiaj yuav tsis txom txom nyem
    Hmoob NPLOG TEB txog rau MESKAS
    CANADA, thiab HMOOB FABKIS,
    AUSTRALIE, Thiab Hmoob THAIB TEB,
    Txog SUAV TEB mus rau NYAB LAJ
    Kom NEJ XAV tias PEB YOG HMOOB
    Yog lub NOOB Ntuj tau tso los
    Txhob Sib Hnyos Sib Cav Sib Ceg
    TXHOB Khwv Phem ib leeg rau ib leeg
    NTSHAW Lub NEEJ thaum ub HMOOB ua
    Sawv daws ua HNUB NO ces tau
    Lo Lus xaus tuaj ntawm HLUB-HMOOB
    Lo Twg Zoo Thov Nej nrog txhawb
    Thov Nej nawb Zam Lub txim Pub
    Vim Kev Hlub thiab Kev Hmov tshua
    Thiaj Tau Muab qhia tuaj Peb Hmoob xwb os mog!

    *Sau Los Ntawm: Hlub_Hmoob(JTT2015, FRANCE)
    email: dabtsi-kimtshaj-kub@hotmail.fr








    Sponsored content

    Re: HLUB HMOOB LUB TSEV PAJ HUAM

    Post  Sponsored content Today at 10:55 am


      Current date/time is 6th December 2016, 10:55 am