Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus

    Kev cai mus hu luag ua Neeb

    Share

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Kev cai mus hu luag ua Neeb

    Post  Hmoob ntuj qub qab on 30th April 2010, 4:44 am

    Mus thov neeb feem ntau yog mus lub caij sawv ntxov thiab yuav tsaus ntuj xwb, thaum mus txog yog pom nws tuav rab riam los rab txuas los rab taus los tab tom tawm yuav mus hauj lwm los tab tom muaj lus rau nws tsev neeg los tseem pw los tab tom noj mov los pib rau mov los yog tseem hov riam tam riam ces yus lam mus xwb nws txawm tias koj tuaj dab tsi los yus tias lam tuaj cuav zos xwb los yog tuaj xyuas nej xwb txhob hu neeb txawm hu tuaj kho los tsis zoo.
    Yus mus txog pom nws tab tom sawv tsees saum txaj los, tab tom ntxuav muag, tab tom tuav khaub ruab cheb tsev, los tab tom puag me nyuam ncig los yog tawm plaws hauv tsev tuaj ntsib yus kiag ntawm qhov rooj mas hu kiag xwb tuaj ua neeb kho yeej zoo ntau xwb nawj.
    Thaum mus txog zaum ib pliag nrog nws tham lo puav lus nug kev noj qab nyob zoo tas ntawv mam li hais nws tias : K....... tus N... tsis zoo neej noj tsis qab pw tsis tsaug vim ua li no li no .....mas xav tuaj thov K....... pab mus ua ib thaj neeb saib los yog kho , saib= ua neeb qhuav, Kho = tua tsiaj ntsia qhov twg los tsis muaj leej twg yuav pab tau lawm thov k.... mus pab ua ib thaj neeb saib los yog kho seb tus... no puas yuav kaj puas yuav noj qav paug plab haus dej paug cev.....yog yus xyuas nws nws yuav khoom pab ces yus cia li sawv tsees pe kiag xwb....
    Kev pe yog pe noj qab haus huv ces pe ob pes ua ke hos pe ib siab ob qis ces pe ib pes xwb.
    Thaum pe yus hais li no: auj, k.... khwv koj los mog nkees diam los thov pab mus tuav tseev rau nws seb nyob li lub ntuj nws puas yuav kaj puas yuav tshav ntuj los mog ...pe zaum ib sawv tsees rov hais li no thov khwv qhua nom qhua tswv neeb kwv neeb tij neeb viv neeb ncaus txwv zeej txwv koob peej zeej peeb muas 9 hau neeb nom 8 hau neeb tswv 9000 peeb zeej 78 vam peeb muas thawj neeb thawj qhua cuab koob yooj yim cuab dag rau zog lauj pe kiag zaum ob. tas ces los zaum ib pliag li kom nws Poj niam los tub los ntxhais hlawv xyab rau pem nws thaj ces sau twj neeb rau hauv hnab ces nqa ua ntej los tsev ib chim caij zoo luag li lawv qab tuaj yog nyob ib lub zos hos yog nyob deb ces yus nqa twj neeb thiab kom nws nrog yus ua ke yus muab tsheb thauj nws tuaj kiag xwb.
    Ntawm tus nqi neeb, yog kho ntsuj plig xwb ces yus teeb li cas los tau nyob ntawm yus muaj tsis nug nws los tau, hos yog kho sau vij sub vij sw vij nab vij qav vij dab vij npog sau sub tawg sub ntsha los yog ua neeb sau sub los yog ua neeb nias cua los yog yaws cua ces yuav tau nug nws tias yuav teeb neeb pes tsawg no kiag ov nws tias teeb li cas ces yus teeb li ntawv kiag vim thaj neeb no ua hnyav thiab siv zog heev.
    Ntawm thov nws tuaj hu plig feem ntau zoo li tsis pe hos yog pe los kuj zoo ntawm nyiaj hu plig ntawv muaj kuj muab tsis muaj los tsis ua li cas. tab sis yog muab tsiaj los hu plig no tseg ib daim nqaij rau tus hu plig xwb. hos yog tus pauj yeem ses yuav tau tseg ib ceg tes ntawm tus tsiaj pauj yeem ntawv rau tus pauj yeem nawj.



    tubkawm
    Visitor
    Visitor

    Messages: 6
    Date d'inscription: 2013-09-22

    Re: Kev cai mus hu luag ua Neeb

    Post  tubkawm on 22nd November 2013, 12:19 pm

    Thaum txiv neeb tuaj txog tom yus tsev law. Ua ntej nw yuav ua neeb, yus yuav hais li cas thiab pe li cas os tij laug ?

    koobpovtxuj
    Sponsor
    Sponsor

    Messages: 859
    Date d'inscription: 2010-04-05
    Age: 54
    Localisation: USA

    Re: Kev cai mus hu luag ua Neeb

    Post  koobpovtxuj on 23rd November 2013, 4:46 am

    Nyob USA no ces yooj yim heev lawm yog yus yuav hu leej twg ua neeb ces twb xub hu phone mus rau tus txiv neeb yog nws khoom thiab nws kam ua ces mam li nqa xyab mus ces sau twj neeb los tsev ces txiv neeb nrog yus tuaj ua ke 1 lub tsheb los tau hos nws ho tuaj nws tsheb los tau.Cov coob ces hu xov tooj nrog txiv neeb tham ua ntej ua ntej txiv neeb teem caij tias lwm lub vas xom koj mam tuaj tos kuv no ces txog caij li txiv neeb teem ces yus mam li mus sau twj thiab tos txiv neeb tuaj xwb.Yog cov txiv neeb nyob deb ces yus hu xov tooj mus thov nws xwb txiv neeb nws ua nws neeb nram nws tsev xwb.Yog ho noj lus mloog hais lawm ces mam yuav pib nyooj hoom mus tos txiv neeb tuaj kho xwb.Tej zaum txiv neeb kuj tsis kam tuaj ces yus yuav pib nyooj hoom mus cuag txiv neeb mam li mus thawj thaj kho nram txiv neeb tsev los tau.Hos tej zaum tus txiv neeb tsis kam tuaj yus los kuj tsis muaj caij mus ces cia li xa nyiaj nqe teeb neeb thiab xa nyiaj mus rau txiv neeb yuav npua los yog tsiaj txu ua txiv neeb teem cia ces txiv neeb nws ua nws neeb nram nws tsev kho yus xwb los kuj tau.

      Current date/time is 23rd October 2014, 5:49 pm