google-site-verification: googlefbfddf59e706b96b.html

Latest topics

» KHAWV KOOB
by koobpovtxuj 30th September 2017, 4:29 pm

» Koobpovtxuj.
by koobpovtxuj 25th September 2017, 10:00 am

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    KEV TSOB HWB TUS NEEG MOB & npaj lub ntees

    Share
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    KEV TSOB HWB TUS NEEG MOB & npaj lub ntees

    Post  koojziagkabzaug on 14th January 2013, 12:51 pm



    Feem 1

    KEV TSOB HWB TUS NEEG MOB.


    Muab los ntawm phau ntawv:

    "KAB KEV PAM TUAG
    TXHEEJ TXHEEM"





    Thaum Hmoob muaj ib tug neeg mob yuav tuag mas Hmoob ua ntau yam rau. Tab sis yuav piav tsis tas raws li tej yam Hmoob tau ua txhij ua txhua rau.
    Mua bib qho piv txwv me me hais txog ib tug laus mob los piav raws li nram no :
    Thaum Hmoob muaj ib tug neeg laus mob, lawv tau ua neeb yaig kho tas los tsis zoo, tshuaj kuj muab kawg kev los tsis zoo, khawv koob kuj ua txhua thiab fiv yeem tas los tus mob kuj tsis zoo li. Thaum ntawd lawv pom hais tias ua li cas los tus mob ntawd yeej yuav tsis nquag li xwb, mas cov tub ki thiaj mus tshawb nws tej tsoos laus : Yog cov ris tsho uas lawv yeej npaj cia puag thaum hluas los rau, hos yog tus poj niam mas yog cov tsoos phij cuam rau nws thaum ua nws lub tshoob.
    Lawv muab cov tsoos laus ntawd rau nws hnav. Lub caij ntawd lawv tso kev ua neeb ua yaig tseg c es lawv saib xyuas tsob hwb tus neeg mob lawm xwb.
    Thaum lawv paub hais tias lawb niam lawv txiv tus mob yuav tsis zoo lawm tiag ces cov tub, cov nyab, cov ntxhais lawv kuj yuav tau nug ntau yam ntawm tus neeg mob. Vim lawv xav paub seb lawv niam thiab lawv txiv yuav hais dab tsi tseg rau lawv.
    Yog thaum tus mob haj tseem hais taus lus, mas nws kuj yuav teb lawv cov lus rau lawv.
    Cov tub yuav nug zoo li no :
    « Txiv (niam) ! Tav nov ! Luag hais tias xyov koj tus mob puas yuav zoo los tsis zoo ? Hais los lus tsis yog lus, hais ua mab sua tug os ! Yam li dab tsi, koj tus mob tsis tso koj ned ! Koj los ua peb niam peb txiv ib zaug, koj yuav hais li cas rau peb cov ua tub ua kiv nyob tom qab thiab ? »
    Yog nws tseem hais taus lus mas nws yuav teb rau lawv tias :
    « Nej sawv daws nyob es nej rau rau siab mus ua noj ua haus, txhob mus nrog luab plhoj luag twv, tsam luag ua tau noj tau haus, nej ua tsis tau noj tsis tau haus ces luag saib tsis taus nej ov mog ! Nej nyob es nej tej kwv tij txawj sib hlub, tus hlob hlub tus yau, tus yau ho hwm tus hlob, sawv daws nyob mloog lus os mog ! Nej tsis txhob mus nrog luag ua plees ua yi, tsis txhob mus nrog luag plhoj luag twv, txhob mus nrog luag twv txiaj yuam pov, txhob mus nrog luag ua plaub ua ntug. Nej ua neej nyob ces nej yuav txhob ua li nej lub siab nyiam es luag tej thiaj li yuav nyiam ov mog ! Zaum no kuv tu nej hlob tiav niam tiav txiv tas, nej twb ua taus nej niam nej txiv ces nyaj nej yuav txawj xav nej lawm. Kuv tsuas hais li no rau nej xwb mog !»

    Thaum muaj ib tug laus mob heev tuaj li ntawd, mas tej tub ki yuav ntau xov mus rau nws tej ntxhais vauv, tej kwv tij, tej neej tsa nyob deb kom tuaj xyuas. Lub caij ntawd, cov neeg txheeb ze, cov neeg nyob hauv lub zej zog tus puas kuj yuav tuaj nrog cov tub ki zov thiab.
    Yog muaj tej kwv tij neej tsa uas noj xwm me ntsis, xws li muam phauj, dab laug, txiv hlob txiv ntxawm. Cov tub yuav thov kom pab nug lawv niam lawv txiv seb nws tej qub txeeg qub teg, tej nyiaj txiag, tej tsiaj txhu, tej qoob loo ho muaj npaum li cas, tshuav npaum li cas ? Lawv niam lawv txiv yuav faib li cas rau cov tub, yuav faib li cas rau cov ntxhais ?
    Tos luag thov ib tug ob cag nug li no los yog vim ntshai tsam lwm hnub niam txiv tuag tas ces cov tub ki sib txeeb ua ntxhov nyho tom qab. Vim li no thiaj txhob txwm thov ib tug sab nraud los nug niam txiv kom tau lo lus feeb meej tseg. Hos tus nug ntawd yuav tsum ua pov thawj rau cov tom qab.
    Tus lawv thov ntawd nws yuav nug zoo li no :
    « N… awv ! Tav nov ! Hais lo lus zoo hais los yuav tsis zoo mloog, hais lus tsis yog lus, hais ua mab ua suav tug ! Tav nov, koj tub koj kiv thov kom kuv nug koj ib los ! Yog hais tias muaj txoj hmoo, koj txawj mov lov txawj zoo, koj zoo rov los nrog sawv daws nyob los kuj haj yam zoo. Hos yog thaum koj tus mob tsis tso koj tseg es koj ho tsis nquag nev ! Ua li koj me qub txeeg qub teg, tej nyiaj txiag, tej tsiaj txhu, tej qoob loo koj ho yuav hais li cas ? »

    Yog hais tias nws tseem hais taus lus mas nws yuav qhia thiab yuav feeb txog tej qub txeeg qub teg, tej nyiaj txiag, tej tsiaj ntxhu , tej qoob loo rau tus neeg nug ntawd. Nws yuav tsum faib kom koob pheej rau cov tub ki.
    Hos yog tias nws nkees nyhav, nw stwb hais tsis taus lus lawm no mas lawv tos txog hmo hais txiv xaiv, ces lawv ywj cia rau cov kev neej kev tsav thiab xeev txwj laug feeb saum lub rooj hais xim rau cov tub ki yuav.
    Lub caij tus laus mob yuav tuag li ntawd, cov tub cov ntxhais yuav los zov nws. Yog nws tseem hais taus lus, cev tau tes, mas nws yuav cev tes tuaj plhws lawv.
    Thaum lawv pom hais tias nws txoj sia yau zuj zus yuav tuag tiag tiag, mas cov tub yuav tsuag puag nkaus tsa hlo sawv los zaum. Thaum ntawd tas sawv daws yuav hu ntsuag qees ntau yam. Raws li mua bib qho piv txwv hu li no :
    « Txiv (niam), koj nco ntsoov ov mog ! Ntxeem tiag kom koj tau rov qab los, koj rov qab los nrog peb nyob ua peb txiv (niam) os mog ! Koj lawm ces peb yuav tsis nrog luag muaj niam muaj txiv os mog ! Koj ua tiag ntxeem kom rov tau los nrog peb nyob os mog ! Peb txom txom nyem los koj ua nia mua txiv nrog peb nyob ces peb thiaj li zoo siab nrog luag ua neeg os mog ! »

    Lawv tseem muaj lus hu ntau tsav ntau yam ntxiv, tab sis tsuas muab ob peb los no hais ua piv txwv xwb.
    Thaum lawv zov thiab lawv hu li no mas cov tub cov ntxhais puav leej yuav tsum tuav tus mob ntawd tes rawv. Lawv tuav tes thiab hu mus kom txog rau thaum tus mob ntawd txoj sia tu kiag.
    Thaum tus mob txoj sia tu nrho, yog hais tuas tsis muaj dab tsi tawm hauv qhov ncauj qhov ntswg los mas cia li. Hos yog muaj qaub ncaug los yog muaj ntrswg tej tawm los, mas cov tub ki yuav cev tes mus so kiag tsis pub kom nrog. Lawv yuav coj mus so rau tej daim ntaub los yog tej daim ntawv, nqa coj mus tso tij ywm hauv tej qab phav los yog mej loos cia. Tej qhov zoo li no mas yog luag hais tias yog niam txiv tuag es niam txiv tseg koob hmoov rau tej tub ki nyob tom qab.
    Lub caij ntawd, tas sawv daws thiaj li ua ib tsaug nyiav tus tuag.

    Raws li tej qhov tau piav tas los no, Hmoob thiaj raug nyhav hais tias tej tub ki tau tuav niam txiv tes nce hauv toj tiag.

