Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus

    Kev cai ua tsaug

    Share

    Hmoob ntuj qub qab
    Sponsor
    Sponsor

    Messages: 609
    Date d'inscription: 2010-03-30

    Kev cai ua tsaug

    Post  Hmoob ntuj qub qab on 30th April 2010, 4:47 am

    - Ua tsaug ntees yuav hais li cas?
    - Teb luag cov lus ua tsaug.
    Piv tias, tus dab laug xiam lawm hu tus yawm yij mus ua hauv qhua :
    1. Cov xyom cuab ua yawm yij tsaug ( Xyom cuab hais):
    Yawm yij ... e ua tsaug mog, peb tsev ploj tsev tuag tsev puas tsev ntsoog nws tsis cia li tseem cab yaj cab nco ris dej ris cawv , nqa xyab nqa ntawv, nqa qaib nqa noog, txoom txheej txoom lis nto nyiaj kuv phem nto tshav ntuj nto tuaj pab peb tsev xyoom cuab nta dab nta qhua hnub qab nram lub ntsis yog peb ua lub neej xws hluas ces yuav nco tshav ntuj los mog yog ua neej tsis xws hluas ces yuav nrauj txiaj nrauj ntsig rau tsuag tauj yuav ua nag tshauv nag tshia yaj xwb los mog...
    2. Cov xyom cuab ua yawm yij tsaug (yawm yij hais):
    Dab laug ( los yog tus...) ua tsaug dab tsi os, luag tias ib leeg rooj tag muaj daig zeb lag rooj txuas muaj daig zeb lag nplua yog tias yawm yij ( Los yog...) ua lub neej xws luag ces yuav cab yaj cab nco ris dej ris cawv , nqa xyab nqa ntawv, nqa qaib nqa noog, txoom txheej txoom lis nto nyiaj kuv phem nto tshav ntuj nto tuaj pab nej tsev xyoom cuab nta dab nta qhua los mog , ua lub neej tsis xws luag ces yam pus tsheej yam coj lub qhov muag tuaj saib tuaj xyuas xwb twb pauv tsis tau nej tsev xyom cuab lub kua muag los mog txhob ua tsaug nkim lo tsaug xwb los mog.
    Ua tsaug pe Ntees yog pe ib pes xwb , ob tog pe ib yam tab sis thaum yuav sawv tus ua hauv qhua tuaj muab tes pab txhawb xyom cuab sawv vim luag tau kev txom nyem.
    - Ua tsaug mov
    *Ua tsaug ib pluag mov loj, luag cob ib tug tshiaj rau yus ( luag muag txoj hlua khi npua cob rau yus tes)
    -Tus cob hlua yuav hais li cas?
    -Tus txais hlua yuav hais li cas?
    Piv li hu plig...
    Tus txais hlua hais tias: Tus... ua tsaug mog nws tsis cia li tseem muab ib tug tsiaj tuaj nqee tus ... me ntsuj duab kom los puab cev nqee nws me ntsuj hlauv kom los puab duab yuav nco nws txiaj mus ib txhiab nws ntsig mus ib txhis tsam lwm hnub nws ho muaj chaw siv tsis pom qab muab los siv nawj mog ua nws tsaug ntau nawj mog.
    Tus cob hluas teb tias: Tus... ua tsaug dab tsi os me me xwb yog muaj ces yuav pab tus kom loj zoo saib tuaj nqee tus ... me ntsuj duab kom los puab cev nqee nws me ntsuj hlauv kom los puab duab kom nws noj qav paug plab haus dej paug cev kom nws los nyob ib txhiab tsis muaj mob ib puas tsis muaj nkeeg kom nws los nyob dawb li txhuv huv li dej ntsuab li zoov kom los zaum ciaj nom sawv ciaj tswv kom nws nqaij tooj txhav hlau xwb lauj mog.
    - Noj mov ua tsaug li cas?
    -Teb li cas?
    Piv li ua tsaug tuaj xyuas es luag tua qaib noj ( Tus tuaj xyuas):
    Tus... e ua tsaug mog tuaj saib tuaj xyuas tuaj pom nej sawv daws xwb twb zoo siab kawg li lawm tsis cia li tseem muab kuv (Wb) saib hlob tseem tua qaib pub rau wb noj thiab tsam lwm hnub wb rov dua lawm koj (neb) muaj chaw siv tsis pom qab muab los siv nawj mog.
    Piv li ua tsaug tuaj xyuas es luag tua qaib noj ( Tus tua qaib noj ):
    Tus... e ua tsaug dab tsi os ntev ntev tav no Tus...(neb) mam li tuaj txog ib zaum twb tsis muaj dab tsi coj los rau peb noj ib pluag ua kev zoo siab tsuas yog zaub mov qhuav qhuav xwb txhob ua tsaug nkim lo tsaug xwb los mog .

      Current date/time is 25th April 2014, 1:58 am