    Thaum txog hmo hais xaiv, nyob saum lub rooj hais xim mas cov kev neej kev tsav luag tseem nug txog tej tub ki puas hlub niam hlub txiv, zov niam zov txiv, seb puas tau tuav niam tuav txiv tes nce hauv toj, tej tub ki puas tau niam tau txiv lus tseg.
    Yog tej tub ki tau ua raws li piav tas los no mas luag kev neej kev tsav kuj yuav tsis hais dab tsi. Hos yog lawv tsis tau ua raws li piav tas los saum toj no mas luag yuav cem thiab yuav thuam cov tub ki ma ntsis.


    Mam txuas ntxiv.


    Last edited by koojziagkabzaug on 16th January 2013, 12:45 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: KEV TSOB HWB TUS NEEG MOB & npaj lub ntees

    Post  xiongchang on 14th January 2013, 2:23 pm

    ......Me muam kooj ziag kab zaug as...Hmoob keeb kwm...Yeej coj li...Koj piav hauv no mas..."Tab sis"...Kuv tug kheej...Kuv niaj hnub hais...Rau kuv peb tug tub...Ob tug ntxhais tias...Nej xav tau...Kuv tej lug zoo...Kav tsij yuav koob yeeg duab..."Video"...Nrog kuv tham niaj hnub no...Kuv tseem noj taug...Nco qab ntsoov...Hais qhov twg?...Yog qhov ntawd..."Kaw cia"...Rau nej nawb...Nej txhob tog...Hnub mob nyav...Pw tsev kho mob nkeeg...Ntxig xov yas..."Dawb vog"...Rau pa..."Oxygen"......Hnub ntawd...Kuv tsi nco qab tej lug zoo..."Tseem ceeb lawm"...Kev ua neej...Ntuj dub...Ntuj txig...Paub hnub nyob...Tsi paub hnub tuag...Kev qhuab ntuag...Cem hlob...Cem yau...Yav tas lawm...Ces poob...Txiv coj xai...Tej lug...Hmo qhua xim...Luag dov pob zeb...Puag pem ncov roob...Ntog tsaws paj...Tsaws poog nqeg hav...Nej txais...Tsi tau...Luag hais paj lug...Luag tsi txhais ntsiab lug...Nej tsi nkag siab...Tsi to taub...Xyov luag hais dab tsi?...Nej paub lug:...America...Ntau xwb...Nej tsi paub lug hmoob zoo...Hmo ntawd...Yuav tsaus nej ntuj...Khaws tsi tau...Ib lo lug..."Tseem ceeb ua neej"...Tug cim xeeb zoo...Khaws tau lo puav...Tug cim xeeb...Tsi zoo...Cuag li...Ua npau suav xwb...Niam tau zoo..."Looj mem"...txiv tau zoo..."Sauv toj"...Los pab tsi tauj nej nawb...Qhov pab tau nej...Rau siab ntso...Kawm ntawv...Txog qeb siab...Xyaum zoo...Tsim txiaj ncus...Tau hauj lwm zoo..."Ciaj nom - Tsheej tswv"...Tau zaum luag..."Rooj ntaub"...Tau sawv luag..."Rooj ntawv"...Zaum luag..."Hauv rooj"...Hais luag..."hauv lug"...Xub tau noj..."Thawj txhais nqaij"...Tau haus luag..."Thawj khob cawv li"...Kuv tug kheej no...Yav tas lawm...Thaum noob nyoog...Kaum xya xyoo 1971...Txog ntua 2010...Kev ua neej...Txhob tog looj mem...Txhob tog sauv toj...Txoj tog niam txiv poj yawm...Txhob tog ntuj nag...Txhob tog ntuj tshav...Txhob tog yawm saub...Txhob ua vaub kib pw xyoo...Tsam luag hlawv toj tuaj kub tuag...Thaum fai fab...cig ntsa iab dawb paug...Yuav tau yuav teeb khoo cia...Yuav roj ntses:...Candle...Los cia...Yuav teeb txhuam...Yuav ntais ntawv..."Faj seeb"...Yuav xya yim lub taub..."Gas"...Faj seeb tsi txhaum...Yuav ob peb lub qhov cub ua noj haus cia...Thaum fai fab tuag...Thiaj tau siv...Txhua lub tsheb...Txhab sam roj.."Gasoline"...Kom puv nkaug...Tsam cua daj ntaus...Cua dub nplawm...Hluav tawg xob tuag...Qhov roj nyob ntawd...Nqug tsi tawm...Yuav ua li cas?...Kuv cov lug no...Yog lug ua neej neeg...Tsi yog lug npau suav ov?...Me muam kooj ziag kab zaug...Yog koj tsi ntseeg...KThov caw koj...Ua muam mus nug txhua tug hmoob...Kawm ntawv siab tiav:...Dr...Seb lawv puas paub os.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: KEV TSOB HWB TUS NEEG MOB & npaj lub ntees

    Post  koojziagkabzaug on 16th January 2013, 12:32 am



    Tij laug Xyooj Tsab,

    Txoj kev vam meej tsis yog tuaj hauv av rau yus yog yus yuav txhawm peem los
    Txoj kev thaj yeeb tssi yog poob saum ntuj los yog yus yuav tsum qheb siab nrhiav

    Yog Peb hmoob tsis hloov peb lub siab luag txawm muab kev cai lij xhoj loj npaum li cas los peb yeeb poob qab
    Yog Peb hmoob tsis qheb qho muag ua neej luag txawm muaj kev twj lij los peb yuav tssi pom

    Yog peb tsis pom qhov zoo peb yuav tsis sib poj sib poog
    Yog peb tsis paub qhov phem peb yuav nyob tsis tau ua ib teb

    Tij laug, nyob Fab Kis teb, cov uas nyiag nqaij hauv ntees pib muaj me me lawm thiab, tab sis peb tsawg tsawg ces peb saib xyuas tau. Yog nyaj tau me ntsis ces lawv tsis thov nws ua hauj lwm ntxiv lawm ces nws ua tsis tau ntxiv lawm. Yog cov txheeb ze kiag los lawv kuj muab yuam sij cob rau ib tug neeg tuav ces kuj ceev tau me ntsis thiab. Kuj muaj cov uas ho lauj lwm yam khoom yuav coj los ua noj los kuj muaj thiab tab sis tsis ntau heev.

    Kuv pom Peb Hmoob cov ntees nyob USA mas yuav tau txo kom me dua, vim tus tuag twb tuag lawm, cov nyob twb nyuaj siab ncua hauj lwm tseg ces tssi tau nyiaj xwm yeem. Tseem ho mus nyob tsheej tsev rau lawv yug kom txog hnub uas ho coj tus qauv los pam, mam ua lub ntees loj loj loj txab txab tshawv tshawv mas yog ib qho nyuaj heev. Ua lub ntees loj loj los tej neeg tuaj twb tsis tuaj xyom, tuaj zov txias. Lawv tuaj zov sov, tuaj nquam paj nquam nruas lom zem noj tsau xwb tsis tsim nyog li.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: KEV TSOB HWB TUS NEEG MOB & npaj lub ntees

    Post  koojziagkabzaug on 16th January 2013, 12:45 am



    FEEM 2
    THAUM IB TUG TUAG TU SIAV NRHO LAWM .

    A. TEJ YAM UA THAUM TU SIAV.
    Quaj, nyiav tua phom ceeb toom zej zog, tshuab qeej ntxuav muag thiab tu zam rau tus tuag .
    Thaum muaj ib tug laus txoj sia tu nrho raws li feem 1 UAS TAU PIAV TAS LOS UA NTEJ LAWD ; Muaj cov kwv tij los yog tej tus paub tab hauv tsev neeg ntawd mus nrhiav kiag kom tau ib fab ntau liab coj los dua ua tej pluaj dav li ibn ti, ntev li ib tshim tej. Nws muab coj los khi kom txhua cov neeg nyob hauv lub tsev ntawd. Tsis hais tsev neeg kiag los cov zej zog tuag nyob hauv lub tsev tuag ntawd los puav leej khi rau tib si. Pluaj ntaub liab mas lawv khi rau ntawm caj dab los rau ntawm caj npab kuj tau.
    Tus khi ntawd, nws coj mus khi mas nws ke khi ke ntuas li no :
    « Vuav ! Kuv khi N…no ov ! Kuv khi kom nw stsis txhob saub raws tub tuag qab, khi kom nws tssi txhob seev raws tub tuag lw ov ! Khi kom nws tsis txhob saub lawm kev ploj, tsis txhob seev lawm kev tuag ! Kuv khi nws rov los nrog txwj nrog nkawm, khi nws los nrog kwv nrog tij, nrog viv nrog ncaus, los nrog tub nrog kiv ! Kom los zov vaj zov tsev, los nrog ncej cub sib puag ntub, nrog ncej txag sib puag pw, los zov cub zov tawg, zov txaj zov chaw… »

    Tua phom zaum ib.

    Ua ke lub caij ntawd, ib tug tub xyom cuab los yogi b tug txheeb ze yuav mus nrhiav rab phom coj los cob rau tus tuag txhais tes, ces nws hais rau tus tuag li no :
    « N…ov ! koj tsis txhob ntshai ov ! Kuv muab rab phom no ua koj yaig koj luag, koj hnov kuv suab phom suab hneev nrov koj tsis txhob ntshai ov ! »

    Ua li nov ces tus tuav phom thiaj li nqa rab phom tawm mus tua lawm nraum zoov. Ua ntej nws yuav tua phom mas nws ntuas zoo li no :
    « Vuav ! Kuv tua no ov ! Kuv tua phom ua lawm tub tuag yaig tub tuag luag, tua rau tub tuag coj mus txhaws kev mab kev suav ov ! »
    Hais li no tas ce smam tua peb phom sib law liag. Kuj ho tua ob los peb phom txuas ntxiv, yog tua ceeb toom zej zog. Tua phom tas ces nws nqa phom coj los cia rau hauv tsev.

    Npaj tsoo zam rau tus tuag.
    Lub caij ntawd mas cov xyom cuab tab tom quaj nyiav ntsuag nqees, cov neeg zej zog hnov ces lawv tuaj saib tuaj xyuas thiab tuaj sib pab muab tus tuag tu zam.

    Thaum tua phom tas li piav los saum toj mas cov nyab, muam phauj, dab laug thiab cov ntxhais yuav mus nrog tshawb tus tuag tej tsoos ris, tsoos tsho thiab npaj xaws tej yam tsoos uas tsis muaj txawm peem.
    Tej yam tsoos uas luag npaj rau ib tug neeg laus hnav mas muaj li no :
    - Yog txiv neej tuag : Feem xyuam nws ntiag tug muaj ib lub ris, ib lub tsho, ib nkawm nrhoob, ib daig teem kiam, ib nkawm khau noog, ib txoj phuam, ib txoj siv. Cov nov luag hais tias cov niam txiv khwv puab khwv peem, loj puab ceg txheem.
    Dua li mas cov tub cov nyab yuav tsum npaj rau lawv txiv, ib txwg tub nyab ib ce ntxiv thiab. Yog cov tub nyab coob leej es muab rau hnav tsis tag, ces lawv muab pua los yog rau ncoo.
    - Yog ib tug poj niam : Feem xyuam nws ntiag tug mas yog cov tsoos uas thaum ub nws neej nws tsav muab phij cuam rau nws coj los ua tsoos laus, nrog rau cov nws los khwv tau muaj ib daim tiab, ib lub tsho, ib daig sev, ib txwg quas sev, ib txoj phuam, ib txoj siv ceeb, ib nkawg nrhoob, ib nkawg khau noog, ib daim teem kiam.
    Dua li mas cov tub cov nyab yuav tsum npaj rau lawv niam, ib txwg tub nyab ib ce ntxiv thiab. Yog cov tub nyab coob leej es muab rau hnav tsis tag, ces lawv muab pua los rau ncoo.
    Lub sij hawm ua ke thaum lawv tab tom quab nyiav thiab tshawb tsoos rau tus tuag hnav, muaj ib tug yeej mus ce ib lauj kaub dej coj los rhaub ahuv qhob cub tseg.
    Lawv nrhiav tau lub rooj los yog ib lub kawm los khwb rau ntawm tag. Thaum tshawb tau cov tsoos txhij, ces lawv mam li pab tsaws tus tuag nqa los zaum rau saum lub qab kawg los yog lub rooj uas npaj rau ntawd lawm.

    Piav ib qho, muaj nqee hom hmoob uas yuav tsum tshuab qeej ntxuav mua grau tus tuag.


    Thaum coj tus tuag ntawd coj los zaum saum lub qab kawg lawm. Yog tias cov txawj qeej mas lawv yuav mus muab qeej los tshuab zaj qeeb ntxuav mua grau tus tuag . Yog cov tub tsis muaj tus txawj tshuab los lawv yuav tsum thov lwm tus txawj qeej los pab tshuab zaj qeej ntxuav muag. Saib raws li hauv Phau Zaj, cov zaj qeej phab 629.
    Tshuab qeej rau tas, mam li ntxuav muag thiab tu zam rau.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: KEV TSOB HWB TUS NEEG MOB & npaj lub ntees

    Post  koojziagkabzaug on 16th January 2013, 12:47 am





    TU ZAM RAU TUS TUAG HNAV.

    Thaum lawv nqa tus tuag los zaum ntawm tag lawm ces lawv muab lauj kaub dej kub ntawd tov ib cov dej txia kom sov so tso rau hauv ib lub phiab loj. Cov tub yuav los sib pab ntxuav tus tuag. Lawv hle tus tuag ntawd cev ris tsho qub tseg lawv mam li mua bib txoj phuam los tub cov dej hauv lub phiab coj los ntxuav kom tag nrho tus tuag ib ce tib si.
    Cov tub ntxuav tus tuag, hos cov nyab kuj sib pab ntxuv thiab ntsis tus tuag cov plaub hau.
    Raws li hmoob kev cai mas thaum ntxuav tas, cov tub nyias yuav cug nyias ib co kua ntxuav seem hauv lub phiab ntawd, nyias coj mus hliv rau hauv nyias lub qab txag. Lawv tsis pub nchuav pov tseg rau nraum zoov tej.
    Lawv ntxuav tus tuag tas lawm ces lawv mam li muab cov tsoos tshiab coj los sib pab kho rau tus tuag hnav. Yog hais tias muaj ntau lub tsho, ntau daim tiab mas lawv yuav tsum muab sib thom ua ke, ces mam li muab rau tus tuag hnav kiag tas nrho.
    Thaum kho cov tsoos tsho rau tus tuag hnav mas yuav tsum yog cov tub nyab kho ntau xwb. Lawv yuav tsum ceev faj, nco ntsoov nchos cov khauv ncaws kom zoo zoo mam li muab rau tus tuag hnav. Qhov no vim ntshai tsam muaj tej tus siv siab, mua bib yam dab tsi ntsaws rau hauv tej tsoos rau tus tuag hnav, ces nram qab yuav fam rau cov ua neej nyob.
    Thaum lawv tu zam rau tus tuag hnav zoo zoo lawm, ces lawv mus nrhiav ib daim txiag, qhov dav thiab ntev mas kom txaus tso tus tuag pw. Lawv coj los pua rau ntawm ib sab ncej tas, mua bib daim ntaub teem kiam (ntaub pua txaj) coj los pua rau ntawm daim txiag ntawd, muab cov khau ncaws uas tus tuag hnav seem coj los rau ncoo, muab lub hnoob ncoos (ib daim paj ntau dav li ib tshim xwm fab ) coj los pua rau ntawm hauv ncoo, thiab dua plaub pluaj ntaub dav li peb nti, ntev li ib dag tej coj los puas ua plaub ntus rau ntawm daim teem kiam. Npaj tej no pua tas, ces lawv mam li tsaws tus tuag coj los pw ntxeev tiaj rau ntawm qhov chaw ntawd.
    Pw tas ces lawv muab plaub pluaj ntaub uas pua ntawm daim teem kiam coj los pav tus tuag plaub ntus, xws li pav ib pluaj ntawm caj npab, pav ib pluaj ntawm ob txhais tes, ib pluaj ntawm ob txhais ncej puab thiab ib pluaj ntawm ob txhais kav hlaub ua ke.
    Qhov lawv pav no tsis yogi b qho kev cai dab qhuas dab tsi, tsuas yog pav kom tus tuag xyab ncaj thiab zoo saib xwb.
    Thaum kho tau tus tuag pw zoo tas, ces tas sawv daws thiaj mam li los zaum ncig tus tuag ntawd quaj nyiav.

    Rov tua phom zaum ob.
    Lub caij ntawd, tus tua phom thawj zaug, rov mus muab rab phom los cob rau tus tuag txhais tes, nws rov hais rau tus tuag ib yam li thawj zaug thaum tu siav nrho.
    Nws coj rab phom mus txog nraum zoov, raws li kev cai tiag mas thaum tu zam tau tua cuaj pom, xws li tua 3 phom ua yaig ua luag, tua 3 phom sawv kev mab kev suav, tua 3 phom tom qab ntxiv xa moo tuag.
    Tua phom tas ces nqa nrab phom rov los cia rau qhov qub chaw. Sawv daws quaj nyiav tus tuag ib pluag tas, ces yuav ua dab tsi los mam li ua mus raws li yuav piav ntxiv tom ntej.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: KEV TSOB HWB TUS NEEG MOB & npaj lub ntees

    Post  koojziagkabzaug on 16th January 2013, 1:08 am



    B.XYOM CUAB SAB LAJ NRHIAV TUB NCIG.


    Thaum tu zam rau tus tuag tas, lub caij ntawd cov xyom cuab hauv tsev mas ntxhov siab dhau, tsis pom qab yuav ua dab tsi, tsuas khaws quaj khaws nyiav lawm xwb.
    Cov yuav sab laj mus nrhiav tub ncig mas yog cov kwv tij txheeb ze ntawm cov xyom cuab. Lawv thiaj tau mus sib sau ua ke, sib tham sib faib txog yuav mus nrhiav tub ncig, tub qav tub num. Thaum lawv sib tham yuav nyob rau qhov twg los tau.
    Ua ntej yuav tso neeg mus thov cov tub ncig mas lawv kuj yuav tsum nug cov tub seb lawv puas yuav npaj pam lawv niam lawv txiv zoo li cas ? Ces thaum lawv sab laj ntawd, lawv thiaj pom qab mus xaiv tus neeg tuaj ua kom phim lub ntees.
    Lawv tso ob tug cov kwv tij txheeb ze mus nrhiav tub ncig. Thiab kom nkawd xub mus thov cov tub hauj lwm uas yuav ua thawj nqe kab ke ua ntej dua cov.
    Tej tus uas nkawd yuav xub mus thov thiab tuaj ua ntej mas yog tus qhuab ke, ob tug txiv qeej thiab ob tug kav xwm. Dua li mas mam li mus thov tom qab thiaj tuaj tom qab me ntsis los tau.
    Tsis hais mus thov tus tub hauj lwm twg, ob tug mus thov tub ncig ntawd nqa ib hwj cawv thiaj ib lub pib (khob), ces nkawd cia li sawv kev mus.

    KEV CAI THOV TUB NCIG.

    - Ob tug thov ntawd nqa cawv mus txog hauv luag tsev los yog nyob qhov twg los xij, nkawd yuav tsum mus sawv ze zog ntawm tus neeg uas nkawd yuav thov.
    - Nkawd yuav zaum los sawv kuj tau, tsis muaj kev cai dab tsi.
    - Tus ua thawj nqa hwj cawv, nws hliv ib pib cawv cev rau tus uas yuav thov, ces nkawd hais li no :
    « Ab ! N…(hais tus thov ntawd lub npe) , tav nov ! N…(hais tus tuag lub npe), nws tau tsis nyob lawm ! Peb tsis pom qab thov dag yuav zog, ces peb thiaj li txhob txwm taug kev ntsoov tuaj thov koj, vam koj mus pab ua hauj lwm, nrog peb xyom cuab nta dab nta qhua no ! Tav no ! nws nyob tsis ua caij, tuag tsis ua nyoog lauv ! Nws ho tua grau lub niag caij maj caij rawm los tsis pom qab thov leej twg thiaj li xav thov koj mus pab ua N…(taw kev, kav xwm, txiv qeej, tshwj kab thc…)Cuag li yuav tuaj luab lim koj xwb los thov koj ua siab ntev, ua tiag pab peb thiab lauj ! »

    Yog hais tias nws muaj chaw caiv los puas muaj hauj lwm ceev yuav ua thiab ncua tsis tau mas nws yuav yig raws li nws qhov hauj lwm, ces ob tug ho mus thov dua lwm tus.
    Hos yog nws kam lees ua mas nws yuav teb li no :
    « Ab ! Luag tias nws txawm nyob tsis ua caij, tuag tsis ua nyoog, nws ho tuag tau lub niag caij maj caij rawm lawm los cav tsis yam li txoj kev ua lag ua luam, kev ua qoob ua loo yuav ua thaum twg los nyaj tsis lig. Niag kab mob kev tuag ces cav tsis yog leej twg tug os ! Txawm yog ntshai tej ntwb ntu no es sawv daws thiaj li yuav los nyob sib dai sib raws ! Txawm tias maj npaum li cas los yuav tau mus sib pab tso ! Tab ntshai kuv tsis txawj ua xwb lauv ! »

    - Thaum luag lees li no tas, ces ob tug thiaj li ua ib tsaug pe ib pes thiab hais ib los li no :
    « Ab !Nws txawm tuag lub caij maj caij rawm lawm, koj yeej yuav tsis xyeej thiab los koj yeej yuav tau ua tiag ua siab ntev pab thiab lauj ! Muaj lus ua koj tsaug, nco koj tshav ntuj lauj mog ! »

    - Tus nkawd tuaj thov ntawd thiaj li teb tsa nkawd tias :
    « Sawv ! Sawv ! Tsis txhob pe, ncauj hais xwb twb tau lawm mog ! Niaj kab mob kev tuag ces ciav tsus ua leej twg tug, sawv daws yeej yuav tau sib pab xwb os ! Ntshai tsam kuv tsis txawj es ua tsis tau raws li xyom cuab lub siab xav xwb lauv ! »

    - Thov tau lawm ces ob tug thiaj rov qab los tsev los puas ho mus thov dua lwm tus ua lwm txoj hauj lwm ntxiv.
    Kev cai mus thov neeg mas, txawm mus thov tus tub hauj lwm twg los yeej ua ib yam nkaus li piav tas los no, tsuas yog thov nyias tuaj ua nyias txoj raws li yus xav siv lawv ua xwb.

    COV TUB NCIG HAUV KAB KE PAM TUAG.
    Cov neeg uas luag yuav tsum mus thov tuaj ua hauj lwm nyob rau hauv lub ntees tuag ntawd, mas muaj li no :
    - Ib tug txiv qhuab ke.
    - Ob tug txiv qeej.
    - Ob tug tsav thawj los yog kav xwm.
    - Ob tug txiv thwv los yog tshwj kab.
    - Ob tug sib thawj los yog kwv dej.
    - Ob tug tshaj thawj los yog txiav taws.
    - Ob tug niam fam txam los yog niam ua mov.
    - Ib tug kav diav.
    - Ib tug ywj kab los yog taws teeb.
    - Ob tug niam diaj zeb tuav cos.
    - Ob tug txiv txiag.
    - Ib tug cuab tsav.
    - Ib tug hauv rog.
    - Ib tug tsav phom.
    - Ib tug txiv nkauj.

    Cov tub ncig tseem ceeb uas yuav leg hauj lwm nyob hauv lub ntees tuag mas muaj li no xwb.
    Dua li mas tseem muaj ntau tus uas yuav thov ua tej yam hauj lwm pab ib pliag los yogi b qho tseem ceeb tej. Cov nov mas yog thaum txog caij yuav siv mam li thov kiag tam sim ntawd xwb.

    Piav ib qho ntxiv txog thov neeg.
    - Yogi b lub me nyuam ntees, mas tsuas thov ib feem hauj lwm twg ib tug xwb los tau.
    - Yog cov Hmoob tsis tsa rog mas tsis thov tus hau rog.
    - Raws li Hmoob kev cai ntawm txoj kab mob kev tuag, mas thaum luag tuaj thov txog yus mus pab ua hauj lwm , yus tsis muaj cai yig. Yog luag thov txog yus lawm mas yus yeej yuav tsum mus nrog luag ua xwb. Yog hais tias yus muaj mob, caiv ntees, muaj hauj lwm ceev ncua tsis tau, thiab yus tsis txawj ua feem hauj lwm ntawd mas yus mam li yig.

    Thaum ob tug Xyom Cuab mus thov cov tub ncig txhij txhua lawm, mas nkawd rov los qhia cov noj xwm ntawm tsev Xyom Cuab paub.
    Tus qhuab ke yuav tsum tuaj ua ntej tshaj plaws cov tub ncig tas nrho.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: KEV TSOB HWB TUS NEEG MOB & npaj lub ntees

    Post  xiongchang on 16th January 2013, 12:55 pm

    ......Me muam kooj ziag kab zaug...Kev cawm...Ntxov cawm...Thaum ciaj sia...Thiaj muaj nuj nqis...Thaum txoj sia tu tuag lawm...Tseev ua zoo npaum cas?...Los tug neeg ntawd...Tsi nco yug txiaj ntsig...Tsi ris yug txiaj ntsha...Lam ua...Kom raug ntsej muag...Teb chaws...Txhob luag xwb os.

    ......Kev ua neej...Muaj ob zaug...Zoo tshaj plawg xws li...Zaum niam yug...Tshwm sim...Los ua neeg...Puv peb tas kig...Niam txiv muab qaib qe..."Nqee plig"...Zaum ob...Yog yuav...Yuav poj niam...Yuav txiv...Niam txiv poj yawm...Yuav qaib npua nyuj twm..."Hu ob leeg plig - Txis ua niam txiv txwj nkawm...Zaum peb...Yog zaum xaus...Lub neej lawm os...Me muam kooj ziag kab zaug aws.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: KEV TSOB HWB TUS NEEG MOB & npaj lub ntees

    Post  koojziagkabzaug on 17th January 2013, 10:31 am



    NPAJ TEJ YAM YUAV QHUAB KE



    Tus qhuab ke yuav tsum tuaj ua ntej tshaj plaws cov tub ncig tas nrho.
    Thaum qhuab ke tuaj txog hauv lub tsev tuag, cov xyom cuab yuav mus hu nws raws li kev cai, rub rooj rau nw szaum.
    Tus thawj xyom cuab uas paub tab me ntsis thiaj mam li los hais rau tus Qhuab Ke tias :
    « Ab ! N… ! Tav nov yog vim peb tsev mob tsev tuag tseg puas tseg ntsoog ! Peb thiaj li tuaj thov txog koj, kom koj tuaj pab xa nws laus mus cuag poj cuag yawm ! Ua li mas thov koj ua tiag pab peb thiaj lauj mog ! »
    Tus Qhuab Ke teb tias :
    « Aub ! Nej xyom cuab vam txog kuv los kuv cav tssi niam paub ntau thiab, ces ntshe kuv yuav ua niag tom ntej tom qab xwb lauj ! Ntshe tsuas lam ua kom tag txoj kab txoj kev nkaus xwb lauj ! »
    Xyom cuab yuav teb tias :
    « Txawm tias koj txawj li cas los tseev li cas xwb lauj !Luag tias txawm txawj npaum li cas los ua tas yeej tsis sawv rov los lawm ! Tsuas yog ua kom tas kab tas kev xwb los yeej zoo zoo lawm lauj ! »
    Lawv hais li no tas ces lawv tso lo lus no tseg.
    - Lawv thiaj mus rub ib lub rooj rau ntawm tag, muab ib lub to grau sab pem toj, mua bib hwj cawv nrog ob lub pib (khob) coj los tso rau saum rooj.
    - Tus thawj xyom cuab mam li mus rub tus txiv Qhuab Kev los zaum tuaj sab pem toj. Hos cov xyom cuab los sawv nram qab rooj tib si.
    - Tus thawj xyom cuab tsaws ob pib cawv saum lub rooj rau tus txiv Qhuab Ke.
    - Tsaws cawv tas ces tus thawj xyom cuab ho los sawv nrog cov xyom cuab ua ib txig, tig xub ntiag rau tus txiv Qhuab Ke, ces nws hais zoo li no :
    « Khwv saum koj Txiv Qhuab ke os ! Tav no ! Vim peb xyom cuab tsev ploj tsev tuag, tsev puas tsev ntsoog ! Peb tsis pom qab thov dag yuav zog ! Thiaj tau vam txog koj Txiv Qhuab ketuaj pab peb xyom cuab nta qav nta num, nta dab nta qhua ! Cuag li yuav luab lim koj Txiv Qhaub ke los thov koj ho ua siab ntev pab xa nws laus kom muv txog poj txog yawm ! Peb xyom cuab muaj lus ua koj tsaug, nco koj tshav ntuj lauj mog ! »
    Hais li no tas ces sawv daws ua ib tsaug pe ib pes.
    - Thaum lawv pe ntawd, tis Txiv Qhuab Ke ho yuav tsum txaum yim teb tsa cov xyom cuab li no :
    « Sawv lauj mog ! Ad ! Nej txawm vam txog kuv los kuv cav tsis niam paub thiab lauj ! Ntshe yuav ua niag tom ntej tom qab, tsis raws li nej xyom cuab lub siab xav los thov nej ho zam lub txim thiab lauj mog ! »
    Thaum pe li ntawd tas, ces tus Qhuab ke thiaj li mua bob khob cawv lawv ce rau nws ntawd , tsaws ib khob rau tus thawj xyom cuab, ces nkawd ob leeg mam li haus ua ke.
    Cov xyom cuab cob hauj lwm li no tas rau Txiv Qhuab ke lawm, ces txiv Qhaub Ke mam li mus nug xyom cuab txog kev dab kev qhua thiab tus tuag ntawd chaw nyob chaw yug.
    Txij ntawd mus ces tus Txiv Qhuab Ke yuav tsum pib npaj nws cov hauj lwm mus kiag. Yog hais tias tej yam tsis muaj txawm peem los nw smam li kom xyom cuab mus nrhiav rau nws raws li nws yuav tsum siv nyob hauv nws zaj taw kev.

    COV TWJ QHUAB KE UAS YUAV COJ MUS SIB THAUM LUB CAIJ QHUAB KE MUAJ RAWS LI NRAM NO :


    1- Ib tug txhib ntawg.
    - Txiav ib tig xyoob luaj li ntiv tes, ntev li ib dos, kom muaj pob quas nruab nrab.
    - Muav tog paus txhij kom tus tus, hos hliav tog ntsis.
    - Muab phua ob sab kom sib luag zos.
    Tus txhib ntawg no mas luag hu ua « tus cwj qhuab kab » los yog « tus cwj qhuab ke ».
    Nyob hauv txhua yam yuav cob yuav hais tau tus tuag mas luag yuav tsum siv tus ntxhib ntawg ntawd los ua tus qhia lus ntawm Neej thiab Dab.

    2- Ob lub hwj.
    - Npaj ib hwj cawv yuav laig dab. Lub no mas cia li muab txawb ntawm daim txiag laig dab xwb.
    - Hos npaj ib lub hwj qhuav cia hliv cov cawv laig dab rau hauv.
    Lub hwj qhuav mas mua bib txoj hlua khi ntawm lub ncauj hwj kom zoo dai, ces muab txawb rau ntawm lub tais laig nyag. Thaum tsa nees lawm ho muab dai rau ntawm tus tiag nees.
    3- Lub pib laig cawv.
    Hos txiav ib tug xyoob luaj ntiv taw xoo, ntev li ob yag tes , tseg pob nram qab kom hliv tau cawv rau hauv. Lub pib xyoob ntawd yog ua lub khob thaum laig cawv rau tus tuag thaum lub caij ua txoj cawv.

    4- Ib rab diav.

    Npaj ib rab diab nplooj los rau lub tais laig nyag kom tau laig nqaij laig hno rau tus tuag.

    5- Ib taig dej sov.
    - Nej npaj raub ib co dej rau hauv keem.
    - Muab tsaws los tov dej txias kom sov so tso rau ntawm tus tuag ib sab tseg. Los puas muab cov dej ntawd hliv rau hauv ib lub phiab mas haj yam zoo dua.
    Cov dej yog yuav npaj los ntxuav tus tuag qhov muag thaum tus Txiv Qhaub Ke tab tom taw kev ces nws mam ntxuav.

    6- Ib daim ntaub ntxuav muag.

    - Mua bib daim ntaub maj los puas ntaub pag dawb dav kwv yees li ib dos xwm fab.
    - Muab daim ntaub coj los tso nrog lub phiab dej sov.
    Daim ntaub dawb no yog npaj los rau tus Txiv Qhuab ke ntxuav tus tuag ntsej muag thaum nws tab tom qhuab ke.

    7- Ib co kua dis mov nrog ib lub qe.
    - Mua bib taus tes txhuv coj los hau hauv tej lauj kaub khis tej.
    - Ua ke ntawd, kuj mua bib lub qe qaib ahu nrog cov kua dis thiab.
    Lub qe thiab cov kua dis yog npaj laig ua hno qho tshaib rau tus tuag thaum tab tom qhuab ke.

    8- Ib lub kaus ntawv.
    - Muab ib daim ntawv dawb dav li ib dos txhais, ntev li plaub tsib dos tej.
    - Muab tais ko mua tej nre dav li ntiv tes raws feem dav.
    - Mua bib tug pas xyoob luaj li ntiv tes, ntev li ib dos txhais tej, ces muab tus pas xyoob ntawd phua me ntsis pem hauv pas.
    - Muab tus pas xyoob ntawd cuam daim ntawv tais ua nre tu nruab nrab. Ua li ntawd tag, mam li muab cov nre nthuav los sib xaws ua ke, ces zoo li lub kaus.
    Lub kaus no yog npaj rau tus tuag coj mus kwv lawm toj tshav kub dawm tshav ntaiv, toj tsaus huab dawm tsaus cua, coj mus ntis huab ntis cua, ntis tshav ntis nag.

    9. Ib rab hneev nrog ib xib xub.
    - Nrhiav tej rab hneev uas niaj hnub tua noog kuj tau.
    - Yog tsis muaj tej rab qub hneev, mas yuav tsum txua dua ib rab hneev tshiab thiab zob ib xib xub cuam rau rab hneev.
    Rab hneev no mas yog npaj rau tus tuag coj mus ua yaig ua luag mus lawm dab tuag teb .

    10 . Ib lub tais laig nyag.

    - Txiav ib lub tais plhuaj taub, ces muab lub plhuaj tau tho ob los plaub lub qhov rau ntawm lub ncauj.
    - Mua bib txoj hlua ncau los yog hmab coj los khi kom zoo muab khuam thiab zoo nqa.
    Lub tais plhuaj taub no yog lub npaj ntim tus qaib npog tais, ntim cov mov, cov nqaij laig dab thiab ntim lub kaus ntawv.
    Thaum kwv mus tshwm tshav thiab kwv mus sam sab, mas tus cuab tsav yog tus nqa lub tais laig nyag ua tus tuag ntej.

    11. Ib tug qaib npog tais.
    - Npaj ib tug qaib qua raws los ua qaib npog tais los yog qaib hauv ncoo.
    - Yog yuav npaj los sib thaum tus Qhuab Ke tab tom qhuab ke.
    Tus qaib no mas luag coj los ua tus qaib cab kab cab kev rau tua tuag, coj tus tuag kev mus lawm dab tuag teb.

    12.Ib nkawm khau maj khau ntuag.
    - Npaj ob tshuas ntuag los yog tsaj uas yog cov tseem tsis tau saws ua paws.
    - Muab cov ntuag ntawd coj los xuab ua tej txoj hlua kom luaj li tus xub, ces muab coj los ntxias ua ib nkawm khau.
    Nkawm khau maj khau ntuag no mas yog muab rau tus tuag coj mus rau tsuj lawm toj kab ntsig dawm kab ntsuab, ces nws thiaj li yuav mus taus lawm dab tuag teb.

    13. Peb lub cos maj cos ntuag.
    - Npaj cuaj pluag ntuag los yog tsaj kuj tau.
    - Muab peb pluag ntuag coj los quav mus quav los khi ua ib lub cos kom ntev li tus ntiv tes tej.
    - Ib lub cos ntuag twg mas tsuas siv peb pluaj ntuag khi xwb.
    Ces cuaj pluaj ntuag ntawd kom khi tau peb lub cos.
    Cov cos maj cos ntuag no mas luag npaj rau thaum tus Qhuab Ke tab tom qhuab ke, ces nws yuav muaj ib nqes hais txog cov cos maj cis ntuag kom kom tus tuag coj mus ntsaws rau ncauj zag tsov lo mas nws thiaj li yuav tau kev dhau mus lawm dab tuag teb.

    14.Ib daim ntau npog ncauj.
    - Npaj ib daim ntau yaj pwm liab kom dav li ib xib ntau.
    - Yog tsis muaj ntau mas txiav ib daim ntawv xyoob los yog ntawv cev tej dav li ib xib ntau tej xwb los tau.
    Daim ntaub los yog daim ntawv no mas yog yuav npaj coj los npog tus tuag lub qhov ncauj. Luag hu ua daim ntaub npog ncauj los daim ntawv npog lo. Yogi b rab ntxuam rau tus tuag coj mus ntxuam huab ntxuam cua rau toj tsaus huab dawm tsaus cua, ces nws thiaj li tau mus lawm dab teb.

    15. Ib daim txiag.

    - Npaj txiav ib daim txiag ntoo dav li ib dos ntau mus rau ob dos tej, ntev li ib tshim.
    - Muab daim txiag tws kom du, kom zoo txawb khob thiab hwj cawv tsis nchuav.
    Daim txiag ntoo no yog npaj los ua daim txiag laig dab, txawb hwj cawv laig dab, lub khob cawv laig dab thiab ntaus txhib ntawg. Yog tus tuag lub rooj noj mov.

    16. Ib tum xav txheej.

    - Mua bib phob ntawv loj coj los tais ua tej daim me me dav li ib xib ntau, ntev li ib noos tej.
    - Muab txiab los txiav cov ntug ntawv tais ntawd pov tseg kom tau ib phau xav txheej kwv yees li nees nkaum tawm daim tej.
    Cov xav txheej no mas yog npaj rau thaum tus Qhuab Ke nws taw kev mus txog rau nqe ua tsaug teb tsaug chaw thiab yuav hla teb hla chaw, ces luag muab hlawv rau tus tuag coj mus them nuj them nqe thiab ntiav Mab ntiav Suav xa nws.

    17. Ib ntim txhuv qe.
    - Mua bib lub ntim hais ib co txhuv tso rau hauv kom pheej lias.
    - Khaws ib lub qe qaib nyoos los txawb rau hauv plawv.
    - Mua bib tswm xyab tsis hlawv los txhos rau.
    - Muab ntim txhuv qe ntawm los txawb rau ntawm tus tuag ib sab, nyob rau phab ntawd tus Qhuab Ke yuav zaum.
    Ntim txhuv no mas yog xyom cuab yuav tsum npaj los hu tus Qhuab Ke plig.

    18. Ib rab riam.
    - Npaj ib rab riam ntse hau los txhos rau ntawm tus txiv Qhuab Ke xub ntiag.
    Rab riam mas yog tus txiv Qhuab Ke npaj kem neej thiab dab. Vim nws ntshai tsam tus tuag huas tau nws tus plig nrog tus tuag mus lawm. Thiab ib qho mas yog ntawm tus kws Xib Hwb coj li cas mas nws yuav tsum ua raws li nws kawm ntawm tus Xib Hwb tau qhia los.
    Muaj tej tus Txiv Qhuab ke mas tsis siv rab riam no.

    19. Ib lu braj kuv twg. (Yog cov hmoob tsa rog)
    - Txiav ib tug xyoob luaj dab teg, ntev li ob dos tej, tsis muaj pob quas nruab nrab.
    -Muab txhij ob tog kom tus ib yam nkaus.
    Lu braj xyoob no yog lu braj kub twg tshuab thaum tsa rog. Hmoob hais tias yog lu braj kub twg tshuab nqua hu thiab txhib peeb zeej peeb muas mus ntau Suav rog.

    20. Ib daim txhib ntag. (Yog cov hmoob tsa rog)
    - Txiav ib daim txhib xyoob luaj ob nti, ntev li ob dos tej, mua bob tog thais kom zoo khi hlua.
    - Mua bib txoj hlua ncau los yog hmab kom ntev li ib yag npab coj los khi rau ob tog xyoob.
    - Mua bib daim ntau dub ntev li ib tshim, dav li ib dos txhais coj los khuam cuam rau ntawm daim txhib xyoob.
    Daim ntaub no luag hu ua daim txhib ntag los yog daim chij rog. Yog yuav npaj rau tus tuag ua chij tuag.
    Luag siv daim ntaub no rau tus hau rog ntau rog ncig tsev thaum ua kab ke ntaus rog.
    Yog cov Hmoob tsis tsa rog mas lawv tsis npaj lu braj kub twg thiab tsis npaj daim ntaub ntaus rog.
    Dua li txhua ya muas tau piav tas los no, mas tsis hais hom Hmoob twg los yeej yuav tsum siv tas tib si.

    Raws kev cai, thaum tus Txiv Qhuab Ke yuav pib qhuab ke ntawd, mas cov xyom cuab yuav tsum mus nrhiav ib pluaj ntaub liab dav li ibn ti, ntev li ib tshim tej coj los khi tus Txiv Qhuab Ke caj dab los yog khi rau ntawm dab teg kuj tau.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: KEV TSOB HWB TUS NEEG MOB & npaj lub ntees

    Post  xiongchang on 17th January 2013, 12:11 pm

    ......Ha...ha... lg lg...Me muam kooj ziag kab zaug as...Yav ntuj thaum teb chaws nplog...Tuag kiag...Tib pliag xwb...Yam ntev kawg...Peb xuaj moos...Qhuab ke lawm...Pam peb hnub plaub hmos...Kwv sam sab faus...Tug tuag ntawd...Tau ntaub ntawv sai...Txog dab tuag teb...Ntxooj dab sai...Tsi txom nyem siab ntsws...Kuv tsi paub zoo...Nej cov nyob teb chaws fab kis...Ncua ntev pes tsawg hnub...Mam thaum tug tuag...Los ua kev cai...Peb covnyob teb chaws mes kas...Rho sai kawg nkaug...Peb as thiv...Ib txhia mas...Yuav luas ob hlis...Mam thau los ua kev cai...Tug tuag ntawd...Nyuaj siab kawg nkaug zoo li...Cov tib neeg togdav hlau nram:...AirPort...Tsi tau ntawv nce dav hlau...Tau pw hauv tsev:...Airport...Zov dav hlau tsheej hli ntau...Nyob dhuav siab tas li...Mam tau mus...Xav rov qab...Saum yaj ceeb...Txoj sia tu lawm...Tsi tsheej neeg...Mus nruab dab...Tsi tau ntaub ntawv...Ntxooj tsi tau dab li..."Khuam ntab - Khuam ntuv - Kho siab khuav - Tsi pom qab - mus tog ntuj twg?"...Kuv piav raws li...July 6, 1999...Kuv ib tug qub hluas nkauj tuag...Los ua npau suav qhia rau...Kuv paub li ntawd...Mos los hais qhia...Kuv plaub zaug...Mam tau mus lawm.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: KEV TSOB HWB TUS NEEG MOB & npaj lub ntees

    Post  koojziagkabzaug on 17th January 2013, 2:27 pm



    Hahahah...! Tij laug Xyooj Tsab,

    Es twb paub tias tsis ua kab ke ces tsis tau mus no ua cas nej ho tsis ua tsuag tsuag rau maj?
    Thiab muab cia cia li ib ob hlis mam coj los ua kev cai es puas quaj los kua muag lawm maj??

    Nyob Fab Kis teb mas lawv txoj cai tsis pub cia nyob tshaj 7 hnub yuav tsum faus. Yog nyob tshaj kuj tau thiab tab sis yuav ua ntaub ntawv nyuaj dua. Tim peb no mas qhov ntau yeej yog pam lub week end lawv qab kiag xwb. Peb tsis cia nyob ntev li.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: KEV TSOB HWB TUS NEEG MOB & npaj lub ntees

    Post  xiongchang on 17th January 2013, 2:58 pm

    .....Aub me muam kooj ziag kab zaug aws...Qhov tseeb tias...Kuv ntsia mas...Tib neeg tuag coob dhau ua...Line...Pam xwb os...Niam tij npuag lwm lis tuag...January 9, 2013...Tas los lawm...Tseem yuav yog...January 25, 2013...mam rho ua kab ke os...Lub as thiv no...Lub tsev txiag...Green wood...Minneapolis...Tseem pam ib tug muam hmoob lisLub as thiv tas no...Tseem pam ib tug hmoob vaj hauv thiab...Nyob ob lub nroog ntxhaib xws li...Saint Paul And Minneapolis...Muaj tsib los rau lub tsev txiag..."Tab sis"...Tib neeg tuag coob ua...Line...Xwb os me muam kooj ziag kab zaug aws.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: KEV TSOB HWB TUS NEEG MOB & npaj lub ntees

    Post  koojziagkabzaug on 24th January 2013, 1:28 pm

    Tij laug Xyooj Tsab,

    Kuv xav thov peb haiv Hmoob txhob ntse ntse ua Dr. tus kheej, yuav tsum mloog Dr. tiag hais thiab sib tshuaj raws li lawv hais es tsis txhob pheej mus mloog tej Dr.Hav Nyom muag tshuaj tim tej los yog mus saib saub. Vim ua rau Peb Hmoob muaj kev puas ntsoog ntau tshaj luag tej li lawm. Thaum kuv pom Peb Hmoob muaj mob ntau thiab siv tej tshuaj tom tej Khw tshav puam, kuv xav tias ntshe cov Dr. Nyob Mes Kav ruam heev no, tab sis thaum kuv hnov lawv hais hauv xov tooj cua, lawv kuj sam tam tag rau qhov hmoob tsis mloog lawv hais, tsis noj tshuaj sib tshuaj raws li lawv qhia. Tuaj thov tsuaj, yuav tshuaj coj mus pov hwm xwb tsis siv. Lawv mus cua Dr. li yog ib tug txiv neeb los yog ib tug neeg daws dab, mus cuag lom pov hwm lawv xwb tsis yog yuav ntseeg nws, noj tshuaj li nws muab thiab qhia. Thaum kuv hnov cov Dr. Hmoob tham tag mas kuv tu siab rau peb haiv Hmoob.

    THAUM TUS KAV XWM TUAJ TXOG.
    Thaum tus kav xwm tuaj txog, cov xyom cuab pom nws tuaj mas lawv yuav tsum mus pe nws zom zaws.
    Lawv pe mas lawv hais li no :
    « Koj tuaj lov ! Koj laj tis ntoj laj tis khiav ov mog ! »
    Txawm tsawg tus pe los lawv puav leej hais tib los zoo li ntawd xwb. Thaum lawv pe thiab lawv hais li ntawd mas Kav xwm yuav tsum mus tuav lawv txhais caj npab tsa lawv sawv thiab hais tias : « Sawv ! sawv ! tsis txhob pe lauj mog ! »



    COB HAUJ LWM RAU COV TUB NCIG.

    Kav xwm tuaj txog, nws so ib pliag thiab Xyom Cuab tos kom ob tug Kav xwm puav leej tuaj txog tas lawm.
    - Xyom Cuab yuav mus nrhiav ib lub me nyuam rooj los txawb rau ntawm tag.
    - Mua bib hwj cawv thiab plaub lub khob tso rau saum rooj.
    - Mua bib los ob lub tog tso rau sab rooj pem toj.
    - Ua li ntawd tas, ces lawv mus ru bob tug Kav xwm los zaum pem toj.
    - Cov Xyom Cuab nrog rau ib tug thawj Xyom Cuab uas paub tab me ntsis los ua tus txiv lus, lawv los sawv nyob sab nram qab rooj.
    - Tus thawj coj cov Xyom Cuab ntawd thiaj li mus hliv cawv rau hauv plaub lub khob ntawd, muab cev rau ob tug Kav xwm. Thaum Kwv Xwm txais cawv tas, mas tus txiv lus ntawd thiaj li hais rau ob tug Kav Xwm li no :

    « Khwv saum ne bob tug Kav Xwm ov mog ! Vim peb Xyom Cuab tsev ploj tsev tuag, tsev puas tsev ntsoog ! Peb tssi pom qab thov dag yuav zog, peb thiaj li tau thov ne bob tug tuaj ua Kav Xwm, nrog peb Xyom Cuab nta dab nta qhua, leg qav leg num !Cuag li yuav luab lim ne bob tug Kav Xwm xwb lauj ! Neb ho ua siab ntev, ua tiag pab peb Xyom Cuab nta dab nta qhua kom ntse log puav tam ncej txawb. Hnub qab nram ntsis, peb Xyom Cuab ua lub neej xws luag ces yuav nco neb tshav ntuj os ! Peb Xyom Cuab ua neej tsis xws luag ces cuag li yuav nrauj neb tshav ntuj lauj mog. »

    Tus thawj Xyom Cuab hais li nov tas ces sawv daws thiaj li ua ib tsaug pe ib pas.
    - Ob tug Kav Xwm ho yuav teb rau lawv zoo li no :
    « Sawv tsis txhob pe lauj mog ! Txawm tias nej Xyom Cuab vam txog wb tuaj nrog nej Xyom Cuab nta dab nta qhua, leg qav leg num los wb cav tsis paub dab tsi thiab ! Qhov twg los yeej yuav vam txog nej Xyom Cuab pab qhuab nrog qhia, nrog xyuas tsam luag kev nzzj kzv tsav tu siab ! »
    - Cov Xyom Cuab pe tas, ces ob tug Kav xwm thiaj mam li haus ob khob cawv uas lawv ce rau nkawd.
    Kav Xwm haus cawv tas, ces Kav Xwm thiaj mam li tig nug cov Xyom Cuab li no :
    « Ua li ned ! Nej cov Xyom Cuab puas tau nrhiav tau tub hauj lwm tej txhij lawm los tsis tau ? Yog nej ho nrhiav tau txhij lawm no los nej ho hais rau wb es wb thiaj li pom qab txib pom qab hu. Hos yog nrhiav tsis tau txhij no los wb mam li ho mus pab nej nrhiav thiab. »
    - Cov Xyom Cuab thiaj teb hais tias :
    « Hais rau neb Ob tug Kav xwm paub ! Tub qav tub num ces peb yeej mus nrhiav tau txhij lawm (muab ib cov npe cuav kom phim raws li lo lus thiaj li zoo hais) Hais rau neb ob tug Kwv Xam paub li no : Txiv Qhuab Ke yog yawg Vam Tuam, Ob tug Txiv Qeej ces yog Tooj Xwm thiab Vam Lis nkawd, ob tug Tshwj Kab ces yog Txam thiab Txhim nkawd, ob tug Tshaj Thawj ces yog Pov thiab Vaj nkawd, ob tug Tshaj Thawj yog Npis thiab Lis nkawd, ob tug siv thawj yog Kub thiab Zam nkawd, Txiv Txiag ces yog yawg Tooj Vam thiab Ntxoov Xwm nkawd, Cuab tsav ces yog yawg Swm Looj, ob tug niam Fam Txam ces yog Ntxawm thiab Mos nkawd, tug kav diav yog Looj, Ob tug niam diaj zeb tuav cos ces yog Paj thiab Mim nkawd , tug Ywj Kab yog Yeeb, Hauv Rog ces yog yawg Paj Tuam, tsav phom yog Neeb, Ywj Kab ces yog Vam Thaiv, Txiv Nkauj ces yog zam Nob. Yam li cov tub qav tub num ces tsuas muaj li no nkaus xwb. Neb ho xyuas mus ntxiv, yog hais tias txaus txib txaus hu lawm los cia li, yog tsis tau txaus los neb ho nrhiav ntxiv rau. Cuag li peb Xyom Cuab yuav tso tas nrho puas tsav yam qav num rau neb leg, neb yeej meem saib yeej meem xyuas mus. Neb saib neb xyuas qhov twg tsis txaus los ho los nug peb Xyom Cuab, qhov twg tsis muaj los peb Xyom Cuab mam pab nrhiav rau, tej kev dab kev qhua tsis paub los peb ho qhia rau. Hos tej nyuag hauj lwm puas tsav yam ces neb txwm kav saib txwm kav xyuas mus ntag no ov mog ! »

    Thaum cov Xyom Cuab hais li nov tag rau Kav xwm ces lawv ho muab dej cawv cob rau Kav xwm, hais rau Kav xwm ntxiv tias :

    « Hais rau ne bob tug Kav xwm ! Dej cawv ces yog cov nov ntag ! Peb muab cob rau neb, yog hais tias dej cawv tsis txaus los neb ho los nug peb Xyom Cuab es mam li fab peem ntxiv rau. »


    Xyom Cuab muab hauj lwm los cob rau Kav xwm tas li no lawm, ces txij ntawd mus yog Kav Xwm yuav los ua tus tsav thawj sawv cev Xyom Cuab nyob hauv lub ntees tuag ntawd.

    Thaum cob hauj lwm tas rau ob tug Kav Xwm lawm ces ob tug Kav Xwm mam li rub cov tub hauj lwm ib feem zuj zus los zaum ntawm rooj.
    Kav Xwm ce cawv rau lawv thiab Kav Xwm kuj ua raws nraim li Xyom Cuab ua rau Kav xwm, tab sis tus Kav Xwm los ua tus Txiv Lus hais, hos cov Xyom Cuab los lawv yuav tsum nyob nrog tus Kav Xwm pe cov tub hauj lwm thiab.
    Thaum Kav Xwm hu ib nkawg los ib tug zuj zus mas nws ce cawv thiab nws hais zoo li no :
    Qhov nov yog mua bob tug Tshwj Kab los ua piv txwv.
    « Khwv saum ne bob tug Tshwj Kab mog ! Ua neb tsaug mog ! Vim luag Xyom Cuab tsev ploj tsev tuag, tsev puas tsev ntsoog ! Lawv tsis pom qab nrhiav dag yuav zog ! Lawv thiab vam txog ne bob tug Tshwj Kab tuaj nrog Xyom Cuab nta dab nta qhua leg qav leg num. Xyom Cuab tsis thov ces yog dev npua zog, Xyom Cuab thov ces yog nyiaj kub zog. Neb tuaj nrog Xyom Cuab leg qav leg num kom cuaj pluaj sib luag yim pluaj sib nte. Ua li mas ne bib tug yuav ua niam, ib tug yuav ua txiv. Yog wb ob tug Kav xwm tso tseg hnub twg mas neb mam tso tseg hnub twg. Peb sawv daws yuav ua siab ntev mus nrog Xyom Cuab leg qav leg num, nta dab nta qhua kom thawm hnub thawm hmo ov mog ! »

    Kav Xwm hais li no tag ces Kav Xwm mam li pe. Ua ke ntawd cov Xyom Cuab kuj ua ib tsaug nrog Kav Xwm pe thiab.
    Thaum lawv pe mas ob tug Tshwj Kab yuav teb tsa lawb li no :
    « Sawv tsis txhob pe lauj mog ! Nej Xyom Cuab txawm vam txog wb tuaj nrog nej nta dab nta qhua, leg qav leg num los wb cav tsis paub dab tsi thiab. Qhov twg wb ho tsis paub los yuav vam nej qhuab qhia. Nej ho yuav tau qhuab yuav tau qhia rau wb thiab ov mog ! »
    Hais li nov tas ces nkawd mam li nyias haus nyias khob cawv.
    Ob tug Kav xwm yuav ua txhua rau cov tub qav tub nu muas muaj npe raws li piav tas los nyob hauv feem 2B.
    Thiab Kav xwm coj cov Xyom Cuab ua raws nraim li qhov muab tshwj kab los ua piv txwv uas tau piav tas los saum toj no, tsuas yog hloov lub npe ntawm tus tub hauj lwm nkaus xwb.
    Thaum Xyom Cuab thiab Kav Xwm cob hauj lwm rau cov tub ncig tas lawm, ces nyias yuav mus leg nyias txoj hauj lwm kom mus txog rau hnub muab tus tuag ntawd coj mus faus.
    Hos cov Xyom Cuab ces lawv tsis muaj hauj lwm dab tsi nyob hauv lawm, lawv tsuas yog cov quaj nyiav thiab ua chaw tuav xam ntawm cov tub qav tub num nkaus xwb.
    Ib puas tsav yam hauj lwm, kab ke thiab dab qhuas mas ywj ntawm ob tug Kav xwm thiab tus Cuab tsav ua tus coj tas nrho tib si.
    Thaum yuav siv cov Xyom Cuab ua ib yam dab tsi ces kav xwm mam li nqua hu cov Xyom Cuab los ua xwb.





    Last edited by koojziagkabzaug on 25th January 2013, 3:17 pm; edited 2 times in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: KEV TSOB HWB TUS NEEG MOB & npaj lub ntees

    Post  xiongchang on 24th January 2013, 2:22 pm

    ......Awb me muam kooj ziag kab zaug as...Kuv yeej yog...Naim muam tub rog...Los lawm...Kuv yeej ntseeg...Dr...Li xya caum tsib feem pua ntas..."Tab sis"...Ho txhob ntseeg tuag nthi...Yog ntseeg tuag nthi...Yuav raug lawv sim tseev...Yug tug kheej thiab...Kuv twb pom dua los lawm...Qhov tseeb tias...Yug ntse txaus...Yug tug kheej...Txhob ruam li npua...Yam lub tsheb puag tias lawm..."Mam kho"...Yog tsi puag...Txhob kho dog dig...Luag tab tom dawj kom puag ntxiv...Kuv ntseeg...Tej laug lo lug tias...Yog yug txhiaj...Yeej tsi sem...Yog yug tub tias...Yeej tsi tuag...Tsi yog...Yug txhiaj...Yeej sem...Tsi tiam los ua...Yug tub...Yeej tuag...Piv txwv li...Kuv tug tub nrab...Siav yeej tu nram tsev...October 26, 2012 5:30 AM...Coj mus cawm ciaj...Pem tsev kho mob:...North Memorial Medical Center...Pw chav:...I.C.U...Rau hnub...Rau hmo...124: 45 Hours...Mam xeev..."Tab sis"...Nyab suav nkawd...Tug phauj tsi nco qab:...December 31, 2012 2:45 PM...Pw chav...I.C.U...To January 9, 2013...9:30 AM...Tas sim neej lawm...Qhov yuav zoo...Yug tsev neeg...Kub siab ntoj neeb...Nthuav yais saib...Txheeb ntsuj hlauv...Seb tim qhov twg?...Yuav tau pab...Cov ntseeg vaj tswv...Yuav tau kub siab...Thov ntuj pab thiab...Ib qho...Ntxiv ib qho...Ces zoo thiab...Txhob kav liam zoo li...Txooj qoob loo...Cog saum pov toj pob ntsaum...Av qhuav nkig nkuav...Cuaj hnub kaum hmo...Tsi tau ib ncos dej nag yug siav...Kawg tuag xwb...Nyab suav nkawd...Tug phauj tej tub nyab...Tsi quav ntsej...Mus zov pem tsev kho mob...Rau siab ntso ua phaib lug zom zawg...Vim nws phem thiab...Muab tij laug...Npuag lwm lis...Laij tawm tev lawm...Vim nws fwm...Nws cov tub heev...Tsi pub tij laug...Npuag lwm lis hais li...Muab tij laug...Npuag lwm lis...Lub thaj neeb tsoo dawj pov tseg tas...Yog muab hais...Tij laug npuag lwm lis...Tu siab tshaj os...Me muam kooj ziag kab zaug.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: KEV TSOB HWB TUS NEEG MOB & npaj lub ntees

    Post  koojziagkabzaug on 25th January 2013, 3:23 pm



    Tij laug,

    Kuv li mas kuv ntseeg Dr.101 feem 100. Vim peb lub teb chaws Fab kis yog lub uas kho mob zoo tshaj ntiaj teb ces peb yeej tso siab lug. Luag tsis muaj qhov muab yus coj mus kawm, coj mus sim tshuaj li. Teb chaws no tau txom nyem ntau zau ua ntu zus los txog niaj hnub no mam li tiaj tus. Neeg tuag lawm ci tub, li ntawd txawm tus muaj tus pluag, tus ruam tus ntse los yog txoj siav neeg lawm mas lawv yeej kho zoo tib yam nkaus, yeej kho kom zoo huv si. Li ntawd peb thiaj ua neej tso siab lug, yog thaum luag kho tsis tau lawm los peb yeej tsis tu siab li.

    KUV SAU COV KAB KE TSOB HWB IB TUG MOS THIAB NPAJ LUB NTEES LOS XAUS LI NO XWB.
    Yog leej twg xav paub ntau dua, mas mus yuav ob phau ntawv kuv hais saud los nyeem thiab kawm, thiaj li yuav meej.

    Ua tsaug rau TP.Nyiaj Pov tau khaws Peb Hmoob txuj tseg.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: KEV TSOB HWB TUS NEEG MOB & npaj lub ntees

    Post  Sponsored content


      Current date/time is 22nd October 2017, 6:48 pm